عِناق

البارت ( ٥ )

صباح الخير + المطر : )
قراءة ممتعة ..

ـ

جاد ابتسم : م.. توقعتك .. بتجي هنا .

منذر وهو يدخل : مالي خلق الجمعات الكبيرة و المجاملات و الناس ،

هنا المكان أهدى و بنبسط فيه ..

جاد سكر الباب و دخل منذر يسلم عليهم ..

منذر : حددت زواجك ؟

محسن : للحين م حددنا ..

منذر : الله يتمم لك على خير ..

محسن : آمين عقبالك ..

جاد أنتفض و لا إرادي ألتفت له منذر ضلوا فترة يطالعون في بعض لين

نزل جاد عيونه و بعدها عنه..

جلسوا بعد الغداء يتقهون ووصلت رسالة لجاد قرأها ونط يصارخ ..

الشايب : شفيك؟

جاد بحماس قرب من منذر : قصصتي الأولى راح تنزل في المجلة

قبلووها ..

منذر أخذ جوال جاد و قرأ الرسالة : مبرووك قلت لك راح تطلع بشي

جميل ..

جاد : قالوا لي إذا لاقت قصتي إعجابات كثيرة راح يحطون لي زاوية

أسبوعية في المجلة ..

الشايب : ما شاء الله ربي يوفقك ي ولدي ..

طلع منذر طول وقت العصرو رجع بالليل و شاف جاد جالس

يطقطق بجواله برى ..

منذر جلس جنبه : شتسوي ؟

جاد : أكلم وسام وسادن ..

منذر : عن ايش كانت قصتك؟

جاد طفى جواله و ألتفت لمنذر : كانت عن واحد يبي يستقل في حياته ..

منذر : حلو .. و نهايتها ؟ أستقل ؟

جاد : ايه و عاش حياة سعيدة بدون قيود ..

منذر قرب أكثر من جاد : و أنت ؟

جاد أنحرج : أنا ووش ؟

منذر : تبي تستقل في حياتك ؟

جاد هز رأسه : أيييه أحس بقيود أبي أعتمد على نفسي أكثر ..

منذر : متضايق منه ؟

جاد تذكر أنه من قبل قال لمنذر عن غيم بس قال له أنه واحد من أقاربه

الكبار في السن ..

جاد : ايه محتكرني مرة .. و صراحة قررت ما أكلمه هالإجازة كلها..

منذر : ليش ؟

جاد بإنفعال شوي : كنت أنتظر هالإجازة من وقت طويل كان المفروض

أكون مع وسام وسادن في بيت وسام أخوه هناك بعد بس رفض أني

أروح هناك .

منذر : يمكن رفض أنه خايف عليك هناك و المكان بعيد ..

جاد : لاا هو عنده حب سيطرة و يفرض رأيه لي على أنه أمر.

منذر رفع يده وحرك شعر جاد :طيب روق لو أنك رايح هناك كان

مليت بروحي هنا ..

جاد دق قلبه و ضل يطالع في منذر إللي ابتسم له ..

منذر نزل يده من شعر جاد لرقبته و همس له : مو عاجبتك إجازتك

معاي ؟

جاد أحمّر وجهه و تكلم بإرتباك : إلا.. عاجبتني ..

منذر بعد يده بسرعة عن جاد لما أنفتح باب البيت ..

محسن : العشاء جاهز ..

دخلوا يتعشون ..

ــ

في مكان ثاني كان توه واصل البيت و ابتسم لهم وسلم عليهم ..

سادن بهمس : هذا هو سليمان ؟

وسام بنفس الهمس : ايوه ..

سادن : أوه مو سيء والله ..

وسام : صوتك.

سادن تحرك لسليمان : أخيراً شفتك سليمان .. وسام كلمني عنك كثير..

وسام دق قلبه و سحب سادن : أ..ت..تعال نجهز للعشاء سادن ..

سليمان ابتسم لوسام إللي فهى شوي و بعدين مشى مع سادن ..

سادن : هههههههههههههه أثنينكم جد نظارات بس واضح أنه متخرفن

عندك حد يحصل له أنت.

وسام قرب من سادن و بصوت خافت : هذا حالي من يصير معانا في

البيت قلبي ينتفض و هو دايم يبتسم ..
سادن : آآخ وربك هذا حالي مع أخوك بعد ..

وسام : أخوي... يالله نجهز العشاء..

سادن وهو يجهز وياه :وحشني جاد ..

وسام : و أنا بعد متضايق مرة ..

سادن : يلا العيد اللي قبله كان يطالع في الجدران الحين راح لناس

يتسلى شوي ..

ـ

في صبح اليوم الثاني وهم يفطرون ..

الشايب : وقت الغداء فيه عزيمة كبيرة لواحد أعرفه جهزوا نفسكم

منذر وأنت جاد و محسن بعد ..

منذر يسلك له : طييب ..

قبل الغداء بشوي سحبه على جنب..

منذر : جهز نفسك بسرعة و خلنا نطلع ..

جاد : نطلع وين ؟ معزومين ..

منذر : أنا جيت هنا ع شان ما أجامل أحد و أروح عزايم يلا

إذا بتجي معاي جهز نفسك..

جاد صعد لغرفته و طلع له شورت أسود و تيشرت رمادي و لبس

كاب أسود أخذ جواله و نزل بدون م ينتبه له أحد ..

محسن وهو مكتف يدينه وهو يشوفهم بيطلعون : تذكروا أني

الوحيد اللي بنزعج من صراخه ..

منذر : ههههههههههههه مشكور والله يعينك..

مسك منذر جاد و مشوا بعيد ..

جاد : وين ؟

منذر : أممم مشوار طويل بآخذك للبحر..

جاد : ليش؟

منذر: أعلمك ع الطراد إللي ما قدرت تتعلمه من شاهر ..

جاد بصدمة : من جدك !

منذر : ههههههههههه ايوه من جدي ..

ضلوا طول الطريق يسولفون بأشياء كثيرة لين وصلوا البحر ..

ــ

سادن وهو كاتم ضحكته وجالس جنب وسام : بمووت يضحك يضضحك..

وسام خزه : بسك م أرضى عليه..

سادن : وصرنا ندافع بعد.

وسام : قال لي الوضع راح يتغير م أشوف شي تغير..

سادن : تجرأ أنت شوي و مع أن أخوك عارف ان صديقه يحبك ب

وسام أنحرج : شنو يحبك !

سادن بنص عين : يحبك أجل وشو ؟

وسام : م قال أنه حب.

سادن : ي ربي وش تسمي ذا ؟

وسام : م..مدري..

سادن : أقول وسام لا تطفش في الولد من يمسكك بديت تنتفض وتبعد..

وسام بهمس : خل يمسكني قبل..

شاهر : يلا جاهزين نطلع؟

سادن قام ووقف جنب شاهر : ايوه ..

شاهر سحب سادن إللي دق قلبه وخلاه قريب منه ..

شاهر بهمس : إذا قال لك سليمان تركب معاه الطراد قل له لا بركب

مع شاهر ..

سادن بلع ريقه : حتى من دون م تقول لي بقول له أني بركب معاك و

تعال ليش م يقول لوسام ؟

شاهر : فجأة قال أنه مو متشجع يصير وياه بوسط البحر..

سادن : اف منهم ..

شاهر : ههههههه يلا نروح..

سادن وهو يطالع في يد شاهر إللي أمتدت له ابتسم ومسك يده و مشوا.

لما لبسوا ستر السلامة ..

سليمان : شرايك سادن تركب معاي وتخلي الأخوين سوا؟

سادن وهو ماسك ذراع شاهر : آسف بس م أبي إلا شاهر..

وسام حقد على سليمان أنه م أختااره و ركبوا شاهر وسادن و أنطلقوا.

سليمان وهو يركب : يلا تعال..

وسام : م أبي..

سليمان رفع حواجبه : ليش؟

وسام : بس كذا ..

سليمان قام منه وقرب من وسام : بس كذا ! ليش جاي ويانا أجل؟

وسام : أطالع في البحر..

سليمان : فيه شي مضايقك ؟

وسام : ايه..

سليمان قرب منه أكثر : وشو؟

وسام : لما يرجع سادن خذه في جولة أنت بعد..

سليمان كتف يده : متضايق أن شاهر أخذ سادن و م أخذك ؟

وسام بصوت عالي : غغغبي.

سليمان وهو يطالع حولينه فيه ناس تمشي قرب من وسام أكثر..

سليمان : ليش ؟

وسام : خلاص م أبي شي رح أركب سو أي شي م أبيك جنبي..

سليمان مسك يد وسام وسحبه للطراد : أركب..

وسام : قلت ل..

سليمان م خلاه يكمّل و جلسه غصب وجلس وراه وحركه على طول..

وسام وهو يستقبل ماي البحر ألتفت بوجهه و كان محاصر بيدين وصدر

سليمان دق قلبه .

وسام : ش..شلون تحركه و أنا قدامك ..

سليمان : من قال أني بعرف أحركه وأنت ورى؟

وسام تمسك بسليمان إللي زاد شوي في السرعة : لا تسرع..

سليمان : وليش ؟

وسام بيتكلم بس نظارته طاحت من سرعة الطراد في وسط البحر..

سليمان وقفه : آسف..

وسام غطى عيونه بيده : مو مشكلة عندي غيرها في البيت..

سليمان : طالع فيني طيب..

وسام بعد يده عنه و طالع فيه ..

سليمان : تشوفني عدّل ؟

وسام هز رأسه : مو حيل..

سليمان بعد يدينه عن الطراد وحطهم عند خصر وسام إللي أنتفض..

وسام : أ..نرجع ؟

سليمان سند رأسه برأس وسام : مو من جدك بتخرب عليّ هاللحظة ؟

وسام وشفايفه ترجف : لحظة وش؟

سليمان رفع يدينه وحرك بأصابعه وجهه وسام ونزل لين تضاربت

أنفاسهم ببعض ..

وسام حط يده على صدر سليمان وبعده عنه ..

سليمان بنفس النظرة : شفيك؟

وسام ولسه يده على صدر سليمان وجسمه ينتفض : أبي أرجع ..

سليمان : طيب أسمعني قبل..

وسام حط يده على أذنه : م أبي أسمععك ..

سليمان بعد يدينه عن وسام و رجع للشاطئ ..

من جهة ثانية كان سادن ورى شاهر في وسط البحر ..

شاهر : بسألك سادن ..

سادن وهو متمسك بشاهين : وش ؟

شاهر : أنت.. و إلا خلاص ..

سادن بعد يدينه شوي : خلاص وشو ؟ شنوو كنت بتقول ؟

شاهر : لا جد مو شي مهم ..

سادن شد أكثر على شاهر : لو كان جاد هنا كان أستمتعنا أكثر.

شاهر : اييه ليته هنا ...

سادن م قدر يقول أي كلمة ثانية لأنه أنقهر و شاهر بالمثل جا بباله جاد

و سرح فيه ..

ــ

في الناحية الثانية بعد ما ركبوا طراد ركبه يخت فخم شوي ..

جاد وهو يطالع في البحر : بقولها لك و يممكن تتفاجأ ..

منذر إللي كان واقف جنب جاد : وش؟

جاد : أول مرة بحياتي أشوف البحر ع الحقيقة ..

منذر : ججد!

جاد وهو يتذكر معاناته في الميتم : ايه .. كنت أحلم أشوفه و أشم ريحته

و كل شي كان يختفي..

منذر : ليش؟

جاد حس بنفسه : أ..م..م كنت عايش في منطقة تطل ع البحر و مشوارها

طويل ..

منذر حط كاميرته على رقبة جاد : فيها كثير من ذكرياتي صور أنت بعد

البحر و صور نفسك بعد فيها ..

جاد مسك الكاميرا : شلون ؟

منذر صار وراه و حاوطه وبدا يعلمه شلون يلتقط صورة ..

منذر : بدخل المطبخ و بطبخ لك ..

جاد : بتطبخ أنت ؟

منذر : ايوه ترى الطبخ واحد من هواياتي ..

جاد ابتسم له و بدأ يصور و نزل منذر للمطبخ و بدأ يطبخ ..

جاد ضل يصور كم لقطة و أنتبه لنورس عند مقدمة اليخت باين أنه عالق

بشي لذا قرب منه يصوره و يساعده بنفس الوقت بس اليخت أهتز فيه

شوي و طاحت الكاميرا بس تعلقت بقطعة قبل ما تطيح في البحر ..

ـ

جاد*

طاحت الكاميرا و طاح قلبي قال لي منذر فيها كثير ذكريات له لذا بسرعة

أخذت نظرة و شفتها متعلقه حاولت أمد يدي و قدرت شوي أوصل لها

بس خوفي أني أطيح خلاني أتراجع و أسحب لي سترة و ألبسها كنت

بقول لمنذر بس خفت يعصب عليّ أني حاولت آخذها لذا رجعت أمسكها

بس مدري شلون أختزل توازني و طحت في البحر ..

مع أني صرخت بقوة أول م وصلت المويه بس شكله صوت المحرك

و يمكن قاعد يسمع شي م شفته بين و لا اللي يحرك اليخت أنتبه لي

م أعرف اسبح حاولت أحرك رجولي شوي بس ع شان أتمسك في الخيت

ع شان م يبعد عني بس ماش م قدرت السترة اللي لبستها أنقذتني

ضليت أصارخ و أنادي بصوت عالي لين حسيت بحرارة على وجهي

دموعي غرقت وجهي و خوفي الأعظم ان اليخت قاعد يبعد ويبعد .

ــ

لما رجعوا الشاطئ شافهم كل واحد جالس في زاوية ..

سادن سحب عمره مع أنه متضايق من كلام شاهر بس ابتسم في وجهه

وسام و جلس جنبه .

سادن : شنو صار ؟ هاه لا تقول لي م صار شي ؟

وسام بإحباط تسند على سادن : صار كل شي تقريباً بس أنا وقفته..

سادن : لييش؟

وسام تمسك بسادن : مدري فجأة حسيت بالضعف والخوف من مدري

سادن وش جاني وقتها .. و أحس أني ضايقته حيل ..

سادن : أكيد ضايقته .. ليش أنت متردد كذا .. م تحبه ؟

وسام برد سريع : إلا أحبه ..

سادن : تحبه و سويت كذا ؟ ترى إذا م صلحت الوضع بيتوقعك صدق

م تحبه و بينفر منك ..

وسام تنهد : شسوي ؟

سادن : مو أنا أقول لك أنت فكر ..

ــ

بعد مرور 45 دقيقة أستغرب أن جاد م بين له أو نزل يساعده و توقع

أنه ألتهى بالصور و الكاميرا بس مع ذلك مسح يده و صعد بس ما شافه

تلفت حولين المكان بس م شافه بعد لذا نزل للجهة الثانية إللي فيها الغرفة

توقعه راح يآخذ له غفوة بعد م شافه لذا بدا يقلق .. فتح الحمام و المخزن

و ركض لغرفة القيادة شاف الكابتن مآخذ غفوة لذا كلمه..

منذر : كابتن.

الكابتن أنتقز على طول : هلا ..

منذر: م شفت جاد ؟

الكابتن : لا م جا هنا ..

منذر ركض لبرى من جديد و فتش كل مكان وهو يصارخ بإسمه بس

أبد م شافه لذا ركض يطالع في البحر من كل جهة لين وصل

لمقدمة اليخت وهو يطالع أنتبه للكاميرا المعلقة .. دق قلبه و صرخ

ع الكابتن يوقف اليخت و طلع له ..

الكابتن وهو يطّل : معقولة طاح !

منذر : مو شايفه أي مكاان ..

الكابتن طالع في الستر : لابس سترة كان..

منذر سحب سترة : بروح أدور عنه ..

الكابتن وهو يمسك يد منذر : لا وين بر هو تدور عنه ؟ برجع باليخت

و عندي ثمان كاميرات مركبة حولينه و تقدر توصل لأمتار لذا خلنا

نراقب الكاميرات و إن شاء الله أنه م غرق ..

منذر بخوف : بسرررعة ..

ــ

جاد*

يمكن لهالسبب م شفت البحر في حياتي ؟ أنه بيكون مكان موتي؟

مع أني لابس السترة و باين أن البحر من تحتي أمان لا سمك و لا شي

بس إحساسي كان أني بغرق و بموت و أنا ألتقط بأنفاسي مويه بدال

الهواء .. أو فجأة بتطلع لي سمكة غرش بتقطع رجليني و بطني

و صدري و رقبتي بعدين بتلتهم وجهي ..

كنت هادي في أول عشر دقايق لين جاتني حالة من الرعب أني أصارخ

و أضرب بالمويه بيديني مرررعب هالشي مررعب لأبعد درجة

أسمه .. أسمه م طاح من لساني ..مننذر ضليت أناديه لين بح صوتي

و حسيت أن أوتاري تمزقت و تطالبني أني أسكت خلاص محد لي

و محد بيسمعني تخالطت دموعي مع موية البحر و بديت أتغذى بالملح

و الإحمرار في عيني هو من الموية أو من دموعي ما أدري و لا أبي

أدري.. اللي بينقذني الحين بهبه عمري كله توقعت ألف سيناريو كيف

راح أموت و أني أغرق م كان بينهم أبد .. من يومي كنت أخاف

المويه و تعلمت السباحة غصب في دورة للميتم أذكر الاستاذ اللي علمني

كيف كان يضربني و يصرخ في وجهي .. الحين بشكره من قلب أنه

صح م علمني كيف أسبح بس ع الأقل أبعد عني الرهاب من المويه

لو أني طايح بالرهاب كان أغمى عليّ و أندفعت لقاع البحر بدون

محد درى عني .. الطفل جاد إللي أنولد كنكرة مات نكرة بعد ..

ـ

كان يطالع الكاميرات كلهم بنفس الوقت و يدينه تنتظف هو و الكابتن

لين بانت لأحد الكااميرات رجول جاد و صرخ منذر..

منذر : هذاااا هوو ..

الكابتن : رجلينه تتحرك للحين بوعيه ..

منذر صعد لفوق و معاه الكابتن اللي قال له ألبس سترة بس م رضى

و نط في البحر وهو يشوف جاد على بعد قصير منهم ..

اليخت بصوته و كبره و أهتزاز المويه تحته م خلته ينتبه كان م يشوف

غير اللون الأزرق و م يسمع غير صدى و أذنينه الثنتين أمتلت مويه

بس صوت شهقاته البسيطة كان يبين يدري أنه يموت ببطء وهالشي

يعذب نفسياً لذا حط يده ع الخيط و فكه و أنتزعت السترة منه و على

طول من دون مقاومة سحبه البحر لتحت ..

منذر إللي كان يسبح في إتجاه أنصدم من اللي سواه و أنصدم أكثر

أنه كان يناديه بس م يسمعه لذا غاص بسرعه لإتجاهه لين وصل له

وسحبه لفوق ضل يصرخ فيه ..

منذر : جاااد جاااااد فتح عيونك جااد تسمعني ؟

الكابتن بصوت عالي : بسسسرعة حركه هناا يلاا..

منذر تحرك لليخت و مسك السلم إللي أسدله الكابتن و صعدوا فوق.

منذر توه بيسوي تنفس اصطناعي بس الكابتن منعة ..

منذر : جنيت ؟

الكابتن : شفه .. يتنفس طبيعي .. باين أنه إغماء م بلع مويه ..

منذر : مبلل ..

الكابتن : رح جففه ..

منذر رفع جاد و دخله الغرفة جفف شعره و بدّل له ملابسه و سدحه فوق

السرير و غطاه ... ضل يحرك شعره و يتأمله و بعدين طلع..

منذر : رجعنا ..

الكابتن : طيب..

تحرك اليخت يرجع للشاطئ ..

منذر كان منهد جسمه من اللي صار شلون كان في لحظة بيفقده وسط

البحر ..

جاد فتح عيونه و غمضهم من جديد يتأكد أنه صح وسط الغرفة مو غافي

في قلب البحر .. رجع فتحهم و نزلت دموعه معاهم لحقوا عليه و

أنقذوه بعد البطانية عنه بس رجوله ترجف بقوة طالع في يدينه كانت

تنتفض بعد و بدا يعلى صوت صياحه لين وصل لمنذر اللي كان

بعيد شوي عن الغرفة لذا ركض و دخلها ..

جاد وهو يطالع في منذر : خ...خففت ..

منذر قرب منه بسرعة وسحبه لحضنه ودفنه فيه : آسسف آسف

أني م أنتبهت لك ..

جاد وهو يشد أكثر على منذر : كن..كنت بمووتت..

منذر : بسم الله عليك لا تقول كذا ..

جاد حرك رأسه في صدر منذر : لا تتركني ..

منذر رفع رأس جاد عن حضنه و بدأ يمسح دموعه : م راح أتركك..

جاد رجع ضم منذر وحس بالأمان من يده الكبيرة إللي أحتوت رأسه

تمسح عليه و ظهره تطبطب فيه ..

ـ

بعد م رجعوا المزرعة كِلن راح غرفته ونام..

اليوم الثاني ودعوه و طلع ركب سيارته و ركض له جاد برى ..

منذر فتح باب سيارته وهو لسه جالس : الشغل م يخلص ..

جاد مسك الباب : انتبه لنفسك ..

منذر رفع يده ومسك يد جاد : و أنت بعد لما ترجع المدرسة ركز

ع الدراسة و أرسل لي جديد قصصك ..

جاد ابتسم له : ش..شكراً ع الإجازة هذي .

منذر ضغط أكثر على يد جاد : أنا بشكرك على أحلى إجازة قضيتها

في حياتي ..

جاد أنحرج و كان بيبعد يده بس منذر سحبها وباسها ، جاد أنتفض

بس منذر كان ماسك فيه لين بعد يده بعد ثواني ..

منذر : راح أكلمك ..

جاد وقلبه يدق بقوة : را..راح أنتظرك ..

ــ

انتهى البارت ..