الحلقه { 28 }
ياسر : ريم انا عارف ان الوقت مش مناسب بس بجد انا بحبك قولتى ايه ؟
ريم : ( من غير نفس وهى بتبص الناحيه التانيه ومش معباراه ) هقول ايه لا اله الا الله
ياسر : ريم انا مش قادر اعيش من غيرك انا صاحى نايم بفكر فيكى
ريم : فات وقت الكلام ده انته الى اتنزلت عنى
ياسر : يعنى ايه مش فاهم ؟
ريم : اول ما اخويا قالك خلاص مفيش ناصيب بعت عنى ويوم ما كلمتنى عملت انك بتتصل بى رباب فاكرنى هغير مثلا انته اللى بعت مش انا
ياسر : انا كنت هموت واسمع صوتك بس انتى اخت صاحبى اعمل ايه وهو رافض جوزنا طب كنتى عوزانى اعمل ايه ؟
ريم : ههههههه هو انته كنت هتجوزنى انا ولا اخويا ؟
ياسر : انتى طبعا بس برضو اخوتك لازم يوفقو
ريم : انا بقى مش موفقه خلاص يا ياسر انسانى انا مش ليك
ياسر : طب على الاقل بصيلى طب وانتى بتكلمينى انا مستهلش منك كدا
ريم : فى فروق كتير اوى بينى وبينك
انته اكبر منى ب 15 سنه يوم ما يكون انته 50 سنه انا هكون 35 انا عاوز لسه اعيش حياتى وانت بقى هتكون كبرت وعجزت
وغير كده انته متجوز قبل كده انا ليه اتجوز واحد كان متجوز وكمان عندو طفل
ياسر : طب وايه يعنى ما لازم الراجل يبقى اكبر
ريم : اكبر ب سنه او اتنين 5 بالكتير مش 15
وبعدين انا بنت من حقى اتجوز واحد زيى زي ما هو اول واحد فى حياتى يبقى هو كمان انا اول واحده فى حياتو
ياسر : مين بقى الى قال كده النبى اتجوز امنه عائشه وهى اصغر منو بكتير اوى وكمان كان متجوز قبلها وعندو اولاد كمان
ريم : ( ضحكة سخريه ) ههههههههه وانته مش النبى وانا مش امنه عائشه انا ريم وانته ياسر وبعدين النبى زمنو غير زامنا
ولو سمحت متخلطش مشاكل الزمن بالدين لو سمحت احنا مش شيوخ ولاخرجين ازهر على شان نقعد نفتى وحتى لو حلال ومفيش اى مشكلها انا بقى مش موفقه
ياسر : عند يعنى طب بصى بقى انا هتجوزك برضاكى او غصب عنك
ريم : انا مش بعند وبعدين كرمتك فين وانته بتجوز وحده غصب عنها
ياسر : ( بعصبيه ) طب هتشوفى واسكتى بقى بدل ما ارزعك فى الطبلوه اللى قدامك ده
ريم : نعم يا بتاع انته ترزع مين يا حلتها طب ورينى كده وحيات ربنا اصوت والم عليك الناس واليومين دول الشعب كلو ما بيصدق يقع فى ايدو ظابط وحيات ربنا ما هتاخد فى ايد الشعب ربع ساعه وخصوصا بقى لو قولت انك كنت خدمه فى 25 يناير هتتعلق
ياسر : لا بجد انتى مجنونه
ريم : تحب اوريك الجنان ولا توصلنى وانته لسانك فى بأك مسمعش صوتك
ياسر : ماشى يا ريم ماشى
مين اللى عمال يرن عليكى ده ؟
ريم : خليك فى حالك وبص قدامك ومتنساش الشعب فى خدمة الشعب ها بص قدامك وانته حظك حلو كل العربيات اللى حولينا سيقنها شباب
ياسر : ماشى يا ريم بس برضو هتجوزك
**** ( بقلم هند محمد @isis Mohamed ) ****
ابو كريم : مالك يا كريم واقف كده ليه ؟
كريم : مافيش يا بابا بعمل بس تليفون
ابو كريم : طب مالك مدايق كده ليه ؟
كريم : اصل اللى بكلمو مش بيرد
ابو كريم : الساعه 1 تلقيه نام
كريم : مش عارف
ابو كريم : هو متعرفش علي فين ؟
كريم : معرفش يا بابا معرفش
ابو كريم : طيب انته مش خلصت الامتحنات مش المفروض تنزل تساعدنى انا واخوك تمسكلك شركه او حاجه زى علي اخوك اشتغل معايا وهو فى الثانويه مش زيك
كريم : بابا انته مش قولت عليا من شهر انى لسه صغير يبقى شغل ايه اللى بتقول عليه فكك منى ربنا يكرمك
ابو كريم : فى حد يقول لأبوه فكك منى
كريم : معلش والله انا متوتر شويه سبنى دلوقتى اقولك انا طالع اشوف اروى تصبح على خير
**** ( بقلم هند محمد @isis Mohamed ) ****
ابو كريم : جيهان انتى متعرفيش علي فين ؟
جيهان ( ام على وكريم ) : لا معرفش عربيتو مش تحت تلقيه فى الشركه
ابو كريم : لا انا كلمتو فى كل شريكاتو مش موجود والسكرتيره متعرفش هو فين
جيهان : طب استنى يمكن مشيره تعرف فين هروح اسئلها
ابو كريم : لا خلاص مش مهم بدل ما تكون نايمه وتقلقيها
جيهان : مالك يا صلاح ايه هو علي عمل حاجه ؟
ابو كريم : لا بس مش عارف اليومين دول بيختفى ومعرفش بيروح فين
جيهان : هيورح فين يعنى اكيد شغل
ابو كريم : يمكن
**** ( بقلم هند محمد @isis Mohamed ) ****
كريم : ايه كل ده مش بتردى ليه ؟
ريم : معلش اصل رحت اكتوبر عند زاهر الولاد قعدين لوحدهم مع ام مى فا رحت عندهم
كريم : رحتى ازاى من مصر الجديده لأكتوبر لوحدك ؟
ريم : بس انا مش بحب اكذب بس انا وصلنى ياسر بس والله غصب عنى طارق هو السبب
كريم : ياسر يا ريم بقى كده ؟
ريم : غصب عنى والله انا طول السكه مديالو ضهرى ولما اتكلمت معاه اتخنقنا والله كريم متزعلش منى
كريم : سلام يا ريم طيب
ريم : كريم كريم
( اتصلت هى بيه )
الهاتف مغلق
ريم : منك لله يا ياسر اللهى تتشال فى الحركه اللى جايه وتقعد وشك فى وش امك ليل نهار يا ياسر وتبقى زى القرد فى وش امو القرده فى جبالايت القرود يا رب وما تلاقى حد يرميلك موزه وحده يا ياسر يا ابن ام ياسر
**** ( بقلم هند محمد @isis Mohamed ) ****
اروى : برضو دخلت ومخبتش فى ايه يا كريم انا مش قولتلك امبارح خبط قبل ما تدخل ؟
كريم : معلش يا اروى انا مدايق اوى والله
اروى : طب بص انا كمان مش طيقه نفسى بجد فا روح اوتك على شان مش ناقصاك
كريم : ليه مالك فى حاجه بتوجعك ؟
اروى: هو لازم ابقى عيانه او حاجه بتوجعنى على شان ابقى مديقه هو انته دلوقتى مدايق على شان فى حاجه وجعاك؟
كريم : لا حاجه تانيه
اروى : انا كمان مديقه على شان حاجه تانيه ومش كل ما اقولك مديقه ابقى تعبانه انا مش 24 ساعه معلقه الكلكوز
كريم : انا مش اقصد على فكره
اروى : طب خلاص بقى سبنى لوحدى لو سمحت انا عاوزه انام
كريم : طيب طيب اهدى خلاص نامى تصبحى على خير
اروى : وانته من اهل الخير
كريم : طب اخر حاجه متعرفيش علي فين ؟
اروى : لا معرفش
كريم : طيب طب قوليلى مالك ؟
اروى : خلاص بقى يا كريم انا هبقى كويسه مفيش حاجه انا بس مانمتش من امبارح ومصدعه شويه هنام وبكره هبقى كويسه
كريم : ( وطه عليها وبسها ) ماشى يا حببتى تصبحى على خير
اروى : وانته من اهل الخير
**** ( بقلم هند محمد @isis Mohamed ) ****
وتانى يوم
ريم : رد بقى يا كريم رد
مروان : مالك يا عمتو فى حاجه
ريم : لا مفيش روح العب مع اخوك انتو صحيين بدرى ليه كده
مروان : احنا كنا فى البحر بنصحى بدرى كده
ريم : بحر بحر ايه ؟
مروان : ما احنا كنا فى البحر خدنا الاجازه وبابا ودانا البحر واول ما رجعنا بابا راح الشغل على طول
ريم : هى مش خالتك بتولد ؟
مرون : لا مين قالك كده بصى اوريكى صور البحر
ريم : اه ورينى
الله صوركم حلوه اوى ماشى يا حبيبى روح العب مع اخوك عقبال ما اعملكم فطار
( رجعت تتصل بكريم )
ريم : الو يا كريم طول اليل قفل موبيلك ليه؟
كريم : انا حر اعمل اللى عاوزو
ريم : كريم انا بجد مليش غيرك متعملش كده معايا لو سمحت متسبنيش انته كمان كفايا اللى بيحصلى من اخواتى مش هتكون انته كمان
كريم : انتى بتعيطى ولا ايه لا والله انا مش اقصد طب خلاص مالك ؟
ريم : اخويا اخد ولادو وراحو يصيفو وكانو بيضحكو عليا ويبرارو عدم وجودهم فى البيت ان اخت مراتو بتولد
صحيح انا مكنتش هروح معاهم بس برضو ليه يعملو كده
كريم : طب معلش اقولك البسى واجى اخدك ادينى العنوان
ريم : عنوان ايه اخويا فى المستشفى وانا قعده مع عيالو ماينفعش اسبهم
كريم : واشمعنى هو سابك ؟
ريم : معلش خلينى انا احسن منو
كريم : بس انا كنت عاوز اخرج معاكى طب اقولك انتى عيال اخوكى كبار ولا صغيرين ؟
ريم : هما 3 عيال مروان 8 سنين ومالك 5 و رضوى 2
كريم : خلاص انتى لبسيهم وانا هجيب اروى ونروح الملاهى سوى قولتى ايه ؟
ريم : انت مجنون يا كريم والله انته ضارب اخر حاجه
كريم : اسمعى الكلام وفرصه حلوه تتعرفى على اختى هى باقلها كتير مخرجتش انا هجبها ونتعرف ونقضى اليوم كلو سوى
ريم : طب لو طارق او حد سئلنى اخت العيال ورحت فين هقول ايه ؟
كريم : قوليلهم كنت مع كريم
ريم : لالا بلاش خليها يوم تانى
كريم : بقولك ايه اخلصى قولى العنوان على شان لسه هصحى اروى والداده
ريم : كمان الدادا طب الدادا هتيجى ليه ؟
كريم : لما تشوفى اروى هتعرفى ليه
ريم : طب فى مشكله انا دلوقتى حمات اخويا معايا هقولها ايه ؟
وخده العيال افسحهم وابوهم فى المستشفى ؟
كريم : اتصرفى اقولك هتيها معانا
ريم : انا عارفه انك ضارب والله العظيم
كريم : اخلصى بقى اتصرفى انا هروح اصحى اروى وانتى ابعتيلى العنوان فى رساله بسرعه
ريم : ايوه يا كريم بس
كريم : مفيش بس انا قرارت ابعتيلى العنوان وانتى اتصرفى مع حمات اخوكى بسرعه سلام على شان الحق اصحيها
**** ( بقلم هند محمد @isis Mohamed ) ****
ريم : مروان اقولك تيجى نروح الملاهى ؟
مروان : اه عاوز اروح
ريم : طب بص احنا لو قولنا لتيته ان هنروح الملاهى مش هترضى تودينا ايه رئيك نعمل فيها مقلب ونضحك عليها ؟
مروان : طب نعمل ايه ؟
ريم : بص انته تقعد تتخانق مع اخوك مالك بس مش تضربو جامد وانا هقولها انا هخدكم نجيب حاجه من اى محل ونخرج ماشى ؟
مروان : بس احنا فى الملاهى هنتأخر ازاى بقى نجيب حاجه من تحت لما تجدبى اجدبى صح على شان يصدقك
ريم : هههههه يا ملعون انته طب بص هقولها ان احنا هنروح لفرح صحبتى معاها اخوات صغيرين انته واخوك تلعب معاهم
مروان : اه كده ماشى
ريم : بس بشرط مش تقول لحد احنا كنا فين او عملنا ايه او روحنا مع مين ماشى ؟
مروان : ماشى كلام رجاله
**** ( بقلم هند محمد @isis Mohamed ) ****
كريم : اروى اصحى اروى
اروى : ايه يا كريم مالك سبنى انام
كريم : اصحى نخرج هوديكى الملاهى قومى
اروى : على شان بعد ما اقوم والبس وننزل ترجعنى تانى وتقولى ماقولكش خرجنى تانى لا مش عاوزه اخرج
كريم : اسف والله انى قولتلك كده انا خارج مع ريم وعاوز اوريهالك تقضى اليوم سوى انا هنزل اندهلك الدادا ماشى وانتى البسى بسرعه وهنفطر كلنا باره
اروى : هى ماما عارفه موضوع ريم ده؟
كريم : هى عارفه ومش عارفه بس مش مهم تعرف دلوقتى ها هتيجى معايا ولا لا ؟
اروى : لو مش هديقك او اكون مسؤليه عليك اروح معاك
كريم : مسؤليى ايه بس يا حببتى دانتى اختى انا هنزل اقول لدادا بقولك ايه هو انتى لازم دادا تبقى معاكى احنا كام ساعه ونرجع البيت هتحتاجيها معاكى
اروى : مش عارفه بس انا عمرى ما خرجة من غيرها
كريم : اصلى مكنتش عاوز حد يعرف ريم غيرك يعنى لو دادا معانا هتيجى وتقول انها كانت معانا
اروى : خلاص مش مهم لو هنرجع فى نفس اليوم بس لو سمحت واحنا بارا طول الوقت خليك جنبى
كريم : اه طبعا
اروى : طب ماشى خليها تيجى
كريم : انتى احلى اخت فى الدنيا
**** ( بقلم هند محمد @isis Mohamed ) ****
علي : مالك زعلان كده ليه
محمد : على شان دموع الورد مش فتحه
علي : مين دموع الورد مين ده بقى ؟
محمد : صحبتى اكتشفت امبارح ان حببها بيضحك عليها انا خلاص قرفت مباقاش فى ضمير
علي : ( باستغراب واندهاش ) ضمير ههههههه اللى هو اازاى يعنى
محمد : ضمير يا بابا انته تقبل حد يضحك على اختك ويقولها بحبك وهو بيضحك عليها ؟
علي : لا طبعا
محمد : يبقى ليه الناس ضمرها يسمحلها انها تعمل كده ؟
علي : هى صحبتك دى عندها كام سنه ؟
محمد: 18 ليه ؟
علي : 18 ازاى تصاحبك وانته عندك 8 سنين مش كده غلط ؟
محمد : وايه يعنى هى عارفه وبتحبنى زى اخوها الصغير وبتحكيلى على كل حاجه
علي : ماشى يا سيدى قولى بقى اكتشفت ان حببها بيضحك عليها ازاى ؟
محمد : ابدا اصلو عمال يقولها كلام كلام حب يعنى فا قالت تختبرو راحت كلمتو من حساب فيس تانى بئسم جديد فا راح قالها نفس كلام الحب اللى كان بقولهولها و ولما وجهتو قالها انو كان بيهزر
علي : اه وصحبتك دى عامله اكتر من حساب فيس ليه ؟
محمد : عادى ما انا عامل كمان 3 فيس
علي : 3 دا انا الراجل الاعمال معنديش
محمد : خلاص اعملك واحد انا
علي : لا انا شغل النت السكرتيره بتعملو
محمد : السكرتيره بتعتك حلوه ؟
علي : ههههههه بس يا واد ايه الواد ده يا انجى تعالى شوفى ابنك ده
انجى : ايه بسخن اللبن وجايه
علي : الواد دماغو ايه ده والله حاسس انو اكبر منى الواد بيفكر كائنو فى سن كريم
انجى : طالع لباباه دماغو كبيره
علي : انا وانا ادو كنت غلبان
ها لسه ما فتحتش ؟
محمد : لا لسه
علي : طيب
**** ( بقلم هند محمد @isis Mohamed ) ****
طارق : انتى فين دلوقتى
ريم : انا رايحه عند فرح
طارق : ليه ؟
ريم : العيال نزلين ضرب فى بعض قولت يلعبو مع اخوات فرح صغيرين زيهم
طارق : طيب خلي بالك عليهم كويس
ريم : حاضر
طارق :صحيح ايه اللى عملتيه مع ياسر ده امبارح
ريم : خلاص بقى خلصنا سلام
طارق : انتى بتقفلى فى وشى ماشى
مى : طارق الحمد لله زاهر فاق الحمد لله
طارق : بجد الحمد لله
**** ( بقلم هند محمد @isis Mohamed ) ****
( وفى السكه وهما ريحين الملاهى كريم و اروى فعدين قدام وريم ومروان ومالك ورضوى ورا وهما دخلين على كامين المرور )
ريم : يانهار اسود ( وراحت نازله فى الدواسات )
كريم : فى ايه مالك
يا ترى حصل ايه وريم ليه خافت كده ؟