-
سلام جميليني ..
اعتذر عن التأخير في تنزيل هالبارت كان فيه شوي تعديلات
لذا تأخرت في تنزيله ..
الرواية باقي لها ثلاث بارتات و تنتهي و للحين أفكر أمدد شوي
أو بس لين البارت الاخير اللي كتبته ..
هالرواية نفس رواياتي الباقي م أحب أزيد اشياء مالها داعي
و تفقد الرواية نكهتها بالتمطيط لذا شكراً لتفهمكم ..
تراه أسبوع إجازة لذا يمكن اتأخر في تنزيل البارتات : (
قراءة ممتعة : )
-
كيف ترف عينان ، تراك ولا تكاد تصدق أنها تراك .
بوح
-
جاد دخل عليهم و دموعه في عيونه مهما حاول يمسحهم تنزل
سادن قرب منه : شفيك ؟ كنت مع عمي صح !
جاد حضن سادن على طول : اعتررررفت له اني احببببه ..
سادن : جد !! ليش تصيح طيب حبيبي ؟
جاد بعد شوي عن سادن : قال لي .. انه بعد يحبني ..
وسام شهق : والله !! ليش الصياح طيب ؟
جاد وهو يمسح دموعه : أول مرة أحب أحد كذا و ... بعد
يصير يحبني بمووت من الفرح ..
سادن : قايل لك أنا عمي له رومانسيات طاغيه ههههههه بس
جد أنت أول واحد يقول لي أنك غير و يوصل انه يعترف ..
وسام قرص خد جاد : و ايه صار شي ثاني و إلا ؟
جاد انحرج و هز رأسه : ايه ..
سادن : بووووسة !!
وسام : صوتك فضحتنا ههههههههههه
جاد أحمّر وجهه : ايوه بوسة ااااخ لو لا حامد م طلع و ينادي
أن البوابة بتتقفل كان ضليت اطول شوي ..
سادن : ي حظكم ..
وسام : الليلة سهرة أجل ع الجوال سوالف معاه ..
جاد : ذكررتني برسل لظلي .
سادن : ترسل له ايش ؟ انك وعمي حبايب الحين !
جاد : لا وش هالغباء رفض اني اقدم ع المنحة بس انا قدمت..
وسام : م راح يتضايق ؟
جاد : انا قررت هالشي و لازم يحترم قراري ذا ..
دق باب غرفتهم و راح وسام يفتح ..
حامد وهو يمد الظرف : و هذي آخر مرة يا جاد تهمل أغراضك
شيك ع البريد حقك ..
جاد تحرك و اخذ الظرف : شكراً تعبتك معاي ..
طلع حامد و فتح جاد الظرف : هذا من نضال ..
شاف في الظرف شيك و فتحه كان عبارة عن ٢٥٠٠٠ ريال ..
جاد قبضه قلبه و فتح الرسالة ..
نضال : جاد .. شخبارك ي ولدي ؟ لي زمان م سمعت صوتك
هالمبلغ من غيم ، تراه زعلان منك و من تقديمك ع المنحة ،
المدرسة أرسلت رسالة لغيم تفيد أنك مقدم على منحة ، لذا
عطاك هذا المبلغ ويقول انه مستعد يعطيك أكثر بس ركز
على دراستك و راح يكمل وعده انه يكمل معاك لين تتخرج ،
اتمنى انك م تضايقه بهالشي من جديد ..
وسام ضل يطالع في ملامح جاد اللي تغيرت وباين انه انقهر
تحرك عنهم ودخل غرفته و رمى الرسالة بالشيك و بدا يصيح
مهما حاول يعيش ك إنسان متحرر م راح يخليه لازم يذكره
انه لسه مقيد بهالشي و انه يقدر يعطيه فلوس بالألف بدون
م يتأثر ..
في وسط دموعه وصلته رسالة من منذر فتحها و ابتسم .
منذر : نمت ؟
جاد رد عليه بسرعه : لا ..
منذر : شلون قدرت اتركك و أمشي ، كان عاجبني نظام
مدرستكم و الحين لا ..
جاد : شفيك ..
منذر : مو مستوعب أني أحبك .
جاد : شنو ؟
منذر : هههههههه لا تفهمني غلط ، اني احب واحد كبر
سادن و بنفس رقتك و طموحك و ابتسامتك و يبادلني هالحب
أنا المفروض أطير من الفرح .
جاد انسدح على سريره : و أنا بعد ... من اول يوم أعجبت فيك
بس قلت لااا هذا الانسان بعيد عنك مرة لا تجرفك مشاعرك
و تحبه راح تتألم .
منذر : م راح أخليك تتألم أبد و انت عندي وأنت .. لي .
جاد دق قلبه بقوة ودفن نفسه في البطانيه و زاد إضاءة
الشاشة ع شان يقرأ ..
منذر م شاف رد من جاد وكتب له : في الويكند .. بآخذك
طول اليومين نتمشى ..
جاد : اليومين ؟
منذر : بآخذك من الصباح و م راح أرجعك غير بالليل .
جاد ابتسم : و الدراسة .. لازم أذاكر ..
منذر : ذاكر و انا جنبك ..
جاد : بتمل ..
منذر : م راح امل و انا اطالع عيونك ..
جاد بعد البطانية عنه ع شان يتنفس : بنتظرك ..
منذر : أحبك ..
جاد : أحبببك .
منذر : يلا ي قلبي كان يوم طويل عليك و اكيد تعبان رح
نام ..
جاد طاحت عينه ع الشيك : متضايق..
منذر : مني !
جاد : لا من غيم ..
منذر : ليش شسوا لك ؟
جاد : رفض تقديمي للمنحة و عطاني شيك بعد يتوقع
اني مقدمها ع شان الفلوس.
منذر : م يحق له يسوي كذا ، طيب كلمه أنت و فسر له
وجهة نظرك ..
جاد : م راح يقتنع .. و ضايقه فيني مرة ..
منذر : بسم الله عليك ي روح منذر .
جاد : سولف معاي شوي ..
منذر : طيب يا قلبي نسولف ..
-
يومين مروا و حط الملابس قدامهم ..
وسام : شرايكم ؟
جاد : تهبببل بيخق عليك سليمان اكثر من خقته ..
وسام : أول موعد حقيقي بينا قلبي من الحين يرجف ..
جاد : ي قلبي أنت بس الأهم لا تتوتر كثير و تصرف بطبيعتك.
وسام : إذا قال بينحرف لااا مقدر .
جاد : هههههههههههه انت بس تربش نفسك بتخليه يذوب
و يهجم عليك ..
وسام : يوووه جاد يترقعها الحين ..
جاد فتح صورة و حطها قدام وسام : شف منذر يقول لي
اي جاكيت انسب عليه الاسود او الرمادي ..
وسام عدل نظارته وطالع : ما شاء الله كأنه اجنبي يلوق عليه
اي شي ..
جاد التفت لسادن : شفيك ساكت ؟
سادن ابتسم : مو ساكت .. وسام ألبس نظارتك الثانية لما
تروح معاه بتطلع تفتن ..
وسام : جد ؟ بس هذي جديدة توقعتها احلى ..
سادن : لا ذيك احلى ..
وسام : اوك .
سادن لجاد : بعد الغداء .. بقول لك شي .
جاد : شنو ؟
سادن : لما نتغدى يكون احسن ..
جاد : اوك ..
وهم يتغدون كانت سوالف جاد ووسام محورها ( سليمان و
منذر ) و بعدها ضلوا يتمشون بالحديقة برى ..
وسام : شرايك نروح المكتبة نشوف نماذج الاختبارات ؟
جاد : ايه ع شان يسهل علينا ..
وسام : يمدينا ساعة قبل الحصة ..
جاد التفت لسادن كأنه تذكر : قلت بتقول لي شي.
سادن : ل.. لا كان عن الاختبار بس يلا نروح المكتبة ..
جاد : يلا ..
-
يوم الخميس بالليل .
وسام : يمكن يآخذك فندق ..
جاد : ههههههههه لا م اتوقع ابد تونا اصلاً ..
وسام : اتخيل سليمان يوقف عند الفندق بتهاوش معاه .
جاد : خوفتي تأيده هههههههه
سادن وقف : يلا تصبحون على خير ..
جاد : لسه بدري ع النوم ..
سادن : رأسي مصدع شوي ..
جاد : طيب سلامتك تغطى زين .
دخل سادن الغرفه وكتب شي ع ورقة ونام ، في صباح اليوم
الثاني كانت غرفتهم تدق بقوة و انتفض وسام و قام لبس
نظارته و فتح الباب الخارجي : شنو ؟
كان واقف و يطالع فيه : وين سادن ؟
جاد اللي طلع هو الثاني قرب منه : سادن مو نايم ؟
وسام : لما قمت افتح الباب م كان في الغرفه ..
جاد : اسف بس مين انت ؟
طالع فيهم : انا ابوه ..
وسام اختبص : أ .. آسف انا وسام صديق سادن ..
جاد : وأنا جاد ..
أبو سادن : المهم وينه سادن ؟
وسام : دامه مو في الغرفة يمكن يفطر في الكافتيريا ..
أبو سادن : طيب بروح اشوف ..
طلع من جنبهم هو و حامد و وسام شاف الساعه وشهق..
وسام : الساعة تسع ونص قال لي سليمان بيجي ١٠ .
جاد : منذر بعد قال لي ١٠ بيجي يلا نلبس بسرعه ..
دخل وسام يلبس و لفت نظره الورقة اللي معلقه على دولاب
سادن سحبها و قرأها و انصدم وفتح الغرفه على جاد ..
وسام : جاااد اقرأ ..
جاد اخذها و انصدم هو الثاني .
سادن : أنا آسف مهما حاولت اقول لكم احس بكتمه تمنعني
أبوي كلمني قبل فترة أنه حدد مستقبلي خلاص ، راح
يزوجني أول م اطلع من الثانويه ببنت صديقة وهو مثله
ملياردير و راح يخلونا نكمل دراسة بالخارج سوا و هذا اللي
يصير بأغلب الناس في مجتمعنا ، هالاسبوع المفروض
التقديم الرسمي لنا و من بعده خلاص مقدر أتراجع ،
أنا مقدر أواجههم بالرفض و قلبي متعلق بشاهر ،
وبنفس الوقت شاهر م عنده اي مشاعر لي و ما اتوقع
اني برتبط بحب مع احد غيره لذا كنت محتار ، آسف
ع الإزعاج اللي بسببه لكم بس احتاج فترة نقاهة بروحي ..
وسام : شفت ، وين كنّا عنه وهو متضايق كذاا ؟
جاد : كان بيقول لي بس انا لاهي بمنذر و لا حسيت بألمه..
وسام : و انا بعد .. لازم نشوفه قبل م يروح اي مكان
و يعصب أبوه ..
بدلوا ملابسهم وبالمناوبة كل واحد يتصل عليه على أمل
أنه يرد ..
قرب من الكافيه و أخذ نفس في الويكند يفتحون ١٠ بس هو
خلا المدير يفتحه ع شان سادن اللي قال انه واقف برى ،
فتح الباب و م فيه إلا سادن جالس على وحدة من الطاولات
و كانت جنبه شنطة ع الظهر شوي كبيره ..
شاهر : صباح الخير ..
سادن : صباح النور ..
شاهر : سوري تأخرت شوي عليك ..
سادن : لا عادي ..
شاهر اتجه لآلة القهوة : اي قهوة ؟
سادن : اي شي ..
شاهر بدأ يسويها و خلصها و سادن م نطق بشي مد له الكوب
و اخذه سادن ..
شاهر جلس قباله : تكلم اسمعك .
سادن : عندي بكرة لقاء رسمي بين أهلي وبين أهل بنت
راح يخطبونا لبعض ، صح صغير بس ع شان نتزوج و ندرس
سوا بالخارج كذا النظام ..
شاهر : بتخطب ؟
سادن تشجع و رفع عيونه يطالع في شاهر : ايه .. اهلي
خططوا لهالشي ..
شاهر م رفع عيونه عن سادن اللي سوا بالمثل وعنده امل
بالكلمة اللي بيقولها شاهر ، ارفضهم لا تخطب أنت لي
بس شاهر نسف كل شي .
شاهر ابتسم : مبرروووك مقدماً ..
سادن قبض على يده و تصنع ابتسامة : يبارك بعمرك..
شاهر : هه ربي يسعدك .
سادن وقف و لبس شنطته : يلا مع السلامة ..
طلع سادن و شاهر م تحرك .. رفع الكوب اللي كان مليان قهوة
و طاح من بين يدينه و انكسر مسح على وجهه و قلبه يدق
بقوة لين رن جواله .
جاد : شاهر .. سادن جا لك ؟ كلمك ؟
شاهر : جاد اكلمك بعدين ..
جاد استغرب و حاول يتكلم بس شاهر سكر الخط ..
طلع شاهر بسرعه و م شاف سادن ركض للشارع الثاني
و بعد م شافه اتصل عليه وكان جوال مقفل لذا سكر
الكافيه و ركب سيارته يدور عنه .
أبو سادن وهو معصب عليهم : الحين قولوا لي وينه .
وسام : يمكن .. يمكن راح كافيه يفطر ..
ابو سادن : وينه ذا الكافيه ؟
جاد : نرسل موقعه ؟
أبو سادن : لا ركبوا معاي انت وياه و نروح له ..
جاد : آسف عندي شغله ..
وسام همس لجاد : بتروح مع منذر بهالوضع ؟
جاد : لاا كلمني سواق سادن و قال لي انهم في طريقهم
للمطار و ان سادن موصيه م يرد على ابوه بلحق عليه.
وسام : اي مطار ؟ وين بيسافر ؟
جاد : انت ضيع ابوه و انا بلحق عليه ..
طلع أبو سادن ووسام و فتح السواق الباب بنزلت سليمان
من سيارته ..
سليمان : وسام ..
وسام طالع فيه : آسف سليمان انتظرني شوي و راجع .
سليمان م علق عليه توقعه موضوع مهم لذا سند على
سيارته ينتظره ..
ضل وسام يضيع في سواق ابو سادن أما جاد راح المطار
و أرسل رسالة لشاهر يروح المطار بعد ..
وصل جاد المطار وشافه واقف بشنطته ركض له و سحبه..
جاد : وووين بتروح ؟
سادن بعد يدين جاد عنه : م ااابي اضل هناا .
جاد : ابوك يدور عنك في كل مكان .
سادن : برجع له بكرة بس الحين ابي اضل بروحي ..
جاد قرب من سادن وضم وجهه : اسف سادن يوم احتجت
لي م لقيتني جنبك .
سادن و دمعته في عينه : خ.. خلاص انتهى كل شي ..
جاد : شنو اللي انتهى ؟ تقدر تقولها بثقة لأبوك و لاهلها بعد
أنا ارفض هالزواج ليش تقحم نفسك بهالشي .
سادن وهو يسمع النداء لطيارته : ببات الليلة بجدة و برجع
لأهلي بكره .. مع السلامة ..
شاهر من وراه : من قال اني بخليك تسافر ؟
سادن انتفض و التفت له : شاهر ..
شاهر وهو يكمل كلامه سحب سادن قريب منه : و من
قال اني بخليك تكون لغيري ؟
سادن نزلت دمعته : انت قلت لي مبروك .
شاهر : لأني غبي غببي و بعد ثواني اكتشفت اني ضيعتك
سادن لا يمكن اخلي قلبك اللي يدق لي يدق لغيري .
سادن نط في حضن شاهر : م .. م راااح يدق لغيرك أحبك
أحبك ..
جاد دمعت عينه هو الثاني و بعد عن هالأثنين .
شاهر وهو يدفن سادن أكثر في حضنه : خلك شجاع الحين
و قل لأبوك أنا م ابي هالزواج لو تحتاج مساعدتي انا عندك..
سادن و قلبه يدق بقوة : بشنو بتساعدني ؟
شاهر بعد شوي سادن عنه ومسح دمعته : اقول لابوك
أنا أحبه و أبيه لي بدلعه و زعله و غيرته و ضحكته و غروره..
سادن : أحبه .. أنت تحبني !!
شاهر : إذا م أحبك تتوقعني بعدي هالعدد من الإشارات
الحمراء ؟ او اني بس أسكر باب الكافيه بدون م أقفله ؟
سادن : بقول لأبوي بكنسل كل هالشي ..
شاهر ضم وجه سادن ولصقه فيه : آسف اني م لاحظتك
من زمان ، و اني كسرت قلبك و زعلتك و نزلت دموعك ..
سادن هز رأسه : م اعاتبك على وقت راح و انتهى ..
شاهر باس جبهة سادن طول شوي و بعد فمه ..
أبو سادن ضل يصارخ في السيارة لين وصل المدرسة من
جديد ..
أبو سادن لوسام : قل لسادن هالمرة بعديها له بس المرة
الثانية لا ..
وسام وهو يفتح باب السيارة : طيب ..
طلع وسام و شاف سيارة سليمان جنبها سيارة منذر و الاثنين
قبال سيارتهم واقفين يسولفون و حامد معاهم مع القهوة ..
وسام سلم على منذر ..
سليمان : يلا نمشي ؟
وسام وهو يشوف ملابسه : لاا ببدل ملابسي وبجيك ..
سليمان مسك يد وسام : م يحتاج ..
وسام همس له : يحتاج كنت مجهز ملابس من امس بس
شي خلاني البس بسرعه و اطلع ..
سليمان : م يهمني م راح اضيع دقيقة زيادة يلا للسيارة..
ركبوا السيارة و رجع جاد بنفس السيارة مع سادن و شاهر .
منذر لسادن : أخوي اتصل عليّ عطاني محاضرة بأني
أفسدتك و بتدخل الثلاثين مثلي بدون زواج ..
سادن وعينه على سيارة شاهر اللي بدت تبعد : عادي
بس المهم انه اقتنع ..
منذر وهو يطالع في جاد : و لا رسالة أو نص مكالمة ؟
جاد انحرج : آسف ..
منذر : نمشي الحين ؟
جاد : محفظتي في الغرفة و بغير ملابسي بضل اليوم كله
معاك ..
منذر : بعطيك ١٠ دقايق بس ..
ركض جاد الغرفة وغير ملابسه ع السريع و سادن مستند
ع الباب ..
سادن : يوم رومانسي انت وياه .
جاد : رح الكافيه لشاهر ..
سادن : م نمت زين البارحه لذا تعبان الف و حصلت على
اعتراف لطيف بعد بنام لين اشبع ..
جاد ابتسم له و طلع راح لمنذر و ركب السيارة ..
منذر ميل وجهه على طول وباس خد جاد : راح الصباح
كله ..
جاد انحرج : آسف ..
منذر : هههههههههه و لا يهمك ..
-
-
وسام كان يآكل ببطء شديد و ينتبه لكل شي يسويه .
سليمان كتف يدينه : الحين مآخذك مطعم و حاجز لك غرفة
محد يشوفك ع شان تآخذ راحتك ..
وسام رفع عيونه لسليمان : أنت جنبي .
سليمان : لا والله ؟ و أنا مو مريح لك ؟
وسام : م قلت كذا ..
سليمان قام من كرسيه اللي قبال وسام وجلس جنبه ..
سليمان : خلاص م راح التفت لك لذا كل يلا ..
وسام حس انه سخيف باللي قاعد يسويه لذا مد الملعقة
لسليمان : كل .
سليمان : بتآكلني بنفسك ؟
وسام لف الملعقة له : خلاص بآكلها أنا ..
سليمان حط يده ورى وسام وقرب فمه و اكل اللقمة اللي
فيها ..
وسام دق قلبه توه بيبعد بس سليمان شد عليه اكثر ..
وسام : م .. م راح ترتاح بأكلك كذا ..
سليمان رفع وسام وجلسه في حضنه قدامه : كذا برتاح ..
وسام : بس..
سليمان وعينه ع رقبة وسام من ورى : بس ايش ؟ ينآكل
الأكل اللي ع الطاولة او بآكل شي ثاني ..
وسام : شنو ؟
سليمان قرب وجهه و عض برقة رقية وسام : هذا ..
وسام أرتعش جسمه و رفع الشوكة : بأكلك بنفسي ..
سليمان ابتسم وحاوط بطن وسام بيدينه الثنتين ..
وسام : شتسوي ..
سليمان و هو يتكلم عند اذن وسام : أحبك ..
وسام : و انا بعد ..
سليمان حرك بلسانه اذن وسام : انت بعد وشو ؟
وسام تخدر من انفاس سليمان : أ..حبك..
سليمان أهرى خد و رقبة وإذن وسام بوسات و بعدها بعد
عنه : يلا نآكل ..
وسام التفت لسليمان : شبعت ..
سليمان بلع ريقه و قرب فمه من شفايف وسام : و انا بعد
شبعت .
وسام قرب اكثر من سليمان : نطلع ؟
سليمان كان يتكلم وهو عند شفايف وسام : خمس دقايق ..
وسام غمض عيونه و سليمان حاوط جسمه و باس شفايفه
ووسام يضغط على قميصه بيدينه وهو مندمج أكثر معاه ..
-
منذر وصل للبيت ووراه جاد ..
منذر : بعرفك على صديق ..
رن الجرس وفتح الباب واحد باين انه من عمر منذر ..
منذر : جاد .. هذا نور و نور هذا جاد اللي قلت لك ..
نور ابتسم : هلا جاد اخيراً شفتك ..
جاد : هلا فيك ..
نور : تفضلوا ..
دخلوا كان البيت كله كلاسيكي و جلسوا في الصالة ..
نور كتف يدينه : منذر غير الكنبة هذي حقتي ..
منذر : محد قالك خل هالكنبة مريحه ههههههه بنتهاوش
قدام جاد ..
نور قرب من منذر وجلس فوقه : لين تتحرك و تقوم ..
منذر : هههههههه تراك خفيف عادي .
جاد قبض على يده ..
منذر : جاد هذا نور عنده فرقة مسرحية و صديق قديم لي
كلمته عنك و عطيته نسخ من قصصك و أعجبته جداً
و حب يتعرف عليك .
جاد : جد ! أعجبتك ؟
نور : ايوه موهبتك جداً مذهلة انصدمت من عمرك ..
منذر وقف ووقف نور وياه : محل الكيك اللي جنبك بروح
اشتري منه كيك ..
نور : ههههههه كنت بشتري لك بس استبخلت ..
منذر قرص خده : عارفك تموت ع الريال ..
جاد : اجي معاك ؟
منذر : لا قريب دقايق و راجع لك ..
طلع منذر و ضلوا جالسين ساكتين وكسر الصمت نور ..
نور : لما قريت قصتك اللي عن الاستقلال بالذات تذكرت
نفسي جداً لذا اعجبتني بشكل كبيييير ..
جاد ابتسم : شلون ذكرتك بنفسك ؟
نور : انا يتيم ..
حاد انتفض : الله يرحمهم ..
نور : مقدر احدد إذا ماتوا او لا لأني م اعرفهم ..
جاد : لق..... آسف ..
نور : هههههههههههه لَقيط قلها عادي كنت من قبل منهار
بس الحين جداً. عادي و اقولها لأي احد ..
جاد قبض على يده : اها..
نور : من يوم تعرفت على منذر وغير فكرتي عن الحياة كلها..
جاد : ايه .. انا بعد منذر غيرني من اول يوم تعرفت عليه ..
نور . انا احبه ..
جاد م فهم الكلمة : و انا بعد ..
نور : جاد ادري انكم على علاقة الحين بس انا أحبه بنفس
الطريقة ..
جاد فتح عيونه بأوسعها : ليش تقول لي كذا ؟؟
نور قرب من جاد : كنّا نمارس بعض الليالي و نضحك اليوم
الثاني مدري هو وش كان شايفني بس اللي اعرفه اني احبه،
و صدمني فيك لما طلعت في حياته ، جاد أنا اكثر
واحد يحتاج منذر في هالحياة م تحتاجه بقدر ح....
منذر قاطعه وهو يحط الأكياس بعيد : نوووور ..
نور قرب من منذر : ليش تقاطعني ؟
منذر وهو يشوف وقفت جاد اللي باين انه متضايق و ينتفض
من الكلام ..
منذر : بنمشي الحين ..
نور مسك منذر : لحظة ..
منذر بعد يده وسحب جاد لبرى و ركبه السيارة ..
جاد : رجعني السكن ..
منذر م نطق شي ووصل للفيلا ..
جاد : ابي السكن ..
منذر طلع من السيارة و سحب جاد لداخل مع انه كان
رافض هالشي ..
جاد : ليش أخذتني له ؟ ع شان تعرفني على حبك القديم ؟
منذر : نور عمره م كان حب بالنسبة لي ..
جاد بعصبية : بس عادي كان تحت في السرير ..
منذر : تغار ؟
جاد : قال انه يحبك و انك غيرته و انك حب حياته و هو ...
وهو يمكن اول انسان تكون عاري... جنبه ..
منذر قرب من جاد وباس خذه : امي اول شخص شافني
عاري في حياتي و م يهمني هو شنو شعوره لي اهم شي
عندي مشاعرك انت و عطيتك مشاعري ..
جاد : ليش نمت معا ؟
منذر : نمت بس كذا .. وربك مو لأني احبه و عرفتك اليوم
عليه بس لأنه صديقي ..
جاد نزل عيونه : يعرفك قبلي و له نصيب منك .. تتوقع
هالشي م راح يخليني اشتعل غيره ؟
منذر ضم جاد لصدره : يا قلب منذر انت آسف و ربك ..
جاد بعد شوي عن منذر : هذا بيتك ؟
منذر : ايه بيتي اللي م خليت نور يدخله ..
جاد : بس لا تتكلم عنه ...
منذر : ههههههههه طيب ..
جاد رجع ضم منذر ودفن نفسه في صدره و جّل تفكيره بنور
كانت عنده الجرأءة و القوة انه يقول لمنذر انه لَقيط و عاش
حياته بصدق معاه ، منذر تقبله و خلاه صديقه بس .. بس
أنا كذبت عليه و للحين مُصِّر على هالشي .. متى بيجي اليوم
اللي يرتاح قلبي فيه و اعترف له مين .. أنا و أني بعد لَقيط ..
-
انتهى البارت