أحببتك منذ الصغر

٨

كرار
طبعا بيومها اني حيل مزعوج وحجي مرتي يرن براسي ضلت تلغي براسي الضهريه كلها محد مقدرك بالبيت الكل يقدر رامي اكثر منك شحال لو ماانت الجبير وليش متلزم الشغل بدل والدك بينله نفسك شنوو دوم مگابلني كلت راسي كد مانگت ضجت من كلامها حيل يمكن لأن شفت بي الحقيقه كل اعتماد الحجي على رامي ولا يوم عبرني وگلي محتاجك بشغله .
حته امي متنطي بيه ابد بس لهفتها غير الرامي
بفترة اجازة رامي امي تحير شتسويله
مو اضوج منه اخوي اني احبه بس حاولت اصير مثله مااكدر شكد ردت اجذب اهتمامهم عنه مااگدر الموضوع عبر اهلي وضلوو عمامي وجدي واخوالي الكل يصيح رامي رامي .
يمكن السبب بيه هوه مجامل ويحب يخالط ويحب گعدة الكبار يحب يسمع سوالف الماضي اني مو مثله
هيج شغلات ماتهمني الناس تتقدم وهوه يرجع ليوره الطريق اليمشي بيه مايعجبني بس والله مو اضوج منه يجوز احسده ع النعمه الهوه بيها المحبه نعمه ميحس بيها الا الفقدها
بيوم الأجه اني ضايج واعترف تعمدت اغثه
ردته يوگع بالخطأ حته لو يضربني بس حته اصغره بعين والدي اعرفه عصبي وميتحمل بس ماادري شلون تمالك اعصابه .
من خلصت العركه ضجت وحسيت نفسي مكروه حته اني كرهت نفسي .
دخلني مهند وگلي كرار راجع نفسك تره حيل غثيته انت يعني هوه جاي وصاير نار انت ليش تزود الطين بله ياخويه باس راسي وگلي انت اخونه الجبير وغصبا علينه نحترمك هذا راسك ابوسه وامسحها بلحيتي وعوف رامي اليوم باجر اني اشوفه واحاجيه

من ارتاحيت لمت نفسي مالمت رامي هوه موضوعه وحد واني جلبت بي مثل الرايدها گوه .

دخلت سرور وگالت هسه انت هذا ال الله گدرك عليه
گتلها انلصمي حجايه مااريد منج
ضلت تنگ من جديد اي انت گادر عليه ابوي مايگدر بس على امي امده حضي المصخم اخذت الجبير وهلله هالله تاليها الجبير رجل كرسي بهالبيت
من سمعت حجيها بحرگتي ضربتها وگعتها راجدي وگعت ع الجربايه ولزمتها من شعرها حيل
گتلها سرور انتي شنو التردين توصليله بسببج اني واخوي تعاركنه لو ماانتي ماكله راسي ماتلگيت اخوي هالملگه غضب الله على راسج انوب اسمج سرور
شنوو السرور البيج
خذت المخده وگتلها راح انطمر صوت مااسمع منج خليت المخده على راسي ونمت.

سرور ..
اني زوجة ابنهم الجبير الكل محترميني صح بس اريدلي مكانه اكبر رامي محط انضار البيت كله مو بس البيت حته عائلتهم مو بعيده يتزوج بعد يومين تصير مرته هي الكل بالكل المره وره رجلها شمايكون قوي مكانتها تقوه بالبيت رجلي مااله دور بكلشي حته للشغل وي ابوو ميطلع گاعد بالبيت ومصرفنه ع ابوه رامي يداوم وراتبه خير من الله الله اليعلم شضام من فلوس وشيريد يسوي
ومهند ابد ميگعد يشتغل وي ابوو بالمكتب واذا ابو ميحتاجه يروح وي عمامه يشتغل بالسوگ محلات جبيره هوه مگابلني وگاعد شحجت الطوبه وشگال ريال وخسرت برشلونه وهذا الفالح بيه طگت روحي منه
صح اني حاجيته وگتله شوف الروحك جاره
بس مو قصدي اگله تعاركوو لا ردته يغار ويحاول يشوف نفسه ويفكر بينه
كل العوائل الأعتماد ع الأبن الأكبر شمعنه هوه عطال بطال وفوگاها ضارب الدنيا جلاق ميهتم بأي شي