Sinamaan ko si Cone ng tingin. Masama ang kutob ko sa sinabi niyang i need your help. Hindi ko siya pinansin at umalis sa harap niya at nagsimula na kong maglakad papunta sa kwarto ko.
"Pam!" tuluy tuloy lang ako sa paglalakad hanggang sa makarating nako sa kwarto ko at mabilis kong nilock ang pinto. "Pam!"
Pumasok ako sa banyo at nagshower. Nawala sa pandinig ko ang pagkatok ni Cone. Sinulit ko na lang ang pagsashower, ayoko nang mastress, nakakapagod, masakit sa ulo. Tss.
Lumabas ako ng banyo ng nakatapis lang at mabilis nagbihis ng pantulog. Nagsusuklay ako ng buhok ng biglang bumukas ang pinto ng kwarto ko. Kingina.
"Paanong--" hindi ko natapos ang sasabihin ko nang biglang inangat ni Cone ang susi sa mukha ko.
"I asked Papa" nagngiting aso pa siya saka sumandal sa gilid ng pinto.
"Do you know the word privacy?" sinamaan ko siya ng tingin. Pero sa halip na sagutin ako, tumingin siya sa relo niya saka ako pinagmasdan mulo ulo hanggang paa.
"Matutulog ka na?" nagtatakang tanong niya.
Hindi ko siya sinagot at nagpatuloy lang sa pagsusuklay.
"It's only 5:45 pm Kikay" sabi pa nito.
Hindi ko pa rin siya pinansin. Lumapit siya sa kinauupuan ko at hinawakan ang magkabilang balikat ko habang nakatingin sa repleksyon ko sa salamin.
"Pam.." seryoso siyang nakatingin sakin. "Help me, please?"
Tumigil ako sa pagsusuklay at tinitigan siya. Ngayon ko lang nakita ang mokong na to na ganito kaseryoso.
**
"What the f*ck?!" sigaw ko nang mabilis na pinasok ni Cone ang batang nakita ko kanina.
"I'll be back. Saglit lang ako, promise! Thanks Kikay!" sabi nito at mabilis na sinarado ang pinto.
WTF. Ugh!
Tumingin ako sa bata na ngayon ay prenteng nakaupo sa kama ko.
"Hoy, bata" tawag ko.
Tumingin siya sakin at ngumuso. Ang kyut! Bakit ang kukyut ng mga bata pag ngumunguso? Kapag matanda ang gumagawa nakakasuka? Tsk.
"Anong pangalan mo?" tanong ko.
"Troy" sagot niya.
"Ilang taon ka na?"
"Four" tumingin siya sa tv at tinuro ito.
"Gusto mong manood?"
Tumango siya. Binuksan ko ang tv at nilipat sa Cartoons.
"No!" sigaw ni Troy.
Nagtataka ko siyang nilingon at nakasimangot na naman siya at nakanguso.
Tinuro niya ang tv "No! No! No!"
What the? Hindi ko siya maintindihan!
"Anong ibig mong sabihin? Ayaw mong manood?" kunot noong tanong ko.
"I want! But that! No!" Kinakaway pa niya ang dalawang kamay niya at sinasabing ayaw niya.
Tinignan ko muna siya at ang tv, bago ko naisipan na ilipat sa ibang channel. Nilipat ko sa disney pero mas lalong dumami ang no niya! Kingina.
Nilipat ko ng nilipat hanggang sa mapunta sa National geography at bigla siyang sumigaw ng "Stop!"
Tinitigan ko ang tv. Sawa na nanghahunting ng daga ang palabas. Yuck. Tinignan ko si Troy, tutok na tutok siya sa tv. Ang weird. Meron pa lang batang ayaw sa cartoons? Sabagay, hindi na dapat ako nagtataka dahil abnormal ang kuya niya. Tsk! Pesteng apa yan! Gawin ba kong babysitter? Kingina. Pasalamat siya mukhang kuntento na ang bubwit na to sa panood ng tv.
Umupo ako sa tabi niya at sumandal sa headboard. Tumingin siya sakin at ginaya ang pwesto ko at sumandal din. Tahimik lang kaming nanood hanggang sa hilahin niya ang laylayan ng damit ko.
"Bakit?" tanong ko.
"Im hungry" sabi niya at ngumuso na naman.
"Anong gusto mo?" tanong ko.
Parang biglang nagliwanag ang mukha niya nang ngumiti siya. Lalong umumbok ang pisngi niya at kitang kita ang maliliit na ngipin, may hinala ako na ganitong ganito rin ang itsura ni Cone nung bata pa siya. Ang kyut kyut ni Troy, sana lang hindi niya maging katulad ang kuya niya paglaki niya. Tsk.
"I want egg!" excited na sigaw niya.
Niyaya ko siya sa kusina para ipagprito siya ng itlog ang kaso, wala na pala kaming stock ng itlog.
Tumingin ako kay Troy "Troy, do you want sandwich?"
Umiling siya. "No. I want egg!"
"Wala na kasing egg" binuksan ko ang ref at pinakita sa kanya ang laman.
"I want egg" sumimangot na naman siya at ngumuso.
"Next time na lang. Kung gusto mo lahat pa ng klase ng luto sa itlog" sabi ko.
Tinignan niya ko. Gusto kong matunaw sa tingin niya, hindi ko maipaliwanag pero sobrang cute niya sa paningin ko at hindi ko na napigilan na pisilin ang pisngi niya.
"Ouch!" napabitaw naman agad ako. "What's that?" tinuro niya yung cheescake ko na nasa ref.
Off limit ang cheesecake!
Umiling ako "Display. Hindi nakakain"
"Cake?"
"No! Display nga lang"
Ang bilis ng kamay ni Troy at bigla niyang dinutdot ng daliri niya ang gilid ng cheesecake ko saka ito sinubo. "Sarap! More!" idudutdot na naman sana niya ang daliri niya sa cheesecake ko, buti na lang napigilan ko. Kingina, hinding hindi ko ibibigay tong nag-iisang slice na to kahit maglupasay pa siya sa sahig.
"Bawal yun sa bata" poker faced na sabi ko at sinara ko na yung ref.
"I want! I want! I want!" paulit ulit niyang sinabi at nakakarindi na.
"No"
"Im hungry" ngumuso siya at hinawakan ang tyan niya.
"Igagawa kita ng sandwich"
Umiling siya at tumingala sakin. Nakita ko ang mga mata niya na malapit ng umiyak. "I want that.. please ate" sabi niya.
May kakaiba akong naramdaman nung narinig ko yung huling sinabi niya. Ate. Isa sa pangarap ko ang magkaroon ng kapatid, at tawagin na ate. Ganito pala ang pakiramdam.
"Ate Pam" hinila ni Troy ang laylayan ng tshirt ko.
Binuksan ko ang ref at kinuha ang cheesecake. Inupo ko si Troy sa upuan at tinabihan siya. Susubuan ko sana siya pero tumanggi siya kaya hinayaan ko na lang. Marunong naman at hindi ganon kakalat kumain katulad ng napapanood ko sa tv na mga bata. Alam na niya ang gamit ng tissue!
Nalibang akong manood sa kanya at hindi ko inasahan nung bigla niyang itapat sakin ang kutsara. "Eat"
Napangiti ako. Sinubuan niya ko hanggang sa maubos namin ang last piece ng cheesecake ko. Bumalik kami sa kwarto at nanood ng horror. Sabi niya hindi daw siya duwag pero natawa na lang ako nung bigla niya kong niyakap at hindi na tumingin sa tv, hanggang sa makatulog na siya sa balikat ko.
Hindi ko masasabi na mahilig ako sa bata dahil sa totoo lang, ngayon lang ako nakipaginteract sa ganito kabata. Wala naman kasi akong kapatid at mga pamangkin. Nakakatuwa pala mag-alaga.
Hiniga ko siya sa kama ko at kinumutan, nahiga ako sa tabi niya at pinanood ko siyang matulog. Ang kyut niya talaga. Parang angel na natutulog.
Hindi ko na namalayan na nakatulog ako at paggising ko, wala na si Troy sa tabi ko. Masyado na kong inaantok para bumangon kaya natulog na lang ulit ako. Nagising ako dahil pakiramdam ko lumilindol at umuuga ang kama ko.
Kingina.
"Stop now Troy, she's already awake" napalingon ako kay Cone na nakasandal sa gilid ng pinto.
"Ate Pam!" Babatuhin ko na sana ng unan si Cone pero napigilan dahil bigla akong niyakap ni Troy.
"Bakit nandito ka?" tanong ko kay Troy.
Nginitian niya ko, yung ngiti na nawawala na yung mata kaya napangiti na din ako dahil nakakahawa.
"We're going home" sabi niya. "Pam" hinawakan niya ang magkabilang pisngi ko at hinalikan ako sa labi! Tungunu ano to?!
"Troy!" kinuha siya ni Cone at nilayo sakin.
Tinitigan ko si Troy nang nanlalaki ang mga mata pero nginitian niya lang ako ng matamis.
"Bye Pam!" sabi niya habang kumakaway.
"Anong Pam? Ate Pam, respect her Troy" saway ni Cone.
"I kissed her, she's my girlfriend now!"
What the?
Tumingin sakin si Cone at tumawa. "So, first boyfriend mo ang kapatid ko?"
"Lumayas kayo sa harap ko" sabi ko.
Bakit pag si Cone ang nagsasalita nakakabadtrip samantalang ang kapatid niya kahit anong sabihin ang kyut pa rin. Kahit nga sigurong sabihin niyang magpasakal kami, hindi ako magagalit. Tsk.
"Let's go Troy. That girl eats flesh when her sleep got interrupted. We should hurry!"
Mabilis silang nawala sa paningin ko. Letseng apa yan, ginawa pa kong Cannibal. Kingina.
Babalik na sana ako sa pagtulog, papikit na ko ng may mahagip ang mata ko sa sahig. Bumangon ako at pinulot ko, at nasapo ko ang sintido ko. Ang walang kamatayang panda na naman. Letse. Naupo ako sa gilid ng kama at binasa ang note na nakasingit sa katawan ng panda.
Nice to meet you. Thank you! See you soon girlfriend.
- Troy
Sa itsura ng sulat alam kong si Troy ang nagsulat nito. Napailing na lang ako, girlfriend? Kinginang yan.