(بعد النهاية||)After the end

Chp.40

سما بصدمه: حسام!!!

حسام بابتسامه خبيثه: مفاجاه صح؟ ايه ما وحشتكيش

(بصت له بخوف و رجعت ورا خطوه لما هو بدا يقرب منها)

سما: انت ايه اللي جابك هنا؟ و ازاي دخلت اصلا

حسام: مفيش حاجه تصعب عليا يا سيمو..

(قرب منها اكتر ف هي لفت بسرعه و جريت بره الاوضه..

كانت هاتخرج من البيت كله بس فجاه لقت شهاب واقف قدامها)

سما بصدمه اكبر: دكتور شهاب؟

حسام: ايوه شهاب..

(حاولت تهرب بس شهاب مسكها جامد و منعها من الهروب و حط منديل علي وشها و هي بتضربه بعشوائيه علشان يبعد عنها..

لكن بعد ثواني المخدر اللي ف المنديل مفعوله اشتغل)

حسام: انا هاخودها بسرعه علي العربيه.. و انت شوف البنت اللي جوه دي و تعالي ورايا

شهاب: اوك

(نزل حسام و شهاب دخل لسمر)

سمر: كده انا عملت اللي انتو عايزينه.. هاترجعلي اخويا امته بقي؟ و هامشي من هنا امته؟

شهاب: اخوكي هايرجعلك و هاتمشي من هنا بس مش قبل ما حسام يسافر

سمر: و هو بسلامته بقي هايسافر امته؟

شهاب: قريب.. قريب اوي كمان

المهم دلوقتي انا هاخدرك دلوقتي و لما حمزه يرجع من بره تقوليله ان اتنين هجمو عليكو و خدروكي.. تمام؟؟

سمر: حاضر

----*-*

(فاقت و لقت نفسها نايمه علي سرير ف مكان غريب..

قامت من علي السرير و هي دايخه و بصعوبه وصلت للباب

حاولت تفتحه بس كان مقفول من بره)

سما بصوت عالي: افتحولي الباب.. يا اللي هنا حد يفتحلي

----*-*

(حمزه رجع البيت بعد ما راح ل سما المكتب و عرف انها روحت بدري..

دخل البيت و استغرب جدا من ان الباب كان مفتوح)

حمزه: سما.. يا سما

(مفيش رد..

دخل اوضه النوم و مالقاش فيها حد..

راح المطبخ و شاف سمر مغم عليها علي الارض.. رجع بسرعه علي اوضه النوم اخد علبه برفان و بعدها رجع تاني علي المطبخ..

قعد علي الارض رش شويه برفات علي ايده و قربهم من وشها)

حمزه: سمر فوقي.. يا سمر

سمر: امم انا فين؟

حمزه: انتي هنا ف البيت.. ايه اللي حصل؟ و فين سما؟