#Mariam
كلهم مشيو و انا روحت قعدت ع الكرسى الى جمب مصطفى و مسكت ايدة ف هو سحبها تانى !
انا : مصطفى هو فى حاجه ؟
مصطفى : لا مفيش ي مريم
انا : طيب .. كنت واحشنى اوى علفكرة
مصطفى سكت شويه وفضل باصصلى بصه غريبه .. ؟
مصطفى : مريم انا مش عايز ابقا عبء عليكي
انا : ايه ي مصطفى دة ؟ متقولش كدة
مصطفى : مريم زى ما سمعتى .. انسى اى حاجه قولتها
انا : انسى !! . .
مصطفى : مريم متعذبينيش انا والله مش ناقص
انا : ي مصطفى انا بحبك .. انت متعرفش انا كنت عامله ازاى و انت ف المستشفى ، انا مهما حصل عمرى ما هبطل احبك او ابعد عنك و شيل اى فكرة من دول من دماغك .. عشان انا بحبك بجد
مصطفى : مريم عشان خاطري .. انا خلاص بقيت م..
انا قاطعتو: مصطفى متقولش كدة
مصطفى : دى الحقيقه .. احنا زمايل ي مريم من دلوقتى و للابد هنبقا صحاب .. وبس
انا دمعت لقيت مصطفى غمض عينه ودمعه نزلت من عينه هو كمان فضلنا ساكتين لحد ما عرفت ان قاعدتى ملهاش لازمه .. مصطفى انا بالنسبه ليه زميله .. عايزنى ابقا صاحبته و للابد كمان
قمت خدت شنطتى و نزلت وقفت تاكسى وروحت .. طلعت دخلت اوضتى اترميت ع السرير حضنت المخدة وفضلت اعيط
#Amina
روحت من عند مصطفى لقيت كرم قاعد هو وحسين بيلعبو بلاى ستيشن .. دخلت سلمت عليهم وقعدت معاهم
كرم : انا هنزل اجيب عشاء .. مش هتاخر
انا : طيب !
فضلت قاعدة بصه للسقف
حسين : بتعرفى تلعبى ولا هتفضلى بصه للسقف كدة كتير
انا : ايه ..ل.لا بصراحه مش بعرف
حسين : تعالى جمبى اعلمك
انا : طيب !!
قمت نزلت جمبه ع الارض وهو ادانى دراع وقعد يعمل حاجات كدة وبعدين لقيت مرة واحدة قرب منى ف انا اتنفضت ف هو ضحك وقالى متخافيش .. !
مسك ايدى ورعشه مشيت ف جسمى كنت عايزة اقوم واسيبو .. كنت متوترة اوى اول مرة يبقا ولد قريب منى اوى كدة و يمسك ايدى
فضل يتكلم و يقولى دة بيرفع ودة بيباصى وكلام غريب كدة بس فهمت يعنى ..
#Hussin
كانت بصه ع الدراع وانا كنت بفهمها .. شعرها كان نازل على دراعى للحظه ركزت ف عنيها ورموشها الى شكلها مش طبيعى 😍! هى ازاى حلوة كدة
بحركه لا اراديه رجعت شعرها وراء ودنها عشان كان مغطى عينها وفضلت باصص ف عنيها وهى كانت بصالى ومبرقه ..
لقيت الباب اتفتح ف نزلت ايدى من على وشها بسرعه ومسكت الدراع وهى مازالت مبرقه
كرم دخل حط الاكل ع السفرة و هى قامت دخلت اوضتها من غير ما تكلم ..
#Farah
طلعت الشنط و الشقه محتاجه توضيب قد كدة .. رص العفش و شيل حاجات كتير كدة
طلعت للبس من الشنطه ولميت شعرى ف كحكه وشمرت الكم و شغلت اغانى و اتقلبت نحله ف الشقه لقيت الباب خبط ف روحت فتحت ..
لقيت رمضان .. Shit ☺ انا حاليا شكلى يقرف الكلب
انا نفضت نفسى بسرعه
انا :رمضاان ☺
رمضان : امك الى بعتانى اساعدك اما نشوف اخرتها
انا بصتلو من فوق لتحت : يا شيخ
رمضان : لو مش عايزة هروح .. ياة ريحتينى باى ☺
انا : استنى بس
رمضان : ايه
انا : فى حاجات مش قادرة اشيلها تقيله اوى
رمضان : تعالى ياختى
خليتو يشيل حاجات قد كدة و مرة واحدة لقيتو قلع الشيميز وبقا Shirt less قدامى
رمضان : مش عارف اتحرك
انا : ماشى
افتكرت روان ف فضلت اضحك وبعدين خدت بالى ان رمضان باصص عليا و عامل كدة 😕
رمضان : من يوم ما شوفتك و انا بقول هبله
انا : هههه خفه ☺
رمضان : رخمه
قعدنا نزق الانتريه و بعدين دخلت مليت مايه ورمضان كان واقف ف عملت من بنها وقمت دلقاها جامد وبنطلون رمضان اتبل .. الله عليا 🌚
خلصنا كل حاجه وف الاخر اترميت انا ورمضان على سرير اوضتى بما انها كانت اخر حاجه عملناة وبصينا لبعض وضحكنا على شكلنا
#Rawan
اتخانقت مع ماما ☺ و مع بابا ☺ و مع قمر اختى ☺ .. وبما ان محدش طايقنى ف البيت دلوقتى ف دخلت للبست و خدت الهاند فرى والموبايل ونزلت اتمشى شويه ..
سندت على سور الكورنيش والجو كان حلو اوى .. كان شعرى عمال يطير لقيت فلاش ضرب فيا من الجنب ف بصيت لقيت ولد واقف وهو الى صورنى بس كان بعيد شويه عنى .. اتخضيت ولقيتو بيقرب نحيتى
الولد : ا.انا اسف بس مقدرتش امنع نفسى مصوركيش شكلك كان حلو .. انا اسف بردو بس يعنى ا.ا
انا ضحكت : على فكرة انا مش مضايقه
بس هاخد منك الصورة وبعدين امسحها
الولد ضحك : ماشى
سكتنا وبصينا لبعض وبعدين هو قعد يلخبط ف الكلام كدة وبعدين سكت وضحك وبعد عنى شويه و وقف
انا : لو عايز تقف معايا انا موافقه علفكرة 😂
الولد ضحك وقرب منى شويه : شكرا
انا : شكرا على ايه
الولد : مش عارف 😂
انا : انت اسمك ايه
رامي : اسمى رامي .. وانتى ؟
انا : روان
رامي : حلو روان .. ف سنه كام بقا ؟
انا : ف 3 ثانوى وانت
رامي : زيك بردو
انا ضحكت: تسمع فيروز معايا
هز راسو ف قلعت سماعه وادتهالك وشغلت انا لحبيبي ❤
رامي : شكلك بتحبيها
انا : لا مش اوى بس انا لو ف اى وقت وقفت قدام بحر او حته هاديه لازم اسمعها
هز راسو ورجعنا باصينا للنيل تانى وصوت فيروز بقا 💛
رامى : ممكن نبقا صحاب
انا : لا 😂 ... اة طبعا صحاب
رامى : انا اسف لو هضايقك بس م.مك..
انا : رقمي حاضر 😂 هات موبايلك
ضحك جامد وبعدين طلع موبايلو وسجلتو وادتهوله تانى
رامى : هبقا اكلمك
انا : وانا هستناك
رامى ضحكلى : الوقت اتاخر .. ممكن انا الى اروحك ؟
انا : موافقه بس انا بيتى قريب مش عايزة اتعبك
رامى : يلا ي بت
انا : خدت عليا اوى 😂
#Ramy
فضلنا ماشيين لحد ما وقفنا قدام بيت كدة وقالتلى دة بيتها .. سلمت عليا وبعدين طلعت ..
عجبتنى جراءتها اووى ❤ ..
مشيت وفضلت افكر فيها .. عينها وجمالها وطريقه كلامها حبيتهم اوى
#Amina
الصبح طلع ف قمت دخلت الحمام .. منا منمتش طول الليل .. كنت مضايقه ومخنوقه اووى من حسين دة
انا عمرى ما حصل معايا موقف كدة !
للبست و حضرت شنطتى و للبست الكوتشى و نزلت .. ركبت الباص وقعدت لقيت روان جت جمبى وحضنتنى
روان : مينوزتييي 💃❤
انا : صباح الخير
روان : صباح النور .. بقولك
انا : انا عرفه ان الدخله دى وراها حاجه
روان : انتى ظلمانى ليه 💔
انا : ارغى 😂
روان : احمم .. بصى ي ستي امبارح قبلت ولد واتكلمنا وخد رقمى و امبارح ي بنتى منمتش طول الليل كنت عماله افكر فيه .. مش عرفه حسه انى معجبه بيه .. اول مرة احس ب كدة اصلا انا اتعاملت مع ولاد كتير اوى وصاحبت كتير بس دة من اول ما شفتو وحسيت بحاجه .. ايه هى بقا معرفش😂
كل دة وانا بصالها وعامله كدة 😕 وناقص بقا يجيبولنا صرصور الحقل يعمل الصوت بتاعه دة 😂
روان : لا مش هحكى تانى ☺
انا : بصى ي بنتى انتى كلميه عادى يعنى اما يكلمك الموضوع عادى
روان فضلت بصالى شويه : مالك ي امينه
انا : مالى ؟
روان : متلفيش ودورى ☺
انا : مضايقه اوى ي روان 😩
روان : فى ايه ؟؟
انا حكتلها على حسين دة والى حصل امبارح وهى فضلت تضحك زى البقرة
انا : ي روان بطلى ضحك بقا انتى متعرفيش انا مضايقه ازاى
روان : انتى عرفه انا لو مكانك كان زمانى متجوزاة دلوقتى حد يبقا عندة ف البيت لعيب كورة الاهلى وميخرجش من اوضته 😂
انا : عادى يعنى على فكرة انا مش بهتم بالحاجات دى .. ماهو انسان زينا
روان : صح عندك حق .. بصى ي ستي من الى بتحكيه دة ف احب اقولك انو معجب بيكى 🚬
انا : بجد ؟
روان : طبعا
انا : مش عرفه بقا .. بس هفضل مضايقه
لقيت هبه وريناد جم وقفو عندى انا وروان
ريناد وهبه : هى مريم مجتش ليه ؟
روان : ااة صحيح ما امها فكت الحظر
انا : استنو هتصل بيها
اتصلنا لقيت موبايلها مغلق .. يا ترى فى ايه ي مريم
----------
يارب يكون عجبكوو 💕
رايكوو !! .. القصه دي هيبقا فيها مفاجاءت بس مش كلها نكد تمام ✋
انا خلصت كتابتها و عايزة شويه تشجيع عشان انزل عشان مفيش فوت خالص !!
15VOTE&15COMMENT