[الاسبوع السادس و الثلاثون : اخر سونار قبل الولادة]
"خلاص يا ريتا هانت كلها كام يوم و تولدي" دكتورة مريم قالتلي.
"اه اخيراً انا مش مصدقة "
"يلا ارفعي التيشيرت علشان نبص بصة اخيرة علي البيبي قبل الولادة و نشوف لو حتبقي جاهزة انها تطلع"
حسين واقف جمبي و مسك ايدي.
حاطيط الجيل و الجهاز و قعدت تحركهم، خمس دقائق
و سمعنا صوت نبض قلب.
"لا مشاء الله كله تمام و كام يوم حيبدأ يجيلك طلق و حتولدي انشاء الله."
"انشاء الله يا دكتور"
"قررتي حتولدي ازاي ولا؟"
"اه طبيعي."
"اوكي اشوفك يوم الولادة يا ريتا."
"انشاء الله سلام."
نزلنا من عندها و ركبنا العربية.
"انا بقيت عاملة زي الفيل صح؟"
"لا لسه زي القمر"
ضحكتله.
"انا بفكر اغير اسم حبيبة"
"ليه؟ حتخليه ايه؟"
"مش عارفة حقرر لما تبقي علي ايدي."
______
عدي كام يوم و ليا مولدتش، حسين كان لسا راجع من التمرين و كنا قاعدين بنتفرج علي فيلم، قومت اروح المطبخ، حسيت بمياة ما بين رجلي.."يلهوي" و بعدين حسيت بألم في بطني بشع.
"حسين!!" صرخت.
"ايه في ايه؟؟"
"انا حولد، وديني المستشفي!!"
"ايه!! طبب طيب يلا"
ساعدني اني اقوم و ركبني العربية.
و حسيت بدوخة و اغمي عليا
____
*حسين*
وصلنا المستشفي و ريتا كان اغمي عليها في العربيك ناديت علي حد يجي ياخدها و جابوا سرير و نقالوها عليه. "اغمي عليها ليه؟"
"متخفش عادي، نبض قلبها بقي في المستوي الطبيعي كلها ٥ دقائق و حتصحي."
و فعلاً استنينت كام دقيقة و صحيت.
"حسين"
"ريت متخافيش انا جمبك" شوية ممرضات زاقوا سريرها في اوضة كنت حاخوش لقيت واحدة بتمنعني.
"مينفعش تدخل يا استاذ"
"يعني ايه مينفعش دي مراتي"
"لازم نكشف عليها و بعدين تبقي تدخل."
"لا انا حدخل انا لازم ابقي معاها!!" زعقت جامد.
"يا استاذ مينفعش!!"
مشيت من خلقة امها و روحت كلمت سعد يجي علشان يبقي معايا حد. سعد وصل عالطول و سلم عليا و قعد جمبي.
ممرضة طلعت من اوضة ريتا و جريت عليها.
"عاملة ايه دلوقتي؟؟"
"ينفع تخش و تشوفها"
جريت علي جوا.
"حسيين!!"
"ريتا، متخافيش انا هنا" و مسكت ايديها.
"يلا استاذة ريتا انا عاوزكي تبدأي تزقي البيبي"
"مانا بازوق!!"
"يلا يا ريتا متخافيش" قعدت اقولها.
"مش قادرة يا حسين، منك الله!!" و كانت بتعيط من كتر الآلم
"يلا يا ريتا زقة كمان"الدكتورة قعدت تقولها.
"يا شيخة مانا بتنيل علي عين امي بازوق الباردة الي مش عاوزة تطلع ديه!!"
"يلا يا ريتا علشان خاطري"
"بس اسكوت انت يا بارد انت السبب في كل ده."
"طيب يا ستي انا السبب بس يلا يا ريتا!!" (يلا يا عادل😂😂)
"حسين انا بحبك بس انت ابن كلب"
"وانتي بت كلب يلا يا حبيبتي بقي زوقيها"
فجأة حسيت ايدها سابت ايدي، و لقيتها اغمي عليها.
"استاذ حسين انت حضرتك لازم تطلع برة" الدكتور زعقت.
كنت مخضوض عليها و مش عارف اتحرك فلقيت واحد بيزقني بره. "ايه خير؟؟ ولدت خلاص ولا؟؟" سعد سألني.
"لا اغمي عليها يا سعد اغمي عليها!!" و قعدت و لقيت نفسي بدمع كنت خايف عليها اوي.
استنيت نص ساعة و لقيت ممرضة جايلنا.
"ايه الي بيحصل؟؟" سألتها.
"حنضطر نخليها تولد قيصري علشان استاذة ريتا مش حتقدر تكمل طبيعي."
"طب انا عاوز ابقي موجود!!"
"مش حينفع لازم تستني هنا."
"انا لازم ابقي جوا معاها انتي سمعاني؟!!" زعقت في وشها جامد.
"مش حينفع انا اسفة." و جريت علي اوضة العمليات.
قلبي كان مقبوض و كنت بترعش من كتر الخوف عليها. لو جرلها حاجة انا ممكن اموت.
"متخفش يا حسين حتكون كويسة." سعد حاول يطمنني.
-
-
-
-
-
فاضل بارت و القصة تخلص 👐🏼💔
ايه رأيكم؟