✙ TRAILER ✙
Here's the trailer of the story! It will give you ideas about what will happen, so I hope you'll enjoy watching!
#PROLOGUE
"Zeion! Ang likut-likot mo naman eh! Matatalo tayo niyan eh!" Angal ni Xana habang nakayakap sa kaibigang si Zeion.
Naglalaro kasi sila ng paper dance at by pair ang laro. Ang tanging kalaban nila ay ang magkapares na sina Rem at Azalea.
One-fourth na lang ang natitira sa papel na kailangan nilang apakan at saktong isang paa na lang ni Zeion ang kasya doon kaya naman tumuntong siya sa paa nito at nagyakapan sila para huwag silang ma-out-balance.
"Kasi may kumakagat sa likod ko! Kamutin mo muna!" Pigil-galaw na angal ni Zeion.
"Ayoko nga!"
"Sige ka matatalo tayo!"
"Sabi nang ayoko eh!"
"Tsk! Pesteng langgaaaaam!"
At dahil hindi na natiis ni Zeion ay napagalaw ito upang kamutin ang likod nito kaya naman nawala ang balanse nilang dalawa at parehong tumalbog sa sahig yung mga puwet nila.
"Oh my butt!" Daing niya sabay hawak sa puwet niya. "Ansaket! G-G ka talaga!" At hinampas niya ito sa bunbunan.
"Ayaw mo pa kasi akong tulungan eh!" Nakanguso nitong sagot sabay bangon.
"Okay! Nanalo kami!" Tuwang-tuwang nag-highfive sina Rem at Azalea.
"Face the consequences!" Namuo ang isang malaking ngisi sa mga labi ni Rem.
"Kuyaaaaa..." Pumadyak pa sa sahig si Xana, umaasang magbabago ang isip ni Rem.
"Final na yun! Sige na! Pasok na kayo sa cabinet! Bwahahahaha!" Pinaghihila na sila ng dalawang magkapares at dinala sila sa isang malaking closet na walang laman.
Tinulak sila ng mga ito papasok sa closet at ni-lock ng mga ito ang knob mula sa labas.
"See yah later, alligator!" Mala-bruhang bumungisngis si Azalea mula sa labas.
"Tara! Tara!"
Sabay na napabuntong-hininga sina Zeion at Xana.
"Tsk. Kainis. Talo na naman tayo." Humalukipkip si Xana sabay upo .
Madilim sa loob ng closet kaya hindi niya masyadong makita yung mukha ng kasama niya.
"Hindi ka na nasanay." Bahagya itong natawa at umupo na rin sa tabi niya.
"Ano naman ang gagawin natin dito? Kainis naman eh."
Nanaig ang katahimikan sa loob ng ilang segundo.
"Uy, don't tell me nakatulog ka na diyan?" Kunot-noo niyang siniko ang tagiliran nito.
"Baliw. Hindi ah." Natawa na naman ito.
Lagi talaga itong tumatawa at nakangiti. Manang-mana ito sa ugali ng ama nito noong binata pa iyon.
"Alam mo, mana ka talaga kay tito Zypher." Nakanguso niyang puna dito.
"Oh? Paano mo naman nasabi yun?"
"Lagi ka na lang nakangisi."
"Masama ba yun?"
"Hindi naman. Pero nakapagtataka lang."
"Oh? Bakit?"
"Hindi pa kita nakikitang nalulungkot kahit isang beses. Halos araw-araw kang masaya. Parang wala kang problema sa buhay. Paano mo nagagawa yun?"
Bigla siyang na-intriga. Kung gaano naman kasi siya ka-dramatic ay ganun din ito ka-masayahin.
"Hindi ah. May mga oras din na hindi ako masaya." Nakanguso nitong sagot sa kanya sabay buntong-hininga.
"Weh? Di halata ah."
"Hmm. Siguro nga mana talaga ako kay dad. Ngumingiti kahit hindi masaya."
"Ganyan din si tito?"
"Sabi ni mommy at nina tita Nemsey, ganun din daw siya noong nagkaproblema sila ni mommy noon."
"Problema? Anong problema naman yun?" Na-intriga na siya.
Bet na bet kasi niya yung love team ng ama't ina ni Zeion. Ang ZYXEN love team.
"Basta... Mahabang kuwento..."
"Tsk. Matagal pa bago nila tayo palalabasin dito. Siguro naman sakto lang yung panahon para kwentuhan mo'ko." Ngumiti siya kay Zeion at naaninag na niya ang mukha nito.
Nakapag-adjust na ang mga mata nila sa dilim.
"Mapilit ka talaga." Ginulo nito ang buhok niya tsaka ito humingang malalim.
"Yey! Kwentuhan mo na'ko!" Excited niyang itinaas yung mga kamay niya.
Nakita niya ang paglingon nito sa kanya. Tinignan niya ang mukha nito at natulala siya sa nakita niya.
He lopsidedly smiled at her. A smile she had never seen before.
"Okay. Magsimula tayo sa kung kailan nalaman ni mommy na may kambal si daddy."
~~~~~~~~~~~~~~~~~~~~~~~~~~~~
MEET ZEION AND REM RYU!
PS: YES! It is decided! Uunahin ko na lang ang kwentong 'to dahil andami nang naghahanap ng Book 2! Hahahaha!
The 1st chapter will be published on February 2017! Abangan!
Read. Vote. Comment. Support.
#babaengbully