حب في رفوف الماضي

بارت ثالث وثلاثون

تفاركنة ونسيتك والعشگ راح..
جا ليش من اشوفك تضحك ارتاح!!

حب في رفوف الماضي
بقلمي:: ريماا

Insta::_er_ww_
*********
رقية:: بعد ما هدى دزت خبر راح رحمان ثاني يوم واخذ عمامي وياهم لليل رجعوا وياهم هدى والفرحة متنوصف

رقية:: گلبي والله شتاقيتلج

هدى:: هههه واني هم يلة هاي رجعت

تقى:: حيوانة هية هاي هم سواية تسويها

هدى:: اني لو ابن عمج لرعبني خلاني اشرد بليلة ضلمة

نرجس:: كافي كافي انسو المهم رجعت

رقية:: يي والله
بيومها نمنة فرحانين ماعد شخص وتعرفون منو يعني (الجدة)

ثاني يوم الصبح رحمان كال حضروا غراضكم نرجع لبيتنة بغداد عارضوا عمامي وحجو ويا بس ماقبل جان ماخذ قرارة

وكال هناك شغلي ودوام البنات صدك بلشنة نحضر غراضنة يومين ورجعنة لبغداد

***
هدى:: من رجعت اهل رحمان استقبلوني احلا استقبال وجانت مبينة عليهم الفرحة وشكد حابين رجعتي ضليت اسوالف وياهم لوقت متاخر بعدين صعدت للغرفة طبيت لكيت رحمان متمدد

رحت بدلت بدلت هدومي واجيت اريد انام راد يجرني علية ماقبلت

رحمان:: شبيج

هدى:: مابية رحمان لازم نحجي

رحمان:: نحجي بشنو

هدى:: بينة

رحمان:: ليش شبينة

هدى:: انتة ليكون مفكر اني قبلت ارجع وياك على مودك

رحمان:: جا علمود منو؟

هدى:: اني رجعت وياك علمود رقية وحتى متتخرب حيات الانسانة لساعدتني وكفت وياي والا اني ماارجعلك اصلان لان مستحيل اسامحك على يلي سويتة

رحمان:: هههه هاي شبيج شتحجين

هدى:: والله لسمعتة وهسة اريد منك تحترم رائي وتبتعد عني وتقدر اني على شنو ضالة وياك

رحمان:: هدى شهل حجي شنو تحترم شنو ضالة وياك اني اجيت واعتذرتلج كدام الكل بعد شتردين

هدى:: ومعتقد اعتذارك راح يكفي يعني

رحمان::..

هدى:: مستحيل ارجع وياك رحمان بعد شكك بية واهانتك الية وللتصحيح انتة مارجعتني انتة ساومتني برقية اذا ماارجع تتزوج واني بدوري قبلت حتى متتخرب حياتها

رحمان:: ماشي ماشي اني اسف واعتذر بعد شتردين

هدى:: مو بهل سهولة صدك اني العندي كلتة وبعد الموضوع بقة يمك

حجيتها وانطيتة ضهري ونمت واني اضحك ومبتسمة اسمعة تنهد وضل كاعد

حلو شعور النصر نمت واني مرتاحة ثاتي يوم كعدت على صوت رقية دك الباب

هدى:: ياستار شصاير
طلعت فتحت شو هاي كبل حضنيني وتبجي

_رقية شبيج منو وياجج احجيي

رقية:: هدى هدى انتي كلتي لعمي علينة اني وامير وماقبلة ترجعين الا يزوجونة!

هدى:: هااا يي صحيح كلت هيج بس شكو ليش تبجين

رقية:: وليش ماكلتيلي مسوية هيج

هدى:: والله حبيت اسويلج مفاجئة هسة وكعتي كلبي احجي شكو

رقية:: سمعت رحمان حجة وية امي الصبح انو عمي ابراهيم محاجي وكايلة نجيب نشية ونجي نخطب رقية

هدى:: الله يطيح حضج خوفتيني وانتي ليش تبجين

رقية:: ماادري فرحانةة واخير راح يتحقق حلمي وكلة بفضلج هدى اني اشكرج من كل وكلبي

هدى:: ههه شهل حجي بعدين انتي اختي لماجابتها امي ولتنسين انتي ساعدتيني اعتبريها هاي رجعتلج الدين هيج

رقية:: واحلة دين بس شلون كدرو يقنعون الجدة

هدى:: يوو يمعودة المهم قبلو لتضلين تفكرين هسة كليلي شوكت يجون بيت عمو ابراهيم

رقية:: ماادري ماكال بس اكيد هل ايام

هدى:: الحمدلله

رقية:: متتخيلين شكد فرحانة واخير راح ننجمع سوة

هدى:: حبيبتي دوم الفرح ان شاءلله تعالي خلي نضف البيت خاف يجون

كمنة نضفنة الببت اني وياها ماخلينة شي ما سوينا ل12 احنى نشتغل والبيت جان متروك كلة تراب

رقية:: انعل بليس كافي متت تعب

هدى:: يلة خلصنة مابقت عدنة بس الغراض نرجعهن

رقية:: والله ماتعبت شنو هاي

هدى:: يلة ولج بقت بس هاي حتى يكولون عليج ام بيت ونادرة

رقية:: يابة خلي يرحون گالو ماكال ميهمني بعد هل تعب

هدى:: ههه والله جذابة اشوفج متحمسة اكثر منهم

رقية (بفرح):: يي والله

هدى:: لعد كومي قبل ليجون
بل كوة گومتها وكملنة تنضيف طبيت سبحت وبدلت جاي امشط بشعري حسيت اكو مغص بمعدتي ماهتميت كلت اكيد لان شلت شي ثكيل هيج صار

شوية اجة رحمان وتغدينة كلمن راح لغرفتة لان عدهم نومت الضهر مقدسة

ماكدرت انام مونعسانة رحت اسوي كيكة شوية خلصتها خليتها بل فرن وطلعت لغرفة رقية

هدى:: كاعدة

رقية:: ايي تعالي

هدى:: كومي سويت كيكة

رقية:: يلة جيت

هدى:: اجيتي رقية سوينة جاي وحضرنة الكيك وطلعنة بل استقبال

رقية:: هدى انتي ورحمان بينكم شي

هدى:: شي مثل شنو

رقية:: يعني متزاعلين

هدى:: اا لا بس ليش سالتي

رقية:: ماادري شفتكم على الغدة هوة يبوعلج وانتي متجاهلتة عبالي متزاعلين لو شي

هدى:: لا ماكو هيج شي

رقية:: شوكت انداوم ماعرفتي

هدى:: والله ماادري بعدني خلي يكعد رحمان ونحاجي

رقية:: تدرين راح تبدي امتحانت نص السنة بعد شوكت لحك نقرة ونمتحن

هدى:: ان شاءلله بس لازم نذب حيلنة كلة حتى نطلع من اول دور

رقية:: ان شاءلله

هدى:: فجاة حسيت بالم بطني وضهري لايطاق

رقية:: شبيج هدى

هدى:: اه رقية ضهريي ضهرييي

رقية:: يمعودة شبيج هدى شوو باوعيلي

هدى:: رقية ضهرييييي وبطنييي ايييي

رقية:: ركضت دكيت الباب على رحمان وامي

رحمان(بخرعة):: خيرر شكوو شبيكم

رقية:: رحمان الحك هدى ماادري شبيهاا

رحمان (بخوف):: شبيهااا

رقية:: بعدني مامكملة ركض للستقبال

بديعة:: شكو شعل صوت

رقية:: يمة يمة هدى ماادري شبيها

بديعة:: دخيلك ربي شبيها

رقية:: ماادري تبجي من ضهرها وبطنها

بديعة:: دخيلك ربي شوو وخريي

رقية:: ركضنة لكينة رحمان مخليها بحضنة ويحجي وياهاا

بديعة:: ولكك شبيهاا

رحمان:: والله ماادري بس تبجي وتصيحح

بديعة:: شووو يمة هداوي شنو يوجعج

هدى:: ضهريييي وبطنييي ايييي

بديعة:: صخام لصخمني كوم ولك شغل السيارة البنت انتهتت

رحمان:: ييي رايح رقية لبسيها

رقية:: طلع رحمان يركض واني رحت طلعتلها حجاب وجبة لان مو مالت عباة وهية بهل حال

بل كوة لبستهيا شوية وطب رحمان يركض شالها وطلع وامي راحت وياهم

بديعة:: سدي الباب ولتفتحي لاحد

رقية:: ايي ايي

طلعوا واني قفلت الباب وضليت ادعيلها خطية
**

هدى:: ساق رحمان السيارة واني اتكطع من الالم عمتي حاطة راسي بحضنها شوية وحسيت شي نزل مني

بديعة:: ولج يمة شنوو هذااا

رحمان:: خيرر يمة شكو

بديعة:: ولك مرتك تنوف استعجلل

رحمان:: تنزف شنوو ليشش

بديعة:: واني شدراني استعجللل

هدى:: طار بينة رحمان كلت منوصل سلامات على هل سرعة شوية وطبك يم المستشفى اجى شالني ونزلني

طب بية يركض

رحمان:: مرتي جاي تنزفف

ممرضة:: اخي اخذها بسرعة لقسم الولادة طابق ثالث

هدى:: راح يركض بية واني احس روحي بعد ماااقاوم من الالم راح يغمى علية

رحمان:: تحملي حبيبتي تحملي وصلنة

_الفو هذا قسم الولادة

ممرضة:: يي تفضل

رحمان:: مرتي جاي تنوف وبطنها توجعها

ممرضة:: انطينياها اني اخذها

رحمان:: لا اني اجي وياها

ممرضة:: اخي ميصير اطب لصالة الولادة انطينياها اني اخذها

رحمان:: ماشي بس ديري بالج عليها

هدى:: نزلني رحمان وكمشتني الممرضة بل كوة واكفة

رحمان:: هدى طبي وياها واني واكفلج هنا اي شي صيحيلي

هدى:: عمة وين

رحمان:: هسة تجي واني اخليها كب وراج يلة روحي

هدى:: اخذتني الممرضة بل كوة امشي من الالم

الممرضة:: الله يخلي الج مبين يحبج هواي

هدى::....

الممرضة:: متووجين عن حب!

هدى:: الله يخليج ممكن بسرعة لان بعد مااتحمل

الممرضة:: يي تعالي منا

هدى:: طببتني لغرفة دكتورة جبيرة بل عمر

الدكتورة:: خير شبيها الحلوة

الممرضة:: دكتورة دتنزف

الدكتورة:: خير ان شاءلله تعالي حبيبتي صعدي هنا

هدى:: صعدتني على السدية وبدت تفحص بطني بهل اثناء طبت عمتي

الدكتورة:: عفوا منو حضرتج

بديعة:: اني امها

الدكتورة:: اها تعالي تفضلي هنا

هدى:: گعدت عمتي وهية رجعت تفحص بية وتسالني

الدكتورة:: شايلة شي ثكيل

هدى:: يي

الدكتورة:: ماما شلون هيج مو ميصير

هدى(بااستغراب):: ميصير!؟

الدكتورة:: طبعا هذا كلة ياثر على صحة الجنين

هدى (بصدمة):: جنينيش؟

الدكتورة:: شبيج ماما غير الطفل لبطنج

هدى:: ليش اني حامل

الدكتورة:: صدك تحجين يعني متدرين بنفسج حامل لو لا

هدى:: لا ماادري

الدكتورة:: ماميصير انتي حامل بشهر الثاني ومتدرين بنفسج وين جنتي

بديعة:: دكتورة بروح ابوج يعني هسة هية حامل

الدكتورة:: طبعا لعد شجاي احجي

بديعة:: كلللوشش مبروك يمة مبروك الله يتمملج على خير

هدى:: شكرا عمة

الدكتورة:: ماما لازم ديرين بالج على صحتج ميصير هيج هسة اني راح انطيج مثبتات ودوة يخفف التقلصات والالم

هدى:: ان شاءلله

الدكتورة:: تمام اني هسة حنطيج مسكن يوهر الالم ماعدكم شي تنتضرون المغدي؟

بديعة:: ييي كلشي ماعدنة اخذي راحتج

هدى:: طلعت الدكتورة تجيب المغذي وعمتي ستلمتني بوسس ومعاتب

بديعة:: ليش يمة متكولين لو صايرلج شي

هدى:: عمة هوة اني وين اعرف مو هسة كدامج دريت

بديعة:: يي صح من الفرحة نسيت بس ان شاءلله منا وجاي كلشي متسوين اهم شي صحة حفيدي

هدى:: ان شاءلله

طبت الدكتورة حطتلي كانونة والنغذي صدك شوية وخف الالم

نتضرنا يخلص وعمتي كعدت تسوالف وية المراجعات تكول هاي 10 سنة ماعندي

خلص اجت الدكتورة شالتة وانطاتني الوصفة وطلعنة جان رحمان واكف بل باب يروح ويجي

رحمان(بخوف):: وينكمم تاخرتوو

بديعة:: على كيفك يمة غير من ورة ابنك

رحمان:: خوفتوني كلت صار شي...
ابني منين ابني

بديعة:: جا غير مرتك حامل

رحمان:: حامل منين

بديعة:: اسئل روحك

رحمان:: صدك تحجون

بديعة:: لا نتشاقة شو دوخر البنت تعبت من الوكفة

ولك شبيك مسطور ماتجي لو تريد تضل هنا

رحمان:: ايي ايي جيت

هدى:: اباوع لرحمان شكلة مصدوم وممستوعب ماانطة اي ردة فعل اجة شغل السارة ورجعنة نص الطرق نزل جاب الدوة واجة

وصلنة للبيت استقبلتني رقية

رقية:: هااا بشرو شطلع

بديعة:: ماكو شي يمة بس ابن اخوج يحب يدلل

رقية:: ابن اخوية!!

بديعة:: ايي بس لا انتي هم تنسطرين مثل اخوج لتيه حلكة من الصدمة ولاجن لهوة مسوي

رقية:: ههههه صدك هدى حامل مبروك ياروحي يتربة بعزكم ودلالي

هدى:: ههه الله يبارك بيج

رقية:: لعد شبي رحمان

بديعة:: ماادري من سمع الخبر داخ

رقية::: عذرو حقة مصدوم اول مرة

هدى:: هوة وينة

رقية:: ماادري طب للغرفة

هدى:: ضلينة كاعدين نضحك ونسوالف ماتوقعتهم هيج يفرحون بحملي بحيث عمتي كل ساع بايستني ورقية تحط ايدها تريد تحس بي ههه

بس لقلقني رحمان ماطلع ابد من الغرفة معقولة مفرحان!

بس حقة اذا اني لسة ممستوعبة الموضوه هوة شلون

بديعة:: يمة هدى روحي ارتاحي بغرفتج اني اسوي لعشة واصيحلج

هدى:: لا عمة ماعدي شي اضل وياكم

بديعة:: لالا مااريد اتعبج روحي

هدى:: جنت محتاجة ابدل هدوني واغسل
كمت طبيت للغرفة وانصدمت!

رحمان فارش. سجادتة ويصلي
لكيتة ساجد وماادري شجاي يحجي

فتت من يمة اخذت هدوني ورحت بسحت على السريع وطلعت

لكيتة مخلص وكاعد على الحرباية اشرلي اجي يمة

اجيت كعدت على الجرباية بصفة كبل حضني
وباسني من راسي

رحمان:: الفف مبروك ياروحي متتخيلين فرحتي متنوصف

هدى:: بهل لحضة نسيت كلشي وبادلتة الحضن
_لعد سبيك مصدوم

رحمان:: عذريني بس مااسوعبت الموضوع يعني راح يصير عندي طفل ومنج انتي

هدى:: ليش متريدة مني

رحمان:: شهل حجي طبعا لا جانت امنيتي يجيني طفل ومنج انتي ويكمل حبنة

هدى:: حبنة
خلة راسي على راسة وحجة

رحمان:: يي حبي الج وحبج الي ادري بيج لسة تحبيني وتموتين علية واني هم اعشقج

هدى:: بس اني لسة ممسامحتك

رحمان:: هههه ممسامحتني وحامل مني لو تسامحيني شلون

هدى:: لتحجي هيج ترة هذا صار من زمان

رحمان (بغمزة):: من شوكت!

  هدى:: معليك انتة

رحمان:: هههههه اقدر خجلج

هدى:: صدگ شجنت اتصلي صلاتيش؟

رحمان:: صلا الشكر لربي لان رزقني بيج وبطفل

هدى:: مممم لهل درجة

رحمان:: واكثر

_ليش شعرج مبلل هسة تتمرضين وتاثرين على ابني

هدى:: يعني انتة خايف على ابنك مو علية؟

رحمان:: طبعا لا انتي بيش كيلو اهم شي ابني

هدى:: هاا لعد وخر وخر مني

رحمان:: ههههه طبعا اخاف عليج وعلية غير انتو روح وحدة وهية روحي

هدى (بابتسامة):: هههههه

رحمان:: هاك ستلم اتغزل بيها تضحك

هدى:: يااا لعد شسوي

تقرب علية

رحمان (بهمس):: مثلا رجعي الغزل بوسيني...

هدى:: تمام شكرا الك

رحمان:: ولو حبيبي تدلل مو اني احجي وية صاحبي

هدى:: هههههه

شوية ودك عمتي الباب طلعنة اتعشينة والفرحة بليلتها متنوصف

مرت الايام بااحلى مايكون رحمان مدلنني شنو اريد يجيب صح مارجعت علاقتي بي لسة نثكلة وجهي بس هوة يكول اتحملج انتي وهرموناتج

اما بل نسبة لعمتي موتتني بليوم لازن اكل الف شغلة كل ساع جايبتلي شي منلتني صرت دبة من وراها

رحت لاهلي وخبرتهم وجانت الفرحة متقل عن بيت رحمان

رقية:: جاي تحضر لخطوبتها لان قبل كم يوم اجو بيت عمو ابراهيم وطلبوها ورحمان وافق

وهسة دنجهز للعقد باجر...

رقية:: لجج هدى لحكيلي

هدى:: شكو شبيج

رقية:: ولج سحر لسة مااجت لاهية ولا البنات منو يحفلي

هدى:: والله لو اعرف بعيني بس هسة اطير نص حاجبج

رقية:: لا دخيلج عوفيني

هدى:: ههه لتخافين هسة يوصلون

ضلينة منتضرين البات يجن بل نص ساعة وطبن (تقى ونرجس وسحر)

رقية:: وينجنن تاخرتن

نرجس:: وسم واحد سلم اول

رقية:: هسة مو وكتها يلة بعد ملحك

تقى:: شلونج هداوي شخبارج النونو شلونة

هدى:: حبيبتي الحمدلله زينين

رقية:: هسة عوفينة من محنتج يلة تعالو

سحر:: تدرون منو راد يجي ويانة

رقية هدى:: منووو!

سحر:: اسماء وزهور

هدى:: لا عليج الله

تقى:: ههههه والله بس رائد الله ينطي كال الهن بدلن وامر عليجن وضرهن بوري خطية لبخهن راح بلاش

البنات:: هههههه

نرجس:: والله كال بس اخذهن تسقط مرت رحمان ويسولها سي

رقية:: يي والله ذني جلبات

_اليوم هوة احلى يون بحياتي متفصلني بس ساعات واصير بااسم اكثر انسان احبة بل دنية

لابسة فستاني الابيض واكفة كدام لمراية

رقية:: هاا شلوني

هدى:: تموتينن ماشاءالله

تقى:: الله عليج شهل جمال

رقية:: يعني صدك حلوة

البنات:: يي والله

رقية:: باوعت نضرة اخيرة لروحي جتت لابسة فستان ابيض من فوگ الردن نازلة وطالعة اكتافي ومن جوة يجي كلوش

والمكياج سحر حطتليا حلو رسمتي عيوني وهنة خضر طلعن فدشي

وشعري عقتة على طولة بس شلتة بماشات

شوية وسمعنى صوتهم وصلو حسيت كلبي كان يدك باذني من التوتر

اخذني البات ونولنة لكيتهم كلهم جاين نسوان عمي وبناتهم سلمت عليهم واكو من فرحاني صدك واكو ليجامل والحاقد ووو خير من الله

ضليت كاعدة يمهم شوية وكال يلة نعقد اخءني البنات يم باب الاستقبال سون المراسيم الخاصة بل عقد

الهيل والقران والورد والشال الابيض
وكفت كلهن دائر مدايري صدك بوكتها حمدت الله على هل نعمة

صدك مارزقني باخت بس رزقني بدالها باحلى بنات عم ومرت اخو

شوية وبدة الشيخ يعقد وسئلني عن الموافقة
ضليت صافنة شوية خوف توتر فرح مااعرف شاوصف اللحضة

رجع عادها علية مرة ثانية باوعالهم كلهن هزو بروسهم

واني هم انطيت النوافقة(نعم قبلت وانت وكيلي)
******
لتنسون التوصيت والتعليق بين الفقرات +متابعة لحساباتي 💚🌹