{الاحداث دي مش فلاش باك.. دي احداث بتحصل ف نفس الوقت بس ف مصر...}
(مروان قاعد ف شقته بيفتكر لقطات من حياته.. شعره بقي طويل اووي و دقنه كبرت..
بيفتكر كل لحظه حلوه مرت عليه قبل كده.. كل لحظه عاشها مع ساره كان بيحسها اخته اللي امه مجابتهاش..
بيفتكر اد ايه غلط ف حقها لما اتجوزها و بعدها عن اللي بتحبه..
و بيفتكر ميرا و حبه الكبير ليها..
و لما خان ثقتها و كان انسان ضعيف مقدرش يواجه حد علشان يكون مع اللي بيحبها..
بيتخيل لو كان وقف ف وش امه.. لو كان سمع كلام ابوه و مسابش حب عمره يضيع منه...
خرجه عن تفكيره صوت جرس الباب...)
لميا من بره: مروان افتح الباب انا عارفه انك جوه
(مروان مردش عليها..
خرجت المفتاح مش شنطتها و دخلت..)
لميا: مروان مينفعش الي انت عامله ف نفسك ده.. انت مخرجتش من البيت من يوم ما ساره ماتت
انت مش شايف شكلك بقي عامل ازاي.. شعرك كبر اووي و دقنك طولت
مروان بصوت مخنوق: ماما امشي من هنا
لميا: لا مش همشي.. قوم يلا ادخل الحمام خد شاور و احلق دنك و شعرك
(لميا مسكت ايده علشان تقومه مروان شد ايده منها ب عنف...)
مروان بعصبيه: كفايه بقي.. ابعدي عني.. انتي مش مكفيكي كل اللي عملتيه فيا؟
لميا: انا عملت فيك ايه؟
انت اصلا ازاي تكلمني كده
مروان: لا عملتي كتير اووي..
ماما امشي لو سمحتي.. سيبيني لوحدي
لميا: لا مش هسيبك ف الحاله دي.. مش هسيبك لوحدك يا مروان
مروان: خلاص هسيبك انا
(قام مروان من مكانه و مشي بسرعه نحيت الباب)
لميا: انت هتنزل بالمنظر ده؟
مروان: اه هنزل كده.. ممكن تسبيني بقي ف حالي؟
لميا: طب خلاص انا همشي بس انت اهدي شويه
مروان: انا هادي.. من فضلك امشي
لميا: حااضر
(لميا اخدت شنطتها و خرجت من البيت..)
•°•°•°•°•
#فـ لندن...
(صحيت همس علي صوت يوسف)
يوسف: همس!! يا همس..
همس(بصوت نايم): اممم عايز ايه يا بابا سبني انام..
يوسف: بابا!! همس قومي
همس: يووه
(فتحت عيونها و قعدت ع السرير)
همس: انا قومت اهو يا بابـ.. احم يا يوسف
يوسف: انتي كنتي بتحلمي ولا ايه؟
همس: اممم..
يوسف: طب قومي بقي و فوقي كده علشان باقي ساعه واحده علي مـ تدخلي للدكتور
همس: طب سبني انام نص ساعه بس
يوسف: ولا دقيقه.. قومي يلا علشان تقوليلي ايه اللي حصل بعد مخرجتي مروان من القسم
همس: محصلش حاجه يا يوسف.. انا وصلته البيت و روحت
يوسف: طب و انتي جيتي لندن ليه؟
همس: انت ليه مش قادر تصبر شويه.. انا قلتلك هتعرف كل حاجه ف وقتها
يوسف: لا انا عايز اعرف دلوقتي
همس: انا مقـ..
(قاطع كلامهم صوت خبط ع الباب)
يوسف: مش وقته خاالص..
(قام يوسف و فتح الباب..)
يوسف: مش مصدق عيني.. اللوا عبدالله هنا!!
عبدالله: وحشتني اووي يا يوسف
يوسف: و انت كمان يا بابا وحشتني اووي{اوول مفاجاه👼✋}
عبدالله: عامل ايه؟ و ايه اخبار همس؟
يوسف: الحمدلله.. اتفضل ادخل يا بابا
(دخل عبد الله و سلم علي همس)
عبدالله: ايه اخبارك دلوقتي يا همس؟
همس: الحمد لله يا فندم
يوسف: لا بلاش الرسميات دي هنا عشان بتجبلي حموضه
عبد الله: انتي دلوقتي مرات ابني.. يعني مش مجرد ظابط علشان تقوليلي يا فندم
(ابتسمت همس بحزن)
همس: اكيد يا انكل..
عبد الله: هو انتي هتفكي الشاش اللي علي وشك امته؟!
همس: بعد نص ساعه تقريبا
عبد الله: ربنا معاكي
همس: يا رب..
عبدالله: انا مش جاي لوحدي علي فكره.. انا معايا ليكي مفاجاه
(دخلت بنت ف نفس طول همس تقريا و محجبه)
همس: وحشتيني اووي
(البنت راحت لهمس بسرعه و حضنتها..
و يوسف واقف مش فاهم حاجه)
يوسف: مين دي؟
همس: ااا دي..
البنت: انا نغم.. توأم همس
(يوسف بص ل همس)
يوسف: مكنتش اعرف انك عندك اخت توأم
عبد الله: انت متعرفش عنها حاجات كتير اووي
يوسف: امممم.. بس انتي طلعتي حلوه اووي
(همس بصتله ب استغراب)
يوسف: توأمك حلووه اووي كده ف اكيد انتي كمان حلوه
(همس اكتفت ب ابتسامه
بس عبدالله بصله بتحذير)
يوسف: ايه هو انا قلت حاجه غلط؟
عبد الله: ممكن تسكت
يوسف: حااضر..(سكت شويه) و اساميكو حلوه اووي.. همس و نغم تحسوها موسيقيه كده
عبدالله: انت مبتسكتش ليه
يوسف: هو انا قلت حاجه غلط!!
عبدالله: مش عايز اسمع صوتك
يوسف: خلاص سكتت اهو
(همس بصت ل عبد الله بمعني عايزه تقول حاجه.. و شاورت علي يوسف)
عبد الله: يوسف ممكن تخرج بره شويه
يوسف: ليه؟
عبد الله: يوسف اخرج
يوسف: اووك
(خرج يوسف و قفل الباب وراه)
همس بعتاب: انتي جيتي ليه؟ مكانش المفروض تيجي؟
نغم: مكنتش عايزاكي تكوني لوحدك النهارده
همس: انا خايفه اووي
نغم: متخافيش.. ربنا معاكي..
(اتنهدت همس)
همس: انتي اتصلتي بـ...
(قاطع كلامها صوت خبط ع الباب و دخل يوسف و بعده علي)
علي: صباح الخير
همس: صباح النور
علي: سياده اللوا عبد الله منورنا ف لندن
عبد الله: وحشتني يا دكتور.. اخبارك ايه؟
علي: الحمد لله تمام..
(بص ل همس)
علي: ها يا همس جاهزه؟
همس: اه جاهزه
علي: طب اتفضلي معايا
(علي كان هيخرج بس تنح لما شاف نغم)
علي: اا انتي..
همس: دي اختي التوأم
علي: اها.. طب يلا يا همس علشان الدكاتره مستنيين
همس: اوك
(راحت همس مع علي و دخل معاها عبد الله و نغم عند الدكتور و يوسف كان مستنيهم بره)
الدكتور:?ready
(هزت همس راسها ب اه
بدا الدكتور يفك الشاش من وش همس و كانت صوره من نغم..)
علي: مبروك العمليه نجحت
همس: الله يبارك فيك
(يوسف فتح الباب و دخل راسه)
يوسف: انا عايز اتفرج
عبد الله: تتفرج علي ايه؟ هو فرح!!
يوسف: انا عايز اشوفها
عبد الله: تعالي
(دخل يوسف و وقف متنح قدام همس)
يوسف: ايه الحلاوه دي؟
عبدالله بتحذير: يووسف
يوسف: في ايه يا بابا.. دي مراتي علي فكره
عبد الله: هي ممكن تخرج من المستشفي النهارده صح؟
الدكتور:!!Sorry
عبدالله: Can she leave the hospital today??
الدكتور: yeah.. but after buying the bill
عبدالله: Okay doc.. thanks
(ابتسم الدكتور و خرج)
عبد الله: انا هروح ادفع الفاتوره و ارجع
يوسف: خليك انت يا بابا انا اللي هدفع
همس: لا يا فندم.. انا اتفقت مع حضرتك قبل كده.. نغم هي اللي هتفع
نغم: اوكي انا هنزل
همس: متتاخريش
نغم: حاضر
عبد الله: يوسف روح معاها علشان هي متعرفش المكان
نغم: لا خليك مش عايزه اتعبك اللي يسال ميتوهش
يوسف: لا مش مشكله.. اتفضلي
(خرج يوسف من الاوضه مع نغم)
يوسف: نغم؟
نغم: اممم
يوسف: هي... هي همس حكايتها ايه؟
نغم بتعجب: حكايتها ايه؟
يوسف: حكايتها.. جت هنا ليه و هي مين و كدا يعني
نغم: اها.. بص بصراحه كده انا معرفش عنها كتير.. لانها من النوع الكتووم جدااا اللي مبيتكلمش مع حد و ميتشتكيش من حاجه خاالص..
يوسف: يعني انتي متعرفيش عنها حاجه؟ ازاي انا بسمع ان التوام بيحسو بكل حاجه بتحصل مع بعض
نغم: في ناس كده بس مش الكل.. انا و هي بنحس ببعض بس مش اووي
يوسف: اممم طب انتي تعرفي ايه عنها
نغم: هي من بعد ما جوزها مات جت عاشت معايا ف امريكا فتره و رجعت مصر تاني..
ابو احمد ماكانش عايزها ترجع مصر خصوصا اني عايشه ف امريكا ف هي كده هتعيش لوحدها و مش هتعرف تتحمل مسؤليه احمد الصغير..
بس هي كانت حابه شغلها اووي ف رجعت مصر و سابت احمد معانا هناك و انا بجبهولها كل سنه شهر بيكون معاها هنا ف مصر.. و هي لو قدرت تيجي امريكا بتيجي..
هي بتشتغل ظابط مش فاكره ف اداره ايه..
يوسف: مكافحه الارهاب؟
نغم: اها بالظبط كده
يوسف: امممم طب هي ليه جت لندن؟
نغم: علشان العمليه
يوسف: هي ليه عملت العمليه اساسا؟
-------
وحشتكو وقفاتي صح؟ 😆😆😆😆
تفتكرو ليه همس عملت العمليه؟
ايه حكايه نغم؟؟؟
مروان ايه هيكون دوره ف الروايه بعد كده؟
-------
البارت قصير لان دي البدايه بس..
اتمني البارت يعجبكو و عايزه تفاعل زي الجزء الاول...
اول مفاجاه في ناس اتوقعوها و كانت صح..👏👏
بس تابعو باقي الروايه علشان تعرفو باقي المفاجات..
شجعوني بقي علشان اكمل..
سلامو عليكو✋✋
-----