في الفندق ..
كانت تغني وهي تحط اخر لمسات على ميك ابها الثقيل و تتعطر، عيونه عليها باعجاب و ينتظرها بشوق كبيــر: ما خلصتي!!! ما عاد فيني انتظر اكثـر...
افراح ابتسكت و التفتت له بثقه: انتظر ثواني و اصيــر احلى احلى!!!!!!
عامر وهو يتاملها بتدقيق: انتي حلوه و كلك اغراآآآء من زمآآن.....
افراح فصخت روب القمص الاحمر الاقصير و مشت بتمايل توقف قدامه بتخصـر: بتذبحني مع هالحركات.....
افراح وهي تمثل البراءه: سوري... بس ظنيتك تستحق مكافأه على اللي سويته اليوم..
عامر رجع ظهره على تاج السرير و طلع نفس طويل: خايف من خطتك هذي.....
افراح: خططي ابدآآآ ما تفشـل و خوله محتاجه دفعه قويه حتى تقرب من يوسف اكـثر... و تترك عنها هذا الخوف و الخجل...
عامر عطاها نظره حزينه: بس خطتك طلعتني مغرور و حقيـر قدام خوله و يوسف... و طحت من عينهم...
افراح قربت منه و سندت راسها على كتفه: سوري حبيبي.... راح اوضح لهم كل شيء بعد ما يتقدمون في حياتهم و يصيرون عسل في عسـل..
عامـر: من حسـن حظتك ان بنات عمي كانوا موجودين حتى تكون خطتــــــك الذكـيـــــــه ناجحه...
افـراح: هي كانت ناجحه من قبل لا يتدخلون ... وثانيا انا ما كان عاجبني تدخلهم في الخطه... خصوصا فاطـمه حركاتها مره كانت جرئيه ومره قربت منك!!!
عامر رفع حاجبه: تخافين اتزوجها مسـيار..؟
افراح ضحكت: ههههههههـــ اخاف انك صدقت كذبتنا.... ثانـيـااا انت لا يمكن تتزوج وحده مثلها علي؟
عامـر: احب الثقه بس.... و يا ليتك تظلين كذا .. يا صاحبه المركز الاول في الغيـره بين النـساء..
افراح سحبت يد عامـر و بدت تدلكها له: اغار لاني احبك.... انت تعرف انك لو كنت مثل ما طلبت منك تكون كان انتحرت...
عامـر سحب خصله من شعرها و باسها: بعيد الشـر عنك يا حبيبتي...
افراح: حبيبي!!!
عامـر: عيونه و روحه...
أفراح بدلع وهي ناويه على شيء: ما قلت لي ان خالته بنات عمك.. جايه معهم...
عامـر طلع نفس طويل:رجعنا للغـيره؟؟؟
افراح عصبت: لازم ارجع و بقوه ... بعد ما شفت عيونك و عيون السيد يوسف عليها...
عامـر: افففففففف.... افراح... اعتقد ان هذا الموضوع صار قديم.... وحتى لو فكرت فيه مره ثانيه مستحيل يصيـر لانها سبب مشاكل كـثيره...
افراح نزلت راسـها و مدت بوزها وهي تتذكر شيء حبت تشيله من بـالها، عامر ابتسم و حوط يدها على خصرها و سحبها لعنده: ممكن ننسى الخاله و بنات عمي و خوله و يوسف و نتفرغ لليلتنا...
افراح مثلت الخجل وهي تبعد عنه بدلع: عــ...ــامـر..
عامر ضحك على حركتها: ههههههههههه ما يصلح الدلع!!!
-
-
جناح فاطمه و عواطف:
فاطمه بضحك مبالغ فيه : هههههههههههههههههههههههههههههههههههههههه شفتي كيف كنت ممثله موهوبه
عواطف بضحكه ثانيه: بصراحه ما كنت اعرف بمواهبي ولو عرفتها من زمان كان سووويت اشياء و اشياااااااء
فاطمه بتنهد: على فواز؟
عواطف وهي تهز كتفها: والله انا حره
فاطمه: اناااااااااا لسى ماهو داخل دماغي ان لقاءنا فيهم مجرد صدفه
عواطف: فاااااااطمه اللي رتبت كل شيء افراااااااح .!! اللي ما تطيق خالتك ايمان ولا تحبها ! متصوره انها ممكن تروح لمكان ايمان فيها برجلها؟؟؟
فاطمه بتنهد: بس فواز واضح ان الوضع ما عجبه .. من وصلنا ما شفناه
عواطف: روما كبيره و الفندق كبييييييير كثير واكيد هو خالته في مكان معين!!!
طن طن طن << صوت الباب
فاطمه بتنهد: اوووف واخيرا وصل العشاء
عواطف: اي والله من اليوم انتظر
فاطمه فتحت الباب وهي متصوره انه خدمه الغرف اللي طلبوا منه عشاء متاخر وانصدمت لما فتحت و كانت ايمان: خااالتي ايمان؟؟
ايمان من غير لا تسمح لها فاطمه دخلت بكل برود: انتي من شنو مصنوعه؟؟
فاطمه خافت لما التفتت ايمان لها وصارت تتكلم ببرود: انااا؟؟
ايمان بانزعاج: متزوجه رجال اصل وسنع و تضحكين و تسولفين مع غيره؟؟ ان كنتي ما تبينه قووووولي له يطلقج؟؟
فاطمه ارتعبت بشده و بدأت تتأتأ: اننننننننأأأأ
ايمان: لا تمثلين البرأه ! عامر و اللي معاه ليش جالسه معاااااااااااااااهم!!
عواطف: ايمان لاااااا تفهمين فطووم غلط!!
ايمان عطت نظره قويه لعواطف: خالتج ايييييييييييمان ياا عواطف
عواطف بلعت ريقها من نبره ايمان اللي ما اعتادتها و كملت: خالتي ايمااان..احنا ما جلسنا مع عامر بارادتنا احنااا
ايمان وهي رافعه حاجبها بنبره ساخره: واضح!! والدليل المسدسات كانت مصوبه على روسكم
فاطمه ما عبجتها سخريه ايمان وقالت: لا ما كان مهددنا افراح طلبت منا نمثل انا معجبات بعامر و انه يخونها حتى تعرف صديقتها خوله ان الرجال خاينين ... و ان زوجها يوسف ما يتعوض و
ايمان بضحكه: تبي عااااامر يكون خاين؟؟ ليش ما طلبت مني انا اسوي هذا التصرف اجل
فاطمه نظرت لعواطف و بعدها لايمان اللي كملت: ونجحت خطتها
عواطف بتردد: اعتقد... عموما بنعرف بكرا!
ايمان بتنهد: صايره لي سيده حب يا افراح !
فاطمه: خوله صديقتها الغاليه و اكيد تسوي هذا الشيء
ايمان بتنهد وهي تتذكر الموقف اللي حطتهم كلهم فيه يوم كانت بتنقم من عامر: و تظنين ان اللي سويتوه صح
عواطف: اكيد
ايمان: بس زوج خوله .. ما يعرف باللي خططتوا له .. وهذا الشيء ممكن ينعكس عليكم
فاطمه : ان شاء الله ما راح يصير هذا الشيء
ايمان وهي تمشي للباب: سواء نجح او لا ما يهمني بشيء.. اللي يهمني هو ان هذا التصرف ما يتكرر من جديد يا فاطمه ولا بقول لجسار
فاطمه وهي تبلع ريقها: اوكي
ايمان طلعت و فاطمه سكرت الباب وراه بتوتر طلعت من بعده نفس طول: الحمد لله انتهى على خير
عواطف: بصراحه مت من الخوف لما شفتها ظنيتها بتقول لفواز
فاطمه بتافف: وانتي ما تطلعين فواز هذا من راسك
عواطف : ابدااااااااا هذا حبيب القلب
-
-
ايمان رجعت غرفتها و هي ماهي شايله عينها على موبايلها وعلى اخر رسايل الاشخاص في نادي العشاق و تتنهد باستمرار : حب.. وفااااء... سنين وانا اعلم بهذي الاشياء و انصح الناس فيها.. ولما صار الواقع طلع كله كذب وخدااع
فواز باستغراب اول ما دخلت الجناح: وين كنتي ؟؟
ايمان : كنت ماره على عواطف و فاطمه ابيهم بموضوع
فواز بارتياح: الحمد لله
ايمان وهي رافعه حاحبها: كنت تحسب اني بروح لهند
فواز: اي والله خفت تبين تشبعين منها قبل لا ترجع الكويت
ايمان: بترجع الكويت؟
فواز بتنهد: اي شفت عامر مع شوي وقال لي ان امه تعبانه و مضطرين يرجعون الكويت ..باجر
ايمان : وعامر بيرجع معهم مع حرمته
فواز: يقول لا.. عند افراح شعل يمنعها من السفر حاليا
ايمان من غير نفس لانها كانت عارفه سبب بقاءه: اهاا
فواز: ايماااااان رجعت علاقتج مع عواطف وفاطمه
ايمان وهي تحدد نظرتها له: ليش تسال؟؟
فواز وهو يبتسم بخداع: ايمان في موضوع طارئ محتاج ارجع الرياض بسرعه كبيره!
ايمان بخوف: خيييييير؟؟ شنووو في
فواز وهو يتظاهر بالهدوء رغم انه عارفه انها شاكه فيه: تطمني .. موضوع لشغلي بس مضطر اني ارجع... و ما كنت عارفه شنو اقول لج بس بما ان علاقتج بالبنات رجعت احسن....قلت تظلين وانا ارجع انهي الشغل و...
ايمان فهمت ان فواز قصده تركها مع ساره حتى ترجع علاقتها معها و انه اكيد كان يفكر في هذا المووضوع طول الوقت ابتسمت : اوكي اللي تشوفه يا اخوي..
فواز حس براحه لكن كان في باله شيء ما هو عارف كيف يقوله ايمان ابتدت تمشي للباب المؤدي لغرفتها لما قالت: عامر طلب مني ابلغج سلامه ..
ايمان حمدت ربها انها معطيه فواز ظهرها و ما شاف وجهها ببرود قالت: الله يسلمه
ايمان دخلت لغرفتها و بمجرد ما سكرت الباب سمحت لجسمها ينزلق خلال الباب و تستقر على ركبتيها و بعدها على الارض: عاااااااآآآآآمر..... بعد كل هالسنوات و بعد كل اللي سوتيه فيك مازلت في بالك و قلبك؟؟؟
ايمان سندت وجهها و خدها على الارض البارده و ابتدت رحله طويله من التفكير: عااااااامر لو فعلا تزوجنا انا و انت .. هل كان حالي بيكون جذي؟؟ هل كنت راح تدافع عني اذا تهاوشت مع هند؟ هل كنت راح تعاملني بحب ودفء مثل ما كنت احلم مثل اي بنت في عمري...؟؟ هل كنت بتخوني؟؟
ايمان على طول نزلت من عينها دمعه يتيمه بسرعه سحبت موبايلها من جيبها وصارت تتامله .. كنت حاطه خدمه تظهر لها الاشخاص اللي اتصلوا فيها رغم ان هالاشخاص يظهر لهم ان جهازها مغلق... كل المكالمات كانت من اسماء و الحسنوات و من جسار و ابوها.. هي كلمت جسار و كلمت ابوها من موبايل فواز اما الباقي فما ردت عليهم لانها تبي ترتاح من اي مشاكل...
ايمان استمرت تراقب لائحه الاسماء و بعد ما انتهت حركت جسمها وصارت كلها على الارض تنظر للسقف: الحقير نايم في العسل مع العروس الجديده.... وانا اللي ظنيت ان بتجن جنونه من سفري..
-
-
اجتماعات ... اجتماعات... اجتماااعات
نواف بمجرد ما طلع الشركاء من عنده فتح ربطه عنقه و ازاير القميص وبدأ يكح بتعب .. جوري بعيون كلها خوف: ايش فيك يا نواف؟
نواف وهو يضغط على راسه: تعبان!
جوري مشت من مكانها و قربت لعنده: تحت عيونك اسود بشكل؟ انت ما تنام؟
نواف: انام!! بس بشكل متقطع؟
جوري: بسبب الشغل؟ ولا لسبب ثاني؟
نواف بضحكه ساخره: اكيد السبب الثاني
جوري: وانا اللي ظنيت انك طلعتها من بالك لما تزوجت البنت اللي شفتها معك..
نواف: تزوحتها وما قصرت معي بشيء لكن !! ماني قادر اطلع ايمان من راسي ابدااااااااااااا لهذا السبب اقول..
جوري بمقاطعه: لا تكمل!! انت اقدمت على خطوه يا نواف و مستحيل تتراجع عنها.. لانك ان تراجعت و رجعت لايمان من جديد راح تقوى اكثر و اكثر عليك و بتعرف انه مهما سويت راح ترجع لها اكيد.
نواف: بس انا....
جوري: ما عاد فيك تتراجع يا نواف .... تحمل و كمل بشكل مضاعف ! مع اشكال مختلفه... تزوجت بنت الاغنياء .. بنت الاصل ... موظفه عندك... بين لها ان اي حرمه ممكن تاخذ مكانها.. وهي انثى اكيد الضربات هذي بتكسرهااااااا...
نواف: تتكلمين وكاني اقدر اتزوج عشر في يوم واحد
جوري: ما هو شرط يكونون كلهم زوجات لك
نواف توسعت عيونه و قبل لا يتكلم سبقته جوري: لا تفهمني غلط.. قصدي اظهر قدامها انك مع هذي الانسانه طبعا باتفاق مسبق و بعدها تصرف عادي
نواف بتردد: بس كذا اطيح من عينها
جوري انفجرت ضحك وهذا الشيء قهر نواف: يعنيييييييييييييييييييييييييييييييييي انت مانت طايح من عينها من زمااااااان
نواف انقهر و ضرب الطاوله بقوه وهو شيء خوف جوري كثييييييير: تماااااااااديتي كثثثثثثثثير يا جوري
جوري و رغم كل القوه اللي كانت تملكها الا انها كانت و مازلت تخاف من نواف في داخلها .. شخص مثله خطر انك تثييييييره: نواف!!! انا كنت امزح!
نواف: للاسف يا جوري انا ماني غبي ولا مغفل حتى ما اعرف المزاح انتي دخلتيني في دوامه اقدمت عليها من غير تفكير لاني ايمان نقطه ضعفي اللي انتي عرفتيها شلت كل تفكيري..
جوري بنبره ساخره: انت اللي سمحت لها تكون نقطه ضعف.. ونسيت ان عالمنا عاااااااالم التجار الكبار. .. لازم نكون فيه باردين قااااااااسين حتى يظن الكل انه ما عندنا نقاط ضعف..
نواف: كلااااااام جمييييييييل من انسانه ما تعرف نواف البدر من...
جوري: الا اعرفك عدل
نواف: تعرفيني و تثيرين اعصابي ياا جوري... انتي ناسيه اناااااااا ممكن اسوي ايش فيك؟
جوري بابتسامه: ماراح تسوي لي شيء... لانك تحبني و معتبرني مثل اختك
نواف: قصدك مثل امي
جوري ضحكت :هههههه اذا كنت تظن العمر نقطت ضعفي فانت غلطان
نواف: ومن قال لك اني غبي حتى اقول هذا الشيء.... جوري.. انتي عندك نقاط ضعف كثثثثثثثثثير ... و اكيد مصيري عااارفهم...
جوري حست بخوف جديد من نبره نواف البارده و القاسيه و بلعت ريقها: تتحداني..
نواف ببرود: اكيد.. وساعتها بنشوف اللي يضحك في النهايه.....
جوري بحاجب مرفوع: موافقه!!
-
-
رد مع اقتباس
#263
قديم 25-10-12, 11:17 PM
الصورة الرمزية لامارا
لامارا لامارا غير متواجد حالياً
مشرفة منتدى الروايات المنقولة وعضو فريق التصميم و كاتبة في قلوب أحلام
اليوم الثاني روما..
ايمان صحت على طرق الباب و رفعت جسمها المتكسر عن الارض اللي نامت عليها بعد ازمه التفكير اللي كانت تشغل بالها و فتحته: فواز؟
نواف ضحك :: هههههههههههه شوفي شعرج؟؟
ايمان حركت يدها على شعرها و كانت متاكده من انه منفوش: كيفي!!
فواز بتنهد باس خدها: يالله مع السلامه
ايمان بعيون مصدومه: على وين؟؟
فواز حط كابه و نظاراته الشمسيه و مشى لشنطته : للمطار طبعا
ايمان: بهذي السرعه؟؟؟
فواز: اكيد!! قلت لج الموضوع مهم وووووواجد ولهذا السبب لازم ارجع بسرعه
ايمان من غير نفس: افطر معي على الاقل
فواز: سوري حياتي.. الطياره بعد ساعه بس
ايمان بتنهد: اجل اطلع بسرعه قبل لا تفوتك..
فواز: اوكي ووعد يا اموونه الغاليه.. اعوضج... يالله اضحكي..
ايمان ابتسمت له رغم انها في داخلها كانت منزعجه لانه بيتركها و وودعته..
بمجرد ما طلع فواز حست ايمان بوحشه ووحده شديده ما كان عندها استعداد تظل في مكان فيه كل الناس اللي ما عمرهم تمنوا لها الخير.. لكن ما حبت تخوف فواز عليها .. ولا انها تضايقه بانها ترجع معه و يحس بالذنب لقطع الرحله..
تنهدت وقررت بما انها في روما انها تطلع على باريس على طول تشوف الحسنوات و تابع شغلها هناك ولا جوا ساره و بناتها يرجعون ترجع معهم و كانها كانت معهم..
اخذت لها شور مريح و بعد ما بدلت ملابسها و قررت تفطر اخذت موبايلها و كتيب قصير تسلي نفسها فيه في المطعم اللي اكيد بتجلس فيه لحالها..
اخذت لها طاوله ثنائيه وجلست عليها لحالها في الجلسات الخارجيه للمطعم بما ان الجو كان جميل و مافي داعي تجلس في الداخل .... كانت تلاحظ عيون كثير من الشباب و البنات عليها.. كيف ما ينظرون لها باعجاب وهي في غايه الجمال و الاناقه.. لكن ما عطت اهتمام لاحد خصوصا انها كرهت الناس و استغلالهم لها..
فتحت كتيبها بعد ما طلبت الفطور و ابتسمت تقرا فيه.. لكن عيونها كانت تنظر للباب ومن حولها.. عيونها لمحت افراح و عامر يدخلون كل واحد يده بيد الثاني و مبتسمين.. لكن مجرد ما شافت ايمان عامر وتذكرت كلامه ما قدرت تشيل عيونها من عليه.. افراح ماتت قهر و رجعت تجلس على طاوله في الداخل .. عامر حس بانها مقهوره كثير لان ايمان تاملته و قرر يتساذن: فروحه يا الغاليه احس اني تعبان... شرايج نطلب فطور في غرفتنا
افراح: لا انا بنتظر خوله... متحمسه اسمع ايش صار بينها وبين يوسف بعد اللي صار امس..
عامر بابتسامه: ومتصوره انها بتقول لج؟
افراح:اكيد خوله ما تخبي عني شيء.. بس اذا انت تعباااااان تقدر ترجع تكمل نومك لان خوله يستحيل تجلس معي وانت هنا.. ومعناه انك بتاخذ طاوله ثانيه وهو شيء مستحيل اسمح فيه
عامر بضحك:ههههههههههه يااا غيوره..انتي صدقتي مسرحيتج؟؟
افراح: لا!! بس شفت نظراتها لك
عامر وهو يمثل عدم الفهم: من قصدج؟
افراح بقهر: ايماننننن... وهو في غيرها؟؟؟
عامر : لا حول ولا قوه الا بالله... شيلها من بالج يا افراح.. البنت تزوجت وانا احبج انتي ...كم مره لازم اقول لج هذا الشيء...عموما انا في غرفتي.. متى ما بغيتي تطلعين اتصلي علي..
افراح سمحت له يطلع و بعد ما تاكدت انه توجه للاصنصير وماهو للجلسات الخارجيه تنهدت براحه لكن ماهو بشكل كامل لانها كانت ومازلت شاغله بالها و تفكيرها ايمان اللي يوم سافرت ديره ثانيه لقتها هناك ..
قبل لا يدخل يوسف المطعم لمح عامر المتثاوب وكانه ما نام نهائي و هو يطلع من المطعم متوجه لغرفته يوسف ابتسم : اكيد ما نام من تحقيقات افراح و عتابها معه... يستاهل ... عاشق النسـاء..
يوسف كان محافظ على ابتسامته لحد ما شاف افراح جالسه لحالها على الطاوله و ملامحها غايبه عن اللي حولها و كسرت خاطره لانه مازال يظن ان عامر كذاب و مخادع و سبب همها ... سحب موبايله يبي يستعجل خوله حتى تجلس معها .... لانه كان مشفق على هذي المسكينه اللي يجرحها زوجها حتى وهم مع بعض... و في الوقت اللي المفروض يكونون فرحانين اهم من انها تجلس معه و يغازلها و يعرب عن حبه لها...
ضغط يوسف اول كم رقم و كان ناوي يكمل لما لمح شيء غريب.... بنتين شكلهم مألوف دخلوا المطعم ولما شافوا افراح ابتسموا و مشوا لعندها....عواطف و فاطمه
فاطمه وهي تحط يدها على كتفها: هـلوووو فرووحه!!!
أفراح بابتسامه: اهلا اهلا فاطمه، عواطف!
عواطف: جالسه لحالك.....!!!
فاطمه بتطفل: وين راح زوجك العزيز؟؟
افراح ضحكت و هزت كتفها بثقه: ما خليته ينام البارح ههههههههههههههههههههههه..
عواطف خجلت شوي وضربت كتفها: افرااااااااح ياااا منحرفه!! احترمينااا تونا بنااات..
افراح: والله اللي شافكم البارح ما يقول عنكم بناااات
فاطمه حتى تقهر افراح بسبب جرأتها: اهم شيء اني غازلت عامر كثر ما ابي و اشبعت عقدت حب الطفوله فيه..
افرآآآآح تأففت:فااااااطمـــه انأأأأ ما ارضى بهذا الكلآآآم حتى وان كان مزح! بس تسـاااهلين على ابداعك في التمثيل امس..
يوسف لفت انتباهه كلمه تمثيل.. وظل مستمر يسمعهم كان في البدايه شاك ان البنتين هم نفسهم اللي قابلوهم البارح لانه ما ركز في ملامحهم بس من كلامهم صار متأكد،،، عواطف: المهم وصلت لك اخـباااآآر من صديقتك؟
افراح : لاآآآآ انتظرتها مده طويله ولا ردت...شكل الموضوع اخذ شكل عكسي..
فاطمه بضحك وهي تغمز لها: وليش ما تكون نايمه في العسـل مثل السيـد عامـر
افراح رفعت حاجبها و حطت يدها تحت وجهها تفكر: يمكن.... خططي ما تنزل الارض..
عواطف: لا ياااحـلوه نزلت الارض...قلتي ان خالتي ايمان ما راح تعرف بشيء بس لما عرفت كانت بتذبحناآآآآآ
فاطمه: الحمد لله انها ما قالت لمامآ او جسـاآآر ولا ما كان سمح لنا نطلع لحالنا مره ثانيه...
افراح عقدت حواجبها من ذكر اسم ايمان اللي كانت متاكده انهم تعمدوا ذكره: سوري على اللي صار و خالتك باذن الله راح اكلمها تطمني!!!
فاطمه و عواطف نظروا لبعض وكل وحده منهم تقول في نفسها: مستحيل حتى لو على رقبتها السيف
فاطمه و عواطف بابتسامه وهم يمشون لطاوله ثانيه...: نعتمد عليك...
يـوسف انقهـر من اللي سمعه.. يعني الموضوع كله كاآآن لعبه...في نفسه كان يصرخ:: أفراح وقريباتها مثلوا هذي المسرحيه مع عامـر حتى يقنعوني ان خوله تغار و اتقرب منها... هذااا كان هدفهم... بس ليش تسوي خوله هذاا وهي عارفه انه يحبها،، معقوله تكون تشك فيه و ماعندها ثقه لا فيه ولا بحبه لها...
حس نفسه دايخ و ضايع في نفس الوقت... من غير تفكير فتح موبايله و دخل بريده الالكتروني... و ارســـل
ايمان من جهه ثانيه..
كانت تقرا في الكتاب وسط مضايقات اخذتها من اكثر من شاب حاول يجلس معها... رن موبايلها بنغمه ايميل و تجاهلته .. لانها ما كان عندها استعداد تحل مشكله احد. كملت فطورها لحد ما انتهت و بعدها حركت عيونها للموبايل.. كانت حاسه بشيء من تانيب الضمير... مهما حاولت في نفسها مستحيل تتخلى عن هدفها في الحياه و انها تعطي اي انسان حتى لو ما تعرفه السعاده... اخذت الموبايل و فتحت الايميل اللي وصلها و اللي كان من ( العضو الاسير)
-
(((((عزيزتي مـاغي...:
السـلام عليكم ورحمه الله و بركاته..
ادري اني مزعجك معي... و متعبك... في مشاكلي اللي ما تنتهي ..بس انا احس نفسي فعلا ضايع و محتاج مساعده....
احس ان زوجتي تشك فيني و تحاول تكتشف ان كان عندي استعداد اخونها او لا...
احس نفسي مقهور و غاضب من هذا التصرف .. هل من حقها هذا الشيء وانا اللي اثق فيها اكـثر من الكــل
الاسـير...))))
-
ايمان زفرت لانها كانت متصوره ان الشيء مهم جدا.. لكنه التفكير المعتاد من الرجال .. الخيانه... ردت ببرود و هي تشرب قهوتها
-
(((((((((((اسـير..
ممكن اعرف انت ليش تكون عندك هذا الاحساس؟
ماغي..))))
-
((((عزيزتي ماغي
الاحسـاس تكون عندي من تمثـيله قامت فيها صديقتها اللي تلاقينا معها خلال سفرنا الى ايطاليا.. اللي صار ان زوجها حاول يقنعني اني انه يحب النساء و يتزوج طول الوقت مسيار اي بنت تعجبه و ان زوجته موافقه و طبق هذا الشيء على بنتين قابلناهم بالصدفه ، انا رفضت الشيء و طلعت اكتشفت بعد كم ساعه من صديقه زوجتي انها تعبت و رجعت الفندق ولما رجعت فهمت منها انها تعبانه و خايفه مني اخونها لاني لمحتي وانا اتمل بنت بهرتني بجمالها.. في لحظه ضعف من الشيطان( استغفر الله ) تصالحنا و وضحت لها اني لايمكن افكر في غيرها لاني احبها و حبيت اني اخذ خطوه جديده في علاقتنا لكنها خافت او يمكن مثلت الخوف في النهايه عطيتها الخيار انها تختار متى نعمق علاقتنا...
اليوم و بالصدفه اكتشفت ان الموضوع كله كان ملعوب لما سمعت البنتين اللي امس يضحكون و يتكلمون بالمسرحيه مع صديقه زوجتي و ان زوجها يحبها كثير ولا يمكن يتزوج غيـرهاا
احس نفسي ضايع و مقهور ارجوك ساعديني مااااغي...
الاسير))))
-
-
ايمان توسعت عيونها من الصدمه.. الموضوع كان بالضبط مثل الموضوع اللي قالته لها فاطمه و عواطف البارح.. عن خوله و زوجها .. لكن معقوله يوصل الشبه في موضوعين لهذي الدرجه لا وفي ايطاليا همااااا... لا مستحيل .. قررت تشرح الموضوع بالضبط مثل ما شرحته لفاطمه و عواطف وفي الوقت نفسه تعطيه فكره تتاكد من خلالها عن شيء..
-
-
((((((((((((((((مـاغي..
اسـيـر.. اسمحي اقـولك ان زوجتك لا يمكن يكون لها علاقه باللي صار لانها لو كانت فعلا تتمنى قربك و ناويه تحصل عليه كان رمت نفسها و استسلمت لك بكل سهوله بعد اللي صار لكن اللي فهمته من كلامك انها رفضت و البنت عاده ممكن تمثل الخوف لكن صعب تمثل الخجل بدقه لانه صفه البراءه...
انا متأكده ان الملعوب من صنع صديقاتها بما ان الاطراف كلهم مثل ما تقول من جهتها و ما تدخل اي شخص من جهتك و ثانيا في طريقه سهله جدا لكشف الملعوب و اللي تقدر تستغله في تقريب زوجتك اكـثر لك... و ازاله اي خجل لانها راح تحسك بتضــيع...
بما انك في ايطـاليا مدينه الرومانسيه اي بنت راح تقدم لك المساعده في سبيل حصولك على الحب... اهم شيء وضح لها انك محتاج مساعدتها و انها تمثل معك الحب المتبادل و الغزل... اذا كانت رده فعل زوجتك قويه من الحزن و ردة فعل صديقتها الاستغراب ...راح تكون زوجتك برئيه و لحظتها تقدر توضوح لها انك سويت هذا الشيء حتى تثبت لصديقتها انك تحبها ومافي داعي لتدخل...
ام ان كانت ردت فعلهم الاستغراب كلهم فاعرف انها متفقه معها ،، وهنا تقدر تستغل هذا الشيء و عدم ثقتها فيك و تجبرها تقرب منك كطريقه وحيده لارضـاءك..
واتمنى يكون كلامي لك مفيد و ساعدك..
ملاحظه: اختـر البنت بعانيه
مـاغي..)))))))
-
ايمان ارسلت المسج و تنهدت و كملت كتابها وهي تنتظر اي خطوه تتقدم ان كان الشيء اللي صار حقيقي فهي بصدد كشف هويتها ماغي ام ان كان العكس فاكيد...
ببرود وضعت يد مجهوله ورقه على الطاوله اللي كانت عليها ايمان.. ايمان انقهرت لانها ظنت انه رقم من واحد من جديد فتحته و قرت اللي فيه بالانجليزي...
( انا في ورطه هل تستطيعين مساعدتي....) مشـى لعند الطاوله و حط الورقه و بعد عنها... انصدمت ايمان و كانت بترمي الورقه لكن ما قدرت ترفض المساعده لاي احد ...رفعت يدها واشرت للشخص المجهول اللي كان وراها..
يوسف قرب وهو خجلان: هااااي...
ايمان من غير تفكير بابتسامه ساحره: هاااي...
يوسف تجمد كل جزء في جسمه، ايمان خارقه الجمال.. اللي شافها البارح واللي كانت خوله بتموت قهر لانه تاملها .. هي اللي وافقت تساعده من غير تفكير قال.: معقوله في انسانه بكل هذا الجمال؟
ايمان بتوتر و خوف انه يكشف هويتها ماغي قالت بالانجليزي..: هل قلت شيئا ياا سيد؟
يوسف حمد ربه انه تكلم بالعربي وانها ما فهمت... : اسـف.. هل يمكنك مساعدتي؟
ايمـان وهي تعيش الجو انها لارا من جديد لما كانت تمثل على نواف: بالتأكيد... لهذا طلبت منك ان تقترب...
يـوسف: اريد ان اثير غيرت زوجتي حتى اتمكن من التقرب منها... اقصد حتى تتقدم اكـثر في علاقتنا...
ايمان كانت متاكده الحين اكيد انه الاسير مثلت الانفعال مثل اي ايطاليه مهوسه بالرومانسيه : واو هذاااا جميـل لا تخف اترك كل شيء علي...
يوسف ابتسم و استمر منزل راسـه كان خايف يرجع يتأمل فيها وهي ماهي حلاله ولا قريبته....لكنه انتبه على يدها... على شيء كان في يدها..... دبله زوجها من نواف...
يـوسف بتفاجأ: انتي متزوجه!!!
ايمان حركت عيونها على دبلتها اللي كانت ما هي قادره تفصخها حتى وان كرهت نواف علشان فواز ما يشك فيها بعدم مبالاه: و ان يكن؟
يوسف حس بقلق : اعتقد ان زوجك لن يوافق ان تجلسي معي...
ايمان بابتسامه ساخره وهي تفول في نفسها( كلش يعني هو داري عني ) : : لا يهمني.....و اتمنى ان يراني حتى يغضب..
يـوسف ماحب يتدخل في خصوصياتها اكـثر ويظهر انه مثل ماهو ناوي يثير غيره زوجته هي ناويه تثير غيره زوجها..
-
-
من جهه ثانيه..
هند دخلت المطعم وعلى وجهها تكشيره و غضب شديد من اليوم اللي قبله و قرار امها... طبعا بما انها استمرت في انكارها لاي علاقه لها بموضوع فواز و اللي قاله لامها قررت امها انها تنهي وترجعها غصب عنها للكويت بعيد عن فواز وايمان.. عامر بما انه شك بقرار امه سال فكان جواب امه انها تعبت و هذا لانها ما حبت انه يعرف بمووضوع ممكن يضر بنتها حتى وان كانت على خطأ
هند بتزفير: مرحبااااا افراح
افراح بابتسامه: اهلااا هنووووده اخباارك
هند بتافف: مقهوووووره لاني برجع!
افراح: بس خالتي تعبانه و اكيد..
هند بمقاطعه: مسكينه انتي ما تدرين عن شيء
افراح: ادري؟؟ ادري عن ايش؟
هند: امي طلعت هذا العذر لانها تبيني ارجع الكويت و اترك ايطاليا واللي فيها للغاليه ايمان!
افراح بقهر من تفضيل ام عامر المستمر لايمان: وليش خالتي تسوووي هذا الشيْ؟؟
هند: تقول اني ما جيت لهنا الا علشان اقهر ايمان واسوي لها مشاااكل؟؟ خير ما عندي غيرها في الدنيا!!
افراح: ما يصيييييير انا لازم اقوول لعامر
هند وهي تمد يدها قدامها: واللي يسلمج لا.. انا ماني ناقصه مشاكل.. وثانيا شنو الفايده.. شنطي وجهزتها و السفر العصـر.. و جايه الحين اسلم على فاطمه و عواطف وخوله.. االا وينهم؟؟ ظنيتهم معج؟
افراح: خوووله ما جت لحد الحين بس عواطف و فاطمه كانوا هنا من شوي.. يمكن في الجهه الثانيه او الكراسي الخارجيه
هند بتنهد وهي توقف: اوكي .. بشوفهم..
هند تحركت وبعد ما ابتعدت تذكرت افراح ان ايمان احتمال تكون مازالت في الجلسات الخارجيه كانت بتنادي هند بس في قراره نفسها كانت تتمنى انهم يتشاجرون من جديد..
هند كانت تتحرك ما بين الطاولات تتامل اي وجوه تعررفها عواطف او فاطمه لكن ما كان في احد.. انصدمت لما شافت يوسف جالس و ماهو مع اي احد... مع .......................ايمان
كانت تتكلم و تبتسم مع يوسف اللي كان واضح انه مرتاح و انقهرت: الحييييييييييييين عندها نواف و تطالع واحد مثل يوووسف .......هينننن يااا ايمان خوله لازم تعرف حتى توقفج عن حدددددج
هند عطت ظهرها للمكان اللي كانوا فيه و كانت بتطلع لافراح تبلغها لما : وانا شنو استفيد ان عرفت خوله و صارت لها مشاكل مع يوسف غير وجع الراس من افراح...
بنظره خبيثه تاملت الموقع اللي كانوا فيه.. يوسف متبتسم وهي ايمان سعيده...دخلت يدها في جيبها و سحبت موبايلها و
Click
هند ابتسمت على ابداعها في التصوير: شنو بتسوي يااا نواف لما تشوف مثل هاللقطه الرهيييييييييييبه لحبيبه القلب..
-
-
بعد عشـر دقايق نزلت خوله سلمت على افراح و جلست معها و تقولها عن اللي صار لها مع يوسف بالليل و رغبته في انهم يطورون علاقتهم بس... ولا شيء صار شيء... وبعد شوي تلفتت حولها.. و قعدت تدور يـوسف: افراح ماشفتي يوسف؟؟
افراح تلفتت هي بعد: لا !مـتأكده انه نزل...
خوله خافت: صار له اكـثر من نص ساعه...
أفراح: ممكن يكون في الجلسات الخارجيه للمطعم...
خوله ما صدقت خبـر قامت من الطاوله وبدت تتفحص كل الطاولات وياليتها ما تفحصتهم... شافته مبتسم و يضحك و ياكل مع وحده... و مو اي وحده البنت اللي امس اظهر اعجابه بجمالها ... هو وعدها و اخلف وعده يوسف حرك عيونه و لمحها شاف الحزن و الالم الحقيقي في عيونها و ووجها طلعت من المطعم تبكي بانفجار...
يوسف حس انه حقير بتصـرفه و شكها فيها ، هو اللي ما كان واثق فيها ...ولا هي كانت ثقتها فيه كبيره وللاسف ما كان اهل لهـا ركض وراها و بسرعه خياليه,, ايمان ابتسمت وهي تراقبه وهو يركض وره خوله بجنون... ونزلت دمعه يتيمه مسحتها بسرعه: معقوله في ناس في هالعالم رومانسيين لهذي الدرجه؟؟؟
-
-
بعد ساعه رجع يوسف وهو حامل خوله على كتفه وهي تصرخ انه ينزلها لكن ما كان في امل منه لانه كان متشوق يكون معها بعد ما بين لها ان اللي صار ما كان منه الا اختبار لها و ان ماغي سيده الحب هي اللي عطته هذي الفكره طبعا هي ضحكت لانها عرفته انه يدخل نايد العشاق...
كانوا الايطاليين يصفوقون ومعهم افراح اللي كانت طايره من الفرح ان صديقتها اخيرا لقت الحب و السعاده ... ايمان كانت تراقب اللي يصير قدامها وهي داخلها شيء من الفرح اخيييييييرا على انجاز جديد: يوسف خوله... انتوا فعلاااااااآآآ مثيرين للاهتمام
-
-
انتهى الاجتماع الطويل مع اصاحب الاسهم في شركه الجوري للمجوهرات .. اللي كان محور حديثهم عن شركه تاجر اسمه بوفهد كانت ترغب الجوري في تدميره و طبعا هذا الشيء كان عاجب نواف كثير اكثر من باقي الشركاء.... خصوصا انه عنده رغبه كبيره في انه يفجر غضب في داخله ...
خلال الاجتماع الطويل رن موبايل نواف الخاص .. هذي الرنه وترته و كانت محمسته ان يفتح الموبايل و يشوف محتوى الرساله لكنه ما حب يبين هذا الشيء حتى ما يظن احد من الموجودين ان نواف عنده شيء اهم من الشغل شيء ممكن يوقف الاجتماع و يشوفه...
جوري بما انها تعرف نواف كثير كانت حاسه انه متحمس للمسج بسرعه انهوا الاجتماع ..
طلعوا جميع الاعضاء و نواف على طول اخذ موبايله يفتحه جوري ضحكت على حماسه: من حبيبه القلب..
نواف تجاهلها و فتح المسج و قال اسم المرسل و زفر: لا... من وحده ثااانيه
جوري بضحك: ههههههههههههههههه و انا اللي ظنيت انك ما تعطي رقمك هذا لاي من زوجات المسيار
نواف: ماهي زوجتي المسيار وحده ثا............
نواف توسعت عيونه بصدمه كبيره لما انفتح مسج هند و شاف محتواه
(((( ما قدرت امنع نفسي من اني اوريك ان نوع من الحريم انت متزوج))
تحت عباره هند القصيره كانت الصوره اللي كانت عباره عن ايمان تضحك و مستمتعه بوقتها مع يوسف.. نواف حس براكين خامده انفجرت بقوه قام مكانه لدرجه ان الكرسي سقط على الارض: الحقيييييييييييييييييييييييييييييييييييييييييره!!
جوري انقزت من مكانها من صراخ نواف بسرعه ركضت له : نوااااااااااااااف ايش فيييييييك؟؟
نواف مد الموبايل بوجهها: هذيييييي اخر نصاااااااايحك شووووووفي الاخت متهنيه و عاااااااااايشه جوووو وانا هنااا ميت قهرررررررر
جوري توسعت عيونها صدمه بس ماهو علشان ايمان.. علشان يووووسف ... يوسف زوج خوله... عياللللللللللللللللللللللللللهاااااا
يوووسف ولدها الحقيقي االلي اخذه زوجها منها و طردها و بعدها تزوجت ابو خوله و ربت عياله و لما كبروا تحققت امنيتها و تزوج يوسف ولدها من بنت زوجها خوله اللي كانت مثل بنتها بالضبط...
ليشششششش يووووسف مع ايمان... ايمان حبيبه نووواف اللي ما يسمح لاحد يقرب لهاآآآآ.... نواف ثاااير بجنون
جوري حست بضياع وهي تشوف نواف ينفخ الهواء كانه دخان البركان اللي انفجر وفي نفسها: ان تدخل نواف راح يذبح يوسف او يدمره!!!!!!!!!!! وهذا ما راح يضيع ولدي وبس.. راح يضيع بنتي هماااااااا... وان طلبت منه ما ياذيه راح ينكشف كل شيء و يعرف حقيقه علاقتي فيه و هذا بيكشف له نقطه ضعفي المميته...
نواف تحرك و كان بيمشي لما مسكته جوري: وقف يااا نواااف!!
نواف دفع يدها: كيفففف اووووقف... انا يااا جوري احس نفسي بنفجر
جوري: ولهذا السبب لازم توقف..!! نواف انت مستعد تخسرررررر ايمان للابد...
نواف كلمه جوري وقفته لكن ما هدآآ: هي فعلااا خسرررتني
جوري: وتظن ايمان اللي تخاف ربها تخوووون دينها حتى تغيضك بس
نواف رفع حاجبه:وايش تسمينن اللي سوته هذااااا
جوري: مجرد حركه حتى تقهرك مثل ما قهرتها.... رد على زواجك من غيرها
نواف: بس اللي ارسلت لي ما صديقتهاااااااااا... الد اعداءها
جوري: و متصور ان ايمان غبيه حتى تترك صديقتها ترسل هذي الصوره؟؟؟ ابدا ما تصورتك غبي يا نواف ...
نواف نزل موبايله اللي كان يرعص عليه بقوه و حس ان غضبه بدأ يهدا شوي: ماني فاهم
جوري: ايمان ذكيه... عطت المجال لهذي العدوه اللي عارفه انه اكيد بتسوي هذا الشيء تصورها و اكيد طبعا انت راح تثوور و تتصرف بجنون مع هذا الشاب و ساعتها بتبتعد عنك هذا اذا ما ماكانت تسعى من وراء هذي الحركه انها تجبرك تطلقها
نواف: طلااااااق....... مستحيل!!!!
جوري: اجل استمر على اللي قلته لك.. والا فايمان مستيحل تتغير و بتسمتر تقهر فيك لحد ما تجن..
نواف : ماشي يا جوري... بنطبق اللي قلتيه...........و يا انا.. يا ايمااااان
-
-
هند ارسلت الصوره لنواف و كانت متصوره انه يرد عليها او يتصل و يقول لها شيء بس ما صار شيء و هو شيء قهرها كثير ظلت تنتظر و تنتظر لحد ما طارت الطياره و اضطرت تغلقق جهازها لكن حتى بعد ما وصلت الكويت .. ما حصلت على رد من نواف وهو شيء اكد لها انه ما اهتم و قهرها كثثثثثثثير... و دفعها تفكر في شيء جديد اقوووى بكثير..
من جههه ثانيه ايمان اخذت اغراضها و قررت تطلع لباريس بعد ما تركت رساله لساره انها تبلغها قبل لا يرجعون الرياض حتى ترجع معهم و تظهر للكل انها كانت معههم طول الوقت...
-
-
امــا في الرياض..
جسار دخل البيت بتنهد كبير بعد يوم طويل في الشغل الكثير اللي نزل على راسه بسبب غياب نواف.. و طبعا الشغل كثر كثير من موت قبصل و اسامه واللي لحد الحين ما لقوا لهم بديل..
فواز كان عند ابوه لما دخل جسار: اوهااااااااايـــووووو (( مرحبا بالياباني)) شااارلوك هولمز...
جسار توسعت عيونه صدمه: فوااااز؟؟؟؟ شنو رجعك؟؟
فواز بصدمه: افاااا جذي ترحب باخوك راعي البقر ؟؟
جسار بشيء بسيط من الارتياح لان فواز كان طبيعي وماهو تعبان: انت شنو رجعك؟؟ مو قايل بجلس شهر؟؟
فواز بتنهد : بابا اصر اني ارجع
جسار وهو يحرك عيونه لابوه: ليش يا ابوي.؟؟؟ فيك شيء؟؟ ايمان فيها شيء؟؟
محمد بقلق من نفسيه ولده المتوتره: جسااار انت تعبااان اجلس و خلنا نتكلم برااحه ليش متوتر لهذي الدرجه
جسار جلس و ريح شوي: ممكن افهم شنوو قاعد يصير؟؟
محمد: جسار ياا ولدي انا طلبت من فواز انه يرجع لحاله و يتحجج بان عنده شغل مهم حتى تظل ايمان هناك!
جسار بقلق: تركتوا ايمان حالها؟؟ ليش؟؟
محمد: ماهي لحالها ساره هناك مع عواطف و فاطمه؟؟
جسار: في باريس؟
فواز بنره ساخره فهمها جسار بس : لا في روما..... شفت الصدفه الكبييييييييييييييييييييييييييييييييييير..
جسار رفع حاجبه: ما شاء الله!!
محمد: انا لما عرفت من فواز هذا الشيء طلبت منه انه يرجع و بما اني اعرف ايمان مستحيل ترجع معه لانها ان سوت هذا الشيء اكيد بيظن فواز انه ضغط عليها و ما هي كلش و لا حبيب القلب
فواز ضحك لكن جسار كان عارف ان هذي الضحكه كانت حتى يبين لابوه انه على حق: كمل يا ابوي..
محمد: هدفي من هذا التصرف انه تظل هناك... عند ساره و تتقرب منها ...
جسار ما عجبه تصرف ابوه و الشيء نفس فواز لكن ولا واحد منهم حب يبين هذا الشيء له و سمحوا له يكمل: انتوا تعرفون ان ايمان مالها في الدنيا لو يصير لي شيء غير ساره ولهذا
جسار بقاطعه: بعد الشر عنك يااا ابوي...
فواز: بابا لا تقول هذا الشيء انا و جسار موجودين و انت مفهمنا هذا الشيء من زمان لان عارفين ان الدنيا حياه و موت و محد يعرف متى يموت فيها ... و بنظل مع ايمان طول ماحنا احياء ... وباذن الله ما راح تحتاج احد.. لا ساره ولا غيرها
محمد: بس ساره هي اختها!!!!! و اذا صار شيء اكيد مالها الا الاخت... انتوا رجال و بكرا عيالكم و زوجاتكم اكيد بيشغولنكم عنها
جسار : ومتصور يا ابوي ان وحده مثل فاطمه تشغلني عن ايماااااان؟؟؟
فواز: حتى وان شغلته يا ابوي انا ما عندي الا ولد واحد و حرمتي ما تناقشني بشيء و حتى ان فكرت تتعرض لايمان.....
مد محمد يده قدام فواز حتى يقاطعه: خفض صوتك... ريم هنا؟؟
فواز وهو رافع حاجبه: ريم؟؟ متى اجت؟؟
محمد: انا جبتها هي ومحمد الصغير بعد ما كلمتك البارح ... البنت تعبانه كثير من سافرت .. نفسيتها سيئه
فواز وهو رافع حاجبه..: وما قالت لك شيء؟؟
محمد باستغراب: شيء؟؟ مثل شنو يا فواز؟
فواز بابتسامه حتى يضيع ابوه: يعني يمكنها حمى الحب على فرااااقي
محمد بتنهد: وانت ما تترك عنك هذي السوووالف
جسار بتنهد: والله اللي فيه حمى الحب عدل.... عبدالعزيز ولد عمي..
محمد: افاا ليش؟؟
فواز: ان كان على زواجه ليش ما ياخذ حرمته مثل مشاري و ينتهي الوضع..
جسار بتنهد: ليت الموضوع بهذي البساطه يا فواز
فواز: جساااار انت تعرف شيء و مخبيه... تكلم .... شننو فيه عبدالعزيز
غمض جسار عيونه و بعد ما فتحها بدأ يسرد لهم اللي صار بينه و بين عبدالعزيز
-
-
قبل كم يوم..
جسار كان يشتغل باجتهاد مع في مكتبه على اللابتوب لما قال له سكرتيره ان عبدالعزيز هنا و يبي يشوفه..
دخل عبدالعزيز المكتب و جسار ابتسم له لكن ما كانت ثواني الا و هذي الابتسامه تختفي لما شاف وجه عبدالعزيز المتعب و الاصفر: هلا عبدالعزيز
عبدالعزيز وهو يجلس قدام جسار: عندك شغل؟؟
جسار نزل نظارته الطبيه و ابتسم له : طبعا لااا... اصلا حتى لو كان عندي شغل اتركه فيك شيء يا عبدالعزيز..
عبدالعزيز: تعباااااااااان يااا جساااار تعبااااااان ..
جسار بخوف: من شنو يا عبدالعزيز؟؟
عبدالعزيز بقهر: من حياتي... من الذنوب اللي ارتكبتها و جاء الدور انها ترد علي
جسار : استغفر ربك يااااا عبدالعزيز...!!! عمي و فيصل الله يرحمهم!!! و حتى وان كثير الهموم و الالام على كاهلك قوول لا حول ولا قوه الا بالله وهي تفرج باذنه الكريم
عبدالعزيز : ياااليت الموضوع على الشغل و بس يااا جسار...
جسـار: علشان فارس؟؟
عبدالعزيز وهو يهز راسه باسى: لا..... امي..
جسار: شنو فيها؟؟؟
عبدالعزيز: امي تبين اطلق اسماء اللي اموت فيها علشان اتزوج ندى
جسار بصدمه: هاا؟؟
عبدالعزيز: ماني عارفه من اللي حط في بالها هذا الشيء.. امي مستحيل تفكر بشيء مثل هذا و خصوصا وهي في هذي الظروف لكن من مده وهي تلمح و من كم يوم قالت لي بصراحه انها تبيني اطلق اسماء الغررررريبه و اتزوج ندى بنت عمي و ام ولد اخوووي....
جسار: لا تلومها !! خايفه على ولد اخوك فيصل الله يرحمه يضيع عند رجال غريب
عبدالعزيز: انا ماني تارك الولد بربيه مثل لو كان ابوه موجود بس
جسار: بمعنى انك بتاخذه عندك و بتحرم امه منه..
عبدالعزيز: تقدر تزوره متى ما بغت...
جسار: لا يا عبدالعزيز مستحيل... في فرق بين ان الطفل ينام في حضن والديه عنه لما تشوفه طول اليوم انا كنت اشوف عيون فواز كيف كلها شوق لولده محمد لما انفصل عن ريم و هذا وفواز ما يظهر اي مشاعر حزينه و رجال قوي فكيف ندى المسكينه المكسوره اللي ذاقت الالام كثيره..
عبدالعزيز: يعني قصدك ادوس على قلبي و روحي و اطلق اسماء..
جسار بهدوء المحامي الشاطر: وليش تطلق اسماء.. الشرع محلل اربع خصوصا انك انسان قادر و ميسور الحال
عبدالعزيز قهر كلام جسار اللي مبين ان الموضوع بسيط: جسااار تتكلم وكان الموضوع بايدي؟؟؟ الجازي يستحيل ترضى اني اتزوج ندى و انا متزوج اسماء...
جسار: عبدالعزيز... انت ليش تستعجل على رزقك؟؟ ندى باقي لها اكثر من ست شهور حتى تولد و بعدها على مده ثانيه حتى تقدر تتزوج بمعنى ان عندك فترررررررررررررره طووويله حتى تزيل كل هذي المشاكل من طريقك..
عبدالعزيز: ماني فاهم
جسار: انا افهمك.. اولا انت لازم توضح لامك حبك لاسماء وفي الوقت نفسه تذكرها بانك ولدها الوحيد اللي بقى لها بما ان فارس له مده طويله قبل لا يطلع..
عبداالعزيز: وبعد؟
جسار: بعدها لازم تبين لها ان اسماء هي شيء مهم و انك لايمكن تعيش سعيد من غيرها و في الوقت نفسه انت اللي خايف على ولد فيصل من انه و ارملته يضيعون وما هو لحالها هي خايفه..
عبدالعزيز: ماني فاهم
جسار: انا اقولك ... تبين لامك انك تبي تتزوج اسماء حاليااااا و بعد ما تطلع ندى من العده تتزوجها عليها و تخير اسماء بين انها تظل و تقنع بواقعها او انك تطلقها و تكلم حياتك مع ندى
عبدالعزيز: بس انا ابي اسماء وهي من حقها تطلب الطلاق ان تزوجت عليها
جسار: اسمعني للاخر يااا عبدالعزيز...اسماء لما تصير بببيتك اكيد بتتقرب من امك و امك اكيد بتحبها و شيء طبعي ان صار بينكم طفل... تتمسك فيها كثير...
عبدالعزيز: اخدع امي؟؟؟
جسار: بما ان في شخص خدعها وهاجمك.. لازم انت تدافع عن حياتك بعد حتى لو بالخداع و هذا شيء انا تعلمته من نواف..لما زوجني فاطمه
عبدالعزيز: زوجك فاطمه
جسار : وانت متصور ياا عبدالعزيز اني لو كنت ابي فاطمه و احبها كنت تركتها جذي اربع سنين.. نواف اجبرني اتزوج فاطمه بطرق ملتويه .. لكني لعبتها صح و فاطمه الحين تموت فيني و ما هو ما يقدر يسوي لي شيء لانه يخاف يجرحها او ياذي مشاعرها...
عبدالعزيز: بس يا جسار الانتقام و تقليد نواف ما راح يجر لك الا المشاكل.. لانه فيه ظلم... انا شوفني قدامك .. قلدته مره وحده وهذا ادفع ثمنها يوم عن يوم
جسار بتنهد قرر يتهرب من الاستمرار في الحديث عن مصيره مع فاطمه: انسى نواااف و فاطمه و اسمعني...لازم تستعجل و تتجيب اسماء البيت حتى تختلط اكثر مع امك و تحبها و بعدها تقدر تتصرف
عبدالعزيز: بس امي بالعده
جسار: عادددي دامك مانت مسوي حفله .. تقدر تتزوج ولا لازم حفله و اغاني و الخ الخ .... اشهر زواجك و سافر مع حرمتك و لا تشيل هم شيء...
عبدالعزيز: بس انا ما اقدر اترك امي و ندى
جسار: تطمن انا موجود.. و يا عبدالعزيز اخوي ابيك تعتبرني من اليوم ورايح فيصل اخوك...انا متكفل بكل شيء.. انت بس استقر..
عبدالعزيز: و متصور ان الجازي ترضى بمثل هذا الزواج لابنتها
جسار: اي شخص يبي الستر لابنته و اذا اسماء تحبك اكيد بترضى و حتى لو كان فيها صعوبه انا مستعد اخلى ايمان تكلمها
عبدالعزيز: احس الموضوع صار بسيط جدا بعد ما كلمتك
جسار: لانك كنت حابسه هم في قلبك.. و بعد ما فرغته اكيد ارتحت...
عبدالعزيز: بس يا جسار .. تظل مشكله ندى بعد ما تطلع من عدتها
جسار: عبدالعزيز... اترك الامور كما هي ... وتوكل على الله.... و ما راح يصير الا كل خير...
عبدالعزيز: لا إله الا الله..
- نهايه الذكريات-
جسار بعد ما انتهى من سرد اللي صار نظر لفواز المهموم مع ابوه: مسكين عبدالعزيز.. احسه كبر عشر سنين خلال هالشهر
محمد: معاك حق..خساره الاخ كبيره.. فكيف وهو خسران اخوين و ابوه و الحين بيخسر زوجته
جسار: انا قلت له الصبر ... وينتظر حتى ينحل الوضع
فواز: عندي احساس ان اللي حط الفكره في راس ام فارس مستحيل يرضى باللي انت مخطط له و ان صار و قرر يتزوجها على اسماء اكيد بتصير مشاكل كثثثثثثثثثير
جسار: فواز... تعلمت من خلال مهنتي كمحامي اني احط خطه للظروف الطارئه و هذا الشيء بيصير في حاله فشلنا
محمد: بس انت مانت عارف من اللي حط هالفكره... ان كانت ندى صاحبتها فاحنا بمشكله
جسار: سواء كانت ندى او غيرها رغم اني متاكد انها ماهي هي لانها مازالت تحت تاثير الصدمه و كانت تحب فيييييييييصل كثير... عندي الحل تطمنوا...بس ما قدر اسويه من غيركم .....
محمد: اكيد بنساعدك.. ندى بنت اخوي.. و ام فارس ارمله اخوي و عبدالعزيز ولد اخوي هما... بس اللي ابيه منكم انكم تظلون مع عبدالعزيز طول الوقت
فواز بابتسامه ابشر يا ابوي..
محمد: بس ماهو معناه تظل بعيد عن بيتك فااهم
فواز ضحك و قام: اوكي.. الحين رايح اشووف بيتي.. وحشششششني حمود الصغير
جسار بنبره خبيثه: حموود ولا ام حمود
فواز: لا هذا ولا هذا الصراحه وحشتنين عده راعي البقر
جسار: ياا سخيف
فواز ضحك و صار يركض على السلم باتجاه جناحه.. وريم ركضت قبله حتى ما يشوفها
ريم صحيح فرحت شوي لان محمد رجعها و بلغها ان فواز راحع الا انها كانت مكسوره من داخله من بعد اللي عرفته عن وضعها من امها .... حبت تكون لفواز كل شيء... تعوضه كل شيء باي شكل من الاشكال حتى لو كان عن طريق انها تنسى نفسها و حياتها علشانه... لما سمعت صوته في البيت وقفت على السلم تسمع اخر اخبار و تعرف سبب رجوعه المفاجأه و سمعت حوار جسار معه و كلامه عنها ... وانه ما عنده غير ولد واحد و تكونت عندها الاستنتجات الجديد
ريم بقهر: جسار عنده خطه بديله.. ايش احسن من انه يزوج اخوه اللي عنده ولد واحد و حرمه عقيم من ارمله ولد عمه اللي تقدر تجيب عيال... فواز انسان حنون و طيب القلب و اكيد ما راح يكون في شخص احسن منه ابو لولد فيصل....... و ان صار هذا الشيء........ ما راح ازعل ابداااااا لانه ماهو من حقي
كانت جالسه على سريرها و هي متكشخه و تنتظره اول ما دخل : السلام عليكم
بشكل غير معتاد منها و تصرف من نوع جديد ركضت و رمت نفسها في حضنه: وحشتني
فواز كان بتصرف ببرود معها مثل ما تركها لكن تصرفها فعلا كسر شيء بداخل قلبه الحنون حوط يده حولها برقه: وانتي بعد
ريم: ساااامحني يااا حبيبي.... سامحني على اي كلمه قلتها اقسم لك...من اليوم ورايح ما ابي منك شيء... غير اني اكون جنبك يااا حبيبي
فواز كان مصدوم من تصرفها مهما صار متسحيل يكون بعدها عنها سبب في تغيرها بهذا الشكل اكيد في شيء: انا والله اللي اسف ياا ريم.. كبرت الموضوع كثير
ريم بعدت شوي عنه حتى تنظر له و خذت يده و حطته على رقبتها: حتى لو تخنقني للموت مسامحتك ياا حبيبي اهم شيء رضاك
فواز صدمته زادت اكثر : شنو صاير... انتي منو ووين ريم
ريم ضحكت على تعليقه وهو شيء ريحه شوي: شنو هالكشخه...
ريم: كنت انتظرك
فواز عض شفايفه: ولو اني تعبان.. بس ما اقدر اترك كل هذا الجمال لحاله..
ريم: احبك
فواز تاكد لما ما اخجلت منه ان في شيء بس ايااا كان مصيره عارفه: وانا امووووت فيج
-
-
-
بعد اسـبوع ممتع في ايطاليا قرر اصدقاء الرحله يرجعون ديرتهم ، افراح من جهة ثانيه قررت ترجع هي بعد تسلم على اهلها في جده قبل لا ترجع مع عامر لبيتهم في الكويت ..
يوسف و عامر مشوا يجهزون التذاكر و الشنط و قررت خوله و افراح يجلسون في الكافيه لحد ما ينتهون: بصراحه خوله مالي اي نيه افترق عنك بعد ما رجعنا لبعض مره ثانيه..
خوله بابتسامه: وانا بعد يا افراح، احس اني اعيش متعه ايام المراهقه ..
أفراح بخبث: يعني لو يخيرونك بيني وبين يوسف من راح تختارين؟
خوله توسعت عيونها بذهول و حست باحراج و توتر من السؤال لكن قررت تجاوبه بصراحه: انتي يا افراح صديقتي العزيزه و حتى لو كانت سعاد بنت خالتي ووفاء زوجه اخوي غاليين علي كنتي صديقتي اللي دايما اغلى منهم و دايما فاهمتني..
أفراح: انا ما سالتك ان سعاد او وفاء انا سـالت عن يووووووووووووووووووسف..
خوله: يوسف بالنسبه لي يا افراح غير !!! و حبي له مختف عن حبي لك,... يوسف حبيبي و زوجي و فارس احلاآآآمي.. و ان صار له شيء انا.... ما اعرف ايش ممكن يصير فيني!!
أفراح بعيون كلها احاسيس: لهذي الدرجه تحبينه!
خوله: و اكـثر ياااا افراااااااااح اكــثر...
عواطف و فاطمه: واحنآآآ بعد نحبه!!!!
افراح انقهرت من دخولهم الحوار و جلوسهم معهم على الطاوله من غير استأذاااااااااااااان...: ممكن افهم انتوا ايش اللي تسونه هناآآ؟؟؟
عواطف: افراح حرااام عليك... مااافي طاوله فاضيه وانتوا عندكم كرااااسي ماتستخدمونها..
فاطمه وهي تتخصر: يعني تبين نظل واقفين بس علشان ما نسمع كلامكم..
افراااح بتأفف: المكان محجور ليـوسف و عامر!!!!
فاطمه: عاآآآآدي يجلسوووون في حضننا ههههههههههههههههههههههههههههههههههههههههههه
افراح انفجرت : احترمي نفسك !!!!
عواطف: اختي محترمه نفسها من قبل لا تعرفك وثاانياااا ماهو هذا الاسلوب اللي لازم تعاملينا فيه بعد ما ساعدناك...
افرااح: اففففففففففففففففففففففففففففففف ياااااااااااااا ليتني اجرت لي ******* ولا طلب مساعدتكم...
فاطمه و هي تهمس لخوله: الغبي و اللي يطلب مساعده من الناس اللي يكرهونه ههههههههه
افراح: بس!!!!!!1
خوله ضحكت عليهم وبدت تهدي صديقتها، عموما فاطمه و عواطف صاروا عزيزات عليها كثيرا خصوصا بعد ما عرفت بدورهم بالخطه اللي رسمتها افراح و عامر : فروووحه حرام عليك عواطف و فاطمه يحبونك وحتى ان تظاهروا بالعكس!!!
افراح: اناااااااااااا مااا الوم عواااااااااااطف ان مثلت الاعجاااااااب بعامر بس السيده فاااااااااطمه متزوجه ولازم تحترم هذا الشيء...
خوله وهي متفاجأه التفتت لفاطمه: ما قلتي لي انك متزوجه يااا فاطمه
فاطمه وهي تطلع نفس طويل من القهر : مجرد ملكه .. و زواجنا لسى ما تحدد..
خوله بابتسامه: ومن سعيد الحظ..
عواطف : هههههه قولي تعيس الحظ... جسار ولد خالي ... المسكين ههههههه
فاطمه قرصت اختها: احترمي نفسك حولتي الحين علي!! مالت عليك.
خوله و افراح ضحكوا بعد ثواني مشت لعندهم ساره واللي قابلتها اكثر من مره خلال السفره....
ساره: السلام عليكم...
الكـل : وعليكم السلام..
ام فاطـمه: هاا بناتي مستعدين للرده؟
فاطمه وعواطف تأففوا، خوله و افراح ابتسموا لها، لكن ابتسامتهم ما استمرت لما شافت ايمان تمشي لعندهم بجسمها الطويل الخطير اللي كان يلفت انتباه كل الموجودين في المطار بنات و شباب.. هي ما شفتها الا مره وحده يوم تجلس مع يوسف و ظنت بعدها انها اختفت و ارتاحت منها لكن الوضوع تغير وهي تمشي بكل ثقه لعند طاولتهم، معقوله ناويه تجلس معهم، حركت عيونها لافراح اللي نزلت عيونها لوجبتها و كملت تاكلها بقهر.. ايمان مشت ووقفت عند الطاوله..: استلمتوا التذاكر؟
ساره طلع نفس طويل و هزت راسها لان ايمان سافرت بعد فواز على طول باريس و بس امس اتصلت انها جايه لعندهم روما مع مرافقتها الجديد حتى ترجع معهم و يظهر للكل انها كانت معهم طول الوقت: يعني ما نشوفك الا لما تحتاجينا؟
خوله كانت مستغربه اولا ما توقعت ان الجميله عربيه ثانيا ما توقعتها ابدا تقرب لعواطف و فاطمه وهي ما شافتها عندهم من تعرفت عليهم، البنت التفتت لخوله: مرحبى...
خوله طلعت من الصدمه و ابتسمت بتوتر: اهلا....
فاطمه حبت تعرفهم : خوله هذي خالتي ايـمان...خالتي الصغيره.....ايمـاآن هذي خوله صديقتنا!!
ايمـان بابتسامه ساحره: تشرفنآآ خوله..
خوله رغم انها مازلت حاسه بغيره منها لان يوسف اكثر من مره يتاملها باعجاب..
ايمـان جلست معهم بهدوء معتاد منها و من جلست وعيونها على موبايلها، اشرت لمرافقتها اللي كانت تسحب شنطهم تعطيها قائمه الاكل...
بعد ربع ساعه من السوالف المحصوره بين خوله و عواطف و فاطمه بما ان افراح سكتت و تظاهرت انها تاكل من جت ايمان اللي كانت تتكلم بالتيلفون.... رجع يوسف وهو يتافف ويكلم عامر بانزعاج..
عامـر و يـوسف: السـلام عليكم..
الكـل: وعليكم السلام..
عامـر وهو منزل راسه : شـلونك خاله ...
ساره: الحمد لله .. كلنا بخيـر انت كيف امك ان شاء الله بخير الحين
عامـر حرك عيونه لايمـان ... لثواني و رجعها للارض كان عارف انه لو استمر الماضي راح يرجع و افراح حبيبته راح تزعل: الحمد لله..
يـوسف كان تحت تأثير الصدمه انها جالسه معهم و تعرفهم، رفعت عيونها له ابتسمت و بخف: مرحبا
يـوسف كان مصدوم اولا انها تتكلم عربي و فوق تسلم عليه بهدوء رغم انها عارفه ان زوجته الغيوره موجوده: هـ,...لا..
خوله كانت مقهوره لكن تظاهرت بالعكس و قررت تقطع اي حوار قبل لا يبتدي: حصلت التذاكـر..
يوسف بتأفف و وجه كان واضح عليه الضيق: للاسف... الموظف يقول ان الحجز انلغى لاني ما اكدت عليه قبلها بيوم..
افراح انتبت و برده فعل قويه: ايش هذاآآآ الكلام.. الحجز نأكد عليه مره وحده بس...ليش هذا الكلاآم
عامر: هذآ اللي صار رغم انه واضح ان لشخص ثاني يد في الموضوع...
يوسف للحظه تذكر ان الموقف نفسه صار معه من قبل معقوله في قوه ثانيه تحاول تبعده وخوله عن الرجعه...: مافي حل غير ننتظر اسبوع ثاآني..
ساره: ليش اسبوع كامل يا ولدي؟
عامر قرر يرد عنه : يقول الموظف انه احنا في منتصف الموسم و هذا الشيء راح يأجل اي حجز اضافي...
يوسف استغفر وهو يطلع نفس طويل: اشووفكم على خير و اتمنى ما تكون اخر لقاءتنا....مشينا خوله...
خوله قامت وعلى وجهها نظرت حزن كانت فعلا مشتاقه لاهلها ونفسها ترجع لهم... كانوا بيمشون لمآ: لحظه...
الكل التفتت لايمـان اللي سحبت تذكرتين من على الطاوله... ساره: ايمآآآن..!!!
ايمـان : خذ يا يوسف. تذكرتي و تذكرت مرافقتي تقدر تلغي حجزي وتاخذ مكاني....واضح انكم متشوقين للرجوع على عكسي..انـا..
ام فاطمه حطت يدها على اختها و على وجهها نظره غاضبه: ايمـان انتي ناويه على مصيبه...
.....................: لا مـصيبه ولا شيء...
ايمـان عرفت الصوت اللي استغربه يوسف وخوله و نزلت راسها على عكس الكل اللي التفتوا، عواطف وفاطمه قاموا من مكانهم وسلموا: مرحبااا ...نووواف..مرحبا يا اخوي..
نـواف حرك عيونه على ايمـان اللي ما شالت عيونها من على موبايلها: وانتي مالك نيه تسلمين!!!!!!(ايمان استمرت تتجاهله) ما في مشكله حسابي معك بعدين...شلونك عامر ؟
عامر بابتسامه: الحمد لله.... بالمناسبه نواف هذا يـوسف الـ....... رجل اعمال و صديقي الجديد!!
يوسف رفع يده لنواف اللي كانت نظرته كلها غرور رغم انه في داخله وده يقطعه قطع صغيره.....بس في شيءانتبه عليه..: انا اعرفك؟
يوسف استغرب السؤال و ما عجبه ابدا لكنه رد بهدوء: اكـيد تعرف الوالد..
نواف بغرور: ما اعتقد... انا تعاملي محدود مع تجار معينين لكن انت! اممم ماني عارف... متاكد شايفك من قبل...
ساره تعرف تصرف غرور نواف وانه ان استمر راح يضايق يوسف فقررت تنهي الحوار: نواف ما قلت لنا انك مسافر لناآآ
نواف بثقه : كان عندي صفقه في باريس انهيتها و قررت اخذكم معي على الطياره بدل ما تركبون طياره عاديه وبكذا اكون احسن منكم ... لما قرروتوا تسافرون من غير لا اعرف..
فاطمه و عواطف ضحكوا بتصنع و عيونهم تتحرك من ايمـان له... نواف حرك عيونه للتذاكر اللي مازلت قدامها، اخذ التذاكر كلها و مدها ليـوسف الا وحده اللي كانت تذكرت ايمان واللي محد عرف لمن هي ي: تقدر تختار اي حجز فيهم لكن هذي غاليه و بتركها معي ذكرى عند قلبي(حطها في جيبه وكمل) او تبي اشتكي على شركه الطيران و افلسها يا سيد يوسف .. ياااا اصدقاااااااااااااء الغالين..
يوسف كان مستغرب من كلامه هذا الانسان من يقصد بالضبط ( غالي و عزيز) في نفسه: عواطف و فاطمه خواته...و امه ، وخالته ايمـان ، معقوله يكون يقصد افراآآح؟؟؟ او مرافقه ايمان الاجنبيه
يوسف: مافي داعي يا سيد نواف ، انا بكلمهم ان في حجوز انلغت و بناخذ اي مكان فيهم...
ايمـان حتى تقهر نواف اللي كانت عارفه انه غاضب : و تقدر تروح معنا على الطياره الخاصه حتى تسلينا انت و خوله بما ان الرحله راح تكون ممله و طويله...
يوسف استغرب جرأتها و نواف عطى ايمان نظره حاقده بس ابتسم و كمل: فكره حلوه ايش رايك يا يوسف..
يوسف: لا مافي داعي... انا بروح اشوف الحجز.....
عامر سحب افراح معه لانه عارف ان الوضع ماهو زين بوجود ايمان ونواف في المكان نفسه: واحنا هما لازم نمشي مع السلامه....
نواف ابتسم و الفتت لاهله: مشينا؟؟
قام الكل و مشى مع نواف ايمـان كانت الاخـيره وقفت قدام خوله لثواني: يوسف يحبك...يا خوله...
خوله استغربت كلامها بهذي الثقه وهي ما تعرفها حق المعرفه: نادرا ما تحصلين شخص مثله... نصيحه مني لا تضيعيه...
خوله هزت راسها لايمان المبتسمه بحزن وهي تمشي ورا اهلها... خوله ظلت لحالها لنص ساعه تعيد كلام ايمان و مافهمته ليش قالت هذا الشيء و شنو هدفها منها.. ولا تصرفها مع نواف اللي ظنته ولد اخته ... رجع يوسف بعد ما ضبط الحجز خصوصا انه حصل توصيه من السيد نواف واحد من اثرى اثرياء العالم و صاحب اسهم في الشركه و ركبوا الطياره راجعين للرياض..
في طياره نواف الخاصه... في الجلسه المقوسه كانوا مستمتعين في الرحله نواف وخواته و يشربون الشاي و يحلون..
عواطف: نواااااااااااافي ايش رايك بيوسف...
نواف تافف بغرور: شخص عادي .. ليش تسألين؟
فاطمـه بضحك معتاد منها: كل هذي الوساااااااامه و عآآآديه..
نواف اشر لها بتهديد: انتي انسي هذي الاشياء ولا بعلم جســـاااار
عواطف وهي تمثل البراءه و ترمش بعيونها: انزين انااا عادي اتكمل
نواف بابتسامه: اكيــد يااا دلووووعتي!!
عواطف كانت فرحانه ان علاقتها تحسنت مع نواف و هذا حتى تستغل هذي العلاقه لما تجي تتزوج فواز....... و قررت تلمح اكثر للصفات المشتركه بينهم : ابي اتزوج واحد مثل يوسف ادب و اخلاق و وسااااامه..
المضيفه اللي كانت لابسه قصـــير فوق الركبه و قميص ضيق كانت تمشي لعندهم و تقدم لهم كاكاو و عيونها ما انشالت من نواف، نواف ابتسم لها و كمل لاخته: يعني ما تبين واحد مثلي... !!
عواطف بضحك: اعووووووووذ بالله انت ناوي تذبحني...
المضيفه الاجنبيه مدت الكاكاو لنواف وهي تميل جسمها كله لجهته بحركه اغرائيه خطيره: ههههه عآآآدي اعرف ناس جبل ما يهزهم ريح مهما صار حولهم ما يتأثرون...صح ايـمآآآن,,
ايمـان كانت جالسه لحالها على كرسي و طاوله جانبيه بعيد عنهم تطبع على لابتوبها : شنو ما سمعت...
نواف بغرور: صدق؟
ايمـان : سووووري .. كنت مشغوله بناس اهم...
نواف بضحك لانه كان عارفه انه تكتب اي كلام حتى تشغل نفسها و ماهو شغل حقيقي: اللي يشوفك يظنك سيده اعمال مهمه طول الوقت على البورصه........... اوووووبس.. نسيت انك سيده اعماااااااااال......اهااااا
فاطمه سالت لما شافت اخوها كانه متوتر: ايش فيك يا اخوي؟؟؟
نواف: يوسف... الحين تذكرت انا وين شايفه..
ايمـان التفتت لهم و كان الموضوع هامها، عواطف: وين يا اخوي؟؟
نواف: يوسف فيه شبه كبير من جوري جوزيف شريكتي في اكثر من مشروع!
ساره :يخلق من الشبه اربعين و ثانيا لا تنسى يا يا نواف ان جوري ما عندها عياآآل؟؟؟
نواف فتح ربطه العنق ووقف بتمايل و ابتسامه: راح اسألها لما اشوفها مره ثانيه ... اما الحين انا مشـغوووووووووووووووول...
نواف مشى من جهة ايمـان ورا المضـيفه لحد ما ابتعد عن الانظار,, الكل التفتت لايمـان اللي استمرت تطبع ولا كأن شيء هامها ... محد كان عارف هي ايش تطبع بالضـبط...
( الحــب اكـبر خطأ تقع فيـه المـرأه .... لكـن الخطأ الاكـبر هو ان تقـدم هذا الحـب للشـخص الذي لا يستحقه)
بمجرد ما اختفى نواف عن الانظار قربت المضيفه منه بدلع : سيدي؟؟
نواف مد يده حتى تبعد عنه: يبدو لي انك نسيتي ما طلبته... حتى اختفي على الانظار انا عشيقك ولكن مادامت لا تراني انا و انتي لاشيء
المضيفه انقهرت ... نواف طلب منها قبل لا يطيرون انها تمثل دور عشيقته خلال السفر لكن كان في نتيها انها تستغل هذا التمثيل و توقع فيه عدل .. بس طبعا نواف كان افضل منها..
المضيفه بقهر: اتريد شيء اخر يا سيدي..
نواف: ان تخرجي من مقصورتي و ان لا تراك سيدتك ايمان.....
المضيفه: حاضر..
بمجرد ما طلعت المضيفه اخذ نواف موبايله حتى يقرا اخر الرسايل اللي وصلته قبل لا تطير الطياره ...
كانت وحده منهم ان ميس وصلت الرياض و ووصلت للبيت اللي اشتراه لها بعد ما سفرت بكل سلامه.. و ان ادوارد بنفسه وصل لها ورقه طلاقها من نواف .. طبعا نواف كان يعرف ان ميس اكيد حزنت كثير من بعد انفصالهم خصوصا بعد زواج دام اقل من شهر .. و اكثر من اسبوعين تعلقت فيه كثير .... و عرفت فيه انه قلبه لوحده بس نواف تنهد بالم: ايماااااااااااان..
-
-
-
الرياض..
بو نواف بفرح وهو ياشر للشغاله تحط القهوه و الشاي: حيا الله فووواز الغالي.. كيفك؟؟
فواز بابتسامه: بخيييييييير ياا عمي بونواف انت بشرني عن اخبارك ان شاء الله انها طيبه؟؟
بونواف: الحمد لله طيب .. ليش ما جاء الوالد معك ... احسه واحشني كثير
فواز: بصراحه الوالد لو انه عارف اني جايك كان اجى معي بس انا جيت من وراه لاني ابي اسلم عليك و اقول لك موضوع مزعجني من مده
بونواف: موضوع مزعجك... خير يا ولدي؟..
فواز: انا ياا عمي انسان مرح و طيب و اعتبر اي بنتت في عايلتنا مثل ايمان اخت لي .. طبعااا باستثناء ريم زوجتي هههه
بونواف ما عجبته المقدمه و رفع حاجبه على طول: ماني فاهم
فواز: بصراحه يا عمي... انا متضايق من بنت عمتي عواطف...
بونواف: ليسش؟؟؟ ايش فيها
فواز: بصراحه يظهر انها فهمت تصرفاتي معها غلط و ظنتني ابي اتزوجها على ريم زوجتي
بونواف بعصبيه: خيييييييير؟؟؟
فواز: يااا عمي انا لو كنت ابي الشر كان استغليت الامور اللي كانت تسويها لي و يمكن علمت نواف فيهم عواطف تراسلني و هذا موبايل قدامك من مده طويله
بونواف نظر للرسايل و زاد قهره بس ما حب تظهر بنته بمظهر غلط و كمل: مسجات عاديه
فواز: هذا اللي ظنيته في البدايه لكنها كانت ترمي ريم بكلام كرها نفسها كثير.. و الاكثر منه انها لاحقتني للديره اللي انا مسافر لها مع ايمان واللي مبلغ عمتي ساره اني رايح لها ... بتقول لي صدفه اوووووكي...اسمع هذي عواطف مرسله اللي ما تتسمى هند على ريم يوم عرس مشاري و مثورتها و مفهمتها اني اخونها مع عواطف وهذا انا ما ارضاه لعواطف و اللي اكيد بياثر على سمعتها خصوصا انها ماهي متزوجه...... بس هي تسببت لي بمشكله كبيره وانا بصراحه ما عاد فيني اتحمل و ابيك انت تحط الحل
بونواف و رغم كل القهر اللي فيه هز راسه بهدوء: ابشر... ومشكور انك قلت لي... لكن ياا فوازز... اتمنى ان الموضوع يظل بينا و ما يعرف فيه احد ..
فواز: من هذي الجهه تطمن عواطف راحت ولا جت بنت عمتي و اخاف على سمعتها ....
بونواف صب القهوه لفواز حتى يبين له ان الموضوع انتهى فواز ابتسم و اخذ القهوه و هو يقول في نفسه: طيب و حبيب و وسيم و مرح ... كل انسان في حياتي يعرفني جذي...... لكنهم ما يعرفون ابداااا ان فووواز طيب القلب لا عصب يصير ...... شيطان... انتي اول ضحايااااي يااا عواطف..
-
-
-