ام عليكُم حبيباتي اليوم الموقف مُفرح .
احبچن هوايه ومشتاقه للواتباد حيل حيل حبيباتي طبعًا چنت ادرس وما فارغه وحيل حيل مضغوطه من الامتحانات وهسه انعفيت ويوم الخميس التكريم وهسه رجعتلكم خل ابدي راح احچي من العام لهاي السنه بطريقه مُختصرة
باعن بنات انه عدت السنه ب ثاني بيوم رحت للتوزيع النتائج مُكمله ف راح امتحن دور ثاني ف بأختصار امتحنت دور ثاني وبضروف حيل صعبه وعدت السنه حيل انقهرت وچنت حيل حيل مقهورة ليش هيچ بس الي ما اعرفه شنو الضامه ربي اليه
بديت اداوم وي صديقاتي امل وزهراء چنت ب شعبتي القديمه بس اسمي موجود بغير شعبه ف غيرت شعبتي على حسب ترتيب المدرسة ورا اسبوع زهراء انقلت وانقهرت حيل لان جداً احبها بقينه انه وامل دوم نتذكرها ونحبها ف بقت بالنه وبذكرياتنه وبگلبنه ومانسيناها ف امتحنه شهر اول نجحت بيهن كلهن ماعداا الاجتماعيات اخذت ١٩/٥٠ انقهرت بشهر الثاني هم نفس الحاله كلها نجحت بيهن اله الاجتماعيات وكلهن درجات عاليه ف شفت درجاتي تقبل الاعفاء
اجتنه مُدرسة اجتماعياتت شديدة جدًا يعني وتقهر وتذب كلام وماعاجبها اي شي وحقيرة ويانه وعيشتنه بقلق وتوتر وتعب وبچي وسهر انه ف اخر يوم قبل نصف السنه بقت تحچي وعصبت وطيحت حضنه وتحلفت النه انو تجيب اسئله صعبه شفنه الجدول اخير امتحان الاجتماعيات بس ماقبله عطله وشبعت قهر گلت خلاص بعد الاعفاء نسيته انطتنه السعيات سعي مالتي ٥٠/١٠٠ انقهرت وماعرف يعني شسوي ف وعدت نفسي ب نصف السنه انو اجيب درجه تقبل الاعفاء
امتحنه كل الامتحان الحمد ﷲ توفقت بيهن اجه يوم القلق والتوتر والقهر ف بقيت ادرس من بداية الليل لحد ٣ونص وانه چنت ابچي اكثر مما أدرس وگلت خلاص حرفيًا ايست ماخليت أمام ماصليت وهديتها اله علمود يوفقني امتحنه ثاني يوم وجاوبت الحمد ﷲ اجت العطله وصارت مناسبة ب بيتنه العطله شبعت قهر بيها وتضايقت هواي ف مرت على خير و اجه يوم الاحد تسليم النتائج اجتنه ختام (مُدرسة الاجتماعيات )
ف اجت وبيدها اوراقنه مال نصف السنه انطتهن وجبه وجبه وصلت اليه گلبي مات من التوتر ودي ينغمي عليه واموت ولا اشوف نتيجتي البنات موتني وحده تسأل بشري وكل وحده تگول شكل اخذت ورقتي شفتها ٧٧ بچيت وانقهررتت حيل واكيد طبعًا زينب يمي وهي الخلتني أسكت وزينب چانت العوض صراحتًا ( احبچ زنيبه ) اجت نورس(فيزياء) ورشا (معشوئتي رياضيات) ونور (انگليزي) اسراء (اسلاميه) استلمناهن بچيت من سعي الفيزياء مال النصف الاول وزينب تگلي شنو توچ تذكرتي بوقتها وضحكتني ف سكتت
كملنه كلشي عدت الايام بدن المطبقات ياخذنه يعني كملنه امتحنه شهر اول بدينه ب الاجتماعيات النحس وهم كلعاده تعبت واجتني ٧٥ وانه يرادلي ٩٨ سعي نهائي يعني المفروض اگضيها ميات هل درجات ماتفيدني ف وشهر ثاني كملناه چنت زينه باليومي الشهر الثاني اجتني ٥٨ وهاي القهر الاقوة
راحن المطبقات انطونه خبر بعد اسبوع ننقل مر هل اسبوع واجه العيد انقهرت هم ( هسه تگولون هايي عايشه ع القهر ف احب اگلكُم اي وﷲ )
ف داومنه ب مدرستنه الجديدة چانت بعيده علينه وكلش حبيتها وحلوة استلمنه بعض السعيات اخذت اعفاء فردي كملنه امتحاناتنه وطبعًا ست چانت عدنه مّدرسة عربي نُهاد اسمها گتلها تحاچيلي ختام ف بس شوفتها وجهي وگلتلي روحي ووماوعرف شنو الكلام الصار بيناتهن
ف وراها من بدينه نداوم بمدرستنه گالت النه بنات الاعفاء بعد لايحضرن ف فرحت بس تذكرت اعفائي واگف على مادتها طبعًا اخذت وضعية الاعفاء وماگمت احضر وبيومها چنت محضرة ف گومتني اول شي و ماقتنعت بكلامي واجتنه مطبقه وقاطعتنه وگلتلي بعدين كمليلي من راحت گلتلي گعدي واكيد خلتلي يومي ناقص 🙂 ف انقهرت وحصرتني البچيه بوقتها ف گومت بنيه لخ ساعدتها وانطتها سهل وانه ظلمتني وطبعًا هاي المدرسة ﷲ يسامحها ماخلتني انام وانه مرتاحه لازم يوميه الحاسبه بيدي واحسب شگد بقالي للاعفاء ومدري شنو ف عذبتني عذاب مو طبيعي
عدت الايام ......
اجتنه تريد تنطينه السعيات مال الاجتماعيات ف سعيي گالته ٦٦!!!!!!! شبعت بچي وقهر وعيوني جفن حاچيتها والبنات هم حاچنها ف گلتلي اشوف اشوف ﷲ كريم عود اذا بقه على مادتي اساعدچ رحتت لصف وحدي وبچيت وحتى صوتي طلع بوقتها انهاريت من البچي تعب سنه كاملهه يروح؟ معقوله!! طلعت برا الصف اشم هوا رحت ل الممر البنات شافني واجتني فاطمه هاشم احبها وماتوقعت البنات يوگفلي هيچ ف لزمت ايدي واجتنه ام الانگليزي نور گلتلهن روحن للصف الجرس دگ ماسمعتنه ف هاي مچلبه بيه فاطمه وهي حيل محبوبه وفرفوشه ف ست نور گلتلها دروحي الحنينه انه اشوفها شبيها هنا ردت اضحك بس تذكرت انه جاي ابچي
ف راحن البنات حاچتني ست نور وهيَ تحبني لأن انه شاطرة وحبابه وماخذة اعفاء ب درسها ف گلتلي شبيچ گتلها انطتني ٦٦ گلتلي يلا ميخالف وسكتي هو بس اجتماعيات امتحني وروحي ف حاچيتها گتلها موبس هو گلتلي ميخالف يلا گتلها ست مو ميخالف وﷲ يعني انه تعبت وتعب سنه كامله مو شويه گالت ادري بيچ وﷲ طالبة شاطرة ومجتهده ف مسحت دموعي وارجع ابچي صاحت ختام حاچتها عليه بقت تحچي عليه انواع الحچي مستواها مو زين حاچيت المطبقه وگلتلي مو زينه باليومي ولكم چذبه شكبرها رحت لصف البنات بقن يواسني
ضحكتلهن علمود يرحن من يمي ف انتهى الدوام بعد ساعتين وانه مضايقه گضيتها صفنات ابو صابر
ورجعت ذبيت جنطتي وحجابي ورحت لفراشي وبقيت ابچي واخذت تلفوني راسلت مطبقة الاجتماعيات گلتلي ماحچيت ايشي لاعنچ ولا عن غيرچ ف هاي هي ونهيت المحادثه وياها بدلت وكملت ونمت وگعدت حضرت جنطتي وراسلت زينب وهم انقهرت هي لان هم نزلتها تنزيل مو طبيعي وﷲ شگد ظالمه زينب حيل مظلومه من ختام دوم مكرهتها بعيشتها وكلساع تذبلها حچايه لو عليه لو عليها وكأنو اعداء مو مُدرسة وطالباتها
ف ثالث يوم رحت حاچيتها گلتلي انطيتچ ٧٥ وادعيلي هاا گتلها من عيوني ست صار وفرحتتتتتتتت حيل ف رحت لصف ومُنطلقه يعني ورجعت للبيت فرحانه وراها بيوم داومت ف اجتني ست حنان تدرس احياء وكيمياء لان عدنه قحط مُدرسات ف شنو صاحتني رحت وانه متوترة وفرحانه گلتلي انعفيتي بقى بس الحاسوب اتأكدلچ منه وتعاليلي الدرس الثاني راحت وصار الدرس الثاني ورحتلها شفت ست رشا وعقمت عيوني ب شوفتها جاي تسوي ب الشهايد ف اجتني ست حنان گلتلي هسه اتأكد منها ست شيماء (مُدرسة حاسوب) ف گتلها ست سعيي حيطلع ٩٥ گالت ها خوش انه احاچيها وحتلو مانعفيتي انه شلون ماچان اعفيچ ورحت لصف
كملت واحلا يوم چان عندي ورجعت ف امس چان يوم جميل بدأ ب ست نُهاد كملت البنات القصيده امتحان شهري انه ممتحنه ف كملت وراحت اجت ام الاسلاميه وراحت وبعدها صارت فرصه طلعت يم نورا صديقتي احبها جدنن بنون طبعنن هي وزينب بت سعد احبهن كلش وﷲ اي ف چانن جايبات اكل وهاي بس انه طگتني ضوجه وبقيت ب صف و بعدها رحت يمها لان چانت مامداومه واشتاقيتلها وضوجه ف بنيه اسمها حوراء ضايقتني ب كلامها وصلت للعركه ردت ارد عليها شفت ست رشا الاحبها ورحت لصف واجن وراي بعض البنات واكو بقن
طبينه لصف واجت شرحت النه و وضحت للبنات الماده ورشحت الهن مواضيع مهمه و شرحت مواضيع ف يعني ف انه معفيه ماجاي اكتب ولا هاي ف رقيه اعفائها خرب بسبب الانگليزي ف سئلتها ست رشا رقيه انتِ معفيه گالت الها ست فردي گالت الها والعام شنو اعفاء كلي گالت لا ف جاي تتمشى بصف ومنتضرة البنات يكملن كتابه
فجأه گالت معصومه انتِ العام ب ثاني مو گتلها اي ست گالت شوفي الفرق بين العام والسنه العام موزين مستواچ والسنه كلش زين مستواچ وانعفيتي شفتي شلون لذة النجاح والاعفاء ابتسمت الها گتلها اي گالت بالاعاده شنو گلت استفاده وابتسمتلي وانهم باوعتلها وهي تباوعلي واول مرة اباوع الها وهي تباوعلي لان جداً استحي منها وحيل احبها واموتتت عليها وعلى درسها ف كلامها حسسني ب انو انه صدگ بنيه ناجحه ومُثابرة وتغيرتت حيل وغيرت من نفسي للاحسن
والف الحمدُ لله على هل تغيير الي صارلي
ف راحت حبيبتي رشاوي😂💚💚وﷲ احبها
وطلعت وهي راحت لغير شُعبه وهاي الشُعبه الي انقلت منها كل صديقاتي بيها وشلتنه هم ف مقارنتهن بيه وگالت هسه عندي معصومه بنيه كلش شاطرة وحبابه وانعفت وتندمت اما رقيه وزهراء كلشي ماكو وهم حاچيه بعد بس ماعرف شنو بالضبط واجتنه حنونتي الحلوة ام الكيمياء انطتنه سعياتنه ف طلعت وياها احاچيها وگلتلي تعاي اصورلچ كارتچ لان چنت مصدومه دخلت لغرفه الارشاد گلتلي انتضريني برا هسه اجي صورتها اليه واجت الحمدُ لله انعفيت گلتلي هسه صدگتي گتلها اي ورحت فرحانه اجتنه نور الحلوة مُدرسة الانگليزي مر الوقت ب شرح وسوالف وضحك وانطت سعي المعفيات فقط وراحت وحلينه ورجعت فرحانهههههههههههه
ف بنات كملنهه وشكراً لأستماعكم ل كلامي هواي حچيت ف احبچن هوايه علقن على كُل فقرة وخلن تصويت واحبچنننننننن مححح باي حبيت اوثق اللحظات الحلوة هنا
٢٣/٤/٢٠٢٤
تاريخ يجنن💚💚💚💚💚.
باي احبچن