البارت التاســــع عشـــر
طرقت مني باب غرفه فاطمه فقالت فاطمه بثبات : اتفضلي
مني.. معلش مكنش قصدي ادايقك بكلامي لا انتي ولا ساره
فاطمه.. حصل خير
مني.. ساره مش تزعلي مني مكنتش اقصد
ساره.. ولا يهمك
مني.. طمنوني عليكوا وعلي جميله اخبارها ايه
فاطمه.. كويسه الحمدلله
مني.. عامله ايه مع جوزها اكيد مش طايقه تعيش معاه
فاطمه.. وليه يعني
مني.. عشان اتجوزت غصب عنها هتحبه ازاي
فاطمه.. لا الحمدلله طلع انسان كويس وجميله مرتاحه معاه
مني.. طب والله كويس عقبالك بقا
فاطمه.. عقبالي ازاي
مني.. قصدي يعني لما كريم يبقي كويس معاكي انا عارفه انكم مش طايقين بعض
فاطمه ـــــــــــــــــــ
ساره.. كريم كويس وهما محتاجين شويه وقت بس مش اكتر
مني.. انا اعرف انه عدو النساء ولا يمكن هيحن
ساره.. مفيش حاجه بعيده عن ربنا وبعدين فاطمه اختي تتحب بسرعه وكريم هيموت فيها وهيحبها
مني بغيظ ؛:مممم بس انا لو منك مكنتش وافقت والي يحصل يحصل
فاطمه.. اه مانتي عارفه بقا بابا لما بيصمم علي حاجه هعمل ايه
مني .. بس انا خايفه عليكي اوي لحياتك تبقي عذاب مع كريم ومتعرفيش تغيريه وانتي كمان شكلك مش طايقه
فاطمه.. ممم لا متخافيش عليا خافي على نفسك انتي يا مني ومعلش مش تفتحي موضوع خاص بيا انا
مني.. الله انتي زعلتي مكنتش اقصد خلاص ياستي على راحتك
فاطمه.. انا ورايا مذاكره كتير هقوم اذاكر وانتي ياساره نامي بقا عشان مش تتعبي
ساره.. ماشي يابطه
مني .. اوك وانا هقوم انام بقا عشان عندي جامعه الصبح
فاطمه.. ماشي
مني.. تصبحو علي خير
فاطمه.. وانتي من اهله
.................................
طرقت هاله باب غرفه اخيها قائله ....
هاله.. احم احم ممكن ادخل
كريم.. ادخلي يا هاله
هاله.. قاعد لوحدك وسرحان كده في ايه ياكيمو
كريم.. لا مش سرحان ولا حاجه
هاله.. هتخبي علي اختك حبيبتك ياكيمو
كريم.. اخبي عليكي ايه يا هاله بس
هاله.. انت متغير ومش كريم الي اعرفه حاسه انك بتفكر كتير ووشك في فرحه وباينه اوي عليك
كريم.. ياسلام وايه الي عرفك بقا
هاله.. عيونك فضحاك ومبينه حالتك
كريم.. احم لا يا شيخه
هاله.. اه وربنا قولي بقا ايه اخبارك مع فاطمه ؟
كريم.. مش عارف يا هاله اليومين الي فاتو والي حصل ده خلاني مش شايف غيرها وخايف عليها وشوفت فيها حاجات مش موجوده في بنات كتير اوي بحس انها طفله كل تصرفتها طفوليه وبريئه اليومين دول انا ضحكت ضحك مضحكتوش من سنين رغم كل الظروف الي فيها ضحكت من قلبي وكنت ببقي عايز اشوفها ديما مش عارف هي عملت فيا ايه
هاله... يبقي حبيتها وحبيتها اوي كمان
كريم بارتباك:: لالا حب ايه يا هاله انا بس حكتلك على الي حصل
هاله.. طالما شاغله بالك كده يبقي حب ياكيمو وخوفك عليها ده حب بس انت الي بتكابر ومش عايز تعترف
كريم.. حب بالسرعه دي ده هما يومين الي عدو !!
هاله.. ربنا قادر يغير كل حاجه في ثانيه مش يومين بس وبعدين انا كنت متوقعه وعارفه انك هتحب فاطمه اوي لانها بجد تستاهل
كريم.. انا مش عارف هي طلعتلي منين منا كنت في حالي
هاله.. متهني بقلبي الخالي ايوه بقا ياكيمو اخيرا هشوفك بتحب وكدهو بقا
كريم.. كدهو ! طب قومي نامي يا هاله تصبحي علي خير
هاله.. ههههه وانت من اهله بقا احلام سعيده ياكيمو
ابتسم كريم لاخته وقال: وانتي من اهله يالولو
أنت تقرأ
أحّببتُ فَاطَمَه (الرجل الغامض بسلامته) بعد التعديل بقلمي / فاطمة حمدي
Romanceظن أن كل النساء صنف واحد ظن أنهن خائنات وأخذها قاعده في حياته أنهن لا يحببن الا أنفسهن فقط والخيانه تجري في دمهن ولكن.. ببرائتها كسرت هذه القاعده ببرائتها حطمت أسوار كبريائه وعشقها رغما عنه فهي خطفت قلبه وأصبحت حبيبته (أحبّبتُ فَاطَمَه) ......
