قيود_ " خلف القضبان "✨
الكاتـَبة:- ايـَات رسـُول 🧡
تصويت وتعليق بين الفقرات+قراءة ممتعة!
تكول:-حبك والكرَامه ثنِينهن صعبَات
حرت مَا بين اعُوفك لو أذل نفسِي
«ــــــــــــــــــ«•»ـــــــــــــــــ»
زور:-
التخلص من المشاعر يمكن أن يجعلك قاسيًا وباردًا
ولكنه أفضل قرار على الإطلاق.
لفترة طويلة ، تركت المشاعر تقود السفينة، وبصراحة، كانت حطامً.
كل "قرار في داخلي" كان صحيحًا ولكنه انتهى بالفوضى.
تعلمت بالطريقة الصعبة أن العواطف هي أسياد فظيعين.
إنهم يشوهون الأحكام،
يخبطون وجهات النظر،
وقبل أن تعرف ذلك، فإنك تعتذر عن الأخطاء التي كان من الممكن تجنبها.
لاحظ ، اشرق ، قرار، تصرف، أعترف بمشاعرك دون ان تدعها تتولى القيادة.
الملاحظة جعلتني أتعرف على حالتي العاطفية.
سمح لي التوجيه بتقييم سبب شعوري بهذه الطريقة.
القرار اعطاني لحظة لاختيار طريق مبني على المنطق، وليس فقط الشعور .
التمثيل عبارة عن خطوات متعمدة، وليس على ردود أفعال غير محسوبة.
لم تقمع هذه الطريقة مشاعري،
بل استغلتها كأدوات في اطار منطقي .
لقد كان الامر مغيراً للعبة وانتهائها.
الآن أتعامل مع حياتي بأكملها كأنها تجربة اجتماعية ممتعة.
قراراتي الآن مبنية على اساس، تؤدي
إلى نتائج أنا فخور بها،
وليس اعتذارات أنا مجبر على اتخاذها دائما دائما الانسان ينجبر ياخذ قرارات هوه ما جان حاسب الها حساب ولا مفكر بيها هذه الي صار بأخوي وليم انجبر يخطب ريفان علمود الفلوس ما اهتم ابوي اذا كان فرحان ويه ريفان او لا المهم يخطبها
حتى ياخذ الفلوس نزلنا من الطياره متوجهين للشركه صادفنه بالمطار متعب وخيبر سلمو عليه وراحو يحجون ويه وليم طلعت من المطار وركبت السياره الي مجهزينها الي صعدت جهالي وياي انطلق بينا
السايق لبيتي وصلنا وراح دخلت للبيت على نفس ما عفته يمكن الخدامه ما منظفه دخلو الجهال لغرفهم واني دخلت لغرفتي سبحت وبدلت ملابسي ونزلت جوه
ضحكت واني اتذكر موقفي ويه الدكتور عزام وشلون يحجي بعصبيه وياي دخلت للمطبخ سويت الي كهوه وكعدت على الميز استرجع الموقف.
(في العراق )
طلعت من البيت مستعجله اريد اروح اجيب اطفالي من بيت عمتي لكن بالصدفه صار عزام كدامي تجاهلته ولا كأنو اعرفه صعدت السياره وشغلتها لكن ما تشتغل
حاولت اكثر من مره لكن ماكو نتيجه نزلت من السياره اريد اتصل على وليم وما احس اله التلفون ينسحب مني انداريت اشوف منو لكن تفاجئت من شفت عزام واكف وراي غلق التلفون واردف:-
-ما يصير اختي شلون تتصلين على اخوج واني موجود
-بصفتك منو؟؟
-شخص عادي شافج واكفه بالشارع وتحتاجين مساعده
-بس اني ما طلبت مساعدتك
-اني احب اقدم مساعدتي للاشخاص ماكو داعي تطلبين مني
شمر التلفون عليه ودفعني يفتح بالبنيد انجمدت بمكاني بسبب تصرفه لزمت تلفوني عدل لا يوكع باوعت علي مادري شيدعفس يجيب منا ويودي منا اخر شي ما تحملت وحجيت :-
-اخي رجاءاً عوف السياره هسه اتصل على اخوي يجي يوديها للمصلح
-اخي شنو ما احب هذي المصطلحات رجاءاً
-جا شنو اصيحلك بس لااا تريدين اكلك دكتور عزام
-لااا مو لهل درجه بس عزام كافي
-هم عوزك اصيحلك دكتور عزام
-مو بعينجج؟؟
-ليش هوه اني شايفه خيالك حتى اخليك بعيني
-اخخخ منج اخخخ
-شمسويتلك بس تصيحح؟؟
-اريدج تسكتين بس دقيقه اريد اركز
-وانتَ شعليك احجي الي يعجبني محد يكدر يوكفني
-راح اجي الصم حلكج بالتيب
-انتَ جرب تمد ايدك اذا ما كسرتها اني معتبه
-صايرتلي باتمان وتكسر وكذاا هوه انتِ بس اجرج بزيج توكعين على صفحه
-شحدككك تجرنيي بزيجج حتى اخلي اخوي يسويك وصلتين
-على كولتج اذا يمد ايده اكسرها
-لااا تاخذ كلامي هيييي
-هذه الـ هييي عنده اسم
-اخخخخ اسكت كافييي
-شكد قنقينه يامة محمد
-هممم كال قنقينه اخيي سالمين شسالفه؟؟
-سلامتج ماكو شي
ضحك بوجهي ودار نفسه يكمل اشرلي اصعد بالسياره واشغلها نفخت بضجر وصعدت دست على البصمه
وفزيت من سمعت صوتها اشتغلت واخيراً طلعت راسي من الجامه اريد اشوفه شراح يكول صفك بأيدي الاثنين وسد البنيد تمشه بأتجاهي وكف يم باب السياره خله ايده على الباب واردف :-
-شرايج ؟
-صدمتني الصراحه بس ما تستاهل اكلك شكرا
-مو صوجج والله صوجي اني اسويلج السياره لو مخليج واكفه بنص الشارع وتنتضرين وليم احسلي
باوعت عليه بعدم استيعاب واردفت:-
-انتَ منين تعرف اخوي؟
وخر ايده عن الباب واردف:-
-هوه ياهوو ما يعرف اخوج
-جذببب اني شفتك هذيج المره واكف وياه وتحجي
-شي عادي احجي وياه نفسه نفس غير شخص ماكو داعي لهذه الكلام
-ليش احسك تجذب؟؟
-بعد انتِ واحساسج اني شكوو
-المهم شكراً الك
-مو تكرلين ما تستاهل
-لااا اشاقه وياك
ضرب باب السياره على كيفه واردف:-
-توكليي
-انتَ شعليك اني شوكت ما اريد اروح اروح
-طبج مرض شعليه اني بس سيارتج كدام سيارتي واني عندي مريض بالمستشفى اريد اروح اشوفه بعد السياره شويه
-اياااا حقيررر شنو طبج مرضض ترا انزل اسويلك واهليه لكل الناس
-على كيفج لاا تصيرين قاسيه
توني اريد احجي وراح صعد بسيارته ضربت على الستيرن بقوه وشغلت السياره مره ثانيه وطلعت حتى بدون ما اشوفه وراي او لاا المهم عندي اروح اجيب اطفالي .
(في امريكا )
خرجت من افكاري على صوت الباب خليت الكوب على الميز وطلعت من المطبخ اشوف منو على الباب فتحت الباب وتفاجئت من شفت ريفان واكفه كدامي ضحكت بمياعه واردفت :-
-هيلوو حياتي
دفعتني ودخلت للبيت نفخت بضجر وسديت الباب دخلت للصاله وكعدت بصفها باوعت عليه واردفت:-
-وين زوجي ؟
-ريفان انتِ كلش زين تعرفين هذه الزواج اجبار فـ عوفيلي تمثيلج على صفحه
-تمثيليش حياتيي اني احب الريس والكل يعرف هذه الشيي
-لااا تجرين الكلمه جررر رحمه لذولاك الناس
-المهم وين زوجي؟
-راح للشركه ويه متعب وخيبر
-ليش ما اتصل عليه صارله اكثر من اسبوعين
-خطيه لازم انكطع المي والكهرباء عنج
-شبيج حياتيي ليش احسج ما فرحانه
-انتِ كلش زين تعرفيني ما احب الشخص يلف ويدور ويضل يتموع فـ اني ما احبج ولا طايقه وجودج بس علمود الريس صابره
-ليش ما طايقه وجودي اني ما مأذيتج بشي؟
-بس راح تأذين اخوي واني الي يمس اخواني بكد الشعره امسه بدم
-اني أذي الريس ؟؟
-ترا اعرف انو انتِ الي كايله الابوج خلي اتزوج من الريس يله تنطيهم الاسهم
-لااا حياتتي بابا يريد مصلحتي واصلا مو اني الي كلت الزعيم الي كال هذه الشي واني لان احب الريس وافقت
-انتِ الوحيده راح تكونين سبب دمار الريس
ضحكت بمياعه وشالت جنطتها وطلعت من البيت وكفت على حيلي ورحت للمطبخ سويت كوب كهوه ثاني ورحت لمكتبي ضليت كاعده اشتغل لحد ما تعبت
حسيت على الباب ينفتح رفعت عيني وابتسمت من شفت يزيد واكف بالباب وشايل بأيده ماعون مال فواكه دخل للمكتب وسد الباب اجه كعد على التخم الي بالمكتب واردف:-
-شفتج ما اكلتي وكلت اجيب الج فواكه لان ما اعرف اطبخ
ذبيت القلم من ايدي وكمت كعدت بصفه لزمت ايده بستهن واردفت:-
-يروح امك انتَ فدوه الابني الي يفكر بيه
-بيان هم رادت تجي بس غفت من كد ما تعبانه
-فدوه لهل اللسان الي ينكط عسل
بسته من راسه واخذت تفاحه اكلت منها شويه واردفت:-
-عليش كاعد لي هسه
-انتضرتج تخلصين حتى انام سويه
-لاا خاف اكو غير شي ؟؟
-ماما اسار ليش بس يحب بيان وما يحبني ؟
تركت التفاحه من ايده واردفت:-
-حبيبي شنو هذه الكلام ليش هيج تكول ما يصير تنادي ابوك بأسمه
-اني اكرهه وما احبه
-شنو هل حجي يزيد ما يصير هيج تكول اسار مستحيل يكرهك هوه يحبك بس اختك لان صغيره يحب يضل يحجي وياها بس انتَ جبير وكبرت على هاي الاشياء
-انتِ هم تكرهينه ؟؟
-حبيبي اني مستحيل اكره احد بس صار سوء تفاهم بيني وبين ابوك وانفصلنه
-يعني انتِ ما تكرهينه؟
-لااا حبيبي ما اكرهه بس كتلك صار سوء تفاهم وخلص
-اني موجود يمج ماما راح احميج من كل شخص حتى بابا
-يبعد روحي انتَ ماكو داعي تحميني من ابوك لان هوه مو شخص سيئ
-بس بنظري شخص سيئ.
-يزيددد شكتلك انيي
-تمام ماما بعد ما اكول
-اكيدد؟؟
-ايي ماما والله
-عفيه عليك صير ولد شطور
-ماما باجر خالو وليم يتزوج؟
-لاا حبيبي ما يتزوج بس يخطب ريفان
- ام شعر الاحمر ؟
-يزيددد اسمها ريفان
-هيه شريره دائما اشوفها تحجي ويه بابا
-حتى لو حبيبي واذا تحجي وياه هوه صديقها من زمان
-بس مو انتِ قبل جنتي تكولين حرام
-حبيبي هسه المرضوع يختلف حالياً انفصلنه اني واسار
-يعني عادي يحجي ويه الي يعجبه
-كافي حجي يله بسرعه كدامي للغرفه
اتقرب باسني وطلع وكفت اني هم طفيت الاضويه وطلعت دخلت الغرفه ونمت بصف يزيد كعدت الصبح علمود الخطوبه الي راح تصير وراح تغير حياة وليم دخلت للحمام احضر بنفسي سبحت بسرعه وطلعت
بدلت ملابسي ولبست فستان لونه اسود وبي لمع بدلت لـ بيان بس يزيد هوه بدل النفسه خليت عطر وطلعت اخذت الاطفال وطلعت من البيت صعدتهم بالسياره وانطلقنا للقاعه الي راح تصير بيها الخطوبه وصلت
للمكان ونزلت يزيد ضل يمي بس بيان راحت على ابوها لزمت فستاني لان حيل طويله ودخلت للقاعه الناس ماليه القاعه ملي هواي بيها لمحت من بعيد وليم واكف
وبصفه متعب وخيبر جان لابس قاط اسود كله حتى القميص لمحني من بعيد واشرلي اجي راح يزيد قبلي يركض على متعب واني تمشيت على كيفي لان لابسه كعب وما اكدر امشي سريع وصلت يمهم واردفت:-
-انتم مقتنعين بلي ديصير؟؟
-اني حالياً ما جاي اصدك الي ديصير
-خلص كافي ما صحتلج حتى تحجين هذه الكلام؟
-جا عليش صحتني؟؟
-شرايج بالقاط حلو ؟؟
صفنت على وليم واردفت:-
-بربك تحجي صدككك ؟؟
-صوتج روزز .
-مال هسه اجرك بزيج بس عيب من الناس لا تكول الثقافه وين راحت
-يمعود هيه ضلت ثقافه جر زيج بالختله محد يسمعك
-خرب عشيرتك
-اسكت لا يسمعك الزعيم
-خلي يسمع خايف منه
-اسكتوو كافيي
انتبهت على وليم عادي عنده الشغله ما ضايج ولا متوتر اني مقهوره اكثر منه هوه بطبعه ما يبين مشاعره كدام أي شخص صارت هوسه من دخلت ريفان هيه وفستانها الطويل ركزت على الفستان بي فتحه حيل طويله من يم الرجل خرب روحج شكد ما تستحين ابتعدت اني
ومتعب وخيبر وكفت بمكانه ريفان ولزمت ايد وليم بقوه صار تلبيس الحلقات دار كلام بينها وبين وليم هيه ويه كل كلمه تضحك مثل المخبله وكف ابوها والزعيم بصف ريفان صار بيناتهم كلام بس ما سمعت شنو هز
براسه وليم وسكت ابتعدو الزعيم وابو ريفان لزم وليم ايد ريفان ولبسها الحلقه رجعت هيه لزمت ايده ولبسته الحلقه تذكرت هازال يصير كدامها هذه الموقف وهيه تحب وليم شيصير بيها مادري لحد الان ما اعرف شنو
راح يصير بـ هازال من تشوف ريفان وليم سويه او شنو ردة فعلها اذا سمعت وليم خاطب هيه كالت اسوء شي عندي يطلع وليم يحب غيري اتقرب وليم باس راسها وابتعد بسرعه رسم ضحكه على وجهه كدام الناس صفكو الناس الهم وبلشو يباركولهم وكفت اني بصف وليم واردفت:-
-مبروك
-شكد جافه
-ليش شتريدني اسوي اركص واهلهل لان خطبت ريفان هاي اله اذا صار يوم القيامه
-سكتي كافي كلشي ما اريد منج الله يباوك بيج
-ايي عفيه عليك اسمع الكلمه لاا تخليني اعصب
ضحك عليه وراح يسلم هوه وريفان على الناس خلصت الحفله والكل رجع للبيت بس ريفان ماكو لاطشه بـ وليم بعد شيهدها اني اخذت يزيد وبيان وطلعت من القاعه
بعد ما اكدر اتحمل صعدت السياره وانطلقت للبيت وصلت وتفاجئت من لكيت متعب وخيبر بالبيت دخل يزيد هوه وليان للغرفه واني كعدت يمهم :-
-اشو صارت عكس غير لازم نفرح الاخونه لان خطب
-خيبر راح اكوم اخلي النعال بحلكك
-ترا الخطوبه كلها عباره عن اجبار حتى جيتنه اجبار غصباً ما علينا لازم نجي
-هذه الزعيم مال واحد يخلي على الشوايه ويشوي ابو عشيرته
-مو كلتلكم خلو بأيدي بس انتم ما تقبلون اذا ما خليته يزوع حليب امه ما اطلع ابنه
-حلووه هاي ما اطلع ابنه راح اكوملك خيبر كافي تجفص
-شبيك انت الثاني بس تتهدد
-صدك انتو شتسوون بيتي؟؟
-ما بينه حيل نروح للبيت كلنا نجي يم بيت روز اقرب
-شكد عجوزيين يالكعبه
-اكلج هذه ابوج شبي مستعجل ما صار يوم من رجعتو من العراق وسمعته يكول حضرو نفسكم حتى نرجع للعراق
-هذه ابوك امه من جابته جانت تركض
-اعتقد صح لان كله شغله ركض بـركض
-لاا بعد مو هسه نروح
-ليش شنو السبب؟؟
-ريفان تريد تجهز كلشي منا حتى من تروح هناك بس تسوي العرس وخلص
-يعني حتى حنه ماكو
-عليش حنه هوه كبل عرس وخلص
-والله مكرود وليم وكع بيها والله لو اني جان هجيت من الصبح
-ريفان ما تنبلع جنها كبسوله الراس من تحشر بالبلعوم
-اول مره بحياتك تحجي شي صح
-انجبي اني دوم كلامي صح
-لااا عليك الله ؟؟
-وربج
-دسكت وكوم بدل اني اروح انام أي شي تريده بالمطبخ لا تكعدني وانت هم
عفتهم وصعدت لغرفتي بدلت ملابسي بسرعه ونمت واني افكر شراح يصير باليوم الي راح يجي كعدت الصبح على صوت وليم وهوه يحجي ويه متعب وخيبر بخصوص الشغل وعفتهم وطلعت بوجهي للشركه توني وصلت الشركه وصارت سيارة اسار كبالي نزل منها بس
متغير حيل ومربي لحيه وصاير شكله غريب ويخوف ما هتميت اخذت غراضي ونزلت من السياره دخلت الشركه وصعدت بالمصعد توه يريد ينسد ودخل اسار بالمصعد نفخت بضجر وسكتت اريد اصبر روحي ابقى وياه بس دقيقه هوه ما مهتم تفاجئت من تصرفه هوه
كل ما يشوفني لازم يحجي وياي بس هسه ولا كانو شايفني منتبه ويه التلفون انفتح باب المصعد وبسرعه طلعت اخذت مساري ورحت الغرفة الزعيم دكيت الباب ودخلت ابتسم بغرور من شافني عدل كعدته واردف:-
-اهلاً وسهلا بنتي
-الاوراق الي طلبت مني اخلصهن هذني
-عوفج من الاوراق واكعدي عندي كلام وياج
تنهدت بضيق وكعدت على التخم خليت رجل على رجل واردفت:-
-تفضل اسمعك؟ .
-شنو علاقة هازال بـ وليم ؟
-ماكو علاقه بيناتهم اصلا هازال تكره وليم لان مسوي وشوم
-متأكده من كلامج
-نعم متأكده
-خلص تگدرين تروحين
-ليش تسئل
-هيج ماكو شي بس حبيت اسئل
وكفت على حيلي وطلعت من المكتب مرت ايام عاديه اروح وارجع للشركه ماكو شي جديد ريفان مجلبه بـ وليم وما تعوفه ولا دقيقه وبس تفتر وراه اسار تصرفاته متغيره وصاير هادئ ونادراً اشوفه يضحك او يبتسم
متعب وخيبر يفترون وره وليم ويضحكون عليها لحد ما عبر شهر واحنا موجودين بـ امريكا يعني بعد شهر ونرجع للعراق والمل راح يتلقه الصدمه دخلت الكوفي وكعدت
يم متعب وخيبر همه يسولفون ودخل وليم هوه وريفان تحضن بي وما تستحي من اخوانه الكبر كعد وليم بين خيبر ومتعب حتى لا يخلي ريفان تكعد بصفه وتضل بس تحضن بي هيه بوزت شفتها وكعدت بصفي :-
-شلون العرسان الحلوين؟؟
-ماشي الحال
-ماشي لو كاشي
-تريده يابس لو مطكع
-اييعع حبيبي ليش هيج تحجي
-حبي وين الـ ايع بالموضوع ؟
-اني ما احب هذه الكلام
-شسويلج يعني اطكلج جفيه
-ريس ترا راح ازعل ؟
-لاا حب كلشي ولا زعلج
-بس دخلي تسمعج الشكره هيج تحجين اذا ما خلتج تتندمين اني معتب
-الشكره منو؟وعليش تخليني اتندم؟
-الشكره بنت عمت الريس
-وبنت عمتكم هم لو غلطانه ؟
-لا ما غلطانه صح كلامج بس هيه ....
توه يريد يكمل وقاطعه وليم من سد حلكه واردف:-
-لان تكرهين هيج يكول
-تكرهك ؟؟عليش تكرهك؟
-شدراني حبي شعليه بيها اصلا خليها تكرهني بكيفها ما يهمني ولا هيه تهمني
ضحكت ريفان بمياعه وسكتت من سمعت كلام وليم هوه اندمج يحجي ويه متعب وخيبر واني ملتهيه
بالتلفون اشوف المنشورات واتذكر كلام هازال وشلون تحب وليم بدون مايدري انقهرت عليها اويلي عليج هازال شراح يصير بيج من تعرفين حمحمت ريفان واتقربت مني وهمست :-
-واخيراً الريس صار الي ومحد راح يكدر ياخذه منه
باوعت عليها واردفت:-
-اخذي حلال امج وابوج
ضحكت بمياعه وابتعدت عني طلبت عصير وهيه طلبت كهوه شبرت العصير بسرعه وطلعت من الكوفي دخلت للمكتب وصار بوجهي اسار غلق تلفونه واردف :-
-اسف ما انتبهت
-ما صار شي بس المره الثانيه انتبه
-صدك نسيت اكلج اليوم راح اجي اخذ بيان ويزيد
-تمام بس اتمنى تقوي علاقتك بـ يزيد وتعرف التفرقه على صفحه
-ما فهمت كلامج؟؟
-يزيد بلش يكرهك واني ما اريد هذه الشي بس انتَ بسبب تصرفاتك خليته هيج
-ما سويت شي اني هوه جيبر بس بيان صغيره واني فقط احبها لان صغيره
-بس لا تفرق بيناتهم لا تخلي يزيد يكرهك ما اريد اشوف نظرات الكره بعيون اطفالي
-بس هذه الي تريدينه؟؟
-ايي ما اريد غير شي ويا ريت تكدر تسوي الي
-خلص نفس ما تريدين
-راح تسوي الي كتلك عليه
-تدللين
ابتسمن اله واردفت :-
-شكرا الك
فتح تلفونه واردف وهوه يباوع عليه :-
-ماكو داعي تشكريني
طلع من الشركه ومادري وين راح عفته وصعدت بالمصعد اكمل شغلي ما كد ما اشتغلت ما احس بأيدي هواي تصاميم سويت انطيتهن السكرتيرة الزعيم وطلعت
من الشركه رجعت للبيت لكيت اسار ماخذ يزيد وبيان انتضرتهم لحد ما يجون شويه واندك الباب كمت على حيلي وفتحت الباب دخلو يزيد وبيان والضحكه على وجهم انصدمت من شفت يزيد يبتسم باوعت على اسار ابتسم بوجهي واردف :-
-محتاجه شي مني ؟؟
-لاا تسلم بس شلون خليت يزيد يضحك
-سر المهنه هذه ما اكدر اكوله
-والله فاجئتني
-المهم محتاجه شي ؟
-لاا شكرا
-تمام باي ديري بالج عليهم من تروحين للعراق
-ليش انتَ ما راح تروح
-بعدين عود اجي مو هسه
-تمام براحتك
سلم عليه وراح شنو سبب تغير اسار ليش هيج صاير اكيد صاير شي ومخلي اسار يتغير هوه مستحيل يتغير لهيج تغير فجأه دخلت وسديت الباب وراي كعدت احجي ويه يزيد وبيان وشلون جان يومهم ويه اسار بيان تحجي وتضحك ويزيد كذالك ضحكت عليهم
وكمت صعدتهم ينامون ودخلت الغرفتي سبحت وبسرعه غفيت من كد ما تعبانه مرات ايام عاديه على نفس الرنه وليم وريفان لحد ما اجه يوم رجعتنا للعراق اباوع على وليم شكله طبيعي ولا كانو صار شي عادي عنده الوضع متعب وخيبر وجوهم
ما تتفسر من التوتر صعدنه بالسيارات وتوجهنا للمطار كل الطريق افكر شراح يصير وشنو ردة فعل هازال من تشوف ريفان خايفه منها كلش وحتى من ريفان خايفه لا تسوي مشكله وتكب العيطه والكل
يصير ويه هازال والزعيم بس يعرف يصير شي ما راح يعجب الكل وصلنا للمطار ونزلنه سويه انتضرنا موعد الطياره يالله صعدنه وليم وريفان
سويه واني ويزيد سويه وبيان ومتعب وخيبر سويه قلعت الطياره والكل نام اني هم غفيت والتفكير ياكل راسي شنو راح يصير من يعرف الكل وليم خطب ريفان .
«ــــــــــــــــــ«•»ـــــــــــــــــ»
هازال :-
الا تُجبر نفسك على ركوب موجةٍ لا تُناسبك، ولا تُلاحق قطارًا قد فات أوانه، لا تُضيع وقتك في البحث عن القبول من أشخاصٍ لا يُقدّرون قيمتك، ولا تُحاول إرضاء الجميع، فذلك مستحيلٌ أصلاً، حافظ على كرامتك، ولا تُفرّط بمبادئك من أجل علاقاتٍ زائفة.
إنّ الوحدة أحيانًا أفضل من صحبةٍ تُشعِرك بالضيق والاكتئاب، لا تخشى أن تكون وحيدًا، فذلك فرصةٌ للتعرف على نفسك بشكلٍ أفضل. كن قويًا ومستقلًا، ولا تعتمد على الآخرين في سعادتك.
ستجد عاجلاً أم آجلاً الأشخاص الذين يُقدّرونك ويُحبّونك كما أنت، فكن نفسك، واجعل من
وحدتك قوةً تدفعك إلى الأمام، وتذكر أنّك لست وحدك.
حسيت بأيد ريري لزمتني بقوه وسحبتني للحديقه لكن عتيت ايدها وتركتها رجعت لزمتني واردفت.-
-بس لااااا تريدينن تفوتيننن هازال تخبلتيي ؟؟
-جا شتريدين اسوي اكعد الطم وابجي
-لااا تخبلينيي هازال امشييي نروح لبيتكم
-انجبي وامشي نفوت جوه
-شلون تكدرين تفوتين وتشوفينه ويه غيرج؟
-عادي هوه ما يحبني بس اني احبه وين المشكله تريديني اجبره يحبنيي لاا هذه الشي ما عندي مو من ضمن قاموسي
-هازال لا تخبلينييي من كل عقلج تحجيين؟؟
-ريري لاا عبالج هاي الاشياء تأثر بيه عادي عندي ما اهتم ما اكدر اعاتب ولاا احجي لان هوه مو الي ولا راح يكون الي هذه الغلط مني اني حبيته وغلطت
توها ريري تريد تحجي وحسيت بـ روز وراها اتقربت مني لزمت ايدي واردفت:-
-من كل عقلج تحجين لو شنو هذه كلامج شنو معناها انتِ مو تحبي غير لازم تضحين وتدافعين وتكولين
-عن شنو ادافع واضحي ؟؟على شي هوه مو الي ولا راح يكون الي شبيج روز اني هذه الشي ما يفيدني ما احب انزل نفسي علمود شي هوه مو الي ولا يحبني صح اني حبيته بس غلطت وهذه الغلط راح اصلحه
-شلون راح تصلحينه؟؟
-نساه واتخطاه وبعد ما افكر بس لان هوه صار الغيري وهذه الشي ما احب اسوي اني
-لااا هل بنيه يرادلها ضربه على راسها حتى تصحه
كعدت على الكرسي ما مستوعبه الكلام الي يطلع مني شلون راح اكدر اتخطى هاي الصدمه بعدني ما مستوعبه الشي الي شفته جوه اسمع صوت روز قريب مني بس ما اركز شنو تحجي حسيت براشدي قوي على خدي فزيت متوجعه باوعت على روز تضرب بيه راشديات حتى اصحه لزمت ايدها واردفت:-
-كافييييي روززز كافييي عوفينيييي
-اريدج تصحين على نفسج
-خلينييي اني اريد هيج اصير ما اريد اصير ضعيفه وابين ضعفي الاحد
-مو عليه هاي الحركات اني اعرفج من عيونج
-بس عوفينيي خليني افوت جوه هسه راح يكول ما كدرت تتحمل المنظر ومشت خليني اصير قويه وافوت واشوف هذه الشي بعيوني حتى اقتنع انو هوه صار الغيري حتى اكدر انساه
-لاااا ما اكدر اخليج تفوتين
-موو بكيفجج وخرييي عنيي خليني افوت
لزمت ايدي بقوه واردفت:-
-علمودج اني والله ما اكدر اخليج تفوتين
-لاا تخافين روز ما راح اضعف كدامه راح اقوي نفسي وافوت حتى ابين اله اني قويه وما تهزني هيج اشياء خليني اروح اكسر عينه واخلي يتأكد اني ما اضعف ولا انكسر
تركت ايد روز ودخلت جوه ركضت وراي ريري وروز يخافن لا اسوي شي او احجي شي فتحت الباب لان لكيته مسدود دخلت جوه لكيتهم كلهم واكفين ويحجون ويه وليم هوه من شافني انصدم شمرت الجنطه على التخم واردفت:-
-بس لاا هاي الصدمه الي انتَ حجيت عليها
صفن بوجهي واردف:-
-هازال بيج شيي؟؟
-كلشي ما بيه بس اريد اعرف هاي الصدمه الي كلت عليها انتَ
باوع على البنيه واردف:-
-ايي هيه
باوعت على البنيه مثل شكلي شعرها اصفر وشكلها مثل الاجنبيات اتقدمت بأتجاها واردفت:-
-اهلا وسهلا بيج بـ عائلتنا السعيده والتعيسه
ضحكت بمياعه واردفت :-
-wahtشنو قصدج ما فهمت؟؟
-you don’t understand ,my dear
باوعت عليه بصدمه واردفت :-
-تتكلمين انكليزي ؟
-ايي عزيزتي مو بس انتِ الكل يعرف يحجي انكليزي مثل ما انتِ درستي احنا هم درسنا
-وانتِ ليش هل كد عصبيه ما كلت شي اني؟
-لاا حبيبتي مو عصبيه بس اني طريقة كلامي هيج ويه الكل
-اوووو ما جنت اعرف
-وهسه عرفت
-اكيد انتِ الشكره؟؟
ضحكت على كلمتها واردفت:-
-ماشاءالله صايره مشهوره اني ومادري
-لاا بس الولد يحجون بيج هناك
-اي من كد ما يحبوني يحجون بيه
-اوووو صحيح
ضحكت على كلمتها " اووو " وانداريت اباوع على وليم كل تركيزه على البنيه صبرت نفسي واردفت:-
-الف مبروك الك
اندار يباوع عليه لزم ايد البنيه بقوه واردف:-
-الله يبارك بيج
يامان-هازال شتحجيننن انتِ شنو هذه التمضرط بس لااا انتِ هم تعرفين؟؟
-والله يا يامان علمي علمك مادري الكل جان يحجي بالاغاز وطلع الموضوع كله هوه وليم خاطب ومحد يدري بي
-ولك يمه ليش هيج سويت بيه لو كايلي ولا مسوي هاي سوايتك
-حجيتي ما سويت شي غلط اني مثل اي شاب يريد يتزوج
هازال-صدك وين الغلط بالموضوع ترا هوه حقه يتزوج ويعيش حياته انتم شعليكم
-انتِ لا تدخلين
-حجيه ترا الحجاره الي ما تعجبج تفشخج
فـ ديري بالج
توها تريد تحجي واردف ماهان :-
-يمعودين شسالفه عليش مكبرين الموضوع هوه يريد يشوف حياته احنا شكو
ندستني ريري واردفت بصوت ناصي :-
-عليج الله خلي نطلع اني من يمي اختنكت
-اني هم صارت لعبان نفس
لزمت ريري الجنطه مالتي وسحبتني حتى اطلع لكن ستوقفني ماهان :-
-وين رايحات
-والله رايحين نحضر لحفلت وليم
اندار وليم علينه يضحك ترك ايد البنيه واردف:-
-ماكو داعي تحضرون أي شي بس جيتكم كافيه
-لااا شلون ما احضر العرسك غير انتَ ابن خالي
-براحتج والله اني ما ادخل بهيج اشياء
كبلت وجهي ودفعت ريري للباب اريدها تطلع طلعت واني طلعت وراها وسديت الباب بقوه طلعت من بيت خوالي بس كل حيلي مهدود ما اعرف شلون راح اكدر اتخطى وانسه الي شفته كدامي وفوكاها
يريدني احضر العرس مو تدلل اذا ما خليته يتندم ما اطلع بنت ابوي اريد اكسر عينه واندمه على الكلام الي كاله قبل لا يسافر دخلت للبيت ودخلت ريري وراي صعدت اني وياها الغرفتي هيه
كعدت على السرير واني دخلت اسبح وعدت نفسي ما ابجي لان محد يستاهل انزل دمعه وحده من عيني سبحت بسرعه وطلعت بدلت ملابسي وكعدت
على السرير كامت ريري ودخلت للحمام تبدل ملابسها فزيت من انفتح باب غرفتي دخلت سيلين بسرعه واجتي عليه تركض :-
-وين جنتي ؟؟
-يم بيت خوالي
-شلون كدرتي تحطين عينج بعينه وتحجين بس كليلي ؟؟
-عادي سيلين ليش مكبره الموضوع ترا هوه ما حبني بس اني حبيته يعني هوه يكدر كلشي يسوي ما اكدر اجبره او اكله لاا تتزوج هوه لا يحبني ولا يريدني
-هازال ليش هيج تسوين بنفسج انتِ مريضه وما تتحملين هيج اشياء على ساعه تختنكين ويصير بيج شي لا سامح الله
-لاا تخافين كلشي ما يصير بيه اني قويه وما اضعف كدام احد
حضنتني سيلين تخفف عني بس اني بغير عالم مو وياهم صح احجي واضحك بس من لا جاره اريد الهي روحي حتى اكدر انسه الشي الي شفته ضلت سيلين
كاعده يمي لحد ما طلعت ريري من الحمام ضلن كاعدات يمي لحد ما انفتح الباب ودخلت روز اتفاجئت من سيلين وريري طلعن من الغرفه وبس روز بقت وياي :-
-ليش طلعن البنات ؟؟
-اني كلتلهن
-ليش؟؟
-اريد احجي وياج
تنهدت بتعب وكعدت عدل اجتي كعدت بصفي لزمت ايدي خليتها بحضنها واردفت:-
-من راح احجي وياج اريد تحجين بكل صراحه وما اريد جذب
-روز لاا تزيدين همي خليني ساكته احسن
-لااا غلطانه من تضلين ساكته وما تحجين راح تأذين نفسج
-خليني اذي نفسي احسن حتى اتعود وبعد ما اغلط مثل هذه الغلط
-هازال شلون بيج انييي؟؟
-تمام مثل ما تريدين احجي خلي نشوف ؟؟
-احجيلي هسه شنو دتحسين او شنو وضعج؟؟
-مهدود حيلي وكلبي تعبان وبالكوه جاي اتنفس
-ومن اكلج تكولين كلشي ما بيه
-ما احب ابين ضعفي الاحد اصلا اول مره احجي هذه الكلام
-شلون كدرتي تدخلين جوه وتحجين ويه وليم ؟؟
-عادي ترا هذه الشي جداً سهل عندي حتى التخطي عندي سهل اكدر اتخطى أي احد آذاني وبكل سهوله هم واصلا وليم من الاصل ما حبني يعني ما اكدر لا اعاتبه ولا احجي ما الي حق اسوي أي شي هوه من حقه يتزوج ويشوف حياته
-شلون صبرتي نفسج ما تبجين ؟؟
-اني دموعي غاليه ما تنزل علمود شخص ما يستاهل
-انتِ هيج تكولين ؟؟
-محد يستاهل انزل وحده دمعه من عيني علموده لا وليم ولا غيره
-بس انتِ تحبينه شلون راح تكدرين تتخطين؟؟
-عادي اكدر اتخطى مثل ما حبيته وبكل سهوله
-ليش هل كد هادئ اصلا ولا عبالك صاير شي؟؟
-الهاء في أسمي تدل على هدوء الأعصاب .
-هازال شلون وياج اني ؟؟
-لا عبالج اضعف او انخذل لاا حبيبتي صح انهد حيلي من شفت هذه المنظر كدامي بس اكدر اقوي نفسي واصير اقوه من قبل
-صدمتنيني والله ما جنت متوقعه هيج راح تكون ردة فعلج
-يجوز عبالج راح ادك والطم وابجي طين عليه هيهيهييييي لاااا حبيبتي هذه الشي مو من ضمن قاموسي اني اذا ردت ابجي عاد ابجي علمود شي يستاهل مو علمود شي ما يستاهل
-ليش اخويه ما يستاهل تبجين علموده؟
-لااا ما يستاهل روز لا عبالج اني مثل باقي البنات اذا انخطب الولد الي يحبنه يكعدن يدكن ويلطمن لااا هذه الشي ما عندي اني احب اعيش حياتي ولا كانو صاير شي اتخطى بسهوله بس مرات احب اسوي دراما
-يعني منين ما اجيج تلوفيلي خبلتيني والله
-روز الحالج تسولفين اصلا عادي عندي الي صار اني ما احب اخلي جوه عيوني سواد سبب شخص عيونه تلمع من كد ما يباوع على غيري
-براحتج والله هذه الشي راجع الج
-لا تخافين عليه اكدر اتخطى هده الخب بكل سهوله
-اتمنى كلامج صح
-روز رب العالمين موجود راح يعوضني عن كلشي صار وياي راح يدزلي شخص يخليني انساه وليم وعشره مثل وليم
-انشاءالله حبيبتي رب العالمين ما يعوف احد ولا ينسى احد دائما العوض يكون جميل
-انشاءالله
حضنتني روز بكل قوتها وابتعدت لزمت خدودي واردفت:-
-ردت اشوف دمعه وحده من عينج بس للاسف ماكو
-كتلج محد يستاهل ابجي علموده
-حتى عيونج ما لمعت عزااا بعينج شكد قويه
-وبعد راح تشوفين مني اشياء ما جنتي تتوقعين تشوفينها مني
-صدك راح تجين العرس وليم؟؟
-هوه شوكت عرسه؟؟
-حسب ما سمعت يكولون بعد كم اسبوع
-اول الحاضرين اني
-شلون تكدرين ترحين بس تعالي كليلي؟؟
-حتى اكسر عينه وما اخلي يفكر بغير شي لان اذا ما اجيت هسه راح يكون عليش ما اجتي اكيد ما تكدر تتحمل تشوفني ويه بنيه غيرها
-مخيلتج جداً واسعه
-انجبي روز اني دائما من افكر يطلع تفكيري صح
-والله بعد مادري انتِ وتفكيرج
-روز انجبي واسكتي
-ليش احسج راح تنتقمين من وليم ؟
-اني ما احب الانتقام لان ما اريد اضل كل عمري اركض وره شخص علمود اضربه مثل ما ضربني
-حبيت والله عجبتيني
-اعجبج بكلامي
-ودتصدميني هم
-عيشي وشوفي
-والله اذا اضل على هاي الوضعي يمكن اتخبل بسببكم
-والله مرات احس انو احنا عصابه مو عائله
-اخطر عصابه على وجه الأرض
ضحكت على كلامها واردفت:-
-شكد دمج خفيف
-مو اخف من دمج
ضربتها على ايدها وضحكت وكفت تباوع على نفسها بالمرايه عدلت ملابسها واردفت:-
-سكوتج يخوفني
-السكوت ثاني أفضل رد فعل للانسان
اتقربت حضنتني وطلعت من الغرفه سمعت صوتها تحجي ويه سيلين وريري بس ما هتميت خليت راسي على المخده وغفيت ما ادري بروحي
بعض الانكسارات ﻼ تاتي من الغريب بل من الاشخاص الذين نحبهم هذه ما حدث مع عندما احببت وليم لااستطيع الابتعاد عنه من المفترض.
ان يعرف كثر حبي له وكثر هوسي به لكن مع الاسف لم يعرف ولا سوف يعرف هوه كان سبب انكساراتي وتحطيمي كان سبب تعبي ، دماري …اريد الهروب من الواقع الذي اعيشه ﻼ اعلم اين ، والى من لكن اريد الهروب بعيداً الهروب منه ومن
التفكير فيه الهروب من نفسي اشعر بااني اسند على نفسي ونفسي انكسرت ﻼ تريد المقاومة اكثر من ذلك فـჂ هذه اللحظة ابكي وانا نائمه لكن ليس من اجل الموقف الذي حصل لكن من اجل
الشعور الذي اشعر به اشعر بااني لوحدي ، اشعر بذلك الشعور يرودني دائماً حسيت على نفسي وكمت مسحت دموعي بقهر شكد وعدت نفسي ما ابحي لكن بجيت اكره انو اسوف نفسي ضعيفه
بسبب شخص هوه ما يستاهل دخلت الحمام غسلت وجهي وطلعت من الغرفه الكل نايم والبيت ما بي صوت من كد ما مختنكه صعدت فوك اريد شويه اشتم هوى فتحت باب السطح على كيفي وصعدت السطح اجتني نسمة هوى بارده توني وكفت
بصف الستاره مال بيتنا وانصدمت من شفت وليم والبنيه الي اسمها ريفان كاعده بصفه اصلا لازكه بي لزك ما كدرت اتحمل وبسرعه نزلت دموعي حاولت امسح بيهن لكن يرجعن ينزلن ما تحملت وبسرعه نزلت دخلت الغرفتي وانهاريت من البجي
شكد حاولت امنع دمرعي انو تنزل لكن فشلت سديت حلكي حتى امنع صوت شهكاتي تطلع لان صرت اشهك بصوت عالي يسرعه دخلت الحمام وقفلت على نفسب الباب فتحت الدوش وصرت جوه المي دموعي
تنزل والمي ينزل على كل جسمي لزمت راسي وكعدت بالكاع اريد احاول اسكت ما اكدر مستمره ابجي لحد ما حسيت على صوت احد يدك باب الحمام بجيت بقهر من سمعت صوت سيلين وهيه تناديني
حتى اطلع سديت المي وكمت لفيت الخاولي على جسمي شلون ما جان وطلعت هيه من شافتني بسرعه حضنتني اني هنا نهاريت من البجي كعدتي سيلين على السرير وحضنتني بكل قوه تحاول تخفف عني لكن اني ازود ما اقل :-
-خلص يا عمري والله ما يستاهل تبجين علموده
-خليني سيلين اذا ضليت ساكته احتمال اموت والله لج شفت بعيوني كاعد يمها وفرحان شلون تريدين ما ابجي
-بس كافي عاينيلي خلي اشوفج كافي
-حاولت والله شكد حاولت ما ابجي بس دموعي خانتني نزلت غصباً عني
لزمت راسي وتمسح بدموعي حضنتني حيل وتسكت بيه مادري شلون سكتت ونمت بحضنها حسيت الصبح على نفسي فركت عيوني وكعدت لكيت نفسي بحضن سيلين تذكرت البارحه هيه جانت موجوده يمي حتى تسكتني بس هسه ماكو داعي احد يسكتني
لان مستحيل ارجع ابجي او اضعف كدام اي شخص نزلت من السرير على كيفي حتى لا اكعد سيلين طلعت ملابسي من الكنتور ودخلت للحمام بدلت بسرعه وطلعت سويت شعري ذيل ونزلت
بسرعه صاحتني امي حتى اتريك اكلت شويه وكمت اخذت السويج وطلعت من البيت صعدت السياره وتوجهت للجامعه وصلت للجامعه بسرعه ركنت السياره ودخلت لمحت ريري ورجحان
كاعدات بالسنتر عفتهن ودخلت للمحاضره لان اخاف لا اتأخر ويضل الدكتور يحجي دخلت القاعه وكعدت بـ مكاني اجه بنيامين وكعد بصفي
بس ما حجه شي ضل ساكت شويه ودخل الدكتور بلشت المحاضره والكل مركز ويه الدكتور لحد ما خلصت المحاضره شلت غراضي وطلعت من القاعه صادفت بطريقي ريفا وهيه تطلع من مكتب العميد رحت عليها سلمت واردفت:-
-شتسوين بمكتب العميد؟؟
-ادفع القسط
-اهااا تمام جا تعالي وياي نروح نكعد بالسنتر
-تمام يله
لزمت ايدي ومشينه سويه دخلنا السنتر وكعدنه يم البنات اتقربت ريري من عندي واردفت بهمس:-
-شلون صرتي ؟؟
-الحمدالله بخير وانتِ؟؟
-تحت المسخره
-جا والسيطره وين راحت؟؟
-سافرة الله يخليها
-كبر طمج كون
-فدوه لهل ضحكه ولج والله ما يلوكلج الزعل والحزن اضحكي يول
-الخاطرج راح اضحك
ابتسمت بوجه ريري وانداريت اباوع على رجحان مادري وين تباوع صفكت بأيدي واردفت:-
-يحلووو وين صافن؟؟
انتبهت على نفسها واردفت:-
-مادري هازال عوفيني خليني صافنه
-ايي غير نعرف شنو الي مخليج تصفنين هيج؟؟
-ماكو شي لا تخافين بس جاي افكر بأمي مريضه وراح يسفرونها للهند حتى تسوي عمليه؟؟
-اسم الله يا ستار عملية شنو؟؟
-عملية قصطره
-منو راح يروح وياها ؟؟
-اخوي مروان وغزوان
-يعمري انتِ ما بيها غير العافيه انشاءالله تكوم وترجع بالسلامه
-انشاءالله
-لاا تشغلين بالج رجحان انشاءالله تنجح العمليه وامج تكوم وتصير اقوه من قبل مو بيدج شي تسوي غير بس تدعين الها
-والله كل ما اصلي ادعي الها
-واني هم راح ادعي الها انشاءالله تكوم بالسلامه
ضلينه كاعدين نحجي ويه ريفا ورجحان لحد ما صار وقت المحاضره دخلنا للقاعه اني وريفا ودخل الدكتور ورانا بلشت المحاضره بس اني ما الي خلك ولا حتى واهس احضر المحاضره بس شسوي خلصت المحاضرات كلهن ما صدكت كبل شغلت
سيارتي وطلعت بوجهي للبيت وصلت وبسرعه نزلت حتى السياره خليتها برا لان اريد اروح للسوك اشتري ملابس للحفله دخلت للبيت وصعدت غرفتي بدلت ملابسي ونزلت كعدت يم امي اجه ابوي حجيت وياها شويه وكمت يم امي اساعدها
صبينه غده وكعدنا ناكل اكلت شويه وكمت صعدت الغرفتي اخذتلي غفوه شويه وكعدت اخذت الاذن من امي حتى اروح للسوك وطلعت انطتني فلوس حتى اشتري ملابس صعدت السياره
وتوجهت كبل للسوك اشتريت فستان لونه احمر وبي فتحه من يم الرجل بس مو حيل جبيره اشتريت كعب الاول مره بحياتي اخذت شويه
مكياج واكسسورات وطلعت ركبت سيارتي وطلعت بوجهي للكوفي ركنت سيارتي ونزلت ضحكت بصدمه من شفت يامان كاعد بالكوفي يشرب كهوه اشرتله بأيدي ورحت كعدت يمه :-
-شتسوين هنا ؟؟
-جنت بالسوك وحبيت اجي اشرب عصير هنا لان تعبت
-وعليش رحتي للسوك ؟؟
-اشتريت ملابس
-لعرس وليم؟؟
-لنفسي من لعرس وليم هوه شنو حتى اشتري العرسه
-انتِ مقتنعه هذه الزواج حقيقي
-شقصدك؟؟
-كل الي ديصير جذبب.
-احجي بدون لف ودوران؟؟
-مادري بس احس خطوبة وليم وكل هذه الشي جذب
-ماكو هيج شي يعني حتى بالخطوبه صار جذب شبيك يامان
-الزعيم يكدر كلشي يسوي والريس هم
-ما يهمني جذب صدك المهم يعوفنه بحالنا
صاح يامان للولد حتى يجيب عصير راح الولد يجيب واردف يامان :-
-مال يعوفنه بحالنا هذه الشي انسي الزعيم اذا خله شخص اباله ما يعوفه اله يكرهه بحياته
-بس اذا خلاني اباله اني الي راح اكرهه بحياته مو هوه
-عمي انتِ محد يكدرلج
ضحكت على كلامه وسكتت من اجه الولد وجاب العصير تشكرت منه واخذت العصير هوه ابتسم بوجهي وراح شربت من العصير شويه وخليته على الميز تحمحم يامان واردف :-
-اريدج تروحين على ليال
صفنت بوجهه واردفت بتفكير :-
-ليال حبيبة صگر
-ايي هيه
-ليش تريدني اروح عليها ؟؟
-احنا اتفقنا اني وياج من تخلص الفترة الي توفت بيها الدكتوره منى تروحين انتِ تحجين وياها وتقنعيها تحجي وياج وتتقربين منها اكثر حتى تحجيلج مكان الحقير
-ايي صح بس شوكت تريدني اروح عليها ؟
-باجر جمعه واكيد ما عندج دوام
-يعني تريدني اروح عليها باجر؟؟
-بكيفج شوكت ما تريدني تروحين روحي
-خلص هاهيه باجر اروح عليها
-هازال هذه الموضوع اريده يكون سري بس بينج وبيني ما تحجين الاي احد
-تدلل سرك بير غميج
-انشاءالله ما يكون هذه البير مفتوح
-تشك بيه يامان ؟؟
-اشك بروحي ولا اشك بيج
ضحكت عليه وسكتت اشرب بالعصير كملته وكمت عدلت ملابسي واردفت:-
-هاهيه متفقين باجر اروح وكلشي يصير راح يوصلك بالتفصيل
-اعتمد عليج هازال
-انتَ اعتمدت عليه بعد لا تخاف كلشي تريده يصير جوه ايدك
ضحك يامان على كلامي سلمت عليه وطلعت من الكوفي صعدت سيارتي وتوجهت للبيت فتحو الباب الحراس دخلت السياره بالكراج ونزلت فتح الباب ونزلت الغراض وياي اجه الحارس
سد الباب وشال نص الغراض وياي دخلت للبيت خليت السويج على الميز وصعدت فوك خله الحراس الغراض بالغرفه وطلع اني هم خليت باقي الغراض على السرير وسديت الباب توني اريد ادخل
الحمام ودخلت سيلين لغرفتي عفتها ودخلت غسلت وجهي وايدي وطلعت لكيتها تشوف بالملابس الي جبتهن رفعت الفستان الي جبته لي فوك واردفت:-
-من كل عقلج هازال جايبه هيج فستان ؟؟
-ليش شبي مو حلو
-ماكو اكبر من هاي الفتحه
-ردت اكبر بس للاسف ما لكيت
-شبيج هازال هاي عود انتِ ما تحبين هيج فساتين
-بس هسه صرت احب
-لااا من صدك اتخبلتي
-لاا بعدني ما تخبلتت بعدج ما شفتي الاخبال على اصوله
كعدت على السرير اباوع عليها شلون مصدومه من تصرفاتي رفعت الكعب متعجبه شمرته عليه واردفت:-
-انتِ مو ما تحبين الكعب ليش جايبته ؟؟
- كلشي اختلف وكلشي اتغير راحت هازال القديمه وهسه اجتي هازال الجديده
-والله لو ضالين على هازال القديمه احسن
ضحكت عليها واردفت:-
-مرات التغير مطلوب
-بس مو لهل درجه تتغيرين
-لكل فعل ردة فعل أقوه مو مجنونه حتى اتغير فجأه
صفنت سيلين على كلامي وسكتت خلت الملابس على السرير واردفت وهيه تكوم :-
-اهم شي عندي راحة بالج اذا انتِ مرتاحه بهذه التغير ضلي هيج
-مرتاحه هواي فوك ما تتخيلين عاجبتني نفسي الجديده
-اتمنى الي صار البارحه ما ينعاد
-لاا تتمنين تأكدي ما راح ينعاد
ابتسمت وطلعت من الغرفه لميت الغراض وخليتهن بالكنتور كعدت على السرير افكر شلون راح اروح للبنيه زين شراح يكولون اهلها من يشوفوني جايه اووف مادري والله الله كريم منا الباجر نزلت جوه يم امي لكيتها كاعده وتباوع على التلفزيون كعدت وياها اباوع لحد ما صار الليل كامت اني
حضرت العشه كمت وياها ساعدتها شويه وكعدت على الميز خلت الاكل وصاحت الأبوي ولـ سيلين كعدنا نأكل ونضحك ونسولف احل شي عندي لمة اهلي ما عندي غيرها ولا غير ضحكت ابوي وامي
تونست شويه وياهم وصعدت الغرفتي انام وكل تفكيري الباجر وشنو راح يصير حسيت الصبح على صوت المنبه فركت عيوني بسرعه وكمت غسلت وجهي ويسرعه طلعت ملابس لبست قميص ازرك وبنطرون ابيض بس عريض لان ما
احب الضيق سويت شعري بسرعه خليت عطر ونزلت كلت الامي راحه على صديقتي وطلعت بسرعه صعدت بالسياره وتوجهت البيت خالتي لان هيه بيتهم بصف بيت خالتي وصلت البيتهم توني
نزلت وطلع يامان من باب بيتهم من شافني ابتسم نزلت من السياره وسديتها وراي ضحكت بوجه يامان واخذت مساري على باب بيتهم دكيته مره ماكو دكيت المره الثاني وفزيت من سمعت صوت رجال خشن يحجي :-
-اجيت والله اجيت
ابتعدت عن الباب وهوه بسرعه فتح الباب صفنت بوجهي وهوه هم صفن بوجهي شكله صغير بس صوت شخن عدل نظراته واردف:-
-تفضلي خويه شنو رأيده؟؟
-هذه بيت ابو ليال؟؟
-ايي واني ابنه تفضل شنو تريدين من ابوي
توني اريد احجي وطلع رجال جبير من وره الولد باوع عليه بملامح عاديه واردف:-
-هلا بيج بنيتي تفضلي شنو رايده !؟
-يابه البنيه تسئل عليك
-تسئل عليه ؟؟
-لاا عمو مو اسئل عليك بس اريد اتأكد هذه بيت ابو ليال لو لاا
-ايي بنيتي اني ابو ليال تفضلي شنو رايده
-ما رايده شي بس اريد احجي ويه ليال اذا ممكن
-شتصيرين من ليال ؟؟
-صديقتها
دفع الرجال ابنه للداخل واردف:-
-وليدي سوي طريق للبنيه خلي تفوت جوه
-اشكرك عمو
-ولو عمو واحنا اسفين لان خليناج واكفه بالباب ونتنضرين بس ما جنه نعرف بيج جايه ما كالت ليال
-لاا عمو اصلا اني ما كلت ليال انو جايه
ضحك بوجهي واشرلي افوت للبيت سميت بسم الله ودخلت اول مره اخطي هيج خطوه بحياتي فوتني للمطبخ وصاح على وحده ما عرفتها منم بس يمكن ام ليال اجتي تركض وتلبس بشالها من شافتني اردفت :-
-هلاا بيج بنيتي تفضلي فوتي لا ضلين واكفه
-زاد فضلج خاله
لزمتني من ايدي ودخلتني على غرفه حيل طويله وجبيره يمكن صاله كعدتني على التخم وصاحت على وحده تجيب مي الي تركت ايدي واردفت:-
-هلا بيج يمه كل الهلا
-وبيج الاكثر خاله
شويه واجتي بنيه صغيرونه قدمت المي ورحت للمطبخ رفعت عيني وشفت بنيه تباوع عليه من كد ما تباوع خوفتني بنظراتها زحت عيني عنها وحجيت ويه ام ليال :-
-خاله اني اجيت اشوف ليال هيه هنا لو لا ؟؟
-ايي يمه ليال هنا تريدين اصيحها الج لو انتِ تصعدين فوك يمها
-لاا اصعد اني اشوفها احسن
-براحتج بنيتي تعالي يم رقيه تعالي ودي البنيه الغرفة اختج
اجتي نفس البنيه الي قدمت المي واردفت:-
-تمام يمه مثل ما تريدين
وكفت على حيلي ومشيت ويه البنيه صعدت الدرج وصعدت وياها وكفت كدام وحده من الغرفه قريبه من الدرج اشرت عليها واردفت:-
-هاي غرفت ليال
-شكرا الج
ابتسمت بوجهي ونزلت بسرعه استغربت من تصرفها عبالي راح تدخل وياي لكن نزلت بسرعه ما هتميت وكفت قريبه من الباب ودكيته على كيفه شويه واجاني صوتها :-
-ادخلي رقيه لاا دكين الباب
فتحت الباب على كيفي ودخلت غمضت عيوني بصدمه من شفتها تبدل بملابسها توها تريد تلبس البدي ومن شافتني صاحت :-
-منووور انتِ؟؟؟؟
لبست البدي بسرعه وركضت على المجر طلعت سجينه من عدنه بسرعه وخرت ايدي واردفت:-
-لااا تتهورين بس خليني احجي وياج
-بصفتج منو احجي وياج وشلون دخلتي للبيت ؟؟
-اني بنت عمة صكر
نزلت السجينه بهدوئ واردفت:-
-شتسوين بيتي؟؟
-اجيت احجي وياج
-بخصوص شنو ؟؟
-بخصوص الي صار قبل فتره
-قصدج ععلى شنو على وفات صديقتي منى والسبب بموتها خالج او على مساعدتج الي
او على صكر
-سبب وفات صديقتج منى اني مال دخل بي لان الزعيم من الاصل ما معترفه بي كـ خال وسبب مساعدتي الج جانت صدفه اجيت على بيت خالتي وشفتج صدفه بطريقي وكعتي وفقط ساعدتج لا اكثر ولا اقل اما صكر فـ لاا غلطانه ما اجيت احجي وياج بخصوص صكر لان هوه اني من الاساس اكرهه وما احبه
-جا بخصوص شنو جايه تحجين وياي؟؟
-السبب الي خلاج توصلين للمستشفى
-ما فهمت؟؟
-نزلي السجينه واني افهمج
خلت السجينه على الميز وسحبت كرسي الي والها كعدت هيه واشرتلي اكعد كعدت على الكرسي وهيه كعدت واشرلتي احجي تنهدت راحه واردفت :-
-الدكتوره منى للصراحه ما جنت اعرفها ولا جانت عنده علاقه بيها بس من جبتج للمستشفى حجيت وياها عن حالتج وكلتلي انو انتِ تكونين صديقتها وحجتلي عن سبب حالتج والي خلاج توصلين المستشفى والي هوه نصير
-انتِ شمعرفج بـ نصير ؟؟
-ما اعرفه بس من حجيت ويه الدكتوره منى حجتلي عنه وانو هوه سبب حالتج
-لااا مو هوه سبب حالتي
-ليش تنكرين هذه الشي الدكتوره منو كالت مو اول مره هاي اكثر من مره هيه تجي للمستشفى والسبب نصير
-بصفتج منو حتى احجيلج وبصفتج منو جايه تحجين هيج وياي ؟؟
-اعتبريني شخص عادي كاعد كدامج واحجي الي تريده ولا تخافين ما راح احجي الاي احد
-اني ما اعرفج ولا اصلا عندي ثقه بيج؟؟
-مو شرط تكون عندج ثقه بيه الدكتور النفسي من تروحين تحجين وياه مو اله تكون عندج ثقه بي صح ما تعرفينه ولا شايفته بس انتِ مجبوره تحجيله الي بكلبج حتى يخفف عنج ويسمعج الكلام الي انتِ تريدينه وتريدين تسمعين
صفنت بوجهي واردفت:-
-كلامج مقنع
-راح احجي واريدج بس تستمعين الي وما تقاطعين اذا ممكن ؟؟
-تمام احجي اسمعج ؟؟
-حسب ما سمعت من الدكتوره منى انو انتِ تحبين نصير رغم هوه يأذيج ويضربج بس حبيش هذه هوه ما يحبج ويأذيج اني من احب شخص احبه يكون حنون ويخاف عليه ويحميني مو يضربني ويعذبني ويكون سبب تعاستي وتعبي انتِ فاهمه الحب بصوره غلط احب مو بس شفتي شخص
كدامج وحبيتي خلص هاهيه هذه حبيبي لااا غلط من تحبين اعرف اختاري الشخص الي تحبي صح مرات يكون اختياراً صح ومرات غلط بس نكدر نصلح هذه الغلط اني هسه حبيت شخص هوه ما يحبني بس شنو لا يحب يسمعني كلمه مو حلوه ولا يأذيني ولا يضرني مبتعد عني كل البعد بس
مع هذه اني احبه بس حالياً هوه خطب وعن قريب راح يتزوج فـ اني انطيت لـ نفسي وعد انساه وافكر بحياتي مثل ما هوه فكر بحياته وراح خطب اني هنا امدر اعاتب لاا طبعا ما اله حق احجي او اعاتب لان هوه لا يحبني ولا يعرف بيه احبه المعنى من كلامي حبي شخص يستاهلج وتستاهلينه مو تحبين
شخص ما يستاهل يلمح خيالج مو يلمحج لا تجين تكليلي اني احبه وما اكدر اعيش بدونه هذه الكلام سمعته هواي بس وراها هواي ناس عاشت وتغيرت وحبت واشكال والوان سوت تكدرين تتخطين هذه نصير وتمحينه من حياتج اني الشخص الي يمد ايده عليه اكسرها والعلكها بركبته
صفنت على كلامي واردفت :-
-كلامج صح ومثل كلام منى صديقتي بالضبط بس ما اكدر يا ناس افهمو ما اكدر انساه او امحي من بالي كل ما افكر بغير شي يجي على بالي
-لاا تكدرين لان الشخص الي يضربني ويمد ايده عليه ويكون سبب حزني والمي حرامات افكر بي واحبه
-كلشي من عنده اتقبله ما راح تفهمين حتى لو حجيت
-لاا افهمج بس انتِ لا ما جاي تفهمين هسه لو نجيبها على صكر هوه يحبج بس انتِ ما تحبي حاول يخطبج وانتِ رفضتي بس مع كل هذه ما اذاج اكو اشخاص من يحبون احد ما يحبون يأذون الي يحبونهم واكو اشخاص ما يحبون احد بس يحبون يأذون الناس الي تحبهم مثلج انتِ ونصير هوه ما يحبج بس يحب يأذيج انتِ تحبينه بس ما تحبين تأذينه
-صعب عليه اتقبل هذه الكلام افهميني
-فكري بكلامي زين اكو اشخاص ما يهون عليهم يشوفونه زعلانين واكو اشخاص يهون عليهم يشوفونه نتعذب ونبجي هوه لو صدك يحبج جان اتزوجج بس هوه فقط يحب يشرفج متعذبه كدامه وخلص هاهيه
-هوه نصير يحب يشوفني اتعذب بس اني مع كل هذه احبه
-هذه ما يتسمه حب تكدرين بكل سهوله تتخطينه ولا كأنو صاير شي تكدرين تشتكين عليه وتسجنينه وتخلينه يعفن بالسجون كلشي تكدرين تسوين بس انتِ تخافين
-اخاف اخسر نصير والله ما اكدر اعيش
-ليش ما تكدرين تعيشين هوه مو اوكسجين ولا مي تكدرين بكل راحه تعيشين وتشوفين حياتج وتخلينه يتندم لان فكر يمد ايده عليج ويضربج
والله لو اني بمكانج اسوي وصلتين واكسر ايده
واعلكها بركبتها واخليها عبره اله حتى بعد ما يمد ايده على بنيه
لزمت راسي وبجت حاولت تمسح دموعها لكن كل ساعه ينزلن وكفت على حيلي وجبت كلنس الها مسحت دموعها واردفت :-
-كلامج اثر بيه
-اني لو اضل يمج اخليج باجر تروحين تنهين حياته بس للاسف عندي شغل
ضحكت على كلامه واردفت:-
-شكرا الج طبعا كلامج مثل صديقتي منى اثر بيه
-اتمنى يأثر على تفكيرج
-اتمنى
-ضلت بحسرتي اريد اعرف شنو تشتغلين انتِ
-اشتغل بمركز الشرطه ؟
-يعني شنو شغلج؟
-ضابطه
صفنت بوجها وادرفت بصدمه:-
-تشتغلين صابطه وتخلين هذه الي ما يستاهل دعمه من عيونج يمد ايده عليج
-مو بيدي اضعف كدامه
-راح تخبليني انتِ
-من صدك لازم تفكيرين بكلامي لان راح يساعدج وينقذج من الي انتِ بي
-انشاءالله احاول افكر بكلامج
-ليش تحاولين اني راح اضل كل يوميه اجي عليج حتى اخليج تقتنعين بكلامي وتكتلين هل نصير وتلوين ايده
-يمعوده شسالفه مو لهل درجه
-اخخخ لو اعرف مكانه جان كتلته ونهيت على حياته بس حرامات ما اعرف
-مو هنا هوه مسافر
-كبر لفه ايي والله كل هذه الجمال ويكدر يمد ايده ويضرب خرب انه اذا اشوفه
-مو لهل درجه ترا سمره اني
-شحلاتها السمره
-لاا والله انتِ حلوه لان شكارج يجنن
-اني هذه الكلام يمس مشاعري
ضحكت عليه واردفت:-
-حبيتج ضحكتيني
-وين مسافر هذه الحقير ؟؟
-مادري والله ما اعرف لان ما اطلع هواي
من ساعدتيني واخذتيني للمستشفى بعد ما رحت وشفته
-لااا عوزج تروحين تشوفينه
-انتِ ما تحسين بشعوري من اشوفه
-صدك البزون يحب خناكه
-خرب روحج شكد اتضحكين
باوعت على الساعه ما صل وقت غلقت تلفوني واردفت:-
-اني لازم امشي لان ما ضل وقت
-لاا ليش تمشين حتى بعدين ما تعرفت عليج اول مره احب احد من عائلة الزعيم
-بعدين تتعرفين عليه الايام بيناتنا بس والله تأخرت على البيت هسه امي اضل تحجي عليه
-تمام مثل ما تريدين براحتج بس على الاقل خليني اعرف اسمج
-اسمي هازال
-واني اسمي ليال
-اسم على مسمى
-انتِ اسمج غريب
-هوه اني كلني غريبه حتى اسمي
ضحكت على كلامي وكامت فتحت الباب الي طلعت وهيه طلعت وراي نزلت جوه من شافتني امها اردفت:-
-وين رايحه بنيتي ضلي على الغده
-لاا والله خاله غير مره امي تنتضرين بالبيت
-ترا ازعل عليج اذا ما اجيتي مره ثانيه
-بعيوني خاله تدللين اجي عليكم مثل ما تريدين
ودعت ليال وامها وطلعت من الباب توني اريد اطلع الباب وصار بوجهي اخوها نفسه الي شفته بالمستشفى صفن بوجهي واردف:-
-انتِ مو بنت خالت يامان
-ايي اني
-شتسوين بيتنا ؟؟
-اجيت اشوف ليال
-اهلا وسهلا بيج
-وبيك الاكثر
-جا وين رايحه ؟؟
-رايحه للبيت امي تنتضرين
-تريدين اوصلج لو ما يحتاج ؟؟
-لاا اشكرك عندي سياره
ابتسم بوجهي وابتعد عن الباب طلعت من الباب وبسرعه صعدت سيارتي شغلتها وانطلقت للبيت وصلت وبسرعه نزلت دخلت البيت لكيتهم يتغدون اكلت شويه وياهم سئلتني امي شسويت يم بيت .
صديقتي جذبت عليها واول مره احذب على امي بس مطره اجذب شربت مي وسهدت الغرفتي انام حسيت على تلفوني يدك باوعت عليه "يامان" يتصل اوففف والله ما بيه حيل احجي رفضت المكالمه وفتحت
تسجيل صوت وحجيتله كلشي وسديت التلفون رجعت النومتي ومادري شنو راح يصير بعد هذه اليوم مرات ايام عاديه كل يوم اروح واجي على ليال قوة علاقتي بيهم حيل بأخر ايام عرفت مكان الحقير نصير كلت لـ يامان على مكانه هوه بلش
يشتغل ما دخلت نفسي ولا حجيت شيريد يسوي خلي يسوي مر اسبوع ثاني لكن اجه اتعس يوم بحياتي يوم زواج وليم حاولت أظهر ملامح البرود بس فشلت رسمت ابتسامه على وجهي وكمت على حيلي بدبت وتمكيجت ولبست فستاني والكعب خليت
عطري الي يسطر سطر من قوت ريحته وطلعت من الغرفه نزلت جوه وصعدت السياره صعدت سيلين وياي امي وابوي راحو بسياره واني وسيلين .
بسياره اتوجهنه كبل للقاعه لان العرس مسوينه بالقاعه الملكيه وصلنا للقاعه لو عبالك وصلنا لموتي حسيت بثكل صار على كلبي لزمت صدري احاول اتنفس طلعت سيلين البخاخ من الجكمجه واردفت:-
-حاولي تضبطين نفسج قبل لاا ندخل
-مو راح احاول راح اتخبل بس افوت واشوفه لازم ايدها
-على فكره وليم يعرف بيج معجبه بي وسوه هذه الشي عناد بيج
انداريت عليها بكل قوتي واردفت :-
-انتِ شمدريج ؟؟
-روز كالت هوه يعرف بيها معجبه بي
-وسوها عناد بيه ؟؟
-هيه ما كالت هيج بس ماكو غير هذه الشي
-سيلين ليش تمضرطين ترا شفته شلون يباوع عليها ولازم ايدها بكل قوه
-والله مادري بعد
لزمت البخاخ وسحبت منه شويه اريد اهدئ نزلت سيلين من السياره واني هم نزلت دخلنا اني وياها سويه للقاعه الكل موجود خالاتي وخوالي لكن ما رحت وكفت
يم أي احد كبل رحت وكفت يم ابوي اني وسيلين بس امي رحت تسلم على خوالي اشرتلي ريري اجي كلتلها ما بيه حيل ضلينا واكفين ننتضر بالعرسان لان بعدهم ماكو شويه وصاحت ام الديجي :-
-اريد صفكه قويه لعرسانه الحلوين
الكل اندار يشوف العراس ويصفك بس اني ما كدرت اندار لان بس اندار اضعف وكل حيلي ينهد كعد وليم وكعدت هيه بصفه صارو كدامي بعد ما اكدر ازيح
عيوني انتبهت عليها لازم ايده بكل قوه هوه هم لازم ايدها وكل ساعه يبوس بيها صار صوت الاغاني كل
الناس صارت بنص القاعه تركص حاولت ابتسم سحبتني روز من الطاوله وخلتني واكف بنص القاعه لزمت ايدي ورفرتني فر تقربت من عندي واردفت :-
-اركصي عناد بي
-روز شسويتي انتِ خرب روحج
-دركصي شويه حركي روحج
اشرت روز على ام الديجي تغير الاغنيه خلت الاغنيه الي ما اتحمل دون ما اركص عليها لزمت ايدي روز وأشرتلي اركص هزت جتفي شويه وخليت ركصتي المفضله من
تطلع اللقطه الي احبها اني بهاي الاغنيه اجيت ريري وكفت وراي وسيلين هم بلش المقطع الي احبه اني لزمت ايدي روز واردفنه اني وياها يسويه :-
-لا تضن جلمة ليش وانساها باجر
-هل عاده بيكم ليش كسر الخواطر
-لا تضم جلمة ليش وأنساها باجر
هل عاده بيكم ليش كسر الخواطر
-ولا تحجين ويايي وتشمة اعداي
ولا تحجين وياي يابه وتمشة اعداي
-انه الهويتك ياهوي لا تضن اعوفك
انه الهويتك ياهوي لا تضن اعوفك ...
اتكابلنه اني وروز نهز خصر هيه تهز منا واني اهز بشعري وخصري منا اتخبلنه اخبال طلعت مل ضيمي بالرقص لحد ما سحبتني سيلين واخدتني وللطاوله مالت اهلي بابا كام يحجي عليه شلون هيج ركصت كدام الكل بس هوه ما يدري من ضيمي ركصت هيج.
مسحت العرك الي نزل من راسي باوعت عليه روز وغمزت ضحكت بوجهي وشربت مي اريد ارتاح تعبت صار وقت يركصون العرسان لان هوه كلشي خلصان اصلا يتعب نفسه من يكوم يركص
خوب اخذها وروح عليش متعب نفسك ومسوي حفله لزم ايدها وانقرب مادري شنو همس بأذنها هيه خجلت ولزمت ايده سحبها من الكوشه وكومها وياه تركص باوع عليه والاول مره اشوف بعيونه
هاي اللمعه ثبت نضراته عليه ولزمها من خصرها بكل قوه وسحبها كدام العالم توه يريد يتقرب يبوسها ومشيت اني متوجهه للحمامات لان بعد ما اتحمل دخلت للحمامات ودموعي كبل نزلن غسلت وجهي.
وحاولت اهدئ لكن ماكو مستمره ابجي دخلت سيلين عليه تحاول تسكتني بس ماكو ما يفيد ما ينحني من بالي هذه الشي شلون يباوع عليه ويركص وياها سيلين
تحاول تحجي وياي بس اني دموعي تنزل وحده ويه الاخره احجي وعيوني تبجي مخنوكه ليش هيج سوه بيه اني ما استاهل هذه الشي مع العلم هوه يدري بيه احبه بس سواها عناد بيه :-
- لللييشش هيچ سوه بيه والله ما استاهل ولچ هوه يدري بيه معجبه بي بس سواها سالفة اعناد
- كافي يروحي انتِ بسچ عاد ما يستاهل دموعچ
- ولچ راح اموت انتِ ما شفتي شلون لازم أيدها ويضحك ولا كانو اني واكفه عادي عنده ويباوع عليه ويسحبها من خصرها بكل قوه عود يشوفني ولج راح اموت بعد ما اتحمل
- ولچ كافييي ما يستاهلچ ولاا يستاهل دمعه من عينچ هوه حقير ونذل على أمه طالع والله وانطيچ وعد وداعت عيونج راح ياكل أصابعه ندم على الي سواه بيچ والايام راح تثبتلچ
من صدك اني هم غبيه شنو انزل دموعي علمود شخص ما يستاهلني هوه الي راد هذه الشي من البدايه راح اشوفه هازال شنو تكدر تسوي محد يكدر يكسرني لا هوه ولا أمثاله مسحت دموعي واردفت :-
- شنو يموتني واحد ردت اعيش وياه ؟ شنو يبهذلني واحد رتبت يومه ؟ تخربط وضعي
لمن شفته وَي انسانه ومنسق الوان هدومة بـ هدومها انسان يدري بيه احبه ومعجبه بي وراح تزوج غيري .
سيلين-كافي ياروحي انتِ ليش هيج تسوين بروحج ما يستاهل هيج تسوين علموده وتنزلين دموعج
-ما عاش ولا راح يعيش الي ينزل دمعه من عين هـازال
مسحت دموعي بكل قوه وكمت غسلت وجهي وطلعت من الحمامات طلعت سيلين وراي ضليت شويه واكفه اباوع عليهم لكن انقرفت من سفت الزعيم يباوع عليه بنظرات غرور اخذت الاذن من بابا.
اريد اطلع من القاعه لان ختنكت انطاني السويج عفته وطلعت اجتني نسمه هوى بارده بس اجاني احساس راح يصير شي واني احساسي ابد ما يخيب طلعت بوجهي للكراج وكفت يم السياره اريد .
اطلع تلفوني حتى اضوي لان الدنيا ضلمه ما اشوف شي توني اريد اطلع تلفوني وحسيت بأيد
شخص تسحبي والايد الثانيه
تنحط على حلكي .
حاولت افلت من ايده لكن فشلت هوه جان اقوه مني وكعدت على طولي وما حسيت بأي شي
ثاني لكن ما جنت اعرف انو هذه الشي الي راح يصير وياي راح يغير حياتي ويقلبها من السيئ الى الاسوء .
يتبع!!!💀
بارت لطيف الكم ❤️.
«ــــــــــــــــــ«•»ـــــــــــــــــ»