#قيود_ " خلف القضبان "✨
#الكاتـَبة:- ايـَات رسـُول 🧡
تصويت وتعليق بين الفقرات + قراءة ممتعة
اسار:-وَلك تَيَهت گعدتي وربعي ومَواعيدي ..
ومن شَبگة إيدك لحَد هسّـه أشتَم بإيدي
«ــــــــــــــــــــ«•»ـــــــــــــــــــ»
☆هازال☆
ابتعدت عن اسار ومسحت دموعي بسرعه وكفت
على حيلي واردفت:-
هازال :-رجعني للبيت اسار ما اكدر اضل هنا واشوفهم
اسار:-هازال بس اهدئي خليني افهمج
هازال:-كلشي ما اريد افهم لاا تخبلنيي بالزايد خليني ارجع احسن
لزمني من ايدي وكعدني على التخم رفع راسي واردف:-
اسار:--هازال اني ما اعوفج والله يمج
هازال:-شنو معنى كلامك قبل شويه ؟؟
اسار:-يهمج تعرفين؟؟
هازال:-اكيد يهمني
اسار:-بعدين تعرفين معنى كلامي
هازال:-اني الـ بعدين مالتك شلت حالي كل ما اكلك شي وكلت بعدين وكلشي بوقته حلو
-هازال بس اهدئي اخذي نفس راح تختنكين
اريد اوخر ايدي عنه ما يقبل لازمها بكل قوه توني اريد احجي وانفتح الباب دخلو يامان وماهان وانصدمو من شافو اسار كاعد بصفي ولازم ايدي اجه بسرعه يامان سحب ايدي وكفني بصفه اتقدم ماهان على اسار واردف :-
ماهان:-ياويلك وسواد ليلك اشوفك قريب من هازال
اسار:-انتَ شعليك هازال حبيبتي وعن قريب راح تصير خطيبتي لااا تدخل بشي ما يعنيك حتى لااا يصير شي ما يعجبك
ترك ايدي يامان وراح على اسار لزمه من ياخته ولزكه بالحايط توه يريد يلزم ايدي ماهان وعطت بي:-
هازال:-خلييي يامان يعوف اساررر لاا والله اكلب الشركه على راسه وراسك هم انتو شنو رايدين مني اني ما اريد ارجع وياكم
ماهان:-شهل حجي هازال معقوله هاي انتِ لو غيرج ليش هيج تحجين وياي ؟
هازال:-ياماننننن عوفففف اسارر اخر مره اكلك
انتبه يامان علي عاف اسار واتقرب علي عفته ورحت على سار ركض لزمت ايده وهمست :-
هازال:-مو كتلك رجعني للبيت خرب يومك اسار
اسار:-لج هذوله شراح يسوون اليوم شو دوخرييي خلي اشوف
هازال:-اسارر لاا تخليني اعلي صوتي والقران احطك واكتلك اذا مديت ايدك على واحد من عدهم
اسار:-ما راح اكتلهم لاا تخافين بس وخريي خلي افتهم شيريدون
هازال:-يريدونيي واني اعرفهم ما راح يروحون دون ما اني وياهم
اسار:-على كص اركبتيي تروحين شووو دوخرييي
دفعني اسار بهدوئ واردف وياهم بصوت عالي:-
اسار:-اخذووو جوالاتكم واطلعووو براااا لاااا اصيح الامن همه يعرفون شلون يتصرفون وياكم اني ما انطي هازال ولا اخليها تروح وياكم
ماهان:-مووو بكيفككك هازال تروح ويانه وغصبا ما عليك
اسار:-نشوورف منو كلامه راح يمشي
يامان:-اسئل هازال وشوف
باوع علي يامان واردف :-
يامان:-هازال القرار يمج يأما تروحين ويانه يأما تبقين يم هذه الحيوان
هازال:-اولاً ما اسمحلك تحجي على اسار لان هوه حبيبي يس هل مره سماح الك ثانياً ما ارجع وياكم لو ادري تنكلب الدنيا لان كلكم كرهتكم وما اريد واحد بيكم يمي اطلعووو خلونييي اعيش حياتي توكم تذكرتونييي تذكرتوو عدكم شخص جان راح يموت ومحد نقذه اني جنت بكل ثانيه اتمنى الموت واتذكركم هسه راح يجون ينقذوني بس ولا واحد بيكم اجه غير بس اسار اجه ونقذني وخلصني منهم اما انتم لاااا كلشي ما سويتي وهسه رجاءاً اطلعوو برا المكتب بكرامتكم لان اذا ما طلعتو راح اصيح الامن يطلعكم
صفن يامان على كلام وماهان ما بدر منه أي ردة فعل اتقرب ماهان مني واردف :-
ماهان:-هذه الي جاي تحتمين بي منه راح يغدرج واذكرج بهذه كلامي راح تجين متندمه وبس احنا الي راح نكون موجودين يمج
هازال:-رجاءاااً لاااا تكثرررر حجيي واطلع برااا
ماهان:-تذكريي كلامي زين واحفري بعقلج
ضرب كلاص المي وطلع من المكتب ضل يامان يباوع علي ضحك تك خد واردف :-
يامان:-صدمتيني والله اني الي اعرفه هازال ما تخلي ايدها بأيد اعدائها لو مهما يصير بس جنت غلطان
طلع من المكتب وسد الباب بكل قوته خلاني ما اعرف شحجي كعدت على التخم مهدود حيلي بس لو اكيد احجي واكله هذه كله تمثيل لكن
ما يقبل اسارر والله راح انجلط اذا ضليت هيج اتخبلت بالزايد من شفت الدم بالكاع وكفت بسرعه واردفت:-
هازال-لكككك اسارررر دمممم
انتبه اسار على مكان الدم واردف:-
اسار-منين هذه الدم؟؟
هازال-هذه من ايد ماهان متأكده
توني اريد امشي وعاط بيه اسار:-
اسار-وينن جايييه مو تشوفين الكاع كلها كزاز شبيج
هازال-لااا تعيطط شبيك جفلتنييي
اسار-يابببه لااا تمشين لااا تنجرح رجلج
طلع من المكتب يصيح السكرتيره وضليت اني واكفه لحد ما اجتي لميت الكزاز وطلعت توني اريد اطلع من المكتب وصاح بيه اسار :-
اسار-اذااا طلعتييي يااا هازالل راح تتندمين
هازال-لااا تهدد اساررر لااا تصيررر مثل الزعيم
اسار-اني ما اهدد بس جاي احذرج
هازال-اساررر بس خليني اشوفه والله ما اسوي شي
اسار-اني اروح اشوفه انتِ ابقي هنا
هازاا-اتخبل بس ابقى هنا اخذنييي للبيت
اسار-انتِ الي راح تخبلينييي
هازال-اسكتتت لااا تعلييي صوتك علييي
اسار-هازال بس اهدئي انتِ ما واعيه على نفسج
شدتحجين
هازال-رحمههه للكائنات اخذنييي منا اختنكت
اسار-هاي من اول يوم واختنكتي لعد ثاني يوم شيصير بيج
هازال-الله كريممم بس كوممم اخذني ترااا راح اشمر روحيي من البلكونه
اسار-لااا يابه كلشي ولا تشمرين روحج امشي خلي اشوف اخرتج وين
فتحت الباب وطلعت قبله هوه يمشي وراي واني امشي كدامه ابتسمت من شفت وليم وريفان واكفين سويه ويحجون ويه الزعيم فزيت بخوف من حسيت بأيدين اسار تلزم ايدي باوعت علي واردفت:-
هازال-انتَ شنو مشكلتك ويه ايدي ؟؟
اسار-اسكتي وبلا كلام زايد الزعيم ديباوع علينا
هازال-كبررر لفه شكد كرهته
اسار-خالج ولج شلون تحجين علي هيج
هازال-خال جيس حب دسكت عمي شتحجي انتَ
ضحك على كلامي ومشينا سويه عدلت شعري من باوع علينا وليم طلعنا من الشركه وصادفنا بنيامين بطريقنا ابتسم بوجهي ودخل الشركه غميته من وره وصعدت السياره صعد اسار واردف :-
اسار-انتَ شبيج ويه بنيامين
هازال-ما حاجه اكول انتَ تعرف السبب اصلا
صفن بوجهي واردف بتفكير :-
اسار-اهااا تذكرت من تحارش بالبنيه الي لابسه عبايه
هازال-اييي ولحد الان كل ما اشوفه لو اغمه لو اكتله
اسار-ما جذبت من كلت تختلفين عن باقي البنات
هازال-عزيزي اني نادره وما اشبه احد
اسار-حتى اربعينج يختلفون ما يشبهونج
هازال-بلضبط
سكتت ودرت وجهي اباوع على الطريق ليش هيج اني ديسوي والله راح اتخبل كل ما اتذكر شلون حجيت ويه يامان وماهان اتمنى تنشك الكاع وتبلعني اذا رجعو للعراق شراح يكولون الاهلي
بنتكم ما قبلت ترجع ويانه لو شنو عقلي وكف عن التفكير وصلنا للبيت نزلت قبل اسار ودخلت للبيت صعدت لغرفتي بسرعه سديت الباب وحبست نفسي بيها اليوم شراح ينومني شراح يسد عقلي
قبل شويه جنت ما اكدر افكر بس دخلت الغرفه اشكال الافكار اجتني اجه يامان ابالي هسه شراح يكول عليه والله ما جاي استوعب بسبب الزعيم
صرت ضيحه اله امثل علمود ابنه يقتنع اخخخ لوو بس اكدر احجي جان حجيت كلشي بس ما اكدر سديت البردات وخليت الغرفه ضلمه رحت على الغراض وشمرتهن كلهن بالكاع كعدت
مهدود حيلي اني دائما اكول ما راح ابجي بس هل مره بجيت وهواي بجيت بس علمود اشخاص يستاهلون بجيت على ماهان ويامان بجيت
اكثر من تذكرت الصدمه والخيبه بوجوهم اني الي جنت احبهم وما اتخلى عنهم لو مهما يصير هيج سويت بيهم كله بسبب الزعيم خليت راسي بالكاع واردفت ودموعي على خدي :-
هازال-كل دمعه نزلت من عيني بسبب وليم وبسبب الزعيم بس والله وعد مني لخليكم تبجون دم على هاي سوايتكم وخاصتاً الزعيم
سندت نفسي على الحايط وكمت كعدت على السرير ولزمت راسي وابجي اريد اطلع كل الي بكلبي بعد ما اتحمل هواي بجيت ما بطلت
بحي لحد ما سمعت هورن اسار بس ما بطلت بجي ضليت ابجي واعصر بنفسي اريد اطلع كل الضيم الي بكلبي سمعت صوت اقدام تتحرك فزيت من
دك الباب اسار واردف :-
اسار-هازال ما تسوه تنزلين دموعج على شي رخيص
هازال-اسارر اريد ارتاح خلينييي وحديي
اسار-بس لااا تبجين ما اتحمل اشوف احد يبجي
هازال-اريد ارتاح والله تعبت خليني ابجي وافرغ كل الي بداخلي
اسار-فتحي الباب خليني اشوفج
هازال-عوفنيي وحدييي اسارر
اسار-ما يهون علي اسمعج تبجين واضل ساكت فتحيي الباب الخاطر يامان
وكفت على حيلي وفتحت الباب ركض بسرعه علي وحضني ابتعد عني لزم وجهي بأثنين ايده واردف :-
اسار-كافييي هازال لااا تبجين راح تخبلينييي
هازال-اسارر لاا تتماده خليني محترمتك
اسار-لااا تحترمين بس لاا تبجين كافي مسحي دموعج
مسح دموعي بأيده وابتعد يسد الباب عفته ورجعت كعدت على السرير اجه كعد بصفي واردف :-
اسار-احجي الي تريدين اني يمج
هازال-بصفتك منووو؟؟
اسار-شخص عادي
هازال-اسارر اني هواي كلام بداخلي ما اكدر احجي والله تعبت منه تعبت واني احاول واريد افهم الي ديصير وياي لشوكت اني اضل هيج اريد اعيش يوم واحد مرتاحه ماكووو
اسار-لااا تفكيرين هواي ولاا تخليني شي يشغل بالج أي شي يخليج حزينه عوفيي واتركيي لاا تخلينه يأثر عليج
هازال-الاشياء الي جانت تخليني فرحانه صارت هسه تخليني تعيسه
اسار-كافييي هازالل كافييي بجيي
هازال-خلينيي ابجييي اني جنت قبل ما اخلي احد يشوف ضعفي هسه صرت انتَ تشوف ضعفي
اسار-لجج افهميي ماكو شي يسوه تبجين علموده اذا علمود يامان وماهان همه اخيرهك راح يفهمون الي انتِ دتسوينه وراح يتندمون على كلامهم
هازال-انتَ هيج تكول ؟؟
اسار-شي اكيد لان همه ما يعرفون انتِ شنو دتسوين وليش اصلا هيج دتحجين وياهم همه لو يعرفون انو انتِ دتنتقمين من الزعيم جان ما كالو هيج شي بس ما يعرفون مع مرور الوقت راح تخلص هاي الفتره وراح تصير ذكريات
هازال-اخخخ تعبتتت والله اني حتى حيل ما عندي اتحمل هيج فتره صعبه
اسار-اني يمج وراح نتحمل كلشي سويه
هازال-صح جنت اكرهك بس هسه لااا صرت شخص محبوب تخاف علي وتسندني
اسار-ليش جنتي تكرهيني؟؟
مسحت دموعي واردفت واني اضحك :-
هازال-لان جانو يحجون عنك ويكولون انتَ شخص سيئ
اسار-يولون لاا تصدكين بكلامهم
هازال-علساس هسه انتَ مو شخص سيئ
اسار-لاا يابه اني فقير
هازال-اويلييي عليك ماكو احد بفقارتك
اسار-انجبي وكومي نزلي كدامي
هازال-وين تريد توديني ؟؟
اسار-مو تريدين تروحين على امي
هازال-الله صدك راح تاخذني اشوف امك
اسار-اني ما ارفض طلب الج
هازال-اوييي ثينكيووو
-انتضرج برا
هزيت براسي وكمت ضحك اسار من شاف الغراض مطشره ضربني بخفه على راسي واردف:-
اسار-شبيج ما تكليلي الغراض شعليهن شامرتهن بالكاع
هازال-مادري والله صارن كدامي وشمرتهن من حرگتي
اسار-اخخخ منج بس اخخخ
ضحكت علي واردفت :-
هازال-دمشي اطلع خلي ابدل
اسار-ضلي ضحكي ما يلوكلج الزعل والحزن
كرصني من خدي وطلع بسرعه طلعت راسي من الباب واردفت :-
هازال-انيي اعلمككك بس خليي ابدل
رجعت دخلت للغرفه بسرعه طلعتلي ملابس ودخلت للحمام سبحت وطلعت شسويت شعري وسويته يذل لان ما بيه حيل اسوي سرح لبست ملابسي وتعطرت خليت حمره ومسكاره وطلعت
من الغرفه دخلت المطبخ شربت مي وطلعت من البيت فتحت باب السياره وصعدت سديت الباب شغل السياره اسار وتوجهه بينا باوعت علي بسرعه وكرصته حيل عاط متوجع من الكرصه باوع علي واردف:-
اسار-شنوو هاي كرصتج سم
هازال-غصبا ما عليك تسكت خوش هاي بعدك ما شايف عضتي شلونها
اسار-لاا عمي خلينه على الكرصه احسن
هازال-شلون صار ماهان ؟؟
اسار-كلشي ما بي لا تخافين
هازال-وانتَ شبيك عصبي ؟؟
اسار-هيج لاا تهتمين
اندار يباوع على الطريق واني هم انداريت اباوع على الشارع وشلون حلو دخل بمنطقه كلش حلوه بعد احلى من الي عايش بيها اسار بيوتهم كلها راقيه وعاليه وكف اسار السياره واردف :-
اسار-نزلي وصلنا
باوعت على البيت الي واكفنه يمه واردفت :-
هازال-صدك والله هذه بيت امك؟؟
اسار-هسه دنزليي وعود احكمي براحتج
نزلت قبل اسار وكفت بنص الشارع اباوع على البيت مستحيل البيت شكله خيالي يجننن لزمني اسار من كتفي واردف :-
اسار-راح تضلين واكفه لو شنوو امشي نفوت
هازال-لااا ما اريد افوتتت يممه لاا تخلينيي انصدم اكثر
اسار-غيرتي رأيج لو شنوو؟؟
هازال-ما جاي اصدك والله هاي شنو الاماكن الي بأمريكا فضاعه راح انجن والله شو وخررر ايدك انتَ مو راح تجنني
ضحك علي وخر ايده اتقدم قبلي فتح الباب ودخل دخلت وراه وانصدمت اكثر من شفت الحديقه شلون جبيره وبيها كعده تجنن باوعت على اسار واردفت:-
هازال-اسار الي دشوفه صدك هاي شنوو؟؟
اسار-دتحسسين ما شايفه هيج اشياء بالعراق ترا البصره تجنن هيه وحدائقها وشوارعها
هازال-يا بصره عمييي دسكت راح انجلط من جمال الحديقه
اسار-استري علينا هازال
هازال-اويلي عليك يا كلبي
اسار-اويلي عليج هازال
ضحكت علي ورجعت اباوع على الحديقه اتقدم على الباب الداخلي وفتحه ركضت بسرعه علي ولزمت ايده عصرتها حيل واردفت:-
هازال-تريد تعرفنيي وحدييي يا خايننن
اسار-بس ايدي اريدها هازال
هازال-هذه عقاب الك حتى بعد ما تعيدها
اسار-والرب ما اعوفج وحدج بس عوفي ايدي
تركت ايده خليته يتلوع من كد الوجع فتحت الباب ودفعته اريده يدخل ابتسمت من صارت مريه جبيره كدامي بس مو حيل جبيره
يعني وبصفها بنيه تجي بطولي وجهه تارسه النمش بس حيل حلوه اتقدم اسار على المريه وحضنها اتقربت
البنيه من عندي واردفت:-
شجون-انتِ هازال الي مهوس بيج اخوي؟
صفنت عليها واردفت:-
هازال-ما فهمت عليج؟؟
شجون-بعدين تفهمين عليه بس المهم انتِ هازال؟؟
هازال- ايي اني هازال
شجون-اني اخت اسار واسمي شجـون
هازال-اسمج غريب بس حلو
شجون-حبيبتي حلات عيونج
ابتسمت بوجهي وابتعدت اتقدمت ام اسار من عندي واردفت:-
شيناز-اهلا وسهلاً بيج مدام هازال
هازال-بدون مدام خلي هازال احلى
شيناز-براحتج بس المهم اهلاً وسهلا
هازال-وبيج الاكثر عمه
شيناز-بدون عمه اسمي شيناز
ابتسمت الها واردفت:-
هازال-بس احنا بعاداتنا وتقاليدنا لازم نحترم الشخص الاكبر من عدنا ونصيحله عمه او خاله فـ اني احتراماً الج اكولج عمه
شيناز-شنو هاي اسار شجايبلي انتَ كتله مال كياته لو مال نزاكه فدوه الكلامج حبيبتي
هازال-شكراً الج عمه
ابتسم اسار بوجهه امه واردف:-
اسار-حتى من اكلج اختياري هل مره غير شي تصدكين
شيناز-لاا يمه صدكتك صدقه شكد حلوه عين البارده عليج يمه
هازال-مو لهل درجه اني حلوه
شيناز-انتِ بس شعرج كافي حبيبتي ديري بالج لا يحسدونه
هازال -عادي عمه ما يهمني حتى لو حسدو يرجع يطلع مره ثانيه
ضحكت على كلامي واردفت:-
شيناز-ليش واكفين برا تفضلو جوه
اسار-ايي غير انتِ اخذتينا حاصل فاصل بالباب
شيناز-اخخ من سوالفك اخخ
سحبني اسار ودخلني جوه كعدت على القنفه الي بالصاله وكعد هوه بصفي انتبهت على الصاله تخبل تصميمها حيل حلو بيها ثريه كلش جبيره بالسقف معلكه بس توكع علينا تنهي حياتنا كلنا اهووو اني
شديحجي خليني اسكت احسن ندست اسار واردفت:-
هازال-هاي امك ما تخاف على نفسها من تكعد بالصاله؟؟
اسار-ليش تخاف؟؟
هازال-دباوع الثريه الي معلكينها بالسقف والقران بس توكع على واحد تنهي حياته
اسار-لاا عزيزتي مثبته ما توكع
هازال-اني ما كتلك هيج كتلك تخيل توكع
اسار-لاا تتخيلين بعد رحمه الج والابوج
هازال-اخخ ذكرتني بابا اريد اشوفه
اسار-بعدين تشوفينه مو هسه
هازال-والله ؟؟
اسار-والرب
هازال-انتم المسيحيين اذا حلفتم تكولون والرب
اسار-ايي نعم
هازال-زين تعال اكلك ليش هل كد مسوي وشوم ؟
اسار-عاجبني هيج شي
هازال-ترا اوفر لاعبات بخلقتك وخرهن تطلع تخبل
اسار-هيج تكولين؟؟
هازال-لمصلحتك اني لان حرام الوشوم
اسار-انتم عدكم حرام اما احنا لاا عادي
هازال-عمي انتم عدكم كلشي حلال دسكت لاا اهفك بالمزهريه
اسار-هازال احنا ما جايين نتعارك
هازال-اكلك هاي امك وين راحت اشوو ماكو
اسار-رحت للمطبخ هسه تجي
هازال-اريد اروح للحمام اغسل وجهي توتر بسببك
اسار-اني شكووو؟؟
هازال-راح اهفك اسكت لااا ترادد بوجهي
اسار-راح انجلط منج والله
هازال-عادي غصبا ما عليك تتحمل
اسار-هاي تمثيل وهيج لعد لو صدك شيصير بيه
هازال-هوه منو يكلك اختارك اذا صدك اشوفلي واحد يحبني ويخاف علي
اسار-يعني ما تدورين واحد حلو وعنده فلوس؟؟
هازال-شسوي بالجمال والفلوس واني عندي انسان يخاف علي وحنون ويحبني
اسار-من صدك تختلفين عن البنات حتى بكلامج واسلوبج
هازال-اني شي نادر بحياتك تدري لو لا
تغيرت ملامحه واردف بضياع:-
اسار-شي نادر ومميز هم
هازال-هسه كلي وين الحمام
اسار-فوك تلكينا على جهة اليسار
هازال-تمام
وكفت على حيلي عدلت ملابسي وصعدت رحت من جهة اليسار هواي بيها غرف ما اعرف ياهي منهن الحمام فتحت الباب الاول غرفه عاديه الغرفه الثانيه مال بنات اعتقد مال شجون الغرفه الثالث
ضلمه وبس ضوه التلفون يبين دخلت للغرفه اريد اشوف شنو مصدر هذه الضوه لكن انصدمت من شفت شخص مو حيل جبير مخلي سماعه على اذنه
ولازم ايباد ويلعب بوبجي من شافني شغل الضوه مادري منين واردف برود :-
مارت-منو انتِ؟
هازال-انتَ الي منوو؟
مارت-هذه بيتي وانتِ والي داخله علي فـ لازم اني اسئلج هذه السؤال
هازال-انتَ اخو اسار؟؟
مارت-ايي اني اخوه بس انتِ شمعرفج بـ اسار؟؟
هازال-اني هازال حبيبته
مارت-اها انتِ الي مهوس بيج اسار
هازال-شنو السالفه انتَ واختك نفس الكلام كلتو شنو مهووس بيه ؟؟
مارت-بعدين تعرفين يجوز هوه ما كايلج
هازال-انتم شبيك كل ما واخد كللكم شي تكلوله بعدين لو كلشي بوقته حلو ترا والله تكرهون الواحد بحياته
مارت-اعصابج ماكو داعي تعصبين
هازال-انتم تجلطون والله كلكم نفسيه
مارت-اسار من يكلج كلشي بوقته حلو صح كلامه اكو مرات اوقات مو حلو وقتها نحجي بيها اشياء مهمه واكو اوقات ضروري تحجي هذه الشي واكو اوقات تنجبر تحجي شي انتَ ما تريده ولا المقابل يريده
هازال-بس اني انسانه فضوليه واحب اعرف كلشي
مارت-الفضول مو حلو لان يسبب مشاكل يعني انتِ يجوز تسئلين شخص عن حياته لان ارتابج الفضول تعرفين شي عنه بس هوه راح يفشلج ويكلج هذي حياتي وهذه الشي ما يخصج
هازال-صح كلامك والله
مارت-انتِ مسلمه؟؟
هازال-ايي
مارت-حلو اول مره اشوف مسلمه ما متحجبه
هازال-مو شرط كل المسلمات يتحجبن هاي حيرتي وبكيفي اني شوكت ما اريد اتحجب هذه الشي يرجعلي اكو غير بنات يحبن يتحجبن اما اني لاا احب اضل على حيرتي
مارت-طبعاً شي اكيد هاي حريتج الشخصيه ومحد يكدر يدخل بيها بس اني كـ وجهة نظر حجيت هيج لان حسب ما شايف اني المسلمات متحجبات
هازال-ايي مو كلهن محتجبات قليل ونادراً تكله بنات متحجبات لان اكو بيهن يلبسنه نص ردن يعني نص شعرهن طالع واكو لاا لابسات نقابات حتى وجهن ما مبين واكو لاا عادي متحجبات بس وجهن مبين
مارت-زين سؤال ليش عدكم البنات يلبسن حجاب نص ردن والنص الثاني طالع الشعر خوب تنزعه احسن الها؟
هازال-صح كلامك بس هذه الشي بسبب الاهل يعني لو مراعين وشايفين بنتهم ومتابعينها جان ما سويت هيج بس هذه السبب من الأهل هيه تشوف اهلها ما يحجون وياها ولا يمنعوها من شي تسوه الي تريده لااا تلوم البنات ترا هذه السبب مله من تقصير الاهل وعدم مراعاتهم لـ أولادهم
مارت-صح كلامج مرات سببب واحد يخرب حياة شخص مثل هسه بنات هواي من عدكم بسبب تقصير الاهل طالعات من الطريق
هازال-المهم اني مالي دخل بيهم شيريدون يسوون يسوون اني الحمدالله بابا شايفني ويعرف شنو اني واصلا ولا مره محاسبني لان ولا مره سويت شي غلط
مارت-حلو هذه الشي
هازال-اووو نسيتني اريد مكان الحمام
مارت-لو بعد كاعده وجايبلج جاي نكمل سوالفنه اول مره اندمج ويه احد
هازال-ليش مو عندك اخت اطلع واحجي وياها ليش حابس روحك
مارت-ما احب اختلط ويه الناس تلعب نفسي منهم
هازال-اني اختنك منهم بس انجبر اكعد يمهم
مارت-ليش تختنكين؟؟
هازال-لان مريضه ربو
مارت-ما بيج غير العافيه ما جنت اعرف
هازال-لاا عادي انتَ شمعرفك اصلا
مارت-مكان الحمام بصف غرفتي تمشين شويه تلكين باب لونه اسود بأبيض
هازال-تمام شكراً
مارت-لاا ولو بس من تطلعين سدي الباب وراج
هازال-تمام
ودعته وطلعت سديت الباب وراي وتوجهت للحمام واخيراً لكيته دخلت وبسرعه سديت الباب مبين هذه اخو اسار يشبهه لان حيل بارد صح اسار اول ما شفته بارد ويحب يستفز الناس
بس هسه بسببي صاير عصبي وبس يعيط للحظه من شفته ردت اعيط عبالي شو منو بس من كال اخو اسار سكتت فتحت المي غسلت
وجهي وباوعت على نفسي بالمرايه اول مره وبعد فتره طويله اباوع على نفسي بالمرايه واشوف نفسي بكل وضوح ديشوف كدامي انسانه قويه
لكن بنفس الوقت ضعيفه تحب تحارب كلشي علمود الناس الي تحبهم اخذت المنشفه ونشفت وجهي رجعتها بمكانه طلعت من الحمام وابتسمت من شفت اخو اسار طلع من الغرفه من شافني اردف:-
مارت-تفضلي ننزل سويه
هازال-الصراحه حبيت الكلام وياك
مارت-واني الاول مره اندمج ويه شخص هيج
مزلنا اني وياه من الدرج وضلينا نحجي :-
هازال-حسيتك دارس علم النفس؟؟
مارت-ايي دارس علم النفس بس مو هنا بأستراليا
هازال-الله شكد حلو اني ما اكدر ادرس لان علمي
مارت-انتِ يا صف ؟؟
هازال-مرحله اوله كليه
مارت-يعني راح تدرسين هنا
هازال-حالياً بعدني مادري شراح اسوي لان حتى اشيائي وغراضي ما جبتهن ولا ورقت نقلي من العراق لهنا
مارت-مو مهم بعدين تروحين تجيبيهن انتِ واسار
هازال-انشاءالله
ابتسم بوجهي وكعد على التخم باوعت على اسار صافن بوجهي كعدت بصفه واردفت :-
هازال-ليش صافن بوجهي هيج اكو شي؟؟
اسار-مستحيل مارت الي ما يحجي ويه بني ادم كاعد يحجي وياج ويضحك لاا هاي اكيد معجزه
مارت-لاا بس غيرت نفسيتي ما تشبهكم
هازال-اني مختلفه ونادره
مارت-بلضبط اول مره اشوف هيج انسانه مختلفه
هازال-حتى اخوك يكلي انتِ نادره وما تشبهين احد
مارت-اخوي كلامه صدك ترا هاي حبيبتك تختلف
اسار-والي يثبت هذه الشي انتَ حجيت وياها
هازال-ترا صدفه جنت ادور على الحمام ومن فتحت باب غرفته صار بوجهي صار كلام بيناتنا وبعدين طلعت
اسار-حلووو وصاير كلام بيناتكم .
هازال-يمعود ترا كلام عادي
مارت-امي وشجـون وين؟؟
اسار-بالمطبخ ديحضرون الاكل
مارت-خلي اكوم اشوفهم
وكف مارت وراح لامطبخ يشوف امه باوعت على اسار واردفت :-
هازال -ترا هذه اخوك يشبهك حيل طبق الاصل
اسار -ايي اعرف اني ومارت نتشابه بهواي اشياء
هازال -ايي ثنينكم باردين وملامحكم جامده بس امك واختك يختلفون احسهم مثلي يضحكون وعادي
اسار -اني واخوي مارت ثنينه نتشابه بس اختي شجـون وجاك اخوي الثاني يختلفون عنه طالعين طفره وراثيه
هازال -اهاا هنا الحجي بس صح اني ما شايفه ابوكم بس احسكم تشبهونه لان امك فرفوشه وتحب تضحك
اسار -بلضبط ابوي هيج بارد وجامد بعد اكثر من عدنه
هازال -هوه وينه ما شفته ؟؟
اسار -مسافر وعلى ما اعتقد باجر يرجع للشركه
هازال -اهاا يعني هوه يشتغل ويه الزعيم ؟
اسار -ايي صارلهم سنين يشتغلون سويه
هازال -بس ابوك مثل الزعيم لو يختلف؟؟
اسار -تريدين الصراحه؟؟
هازال -بس لاا ازود من الزعيم ؟؟
اسار -بهواي بقاطات ازود من الزعيم يجوز الزعيم عنده حنيه شويه على اولاده اما ابوي لااا ماعنده ذره من الرحمه
هازال -يممه خوفتني لو ضاله على الزعيم اشرفلي
اسار -راح تنصدمين من تشوفينه
هازال -هوه شسمه ابوك؟؟
اسار -السيد ثيسيس
عقد حاجبي بغرابه واردفت:-
هازال -شنو من اسم هذه معقوله هيج اسمه الحقيقي؟؟
اسار -لاا هذه اللقب مالته اما اسمه الحقيقي كيلفن
هازال -حتى اسمه الحقيقي غريب شني هاي
اسار -هسه هاي اسامي المسيح
هازال -من كون الله يكرفه هوه والزعيم ونخلصه منه ومن شره
اسار -ذكرتيني لازم من يجي يشوفج
هازال -على شرط اذا فك حلكه بكلمه اتفل علي
اسار -لاا هاي هيه اتخزينا كدام ابوي
هازال -ايي والله ترا اني ما اتحمل واحد يحجي علي بالموزين اني حتى الي يكرهني يحجي بيه بالزين
اسار - هوه ياهوو يكرهج شو تعالي كليلي
توني اريد احجي ودخلت امه واخته كعدت ويانه واردفت :-
شيناز -ايي هازال شلونج شلون اهلج؟؟
هازال -الحمدالله عمه بخير واهلي هم بخير
شيناز -دومهم بخير ايي انتِ شلونج ويه اسار؟؟
هازال -اسار خوش ولد وحباب ابد ما متعبني ويحبني كلش هواي
ضحك اسار مقلص عينه باوع على امه واردف:-
اسار -اصلا كلش مدللتني وما تعبني ومغركتني حنان
هازال -وين لاكي احسن مني
اسار -لا يابه لو افتر امة المسيح والاسلام كلها ما الك مثلج انتِ نادره
هازال -شوفي عمه اصلا اني واسار واحد يحب الثاني حب ما صاير
شيناز -دومكم تضلون هيج وما تفترقون
شجون -ماما والله لايكين البعض كلش حلوين
اتقربت من اسار وهمست:-
هازال -صدك عود لايكين البعض؟؟
اسار -فوكاها تسئلين لج غير طالعين نشك شك سويه
هازال -اني ترا الي محليه علاقتنا اسكت ولا تحجي
اسار -ايي عمي انتِ وبس
هازال -بس لااا تنسى هذه كله تمثيل
اسار -ديحاول ما انسى نفسي انو الي ديصير كله تمثيل
هازال -لاا والله اني حالياً ديشوفك سايح وغركنا كض نفسك يولد لاا اكضك واكتلك
اسار -تمدين ايدج علي وتردين اسكت لاا كلش افااا
هازال -هاي لـ افا اخليها بنص عينك
اسار -لاا مو لهل درجه
رجعت باوعت على شجـون واردفت:-
هازال -حبيبتي تسلمين
شجون- علاقتكم كلش حلوه الرب يديمكم
شيناز -زين يمه اذا نويت تخطبها شلون ما يصير تاخذ من المسلمات اله اذا واحد بيكم يتنازل ويدخل دين يأما هازال تدخل دين المسيح او انتِ تروح الدين الاسلام
اسار -اني قبل دخلت الدين الاسلام علمود بنيه وعادي عندي ارجع ادخل الدين الاسلام مره ثانيه علمود هازال
شيناز -ماعرف يا ابني خليها لهذاك الوقت نحلها
شجون - ماما الاكل جهز
شيناز -خلي نأجل السوالف لغير وقت بعدين نحجي خلي نكوم ناكل هسه
ضحكت عليها وكمت سحبت اسار وكومته لان ماشاءالله هايم الولد وسايح ما راح يكوم الي يحيون هسه هنا ضحك مارت على اسار واردف:-
مارت-مو وقتك تسيح اسار ارجع الوعيك
لزمه ويضرب بي على ظهره طلع مدامي يمشي بس كل ساعه يتلفت يشوفوني خبلني حتى كمت اشك بنفسي اخاف بيه شي دخلنا المطبخ
وانصدمت مره ثانيه من شفت جماله يخبل حرفياً الديكور مالته يموت بي مطبخ حراري والثاني هيج بس شكل كعدنا على ميز الطعام كلش جبير وطويل اني كعدت بصف اسار وشجـون كعدت
بصف مارت وامهم كعدت بالمقدمه اكو كرسي يصير بدايه الميز كعدت علي بلشنه ناكل بس اني ما اكلت هواي لان اكتفيت من الصدمات الي شفتهن اليوم مسحت حلكي وكمت لزم ايدي اسار واردف:-
اسار -وين رايحه ترا ما اكلتي شي؟؟
هازال -نفسيتي انسدت اكلت شويه خلص هاهيه
شيناز -اخاف الاكل ما عجبج ؟؟
هازال -لا والله عمه الاكل يجنن عاشت ايدج بس اني ما اكل هواي نفسيتي مسدوده
اسار -براحتج حبيبتي
ابتسمت بوجهه اسار ترك ايدي ورجع ياكل رحت للمغسله غسلت ورجعت كملو اكلو واجوي كعدو بالصاله يمي ضلينا كاعدين نحجي لحد ما اردفت شجـون:-
شجون -صدك نسيت اشوفج تعالي وياي
هازال -وين ؟؟
شجون -كومي اشوفج المسبح مالتنا
هازال -عدكم مسبح
شجون -ايي بالجهه الخلفيه
لزمتي ايدي وكومتني طلعنا من الصاله وكفت كدام باب فتحته وفاتت فوتتني وياها وشهكت من شفت المسبح موجود بنص الحديقه الخلفيه ركضت شجـون وكفت على الحافه مال المسبح عطت بيها اريدها توخر لا توكع :-
هازال -لج انتبهي لاا توكعين
شجون -لاا عادي ترا ما يخوف
كمزت شجـون بنص المسبح ركضت اشوفهم طلعت من المي تسبح عادي توني اريد احجي وحسبت بأسار وراي :-
هازال -لككك اسارر هسه تغرك خليها تطلع
اسار -لا تخافين عليها تعرف تسبح
هازال -عزااا صح المسبح حلو بس شكله يخوف
اسار -لا ترا بالعكس كلش حلو ما مجربه تكمزين بالمسبح
هازال -لااا ولا اريد اجرب
اسار -لعد اكعدي على الحافه وديري بالج لا توكعين ترا تروحين بيها وبعد منيله هازال
هازال -ايي والله بعد منيلكم هازال
عفته يضحك ونزلت على الحافه خليت رجلي بالمي وكعدت عليها ضليت العب بالمي وشجـون تغط وتلبط بالمسبح جنها سمجه ضحكت عليها واردفت:-
هازال -ولج شجـون جنج سمجه وتلبط بالمسبح
شجون -لااا حبيبتي اسمها fish
هازال -بالانكليري اسمها fish اما بالفصحه سمكه اما بالجلفي اسمها سمجه
شجون -واوو هواي اله اسماء
هازال -ايي بس نفس الشي اختلاف لجهات
شجون -تعالي نزلي وياي شبيج تخافين
هازال -لااا ما اريد خليني هناا
اجتي بسرعه سحبتني وبحركه سريعه منها صرت بنص المسبح عيطت بقوه من صرت انزل جوه واطلع حسيت نفسي راح اغرك واموت وهيه لازمه بيه وتحاول تهديني لكن اني اتخبلت مادري شبيه:-
هازال -اساررر تعال ساعدنييي راح اغرك واموت
اسار -هازال ما تخوف ترا هاي شجـون لازمتج ما راح تغركين
هازال -لككك تعال ساعدنييي يمممه اريد اميي
شجون -لج هازال لا تخافين اني يمج والله لازمتج
هازال -بس رجعيني لج اني ما اعرف اسبح
شجون -ايي مو هياتني لازمتج
هازال -لككم يمممه راح اغرك لك انتَ القاني شبيك تباوع علي تعال ساعدنييي تريدنييي اموت
نزل اسار للمسبح واجه علي لزمني من خصري بس ما هتميت المهم يطلعني من المسبح راح اموت اتمسكت بي حيل اخاف لا اوكع لزمني وطلعني من المسبح ابتعدت بسرعه عنه واردفت :-
هازال -اريد منشه راح اموت برد
اسار -انتِ شبيج بس سالفة الموت بألسانج راح تخبليني
هازال -بسرعه اسار ايدي دترجف
دخل اسار جوه يجيب منشه ضحك شجـون بصوت عالي واردفت:-
شجون -اخوي رجال حنون هنيالج علي
هازال -ايي كلش حنون ويخاف علي حيل
شجون -ايي ملاحظه هذه الشي حتى نطراته عليج فير شي اول مره اشوف اسار يباوع على بنيه بهيج بنظرات
هازال -اسار هواي يحبني دائما يكلي هذه الشي
ابتسمت ورجعت تسبح بالمسبح خرب روحك اسار فضحتنا بنظراتك بس دخلي ارحع للبيت اذا ما فكست عينك اني الك اجه يركض من الباب خله المنشه على جسمي واردف:-
اسار -دفي نفسج هسه راح اجي
لزمت ايده واردفت:-
هازال -وين رايح؟؟
اسار -الزعيم يريدني بس خليني اشوفه شيريد واجيج
هازال -ما اعوفك تروح وحيدك اخذني وياك
اسار -انتِ شكو جايه وياي ترا ماكو داعي
هازال -اسار لاا تناقشني اروح يعني اروح
اسار -وملابسج؟
هازال -عادي مو مهم
اسار -هسه بس تطلعين تتمرضين اخاف عليج .
هازال -ما اتمرض اسار لااا تطلع حجج من جوه الكاع اروح وياك وغصبا ما عليك
اسار -تمام بس عصبيتج عوفيها على صفحه
هازال -راح اخليها تطبك ركن شويه
اسار -خليها تضل طابك ركن اريد ارتاح شويه
هازال -لاا تغير الموضوع يله امشي
سحبني من ايدي وكفني ودعت شجـون ورجعت دخلت البيتهم ودعنه امه وبالكوه خلتني اطلع من شافت حالتي ما قبلت بس اسار قنعها عاد طلعنا ثعدنا السياره وتوجهنه للبيت نشوف الزعيم شنو يريد من اسار .
وصلنا للبيت ونزلنا سويه اني واسار فتحت الباب ودخلت لكيته جاي قبلنا مستحيل هذه شنو من بشر دخل اسار وراي وسد الباب كعدت على التخم واجه اسار كعد بصفي خله رجل على رجل واردف:-
اسار -طلبتني اجي وهياتني اجيت .
الزعيم -شنو دتخططون انتَ وهازال من وره ظهري
اسار -ما دنخطط شي الي اريده بالحرف الواحد دنسوي
الزعيم -منو سمحلك تاخذ هازال وتروح على امك
اسار -هيه رادت تروح تشوف امي واني ما اكدر ارفض طلب الها
الزعيم -شنو معنى كلامك هذه اسار ؟؟
اسار -انتَ مو تريد الكل يعرف انو اني احب هازال خلص بعد
الزعيم -بس اهلك لااا وخاصتاً امك باجر ابوك راح يجي للشركه واكيد امك راح تحجيله عن هازال وراح يطلب يشوفها
اسار -ايي واذا ما راح يصير شي
هازال -ترا اعرف ادافع عن نفسي لاا تشغل بالك عزيزي
الزعيم -مو شغلت تدافعين عن نفسج بس ثيسيس ما يصدك بسهوله راح يسئل ويستفسر الكل حتى يعرف هذه الشي صدك لو جذب وما حاجه اذكرك لان تذكر شسوه بـ روز من عرف بيك تحبها
اسار -بس هازال تختلف عن روز ؟؟
الزعيم -بشنو تختلف؟؟
اسار -روز مو مثل هازال صح ثنينهم قويات بس روز مغرور اما ها ال فرفوشه وتحب تسولف وتضحك مو معقده مثل روز
الزعيم -اسارر الزم حدك
اسار -ما حاجي شي جذب
الزعيم -اسكت خلينيي افكر شراح اسوي اخخخ منك تسوي المصيبه واني الي ابتلي بيها
اسار -ترا بكل الاحوال ابري راح يشوف هازال حتى لو مو من امي راح يشوفها وياي بالشركه
الزعيم -اني رايح وباجر نلتقي بالشركه بس هازال اريدج باجر اقوى لان يامان وماهان ما ناوين يروحون اله انتِ وياهم
هازال -مو تدلل جنك على هذوله من باجر اخليهم يقتنعون
الزعيم -اعتمد عليج
عافنه وطلع ضحك اسار واردف:
اسار -صدك هذه شرب عقله
هازال -لااا عزيزي هذه شارب وجاي علينا شكد غبي يالله يعني ترا هوه راح يشوفوني بكل الاحوال ويه اسار
اسار -خالج ضارب عنده الديسكو
هازال -اعتقد هيج او يجوز ضغطه صاعد ومأثر علي
اسار -كومي بدلي ملابسج لاا تتمرضين
هازال -ياااا صدككك ذكرتنييي
صعدت لغرفتي بسرعه بدلت ملابسي وشسورت شعري لان اخاف اتمرض شربت مي وكعدت اتفرج على التلفزيون لحد ما دك الباب اسار ودخل للغرفه شايل بأيده اكل عقد حاجبي واردفت :-
هازال -هاي المن جايب الك؟؟
اسار -الج لان شفتج ما اكلتي هواي واكيد هسه جوعانه
هازال -والله ابوس عقلك الي يفكر جيب الاكل وتعال
دخل للغرفه وسد الباب اجه كعد بصفي فتحت الاكل ريحته تشهي باوعت علي واردفت:-
هازال -والله انتَ شريف ابن مسيحي
اسار -دكلي اكلج لاا يبرد
اخذت لفه وضليت اكل بيها فتحت قوطيت البيبسي وشربت منها شويه رجعت اباوع على التلفيزيون لكن فزيت من سمعت اسار يحمحم ثبت نظراته علي واردف:-
اسار -عندي كلام وياج
هازال -اسمعك احجي؟؟
اسار -جبت تلفون الج بس ما اريد تسوين اي شي خارج خطتنا لا تراسلين احد من اهلج ولا غير شي حتى لو احد راسلج لا تردين او اصلا ليش لا ردي عليهم وكليلهم ما ارجع لان اني يم اسار
هازال -خوب ليش جبته ترا لاعبه نفسي من التلفون
اسار -شفتج ضايجه ومرات تكعدين وحدج تباوعين على التلفزبون ملت احيب تلفون يلهيج شويه
هازال -وينه التلفون؟؟
طلع التلفون من جيبه بعده بالكارترنه الله انو جايب ايفون ابتسمت بفرح واردفت:-
هازال -تسلم على الهديه كلش حلوه وانوب جايب التلفون الي احبه الله شكد حلو
اسار -ما جنت اعرف بيج تحبين الايفون لان الكل يكرهه
هازال -يكرهونه لان يصرف شحن
اسار -لاا اكو تلفونات ما تصرف
هازال -المهم هسه ايفون حتى لو يصرف شحن عادي
اخذته من عنده وفتحت لونه اسود يخبل حتى كفر جايب وياه رجعت باوعت على اسار بنظرات لطافه واردفت :-
هازال -ترا هيج هواي راح تخليني اتعود على الهدايه
اسار -عادي عندي اجيبلج كل يوميه هديه حتى بس اشوف ابتسامتج
هازال -اخجل ولك اسكت كافيي .
فتحت تلفون يجنن حيل عجبني ضل اسار كاعد يمي واني رجعت اكل واباوع على التلفيزيون لحد ما ودعني وراح ينام اني هم طفيت التلفيزيون
ولميت الاكل وكعدت على السرير واسترجعت افكاري بعض الذكريات تذكرت الاشياء الب خلتني احزن وابجي تذكرت شكد حزنت وبجيت على اشياء ما تسوه
أني أصغر من أن اتحمل الهموم،
وأصغر من أن احزن أو اكتئب أو انطوي، امام اي قسوة
أتفهم قسوة ألاّ يجد الشخص من يفهمه..
واتفهم كيف يتخبط تائهًا في الأماكن التي ظن أنه يعرفها و تعرفه..
أعرف مرارة الوحشة بعد الألفة،
وان يتفاجئ الشخص بردّات الفعل التي لم يكن يتوقعها،
حتى يصل ليقين تام،
بأن كُل شيء مُمكن الحدوث،
ومن أي شي بهاذه الارض.
.
لذالك الله هو الامان الوحيد من فوضى هذه الأرض
ف اشد ما يُختبر فيه الشخص هو الرضا في مواضع الحرمان تجاه اي شي،
وفي الأقدار التي خالفت جميع توقعاته،
امام كل مواقف أُجبر عليها،
وفي كل ما يعيشه ويخالف هواه.. فيهتز داخله،
كن قوي وجاهد قلبك وروضة ،
ولملمم ازمه شتات عقلك حتى يلين ويهدأ
ليصبح مساند لك مهما أغرقه الغضب بسب اي شيء،
لتصبح على يقين أن ما قضي تجاه اي شي انما هو الخير لكل تواجدك بهاذه الارض،
اتفهم انهو كل شي لاحد يقدر ان يتكلم عنه بكل
ما حدث في القلب واتعبه حتى الانطفاء
او انهو كلام بسهوله يقال،
معا ذالك...
الله خلق التنهيدة،
الدموع،
النوم الطويل،
الإبتسامة الباردة،
ورجفة اليدين،
لكي لاينطفاء القلب وتغزية العتمة او ان لا يرى اشراقة اشعة النور المتجدده للقلب واحيائه من تعبه بقوة مهما كان حجم التعب والوجع والقسوة،
استخدم الحزن ك علاج فتاك يداوي القلب وتعبه لفترة بسيطه من الايام فقط.
ومن بعدها انهض بكياني بكل قوة وتواجد واصرار لاكون المنتصر تجاه كل المعارك والاكشن
التي ستحاول خدش قلبي من جديد او ان ترهق ملاحمي ،
.
فهناك متسع كبير واكسجين كبير بهاذي الارض ،
يحتاج الى ان اكون متواجد بعزم واصرار ،
حينها سأدرك ان الطبيعة بكل تواجداتها واختلافاتها سأجدها واقفة بجانبي دائما ومجددة لروحي امام كل ماستواجه من عثرات او قسوة تحاول الخدش من جديد ،
.
"لان داخل كل انسان نجمة مضيئة وغيمة ناعمة تحتويه،"
كن زهرة وارتوي من غيمتك،،،
وشمس مشرقة ودافئة دائما
من ضوء ونور النجمة الذي داخلك ،،،
حينها سأكون بكل كياني العوض الجميل والوحيد الذي يغنيني عن الجميع هذه الكلام سوف ينطبع بعقلي الي الابد اتمنى ان لا يحدث معي مره ثانيه واضعف واحزن اني يحزنني فقط الاشخاص
الذي احبهم لا احد غيرهم يحزنني اخذت التلفون من الميز وفتحته نزلت الانستا بسرعه ودخلت حسابي بي لان اتذكر كلمة السر واليوزر دخلت على حسابي واخيراً لكيت كميات هائله من الرسائل
حتى رجحان مراسلتني وتنسيم ابتسمت بحزن من شفت سيلين حاطه ستوري دخلت على الستوري بسرعه جانت مخليه صورتي وصورتها سويه وخليه اغنيه حزينه اغنيه جبار مال "شمسين"
نغمتها الحزينه جبرتني نفسي ما ابجي لان بعد ما اريد اضعف خليت لايك وطلعت بسرعه دخلت على الستوري مالتي فارغ الستيديو مالتي شنو
انشر طلعت بسرعه ودخلت على البحث لكيته صوره حلوه مصورين السماء وبيها فراشات سكرنتها بسرعه تذكرت عندي اية قرانيه كلش حلو دخلت على الستوري مالتي خليت الصوره وخليت الايه بيها :-
"﴿وَاتَّبِعُوا أَحْسَنَ مَا أُنْزِلَ إِلَيْكُمْ مِنْ رَبِّكُمْ﴾"
نشرتها بسرعه ضحكت من شفت سيلين شاهدت الستوري مالتي اول وحده بسرعه ردت على الستوري وكتبت :-
"انتِ هازال"
تنهدت بضيق وكتبت :-
"ايي عزيزتي اني هازال او الشكره مالتكم ماكو فرق"
"مستحيل ما جاي اصدك اكيد هاي انتِ"
"ايي هاي اني اختج هازال "
"وينج عني انتِ ما تعرفيني شصار بيه من عرفت انتِ انخطفتي والصدمه الاقوى من عرفت بيج مسافره ويه الزعيم شلون هيج تخطين خطوه وتسافرين بدون ما تكولين الاحد هازال انتِ تعرفين نفسج ويامن تلعبين "
"اعرف كلش دين اني ويامن دلعب سيلين خليها ابالج لو ما الزعيم جان هسه اني ميته اني لو ما الزعيم جان انتهت حباتي انتم ولا واحد بيكم اجه وساعدني بس هوه واسار"
"اسار منوو؟"
"زوج روز السابق"
"صحيح الي سمعته من يامان انتِ تحبينه "
صفنت على كلامها وكتبت بسرعه :-
"ايي اني احبه لان هوه نقذني اني لو ما اسار افقد حياتي نهائياً هوه اجه انقذني بأخر لحظه وما راح انساله هذه المعرفه لاخير يوم بحياتي"
"شلون كدرتي تنسين وليم"
"افهمي سيلين وليم صار من الماضي خلص راح وليم هوه تزوج وعاش حياته واني هم حبيت اسار وعشن حياتي "
"وابوي ؟"
"ماعرف الله كريم "
"بابا اذا عرف بهذه الشي والله يشنقج"
"بابا مستحيل يمد ايده علي شبيج سيلين نسيتي لو اذكرج"
"مشتاقتلج هواي انتِ ما مشتاقتلي"
"صح احبكم بس ما مشتاقه الاي واحد بيكم مشتاقه بس احضن امي وابقى بحضنها الاخر يوم بعمري "
"معقوله لهل درجه تغيرتي "
"بعدج كلشي ما شايفه مني"
"معقوله اسار غيرج علينا انتِ تدرين من سولفلي يامان تخبلت كلت اميد مو هازال هاي لاا هازال ما تحجي هيج ويه اخوها يامان "
"بس هسه كلشي اختلف ما يبقى شي نفس ما هوه كلشي راح يتغير "
"تغيرج راح يخليج تخسرين هواي اشخاص تحبينهم"
"عادي ما يهمني لان اسار مكفي وموفي "
"انتِ تدرين من عرفت روز شسوت"
"عرفت شنو؟"
"عرفت بأسار يحبج وانتِ تحبينه طبعا اني هسه يالي ربطت المواضيع عندي اتفاجئت من شفت درت فعل روز من مال يامان انتِ تحبين اسار هيه انصدمت حيا ما جنت اعرف انو اسار زوجها "
"للتصحيح زوجها السابق "
"شلون كدرتي تحبينه"
"اصلا اسار ماكو منه انسان حباب وحنون ويخاف علي من نسمة الهوى "
"ما اعرف شكلج صدمتيني"
"عوفج من اساري احجيلي انتِ وعبد شصار بعلاقتكم"
"بعدنا مستمرين نحجي بالعقد بابا كال بس ترجع هازال تزوجين انتِ وعبد "
"والله لو بيدي من باجر ارجع واخليج تزوحين عبد بس حبيت المكان هنا وماكدر اعوف اسار وحده هنا "
"ما اريدج ترجعين علمود عرسي اريدج ترجعين هازال القديمه الي احبها اني "
"بس هازال الجديده تحبج نفس ما انتِ"
"لاا اني ما حبيت هاي شخصيتج حيل متغيره"
"امي شلونها ؟"
-"دتسئلين على اكثر شخص تعذب بغيابج "
"احجي سيلين شلونها امي"
"صح عايشه بس جسد بلا روح لا تسولف مثل قبل ولا تضحك من مستشفى المستشفى ابوي يفتر بيها بس هسه وضعها مستقر من سمعت بيج انتِ بخير وزينه بس بابا مخوفني ساكت وهادئ وما بدر منه أي ردة فعل راح يخبلني"
"هسه المهم امي بخير"
"اي بخير دائما تسئل عليج كل ما تجي ريري تكابلها وتضل تبجي وحده تشكي للثانيه"
"اتحملو بس هل كم يوم لان بعد فتره راح اجيكم اني واسار "
"لااا تخليني اكتلج واكتل اسارج الغسل الج واله "
"لاا سيلين كلشي ولا اساري ما اقبل تحجين عنه"
"يله المهم انتِ مرتاحه وياه "
"كلش مرتاحه "
"بس بعدني مصدومه شلون تخطيتي وليم بسرعه وحبيت اسار بسرعه "
"اسار ما حبيته بسرعه اسار فجاه لكيت نفسي احبه ومغرمه بي هوه يحبني واحد اعترف للثاني"
"ماشاءالله انتِ صراحتج تنطح بالكاع والسقف"
"وين لاكين مثل صراحتي "
"هازال اكيد انتِ بخير وما بيج شي"
"لا تخافين يا اختاه انا بصحتاً جيده وممتازه "
"انشاءالله يكون كلامج صح "
"لا مو انشاءالله اكيد عزيزتي "
"الزعيم وين"
"ركذتلج الزعيم ويه خيل الحمزه"
"اهم شي تخلينه يتعب منج "
"بعد عزيزتي اذا ما خليته يكره حياته اني معتبه"
"مو جانت اني مو بنت ابوي اذا ما سويت هذه الشي"
"اي صدك ذكرتيني مو بنت ابوي اطا ما خليته يكره حياته "
"اكيد هسه انتِ تعبانه روحي نايمه بعدين نحجي "
"سيلين ماكو داعي تبجين اني بخير لا تخافين علي"
"مو بيدي كلبي وعقلي كله يمج ترجف ايدي بس يجيبون طاريج كدامي "
"لا تخافين يروح اختج اني بخير وعايشه حياتي "
خلت لايك على الرساله وطلعت غلقت التلفون والابتسامه ما فارقت وجهي الحمدالله كدرت احجي ويه اختي واتطمن على امي باحر من
اكعد اكول لـ اسار لان ما اريد يشك بيه وتنعدم ثقته خليت راسي على المخده وغفيت واني الابتسامه على وجهي .
حسيت الصبح على صوت المنبه كعدت على حيلي وكمت فركت عيوني ودخلت الحمام غسلت وجهي وطلعت اخذت التلفون من الميز ضحكت من شفت رسائل هواي من يامان ماعرف.
شنو هيه حتى ما ارتابني الفضول اشرفهن لان اعرف شنو محتوى الرساله غلقت التلفون وطلعت ملابس الي هل مره راح البس رسمي ستره سوده وقميص اسود وبنطرون هم اسود لبستهن.
بسرعه وكفت كدام المرايه مسحت وجهي من المي وخليت مسكاره حمره شويه ورشيت عطر اخذت تلفوني وطلعت نزلت من الدرج لكيت اسار ينتضرني توني فتت المطبخ واردف هوه:-
اسار -هل مره طالعه شي خيالي
هازال -عيب عليك دتخليني اخجل
اسار -عده الشقه اليوم لبسج يجنن الاسود يطلع عليج حلو
هازال -اني بكل الالوان حلوه
اسار -بكل حالاتج تطلعين حلوه حتى لو تلبسين كونيه تطلعين حلوه
هازال -اسار مو لهل درجه كافي راح تخليني اموع
اسار -اكعدي اكلي اكيد جوعانه
هزيت براسي وكعدت اكلت اول لكمه واردفت:-
هاوال -اسار البارحه حجيت ويه اختي .
رفع راسه بهدوئ يباوع علي اشرلي بأيده بمعنى كملي ابتسمت واردفت:-
هازال -ايي حجيت وياها وسئلتها عن حالة امي وعن ابوي وبس هيه حاولت تحجي وتسئلني شلون قبلتي اسار وشلون حبيتي لان واصلها حجي من يامان اني احب اسار ومن هذه الحجي فـ اني كلتلها اي احبه لان اخاف تروح تكللهم ويخرب كلشي دنسوي
اسار -عفيه عليج هيج اريدج المهم هسه براحتج تريدين تحجين ويه ولد عادي بس اذا سئلو على هذه الموضوع كليلهم أي
هازال -قصدك موضوعنا اني وياك؟
اسار -ايي ماكو غير هذه الموضوع
هازال -تمام هاهيه
اسار -صدك اني ما عندي حسابج الانستا
هازال -ولا اني عندي حسابك
طلع تلفونه وفتحه دخل على الانستا وراح على صفحته الرئيسيه انطاني التلفون واردف :-
اسار -هذه يوزري اكتبي
باوعت على اليوزر رباعي والله حلو عنده يوزر رباعي كتبت اليوزر بالبحث بسرعه طلعلي مخلي صورته واكف يم الشركه ولابس رسمي دخلت عليه تابعته ورجعت رديت المتابعه لان التلفون بأيدي انطيته التلفون واردفت :-
هازال -عندك يوزر رباعي .
اسار -بالكوه حصلته افتريت الامه العربي كلها يالله لكيت واحد ردت يوزر ثنائي بس حرفين بس للاسف ما لكيت اخذت الرباعي
هازال -بس حيل حلى يجنن
اسار -تريدين واحد مثله؟
هازال -ياريتي لان من زمان اريد يوزر رباعي
اسار -تدللين راح اشوف اذا اكو يوزر ثاني اجيبه الج
هازال -اووي شكرااً اسارر
اسار -لا تشكريني انتِ اطلبي واني الممنون تدللين انتِ
ابتسمت اله ورجعت اكل هوه خلص قبلي وراح غسل ايده وصعد فوك استغربت من دخل على الغرفه الثالثه صدك اني هم نسيت ما سئلته على هاي
الغرفه شنو بيها ليش ما يخلي احد يفرت عليها بس هوه كملت اكلي ورحت غسلت ايدي شويه ونزل اسار
اشرلي اطلع للسياره طلعت قبله هوه راح يحجي ويه الحارس ورجع صعد السياره شغلها وانطلق بينا للشركه نفخ بضجر اسار واردف:-
اسار -اليوم عدنا اجتماع
هازال -ويه منوو؟؟
اسار -ويه الكل فريقي وفريق وليم راح يسوون مقارنا بيناتنا ويشوفون ياهو افضل فريق
هازال -ليش شنو السبب؟؟
اسار -افكار الزعيم وثيسيس
هازال -ترا ابوك ثيسيس لا تنسه
اسار -اني ما احب شخص يعذب الناس ويكون عديم الرحمه والضمير
هازال -الله انتَ مثل وليم هوه هم ما يحب ابوه
اسار -شجاب وليم بالنص .
هازال -لاا بس ديكول انتَ مثله
اسار -كل المقارنات في ضل حضوري ، خاسرة .
هازال -الله عليك عجبني كلامك استمر اسوري استمر اني وياك وراح اكون داعمتك
اسار -شتدعميني يمعوده؟
هازال -ادعمك بالسياره
اسار -اعجز عن الكلام خليني ساكت
هازال -السكوت ثاني افضل رد فـ اسكت احسن
سكتت اسار يضحك على كلامي رجع يباوع على الطريق ويسوق وصلنا للشركه ونزلنا سويه لزم ايدي سار من صارو يامان وماهان كدامنا اتقدم اسار يمشي وهمه يمشون ورانا خليت راسي على جتف اسار واردفت:-
هازال -اكلك اسار اذا هسه دفرتك احد يكلي ليش؟
اسار -ايي اني اكلج ليش
هازال -والله بيك دفره توصلك لحضن امك
اسار-هوه انتِ بقيتي بس اني ما دفرتيني
هازال -لا تخاف يجي دورك هسه بعد الطابور طويل وهواي اكو ناس لازم ادفرهم
اسار -ماعوف شكول بس الرب يساعدهم عليج
هازال -الرب يكصفك كون
اسار -يكصفك شنو؟؟
هازال -يعني يقصفك
اسار -لعبتو باللغه العربيه وكلماتها
هازال -خلينه نلعب عزيزي هاي الساحه النا وهذه لعبانه
اسار -عادي مسموحلج تلعبين لعبي براحتج
هازال -عزيزي هذه لعبانه لا تكول عليه استهتار لان ساجده عبيد ما تقبل
اسار -ساجده عبيد منو؟؟
هازال -مطربه عراقيه
اسار -حلوو جداً نايس
سكت اسار يصبر روحه ضربته على كتفه بخفه وابتعدت ضحكت بصوت عالي متقصده اريدهم يسمعون واردفت :-
هازال -اسوري كافي شبيك راح اموت ضحك
اسار -هاي شبيج هوه اني وين مضحكج؟
هازال -الشباب ورانه شبيك ابن الحلو .
اسار -اها نسيت والرب انتِ بس شوفتج تنسيني عمري كله
هازال -دسكت اسكت وخلي التمثيل عليه
اسار -عمي انتِ ترهمين ممثله روحي قدمي كبل يقبلونج
هازاا -شحدهم ما يقبلون حتى اسويهم وصلتني
اسار -بس على كيفج لااا تحمين زايد
هازال -راح اطفي عينك
اسار -دعوفي عيني براحتها
ابتعدت عنه وكرصته لزم ايده حيل واردف:-
اسار -اششتعلوو اهلجج
هازال -الله يهطرك كون لا تحجي على اهلي
اسار -ولج كرصتج سم لااا تكرصين هيج
هازال -تعال بعد خليني اكرصك
اسار -راح تجلطنييي ولج عوفيني راح اتخبل منج
هازال -هسه ديله وينك شو اتخبل مني اريد اشوفك مخبل
اسار -والرب صرت مخبل من يوم شفتج
هازال -عزااا بعينك كون اني شعلي؟؟
اسار -انتِ الي راح تجلطيني وراح تكون اخرتي على ايدج
هازال -الله حتى انتقم براحتي والقران انتَ كتلك حلال اجيب السجينه واحطها بنص كلبك .
اسار -ليش هل كد قاسي وياي ام الهوه ؟؟
هازال -اويلي عليك علساس هسه انتَ مغركني حنان
اسار -وين شايفه احسن مني ؟
هازال -وراك موجودين
اسار -عوفج من يامان وماهان غيرهم
هازال -لااا صدك ماكو احد مثلك انتَ تختلف
ضحك اسار بغرور ودخلنا للشركه سويه صعدنا بالمصعد لكن قبل لا ينسد الباب صعدو يامان وماهان هل مره اني لزمت ايد اسار وكفت بصفه
حيل لان اخاف يشكون اشتغل المصعد وصعد للطابق الفوك ركزت على يامان يباوع على ايدي وايد اسار بس ماهان لاا يختلف يباوع على اسار نظرات حقد وعيونه تخوف صارت وكف المعضد ونزلنا
بسرعه همه راحو من جهة الثاني واحنا رحنا للمكتب دخلت اني ودخل وراي اسار كعد على الكرسي مالته واشرلي اكعد كعدت على التخم واردف هوه :-
اسار -راح اشتغل على هاي الاوراق الي يعجبج سوي بس ممنوع تطلعين برا المكتب على ما يصير وقت الاجتماع ونروح سويه
هزيت راسي وفتحت التلفون ضلبت اكلب بالريلزات مالت الانستا لكن تفاجئت من اتصلت علي سيلين رديت علي وانصدمت من اجاني صوت امي وهيه تبجي وتصيح :-
-يمه بنيتي هازال هاي بنيتي يمه لو تشاقين وياي؟
رجعت سيلين اخذت التلفون وحجيت وياي::-
-هازال اني تريد تحجي وياج
تنهدت بتعب وراردفت :-
-تمام انطيها التلفون
رجعت سيلين انطت التلفون الامي واردفت :-
-يمه بنيتي هازال هاي انتِ لو غيرج؟
-ايي يمه هاي اني هازال بنتج
بسرعه اسار انتبه علي ضل مركز يريد يشوف شراح احجي رجعت امي بجت واردفت :-
-يممه بنيتي ليش هيج تسوين بيه ولج ليش تعلعلين كلبي وتخليني اتخبل بسببج
-يمه وداعتج ماكو داعي تخافين علي اني بخير وزينه هم
-يمه ارجعي خليني اشوفج واشوف طولج الحلو لااا تخليني انجلط
-اسم الله عليج يمه بس بعد مو هسه اجي خلي تمر فتره واني اجي عليكم
-تجين وحيدج؟
باوعت على اسار واردفت:-
-لاا يمه ما اجي وحدي اجيب اسار وياي ؟
-اسار منو ؟؟
-الي ساعدني ونقذني من جماعة المنواس
-يمه تريدين تجلطيني انتِ اذا ابوج شافج وياه غير يعلكنه بالبنكه
-شهل حجي يمه ترا بابا فاهم ودارس ويعرف شنو الصح وشنو الغلط واكيد ما راح يسوي هيج اكيد راح يكعدني يمه ويفهم كلشي مني
-مادري يايمه الله كريم لهذاك الوقت
-يمه لااا تهملين نفسج لاا تخليني اضل افكر بيج لا تخافين علي والله اني بخير وزينه ما بيه شي
-يمه غير انتِ بنيتي واخاف عليج
-ماكو داعي تخافين هياتج سمعتي صوتي بعد شكو
-اريد اشوفج كدامي يالله اصدك
-انشاءالله يمه مع مرور الايام تشوفيني وتشبعين شوف مني ."
ضلينه نحجي اني وامي هواي ساعه تبجي ساع تضحك اخر شي سديت التلفون باوع اسار علي واردف:-
اسار -صاير تمثيلج قوي
هازال -اعجبك عزيزي
اسار -عمي انتِ تجبرين الواحد بنعجب بيج على هذه الجمال
هازال -لك اسار كافييي هيج كلام اخجل والله
اسار -والرب انتِ تستاهلين هيج كلام
هازال -كول والله .
اسار -والرب .
هازال -شلون اني ويه المسيحي
اسار :-Let's go بيبي بلش الاجتماع
هازال:-Okay, why don't we go to the meeting
اسار:- Nice to speak English .
هازال -من زمان اني احجي انكليزي حتى فرنسي اروح
اسار -حلو فاجئتني ما جنت اعرف
هازال -عيش وشوف عزيزي
طلعنا اني وياه من المكتب ماسكين ايدين بعض ولا عبالك اصلا تمثيل عبالك حقيقه وصدك واحد يحب الثاني وكف اسار كدام باب
كلش طويل دكه بهدوئ ودخل دخلت وره وتفاجئت من شفت الكل كاعد وينتضرنا اشرلي اسار على كرسي كعد هوه واني كعدت بصفه ولازمين ايدين
بعض ضحكت من شفت ريفان موجوده بالاجتماع هيه ضلت متفاجئه من شافتني بلش الاجتماع وصار الكل يتناقش لكن اني ما حجيت شي بس اسار وليم يشاركون ويحجون بالتفاصيل صح كلشي ما فهمت بس مركزه وياهم
حلو هده الشي بيهم ما يربذون حياتهم وعركاتهم بالشغل صح اسار وليم ما يحجون ويه بعض بس بخصوص الشغل يحجون سويه هذه قانون الزعيم بس جداً عجبني شرب اسار بطل المي واتقرب من اذني وهمس :-
اسار -شلون الوضع يمج؟
هازال -تمام التمام الوضع Very relax
انتبهت على يامان يباوع علينا لزمت ايد اسار بقوه واردفت :-
هازال -احنا حتى من نحجي بهمس لازم نلزم ايدين لان العيون علينا بكل مكان
اسار -بعد جماعة الزعيم وانتِ علمج وياهم
ابتعد اسار يضحك رجع ركز ويه الزعيم من بلش يحجي :-
الزعيم :- This work is very important. I want you to put pressure on yourselves and work hard because if we lose, we may lose all the work that we worked so hard to accomplish.
اسار :-But this work may cost us a lot of money
الزعيم :-Money is not important, the important thing is that this work is done and as quickly as possible. I want everyone to work hard
الكل وافقهم الرأي باوع الزعيم على الكل واردف:-
الزعيم:-The meeting is over
وكفنا سويه احنا وليم وريفان واسار اتقربت مني ريفان واردفت:-
ريفان -الف مبروك حبيبتي تستاهلين واحد مثل اسار
هازال -شكرا حبيبتي تسلمين وانتِ هم الف مبروك على زواجكم ما كدرت اباركلكم لان بوقتها انخطفت
ريفان -لا عادي اهم شي انتِ بخير
ابتسمت بوجهه فقط مجامله لان ما متحمله وجودها ولا طايقتها اصلاً ردت ابتسمت بوحهي واتقربت مني حيل صارت قريبه على ذني ضحكت بهدوئ وهمست :-
ريفان -اهم شي عندي ما خليتج تاخذين وليم وبالاخير اني الي اخذته وصار من نصيبي
ضحكت على كلامها واردفت بصوت ناصي مثلها:-
هازال-شايفه مرض السرطان شكد خبيث اني اخبث منه اذا خليتج براسي فـ ابتعدي عني انتِ وليم احسن الج واله
ريفان:- I am afraid, oh my dear, who are you to scare me when I am next to my husband?
هازال -عود خلي يحميج زوجج اذا شفتج مره ثانيه هيج تحجين وياي اني ما عندي شي اسمه تفاهم افكس عين الي يفكر يقلل من احترامي او يحجي عليه بكلمه مو حلوه فكري بيها هواي وخليها ترجيه بأذنج الي يفكر يمسني بشعره امسه بدم
انطيتها نظره خليتها تنزل عينها بالكاع وما تباوع علي عفتها وطلعنا اني واسار سويه واحد لازم ايد الثاني لكن استوقفنه كلام يامان :-
يامان -انتضري هازال
انداريت اباوع علي تركت ايد ايار واردفت:-
هازال -تفضل اسمعك؟؟
يامان -لااا اريد احجي وياج على انفراد
باوعت على اسار اتقرب باسني من راسي واردف بهمس :-
اسار -روحي احجي وياه بس لاا تنسين الاتفاق الي بيناتنا
هازال -لاا تخاف عزيزي اني ما انسى روح وانتَ مطمأن
ابتسمت بوجه اسار هوه ابتعد وراح للمكتب مالته اشرلي يامان امشي مشيت هوه يمشي مقابيلي صعدنا فوك على السطح بي كعده حلوه كعد هوه على الكرسي وكعدت اني على المرجوحه خليت رجل على رجل واردفت :-
هازال -اذا جايبني هنا بخصوص الي ديسوي فـ من هسه اكلك لاا تحجي بهذه الموضوع
يامان -سؤال واحد فقط .
هازال -شنو هوَ؟
يامان -ليش تغيرتي ؟؟
هازال-ماكو واحد يتغير بدون سبب اني تغيرت لان كل الناس الي جنت شاده ظهري بيهم خذلوني وكل الي احبهم طلعو يجذبون علي
يامان -هازال انتِ تعرفين نفسج ويامن دتشتغلين
انتِ خليتي ايدج بأيد اخطر شخص بالعالم الزعيم يوم وياج باجر عليج لااا تصدكين بكلامه وحتى اسار يضحك على عقلج
هازال -ما اسمحلك تحجي على اسار يامان اني قبلت احجي وياك بس مو تجيبني هنا وتحجي على اسار
يامان -شلون تحبين زوج روز السابق ؟؟
هازال -اسار تغير هواي واصلا هوه وروز شي من الماضي واني اذا باوعت على الماضي ما راح اكدر ابني مستقبلي فـما يهمني ماضي اسار اني يهمني المستقبل والحاضر
يامان -شلون كدرو يغسلون عقلج صح همه نقذوج من المنواس بس مو لهل درجه تصيرين وياهم .
هازال -يامان صح اني اعزك بس خلص خليني براحتي اني الي اريده اسوي وانتِ تعرف محد يكدر يمنعني
يامان -صدك والله ؟؟؟تعزينييي ؟؟ وكلامج اول ما شفتيني شنو معنى ؟؟
هازال -عادي ترا كلشي ما كلت اني كلتله مو غلط اذا الواحد يحب
يامان -ونظراتج الي ولاا عبالك هازال الي تحبني وتعزني حيل متغيره صدمتينيي هواي
هازال -خليني اتغير انتَ ما تعرف سبب تغيري لهيج تغير من راح تعرف انتَ راح تنصدم بعد اكثر
يامان -هاي عود بعدج تعزيني ؟
هازال -شلون ما اعزك انتَ اخوي بس انتَ ما راضي على الشي الي سويته اني وفقط هوه هذه
يامان -سمعت بيج كارهتني ؟؟
هازال -صح كرهتكم وحقدت عليكم كلكم من محد اجه ونقذني انتضرتكم هواي هسه يامان يجي ماهان ابوي ولاا واحد اجه من نقذني اسار كلي انتم جنتم محاصرين وما تكدرون تقذوني كدرت استوعب واغير نظرتي عنكم
يامان -الفضل يرجع لـ اسار والله
هازاا -ايي والله يعني لو ما اجه وكالي جان هسه اني اموت منكم
يامان -سوالج شي المنواس ؟؟
هازال -بأخر شي صار يضربني لان غدرته ضربته على راسه بالسندانه بس بعدين اجه اسار ونقذني منه بس والله اني ما قصرت شبعته كتل
يامان -الحمدالله المهم انتِ رجعتي وبخير وسلامه اهم شي انتِ
هازال -ماهان ليش ما اجه وياك مو طلعتو سويه ؟
يامان -ما يكدر يجي يكول ما اكدر اخلي عيني بعينها يكول اكيد كارهتني
هازال -لااا والله ما كارهته اصلا عاذرته لان خطيه حبيبة القلب تزعل اذا نقذني
يامان -ذكرتينيي بيها مركضته ويه خيل العباس
هازال -حيللل اوفففف خلي بعد كون تكتله اويلي اريد يبرد كلبي
يامان -يابه اني ما كاتلتي غير من تتنعوص وهوه عادي عنده مستمتع
هازال -عادي يول ماهان شايف ورد قرد بعينه
يامان -لججج اسكتيي لاا يسمعج خرب روحج
هازال -هيه اصلا لاا ورد ولا الحديقه تلعب النفس كبر كون
يامان -محد يسلم من السانج حتى ورد
هازال -انتَ شوكت نشوفك عريس؟؟
يامان -بعدها سعيدة الحظ ما موجوده
هازال -لاا موجوده واني عرفتها بس نسيت اكلك ؟؟
يامان -منو هيه بالله؟؟
هازال -رجحان
ضحك بصوت عالي واردف :-
يامان -شكد نجره
هازال -عزيزي اني الكفها وهيه طايره
يامان -ينخاف منج انتِ
هازال -اييي دير بالك مني
يامان -جنت احب رجحان بس هسه لاا
هازال -ما فهمت؟؟
يامان -جانت حبيبتي ام حالياً لاا اكرها
هازال -عليه حركاتك يامان ترا اني كاشفتك لا تجذب
يامان -ايي والله شبيج صح جنت احبها بس هيه سوت شي خلتني اعوفها .
هازال -مثل شنوو سوت ؟؟
يامان -هسه عوفج من رجحان مشتاقلج اني
هازال -عوففف اشتياقك على صفحه عود بعدين نحجي سويه بس كلي شسوت رجحان ؟؟
يامان -يهمج تعرفين .
هازال -يي كلش يهمني لان اني سئلتها وكالت جنتو قبل جيرانه يعني شي اكيد انتَ انعجبت بيها من شفتها
يامان -لااا غلطانه صار عدهم حريق واني سمعت أصواتهم طلعت وياهم وساعدتهم بعدين شفتها تغير كلشي بحياتي شفت الدنيا بعيوني واراها ساعدتهم بالبيت لان جان محترق هينوب واني مهندس فـ اعرف بهاي الاشياء وصارت كل مره من اروح البيتهم اشوفها
هازال -ايي وبعدين اعترفت الها بحبك. لو شنوو؟؟
يامان -لااا اني غلطت ورحت راسلتها ضلينا نحجي سويه وصارت علاقه بيناتنا هيه حبتني واعترفتلي اني هم اعترفتلها وصار الحجي بيناتنا بعدها اني صارت علاقتي قويه ويه اخوانها صرت اروح واجي البيت بس هيه ما تعرفني ولا شايفتني حتى اسمي ما تعرف من جنت احجي وياها
هازال -معقوله حبتك بدون ما تعرفك انتَ نفسك يامان الي ساعدتهم ؟؟
يامان -هيه هنا المشكله هيه حبتني مرتين مره من حجيت وياها بالتلفون بدون ما تعرف عني أي شي ومره الثانيه حبتني من شافتني اجي على إخوانها وعرفت بيه اني يامان بس بوقتها ما تعرفني اني نفسي الي اراسلها بعدين هيه ختفت من الانستا ما راسلتي راسلتها اريد اعرف شنو سبب اختفائها راسلتني بغرابه بعدين ختمتها من كالت ابوي يريدني الواحد من ولد عني اني تعجبت ابوها كال اني كل ولد اخواني اعتبرهم ولدي حجه وياي وليم طلع مراقبني كال اني شكيت بيها هاي البنيه مو راحه بوقتها رحت اني البيتهم وخليتها تعرف اني يامان نفسي الي احجي وياها بالانستا هيه اجتي بسرعه راسلتني وتعتذر ومن هذه الحجي اني ما هتميت حظرتها ولحد الان ما اعرف أخبارها اخر مره اتذكر حجيت وياها من رجع ماهان من السفر صعدتلي للغرفه تحجي وياي اني عفتها تحجي بكيفها ونزلت
هازال -يممممه هاي شنووو شصايررر بغيابييي ليش ما ادري بهده الشي اني ؟
يامان -هذه الشي صار من زمان واني ما اريد احد يحجي بي حتى انتِ
هازال -من صدك انجب انتَ تستحق الواحد يحطك هنا ويكتلك لككك شمسوي بالبنيه فوك ما انتَ غلطان فوك ما عفت البنيه يعني حرام عليك والله ليش هيج تسوي بيها
يامان -انجب شنو ؟؟ اني بكدج هازال لااا ترجعيني على الماضي راح اكوم اكتلج
هازال -دسكت لااا ادفنك هنااا ولك انتَ مخبل البنيه وفوكاها غلطان وجاي بكل صلافت عين تحاسب
يامان -بشنو غلطت هيه غلطت هم ولازم تتحاسب غلى غلطتها ..
هازال -انتَ غلطت من ما كلتلها اني يامان الي اجي عليكم للبيت
يامان -نفس وليم انتِ هم كلي هيج
هازال -عوفك من صخام بس ركزز وياي خليني احجي
يامان -احجي بله اسمعج؟؟
هازال -يامان انتَ انسان واعي ودارس وفاهم وتعرف الحرام والحلال الصح من الغلط شلون هيج تسوي صح الي سوته رجحان غلط بس هيه جانت صغيره وما تعرف يعني شكد جان عمرها من حجت وياك
يامان -صف ثالث متوسط
هازال -اهااا شوف يعني جانت صغيره وما تعرف ولا تفتهم شي بعدهي مراهقه انضحك عليها هيه غلطت وسبحان الي ما يغلط رب العالمين بعظامته وبكبره يغفر للناس الي تغلط منو انتَ حتى ما تغفر لـ رجحان على غلط هيه سوته من جانت صغيره صدك حرام عليك صدمتني يامان
يامان -بس خليني احجييي Shut up خليني افهمج
هازال -شتفهمنيي ما اريد اي كلام زايد هسه تتصل وتحجي وياها لك انتَ منو تخلي صديقتي تبجي عليك ايااا حقيررر ولاااا فوكاها العزيزه على كلبي بسرعه اتصل عليها
يامان -لااا تخبلتيي انتِ شلون تريدين اتصل عليها شبيج بابا اكو عقل براسي
هازال -اكو نعال براسي بسرعه اتصل عليها هسه كدامي
يامان -لاا والله شخطتي هينوب هذه اسار خبلج علينا
هازال -شلون راح يخليني احطه واكتله هسه
يامان -تخبلتيي شنوو ادك على رجحان
هازال -انتَ تحبها اني اعرفك بعدك تحبها لاا تنكررر هذه الشي
يامان -لاااا ما....
وكفت على حيلي وعطت بي :-
هازال :-Be quiet, don't say a word
يامان - خرب روحج حتى الكلمه علكت بالساني ما تقبل تطلع
هازال -اخخخ لووو الزمككك والله اموعدك بس عيب كدام الناس هسه يكولون هذوله همج
.Let me become one of the intellectuals
ضحك يامان علي واردف :-
يامان:- The most beautiful female and the most beautiful of the intellectuals
هازال :-Thanks for your nice words
وكف يامان واجه علي باسني من راسي وحضني حيل ابتعدت عنه واردفت :-
هازال -هسه اذا يشوفك اسار يشنقك والله
يامان -خلي يطير ابو راس المصفح انتِ غير حبيبتي
هازال -لاا يامان اني حبيبة اسار وبس
يامان-ما تنطين بي كدامي خرب اهلج
هازال -انجب غير هوه حبيبي
يامان- جبابه تنام بضلوعج وفوكاها بكل عين صلفه تكول حبيبي اخخخ منج هازال اخخخ
هازال -اشكر ربك رضيت احجي وياك بس اني اعلمك على هاي سوايتك بـ رجحان اني هسه اريد اروح اسار ينتضرني بس النه كعده ثانيه ويا ويلك تحجي وتكول هيه غلطانه املص راسك عن جسمك والله
يامان :-Wow, you have become so violent
هازال -ايي عزيزي اشكك واشك ابوك
يامان -شتعلت عشيرتج وعشيرت اهلج
هازال -اشعلك وياهم على الواهس
يامان -وخريي عني مو مال واحد يحجي وياج
هازال -اروح على حبيبي اسار احسنلي
يامان -حسابج بعدين هازال اني اعلمج
هازال -ما تخوفنيي ولاا تخوف شعره من راسي
يامان -راح اجيج
هازال -بيباي يمونييي انتضرني بلقاء ثاني
يامانو-شتعلوو اهلج واحد واحد وحتى يمونج وياهم
ضحكت علي وطلعت من السطح يبوو تأخرت هواي على اسار هيه ينشغل باله طلعت من الطابق هذه وصرت بطابق الي بي مكتب وليم
توني اريد اروح بأتجاه المصعد وما احس الي ايدي تنسحب وصرت بنص الغرفه فتحت عيوني وانصدمت من شفت الغرفه ضلمه وكلشي
ما ينشاف منها رجعت ركزت اريد اشوف شلون دخلت هاي الغرفه ومنو الي سحبني هيج فزيت من
حسيت بأيد شخص تلزم كتفي والايد الثاني تلزم ايديني قيدني بأيده ما كدرت اتحرك ركزت علي ما يبين بالضلمه خاتل نترت ايده واردفت :-
هازال -لااا تضم وجهك مثل النسوان طلعه خليني اشوفك انتَ منو وليش هيج سويت
ضحك بصوت خافت دفعته برجلي واردفت :-
هازال -وخررر ايدككك عنييي واحجييي انتَ منو ؟؟
اتقرب علي بسرعه اختلطت انفاسي ويه انفاسه دعفته على جهت الصوه اريد اشوفه منو وانصدمت صدمه قويه من شفت وليم اتقرب اكثر مني واردف :-
وليم -ليش طلعتي بطريقي ؟ليش حبيتيني ؟وليش هيج دتسوين بيه ؟وليشش تتمادين على جرحي؟
دعفته بقوه اريد اتنفس ختنكت رجع يريد يقترب مني دعفته خليته ملزوك بالحايط واردفت بعصبيه وانفعاله :-
هازال -لكككك انتَ منووو حتى هيج تحجي وياي اصلا منو كالك اني احبك اني اكرهككك اموت منك عوفنييي بحاليييي لااا تلمسنييي .
«ــــــــــــــــــــ«•»ـــــــــــــــــــ»
☆سيلين ☆
"في النهاية أدركت أن أعظم إنجاز للمرء هو قدرته على مواصلة حياته بنفس الشغف رغم ما جَرى، وما يَجري معه.
إنجاز المرء ليس بنجاحاته الفظيعة و المبهرة، بل بإيمانه، وبقدرته على خلق سببًا من اللاشيء ليحيا بنفس القلب، وبنفس الروح، وبنفس اللطف
الذي خُلِق به، وخُلِقَ من أجله فرحت هواي بعد ما حجيت ويه هازال امي من كد فرحتها بس تبجي حضنتني اني واردفت :-
-الحمدالله والشكر الك يارب الحمدالله سمعت صوت بنيتي وكدرت اعرف هيه بخير الف الحمدالله
-يمه هازال قويه الكل يخاف منها اكيد راح تدافع عن نفسها وما تخلي احد يلمسها
-الف الحمدالله والشكر وخريي يمه خليني اتصل على ابوج
-لااا ماما مو هسه تكولين الابوي لان هوه اصلا يعرف بس ساكت وسكوته ديخوفني
-يمه شهل حجي ابوج شمعرفه بهازال؟؟
-ماعرفف والله
-شوو دوخريي انتِ تمسلتين بكلامج
عافتني وراحت لغرفتها تحجي ويه ابوي صعدت لغرفتي بدلت وطلعت لان اليوم كليه وهواي تأخرت
وصلت الكليه نزلت من السياره ودخلت لكيت يامور بالسنتر كاعده كعدت شويه يمها لان بعد المحاضره مالتي ما بلشت :-
يامور -اكوو اخبار عن هازال؟؟
سيلين -ايي اكوو
يامور -ايي شبيج ساكته احجيي؟؟
سيلين -بعدهي بـ امريكا
يامور -شتسوي هناك ليش ما ترجع
سيلين -انتِ شبيج يامور شلون تكدر ترجع عقلج بي شي
يامور -ايي مو خالها هناك ولد خالتها ترجع وياهم
سيلين -ما تكدر ترحع الزعيم ما يقبل
يامور -والقران لو يعرف ابوي يكلب الدنيا
سيلين -ابوج بطران يحجي عشره بالشهر
يامور -شلون راح اهفج احجي عدل
سيلين -دسكتي خليني انام امي كعدتني من الصبح
يامور -شتنامين شبيج كومي بعد شويه المحاضره راح تبلش
سيلين -انجبي يامور واسكتي
خليت راسي على الميز وغمضت عيوني فزيت من كرصتني يامور واردفت:-
يامور -كومييي المحاضره راح تروح عليج
سيلين -خرب روحج يامور وخرييي عنيي
دفعت ايدها وكمت شمرت بطل المي علي رجعت شلته وشمرته عليها دخلت المحاضره لعبان نفس بالكوه مفتحه عيوني خلصت واخيراً
كبل طلعت من القاعه ورحت للسنتر ما لكيت يامور اهوو هاي وين راحت توني اريد اندار وابتسمت من شفت عبد واكف يباوع علي مشيت على كيفي بأتجاهه عدل وكفته واردف :-
عبد المعز -هلاا بـ عزيزه روحي
سيلين -هلا بيك عبد
عبد المعز -شلونها وياج المحاضره .
سيلين -لعبان نفس راسي راح ينفجر والله
عبد المعز -تعالي نروح نكعد بالحديقه
سيلين -تمام يله
حسيته متوتر ويريد يحجي شي بس ماعرف شنو مانعه رحنا سويه كعدنا بالحديقه باوع علي بنظرات غريبه واردف :-
عبد المعز -سيلين انتِ اكيد تريديني؟
سيلين -اكيد اريدك واني كتلك من زمان مسامحتك
عبد المعز -يعني بعدج تحبيني؟؟
سيلين -بعدني احبك نفس حبي الاولي
عبد المعز -واني هم احبج بس خايف لاا يصير شي يفرقنا عن بعض
سيلين -لاا تخٌاف اني ما اعَوفك لان أني ما اعيد الغلط مرتْين
عبد المعز -وانا هم مّا أبَدلچ وتُبقين وحيَدتي.
ابتسمت بوجهه واردفت :-
سيلين -انتَ اكثر شخص حبيته بحياتي .
عبد المعز -وانتِ أحن شيء حظيت به طوال عمري.
سيلين -كلامك يخجلني
عبد المعز -خجلي يبعد حيلي هوه الخجل مال يلوك بس للشكران
سيلين -لااا موو لهل درجه ترا هازال شكره اني مو حيل
عبد المعز -صدك ذكرتيني بهازال شلون صارت عرفتو شي عنها؟؟
سيلين -اتصلت عليها الصبح وحجت وياها ماما تكول بخير بس ما تكدر ترجع
عبد المعز -اكيد الزعيم ما يخليها ترجع اصلا ما اعرف شلرن قنعها تشتغل وياه هيه جانت رافضه هذه الشي
سيلين -اني هم راح اتخبل وانوب تفاجئت من عرفت بيها تحب اسار
عبد المعز -اسار زوج روز السابق ؟؟
سيلين -ايي هوه
عبد المعز -مستحيل شلون هيج
سيلين -اني هم جاي اصدك
عبد المعز -معقوله هازال تحب اسار لاا ما اصدك
سسلين -حسب كلامها اني لان كل الكلمه والثانيه تكول اسار اني يامان كلي وما صدكت بعدين من حجه عرفت روز
عبد المعز -وشسوت؟؟
سيلين -عادي بس انصدمت من هازال شلون حبته لان هيه اول ما شافته كرهته
عبد المعز -ايي اتذكر من حجالي وليم كال مستحيل هازال تشتغل ويه الزعيم واسار لان ثنينهم تكرهم
سيلين -والله مادري عوفك منهم المهم هسه بخير
عبد المعز -شوكت ترجع؟؟
سيلين -تكول بعد فتره اجيكم اني واسار سويه
عبد المعز -وابوج؟؟
سيلين -مادري عبد لاا تسئلني لان عن نفسي ما اعرف اجاوب او احجي
عبد المعز -اهدئي لا تعصبين ما كلنه شي
سيلين -لااا ما عصبت من كلامك اني ضايجه ومعصبه من الي ديصير ويانه
عبد المعز -الله كريم تهون لاا تهتمين
سيلين -من تكون يمي يهون كلشي
عبد المعز -اني يمج بكل حالاتج حتى بحزنج اني موجود
سيلين -ماعوف شحجي دتخجلني بكلامك والله اشكر ربي لان دزلي هيج شخص
عبد المعز -واني هم اشكر ربي عليج لانج أجمل شي بحياتي
ابتسمت اله وسكتت هوَ هم سكت بس كل ساعه يخطف نظره من عندي ويباوع اخر شي ما تحمل واردف :-
عبد المعز -أتمنى إيدي تلامس إيدج
سيلين -لا تلمسها بالحرام لان مو حلو هذه الشي انتضر وخليك صبور والمسها بالحلال
ودعته ومشيت دخلت محاضرتي وعبد شاغل كل تفكيري لحد ما خلصت كل محاضراتي وطلعت من الكليه صعدت سيارتي ورجعت للبيت لكيت
ابوي جاي اكيد ماما هسه كالتله طبكت السياره بالكراج ونزلت دخلت للبيت لكيتها تسوي غده صعدت بسرعه بدلت ملابسي ونزلت كعدت بالصاله
انتضر الاكل لان ميته جوع لحد ما اجه بابا وصبت امي الغده اكلت هواي لان حيل جوعانه ما اكلت الصبح من طلعت ضحك بابا علي واردف :-
-على كيفج بنيتي اكل عدل لااا تقصين باللكمه
-خليني اكل بابا اليوم ماما طلعتني من البيت بدون اكل
-ليش هيج مطلعه بنتي بدون اكل ؟؟
-هيه غير نست روحها من حجت ويه هازال
صفن علي واردف :-
-حقها بنيتي صارلها هواي ما حاجيه ويه هازال خليها تحجي
-ليش انتَ ما حجيت وياها ؟؟
-ما يفيد الحجي حتى لو حجيت ما راح ترجع هازال نفس ما هيه خليها هناك احسن اني من زمان ردت اخليها تسافر وشويه ترتاح
-بس هناك هيه ما مرتاحه الزعيم موجود يمها
-لاا تخافين هازال بنيتي واعرفها محد كدر عليها
-يامور تكول بابا اذا عرف يكوم يحجي
-هازال بنتي مو بنته ماله حق يدخل لاا تشغلين نفسج بهيج امور حيري بقرايتج بنيتي .
عاف الاكل وكام اني هم كملت اكل وكمت غسلت ايدي ولميت ويه امي الاكل اتصلت علي تسنيم تريدني اجي بليل كلتلها هاهيه صعدت الغرفتي صليت الظهر وكبل نمت من كد التعب كعدت
المغرب على اذان دخلت الحكام غسلت وجهي وطلعت صليت المغرب بس صلاة العصر ما يصير بعد اصليها لان عبر وقتها نزلت جوه وضليت كاعده يم امي لحد ما صار الليل تعيشين ورحت البيت خوالي لكيت البنات كاعدات بالحديقه ينتضرني كعدت يمهن واردفت :-
سيلين-شلونجن ياحبايب
تسنيم-شكد تحبين تمضرطين اسكتي
سيلين-انجبي تسنيم خليني اكلج شصار اليوم
روز :-واني ما تكليلي
سيلين:-شي اكيد اكلج الكل راح يسمع
تسنيم :-احجي بله خلي نشوف؟؟
سيلين:-اليوم اتصلت على هازال وحجيت وياها
روز:-صدك والله؟؟
تسنيم :-تشاقين ؟؟
سيلين -ايي شبيجن
تسنيم -شووو دحلفيي؟؟
سيلين -والعباس اخو زينب
روز -سطرج كون شكالتلج صدك هيه واسار واحد يحب الثاني لو لاا؟؟
تسنيم -سطرج وشالج وركعج كون
سيلين -هاي شبيج روز ترا لا تنسين نفسج انتِ مطلكه منه يعني بكيفه يريد يحب يتزوج حتى هازال بكيفها
تسنيم -هسه غير تعرف التمسلت وتمضرطط؟؟
سيلين -ايي كالتلي اني احب اسار وهوه هم يحبني وبعد كم يوم يجون للعراق سويه
روز -والله ما توقعت هذه الشي يطلع من هازال اسار
It's okay يطلع هيج شي منه بس هازال اني اريد اعرف شبسرعه تخطت وليم وحبت اسار
سيلين -اني هم سئلتها كالت اني اسار حبيته فجأه وهوه من زمان طلع يحبها
روز -قصدج اسارر؟؟
سيلين -ايي من زمان يحب هازال
صفنت روز تفكر شويه واردفت بتفاجئ:-
روز -اكول اني ليش اتغير اسار وصار ما يحجي وياي ولا يطيق يشوفني طلع يحب هازال خرب عرضك شكد نجرر
سيلين -هاي شبيها شدتحجي روزز؟؟
تسنيم -عوفيها تمسلت هاي
-لجن لااا من رحنا لـ امريكا علمود خطوبه ريفان وليم اسار متغيره تصرفاته جان كل ما يشوفني يحاول يحجي وياي هسه لااا كل ما يشوفني يبتعد حتى حجي ما يحجي وياي ولا يباوع اصلا
سيلين -اعتقد انتِ تريده يرجعلج؟
روز -لااا شبيج اني اسار من زمان اعرفه شخص كلش حباب بس بسبب الزعيم تغير وصار هيج اني ما كرهته ولا اكره احد اصلا بس انصدمت فقط
سيلين -كلنا مصدومين من تصرف هازال
تسنيم -المهم هيه مرتاحه
روز -يااا مرتاحه والزعيم يمها انوب ابو اسار جداً خطير اذا شاف هازال تروح بأيده
سيلين -ما فهمت ؟؟
روز -اني من حبيت اسار وصارت علاقه بيناتنا طلب ابو اسار يشوفني بوقتها ما حبني خلاني اكره روحي من كد ما خلاني اشتغل واتعب بعدين عود قدل على علاقتنه اني واسار
سيلين -لاا حسب ما سعمت من هازال كلشي بيناتهم تمام
روز -والله هازال حظها كاعد هنيالها
تسنيم -اشوو انتِ ساعه تحجين على اسار ساعه تمدحين بيه ما عرفنالج راس من رجلين
روز -باعن هوه اسار شحص حباب وحنون ومن يحب احد يصير مخبل ومجنون بحبه حتى يصير مهووس بي اني اخت اسار شجـون كلتلي هيج هسه ما دام طلع يحب هازال يعني مهووس بيها بس اني بسبب الاشياء الي صارت وياي وهوه انجبر يسوي اشياء ما يريدهن خلاني هيج اكول عنه
سيلين-والله دوختينييي اسكتي رحمه الابيج
روز-دطيريي انتِ وابوي
سيلين-دكوميي جيبي مخده لااا اطيرج بزيج
روز-والله لو عبد يسمعج يعوفج وينهزم على وجهه
سيلين-شلون تخلينييي اكوم ادفنها بكاعها دمشي لج اصلا عبد يحبني بكل حالاتي
روز-دسكتيي عمي والقران راح تخليني الولد يهج منج
كامت روز فاحطه ضحك باوعت على تسنيم تغطي وجهه بالشال من كد الضحك ضربتها على راسها واردفت :-
سيلين-الله يكرفج انتِ وياها كبر لهيج شكول
تسنيم -الله ياخدج ولج انتِ شسويتي بينا خبزتينيي خبززز راح اكوم والعباس اسويج وصلتين اذا ما سكتي وصميتي بوزج
وكعت على صفحه من كد الضحك اجتي روز تركض على صوت ضحكتي شمرت المخده بوجهي واردفت:-
روز -كبر طمج عبالي احد مات اجيت اركض بسرعه
سيلين -منو يموت بهل برد ما تسكتين انتِ
روز -ما تنجين انتِ
سيلين -راح اكوم اطكع النعال على راسج
روز -دمشي ولييي لااا انعل ما اخلي بيج
سيلين -وين اولييي بنت المسموط ؟؟
تسنيم -هاي شبيجن انجلبتن
سيلين -شلون تخليني اجرها بزيج ثلاثي الابعاد
تسنيم -شلون راح اكوم اهفجن براشدي ينسيجن الحلب الي رضعتنه
سيلين -هوه اني اتذكر عشه البارحه حتى اتذكر حليب الي رضعته ما تسكتين انتِ
روز -خرب روحج شكد مطيه
سيلين -كافييي راح اكوم اوكلج نعل
تسنيم -والقران مو بنات عبالك سكرانين ودنحجي شبيجن رجعن الوعيجن خرب اهلجن
ضحكت على كلام تسنيم ورجعت عدلت كعدتي ضليت كاعده وياهم لحد ما اتأخر الوقت ودعتهن وطلعت رجعت للبيت بس هدوئ اعتقد
الكل نايم لكن خاب املي من سمعت صوت ابوي يطلع من المكتب اتقربت من الباب وخليتي راسي اريد اسمعه شيحجي فزيت من ضرب المكتب واردف :-
عمران -لاا تخليني اجيك هسه هازال خط احمر افتهمت لو لااا مثل ما تخاف على روحك تخاف عليها وتحميها اذبحك اذا صار عليها شي اني كم يوم واجي افهمها كلشي بس دير بالك عليها .
سكت بابا يسمع المقابل شيحجي انصدمت من سمعت كلام ابوي منو هذه الي يحجي وياه وليش ديأمنه على حياة هازال واصلاً وين راح
يروح ابوي حتى يفهم هازال او اصلا شنو يفهمها ابتعدت بسرعه من سمعت صوت اقدام اتحرك دخلت للمطبخ بسرعه من انفتح باب .
المكتب سمعت الباب انسد وصوت اقدامه من يصعد على الدرج باوعت من باب المطبخ صعد راح لغرفته وخلاني بصدمتي ابوي شنو ديسوي من
ظهرنا وليش هيج تصرفاته بادره ومنو هذه الشخص الي جان يحجي وياه هواي اسئله ادور براسي بس جوابهن راح يكون يم شخص واحد وبس والي هوه ابوي .
يتبع...
«ــــــــــــــــــــ«•»ـــــــــــــــــــ»
-الحمدلله.
-سُبحان الله.
-لا إله الا الله.
-الله أكّبر.
-لا حول ولا قوة الا بالله.
-سُبحان الله وبحمده سُبحان الله العظيم.
-ربي اغفر ليّ ولوالدي.
-حسبِي الله لا إله الا هو عليه توكلت وهو ربّ العرش العظيم.
-سبحان الله وبحّمده عدد خلقهِ ورضا نفسه وزنة عرشه ومداد كلماتهِ.
-لا إله الا الله وحده لا شَريك له،له الملك وله الحمدّ وهو على كل شيء قدير.
«ــــــــــــــــــــ«•»ـــــــــــــــــــ»