الموت ما هو أنك تكتفن بترابك ! الموت أنك تحب حي ويفارقك

39

بعد صراع طويل مع المرض انتقلت ام سعود الى رحمه الله تعالى الصدمه كانت كبيره على سعود وحده بما ان منصور كان ماهو هامه حتى لما اتصل فيه ولده و ترجاه يرجع حتى يكون معه بس ما كان في امل.. زل في سفره مع العروس الجديده وماعاد يهمه الماضي واللي منه كانت ام سعود، ديما كانت مثل اللعبه يسلم عليها الناس و يعزونهها لكن ما في فايده كان الصمت و الهدوء هو مصابها اكثر شخص كان متاثر هو ام فارس لانها كانت حزينه على حالها لانها ماتت و ما شافت بنتها ندى اللي مازالت في الغيبوبه و لا ولدها فيصل اللي انمنع يروح لعندها و خصوصا ان ام فارس كانت عارفه شعور فقد غالي لما فقدت ولدها خوات ام سعود اللي نادرا ما كانوا يجونها حضروا اول يوم بس و رجعوا لمناطقهم بكل وقاحه ما همتهم بنت اختهم المريضه و اللي ما عندها احد لكن ساره اللي كانت من عمرها تعتبر وحده من بناتها ظلت معاها
ايمان من جهه ثانيه كانت حاسه بالاسى على ندى و ديما لكن في نفس الوقت حاسه بنوع نن التوتر ما كانت عارفه ليش لان هند اللي طبعا كان ضروري تكون موجوده طول الايام الثلاثه كانت ترميها بنظرات تفحصيه ايمان بتنهد كانت تقول في نفسها: هذي شنو فيها .. من جم يوم و هي عيونها علي ... ماهو كافي اني من رجعت لنواف ما شفته
من يوم اللي توفت فيه ام سعود و هم كلهم يبيتون في بيت ام سعود حتى يكونون موجودين في حاله احد يعزيهم طبعا بما ان غرف البيت كثيره كل وحده منهم اخذت غرفه و من اهم قرارات ساره ان تفصل غرفه ايمان عن هند بمسافه و روان و عواطف بمسافه ما كانت تبي مشاكل حتى ينتهي العزاء على خير
بعد ما طلعوا اخر مجموعه من النسوان لاخر يوم العزاء قدرت ام فارس تتنفس براحه : ما قصرتوا يا بنات و جزاكم الله خير
روان : حق وواجب يا خالتي
عواطف حتى تبان احسن من شريكتها : خالتي ام سعود وحده من العائله و لازمرعلينا نلتزم بالعزاء احسن من ناس
روان عطت عواطف نظره و عواطف كانت بترد عليها لما قالت ساره : عواطف بس
سديم في محاولها منها انها توقف اي شجار ممكن تكبره الحين ساره : يمممه في وحده العصر عطتنا سيدي تقول انه لداعيه دينيه و طلبت مني اشغله في العزاء حتى نسمع للدرس
ام مشاري : سيدي؟؟؟ ام مشاري : و انتي كيف تاخذين السيدي منها افترضي كان فيه كلام غلط و بدع
سديم تنهدت بسبب هجوم امها المعتاد على الامور الدينيه: انا يا يمه ما اخذته الشغاله اسلمته من بطاقات التعزيه و قلت خل نشغله نسفيد
ايمان : خليها تشغله يا ام مشاري اذا فيه شيء غلط سكرناه
ام مشاري تنهتد و اشرت لبنتها اللي بسرعه تحركت للمشغل الديفيدي اللي ينعرض على شاشه الالسيدي الكبيره و اشتغل الشريط
ماكانت الا لحظات و ارتسمت الابتسامه على وجه هند من غير ينتبه لها و صرخه طويله من فاااطمه : لاااااا طفيييه
سديم كانت بتطفي لما لمحت شخص تعرفه : فااطمه ماهي هذي طباختك روزليا
ايمان بعيون متوسعه: روزليا؟؟؟؟؟؟
فاطمه بترجي و هي تحاول تسحب التحكم من سديم : بللليز عطيني اياه
سديم كانت بتطفيه لما صرخت ايمان: لا يا سديم ساره بعصبيه : فاااااطمه انتي من شنو خايفه
فاطمه كانت بترد لما انكشف كل شيء و ظهرت الحقيقه فاطمه و هي تعطي الكرت لرزوليا و توصيهل بكل دناءه شلون تغري نواف ايمان كانت حاسه برجلها ما عادت شايلتها نظرت لفاطمه بحقد و كراهيه و طبعا ما كانت الوحيده ساره كانت تنظر لبنتها بقرف ام فارس و ام مشاري و سديم و روان كانوا ينظرون لها بغضب و عواطف كانت حاسه بغضب كبيييير .. فاطمه حركت عيونها لهند اللي كانت تبتسم
قبل لا تقول فاطمه شيء هجمت عليها ايمان و عطت كف كفييين ثلاثه و دفعتها للارض : يااااا كلبه ياااا حقيررررره ياااا حقييييييره ....
ايمان استمرت تضرب بفاطمه لحد ما تقطع وجهها من الضرب::: ماهو انا ... هذذذي
قبل تتكلم فاطمه ايمان بغضب من غير تفكير خنقتها : خربتي بيتي دمرتي حياتي و ثقتي بزووجي دخلتي وحده ***** لعنده ياااا سافله يااا حقيره
ساره ركضت تحاول تفك بنتها من ايمان بس ما كانت قادره لان ايمان كانت اقوى و هو الشيء اللي دفع سديم و عواطف للتدخل : بسسسس يااااا عممممه
ايمان ما كانت راضيه تفك فاطمه من يدها و استمرت تخنقها: انتي لااازم تمووووتين لاازم تموووتين يااا فاطمه ...
بمحاوله من عواطف انها تفك اختها مسكت ايمان من خصرها لكن ايمان من غير لا تحس رفعت يدها يقوه و ما حست فيها الا وهي مستقره و بقوه في بطن عواطف اللي صرخت من قوه الضربه
ايمان على صوت صرخه عواطف بعدت عن فاطمه و انصدمت من عواطف اللي سقطت على الارض تصرخ بالم: الحقييييني ياااا يمممممه
ساره بسرعه ركضت لبنتها تمسكها: عووووووووواطف
ام مشاري بصدمه حركت عيونها لروووان: روااان اتصلي بمشاري بسرعه
روان بخوف و توتر بسرعه ركضت و اتصلت بمشاري اللي بسرعه كبيره هرع لعندهم ايمان كانت مصدومه و في نفس الوقت خايفه الكل طلع مع عواطف الا هي و فاطمه بعد ما عطت ايماننظره حقيره اخيره : حسبي الله عليج حسبي الله عليج ان جانج دمرتي حياتي و حياه اخووووج
فاطمه كان ودها تتكلم بس ما كان عندها شجاعه تتكلم و لا ايمان عندها استعداد تسمعه بسرعه طلعت و تركتها لحالها في البيت الكبير...
ايمان رجعت لبيتها لغرفتها و لذكريات جمعتها مع نواف بهذي الغرفه نفسها.....
في هذي الغرفه سمعت من نواف كلام الحب ... في هذي الغرفه سمعت منه كلام الشوق .. في هذي الغرفه تبازلت معه العشق و الغزل لكن في المقابل كان يتلقى منها الاهانات و الصراخ و الشكوك ما صدقته بعد ما حلفه لها ملييييييييون مره انه بريء كذبته رغم ان الدلائل كلها كانت معه حلف لها انه ماهو غبي حتى يجيب وحده لغرفتها و هو عنده قصر و فوقه قصووور ما صدقته و هو حلفه انه لا يمكن يجيب وحده لعنده وحده و هو عارفه انها بتجي الحييييين بس علشان كبرياءها و رغبتها انها تبتعد عنه و فوق هذا اتهمته اكبر اتهام اتهمته انه ذبح ولدها و هذي هي طلعت غلطانه انهارت على الارض تبكي بحسسسره ::::لييييييييييييش لييييش يااا نواف
ايمان زاد قهرها اكثر لما تذكرت انه لصق في نفسه تهمه الخيانه حتى يخفف عنها في موضوع شكها فيه
قال انه خانها و اخطء كثييييير حتى ما يبين لها ان غلطها كان شيء عادي و هو كان بريء من التهمتين ايمان صارت تشهق و تشهق بالم كبيرين
بعد دقيق رن موبايل ايمان بسرعه كبيره ردت عليه و تفاجأت بمشاري: عمتي!!
ايمان بخوف: ممممممشاري
مشاري بصوت حزين: عواطف سقطت الجنين
ايمان بعيون متوسعه: سسسسسسسقطت؟؟؟؟؟
مشاري: يقول ان الضربه على بطنها كانت كبيره .. عمتي ساره تقول انها سقطت على الارض بس الموضوع ماهو داخل بالي عمتي... قولي لي ايش اللي صار بالضبط..في احد ضاربها ارجوووك
ايمان وهي ترجف قفلت الخط في وجه مشاري اتصل بعدها اكثر من مره بس ما قدرت ترد عليه تكورت على تفسها و صارت تبكي دموع لدرجه انها ظنت الدموع راح تجف من كثر نزولها : انا شنو سويت زين في حياتي....ضربت عواطف و حرمتها ولدها وهي كانت تسعى انها تحمس اختها ..... عذبت نواف و اتهمته ابشع اتهامات وهو كان بريء منه و يطلب السماح مني وانا المجرمه.. اهنت عايلتي و هربت لديره بعيده و تزوجت من وراهم، دخلت محاميه ناجحه و سعيده في حياتها بمشاكل مع احقر مخلوق و النتيجه كانت انها طريحه الفراش في غيبوبه من مده طويله... يطلق اخوي النار علي و اتجنبها حتى تذبح ولده و ترمل انسانه بريءه مالها ذنب ، اصرخ في وجه ولد اخوي الثاني يوم عرسه و احرجه و احرج اهله كلهم ، ادخل انسانه بريءه مأمره كبيره و اتسبب بموتها..... اااي ... اي انا اللي ذبحت نوف... انااا... انا ذبحتها و ذبحت فيصل و ذبحت اسامه و ذبحت ابوي و ذبحت ام سعود معقوله يكون التالي هو نواف.....لا ... نواف لا...
للحظه مرت كلمه ساره في بال ايمان يوم عزاء فيصل: انتت تسببين المصايب لنا كلنا.... اطلعي من حياتنا
ايمان في لحظه ضياع حست ان كلمتها هي المنجأ الوحيد: انا لازم اختفي......صح.... كل شيء كان ممتاز لما اختفيت اخر مره... ابوي كان مرتاح مع جسار و فواز... فواز كان سعيد مع ريم، ندى كانت تحب عبدالعزيز.. فيصل كان يدرس، فارس ما كان في السجن، ساره كانت سعيده مع بناتها ، و نواف ....نواف كان عايش حياته من غير انسانه تنكدها عليه....صح... هذا اللي لازم يصير...
من تردد ايمان سحبت ورقه و قلم و ابتدت تكتب رسالتها... رسالتها الاخيره لنواف....
نواف انا عرفت الحين كل شيء.... عرفت اني عمري ما استحقيت السعاده لاني دايما كنت اشك في من حولي من سنين تنكرت بشكل مضحك حتى ما ابين للناس اني انسانه جميله يطمع في احد.. كنت اشوف نظرات طمع البنات في اخواني بسبب وسامتهم و لهذا السبب كنت اقول مثل ما طمعوا فيهم في احد بيطمع فيني.. كنت اتمنى اني اعيش قصه حب مثل اي بنت لكن لاني ما كان عندي احد احبه و ما كانت اصدق العلاقه بين اللي اسمها صداقه بين رجال و حرمه هربت من هذا الشيء و صنعت لي منتدى خاص اعيش فيه هذي الحياه الرومانسيه و كانت النتيجه لقائي فيك... او بالاحرى لقاء نوف...دخلتها لعبه ما كانت قدها و النتيجه موتها على يد الظالمه الحقيره... نواف هند احقر مخلوقه على وجه الارض....هند تقتل و تسرق و تاخذ اللي تبيه بس حتى تقهرني وانت ما طمعت فيك الا لاني احبك..اي احبك ... احبببببببببببببببك كثير لكن الحين وبعد ما عرفت اني ظلمتك ظلمتك لما قلت انك ذبحت ولدي... ظلمتك في كل كلمه قاسيه قلتها لك.. ظلمتك لما صدقت كذبتك في انك خاين ظلمتك لما قلت انك خاين و شكيت فيك.. انا عرفت كل شيء الحين و تقدر تسال ساره عن السيدي اللي فيه تصوير فاطمه وهي تعطي مفتاح الغرفه لروزليا... نواف بسببي خسرت عواطف اختك و بسببي الحين بتخسر فاطمه و بسببي ماتوا و انهانوا ناس كثير و لهذا السبب انا لازم اخذ عقابي و ان كان في عقاب استحقه فهو اني ما اشوف الانسان اللي احبه مره ثانيه و هذا العقاب مناسب تماما لي...
خصوصا بعد كل اللي سويته لك... انت عاملتني بالطيب و انا عاملتك بالقسوه
كنت تقول الصدق وان كنت اكذبك دون وجه حق..
حبيتني بصدق وانا صرخت باعلى ما عندي بكرهي لك...
حبك لي كان عذاب لك و لهذا السبب لازم اعاقب نفسي باني اجرب البعد عن الانسان اللي احبــــه
انا راحله .... لكن هذي المره ... لايمكن اسمح لك تلقاااني
مع السلامه ياااا حبيبي نواف
من كااااااااااااانت محبوبتك يوما
ايمان تركت الرساله على سريرها و فصخت العقد ( magi (
ايمان بضحكه ساخره: سيده الحب ....هذا ما عاد اسمي ابدا.....اتركه لك يا الغالي... يا سيد الحب...
ايمان تركت العقد و الرساله و جمعت اهم الاشياء اللي كانت محتاجتها و طلعت بسرعه من البيت و للابد...