ﻓﻲ ﺍﻟﻤﻄﻌﻢ ﺍﻟﻤﻠﺤﻖ ﺑﺎﻟﻘﺮﻳﺔ ﺍﻟﺴﻴﺎﺣﻴﺔ ،،،
ﺍﻧﺘﻬﺖ ﻋﺎﺋﻠﺔ ﺻﻼﺡ ﺍﻟﺪﺳﻮﻗﻲ ﻣﻦ ﺗﻨﺎﻭﻝ ﺍﻟﻄﻌﺎﻡ ، ﻧﻬﺾ ﺻﻼﺡ ﻣﻦ ﻣﻜﺎﻧﻪ ﻟﻴﺘﻮﺟﻪ ﺇﻟﻰ ﺍﻟﻤﺮﺣﺎﺽ ، ﻭﻫﻨﺎﻙ ﺗﻔﺎﺟﻲﺀ ﺑﻮﺟﻮﺩ ﺃﺧﺮ ﻣﻦ ﻛﺎﻥ ﻳﺘﻮﻗﻊ ﺃﻥ ﻳﻠﻘﺎﻩ ﻓﻲ ﺍﻟﻘﺮﻳﺔ ..
- ﺻﻼﺡ ﺑﺼﺪﻣﺔ : ﻋـ .. ﻋﻼﺀ !
- ﻋﻼﺀ : ﺍﺯﻳﻚ ﻳﺎ ﺍﺳﺘﺎﺫ ﺻﻼﺡ ؟ ﻛﻮﻳﺲ ﺍﻥ ﺣﻀﺮﺗﻚ ﻟﺴﻪ ﻓﺎﻛﺮﻧﻲ
- ﺻﻼﺡ ﻭﺍﻟﺪﻫﺸﺔ ﺗﻌﺘﺮﻳﻪ : ﺍﻧﺖ .. ﺍﻧﺖ ﺑﺘﻌﻤﻞ ﺍﻳﻪ ﻫﻨﺎ ؟
- ﻋﻼﺀ : ﺃﻧﺎ ﺑﺸﺘﻐﻞ ﻫﻨﺎ ﻓﻲ ﺍﻟﻘﺮﻳﺔ
- ﺻﻼﺡ ﺑﺎﺳﺘﻐﺮﺍﺏ : ﺍﻳﻪ ؟؟ ﺑﺘﺸﺘﻐﻞ ﻫﻨﺎ ؟؟
- ﻋﻼﺀ : ﺃﻩ ﻣﺎﺳﻚ ﺍﻟﺤﺴﺎﺑﺎﺕ ﻫﻨﺎ
- ﺻﻼﺡ ﺑﻀﻴﻖ : ﻭﻟﻴﻚ ﻋﻴﻦ ﺗﻘﻒ ﻭﺗﻜﻠﻤﻨﻲ ﺑﻌﺪ ﺍﻟﻠﻲ ﺣﺼﻞ ﻭﻋﻤﻠﺘﻪ ﻓﻲ ﺑﻨﺘﻲ
ﻛﺎﻥ ﺻﻼﺡ ﻋﻠﻰ ﻭﺷﻚ ﺍﻻﻋﺘﺪﺍﺀ ﺑﺎﻟﻀﺮﺏ ﻋﻠﻰ ﻋﻼﺀ ، ﻭﻟﻜﻦ ﺗﺼﺪﻯ ﻟﻪ ﻋﻼﺀ ﻭﺣﺎﻭﻝ ﺗﻔﺎﺩﻱ ﺿﺮﺑﺎﺗﻪ ﻭﺗﻬﺪﺋﺘﻪ ﻭ ...
- ﻋﻼﺀ : ﺍﺳﻤﻌﻨﻲ ﺑﺲ ﻳﺎ ﺍﺳﺘﺎﺫ ﺻﻼﺡ
- ﺻﻼﺡ : ﺍﺳﻤﻊ ﻣﻨﻚ ﺍﻳﻪ ؟؟ ﺍﻧﺖ ﻓﺎﻛﺮﻧﻲ ﻫﺎﺳﻴﺒﻚ .. ﺩﻩ ﺍﻧﺎ ﻛﻨﺖ ﻣﺴﺘﻨﻲ ﺍﻟﻔﺮﺻﺔ ﺍﻟﻠﻲ ﺃﻋﺮﻓﻚ ﻓﻴﻬﺎ ﻣﻘﺎﻣﻚ ﻭﺃﺧﺪ ﺣﻖ ﺑﻨﺘﻲ ﻣﻨﻚ ﻳﺎ ﺟﺒﺎﻥ ﻳﺎ ﻛﻠﺐ !
- ﻋﻼﺀ : ﺍﻫﺪﻯ ﺑﺲ ﻭﺍﺳﻤﻌﻨﻲ
- ﺻﻼﺡ : ﺃﻧﺎ ﻣﺶ ﻫﺎﻫﺪﻯ ﺇﻻ ﻟﻤﺎ ﺃﻭﻟﻊ ﻓﻴﻚ ﻳﺎ ﻧﺠﺲ
- ﻋﻼﺀ : ﻣﻦ ﻓﻀﻠﻚ ﺑﺲ .. ﺍﺭﺟﻮﻙ
ﺣﺎﻭﻝ ﻋﻼﺀ ﺑﻜﻞ ﻗﻮﺓ ﺃﻥ ﻳﻤﺴﻚ ﻳﺪﻱ ﺻﻼﺡ ﻭﻳﻤﻨﻌﻪ ﻣﻦ ﺍﻻﻗﺘﺮﺍﺏ ﻣﻨﻪ ، ﻭﺭﻏﻢ ﻫﺬﺍ ﺍﺳﺘﻄﺎﻉ ﺻﻼﺡ ﺃﻥ ﻳﻠﻜﻤﻪ ﻭﻳﻠﻜﺰﻩ
- ﺻﻼﺡ : ﻣﻔﻜﺮ ﺍﻥ ﻋﻤﻠﺘﻚ ﺩﻱ ﺃﻧﺎ ﻧﺴﻴﺘﻬﺎ ، ﻷ ﺍﻧﺖ ﺑﺘﺤﻠﻢ .. ﺩﻩ ﺍﻧﺎ ﺍﻟﻠﻲ ﺣﺎﺷﻨﻲ ﻋﻨﻚ ﺑﻨﺘﻲ ﻭﺃﻣﻬﺎ ، ﺑﺲ ﻣﺶ ﺳﺎﻳﺒﻚ ﺑﺮﺿﻮﻩ ، ﻻﺯﻡ ﺍﺧﺪ ﺣﻘﻲ ﻣﻨﻚ
- ﻋﻼﺀ ﻭﻫﻮ ﻳﻜﺒﻠﻪ : ﺣﻀﺮﺗﻚ ﻣﺶ ﻣﺤﺘﺎﺝ ﺗﺎﺧﺪﻩ، ﺭﺑﻨﺎ ﺧﺪﻟﻚ ﺣﻖ ﻧﺪﻯ ﻣﻨﻲ
- ﺻﻼﺡ ﻭﻫﻮ ﻳﻘﺎﻭﻣﻪ : ﻫﻪ ، ﺁﺁﺁﻱ .. ﺍﻭﻋﻰ
- ﻋﻼﺀ ﻣﻮﺿﺤﺎً : ﺍﻧﺎ ﺍﺗﻌﺮﺿﺖ ﻟﺤﺎﺩﺛﺔ ﺳﺮﻗﺔ ﻭﺍﺿﺮﺑﺖ ﺑﺎﻟﻤﻄﻮﺍﺓ ، ﻭﻓﻀﻠﺖ ﻣﺮﻣﻲ ﻓﻲ ﺍﻟﺸﺎﺭﻉ ﺯﻱ ﻛﻼﺏ ﺍﻟﺴﻜﻚ ﻣﺎﻟﻴﺶ ﻣﺘﻮﻯ ، ﻟﺤﺪ ﻣﺎ ﺣﺪ ﺍﺑﻦ ﺣﻼﻝ ﻟﺤﻘﻨﻲ ، ﻭﺭﻗﺪﺕ ﻓﻲ ﺍﻟﻤﺴﺘﺸﻔﻰ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ
- ﺻﻼﺡ ﻭﻫﻮ ﻳﻤﻂ ﺷﻔﺘﻴﻪ : ﻣﻢ .. ﺗﺴﺘﺎﻫﻞ ، ﺍﻳﺎﻛﺶ ﻛﺎﻥ ﺧﻠﺺ ﻋﻠﻴﻚ
- ﻋﻼﺀ ﺑﺒﺮﻭﺩ : ﺣﻘﻚ ﺗﻘﻮﻝ ﺍﻛﺘﺮ ﻣﻦ ﻛﺪﻩ ، ﺑﺲ ﺃﻧﺎ ﺑﻌﺪﻫﺎ ﺍﻋﺪﺕ ﻓﻲ ﺍﻟﺒﻴﺖ ﻓﺘﺮﺓ ، ﻭﻧﻘﻠﺖ ﺷﻐﻠﻲ ﻻﺳﻜﻨﺪﺭﻳﺔ ، ﻭﺍﺷﺘﻐﻠﺖ ﺃﺧﺮ ﺍﻟﻨﻬﺎﺭ ﻓﻲ ﻛﺎﻡ ﻗﺮﻳﺔ ﺳﻴﺎﺣﻴﺔ ﻟﺤﺪ ﻣﺎ ﺁﺁﺁ ...
- ﺻﻼﺡ ﻣﻘﺎﻃﻌﺎً : ﺃﻧﺎ ﻣﺶ ﻋﺎﻭﺯ ﺃﺳﻤﻊ ﻗﺼﺔ ﺣﻴﺎﺗﻚ ، ﺍﻳﺎﻛﺶ ﺗﻮﻟﻊ ﺣﺘﻰ ، ﺍﻧﺖ ﺍﺻﻼ ﻣﻌﻤﻠﺘﺶ ﺍﻋﺘﺒﺎﺭ ﻻ ﻟﻴﺎ ﻭﻻ ﻟﺤﺮﻣﺔ ﺍﻟﺒﻴﺖ ﺍﻟﻠﻲ ﺍﻧﺖ ﺩﺧﻠﺘﻪ !!!!..
...........................
ﻓﻲ ﺍﻟﻤﻄﻌﻢ ،،،
ﺍﻧﺘﻬﻰ ﻓﻬﻤﻲ ﻣﻦ ﺗﻨﺎﻭﻝ ﺍﻟﻄﻌﺎﻡ ، ﻓﺎﺳﺘﺄﺫﻥ ﻟﻴﺬﻫﺐ ﺇﻟﻰ ﺍﻟﻤﺮﺣﺎﺽ ﻟﻴﻐﺴﻞ ﻳﺪﻳﻪ ، ﺑﻴﻨﻤﺎ ﻇﻞ ﻣﺮﻭﺍﻥ ﻣﻊ ﻭﺍﻟﺪﺗﻪ ﺍﻟﺴﻴﺪﺓ ﺃﺣﻼﻡ ﻭ ..
- ﻓﻬﻤﻲ ﻭﻫﻮ ﻳﻤﺴﺢ ﻓﻤﻪ ﺑﻤﻨﺪﻳﻞ ﺍﻟﻄﻌﺎﻡ : ﺍﻟﺤﻤﺪﻟﻠﻪ ، ﺃﻧﺎ ﺷﻌﺒﺖ
- ﺃﺣﻼﻡ ﻭﻫﻲ ﻧﺎﻇﺮﺓ ﺇﻟﻴﻪ : ﺩﻩ ﺍﻧﺖ ﻟﺴﻪ ﻣﺨﻠﺼﺘﺶ ﺣﺎﺟﺔ
- ﻓﻬﻤﻲ ﻭﻗﺪ ﻧﻬﺾ : ﻷﻷ .. ﻛﻔﺎﻳﺔ ﻛﺪﻩ ، ﺃﻧﺎ ﻫﺎﻗﻮﻡ ﺃﻏﺴﻞ ﺍﻳﺪﻱ ﻭﺃﺭﺟﻊ
- ﺃﺣﻼﻡ : ﺍﻭﻙ .. ﻛﻤﻞ ﺃﻛﻠﻚ ﻳﺎ ﻣﺮﻭﺍﻥ
- ﻣﺮﻭﺍﻥ : ﺣﺎﺿﺮ
ﺗﺄﻛﺪ ﻣﺮﻭﺍﻥ ﻣﻦ ﺍﻧﺼﺮﺍﻑ ﻭﺍﻟﺪﻩ ، ﺛﻢ ﺍﺳﺘﺄﺫﻥ ﻭﺍﻟﺪﺗﻪ ﻟﻜﻲ ﻳﺴﻠﻢ ﻋﻠﻰ ﻧﻴﺮﺓ ﻭﻋﺎﺋﻠﺘﻬﺎ ﻭ ..
- ﻣﺮﻭﺍﻥ ﻭﻗﺪ ﻧﻬﺾ ﻋﻦ ﻣﻜﺎﻧﻪ : ﻣﻌﻠﺶ ﻳﺎ ﻣﺎﻣﺎ ﻫﺎﺭﻭﺡ ﺃﺳﻠﻢ ﻋﻠﻰ ﻧﻴﺮﺓ ﻭﻋﻴﻠﺘﻬﺎ
- ﺃﺣﻼﻡ ﻣﺒﺘﺴﻤﺔ : ﻣﻤﻢ .. ﻣﺎﺷﻲ ﻳﺎ ﺣﺒﻴﺒﻲ ، ﺑﺲ ﻣﺘﺘﺄﺧﺮﺵ
- ﻣﺮﻭﺍﻥ ﺑﻔﺮﺣﺔ : ﻉ ﻃﻮﻝ ﻳﺎ ﻣﺎﻣﺎ
- ﺃﺣﻼﻡ : ﺭﺑﻨﺎ ﻳﺴﻌﺪﻙ ﻳﺎ ﻣﺎﺭﻭﻭﻭ
ﺗﻮﺟﻪ ﻣﺮﻭﺍﻥ ﺇﻟﻰ ﺍﻟﻄﺎﻭﻟﺔ ﺍﻟﺘﻲ ﺗﺠﻠﺲ ﻋﻠﻴﻬﺎ ﻋﺎﺋﻠﺔ ﻧﻴﺮﺓ ﻭﻫﻮ ﻭﺍﺛﻖ ﺍﻟﺨﻄﻰ ، ﻭﻗﻒ ﺃﻣﺎﻡ ﺍﻟﺴﻴﺪﺓ ﺯﻳﻨﺐ ﺛﻢ ﺑﺪﺃ ﺑﺎﻟﺮﺗﺤﺎﺏ ﺑﻬﺎ ، ﻛﺎﻧﺖ ﻧﻴﺮﺓ ﻣﻨﺸﻐﻠﺔ ﺑﺘﻨﺎﻭﻝ ﺍﻟﺠﻤﺒﺮﻱ ﺍﻟﺬﻱ ﻃﻠﺒﺘﻪ ﻓﻠﻢ ﺗﻌﺮﻩ ﺍﻻﻧﺘﺒﺎﻩ ﻭ ..
- ﻣﺮﻭﺍﻥ ﺑﺼﻮﺕ ﺩﺍﻓﻲﺀ : ﺳﻼﻣﻮ ﻋﻠﻴﻜﻢ ﻳﺎ ﻣﺪﺍﻡ ﺯﻳﻨﺐ
- ﺯﻳﻨﺐ ﻭﻫﻲ ﺗﻨﻈﺮ ﺇﻟﻴﻪ : ﻭﻋﻠﻴﻜﻢ ﺍﻟﺴﻼﻡ ..
- ﻣﺮﻭﺍﻥ : ﺍﺯﻱ ﺣﻀﺮﺗﻚ
- ﺯﻳﻨﺐ : ﺍﻟﺤﻤﺪﻟﻠﻪ ﺑﺨﻴﺮ
- ﻣﺮﻭﺍﻥ : ﻳﺴﺘﺎﻫﻞ ﺍﻟﺤﻤﺪ ، ﻭﺍﺯﻱ ﺍﻻﺳﺘﺎﺫ ﺻﻼﺡ ؟؟
- ﺯﻳﻨﺐ : ﺑﺨﻴﺮ ﻳﺎ ﺑﻨﻲ
- ﻓﺎﻃﻴﻤﺎ : ﺍﺯﻳﻚ ﻳﺎ ﻣﺮﻭﺍﻥ
- ﻣﺮﻭﺍﻥ : ﺗﻤﺎﻡ ﻳﺎ ﻃﻤﻄﻢ
- ﺯﻳﻨﺐ : ﺍﻧﺖ ﻟﺴﻪ ﺑﺘﻨﺎﺩﻳﻬﺎ ﻃﻤﻄﻢ ، ﺩﻩ ﺍﺣﻨﺎ ﺑﻘﺎﻟﻨﺎ ﺯﻣﻦ ﺑﻨﻘﻮﻟﻬﺎ ﺗﻮﺗﺎ
- ﻣﺮﻭﺍﻥ ﻣﺒﺘﺴﻤﺎً : ﻷ ﺍﻧﺎ ﻟﺴﻪ
- ﻓﺎﻃﻴﻤﺎ : ﻣﺮﻭﺍﻥ ﺍﻟﻮﺣﻴﺪ ﺍﻟﻠﻲ ﺃﻧﺎ ﻋﻤﻼﻟﻪ ﺍﺳﺘﺜﻨﺎﺀ
- ﻣﺮﻭﺍﻥ : ﺗﺴﻠﻤﻴﻠﻲ ﻳﺎ ﻃﻤﻄﻢ ..
ﻇﻠﺖ ﻧﻴﺮﺓ ﺻﺎﻣﺘﺔ ﻻ ﺗﺘﻔﻮﻩ ﺑﺸﻲﺀ ، ﻓﻘﻂ ﺗﻜﺘﻔﻲ ﺑﺎﻟﻨﻈﺮ ﺇﻟﻰ ﻃﻌﺎﻣﻬﺎ ﻭﺗﺘﻨﺎﻭﻟﻪ ﺩﻭﻥ ﺃﻱ ﺍﻛﺘﺮﺍﺙ ﻟﻤﺮﻭﺍﻥ ، ﻣﻤﺎ ﺟﻌﻠﻪ ﻳﺘﻮﺟﻪ ﺑﺎﻟﺤﺪﻳﺚ ﻟﻬﺎ ﻭ ..
- ﻣﺮﻭﺍﻥ ﻭﻫﻮ ﻳﺘﻨﺤﻨﺢ : ﺍﺣﻢ ... ﺁﺁﺁ ... ﺍﺯﻳﻚ ﻳﺎ ﺁﻧﺴﺔ ﻧﻴﺮﺓ
- ﻧﻴﺮﺓ ﻭﻫﻲ ﺗﻤﻂ ﺷﻔﺘﻴﻬﺎ : ﻫﻪ
- ﻣﺮﻭﺍﻥ : ﻭﺍﺿﺢ ﺍﻧﻚ ﻣﺸﻐﻮﻟﺔ ﻓﻲ ﺍﻷﻛﻞ
- ﻓﺎﻃﻴﻤﺎ ﻣﺘﺪﺧﻠﺔ ﻓﻲ ﺍﻟﺤﻮﺍﺭ : ﺃﺻﻞ ﻧﻴﺮﺓ ﺑﺘﻤﻮﺕ ﻓﻲ ﺍﻟﺠﻤﺒﺮﻱ ، ﺑﺘﻌﺸﻘﻪ ، ﻓﺎﺳﺘﺤﺎﻟﺔ ﺣﺎﺟﺔ ﺗﺸﻐﻠﻬﺎ ﻋﻨﻪ
- ﺯﻳﻨﺐ : ﻫﻬﻬﻬﻬﻬﻬﻬﻬﻬﻪ ﺻﺤﻴﺢ
- ﻣﺮﻭﺍﻥ : ﻷ ﻣﺎﻫﻮ ﺑﺎﻳﻦ ﺍﻫﻮﻭ
ﻭﻓﺠــﺄﺓ ﺗﻮﻗﻒ ﻧﻴﺮﺓ ﻋﻦ ﺗﻨﺎﻭﻝ ﺍﻟﻄﻌﺎﻡ ، ﻭﺗﺮﻛﺖ ﻣﺎ ﻓﻲ ﻳﺪﻫﺎ ، ﻭﻓﺘﺤﺖ ﻓﻤﻬﺎ ﻭﻛﺄﻧﻬﺎ ﺗﻮﺩ ﻗﻮﻝ ﺷﻲﺀ ﻣﺎ ، ﻭﻟﻜﻦ ﻻ ﺗﺴﺘﻄﻴﻊ ، ﺃﻣﺴﻜﺖ ﻧﻴﺮﺓ ﺑﻴﺪ ﺃﺧﺘﻬﺎ ﻓﺎﻃﻴﻤﺎ ﺍﻟﺠﺎﻟﺴﺔ ﺑﺠﻮﺍﺭﻫﺎ ، ﻓﺎﺳﺘﻐﺮﺑﺖ ﻓﺎﻃﻴﻤﺎ ﻟﺘﻠﻚ ﺍﻟﺤﺮﻛﺔ ، ﻭﻧﻈﺮﺕ ﺇﻟﻴﻬﺎ ﻓﺎﻃﻴﻤﺎ ﺑﺎﺳﺘﻐﺮﺍﺏ ..
- ﻧﻴﺮﺓ ﺑﻨﻈﺮﺍﺕ ﺟﺎﺣﻈﺔ ﻭﻓﻢ ﻣﻔﺘﻮﺡ : ﺁﺁ ........
- ﻓﺎﻃﻴﻤﺎ : ﻓﻲ ﺍﻳﻪ ﻳﺎ ﻧﺎﺭﻭﻭﻭ
- ﻧﻴﺮﺓ ﻭﻫﻲ ﺗﻘﺒﺾ ﻋﻠﻰ ﻳﺪ ﺍﺧﺘﻬﺎ ﺑﻘﻮﺓ : ﺁﺁﺁ ..... ﺁﺁ
- ﻓﺎﻃﻴﻤﺎ : ﻓﻲ ﺍﻳﻪ ﻣﺎﻟﻚ ؟؟ ﻋﺎﻭﺯﺓ ﺍﻳﻪ ؟؟؟
ﻻﺣﻈﺖ ﺯﻳﻨﺐ ﻭﺟﻮﺩ ﻣﺸﻜﻠﺔ ﻣﻊ ﻧﻴﺮﺓ ﺍﺑﻨﺘﻬﺎ ، ﻭﻛﺬﻟﻚ ﻣﺮﻭﺍﻥ .. ﺣﺎﻭﻟﺖ ﺯﻳﻨﺐ ﺃﻥ ﺗﻔﻬﻢ ﻣﻦ ﺍﺑﻨﺘﻬﺎ ﻣﺎ ﺍﻟﺬﻱ ﺗﻌﺎﻧﻴﻪ ﻭ ...
- ﺯﻳﻨﺐ : ﻣﺎﻟﻚ ﻳﺎ ﻧﻴﺮﺓ ؟؟؟ ﻋﺎﻭﺯﺓ ﺍﻳﻪ ؟؟ ﻣﺎ ﺗﻜﻠﻤﻲ ﻳﺎ ﺑﺖ ؟؟
- ﻓﺎﻃﻴﻤﺎ : ﻓﻲ ﺣﺎﺟﺔ ﻭﺟﻌﺎﻛﻲ
- ﻣﺮﻭﺍﻥ ﺑﻘﻠﻖ : ﻧﻴﺮﺓ ﺍﻧﺘﻲ ﻛﻮﻳﺴﺔ ؟؟
- ﻧﻴﺮﺓ ﻭﻫﻲ ﺗﻜﺎﺩ ﺗﺨﺘﻨﻖ : ﺁﺁ .......
....................................
ﻓﻲ ﺍﻟﻤﺮﺣﺎﺽ ﺍﻟﻤﻠﺤﻖ ﺑﺎﻟﻤﻄﻌﻢ ،،،،
ﺩﻟﻒ ﻓﻬﻤﻲ ﺇﻟﻰ ﺩﺍﺧﻞ ﺍﻟﻤﺮﺣﺎﺽ ﻟﻴﺘﻔﺎﺟﻲﺀ ﺑﻮﺟﻮﺩ ﺻﻼﺡ ﻭﻣﻌﻪ ﺷﺨﺺ ﻣﺎ ﺑﺎﻟﺪﺍﺧﻞ ﻳﺘﺸﺎﺟﺮﺍﻥ ﺳﻮﻳﺎ ، ﻭﻭﺟﺪ ﻋﻼﺀ ﻣﻤﺴﻜﺎً ﺑﺼﻼﺡ ﻭﻳﺤﺎﻭﻝ ﺗﻘﻴﻴﺪ ﺣﺮﻛﺘﻪ ، ﻓﺘﺪﺧﻞ ﻋﻠﻰ ﺍﻟﻔﻮﺭ ﻭ ..
- ﻓﻬﻤﻲ : ﺍﻟﻠﻪ ! ﺍﻳﻪ ﺩﻩ
- ﻋﻼﺀ ﺑﻐﻴﻆ : ﻳﺎ ﺍﺳﺘﺎﺫ ﺻﻼﺡ ، ﺍﻫﺪﻯ ﺑﻘﻰ
- ﺻﻼﺡ ﺑﺤﺪﺓ : ﺳﻴﺒﻨﻲ ﻳﺎ ﺑﻦ ﺍﻟـ **** ، ﺩﻩ ﺍﻧﺎ ﻫﺎﻃﻠﻊ ﻣـ *******
- ﻓﻬﻤﻲ ﺑﻘﻠﻖ : ﺍﺳﺘﺎﺫ ﺻﻼﺡ ، ﺧﻠﻲ ﺑﺎﻟﻚ
ﺗﺪﺧﻞ ﻓﻬﻤﻲ ﻓﻲ ﺍﻟﻤﺸﺎﺟﺮﺓ ﻭﺣﺎﻭﻝ ﺗﺤﺮﻳﺮ ﺻﻼﺡ ﻣﻦ ﻗﺒﻀﺔ ﻋﻼﺀ ﺍﻟﺬﻱ ﺑﺮﺭ ﻣﻮﻗﻔﻪ ﺑﺎﻧﻪ ﻛﺎﻥ ﻳﺪﺍﻓﻊ ﻋﻦ ﻧﻔﺴﻪ ﻭ ...
- ﻓﻬﻤﻲ ﻭﻫﻮ ﻳﺪﻓﻌﻪ : ﺍﻧﺖ ﺍﺗﺠﻨﻨﺖ ﻳﺎ ﺍﺥ ﺃﻧﺖ ، ﻓﻴﻦ ﺍﻟـ security ﺍﻟﻠﻲ ﻫﻨﺎ
- ﻋﻼﺀ ﻭﻫﻮ ﻳﺘﺮﺍﺟﻊ ﻟﻠﺨﻠﻒ : ﻳﺎ ﺣﻀﺮﺕ ﻣﺤﺼﻠﺶ ﺣﺎﺟﺔ ، ﺃﻧﺎ .. ﺃﻧﺎ ﺑﺲ
- ﺻﻼﺡ ﻣﻘﺎﻃﻌﺎً : ﺍﻧﺎ ﻣﺶ ﻫﺎﺳﻜﺖ ﻋﻨﻚ ﻳﺎ ﺟﺒﺎﻥ
- ﻋﻼﺀ : ﻭﺍﻟﻠﻪ ﺃﻧﺎ ﻏﺮﺿﻲ ﻛﺎﻥ ﺷﺮﻳﻒ ، ﺃﻧﺎ .. ﺃﻧﺎ ﻛﻨﺖ ﻋﺎﻭﺯ ﺍﻋﺘﺬﺭﻟﻚ ﻋﻦ ﺍﻟﻠﻲ ﺣﺼﻞ ﺯﻣﺎﻥ
- ﻓﻬﻤﻲ : ﺍﻣﺸﻲ ﻣﻦ ﻫﻨﺎ
- ﺻﻼﺡ : ﻭﺍﻋﺘﺬﺍﺭﻙ ﻣﺶ ﻣﻘﺒﻮﻝ ، ﺃﻧﺎ ﻣﻤﻜﻦ ﺃﺳﺎﻣﺢ ﻓﻲ ﺃﻱ ﺣﺎﺟﺔ ﺇﻻ ﺍﻟﻠﻲ ﻳﻤﺲ ﻋﺮﺽ ﺑﻨﺎﺗﻲ
ﺍﻧﺼﺮﻑ ﻋﻼﺀ ﻣﻦ ﺍﻟﻤﺮﺣﺎﺽ ﻭﻫﻮ ﻳﺘﻌﻬﺪ ﺑــ ...
- ﻋﻼﺀ ﻭﻫﻮ ﻳﺘﺠﻪ ﻟﻠﺨﺎﺭﺝ : ﺑﺲ ﺃﻧﺎ ﻣﺼﻤﻢ ﺍﻧﻲ ﺃﻋﺘﺬﺭ ﻟﺒﻨﺖ ﺣﻀﺮﺗﻚ ، ﻭﻣﺶ ﻫﺘﻨﺎﺯﻝ ﻋﻦ ﺍﻧﻲ ﺍﻋﻤﻞ ﺩﻩ !
.................................
ﻓﻲ ﺍﻟﻤﻄﻌﻢ ،،،،
ﺗﺮﻛﺖ ﻧﻴﺮﺓ ﻳﺪ ﺃﺧﺘﻬﺎ ﻓﺎﻃﻴﻤﺎ ، ﺛﻢ ﺑﺪﺃﺕ ﻓﻲ ﻭﺿﻊ ﻛﻠﺘﺎ ﻳﺪﻳﻬﺎ ﺗﻠﻘﺎﺋﻴﺎً ﺣﻮﻝ ﺭﻗﺒﺘﻬﺎ ﻭﻛﺄﻧﻬﺎ ﺗﺨﻨﻖ ﻧﻔﺴﻬﺎ ...
( ﻋﻼﻣﺔ ﺍﻻﺧﺘﻨﺎﻕ ﺍﻟﺪﻭﻟﻴﺔ ﻫﻲ ﻭﺿﻊ ﻛﻠﺘﺎ ﺍﻟﻴﺪﻳﻦ ﺣﻮﻝ ﺍﻟﺮﻗﺒﺔ ، ﻭﻛﺄﻧﻚ ﺗﺨﻨﻖ ﻧﻔﺴﻚ ﺑﻨﻔﺴﻚ ﻟﻜﻲ ﺗﺠﺬﺏ ﺍﻻﻧﺘﺒﺎﻩ ﻟﻤﻦ ﻫﻢ ﻣﺘﻮﺍﺟﺪﻳﻦ ﺣﻮﻟﻚ ﺑﺄﻧﻚ ﺗﺨﺘﻨﻖ )
- ﻧﻴﺮﺓ ﻭﻟﻮﻧﻬﺎ ﺃﺻﺒﺢ ﺷﺎﺣﺒﺎً : ﺁﺁﺁ ...
- ﻓﺎﻃﻴﻤﺎ : ﻃﺐ ﻓﻬﻤﻴﻨﻲ ﻓﻲ ﺍﻳﻪ ؟؟؟
- ﺯﻳﻨﺐ : ﻣﺎﻟﻚ ﻳﺎ ﺑﺖ ؟؟ ﻣﺎ ﺗﺮﺩﻱ ﻋﻠﻴﻨﺎ ؟؟؟
ﺑﺪﺃ ﻭﺟﻪ ﻧﻴﺮﺓ ﻓﻲ ﺍﻟﺸﺤﻮﺏ ، ﻭﺷﻔﺘﻴﻬﺎ ﻓﻲ ﺍﻻﺯﺭﻗﺎﻕ ، ﺃﺩﺭﻙ ﻣﺮﻭﺍﻥ ﺑﺎﻟﻔﻌﻞ ﺃﻥ ﻧﻴﺮﺓ ﺗﺨﺘﻨﻖ ، ﻓﺪﺍﺭ ﺣﻮﻝ ﺍﻟﻄﺎﻭﻟﺔ ﺑﺴﺮﻋﺔ ﻓﺎﺋﻘﺔ ﺛﻢ ﺍﺗﺠﻪ ﻟﻤﻘﻌﺪﻫﺎ ، ﻭﺟﺬﺑﻬﺎ ﺑﺴﺮﻋﺔ ﻣﻦ ﻋﻠﻴﻪ ..
- ﻣﺮﻭﺍﻥ ﺑﺮﻋﺐ : ﻧﻴـــﺮﺓ ! ﺩﻱ .. ﺩﻱ ﺑﺘﺘﺨﻨﻖ
ﻭﻗﻒ ﻣﺮﻭﺍﻥ ﺧﻠﻒ ﻧﻴﺮﺓ ﺑﻌﺪ ﺃﻥ ﺟﺬﺑﻬﺎ ﻣﻦ ﻣﻘﻌﺪﻫﺎ ، ﺛﻢ ﻭﺿﻊ ﻗﺪﻣﻪ ﺍﻟﻴﻤﻨﻲ ﺑﻴﻦ ﺭﺟﻠﻴﻬﺎ ، ﻭﻭﺿﻊ ﻗﺪﻣﻪ ﺍﻟﻴﺴﺮﻯ ﻟﻠﺨﻠﻒ ﻭﺛﺒﺘﻬﺎ ﺟﻴﺪﺍً .. ﻗﺎﻡ ﺑﻠﻒ ﺃﺣﺪ ﺫﺭﺍﻋﻴﻪ ﺣﻮﻟﻬﺎ ﺑﻌﺪ ﺃﻥ ﻛﻮﺭ ﻗﺒﻀﺔ ﻳﺪﻩ ﻭﻭﺿﻌﻬﺎ ﻓﻮﻕ ﺳﺮﺓ ﺑﻄﻨﻬﺎ ﺑﻤﺴﺎﻓﺔ ﺑﺴﻴﻄﺔ ، ﺛﻢ ﻭﺿﻊ ﻛﻒ ﻳﺪﻩ ﺍﻷﺧﺮ ﻋﻠﻰ ﻗﺒﻀﺘﻪ ﺍﻟﻤﺘﻜﻮﺭﺓ ﻭﺃﺣﻜﻢ ﻗﺒﻀﺘﻪ ﺟﻴﺪﺍً ، ﻭﺑﺪﺃ ﻓﻲ ﺗﺤﺮﻳﻚ ﻛﻠﺘﺎ ﻗﺒﻀﺘﻲ ﻳﺪﻩ ﺑﻘﻮﺓ ﺇﻟﻰ ﺩﺍﺧﻞ ﻣﻌﺪﺗﻬﺎ ﻣﻊ ﺭﻓﻌﻬﻤﺎ ﻗﻠﻴﻼً ﻷﻋﻠﻰ ، ﻭﻇﻞ ﻳﻀﻐﻂ ﻫﻜﺬﺍ ﻋﺪﺓ ﻣﺮﺍﺕ ﻣﺘﺘﺎﻟﻴﺔ ...
ﺗﻤﻠﻚ ﺍﻟﺮﻋﺐ ﻛﻼً ﻣﻦ ﺯﻳﻨﺐ ﻭﻓﺎﻃﻴﻤﺎ ﺣﻴﻨﻤﺎ ﺃﺩﺭﻛﺘﺎ ﺃﺧﻴﺮﺍ ﺃﻥ ﻧﻴﺮﺓ ﺗﺨﺘﻨﻖ ، ﻇﻠﺖ ﺯﻳﻨﺐ ﺗﺪﻋﻮ ﺍﻟﻠﻪ ﺃﻥ ﻳﻨﻘﺬ ﺍﺑﻨﺘﻬﺎ ، ﺑﻴﻨﻤﺎ ﺑﺪﺃﺕ ﺍﻟﺪﻣﻮﻉ ﺗﺘﺮﻗﻖ ﻓﻲ ﻋﻴﻨﻲ ﻓﺎﻃﻴﻤﺎ ﻭ ...
- ﺯﻳﻨﺐ ﺑﻠﻬﻔﺔ : ﺑﻨﺘﻲ ، ﺣﺪ ﻳﻠﺤﻖ ﺑﻨﺘﻲ ، ﻳﺎﺍﺍ ﺭﺏ ﻧﺠﻴﻬﺎ
- ﻓﺎﻃﻴﻤﺎ ﻭﺍﻟﻌﺒﺮﺍﺕ ﺗﺘﺮﻗﺮﻕ ﺑﻬﺎ : ﻧﺎﺭﻭﻭﻭ
.......................
ﻟﻤﺤﺖ ﺃﺣﻼﻡ ﻣﻦ ﺑﻌﻴﺪ ﻣﺎ ﻳﺤﺪﺙ ﺃﻣﺎﻡ ﻃﺎﻭﻟﺔ ﻋﺎﺋﻠﺔ ﺻﻼﺡ ﺍﻟﺪﺳﻮﻗﻲ ، ﻓﻨﻬﻀﺖ ﻣﻦ ﻣﻜﺎﻧﻬﺎ ﻣﺴﺮﻋﺔ ﻭﺗﻮﺟﻬﺖ ﺇﻟﻴﻬﻢ ﻭ ...
- ﺃﺣﻼﻡ ﺑﻘﻠﻖ : ﻳﺎ ﺳﺎﺗﺮ ﻳﺎ ﺭﺏ ، ﻫﻮ ﻓﻲ ﺍﻳﻪ ؟؟
............
ﻛﺎﻧﺖ ﻧﻴﺮﺓ ﻣﻊ ﻛﻞ ﺍﻧﺘﻔﺎﺿﺔ ﻭﺣﺮﻛﺔ ﻣﻦ ﻣﺮﻭﺍﻥ ﺗﺤﺎﻭﻝ ﺃﻥ ﺗﺘﻨﻔﺲ ، ﻭﻟﻜﻨﻬﺎ ﻟﻢ ﺗﺴﺘﻄﻊ ، ﻷﻥ ﻗﻄﻌﺔ ﺍﻟﻄﻌﺎﻡ ﻗﺪ ﻭﻗﻔﺖ ﻓﻲ ﻗﺼﺒﺘﻬﺎ ﺍﻟﻬﻮﺍﺋﻴﺔ ﻭﺳﺪﺕ ﻣﺠﺮﻯ ﺍﻟﻬﻮﺍﺀ ، ﻭﺑﺎﻟﺘﺎﻟﻲ ﻛﺎﻧﺖ ﻋﺎﺟﺰﺓ ﺗﻤﺎﻣﺎً ﻋﻦ ﺍﻟﺘﻨﻔﺲ ، ﻟﻘﺪ ﻛﺎﻧﺖ ﺗﻌﺎﻧﻲ ﺍﻟﻜﺜﻴﺮ ، ﻭﻟﻜﻦ ﻣﺮﻭﺍﻥ ﻟﻢ ﻳﺘﻮﻗﻒ ﻋﻤﺎ ﻳﻔﻌﻞ ، ﻭﺭﻏﻢ ﺃﻧﻪ ﻛﺎﻥ ﻳﻀﻐﻂ ﺑﻘﻮﺓ ﻋﻠﻰ ﻣﻌﺪﺗﻬﺎ ﺇﻻ ﺃﻧﻪ ﻳﻌﻠﻢ ﺍﻥ ﻫﺬﻩ ﻫﻲ ﺍﻟﻄﺮﻳﻘﺔ ﺍﻟﻮﺣﻴﺪﺓ ﻻﻧﻘﺎﺫﻫﺎ ...
ﻭﻓﺠــﺄﺓ ﻗﺬﻓﺖ ﻧﻴﺮﺓ ﻣﻦ ﻓﻤﻬﺎ ﻗﻄﻌﺔ ﺍﻟﻄﻌﺎﻡ ﺍﻟﻤﺤﺸﻮﺭﺓ ﻓﻲ ﻗﺼﺒﺘﻬﺎ ﺍﻟﻬﻮﺍﺋﻴﺔ ، ﺛﻢ ﺑﺪﺃﺕ ﻓﻲ ﺍﻟﻜﺢ ، ﻭ ﺗﻨﻔﺴﺖ ﻣﻦ ﺟﺪﻳﺪ ﻭ ...
- ﻧﻴﺮﺓ : ﻛﺢ .. ﻛﺢ ... ﺁﺁ .. ﻛﺢ
- ﻣﺮﻭﺍﻥ ﺑﺎﺭﺗﻴﺎﺡ : ﺍﻟﺤﻤﺪﻟﻠﻪ ، ﺍﻟﺤﻤﺪﻟﻠﻪ
- ﻓﺎﻃﻴﻤﺎ : ﻧــﺎﺭﻭﻭﻭﻭ
- ﺯﻳﻨﺐ : ﺑﻨﺘﻲ !
ﻛﺮﺩ ﻓﻌﻞ ﻃﺒﻴﻌﻲ ﺣﻴﻨﻤﺎ ﻳﻘﺬﻑ ﺍﻟﺸﺨﺺ ﺍﻟﻤﺨﺘﻨﻖ ﺍﻟﻄﻌﺎﻡ ﺃﻭ ﺍﻟﺸﻲﺀ ﺍﻟﻤﺘﻮﺍﺟﺪ ﻓﻲ ﺩﺍﺧﻞ ﻗﺼﺒﺘﻪ ﺍﻟﻬﻮﺍﺋﻴﺔ ، ﺗﻜﻮﻥ ﻣﺴﺎﻓﺘﻪ ﺣﻮﺍﻟﻲ 7 ﻣﺘﺮ ﺗﻘﺮﻳﺒﺎً
....................
ﻓﻲ ﻧﻔﺲ ﺍﻟﺘﻮﻗﻴﺖ ﻛﺎﻥ ﻋﻼﺀ ﺧﺎﺭﺟﺎً ﻣﻦ ﺍﻟﻤﺮﺣﺎﺽ ﻓﺘﻔﺎﺟﻲﺀ ﺑﺸﻲﺀ ﻣﺎ ﻳﺼﻄﺪﻡ ﺑﻮﺟﻬﻪ ، ﻓﺎﻧﺰﻋﺞ ﻋﻠﻰ ﺍﻟﻔﻮﺭ ﻭ ..
- ﻋﻼﺀ ﺑﻘﺮﻑ : ﺍﻳﻪ ﺍﻟﻘﺮﻑ ﺩﻩ ؟؟ ﻭﺍﻟﻠﻪ ﻣﺎ ﺳﺎﻳﺐ ﺍﻟﻠﻲ ﻋﻤﻞ ﺍﻟﺤﺮﻛﺔ ﺍﻟﺒﻴﺌﺔ ﺩﻱ
ﻛﺎﻥ ﻋﻠﻰ ﻭﺷﻚ ﺍﻟﺘﺸﺎﺟﺮ ﻣﻊ ﻣﻦ ﻗﺬﻓﻪ ﺑﺎﻟﻄﻌﺎﻡ ، ﻭﻟﻜﻨﻪ ﻟﻤﺢ ﺑﺎﻗﻲ ﻋﺎﺋﻠﺔ ﺻﻼﺡ ﺍﻟﺪﺳﻮﻗﻲ ﻭﻣﻌﻬﻢ ﺷﺨﺺ ﻣﺎ ﻳﺴﻨﺪ ﻧﻴﺮﺓ .. ﻓﺄﺩﺭﻙ ﺃﻥ ﺍﻟﻤﻮﺍﺟﻬﺔ ﻟﻦ ﺗﻜﻮﻥ ﻣﺤﻤﻮﺩﺓ ﺍﻟﻨﺘﺎﺋﺞ ﻭﺧﺎﺻﺔ ﺃﻥ ﻳﻌﺮﻑ ﺫﺍﻙ ﺍﻟﺸﺨﺺ ﻣﺴﺒﻘﺎً ، ﻟﺬﺍ ﺗﺠﺎﻫﻞ ﺍﻷﻣﺮ ﻭﺍﺑﺘﻌﺪ ﻓﻲ ﺿﻴﻖ ..
- ﻋﻼﺀ ﻓﻲ ﻧﻔﺴﻪ ﻋﻠﻰ ﻣﻀﺾ : ﺩﻱ ﺑﻘﻴﺔ ﺍﻟﻌﻴﻠﺔ ، ﺍﻭﻭﻭﺑﺎ ، ﻷ ﻣﺶ ﻭﻗﺖ ﺧﻨﺎﻗﺎﺕ ﻭﺷﻜﻞ ، ﺃﺣﺴﻦ ﺣﺎﺟﺔ ﺍﻋﻤﻠﻬﺎ ﺃﻣﺸﻲ ﺍﻟﻮﻗﺘﻲ ﻣﻦ ﺧﻠﻘﺘﻬﻢ ، ﻭﺑﻌﺪ ﻛﺪﻩ ﻧﺒﻘﻰ ﻧﺘﻔﺎﻫﻢ ، ﻭﺧﺼﻮﺻﺎً ﺇﻥ ﻣﻌﺎﻫﻢ ﺍﻟﻮﺍﺩ ﺩﻩ .. ﻭﺃﻧﺎ ﻋﺎﺭﻓﻪ ﻏﺒﻲ ﺯﻱ ﺻﺎﺣﺒﻪ ... !!!
.............................
ﻓﻲ ﺍﻟﻤﺮﺣﺎﺽ ﺍﻟﻤﻠﺤﻖ ﺑﺎﻟﻤﻄﻌﻢ ،،،،
ﻭﻗﻒ ﻓﻬﻤﻲ ﺑﺠﻮﺍﺭ ﺻﻼﺡ ﻳﻌﺎﻭﻧﻪ ﻓﻲ ﺗﺮﺗﻴﺐ ﻫﻨﺪﺍﻣﻪ ، ﺗﺮﺩﺩ ﻗﺒﻞ ﺃﻥ ﻳﺘﺤﺪﺙ ﻣﻌﻪ ، ﻭﻟﻜﻦ ﻟﻴﺲ ﻫﻨﺎﻙ ﻣﻔﺮ ﻣﻦ ﺍﻟﺤﺪﻳﺚ ﻭ ...
- ﻓﻬﻤﻲ ﺑﺘﺮﺩﺩ : ﺁﺁﺁ ... ﺍﺯﻳﻚ ﻳﺎ ﺃﺳﺘﺎﺫ ﺻﻼﺡ
- ﺻﻼﺡ : ﺍﻟﺤﻤﺪﻟﻠﻪ ﻳﺎ ﻓﻬﻤﻲ ﺑﻴﻪ
- ﻓﻬﻤﻲ : ﺃﻧﺎ .. ﺃﻧﺎ
- ﺻﻼﺡ : ﻣﺎﻓﻴﺶ ﺩﺍﻋﻲ ﺗﻘﻮﻝ ﺣﺎﺟﺔ ﻳﺎ ﻓﻬﻤﻲ ﺑﻴﻪ ، ﺃﻧﺎ ﻣﻘﺪﺭ ﻣﺴﺎﻋﺪﺗﻚ ﻟﻴﺎ ﻭﺷﺎﻛﺮ ﻓﻀﻠﻚ ، ﻭﺃﻇﻦ ﺍﻥ ﻣﺎﻓﻴﺶ ﺩﺍﻋﻲ ﺗﺘﻌﺐ ﻧﻔﺴﻚ ﻭﺗﻘﻮﻝ ﺣﺎﺟﺔ ﺗﺎﻧﻴﺔ ﺯﻳﺎﺩﺓ ، ﻛﺘﺮ ﺧﻴﺮﻙ ﻉ ﻛﺪﻩ
ﺃﺧﺬ ﻓﻬﻤﻲ ﻧﻔﺴﺎً ﻋﻤﻴﻘﺎً ﻳﺴﺘﺠﻤﻊ ﺑﻪ ﻗﻮﺗﻪ ﻟﻜﻲ ﻳﺨﺒﺮ ﺻﻼﺡ ﺑﻤﺎ ﻳﺜﻘﻞ ﺻﺪﺭﻩ ﻣﻨﺬ ﺃﻋﻮﺍﻡ ﻭ ...
- ﻓﻬﻤﻲ : ﺍﺳﺘﺎﺫ ﺻﻼﺡ ! .. ﺃﻧﺎ ﺃﺳﻒ ﻋﻦ ﻛﻞ ﺣﺎﺟﺔ ﻋﻤﻠﺘﻬﺎ ﻓﻴﻚ ﻭﻓﻲ ﻋﻴﻠﺘﻚ ، ﺃﻧﺎ ﻋﺎﺭﻑ ﺍﻥ ﺃﺳﻔﻲ ﺩﻩ ﻣﺶ ﻫﺎﻳﻐﻴﺮ ﺣﺎﺟﺔ ﻣﻦ ﺍﻟﻠﻲ ﺣﺼﻠﺖ ، ﺑﺲ ﺃﻧﺎ ﻭﺍﻟﻠﻪ ﺣﺎﻭﻟﺖ ﻛﺘﻴﺮ ﺃﻭﺻﻠﻚ ﻭﺃﻋﻮﺿﻚ ﻋﻦ ﺍﻟﻠﻲ ﻓﺎﺕ، ﻟﻜﻦ ﻛﺎﻥ ﻣﺘﺄﺧﺮ
- ﺻﻼﺡ : ﻗﺪﺭ ﺍﻟﻠﻪ ﻭﻣﺎ ﺷﺎﺀ ﻓﻌﻞ
- ﻓﻬﻤﻲ : ﻭﻧﻌﻢ ﺑﺎﻟﻠﻪ ، ﺑﺲ ﺃﻧﺎ ﻇﻠﻤﺘﻚ ﻇﻠﻢ ﺑﻴّﻦ ، ﻭﺭﺑﻨﺎ ﻛﺎﻥ ﻫﻴﻨﺘﻘﻢ ﻣﻨﻲ ﺑﺴﺒﺐ ﺍﻟﻠﻲ ﻋﻤﻠﺘﻪ ﻓﻴﻚ .. ﺍﺑﻨﻲ ﻣﺮﻭﺍﻥ ﻛﺎﻥ ﻫﻴﺮﻭﺡ ﺿﺤﻴﺔ ﻇﻠﻤﻲ ﻟﻴﻚ
- ﺻﻼﺡ : ﻣﺎﻓﻴﺶ ﺩﺍﻋﻲ ﻳﺎ ﻓﻬﻤﻲ ﺑﻴﻪ ﺗﻘﻮﻝ ﺃﻱ ﻣﺒﺮﺭﺍﺕ ، ﺧﻼﺹ ﻛﻞ ﻭﺍﺣﺪ ﺭﺍﺡ ﻟﺤﺎﻟﻪ ، ﻭﺭﺑﻨﺎ ﺃﺭﺍﺩ ﺍﻥ ﺩﻩ ﻳﺤﺼﻞ ، ﻭﺍﻟﺤﻤﺪﻟﻠﻪ ﺭﺑﻨﺎ ﻋﻮﺿﻨﻲ ﺧﻴﺮ ﻭﺃﺣﻮﺍﻟﻲ ﺑﻘﺖ ﺃﻓﻀﻞ
- ﻓﻬﻤﻲ : ﻭﻧﻌﻢ ﺑﺎﻟﻠﻪ ، ﺑﺲ ﺩﻩ ﻣﺎﻳﻤﻨﻌﺶ ﺍﻥ ﻟﻴﻚ ﺣﻖ ﻋﻨﺪﻱ
- ﺻﻼﺡ : ﻛﺘﺮ ﺧﻴﺮﻙ ، ﺃﻧﺎ ﻣﺘﻨﺎﺯﻝ ﻋﻨﻪ ، ﻋﻦ ﺍﺫﻧﻚ
ﻛﺎﻥ ﺻﻼﺡ ﻣﺘﺠﻬﺎً ﺇﻟﻰ ﺑﺎﺏ ﺍﻟﻤﺮﺣﺎﺽ ﺣﻴﻨﻤﺎ ﺃﺳﺮﻉ ﺇﻟﻴﻪ ﻓﻬﻤﻲ ﻟﻴﻮﻗﻔﻪ ﻭﻳﻜﻤﻞ ﻣﻌﻪ ﺣﺪﻳﺚ ﺑــ ....
- ﻓﻬﻤﻲ : ﺍﺳﻤﻌﻨﻲ ﻳﺎ ﺍﺳﺘﺎﺫ ﺻﻼﺡ ﻟﻸﺧﺮ ، ﺃﻧﺎ ﻟﻤﺎ ﻣﻌﺮﻓﺘﺶ ﺃﻭﺻﻠﻚ ﻓﺘﺤﺘﻠﻚ ﺣﺴﺎﺏ ﻓﻲ ﺍﻟﺒﻨﻚ ﻭﺣﻄﻴﺖ ﻓﻴﻪ ﻓﻠﻮﺱ ﺑﻘﻴﻤﺔ ﺍﻟﺨﺴﺎﻳﺮ ﺍﻟﻠﻲ ﺳﺒﺒﺘﻬﺎﻟﻚ ، ﻭﺩﺧﻠﺘﻠﻚ ﺑﺄﺻﻞ ﺍﻟﻤﺎﻝ ﻓﻲ ﻛﺬﺍ ﻣﺸﺮﻭﻉ ، ﻭﺑﻔﻀﻞ ﺍﻟﻠﻪ ﺍﻟﻤﺸﺎﺭﻳﻊ ﺩﻱ ﺟﺎﺑﺖ ﺃﺭﺑﺎﺡ ﻭﺍﺿﺎﻓﺖ ﻋﻠﻰ ﺃﺻﻞ ﺍﻟﻤﺎﻝ ﻭﺯﻭﺩﺗﻪ
- ﺻﻼﺡ ﺑﺎﺳﺘﻐﺮﺍﺏ ﻭﻓﺎﻏﺮﺍً ﻓﺎﻩ : ﻫــﺎﻩ .. ﺍﻳﻪ ؟
- ﻓﻬﻤﻲ : ﻛﻞ ﺍﻟﻔﻠﻮﺱ ﺩﻱ ﺑﺘﺎﻋﺘﻚ ﻭﺑﺘﺎﻋﺔ ﺑﻨﺎﺗﻚ .. ﻫﻤﺎ ﺃﻣﺎﻧﺔ ﻋﻨﺪﻱ ﻭﻛﻨﺖ ﺑﺪﻋﻲ ﺭﺑﻨﺎ ﺍﻧﻪ ﻳﻤﺪ ﻓﻲ ﻋﻤﺮﻱ ﻟﺤﺪ ﻣﺎ ﺃﺭﺟﻌﻬﻮﻣﻠﻚ ﺗﺎﻧﻲ
- ﺻﻼﺡ ﺑﺪﻫﺸﺔ : ﺍﻧﺖ ﺑﺘﻜﻠﻢ ﺟﺪ
- ﻓﻬﻤﻲ : ﺍﻳﻮﻩ ، ﻭﺍﺑﻨﻲ ﻣﺮﻭﺍﻥ ﻋﺎﺭﻑ ﺩﻩ ﻛﻮﻳﺲ ، ﻭﻛﻤﺎﻥ ﺍﻟﺸﻘﺔ ﺑﺘﺎﻋﺘﻚ ﻫﻮ ﺍﺷﺘﺮﺍﻫﺎ ﻭﻓﻀﻞ ﻣﺤﺎﻓﻆ ﻋﻠﻴﻬﺎ ﻟﺤﺪ ﻣﺎ ﻳﺴﻠﻤﻬﺎ ﻟﻨﻴﺮﺓ ﺑﻨﺘﻚ ﻣﻬﺮ ﻟﻴﻬﺎ !
- ﺻﻼﺡ : ﻣﻤﻢ ...
- ﻓﻬﻤﻲ : ﺍﻇﻦ ﺍﻧﺖ ﻋﺎﺭﻑ ﻣﻦ ﺯﻣﺎﻥ ﺃﺩ ﺍﻳﻪ ﻣﺮﻭﺍﻥ ﺍﺑﻨﻲ ﺑﻴﺤﺐ ﺑﻨﺘﻚ ﻧﻴﺮﺓ ، ﻭﺑﻴﻌﺸﻘﻬﺎ
- ﺻﻼﺡ : ﺃﻫﺎ
- ﻓﻬﻤﻲ : ﻣﺮﻭﺍﻥ ﺍﺑﻨﻲ ﻛﺎﻥ ﺍﻟﺴﺒﺐ ﻓﻲ ﺍﻧﻲ ﺃﺗﻐﻴﺮ ، ﻭﺍﻧﻲ ﺃﻗﺮﺏ ﺍﻛﺘﺮ ﻣﻦ ﺭﺑﻨﺎ ﻭﺍﺣﺎﻭﻝ ﺃﺻﻠﺢ ﺍﻟﻐﻠﻂ ﺍﻟﻠﻲ ﻋﻤﻠﺘﻪ ، ﺭﻏﻢ ﺍﻥ ﻓﻲ ﻏﻠﻄﺎﺕ ﻣﺎﻳﻨﻔﻌﺶ ﺗﺼﻠﺢ ، ﻟﻜﻦ ﺃﻧﺎ ﺻﻤﻤﺖ ﺃﻋﻤﻞ ﺍﻟﻠﻲ ﺭﺑﻨﺎ ﻳﻘﺪﺭﻧﻲ ﻋﻠﻴﻪ
- ﺻﻼﺡ : ﻣﻤﻢ ..
- ﻓﻬﻤﻲ : ﻭﺃﻧﺎ ﺩﻟﻮﻗﺘﻲ ﻋﺎﻭﺯ ﺃﺳﻠﻤﻚ ﺍﻷﻣﺎﻧﺔ ﺍﻟﻠﻲ ﻟﻴﻚ ﻋﻨﺪﻱ ، ﻭﻋﺎﻭﺯ ﺃﻃﻠﺐ ﺍﻳﺪ ﺑﻨﺘﻚ ﻧﻴﺮﺓ ﻟﻤﺮﻭﺍﻥ ﺍﺑﻨﻲ !
- ﺻﻼﺡ : ﺑﺲ ﻳﺎ ﻓﻬﻤﻲ ﺑﻴﻪ ﺍﻟﻜﻼﻡ ﻓﻲ ﺍﻟـ ... ﺁﺁﺁﺁ
- ﻓﻬﻤﻲ ﻣﻘﺎﻃﻌﺎً : ﺃﻧﺎ ﻣﺶ ﻫﺎﻗﺒﻞ ﺍﻧﻚ ﺗﺮﻓﺾ ﻭﺗﻜﺴﺮ ﺑﺨﺎﻃﺮ ﺍﻟﻮﻻﺩ
- ﺻﻼﺡ ﻭﺍﻻﺑﺘﺴﺎﻣﺔ ﺗﻌﻠﻮ ﺛﻐﺮﻩ : ﻷ ﻣﺶ ﻛﺪﻩ ، ﺑﺲ ﻣﺎﻳﻨﻔﻌﺶ ﺗﺨﻄﺐ ﺍﻟﺒﺖ ﻭﺍﺣﻨﺎ ﻭﺍﻗﻔﻴﻦ ﻛﺪﻩ ﻓﻲ ﺍﻟﺤﻤﺎﻡ ، ﻭﻻ ﺭﺃﻳﻚ ﺍﻳﻪ ؟؟؟
- ﻓﻬﻤﻲ ﻭﻫﻮ ﻳﻨﻈﺮ ﺣﻮﻟﻪ ﺿﺎﺣﻜﺎً : ﻫﻬﻬﻬﻬﻬﻬﻪ ، ﻷ ﻓﻲ ﺩﻱ ﻋﻨﺪﻙ ﺣﻖ !
....................................
ﻓﻲ ﺍﻟﻤﻄﻌﻢ ،،،،
ﺑﺪﺃﺕ ﻧﻴﺮﺓ ﺗﺘﻨﻔﺲ ﻣﻦ ﺟﺪﻳﺪ ﺑﺼﻮﺭﺓ ﺷﺒﻪ ﻃﺒﻴﻌﻴﺔ ، ﻇﻠﺖ ﻣﻨﺤﻨﻴﺔ ﻗﻠﻴﻼً ﻟﻸﺳﻔﻞ ، ﻭﻫﻲ ﺗﺸﺮﻕ ﻗﻠﻴﻼً ، ﺭﺑﺖ ﻣﺮﻭﺍﻥ ﺑﺨﻔﺔ ﻋﻠﻰ ﻇﻬﺮﻫﺎ ﻭ ..
- ﻧﻴﺮﺓ : ﺁﺁ .. ﻛﺢ ..... ﻛﺢ
- ﻣﺮﻭﺍﻥ : ﺍﻧﺘﻲ ﻛﻮﻳﺴﺔ ؟
- ﻧﻴﺮﺓ ﻭﻫﻲ ﺗﻮﻣﻲﺀ ﺑﺮﺃﺳﻬﺎ : ﺃﻫﺎ .. ﻛـــﺢ .. ﺁﺁﺁ
- ﺯﻳﻨﺐ : ﻫﺎﺗﻲ ﺷﻮﻳﺔ ﻣﻴﺎﻩ ﻷﺧﺘﻚ ﺑﺴﺮﻋﺔ ﻳﺎ ﺗﻮﺗﺎ
- ﻓﺎﻃﻴﻤﺎ : ﺣﺎﺿﺮ ﻳﺎ ﻣﺎﻣﺎ ، ﺑﺲ ﺃﻃﻤﻦ ﻋﻠﻴﻬﺎ ﺍﻷﻭﻝ
- ﺯﻳﻨﺐ : ﺍﻟﺤﻤﺪ ﻟﻠﻪ ﺍﻥ ﺭﺑﻨﺎ ﻧﺠﺎﻛﻲ ، ﻣﺶ ﺗﺎﺧﺪﻱ ﺑﺎﻟﻚ ﻭﺍﻧﺘﻲ ﺑﺘﺎﻛﻠﻲ ﻳﺎ ﻧﻴﺮﺓ
ﻭﺻﻠﺖ ﺃﺣﻼﻡ ﺇﻟﻰ ﺍﻟﻄﺎﻭﻟﺔ ، ﻭﻭﻗﻔﺖ ﺗﺸﺎﻫﺪ ﻣﺎ ﻳﺤﺪﺙ ، ﺛﻢ ﺑﻌﺪ ﺃﻥ ﺍﻃﻤﺌﻨﺖ ﻋﻠﻰ ﻧﺠﺎﺓ ﺍﻟﻔﺘﺎﺓ ، ﺑﺪﺃﺕ ﺃﺣﻼﻡ ﻓﻲ ﺍﻟﺤﺪﻳﺚ ﻭ ...
- ﺃﺣﻼﻡ ﻣﺘﺴﺎﺋﻠﺔ : ﺧﻴﺮ ﻳﺎ ﺟﻤﺎﻋﺔ ؟؟ ﻓﻲ ﺍﻳﻪ ﺍﻟﻠﻲ ﺣﺼﻞ ؟؟ ﻣﺮﻭﺍﻥ ﻓﻲ ﺍﻳﻪ
- ﻓﺎﻃﻴﻤﺎ ﺑﺎﺳﺘﻐﺮﺍﺏ : ﺍﻟﻠﻪ ! ﺣﻀﺮﺗﻚ !
- ﺯﻳﻨﺐ ﻭﻫﻲ ﺗﺸﻴﺮ ﺑﻴﺪﻫﺎ : ﺑﻨﺘﻲ ﻛﺎﻧﺖ ﺑﺘﺘﺨﻨﻖ ﺑﺲ ﺍﻟﺤﻤﺪﻟﻠﻪ ﺍﻟﺸﺎﺏ ﺩﻩ ﺃﻧﻘﺬﻫﺎ
- ﺃﺣﻼﻡ : ﺩﻩ ﻣﺮﻭﺍﻥ ﺍﺑﻨﻲ
- ﺯﻳﻨﺐ ﻣﺒﺘﺴﻤﺔ : ﻫﻮ ﺍﻧﺘﻲ ﻣﺎﻣﺘﻪ ، ﺭﺑﻨﺎ ﻳﺒﺎﺭﻛﻠﻚ ﻓﻴﻪ
- ﺍﺣﻼﻡ ﻭﻫﻲ ﺗﻨﻈﺮ ﻟﻔﺎﻃﻴﻤﺎ : ﺍﻟﻠﻪ ﻳﺨﻠﻴﻜﻲ ﻳﺎ ﺭﺏ ، ﺍﺯﻳﻚ ﻳﺎ ﺃﻣﻮﺭﺓ
- ﻓﺎﻃﻴﻤﺎ : ﺍﺯﻱ ﺣﻀﺮﺗﻚ ﻳﺎ ﺃﻧﻄﻲ
- ﺯﻳﻨﺐ ﻣﺘﻌﺠﺒﺔ ﻭﻫﻲ ﺗﻨﻈﺮ ﻷﺣﻼﻡ : ﻫﻮ ﺍﻧﺘﻲ ﺗﻌﺮﻓﻲ ﺗﻮﺗﺎ ﺑﻨﺘﻲ ؟
- ﺃﺣﻼﻡ : ﺍﻩ ﺷﻮﻓﺘﻬﺎ ﻗﺒﻞ ﻛﺪﻩ ﻫﻨﺎ
- ﺯﻳﻨﺐ : ﺃﻫــﺎ
...........
ﻣﺎﻝ ﻣﺮﻭﺍﻥ ﻗﻠﻴﻼً ﻋﻠﻰ ﻧﻴﺮﺓ ﻫﺎﻣﺴﺎً ﻓﻲ ﺍﺫﻧﻴﻬﺎ ﺑــ ...
- ﻣﺮﻭﺍﻥ ﺑﺼﻮﺕ ﻫﺎﻣﺲ : ﻟﻮﻻ ﺍﻟﻠﻲ ﺣﺼﻞ ﺩﻩ ، ﻛﻨﺖ ﻭﺭﻳﺘﻲ ﺷﻐﻠﻚ
- ﻧﻴﺮﺓ ﺑﺎﺳﺘﻐﺮﺍﺏ ﻭﻫﻲ ﺗﺤﺪﻕ ﻓﻴﻪ : ﻧﻌﻢ ؟؟
- ﻣﺮﻭﺍﻥ : ﺍﻳﻪ ﺍﻟﺠﻴﺒﺔ ﺍﻟﻀﻴﻘﺔ ﺩﻱ ﺍﻟﻠﻲ ﺍﻧﺘﻲ ﻻﺑﺴﻬﺎ ، ﻗﺮﻳﺐ ﻫﺘﺤﺼﻞ ﺍﻟﻠﻲ ﺍﺗﻘﻄﻌﻮﺍ
ﺍﻋﺘﺪﻟﺖ ﻧﻴﺮﺓ ﻓﻲ ﻭﻗﻔﺘﻬﺎ ، ﻧﺎﻇﺮﺓ ﻟﻤﺮﻭﺍﻥ ﺑﺤﻨﻖ ﻭﺿﻴﻖ ، ﻗﻢ ﺑﺼﻮﺕ ﻛﻠﻪ ﺗﺤﺪﻱ ﻭﺛﻘﺔ ﻗﺎﻟﺖ ..
- ﻧﻴﺮﺓ ﺑﻨﺒﺮﺓ ﺗﺤﺪﻱ : ﻃﺐ ﺍﻳﻪ ﺭﺃﻳﻚ ﺑﻘﻰ ﻣﺶ ﻫﺎﻟﺒﺲ ﺇﻻ ﺩﻱ ﻃﺎﻟﻤﺎ ﻣﻀﺎﻳﻘﺎﻙ ﺍﻭﻱ
- ﻣﺮﻭﺍﻥ : ﺑﻼﺵ ﺗﺘﺤﺪﻳﻨﻲ
- ﺯﻳﻨﺐ : ﻫﺎﺗﻲ ﻷﺧﺘﻚ ﻣﻴﺎﻩ ﻳﺎ ﺗﻮﺗﺎ
- ﻓﺎﻃﻴﻤﺎ : ﺣﺎﺿﺮ ﻋﻠﻰ ﻃﻮﻝ ، ﻋﻦ ﺍﺫﻧﻚ ﻳﺎ ﺃﻧﻄﻲ
ﺃﺳﺮﻋﺖ ﻓﺎﻃﻴﻤﺎ ﺑﺎﺣﻀﺎﺭ ﻛﻮﺏ ﻣﻦ ﺍﻟﻤﻴﺎﻩ ﻷﺧﺘﻬﺎ ﻟﻜﻲ ﺗﺸﺮﺑﻪ ، ﻭﻗﺎﻃﻌﺖ ﻧﻈﺮﺍﺕ ﺍﻟﺘﺤﺪﻱ ﺑﻴﻦ ﺍﻻﺛﻨﻴﻦ ﻭ ..
- ﻓﺎﻃﻴﻤﺎ : ﺍﺗﻔﻀﻠﻲ ﻳﺎ ﻧﺎﺭﻭﻭ
- ﻣﺮﻭﺍﻥ ﺑﻨﻈﺮﺍﺕ ﺻﺎﺭﻣﺔ : ﺍﺷﺮﺑﻲ
- ﻧﻴﺮﺓ ﻭﻫﻲ ﺗﻨﻈﺮ ﺇﻟﻴﻪ ﺑﻨﻈﺮﺍﺕ ﺗﺤﺪﻱ : ﺷﻜﺮﺍً ﻳﺎ ﺗﻮﺗﺎ ، ﺍﻧﺎ ﻣﺶ ﻋﺎﻭﺯﺓ
ﺗﺠﺎﺫﺑﺖ ﺯﻳﻨﺐ ﻣﻊ ﺃﺣﻼﻡ ﺃﻃﺮﺍﻑ ﺍﻟﺤﺪﻳﺚ ﺑﻌﺪ ﺃﻥ ﺍﻃﻤﺄﻧﺖ ﻋﻠﻰ ﺍﺑﻨﺘﻬﺎ ﻭ ..
- ﺃﺣﻼﻡ : ﺍﺑﻨﻲ ﻣﺮﻭﺍﻥ ﺑﻴﺸﻜﺮ ﻓﻴﻜﻮ ﻣﻦ ﺯﻣﺎﻥ ﺃﻭﻱ
- ﺯﻳﻨﺐ : ﺍﻟﺤﻖ ﻳﺘﻘﺎﻝ ﻫﻮ ﻣﺤﺘﺮﻡ
- ﺃﺣﻼﻡ ﺑﺨﺠﻞ : ﺍﻟﻠﻪ ﻳﺨﻠﻴﻜﻲ ، ﺩﻩ ﺑﺲ ﻣﻦ ﺫﻭﻗﻚ
- ﺯﻳﻨﺐ : ﻣﺘﻘﻮﻟﻴﺶ ﻛﺪﻩ
- ﺃﺣﻼﻡ ﺑﺘﺮﺩﺩ : ﺍﺣﻢ .. ﺃﻧﺎ ﻋﺎﺭﻓﺔ ﺍﻥ ﻓﻬﻤﻲ ﺟﻮﺯﻱ ﻛﺎﻥ ﺍﺗﺴﺒﺐ ﻓﻲ ﺍﻟﻤﺸﺎﻛﻞ ﺍﻟﻠﻲ ﺣﺼﻠﺘﻠﻜﻢ ، ﺑﺲ ﺻﺪﻗﻴﻨﻲ ﻭﺍﻟﻠﻪ ﻫﻮ ﺍﺗﻐﻴﺮ ﺑﻌﺪ ﺣﺎﺩﺛﺔ ﻣﺮﻭﺍﻥ ﻭﺁﺁﺁ ...
- ﺯﻳﻨﺐ ﻣﻘﺎﻃﻌﺔ : ﻣﺮﻭﺍﻥ ﺣﻜﺎﻟﻲ ﻉ ﻛﻞ ﺣﺎﺟﺔ
- ﺃﺣﻼﻡ : ﺩﻩ ﻣﺎﺑﻴﻀﻴﻌﺶ ﻭﻗﺘﻪ
- ﺯﻳﻨﺐ ﺑﺎﺑﺘﺴﺎﻣﺔ ﻓﺮﺣﺔ : ﺍﻳﻮﻩ ..
- ﺍﺣﻼﻡ : ﺭﺑﻨﺎ ﻳﻘﺪﻡ ﺍﻟﻠﻲ ﻓﻴﻪ ﺍﻟﺨﻴﺮ ﻟﻴﻪ ﻭﻟﺒﻨﺘﻚ .. ﻭﺣﻤﺪﻟﻠﻪ ﻉ ﺳﻼﻣﺘﻬﺎ
- ﺯﻳﻨﺐ : ﺩﻩ ﺃﻧﺎ ﻧﺴﻴﺘﻬﺎ ، ﻣﻌﻠﺶ ﺍﻟﻜﻼﻡ ﺧﺪﻧﻲ
- ﺃﺣﻼﻡ : ﻭﻻ ﻳﻬﻤﻚ
- ﺯﻳﻨﺐ : ﺗﻌﺎﻟﻲ ﺍﻗﻌﺪﻱ ﻣﻌﺎﻧﺎ
- ﺃﺣﻼﻡ : ﻣﺮﺓ ﺗﺎﻧﻴﺔ ﺍﻥ ﺷﺎﺀ ﺍﻟﻠﻪ ، ﺍﻧﺘﻲ ﻋﺎﺭﻓﺔ ﺃﻧﺎ ﻣﺴﺘﻨﻴﺔ ﺟﻮﺯﻱ
- ﺯﻳﻨﺐ : ﺃﻫﺎ
................
ﺧﺮﺝ ﻓﻬﻤﻲ ﻭﻣﻌﻪ ﺻﻼﺡ ﻣﻦ ﺍﻟﻤﺮﺣﺎﺽ ﻭﺍﻻﺑﺘﺴﺎﻣﺔ ﺗﻌﻠﻮ ﺛﻐﺮﻳﻬﻤﺎ ، ﻓﺘﻌﺠﺐ ﺍﻟﺠﻤﻴﻊ ﻣﻦ ﺫﻟﻚ ﺍﻟﻤﺸﻬﺪ ﺍﻟﺼﺎﺩﻡ ، ﻭﺍﻋﺘﻠﺖ ﻭﺟﻮﻫﻢ ﻋﻼﻣﺎﺕ ﺍﻟﺪﻫﺸﺔ ﺍﻟﺘﻌﺠﺐ ﻭﺍﻻﺳﺘﻐﺮﺍﺏ ﻭ ..
- ﺻﻼﺡ ﺑﺎﺻﺮﺍﺭ : ﻻﺯﻡ ﺗﻴﺠﻲ ﺗﺘﻐﺪﻯ ﻣﻌﺎﻧﺎ
- ﻓﻬﻤﻲ : ﻭﻗﺖ ﺗﺎﻧﻲ ﺍﻥ ﺷﺎﺀ ﺍﻟﻠﻪ
- ﺻﻼﺡ : ﻻ ﻭﺍﻟﻠﻪ ﺃﺑﺪﺍً ، ﻣﺶ ﻫﻴﺤﺼﻞ
- ﻓﻬﻤﻲ : ﻋﺸﺎﻥ ﺍﻟﻤﺪﺍﻡ ﻭﺁﺁﺁ ...
- ﺯﻳﻨﺐ ﺑﺎﺳﺘﻐﺮﺍﺏ : ﻫﻮ ﻓﻲ ﺍﻳﻪ
- ﺃﺣﻼﻡ : ﺍﻳﻪ ﺩﻩ
- ﻣﺮﻭﺍﻥ ﺑﺪﻫﺸﺔ : ﺑﺎﺑﺎ .. ﻋﻤﻲ ﺻﻼﺡ ! ﺍﻧﺘﻮ ﺑﺘﻌﻤﻠﻮﺍ ﺍﻳﻪ ﻣﻊ ﺑﻌﺾ ؟؟
- ﻧﻴﺮﺓ ﺑﻀﻴﻖ : ﺩﻩ ﺍﺑﻮﻙ
- ﺻﻼﺡ ﻣﺒﺘﺴﻤﺎً : ﺍﻟﻈﺎﻫﺮ ﺍﻥ ﺍﻟﺠﻤﺎﻋﺔ ﺳﺒﻘﻮﻧﺎ ﻭﺍﺗﻌﺮﻓﻮﺍ ﻉ ﺑﻌﺾ
- ﻓﻬﻤﻲ : ﻣﺶ ﺑﻴﻀﻴﻌﻮﺍ ﻭﻗﺖ ﺯﻳﻨﺎ
- ﺻﻼﺡ : ﺍﻩ ﻭﺍﻟﻠﻪ ، ﺍﺗﻔﻀﻠﻮﺍ ﻳﺎ ﺟﻤﺎﻋﺔ ﻣﻌﺎﻧﺎ
- ﺃﺣﻼﻡ : ﻣﺎﻓﻴﺶ ﺩﺍﻋﻲ ﻧﺰﻋﺠﻜﻢ
- ﺯﻳﻨﺐ ﻭﻫﻲ ﺗﻨﻈﺮ ﻻﺑﻨﺘﻬﺎ ﻧﻴﺮﺓ : ﺗﺰﻋﺠﻮﺍ ﺍﻳﻪ ﺑﺲ ، ﺩﻩ ﺍﺣﻨﺎ ﻗﺮﻳﺐ ﺃﻭﻱ ﻫﻨﺒﻘﻰ ﺃﻫﻞ
- ﺃﺣﻼﻡ : ﻋﻠﻰ ﺭﺃﻳﻚ
ﺟﻠﺲ ﺍﻟﺠﻤﻴﻊ ﺳﻮﻳﺎً ﻋﻠﻰ ﻣﺎﺋﺪﺓ ﺍﻟﻄﻌﺎﻡ ، ﺑﺪﺃﻭﺍ ﺑﺘﺠﺎﺫﺏ ﺍﻟﺤﺪﻳﺚ ﺍﻟﺒﺴﻴﻂ ﺑﻴﻨﻬﻢ ، ﻭﺃﺧﺒﺮﺕ ﺯﻳﻨﺐ ﺻﻼﺡ ﺑﻤﺎ ﻓﻌﻠﻪ ﻣﺮﻭﺍﻥ ﻣﻊ ﻧﻴﺮﺓ ﻗﺒﻞ ﻗﻠﻴﻞ ﻭﺍﻧﻘﺎﺫﻫﺎ ﻣﻦ ﺍﻻﺧﺘﻨﺎﻕ .. ﺷﻜﺮ ﺻﻼﺡ ﻣﺮﻭﺍﻥ ﻋﻠﻰ ﻣﺎ ﻓﻌﻞ ، ﻭﺑﺪﺃﺕ ﺯﻳﻨﺐ ﻓﻲ ﻣﺪﺣﻪ ﺑﺼﻮﺕ ﻫﺎﻣﺲ ﻭ ...
- ﺯﻳﻨﺐ ﺑﺼﻮﺕ ﺧﺎﻓﺖ : ﺑﺼﺮﺍﺣﺔ ﻫﻮ ﺃﺧﻼﻕ ﻭﻣﺤﺘﺮﻡ ﻭﺍﺑﻦ ﺍﺻﻮﻝ
- ﺻﻼﺡ ﺑﺼﻮﺕ ﻫﺎﻣﺲ : ﺍﺑﻮﻩ ﻛﻠﻤﻨﻲ ﻉ ﺧﻄﻮﺑﺔ ﺍﻟﻌﻴﺎﻝ ﻭﻉ ﺍﻟﻤﻮﺿﻮﻉ ﺍﻳﺎﻩ
- ﺯﻳﻨﺐ : ﻃﺐ ﻛﻮﻳﺲ ﻭﺍﻟﻠﻪ
- ﺻﻼﺡ ﻫﺎﻣﺴﺎً : ﻫﺎﺑﻘﻰ ﺍﺣﻜﻴﻠﻚ ﻛﻞ ﺣﺎﺟﺔ ﺑﻌﺪﻳﻦ
ﺟﻠﺲ ﻣﺮﻭﺍﻥ ﻓﻲ ﻣﻮﺍﺟﻬﺔ ﻧﻴﺮﺓ ، ﻭﻫﻲ ﻟﻢ ﺗﻜﻒ ﻋﻦ ﺭﻣﻘﻪ ﺑﻨﻈﺮﺍﺕ ﺍﻻﺣﺘﻘﺎﺭ ﻭﺍﻟﻀﻴﻖ .. ﻓﻲ ﺣﻴﻦ ﻟﻢ ﻳﻜﻒ ﻣﺮﻭﺍﻥ ﻫﻮ ﺍﻷﺧﺮ ﻋﻠﻰ ﺍﻟﻨﻈﺮ ﺇﻟﻴﻬﺎ ﺑﻨﻈﺮﺍﺕ ﺍﻟﺘﻮﻋﺪ ﻭﺍﻟﺘﺤﺪﻱ ..
- ﻧﻴﺮﺓ ﻓﻲ ﻧﻔﺴﻬﺎ : ﻫﺎﺗﺸﻮﻑ ﻳﺎ ﻣﺮﻭﺍﻥ ، ﻫﺎﻃﻠﻌﻬﻢ ﻋﻠﻴﻚ
- ﻣﺮﻭﺍﻥ ﻓﻲ ﻧﻔﺴﻪ : ﻛﻠﻬﺎ ﺳﺎﻋﺎﺕ ﻭﻫﺘﺒﻘﻲ ﻣﻌﺎﻳﺎ .. ﻭﺍﻧﺎ ﻫﻮﺭﻳﻜﻲ
ﻛﺎﻥ ﺍﻟﺠﻤﻴﻊ ﻣﻨﺪﻣﺠﺎً ﻓﻲ ﺍﻟﺤﻮﺍﺭ ﻭﻛﺄﻥ ﺷﻴﺌﺎً ﻟﻢ ﻳﺤﺪﺙ ﺑﻴﻨﻬﻢ ﻣﻦ ﻗﺒﻞ ، ﺛﻢ ﻗﺎﻃﻊ ﻣﺮﻭﺍﻥ ﺍﻟﺤﺪﻳﺚ ﺑـ .....
- ﻣﺮﻭﺍﻥ ﺑﺘﺮﺩﺩ : ﻋﻤﻲ ﺻﻼﺡ ، ﻣﻤﻜﻦ ﺃﻃﻠﺐ ﻣﻦ ﺣﻀﺮﺗﻚ ﻃﻠﺐ
- ﺻﻼﺡ : ﺍﺗﻔﻀﻞ ﻳﺎ ﺑﻨﻲ
- ﻣﺮﻭﺍﻥ : ﺃﻧﺎ ﻋﺎﻭﺯ ﺃﺗﺠﻮﺯ ﻧﻴﺮﺓ
- ﺻﻼﺡ : ﻣﻤﻤﻢ ...
- ﻣﺮﻭﺍﻥ ﺑﻠﻬﻔﺔ : ﻫﺎ ﺍﻳﻪ ﺭﺃﻳﻚ ﻳﺎ ﻋﻤﻲ
- ﺻﻼﺡ : ﻭﺍﻟﻠﻪ ﺁﺁﺁ ...
- ﻓﻬﻤﻲ ﻣﻘﺎﻃﻌﺎً : ﺳﻴﺐ ﻋﻤﻚ ﻳﻔﻜﺮ ﻭﻳﺎﺧﺪ ﺭﺃﻱ ﺍﻟﻌﺮﻭﺳﺔ
- ﻣﺮﻭﺍﻥ ﻭﻫﻮ ﻳﻨﻈﺮ ﻟﻨﻴﺮﺓ : ﺍﻧﺎ ﻋﺎﺭﻑ ﺭﺃﻳﻬﺎ ﻛﻮﻳﺲ
- ﻧﻴﺮﺓ : ﻭﺃﻧﺎ ﺑﻘﻰ ﻣﺶ ﺁﺁﺁ ..
ﺿﺮﺏ ﻣﺮﻭﺍﻥ ﻗﺪﻡ ﻧﻴﺮﺓ ﺑﻘﺪﻣﻪ ﻣﻦ ﺃﺳﻔﻞ ﺍﻟﻄﺎﻭﻟﺔ ﺑﻜﻞ ﻗﻮﺓ ﻓﺘﺂﻟﻤﺖ ﻋﻠﻰ ﺍﻟﻔﻮﺭ ﻭ ..
- ﻧﻴﺮﺓ ﻣﺘﺂﻟﻤﺔ : ﺁﺁﺁﺁﺁﻩ
- ﻣﺮﻭﺍﻥ ﺑﻠﻬﻔﺔ : ﺃﻫﻲ ﻣﻮﺍﻓﻘﺔ ﻗﺪﺍﻣﻜﻢ ﺃﻫﻲ !! ﺳﻤﻌﺘﻮﺍ .. ﺍﻟﻠﻪ ﻳﺨﻠﻴﻜﻢ ﻟﻤﻮﻧﺎ ﺑﻘﻰ ﻣﻊ ﺑﻌﺾ ، ﺍﺣﻨﺎ ﺑﻘﺎﻟﻨﺎ ﺳﻨﻴﻦ ﻣﺘﻤﺮﻣﻄﻴﻦ ، ﻭﺑﻌﺪﻳﻦ ﺍﺣﻨﺎ ﻣﺶ ﻟﺴﻪ ﻫﻨﻌﺮﻑ ﺑﻌﺾ ، ﻻﺯﻣﺘﻬﺎ ﺍﻳﻪ ﻧﻀﻴﻊ ﻭﻗﺖ ، ﺍﺳﺘﺮﻭﺍ ﻋﻠﻴﻨﺎ ﺑﻘﻰ !..
ﺿﺤﻚ ﺍﻟﺠﻤﻴﻊ ﻋﻠﻰ ﻃﺮﻳﻘﺔ ﻣﺮﻭﺍﻥ ﺍﻟﻈﺮﻳﻔﺔ ﻓﻲ ﺍﻟﺤﻮﺍﺭ ﻭ ...
- ﻓﻬﻤﻲ ﺿﺎﺣﻜﺎً : ﺑﺎﻟﺴﺮﻋﺔ ﺩﻱ ﻫﻬﻬﻬﻬﻬﻬﻬﻬﻬﻬﻬﻪ
- ﺻﻼﺡ : ﺍﻧﺎ ﻣﺶ ﻋﺎﺭﻑ ﺍﻳﻪ ﺍﻟﻠﻲ ﻣﺴﺮﺑﻌﻬﻢ
- ﺯﻳﻨﺐ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ﺑﻨﺎﺕ ﺃﺧﺮ ﺯﻣﻦ
- ﺃﺣﻼﻡ : ﺭﺑﻨﺎ ﻳﺴﻌﺪﻫﻢ ﺑﺒﻌﺾ
- ﻣﺮﻭﺍﻥ ﻣﻜﻤﻼً : ﺃﻧﺎ ﻋﺎﻭﺯ ﺃﺗﺠﻮﺯ ﻧﻴﺮﺓ ﺑﻜﺮﺓ !
- ﺻﻼﺡ : ﻧﻌﻢ
- ﺯﻳﻨﺐ : ﺍﻳﻪ
- ﻣﺮﻭﺍﻥ : ﺃﻧﺎ ﻫﺠﻬﺰ ﻛﻞ ﺣﺎﺟﺔ ، ﻭﻣﺶ ﻣﺤﺘﺎﺝ ﻣﻦ ﻧﻴﺮﺓ ﺃﻱ ﺣﺎﺟﺔ ، ﺃﻧﺎ ﻋﺎﻳﺰﻫﺎ ﻫﻲ ﺑﺲ
- ﻓﻬﻤﻲ : ﺍﻫﺪﻯ ﻳﺎ ﺑﻨﻲ ، ﻣﺶ ﻛﺪﻩ
- ﺃﺣﻼﻡ ﺑﺎﺣﺮﺍﺝ : ﻣﺮﻭﺍﻥ ، ﻣﻴﺼﺤﺶ ﻛﺪﻩ
- ﻧﻴﺮﺓ ﻭﻗﺪ ﻧﻬﻀﺖ ﻣﻦ ﻣﻘﻌﺪﻫﺎ : ﻷﻷﻷﻷ ...
ﻧﻬﻀﺖ ﻧﻴﺮﺓ ﻣﻦ ﻣﻜﺎﻧﻬﺎ ﺗﺎﺭﻛﺔ ﺍﻟﻤﻄﻌﻢ ، ﻟﺤﻘﺖ ﺑﻬﺎ ﻓﺎﻃﻴﻤﺎ ، ﺻﺪﻡ ﺍﻟﺠﻤﻴﻊ ﻣﻦ ﺭﺩﺓ ﻓﻌﻞ ﻧﻴﺮﺓ ، ﺛﻢ ﻧﻬﺾ ﻓﻬﻤﻲ ﻣﻦ ﻣﻘﻌﺪﻩ ﻭﻛﺬﻟﻚ ﻓﻌﻠﺖ ﺃﺣﻼﻡ ، ﺣﺎﻭﻝ ﻣﺮﻭﺍﻥ ﺗﻠﻄﻴﻒ ﺍﻷﺟﻮﺍﺀ ﻭ ...
- ﺯﻳﻨﺐ ﺑﺎﺳﺘﻐﺮﺍﺏ : ﻣﺎﻟﻬﺎ ﺩﻱ
- ﺻﻼﺡ : ﻣﺶ ﻋﺎﺭﻑ
- ﻣﺮﻭﺍﻥ : ﺁﺁﺁ ... ﺍﻛﺴﻔﺖ .. ﺍﺣﻢ .. ﻋﺮﻭﺳﺔ ﺑﻘﻰ ﻭﺃﻧﺎ ﺣﺮﺟﺘﻬﺎ ﻗﺼﺎﺩﻛﻢ
- ﻓﻬﻤﻲ ﻭﻗﺪ ﻭﻗﻒ : ﻃﺐ ﺁﺁﺁ ... ﻧﺴﺘﺄﺫﻥ ﺍﺣﻨﺎ ﺍﻟﻮﻗﺘﻲ
- ﺃﺣﻼﻡ ﻭﻗﺪ ﻧﻬﻀﺖ ﻫﻲ ﺍﻷﺧﺮﻯ : ﺃﻫﺎ
- ﺯﻳﻨﺐ : ﻣﺎ ﻟﺴﻪ ﺑﺪﺭﻱ ﻳﺎ ﺟﻤﺎﻋﺔ ، ﺧﻠﻴﻜﻮﺍ ﺃﻋﺪﻳﻦ ﻣﻌﺎﻧﺎ ﺷﻮﻳﺔ
- ﺃﺣﻼﻡ : ﻳﻌﻨﻲ ﻋﺸﺎﻥ ﺗﺎﺧﺪﻭﺍ ﺭﺍﺣﺘﻜﻢ ﻭﻛﺪﻩ
- ﻣﺮﻭﺍﻥ : ﺑﺼﻮﺍ ﺃﻧﺎ ﻣﺶ ﻋﺎﻭﺯﻛﻢ ﺗﺸﻴﻠﻮﺍ ﻫﻢ ﺃﻱ ﺣﺎﺟﺔ ، ﺍﻧﺎ ﻋﺎﻣﻞ ﺣﺴﺎﺑﻲ ﻭﻣﺠﻬﺰ ﻟﻨﻴﺮﺓ ﺃﺣﺴﻦ ﺣﺎﺟﺔ .. ﺍﻧﺎ ﻣﺶ ﻋﺎﻭﺯ ﻏﻴﺮ ﻫﻲ ﻭﺑﺲ، ﻭﻛﻞ ﺍﻟﺘﺮﺗﻴﺒﺎﺕ ﺃﻧﺎ ﻫﻌﻤﻠﻬﺎ
- ﺻﻼﺡ : ﺭﺑﻨﺎ ﻳﺴﻬﻞ
ﺣﺎﻭﻝ ﻣﺮﻭﺍﻥ ﺃﻥ ﻳﺬﻟﻞ ﺃﻱ ﻋﻘﺒﺎﺕ ﻗﺪ ﺗﻘﻒ ﻓﻲ ﻭﺟﻪ ﺍﺗﻤﺎﻡ ﺯﻳﺠﺘﻪ ﻣﻦ ﻧﻴﺮﺓ ﺑﺎﻟﺤﺪﻳﺚ ﻋﻦ ...
- ﻣﺮﻭﺍﻥ ﻣﻮﺿﺤﺎً : ﺃﻧﺎ ﻫﺎﻇﺒﻂ ﻣﻊ ﻣﺪﻳﺮ ﺍﻟﻘﺮﻳﺔ ﻫﻨﺎ ، ﻭﻫﻌﺰﻡ ﻛﻞ ﺍﻟﻘﺮﺍﻳﺐ ﻭﺍﻟﺤﺒﺎﻳﺐ ، ﻭﻫﻨﻘﻀﻲ ﻳﻮﻣﻴﻦ ﻫﻨﺎ ﺷﻬﺮ ﻋﺴﻞ ﻭﺑﻌﺪ ﻛﺪﻩ ﻧﻄﻠﻊ ﻉ ﺑﻴﺘﻨﺎ
- ﺻﻼﺡ ﻣﺤﺎﻭﻻً ﺍﻗﻨﺎﻋﻪ ﺑﺎﻟﺘﺄﺟﻴﻞ : ﺍﺩﻳﻨﺎ ﺑﺲ ﻳﻮﻣﻴﻦ ﻧﻈﺒﻂ ﻓﻴﻬﺎ ﻛﻞ ﺣﺎﺟﺔ ، ﻉ ﺍﻷﻗﻞ ﺣﺎﺟﺔ ﺍﻟﺒﻨﺖ
- ﻣﺮﻭﺍﻥ : ﻣﺎﺗﺘﻌﺒﺶ ﻧﻔﺴﻚ ﻳﺎ ﻋﻤﻲ ، ﻛﻔﺎﻳﺔ ﺑﺲ ﻧﻴﺮﺓ ﻋﻠﻴﺎ
- ﻓﻬﻤﻲ : ﻳﺎ ﻣﺮﻭﺍﻥ ﺍﺻﺒﺮ ﺷﻮﻳﺔ ، ﺍﺩﻳﻬﻢ ﻓﺮﺻﺔ ﻳﺸﻮﻓﻮﺍ ﺍﻳﻪ ﺍﻟﻠﻲ ﻧﺎﻗﺼﻬﻢ
- ﺃﺣﻼﻡ : ﺍﻳﻮﻩ ، ﻫﻲ ﻋﺮﻭﺳﺔ ﻭﺍﻛﻴﺪ ﻫﺘﺤﺘﺎﺝ ﺍﻧﻬﺎ ﺁﺁﺁ ....
- ﻣﺮﻭﺍﻥ ﺑﻨﻔﺎﺫ ﺻﺒﺮ ﻣﻘﺎﻃﻌﺎً : ﺍﻭﻭﻭﻑ ، ﻓﺮﺻﺔ ﻟﻴﻪ ﺑﺲ ، ﺃﻧﺎ ﻣﺶ ﻋﺎﻭﺯ ﺃﺿﻴﻊ ﻭﻗﺖ ، ﺍﻧﺎ ﺟﻮﺍﺯﺗﻲ ﺃﺻﻼً ﻣﺘﺄﺟﻠﺔ ﻣﻦ 3 ﺳﻨﻴﻦ
- ﺯﻳﻨﺐ : ﻃﺐ ﺃﻧﺎ ﻋﻨﺪﻱ ﺍﻗﺘﺮﺍﺡ ، ﺧﻠﻲ ﺍﻟﻔﺮﺡ ﻉ ﺃﺧﺮ ﺍﻻﺳﺒﻮﻉ ، ﺍﻫﻮﻭ ﻛﺪﻩ ﻳﺒﻘﻰ ﻣﻌﻘﻮﻝ
- ﻣﺮﻭﺍﻥ : ﻷ ﻛﺘﻴﺮ ، ﺍﻟﻔﺮﺡ ﺑﻜﺮﺓ ﺑﺎﻟﻠﻴﻞ ﺍﻥ ﺷﺎﺀ ﺍﻟﻠﻪ ، ﻫﻲ ﻫﺘﺤﺘﺎﺝ ﺍﻳﻪ ﻏﻴﺮ ﻓﺴﺘﺎﻥ ﻓﺮﺡ ، ﻭﺩﻩ ﻫﻴﺘﺠﺎﺏ ﻣﻦ ﺃﻱ ﻣﺤﻞ ﻓﺴﺎﺗﻴﻦ ﻗﺮﻳﺐ ﻣﻦ ﺍﻟﻘﺮﻳﺔ ، ﻭﻟﻮ ﻉ ﺍﻟﺰﻭﺍﺀ ﻭﺍﻟﻤﻴﻚ ﺃﺏ ﻓﻲ ﺑﻴﻮﺗﻲ ﺳﻨﺘﺮ ﻣﻮﺟﻮﺩ ﻉ ﺃﻋﻠﻰ ﻣﺴﺘﻮﻯ ﻓﻲ ﺍﻟﻘﺮﻳﺔ ..
- ﺯﻳﻨﺐ : ﻳﺎ ﺑﻨﻲ ﺍﻟﻌﺮﻭﺳﺔ ﻣﺤﺘﺎﺟﺔ ﺍﻧﻬﺎ ﺁﺁﺁ ...
- ﻣﺮﻭﺍﻥ : ﻃﻨﻂ ﺃﻧﺎ ﻣﺶ ﻋﺎﻭﺯﻙ ﺗﻘﻠﻘﻲ ، ﺃﻧﺎ ﻃﻮﻝ ﺍﻟـ 3 ﺳﻨﻴﻦ ﺍﻟﻠﻲ ﻓﺎﺗﻮﺍ ﺩﻭﻝ ﺃﻱ ﺣﺎﺟﺔ ﺑﺸﻮﻓﻬﺎ ﻭﺗﻌﺠﺒﻨﻲ ﺑﺠﻴﺒﻬﺎ ﻟﻨﻴﺮﺓ ، ﺗﻘﺮﻳﺒﺎً ﻣﻌﺪﺗﺶ ﻧﺎﻗﺺ ﺇﻻ ﻭﺟﻮﺩﻫﺎ ﻫﻲ ﻋﺸﺎﻥ ﺗﻜﻤﻞ ﺣﻴﺎﺗﻲ !..
- ﺻﻼﺡ : ﺃﻧﺎ ﻣﺶ ﻋﺎﺭﻑ ﺃﻗﻮﻟﻚ ﺍﻳﻪ
- ﻣﺮﻭﺍﻥ : ﻭﺍﻓﻖ ﻳﺎ ﻋﻤﻲ ﺍﻧﻲ ﺍﺗﺠﻮﺯ ﻧﻴﺮﺓ ﺑﻜﺮﺓ ، ﻣﺎﻫﻮ ﺃﻧﺎ ﻣﺶ ﻫﺎﻣﺸﻲ ﻣﻦ ﻫﻨﺎ ﻏﻴﺮ ﻟﻤﺎ ﺃﺧﺪ ﻣﻨﻚ ﺍﻟﻤﻮﺍﻓﻘﺔ
- ﻓﻬﻤﻲ : ﻋﻴﺐ ﻛﺪﻩ ﻳﺎ ﻣﺮﻭﺍﻥ ، ﻣﺎﺗﺒﻘﺎﺵ ﻏﻠﺲ
- ﻣﺮﻭﺍﻥ : ﻷ ﺍﻧﺎ ﻏﺘﺖ ﻭﻏﻠﺲ ﻭﺭﺯﻝ ﻭﻛﻞ ﺣﺎﺟﺔ ﺑﺲ ﺃﺗﺠﻮﺯ ﻧﻴﺮﺓ
ﻟﻢ ﻳﺴﻠﻢ ﺻﻼﺡ ﻣﻦ ﺗﻮﺳﻼﺕ ﻣﺮﻭﺍﻥ ﻭﺍﺻﺮﺍﺭﻩ ﺍﻟﺸﺪﻳﺪ ﻋﻠﻰ ﺍﻟﺰﻭﺍﺝ ﻣﻦ ﻧﻴﺮﺓ ، ﺣﺘﻰ ﺃﻥ ﺯﻳﻨﺐ ﺍﻋﺠﺒﺖ ﺑﻬﺬﺍ ﺍﻻﺻﺮﺍﺭ ﺍﻟﻌﺠﻴﺐ ، ﻭﻗﺮﺭﺕ ﺃﻥ ﺗﺪﻋﻢ ﻣﺮﻭﺍﻥ ، ﻓﻘﺪ ﻓﻜﺮﺕ ﺟﻴﺪﺍً ﻣﻊ ﻧﻔﺴﻬﺎ ﻣﻦ ﻗﺒﻞ .. ﻓﻤﺮﻭﺍﻥ ﺷﺨﺼﻴﺔ ﺗﻤﺘﺎﺯ ﺑﺎﻟﺮﺟﻮﻟﺔ ﻭﺍﻟﺸﺠﺎﻋﺔ ﻭﻫﻮ ﻳﺤﺐ ﻧﻴﺮﺓ ، ﺑﺎﻻﺿﺎﻓﺔ ﺇﻟﻰ ﺃﻧﻪ ﻣﻴﺴﻮﺭ ﺍﻟﺤﺎﻝ ﻓﻠﻤﺎﺫﺍ ﺗﻀﻴﻊ ﻭﻗﺘﻬﺎ ..
- ﺯﻳﻨﺐ : ﺑﺼﺮﺍﺣﺔ ﻣﺮﻭﺍﻥ ﺩﻩ ﻣﺎﻳﺘﺴﺒﺶ ﻳﺎ ﺣﺎﺝ
- ﺃﺣﻼﻡ : ﻓﻌﻼ
- ﺯﻳﻨﺐ : ﻃﺎﻟﻤﺎ ﻫﻮ ﻋﺎﻭﺯﻫﺎ ﻳﺎ ﺣﺎﺝ ﻣﺎﻓﻴﺶ ﺩﺍﻋﻲ ﺍﻧﻨﺎ ﻧﺄﺟﻞ ﺍﻟﺠﻮﺍﺯﺓ ، ﻭﻫﻮ ﺑﺎﻳﻦ ﻋﻠﻴﻪ ﺑﻴﺤﺒﻬﺎ ﺃﻭﻱ
- ﻣﺮﻭﺍﻥ : ﺟﺪﺍﺍﺍﺍﺍﺍ ﺟﺪﺍﺍﺍﺍﺍﺍ ﻳﺎ ﻃﻨﻂ ، ﻭﺭﺑﻨﺎ ﺍﻟﻠﻲ ﻋﺎﻟﻢ ﺑﺎﻟﻠﻲ ﺟﻮﺍﻳﺎ
- ﺻﻼﺡ ﻣﺴﺘﺴﻠﻤﺎً : ﺧﻼﺹ ﻳﺎ ﺑﻨﻲ ، ﺭﺑﻨﺎ ﻳﻘﺪﻡ ﺍﻟﻠﻲ ﻓﻴﻪ ﺍﻟﺨﻴﺮ
ﻟﻢ ﻳﺼﺪﻕ ﻣﺮﻭﺍﻥ ﻣﺎ ﺳﻤﻌﺘﻪ ﺍﺫﻧﻴﻪ ، ﻓﺄﻣﺴﻚ ﺑﺬﺭﺍﻋﻲ ﺍﻻﺳﺘﺎﺫ ﺻﻼﺡ ﻭﺍﻟﻔﺮﺣﺔ ﺗﻜﺎﺩ ﺗﻨﻄﻖ ﻋﻠﻰ ﻭﺟﻬﻪ ﻭ ..
- ﻣﺮﻭﺍﻥ ﺑﻌﺪﻡ ﺗﺼﺪﻳﻖ : ﺑﺠﺪ ... ! ﺍﻧﺎ .. ﺃﻧﺎ ﻫﺎﺟﻮﺯ .. ﻳﻌﻨﻲ ﺣﻀﺮﺗﻚ ﻣﻮﺍﻓﻖ ﻳﺎ ﻋﻤﻲ .. ﺑﻜﺮﺓ ﺻﺢ ... ﻫﺎ ؟؟ ﺑﻜﺮﺓ ؟؟؟
- ﺻﻼﺡ : ﺍﻳﻮﻩ ﻳﺎ ﺑﻨﻲ ﺑﻜﺮﺓ
- ﻓﻬﻤﻲ : ﻛﺪﻩ ﺍﺭﺗﺤﺖ
- ﻣﺮﻭﺍﻥ : ﻷ ﺃﻧﺎ ﻛﺪﻩ ﻫﺎﻓﻀﻞ ﻋﻠﻰ ﻧﺎﺭ ﻟﺤﺪ ﺑﻜﺮﺓ
- ﻓﻬﻤﻲ : ﺭﺑﻨﺎ ﻳﺒﺮﺩ ﻧﺎﺭﻙ ﻳﺎ ﺑﻨﻲ ... !
- ﻣﺮﻭﺍﻥ : ﻳﺎﺍﺍﺍﺍ ﺭﺏ ﺻﺒﺮﻧﻲ ﻟﺤﺪ ﺑﻜﺮﺓ ... !!
........................
ﻓﻲ ﻣﻜﺘﺐ ﺍﻻﺳﺘﻌﻼﻣﺎﺕ ﺍﻟﻤﻠﺤﻖ ﺑﺎﻟﻘﺮﻳﺔ ،،،
ﺗﻮﺟﻪ ﻋﻼﺀ ﺇﻟﻰ ﻣﻜﺘﺐ ﺍﻻﺳﺘﻌﻼﻣﺎﺕ ﻟﻜﻲ ﻳﺴﺄﻝ ﻋﻦ ﻣﻜﺎﻥ ﺷﺎﻟﻴﻪ ﻋﺎﺋﻠﺔ ﺻﻼﺡ ﺍﻟﺪﺳﻮﻗﻲ ﻭ ..
- ﺍﻟﻤﻮﻇﻒ : ﺩﻩ ﺭﻗﻢ ﺍﻟﺸﺎﻟﻴﻪ ﻳﺎ ﺍﺳﺘﺎﺫ ﻋﻼﺀ
- ﻋﻼﺀ : ﺷﻜﺮﺍً ، ﺃﻧﺎ ﻣﺶ ﻋﺎﺭﻑ ﺃﻗﻮﻟﻚ ﺍﻳﻪ
- ﺍﻟﻤﻮﻇﻒ : ﻋﺎﺩﻱ ﻳﺎ ﺍﺳﺘﺎﺫ ﻋﻼﺀ ، ﺩﻱ ﺣﺎﺟﺔ ﺑﺴﻴﻄﺔ
- ﻋﻼﺀ : ﺃﺻﻞ ﺍﻟﺠﻤﺎﻋﺔ ﺩﻭﻝ ﻗﺮﺍﻳﺒﻲ ، ﻛﺎﻧﻮﺍ ﻣﺴﺎﻓﺮﻳﻦ ﻭﻟﺴﻪ ﺭﺍﺟﻌﻴﻦ ﻣﻦ ﻳﻮﻣﻴﻦ ، ﺍﻟﻤﻬﻢ ﻫﻤﺎ ﻣﺶ ﻋﺎﺭﻓﻴﻦ ﺍﻧﻲ ﺍﺷﺘﻐﻠﺖ ﻫﻨﺎ ﻭﺃﻧﺎ ﻋﺎﻭﺯ ﺃﻋﻤﻠﻬﻢ ﻣﻔﺎﺟﺄﺓ
- ﺍﻟﻤﻮﻇﻒ : ﺍﻫﺎ .. ﻳﺎ ﺭﺏ ﻳﺘﺒﺴﻄﻮﺍ
- ﻋﻼﺀ : ﻳﺎﺍﺍﺍ ﺭﺏ
ﺍﻧﺼﺮﻑ ﻋﻼﺀ ﻣﻦ ﺍﻟﻤﻜﺘﺐ ﻭﻫﻮ ﻳﺒﺘﺴﻢ ﺍﺑﺘﺴﺎﻣﺔ ﺧﺒﻴﺜﺔ ﻭ ..
- ﻋﻼﺀ : ﺩﻩ ﺃﻧﺎ ﻫﻔﺎﺟﺌﻬﻢ ﺍﺣﻠﻰ ﻣﻔﺎﺟﺄﺓ ، ﻭﺧﺼﻮﺻﺎً ﻧﺪﻯ .. ﺃﻧﺎ ﻋﻤﺮﻱ ﻣﺎ ﻧﺴﻴﺘﻬﺎ ، ﻋﻤﺮﻫﺎ ﻣﺎ ﻏﺎﺑﺖ ﻋﻦ ﺑﺎﻟﻲ ﻳﻮﻡ .. ﻭﺍﻫﻮﻭ ﺟﻪ ﺍﻟﻮﻗﺖ ﺍﻟﻠﻲ ﻫﻨﻜﻮﻥ ﻓﻴﻪ ﻟﺒﻌﺾ ،ﻭﻣﺤﺪﺵ ﻫﻴﺒﻌﺪﻫﺎ ﻋﻨﻲ ﺗﺎﻧﻲ
رفقاً بالقوارير
By MennaMohamed047
ل منال محمد سالم More