ذَنـَوُب مستباحة(باللهجة العراقية)

البارت الأول 🌷

يگول أركان

إِجَوا بَعدِچ نَهر مَمدود بَس ظَليت عَطشانِچ

ࢪوايـة بـقلـم: مـينا
ـــــــــــــــــــــــــــــــــــــــــــــ
﷽

حسنة: كومي حطي وصله جوه الباب ديعبر هوا جمدت اصابع رجلي

حوࢪ: حاظر ماما

زهره: والله بالي يم اخوي شو طول كلبي ممرتاح

حسنة: دادا هسه يجي والله أني طگ گلبي عليه عايفني أني وبنته صار أسبوع

حوࢪ: عمة زهره ابويه عنده اخوان؟ ليش مافد يوم اخونه اجو علينا

زهره: ههههههه يروح عمتج انتي تعاي افهمج أبوج الله يحفظه عنده اخ واحد الي هو (عندنان) و(زهره) الي هي أني وهو حب امج وكال ماريد اله هي والعشيره رفضت ياخذ امج لان جانت صغيره عمرها 12سنة وهو عمره 26سنة وبعدها ابوج وكف گبال الكل وكال باجر اخذها وزوجها وراح اخذها من بيت اهلها وعقد عليها يم السيد واهلها انطوها لان جانت دنيا حرب وناس تقتل ناس ويردون يحافظون عليها لان ابوج سبع وجبير يفتهم

حور: اها هسه عرفت ليش ميجون كرايب بابا علينا لان ميحبون أمي

حسنة: كومي جيبي العدس خل نلگطه حتى نسوي عشا أبوج على جيه

زهره: وأني رايحه اشعل الصوبه ڪتلني البرد

حسنة: خايبه زهره وديتي دشداشة ام سجاد

زهره: زين ذڪرتيني بيها دادا حور وديها أنتي عفيه من لباب كلها عمه زهره تكول هاي الدشداشه مثل مردتيها وفلوس الخياط ستة ونص

حور: جنت أكل جبس كمت نفضت ملابسي لبست قمصلتي الجلد وحذائي المزروف من كدام.... وعمه زهره لبستني الكبوس ولفافي وشلت العلاڪه وطلعت اركض بشارع متجاهه لبيت أم سجاد ليبعد عن بيتنه شارعين وجانت الدنيا مغرب والجو بارد الهوا يكص الخشم كص واني اركض والهوا يعبي بصدري وايدي ترجف

زهره: حسنة خيه الباب يندك طلعي شوفي منو

حسنة: ياهو الچاينه بهل وقت انطيني شيلتي خل اطلع...... لبست شيلتي السوده وعبايه راس طلعت فتحت الباب لڪيت حسن زوج زهره جاي ينهت ويجر النفس بالگوة وحاط ايده على صدره......( بخوف) اسم الله خويه شبيك شجرالك جاي تركض

حسن: والله معرف شكلج ومين ابدي مصيبه ونزلت على راسنه

حسنة: الله يخليك على بختك شكو مو گطعت گلبي

حسن: خمس جنود لگوهم معدومين على جبل مشداخ ومن ضمنهم ابو حوࢪ

حسنة: بصدمه وخوف...... لا متوهم هو كالي اني ساعه واجي