ភ្លើងនៅក្នុងកម្មវិធីទាំងមូលត្រូវបានបិទនិងជំនួសមកវិញនូវភ្លើងរាត្រីតូចៗបើកលម្អនិងភ្លើងហ្វាដែលបញ្ចាំងទៅលើកម្រាលព្រំពណ៌ក្រហែមដែលជាមាត់ច្រកនិងផ្លូវដើរសម្រាប់កូនក្រមុំ។ ខណៈនោះស្នូរទះដៃខ្លាំងៗនិងសម្លេងហូរកញ្ជ្រៀវឮៗពីទស្សនៈភ្ញៀវកិត្តិយសរាប់រយនាក់ដែលបានមកចូលរួមបានបន្លឺឡើងយ៉ាងរំពងបន្ទាប់ពីរាងតូចស្ដើងក្នុងឈុតរៀបអាពាហ៍ពិពាហ៍ពណ៌សធ្វើដំណើរដើរចូលមកដោយមានម្ដាយរបស់គេជាអ្នកកាន់ដៃដើរនាំមុខនិងនាំដំណើររបស់គេទៅរកកូនកម្លោះដែលកំពុងតែឈររង់ចាំនៅផ្លូវខាងមុខជាមួយនិងលោកអាចារ្យព្រមទាំងលោកតាក្មេករបស់គេផងដែរ។ ម្ចាស់តារបស់ពួកគេញញឹមបិទមាត់មិនជិតឡើយ ពេលបានឃើញចៅប្រសារដ៏ស្រស់ស្អាតរបស់គាត់ដើរចូលមករក Jungkook ដោយជំហានមួយៗសមសួនជាមួយនឹងស្នាមញញឹមលើផ្ទៃមុខ។
ភ្ញៀវជាច្រើននាំគ្នាស្រែកហូរនិងបានបាចស្រទាប់ផ្កាកុលាបក្រហមទៅលើ Taehyung ធ្វើឲ្យគេកាន់តែស្រស់ស្អាតថែមមួយកម្រិតទៀតហើយ។ Jungkook តាមសម្លឹងមើលដំណើរភរិយារបស់ខ្លួនទាំងភ្លឹកភ្លាំង ភាំងស្មារតីនឹងសម្រស់របស់រាងតូចនៅក្នុងឈុតរៀបការមួយនោះ។ មួយឆាកជីវិតនេះពួកគេបានឃើញនិងបានស្គាល់ហើយថាអ្វីជាការរៀបការ ហើយអ្វីដែលស្រស់ស្អាតបំផុតនៅក្នុងថ្ងៃពិសេសនិងមិនអាចបំភ្លេចបានមួយនេះ។
« My bride » បបូរមាត់ស្ដើងបន្លឺសម្ដីឡើងស្រាលៗព្រមមកជាមួយនឹងស្នាមញញឹមនៃសេចក្ដីសុខនិងភាពរីករាយពេលដែល Taehyung ដើរចូលមកដល់។ Jungkook ឈោងដៃទៅទទួលរាងតូចពីម្ដាយរបស់គេពេលគាត់ហុចដៃ Taehyung ទៅឲ្យ Jungkook ដើម្បីទទួលយកគេទៅឈរក្បែរ។
« ផ្ញើផងណាកូន »
« បាទអ្នកម៉ាក់ » សម្ដីពីរោះភាសាបន្លឺឡើងបូក
រួមនឹងស្នាមញញឹមដ៏ស្រស់សង្ហាលើផ្ទៃមុខមិនរលុប ពេលអ្នកម៉ាក់ក្មេករបស់គេយកកូនតែមួយគ្រាប់របស់គាត់មកផ្ញើខ្លួនផ្ញើប្រាណនឹងនាយ។
« អូនស្អាតណាស់ Kim Taehyung » ពួកគេទាំងពីរឈរទល់មុខគ្នានិងញញឹមដាក់គ្នាទៅវិញទៅមកដោយមានសម្លេងទះដៃខ្លាំងៗពីភ្ញៀវកិត្តិយសជាច្រើនរូប។ ឯរាងតូចក៏អៀនក្រហមថ្ពាល់ព្រឿងៗពេលដែល Jungkook សរសើរគេ។
« ពិធីសម្បថសូមចាប់ផ្ដើម! សូមភ្ញៀវកិត្តិយសទាំងអស់ជួយធ្វើជាសាក្សី »
« មើលនោះទៅប៉ាៗរបស់ Jaehyun សង្ហាណាស់ណា! » Felix ពររលាក់អាល្អិតនៅក្នុងដៃតិចៗនិងចង្អុលបង្ហាញប៉ាម៉ាក់របស់គេដែលកំពុងធ្វើពិធីតាមប្រពៃណីរបស់កូរ៉េ។
« ចាក់អេ៎! សុំពរ Jaehyun បន្តិចមកណា! » ខណៈនោះក៏លេចវត្តមានរបស់ Jeonghan នៅពីក្រោយខ្នងពញ្ញាក់អារម្មណ៍របស់ Felix ដែលកំពុងឈរជាមួយគូដណ្ដឹងរបស់ខ្លួននិងពរ Jaehyun ជាប់ដៃឲ្យងាកបែរទៅមើលមុខ មុននឹងកម្លោះតូចសក់សបែរមុខទៅសម្លឹងមុខគូដណ្ដឹងរបស់ខ្លួនវិញដើម្បីសួរបញ្ជាក់ថាគេគួរឲ្យ Jaehyun ទៅកាន់ Jeonghan ពរដែរឬទេ។
« អូនឲ្យ Jaehyun ទៅគេទៅ គេជាមិត្តភក្តិរបស់ Taehyung តើ! » hyunjin ក៏អនុញ្ញាតទើប Felix ហុច Jaehyun ទៅឲ្យ Jeonghan ដើម្បីពរ។
« គួរឲ្យស្អប់ដល់ហើយអាល្អិត! » Seungcheol ដែលឈរនៅពីក្រោយខ្នងរបស់ Jeonghan ក៏បាននិយាយឡើងនិងលូកដៃច្បិចថ្ពាល់របស់ Jaehyun ទាំងក្នក់ក្នាញ់។
« ដូចប៉ារបស់គេខ្លាំងណាស់ » Jeonghan
« កូនរបស់ពួកយើងច្បាស់ជាកាត់រកអូន »
« ឆ្កួតទេហេស៎? » ដោយអៀនប្រៀនពេក Jeonghan ក៏ងាកសម្លក់មុខ Seungcheol ដែលជាមិត្តប្រុសរបស់ខ្លួន។
« Jeon Jungkook! តើកូនហ៊ានស្បថនិងព្រមទទួល Kim Taehyung មកធ្វើជាភរិយាស្របច្បាប់ មើលថែគ្នា តស៊ូជាមួយគ្នា និងរស់នៅស្រលាញ់គ្នារហូតដល់ចាស់កោងខ្នងសក់ស្កូវរៀងខ្លួនដែរទេ? »
Jungkook សម្លឹងមុខរាងតូចយ៉ាងស្រទន់ដែលកែវភ្នែកទាំងគូនោះបង្កប់ទៅដោយក្ដីស្រលាញ់ ភាពស្មោះត្រង់ឥតភាពលាក់បាំង។ នាយញញឹមឡើងមុននឹងចាប់កាន់ប្រអប់ដៃរាងតូចទាំងខាងទើបឆ្លើយ
« បាទខ្ញុំយល់ព្រម! ប្រសិនបើខ្ញុំធ្វើខុសពាក្យសម្បថសូមឲ្យខ្ញុំ- » រកតែ Jungkook បញ្ចប់សម្ដីមិនទាន់ Taehyung ក៏ទើតជើងទៅថើបបំបិទមាត់របស់នាយមិនឲ្យនាយនិយាយវាចេញមក ក៏បានធ្វើឲ្យភ្ញៀវកិត្តិយសជាច្រើននាំគ្នាស្រែកហូរនិងទះដៃខ្លាំងៗ។
« មិនបាច់និយាយទេណា Jungkook! អូនជឿជាក់លើបង អូនដឹងច្បាស់ណាស់ថាបងនឹងមិនធ្វើខុសលើពាក្យសម្បថក្នុងថ្ងៃពិធីមង្គលការរបស់ពួកយើងទេ » បន្ទាប់ពីដកមាត់ចេញវិញ Taehyung ក៏និយាយឡើងទាំងញញឹមរលីងរលោងក៏បានធ្វើឲ្យ Jungkook ញញឹមតាមព្រមទាំងភ្ញៀវដែលមកចូលរួមមួយចំនួនក៏មានការយំតាមដូចគ្នា ព្រោះតែក្ដុកក្ដួលនិងសប្បាយចិត្តពេលដែលបានឃើញកូនក្រមុំចេះយល់ចិត្តនិងដឹងច្បាស់អំពីស្វាមីរបស់ខ្លួន។
« Kim Taehyung! តើកូនហ៊ានស្បថនិងព្រមទទួល Jeon Jungkook មកធ្វើជាស្វាមីស្របច្បាប់ មើលថែគ្នា តស៊ូជាមួយគ្នា និងរស់នៅស្រលាញ់គ្នារហូតដល់ចាស់កោងខ្នងសក់ស្កូវរៀងខ្លួនដែរទេ? » លោកអាចារ្យក៏បែរទៅសួរ Taehyung ម្ដងទើបនាយតូចឆ្លើយយ៉ាងរហ័សដោយមិនស្ទាក់ស្ទើរនោះឡើយ។
« បាទខ្ញុំព្រមទទួល »
« ពិធីសម្បថត្រូវបានចារទុក! ដូច្នេះសូមអ្នកទាំងពីរបំពាក់ចិញ្ចៀនឲ្យគ្នាទៅវិញទៅមក » ខណៈនោះក៏មាននារីម្នាក់លើកប្រអប់ចិញ្ចៀនពីរប្រអប់ឡើងមកដែលបើកចំហរស្រាប់ដើម្បីយកទៅឲ្យកូនកម្លោះកូនក្រមុំបំពាក់ឲ្យគ្នា។ ចិញ្ចៀនគ្រាប់ពេជ្រតូចធំចែងចាំងដូចជាផ្ទាំងកញ្ចក់ គ្រាន់តែឃើញក៏ដឹងថាមានតម្លៃថ្លៃកម្រិតណាដែរ។ ចំណែកឯចិញ្ចៀនពេជ្ររបស់ Taehyung វិញគឺជាចិញ្ចៀនដែល Jungkook បានទិញឲ្យគេនៅថ្ងៃបុណ្យនៃសេចក្ដីស្រលាញ់នេះឯង ហើយវាក៏ជាចិញ្ចៀនសម្រាប់បញ្ជាក់ថាពួកគេបានភ្ជាប់ពាក្យជាមួយគ្នារួចហើយដែរ ដូច្នេះក្នុងថ្ងៃពិសេសមួយនេះ Jungkook នឹងត្រូវបំពាក់វាទៅកាន់រាងតូចម្ដងទៀតដែលជាពិធីរៀបអាពាហ៍ពិពាហ៍របស់ពួកនៅចំពោះមុខភ្ញៀវកិត្តយសជាច្រើនរូបតែម្ដង។
« បងស្រលាញ់អូនណា Kim Taehyung » បន្ទាប់ពីបំពាក់ចិញ្ចៀនឲ្យគ្នារួច Jungkook ក៏ចាប់កាន់ដៃរាងតូចទាំងសងខាងយកមកកាន់និងអង្អែលថ្នមៗ។
« សូមកូនទាំងពីរថើបគ្នា » ពេលលោកអាចារ្យប្រកាសបែបនេះភ្លាម Taehyung ក៏ចាប់ផ្ដើមអៀនធ្វើឲ្យថ្ពាល់ក្រពុំទាំងគូឡើងក្រហមព្រឿងៗ។
មិនចាំយូរ Jungkook ក៏លូកដៃម្ខាងចាប់កញ្ចឹងករាងតូចឯដៃម្ខាងទៀតក៏ក្រសោបថ្ពាល់របស់គេមុននឹងឱនមុខចុះទៅគ្រប់គ្រងបបូរមាត់ពណ៌ស៊ីជម្ពូរមួយនោះនៅចំពោះមុខមនុស្សជាច្រើនរួមទាំងលោកតា អ្នកម៉ាក់ក្មេក និងកូនប្រុសរបស់ពួកគេផងដែរ។
« ពួកគាត់សមគ្នាណាស់ » Felix រលីងរលោងពេបមាត់ចង់យំពេលដែលបានឃើញបងថ្លៃរបស់ខ្លួនមានក្ដីសុខនិងសុភមង្គល។
« បងនិងអូនក៏សមគ្នាដែរ » hyunjin លូកដៃម្ខាងឱបចង្កេះរាងតូចនិងទាញគេយកមកជាប់ខ្លួន។
« ចុះពួកយើងសមគ្នាដែរទេ? » Minho ក៏អើតមុខទៅនិយាយជាមួយ Jisung ដែលឈរក្បែរដៃ Felix ទាំងញញឹមចង់រីកបបូរមាត់។
« ឆើស! សាវ៉ារោគចិត្តដល់ថ្នាក់នេះមិនសាកសមនឹងមនុស្សគួរឲ្យស្រលាញ់ដូចជាខ្ញុំទេ! »
« បងរោគចិត្តតែជាមួយអូនតើ baby! ងរបងទៀតហើយហ៎នេះអា hyun និយាយអីអាក្រក់ពីបងប្រាប់អូនមែនទេ? » Minho ធ្វើទឹកមុខសេដៗនិងខំប្រឹងធ្វើខ្ជីខ្ជូតដើម្បីលួងសំណព្វចិត្តរបស់នាយ។
« គ្មានទេស! » Jisung ធ្វើជាបែរមុខគេចចេញមិនចង់ឃើញឯរាងក្រាសក៏តាមលួងគេមិនឈប់ដូចគ្នា។
« ចង់ឲ្យមានថ្ងៃនោះដល់ហើយ! » Jeonghan ញញឹមស្រាលស្រទន់ទាំងមានក្ដីសុខពេលឃើញមិត្តរបស់ខ្លួនមានសុភមង្គលហើយគេក៏បានស្រម៉ៃដល់ថ្ងៃពិសេសរបស់គេដូចគ្នាដែរ។
« ថ្ងៃនោះរបស់ពួកយើងនឹងមកដល់ឆាប់ៗ » Seungcheol លូកដៃឱបចង្កេះ Jeonghan ពីក្រោយនិងដាក់ចង្ការរបស់ខ្លួនលើស្មារបស់រាងតូច។
ភ្លាមៗនោះមនុស្សក៏ចោមរោមគ្នានៅខាងមុខឆាកវេទិកាយ៉ាងអ៊ូអរព្រោះតែ Taehyung ជាមួយនិងស្វាមីរបស់គេត្រៀមនឹងបោះបាច់ផ្កាដើម្បីឲ្យភ្ញៀវកិត្តយសប្រុសស្រីចាំទទួលយកគូព្រេងឬក៏ជូនវាទៅកាន់មនុស្សជាទីស្រលាញ់របស់ពួកគេ។
« 1~ 2~ ......3! »
ផឹប៚ បាច់ផ្កាក៏បានហោះឡើងទៅលើផ្ទៃអាកាសរួចក៏ធ្លាក់ចុះមកវិញនៅក្នុងកណ្ដាប់ដៃរបស់ Minho។
« ចាប់បានហើយ! » Minho ញញឹមស្រស់មុននឹងយកបាច់ផ្កានោះទៅឲ្យសំណព្វចិត្តរបស់នាយធ្វើឲ្យភ្ញៀវជាច្រើនទះដៃជូនឯខ្លះក៏លួចច្រណែនដែលមានបុរសល្អបែបនេះចាប់បានបាច់ផ្កាហើយក៏យកវាទៅជូនគូស្នេហ៍របស់គេមុនគេ។
« សូមអបអរផងណា hyung! ខ្ញុំសប្បាយចិត្តណាស់ដែលឃើញ hyung ទាំងពីរមានសុភមង្គលបែបនេះ! » Felix ស្ទុះចូលទៅរកគូស្វាមីភរិយាថ្មីថ្មោងដែលបានបញ្ចប់កម្មវិធីនិងដើរចុះពីលើឆាកដើម្បីមកទទួលរាក់ទាក់ជាមួយភ្ញៀវម្ដង។
« អរគុណហើយណា » Taehyung
« ថ្ងៃរបស់ពួកឯងក៏នឹងមកដល់ឆាប់ៗនេះដែរ! » Jungkook លើកដៃដាក់លើស្មារបស់ hyunjin និងញញឹមដាក់កូនកម្លោះកូនក្រមុំមួយគូនេះដែលពួកគេនឹងឈានចូលរោងការក្នុងឆាប់ៗនេះដូចគ្នា។
« Fe! ឯណា Jaehyun? »
« Jaehyun នៅជាមួយមិត្តរបស់ hyung នៅខាងនោះ! »
« អរគុណណា Fe! » បន្ទាប់ពីក្រឡេកឃើញកូនប្រុសហើយ Taehyung ក៏ប្រញាប់ដើរចូលទៅរកតែម្ដងព្រោះតែគេនឹកកូនសឹងស្លាប់ទៅហើយ។
« Hannie! »
« ហីយ៉ា Taehyung ចូលរួមអបអរផងណាជូនពរឲ្យស្រលាញ់គ្នាជារៀងរហូត » Jeonghan
« អរគុណហើយសម្លាញ់អញ្ចឹងឲ្យ Jaehyun មកយើងពរមក ហើយឯងទៅរកអីញ៊ាំសិនទៅ! តែនិយាយអញ្ចឹងឯងមកជាមួយនរណា? » Taehyung ទទួលកូនប្រុសយកមកពរជាប់ខ្លួនមុននឹងសួរទៅកាន់អ្នកជាមិត្ត។
« នេះនែក៎! មកជាមួយសង្សារបស់យើង » Jeonghan ក៏លើកដៃអួតបង្ហាញ Seungcheol ដែលកំពុងជាប់រវល់ពិភាក្សាជាមួយអ្នកស្គាល់គ្នា។
« មិត្តភក្តិរបស់ប្ដីយើងហ្នឹងហេស៎ជាអនាគតសង្សាដែលឯងលាក់យើងមិនទាន់ប្រាប់នោះ? »
« ត្រូវហើយឥឡូវនេះក្លាយជាសង្សារបស់យើងហើយណា! មិនមែនអនាគតសង្សាទៀតទេ » Jeonghan ញញឹមស្ញេញលឹបភ្នែកដាក់មិត្ត។
« Ohh Taehyung » បន្ទាប់ពីនិយាយចប់ Seungcheol ក៏បែរមុខមករក Taehyung
« សួស្ដីសម្លាញ់! » ភ្លាមនោះ Jungkook ក៏បានដើរចូលមកល្មមក្រោយពីបញ្ចប់ការសន្ទនាជាមួយភ្ញៀវនិងប្អូនៗរបស់នាយ ដើម្បីមករកភរិយាហើយក៏បានមកជួបនឹងមិត្តរបស់នាយតែម្ដង។
« អបអរផងណាអាសម្លាញ់ »
« អរគុណហើយ! ឯងក៏ដូចគ្នាទាក់ទងល្មមៗអីចូលរោងការទៅសម្លាញ់ » Jungkook ញាក់ចិញ្ចើមដាក់ Seungcheol ធ្វើឲ្យ Jeonghan ញញឹមអឹមអៀនខុសអីតែ Taehyung ឱបក្រសោបកូនប្រុសធ្វើទឹកមុខឆ្ងល់ ហេតុអីស្វាមីរបស់គេដឹងថាពួកគេទាំងពីរនោះជាសង្សានឹងគ្នាតែគេបែរជាមិនដឹងទៅវិញ?
« នេះបងដឹងថាគេទាំងពីរទាក់ទងគ្នាហេតុអីបងមិនប្រាប់អូនឲ្យបានដឹងផង? »
« មិនមែនបងមិនចង់ប្រាប់ទេប្រពន្ធសម្លាញ់ តែមកពីរឿងនេះវាបែកធ្លាយដឹងដល់បងតែម្នាក់ប៉ុណ្ណោះទើបពួកគេសុំមិនឲ្យនិយាយប្រាប់អ្នកណាសូម្បីតែអូន តែពួកគេនឹងបើកចំហរវានៅពេលក្រោយ ឥឡូវនេះអូនក៏បានដឹង ហើយមនុស្សគ្រប់គ្នាក៏ភ្ញាក់ផ្អើលដែរ អូនមើលខ្លួនឯងទៅ » Jungkook ពន្យល់រាងតូចឲ្យបានយល់និងបង្ហាញគេពីភាពជាក់ស្ដែង។
ឯ Taehyung ក៏ក្រឡេកមើលជុំវិញខ្លួនក៏បានឃើញថាភ្ញៀវមួយចំនួនបានសម្លឹងមើលមកកាន់ Seungcheol ជាមួយមិត្តរបស់គេពិតមែន ទាំងទឹកមុខភ្ញាក់ផ្អើលហើយព្រមទាំងខ្សឹបខ្សាវគ្នាពីនេះពីនោះផងដែរ។
« ប៉ុណ្ណឹងយល់ហើយមែនទេ? » Jeonghan
« អឺ...តែក៏ជូនពរវិញណាអោយឯងនិងលោក Seungcheol ឆាប់បានចូលរោងការដូចយើង » Taehyung ញញឹមចុងបបូរមាត់ដាក់មិត្តធ្វើឲ្យ Jeonghan លួចសម្លក់ព្រោះក្នាញ់នឹងសម្ដីរបស់គេ។
« អញ្ចឹងអ្នកទាំងពីរអញ្ជើញតាមសប្បាយចុះ! តោះអូនសម្លាញ់យើងទៅថតរូបជាមួយម្ចាស់តាទៅ » Jungkook ក៏នាំប្រពន្ធនិងកូនប្រុសរបស់នាយទៅរកម្ចាស់តារបស់ពួកគេដើម្បីបានថតរូបជួបជុំគ្រួសារ។
« អោយ Jaehyun មកបងមក! » Jungkook ស្នើរយកកូនប្រុសមកពរទើបរាងតូចហុចកូនឲ្យទៅនាយ
« Jung! ចាំបន្តិចណាអូនទៅខាងនោះមួយភ្លែត »
« អឹម...ឆាប់មកវិញ » ពេលរាងតូចចេញទៅ Jungkook ត្រូវនៅឈររង់ចាំប្រពន្ធជាមួយនិងកូនប្រុសដោយមានភ្ញៀវនិងអ្នករួមការងារចូលមកអបអរដល់នាយហើយខ្លះក៏បានសរសើរនិងប្រលែងលេងជាមួយនិងកូនប្រុសរបស់ពួកគេផងដែរ។
« អបអរសាទរផងណាដែលបងមានថ្ងៃនេះ » សម្លេងស្រាលស្រទន់របស់មនុស្សស្រីបានបន្លឺឡើងនៅពីក្រោយខ្នងរបស់ Jungkook ក៏បានធ្វើឲ្យនាយមានអារម្មណ៍ថាប្រហែលៗមុននឹង Jungkook ក៏បែរខ្នងទៅរកម្ចាស់សម្លេងមួយនោះ។
« It's you! ..... » ស្នាមញញឹមនៅលើបបូរមាត់ស្ដើងពណ៌ផ្កាឈូកក៏រីកសាយឡើងបន្ទាប់ពីបានឃើញវត្តមានរបស់មនុស្សស្រីក្នុងរ៉ូបរឹបរាងពណ៌មាសភ្លឺចិញ្ចាំងចិញ្ចាចបានមកចូលរួមកម្មវិធីរៀបអាពាហ៍ពិពាហ៍របស់ខ្លួននៅក្នុងថ្ងៃនេះ។
To be continued........
****
Guess who? 👀 maybe no one knows hehe new character unlocked:3