حب في رفوف الماضي

بارت رابع عشر

يگول..
اشتاگلك لو مرة عني تغيب..
والله اشتاگلك لو توگف بصفي
انشلع گلبي بغيابك وانتة مرتاح
ضل مرتاح فدوة يروحلك گلبي... 

حب في رفوف الماضي

بقلمي:: "ريما"

****************************
هدى:: مرت الايام وبديت امتحانات نصف السنة واجهز اغراض العرس بنفس الوقت مالحگ من الامتحان واطلع وياهن للسوك ومن ارجع اقرة حتى ماعرفت شأخذ معتمدة على البنات

ندى:: يمة متنة تعب اففف

هدى:: الله يساعدكم

اسماء:: ويساعدج يمة

ميقات:: بالله الله يرضاها العروس گاعدة واحنى نجهز

هدى:: ولج وين گاعدة متشوفين باجر امتحان ونص المادة ممخلصتها ولو انتي شيهمج

ندى:: صدگ ولج انتي مو وياهة شو متقرين

ميقات:: يوو هاي اختج فايخة لازم تقرة من الغلاف للغلاف يالله تقتنع مو مثلي بس اراجع اجيب درجة

هدى:: ياجذابة يادرجة اذا انتي كولة على الحافة لو راسبة

ميقات:: يي مو زين اجيب ماادري على شنو ندرس اذا تعينات ماكو

هدى:: ادرسين حتى تصير عندج شهادة وتكون الج قيمة بل مجتمع ادرسين حتى تتثقفين ومتحتاجين احد بحياتج شهادتج بأيدج مثل سيفج هوة هيبتج ومصدر قوتج

ندى:: بس تبقة المرأ بحاجة للرجل حتى تكمل ويا حياتها ويكون شريك الها ويساعدها حتى بتطوير نفسها

هدى:: اعرف بس مو لازم يكون رجل بحياتي حتى انجح انتو ليش مخلين فكرة المرأة ضعيفة وميقويها غير الرجل وهوة بل عكس الرجل هوة بحاجة المرأة مو هية اني اگدر اكون نفسي وابني اسمي بدون الرجل بحياتي

ميقات:: وبلة ست فهيمة شلون هوة بحاجتها

هدى:: الرجل بدون المرأة انسان ضايع وماعندة هدف ميعين غير الشغل وبس بينما من تدخل المرة بحياتة حيصير عندة هدف وهوة اسعادها وتكوين حياة ناجحة وياها ومن يجي اول طفل حيصير هدف جديد وهوة يكون الة مستقبل جيد ومن يكبر حيصير الهدف زواجة والى اخره يعني هية مثل الشمعة لتنور حياة الرجل

ميقات:: قصدج انتي حتنورين حياة رحمان؟

هدى:: ضربتها بل كتاب
انجبي مو صوجن صوجي صارلي ساعة الغي وعايفة دراستي واحجي وياجن

هدى:: كافي كافي لتزعلين گومي شمعة ااا اقصد ميقات خلي نرتب الغراض

ميقات:: يي يلة وانتي اقري زين حتى اغش منج مو مثل ذاك اليوم نص السؤال غلط

هدى:: لا والله وانتي ليش متقرين معتمدة علية

ميقات:: ولج حيوانة غير ملتهية بأغراض عرسج صدگ ميغزر بعينج