الحلقه { 29 }
( وفى السكه وهما ريحين الملاهى كريم و اروى قعدين ادام وريم ومروان ومالك ورضوى ورا وهما دخلين على كامين المرور )
ريم : يانهار اسود ( وراحت نازله فى الدواسات )
كريم : فى ايه مالك
ريم : ياسر فى الكامين
ياسر : وقفلى العربيه دى يابنى
ايه ده كريم باشا اهلا ايه الصدفه الحلوه دى
كريم : اهلا حضرتك
ياسر : بعد ازنك بقى الرخص وتعالى يمين على شان هفتش العربيه
كريم : وهتفتشها ليه دى ملاكى
ياسر : معلش الوزاره مشدده اوى اليومين دول بذات العربيات الدفع الروباعى بتاعت حضرتك يمين بقى وكل اللى فى العربيه ينزلو
كريم : ايوه بس ( ونزل كريم من العربيه واخد ياسر على جنب ) انا اختى عندها ظروف خاصه مش هتقدر تنزل وكمان انا معايا اطفال
ياسر : لو مش هتقدر تنزل اختك من العربيه اخلى 2 عساكر ينزلوها
كريم : 2 عساكر بقولك اختى عندها ظروف خاصه
ياسر : وايه منزلها من بيتها وهى عندها ظروف خاصه انا قولت تنزل تبقى تنزل وبعدين انا بنفذ القانون
كريم : حاضر هنزلها
ريم : ( وهى مستخبيه فى الدواسات ) فى ايه يا كريم بتنزل الكرسى ليه ؟
كريم : ياسر مصمم يفتش العربيه انزلى ونزلى الولاد
ريم : انته بتهزر ده لو شافنى هينفخنى انا وانته
كريم : انتى خايفه كده ليه انتى مش عارفه انا ابن مين ؟
ريم : طب اعمل حاجه ومتخليش اختك تنزل احنا فى الصحرا هننزل فين
ياسر : يلا يا كبتن ولا اجبلك العساكر
كريم : انزلى يا ريم
ريم : بقولك مش هيحصل كويس كلم ابوك يتصرف
كريم : بقولك انزلى وحيات ربنا انقلو حلايب وشلاتين
( نزلت ريم ومعاها العيال وكريم نزل اختو من العربيه )
ياسر : كمان انسه ريم لا دى احلوت اوى احنا كده يومنا زى الفل اوى انا كده اتفائلت بجد
كريم : لو سمحت فتش بقى بسرعه على شان مستعجل
ياسر : لالا تحت امرك بس افتحلى الشنطه
انته يابنى فتشولى العربيه دى فوق وتحت متسبوش حته فيها
ريم : تعبانه يا اروى او محتاجه حاجه اعملهالك ؟
اروى : لا بس الشمس جمده اوى
ريم : معلش هيخلص تفتيش اهو استنى اجبلك الشماسه بتاعت العربيه ثوانى
YOU ARE READING
حب فى السر ( ريم و كريم )
Romanceقصه بقلم : هند محمد ( ازيس محمد ) قصه رومانسيه اجتماعيه بين ريم وكريم وتدور الاحداث حولهم من مصاعب ومشاكل وكيف نجاح قصة حبهم بالزواج فى الاخر قصه كتبتها انا 6/11/2014 وانتاهية منها 31/1/2015 ودى تانى قصه اكتبها بعد احنا كدا الجزء الاول