اختلاس الكلف

اختلاس ثلاثون الاخيرة ⚜️

- اختِلاس الكَلف -
- سجى حسين -

- ثلاثون الأخيرة ⚜️ -

﷽ .

فولو للحساب الواتباد

كُل هالفتره اني عندي ظروف ومن هاي تاخرت بالبارت
بَس الله يهدي كُل وحده كالت سجى علمود التعليقات مكاعد
تنزل البارت هيَّ شالت خطيتي والله يهديها ويغفر الها ...

- شكراً لكل شخص سأل علية لانُ مختفيه مو علمود
مصلحة ...

- اذا شفت اكو تفاعل حلو و قوي راح انزل
صوره تخص الابطال ؏ حسابي الانستا وقناة التلگيرام .

——

- كمت من الفراش فتحت الباب بهدوء ونزلت
ورا سمعت يحجي بهدوء وهمس ركزت بكلامه
اكثر شهگت بقهر وغضب من سمعت كلاماته !!

دسيم:- هسة شسوي بلي لا انوب اكول الها اسويلج
وياي خل اعرف شراح اسوي لنفسي حته اسويلها

- نزلت ؏ كيفي صرت ورا رفعت ايدي وضربتة
؏ ركبتة من ورا فز وندار علية وعاط بصوت عالي

دسيم:- شعتلو بنت منين طلعتي انتِ جنج فارة

- رفعت حاجبي واشرت ؏ نفسي، ديرين:- اني فأرة ؟

دسيم:- لا امي شبيج غير طلعين صوت من تجين وليش
ضربتيني اني كم مرا كايلج اني رجلج بابا مو صديقج وضربيني

- گلبت عيوني بملل
ديرين:- ديلا عيني فد نمونة ترا كلك زوجي قابل منو
دوخر وخر خل اسويلك امري لـ الله ترا مو علمودك
بس الله يمكن يعذبني لانُ خليتك انتَ تسوي

- ابتسم باستهزاء
دسيم:- وانتِ من شوكت تخافين من الله
لو تخافين جان اشتريتي حجاب ولبستي

- عطت بصوت
ديرين:- والله بكيفييي ؏ مزاجي ليش تدخل ليش مو عاجبك طلكني

دسيم:- دسكتي كل حجاية وطلكني عدها جم فلس
عبالها تعيش بيهن وداعتج قطعة بالجبايش ما اجيبلج

- ابتسمت وجتفت ايدي
ديرين:- لا والله مو بكيفك هوَّ ما تجيبلي اشتري واشتري اهلك

دسيم:- سامعة جعفر الغزال شيكول

- عوجت راسي، ديرين:- لا شيكول

دسيم:- كتلتيني بونينج لا تونين
شعلتي هروش كلبي بيوم تبجين
عليمن هالبجي ودمعة بالعين كافي
تونين فوك راسي من يوم الاخذتج
لحد هسة بس تلعلعين فوك راسي
حته المصرية ما عدها لسان مثلج

- صغرت عيوني بانزعاج
ديرين:- خلصت ؟ اسكت عني لا اجيبك بطراك، قفله
عليك الحين اذلف يلا توكل بالله كرمني بسكوتك ابلع
لسانك خل اسويلك اكل لا والله ترا اتراجع واخليك تفر
باذانك بوحدك وتاكل بيض

- عض شفتة وتقرب علية وابتسم، رجعت راسي ليورا
دسيم:- لو ما جوعان جان لزمت وجهك بالثلاجة سويتة تحفية
بس بيج بخت جوعان ومالي حيل اسوي اي شي مكافيني اليوم
امين كل شويه ويكلي اختك بحضني ولله بيكم بخت تعبان

- ضحكت وهوَّ فرك ايدة وكعد ؏ ميز يمي، سويتلة
اكل وطلعت اله خبز وكعدنه ناكل اني ويا كملنه وغسل
المواعين وياي وصعدنه ننام

- كعدنه الصبح ؏ صوت تلفون فتحت عيني شفت تلفون
دسيم باوع علية واخذه جاوب بدون ما يشوف المتصل

دسيم:- ها منو

- سمعت صوت امين يضحك هوَّ وملاك
امين:- اني زوج اختك تعرف هسه اني وين اني بحضن اختك

- عاطت ملاك بخجل، ملاك:- امين عيب شبيكككك

- ضحكت ودسيم مخلي تلفون ؏ اذانه ونايم رد عليَّ بعصبية
دسيم:- ابن "**" إذا ما "**" اصبرلي إذا ما اخليك طلكها

امين:- لا حبيبي اختك تحبني وأحبها
عمي شلون مرة مو مرة ضيم وعلي

- زمخ بي
دسيم:- امين امشي ولي لا اجي اخلي رجلي "**" ابن القند*

امين:- عمي اشاقة والله شنو شني ما جبتولنه كيمر
هوَّ واحد من يزوج غير يجيبون اله ريوك

- فرك وجها بانزعاج
دسيم:- جا اني ليش مخليكم بفندق ابن زر*
ما تنزل تاكل جوا تريد انوب اجي أوكلك

- ضحك
امين:- لا تريد تجي انتَ وتكول اختي وين واكولك اختك يمي

دسيم:- "***" هوَّ صوج الكو* الي انطاك مرة
يا كو* دولي لا اجي ادوس بنص مصارينك

- سد الاتصال بوجهه واني حابسة ضحكتي باوعلي ورفع حاجبة
دسيم:- شبيج انتِ ثانية نامي لا اجيبج براشدي من الصبح شلون
عطلات، لتخليني احصرج هسه واحبلج دامنع روحي ما احبلج

- فتحت عيوني وعطت
ديرين:- شعلي اني شبيككككك انوب رجع علية
اوي عيني ولا يتحمل شقه دنام نام نوم ظالم عبادة
‏
دسيم:- ولله ظلمت روحي من خطفتج وزوجتج
الي يكول ماخذ اخوي اريد اشوف انوثتج وين

- ضحكت بصوت عالي، ديرين:- تبرعتلك بيها

- رفع رأسه وفتح عينه واني طفرت من جرباية ركضت
للحمام سديت الباب وصوت صياحه طرش اذني

دسيم:- بس طلعين اذا ما اخلي "**" حته تشوفين منو
الي عنده أنوثة إذا ما احبلج بتوم ما اطلع اني ابن ابوي
هين يا بنت محمود بت ابو طليان اصبريلي أني اعلمج

- بفهاوة، ديرين:- لك عوف ابوي بحالة وما جان عنده طليان هوَّ

دسيم:- لعد منين تعرف ؏ امج غير بالجبايش جانت تحلب الطليان

- ضربت الباب وعطت، ديرين:- دسيممممم

دسيم:- ودسامة بكلبي اطلعي اريد ادخل اسبح عندي شغل

- بخوف، ديرين:- ماتكتلني

دسيم:- هوَّ اني شوكت ضاربج يلعيارة
ديرين:- ثواني

- غسلت وفرشت وطلعت من الحمام شفته واكف
منتظرني باوعلي مشيت ؏ كيفي من يمه ودخل هوَّ

- زفرت نفس ارتاحيت ما ضربني رحت يم روڤي
اخذتها من الكاروك وأخذت الممه مالها ونزلت شفت
تينا ويارة كاعدات وردة وامير ديلعبون بالحديقة

ديرين:- صباح الخيرررر
تينا:- صباح النوررر
يارة: صباح النور

ديرين:- اسفة تاخرت بنوم من تعب جسمي ما احس
بي وهاي بس تبجي خبلتني جوعانات نسوي اكل

- ابتسمت، تينا:- عادي احنه قبل شويه كعدنه
اصلا ما حسينه بالوقت خل اساعدج بالاكل

- هزيت راسي وكمت بقيت روڤي بالكيركوت واخذتها
يمي بالمطبخ سويت اكل ويارة يمنه كعدت حاولنه نخلي
نفسيتها تتغير شويه وشفتها احسن من بارحة تسولف وتضحك

- شويه واتصل الب ؏ تينا ويلي فتهمته يريد يجي
يأخذها يرحون يشترون الذهب مالتها وتريدني اروح وياها

ديرين:- لازم اسئل دسيم اول شي يقبل لو لا ماكدر اروح بدون علمه

- هزت راسها بتفهم وسوينة اكل وصبيت لدسيم ؏ صفحة
لانُ يارة يمنه فـ ما ردنه تتقيد وبنهاية هيَّ غريبة عليَّ اخذت
الاكل وصحته خليت الصينيه ؏ ميز طعام واجه هوَّ كعد ياكل

دسيم:- عاشت ايدج عسلتي روحي اكلي
بعد اني اذا احتاج شي اني اطلعها لروحي

ديرين:- ماشي حبيبي

- التفتت ردت اروح صاح وراي
دسيم:- تعاي جيبي بوسة شو خل احلي قبل الريوك

- التفتت عليَّ وتخوصرت بملل
ديرين:- دسيم عيب منا البنات لا يشوفني

- ابسمت بخباثة، دسيم:- ديلا عيني هوَّ رجال ديبوس مرتة
وهسه ملتهيات دياكلن معليج محد يجي دتعاي جيبي شفتج ولج

- باوعت بسرعة ؏ باب ماكو احد رحت يمه بسرعة
لزم ركبتي وباسني ظل لازگ بية اختنگت صرت اضرب
بي اريدة يوخر لطش حته نفسي نكطع، فزينه ؏ دخول تينا
اول ما شافتنه شهكت ورجعت دارت وجها

تينا:- اسفة اسفة والله ما ادري اسفة كملو حروح اني
بس جيت اسوي ممه لروڤي، ديرين من تخلصين جيبها

- فتحت عيوني ؏ كبرهن من الفشله ياربي شكد
فشلة غمضت عيوني بفشلة ودسيم يحجي ولا مهتم

دسيم:- عادي ما جنه نسوي شي حماتي جنت
دابوس اختج شنسوي هاي بالكوة ناخذ بوسة منها

- فتحت عيني وضربتة
ديرين:- دسيمممم عيب شبيكك

- صارت تمتمت بالكلام
تينا:- اني حروح عود جيبي الممه ديرين

- دايرة وجها وتأشر بايدها وتحجي مبين
كاتمة ضحكتها وگبل راحت شكد فشلة وعيب

ديرين:- ارتاحيت فشلتنه شكد عيب ياربي
ولك اكو واحد هيج يلزك شبيك جنك علج

- رفع حاجبه، دسيم:- بكيفي مرتي وبكيفي وشنو فشلة
غير بعد جم يوم راح تزوج هيَّ هم شنو قابل ما تبوس
رجلها امشي لج روحي اكلي يلا

- دگيت رجلي بالكاع من قهر
ديرين:- والله ما تستحي انتَ شكد عيب ياربي شلون حروح
وهيَّ شافتنه بهالموقف اكيد هسه تفكر جنه نسوي غير شي

- عقج وجها بغضب
دسيم:- العيب بجيب حبيبتي دروحي روحي اختج
هيَّ قابل غريبة ؏ أساس روڤي جبناها بلوثوت غير
مسوين كلشي احنه بت البتل ترا مرتي قابل مكـ* غير
بالحلال حجيبج بعجل اعجن وجهج بالحايط والله

- دفعته بخفه، ديرين:- اوي دروح شكد ما تستحي

دسيم:- راحت روحج ادبسزز لسانج ضبي

ديرين:- حته نسيتني شنو ردت احجي، ها ذكرت فد
شويه راح يجي الب ياخذنه للكاظم نروح نشتري نيشان
خطوبتها فـ حروح وياهم اني

- باوعلي صفح ورفع حاجبه ورجع يأكل هوَّ وساكت
ديرين:- دسيمممم اروح لو لا حباب ؟؟

دسيم:- اني اخذج هوَّ خل يروح ويه اخته ومرتو

- باوعتله بملل
ديرين:- دسيم ترا عيب شنو انتَ تأخذني
مو حتنگلع لشغل انتَ وين تجي بعد ما نلحك

دسيم:- اكلج شنو ترحين ويه رجال غريب لعد
شنو شايفتني طرطور هنا اني شادلي كرون وافتر بيهن

- ضحكت، ديرين:- يانوع كرونك حبيبي مال ثور لو مال طلي

- رفع راسه وخزرني
دسيم: دمشي لا اكوملج وعلي اخليهن بـ"***"
انوب تكلي يا نوع الادبسزز يرادلج إعادة ضبط مصنع

ديرين:- ليش شايفني تلفون حته تسويلي إعادة ضبط

- رفع ايده واشرلي ع باب
دسيم:- اكلج شكد حجيتي ما تولين
تأكلين ولج شني موعتي آذاني وعلي

- تخوصرت، ديرين:- هسة اروح لو لا

دسيم:- روحي بس لبسي شي طويل وشال
لانُ رايحة للكاظم عيب طلعين شعرج

- ركضت بستة من خدوده حيل وابتسمت دزلي بوسة
بالهوى اخذت شكر ورحت كعدت يمهم مستحيه شكد
عيب وتينا كاتمة ضحكتها كوة

- كعدنه حنى البنات ؏ صفحة ودسيم بالمطبخ شويه
وراح يطلع لشغل لانُ خابرو، كملت ريوك وأخذت
الاماعين للمطبخ داغسلهن نزل دسيم من فوك واجه يمي

دسيم:- عسلتي هاي فلوس اشتري شي يعجبج
اعرف اني مقصر وياج ما دنطلع بس والله ملتهي
دشوفيني ما جاي ابقى بالبيت هواي، اشتري اي شي
يعجبج واشتري هدية لاختج ولملاك ؏ ذوقج حته ننطي
الهم واشتري تراجي لروڤي لانُ راح اوديها يزرفون
اذانها هالايام بس خل أفرغ

ديرين:- ماريد حبيبي والله شسوي بيهن ما احب البس ذهب
ترا حلقتي كوة لابستها وروڤي بعدها صغيرة شنو ألبسها ذهب

دسيم:- ولا تبطلن كلاوات البنات دخذي واشتري
ومن ترجعين راويني ششتريتي ما اريد ترجعين فارغة
واشتري لاختج هم ولملاك هم تعرفين ذوقهن انتِ

ديرين:- ها ابن تاجر شنو كمت توزع ذهب وما اعرف اني هههههه

دسيم:- انجبي لج وين اودي لفلوس قابل واذا تريدون مرو
للمحل مال ابوي هناك اشترو منه راح يرخصلكم منهن هم

- بانزعاج
ديرين:- اي راح يتلكاني بالاحضان ابوك لو ما اول واخر
مرا شفته صارت عركة من ورا والب يوديها اني ما ادخل

- هز راسه
دسيم:- ماشي بس اعصابج اكلتيني حاصل فاصل
البسي شي طويل ولا تحجين ويا ترا ما كسرت خاطرج
علمود اختج لا تتعودين طلعين وحدج ويه الرايح والجاي

- هزيت راسي وبقيت اكمل الماعين وهوَّ طلع واحنه
بقينة بالبيت لما صارت ساعة بـ٣ بدلت ورحنه للكاظم
نشتري ذهب مناك لتينا، والب ويا خالته ومبين عليها
حيل مسمومة

- وصلنه خلينه السيارة بالكراج ونزلنه نمشي وانتبهت
؏ خالته تباوع ؏ ملابسي وملابس تينا وما عاجبها ابد

- وصلنه للمحل ودخلنه تقرب الب ؏ تينا
وهيَّ كعدت تختار الذهب مالها

الب:- تينا اختاري الي يعجبج لا تتقيدين بشي اي شي
يعجبج اشري عليَّ وعيوني الاثنين الج اختاري ؏ كيفج
والي يعجبج كولي عليَّ لا تأكلين هم شي

- هزت راسها بـ اي بخجل وخالته تباوع عليها
وما عاجبها، رفعت حواجبي مستغربة شبيها هاي

- رجعت نظراتي ؏ تينا لحد ما اختارت تخم ناعم بس
حلو كلش ونازك كلش اختاريته اني وياها وحته يارة
عجبها وشترة لأخته محبس واخذ لوردة تراجي صغيرة
تخبل مال اطفال واني اخذت لروڤي هم ولتينا وملاك

- بس همه عبالها الي بس اني حطيتها الها بالعقد
وكملو واني هم دفعت مالاتي وطلعنة رحنة زرنة
هم ودعينة وطلعنة، وكف الب ابتسم وردف بهدوء

الب:- تينا هاي انشاء الله كدام اختج اني هاليومين جاي
وجايب اهلي هم نعقد شيخ ونسوي بالبيت حفلة واذا تردين
نسوي حفلة عرس هم اني حاضر

- انتبهت عليها صارت حمره من الخجل
تينا:- لا اني تفقت وياك ما نسوي حفلة واني اصلا ما اريد
خلي يكون بيناتنه بس نعقد شيخ وهايهيه ماكو داعي تجيب احد هم

- باوع عليه بقهر !
الب:- انتِ اختها قابلة بحجيها ومقتنعة ؟ يعني
لا عرس تريد ولا خطوبة ولا حته عقد

تينا:- والله اني ما اريد هالشي لو اريد اسوي حفلة صدكني
ما اكولك لا بس اني ما اريد خل يكون شي بيناتنة وهايهيه

- تقربت عليها وكفت يمها
ديرين:- ليش ما تردين نسوي حفلة ؏ اقل
بالبيت بيناتنه احنه بنات من تكملون عقد الشيخ

تينا:- ماريد لا ديرين بس نعقد شيخ وهايهيه
وحضورج وحضور خالة ايمان كافي

- بانزعاج، ايمان:- اي عليمن نسوي ؏ أساس اول
مرا راح تزوجين انتِ جنتي مزوجة قبل قابل جديد عليج

- باوعنه عليها كلنه والب باوع عليها وخزرها وردف بعصبية
الب:- خالة شدتحجين انتِ شنو هالحجي هذا

- باوعت عليَّ ورفعت حاجبها
ايمان:- قابل اني شكايلة هيَّ مو جانت
متزوجة عليمن هالمصاريف زايدة

- جتفت ابدي لصدري ونترت بيها
ديرين:- اضن اختي زوجت بدون عرس اول شي
وثاني شي ماكو غلط انو تزوج مرا ثانية وتسوي
عرس وهالشي يرجع الها ولرجلها ليش ندخل احنه

- باوعت علية ورفعت حاجبها
ايمان:- وانتِ شبيج تصيحين احترمي ترا اني
بكد امج شنو هالاسلوب هذا الدتحجن وياي بي

- ابتسمت باستهزاء
ديرين:- ما لازمه سيف عليج اني حجيت حجي منطقي
واتمنى بعد ما تقللين من قيمة اختي زين وراح نسوي
حفلة وتلبس بدلة هم مو بكيفها هيَّ

- فجاة كرصتتي تينا حته اسكت باوعت عليها وخزرتها
ديرين:- ؏ شنو تكرصين بيه شحاجيه اني وانتِ قابله
اول ما اجينه تباوع صفح عليج شنو ما عاجبتها لو شنو

- بخجل، تينا:- ديرين كافي شبيجج شدسوين انتِ لسوين
مشاكل يمعودة اسكتي لسانج عيب شهالحجي ديرين كافييي

- رفعت حاجبي وابتسمت صفح
ديرين:- لا شنو هذا الحجي ليش تقلل من قيمتج لعد واذا
منفصلة يعني اكيد العيب مو بيج بي جان وكلنه نعرف هالشي

الب:- ديرين سدي موضوع رجاءا اني اصرف عيب منا
العالم نحجي بشارع وخالتي مجان قصدها شي وتينا مرتي
حتصير اكيد ما ارضى احد يمسها بحجايه والي يمسها يمسني

ديرين:- لعد اصرف اني ما اقبل أحد يهين اختي
بهالطريقة واذا ما راضين ممجبورين تاخذوها

- برزانه، الب:- ما عاش الي يعيرها خالتي ما جانت
تقصد هالشي احنه اسفين ونعتذر واعتذر نيابة عن خالتي

يارة:- حبيبتي ديرين ترا اختج نحبها ونحترمها ابد
ما فد يوم قصرنه وياها ولا مسيناها بحجايه صدكيني

- باوعت علية تينا ولزمت ايدي حيل وجرتني
تينا:- اني اسفة وانتِ كافي امشي وياي شبيج
تخبلتي وكت هالحجي هذا ترا مو بالبيت احنه

- مشيته اني وياها بقه الب وياره يم خالتهم يحجون
وياها شويه واجوي ورانه صعدنه بسيارة ورجعنه للبيت
نزلت تينا يمي ويارة وامير راحو ويه خالتهم والب

تينا:- ديرين صدك تحجين ترا عيب سويتي
مرا جبيرة ميصير هيج تحجين وياها

- عطت بيها، ديرين:- شنو العيب لشوكت ضلين هيج ما
عندج احساس انتِ شنو تخليها تهينج بابا رديها لظلين ساكتة

تينا:- ترا احترام لالب ما حجيت شي

- ضحكت باستهزاء
ديرين:- اي ؏ أساس شلون مهتم هوَّ لو مهتم ما جان بقه ساكت

- عفتها ودخلت جوا واني دمي محروك منها ياخي
هيَّ باردة بشكل، صعدت فوك خليت روڤي ؏ جرباية
وبدلت وبدلت الها ملابسها ونزلت جوا شفت تينا تحجي
بتلفون سمعتها ويه الب بس ما سمعت هوَّ شجاي يحجي

تينا:- ماشي - اني كتلك ما اريد شي حتلو نروح
نعقد بالكاظم عادي - مو اله بالبيت - اي ماشي ساعة بيش
- لعد تمام ماشي اني حبات يمها اليوم حته باجر نروح اي ماشي

- سدت الخط واندارت شافتني واكفه رفعت حواجبي الها
ديرين:- يعني حسوين الي كالت خالته عليَّ ؟

- بقهر وتعب
تينا:- ديرين مو علمودها صدكيني بس اني نفسيتي
ما تريد هالشي ما اريد عرس ولا اي شي ولا حفلة
فهميني اني دخلت بحياتج وكتلج ليـشہ رجلج ما سوالج
حفله وعرس رجاءا هالشي يرجع الي

- هزيت راسي بعتب
ديرين:- وليش ما تردين ؟ يعني شنو ناقصج
انتِ مو مثل البنات تسوين عرس وتفرحين

- زمخت بيه بقهر
تينا:- ديرين ليش تخليني اندم لانُ اجيت كافي
فدوة شنو سالفة ترا بنهاية قراري هذا واني حرة بي

- زفرت انفاسي بغضب
ديرين:- براحتج لعد ما احجي شي بعد اني، انتِ راضية
بهالشي حياتج وحرة بيها بس اتمنى ما تغلطين نفس غلطج الاول

- عفتها ورحت سويت ممه لروڤي واتصلت ؏ ملاك اشوف اخبارها
ديرين:- ها ملوكة صباحية مدري مسائية مباركة

ملاك:- هههههه الله يبارك بيج حبيبتي شلونكم

ديرين:- شلونكم امين شلونه
ملاك:- الحمدلله بخير انتو شخباركم تينا شلونها

ديرين:- كلنه بخير اشو اشتاقيتلج والله بيت
هادء بدونج تعودت عليج عزه شِلون حبقه وحدي

ملاك:- لتخافين يوميه اجيج والله اني هم شايلة
هم شلون ابقه وحدي مستحيل ابقه بيت وحدي

- ضحكت بصوت
ديرين:- عوفي امين وطفري كوليلة ما
اريدك بعد بطلت واني اسويلج خلع منه

ملاك:- لا يمه زوجي شلون اعوفه هذا قرة عيني ياعيوني

- عطت بصدمه
ديرين:- شنوشنوشنو قرة عينج لا يا طايحة الحظ نمتي
يوم واحد بحضنه صار قرة عينج عمت عينج اي والله

- ضحكت بصوت عالي
ملاك:- عزه ديرين شعور يخبل والله يمههه

- عوجت حلگي
ديرين:- ولا تكعد سعدية منو قابل
هوَّ جوني ديب هوَّ امين الاجلح الاملح

- عاطت بحماس
ملاك:- لج ديرين شايفة من يبوسني
عزه ديرين والله جسمي مدري شيصير بي

- ضربت ؏ وجهي بخفه وعطت
ديرين:- عزه بعيني ولججج عيببببب لا
تحجين اني شعليييي ولج هاي اسرار بينكم

ملاك:- يا خلي احجيلج حبابة لو من باسني من ركبتي

ديرين: لج لصمييي عزه عزه روحي فضحت
الولد عزه بعيني ولج عيب شبيج ملاكككك ولج عيب

- تينا صارت تضحك عليها واني متت ضحك ما سكتت اله
سولفت كلشي انوب اله بالخط العريض فضحت الولد فضيحة

ملاك:- هسة راح يجي حته نرجع لبيتنه تجين انتِ وتينا يمي

ديرين:- لا حبيبتي مو اليوم ابقو كم
يوم بوحدكم شويه شهر عسل يحظي

ملاك:- والله بارحة ليلة العسل ليش
ما كتلي حلوة هيج والله عبالي تخوف

- صفنت لحظات وضحكت بصوت
ديرين:- عزه بعيني راح تغتصب الولد
هاي اكلج انتِ نزعتي لو هوَّ نزعج

ملاك: اني كتله انزع لانُ هوَّ جان صافن علية

- عطت بصدمه، ديرين:- شكتيلة ؟

- بفهاوة، ملاك:- انزع ملابسك شبيج انتِ كتيلي أكله انزع

- صرت افرفح مثل الدجاج من الصدمه
ديرين:- صخام بعينييييي عزه بعيني لج كتلج تفاعلي
ويا لتصيرين صنم شمصخمه ولج انتِ كايلة لولد انزع

ملاك:- يلا عادي اني نزعته اصلا علميني شسوي
حتى بعد اسوي ويالون البس بارحة لبست احمر ظل
يضحك علية يكلي اول ليلة لابسة احمر

- شهگت احس راح انجلط من غباهاا
ديرين:- صخام بعيني غير تلبسين ابيض ولج

ملاك:- يا شمدريني انتِ كلتي لبسي
اي شي يريحج وهذا جان اريح شي أخذته

- غميت التليفون وعطت بصوت
ديرين:- عمت عيني اي والله عمت عيني ملاك
روحي لا اجي اسحلج شمجفصة ويه الولد هسه
عباله مفلفلة صدك تحجين

ملاك:- غير رجلي هوَّ اوي انجبي شمعرفج برومانسية
اصلا من التوتر بارحة يكلي انتِ متأكدة لو احد جابرج كتله
انزع اراويك منو جابرني صار يبوسني ويضحك شالني وافتر بيه

- ضحكت بصوت وغصيت بضحك
ديرين:- يايايا لج عيني داتخيل يمه شلون كملتو بهالتفاهه

ملاك:- يلا اجه خل نرجع للبيت واخابرج

ديريو:- ماشي حبيبتي

- سديت الاتصال منها بقينه اني وتينا نسولف بَس
حيل ضايجة منها صراحة باجر اخر يوم يبقون هنا
لازم يعقدون ويسافرون لانُ اخت الب عدها جامعة
والب عنده شغل

- سولفنه هواي وسويت اكل وتعشينه ودسيم ما اجه
ولا ملاك اتصلت واني ما اتصلت عليها عيب يجوز
يم رجلها، كملنه اكل وصعدنه ننام باجر لازم نروح هم
للكاظم نعقدلهم يم الشيخ

- نيمت روڤي وخليتها بالكاروك ودخلت سبحت وطلعت
باوعت بالكنتور صارلي هواي ما مرتبه نفسي خطية
احس الرجال حيطفر مني

- لبست سيت بنفسجي وخليت مكياج ورشيت
عطر وانتظرته يجي بقيت لـ١ انتظر و روڤي
تكعد وانيمها لما اجه فتح الباب ؏ كيف شافني وصاح

دسيم:- بسم الله الرحمن الرحيم شبيج تباوعين هيج خرعتيني

- باوعت بانزعاج، ديرين:- شبيك شايف كدامك جني

- ضحك، دسيم:- شلون جني يخبل بس خترعت
فاتحة عينج عبالك منتظرة تصيدين فأرة

- اجه تقرب علية وكعد ؏ جرباية
وخر الغطى شاف ملابسي وابتسم

دسيم:- الله شنو هاي طالعة جنج مرة حلمي بهاللون

- نترت بي بقهر، ديرين:- دسيممم شبيكك هاي عود غزل

دسيم:- اشتعلو أهله لدسيم اسبح واجيج شنو اليوم
الله هاديج علية عود ركصيلي بشرفج هم

- ضحكت ؏ رد فعله
ديرين:- روح اسبح وتعال اليوم العب بيك طوبة

- باوعلي بصدمة، دسيم:- هاي شني راح تحبليني

ديرين:- لا لتخاف ما احبلك

- باوعتله وغمزت وضحكت وهوَّ راح وكف يم
الحمام دار وجهه علية صغر عيونة وصار يغني

دسيم:- اويلي اليوم ما اعوفج ابد ليلة ليلة صباحييي

- ضحكت بخجل
ديرين:- روح اسبح خبل لا اغير رأي ترا ولله انام واعوفك

دسيم:- لا حطب والله بشرفج لا تغيرين رأيج اني بشارب اليوم

- دخل وسد الباب وكمت اني طلعت اغنية حسام
بتلفوني وخليتها ؏ ميز واخذت شي ينحط ؏ ركبة
مثل شال ولفيتة ؏ خصري اول ما طلع بديت اركص
ويه الأغنية واغني واتقرب عليَّ

- يجيني ليل وعيونك
واموت بشوكي من دونك
يا اعز ناس البعد قاسي
حبيبك موتة بغيابك اتعبت
والله دخيل الله ارجع على أحبابك

- ظليت اتمايل ويه الأغنية وافتر حوالي فريت
ايدي ؏ ركبتة وهوَّ يباوعلي ويضحك وينشف بشعرة

- لزمت من ياخه البدي مالته وسحبتة مشيت بي لجرباية
خليتة يكعد واني وكفت كباله وظليت اغني واركص تقرب
عليَّ خليت ايدي ؏ وجهه وصرت اضحك واحجي ويه الأغنية

- ذكرتك يا بعد عيني
ذكرتك وانتَ ناسيني 
اجه بالي اسم غالي
وعليهن دمعة عيوني

- فجاة جرني من ايدي كعدت بحضنه وخر شعري
من وجهي وابتسمت اله خليت شفتي يم آذانه وهمست

ديرين:- مشتاقلي ؟؟

- ركز بعيوني وصفن بيهن
دسيم:- تردين اراويج شكد مشتاقلج

- حضني بدون مقدمات وصار
فوكاي ؏ جرباية وظل يدغدغ بيه

ديرين:- لااا دسيممم بشرفك لا اغار وخر يمه لحكيني

دسيم:- يعني تسويلي اغرائات وترديني اعوفج

ديرين:- حتكعد الطفلة دسيم اشش صوتتك

- ضحك، دسيم:- خل تكعد انيمها واجيج بس اول شي نوميني

ديرين:- رجال شكبرك شكدك تالي ليل تكول
نوميني ههههههههه والله عيب طارت الهيبة

- غمزلي وابتسم بخباثة
دسيم:- عادي اذا انتِ ما تنوميني اروح لغيرج
تنيمني بس اني وفي ما اروح لغيرج اريدج انتٍ

- ابتسمت وتقرب عليَّ وكلبته صرت فوكا
كعدت ؏ بطنة لزمت وجهه بيدي وجعصتة

ديرين:- احبككككك اوي شنو هاي شواربك جنهن لمة عفطية

- ملامح تغيرت وعاط
دسيم:- وخرب يمه شكلج صايرة جنج هايشة

ديرين:- اها مو تلعب حديد واني ما تحملتني لعد ههههههههه

- گلبني بسرعة وصار فوكاي ودفن راسة بركبتي
وسرحت ويا ونسيت كلشي بعد ..

- كعدت الصبح ؏ صوت المنبهه يدك اخذتة وطفيتة
وخرت روڤي من حضني، باوعت لكيت دسيم ما موجود
وخرت روڤي ؏ كيفي من حضني شفت ساعة بـ١٠ كمت
بسرعة اخذت ملابس ودخلت سبحت ؏ سريع وطلعت
مخبوصة ؏ صوت روڤي تبجي

- شلتها واخذت تلفوني شفت ملاك متصلة علية مرتين
اتصلت عليها ما جاوبتني عفتهز ونزلت جوا اخذت روڤي
بالكيركوت شفت تينا بالاستقبال هيَّ وردة رحت يمهم

ديرين:- صباح الخيررر
تينا:- صباح النور كلبيي

- رحت كعدت خليت روڤي بحضني وظليت العب ويه وردة
ديرين: ها خالتو ياروحي شو اليوم نشيط
كاعد وحركات شنو هالجمال هذا عمي

تينا:- ههههههه متحضرة لامها تريد تكشخ ويه امها

- باوعت عليها ورفعت حاجبي بللت شفتي وردفت بانزعاج
ديرين:- مراح تغيرين رأيج يعني وتخلينه نسوي عرس الج؟

- رفعت راسها باوعتلي بانزعاج
تينا:- هم رجعت لهالموضوع يا طلابة العرس الما
تخلص عمي والله ما اريد والله وجودج بالعقد كلش
يكفي ويوفي واصلا احنه باجر راجعين ترا يمعودة
خطية ما يكدرون بعد يغيبون أكثر

ديرين:- يعني صدك تحجين انتِ ليش يعني
دسوين هيج غير نفرح بيج يحظي ماخذج فصلية

- خزرتني
تينا:- فصلية شنو منو ظل ياخذ فصلية ولج عمي
كورونا والدنيا محتركة شدتحجين انتِ منو يسوي
عرس بس المخبل مثل ملاك وأمين

- باوعت بعيونها وخزرتها
ديرين:- والله لو مو كورونا عادي نسوي كبر طمج اي والله هوَّ
مو صوجج صوجي اني عبالي اصير اخت العروس واتفيك ؏ عالم

تينا:- ؏ أساس احنه من كرايبنه هههههههه عمي دسكتي
شكاعد تحجين غير ثنين براس الفرع محد يعترف بينه ؏
طاري ملاك خابريها شوفي وين بيتهم لو بعدهم ما رجعو

ديرين:- لا اضن رجعو هيَّ كالت راح نرجع ترا

تينا:- ها خوش لعد كلتي لرجلج راح تجين وياي علمود
العقد مو بعيد يحط رجلي ويخبزة مثل حمد هههههه

ديرين:- لا هسة اخابرة واكلة يقبل عادي مو بارحة
قبل إذا ما كلي شديلي كرون يومية مخليج طلعين

- گلبت عينها بملل
تينا:- شدعوة عيني ولا يستقر ؏ أساس طالعة وحدج غير ويه اختج

ديرين:- عود يعني يغار وكذا شبيج كلهم جذابين بَس
يردون يسيطرون ؏ نسوان والله جنت لاعبة بي طوبة
اول ما خطفني جنت بس ارزل بي خطية احس حته رجولتة
بقت بزاوية ما خليت شي ما غلطت بي عليَّ لا انوب فوكاها
نهزمت منه ويرجعني جنت فد أكرهه حته تفال تفلت عليَّ الله
وكيلج ماعرف شلون حبيتة يمكن سوالفة العفطية أثرت عليَّ
جنت معوقة المشاعر بس احبه احبه هسة والله فد كيوت بحيث
بارحة ركصتلة خطية تسرسح الرجال هههههههه لو تذكرين
هاي مرا بالبيت مال مزرعة مال خالة ام كرار ضربتة ضربة
خليتة يشوف الجنة والنار خطية ظل يكمز اويلي والله بردت كلبي
بوكتها بس صدك يكولون كل كرهه وراه حب عظيم

- سدت حلكها وظلت تحجي من ورا أسنانها وفاتحة عينها
تينا:- لج ديرين انطميي

- رفعت حاجبها تأشرلي هزيت راسي بمعنى شكو
فزيت ؏ صوت واحد يحمحم وراي باوعت شفت امين
ودسيم وملاك واكفين كلهم كاتمين ضحكتهم، فتحت
عيوني من الصدمه الي اني بيها

ديرين:- هاي شنو منين طلعتو انتو

- ابتسمت امين وغمز
امين:- من زرف الحايط كملي ما سمعنا شي
عادي ترا أخذي راحتج اعتبرينة حايط واكفين

- ابتسمت الهم صفنت بوجهه دسيم وهوَّ هم صفن
بوجهي والبقية كاتمين ضحكتهم ما يكدرون يضحكون
بحيث بقؤو واكفين دقيقتين يلا انكطع الصمت الي بيناتنه

امين:- شنو راح نبقه واكفين قصاص حته تفضلو ما كالت آلنه

- كمت بسرعة اني وتينا
ديرين:- ما تكعد أحد لازمك لج ها حيوانة شلونج تعاي
اشو انطيني بوسة شو مشتاقتلج هاي شنو صايرة حلوة

- رحت ؏ ملاك اريد بس اخليهم ينسون سالفة ودسيم
ظلت نظراته علية كانو متحلفلي، بقيت ادردم بكلبي شراح
يخلصني اليوم منه ما بقيت شي ما حجيتة نوب

ملاك:- ترا بارحة جنت يمج الله واكبر وين الحك اصير حلوة خية

امين:- لا هاي لانُ اني يمها كسرت عليها فـ صارت حلوة

- عاطت بانزعاج
ملاك:- اهو شراح يخلصني عمي مو
زين اني قبلت بيك احمد ربك الف مرا

- كامت تينا قدمت الهم الماي وامين غص
بالماي ودسيم صار يدك ؏ ضهره

دسيم:- صحة صحة لا تموت بعدك شباب يمعود ما لحكت ؏ شي

امين:- ليش منتطرني اموت من ورا ماي بس هاي اختك
مادري ؏ شنو شايفه نفسها هيَّ ما شايفة شخيرها من تنام
الي يكول نايم بصف ابوي الله وكيلك شويه وطبب رجلها
بعيني بارحة، عمي بناتكم ما بيهم أنوثة يمكن انعدت من مرتك

- عاطت ملاك بصوت عالي
ملاك:- عزه دسيم ديحجي ؏ اختكك شبيك ساكتتتت

امين:- دسيم جاي تحجي ؏ صاحبك شبيك ما تدافعلي

- خزرهم ثنياتهم
دسيم:- خاب دطيرو هوَّ انتو ثنينكم جلحان الله وكيلكم
واحد اضرب من ثاني هاي تشوخر وانتِ تمشي بنومك
لو نسيت قبل شلون جنت الكاك نايم ؏ درج وعين مفتوحة
وعين مقفولة

ملاك:- عزه هذا امين هيج يمه اني شمزوجة طنطل

- ضحكت بصوت عالي
ديرين:- ولج منين تعرفين طنطل انتِ

- اشرت ؏ امين وضحكت
ملاك:- هذا كدامچ زوجي

امين:- والله هاي ملاك ماكو شي تعلمته من ديرين
بي خير مثل بارحة اكول الها منو كالج هالحجي تكول
ديرين عمي مرة اخوي انتِ شو فسقتي مرتي فدنوب

ديرين:- لا والله بس مرتك غبية شسوي اني اكول الها روحي
شمال انوب تروح جنوب اني من يمي انصدمت من الي عرفتة

دسيم:- ليش شنو معلمتها تتفل ؏ رجلها لو اضربة بنص رجله

- ابتسم ابتسامه غريب
امين:- لا هذني هينات عمي ما اكدر احجي عيب والله عيب زحمة

دسيم:- ابن زر** ما تحجي شنو كو**د يمك
كاعدين شو كلنه نعرف شصار دحجي لا ادفرك

- عطت ملاك بخجل
ملاك:- لا بشرفك حبيبي لا تحجي والله عيب
والله ما جنت اعرف شسوي ونبي ازعل عليك

امين:- لا تبجين يمعود ما احجي شبيج

- باوعلي دسيم وغمز وهز رأسه بمعنى شكو نزلت
شفتي عود اسوي روحي ما اعرف ظلينه نسولف وتينا
بغرفتها يم وردة استحت تبقه يمهم وظلت ملاك تلعب ويه روڤي

امين:- تردين وحدة مثلها حبيبتي

ملاك:- اي والله مو بس وحدة ثنين اريد هاي روڤي هاي بنيتي الحلوة

- غمزلها
امين: يلا ولا يهمج هسه اني احبل واجيبلج لان ما احب اشوفج تعبانة

دسيم: بدربك خل تجيك الشهرية هم والبس
حجاب واكعد يمها ابن زر** رجال قند** انتَ

- ظلينا نسولف ونضحك ورحنه اني وملاك يم تينا
بالغرفة سويت الهم جاي وكعك همه ظلو يلعبون
دومنة بالاستقبال لما صارت بـ١٢ وراحوا ودسيم
راح يوصلهم

- رحت صعدت فوك ابدل حته اروح ويه تينا للكاظم
خليت روڤي ؏ جرباية رحت اشوف شلبس دك تلفوني
باوعت شفتها يارة تتصل فتحت خط عليها

يارة:- الو هلو حبي شلونج
ديرين:- هلا قلبي شلونج بخير اني الحمدلله

يارة:- عساج يا رب طبعاً اني اتصلت عليج اول شي
اريد اعتذر عن صار من كلام طلع من خالتي بدون
قصد بس صدكيني الب أصر عليه أن اتصل عليج و
يعتذر منج يستحي هوَّ يحاجيج لان يخاف رجلج يشوف
الاتصال او شي فـ اني اعتذر نيابتا عن خالتي وأخوي هم

- ابتسمت
ديرين:- لا حبيبي عادي ما صار شي بس اني والله
ضجت ما اريد اشوف اختي زعلانه لان الصار وياها
مو قليل صدكيني وما اتحمل احد يجرحها بهيج كلام

يارة:- اعرف والله اني اعرف كلشي عن تينا حجتلنه
ما ضمت شي علينه وكلنه وكفنه وياها ابد ما سمعناها كلام
مو حلو صدكيني احنه نريد نفرحها ونعوضها عن كلشي عاشتة

ديرين:- ان شاء الله تتعوض وتفرح عن
كلشي واكيد اخوج ما راح يقصر وياها بشي

يارة:- ديرين اسمعيني اني والب قررنة انو نسوي
حفلة يعني حفلة للبنات ويجيببون شيخ نريد نسوي
مفاجأة لتينا والب ما يريد يخليها تزوج بدون شي و
يريد يسوي الها هالشي حتلو هيَّ ما قابلة المهم يفرحها
ويزوجون كدام العالم كلها ليش بالختلة فـ انتِ الي عليج
انو تحاولين تقنعيها اني اليوم العصر امرلج نروح نشتري
فساتين ونحجز واني اعرف اسوي مكياج اني سويلها

- عطت بصدمة
ديرين:- صدك والله !! لج والله اني اتمنى أصلا نسوي
حفلة الها واخليها تفرح بس شلون راح أقنعها مشكلة
هاي اني اعرف تينا عنيدة مستحيل تتراجع عن كلمتها

يارة:- معليج اني اليوم اجي واعرف شصرف وياها
اني أدبر الوضع وياها اكيد ما راح ترفضلي طلب اني
اول مرا اطلب منها شي

ديرين:- ماشي يعني ما نروح للعقد اليوم مو ؟

يارة:- لا لا باجر شيخ يعقدلهم وتدرين حته كوشة
حجزنة اليوم بليل توصلكم للبيت، من بارحة مخبوص
تلب من اول ما رجعنه خابر صاحبة وكلشي جهزو بقت
بس موافقة العروسة

ديرين:- ماشي لعد اني راح انتظرج تجين حته
نقنعها اني وياج بهالشي اتمنى تقبل وما تخيب املنه

يارة:- معليج خليها يمي اني أقنعها بس كون نلكة
قفاطين حلوة اليوم لازم ندور بلكت يعجبها شي

ديرين:- اني اعرف محلات اشتريت
لملاك قبل من عنده نروحلة ونشوف

يارة:- ماشي لعد اني العصر امرلج بس كوليلها تحضر
روحها عود رايحين تشترين انتِ ملابس لو اي شي يعني
طلعي حجة انو تخليها تطلع حته نلحك نوصل بليل نستلم
الكوشة والتوزيعات

ديرين:- ماشي سهلة هاي خليها يمي حخلي دسيم يستلمها

يارة:- ماشي اني راح اخابرها واكول الها تأجل العقد
والسفر مالتنه لان ما لكيتة حجز تمام والباقي انتِ دبري

ديرين:- تمام بعيوني

- سديت الاتصال منها وعفته ؏ ميز رحت اخذت روڤي
وبدلت الها وحرارتها مرتفة دزيت رسالة لدسيم يجيبلها
خافض حرارة عفت تلفون ؏ ميز ونزلت جوا للمطبخ

- ما لكيت تينا بالمطبخ رحت للغرفة شفتها تنوم بوردة
عفتها وطلعت رجعت للمطبخ طلعت الاكل من المجمدة
وطبخت تمن وسويت زلاطة وحبشكلات حضرت الغدة
ورضعت روڤي شويه وبس تبجي ما اعرف شبيها

ديرين:- امي كافي شبيج رحميني ترا تعبتيني شبيج تبجين
حليب ونطيتج ملابس مبدلة الج شتردين ليش تبجين
استغفرالله لج كافي امي ترا زهكتيني شبيجج

- ظليت متنرفزة منها بس تبجي وكلما احجي يزيد
بجيها خليتها ؏ صدري وظليت افرك بجسمها لما
شويه بدت تهدء انوب ترجع تبجي بقيت افتر بيها
اجه دسيم فات شافني داسكت بيها اجه يمي وباسني
من راسي ونزل روحة يشوفها

دسيم:- ها عسلتي شبيها ليش دتبجي

- باوعت عليَّ بتعب وحيره
ديرين:- ما اعرف دسيم ما اعرف خبلتني بس تبجي
تعبت والله ما اعرف شسوي الها وشتريد كلشي مغيرة
الها ما اعرف ليش دتبجي

- حط ايده ؏ جتفي
دسيم:- ؏ كيفج شبيج طفلة ترا شمفهمها هيج
تحجين وتعصبين اشو جيبيها بلي

- اخذها مني ؏ كيف وهيَّ ظلت تاكل بايدها اول
ما هزّ بيها صارت تباوع ؏ سكف وسكتت، باوعت
عليها مصدومة، بايدي بس تصرخ وبس اخذها سكتت

ديرين:- لا يا ام الولد يعني ابوج اخذج سكتي بايده امج
الحبلت بيج ٩ اشهر تبجين مو دشوفي منو يرضعج بعد
خلي ابوج يرضعج عود نشوف منين يجيبلج حليب

- باوع علية وخزرني
دسيم:- بت البتل شنو ابوج يرضعج شايفتني مرة
ثلاثينية ارضعها ولج حجيج قبل ما تحجي وزني وليش
ما تسكت بحضن ابوها إذا امها مخليتها وترزل بيها وتصيح

- عقجت وجهي بتعب
ديرين:- أكلك اخذها وروح من يمي ثنينكم اني روحي
ما طايقتها جنت بواحد صرت بثنين عمي شجابني ؏
زواج اني خل اكمل الغدة احسلي

دسيم:- حصعد فوك اني انيمها واسبح وانام
ساعتين وكعديني اريد اروح للمعارض دابدل سيارة

- تخوصرت
ديرين:- معارض اربيل ثلاثينات لو اربعينات بله شكرات لو سمرات

- ابتسم بخباثة
دسيم:- كل الانواع تردين تجين شوفين وياي خاف تعجبج وحدة

- رفعت حاجبي، ديرين:- ها كل الانواع مو

دسيم:- اقصد سيارة حبيبي قابل شقصد شبيج وجهه
الجفجير يروح بالج بعيد شكد نيتج وصخة

- خزرته بصدمه وعطت
ديرين:- ذمة بركبتك إذا تباوع ؏ غيري ان شاء الله
عينك تتفكس ويصير بيك ابو خريان إذا تباوع لغيري

- غمزلي وابتسم
دسيم:- شباوع لغيرج عمي اني من ظلي صرت
اخاف وكمت اشوف النسوان كلهن انتِ نوب حته
امين كمت اتخيل انتِ ام عباس خوش مشتغلة

- رفعت ايدي بصدمة اشرله
ديرين:- روح روح خل اكمل لا
يحترگ الاكل يمعود شكد تحجي اوي

دسيم:- اني شعلي انتِ استلمتيني حاصل فاصل الي يكول بالعة مسجل

- زفرت انفاسي بانزعاج، ديرين:- اكعدك ؏ اكل لو شنو متاكل

دسيم:- لا ما جوعان من ارجع اكل لو اكل برا
اكلي انتِ وتينا حنروح ننام اني وبنتي لا وتجينة

ديرين:- الله وعلي ومحمد وياكم توكل توكل

- سويت لروڤي ممه وهيَّ شكد تحب تنام بايد ابوها أكثر
مني يعرف شلون يخلي جسمها يخدر وتنام بسرعة راحو
وكملت سويت الاكل ورحت لتينا علمود تجي تاكل وياي
اجتي ؏ كيف مبين گوة منيمتها لوردة

تينا:- لج خبلتني ما تنام مدري شتريد نوب
انطيتها دوه مال اسنان وصايرة نحسة

ديرين:- كل الأطفال هيج بهذا العمر يتنحسون من يطلع الهم سنون

تينا:- اي والله هسه هم شوفين ضيم من تكبر روڤي
يبو شيصير بيج تتمنين بس يطلع هالسن وتخلصين

- ضحكت بصوت، ديرين:- اشمرها ؏ ابوها والله

تينا:- احسن شي تسوي والله

ديرين:- تعاي ناكل يلا وصدك خابرتني يارة كلتلي
تأجل العقد والسفر مالتكم عكب باجر تعرفين كورونا
وحجوزات ماكو ترا بهالوضع

- هزت راسها بتفهم
تينا:- اي كلي الب عادي شنسوي واني
اريد أبقى يمج شويه هم اشبع منج

ديرين:- والله بس هيَّ هاي مو جية يعني
اسبوع واحد وترحين شكد ما تستحين انتِ

- باوعتلي بحيرة
تينا:- شسوي هوَّ بيدي والله همه شغل وجامعة وخطية شسوي يعني

ديرين:- اي هم صحيح حقهم خطية ليش ما يعوفج هنا ويرحون همه

- ضحكت بصوت
تينا:- يمعودة شيعوفني مزوجني علمود يعوفني
يوم يمج ويوم يم غيرج حته رجال يطفر من هسة

- غمزتلها بخباثة
ديرين:- شدعوة يابة شدعوة واذا بقيتي يمي
كم يوم اخاف انتِ ما تكدرين ع فراقة

تينا:- فراقة احجي عدل لا اضربج ؏ حلكج
فراقة انوب صارتلي مثقفة عود هيَّ

- ضحكت، ديرين:- انكط ثقافة من ساسي لراسي

- صرنه ناكل واني اراقب وضعها وتحركاتها والتفكير ياخذني
شلون راح افتح وياها الموضوع ونروح نشتري غراض

- بلعت ريكي وظليت اكل ؏ كيفي اخير شي تشجعت وحمحمت
ديرين:- اكلج تينا ما اكدر أضم عليج أكثر لازم اليوم
نروح للمول لانُ الب يريد يسوي حفلة عقد قران ولازم انتِ
تكونين جاهزة ولا تكوليلي ماريد لان الولد حضر كلشي خطية

- رفعت راسها وعاطت بصدمة
تينا:- شنوو؟؟ عقد شنو وحفلة شنو منو كلج هالحجي هذا

- عصرت ايدي
ديرين:- يارة خابرتني وكلتلي وباعي اي
كلام ما نريد فهمتي ترحين وياي مثل شاطرة

تينا:- شنو بكيفجن تصرفن اني كلت ما اريد
حفلة ليش هيج سويتن شو محد انطاني علم

- بهدوء، ديرين:- ترا الب الي اقترح هالشي مو احنه وحب
يفاجئج بيها ياريت ما تكسرين بخاطرهم لانُ خطية

- عاطت بعصبية
تينا:- هسه اخابره ليش ما اخذ رأي ؏ اقل شلون يصرف بدون أذني

- بترجي، ديرين:- تينا بداعت جود لا ترفضين حلفتج
باخونة تينا ما تردين امي تفرح وتشوفج لابسة ابيض
متردين بابا يفرح ليش هيج سوين

تينا:- ديرين بس اني عندي بنية يعني حجي راح يصير
ما اله والي علية راح يحجون والله صدكيني كرايب الب
كلهم ما حبوني بالبداية متعرفين شي انتِ

ديرين:- اني وياج والي يحجي بنص الحفلة ادوس بنص
مصارينه خلي عندج شخصية لا تخلين كلام الناس يتحكم
بيج بابا اهم شي سعادتج انتِ هاي حياتج مو حياتهم

- غمضت عينها وظلت صافنه تفكر حقها مرات
كلام الناس يأثر ؏ شخص بس لازم تكون قوية وما
تهتم لهالشي مدام هيَّ ما مسوية شي غلط وتزوج ؏ سنة
الله مو شي حرام ما يهم كلامهم بأي شكل من الأشكال

تينا:- شوكت كلج راح يسوي العقد يريد

ديرين:- باجر كال بس لازم نحضر قفطان
الج وكالت يارة تعرف تسويلج مكياج

تينا:- باجر؟ شنو سالفة يعني هسه حتلو
قبلت وين راح نلحك نسوي كل هذا

ديرين:- ما عدنه شي ترا هوَّ عقد قران شبيج ديكلج
هوَّ محضر كلشي بقو بس الفستان وهذا سهل اني اعرف
محلات تبيع اكيد راح يعجبنج العصر نطلع اني وياج وندور
؏ راحتنه ويارة هم راح تجي ويانة واذا هاي نخابر ملاك

- رفعت حاجبها، تينا:- يارة راح تجي منو كلج هيَّ مو

ديرين:- اي خابرتني رادت تجي تقنعج
تقبلين عود بس سهله شغلة بسرعة اقتنعتي

تينا:- لحد هسه ما مقتنعة ترا اني ما اعرف حايرة اشو

ديرين:- شبيج بابا كافي هوَّ شنو قابل مسويلج زفة
ترا هيَّ كلها عقد قران ونركص شويه وكل واحد لبيته
ما راح *** كدام العالم ترا

- عاطت بصوت هزت البيت
تينا:- عزه بعينج ادبسزز شكد ما تستحين انتِ كدامج نعمة

- فركت وجهي بتنرفز
ديرين:- استغفرالله مو طلعتيني من طوري
ياخي شسويلج جنج بومة بس تنكين

تينا:- ايا بومة اني بومة

ديرين:- والله تشبهيها وجهج دائري مثلها
هههههههههه وكيوت احبج لا زعلين

- كرصتها من خدوها وضحكت وياها، كملنه الاكل
وغسلت الماعين وهيَّ ساعدتني رتبنه البيت ونظفت
وغسلت الهدوم وكلشي كملت ما بقه شي

- صارت بـ٣ ودسيم بعده نايم نوب كلي ساعتين
كعديني، صعدت لغرفتي شفته مخلي روڤي بايدة و
نايمين ثنينهم نفس نومه ابتسمت ؏ منظرهم رحت
؏ كيفي اخذتها منه وخليتها بالكاروك نصيت درجة
السبلت عالي وبردانه كعدت ع طرف جرباية

ديرين:- دسيم اكعد بـ ٣ صارت مو كتلي ساعتين وكعديني

دسيم:- بـ٣ بليل لو الصبح هسه
ديرين:- ولك ضهر كوممم

دسيم:- اي عوفيني هسه شويه تعبان والله

ديرين:- شجنت تسوي تعبان دكوم ابو
مصايب مو تكول ما كعدتيني اني علية ترا

دسيم:- اي ماشي بس اسكتي شكد حجيتي

- عفته ورحت دخلت للحمام سبحت وطلعت لگيتة
بعده نايم زفرت نفس وخليت ماي بكلاص ورحت يمه
وكفت رشيت ؏ وجهه باصابيعي وهوَّ راسًا فز من النوم
وفتح عينه گوة

دسيم:- هاي شنووووو خرب عشيرتج

- عطت، ديرين:- ما اسمحلك تسب عشيرتي ولكككك

- اخذ تلفون وشاف ساعة بيش كمز من جرباية
دسيم:- ساعة بيش اني مو كتلج ساعتين كعديني

ديرين:- يا والله كعدتك ورجعت نمت نوب سبحت وانتَ بعدك نايم

- خزرني، دسيم:- غير تبقين لما اكعد ولج شلون تعوفيني نايم

ديرين:- شنو شايفني منبهه كدامك وقت
التلفون واكعد حلوة هاي انوب اصيرلك منبهه

- كعد ؏ حيلة وكف حضني وقربني لصدرة شبك ايدة
بخصري من ورا وخله راسة ع جتفي ورجع نام

دسيم:- شنو اليوم عيد شو سابحة

- فتحت عيني بصدمة
ديرين:- دسيمم وخرر اريد اروح اصلا عندي طلعة

- وخر راسة من جتفي ورفع حواجبة
دسيم:- وين عيني وين ترحين لا نوب سابحة وتريد تطلع

ديرين:- ما كتلك بأجر حنسوي عقد قران بيته لتينا
يعني بيناتنه ولازم اروح اشتري ملابس لتينا حطية
راح تجي ويانه يارة وملاك هم إذا تكدر هم تجي حخابرها

دسيم:- أخذي العشيرة وياج بعد رايحين تحررون
فلسطين لو تسوكون اتخيلكم تفوتون للمول مثل فتيات القوة

- ضحكت بصوت عالي
ديرين:- يا تعرفهم شكد احبهم اني الخضرة معلية

دسيم:- عمت عينج شكبرج تصيرين بعد ونوب عندج
بنية وبعدج تردين الخضرة اني الصفرة لعد ههههههه

- عطت بمياعة، ديرين:- يااا ترا مال بناتتت عزه

دسيم:- لا الصفرة جنها ولد اني احبها جنت

ديرين:- ههههههههه شكد خبل وخر عوفني خل
أبدل لا تكعد بنتك تفتح الموسيقى مالتها وما تخليني أبدل

دسيم:- ملابس محتشمه مكياج مو طوخ شعرج ما ينفتح وتفرين بي

- كلبت عيوني
ديرين:- وجواريب بعد هم البس واغطي وجهي شتريد

دسيم:- والله لو تلبسين كونية احسن اشوفها اني

ديرين:- أكلك صدك حبيبي يارة كلتلي راح يجيبون
الكوشة شلون تكدر تبقه تستلمها حباب صديق الب
راح يتصل عليك حكول لـ يارة تنطيهم رقمك

دسيم:- شنو عندي شغل يمعودة وين اكدر خليها باجر استلمها والله

- بتوسل، ديرين:- لا ما يقبلون والله هيّّ حجزها اليوم الولد
صديق الب عيب حباب حاول ترجع من وكت بس استلمها

دسيم:- ماشي احاول إذا كدرت

- ضربت رجلي بالكاع
ديرين:- حبيبي انتَ والله آخر طلب اطلبة منك حاول لخاطري

دسيم:- بس اريد شي بالمقابل
ديرين:- عيوني الاثنين الك

- باوعلي صفح
دسيم:- شصخم بعينج الي يومية لون جنها عين
قيرقوز اريد نسوي بعد واحد مثل روڤي

- فتحت عيني وضحكت حاولت اغير الموضوع وهوَّ ظل
يضحك، ضربتة ؏ جتافه وضرب ايدي الاثنين سوية وضحكت

ديريم:- ليش روڤي شلون سويناها ما اذكر ما اذكر

- تقرب علية وابتسم
دسيم:- اكلج شلون صارت ؟

- ابتعدت وعطت
ديرين:- عاااا لالا ماريد اسويلك كيكه
بإمكانها والله ودولمة ها مو تحب الدولمة

دسيم:- ام برتقال اريد لعد

ديرين:- من هاي العين قبل هاي العين غالي وطلب رخيص

دسيم:- اروحلج فدوة ونذر اني عسلتي لعد
اليوم اني استلم الكوشة واخليهم ينصبوها

- كرصني من خدي وابتسمت ورحت للميز انشف
شعري هوَّ راح للكنتور طلع ملابس دخل يسبح، بدلت
؏ سريع اتصلت ؏ ملاك ما جاوبتني بالي ظل يمها ويارة
اتصلت علية

ياوة:- راح نوصل

- سديت الخط منها بسرعة وبدلت لروڤي وحضرت
الها عربانه مالتها، طلع دسيم من الحمام بدل ونزلنه
ثنينه شفت تينا مخلصة

دسيم:- ما قبل تروحون وحدكم اني اوصلكم

- انتظرنة يارة تجي يلا تحركنا وانطيت رقم لصديق الب
لدسيم حتى هوَّ يستلم الطلبية، وصلنه للمول ظلينه ندور وكلهن
حلوات واحد احلى من ثاني وصراحة ما توقعت نلكه بسرعة

- اختارينة واحد وأخذنه كم شغلة لعرس لانُ الب
دازلها فلوس مال مهر بيد يارة بس مو جهاز كامل
لانُ يحسبون عليهم من يسافرون فـ بتركيا هناك هيَّ
تجهز الباقي لانُ ارخص من العراق

- مرّ الوقت وبقينه لحد ساعة بـ٩ تعشينه برا واكلنه
واجه دسيم رجعنة وهمزين مستلم الكوشة وناصبيها بالبيت

- وصلنا للبيت والكوشة طلعت تموت
تينا:- الله تجنننن لونها ما توقعت هيج حلوة
عزه باع شلون كالبه الاستقبال عبالك قاعة

ديرين:- اي تجنن صراحة ذوق الب كلش حلو
ما توقعت هيج حلوة حته احلى من مال ملاك

- ابتسمت بفخر
تينا:- يا ؏ طاري ملاك ولج ما كنالها ولا
عزمنة خاله سهام واية هسه شلون شنلحگ

- طفرت بسرعة
ديرين:- اني احاجيهم هسه اتصل عليهم وهيَّ
حفلة بالبيت اهم شي يكون نتونس يمعودة

تينا:- خابريهم لعد بين ما اخلي غرض
بجنطة مال سفر حته لا يضلن مهوسات

- هزيت راسي
ديرين:- ماشي روحي رتبيهن وسبحي
اني حتصل عليهن وانيم روڤي واسبح

- هزت راسها وراحت اخذت الغراض مالتها واني
صعدت لغرفتي بسرعة بدلت وغيرت ملابسي ورضعت
روڤي ونطيتها دوة ونامت بسرعه حيل تعبانة

- لزمت التليفون خابرت دسيم وصيتة ؏ كم شغلة
لباجر يجيب ويا حلويات وكيك وعصاير

- سديت الاتصال ونزلت اسوي كيكه لدسيم لانُ
وعدته اسويلة كيكه والمشكلة اني اول مرا
بحياتي حسوي كيكه لو بالهدف لو بنجف

- طلعت المواد وكسرت برتقال وخليت الكشر مالتهن
ويه الكيكه طلعت بالانترنت حتى اتعلم، ظليت اسوي
وشويه شوية خليتها بالفرن وقتت التلفون ؏ الوقت الي
البنية كالت عليَّ

- بقيت انتظر تصير وخابرت اية وملاك عزمتهن ثنينهن
وظلو يحجن وياي ويتحجن ما نلحك ومدري شنو كوة
قنعتهن يجن

- سمعت الباب كراج نفتح باوعت من البردة شفته
دسيم شايل علاليك، ركضت طلعت للكراج أخذته منه
الغراض واساعدته وهوَّ باسني من خدي

دسيم:- ها عسلتي شو كاعده ليش ما نايمة لحد هسه

ديرين:- داسويلك كيكه مو وعدتك اسويلك

- حضني من جتفي
دسيم:- ترا اشاقة وياج خبلة جبت وياي
كيكه بس يلا مدام من ايدج عادي اكلها

- ابتعدت ودزيتلة بوسة بالهوى ودخلنه رتبت العصير
والكيك بثلاجة وجايب بقلاوة وحلويات وفواكها وكلشي

- رتبت وهوَّ راح صعد سبح وبدل ونزل
يمي شافني دارتب بالغراض

دسيم:- اكلج حبيبي
ديرين:- ها حبيبي

- بصوت متروس حنيه وحب
دسيم:- يمكن اكو ريحة عطاب لو هذا كلبي عطب من حبج

- باوعت شميت ماكو ريحة رجعت
انظاري عليَّ وهزيت راسي بنفي

ديرين:- وينها

دسيم:- بجيبي وينها يعني بالكيك مالتج عمي ريحة ليفوك واصلة

- طفرت بسرعة وعطت
ديرين:- يايايا عزه تلفوني بالاستقبال
نوب اني وقته عزه بعيني كيكتي راحتتت

دسيم:- نيال امج اي والله من جابتج هم هلهلت

- غلست عليَّ وركضت طلعت الكيكة
من الفرن وطفيت طباخ خليتها ؏ كاونتر

ديرين:- يا دسيم باع شلون صايرة
عزه بعيني شوف عبالك ام الككو صارت

- فرك وجها وضحك بصوت
دسيم:- انوب من داخل ما مستوية ومعطبة من فوك

ديرين:- معلية تاكلها والله تعبت بيها
صارلي ساعه اسوي مثل ما البنية تكول

دسيم:- عمي شبيها شاكلها غير ينقلوني
للمستشفى تردين تسويلي تسمم بالمعدة

- تخوصرت وعطت بتهديد
ديرين:- لعد شكو كتلي اريد كيكه معلية تاكلها والله

دسيم:- كتلج كيكه ام برتقال هاي سويتيلي كيكة ام
الككو بطعم الفحم انوب عبالك حجار جبل عرفة عمي
ذبيها حتلو انطيها البزازين هم ينعلون سلفه سلفاي بدعاء

- جتفن ايدي بزعل
ديرين:- والله معليك خل اكصلك بس ذوكها حباب لخاطري

دسيم:- حبيبتي والله حته يمكن ما تطلع من القالب شيليها
وشمريها هيَّ والقالب لانُ كلما اشوف القالب اذكرج

ديرين:- شبيك دسيم ترا مو جاي اطبخلك يومية
وتكول الاكل طيب ليش دتعيب اعتبرها ام الككو

دسيم:- اكلج اني سنوني اريدهن هاي بس اخليها
بحلكي يتكسرن سنوني بحلكي بشرفج عوفيني بحالي
انتِ وكيكتج ساعة السودة الي كتلج اريد كيكه

- برطمت شفتي
ديرين:- يعني هيج صارت توصل بيك تجرح مشاعري

- ضحك، دسيم:- جرحتهن بالموس لو بالسجين
اروح فدوة لمشاعرج هم عندج مشاعر انتِ

- دفعته بخفه
ديرين:- روح مو صوجك والله شوف يا جلبة تسويلك اكل بعد

دسيم:- هههههههه لا حشاج شو كولي هو هو

- عطت بصوت، ديرين:- دسيممممم

- ابتسم بخباثة، دسيم:- انفاسة لدسيم چلاوية ومعلاكة و**

- بسرعة فتحت عيني وضربتة ؏ جتفة
ديرين:- ما تستحي البنية هنا ولك

دسيم:- ها نسيت والله نسيت بس
عادي سبحان الما عنده "**" ديلا عيني

- فزيت ؏ صوت روڤي تبجي راح صعد الها واني
شلت الكيكه حاولت اطلعها من القالب انوب لأزمة
بالقالب ما تطلع خليتها بجيس هيَّ و القالب وذبيتها

- كلش ضجت بعد ما جنت حيل متحمسه الها رتبت المطبخ
ورحت لتينا شفتها دتنيم وردة عفتها تنام وصعدت نمت

- كعدت الصبح ؏ صوت روڤي دتبجي هيَّ وبين
احضاني تحوص، فزيت ؏ بجيها رضعتها وشفت
دسيم ماكو باوعت ؏ ساعة بـ١٠ انتظرت ترجع تنام
حته اكوم احضر كلشي

- بقت شويه ترضع بس اوخر منها تفز كمت بهدوء
خليت يمها ملابسي بيهن ريحتي حته ما تحس اني مو
يمها وعفتها دخلت للحمام غسلت وسبحت وطلعت بسرعة

- نزلت جوا لكيت تينا كاعده تحجي بتلفون والضحكه شاكة وجها
تينا:- اي إن شاء الله لا لتخاف ما اغير رأي - شو انتَ
كدامي تستحي تحجي هيج بس بتلفون منطلق - وين يارة
شوكت تجي - ها ماشي لعد اي يوصل - بوسلي امير هواي
- بعيوني صار الله وياك .

- سدت الاتصال منه وباوعتلها ورفعت حاجبي دخلت اني وابتسمت
ديرين:- ها يلعاشكة يلمسرسحة بعدج بسم الله وهيج ذبتي من كم كلمة

- عاطت بخجل
تينا:- يا صخام بعيني شبيج ولج منين طلعتي انتِ
عزه ولا حسيت عليج جنج فأرة شلون سمعتي شداحجي

ديرين:- الجيران كلولي عدكم وحدة ميتة حاليا
من الخجل والغزل من صباحيات واليوم عرسها

تينا:- هاي منيه ما اعرفها خاف قصدهم عليج

- ضحكت بصوت
ديرين:- لا حبيبتي وحدة اسمها تينا محمود شو بلة
خل اشوف شواربج ينحلف بيهن حته احلف عليج ميتة بالولد

تينا:- عزه بعيني صخام بعينج ولج بابا عيب شنو هالكلام
شكد ادبسزز انتِ وشنو شواربي طالعات ذاك يوم حفيتهن
عزه شوكت طلعت

ديرين:- جذب يمعودة اشاقة كومي خل نسوي
ريوك ونأكل بين ما يجن المسعدات حته نحضرج

تينا:- شتحضرين ترا محضرة روحي
من الصبح كعدت سبحت وسويت شغلات

ديوين:- اهم شي هالستسي روحج زين كون اريدج
مثل دجاجة مصلوخة جلدها هيج تلمع لمع حته من
يبوس لو يسوي شي الرجال يحمد بية عبالك اني مهلستج

- ضربت ؏ خدها بخجل
تينا:- شكد ادبسزز انتِ ورعنه زواج
طلع عينج هواي ما جنتي هيج ابد

ديرين:- شنسوي بعد طلعت عينه لتخليني هسة انزع وافتر
بالبيت ترا ما عندي مشكلة اني بنت ورده ترا ينخاف مني

تينا:- لا استري علية يمعودة ماريد اشوف شنو سالفة من
صباحيات امشي خل نسوي ريوك حته نبدي نسوي نواقص

- ضحكت ومديت ايدي الها كومتها وردة تلعب بالاستقبال
مطلع الها طيور جنة وتباوع وسوينه ريوك وندك الجرس رحت
باوعت ع كامرات شفتهم ملاك وامين طلعت الهم فتحت الباب

امين:- سلام عليكم
- ابتسمت، ديرين:- هلا عاش من شافكم عيني

امين:- خشمج العايش شو خشمج شوية شويه ديعيش ويتمدد

- ضحكت ملاك بصوت، ملاك:- امين

- نترت بيها بزعل
ديرين:- خوب انتِ صايرة ويا مثل الجدرية وغطاها ما دافعيلي حته

ملاك:- ديشاقة وياج والله شبيج نحيسة
الله اليوم عدنه حفلة يعني اليوم دك ركص

ديرين:- اي اركصي زين اركصي

- قاطع كلامنه صوت امين:- وين رجلج لعد

ديرين:- طالع من صباحيات الله حته ما اشوفة يجيني تالي ليل

- غمزلي، امين:- هاي اكيد مزوج عليج سورياا

ديرين:- نوب سوريا هوَّ العراقية بلكوة متحملتها نوب سوريا

- ضحك، امين:- والله اني هم اكول هيج لانُ
العراقية بنت البلد ماكو مثلها انتاج وطني انتو

ملاك:- تفوت لو تروح شنو نبقه واكفين هنا انسمطت

امين:- لا حروح اني بليل اجي عليج ماكو تبياتة هنا من هسه اكلج

- عوجت حلگي وعطت
ديرين:- شدعوة عيني واذا خليتها تبات راح
ينقص منك شي يعني عوفها يمي يوم مشتاقتلها

امين:- لا ما اكدر هاي مخدراتي صارت
ام بيتي هاي مريتي الحلوة ما اخليها يم احد

ملاك:- بس لا تحمة علينه حبيبي

امين:- يلا اني رايح انتبهي لنفسج اي شي يصير خابريني حبيبي

- رفع ايدة سلم علينه وراح سديت الباب، دخلنه اني
وملاك اول ما ملاك دخلت لزمت شالها وتصيح وتهلهل

ملاك:- كوللللليش مبارك عرس الوليد اها اها ها
عروستنة ماكو مثلها وعريسنة حبها وأخذها

- ضحكت تينا:- صاير مثل العجايز ما يلحكنج
بهالسوالف هاي اشو طالعة عينج ولج

ملاك:- غير جاي ادبج الج موزين شويه نسوي أجواء وهيج يعني

تينا:- ههههههههه مو هسه الحفلة ترا يول

- تقدمت ملاك ؏ تينا وعاطت
ملاك:- كومي كومي خل ابدي بيج يادوب نلحك هسة
جيبي بنتج خليها ؏ ديرين وجيبولي مكياج وتعال نجطلي هنا
نفس ما اسمعلج حس خليني ارسمج رسم عيني اني كمت اتفنن

- تخوصرت، تينا:- ترا اني مو أداة تجارب يول
يارة كلتلي راح اخلي مكياج هيَّ تعرف

ملاك:- افا ما تثقين بشغلي زعلت مع الاسف عليج

تينا:- لا والله مو ما اثق بي يارة كلتلي راح اخليج خاف عيب منها

ملاك:- ماشي لعد انتِ وين بنتج شو البيت هدوء شعجب

ديرين:- نايمه فوك غير الليل كله فاتحة موسيقى ؏ راسي وتبجي

ملاك:- يا يمة هاي هيج جهال يتعبون تم تأجيل الخلفه لعد

ديرين:- ههههههههه خبلة مو هوَّ بكيفج تأجليها

- ظلينة نضحك ونسولف اجوي أهل بيت ام كرار
ودسيم وامين هم اجه وياهم سوينه غدة وكعدنه ناكل
ونسولف لما اجتي ياره سلمت عليها وبدت تسوي مكياج
لتينا وملاك خلتي الي مكياج وهيَّ هم تمكيجت ورتبت البيت
وكلشي جهزنا، صارت بـ٥ اجتي خاله سهام واية للبيت

- بدلنه كلنه وتينا هم لبست قفطانها وكلشي صار
جاهز انتظرنه بعد بس أهل العريس يجون، بقينه
نركص بيناتنه حنى البنات والولد كاعدين برا بالحديقة
سوينه أجواء لتينا لما سمعته صوت هورنات هرجت
المكان هرج عرفناهم اجوي

- دسيم وأمين وكرار استقبلوهم وغطينه تينا واحنه
ولبسته شالات فوك فساتين اول ما دخل شيخ وأهل الب
ظلو يهلهلون واجه الب كعد يم تينا وكعد الشيخ يعقد الهم

:- تينا محمود هالتقبلين بـ الب ابن "***" يكون زوج
لكي ؏ مهر مقدرة ١٥ مليون مقدمأ وموخر ٢٠ مليون
إذا قبلتي فقولي نعم أنتَ وكيلي

تينا:- نعم أنتَ وكيلي
:- عيديها يا بنتي
تينا:- نعم أنتَ وكيلي

- رجع الشيخ سئل الب نفس السؤال وعقدو
اول ما كمل الشيخ خاله ام كرار وكرايب الب
هلهلو كلهم والب وكف يم تينا رفع عنها الغطى
مال راسها وباسها من راسها

الب:- كدام الكل راح انطي وعد لأختج ما فد يوم
راح اخليج تحتاجين أحد ولا راح اخلي عيونج الاحبهن
ينزل منهن دمعة وحدة وايدي دائماً راح تكون ؏ ايدج
وراح اكون وياج بالفرح والحزن وراح اكون سندج
والجتف الي تسندين نفسج علية

- تينا صارت طماطه وخجلت ونظراته الها كلها حب
وحنان كلنه سمعنا كلماته شلون تطلع من شفتة وشلون
يباوع عليها كانو اعظم انتصاراته وهوَّ خله ايدة ؏ ركبتها
قرب راسها اله وبأسها من راسها وخر منها يعدل بالمقيص
مالته وهيَّ بتوتر تعدل بشعرها حيل مبين عليها التوتر والخجل
صار يلعب بشعرها هوَّ ويضحك

ديرين:- ترا ضلينه ٣ ساعات ؏ شعرها تالي
تريد تخرب لا ما اسمحلك صهري لا تلزم شعرها

الب:- عمي غير اريد اشبع من جمال مرتي
ماكدر كدام هالجمال غير مرتي صارت بعد هيَّ

- صرنا نضحك نوب باوعت ؏ تينا
اكلت الولد اكل تقربت يمها وكرصتها من أيدها

ديرين:- نزلي عينج أكلتي الولد اكل ولج عيب بابا مهيلكة

- بدلع، تينا:- اكلج حلو حلو يخبل هذا صار
زوجي معقولة امداني جنت ماخذة واحد جنة بيتنجان

- فتحت عيني بصدمة
ديرين:- عزه بعينج ولج اسكتي فضحتينه

- رجعت باوعت عليَّ بحب
تينا:- سكري صعد من جمالة ديرين داتخربط

- سكتتها ولبسته الحلقة والرجفة مبين ؏ أيدها والتوتر
وهوَّ يبتسم ولبسها الذهب، طلعنه الهم اغنية ركصوا
سويه وعيونهم فاضحتهم بحيث اول مرا اشوف اختي
هيج فرحانه

- مرت اللحظات بين الركص والاغاني واحلى لحظات
كصينه الكيك وزعنه وهوَّ طلع يم الولد واحنه نركص
بوحدنه، اني وملاك واية وتينا هم خليناها تركص

- بنتي ذابتها ؏ خالة سهام واني ملتيهه اركص
كلبنه الجو گلاب لما خلصت الحفلة بـ٩ وكل واحد
راح لبيتة وتينا راحت ويه الب للفندق لان باعتبارها
بعد مرتة صارت وحنى ردناهم يبقون وحدهم اول وتالي
هاي ليلتهم

- يارة بقت يمي وردة هم بقيتها يمي هيَّ وامير
بقيت اني ويارة امير بقه يم وردة وروڤي يلعب وياهم

- رتبنه البيت وسبحت اني وبدلت ويارة هم سبحت
وأخذت امير وردة يمها ينامون وردة بس تبجي لامها
گوه خليناها تنام واني نيمت روڤي وانتظرت دسيم يجي
بس ما اجه فـ من التعب غفيت وما حسيت بعد بس بنص
الليل فزيت شفته نايم يمي ورجعت نمت ..

____
تينا

- طلعنة اني و الب بسيارتة وبالي يم بنتي اول مرا
اعوفها وحدها، والتوتر صابني لزم ايدي وهوَّ لاحظ
علية متوترة وبس افكر

الب:- شبيج متوترة بالج يم وردة تردين نرجع ؟ اجيبها ويانة

- باوعت عليَّ ابتسمت ما ردت اخرب هاليوم عليَّ
واستحيت اكله خل نرجع هزيت راسي بـ لا وابتسمت اله

الب:- لتستحين مني كولي إذا تردين نرجع والله اخذها
ونأجل كلشي من نروح لتركيا ترا اني ما مستعجل اهم
شي هسه انتِ صرتي باسمي ومرتي والباقي يجي بتدريج
وع راحتج ما اجبرج ؏ شي ما تردي إذا ما تردين يصير
شي بيناتنه لحد ما تكونين جاهزة عادي اني اتقبل هالشي
وانطيج حريتج بهالشي وانتظرج العمر كلة

- جعصت ايدي بخجل
تينا:- لا والله مو قصة مستحية لو شي بس اني متوترة
شويه تعرف انتَ كل وحدة بهيج يوم توتر لا يضل بالك
اني خليت بنتي يم اختي وياره أكيد هنه راح ينتبهن عليها

- هز راسه بهدوء
الب:- تمام براحتج جوعانه ناخذ اكل قبل ما نروح ؟
اكيد ما ماكلة شي من الظهر وهسه جوعانة

تينا:- بكيفك

- ضحك بخفة
الب:- شو من هسه بدينة بالمستحة عمي لا تحجين
وياي بخجل لا تستحين احجي شتردين اجيبلج شنو
مشتهيه اكو شي بالج مشتهيته

- حمحمت بهدوء
تينا:- عادي اي شي ما يهم بكيفك والله انتَ شنو حاب تجيب جيب

الب:- ماشي من نوصل للفندق اني اوصي ناكل
هناك واذا ما لكينة شي تحبي نوصي من غير مطعم عادي

- هزيت راسي بإيجابية وما اكدر اخفي التوتر طول
الطريق اريد بس هاليوم يخلص انوب الدقايق صارت
الساعة ما يمشن

- وصلنا للفندق نزلنه وهوَّ راح جاب الجنطة
مالتي ويا الي بيها ملابسنا وغراضنه ولزم ايدي و
دخلنه اخذنه المفتاح مال الغرفة واني انوب لابسة
عباية خليجية فوك القفطان لانُ عيب من العالم طالعة
بقفطان انوب لا هوَّ عرس ولا هوَّ زفة

- صعدنا للغرفة فتح الباب ومد ايدة الي حته ادخل قبلة
دخلت للغرفة شفت مزينيها بطريقة كلش حلوة والريحة
مالتها تجنن وباردة

الب:- نزعي شال والعباية هسة إذا ضجتي
بدليهن حروح اني انزل اشوف الاكل واجييج

تينا:- اي تمام

- طلع هوَّ، واني ظليت باوعت بالغرفة شفتها كاملة
مكملة رحت ؏ جنطة خليتها ؏ جرباية وفتحها ذكرت
كلام ياره كالت " هنا تلكين ملابس وكلشي تحتاجي "

- فتحتها داتأكد وشهگت بصدمة شفت ملابس بيها بس
مجرد بالاسم ملابس وصلتين وطابكيهن بعض ماعرف
شنو يسترن اخذتهن من الجنطة وفتحت عيني ظليت اباوع
عليهن وشهكت

تينا:- عزه بعيني يمه شنو هذا شراح يغطي هذا شلون
ألبسة عزه بعينج ياره فشلتيني ياربي شلون راح ألبسة
هذا كدامه عزه شراح يكول علية الرجال

- ظليت صافنه ومطيه ضهري للباب وماحسيت
بَس فزيت ؏ صوت واحد يحمحم وراي درت وجهي
ورفعت راسي شفت الب واگف راسًا فتحت عيني ؏
كبرهن وخليت الملابس ورا ضهري باوع علية وحصر
ضحكتة حك حاجبة وردف بصوت كاتم الضحكة

الب:- احمم بس اني اجيت اسئلج تحبين المشاوي لو وجبات سريعة

- صار يحجي ويأشر بأيدة مبين شاف كلشي
وسمع كلشي بلعت ريكي وابتسمت مـثل الثولة بوجهه

تينا:- ها اي اي شي بكيفك عادي كلشي اكل

- بقيت مصدومة من جوابي شنو كلشي اكل مجاعة
افريقيا، هسه عباله اني جوعية عزه بعيني يربي جم
فشلة تفشلت اليوم

الب:- ماشي حبيبي سبحي بالبداية وارتاحي بين ما اجيب الاكل

- هزيت راسي بـ " اي " وهوَّ راح وصل
للباب ورجع باوعلي وأشر بأيدة

الب:- إذا تردين اروح اجيبلج ملابس ترتاحين
بيهم غير هذني خاف ما ترتاحين بيهن

- عضيت شفتي بفشلة، تينا:- ها لا ماكو داعي

- هز راسة بإيجابية وطلع غمضت عيوني عصرت وجهي
من الفشلة، صرت اكمز بنص الغرفة اريد الكاع تنشگ و
تبلعني نوب اني شلون كتلة لا عزه بعيني شراح البس معقول
راح البس هذا الخلع والله يسويني مضحكة هسه الولد

- كمت ادور بلكت الكه شي غيرة لكيت ويا روب
طويل اخذتة ودخلت للحمام ظليت اغلط ؏ يارة و
ديرين كله من وراهن ما خلوني اخذ ملابس وين اكو
عروس تروح بدون ملابس للفندق، مسحت المكياج
وسبحت ؏ راحتي

- خلصت سبح وطلعت لبست الروب وخليت مكياج
خفيف وخليت عطر وكعدت انتظر نوب حته الروب
يضحك علية مبين لابسة جوا شي فضيحة

تينا:- ياربي كون يعدي اليوم ؏ خير بدون ما اتفشل بعد أكثر

- بقيت كاعد مرّ تقريبا نص ساعة واجه هوَّ جايب
ويا اكل اول ما فاتح الباب باوعلي من فوك ليجوا
واني صرت انزل بالروب اغطي كراعيني الطالعه

- ابتسم عرفني متوترة، دخل وحط
الاكل ؏ ميز الي بالغرفة وكعدنه ناكل

الب:- ما عرفت شتحبين ما گلتيلي فـ جبت
هالانواع لان تذكر جنتي تاكليهن بتركيا

- بلتت شفتي
تينا:- اي عادي اي شي كتلك عادي
واصلا مجوعانه هواي لانُ اكلت كيك هناك

- ابتسم بوجهي، الب:- حتلو اكلي شويه

- هزيت راسي بإيجابية وظلينا ناكل والصمت بيناتنه
بس نظراتة علية من تصير عيني بعينه اوخر عيني ما
اكدر اباوع بعينه من الخجل

- خلصنه الاكل وغسلت ولمينة الاكل حبست روحي
بالحمام حسيت بروحي بس اطلع انحصر من التوتر

- فجاة سمعت صوت الباب يندك اجاني صوت
جاوبتة وطلعت تقرب علية لزم ايدي وابتسمت

الب:- تنتونا باوعي بعيوني اشو خل احجي وياج

- رفعت راسي اله صارت عيني بعينه ابتسم
وحضن وجهي بثنين ايدة وردف بحنية

الب:- إذا متوترة ومستحية تعاي نامي حته باجر
نرجع للبيت وتحضر غراضنه للسفر ما اريد تسوين
شي غصباً عنج اريدج تكونين مرتاحة مئة بالمئة ما
اريد شي يخليج متوترة وخايفة مني صدكيني اني ما
اريد يصير شي بيناتنه وانتِ بهالحالة

- ابتسمت وحركت ايدي لزمت ايدة الي حاضنه وجهي
تينا:- ما متوترة صدكني ما بيه شي

- نزل ايدة ولزم ايدي ومشى بية للجرباية وكف يمها
الب:- تعاي نامي لعد حضلين بالحمام محبوسة لعد هههههههه

- ابتسمت بخجل، تينا:- لا مو جنت اعدل مكياجي

- راح للضوء طفاه وبقه بس ضوء خافت جاي
من الباجورة تمددت ؏ جرباية وبلعت ريكي ظليت
اكل بروحي شلون حبدي ويا، ظلت الأفكار تأخذني
وجيبني اجه هوَّ تمددد يمي نزع البدي مالته

- باوعت عليَّ جسمة بارز من العضلات اول مرا
اشوفة بدون قميص حاولت اشتت انتباهي من جسمه
بسّ مكدرت

- اجه كعد يمي بطرف الجرباية وخر شعري من
وجهي وقرب شفته ؏ راسي وباسني ؏ كيف وباس
خدي مسح ؏ خدي باصبعة وتحتضن وجهي بثنين ايدة

الب:- سبحان الخالقج ما جنت اتوقع الله يعوضني
بمرة هيج حليوة وترفة مثلج وعد مني ايدي ما تعوف
ايدج للموت وما اعوفج ابد

- لزمت ايده بخفة وهمست بخجل
الب:- واني هم وعد مني ما اهد ايدك ولا راح اخلي شي يفرقنا

- فجاة انفاسة صارت قريب عليه غمضت عيني وحسيت
بشفتة تلامس بخدي وايديه محتضنه وجهي ظلت شفايفه
تتلامس خدي وركبتي بخطوات بطيئ، انفاسي عالية من
التوتر مد ايدة لروب فتح الروب ونشمر عن جسمي ومن
هاللحظة صرت بين ايدة وفصلنة عن العالم ..

____
ديرين

- كعدت الصبح ؏ صوت روڤي تبجي كالعادة كعدت شفت
دسيم ماكو بس حسيت عليَّ من سبح وطلع، اخذت نفس و
شالت روڤي بيدي غسلت وفرشت ونزلت جوا اسويلهم ريوك
خطية اخاف كاعدين

- نزلت لكيت يارة كاعده ويه وردة توكلها
ديرين:- صباح الخير حبيبتي
- رفعت راسها وابتسمت، يارة:- صباح النور عمري

- باوعت ع ورده وابتسمت
ديرين:- ها خالتو كاعده يمه حبيبي دتاكل بالعافية
ليش ما كعدتيني اسويلها اكل بروحي ليش تعبتي روحج

يارة:- لا يمعودة تعب شنو خطية همه كعدوا من وكت
سويت لامير ولوردة ادري بيج تعبانه ف ما حبيت اكعدج

ديرين:- حسوي ريوك الي والج لعد اكيد جوعانة هسة

يارة:- هسه اكمل واكوم اسوي وياج هم انتظري

- هزيت ايدي بـ لا وابتسمت
ديرين:- لا يمعودة دكعدي ما عندي شي هسه اسوي
بسرعة هوَّ ريوك بس حعوف روڤي يمج هستوني
رضعتها وبدلت الها تلعب ويه روڤي وامير

يارة:- ماشي خليها هنا اني أدبر بالي عليها

- هزيت راسي وخليتها يمها وامير ديلعب بالحديقة
بالمرجوحة وردة يم يارة، رحت للمطبخ طلعت فطاير
عندي سويت اجبان وكيمر وبيض وطماطة وكعكّ

- حضرت وكعدتنه نتريك اني وياها بس يارة
مبين عليها الحزن رغم تضحك وتسولف بس مبين
عليها مكسور خاطرها، كملنه ريوك ورتبت الماعين
وغسلتهن وهيَّ ساعدتني بقيت روڤي يم وردة تلعب
وياها وامير يمهم يلعب وياهن وحنى نظفنا البيت

يارة:- احنه باجر مسافرين لانُ اني جامعتي
وشغل الب بس هم تدرين تعودت عليج هههههه

- ابتسمت بحزن
ديوين:- اني هم والله كلش تعودت عليج لو تكدرون
ظلون أكثر بس شنسوي جامعتج انتِ منا وشغل اخوج

يارة:- اي والله بس شنسوي مجبورين بس ان شاء الله
بس اكمل امتحانات وجامعتي نجي هنا فترة بالعطلة الصيفية

ديرين:- إن شاء الله اريدج تنتبهين ؏ دراستج وما تخلين
شي يلهيج عنها اني ما اريد افتح الموضوع وياج مال شسمه
بس اتمنى تكونين اخذتي درس وتعرفين انو الله راح يعوضج
شوفي اختي كدامج شلون الله عوضها باخوج اتمنى انتِ هم
تنسين وتعيشين وما تسوين شي يخلي اخوج يزعل منج

- فركت ايدها واخذت نفس بتعب
يارة:- اكيد إن شاء الله كلامج بعده محفور بالي ما
راح انساهه بس اكيد شويه صعبة انو انسى صار
بس اكيد الله وياي وراح اكدر اتغلب ؏ كلشي

- هزيت راسي بإيجابية وحضنتها بقينه كاعدين ناكل
حب وحلويات وشويه دكت ملاك ضلينه نسولف وياها
وفتحنا كامرة وهيَّ جاي تطبخ ومخبوصة بالطبخ كالبة
المطبخ گلاب شويه وسديت الاتصال منها

- ندك الجرس باوعت من كامرات شفتهم تينا والب، كمت
بسرعة خليت الشال ؏ جسمي ورحت فتحت الباب الهم
وسلمت ؏ الب وباركت الهم وراح هوَّ وبقه تينا يمي لانُ
اليوم اخر يوم ويرحون فـ هيَّ حبت تبات يمي وهوَّ راح
اخذت منها الجنطة ودخلنه

ديرين:- تعاي يلا احجيلي كلشيي يمه شكد جنت منتظرتج ع نار

- التفتت علية فاتحه عيونها
تينا:- شسولف ادبسززززز عيب بابا شوكت تستحين انتِ

- طفرت بحماس
ديرين:- يابة دحجي بشرفج شسويتي ما سويتي تقربلج؟

- هزت راسها بـ اي ضحكنه اني وياره وهيَّ ميتة
من الخجل كوة تحجي من الخجل مّر الوقت وياها
مثل الدقايق

- مشة اليوم عادي بخير وسلامة وثاني يوم سافرو
من الفجر، حيل ضايجة رغم اعرف بيها سعيدة بس
ما اكدر ارجع أفقدها من جديد

- هالمره اختي سافرت ويه الشخص الي الله عوضها
بي وبنتها يمها و الله عوضها بعائلة وجروحها الي جانت
ما تقبل طيب بَس لگت الشخص الي خلاها تطيب

- الحمدلله حياة تينا انختمت بزواجها وي الب
ويارة كملت حياتها واختارت دراستها وحياتها ..

- مرت الاشهر عاديات كلش وطبيعيه وبنتي دتكبر كدام
عيني واختي عايشة احلى حياة ويه رجلها وزوجي يمي
وعايشة حياتي طبيعة وملاك حبلت وصارت بالشهر الثاني
واكتشفنه حملها خارج الرحم احتمال تخسر طفلها ونسبة
حملها كلش قليلة ظلت تفتر بالمستشفيات بس ماكو حل غير
انو تسوي اجهاض لانُ اول وتالي الحمل راح يأذيها كلش

- خطيه دمرت نفسيتها وابتعدت عن امين وعليه وحته
شغلها هملتة وصحتها تراجعت داخلت باكتأب متحجي
ولا تطلع وصلت للانفصال بسبب حزنها بس امين ما
خلاها وحدها وكف وياها وكدروا يتخطون هالشي

- مرت الايام عادي وملاك سوت العملية بس نفسيتها
حيل تعبت وهيَّ تحاول تبين انو هيَّ قوية بس مبين
عليها الحزن

- اجتي ايام وراحت ايام وبقينه ؏ هالحاله سنتين بضبط
لا هيَّ حملت ولا كدرت تتخطى صار وياها وحملها نسبته
ضعيفة انو يعيش

- كاعدة بالمطبخ ودسيم فوك و روڤي تلعب
بالحديقة واني كمت يم الباب شفت روڤي كلها
تراب، صحت بصوت

ديرين:- روڤي مامااا تعاي شدسوين شنو هالوصخ
تعبتيني ترا شلون بيج اني مو كتلج لا تلعبين بالحديقة

- ما اهتمت الي وظلت تصيح وتلعب
روڤي:- اما أما

ديرين:- حكتلج هاي ثاني مرا اسبحج تعبتيني ترا حكول لبابا عليج

- رحت عليها نزعتها ملابسها وخليتها جوا
تكمل لعب بين ما اجيب الها ملابس واسبحها

- صعدت فوك للغرفة مالتها ومريت من يم غرفتي سمعت
دسيم يحجي بتلفون بصوت ناصي استغربت لانُ مو من
عوايدة يحجي بصوت ناصي، تقدمت بهدوء فتحت الباب
؏ كيفي اسمع عليَّ

دسيم:- اعرف فـ لهذا اني قررت اخليها تروح لبيت
خالها لانُ اريد اجهز للعرس وما اريدها تعرف بهالشي

- فتحت عيوني بصدمة شنو يجهز شنو ما يريدني
اعرف ! شفتي رجفت وانصدمت من سمعت كلامة
غمضت عيوني وعصرت روحي حيل كانو بحلم اني
بعد هالسنين كلها شلون يكدر يأذيني

دسيم:- خليها يم بيت خالها بين ما اكمل الإجراءات كلها
وانتِ هم لا تكولين الها هالشي بيني وبينج ماشي لعد اني
راح احاجيها بهالموضوع وخليها تروح لبيت خالها

- فتحت الباب بقوة وهوَّ أندار علية انصدم بوجودي
باوع علية وسد الاتصال بسرعة وعگد حواجبة

- تقدمت عليَّ بسرعة اني ومستغربة
ديرين:- شنو جنت تحجي ويامن
عرس شنو تريد تزوج واني ما اعرف ؟

- بصدمة
دسيم:- ديرين شجابج انتِ ؟ مو جنتي
جوا شصعدج وليش تسمعين علية

- عطت بقهر والدموع تجمعت بعيني
ديرين:- بشنو قصرت وياك؟ ليش هيج تريد تسوي
ترا احنه صارلنه ٤ سنوات متزوجين اذيتني وكسرتني
وما عفتك وهسه تريد تسوي هيج وتجيب ثانية علية ؟

- فرك وجهه ومشه كدامي باوع ؏ مراية وكف كبالها وباوعلي
دسيم:- ميعجبج روحي لبيت خالج وينتج هم اخذيها وياج
اني قررت وهذا قرار نهائي انتِ ما تقبلين نخلف بعد واني
اريد طفل بعد يشيل اسمي

- فتحت عيني وشهگت
ديرين:- صدك تحجي انتَ ؟ شنو هالحجيي دسيم
شبيك لا اكيد دتشاقة كول داشاقة لو مقلب ما معقول
انتَ تسوي هيج بية؟ ما فكرت بروڤس شلون تريد
تعيشها اليتم ليش هيج دسوي

- ببرود وبعدم الاهتمام لكلامي
دسيم:- ديرين لظلين تحجين فوك راسي اني ما ردت
تعرفين حته لا ضوجين بعدين ردت اكلج بهالشي من
اكمل كلشي فـ ياريت تتفهمين موقفي واني طلاك ما
اريد اطلكج لا جبريني

- رفعت حاجبي بقهر وضحكت
ديرين:- اضوج!! ترا ما ابقه ؏ ذمتك والله طلكني
وبنتي ما تشوفها واحرمك منها فهمتت عبالي تغيرت
وصرت ادمي بس طول عمرك راح حتظل هيج ما تملي
عينك بس التراب انتَ

- التفت علية وباوعلي من فوگ ليجوة بنظرات غريبة
دسيم:- لا ظليت تحجين حجي زايد فهمتي روحي لبيت خالج
ورقة طلاكج توصلج للباب فهمتي وبنتج هم اخذيها ما اريدها

- غمضت عيوني ونزلت دموعي مثل الجمر ؏ خدي
ما توقعت بعد هالسنين يفكر هيج يسوي بيه ويكسرني

- بطني صار تلويني حسيت الدنيا جاي تفتر بية، مشيت
؏ كيفي بخطوات بطيئة بس اريدة يوكفني ويكلي داشاقة
ماكو شي حقيقي بس للاسف ما حجة شي

- طلعت من الغرفة بسرعه ورحت لغرفة روڤي طلعت
ملابس الها ونزلت اريد اسبحها اني ودموعي ؏ خدي

- ماعرف شسوي وين اروح مستحيل اروح لبيت خالي
نوب ارجعلهم بيدي طفلة ومطلكة حته عيب شلون راح
اباوع بعينهم

- سبحت روڤي وبدلتلها وطلعت شفت دسيم ديحجي
بتلفون بالاستقبال وشويه وسد الاتصال وباوعلي

دسيم:- يوسف ابن خالج راح يجي ياخذج
حضري روحج وغراضج اني بعدين اجيبهن الج

- شهگت بصوت خافت انصدمت ما متوقعت يسوي
هيج بيه اجتني صدمة جبيره شلون بيوم وليلة يتغير علية
بارحة كلشي ما جان بي شلون قرر اليوم يزوج ويطلكني

- عطت بقهر وحقد
ديرين:- يعني قررت هذا قرارك وحدك وما فكرت بيه
شراح يصير ؟ شلون تكدر هيج تسوي بيه اكيد مسوي بيه
مقلب ما معقول بارحة جان ما بيك شي شنو الغيرك عليه

- مسح ؏ وجها
دسيم:- تردين تبقين ؏ ذمتي بكيفج اخليج ؏ راسي واذا
ما تردين فـ بنتي نفقتها توصل الها وانتِ اذا تردين اطلكج
عادي هم واني اتكفل بيكم ثنينكم لا تأكلين هم المصاريف

- خزرته بحقد
ديرين:- مستحيل اخذ منك ربع دينار حته وجهك ما اريد
اشوف بعد اتمنى تنسى عندك بنية وما توقعت تسوي هيج
بيه بعد هالسنين وخاصتاً عدنه بنية بَس كل همك روحك وبس

- ببرود، دسيم:- لا دوخيني رجائا روحي بدلي لبنتج
الولد راح يجي ياخذج و روحي الله ومحمد وعلي وياج
الباب يفوت جمل ورقة طلاكج توصلج للباب

- عقجت وجهي مشمئزة منه صعدت بسرعة للغرفة
بدلت لروڤي ومشطت شعرها وطلعت الجنطة مالتي
اخذت كم غرض وياي، ادموعي تنزل ما اعرف شسوي
وليش هيج تغير علية بيوم وليلة بس اكيد اكو سبب وراح اعرفة

- بقيت بالغرفة حاضنه بنتي وابجي وهوَّ ما صعد ولا
حاول يراضيني ما توقعت يسوي هالشي بية تالي عمري

- شويه وسمعت صوت هورن باوعت من شباك
؏ شارع شفته يوسف وطلعله دسيم سلم عليَّ وظلو
يحجون ويوسف كلش تعصب وانگلب وجها

- دگ تليفوني شفته يوسف فتحت الخط عليَّ
يوسف:- انزلي

- سديت الاتصال بسرعة ونزلت الجنطة مالتي
وبنتي بايدي اول ما شافني يوسف صاحني بعصبية

يوسف:- شوف صدكني بعد بس تعبر هالباب ما الك مرة
يمي دسيم البنية بنيتنه مو تشمرها هيج شمرة وتالي ترجع تتوسل

- باوعلي وابتسم باستهزاء
دسيم:- اني كتلها تبقين هنا وترضين ما قبلت تريد
تطلك، كدامج يابة مو اني كتلج هالحجي لو لا جبرتج
؏ طلاك لو انتِ طلبتي

- غمضت عيوني مهدود حيلي ما اعرف شسوي
ما اعرف ليش ديسوي هيج وشلون يكدر يأذيني

- عفتهم ورحت صعدت بسيارة وصعدت روڤي بدون
ما احجي شي وشويه واجه وراي يوسف وجها ما يكصه
السيف ضرب الاستيرن وعاط بصوت عالي

يوسف:- ما الج رجعة اله فهمتي وبيتنه اعتبري بيتج
واذا تكوليلي ارجع اكسرج ديرين فهمتي حالج من حال
اية وما اقصر وياج وشاربي مو علية إذا أخرج تحتاجين شي

- سكتت ما حجيت شي وبقيت بس ابجي وحاضنه بنتي
لصدري، خليت راسي ؏ جام افكر معقول كلشي انتهى
بيناتنه شلون كدر هيج يسوي بيه شلون يريد يزوج غيري
ويبني حياته وينسه بنته وينساني ؟

- بقيت طول الطريق ابجي واشهك لما وصلت للبيت
نزلت اني ويوسف نزل جنطتي، دكيت الباب واجتي
اية فتحت الباب واني راسًا نرميت بحضنها وبس ابجي

اية:- الله لا يوفقك دسيم ؏ سويتة ولج شصاير ليش هيج
وصلت بيناتكم قبل فترة جان كلشي ماكو ليش هيج ديسوي

- شهگت بالبجي
ديرين:- ما ادري والله ما ادري ملاك تعبني يكلي روحي
أخذي بنتج و روحي ولج حته يكلي طلاك اطلگج

يوسف:- فوتن جوا احجن منا العالم عيب

- لزمتني من جتفي وطبطبت علية
اية:- تعاي فوتي يعمري انتِ تعاي سودة بوجهي كون
الله لا يوفقك دسيم كون يحرك كلبك مثل ما حركت كلبها

- دخلنه جوا وخاله سهام طالعة لسوك وبس ام اية
بالبيت بالغرفة لانُ هيَّ مريضة اصلا ما تكوم من
الفراش، رحت كعدت بالاستقبال وظلينا تحجي اني
واية واحجي كلمة واشهك من اعماق كلبي وروڤي
تلعب وحدها واني بقيت نايمه بحضن اية من التعب
ما اعرف شلون غفيت

- فزيت ؏ صوت روڤي تصيح باوعت شفت روحي
بالاستقبال متمددة والأضوية طافية باوعت ؏ ساعة بـ
٤، طفرت راسًا عزه بعيني كل هالوقت نايمه

- كمت بسرعة طلعت شفت خاله سهام كاعد يم روڤي
تلعب وياها سلمت عليها وكعدت يمها ظلينه تحجي
بخصوص الصار واني ما اعرف شحجيلهن كل الي
اعرفة كلشي انتهى بيناتنه

- مرت ٣ ايام ودسيم ما اتصل ولا خابر
ولا سئل علينه وما اجه يشوفنة

- كاعدة انيم روڤي ودخلت عليه خالة سهام تبتسم
واجتي يمي كعدت لزمت رجلي وطبطبت عليها

سهام:- بنتي نيمي بنتج وتعاي نزلي اجونه خطار كعدي يمنه

- هزيت راسي بإيجابية وهيَّ عافتني وطلعت، نيمت
روڤي وتأكدت منها نامت خليتها بغرفة خالة تنام وطلعت
؏ كيفي رحت للاستقبال دخلت شفت دسيم وخالة ام كرار
كاعدين وكرار وأمين وملاك كلهم جاين باوعت ؏ خالة
سهام باستغراب

سهام:- فوتي بنتي فوتي

- تراجعت ليوره وعطت بقهر
ديرين:- خالة عذريني بس اني اترخص منكم ما عندي
كلام ويا ورقة طلاگي ياريت توصلني لانُ ما ارجع

ام كرار:- بنتي تعاي كعدي واستهدي
برحمن خل نحجي كلمتين وياج

ديرين:- خاله تعرفيني شكد اعزج بس صدكيني بعد الي
شفته منه ما ارجعله خل يزوج وينساني اني وبنتي

- ابتسم بخباثة
دسيم:- هوَّ راح ازوج لعد شنو قابل عيني اريد اصير عريس

- رفعت عيني باوعتله بحقد
ديرين:- اي زوج ميهمني بس
طلكني اول شي فهمت ما ابقه ؏ ذمتك

ملاك:- ديرين تعاي كعدي يمعودة مو وكت عنادج

- عطت بصوت
ديرين:- كتلكم ما اريد ارجع خل يطلكني مو
يريد يزوج كدامك سمعتو يكول اريد ازوج

- فزيت ؏ صوت ضحكته باوعتله باستغراب
دسيم:- زين شلون ازوج والعروس الي اريد ازوجها تريد تطلك

- باوعت بصدمة ؏ خاله سهام وهزيت براسي بمعنى
شنو نزلت شفتها متعرف شي عود كامت خاله ام كرار
اجتي يمي جرتني من ايدي كعدتني بينها وبين ملاك

- كعدت اية وخاله سهام كدامي واني بقيت صافنه
وعليهم كلهم سكتوا وما حجو شي لحد ما ام كرار حجت

ام كرار:- عيني مدام كلنه هنا والعروس هم هنا تعرفون
احنه سبب جيتنه نريد نخطب بنتكم لابنة الغالي والحبيب
طبعاً هوَّ زوجها يعني ترضون والما ترضون هيَّ بنيتنه

سهام:- طبعاً بنيتك بس لازم نسئل
العروس اول شي يجوز الها رأي ثاني

- ضحكت اية وغمزتلي
اية:- العروس الفيشه مالتها نشلعت هههههه باع وجها
شلون صار اصفر خطية شلون كدرتو تضحكون عليها

- عطت بصدمة
ديرين:- شكاعد يصير احد يفهمني انتو ناصبين
علية لو شنو؟ ترا ماكو شي يضحك فهموني

ملاك:- اجينة نخطبج ؏ سنة الله ورسوله وراح
نسويلج عرس يعني صدكتي راح يطلكج هوَّ؟

- عقجت وجهي بصدمة
ديرين:- صدك تحجون انتو يعني اني صارلي ٣ ايام
روحي صايرة بخشمي وطلعتو ناصبين عليـة طول
هالوكت وكلكم تعرفون ؟

دسيم:- بس بشرفج مو حلوة المفاجأة هههههههه
انوب تكلي طلكني بابا لو تطلع نخلى براسج

- باوعتله بطرف عيني
ديرين:- انتَ لو صدك تحبني وتهتم
لبنتك جان ماعفت بنتك ٣ ايام ما شايفها

- رفع حاجبه بغرور
دسيم:- منو كلج ما شايفها بارحة
جنت برا ويوسف طلعها الي وشفتها

- شهگت بصدمه وباوعت ؏ يوسف
ديرين:- يوسف انتَ هم تعرف ؟ يعني
وضميت عليه وتصرف عبالك واحد ضايج

- ابتسم بفرح
يوسف:- لعد شنو يريد يطلكج واعوفه صاحي
لو صدك مسويها جان كسرتة تكسير وعلي

امين:- ولا يكعد باتمان دكعد عيني اكعد

كرار:- هسه راح تنكلب مصارعة عمي باجر ان شاء الله جايبين
زلم ويانة ونجي نخطب بنتكم المحروسة ؏ سنة الله ورسوله

يوسف:- هلا بيكم والبيت بيتكم وبنيتنه بنيتكم ونشرف
نصاهركم اكيد وبنيتنه الكم مو لغيركم ههههههه

- بقينا نسولف وسويت الهم كهوة وخليت بهارات لدسيم
بيها يستاهل وهوَّ خطيه شربها كلها ويباوعلي ويأشر بايدة
ظليت اضحك عليَّ صارت بـ١٠كلهم راحوا واني هم رحت
يم بنتي نمت لانُ باجر راح يجون وراح تصير هوسة بالبيت
فـ لازم اكعد من وكت نحضر

- نمت يم روڤي وكعدت بنص الليل ؏ صوت تلفوني
يدگون علية شفته دسيم فتحت خط عليَّ واجاني صوت

دسيم:- تعاي نزلي اني بالباب بسرعة مشتاقلج

- عطت بصدمة
ديرين:- عزه بعيني وين انتَ شجابك هنا بهالليل دسيم

دسيم:- جيت اخذ حلك نزلي لج صارلي ٣ ايام
ما نايم بحضنج خبيثة نزلي لو اصعدلج اختاري

- همست بخجل
ديرين:- عزه دسيم روح عيب والله
منا العالم لا يكعدون والطفلة نايمة

- عاط بتهديد
دسيم:- والحسين هسه ادك الباب أسويها طشار تنزلين لو أدرك الباب

- طفرت بخوف
ديرين:- عزه عزه نازله اوكف عزه بعيني لا دك الباب عيب بشرفك

- حمحم بصوت عالي، دسيم:- نزلي لعد يلا بسرعة

- سديت الاتصال منه فتحت الباب ؏ كيفي تأكدت منهم
كلهم نايمين، ونزلت للاستقبال فتحت الباب ؏ كيفي وطلعت
فتحت الباب البره ودخل هوَّ

دسيم:- ايباه مريتي شكد مشتاقلج تعاي ولج تعاي

- التفتت داير مدايري بخوف
ديرين:- عزه بعينك شدسوي هنا مخبل انتَ

- غمزلي وتقرب علية
دسيم:- مخبل بيج تعاي شو ولج

- جرني من خصري رجعني ؏ باب صارت شفته ؏ شفتي
بالمح البصر ظل يبوس بيه مثل المخبل اريد اوخره ما اكدر
شويه وتوخر مني برضاته وخزرني

دسيم:- بوسيني لج لا والله اعيط هسه

- دفعته بخفة وخجل
ديرين:- ولك عيب لحد يشوفنه

- لزمني من خصري وقربني عليَّ
دسيم:- انعلو العيب غير ميت عليج تنامين
بدوني مو حيوانه ناكرة الجميل والله انتِ

- ضحكت بصوت ناصي
ديرين:- ارتاحيت والله بوحدي طير حر

- عصر خصري بيده وعاط بمكر
دسيم:- ايا خبيثة واني الليل كله الوب وافكر بعرسنه وانتِ
مرتاحة مو إذا ما اطلع هالايام من عينج واحبلج بتوم اصبريلي

ديرين:- تريد تزوج علية مو تريد ولد يحمل اسمك

دسيم:- امداني إذا افكر اخذ عليج مره، اني عندي مرية
تسوة النسوان والدنيا كلها خاب كلهن يرحن فدوة لطـ**

- عطت بصدمة من كلامه، ديرين:- عزه عيببب اسكت ولكك

- خله ايدة ورا ركبتي وجرني اخذ شفتي صرت اتفاعل
ويا خليت ايدي بشعرة وامشيها ؏ شعرة لمساته صارت
أجراء لحد ما دفعتة خليتة يصحى ؏ نفسة

دسيم:- شسويتي بيه ولج شسويتي خل اخذج
روحي جيبي الطفلة خل نروح لغرفتنه

ديرين:- ما اروح وياك اله تراضيني

- عض شفته بقهر
دسيم:- اويلي يابة اويلي تريد أراضيها واني منو يراضيني

- ابتسمت بمكر
ديرين:- مشكلتك يلا روح لا يكعدون
مو انطيتك بوسة روح حباب والله عيب

- كرص خدي بخفة
دسيم:- ماشي عسلتي رايح بوسيلي روڤي بعد كله اسبوع
وترجعين بحضني واني اسف والله خليتج تبجين ياروحي انتِ

ديرين:- مقبول مقبول اعتذارك ماشي
ماشي بس روح حباب ليكعدون من صوتك

- دفعتة للباب باسني من خدي وراح سديت الباب
؏ كيفي دخلت امشي بخطوات بطيئ دخلت سديت
باب الاستقبال

- نداريت واخترعت من شفت اية وراي هيَّ
وكفشتها ماعرف نايمه لو كاعده تقربت عليها شويه
شويه مغمضه عينها حركت ايدي اريد اشوفها تشوفني
لو لا، بقت مغمضه تقربت عليها أكثر وفجاة فززتي

اية:- بخخخ

- رجعت ليورا لزمت كلبي وشهكت
ديرين:- الله لا يوفقج بجاه ام البنين يا ادبسز
يارعنه يمه كلبي اخ ولج كلبي

- ضحكت بصوت عالي كلش
اية:- يمه عزه شلون تباوعلي خطية عبالها نايمة
شجنتي تسوين برا ها ويامن جنتي تحجين كمشتج

- عوجت حلگي
ديرين:- يعني لو كلبي واكف شسوين بشرفج
بت البتل شمكعدج بهالليل باع كفشتج شفتي
روحج بالمراية قبل ما تنزلين

- عرجت حلگها
اية:- ام كفشه والما يعجبة ينتحر، لتغيرين
الموضوع شجنتي تسوين برا احجي يلا

ديرين:- لج يمه ما اكدر اتنفس الله لا ينطيج كلبي كام يأذيني

- غمزتلي بخباثة وابتسمت
اية:- يأذيج من الفزة لو من البوس هاها

- حطيت ايدي ؏ خدي بصدمة
ديرين:- بس لو اعرف شمكعدج بهالليل جنج عتوي

اية:- نحصرت شني واحد ما ينحصر
حته البـ** طارت ههههههههه

- گلبت عيني بملل
ديرين:- كبر لفج اي والله اني هم نزلت للحمام بس
من شفتج البـ** سوت تراجع حته هيَّ ما تريد تطلع

- غمزتلي، اية:- الحمام برا مو

- عضيت شفتي بتوتر
ديرين:- لا لج سمعت صوت برا عزه عبالي حرامي والله

اية:- ها حرامي اي صحيح حرامي ياخذ خلوك ويحصرج
صحيح دكومي كدامي يلا نامي لا اركعج ادبسزز

ديرين:- لج انجبي بابا عيب شهالحجي ادبسزز

اية:- دمشي كدامي لا ادفرج هسه يلا كدامي

- غميتها وفتت كدامها وهيَّ دخلت للحمام واجتي صعدنه
ونمنه وهيَّ كل شويه ترفع راسها تتأكد موجودة اني لو لا

- انتبهت عليها تأشرلي بايدها ؏ عيونها عود
عيني عليج غطيت راسي ونمت كعدت الصبح
كلنه تريكنة ونظفنه البيت ورتبنة كلشي مشة
الوقت واني رتبت روحي اخذت من آية فستان
عبالك مال ارهاب طلعت جني ارهابية بس كيوت
وحلو سمائي

- كعدت سويت شعري برم وخليت مكياج خفيف
لما صارت بـ٥ العصر أجوي الولد كعدوا بالاستقبال
والنسوان دخلو جوا واجوي ملاك وام كرار ونور
وياهم ثنين كرايب ام حمد ما عرفتهن والزلم هواي
جاين ما عرفت بس ابو دسيم عرفته

- ركضت اية خلت التلفون بالاستقبال حته صور
الدخولية مالتهم والفيديو طلع كلش حلوة بدو يحجون
لما دخل يوسف يمنه وعاط بصوت عالي

يوسف:- اقرو الفاتحة

- استغربت ماعرف عليمن هوَّ احنه مزوجين
اصلا، قريناها وهلهلن النسوان صارو يطشن
؏ راسي جكليت وظلو يحجون ويسولفون ؏
تحضيرات مال العرس وهالسوالف لما راحوا

- قررو الحنه والعرس بعد ٤ ايام
حنسوي عرس وحنى بيوم واحد بالقاعة

- احلى ايام حياتي كاعد اعيشها واصعبهن وحيل مشتاقتلة
بس بنفس الوقت حبيت انو ما ناسي وسوالي عرس

- مرت الايام حجزنة قاعة وسوينة بروفة
لرقصة مال عرس وحجزنة بدلات وبدلة لحنه
لونها سمائي فاتح حيل حلوة وحبيتها أكثر من بدلة
الـ عرس وحجزنة صالون سويت اضافري اكرلك

- بهالـ ٤ ايام صرت عصفور مهلس اركض منا
ومنا لحد ما اجة اليوم الي راح نختم بي حبنة
" تاريخ ٢٠٢٣/٤/١٦ زواجنا "

- كعدت الصبح بـ8 حيل متوترة كانو بعدني ما
مزوجة، شفت كلهم نايمين واني أصلا حيل متوترة

- لزمت التليفون وخابرت ؏ تينا انقل الها
الأحداث اول باول وخطية هيَّ ما كدرت تجي
لانُ الب عنده شغل ما يكدر يعوفة ويجي عذرتها

- سديت الاتصال منها وكعدوا الكُل و رحنه
لصالون من ١٠ الصبح اني واية وملاك لحد
١٢ يلا استلمتني سوت مكياج وردي أكثر الوان
احبهم بس يكون فاتح مو طوخ كلش وتسريحة تلم
شعري كلها

- بقيت لحد ٣ اني بصالون وكملت شعري ومكياج
ولبست اول بدلة مال حنى لانُ حنسوي مراسيم
الحنة وبعدين العرس

- ملاك واية هم سون مكياج وشعرهن وبدلن وكملنه
ساعة بـ٤ اجتي الزفة واجه دسيم للصالون ما شافني
اول شي لانُ ما قبلو يخلونه يشوفني اله بالقاعة

- رحنة للقاعة واكثر المعازيم واصلين قبلنا
واني اول ما وصلت للقاعة حيل توترة دخلت
الغرفة مال تبديل نزعت الكبوس عن جسمي و
طلعت شافني دسيم بالبدلة مال حنه تقرب علية
ولزم ايدي وباس راسي وهمس بهيام

دسيم:- اختاريت هاللون لأنُ بس الأميرة تلبس
هذا اللون وتأكدت راح يطلع عليج احلى منها و
ما خاب ضني طلعتي احلى أميرة

- بدلع، ديرين:- دسيممم لتخليني ابجي يخرب مكياجي والله

- طفرت اية من يمها وعاطت
اية:- يمعود لا يخرب المكياج كوه ثبتتاه
الها حباب اسكت مو هسه تتغزل

- اني منا متوترة اخاف اوكع بنص القاعة وكل
همي ما اوكع، التفتت شفت روڤي تبجي تريد
اشيلها وصار توتر براسي يفتر

- وصلنه لباب القاعة وملاك عدلت بدلتي فتحو
الباب ودخلنه ثنينه وهوَّ لازم ايدي واني مبتعدة
عنة شويه وبلكوة امشي من التوتر اول ما دخلنه
صارت أجواء حلوة نفاخ طلع ودخان ومطلعين اغنية
" ادخلي عمري بخطواتك اليمين "

- مشينه ؏ ايقاع مال اغنية لحد ما وصلنه للكوشة
باوعت ؏ معازيم نصهم ما اعرفهم بقت المصورة
تصورنه والنسوان يركصون بنص القاعة

- كام دسيم وكومني وركصنه اني
ويا بنص القاعة واني الفرحه ما واسعتني

- شويه ودسيم طلب من ملاك طلع اغنية تامر
" حلم سنين " وكف بنص القاعة ولزم ايدي و
ظل يركص ويركصني ويا ويغني بحماس وصل
للمقطع وصار يأشر بايدة علية

- أنا قلبي خلاص هتنام ع
صوت دقاته هيعيش وياك
على كول اجمل اوقات
حبك ولا يوم هنساه
انا قد القول ومعاك
وفيت بوعودي
وانت استنيت وبقيت
محتاج لوجودي..

- حضني وشالني بنص القاعة فرنيي ونزلني ؏
كيفة واني حيل مستحية گوه اركص بس هوَّ خمسني ويا

- طلعو اغنية مال كاظم ساهر واجه وقت يلبسني
الذهب وخاله ام كرار لزمت الذهب بيدها وتفر
بي وتركص وتغني ويه الأغنية اجتي علينا هيَّ
وتركص ؏ كيفها وتهلهل

- مويس خواتم ذهب
تستاهل عيوني
خلوني يا اهل الهوى
ع كيفي خلوني
لالبسها واشيكها وادلعها
واخلي حته بنات
لك من تمشي تتبعها

- صرت اضحك وصلت يمي ومدت الذهب كدام
دسيم واخذ الأسوار لبسنيا اول شي وانوب تراجي
لبسنياها بالمكلوب وگوه كدر يلبسها الي، صرنا
نضحك بعدين خلو حنه بايدي وشويه ومسحناها

- بقوة يركصون لحد ما قررنة أبدل بين ما يتعشون
همه، رحت بدلت ولبست بدلة العرس مالتي وهوَّ بس
شافني بيها عيونة دمعت واجه حضني حيل

دسيم:- لج عيني ما اكدر ما اكدر هواي صدمات
اليوم شنو هالجمال هذا دخيل ربج من شنو مصنوعة
انتِ معقول انتِ مرتي

- ضحكت بدلع
ديرين:- يا دسيممم شبيككك اسكتت حباب
ترا متوترة والله شفت روڤي شلون تباوعلنه

- حضني اقوة
دسيم:- اي شفتها حبيبتي ما مصدكة امها عروس صارت

- فزينا ؏ صياح ام القاعة علينه وكفتنه ثنينا
وكمش ايدي بايدة ودخلنه كعدنه ؏ كوشة وهمة
هم ظلو يركصون ورا شويه ركصنه اني ودسيم
؏ اغنية " أصالة ٦٠دقيقة "

- ظلينا نركص اني ويا واتمايل ويه الأغنية وهوَّ
يفر بيه، فرني وفتريت ؏ ايدة صرت يمه وهمس بأذاني

دسيم:- أحبج عسلتي

- ابتسمت ورجعت روحي ابتعدت عنه ورجعني
عليَّ لزم خصري ولزمت ركبتة وظلينه نركص
لحد ما خلصت الأغنية كعدنه ؏ كوشة

:- راح يدخلن خوات العروس حضروا نفسكم

- استغرب من كلامه ام القاعة ما اعرف شيريدن
يسون ابتسمت اني ودسيم اشرلي بحواجبة انتظر يدخلن

- اول ما نفتح الباب شفت تينا كدامي وملاك
واية ويارة انصدمت منها شوكت اجتي وشلون
لحگت !

- ظليت مصدومة وهمه داخلوا كلهن يركصن
ومطلعين " اغنية اختي حبيبتي "

- الفرحة الي انا حاسس بيها
لنا ئادر اقولها ولا احكيها
اختي حبيبتي وضي
عيوني لعريسها بأيدي
اوديها من يوم ما وعينا
ع دنيا ما فراقناش بعضنها
ولا ثانية اختي حبيبتي
وضي عيونييي لعريسها بأيدي اوديها

- اجتي تينا علية واني كمت من الكوشة واجي
يمي حضتني واني هم حضنتها حيل واصلا اني
حيل مشتاقتلها وما توقعت راح تكون مـوجودة
ومسويتلي مفاجأة

تينا:- شلون اعوف اختي الحلوة باسعد يوم لج
جنت واكفة هناك اباوع عليج ما شفتيني هههههه

ديرين:- ما انتبهت هواي عالم

- لزمت ايدي ونزلتني من الكوشة صرنا نركص
بنص القاعة اني وياها بحيث القاعة نهرجت هرج
بس بنات اخذنه راحتنه

- خلصت الحفلة بـ١٠ بليل كل واحد راح لبيته
واني ودسيم ورڤي رجعنه لبيتنه بسيارة الزفة
ما قبلو نرجع إذا ما يسون زفة تكطع الشارع

- امين وكرار ما قصرو كل شويه ونازلين بنص
الشارع يركصون ودسيم فرحان وياهم ما خلاهم
وحدهم نزل يركص وياهم واني بقيت بنتي بحضني
واباوع ؏ دسيم شلون يركص لحد ما تعبو ورجعنه للبيت

- وصلنا للبيت واني التعب ماكلني اكل بس اريد
انزع البدلة وانام شثكلها انوب وروڤي نامت من
التعب خليتها بغرفتها واني دخلت اسبح نزعت
البدلة خليتها ؏ صفحة ودسيم يم الولد جوا يودعهم

- سبحت وخلصت فتحت باب الحمام
هستوني طالعة من الحمام شفت دسيم كدامي

دسيم:- خل اسبح واجيج حبيبي ارتاحي بين ما اكمل

ديرين:- ماشيي

- دخل يسبح هوَّ واني لبست ملابس لونهن ابيض 
خل نعيد كلشي من البداية ولبست فوكا روب ابيض

- كعدت مسحت المكياج الي بوجهي وخليت شي خفيف
و وخرت تسريحة ؏ كيفي ولميت شعري ورحت كعدت
؏ جربايه بين ما يطلع هوَّ، شويه وطلع وابتسمت بهدوء

دسيم:- جوعانه حبيبي اوصي اكل الج

- كمت من الجرباية ورحت يمه وكفت، صغرت
عيوني وابتسمت وهوَّ ظل يباوع علية مستغرب

دسيم:- شبيج راح تغتصبيني شنو هالنظرات هاي القاتلة

- ضحكت بصوت، ديرين:- انزع لك

- لزم ملابسه الخلاهم ؏ صدرة وظل يصيح
دسيم:- يمه لحكيني يمه راح تغتصبني هالبنية عينها طالعة

- ضحكت وابتعدت بهدوء
ديرين:- اوك براحتك رايحة انام اني مو تجي تتحارش بيه

- درت ضهري لحظات ولزمني من ايدي
ورجعني عليَّ وانضربت بصدرة

دسيم:- وين وين رايحة صدكتي
حبيبي كتلج راح احبلج بتوم اليوم

- فتحت عيوني، ديرين:- يمه عزه لا اريد انام والله تعبانة

- شبگني بقوة وغمزلي
دسيم:- ماكو معلية تعاي لج

- خله ايدة جوا رجلي وثانية ؏ ضهري وشالني مشه
بيه ؏ جرباية لزمت ركبتة بثنين ايدي دفنت راسي
بصدرة وانتهت ليلتنة بكل حب وعشتة احلى ايامي ويا

- كأنت بداية حزينة ومتعبة لكن جبر الله كبير
لقت اشرقت الشمس ؏ حَياتي واصبحت فراشة
بيد رجل صالح لكي يحتويني ويجلعني احلق بين
الغرام والحُب • بقلم:- كاتبة سجى حسين •

• مـسـك الخاتمة •
النهاية ٢٠٢٤/٤/٢٥ الخميس

١٣٣٧٥ كلمة .

- شتعلمتو من القصة

- وين تعليقاتكم وتفاعلكم ! ونجماتكم

- مـثل مكتلكم اذا شفت تفاعل ؏ بارت وع قصة
انزلكم دلائل واشياء تخص الابطال مثل:-

- صوره لجسم دسيم
- صوره لـ روڤي
- صوره لايد ديرين و دسيم
- وقبلها ناشره صوت وصوره ديرين ؏ حساباتي .

- خلصت القصة اتمنى تنشرون مشاهد للقصة يمكم
؏ حساباتمم وتسولها دعم لانُ تستاهل وتعبت عليها
كُلش، واني كُلش ممنونه من كُلش شخص نشر القصة
وكاعد ينصح الناس بقراتها بالتعليقات او يم كرايبكم

- القصة مو مختصرة بَس لغيت كم حدث اخاف
يجون يطلبون مني انو اسوي القصة كتاب حتى
اضيف احداث قوية ؏ كتاب ...

- ما اوصيكم بعد انشرو القصة يمكم وتفاعلو عليها
خلي تاصل اكثر من مليونين وتصير كتاب فخمم .

- احبكم كُلش وشكرا لتعليقاتكم الحلوة .

- قـنـاة الَـ تـلـيـگـرام اليوزر:
https://t.me/saja_husseiin

- يوزر انـستـا : saja_husseiin

﴿ وَاذْكُر ربك إِذَا نَسِيتَ﴾
- سُبحان الله
- الحمدلله
- الله أكبّر
- أستغفر الله
- لا اله الا الله