مــَـرحبا حبيباتيي شلونچن مشتاقيلي مو؟ طبعاً اكيدد ومشتاقين لبارتاتي الحلوة الماتخلى من اسم زنيبه😞💚.
طبعًا اليوم احچيلچن عن يوم التكريم الاعفاء العام .
بيوم ٢٤/٤/٢٠٢٤٠ الخَــميس 💚.
نرجع قبلها بيوم ...
رجعت من المدرسة الفرح ماليني تم اعفائي بدون عوارض وشلعان گلب وبس بقى التكريم اول مارجعت رحت غسلت وشمرت جنطتي وحاچيت اهلي انو باچر التكريم .
تغديت اندومي استغليت ابوي ماموجود اكل براحتي ورحت حتى مانمت مع العلم مانايمه زين وميته نعاس بدلت ملابس المدرسة وغستلهن وشريتهن واجيت طلعت كل كتب الثاني خليتهن ب جنطه وفرغت الدفاتر خليت بقت العلاگه تعاجزت اگوم اجيبلي ومزاجي حلو ماتعاركت وي اهلي على العلاگه 😂 ف رحت فوگ صعدت مرت اخي العزيزة جابتلي علاگه تعرفني احب العلاگات النسنسن والكيوت ويكون شكلهن مُمَيز ف خليتها ب جيب الجنطه .
ورحت خليت ماسك وانه اراسل البنات زينب ونورا ونجهز واتفقنه نلبس شال ونخلي صبغ ومكياج يعني مسكارة حمرة خفيفه وها رحت صليت قبل لا اخلي ماسك وبعدها خليت ماسك وراستلهن ف شلت الماسك وغسلت وجهي وضليت گاعده منعسه ورحت اجتني سالفه ضوجتني حيل زينب تگلي وﷲ بطرانه تضوجين روحچ وباچـر يوم تكريمچ گلت همصح وضليت مكنكه واذن وصليت وسحلوني گوا اتعشى اهئ اهئ حتى العشى يجبروني عليه اهخ يازمن .
وبعدها مدري شسويت ضليت اگلب ب الدفاتر كتبت عليهن كلهن انعفييتت 😞😂 واكتب كتابات واشخبط واذب الاوراق وبعدها هم ضليت اراسل زينب على لون الصبغ انو نطقم ف مر الليل وضليت اكنك متضايقه شويه وكنكت ونمت .
تحلمت انو دوامنه عصري وراحت عليه النومه بوقت التكريم وكلها تكرمت اله انه وضليت ابچي بچي المطايه حشاي طبعًا ومن ردت اروح صارت ليل وفضاء المرشدة تگلي ليش تأخرتي هايي هيَ عزلنه روحي وانه بچيت منها وفزيت على صوت امي تگعدني وبوقتها چانت الساعه ب ٦/٥٢ ف ركضت غسلت وجبت الاوتي كويت قميصي ورحت اخذته اجت مرت اخي العزيزة گلتلي روحي بدلي علما اكويلچ الربطه ف بدلت وخليت صبغ أضافر ف خفت زينب تغدرني وماتصبغ صبغت بس ايد وحده وخليت گلوس والمسكارة مال اختي ضامتها عني ف مشطت شعري ع سريع وصارت ب ٧/١٠ رحت لاخوي ياخذني ضل يغلط عليه وگلي ولي ماروح ولي لحالچ .
ف ركضت گلت لاخوي الثاني ﺟان رايح للمعهد مالته ف گالي انه اخذچ بدلي بسرعه ف رحت اخذت ربطتي ولبستها ورجعت خليت گلوس ع سريع مرة ثانيه وباوعت لوجهي بالمرايه وخليت عطر نسيت البس شال وهم خفت لا اترزل من فضاوي ف رحت بسرعه اخذت جنطتي واخذت فلوس من مامي ورحت تريگت بسرعه وطلعنه وشربت مي واخذت رئي زوجه اخي العزيزة ب الحذاء شلبس ف اختاريت اجلكم ﷲ حذاء ابيض بدون قيطان علمود ما امشي واوگع بقيطانه مسحته وطلعنه 😂.
