رتاج ..
من طلعنه ضل تفكيري يمه صح راح اشتاقله بس فرحانه اريد بس اوصل واحجي الأيات بنت خالتي عنه هيه تعرف بيه شگد احبه أيات اكبر مني بسنتين عاقله وذكيه ودائما توجهني وتنصحني اني احبها ارتاحلها حيل هيه اختي واكثر من اخت الي
ضليت اريد اوصل واحجيلها
خليت راسي ع الكرسي وغمضت عيني سويت نفسي نمت بس اني صاحيه يانوم الي يجيني غمضت
وفكري راح لبعيد تخيلت اكبر وبعد شكم سنه اتزوج رامي تخيلته يلبسني الحلقه ويبتسم
تخيلت نفسي فرحانه وياه ومبتسمه شويه وعلي گلي ريتاج شبيج مبتسمه نايمه انتي لو شنوو
ارتبكت گتله ها لا ماكو شي بس تذكرت موقف يضحك بالعرس وي البنات
گلي والله ياالله اليشوفج يگول مخبله ولو انتي باقيلج شويه وتصيرين رسمي ضحكت گتله نييييهاها متضحك ابتسم وضربني على راسي وضحكنه .
رامي ..
من راحوو اشتاقيتلها وهيه يم بابنه بس هالمره مرتاح اي مرتاح وليش ماارتاح اذا بنت گلبي وحبيبتي تعرف بأحساسي ومقتنعه .
گلت رامي الردته عرفته الك فرصه هذي السنين تكون نفسك انت خو ما تبقه هيج انت ليش حبيتها وخليتها ابالك غير الوعد هوه الي خلاك هيج تتصرف بعد ماكوو حجه وعدي العمي انفذه وانفذه بأحسن الشروط لازم اكوون نفسي وبين متكمل دراستها اني مرتب نفسي من كلشي بعد مسؤليتي صارت اكبر
شويه وصاحتني امي رامي رامي ..نعم يمه تعال يمه تعال ابوك واخوانك متجمعين مناوي تتغده .صار يمه جاي .سلمت عليهم وگعدت .ابويه سألني رامي يابه مناوي تخطب حسيت ابوي يلمحلي على ريتاح يمكن باله بقه يمها شافها كبرانه وحليانه وميحب تروح منه او باقي اباله امنية عمي .كتله يابه شتحجي خطوبتيش اني شنوو عندي حته اخطب تعيينات ماكوو الشهاده توكل خبز .صح اني خريج اداره واقتصاد بس هوه وين التعيين .كتله يابه اني بعد ممتوازي اكون نفسي شويه شويه وألله كريم .
گلي براحتك ابويه ردت افرح بيك واذا ناوي اني مااقصر .فدوه العمرك يابه حشاك من القصور بس تعرف بيه اني احب اكون مستقل بهيج امور .حقك رامي انت صح ويوم عن يوم اني افتخر بيك وكلكم انتوو والنعم منكم انت واخوتك ينشد بيكم الضهر .
بس اني ابالي شغله ردتها منك ..گتله اعتبرها مگضيه يابه انت تدلل منوو يگدر يرفضلك طلب .
شفت والدتي اشرتله .گلي غير مره نسولف ملحيت عليه .وگلت اكيد اباله فد موضوع
ام كرار..
ابو كرار عيوني انت حقك بنت اخوك وكلمته وامنيته حابها تتنفذ بس ياعيني غير تعرف رأيي البنيه خو متجبروها تره يتيمه والله ميرضه بالضلم رامي ابني اعرفه هوه عاقل ويعرف يتصرف بس السمعته من اخوتك اذا رامي مرايدها يردون يخطبوها الولدهم ويگولون متطلع من عدنه اي شخص تقبل بيه من ولد عمها
تره هيج شي الله ميرضه بي خلوهم همه يقررون
گلها كلامج صحيح ام كرار .اني بس امنيتي رامي ميضيعها من ايده اني مااجبرها للبنت لا على رامي ولا على غيره واي واحد يفكر يجبرها يلگاني بوجها
يمعوود خلوها تره البنت طفله ليغركم شكلها منا الفد سنتين اكثر الله كريم
الله كريم .
ريتاج
رحت وحجيت الكلشي الأيات واني طايره وهيه فرحتلي وتضحك عليه لج والله سوالف عندج اليشوفج ميگول هاي انتي جنج انتي الممهتمه الكلشي بس دراستج ميعرفون بيج تحبين لج اني اكبر منج ولا ابالي الي على بالج
گتلها اهوو صوجي احجيلج لج غير معتبرتج صندوق اسراري گلتلي فدوه الگلبج والله مستحيل بيوم اخذلج شنوو عندج احجيلي بس خليج هيج انتي ارتاحيتي من هالجانب بينيله حبج بدراستج اهتمي بالدراسه حته يفرح بنتيجتج ويشوفج شلون مهتمه بدروسج گتلها صار تدللون انتي وياه احلى اثنين بحياتي وبوستها واني طايره
صاحتني بيبي رتوج لج ممشتاقه البيبيتج جنج لج اول مره افارگج وحشتج شكبرها شلون بيه لو تزوجتي اذا اني عدله اخليج هنا ماازوجج بعيد
گتلها بيبي انتي روحي من الدنيا واني هاي گعدتي
ماكوو زواج گالت ياساتر ليش ولج ستر البنيه الزواج گتلها والله يابيبي حرت وياج احسن شي ازوجج قبلي وضحكت رفعت عليه عوجيتها وشردت واني خربانه ضحك .
لاگاني علي خيرج شبيج ولج شارده وتضحكين ضحكيني وياج گتله روح اسأل بيبيتك واني خربانه ضحك گلها يمه شبيها هاي المخبله گلتله تروحلك فدوه امك ياگلبها هوه متعود يسميها يمه
هاي اختك المجعومه تريد تعرسلي ضحك گلها تروحلج فدوه رتاج وعشيرتها ولو عرستي منوو الي ضحكت گتلهم صرتوو حزب عليه
جااشوف منوو اليبقه يمكم اني اليوم اسنفر الماما مشتاقه الها والنرجوسه .گلي من ترحين اني اوصلج
العصر صحت علي گتله زتني الماما دخلنه سلم وبوس واخواني وگلها ماما عذريني اروح ادرس گلتله براحتك بعد عيوني
سألتني ع العرس وحجيتلها وگتلها يسلمون بس مجبت سيره رامي ابد وبوست اخواني اشتريتلهم حلويات قبل لااجي وانطيتهم اخواني من امي اموت عليهم وهمه هم يحبوني حسن وحسين وحمزه واختي الصغيره نرجوسه عمرها سنتين اموت عليها
وعموو زوج امي احبه واحترمه وهوه هم حيل يقدرنه .
وگضت هالأيام وذبيت حيلي ع الدراسه گمت اقره واقره واطلع اعفاء اقره مو النفسي اريد نتيجتي تعجب رامي هذا الي ابالي وبس اهم شي رامي تعجبه النتيجه .
رامي .
هالمره علاقتي ابد مگطعتها من علي حسيته شاب وبهيج عمر يحتاج من يصادقه صادقته كلش وصيت اخوتي ولد عمي عليه گتلهم لتخلوه وحده بهيج عمر صادقوه وخلوو التواصل بينكم المسافه مو مهمه اذا الصداقه قووت بزمن كثرت بي وسائل التواصل ماكو شي بعيد .
بقيت على تواصل وياه وصداقه واگضي اوقاتي اتكلم وياه اسأله عن كلشي الا عنها احس نفسي مفضوح وخاف يفهمني غلط واخسر صداقتي صح ماخذ منه وعد بس مو هسه الوكتها الله كريم مهما يكون هيه مو مال زواج هسه ليش افتح عليها وعلى نفسي باب
البنات خواتي بقن على تواصل وياها القريبه الي من خواتي ريم كمت اسألها ريم تكلمين ريتاج گالت اي يوميه نتواصل وشلونها بخير زينه ها ان شاءالله
حكيت مقدمة راسي وردت احجي وبطلت ريم گلتلي رامي اني صح اختك بس انت قريب الي متخلينه نصير اصدقاء اكثر من اخوه وبس وگلي انت ريتاج مخليها ابالك .
گتلها بعد مو وكته هالكلام ريتاج طفله مو وكتها
ريم ..
اني من شفت رامي حسيته رايدها رامي شنوو عاجبه بوحده مو يمه طفله بالنسبه اله البنات صديقاتي واقاربنه مخبلات نفسهن على رامي حته بيهن يصادقني لأن اخته وبس والله لو يدرن اباله وحده طفله مو يمه يضلن يلطمن وضحكت بگلبي
رجعت افكر بس ريتاج ابد ولاجنها تحبه من نجيب موضوعهم تترنفز واحسها تضوج منه حقها هيه من كد مفرضوه عليها اووو اني ليش ادووخ نفسي قابل رامي طفل هوه اعرف بنفسه .
.
رامي
بهدا الوكت اني جنت مرتاح اني شاب وخريج بس احب امور العشائر احب احضر گعدات وافهم شنوو الحجي الينحجي وشنوو الصح وشنوو الغلط الي ن
حاول اتجنبه بالمستقبل عم والدي رجال جبير هوه الشيخ ومن يتوفه الشيخه ترجع الوالدي هوه يصير عم والدي وابوها ال امي يعني جدي واني دائما اكعد بمضيفه اريد اعرف شنوو القوانين والصح نحافض عليه والغلط نحاول نلغيه صح صعبه بس نحاوول هنا والدي بده يعتمد عليه .
اني حاولت الگي تعيين ماكو تعيين اكثر من مره اقدم والنتيحه الفايلات مشمره اكيد يضحكون ع المواطنين اسنين التعب والدراسه تبخرن
بهاي الفتره گلت ممعقوله ابقه هيج لازم اشوفلي تعيين كلمت اصدقائي والدي كلم معارف اله وگلولي اكو تقديم على سوات جهاز مكافحة الأرهاب هنا اني قدمت ع الجهاز وانقبلت بالأختبار وداومت بالمطار صح بعيد الطريق بس دوامي عشره بعشره
طبعا الي داخل تدريبات سوات ومراحل الأختبار يعرف الي اقصده رغم التعب بس تحس نفسك بطل تدريباتهم والتزامهم يقوي الشخصيه اكثر
بدوه الدوام وگمتت اداوم والاجازه اگضيها يم والدي وجدي نگعد بالديوان ونگضيها گعدات ونحل الطلايب بالبدايه اني بس استمع بعدين عرفت كلشي
طبيعتي من احب شي اعرف كلشي عنه بهذي الفتره عرفت شكوو سنينه بسنايين العشاير
وبهاي الفتره كلها وكل اشغالي وكل خطوه اخطيها ريتاج وياي ابالي وبفكري صار اليوم سنتين على اخر لقاء وياها كل مااكبر احس حبها يكبر وياي عشگ الطفوله وعد العمر ..ولامره بهالسنتين اتصلت بيها من خوفي عليها مااريد اشغلها احبها اخلي ريم تحاجيها واكعد يمها اسمع صوتها اسمع ضحكها تصوير العرس مايوم يمر علي اذا مااشغله قبل نومي واشوف محبوبتي وهيه ترگص بس اكيد هسه متغيره سنتين مو شويه هسه تلوموني وتگولون تركتها لا متركتها هيه عايشه بروحي بگلبي بس اني الها اريدها تكبر واريد تعيش طفولتها مااريد افرض عليها الحب کوه جان عندي اهم شي انو هيه عرفت حبي الها هسه عمرها بعد شهرين وتصير ١٦اي شهرين ضبط اتذكر ميلادها وابد ميروح من بالي شلون يروح واني طفل حفرت ميلادها على حافة بيبان البيت كل حافه خشب ابيتنه محفور بيها يوم ميلادها وحرفي وحرفها .
اكيد هيه هم تفكر بيه مثل ماافكر بيها ريم تعرف بيه رايدها بس
ولانفر غيرها بالبيت يعرف .
ريتاج..
أني هسه رابع علمي بالمدرسه حيل شاطره ومراهنه ع الأعفاء علي اخويه يدرس سادس علمي وحيل ذكي وشاطر هوه هم يدرسني علي دائما يتواصل وي بيت عموو وولد اعمامي كلهم واني البنات يتواصلن وياي ريم ورسل وعمه رنا حبيبتي يوميه تتطمن علينه مهند صار صديقي علاقتي بي مثل علاقتي وي علي احبهم صح بعيدين بس روحي يمهم عمامي روحي من الدنيا وخوالي همه اهلي خالي يموت علينه وخالو الاصغر بغير محافضه ومن يجي ميخلي شي ميجيبه الي يشتريلي هواي العاب يمكن بعده اباله اني طفله اني مرتاحه الكل يحبوني مرات احس نفسي محضوضه اگول اكو ابائهم عايشه وميحسون احساسي مدلليني ومريحيني والكل ينطيني حنانه وهم مرات ومواقف تصير ابجي وحدي بفراشي ليش محسيت بحنان الأب مرات اطلع صوور والدي واحس نفسي مشتاقتله واني مااعرف شكله لو ماالصور مرات احسه عايش وياي والدي الي اشووف امي الهسه من نجيب سيرته تبجي امي الي رجلها دللها ومعيشها عيشه حلوه ميوم نست والدي ابد
كل هذا احساسي وحياتي ورامي ميفارگ فكري اسمع اخباره من علي صدفه اسأل عن الكل الا هوه استحي احس نفسي مفضوحه مرات من اتكلم وي مهند يسولف ويجيب سيرته لو يكلي رامي التحق لو يگلي اليوم نزل أتخيله بزي سوات اتخيل شكله ارسمله صوره ابالي صوره ولا احلى الصوور
كل ماارد اگله دزلي صوره الرامي استحي رغم اني اخبصهم خبص اريد صوره العموو العمتي اريد صور كرار اريد صور حيدوري ابن كرار حيدوري فدوه يخبل اموت عليه ودلي اگرطه الكل اطلب صورهم الا هوه استحي احس من اطلب كلهم ينتبهولي اي رامي حبك بگلبي قفلت عليه سنين بس اني وصندوق اسراري أيات أيات تعرف كل مشاعري
فد يوم دخل ابو كرار
السلام عليكم وعليكم السلام هلا بيك ابو كرار عيوني الله يگويك
گوه حيلج ام كرار
تعالي وراي عندي موضوع وياج
گول ابو كرار خو ماكو شي
سلامتج گلبي بس اليوم عمار فاجأني بموضوع
واريد نتشاور بي قبل جية رامي من الدوام تعرفين هوه بعد الأجازته يومين .
فدوه العينك احجي مو قلقتني رامي شنوو علاقته خو ماعليه شي الله عليك احجي بس مكانه خطر والله گلبي فرفح
يامره شبيج اصبري خل اكمل .اليوم عمار اجه يريد يخطب ريتاج لمحمد ابنه وأني مگدرت أنطي اي جواب گتله بكيف البنيه بس اني حجاية المرحوم ضلت بگلبي ليش ميتزوجها رامي بت عمه وين يلكه منها وهاي جانت امنية المرحوم
والله يارجال مااعرف شگلك رامي جنه مو خالي جنه اباله وحده كل مااجيبه سيرة ريتاج يسد الموضوع واني من هسه أگلك الله يشهد رايدتها ويوم عيد الي تصير ابيتي اعزها المعزت ابوها بس اني علمودها
خاف تنضلم وياه اذا ميريدها ليش ندمر حياتها هوه ابوها هم ميقبلها
والله حجايتج صحيحه بس مابيهم زلمه حوك مثل رامي يحافض عليها محمد شجابه الرامي كفشته وزنجيله خاف انوب يتعبها هذا
والله محد يستاهلها غير رامي
بس اذا انتي تگولين يسد الموضوع وميريدها اگل العمار يتوكل والبنيه بكيفها ماطول خشمي يشم الهوه الي يجبرهم على شي احسب الله ماخلقه
الله كريم يارجال عمار هم عاقل مااتعقد يجبرها
ريم .
سمعت الحجي من امي واني شطت يربي شلون اگلهم اخاف من رامي واذا انتضره يجي خاف السالفه تطلع من ايده وبعد ميلحگ عليهم
ريناج تستاهل واحد مثل رامي حبابه وطيوبه وعاقله ورامي رجال يعتمد عليه سبع عمامي ابوي كلها تعتمد عليه والكل من اقاربنه يتمنون ياشر على وحده وينطوها اله بدون نقاش
يجي من الدوام ويحل طلايب وي جدي الي هوه عم والدي وابو امي ذيج الأجازه الي اجه قرر جدي يلبسه زي العشائر جماغ وعگال وعباه هيبه شكله يخبل الكل يشووفه هيبه وماجنه عمره ٢٦ابوي عمامي يحسبوله الف حساب يحترموه يقدروه
شلون اگلهم هوه يحبها الريتاج شلون أگلهم يگعد
يمي ويطلب اتصل بيها بس حته يسمع صوتها شلون أكلهم اليل كله يطلع المقاطع والصور الي بعرس كرار ومينام الا يعيدههن اكثر من مره بس حته يشوف محبوبته .
بذاك اليوم اني حسبه تجيبني وحسبه توديني يارب
اريدك تهديني للحل الصحيح اخاف اخابره خاف يسويله مشكله وهوه بعيد وبس اشلع گلبه اخاف اسكت واغلط غلطة عمري وتروح من ايد اخوي الي محد بغلاته عندي هذا حلم عمره شلون يضيع منه محمد منين طلع بهالسالفه شجاب ريتاج اله وخطبها
أخر شي قررت أجس نبض ريتاج حته اعرف اتصرف
ريتاج
خابرتني العصر ريم بنت عمي
هلوو ريومه حبي شلونج بخير رتوجه اسأل عنج
انتي شلونج
الحمدلله تمام
ريتاج اريدج بموضوع بس بيني وبينج
احجي حياتي
ها مااعرف شگلج ريتاج والله اني مخبوصه
يمعوده نطقي شبيج صكج العباس ماتحجين ولج مو طگت مرارتي شبيج اليوم تمتمين
لج السانج فلك طرج اكلتيني شبيج راح احجي
يلا اسمع
أگلج اذا خطبناج ال رامي توافقين اريد اي لو لا
مو تلفين وتدورين عليه
لا مااوافق
ها ليش ولج شبي رامي مابي حبي ارد ادرس
يلا باي باي
ريتاج
خلصنه اتصال اني طرت اكيد ريم متتكلم وحدها اكيد احد ملمحلها يايمه صخنت اني انخطب ال رامي فدوه لحروف اسمه شلون مااوافق غير اجيكم بطياره هههه گبر اي ولله گبر جا ليش گتلها لا اي صح غير ارد أدرس شنو مو وكته هوه اذا يحبني ينتضرني اكيد ينتضرني .
ريم .
من جاوبتني هالجواب حيل ضجت مو منها هيه بكيفها محد يجبرها بس ضجت على رامي الي عايش بحلم رامي الي يگعد ويگوم وهيه اباله شلون اگله هسه لازم اوصله خبر
اتصلت مره مرتين ميرد الثالثه انطاني رفض
اهوو رامي الخاطر الله جاوب مو كت الرفض مالتك
بعد ساعه كلشي يروح من ايدك .
اتصلت مره ثالثه ماكوو جواب
دزيتله رساله
رامي عندي موضوع وياك كلش مهم بالنسبه الك
جاوبني ع السريع
وللحكايه بقيه