الجزء السابع :
حسيت براحة اكثر من تهنيت من عصام السويدي بشوية بشوية بديت كنحس براسي بدات كترجع فيا الروح ،حيث هاد مراد و عصام هوما لتعداو عليا بزاف و لكن هادشي مكيعنيش بلي غادي نسامح الثلاثة لبقاو حيث حتا هوما تعداو عليا ، خاصني نزرب عليهم واحد مورا ثاني قبل ميردو لبال لصحابهم لماتو و قبل متبدا شرطة و الدرك التحقيقات، جوج مشاو و بقاو 3 و ثالث فيهم سميتو "سمير الفاطمي" هو أكبر شماتة فيهم ماشي راجل ،الشخصية ديالو ضعيفة بزاف كيعاملوه بحال شي كلب ديالهم ملي كانو حابسيني فالدار كانو كيغوتو عليه و كيخرج يجري يتسخر ليهم و يجيب ليهم الشراب او أي حاجة كيطلبوها كيجيبها ، هاد الضعف ديالو قدامهم كانو كيخرجو فيا انا و كيتكرفص عليا بعنف كيبغي يبين راسو راجل عليا غير أنا.
مراد قاليا فالتسجيل بلي مكيعرفش فين ساكن بالضبط و لكن عندو رقم تيليفونو و خديتو ليه من تيليفون ،اتصلت بسمير مع 10 ديال الصباح.
سمير: آلو شكون معايا!
أنا : صباح الخير سمير انا صاحبة مراد الجديدة قاليك مراد نتلاقاو مع الغذا فالغابة لفي الدخلة ديال تمارة انتسناوك انا و مراد و صاحبتي صافي؟
سمير: راني اتصلت بمراد لبارح و مجاوبنيش دوزيه ليا اختي عافاك!!
أنا: خسر ليه تيليفون داكشي علاش وصاني نقوليك هادشي، راه يالاه تفارق معايا!! حتا لعشية و اتشوفو.
سمير: صافي اختي حتا لعشية و نتلاقاو.
وجدت قرعة ليصانص و رشاشة فيها لانكول و لبست شي لباس معيق شوية مزير ،و ماكياج بزاف و بدلت شكل ديال شعري و نظاظر ضروري، حيث بغيت يشوفني ميعرفنيش.
مشيت كنتسنا حدا الغابة و هو يجي بطوموبيل اتصلت بيه و قرب حدايا ،سلمم وبقا كيشوف فيا شبه عليا قاليا شفتك من قبل فشي بلاصة ياك؟؟ زربت عليه بالهدرة بدلت صوتي و جاوبتو بطريقة فشكل بحال بنات الليل : عطا الله البلايص لكنسهر فيهم!! كتمشي لكلوب ياسمين؟ بدا كيضحك كنقول فخاطري : هاديك البنت لتشبهت ليك معاها لكانت كتقرا صيدلة و كتلبس حوايج مستورين و صاية نازلة راه ماتت.
سولني : و فين هو هذاك المسخوط ديال مراد فين طونوبيلتو؟ قلت ليه راه غير مشا مع صاحبتي يتقداو شراب و غادي يرجعو و خلاوني هنا باش نساينك دابا يرجعو، ساين نعيط لصاحبتي دوزت رقم واحد البنت و بديت كنقوليها: و سربيو اصاحبتي و قولي لمراد رجعو راه كنتسناوكم انا و سمير و قطعت.
سمير غير كيضحك بحال شي شماتة قالت ليه اندخلو شوية للغابة بطوموبيل و نتسناوهم ،دخلنا و انا ننزل من طوموبيل و درت لجهة شرجم ديالو بدا كيشوف فيا و كيضحك و قال: مالك ازين؟ رشيتو بلانكول فوجهو و قلت ليه بجهد: أنا هي البنت لتكرفصتو عليها عقلتي عليا دابااااا؟ بدا كيمسح فوجهو بيديه و كيسب و يغوت و بغا يحل باب يخرج معرفش و انا بلوكيت باب من الخارج و انا نخوي عليه قرعة ليصانص كاملة و حرقت ورقة رميتها عليه.
بدا كيتحرق و كيغوت بجهد ،كتبت فزاج لور (3/5) و انا نهرب مشيت بعيد و بان ليا كيتحرق و خرج من طوموبيل كيتقلب فتراب حتا طفا عافية عليه وجاو جوج رجال كانو كيديرو رياضة بداو كيطفيو طوموبيل،شوية جات الاسعاف و رجال الإطفاء معرفتش واش مات و لا لا!!! و انا نمشي بحالي.
الدرك و الشرطة و الشرطة العلمية بداو تحقيقات فالجرائم .......
#بنت_وزان
#كلكم_ظلمتوني