ဂျေးမနက်စောစောအိပ်ယာနိုးလာခဲ့သည်။ မနေ့ညက သန်းခေါင်ကျော်မှအိပ်ပျော်သွားခဲ့သော်လည်း ဒီနေ့ ကောင်လေးနဲ့အတူအချိန်ကုန်ဖို့သာတွေးထားသည်။ ညနေကျရင်တော့ ဆေးရုံသွားရမည်ဖြစ်သည်။
ဂျေး ရေမိုးချိုးပြီး၍မနက်စာပြင်ဆင်နေချိန် ဂျိတ်ခ်သည်အိပ်ယာမှနိုးလာခဲ့သည်။ သူ့အားမသိချင်ယောင်ဆောင်ကာ ရေသောင်နေသောကောင်လေးအား သူကပင်စကားစလိုက်တော့သည်။ အပြုံးနုနုအားဆင်မြန်းရန်လည်းမမေ့ပါ။
"ဂျိတ်ခ်...ဒီနေ့ဘယ်သွားဖို့ရှိလဲ"
ရေခွက်အား အသာချကာသူ့အားလှည့်ကြည့်လာသောကောင်လေး။
ဘုရားရေ.....။ မနက်နိုးလာသောကောင်လေးသည် ရှုပ်ပွနေစောဆံစလေးများအား အသာသပ်တင်လိုက်သည်မှာ ခွေးပေါက်လေးတစ်ကောင်နှင့်ပင်ဆင်တူနေလေသည်။ ထို့အပြင် ၀တ်ထားသော အနက်ရောင်စွပ်ကျယ်လေးသည် ကောင်လေးလက်မောင်းရှိ ကြွက်သားတောင့်တောင့်များအား လှစ်ဟင်းပြနေသယောင်။
"ဘယ်မှတော့သွားစရာမရှိဘူး...ဘာဖြစ်လို့လဲ"
ဂျိတ်ခ်၏အသံကြားမျှသာ သတိ၀င်လာတော့သည်။ ဂျေးသည် သူတွေးနေမိခဲ့သောအတွေးများကြောင့်လည်း ရှက်လာကာ အရှက်ပြေချောင်းတစ်ချက်ဟန့်ကာ...။
"အဟမ်း....ဘာမှတော့မဟုတ်ပါဘူး။ ကိုယ်ဒီနေ့တစ်ရက်ခွင့်ယူထားတာ။ အဲ့တာအဆင်ပြေရင်ကိုယ်နဲ့တစ်နေရာလိုက်မလား"
ခပ်တိုးတိုးသာမေး၍ ကောင်လေးအားအသာခိုးကြည့်လိုက်သည်။ ကောင်လေးသည်စဥ်းစားဟန်ပြုပြီးမျှသာ..။
"ဘယ်လဲ"
ထိုအခါမျှ ဂျေးသည်တက်ကြွစွာ ထိုကောင်လေးအားကြည့်လိုက်သည်။
"ကိုယ်တို့ shopping ထွက်ရအောင်။ ခနနေသွားလို့အဆင်ပြေလားဟင်"
ကောင်လေးသည်တစ်ချက်ခေါင်းညိမ့်ကာ နားလည်ဟန်ပြု၍ အပေါ်တက်သွားလေသည်။ ဂျေး၏နှုတ်ခမ်းပါးထက်၌ အပြုံးလေးတစ်ခုဖြစ်ပေါ်လာခဲ့သည်။ shopping ထွက်မည်ဟုသာပြောလိုက်သော်လည်း ဒီနေ့တစ်နေကုန်ထိုကောင်လေးနှင့် အချိန်ကုန်ဆုံးနိုင်ရန်အတွက် အကြောင်းများရှာရဦးမည်ဖြစ်သည်။
☆☆☆☆~~~~~~~~☆☆☆☆~~~~~~~~☆☆☆☆
"ကျုပ်မောင်းမယ်"
စွပ်ကျယ်အဖြူလေးအားအောက်ခံထား၍ Blazer အနက်ကလေးနှင့် Style pant အနက်ကလေးအား၀တ်ဆင်ထားသောကောင်လေးသည် အလွန်ကြည့်ကောင်းပါသည်။ ဂျေးကတော့ ထွေထွေထူးထူးမ၀တ်ထား။ polo shirt အ၀ါနုရောင်နှင့် ဂျင်းဘောင်းဘီပွပွသာ။
Shopping centre သို့ရောက်သောအခါတွင် အင်းကျီဆိုင်တစ်ဆိုင်သို့ ဂျေး၀င်သွားတော့ အနောက်မှလိုက်လာသောကောင်လေးလည်း၀င်လိုက်လာမည်ကို ဂျေးသိပါသည်။
"ဂျိတ်ခ်....ဒါလေး၀တ်ကြည့်ပါလား"
ကောင်လေးသည်သူ့အားတစ်ချက်ကြည့်၍...။
"ဒါမျိုး tunkle neck တွေရှိတယ်။ အင်းကျီအစား နာရီဘဲ၀ယ်ပေး"
ထိုသို့ပြောကာ အရှေ့မှထွက်သွားသောကောင်လေးအား ကြောင်ကာကြည့်နေမိသည်။ အခု သူ့အား အင်းကျီမဟုတ်ဘဲ နာရီ၀ယ်ပေးရန် ပြောသွားသောကောင်လေးသည် အရင်ကကောင်လေးမှဟုတ်ပါရဲ့လား။ ဂျေး ခပ်ဟဟတစ်ချက်ရယ်မိပါသည်။
"ဂျိတ်ခ်...ကိုယ့်ကိုစောင့်အုံးလေ"
ထိုသို့ပြောကာ ဂျိတ်ခ်နောက်အပြေးလိုက်သွားရပြန်ပါသည်။ ထို့နောက် နာရီဆိုင်လေးအားသူတို့ရောက်လာခဲ့သည်။
ဂျိတ်သည်နာရီများအားမရွေးတတ်ပါ။ ထို့ကြောင့် ဂျေးအား....။
"ခင်ဗျားဘဲရွေးပေး...ကျုပ်မရွေးတတ်ဘူး"
ရွေးပေးရန်ပြောတော့ ထိုလူသည်သူ့အားမယုံနိုင်သော မျက်၀န်းများဖြင့်ကြည့်လာသည်။
"ကိုယ်အဆင်ပြေတာရွေး၀ယ်လိုက်မယ်လေ"
ထိုသို့ပြောပြီးနောက် တက်ကြွစွာ နာရီများအားကြည့်နေလေသည်။ ထို့နောက် အရောင်း၀န်ထမ်းများဖြင့် စကားပြောလိုက် ရွေးလိုက်လုပ်နေသော ထိုလူသည် ဒီနေ့အလွန်ချစ်ဖို့ကောင်းနေသယောင်။ Suit ၀တွစုံအပြည့်ဖြင့်သာ မြင်ရသောထိုလူ၏ပုံရိပ်နှင့်အလွန်ကွာခြားနေ၍ ဖြစ်မည်ထင်သည်။
သို့သော်လည်း ဖုန်းထဲသို့၀င်လာသောမက်ဆေ့ချ်တစ်စောင်ကြောင့်အတွေးတို့ရပ်တန့်သွားလေသည်။
"CEO...ခနနေ ဆယ့်တစ်နာရီကျရင် အရေးကြီး meeting ရှိပါတယ်ရှင့်"
ဂျိတ်ခ်ထိုအကြောင်းကိုမေ့သွားခဲ့သည်။online meeting မဟုတ်ဘဲ ကုမ္ပဏီသို့သွားရမည်ဖြစ်သည်။ သို့သော် ဆယ့်တစ်နာရီထိုးရန် ဆယ်မိနစ်သာလိုတော့သည်ဖြစ်သည်။ ဒီနေရာနှင့် ကုမ္ပဏီသည်သိပ်မဝေးပါ။ သွားလျှင်မှီသေးသည်။
အတွင်းရေးမှူးဖြစ်သူအား ပြန်လိုက်သော မက်ဆေ့ချ်တစ်စောင်အား ဂျေးသာမြင်ခဲ့လျှင် ထခုန်နေလောက်မလား။
"ကိုယ်မေ့သွားတယ်။ ညနေဖက်ရွေ့လိုက်ပါ။ အရေးကြီးကိစ္စရှိလို့ မလာဖြစ်ဘူး။ ဘုတ်အဖွဲ့၀င်တွေကို တောင်းပန်တဲ့အကြောင်းပြောပေးထားပါ"
ထို့နောက် အတွင်းရေးမှူးထံမှ၀င်လာသော စာ...။
"ကောင်းပါပြီရှင့်။ ကျွန်မသေချာပြောပြထားလိုက်ပါ့မယ် CEO"
ထိုအချိန်တွင် ဂျေးသည်သူ့အနားရောက်လာကာ နာရီဘူးလေးအားကမ်းလာခဲ့သည်။
"မင်း သဘောကျပါ့မလားတော့မသေချာဘူး။ မင်းကြိုက်လောက်မဲ့ဟာ ရွေးလာတာဘဲ"
ဂျိတ်ခ်လည်း ဘူးလေးအားယူကာဖွင့်ကြည့်လိုက်လေသည်။ ထိုအခါတွေ့လိုက်ရသော Rolex နာရီအမဲလေး။ ဂျိတ်ခ်သည် အဖေဖြစ်သူ၀ယ်ပေးထားသောနာရီလေးအား ပျောက်နေခဲ့သည်မှာအလွန်ကြာခဲ့လေပြီ။ နာရီမပတ်ဘဲမနေတတ်သည့်သူ့အဖို့ နည်းနည်းကသိကအောင့်ဖြစ်နေခဲ့သည်။ သွားလျှင်လည်း နာရီမရွေးတတ်သည်နှင့် မသွားချင်သည်မို့ မ၀ယ်ဖြစ်ခဲ့။
"ကျေးဇူးတင်ပါတယ်"
ဂျေးသည် ဂျိတ်ခ်အားကြည့်ကာ ဖွဖွပြုံးလိုက်လေသည်။ ကောင်လေးက သူ့အပေါ်ခပ်ဂျစ်ဂျစ်လေးဖြစ်သော်လည်း ယဥ်ကျေးသောကောင်လေးဖြစ်သည်ကိုသူသိပါသည်။
"အမြဲပတ်မယ်မလား ဂျိတ်ခ်"
ကောင်လေးကသူ့အား "အင်း" ဟုအဖြေပြန်ပေးလာသည်။ ထို့နောက်မရည်ရွယ်ဘဲ ဂျေး၏လက်သည် ကောင်လေး၏သပ်တင်ထားသောဆံပင်လေးများထံသို့ရောက်ရှိသွားသည်။
"မင်းကချစ်ဖို့ကောင်းတယ်ဂျိတ်ခ်။ ကိုယ်တို့မုန့်သွားစားရအောင်လာ"
ဒီနေ့ဒီလူ အရမ်းရဲတင်းနေတာမဟုတ်ဘူးလား။
"ကျုပ်ကလေးမဟုတ်ဘူး။ ဆံပင်ဖွတာတို့ လက်ဆွဲတာတို့မလုပ်နဲ့"
"ဒါဆို ကိုယ့်လက်ကိုမင်းကဆွဲထားပေါ့"
ဂျေးသည် စကာပြောလိုက်သည်ဖြစ်သော်လည်း သူ့လက်အားဆွဲလာသော ကောင်လေး၏သွေးစိမ်းကြောလေးများရှက်ဖြာနေသော လက်ဖဝါးနွေးနွေးတစ်ဖက်။
ထို့နောက် ဂျေးမြင်သည်သာမှန်လျှင် ကောင်လေး၏နှုတ်ခမ်းစွန်းလေးများ ကွေးညွတ်သွားသည်။
ဒီရက်ပိုင်းတစ်အားမု၀င်နေလို့ရေးလိုက်ပြီ 🤭။ ဒီအပိုင်းက ချိုချိုလေးနော်။
17.4.24