حور: فتحت الباب طلعتلي مره ضعيفه ولابسه كله اسود والكبر متعب ملامح وجهه.... بصوت خافت.... أني ح.. ح.. و. ر
حسنة: أول مفتحت الباب عرفتها گلبي سجين ودخلت بي سحبتها وحظنتها وابجي وانوح.... يمه سامحيني اني ضلمتج هواي(تبجي) جنت ادعي اشوفج قبل لا الله ياخذ أمانته... بوستها بلهفه من خدها ومن عيونها
حور: يمه مشتاقتلج راح اموت محتاجتج لاتعوفني يمه لاتعوفيني اني تعبانه..... بعد لقاء وعتب ودموع وحظن طبيت للبيت جان عبارة عن غرفتين ومطبخ وحمام.. سكنت المي وطبيت سبحت وبدلت وجابتي أكل اكلت وفرشتلي يمها وبعد غياب سنوات رجعت لحظنها وحنانها.... ضلت تترجاني حتى اسامحها وتكفر عن ذنوبها وسامحتها وحسيت نولدت من جديد غفيت من التعب والارهاق دخلت بدوامه نوم عميقه
_صباح يوم التالي
رقية: والله العظيم مو يمنه فوت دور اذا مصدك
بكر: يمعود شبيك تخبلت داكلك مو يمنه مشفناها
اركان: وييييييين راحت راح اتخبللللللل معقوله راحت لبيت عدنان....؟؟؟؟
رقية: هسه اتصل صورة وصوت بلكي يمهم
..... الو هلا ماما حبيبتي. شلونج
علاهن: هلا يمه صباح النور خير يارب شو من صبح اتصال مو من عوايدج
رقية: كلت اسم عليج. اشوف اخباركم شكو ماكو احد اجاكم منا منا
علاهن: والله ماكو شي جديد عل حطيت ايدج لاحد جاي ولاحد رايح
رقية: حور ماجتكم؟.
علاهن: لايمه ليش وينه ماكالت راح تجي خوما كوشي
رقية: لاحبيتي ماكو شي بس كالت تريد تسوي زياره عدكم ف داسأل يلا سلميلي على بابا واخواني اجه بكر حروح..... سديت الخط
اركان: اني اعتذر منكم كلش اتمنى تقدرون وضعي اذا سمعتو اي شي جديد اتصلو عليا ذمه برقبتكم لاضمون عني شي
بكر: صار خويه نبقى على اتصال
اركان: شغلت السياره ورجعت والخيبه ماليه وجهي وصلت البيت مالي نفس بشي
اقبال: جبت صينيه اكل.... وليدي اكل ميصير تبقى بدون اكل راح تموت من ورا هل حيوانه هاي لو تحبك مسوي هيج انساها طلعها من بالك عوفها اني ازوجك احسن بنيه بالانبار
اركان: ماعندي طاقه احجي التفكير ماكل راسي تمددت وجسمي كله نحلان ومنهك
حور: كعدت من صبح نضفت البيت وشغلت التلفزيون على القرأن وسويت ريوك والحياة ورديه وياي بهل يوم
حسنة: ماوصف فرحتي حياتي بدت من رجعتلي حور اريد اعوضها كلشي مرت بي رحت عل سوك وشتريتلها كومه غراض ملابس ومكياج وجنط واحذيه ومبايل وروايات
حور: اليوم اسويلج اطيب دجاج محشي ست حنونه..... كل فكري وعقلي جان ويه امي نسيت شي اسمه اركان يمكن امي عوضتني بعوض خلاني انسى الماضي بلمحه
بعد مرور مده
ليث: الو منو...؟
لينا: احم مرحبا ليث اني لينا اخت عثمان اذا ممكن تجي توصلني للكليه عندي أمتحان وأبو الخط ماجني
ليث:ءءءء هلا هلا اي جايج يلا..... كمت على سريع رتبت نفسي وحطيت عطر وگلبي يدك متوتر رحت اخذتها من بيتهم وصلتها للدوام
كوثر: ولج هذا منو لصاعده ويا
لينا: اوي على كيفج هذا ليث ابن جيرانه
كوثر: عزا العزاج شنو هلجمال الشايله متت بي مرتبط؟؟؟؟؟
لينا: اممم مطلگ بس معنده اطفال
كوثر: يا حرامات بس عادي على هجمال حتى لو عنده اطفال ارتبط بي (تضحك)
لينا: اثگلي بابا عيب
ليث👇🏻
ليث: باوعت على كشن مال سيارة ملزمه لينا اتصلت عليها كبل
لينا: هذا هو ديتصل شريد.....(مستغربه)
كوثر: جااااوبي فتحي سبيكر خل اسمع
ليث: العفو لينا ملزمتج يمي مكتوب بيها نظام محاسبي
لينا:يااااا نسيتها اعتذر منك كلش بس تكدر جيبها الي والله. كلش ضروري حتى أراجع
ليث: تمام مسافه طريق بس اصل أرمشلج
لينا: تمام عيني
كوثر: امشي خل ننتظره على شارع ومو ترحين عل سياره خل هو ينزل يجي يمنا
لينا: يمعوده فتهمنه منين طلعتلي انتي هفففففففف
لينا👇🏻
اركان: دك المبايل رقم غريب فتحت اتصال الو
حور: نفسي صار سريع وصدري يصعد وينزل بلعت ريگي وشجعت نفسي.....مرحبا أركان شلونك
اركان: فزيت من مكاني وكفت على طولي الوووووو حور وين وين وين انتي ليش هيج تسوين بيا ليش حرام عليج متخافين ربج انتي
حور: نزلت دمعتي مسحتها اخذت نفس... ورقة الطلاق جهزت ناقصها توقيع منك يوم 3 لازم نروح عل محكمه
اركان: بخيبه أمل جبيرة.... ميحتاج نروح اني راح اوقعها ودزها الج بالبريد مع السلامه..... سديت الخط وحقد دنيا كلها بعيني تحولت انسان ثاني انسان بلا مشاعر مو اني لضعف علمود وحده خانتني وتركتني بليلة ضلمه
حور: حظنت امي وابجي يمه احبها والله اريده بس هو جبرني اسوي هيج...شوووفي شوفي شلون لهسه جوي الجگاير عل جسمي ملچع هو مانطاني مجال حتى أبررله هو سبب بدمار علاقتنه
حسنة: ميخالف اصبري الله يرد حوبتج اني يمج وبضهرج ماخلي احد يجيس شعره وحده منج
حور: حظنتها ونمت وهي تمسح على راسي
كوثر: هذا هذا اجه
ليث: نزلت من السيارة مرحبا هاي الملزمه... يبتسم
كوثر: مديت ايدي .... هلاوووو اني كوثر
ليث: هلا واني ليث جار لينا
لينا: كلش شكراً تعبتك وياي
كوثر: تكدر تجي تاخذنه بالحله الخط. ميجي علينا
لينا: ندستها اسكتي
ليث: والله ماكدر راح ادزلكم جمال ياخذكم اني عندي شغل بالمكوى
كوثر: هم حلو مثلك
ليث: اووه بعد. احلى مني.... يضحك
لينا: صخام لصخمج فظحتيني
ليث: غمزت لينا باي وبتسمت ورحت
اركان: طبيت للمطبخ شربت مي واني وراجع شفت مبايل امي رقم مجهول يتصلل طلعت مبايلي واخذت صوره للرقم ورحت للغرفه بدلت وطلعت اروح ارسل ورقه الطلاق بعد ماوقعت عليها ويه البريد رحت للدوام وبديت أتقبل الواقع واتقبل فكره حور طلعت من حياتي اتصل عليا بكر سولفنه وبكر ورقية متأثرين لان نفصلنه اني وحور بهل طريقة سدت الاتصال وذكرت الرقم اخذته كتبته بالكاشف ستغربت الرقم مسجل بأسم مصطفى نعمان ابن عمي شسوي يتصل على امي ماهتميت.... كملت شغلي ورجعت للبيت سبحت وبدلت فتحت الكنتور داور بالغراض وصدفه لگيت شال لحور لزمها بين ايدي اخذت نفس منها شهكت وحست خنكه بصدري لفيته على ايدي وفرشت السجاده صيلت ودعيت من ربي يكون وياي ويهون وجعي ويطلعها من ليف السجاده وطلعت من الغرفه سمعت صوت امي تحجي بالمبايل بصياح مواضح
اقبال: ماعندي. كتلك شنو انت تستفزني احنه اتفاقنه بس ورقيتن ليش هسه جاي دور اكثر
اركان: دفعت الباب وطبيت.... ويامن تحجين
اقبال: ويه خالتك بشرى تريد دين ورقتين وكتلها ماعندي
اركان: أنتبتهت عليه خافت وتلبكت... اني انطيها عندي كليها خل تجي أو انطني احجي وياها
أقبال: لا راحت عود اني اكلها
اركان: ليش متوتره صاير شي؟؟
اقبال: لا ماكو شي...عفته وطلعت
جمال: حيووو بالضلع مبين صرت زين
اركان: هلا اي احسن الحمدللله وين جنت ماشفتك
جمال: والله رحت عل مكوى ساعدت ليث وهسه يكلي روح جيب البنات من كليه اوف بلكي يطلعن حتيت
جمانة: الله ياخذك ان شاء الله دور حتيت يا ابو النسوان
جمال: اشاقه عمري وين اكو حاته مثلج
اركان: اكلك امي بيها شي و معاجبني وضعها هل كم يوم اتصالاتها هواي واليوم رقم اتصل عليها
جمال: دعوفها بحالها بلكي عاشگه جديد
اركان: عفته وطلعت ادخن
جمال: طبيت للمطبخ حطيت اكل جوعان باوعت مبايل امي يتصل فتحت خط بدون مااحجي......... ليش سدي بوجهي اني مو كتلج جيبلي ورقيتين مو الي للولد الساعدنه طلب ورقتين ولاتكولين ماعندي ولدج كلهم رواتب
.... جمال ضليت فاك حلكي وعيوني من الصدمه سديت المبايل ورجعته لمكانه سويت نفسي ماعرف شي
اركان: شبيك وجهك اصفر
جمال: ها. يمكن صار عندي. هبوط شوي هسه يروح
جمانة: شبيك حبيبي اسم الله تعال خل اسويك شي يرفع ضغط
اركان: رايد واحد صاحي بهل بيت ماكو كلها عطلات
جمال: گدرت اكتم غضبي حتى افهم شنو القصة ومالوص شي.... جمانه روحي أنتي وامي اليوم لبيت اهلج
جمانة: ليش
جمال: عمري لاتسأليني ليش اخذي امي وروحي اكو شي اريد اعرفه وبدون مسألين تمام؟؟
جمانه: تمام حاظر
جمال: أنتظرهم يرحون وكدرت اخذ مبايل امي مابي رمز اخذته وطبيت عل واتساب ضليت أكلب مالكيت شي شفت رقم مسجل بأم مرام واحنه معدنه هيج اسم بالعشيرة
دزت رسالة مرام
مرام: الموعيد اليوم ساعه تسعه
جمال: رديت عليها بلسان أمي تمام راح اجي
مرام: والورقين وياج لاتنسين
جمال: تأكدت هاي نفسها لتحجي وياها امي اتصال ضليت اجر بالكلام الى الماعرفت. الحقيقه كامله اخذت سكرينات الكلشي ودزها المبايلي ولزمت خط امي كسرتهه وذبته ولزمت المبايل حطيته بالخل حتى ينحرك
سيطرت على غضبي طلعت على اركان... ممكن نحجي شوي
اركان: اكعد .. ورثت جكاره
جمال: بالتسعه لازم نروح لمكان ورايك تجي وياي اكو شي لازم تعرفه
اركان: شنو صاير تسوي مفاجئات احجي بالقلم العريض. ماحب الالغاز
جمال: بملامح جديه... بالستعه نروح حظر نفسك
اركان: رفعت حواجبي بقلق.. تمام نروح ليش لا
حور: ماما حبيبي كومي يلا دنيا مغرب مو زين نايمه لهسه شوفي شنو سويتلج كيك وجاي.... قربت هزيتها مترد عليا خفت قربت ايدي على نفسها ماكو نبض صرخت وخظيتها ماااااااماااااااا كوووومي شبيج ماما بس حاجيني.... كمت اركض جبت مي طشيت على وجهه حركتها... عرفت مابيه نفس وروحها مغادره جسمها شلت التلفون اتصلت على رقية
ابجي مثل الخبله والطم على وجهي وشككك بملابسي فقدت السيطره على نفسي.... ماتحمل خسارات اكثر
بعد اربع ساعات
رقية: توفت عمتي حسنة الله يرحمها برحمته الواسعه ويسكنها فسيح جناته واجو اهلي كلهم وحالت حور متنوصف ملخت نفسها من البجي والصياح وجهه ذيب دم من الخمش الله يصبرها يارب ويقويها
اركان: نزلت ويه جمال لبيت صاير براس الشارع شفنه ولد واكف اجيت من ورا لزمته وجتفتها حطيتها بسياره ورحنه لبيت صديقي عايش وحده ربطنه الولد على كرسي
جمال: اني عرفت كلشي وهسه اريدك تسولف الاركان واذا جذبت بحرف واحد مصيرك السجن ومصطفى القو القبض عليه وهسه نداس برجلين
اركان: هذا نفسه لحور خانتني ويا؟؟؟
جمال: طول بالك خوية هسه راح تفتهم كلشي
_ اني مالي ذنب مصطفى اجاني وكالي انطيك اربع وراقات مجرد تجي على اركان وتشوفه صور ومحادثات وهميه وعلى اساس اني عندي. علاقة ويه مرتك حتى تخرب العلاقه. بينكم واني سويت العليه وانطاني بس ورقتين مو اربعه وهذا شغلي اني اكون وسيط عل شغله واخذ فلوسي وامشي وهسه جاي اخذ الورقتين
اركان: جنت احس نفسي بكابوس اريد منه ماجاي استوعب ليصير مصدوم عيوني شطبت صارن حمر وجهي مكصه الطبر حيطت ايدي عل حلكي وضربته بوكس وكعته ورا نمت فوكا ودك بوكسات بدون رحمه.. اليوم طلع روحك محد يخلصك مني
جمال: عووووفه راح تموته وتلبينه.... بلگوة كدرت افك الولد من ايد اركان حتفته حطيته بصندوك السياره حتى مينهزم والدم يخر منه واركان. لازم راسه ويصيح ويبجي اول مره اشوف اخويه يبجي كسر ضهري بس لازم يعرف الحقيقه ويعرف حور بريئه هديته وفهمته لازم نقدم بلاغ على مصطفى...... رحنه قدمنه بلاغ وبرمشت عين جماعة الاتزاز كدرو يلزمون مصطفى ويدخلو سجن واركان ورفع دعوة عليا نحكم سبع سنوات سجن.....
اركان: رجعت للبيت دورت على امي مالكيتها طالعه لبيت اختها لان عرفت اني دريت
احمد: اركان بس اهدء اكعد لاسوي شي لاتخلني اندم خلتك تعرف
اركان: امي هيج تهجم بيتي ليش اني اليوم اقتلها على ايدي
ليث: امي نقلوها مستشفى ضاربتهت جلطه قلبيه
اركان: مارف جفن عليها ولو ميته هم ما أتهم...... عتهم وصعدت بسياره رحت على شط بليل كعدت على جرف ابجي بحرگه وحاظن نفسي ماستهل هيج يصير بيا...... باوع على ايدي واضرب بيها بل كاع... بهاي الايد ضربت حور وهي بريئه... يارب لاتعيشني بتعذيب الضمير دخيل اخذ روحي ولا هل شعور
بكر: دجاوب وينك اركان جاوب
اركان: شفت المبايل يدك فتحت اتصال لو بكر ولك اني مجرم اني استاهل اموت ضلمت البنيه وهي بريئه اني نذل
بكر: شدتحجي انت مافتهم باجر تعال الاربيل الفاتحه بيتي
اركان: يا فاتحه منو توفه
بكر: ام حور انطتك عمرها اليوم المغرب وحور حالتها. حاله تعال
اركان: سديت الخط مثل الخبل صعدت السياره وتوجهت بنص الليل امشي 200 كل طسه تجني اضربها افلش السياره
المسجل مشتغل على سورة يـس
علاهن: كافي تبجين الميت ميجوز عليه بس الرحمه كلنا على هل طريق
عدنان: حاظن حور بسم الله اللهم هون اللهم هون اللهم هون
حور: ماشبعت منها ليش تموت ارجعوها الي اريدها...... تصرخ وتلطم
رقية: صارت عندي اوجاع من البجي واني حامل لازمه ضهري ومتمددته وابجي
بكر: واكف بطرمه اسوي جاي للزلم.. طبگت سياره نزل ارركان يركض وحالته حاله
اركان: وينها حور ورينها
بكر: شجابك بهلهل مخبل انت متريد نفسك؟؟؟؟ تعال اكعد شصاير بيك منتهي
اركان نزلت دمعتي بس وينها اريد اشوفها
بكر: عدنان يمها اذا يشوفك يمخلك حاقد عليك ابقى هنا هاك لف وجهك بالشماغ لحد يشوفك
بكر: دخلت فهمت رقية كتلها اخذي حور للغرفه
وحدها
رقية: كومي حور كومي رتاحي جوه مايصير هيج..... بطني واصله لخشمي سحبتها من ايدها دخلتها الغرفه نومتها على جربايه وغطيتها وهي بس تنوح
اركان: نار تغلي اريد اشوف حور اريد احظنها واكلها اني يمج طلع بكر أشرلي ادخل دخلت على سريع للغرفه وسديت الباب وخرت الشماغ من وجهي باوعت نايمه على جربايه غافيه بتعب ولابسه اسود گلبي يريد. يطلع من صدري مشيت خطوات كدام قريت عليها مستحت راسها وبصوت ناصي كلت حوريتي البقيه بحياتج
حور: فتحت عيني و...........
يتبع في البارت القادم𓏲🦢🤍
صوتو +علقو تعليقاتكم تهمني𓏲🦢🤍