Grabe lang jud ang nahitabo gabii ni Gad. Bad shot na kaayo siya ni Vlad sa unang kita palang nila ug kung pwede pa lang na dili na siya magpakita ingani kay iyaha jud na himoon. Pero para ni Vlad kay ok ra pud ang paghapak ni Gad niya kay sala baya pud to niya ug gikalimtan na pud to niyang hitabo a. Mauwaw na si Gad motagad ni Vlad unya dugangan pa pud sa sungog ni Sven. Sa nahitabo gabii kay plano niyang magpaka invisible kung naa man gani si Vlad. Paningkamotan niyang di na sila magkakita pa ni Vlad pero unsaon man na nga silingan man sila unya ag nakapait kay sige ug adto si Vlad sa ilahang Sven.
"Prex! Unsaon man ni nako ui. Mauwaw naman ko ni Vlad. Paita ngani ui." sumbong niya ni Prexious samtang nanggi snacks sila sa canteen.
"Ambot nimu ui. Gidibdib man intawn na nimu na wa raman to ni Kuya Vlad." tubag ani niya nga busy ug kaon.
"Basta ui. Kay ngano laging akoa pang gihapak. Ahaka ingani ui."
"Mao na diha. Brutal raman gud ka."
"Naa kay time machine diha? Pahugma ko be."
"Tangek! Nabuing na ka? Ako pa nimu noh kay kalimti na na ui basin ug maboang naka diha." tubag nalang ni Prexious sa iyahang amiga. Wa siya kahibaw kung nganong gidibdib jud ni Gad ang nahitabo gabii na ok raman to. Kaduklonon na kaayo siya ni Gad para makalimot na sa nahitabo ug gisabaan na pud siya ingani.
"Hoy mga baje. Manan aw ta sa program sa HRM ta labong wa pa tay klase." ingon ni Meljane nila katong iyang nakit an ang duha.
"Karon diay to? Wala man lang ko ingni ni Tiben na karon diay to." reklamo ni Gad.
"Tara na kay basin di na nato maabtan ag ilahang program." pangda na ni Prexious nila. Ang paspasa kaha nila nanglakaw kay hapit na daw mahuman ag program matud pa sa ilahang gipangutan an na taga HRM pud.
"And now! The last but not the least. . "The Chuy Band"! Lets give them a Sandara Applause." matod pa sa emcee.
Unya gisunod nila ang giingon sa emcee ug nag Sandara Applause jud sila ug nanundog nalang pud silang Gad pag abot jud nila.
Ang Sandara Applause kay 3 claps, 3 stomps of right foot then e wave ang right hand like beauty queen samtang mosinggit ug mahal ko kayo! Mao man gud na ang nailhan si Sandara sa pag apil ingatong SCQ.
"Muraha nato ug kinder ingane ui. Pauso pud ng ilahang Sandara Applause." reklamo ni Prexious.
"Ngeek! Last naman diay pud ni." reklamo ni Gad pero wala siya nag expect na si Sven kay naa sa stage ug nagbitbit pa ug mic.
"Kayasa silingan. Chuy Band pa ang ukoy!"
"Bagay ra pud ui kay mga chuy kaayo sila. Grabe! Gwapoha sa mga karaho ui." dugang pud ni Meljane sa pagdayg ni Prexious ganina.
Unya pagka taod taod kay nitukar na ang ilahang banda. Tulo raman pud sila sa banda unya mga suod pud na mga classmate ni Sven. Nagtrip trip ra sila nga moapil para pandugang kuno ug grado.
Daghan ang naniyagit na mga baje katong nikanta na si Sven. Si Sven mao ang vocalist samtang ang duha kay mga guitarist.
Aduna koy nabantayan nausab na ang akong sinultihan
May sagol nang eninglish like whatever and well
Sukad nga nakaila tika.
Wala nakafocus ug ayo si Gad ug tan aw kay gisabaan siya sa iyahang palibot na tapad sa mga baje na wagas kaayo maka singgit. Kung pwede pa lang niyang pang scotch tepan ag mga baba ingani kay dugay na ni niyang gibuhat.
Giingnan ko sa imong friends
Na you find kuno badoy ang bisayang pinulungan
Manglimbawt imong balhibo kung makadungog na
Pulong sama sa gugma.
Nabantayan ni Gad na samtang gakanta si Sven kay kanunay ni mukawat ug tan aw kang Lenvy na naa sa kilid sa stage. Nakahuna huna si Gad na unta "Gugmang Giatay" na lang ang gikanta ni Sven para makarelate pud ni siya.
So I, say I love you is it ok with you?
Bahala nag makahilak ang lolo kung magbabalak
Tell him, well my lolo I'm in love not like you
I'm not too old to learn an English word or two.
Ang mga estudyante nga nanan aw kay napakanta na ug apil. Giduyugan na nila si Sven sa pagkanta ug mao pud ag gibuhat nilang Gad, Meljane ug Prexious. Wala pud sila nagpalupig ug kanta.
Nagkuyog ta sa sinehan gikataw-an mo ang trailer ni Piolo ug Judy Ann
Way laing na ingon kung di whatever and well
Dayon gawas sa pultahan.
Giingnan ko sa imong friends
Na you find kuno badoy mga pelikulang pinoy
Bahala nag luod basta gikan sa Hollywood
Always makes you feel so good.
Unya nagkatawa sila katong murag nagsayaw sayaw na si Sven sa pagkanta maong gisundog pud siya sa mga nanan away na mga estudyante samtang si Gad kay naaliwarosan na sa mga tawo na gitukmod tukmod na siya.
So I, say I love you is it ok with you?
Bahala nag makahilak ang lolo kung magbabalak
Tell him, well my lolo I'm in love not like you
I'm not too old to learn an English word or two.
"Igso na nako!" syagit nalang ni Gad sa iyahang lisod na sitwasyon. Bun og na kaayo iyahang kalawasan. Wala siya nagdahom na ingani ka wild ag mga estudyante sa bisrock.
Unya kalit kang nawala wa ka nagpahibalo niining bisdak
Na nainlove kanimo
I thought kitang duha together and forever.
Ako imo diay gipasakitan
Giingnan ko sa imong friends
Na nikuyog ka kuno sa imong ka text mate na kano
Nanglimbawt akong balhibo sa nasayran ko na
Ang kano otsenta na.
Still I, say I love you though you're hurting me so
Bahala nag makahilak ang lolo kung magbabalak
Tell him, well my lolo I'm your stupid apo
Naminaw lang unta ako sa tambag mo
Now I'm hurt to learn an English word or two.
"Unsa ra gani title atong kantaha kay akong downlodon. Mao nana akoang favorite song!"
"Englisera sa Missing Felimon. Sige downloada unya pasahi ko."
"Galinga nilang Sven noh!"
"Gimingaw noon ko sa bisrock dah."
"Daghan baya mga nindot na bisrock songs labi na ng mga kanta sa bandang Phylum."
Mao nay mga nadunggan ni Gad sa mga comments ug feedbacks gikan sa mga estudyante na enjoy kaayo ganina sa performance nilang Sven.
"More! More! More!" singgit pa sa uban kay giganahan na sa bisrock. Ganahan silang mo perform na pud ug laing bisrock ang Chuy Band.
"Thank you Chuy Band! Gibalik ninyo ang bisrock! You rock guys! More pa daw, ok lang?" matod pa sa emcee na nakigdungan pud ganina. Unya nay uban namakpak ug kusog unya naa pud nakasinggit sa kalipay.
"Sige sir. This song is dedicated sa tanan namong mga fans. Alabyu all!" ulog ulog ni Sven ug nagsugod na pud sila ug tukar. Ang ilahang kantahon kay "Ang Tigulang" sa Aggressive Audio. Katong nagsugod na sila kay nangatawa ang mga estudyante sa ilahang kanta na gidedicate para nila. Nisabay gihapon sila ug kanta ug naay uban ang nanayaw sad.
La, la, la, la, la, la
La, la, lo, la , la, la,
La, la, la, la, la, la, lo, la...
Ang akong lolo magsige lag pagwapo
Bisag wala na sya'y buhok sa iyang ulo
Ang akong lola kay mag lagot niya
Kay ang chiks pwirting man gyud niyang pilita
Sige'g pamada bisag nangurog gi ka ihi na
Mao kana si lolo, ang akong lolo nga gwapo...
Ang tigulang bisag bako
Maningkamot mobarog motindog aron molabyog
Ang tigulang bisag bako
Maningkamot mobarog motindog aron molabyog. .
Perting lingawa nila sa Chuy Band ug daghan na ang niidolo nila bisan pa ug gara gara lang ang ilahang performance. Nagpadayon ang ilahang program na nagpalingaw sa kadaghanan.
Pagkahuman nila ug perform kay nangambak na sila sa stage samtang si Sven kay nitapad sa nahimutangan ni Lenvy. Malooy lang jud si Gad maghuna huna para ni Sven na grabe kaayo ang gugma para ni Lenvy.
"Tara na kay murag last naman to." pangdala na ni Gad nilang Prexious.
"Grabe! Wala pa jud ko ka get over sa ilang performance ui." dugang pud ni Meljane.
Manglakaw na unta sila kung wala pa tawga si Gad ni Sven. Nidool si Sven nila samtang dako kaayo ug ngisi.
"Hambugido!" ingon ni Gad pagdool ni Sven nila.
"Chuya jud nako ui. Maayo pay wala nalang ko ni perform basin ug ma discover ko." dayg ni Sven sa iyahang kaugalingon.
"Bitaw jud Sven. Daniel Padilla lang ang peg?" dugang pa ni Meljane.
"Tss. Basin Daniel Padaplin!" sungog pud ni Gad nga ganina ra nahumbugan sa giistorya ni Sven samtang nagkatawa silang Meljane ug Prexious sa iyahang giingon na Daniel Padaplin.
"Bitter ka teh! Golets na para mag snacks." pag bayot bayot ni Sven na angayan kaayo.
"Hahaha! Libre?" pangutana pud ni Prexious.
"Yes sister!" unya giguyod na ni Sven si Gad na nakapulupot ag iyahang braso sa braso ni Gad.
"Padayona ng imohang pag bayot bayot ha." ug nagkatawa na ni sa nilihokan ni Sven. Napatan aw na hinoon ag mga estudyante ug nagduda na sa pagkalaki sa iyahang igso.
Unya sa pagkahuman ug snacks nila kay gibiyaan na sila ni Sven kay kuno naa pa daw siyay buhaton.
Unya pagkahuman sa ilahang klase kay nangda na si Prexious ug uli kay naa daw naghuwat niya sa gawas sa eskuylahan maong wala na lang nangutana si Gad kung kinsa kay gikapoy na pud siya tungod atong mga estudyante na grabe nakapanamas tamas ug tukmod niya ganina sa program.
Pagkagawas nila sa eskuylahan kay wala siya nakabantay ni Vlad nga nagtindog unahan sa may tindahan.
"Kuya Vlad!" singgit ni Prexious pagkakita niya sa ganiha pa niyang gipangita. Napatabon noon diretso ug libro sa nawng si Gad pagsinggit ni Prexious sa ngan na iyaha untang taguan. Gikulbaan siya na murag wala nahimutang samtang giguyod na siya ni Prexious dool kang Vlad. Nagkatawa nalang si Vlad sa giakto ni Gad.
"Grabe sad ni siya ui. Abi palang ug daotan ra jud ko ug dagway." naingon nalang ni Vlad katong nidool na siya nila.
"Ehh. .Kayasa ingane ui. Sorry jud sa akong paghamak nimu ha." pangayo niya ug despensa samtang iyahang dagway kay gitabunan gihapon niya ug libro. Mauwaw man gud pud siya ni Vlad.
"O.A. ra ka Gad!" naingon nalang ni Prexious sa iyahang amiga ug gikuha ag libro na gitabon tabon sa dagway ingani.
"Ok ra lagi. Muraha pud ni niya ug others ui." sulti ni Vlad niya maong nalandagan na iyahang utok ug nakahunahuna na overness ra jud bitaw pud ag iyahang giakto. Mao tong wala sa sila nanguli dayon kay nanggilaag pa sila kay libre man daw pud ni Vlad.
Naglaag laag ra pud sila sa mall na walay gipamalit. Namburaot ra sila sa mga tindera didto na nagpasumangil sumangil ug tan aw tan aw sa ilahang mga paninda pero pag ando diay to kay dili mamalit. Nagkasinabot uroy silang tulo sa ilahang mga kabuang. Sige ra sila ug pangatawa samtang naglibot libot na murag mga buang.
Nakahinumdom lang si Gad ni Sven na labaw pa ang kabuang kung maka ari ug mall. Daghan kaayo ug kabuang na mahuna hunaan. Siya nalang jud ang mauwaw sa gipangbuhat ni Sven. Gimingaw na hinoon siya sa iyahang igso sa kabuang ingane bisan ug uban pa sila ug balay. Pero sigurado siya na toa na pud to ni Lenvy sige ug sunod sunod na murag timang.
sumpayan pa. .