روان كانت ميته من الخوف لما اتصل فيها مشعل و طلب منها تجي البيت ضروري كانت حاسه ان في شيء و ماهو طيب من نبره صوته..
دخلت البيت لحالها رغم اصرار مشاري انه يرافقها لكنها فضلت تكون لحالها و كان مشعل في انتظارها في مكتبته وهو مكان معزول عن مسامع الشغالات: السلام عليكم
مشعل التفتت لها وكان العبوس على وجهه روان مشت له حتى تسلم عليه لما مد يده قدامها يوقفها: عمي؟؟
مشعل ببرود: انتي ايش اللي تعرفينه عن عواطف يا روان
روان حست بشيء من التوتر بس حبت انها تعرف اللي عنده: اعرف؟؟ اعرف ايش بالضبط؟
مشعل : ايش اللي تعرفينه عن عواطف حتى تصري اني اتزوجها.. ايش هو التصرف العظيم و والاخلاق الكبيره اللي جعلتك ترشحينها زوجه لي يااااااااااا روووان... يااا بنت اخووووي
روان هزت كلمت مشعل الاخير و بالم قالت: عمييييي .......اناااااا ماااااااااا اعرف!!1
مشعل: ولما انتي ما تعرفين عنها شيء ولاهي مميزه ليش اصريتي عليها ليش ما فكرتي تسالين و تستفسرين عن ماضيها
روان لما ذكر مشعل كلمه ماضي توسعت عيونها و مشعل على طول فهم انه ضرب وتر حساس: او انك كنتي تعرفين و سكتي عنه..
روان توترت وهو شيء اكد لمشعل انه استنتاجه صح: كنتي تعرفين ان عواطف كانت و مازالت تبي وااااااااخد ثااااااني؟؟؟و انها حاولت كثير تفرقه عن زوجته؟؟؟؟؟؟
روان نزلت دموعها بقوه: بس يا عمي
مشعل بقهر: بس ايششششششش مااافي تفسير ولا تبريير للي سويته.. انا يا روان.. انا تختارين لي وحده مثل عواطف! انا اللي حرمت نفسي من الدنيا و متعها حتى اربيك لما تخلى عنك الكل... انا اللي حرمت نفسي الزواج حتى ما اجيب لك حرمه تضايقكك في بيتك! انااا يااا روان.. انا؟؟
روان كانت تبكي و مغطيه عيونها بيدينها: اسفففففففه... اسففففففه كنت اناااانيه.... كنت اناااايه فضلت سعادتي على سعادتك ياا عمي ساامحني....
مشعل: سعااااااااتك كانت مضمووونه... مافي علاقه لزواجي بعواطف فيييييييها
روان: الا فيه... انااا حملت لسى .. و عواطف كانت و مازالت تبي مشاري.. و ان طلبته وانا لسى ما حملـــــ...
مشعل على طول قاطع روان لما ذكرت مشاري: لحظه لحظه!!! ايش دخل مشاري بعواطف
روان: مشاري كان خاطب عواطف قبلي بسنوات و ما اتفقوا ابوه و نواف بسبب مشاكل بالشغل فانفصلوا بس استمروا يحبون بعض و هذي المشاكل تصلحت الحين و...
مشعل: انتي غبييييييييه؟؟ من حط هذي الافكار في رااااسك؟؟
روان: ليش؟ هو في شيء ثاني؟؟
مشعل: يظهر يا روان انك انحطيتي في وسط خدعه حقييييييره.. وللاسف كنتي طعم سهل هدفه كان اصطيادي
روان: ماني فاهمه .. وضح لي يا عمي...
مشعل: عواطف ما كانت ابداااا تبي مشاري.... اللي تبيه فواز
روان بصدمه: ايش؟؟؟؟؟؟ لا مستحيل هو..
مشعل: وصلت لي تسجيلات بصوتها من فاعل خير وهي تخطط مع وحده ثانيه لتدمير زواج ريم و فواز و اضافه الى مسجات منحطه له ... و هو شيء مستحيل اسكت عليه
روان: ايش اللي بتسويه يااا عمي!!! ارجوك!
مشعل : انتي اخترتي مشاري علي يااااااا روان.. لكن انا مستحيل اختار سعادتي عليك....
روان بخوف: ايش اللي ناوي تسويه ياا عمي
مشعل بتنهد: بعد اللي عرفته مستحيل اظل مع عواطف ... لهذا السبب بطلقها
روان وهي ميته من الخوف: لا ياا عمي ارجوووك.. ان طلقتها انا....
مشعل: تطمني.... ما راح افضحها!!! لاني ان فضحتها مستحيل تظلي مرحب فيك بالعايله... انا راح اطلع باقل خسائر ممكنه لي ولك
روان: ايش اللي بتسويه!
مشعل : بعد كم يوم... يجيك الخـــبر...
-
-
نواف ابتسم بعد ما سكر مكالمه غراميه طويله مع الجود اللي كانت علاقته فيها ماخذه مجرى من الرومانسيه و المتعه لنواف.. اللي عاجبه في الجود انها كانت مغروره وواثقه في نفسها كثير وانها بتكون زوجته علني وهو شيء كان ممكن بعد ما تشوف ايمان الصور و تنجن وبعدها يقول لها انها زوجته العلنيه.. وبعدها يرمي الجود بعد ما تستسلم له ايمان و بكذا يكون ضرب عصفورين بحجر كسب ايمان و كمل انتقام الجوري من بوفهد اللي اخذ بنته
رن موبايله من جديد باسم فوزيه وهو شيء اجبره يزفر خصوصا انه متجاهلها من فتره بسبب نفسيتها السيئه وهو نفس الشيء يحس نفسه منها كثير.. نزل الموبايل و ابتدأ بشغله لما تقدمت من عنده سكرتيرته: سيدي
نواف رفع راسه: خير في شيء؟
السكرتيره: في وحده اسمها هند البدر بره و تقول انها تبي تقابلك..
نواف تنهد وهو يسال نفسه هذي ايش جايبها: خليها تدخل
السكرتيره طلعت و بمجرد ما طلعت دخلت هند بابتسامتها العريضه على وجهها: هاااااااي يا حلو
نواف بضحكه ساخره: هااياااات يااا احلى
هند جلست قدامه بدلع: شفت نفسي ماره من عند الشركه قلت خل امرك و اكحل عيوني بالزين هههههههه
نواف: ههههههه لهذي الدرجه انا مزيون
هند: طبعاااااا وهذا الشيء محتاج سؤال ّ
نواف: هههههه للاسف نادرا ما اسمع هذا الشيء فشكرا على رفع معنوياتي
هند: لان اللي عندك ما عندها ذوق
نواف وهو يرفع حاجبه: خير؟
هند: سوري نواف انا ما قصدت اهين ايمان حبيبه قلبك الغاليه و اللي اعرف انك ممكن ترميني من الشباك علشانها
نواف :ههه احلى شيء فيك يا هند انك عارفه حدودك
هند بضحك حتى ما تبين له انه غلبها باسكتها: هههه اكيد اعرف حدودي لو ما اعرفها كان صرت مثل البنات الغبيات اللي يرضون ياخذون واحد عنده ايمان الخارقه الجمال...
نواف: هند.. انتي لايش تبين توصلين..
هند مدت مجموعه اوراق قدام نواف: تقبل تكون شريكي ياا نواف؟
نواف باستغراب اخذ الاوراق و ابتدا يقرا فيها و هي كانت عباره عن تخطيط لمشروع لاباس فيه: واو... شيء جميل جدا ..
هند: انا درست اداره اعمال و اخذت دورات كثيره و كل اللي درسوني شكروا فيني و قالواا ان لي مستقبل كبببببببير في التخطيط لهذا السبب رسمت هذا المشروع مع اكثر من اختصاصي وقلت اشوفك ورايك
نواف وهو يرمش بعيونه: مشروع مثل هذا جميل و مدخوله مضمون كثير بس ليش انا... اخوك عامر اولى...
هند لفت وجهها بعيد: اسمح لي يا نواف لما قررت ابتدي مشاوري قررت ابتديه بروحي و ما ابي اشارك عامر حتى ما ينسب اي شيء له و بعد كم سنه اتهاوش مع السيده افراح يقوم يرميني بالشارع انا و امي
نواف بعدم تصديق: عامرررررر كذااااااااا
هند: وليش الااا.... اذا مانت مصدقني اسال ايمان
نواف رعص على اسنانه لانها تذكره بايمان باشيء تقهره: خير؟؟
هند: اسالها هو شنو سوا في زوجته السابقه نوف.... كلمه وحده من واحد غريب شكتته فيها و استمر يشك لحد ما وقف قلبها و ذبحها..
نواف بتنهد: هذا موضوع مختلف يا هند
هند وهي تمثل الدلع قررت تسحب الملف: اذا ما تبي تشاركني خلاص ما ابي
نواف حط يده على الملف و بدل لا توقف هند استمرت تمد يدها و تلامست يدينهم..وسحبتها بتمثيل متقن: سوووري
نواف: انا اللي اسف... خلاص ياا هند ما راح يصير الا كل خير و المشروع بيتنفذ و بنكون شركاء فيه
هند من اول ما دخلت وهي عيونها كانت على موبايل نواف اللي كان صامت و يرن و يرن باستمرار نفس الرقم و في هذي اللحظه اللي كانت تمثل فيها الخجل قررت تستغل الوضع و تسحبه: ما شاء الله موبايل اي موديل عمري ما شفته
نواف ما عجبه انها اخذت موبايله تتامله هي ما فتحته لانه فيه رقم سري بس ما حب انه يبين لها انه ما يحب احد يمسك اغراضه..: التصميم مصمم لي بروحي بما اني شريك كبير في شركته لكنهم ناوين ينزلون هذا الموديل بعد سنه و نص
هند اخذت موبايلها و صورت جهاز نواف اللي ما عبجه تصرفها: هنننننند لو سمحتي انا ما احب احد يلمس اغراضي
هند رجعت الموبايله له و رفعت حاجبها : تتكلم عن الموبايل كانها ايمان و طايحه فيها تبوس
نواف بانفجار: هننننننننننننننننننننننننننند
هند ضحكت ووقفت حتى تهرب : ما دامني اعرف نقطه ضعفك راح استغل كثييييييير ياااا حلووو....بااااااااااااي
هند طلعت بسرعه كبيره و نواف تنهد بقوه بمجرد ما اختفت نظر للملف و لموبايله و حس بانقراف من نفسه .. اخذ موبايله و اتصل فيها..
رن رن رن .................. رن رن رن
كالعاده ما ردت عليه ايمان نزل موبايله و رفع راسه للسقف يتامله : هند تقول اي بنت ترمي نفسها لي........ بس انا ماااا ابي الا وحده.........
-
-
-
-
هند بكل خبث بمجرد ما طلعت اخذت موبايلها الثاني السري و فتحت الصور اللي التقطتها بموبايلها العادي و اللي كان يظهر فيها صوره شاشه نواف اخر رقم اتصل و اسم صاحبته ( فوز )
هند بخبث: الووو؟؟؟ مدام فوز؟
فوزيه: اي نعم من معي؟؟؟
هند وهي تبي تختبر شيء: انا سكرتيره زوجك السيد نواف
فوزيه بتنهد: خيييير ليش متصله اعتقد اني اتصلت فيه هو....
هند: بصراحه السيد نواف مشغول جدا جدا ولهذا السبب ماهو قادر يرد على التصاللات لهذا السبب طلب مني اكلمك و اعطيك هديه خاصه بس العنوان ماهو واضح عندي ممكن تعطيني اياه
فوزيه بتملل: اوكي سجلي عندك...
هند بفرح سجلت العنوان عندها و بعدها سكرت الخط وهي تنظر للمغلف الثاني اللي كانت تاركته بالسياره واللي كان كله صور لنواف مع وحده من زوجاته: شنو بيصير فيج ياااا مدام فوز لما توصلج صورج الحميمه مع نواف هههههههه اكيد بتذبحينه و تذبحين ايمان قهر
الخطه كانت ان هند توصل الصور اللي صورتها لفوزيه اللي ظنتها اللي كانت مع نواف في الفيلا و لما تشوف فوزيه صورها ايكد بتروح لنواف و بتفضحه على تصويرها و اكيد هذا الشيء الشيء بيضايق ايمان كثير و اكيد اكثر نواف بيكره ايمان لانها السبب في هذي الصور وهي اللي صورتهم و تسببت في الفضيحه...
لكـــــــن الشيء اللي ما عرفته هند هو اللي صورتها كانت وحده ثانيه ... و هذي الوحده كانت تعرف فوزيه و فوزيه تعرفها..
-
-
فوزيه كانت متمدده على سريرها و تتصل على رقم معين كل دقيقه و ما في اي رد جديد: ابي اكلم نواف...
السكرتير: طويل العمر ماهو في البلاد في الوقت الحالي و
فوزيه بصراخ: كذاااااااااااااب عطني اياااه و الحين..
السكرتير: قلت لك السيد نواف غير موجود فاااااااهم...
فوزيه : لا ماني فاهمه و عطني نووواف الحين..
السكرتير سكر الخط في وجهها ... فوزيه انفجر غضب و اتصلت على الرقم الثاني الشخصي...: الوو
فوزيه: نواف؟؟؟
الحارس: السيد نواف مشغول الان من يتكلم؟؟
فوزيه: قول له زوجته فوز..
الحارس: لحظه من فضلك...
فوزيه انتظرت دقيقه و بعدها رد الحارس: عذرا سيدتي و لكن السيد نواف يقول انه مشغول ولا يريد التحدث معك..
فوزيه انفجرت بصراخ مره ثانيه: عطني اياه..
الحارس: هذا الشيء مستحيل..
و سكر الخط في وجهها...
فوزيه انجنت و ضربت راسها بتاج السرير : مستحيل مستحيل .. انا استخدمت معه كل شيء... سيطرت عليه بالكامل...
شلون يتغير بهذي السرعه من غير اي شيء سوته... صار لها كم يوم تتصل وما في اي شيء صار
طق طق طق
فوزيه بانفجار: من؟؟؟؟؟
الشغاله المسكينه اللي عينها بدر حتى تساعد خوله فتحت الباب و قربت منها : ماما في واحد يجيب هذا يقول عطي ماما فوز...
فوزيه حركت عيونها على مغلف في يد الشغاله.. : ما قال من اللي ارسله..
الشغاله هزت راسها بالنفي.. وفوزيه فهمت انه من اللي كلمتها
فوزيه بعصبيه: اطلعي براااه و سكري الباب وراك
بعد ما طلعت الشغاله فتحت فوزيه المغلف و انصعقت ... صور .... الجود؟؟؟ مع نواف... وجه نواف ما كان واضح في الصور لكنها عرفت انه هو .. الفيلا اللي كانوا يتقابلون فيها و شكله من بعيد... و الجود بمنظر..: الجوووووووود الحقيره..... سرقته مني.... لا .. مستحيل ... مستحيل اتركك تتهنين فيه ياااااا حقيره..
-
-
-
نزلت موبايلها من جديد وتنهدت خصوصا ان اتصاله سد نفسها على الاكل وصارت تقلب في طبقها: اووووف
ايمان رفعت عيونها للي كان قدامها ياكل وهو مبوز: فواز شفيك؟؟
فواز كان ياكل في اللي طلبه و هو يتافف: الحين انا عازمك حتى تاكلي و لا تتفرجي علي اكل
ايمان ضحكت عليه: شنو اسوي راعي البقر... جاني اتصال سد نفسي
فواز : بس اللي اشوفه انج ما رديتي
ايمان: بمجرد ما شفت اسمه شيء طبيعي تنسد نفسي
فواز: ما علينا اموووون اكلي و ارتاحي و طلعي كل اللي في قلبج
ايمان بتنهد: فواااز خل نكون صرحين انت تبي تكلمني بموضوع صح؟
فواز بتنهد: اللي يعجبني فيج انج تعرفيني عدل
ايمان : وااايد احبك شنووو اسوي..
فواز ببابتسامه: ريم!!
ايمان : شنو فيها ريم؟
فواز وهو ينزل الاكل في الطبق: ريم تعرف انها عقيييم
ايمان باستغراب: وانت شعرفك و هي شلون عرفت
فواز: شلون عرفت ما ادري لان الطبيبه اكدت محد عرف بالموضوع لكني متاكد من انها تعرف عن طريق تصرفاتها
ايمان: وانت واجهتها؟؟
فواز: لا... خفت عليها من المواجهه
ايمان: اوكي .... اجل اسمع اللي بقوله ولا تقاطعيني
فواز: واللي هو...
ايمان: تسافر انت وهي ............. علاج
فواز: علاااج؟؟؟ بس الطبيبه قالت..
ايمان: فوووواز اسمعين و لا تقاطع انت تقول لها انك بتسافر معها علاج لانك تبي توأم
فواز باستغراب: توام؟؟ شنو هالعذر يا ايماااااااااااان ريم ما تقدر تحمل
ايمان: اعرف... لكنك لما تسافر معها راح تعالج العقم عندها بشكل غير مباشر..
فواز: واذا عارضت؟
ايمان: انت راح تطلب و هي لازم توافق.. سو هذا الشيء بطريقتك.. الخاااصه
فواز: و انتي يا ايمان؟
ايمان باستغراب: انا؟؟؟
فواز: انتي اللي تعطيني الناس النصائح و تساعدينهم؟
ايمان تنهدت وقامت من مكانها: ايماااااان
ايمان بادعاء: بروح الحمام عن اذانك
فواز بتنهد من تهربها كل مره يحاول فيه يسالها عن وضعها: اذنك معك..
ايمان طلعت من الكبينه اللي كانت فيها و كانت متوجهه للحمام لما سقطت عيونها على واحد تعرفه و معه وحده: يوسف؟
الوحده اللي كانت معه ما كانت خوله بمعنى ان اللي قاله نواف صحيح وانهم فعلا انفصلوا وفاز هو بالرهان ايمان في نفسها: لااااااا مستحيل اتركه يفووووز.... اخذت موبايله و ارسلت له على طول:
--(ماغي)
مر وقت طويل على اخر مره تبادلنا فيها الرسايل .. وبصراحه وحشتني و قررت اسال بما انك ما سالت
-
(يوسف)
اهلا اهلا....
ايش اللي ذكرك فيني بعد كل هذا الوقت؟؟ مستحيل اكون وحشتك يا سيده الحب..
-
-
ماغي:
احـلى شيء فيك انك ذكي على عكس اغلب الناس اللي اتكلم معهم.... لمحتك صدفه من شوي في المطعم..
و كانت معك وحده.... هذي زوجتك الجديده؟؟
-
-
يوسف:
زوجتي الجديده؟ و كيف استنتجتي هذا الشي؟
-
-
ماغي:
اذا تظن اني ما توصلني اخبارك فانت غلطان... انا اعرف انك انفصلت عن زوجتك الاولى واللي كنت تسالني عنها و الحين متزوج بنت عمك و اللي كانت موضوع اول رسايلنا..
-
-
يوسف
كلامك ماهو صحيح ماغي.. انا ما تزوجت فاتن....
-
-
ماغي:
مافي داعي لذكر الاسماء من جديد... و ثانيا اذا ما كنت متزوج فاتن... ليش منتشرف في ثلاث ارباع المجتمع انكم متزوجين و انك طلقت خوله..
و انا كنت ناويه اتأكد بعد ما عرفت بالشيء
-
-
-
يوسف انفجر غضب و رفع عيونه لاخته: من اللي قايله اني متزوج فاتن؟؟؟
العنود باستغراب: ايش؟؟
يوسف بعصبيه: العنود... تكلمي... ولا ترفعين ضغطي اكــثر..
العنود بتوتر: ما اعرف... بس الهنوف كانت تقول انه لو ان الناس بدت تتكلم عن طبيعيه العلاقه بينكم ممكن انك تنجبر و تتزوجها...
يوسف ضغط على يده بقوه و قام من مكانه...: مشينا..
العنود: يوسف ارجوك.. لا..
يوسف: مشــيناآآ !!
العنود بخوف و قلق في نفس الوقت قامت من مكانه و تبعته لحد ما دفع الحساب و طلعوا...
-
-
في نفس الوقت و في مول ثاني.. الجود كانت تتمشى مع فاتن طبعا الجود كانت متزينه كانها رايحه عرس كاشفه الوجه الملون و العباه المشغوله على عكس فاتن اللي كانت لابسه لثمه على وجهها و عباتها عاديه، الجود كانت تنتقل من محل ماركات عالميه لثاني و تشتري بجنون و هو اللي كانت مستغربه منه فاتن، اللي تعرف ان الجود مبذره بس ماهو لهذي الدرجه
فاتن وعيونها على الاكياس الكثيره: الجود؟ ما كانك بالغيتي بالاشياء اللي تشترينها .
الجود وهي تحرك بطاقه الحساب قدامها: دام الجيوب مليانه ليش ارد نفسي عن شيء ابيه..
فاتن: كل هذا تبينه؟؟؟
الجود باستهزاء: اكيـد...
صوت جاء من وراها قطع حوارهم: من حقك تتباهين بالثراء يا بنت الفقر..
الجود التفتت و توسعت عيونها لما شافت فوزيه بوجهها الذابل الاصفر، غيرت ملامحها الى الملامح الواثقه: بنات الفقر عارفين نفسهم يا فويييييييييييييز... ثانياا ايش اللي جابك هنا.......
فوزيه بضحكه ساخره وهي ترمي المغلف قدامها: اللي ارسل لي الصور هو اللي قال لي... انك يا بنت الفقر عرفتي الثراء اخيرا بعد ما تزوجتي نواف!!
الجود توسعت عيونها من الخوف و حركتها لفاتن اللي كانت تعطيها وجه كله صدمه، فتحت الجود المغلف و تغير لونها للازرق المصدوم تحس ان كل ذره دم في جسمها تجمدت ، صورها في وضعيات محرجه و جرئيه مع نواف: يااااا حقيييييييييييييره..
فوزيه بضحك: ما هو انا اللي صور الصور... ثانيا كلمه الحقيره هي الانسب لك لانك بعد ما سرقتي مني خالد تجرأتي و بكل وقاحه تسرقين مني نواف..
الجود بغرور رغم قهرها: اولا خالد تزوجني انا لانه كان يحبني انا و لا يحبك و ثانيا انا تركته لك تشبعين فيه بعد ما مليت منه و ثالثا ايش دخلك في نواف،، هاااااا؟؟
فوزيه: انا زوجته..
الجود بصدمه و من غير تفكير: زوجته.... من نواف؟؟
فوزيه: اي انا وحده من زوجات نواف الكثـيرااات و اللي يغيرهم باستمرار بس تقدرين تقولين اني متفوقه عليكم كلكم لاني حامل منه... و راح يرميك مثل اللي قبلك .. ياااااا غبيه...
الجود بانفجار صفعتها: ولاااااااااااااااا كلمه!!!!!!11
فوزيه انفجرت من حركتها و بجنون قفزت عليها: جنيتي على نفسك..
فوزيه انفجرت و صارت تضرب بالجود و الجود ترد عليها، كل وحده فيهم تجر في شعر الثانيه و تقطع ملابسها، اجتمععوا عليهم الناس ورجال الامن و انسحبوا كلهم لبره و منها على مركز الشرطه..
الجود كانت تبكي و تبكي و جنبها فوزيه وهم مراقبينهم الشرطه في غرفه التحقيق: انا الجود الـ.... كذا يصير فيني... انا انحسب مع المجرمات و الحقيرات..
فوزيه وهي تضحك: ههههههههههههه جزاك و اقل من جزاك .. يا احقر مخلوقه.
الجود: اسكتيييييييييييي!!!
فوزيه: ما راح اسكت ...حقيره حقيره حقيره!!!
الجود كانت بتضرب فوزيه من جديد بس دخول المحقق اللي صدمهم دخوله من بين كل المحققين، الجود و فوزيه كان حامدين ربهم انهم مغطين وجههم حتى ما يعرفهم..
خالد اشر للكاتب المحضر و بدأ اسـألته: اسم كل وحده منكم بالضبط..
الجود ما عرفت ترد و حركت عيونها على فوزيه اللي ما تمالكت نفسها و طاحت على الارض...مغمي عليها...
خالد وقف و مشى لعندها : ياااااااااا شرطي!!!!!!
استدى خالد من السجانات و نقلوا فوزيه يفحصونها، خالد حرك عيونه على المتهمه الثانيه و سالها: ايش اللي صار لها؟؟
الجود ما قدرت ترد ما تبيه يسمع صوتها و يعرفها، حاسه باحراج كبير و خوف من نظرته لها، بعد ما كانت الزوجه المدلله له و دلوعته صارت مجرمه يحقق معها: اه...
خالد بصراخ: تكلمي ايش فيها!!!!!!!!!!1
الجود بخوف ووسط دموع: فوزيه خافت منك...
خالد توسعت عيونه لما سمع صوتها وعرفه، و شلون ما يعرفه وهو اللي دلعه و سحره مده طويله: الجود؟؟؟
الجود نزلت راسها و خالد عرف بسرعه انها هي فعلا، استدعى السجانات و طلب منهم ينقلونها للحبس حتى يعرفون يوصل محاميها او احد من اهلها..
الجود مع القليل من الامل انه يساعدها: خاآآآآآآآلد ارجوك!!!!!!! ارجوك لا تتركني ... انا محتاجه لك...
خالد عطاها ظهره و ما رد عليها الجود اخذوها للحبس وهي تصرخ و تبكي...
خالد ضحك ببرود و سخريه: دنيا!!!!!!! دنيا دواره فعلا!!!!
-
-
السكرتير استغرب من اتصال وصله من مركز التحقيق انه طالب نواف شخصيا بعد ما عرف الموضوع حوله على نواف
نواف رفع حاجبه لادوارد: يبدو لي اني اتركبت غلطه كبيره بزوجي من هاتين الغبيتين!!!!
ادوارد: لا ينفع الندم الان سيدي... انهما في مركز الشرطه الان... وهذا بحد ذاته فضيحه لنا
نواف: ولكن دخولي لمركز الشرطه فضيحه اكبر و اهانه لي ...
ادوارد بتنهد: اتريدني ان اقوم بانهاء الموضوع...
نواف بغرور: ولماذا تذهب ونحن لا علاقه لنا بهم...
ادوراد: ماذا تقصد يا سيدي ... هل ستتركهم في السجن؟؟؟ ان وضع كل منهما دون عقد الزواج سيحولها الى قضيه زنا
نواف: ليتحملوا ثمن زواجهم مني...
-
-
خوله نزلت من السياره ووقفت بوجه قصر نواف... قصر الانسان اللي تزوج ثنتين قريبتين منها... فوزيه بنت عمتها و الجود اخت يوسف زوجها السابق نواف رفض انه يعترف بزواجه من اي وحده منهم و هذا اكيد مصييييييبه املها الوحيد كان انها تكلم عايلته حتى يقنعوه او يضغطوا عليه..
قربت خوله من البوابه اللي من وراها حديقه ضخمه و قبل لا تصير قدامها قربوا منها الحراس الخاصين...: من انتي وايش اللي جايبك هنا؟؟
خوله بخوف بلعت ريقها وقالت: ممكن اقابل السيد نواف؟؟
الحارس: طبعا مستحيل... الا اذا كان في موعد؟؟
خوله: لا مافي موعد.. بس
الحارس: اجل اطلعي من هنا من غير مطرود...والا راح استخدم القوه واللي لايمكن اتردد في استخدامها حتى لو كنتي حرمه..
خوله خافت وقررت تتراجع يظهر ان كلام اخوها كان صحيح وقبل لا ترجع للشارع وقفت ورجعت لهم: ممكن اقابل فاطمه او عواطف...
الحارس: من نقولهم...
خوله : قولهم خوله الـ....... قابلتهم في اوروبا...
الحارس اتصل بكبير الخدم و بعد دقايق حصل الموافقه و سمح لخوله تدخل ، خوله حست بتعب كبير من الوقوف الطويل تحت الشمس الحاره و بعدها المشي الطويل لدخل البيت...
بعد ما جلست و ارتاحت حست ان كل معاناتها ما كان لها اي قيمه بعد ما سمعت رد فاطمه واللي كانت موجوده في البيت: اسف يا خوله... كان بودي اساعدك بس.... نواف محرم علينا نقرب لايش في غرفته...
خوله: ارجوك يا فاطمه مصير بنت عمتي و اخت يوسف متعلق بورقه الزواج هذي ... اذا ما حصلناها بتصير مصيبه كبيره... فاطمه ارجوككلمي اخوك ارجوك...
فاطمه هزت راسها بالنفي: خوله سامحيني... نواف صحيح مدلعنا و يحبنا بس شغله وعلاقاته خط احمر ما نتجاوزه، اذا ابوي و امي ما يرد عليهم في هذا الموضوع تبينه يرد علي....
...........: اي موضوع..؟؟
خوله وفاطمه التفتتوا لايمان اللي دخلت المجلس عليهم فجأه... حددت بعيونها و ركزت على خوله: خـ..وله؟
خوله كانت شبه متوتره من موضوعها بس ما كان بيدها حل وقفت ورمت نفسها عند رجول ايمان: واللي يسلمك يا ايمان ساعديني...
ايمان كانت مصدومه من تصرف خوله نزلت لعندها وحطت يدها على كتفوها: خوله ايش اللي صار تكلمي..
فاطمه قامت و توتر حاولت تبعد خوله: مافي شيء خالتي مافي شيء...
ايمان عطتها نظره جاده: مافي شيء و البنت منهاره...خوله تكلمي ايش اللي صاير..
خوله: ولد اختك نواف متزوج بنت عمتي مساير وكانت حامل منه ولما اجهضت طلبوا منها عقد الزواج اللي كان عنده و هو رافض يعطيه اياها او يعترف بزواجه منها...
ايمان عقدت حواجبها وعطت فاطمه اللي توترت و تراجعت لورا نظره غاضبه: العقد موجود عند نواف..
خوله هزت راسها بالايجاب: ايوه... و عقد زواجه من الجود اخت يوسف بعد..
ايمان استغربت من اضافه اسم الجود لانها كانت عارفه انه مطلقها : وانتي ما تطلقتي من يوسف؟ ليش تدورين على مصلحه اخته..
خوله: حتى وان تطلقت من يوسف و كرهته، ما راح اترك الجود وهي في هذا الوضع اذا مو علشانه..... علشااان اللي ببطني....
خوله سحبت يد ايمان وحطتها على بطنها: اذا ابيه يعيش سعيد لازم احرص على انه عايلته تشرفه حتى لو كرهوني وتمنوا لي الشر..
ايمان عطت خوله نظره الم و بعدها قامت من عندها: اجلسي هنا... انا راح اجيب العقد...
فاطمه خافت و ركضت وراها: خالتي!!!! لحظه....
ايمان تجاهلتها و كلمت لجناح نواف الخاص و قدام برنامج الدخول السري... وبدت تدخل الرقم السري..
فاطمه: خالتي ارجوك.. نواف ان عرف بدخولك لهنا راح يعصب... حتى انتي ما راح تسلمين منه ...
ايمـان وهي تدخل البطاقه و تفتح الباب و تدخل المكتب و تفتش في الاوراق: يظهر يا فاطمه انك نسيتي اني اسوي اللي ابيه ولا يهمني احد ... حتى نواف...
فاطمه: بس يا خاله..
ايمان لقت مجموعه من الاوراق وطلعت منها ورقتين و رمت الباقي قدام فاطمه: شوفي!!! اخوك مثال الفخر و الاعتزاز..
فاطمه تاملتهم باسي: ايش هذا..
ايمان: عقود زواج اخوك من زوجاته المسيار البنات اللي رفضوا يكونون علاقاته معه بالحرام... و ماخفي اعظم...
ايمان عطت فاطمه ظهرها و للباب: ايش اقول لنواف ان عرف؟
ايمان التفت لها بثقه: قولي له خالتي ايمان اخذتهم..
ايمان مشت لعند خوله اللي كانت جالسه تدعي ان ايمان تلقى العقد قربت لها وعلى وجهها ابتسامه: تفضلي يا خوله..
خوله وهي حاسه الدنيا بتطير فيها: الحمد لله الحمد لله...
ايمان حست براحه و سعاده انها قدرت تساعدها: بتروحين للمخفر..
خوله نزلت راسها باسي: ماني عارفه.. بس اكيد لازم ...........لان اخوي بدر رافض يروح..
ايمان: اوكي انا بروح معك و باخذ ولد اخوي معي...
خوله: مافي داعي تكلفين على نفسك..
ايمان حطت يدها على كتفها: مافي داعي لايش.. انا احب اساعد الناس.. و ثانيا ولد اخوي محامي ممتاز و قوي و اكيد راح يطلعهم بسهوله...
خوله : اوكي...
ايمان: انا بروح البس...اوكي.. وبالمناسبه عندك رقم احد من بيت الجود؟
خوله نزلت راسها و بتردد قالت: عندي؟؟
ايمان: عطيني اياها بتصل و ببلغهم يسبقنا احد لهناك..
خوله: اوكيه..
ايمان اخذت الرقم و اتصلت خوله كانت تتاملها وهيي تمشي لبعيد و تتكلم وهي تقول في نفسها: ما الومها ان كرهت ولد اختها هذا .... تصرفاته تفشل
-
-
بعد دقايق اطلعت ايمـان و اخذت معها خوله مع جسار اللي كان يتولى القضيه لكن الشيء اللي ما كانت تعرفه هو ان نواف رجع البيت بدري على غير عادته... و بمجرد ما دخل البيت و صعد لمكتبه عصب:مدااام انجيلااا!!!!!
مدام انجيلا بسرعه كبيره مشت لعنده: نعم يا سيدي!!
نواف بعصبيه: من السخيف التاافه الوقح الذي دخل غرفتي !!!!! تكلمي
مدام انجيلا على طول هزت راسها: انه ليس موعد التنظيف الاسبوعي وانا لم اقترب منها ولا احد من الخدم اقسم لك
نواف: اذن من تكلمي
فاطمه على صوت صراخه العالي مشت بسرعه: ايمان!!! ايمان هي اللي دخلت المكتب يا نواف
نواف بحاجب مرفوع: ايمان؟؟؟ وليش دخلت
فاطمه بلعت ريقها بخوف: اخت يوسف خوله كانت هنا و تبي عقدين الزواج
نواف بعصبيه: خييييييير؟.؟؟ وكيف سمختي لهااااا تاخذه ؟؟
فاطمه بخوف: انا مالي شغل ... هي كلمتني وانا رفضت بس ايمااااااان اصرت انها تعطيها و بكل ثقه قالت انك ان قلت شيء اقول لك انها هي اللي اخذتها ...
نواف بضحكه ساخره: تعبجني هذي الثقه يا ايمان...
نواف اخذ موبايله و اتصل فيها ... اتصل و اتصل و ما كان في رد: مااااشي انااا اعلمك...
-
-
وصلت ايمان و خوله مع جسـار لمركز الشرطه و دخل جسار عند المحقق و معه كل الاوراق و الطلبات خوله ظلت تنتظر مع ايمان متغطين بالكامل بره و بعد دقايق وصل يوسف واللي دخوله عليهم كان صدمه كبيره لخوله اللي صدت عنه بوجهها رغم انها كانت مغطيته... دخل يوسف و عبدالرحمن زوج اخته الجوهره عند المحقق و بعد فتره طلع و جلسوا في الكراسي قدام خوله و ايمان ...
خوله بعد فتره من التمنع رفعت راسها و بدت تتامل وجه يوسف، كان وجه يوسف اصفر و تعبانه نزل وزنه كثير عن الاشهر اللي كانت فيه معهم و السواد تحت عينه و ثوبه الباهت لونه حتى شماغه كانت حاسته انسان ثاني، واحد مختلف كثير عن يوسف اللي عرفته و حبته فارس احلامها..
من جهة ثانيه يوسف كان يرفع عيونه من فتره لفتره للحرمه اللي قدامه، رغم انهم بنتين وحده لابسه لثمه و عيونها الروعه باينه وجسمها خيال و وحده متغطيه بالكامل وجسمها ضخم كبيـره بطنه كانها حامل ، الا ان الحرمه المتينه هي اللي اللي لفتت انتباهه، كان حاس نفسه يعرفها كثير..
بعد فتره طلع جسار و من وراه الجود بابتسامه تكلم ليوسف اللي وقف يساله: تطمن يا استاذ يوسف، الموضوع انتهى و تقدر تستلم اختك و الشي نفسه للحرمه الثانيه،من ينتهي علاجها تقدر تطلع للبيت على طول..
يوسف اشر للجود: روحي مع عبدالرحمن... سود الله وجهك..
الجود نزلت راسه و بدت تبكي وهي تمشي مع عبدالرحمن، يوسف حاول يبتسم لجسار و يشكره: مشكور و ما قصرت يا جسار اللي سويته اليوم خدمه لا يمكن انساها...
جسار هز راسه بالنفي: ولو يا يوسف ما سويت شيء، و نواف الله يسامحه كان..
يوسف: لا يا جسار.. نواف ما غلط.... اختي هي اللي غلطت لما تزوجت من ورانا... و تزوجته مسيار وهي عارفه انه ممكن ينكر هذا الشي بسهوله... و شخص بمثل مركز نواف من الطبيعي يسوي هذا الشيء..
جسار: الحمد لله على كل حال.. و انا ان شاء الله بطلب منه يطلقها بهدوء، حتى ترتاح و نرتاح احنا...
يوسف هز راسه له: ان شاء الله يصير كل خير..
جسار حرك راسه لايمان: عمتي مشينا....
ايمان ابتسمت من ورا اللثام و قربت له و بكل تعمد التفتت لخوله و قالت بصوت مسموع ليوسف: خوله ما راح تجين معنا..
يوسف رفع عيونه بسرعه للبنت اللي نادوها الاسم المميز و احساسه كان كافي حتى يعرف انها خوله، خوله حبيبتها اللي ما شافها من شهور.. حرك عيونه بتامل و وقف على بطنها: حامل؟
ايمان بخبث التفتت له: ليش ما تدري؟
خوله كانت متسغربه من كلمتها بس ما قدرت توقفها او توقف دموعها من النزول: ليش ما قلتي لي ليش..؟؟؟؟
ايمان وقفت بينهم وكانها مصلح اجتماعي: يوسف ما في داعي للنقاش هني، روحوا لمكان خاص و تكلموا براحتكم..
يوسف: عين العقل...
مشى لخوله مسك كتفها: يوسف!
يوسف: ما راح اعضك تعالي معي نتكلم بهدوء و بعدها سوي اللي تبينه..
خوله استسلمت لنظرته الجاده و مشت معه لبره.. ايمان و جسار اتركوا لهم بعض الخصوصيه انتظروهم لحد ما بعدوا و بعدها تبعوهم...
جسـار: يظهر انك تعرفينهم و تعزينهم كثير.. امونه..
ايمـان وهي تفتح لثامها و تبتسم له: اكيـد... رغم اني معرفتي فيهم سطحيه
جسـار: بس ما كان في داعي ابدا تروحين معاي للمخفر ... لو ابوي يدري..
ايمان بتافف: جسار مو هذي اول مره ندخل فيها مخفر ولا نسيت ثانيا انا...
جسار بابتسامه: ما تهمك قوانين و لا عادات اوكي اتفقنا... و حقك علي هههه
ايمان بضحك : هههههههههههههه
رن رن رن رن رن
ايمان طلعت موبايله و جسار قدر ياخذ لمحه سريعه للاسم اللي تم تعين نغمه مزعجه له ( ابليس يتصل بك) و طالعه صوره شيطان ..
ايمان سكرت الخط بوجه المتصل،: اعتقد ابوي طلب منك تغيرين هذي النغمه و الاسم..
ايمان: انا حره و ثانيا انا ما احبه و لا اطيقه ما في داعي اجامل و احط له لقب غير حقيقي
جسار: واسم ابليس مناسب..
ايمان : اكيــد و قبل لا تمشي بقولك من الحين، ترى انا راجعه للبيت معك...بصراحه وحشتني ايامكم الحلوه..
جسار: ونواف؟
ايمان: يخسي ارجع بيته بعد سواد الوجه اللي عرفته..
جسـار: قصدك مو خايفه منه؟
ايمان: انا اخاف و من منو...؟؟ من نواف؟؟ ليش؟؟
جسار بضحك: عبالي..
ايمـان بتأفف: اقول.. امش خلصنا..
جـسار: اوكي يا زعيمه..
-
-
-
عبدالرحمن رجع البيت و دفع الجود لداخل: ادخلي سود الله وجهك..
الجود ركضت لدخل و كانت بترمي نفسه لاختها الجوهره بس الجوهره دفعتها بعيد عنها: بعدي عني يا حقيره..
الجود انفجرت بكي و بدت تضرب وجهها بقوه: والله ما كنت اعرف انه بيصير كل هذا والله مالي ذنب
الجوهره: ما كنتي تعرفين؟؟؟ من الاساس ليش تزوجتيه!!!
الجود: وعدني انه يتزوجني رسمي بعد ما ينهي صفقته مع بابا و...
عبدالرحمن باستهزاء: صفقه؟؟ اي صفقه هذي اللي تتكلمين عنها ..
الجود: نواف بلغني بخطته اللي يحاول فيها يدمر الجوري مع ابوي و يستولون على ثروتها و...
عبدالرحمن: غبيه انتي ولا تستهبلين!!!!! نواف شريك الجوري من اكثر من عشر سنين و هو معاها ناوين يدمرونا احنا ..
الجود: بس نواف قال لي غير هذا !!!!!
عبدالرحمن:و ايش الدليل اللي قدمه لك.؟
الجود حست نفسها غبيه من كلمة زوج اختها، كانت تظن نفسها ذكيه، لانها كانت مسيطره على خالد بكل قوه و بشكل كامل، و ظنت انها بنفس الاسلوب تقدر تسيطر على نواف، لكنها كانت غلطانه، خالد غير نواف، خالد كان طيب كثيـر ... حنون و يحبها و يحترم الحريم ، لكن نواف، غــير،، رجل اعمال قوي و ماكر,,, ولا كان يحبها...
الجود تمددت على الارض و انفجرت تبكي بجنون.. عبدالرحمن عطاهم ظهره و طلع من البيت الجوهره لحقته بسرعه و تجاهلت اختها في نظرها في مثل هذا الموقف الافضل تكون مع زوجها...
-
-
ايمان دخلت بيتهم و هي تضحك مع جسار بعد رحله قصيره اشتروا لهم في ختامها باسكن روبنز ...
محمد بعصبيه: حمد الله على السلامه ...
ايمان كانت مستغربه نبره ابوها بس بعد دقايق فهمت سبب هذي العصبيه لما شافت انه جالس مع نواف...: الله يسلمك يا ابوي...
محمد اشر لجسار: ممكن تتركنا لحالنا يا جسار..
جسار باستغراب: بس يا ابوي
محمد مد يده قدامه: لا تناقش.. اطلع على غرفتك
جسار عصب و ما حب يترك ايمان لحالها مع نواف بس دامه امر من ابوه ما قدر يرفض : حاضر يا ابوي
ايمان مشت شوي لقدام و جلست جنب ابوها اللي كان مقابل لنواف : ايمان... نواف يقول انك مضايقته ... ومانتي معطيته حقوقه هذا الشيء صحيح
ايمان انصعقت من كلمه ابوها و انفجر وجها باللون الاحمر: حقووووق؟؟ انا ما حرمته شيء
نواف بضحكه ساخره قهرت ايمان : اعتقد ان الرد على اتصالاتي ابسط حقوقي يا ايمان
ايمان : كنت مشغوووله
نواف: كل ما اتصل مشغوله؟؟؟ عمي ليش ما تشوف موبايلها و تتاكد
محمد اشر لايمان تعطيه الموبايل بس ايمان مسكت في شنطتها حتى تمنعه من انه ياخذ الموبايله: ايمااان؟؟
ايمان بكل ذل قررت توافق على كلامه حتى ما تبين لابوها انها رفضت امره انه تعطي نواف اسم محترم وليش ابليييييس..: بابا انت تامر وانا انفذ...شنو اللي تبينه مني قول وانهاني..
محمد: ابيك تكوني لنواف زوجه حقيقيه
ايمان رفعت راسها و تلاقت عيونها بعيونه السعيده: اللي تشوفه
نواف صفق: وااااااااااااااووو عمي بصراحه لك تاثير كببببببير على هالقويه...
محمد بابتسامه وهو ماهو حاس بقهر ايمان : يالله روحي مع زوجك يا ايمان
ايمان وقفت بقهر و مشت بخطوات واثقه و بارده و هو الشيء اللي دفع نواف يستاذن معها و بمجرد ما طلعوا نزل جسار بقهر لابوه: ابوووي... انت ليش شووويت جذييييي
محمد: اعتقد اني طلبت منك تروح لغرفتك
جسار: كيف كنت تبيني اروح لغرفتي و اتركك معهم !!! ابوووي نواف توه تارك حرمتين زوجااااااااته مسيار في السجن ماهو راضي يتعرف بزواجه منهم!!! وايمان ميته قهر من هذا الشيء!!!! وانت ترجعها له بهذي البساطه
محمد: جسااار لو سمحت .. لا تتدخل بخصوصيات اختك... نواف مستحيل يتركها و هي مستحيل تتهنى ان افترقت عنه... ولهذا السبب لازم ترجع حتى تعيش بسلام .. حتى لو كنت مجبور اني ااجبرها عليه...
جسار زفر بقهر كان يبي يناقشه اكثر بس ما قدر يقول شيء لانه ابوه.. لكن نواف اكيد يعرف يتعامل معه
طلع لغرفته و سحب موبايله و اتصل على فاطمه: مرحبااا فطوووم
فاطمه بشوق: هلاا حبيبي كيفك؟؟
جسار: بخير... فاااطمه... ممكن تقولي لعمتي ساره ... تختار اي يوم يعجبها الشهر الجاي ومناسب لها
فاطمه باستغراب: اي يوم مناسب؟؟؟ ليش؟؟
جسار: حتى يكون زواجنا فيه يا حبيبتي
فاطمه كانت بتطير من الفرح: من جد يااا جسار
جسار وهو يرعص على يده بقوه: اي بصراحه ما عاد فيني ابتعد عنك....
فاطمه كان فرحااانه كثير بسرعه توجهت للباب و السماعه على اذنها ... : الحين دقاااايق و ارد عليك
جسار: وانا راح اكووون عندك...قرررررريب...
فاطمه: اووووكي......
-
-
ايمان دخلت البيت مع نواف اللي كان طول الطريق مبتسم وهو ينتظر وصلوهم البيت حتى يفرض عضلاته عليه.. حط يده على كتوفها : ايش رايك اشيلك على كتوفي لجناحنا
ايمان دفعت يده عنها: لا تلمسني
نواف بغرور: ما شاء الله الحين ترفضين و قبل شوي كان كل شيء عادي عندك
ايمان : لانه ابوووي اما انت
نواف وهو يقرب منها: انا ايش يا ايمان
ايمان كانت بتبعد لما سحبها من جديد بين ايدينه : اتركني!!!
ساره بمجرد ما سمعت صوته مشت لعندهم مع فاطمه: نواف!!!
نواف بعد ما شافهم بعد عن ايمان وهو مبتسم و ايمان عدلت ملابسها: هلا
ساره رفعت حاجبها: اعتقد ان عندكم غرفه مافس داعي لهذي الحركات قدام الكل
ايمان انقهرت و كانت بتبتعد لما قالت ساره: انتظري يا ايمان...في شيء لازم تسمعينه
ايمان وقفت وانتظرت معهم: جسار اتصل..و حددنا معه يوم 25 من الشهر القادم موعد زواجه و فاطمه
ايمان بعيون متوسعه : خيييييييير؟؟
نواف: ما شاء الله مبررروووك فطوووم
فاطمه وهي فرحانه كثثثثثثير: الله يبارك فيك يااا قلبي
ايمان ما كان عاجبها وهي تقول في نفسها: لااا مستحيل ... جسار ... ليش يحدد زواجه الحين... اكيد... يخطط ينتقم من فاااطمه ... بعد اللي سواه نواف فيني... ليش ياا جسار ليش
نواف كان حاس بايمان وفي الوقت نفسه فاهم حركت جسار وانها مجرد انتقام بس ما حب يهدم فرحته اخته ...
ايمان بعدت عنهم و مشت لجناحها وهي مقهوره كثير لا جسار كان غير كانت ترفض فكره انه يدخل في الانتقام اللي ما جاب لاي واحد فيهم الا العذاب و القهر الكبير...
نواف بسرعه قياسيه لحقها و دخل الجناح من وراها : شنو تبي؟؟
نواف بضحكه خبيثه: هههه شنو اللي ابيه!!! ابيك يا ايمان ولا نسيتي
ايمان انقهرت و تراجعت وهو يقدم بباتجاها كانت بتهرب بس هو طوقها بيدينه: ليش الهروووب!!
ايمان: اكررررررررررررررررهك اتركنييييييي.... اكيد بهررررب منك ياااااااا حقير
نواف: افاا يااا ايمان ... انا حقير
ايمان وهي تفك نفسها منه: حقييييير و سااافل و الدليل اللي انت سوويته في الجود و فوووزيه ياللي ما تخاف ربك
نواف: غيرااانه
ايمان بقهر من بروده: في فرررررررق بين الغيره و الشعور بالاسى على اللي تسووويه في الناس... حرام عليك.. ما تخاف الله
نواف: انا ما غلطت... انتي تحدييييييييييتيني و اجبرتيني اتزوج حتى اربحك
ايمان بضحكه ساخره: وربببببببحتني ههههههه
نواف: ليش مانتي غيرانه
ايمان: طبعا لااااااا... ولا تنسى الجزء الثاني من الشرط.. يوسف و خوله بيرجعون لبعض و بجذي اكون ربحت جزيء وانت خسرت
نواف: لا ما خسرت ... و بتشووفين ياا ايمان
نواف ترك ايمان و مشى بعيد عنها ايمان صارت تتامل بظهره لحد ما طلع من الجناح و بمجرد ما طلع رمت ايمان نفسها على سريرها و بدت ازمه جديده من البكاء : ليشششششش ... ليش حرااام عليك.... حرام عليك اللي تسووويه فيني .... لا قلبي ولا روحي ولا جسمي عادوا يتحملووون...
-
-
الفرح في بيت ساره و عيالها استمر فتره بسبب خبر تحديد زواج فاطمه اللي كانت طايره من الفرح تتسوق و تدور في المصميم مع جسار و احيانا مع امها و عواطف..
صحيح كان في شيء من الاختلاف بسبب مكان جلوسهم اللي انتهى باصرار جسار انها تجلس في بيتهم .. بيت ابوه...
جهز الجناح و حجزوا قاعه العرس و كل شيء كان جاهز لما وصلت الصاعقه الغير متوقعه...
بونواف كان مبتسم وهو يستقبل نسيبه الجديد مشعل: يااا حيا الله من جانا.. هلا بالنسيب
مشعل من غير نفس: يا ليت يااا عمي اني اظل مرحب فيني في البيت ..
بونواف : افاا يااا مشعل... ليش مانت مرحب فيك..
مشعل : لاني ما اعتقد اني اظل معكم بعد اليوم
بونواف بعصبيه: خيررررر ليش هذا الكلامممم..
مشعل: انا طالع دراسه خارجيه في امريكا مدتها كحد ادنى ثلاث سنوات... و محتاجه تفرغ تام و تبدتي بعد اسبوع
بونواف: انا ماني فاهم... ايش قصدك ياااا مشعل
مشعل: قصدي واضح ياا عمي... انا ما ارضى اني اعلق عواطف ثلاث سنين ممكن تتمدد اكثر
بونواف: يااا مشعل كلامك هذا ماهو منطقي.. تزوج و سافر
مشعل: لا طبعا!! الدراسه محتاجه تفرغ تام.. و ما اعتقد ان الزواج بيعطيني هذا التفرغ
بونواف: قصددددك بتطلقها..
مشعل وهو يمثل الاحراج: سامحني ياا عمي... انتوا ناس والنعم فيكم بس ...
بونواف وقف بعصبيه: ودااامنا و النعم فييييييييينا ليش تفضح بنتنااا يااا مشعل..!!! ليش تطلقها بعد اسابيع من زواجكم!! و تسافر تبي سيرتها على كل لسان..
مشعل: ارضاااء الناس غايه لا تدرك.. وانا ما انفصلت عنها الا لمصلحتها ...
بونواف : اي مممممممصلحه!! اي مصلحه من وراااا الطلاااق!!
مشعل كان حاس انه بدأ يخسر لما دخلت عواطف المجلس ومعها صينيه العصير : مرحبا
مشعل بكل برود وقف و قال : عواطف........ انتي طااااااااااااالق....
عواطف انصدمت و طاحت الصينيه من يدها على الارض بونواف صرخ: مشعل
بس مشعل ما عطى لاي منهم مجال و طلع على طول... عواطف انفجرت بكي على الارض بجنون... بكت و بكت و بكت
بونواف ركض لعندها يخفف عنها و ما كان في اي حل .. امها ركضت لعندهم وبدت تخفف عنها لكن هما ما كان في حل فاطمه وقفت بعيد تنظر لاختها باسى و تحس بالم عليها و هي تقول في نفسها : يااا ربي هذا انتقاااامك منها على اللي سوته... ياااا ربي سترك.....يااا ربي ساامحني على كل ذنب سووويته يااا ربي لا تعااقبني مثلهاااا اني تبت ياااا ربي يااا رب...
-
-
مــرت الايام بالم وقهر على عواطف اللي انهارت و صارت تتلقى علاج من طبيبه نفسيه غير طبعا الشيخ اللي يقرا عليها من وقت لثاااني ....
مشعل سوا اللي قاله و سافر على طول... اللي سواه في عواطف سبب لروان كره كبير من ساره و بناتها ظلت في بيتها و جناحها طول الوقت... خايفه حتى من بيت اهلها نفسهم سديم و امها و حتى ريم.... رغم انهم قالوا لها كثير ان الزواج قسمه و نصيب...على لسان مشاري
نواف انقهر كثير بسبب اللي صار لعواطف كان خايف يكون هذا الشيء بسبب اللي كان يسويه في البنات قبل و ثانيا كان مقهور ان هذا ممكن يكون انتقام من مشعل على اللي سواه فيه من قبل .. كان بوده يدمره بس وجوده في الخارج كان مستكه عنه ..
بعد كم يوم في بيت بوفـهد، ام فهد مشت مع الحريم وهي منزله راسها توصلهم لباب البيت : سامحينا يا ام عبدالرزاق كان ودي اخدمك..
ام عبدالرزاق: مافي مشكله ، كان ودنا نتقرب منكم بس ما يظهر ان مافي نصيب..
ام فـهد كانت عاضه شفايفها من داخل وهي تتظاهر بالابتسامه حتى طلعت ام عبدالرزاق و بناتها.. بعد ما طلعوا مشت و بغضب لغرفته بنتاها و ضربته بقوه مفتوح: امي؟
ام فهد من غير نفس: تدرين من مكان عندنا...
الجود هزت راسها بالنفي: لا
ام فهد: هذي ام عبدالرزاق و بناتها ، ناس ما ينشرون بالذهب، ناس راقيه محترمه و من عايله كبيره ...
الجود و هي تعطيها نظرات متوتره: و ايش اللي جابها...
ام فهد: المسكينه جايه تخطبك لاخوها الصـغير ...
الجود حست بقشعريره بجسمها من كلمتها و رغم انها من نظرات امها عرفت الجواب قررت تسال: وايش قلتي لهم..
ام فهد بعصبيه: و ايش اقدر اقول غير انك متعلقه بزوجك الاولي و ما تبين غيـره وطبعا انا اقصد خالد لاني لايمكن اتجرأ و اتكلم عن زواجك الثاني المسيار او اقولهم انك متزوج مسيار و من ورانا .....
الجود رجعت للبكي من جديد روتين معتاد في حياتها من اليوم اللي طلعت فيه من الحبس، صارت طول الوقت محبوسه في غرفتها يوسف ما يطيق يكلمها او يشوفها و كان دايما وقته مابين الشركه و زياره ابوه اللي ما زال تعبان وهو الشيء اللي حسن علاقته بامه و الجوهره اما الجود كانت تزور ابوها من وقت لثاني بس حتى ما يشك وما بلغوه باي شيء عنها او عن زواجها...
ام فهد: وضعك مع زوجك هذا ما عاد ينسكت عنه..
الجود بخجل: اتصلت عليه... ما يرد
ام فهد باشمئزاز : وليش يرد .. اخذ اللي يبيه و رماك مثل القطعه القديمه المستعمله.....
الجود انهارت تبكي بجنون على الكلمه اللي سمتها امها و هي الكلمه اللي كانوا هي و خواتها يطلقونها على خوله، مر الوقت و استخدموها ضدها...
الهنوف دخلت لغرفه اختها على صوت بكاءها اللي كان اعلى من كل مره التفتت منها ال امها و سالت: ماما ايش فيها الجود ايش صار..
ام فهد: كالعاده مسوده وجهنا و حاطتنا بمواقف سخيفه بسبب غباءها ..
طلعت ام فهد من الغرفه و تركت الجود، الهنوف مشت لعندها و سالتها: رد عليك؟
الجود هزت راسها بالنفي الهنوف تاففت و فتحت خزانه اختها و رمت عباتها عليها : ايش تسوين.؟؟؟
الهنوف بقوه: اذا ما يرد عليك بنروح له و بنفضحه...
الجود خافت : مستحيل انتي ما تعرفين نواف... ما يخوفه شيء...
الهنوف: هذا الكلام تقوله وحده مسكينه فقيره نصب عليها اما احنا بنات الناس ما ينصب عليها .. بنروح لامه و اكيد بتوقف في صفنا.... اذا عرفت احنا من و ايش سوا فينا..
الجود: الله يسمع منك...
-
-
فواز كان مار على ايمان حتى يودها لانه مسافر هذي المره ماهو برحله قصيره وانما رحله بتستمر اسبوعين كاملين يسال فيها عن الطبيب اللي بيعالج فيه ريم و بيسال عن وضعها اكثر...
كان جالس في الحديقه يسولف معها بضحك لما شافته ساره من شباك غرفتها و سحبت بنتها عواطف معها : تعالي يا الغاليه
فاطمه: لفين يا امي؟؟
ساره: فواز في الحديقه مع ايمان
فاطمه بصدمه: ماما
عواطف ابتسمت رغم وجهها الذبلان: فوووواززز......يااا اني مشتاااقه له
ساره: انتي مازلتي تحبينه..... وانا حاسه فيك يااا الغاليه
فاطمه انصدمت من امها وهي تاخذ عواطف معها حتى يجلسوا مع فواز و ايمان.. معقوله امها بتنزل نفسها لهذا المستوى... بترمي عواطف على فواز ... بتستغل طيبه فواز حتى تجبره عليها بعد اللي صار..
ساره طلعت للحديقه و بمجرد ما شافهم فواز كان بيطلع بس ساره اصرت انه يجلس خصوصا ان عواطف صارت تبتسم و تنظر له بشوق.. فاطمه تبعتهم و جلست حتى ما بين الوضع انه غريب
فواز كسرت خاطره كثير عواطف و صار يضحكهم حتى يفرحها لكن هذا ما استمر وقت طويل لما....
ايمان ضحكت لما جلس فواز على ركبه جبنها : حراآآآآم عليك ... بتذبحيني ... بليز ارجعي البيت انا اموت انا اذوب انا والله ميت فيك...
ايمان وهي تلعب و شعرها و تضحك: بس .. راشد الماجد ان سمع صوتك بتجيه سكته قلبيه .....
فواز بنبره مضحكه: اكيد تجيه ازمه لان في شخص احس و اروع صوتا و جمال منه...
ساره كحت ايمان واللي وياها التفتوا و انتبهوا على الهنوف و الجود اللي صاروا جبنهم .. قواز وقف و بابتسامه قال وهو محرك وجهه باتجاه البنات و امهم رغم ان راسه متوجهه للارض: اترككم الحين ....
ساره: مع السلامه يا ولدي تروح و ترجع بالسلامه..
عواطف كانت تلاحقه بعيونها و هو يطلع و يرسل بوسه بالهواء لايمان: بااايووو حبي...
ايمان سوت الشيء نفسه له وهي مبتسمه ، لبس الكابتن كاب الطيار و مشى وهو منزل راسه لسيارته البورش السبورت و حرك فيها بسرعه الجود كانت بتنفجر بكاء تعامل الرجال مع ايمان يذكرها بتعامل خالد معهم ايش لون كان يعاملها مثل الملكه انسان معها قمه في الحب و ما ينظر لغيرها ولا حتى يهتم بوجودهم الطيار كان نسخه لشخصيه خالد بالضبط..
رفعت راسها و كانت تتامل وجه ايمان اللي كانت عيونها على السياره اللي تطلع وهي تقول في نفسها: يا حظك.... جميله و اختارت لها من يقدرها و يحبها... ماهي اللي كانت النعمه عندها و رفستها و رمت نفسها لاكبر خاين ما همه احد غير رغباته و نفسه..
ام نواف بابتسامه: هلا وغلا... حيا الله بنتي الهنوف و بنتي الجود نور بيتنا..
الهنوف بذكاء: البيت منور بوجودك من زمان فيه يا عمه ام نواف..
ساره: ايشلون يا الجود؟ ليش ساكته..
الهنوف كانت متاكده ان الجود رجعت لشرودها و راح تخرب كل شيء: لا تلومينها يا عمتي...
ساره بخوف لفت انتباه الكل ما عدا ايمان: ايش اللي صاير...
الهنوف رمت نفسها عند رجل ساره: انا داخله عليك يا ام نواف ارجوك استري علييها..
فاطمه و عواطف تراجعوا بعد المنظر اللي شافوه ساره خافت وحطت يدها على راس الهنوف: ايش اللي صار؟؟؟
الهنوف: نواف !!!! نواااف !!!!
ساره بخوف : نواف ايش فيه نواف..
الهنوف باسلوب يوضح كثر المها بدت : نواف نواف...
ايمان قاطعتها: نواف متزوج الجود مسيار يا اختي..
الهنوف انصدمت من طريقه كلام ايمان البارده و انها قالت الموضوع بكل تفاهه: و تقولينها بكل هدوء؟؟
ايمان: شيء طبيعي و المنظر هذا تعودت عليه... كل يوم وحده تدخل علينا البيت و تقول ان نواف نصب عليها و تزوجها مسيار و بعد ما مل منها طلقها حتى وان حملت بالغلط.... ... سيناريو معتاد مليت منه.... و الشيء اللي مكرهني في هذا البيت... لو ارجع بيتي احسن لي...
الهنوف: وساكتين له...
ساره كانت بتتكلم بس ايمان قاطعتها : واختكم ليش ترمي نفسها بالرخيص له... عجبها شكله و فلوسه و ماهم كل الرجال من المعدن نفسه...
الجود : كلامك صحيح انا كنت متزوجه واحد ... الله يعلم اني ظلمته و طلبت الطلاق منه و تسببت له بمشاكل وهو ما يستاهل الا كل خير و في النهايه رميت نفسي لانسان خبيث لاني خبيثه...
فاطمه: احترمي نفسك.... اخوي ما غلط انتي اللي رميتي نفسه و رضيتي فيه..و ثانيا اخوي ما غلط.. هو تزوجك ما لعب عليك مثل شباب هذا الوقت...
ساره: بس يا فاااطمه 1
فاطمه: بس يمـه..
ساره: قلت لك بس... هذول مهما كانوا.. ضيوف عندنا نحترمهم حتى و ان غلطزا حتى يطلعون من باب بيتنا..
فاطمه سكتتو جلسوا ام نواف حرك راسها بكل حكمه: حقكم علي يا بنات وودي لو ساعدتكم بس نواف و زواجاته خط احمر محرم علي حتى انا اتجاوزه..
الجود: انا ما ابي الا رقمه... ارجوك.. ابي اعرف
ساره باستغراب: ليش انتي ما عندك رقمه؟
الجود نزلت راسـها: عندي بس ما يرد علي...
ساره طلعت نفس طويل و اخذت موبايلها من قدامها، فاطمه بخوف مسكت يدها: بتتصلين عليه؟؟؟
ساره: ايش رايك؟
فاطمه: مامي ارجوك ما نبي مشاكل مع نواف، ما نبي مشاكل...
الجود بدفاع: انا ما ابي منه شيء ارجوك ابي اعرف بس طبيعة وضعي الحالي..
ساره تنهدت و كملت اللي بدته و اتصلت على نواف : السلام عليكم
نواف: وعليكم السلام يا اهلا و سهلا...
ساره: نواف انت وينك بالضبط..
نواف: قريب في شيء؟؟
ساره: ابيك بموضوع مهم و ضروري ...
نواف: خيـر ايش هو هذا الموضوع!1
ساره: تعال و بتعرف..
نواف ما توقع ابدا ان الجود راح تكون في البيت تنتظره بما انه ولا وحده من زوجاته اثاره اهتمام اي من عايلته حتى ان الحرس يطردونهم من غير تردد... رجع نواف البيت و تحولت ابتسامته العريضه لتكشير اول ما نزل من سيارته في الحديقه و شاف الجود...
نواف و هو رافع حاجبه: مرحبا .. سوري ما كنت اعرف ان عندكم ضيوف..
ساره بنبره جاده: نواف يا ولدي الجود ضيفه؟؟
نواف بضحكه ساخره: ههههههه وليش ما تكون ضيفه..
الهنوف بقوه: لانها زوجتك يااااااااااا حضره
نواف بعصبيه ولهجه سوقيه: احترمي نفسك ياااااااااااا حرمه
الهنوف انصدمت ايش هذا الاسلوب و المعامله معقوله هو نفسه الانسانه الراقي اللي قابلته مع اخته من كم شهر..
نواف التفتت للجود و بابتسامه: اطلعي بره و احتفظي بكرامتك هذا ان ظل عندك كرامه...
الجود انفجرت بالدموع اللي كبتتها من دخلت البيت: طلقني طلقنييييي!!!!!!!1
نواف بضحك : هههههههههههههههه ماهو انا اللي تجبرني حرمه اسوي شيء... انا اسوي اللي ابيه بس....... و انا مافي في بالي ان اطلقك اليوم.. سوري انتظري لحد ما امل منك ... يوم يومين شهر .. شهرين سنه عشر سنين..
ام نواف و قفت بعد ما ضاق فيها التحمل: نواف ارجوك.
نواف عطاها نظره قويه: انتي مالك دخل ... و يظهر انكم نسيتي اهم قوانين هذا البيت... حياتي الخاصه محد فيكم كلكم له دخل فيها...
ام نواف نزلت على الكرسي مذلوله مكسوره، فاطمه وقفت بعصبيه: نووووووووآآآآآف شلون تكلم امي بهذي الطريقه...
نواف: سبق و حذرتك انتي وياها و اللي يتجاوزني للازم يعاقب... و انتي يا الجود تجاوزتي حدودك ولا زم تتأذبين
ايمان وقفت من مكانها و بكل هدوء ووقفت بوجه نواف اللي كان يمشي بعصبيه اتجاه الجود: واوووو تحرك ابو الهول اخـيرا ... لمده طويله ظنيتك جبل ما يهزه ريح ....
ايمان تحملت اهانه نواف و وتمالكت اعصابها بكل هدوء ردت عليه: طلق الجود ... عطاها حريتها و فرصه حتى تعيش حياتها بسلام...
نواف رفع حاجبه: هامتك لهذي الدرجه...
ايمان: لو سمحت طلقها... يا نواف...
نواف ابتسم بخبث: بس لانك تكلمتي معي باحترام و عرفتي انك رحتي ولا رديتي راح تحتاجيني .... الجود انتي طالق....
الجود كانت مصدومه من طريقه نطقه للعباره برود و عدم احساس .. مختلف عن خالد اللي كان كارهه اي بس ماهو بكل هذا البرود حتى الاثاث و الملابس القديمه لما يرميها الشخص ماهو بكل هذا البرود، الهنوف سحبت الجود لبره البيت بسرعه قبل لا تنهار او يصير فيها شيء...
نواف بابتسامه التفت على ايمان: ايش اللي صار ظنيت ان حبيب قلبك هنا..؟؟؟؟..
ايمان عطته ظهرها و تجاهلت الحوار اللي حاول يبديه و بدت تتمشى باتجاه القصر تصرف تعودت عليه كل ما صار في نفس المكان عليه نواف بابتسامه خبيثه : ماشي يا ايمان الجود كانت مجرد كرت بسيط و الضربه القاضيه جايه بالطريق................. وحده ابدا ماهي في بالك....
-
-
-
سعود كان يتناقش مع مشاري حول مشروع و بمجرد ما انتهى منه نظر لولد عمه: ايش اخبار عم المدام
مشاري: بخييييييير ليش تسال
سعود: ما شاء الله... تكلمه!! بعد اللي سواه في بنتك عمتك
مشاري: الزواج قسمه و نصيب و ما انكتب لهم
سعووووود: روووووووح زين قسمه و نصيب ... البنت سيرتها صارت على كل لسان
مشاري: خييير؟؟؟ ايش هذا الكلام ياا سعود
سعود: اللي سمعته!! امي تقول لي امي وهي تبكي ان الكل يسال ليش تطلقت عواطف بعد كم اسبوع من الملكه ... اللي يقول انها انسانه مستهتره واللي يقول انها صاحبه سوابق و اللي يقول .... استغفر الله ماهي بنت
مشاري بصراخ: قطع لساااااااااااانهم اللي يتكلمون عنها
سعود: و ايش تبيني اسوي... اقولهم لا يااا حلوين هي انسانه خلوقه و سنعه بس ما صار نصيب و زوجها ترك الديره بكبرها ...
مشاري وهو يضرب على الطاوله بقوه: لااااااا مستحيل... عمتي سااره ما تساهل ... حرام اللي يصير فيها
سعود وهو يرفع حاجبه: عمتي ساره ولا الحب الاول
مشاري: انت ايش اللي تخربطه... يا سعود
سعود: اقسم بالله لو ان مشعل عنده اخت كان سويت فيها اللي سواه و قهرته
مشاري: ايش اللي تقصده!!
سعود: الحل بيدك.... سواا اللي سوااه في بنت عمتك
مشااااااري: ايششششش تبيني اطلق رووووان
سعود بضحكه خبيثه: لااااا تطلقها........ بس تزوج عووووووواطف ..
-
-
-
مشاري دخل البيت على غير عادته او وقته اللي يجي فيه، كان متاخر و هو شيء استغربه ابوه اللي كان عارف انه طلع من الدوام من وقت و امه اللي كانت تتصل فيه على العشاء و ما رد لا عليها ولا روان زوجته و اخيرا سديم اللي لاحظت على وجهه نظره جاده و بارده: السلام عليكم
الكل: وعليكم السلام
ام مشاري على طول : تاخرت مشاري!
مشاري وهو يحرك عيونه في الغرفه: سوري ..كنت عندي شغل
روان كانت تراقبه وهو يكلم امه و فجأه حرك عيونه لها و اشر: روان تعالي معي شوي
روان خافت من البرود اللي كان فيه هي صحيح انها ما صدر منه من طلاق مشعل و عواطف اي شيء يضايقها بس كانت و مازالت خايفه من اي شيء منه او من اهله هي اصلا نادرا ما تطلع ..
دخلت روان الجناح ومشاري سكر الباب والتفتت له: هلا..
مشاري بتنهد: روان.. من تزوجنا ..انا عمري قصرت عنك بشيء؟
روان ما ارتاحت لسؤاله و حست برغبه انها تبكي: لا
مشاري: عمري ضايقتك او زعلتك
روان هزت راسها من جديد: لا.
مشاري: عمرك طلبتي شيء و ما نفذته لك؟
روان ابتدت الدموع تتجمع في عيونها لانها بدت تخاف من تكرار اسئلته: مشاري انتي لايش بتوصل
مشاري: جاوبتني اول عممرك طلبتي شيء و ما نفذته
روان :لا
مشاري: يعني لو اطلب انا طلب .... اكيد ماهو من عدل انك ترفضينه
روان باكثر فكره شغلت بالها تكلمت: بتطلقني؟؟؟؟؟؟؟
مشاري بصدمه من استنتاجها بس استغله: اطلقك؟؟؟ ليش ؟؟ روان انا احبك!! احبك كثيييييييييير ..
روان وهي تمسح دموعها : اجل ليش تسال هذي الاسئله؟؟؟
مشاري: حتى اوصل لجواب ماراح يسعدنا وبس ... راح يسعد غيرنا
روان :ماني فاهمه
مشاري: انتي راضيه باللي سواه عمك في بنت عمتي؟؟
روان انصدمت من االمواجهه اللي تجنبها مشاري لمده طوليه: اناااا
مشاري:طبعااااااا لا... لانك انسانه محترمه وراقيه و خلوقه .. وفوق هذا تحبين الخير لكل الناس صح يا روان
روان: صح
مشاري: وطبعا انتي ما يرضيك ان الناس تتكلم عن شرف بنت عمتي !! اللي هو شرفي بعد
روان بعيون متوسعه: ايييييش؟؟
مشاري بنبره غاضبه: انتي تدرين ان سيره عواطف على لسانك كل الناس بسبب اللي سواااااااااهااااااااا عمك؟؟؟
روان/ ايش؟؟؟
مشاري : والحل الوحيد... هو انتي اتزوجهاااااااااااااا
روان بصدمه: تتــزوجهاااا؟؟؟؟ ليش
مشاري بعصبيه: روان انا ايش قاعده اقووووول؟؟ الحل الوحيد اني اتزوج عوااااااطف
روان انفجرت تبكي و انهارت على سريرها : لييييييييييش!! ليش تتزجهااااااا انا مالي ذنب
مشاري: روووان!!!!! انا لو ما كنت احبك كااااااااان سويت شيء ثااااااااني انتي عارفه عمك المحترم ايش سووووووا؟؟؟ طلق بنت الاصل و الناس بعد كم اسبوع من ملكتهم و طفش من البلاد ! ايش معنى هذا الشيء ؟؟؟؟
روان: بس انا مالي ذنب تتزوج علي
مشاري: قلت لك الذنب ذنب عمك!!! و انتهى الموضوع لا يمكن اتراجع... بس حبيت اني اعطيك خبــر قبل لا اقول لاهلي...
روان قعدت تبكي و تبكي لكن مشاري ما رجع يواسيها لانه كان عارف انها مستحيل ترضى و هو مستحيل يتراجع عن قراره
بمجرد ما طلع مشاري سقطت روان من السرير للارض تبكي بجنون و الم شديد: انتهى كل شيء انتهى خوووفي تحقق بسبب غبااااااااائئي و الحين مشاري راح .... رااااااااااااااااااااح
-
-
بو مشاري باستغراب من وقوف ولده قدامه و قدام كل العايله بجديه كبيره حتى انه اصر ان ريم و سديم يكونون موجودين على غير العاده لما يكون جاد: خير يا ولدي ايش فيك
مشاري بتنهد: ابوييييييييييييي انا قررت اني اتزوج على روان
ام مشاري : خير؟؟ انت انهبلت ؟؟ تتزوج على روووان ليش؟
بومشاري: اهدي شوي ياا الغاليه
ام مشاري: كيف اهداأأأ كيف اهد يا الغالي انت ما تسمع ولدك ايش قاعد يقووووووول؟؟؟ بيتزوج وهو توه معرس؟؟؟
سديم ككان بودها تتكلم بس تراجعت لما تذكرت خطبه مشعل لعواطف اللي صحيح انتهت بمشكله كبيره و طلاق بس مازالت شايله بخاطرها عليها كثثثثثثثير، ريم كانت متوقعه ان سديم تكون اول المعترضين لانها روان صديقتها بس مده وهي ملاحظه عليهم البعد: بس مشاري ايش سبب هذا التصرف
مشاري وهو يحرك بعيونه: السبب اني ابي اتزوج...كييييفي... الشرع محلل لي اربع
بومشاري: مشااااااااااااري احترم نفسك وتكمل عددددددددل
مشاري: ابوي ..انا البنت خلاص حطيتها في بالي و ماراح يمنعني عنها شيء وما اعتقد انك بتحاول تبعدني وانت تعرف اني ممكن اخطبها و اتزوجها رغما عن الكل
بومشاري: منهي؟؟؟ من هذييي اللي غسلت مخك تكلم
مشاري: عوااااااااطف
الضربه كانت قويه ماهي على ريم و سديم اللي يعرفون بحقيقه عواطف كامله و انما على بومشاري و ام مشاري بعد
ام مشاري: عوااااااطف؟؟؟ عواطف بنت عمتك
مشاري: اي عواااطف بنت عمتي ساره.. ابيها و قررت اني اتزوجها
بومشاري: عواطف اللي خطبتها و رفضتك و تزوجت عم زوجتك و طلقهااااااااااا هذي هي اللي تبيها؟؟
مشاري: ابووووووي انت اخر واحد ظنيت انه بيتكلم كذاااااا عواطف بنت عمتي و شرفها شرفي و الناس ما رحمتها حتى انت ما تبي ترحمها
بومشاري: شررفها
مشاري التفتت لامه و خواته: ليش ما تقولون لابوي... ليش ما تقولون ان الناس كلها تتكلم في شرفها و انها استغفر الله.......
بومشاري بعصبيه: اسكتتتتتتتتت
مشاري: ليش عصبت ؟؟؟ هذا بدل لا تشكرني على تصرفي النبييييييل في حق بنت عمتي ؟؟
بومشاري حرك عيونه لبناته و من ثمه لزوجته اللي كانت متوتره وماهي عارفه ايش تسوي: بومشاري
مشاري: مافي داعي للنقاش يا امي.. انا بكرا رايح لعمي بونواف... و بخطب عواطف... و ما اعتقد انه راح يقول لا..
-
-
-
حـصل اللي صار بالضبط و خطب مشاري عواطف من ابوها طبعا واجه صعوبه كثيره في اقناع بو نواف لانه كان خايف على مشاعر بنته لكن ما كان باليد حييييييييله خصوصا انه وصله كلام كثير عنها..و مشاري كان خير وسليه حتى تطلع من اللي كانت فيه بكل انانيه وافق
بعد ما طلع مشاري و ابوه راح بونواف لعواطف اللي كانت جالسه تسولف مع فاطمه و جنبهم ايمان تراقب ايمان الصغيره وهي ترسم..
بونواف : عواطف! تعرفين من كان عندنا
عواطف بعيون مستغربه: من يا بابا
بونواف وهو يبتسم لها: مشاري ولد عمك
مجرد ذكرى مشاري ذكرت عواطف زوجته اللي هي بنت اخو اللي طلقها فاطمه حست باختها فسالت على طول: ايش كان يبي با ابوي؟؟
بونواف وهو يرسم على وجه ابتسامه: كل الخير.... جاي يخطبك يا عواطف ... ايش رايك
فاطمه توسعت عيونها و عواطف دخلت بدوامه من الاستغراب، ايمان من جهه ثانيه كانت تنظر لعواطف من بعيد رغم انها فضلت الصمت وهي تقول في نفسها : لا توافقين يا عواطف.. لا تدمرين حياتك بدوامه الانتقام
بونواف بعد نفس طويل: عواطف يا بنتي انا قلت لمشاري ينتظر كم يوم حتى ...
عواطف بمقاطعه: موافقه
فاطمه : ايش؟؟؟
بونواف : استخيري يا عواطف و
عواطف : انا موافقه ياا ابوي... ومافي داعي لاستخاره انا راضيه بمشاري و ابيه
فاطمه: عواااااطف
بونواف مد يده قدام فاطمه: لا تتدخلي يا فاطمه
فاطمه: بس اي ابوي
بونواف بجديه لبنته: انتي متاكده من قرارك هذا يا عواطف ؟؟؟ ترا مشاري متزوج!!!! و ماعنده استعداد ينفصل عن زوجته بمعنى انك بتكونين زوجه ثانيه
عواطف بابتسامه واثقه: موافقه حتى لو كنت الرابعه
فاطمه كانت تبي تتكمل بس نظرات ابوها اللي كان متحمس للموضوع اجبرتها تسكت ..
بونواف: ممتاز... بعد يومين راح اكلم مشاري حتى ننهي الموضوع على خير ان شاء الله
عواطف: راح اكون بانتظاره..
بمجرد ما ابتعد بونواف فاطمه على طول قالت لعواطف: انتي لايش تخططين؟؟؟
عواطف: وليش اخطط.... مشاري يبيني .. وانا موافقه عليه فيها شيء
فاطمه: عووووووواطف انتي عارفه ان الموضوع هذا ما يدخل مخي... ايش اللي تبينه بالضبط من هذا الزواج... الانتقام من رواااان على اللي سواه عمهااااا؟؟ تكلمييييي..
عواطف بكل برود و بابتسامه ما شافت فاطمه في خبثها الا ابتسامه هند: هذا ماهو شغلك
فاطمه صدمتها كلمتها و التفتت لايمان: خالتي قولي شيء...
ايمان نظرت لفاطمه اسى و بعدها لعواطف باسى اكثر و حملت ايمان الصغيره و طلعت بتجاهل لسؤال فاطمه في نفسها كانت حزينه لكن لسانها ما قدر يقول كان ما عندها الا نفسها تكلمها: ضيعتي نفسك يا عواطف..
-
-
-
وسط الجو البارد جدا و وقريب من الشباك اللي تجمع منه الضباب فواز كان على غير عادته يقرا لكن غير عن كل قراءته كان اللي يقراه هو اخر تقرير طبي حصل عليه من بعد اخر طبيب استشاره واللي عطاه امل كبير جدا في تقدم حاله ريم وانها بتكون بخييييير و ان نسبه النجاح في العلاج هي 40% وهي نسبه وان كانت قليله تظل افضل من النسبه اللي حصل عليها من اطباء مختلفين.. على ذكرى ريم قرر فواز انه يتصل فيها يعرف اخبارها و اخبار محمد ولده
ريم بصوت شبه نعسان: الو؟؟
فواز : ياااااااا مرحباااااا والله بهالصوت اللي يرد الروح و يجدد الدم اللي يمشي في عروقي كلها هلا بريم شيخه الزين
ريم : هللللللااا فوواز
فواز بضحكه: هه افااا جذي تردين وانا اللي طايح غزل من اليوم جذي تردين علي خلاص زعلت
ريم: سوري انااااا ما عرفت كيف
فواز: بسسسسس خلاص زعلت و بروح الشارع و اول شقرا ملونه مزيونه اشوفها بوجهي بتزوجها ههه
ريم بدلع: فووووووازز
فواز بضحك: ههه عيونه و روحه شلوونج و شلون حمووودي
ريم : الحمد لله بخير ماشي حالنا بس.. بس انت واحشنا
فواز صفر: واخييييييييييييرااااا سمعت كلمه شوووق
ريم: فووواز
فواز : سوووري ياا دلوعه انتي.. اشلون اخبار الاهل؟؟ ايمان و جسار و بابا؟؟؟ و ابوك و امك و سديم و مشاري و زوجه و..
ريم: من تركت ما سالت عنه ...تطمن كلهم بخير... بس..
فواز: ريم شنو فيج؟؟ ايمان فيها شيء؟؟ تكلمي؟؟
ريم بتنهد: لا..... مو ايمان... مشاااري..
فواز بقلق : ليش؟؟ شنو فيه مشاري؟؟
ريم : مشاري يتزوج...
فواز: خير؟؟ يتزوج؟ و من بيتزوج وليش؟؟
ريم : بتزوج ....عواطف...
فواز رعص على اسنانه لانه كان متوقع هذا الشيء من طلقها لكن ما توقع المتقدم يكون مشاري : وزوجته عرفت؟؟
ريم: مسكينه روان.. من بلغها وهي تبكي بجنون... كسرت خاطري..
فواز: لا تتركينها يا ريم ابقي معها مسكينه شالت ذنب ماهو ذنبها
ريم: فووواز بليزز ما تقدر تكلم مشاري..
فواز: و متصوره انه بيسمع مني.. ان كان ما سمع من امك و ابوك
ريم: انا بقوله الحقيقه..
فواز بخوف من تهور زوجته: اي حقيقه
ريم: حقيقه عواطف.... حقيقه حبها اللي تكنه لـك.....
فواز بمقاطعه: ريم انتي انجيتي؟؟؟ شلون تقولين لمشاري مثل هذا الشيء... انتي ناويه تذبجينها؟؟؟ مشاري ان عرف اكيد ما راح يكتفي بفضحها راح يلومني لاني ما تصرفت و فوقها راح يلومك انتي لانه كان سبب انفصالنا الاول
ريم: بس يا فوواز!!!
فواز بتنهد: ريم انسي موضوع علاقتي بعواطف نهائيا ولا تذكرينها لاحد ايا كان .. اتركيهم يعيشون حياتهم.. ان انكتب لهم حياه وو ان صار و رفضت عواطف و هذا مستحيل تكون لها حياه ثانيه مع شخص ثاني
ريم: بس.... كاسره خاطري روان
فواز: لا تخافين يا ريم.. مشاري اخوج عاقل و اكيد ما راح يظلم اي وحده فيهم..
ريم: اتمنى.... اتمنى يرجع الهدوء لبيتنا مثل ما كان... عايلتنا صايره من مشكله في مشكله و
فواز: لا يا ريم ماا بغيت مثل هذا الشيء منج.. اذكري ربج و الامور باذن الله بتتحسن... عموما ان راجع قريب و عندي لج اخبار طييييييبه
ريم بسعاده: من جد؟ ايش هي ؟؟
فواز بضحكه : مستحيل قبل لا ارجع و تسووووووووووووووووووووين لي استقبال طويل و ******
ريم بوجه احمر: فووووووووووووواز
فواز بضحك: هههههههه قريبا ... انتظريني
ريم ما عاد فيها تتحمل : بااااي
فواز ضحك اكثر وهي تسكر الخط بسرعه نزل موبايله و تامل التقارير من جديد و تذكر كلامها: زواج عواطف هل بيكون في مصلحتنا و بساعدنا نسعيد حياتنا من جديد ولا بداااايه جديده لمشاكل اكثر...
-
-
-
قدام المرايا الضخمه كانت ايمان الصغيره جالسه مبتسمه وهي تتامل وجهها بالمرايا وايمان تسوي لها تسريحه اطفال عجيبه: واو انتي مبدعه يا ماما
ايمان ضحكت على كلمه ايمان الصغيره و استمرت تزين شعرها : مبدعه ... من وين تعلمتي هذي الكلمه
ايمان الصغيره بنبره دلوعه : شفتها في التلفيزون...
ايمان : شنو اسمه. اللي شفتيه.؟؟
ايمان الصغيره: مااا اعرف
ايمان: انزين اللي قالوا لها مبدعه حلوه
ايمان الصغيره ببراءه: اي بس انتي احلى منه كثير يا ماما
ايمان وهي تضمها بحنان : يا روحي انتي
ايمان الصغيره: انا احبك كثير يا ماما
ايمان: وانا اموت فيك يا روح ايمان
نواف من عند الباب: وانا احبك بعد
ايمان التفت بصدمه له و شافته وهو متنسد على بابا غرفتها و يتاملهم بابتسامه عريضه ايمان الصغيره بمجرد ما شافته ركضت لعنده : بابا
نواف رفع ايمان الصغيره و حملها لصدره يضمها: يا روح بابا انتي ...
ايمان الصغيره اشرت على شعرها : شفت ماما ايش سوت؟ حلو صح
نواف ابتسم بحب وهو يطبع بوسه على خد بنته الغاليه : اكيد حلو امك ايمان كل شيء منها حلو..
ايمان حركت عيونها لبعيد عنه و جلست ترجع الشباصات و الكليبسات لعلبتها نواف تامل ادوات زينه الشعر و ما قدر يمنع نفسه يسال: واضح انك تحبين تسريح الشعر..
ايمان ببرود: بما ان شعري كان قصير لااغلب حياتي تعودت ابدع فيه لغيري ...نوف مثلا كنت اغير في شعرها في المدرسه
نواف :وانتي ما تعرفين تسوين لنفسك
ايمان: غبي انت قلت لك اعرف اسوي لغيري و بس
نواف كان بيتكلم لما قالت ايمان الصغيره: انا اسوووووووي لك ماما
ايمان ابتسمت للطفله البريئه و مدت المشط لها حتى تتهرب من نواف: تفضلي
ايمان الصغيره بكل براءه نزلت من يد ابوها و ركضت للمشط و اخذت لها كرسي و ركبت عليها حتى تكون بمستوى ايمان اللي عطتها ظهرها حتى تسرح في شعرها طبعا ايمان الصغيره صارت تلعب دور الكوافيره و ايمان متسمتعه بدور الزبونه
نواف ظل يتامل في البنتين اللي كانت كل وحده منهم طفله اكثر من الثانيه و بعدها :سمعتي بخبر خطبه عواطف؟
ايمان من غير لا تتحرك و من غير نفس: اي
نواف استغرب منها هذا الرد البارد خصوصا ان خطبه مشاري حدث مهم جدا في البيت: و بتظلين ساكته
ايمان : وشنو تبيني اسوي .. لاني العروس ولا المعرس ؟؟ شنو علاقتي ؟؟
نواف: علاقتك انج سيده الحب
ايمان تجاهلته و هو ابتسمت كانت متوقع انها تسحب نفسها من الموضوع و السبب ان روان و مشاري ماكانت عالاقتها فيهم ممتازه و ايضا لانها تبي ترتاح من عواطف اللي تبي فواز حبيب قلبها ... ايمان استمرت تتامل التسريحه المضحكه اللي سوتها ايمان الصغيره : ماما مو حلووو صح؟
ايمان ابتسمت لها و قالت: لا يا حبيبتي تجنن
ايمان الصغيره بوزت و حركت عيونها لابوها : بابا ايش رايك؟؟
نواف بابتسامه حنونه قام و مشى لعندها : تجنن يا روح بابا انتي ............ بس
نواف مد يده و مسك خصلات من شعر ايمان وهو شيء توتر منه جسمها: محتاجه شويه تعديل حتى تكون احلى
ايمان الصغيره ابتسمت و مدت المشط حتى يعدل في شعر ايمان بس ايمان ابتعدت حتى تمنعه من لمسها اكثر : ماما
ايمان بابتسامه حنونه للطفله : سوري يا حبيبتي بس تعبانه وابي انام ..
نواف رفع حاجبه : ماهي مشكله ننام ثلاثتنا مع بعض
ايمان بغرور: لا ايمان لازم تنام في غرفتها لانها كبيره!!
نواف بخبث و يغمز لها : واااوو لهدرجه ما تبينها تزعجنا
ايمان انصدمت و كانت بترد بس ايمان الصغيره : خلااااااص زعلت بابا انت نام عندي
نواف نظر لابمان الصغيره و بعدها لايمان اللي كانت طايره من الفرح لان ايمان قطعت عليه خططه بس رجع ابتسم و مسك يدها معه حتى يطلعون لما كانوا على وشك انهم يطلعون قال نواف : اه بالمناسبه يا ايمان... هند تسلم عليك!
ايمان بنظره حاده: هند؟؟ اي هند
نواف بخبث: و احنا كم هند نعرف يا ايمان...
ايمان بغضب : وانت وين شفتها
نواف حس بسعاده مطلقه من نظره الغيره الجنونيه على وجه ايمان: اليوم لما احتفلنا بافتتاح مكتبها في شركتنا ...بما انها تشغل منصب احد حاملي الاسهم ...
ايمان : خييييييييير!!!!! حاملي الاسهم كيييف و بامر من وليش ما عندي خببببببببر انت ناسي اني من المجلس؟؟؟؟
نواف بضحك: هههه انا المدير و موافق عليها و اقنعت الاغلبيه بما اني عارف انك بترفضينها.... انتي ليش تكرهيها .. هند خوووش بنت
ايمان بصراخ: خوووووووش بنت بعيييييينك و عينها الحقيره
نواف شاف في عيون ايمان غضب و غيره عمره ما شفها حتى لما شافت فوزيه ببدله الرقص : تصبحين على خير
ايمان بعصبيه: نواااااف لحظه
نواف مسك ايمان الصغيره و طلع وهو طاير من الفرح و ترك ايمان اللي كانت منفجره عصبيه...: هههههههننننننند... نواف لا... نوااااااااف لا يااا هند..
-
-
اليـــــوم الثاني
هنــد اخذت لها مكتب في شركه نواف رغم انها ماهي كانت محتاجه لانها في نظرها محتاجه مكان تترك فيها ملفاتها و تجتمع فيه مع الموظفين اللي تابعين لها في الشركه لما تزور الرياض.. حطت كل ورث ابوها و نصيبها من ثروته في الشركه مع نواف رغم ان هذا الشيء كان ماخذ رفض كبير من عامر اللي ما كان فاهم سبب هذا كله
مكتب هند ما كان ابدا مثل اي مكتب موظف ، كان مثل غرفه نوم او استعراض لهند، كان صبغ لون الغرفه بصلي و مزين بورق الجدار اللي على فراشات و مكتبها كله صورها مع اهلها و هي جالسه بكامل حلتها تتفحص ملف ارسله لها مسؤول التسويق و متملله تفكر لها بخطه جديده.. لما فتحت الباب سكرتيرتها
السكرتيره بهدوء: انسه هند..
هند بتملل: هلا في شيء؟؟
السكرتيره: مدام ايمان البدر طالبه تقابل حضرتك
هند بعيون مصدومه: ايمان؟؟؟
ايمان دخلت بسرعه : وليش متسغربه ما توقعتي اني اعرف المسرحيه اللي انتي مسويتها
هند ما حبت انها تنحرج قدام سكرتيرتها فاشرت لها تطلع على طول و تتركهم : انتي شلون تدخلين من غير استذان؟؟
ايمان: ماني محتاجه استاذن في شركتي و شركه زوجي
هند بضحك ساخره وهي تجلس على مكتبها بتفاخر: واو.. شركتج و شركة زوجج .. واحنا شنووو ... محنا اعضاء في مجلس الاداره
ايمان بعصبيه: ما ارح تظلين عضو لاني ما ابببببببببببببببيج
هند: وهو بكيفج يااا حلوه؟؟
ايمان: راح اشتري الاسهم الغبيه اللي اشتريتها و بالسعر اللي ابيه و راح اجبرج تطلعين مثل المطروده من هنا
هند: بعددددددددج ياا ايمان.... التجاره ماهي لعبه من العابج السخيفه اللي تتحديني فيها.... انا هند يا ايمان.. هند اللي غير كثثثثثثثثثير عن اي وحده لعبتي معها.. ولما انوي احط رجلي في شي... مافي احد يقدر يمنعني
ايمان : راح امنعج فاااااهم
هند وهو تضحك بسخريه: و ليش كل هذي العصبيه ترا التجاره اعرف انها ربح و خساره و ان خسرت بخسر فلوسسيي انا و فلوسكم ما راح يصير لها شيء ثاني......
ايمان بنبره جافه: هند.. لا تمثلين الغباء لان انا و انتي فاهمين بعض عدل.. انا عارفه انتي ليش جيتي للشركه و لمن بالضبط
هند بضحكه نرفزت ايمان اكثر: انا ما امثل ليش تظلميني
ايمان بصراخ: نواف شيليه من باااااااااااااااالج فاااااااااااااااااااااهمه؟؟؟؟
هند انفجرت ضحك: هههههههههههههههههههههههههههههههههههههههههههههههههه ههه امبييييييه لا موصج ... ايمان القويه ... لا ايمان سيده الحب خارقه القوى كلهااااااا جايه تترجاني اترك زوجها و ما اسرقه منها
ايمان: انا ما اترجاج انا اامرج يا هند
هند: هههههههههههه اللي اعرفه انج ما تبينه ليش كل هذي العصبيه
ايمان: ما ابيه شيء وان اعيطج اياه شيء ثاني
هند: بس انا راح اخذه
ايمان: وانا ما راح اسمح لج انا ارميه في الشارع ولا اعيطيج ايااااااااااه يااااااااااااااا هند الخايسه
هند: انتي يااا الجبااانه يااا الغبيه... و يكون بمعلومج نواف لي و راح اخذه منج غصبن عليج و على اهلج كلهم بالضبط مثل ما اخذت منج نوووووووووووف ....و الحين اطلعي بره
ايمان بضحكه هستريه : حقيره و طول عمرج حقيره ما تعجبج الا فضلتي انسانه رخيصه
هند عصبت و من غير تفكير قامت و ضربت ايمان كف و اللي ردت فيها عليه : ياا حقيره
ايمان بقوه سحبت شعر هند و هند سحبت طرحت ايمان و صاروا يتشاجرون بقوه و كل وحده تضرب في الثانيه و السكرتيره دخلت و صارت تفكك فيهم و تنادي في الممر لحد ما سحبوا الموظفات كل من ايمان و هند عن بعض
هند وهي تصرخ و تتوعد: هيييييييين يااا الخايسه انااااا اعلمج!!
ايمان وهي تضحك : حراميه تموتين تسرقين اي شيء لي لكن انااا اعلمج منو اللي بياخذ مني نواف
هند بصراخ جنوني : اطلعي برررررررررره اطلعي بره اطلعي
ايمان ضحكت عليها و طلعت على طول مع باقي الموظفات.. هند استمرت تصرخ بجنون و سكرتيرتها تحاول تهديها : انسه هند ارجوك اهدي
هند بصراخ: شلون اهدى شلون اهدا والحقيره ايمان دخلت لنص مكتبي و اضربتني و احرجتني قدام كل الموظفات شلووون!!!!
السكرتيره : انسه هند ارجوك انسي مدام ايمان
هند بصر اخ: مااااااا ابي اسمع اسمهااااااااااااااا اكرهااااا
السكرتيره: خلاص ارجوك يا مدام اتركينا نشفي جرحك؟
هند بعيون متوسعه : جروحي ؟؟
السكرتيره : في خدش بخدك يا انسه
هند على طول سحبت المرايا و شافت ان ايمان خدشت وجهها باظفرها ما كان خدش كبير لكنه كان كافي حتى يعطي هند خطه جديده: ساميه انتي لسى تبين وظيفتج؟
السكرتيره ساميه: ايش؟؟؟ اكيد
هند بخبث: وما تبين تنطردين منها صح
ساميه ببكاء: ارجوك يا انسه هند لا تطرديني ارجوك.. انا ما كنت اعرف ان مدام ايمان نيتها سيئه
هند بصراخ: ماابيييييييي اسمع اسمها
ساميه: خلاص ما راح اقول اسمها بس ارجوك لا تطرديني
هند: ان كنتبي تبيني اسامحج لازم تتصلين بالاسعاف و فورا
ساميه : بس وضعك ما يحتاج اسعاف ابدا يا انسه
هند: تبيني و ظيفتك ولا لا؟؟
ساميه: اكيد ابيها
هند: ممتاز... و لما يسالونك عن سبب تعبي ببساطه قوي ان ايمان هي اللي دخلت مكتبي و ضربتني بقوه كبيره جدا
ساميه: حاضر
هند ابتسمت و هي ترخي جسمها سقوطا لزاويه المكتب : باااي
ساميه توسعت عيونها وهي تشوف هند تضرب راسها بقوه في زاويه الطاوله حتى نزفت و سقطت هند على الارض: انسسسسسسسسسه هند
-
-
عواطف على غير عادتها كانت عايشه بجو من الفرح على عكس الوضع اللي كانت فيه قبل كم يوم لانها اولا بتقهر مشعل و بنت اخوه اللي تكرها الحين اكثر من ريم و سعيده في الوقت نفسه لان مشاري مازال يكن لها مشاعر الحب اللي كانت عنده لما خطبها قبل ..
ساره بنبره جافه: ابوك بيرد خبر اليوم لمشاري و ابوه .. بخصوص الخطبه
عواطف بابتسامه سعيده: اوكي
ساره: متاكده من قرارك يا عواطف!!
عواطف استغربت سؤال امها اللي ما كلمتها نهائيا يا بالموضوع و كانها ماهو موضوع مصيري: اكيد متاكده و اعتقد اني عطيت ابوي هذا القرار
ساره: عواطف ... لا تستعجلين.. عندك فرص كثيره و مع ناس احسن من مشاري..
عواطف بنظره استخفافيه بالموضوع: قصدك فواز؟
ساره بتنهد: فواز و غيره فرصتك معهم احسن من مشاري
عواطف بغرور: بالعكس يا امي... مشاري احسن بكثير من فووواز و من غيره... و انا ابي مشاري لانه يحبني
ساره: يحبك؟؟؟ من وين جبتي هذا الفكره؟؟
عواطف: ما جبتها من احد... انا اعرف... وواثقه منه
ساره: يا خوفي يااا عواطف ان هذي الثقه ما تكون في محلها..
عواطف : تطمني يا ماما انا...
مدام انجيلا ضربت بابا غرفه المجلس بقوه: سيده سااره... يااا سيده سااااره
ساره بخوف بسرعه مشت و فتحت الباب وهو شيء ما تسويه بالعاده: ايش في؟؟؟؟
مدام انجيلا: مدام ايمان..... هنالك شرطي و يريد ان ياخذها معه لقسم الشرطه
ساره بصدمه: شرطططه؟؟؟
-
-
في قسم التحقيق
دخلت ايمان و جلست بتوتر شديد ما بلغوها ابدا سبب استدعائهم لها بسرعه اتصلت بجسار و راحت معه ..
المحقق: مدام ايمان.. انا اسف على الطريقه اللي تم استدعاءك فيها
جسار برد سريع: مافي ابدا داعي للاعتذار هذا شغلكم لكن حبيت اعرف ياحضره المحقق ايش هو الموضوع اللي استدعى انكم ترسلون في طلب موكلتي و رفض نيابتي عنها
المحقق: ايش هي علاقتك في هند البدر يا مدام ايمان
ايمان و جسار على ذكر اسم هند توسعت عيونهم و رد جسار على طول: معرفه قديمه و يقربون لنا من بعيد...
المحقق بابتسامه عريضه: معرفه قديمه ولا حديثه يا مدام ايمان
ايمان : تقدر تقول انها قديمه و حديثه في الوقت نفسه
المحقق: ممتاز... ومتى كانت اخر مره شفتي هند البدر فيها يا مدام
ايمان نظرت لجسار اللي استغرب و سال: ممكن افهم سبب هذا السؤال يا حضره المحقق ، ايش علاقه هند البدر بموكلتي...
المحقق: انا راح اجاوب عن سؤالي للمدام و عن سؤالك يا سيد جسار .. ايمان البدر كنتي في شركه نواف البدر اليوم و في مكتب هند قبل اربع ساعات و حاولتي تقتلينها
ايمان بصدمه: شنوووو...شنو هذي السخافات
المحقق: اي كلمه ممكن تقولينها ممكن تستخدم ضدك يا مدام.. عموما احنا عندنا شهود كثير عليك ... انك دخلتي المكتب و ضربتي الانسه هند ضرب كبير بغرض قتلها و اضطروا الموظفات يفرقونكم بالقوه و لكن الانسه هند سقطت و نقلوها المسشفى و عرفوا باصابه راسها الخطيره وهي بوضع خطر
ايمان نظرت لجسار اللي كان مصدوم: انا ما حاولت اقتل احد هذاااااا كذب
المحقق بغضب : تنكرين انك كنتي في مكتب هند البدر قبل اربع ساعااااات يااا مداااام
ايمان بتوتر: لا...
المحقق: تنكرين انك تشاجرتي معها و ضربتيها بقوه؟؟؟؟
ايمان نظرت لجسار اللي اشر لها تتكلم لباللي تعرفه: اي تشاجرنا و ضربتها لكن ماهي بقوه ابدا كان شجار عادي
المحقق: للاسف ياا مدام ايمان هذا اعتراف صحيح منك بمحاولتك لقتل لها؟؟
ايمان : لا انا ما حاولت اقتلها
جسار: لو سمحت يا حضره المحقق انا طالب اسمع افاده كل من الشهود و المجني عليها حتى اعرف اتعامل مع الوضع قبل اتخاذ اي قرار في حق موكلتي
المحقق: للاسف يا سيد جسار استجواب المجني عليها مستحيل في الوقت الحالي بسبب وضعها الصحي انا الشهود فسيتم سماع اقولهم فقط مره ثانيه قدام النيابه بعد ما يسمح لنا باستجواب المجني عليها الى هذا الوقت .. مدام ايمان لازم تظل مشرفتنا في سجن النساء
ايمان بعيون واسعه: شنوو؟؟
جسار: بس لا مركز موكلتي ولا وضعها الاجتماعي يسمح لها بالبقاء .. راح ندفع اي كفاله تقررها النيابه وفورا بشرط خروجها الى وقت التحقيق
اللمحقق وهو يهز راسه: للاسف يا سيد جسار.. الشروع بالقتل جريمه مستحيل تطلع منها بكفاله..
ايمان بخوف غير معتاد من شيء: بس انا ما حاولت اقتل احد ..
المحقق : اسف .. بس مضطرين نحبسك يا مدام ايمان.. يا شرطي ... اخ المدام للحبس
ايمان بخوف:جسار
جسار بتوعد: ايمان!! لا تخافين اليوم انتي في البيت اوعدك!!
ايمان كان يقدر جسار انه يحس بدموعها من ورا غطاها وهي تنسحب مثل اي مجرمه من المجرمات للسجن جسار من قمه القهر على طول اتصل بعاممرمن جهه ثانيه عامر اللي اتصلت فيه امه من المستشفى وقالت له ان هند تعرضت لحادث، كانت هند جالسه على السرير و راسها ملفوف و تتكلم ووتتظاهر بالالم
عامر رن موبايله بكل براءه و بصوت هادي: اهلين جسار
هند طارت عيونها على ذكر اسم جسار اللي تخاف منه كثير
جسار بغضب: عاجبك اللي سوته اختك؟؟
عامر باستغراب: خير؟؟ عن ايش تتكلم يا جسار
جسار: هند اختك مشتكيه على ايمان وقايله انها محاوله تقتلها
عامر وهو يعطي هند نظره: شنوو؟؟ شلون جذي.... جسار انا ماعندي خبر بالموضوع..
جسار: روح لاختك وافهم منها الموضوع و عطني خبر انا لايمكن اسمح ان ايمان تظل في الحبس و متاكد انك مستحيل ترضى بهذا الشيء..
عامر على طول و بمجرد ما سكر الخط من جسار نظر لهند: انتي قايله ان ايمان اللي ضاربتك و محاوله تقتلك
هند بغرور: اي صحيح
ام عامر: هند انتي مو قايله انك سقطت على الطاوله
هند: قلت حتى ما اضايقكك بس ايمان ضربتني و كانت تبي تذبحني و اتهمتني بعد اني احاول اسرق زوجها انت يرضيك هذا يا عامر يا اخوي
عامر: طبعا ما يرضيني بس مستحيل اسمح انها تنسجن راح اكلم جسار و يحط لها حل
افراح اللي كانت جالسه مستمعه ما قدرت تتحمل : يااا سلام ايمان ما تنسجن وانا و خوله عااااادي؟؟؟
عامر: انت عن شنو تتكلمين
افراح: انت فاهم انا عن شنو اتكلم زين.. لما انسجنت انا وخوله بتدبير من ايمان وقفت بوجهي و ضنيت فيني السوء و ما قلت هذي زوجتي اللي احبها لكن الحين ايمان حبيبه القلب لا.. ما يصير تنسجن وهي معتديه على اختك!!
عامر بعصبيه: افراح بس
هند لان الموضوع عجبها قررت تساند افراح: بس افراح على حق يا عامر.. انا لايمكن اتنازل و اضيع حقي .. لاني ان سويت هذا الشيء احتمال تذبحني المره الجايه !!!
عامر التفت لامه اللي نزلت راسها وقال : و المعنى
افراح بجفاف: لا ترد على جسار لما يتصل
-
-
في الزنزانه
ايمان تتنهد وتبكي في زاويه من زوايا الزنزانه اللي كانوا في الزنزانه من حولها كانوا مجرمات عيونهم كانت كلها قذاره و انحطاط وهم و يتاملون جسمها و وجهها و عباتها
وحده وهي متخصره: ليش ساكته؟
ايمان نظرت لها بتالم و رجعت تنظر لركبتها اللي كانت ضامتها لصدرها لما ردت الثانيه: واضح ان محنا من مستواها ولا انا غلطانه
بخطوات قويه مشت وخده و سحبت طرحت ايمان: اكلمك انااااا
ايمان ضربتها بيدها و رجعت تسحب الطرحه: بعدي عني
ضحكت وحده بقوه: مسويه نفسك شريفه!!! الله اعلم انتي من وين ماخذينك!!
ايمان كانت تقدر ترد عليها لكن ما قدرت لان الدموع تجمعت في عيونها تبكي بالم شديد: بس حرام عليكم
ضحكت وحده : ههههههههههه حرام علينا.. ليش ما نتعرف حتى نعرف نرد عليك انا سراقه اسرق و ابيع اللي اسرقه انتي ايش اللي جايبك هنا
بضحك من ثانيه لما ايمان نظرت لبعيد: اكيد من فيلا واحد من هالاغنياء ههههههه
ايمان باندفاع : تكلمي عن نفسك يا ام الشرف !!!!!!
طاااااااااااااااااااااخخخخ
الكف اللي اخذته ايمان رمها بعيد على الارض و بمجرد ما سقطت على الارض صارت الضربات و الركلات تتولى عليها و هي تصييييح بالم لحد ما قربوا السجانات و بعدهم عن بعض ..
و اخذوا ايمان لزنزانه ثانيه لحالها بعيد عن المجرمين ، ايمان تمددت البساط الصغير و هي تبكي بالم....: ا... اساعد الناس و انقذ ناااس..... و تحملت و تحملت و صبرت على كل العذاب بس هذاا كثييييييير كثيرررررررررررر... انا شنو سويت حتى اخذ مثل هذا الالم
بعد دموع و شهقات تذكرت ايمان شيء: لا... انا سويت شيء.... انا ظلمت عامر و افراح و حاولت ادمرهم... انا استحق اكون في مكانها ...........................لكن .............لكن نواف طلعها .............. هل يمكن يطلعني من هذا المكان؟؟ نواااف ....ساعدني
-
-
-
-
دخل البيت على وقته المعتاد بعد المغرب و على وجهه ابتسامته المعتاده بمجرد ما يشوف بنته اللي يحبها : حبيبه ابوها..
ايمان الصغيره ركضت لنواف اللي حملها وصار يبوس فيها: وحشتني يا بابا...
نواف بشوق: وانتي وحشتيني كثير يا روح بابا....
فاطمه بمجرد ما سمعت صوته ركضت لعنده: نواف!!!!
نواف بابتسامه لاخته اللي يحبها: هلا بدلوعتي شلونك؟؟
فاطمه استغربت نظره الفرح اللي على وجهه و صارت تتلفتت وبعدها قالت: خالتي ايمان ما رجعت معك؟؟
نواف وهو ينزل بنته من يده: ايمان؟؟؟ ليش ايمان وينها
فاطمه: جسار ما كلمك ؟؟
نواف بتوتر: لا .... فاطمه ايمان شفيها
فاطمه بلعت ريقها: خالتي ايمان .. سحبوها الشرطه.. وجسار راح معها
نواف بصراخ: ايش؟؟؟؟ سحبوها الشرطه؟؟ من متى؟؟؟
فاطمه بتوتر : من الظهر..
نواف من غير لا يحس مسك يد فاطمه بقوه جنونيه: من الظهر!!!! من الظهر ايمان عن الشرطه!! وانا ما ادري؟؟؟؟؟؟؟؟؟؟؟؟
فاطمه حست بالم كبير بيدها من مسكت نواف و كل الم: نواف عورتني...
نواف حس بنفسه انه ضغط كثير على يد فاطمه و سحب يده منها و على طول ابتعدت و اتصل بموبايل ايمان اكثر من مره و لما ما لقى جواب اتصل بجسار...
جسار: هلا نواف
نواف: ممكن افهم يا حضره المحامي ليش ما بلغتني ان زوجتي المصون ساحبينها الشرطه؟؟؟
جسار: اتصلت فيك اكثر من مره بس كنت في اجتماع مهم على قول سكرتيرتك!
نواف: و ما عرفت تبلغها ان الموضوع مهم؟؟؟؟ انت ما تعرف يا جسار ايمان ايش بالنسبه لي..
جسار بضحكه ساخره: اكيد اعرف...
نواف انقهر من سخريته: و ايش صار معكم
جسار: المحقق رفض اني اطلعها قبل لا يستجبون المجني عليها في قضيه الضرب
نواف بصدمه: يعني ايمان..لسى في السجن ..
جسار بتنهد: للاسف نعم في السجن
نواف رعص على اسنانه بقوه: ومن اللي ضربته ايمان..
جسار: شريكتك الجديده.. هند..
نواف بصدمه : هند..
-
-
-
ام عامر رغم انها سمحت لهند و افراح يفرضون افكارهم و اوامرهم على عامر و يجبرونه يتجاهل طلب جسار في ان تتنازل هند عن ايمان حتى تطلع كانت حاسه بشيء من تانيب الضمير.
بعد ساعه من الزياره طلعت افراح و عامر من الجناح اللي كانت فيه هند اللي اصرت انها تظل في المستشفى رغم ان وضعها ما كان يحتاج، امها اصرت انها تظل معها حتى ما تكون لحالها
بعد ما انتهت هند من تناول وجبه العشاء اللي صرفها لها الطبيب تمددت من جديد حتى ترتاح: شببببببعت
ام عامر بضحكه ساخره: شبعتي و بتنامين... كانك بفندق مو مستشفى
هند بضحكه: هههههههههه فعلاا... المستشفيات الخاصه صارت كانها فنادق 10 نجوم ممتازه للاستجمام و تجديد النشاط
ام عامر : والسجن؟؟ مكان لشنو يا هند
هند وهي ترفع حاجبها: ماني فاهمه سبب هذا السؤال
ام عامر: لا يا هند.. انتي عارفه انا شنو قصدي عدل... حرام عليج!! ايمان شنو سوت لج حتى تسوين فيها كل هذا يا هند
هند: ما سوت شيء !!!! كل اللي سوته فيني و ما سوت شيء
ام عامر: وهي شنو سووووت!!! انتي بالذات ايمان ما عمرها ضرتج!!1 ليش ؟؟؟ ليش؟؟؟ تطاردينيها مثل الكااابوس... ليش ما تتمنين لها الا الذل والالم و البعد عن الناس اللي تحبهم
هند بحقد: اكرهاااا.. اكرهاااااااا و ما راح اوقف قبل لا اخذ منها كل اللي ابيه
ام عامر: انزين ليش ..ليش هذا الكره ليش؟؟؟
الممرضه دخلت و قطعت على هند و امها حوار قوي: اسفه على الازعاج يا انسه...بس في واحد بره و طالب يقابلك
هند بغرور: واحد؟؟ من؟؟
الممرضه: يقول اسمه نواف..
هند وكانها بتطير من الفرح: نواف؟؟؟؟ خليه يدخل بسرعه
الممرضه طلعت على طول حتى تسمح لنواف يدخل في الوقت اللي هند رجعت ظهرها و رسمت كل ملامح التعب على وجهها..
نواف دخل بغرور بعد ما ترك مرافقينه برا:حمد لله على السلامه يا هند
هند وهي تصطنع صوت مبحوح باتقان: الله يسلمك يا طويل العمر
نواف: ان شاء الله الاصابه ماهي قويه
هند: بصراحه هي تالم كثير بس الحمد لله
نواف: هند انا جايك بطلب و متاكد انك ما راح ترديني
هند: تفضل يا طويل العمر
نواف كان مقهور لانه لاول مره يطلب من احد شيء : ابيك تتنازلين عن حقك في قضيه ايمان
كل احلام هند انه جايه يتطمن عليها تلاشت بمجرد ما ذكر اسم ايمان بمعنى انه ما تنزل وجاء الا علشان حبيبه قلبه بس طبعا ما كانت غبيه حتى تبين هذا الشيء: افااا يا طويل العمر ما كان الموضوع يحتاج ان تجي بنفسك.. انا كنت مقرره اتنازل بس لما اخف شوي .. ايمان رغم كل اللي صار تظل زوجتك
نواف بابتسامه بارده: الحمد لله يعني المحقق اللي يتنظر براه ما تعنى معي على الفاضي
هند: المحقق بره
نواف بابتسامه : اكيد جاي ياخذ اقوالك.. طلبت منه يجي معي والحمد لله انك بوعي كافي حتى تقابليه و تتنازلين و يتنهي الموضوع على خير ..
هند كان وده تصرخ بجنون بس ما قدرت و ابتسمت له حتى ينادي المحقق و صار كل اللي كان يبيه نواف
-
-
-
ايمان مشت مع السجانات وهي حاسه بتعب شديد في جسمها من الضرب و الالم النفسي اللي كانت فيه من المكان و الناس اللي حولها و كل شيء صار لها في هذا اليوم الكئيب فتح الشرطي الباب و سمح لها تدخل عند المحقق اللي كان موجود عنده شخص غير متوقع ايمان رفعت عيونها و تلاقت بعيونه الزرقاء : نواف؟
نواف كان معصب وهو يشوف عباتها المبهذله و اللي عليها تراب و مغطيه وجهها صحيح لكن بشكل غير مرتب و قبل لا يتكلم ما حس الا بيدينها على جسمه تحضنه: نواف ارجوك لا تتركني هنا
نواف انصدم و حس بقلبه ينطعن بالف سكين و سكين : تطمني ..كل شيء انتهى...
المحقق : مدام ايمان... ارجوك انتبهي معي
ايمان شويت بعدت عن نواف بس ظلت ماسكه يد من يدينه بيدها : شنو في..
المحقق: الانسه هند تنازلت عن حقها في القضيه وهو يطلعك منها لكن بعد ما توقعين على تعهد بعدم لمس الانسه هند من جديد و ان صار و تاذت على يدك.. فمستحيل تطلعين من الموضوع من جديد.....
ايمان بصوت مبحوح: اوكي
المحقق مد ورقه التعهد و ايمان اخذت القلم وهي ترجف و وقعت عليه و على محضر التحقيق و مشت مع نواف اللي بمجرد ما ركبت السياره معه سندت راسها على صدره: تعبانه يا ايمان
ايمان وهي ترجف من الالم اللي كانت فيه: كثير يا نواف
نواف انقهر كثير صحيح كان مقهور من انها ضربت هند و حطت نفسها بموقف محرج و لانها دخلت نفسها بمشاكل و لان جسار ما قال لها انها بالسجن ولانها الحين طالبه منه الحنان وهو خاااايف يضعف قدامها..: لا تبكي يا ايمان....دموعك غاليه علي كثير..
لحد ما وصلوا ايمان و نواف القصر كانت ايمان غارقه بالنوم.. نواف حملها بين يدينه و تقابل مع اهله اللي كانوا في انتظارهم اشر لهم بالهدوء و استمر يشيلها لحد ما دخلوا لجناحها نواف نزلها على سريرها و فصخ عباتها عنها و جزمتها و بمجرد ما شاف وجهها طارت عيونه و ثار جنونه ضربات على وجهها حمرا و زرقاء : كل هذا بسببي!!!! انا السبب انا اللي دخلت هند براااسك ياا ايمان... وللاسف الحين ...مسكتها رقبتي و ما عدت اقدر ارفض لها طلب
-
-
عواطف تاملت فاطمه اختها اللي ما ارتاحت الا بعد ما شافت ايمان داخله عليهم كانت عواطف من جهه ثانيه خايفه ان موضوع ايمان يطول و هذا ياخر في زواجها من مشاري: تحبينها؟؟
فاطمه: وليش ما احبها ؟؟ ماهي خالتي
عواطف: خالتك و عمه الغالي
فاطمه: وخالتك بعد و عمه الغالي
عواطف : اذا كنتي تقصدين فواز ففواز شلته من بالي نهائيا .. واذا على مشاااري... وه فدييييته
فاطمه: انا كنت اقصد مشاري من البدايه.. بس ليش لازم تدخلين فواز... عواطف انتي متاكده من قرارك؟؟
عواطف: اكيد... و قلته مليون مره
فاطمه كانت خايفه على اختها بشكل كبير من جديد تتمنى الشر لانسان و خوفها هذي المره اكبر من خوفها عليها لما تزوجت مشعل حتى تقهر فواز.. لانها بتقهر فواز و مشعل و روان كلهم هذي المره
ساره بخطوات بارده : اتصل فيني احمد...وبلغني بما ان ايمان طلعت و انتهى موضوعها على خير ماعنده مانع يملكون بعد بكرا عندك مانع
عواطف بابتسامه: لا طبعا ياا امي
ساره: بس احمد عنده اقتراح و يتمنى يعرف رايك فيه
عواطف: ايش هو؟؟
ساره: احمد يقول بما انك مشاري عنده حرمه و انتي ... توك مطلقه.. الاحسن ان نسوي حفله صغيره في الملكه بدل العرس.. ايش رايك؟
فاطمه رفعت حاجبها و نظرت لاختها اللي اكيد كانت تحلم بعرس كبير : بس ماهو عذر للالغاء العرس يا ماما
عواطف: تكلمي عن نفسك.. اما انا فموافقه
فاطمه: عواااطف
عواطف: انا موافقه يا ماما على اللي اقترحه عمي احمد و ابي يكون زواجي من مشاري بعد يومين..و بكرا باشتري لي بدله من افخم محلات في الرياض
ساره : عين العقل
فاطمه كانت صدمتها في اختها كبيره معقوله تكون هذي اختها عواطف اللي كانت تحلم بعرس اسطوري و بدله يصنعها اكبر مصممي العالم..
عواطف بنظره كلها ثقه كانت في عالم ثاني من الافكار و تقول في نفسها: واخيرا راح اتزوج مشاري.. واعيش حياه الرومانسيه و الحب مع الانسان اللي كان يحبني و ما زال، و اذل روان اللي اهاني و ذلني عمها و اكون قريبه من ريم و ادمر حياتها و حياه فواز اللي تسبب في كل اللي انا فيه
-
-
-
يتبع