واذكر ربك إِذا نسيت
-سبحان الله - الحمد لله -لا إله إلا الله
.......بيت أبو جاسم.......
جالسات بصاله ويتقهوين وسوالف تدور بينهم ' وقفون سوالف أول ماسمعون صوت ليث الرجولي من باب الباب : ياولد!
ميسه إللي وقفت بذات العجله وراحت غرفه جوري ' بعد انفصال ابوها وامها بعد السالف إللي صارت من سبب ميس صارو يعيشون بيت أبو جاسم بما انه الأخ الاكبر ' ام جاسم شافتها وقفت وراحت غرفه بنتها نادت ليث بصوت عالي : ادخل يمك " دخل ليث وشاف امه وعمته وجوري حط اسر على الأرض من حضنه وهتف : صبحكم الله بالخير
الكل إللي رد وهم يناضرون فيه : صبحك بنور.
ام جاسم بذات الحنون ؛ تعال يمك اشرب قهوه
ليث بذات النبره الهادئه : لا بخذ من برا.
أم ميس بطرف عينها تناضره وقالت : ولا ليكون ماتبي تتقهوا لاني موجوده ياولد اخوي؟!
ناضرها وهتف بذات النبره الحاده وصوته الرجولي : لو كنت عشانتس كان تكلمت!
ام جاسم إللي كانت تناضر ولدها لفت راسها لام جاسم إللي تكلمت بصوت عالي : هذا بيت اخوي يابو اسر لو كنت عايشه عندك كان يعلم الله وش بتسوي فيني!
ليث بذات النبره الحاده: صوتس لا يرتفع وحترمي البيت إللي جالسه فيه!
ام جاسم بتصريف لا تكبر المشكله بينهم وعيونها لليث إللي عاقد حاجبيه بذات الحده : ليث يمك روح دوامك لا تتاخر.
أبو جاسم إللي خرج من غرفته على صوت اخته وقف باب الصاله ثواني وهو يناظرهم بتنهيده وهو يناضر ليث : اخرج دوامك " ورد النضر لخته عاليه وقال : عاليه ياخوس البيت بيتس.
ليث الي خرج بذات الصمت لان عمته من حين تطلقت وسكنت عندهم صارت تعاير ليث بكل شي.
ام جاسم شافت ولدها خرج وناضرت عاليه ونطقت بهدوء : عاليه شفيس صلي على نبيس
ما مد ام جاسم تكمل كلاهما الى وام ميس تنفجر بكاء وتناضر اخوها : اذا ماتبوني اجلس عندكم بخرج من بيتكم وروح أنا وبنتي نعيش بشوارع.
أبو جاسم وهو يتقدم بخطواته ويناضرها ويهتف بذات الحنان : ياعاليه محد قالس مايبيس معنى وهذا البيت بيتس ونتي الجالسه وحنا الطالعين.
ام جاسم اعطته نظره بنعنى وش تقول هاذي عاليه اختك والله لا تطردنا من البيت صدز " أبو جاسم شاف نظرات زوجته وعطاها نظرها هدي وكمل كلامه وهو خارج الحوش : جوري يابوي زهبين لي شاهي وجيبه لي للحوش.
جوري وقفت وهتفت وهي تشوف ابوها إللي خارج : ابشر من عيوني.
........بيت سهيل.......
واقف امام المرايه يلبس ثوبه يروح دوامه ووجود بجنبه وبيدها الشماغ وتناظره وهي مبتسمه شاف ابتسامتها من عاكس المرايه ابتسم ولف راسه لها وضحك بذات الضحكه العذبه " اختفت ملامح ابتسامتها وقطبت حاجبيها وهتفت وهي تضرب كتفه : سهيل شفيك ؟ سهيل بذات الضحكه العذبه وهو يمسك وجها بكفيه ويقبل حاجبيها : أنا إلي لزوم اسالتس شفيس؟
وجود وهي تحط كفيها على يد سهيل إللي ماسك وجها وتهتف وهي مبتسمه : أبو سهج وصمتت
عقد حاجبيه وبعد يده من وجها ونطق : وش ابو سهج ؟
وجود ابتسمت وهي تشوف الصدمه بوجهه اخذت يده وحطتها ببطنها ولزمت الصمت ليرتفع صوت سهيل بضحك ويهتف : لا تقوليها
وجود بضحك وهي ترفع حاجب : وش إللي لا اقولها ؟
سهيل اختفت ضحكته تدريجيا وكتفى ببتسامه وهو يمسك كف يدها وشد عليه : حامل ؟
وجود ضحكت وهي تهز راسها بايه ارتفع صوت سهيل بضحك بكل انحا الغرفه وهو يضمها لصدره ويقبل راسها : احلفين ياوجودي
وجود وهي تضحك وتبادله الحضنه : ايه.
........في المغفر.........
دخل ليث بكل هيبته وهتف بذات الصوت الرجولي وهو يشوف الضباط جالسين بمكاتبهم : صبحكم الله بالخير
الكل إللي رد عليه بذات الاحترام : صبحك الله بنور
ما مدى ليث يجلس على مكتبة إلى ويوقفه صوت الضابط عساف واللي يعتبر مقام ابوه رجال كفو بكل معنى الكلمه ضابط كبير والكل يعرفه بطيبته ونخوته ورجولته : ليث انت واسر ومنصور عندكم الباتسر مهمه'
صمت لثواني وهو يناظر اسر ومنصور إللي كانو صامتين ورجع يناظر الضابط عساف وبكل ثقه وثبات قال : تم وش من مهمه عندنا ؟
الضابط عساف وهو يجلس مكان اسر إللي وقف احتراماً له ويجلس
مكان اسر وناضر ليث وقال : حي الضاهيه "
رفع حاجبيه باستغراب هتف اسر وعيونه على ليث: على ماظن هذا الحي مهجور ومحد يروح له!
الضابط عساف اجابه بثبات : وصلتنا معلومات في تجار يهربون يخبون بضاعتهم هناك"
ليث بذات الثبات الاحترام : ابشر والساعه كم نروح له ؟
الضابط عساف : على الساعة تسعه
اسر وليث ومنصور بذات الصوت الواحد : ابشر.
...... بيت ابو جاسم.......
وقف سهيل سيارته الرانج بحوش بيت أبو جاسم ولف راسه لوجود إللي ناضرت فيه وهتفت بفرحه : ببشر اهلي وانت بشر اهلك
مسك كف يدها وقبله ونطق : أنتي اطلبي طلب " بروح دوامي وإذا رجعت بروح لهم وعلمهم.
وجود : طيب استودعك الله ونزلت من السياره" ناظرها سهيل لحد مادخلت ابتسم وفرحته لا تسع شي بخبر حملها وحرك دوامه.
.......الديره........
جالسات بالحوش بعز القايله ويشربين شاهي وياكلين فصفص ناضرت سوير وسلمى اللي يشريين شاهي وعيونهن لحوش بيت أبو نوير هتفت اريج وقالت : فيكم شي ؟
لفت سوير وسلمى لاريج ونطقت سوير : لا بس ماتحسين حرام نوير تاخذ رجال كبر ابوي وبوش؟
سلمى بتنهيده وهي ترمي الفصفص من يدها : حنا وش دخلنا وهي حر بنفسها وحياتها.
هتفت اريج بذات العصبيه وهي قاطبه حاجبيها : لا ماهي حره في حياتها " ولا تنسون يمكن ابوها جابرها!!
سوير وهي تهز راسها : اتفق معش يابنت عبدالله
اريج ناضرت فيهم ونطقت وهي تضرب ركبها : نروح نشوفها ؟
سلمى بحده نطقت : لااا نسيتين كيف طردتك امها وهي من بيتهم أو تبي اذكرك ؟
قطبت حاجبيها وهي تتذكر كيف راحت لهم وطردوها هفت وقالت : عسى الله يوفقها وصمتت.
........عند وعد........
جالسه باحد البيوت المهجوره المنعزله بالغرفه جالسه وحيدة بالغرفه الكئيبه تنهده تنهيده طوووويله وهي تناظر ببطنها إللي دخلت الشهر الثامن وماتعرف مصيرها ومصير إللي بحشاها" غمضت عيونها وهي تتذكر كل إللي حدث لها فتحتهم بذات الرعب والخوف وطار " على بالها كيف بتولد لحالها وبهذا البيت المنعزل ٫ وسعت عيونها بخوف وهي تتخيل تموت وهي تولد طفلها وش بيكون مصيره وقفت كل تفكيرها وبكل تعب وقفت وراحت عند الديرشه " لعلى وعسى أحد يمر ويشوفها ويخرجها من الحال إللي فيه نزلت راسها بنكسرا لبطنها وهتفت وهي تبكي وبوجع : وش بذنب هذا الطفل إللي متعذب قبل يخلق.
........ بيت أبو جاسم.........
وقف ليث سيارته الجيمس فتح باب السيارة ونزل بكل فخامته ببدلته العسكرية إللي زاتده جمال واناقة مشى بخطوات ثابته وعيونه على الزرع إللي جف مع حراره الشمس ومن باب الباب هتف بصوته الفخم الرجولي الثقيل : ولد!؟
وجود ناضرت ميسه وهتفت : ليث برا روحين الغرفه " وقفت ميسه وهي تغطي شعرها وراحت غرفه جوري أم جاسم بصوت عالي : ادخل يمك" دخل ليث وشاف الكل جالس بالصاله وهتف وهو يناظر في ولده : السلام عليكم.
الكل إللي رد عليه : وعليكم السلام ورحمه
اسر وقف من الكنب وبذات الابتسامة وهو رايح لبوه : بابا
جلس ليث على ركبه وحده واخذ اسر جلسه على ركبته وهو يقبل خده وهتف بحنان : روح ابوك
اسر وهو يحوط رقبه ابوه ويقبل خده : بابا كيفك ؟
ليث بذات الابتسامه : بخير يبوي
أبو جاسم وهو يناظر ولده وولد ولده ووبتسامه نطق : الغداء عندنا يابو اسر.
ناظر ابوه وهو يشل اسر من ركبته ويوقف : لا بروح مع اسر المطعم
ابو جاسم بهدوء : طيب
وجود وهي مبتسمه هتفت : ليث مافي مبروك ؟
رفع حاجبيه بستغراب ونطق : على وش ابارك ؟!
وجود لفت راسها لامها إللي تكلمت وهي مبتسمه : اختك حامل الله يتمم لها على خير
كانت ليث عيونه على امه ولف راسه لوجود وهتف وهو مبتسم ويمشي تجاها وينحني ويقبل راسها بموده : الف مبروك ياخوس
الله يتمم لس على خير
وجود وهي تمسك يده وتبوسها : يبارك فيك ياروحي
ام ميس قطبت حاجبيها وهتفت من دون ماتحس على نفسها : حنون
الكل إللي سمعها واعطاها ليث ذيك النظره القويه وهتف بصوته الثقيل لولده : يلا يبوي
وجود وجوري إللي ناضرون عمتهم إللي صمتت وضحكون بخفه.
اسر إللي وقف وراح مسك يد ابوه وهم خارجين من باب الباب وقفون وهو يشوف اخته وبنت اخته إللي داخلات مثل المداهم احلام وهي تهتف بتعب وتمسك على صدرها وبصوت عالي ؛ وجود ياروح اختس وينس؟
حور وهي تكمل وبضحك : ياخاله وجود.
ليث تكلم بحده : شفيس أنتي وبنتس ؟
احلام وقفت وناضرت فيه وهي تلقط انفاس منتضمه وتكلم بصوت عالي: تعرف وجود حامل ؟
رفع حاجبيه ونطق : لا بالله واول من يحمل ؟
حور ناظرت امها ورجعت تناظر خالها وقالت : خالي شفيك ترا اختك لزوم تفرح لها.
احلام وهي تنحني تقبل خد اسر إللي يناظر فيها ومبتسم : خالس الله يهديه بنشوف اذا تزوج وحملت مرته وش بيقول.
ليث إللي طار فكره ل اريج بنت خالته إللي صارت امه تحن فوق راسه ياخذها بس ليث رافض فكره الزواج وشايلها من راسه بس من طرت احلام زواج وحمل راح تفكيره ل اريج هز راسه يبي يشيل الفكره من راسه وهو يمسك يد اسر ويبي يخرج : ادخلون وصواتكم لا ترتفع
حور ضحكت وهي تدخل ورا امها إللي دخلت وهي تزغرد وتضحك .
.....عند سهيل.....
جالس بمكتبه وعلى كمبيوتره ويشتغل بكل حب لمهنته التجاره بسيارات وقف كل شغله وناظر جواله اللي وصلته رسالة " ابتسم ويعتقد بانها حبيبته وزوجته واللي بتصير ام طفله رفع جواله ودخل الواتس اختفت ابتسامته وقطب حاجبيه بصدمه وهو يشوف الكلام إللي جاه" وكان عباره عن ( سهيل والله احبك ' تكفى لا تتركني " واعرف بنك تحبني) بذات الصدمه رد : نعم ؟ نعم مين!؟
لترد عليه ( حبيبتك نسيت ياسهيل) غمض عيونه بصدمه وفتحهم وهو يتذكر ولا مره حب بنت غير وجود ولا مره مكلم بنت وكيف تقول هاذي حبيبتك!! حذف المحادثة بكل خوف لا تشوفهم وجود وتصير مشكله وسكر جواله.
....... بالاستراحه.......
جالسين وفاتحين بث تيك توك" سلمان وهو حاط يده على التكايه إللي تفصل بينه وين عبد الرحمن اللي منسدح وتميم بجنب ويسولفون مع متابعينهم " ابتسم عبد الرحمن وجلس وهو يعدل جلسته وهو يشوف حساب يدخل ومتاكد بنها هي حبيبته والي يحبها بنت عمه جوري" ضحك وهو يفتح سالفه ويطقطق على سلمان وتميم إللي انصدمون وش التغير إللي صار عليه " ناضره توامه سلمان وهتف بضحك : وش جاك ياولد ؟!
عبد الرحمن ببتسامه وهو يناظر توامه : ولا شي
تميم بضحك ؛ يلا خلاص سكرون البث صار لنا ساعه فاتحين
عبد الرحمن بضحك : شوي اصبر اخلص سالفتي!
سلمان بضحك وهو يودع متابعينهم وينهي البث " تميم وسلمان ناضرون عبد الرحمن اللي انسدح على ضهره وحط يده بقلبك وتنهد وهو مبتسم" ضحك سلمان بصوت عالي وهتف : وش جاك ياولد ؟
عبد الرحمن وهو مغمض عيونه وبتسم : اص اص لا تتكلمون
سلمان ناضر تميم وضحك وكمل كلامه وقال : عندك حركات هاذي الايام مو مفهومه!! قولنا ياولد وش فيك ؟
عبد الرحمن ولازال مغمض عيونه وبتسم : اقول اص وخلوني اسج على طاريها.
ناضرون بعض ثواني لترتفع اصوات ضحكم على كل الستراحه " فتح عيونه وجلس ونطق : شفيكم ؟
تميم بصوت ضحكه العالي : أنت إللي وش فيك ؟
سلمان وبضحك وهو يضرب كتف عبد الرحمن : توامي يحب وأنا مادري!
عبد الرحمن وهو يوقف ويخرج من الستراحه : يمكن ليه لا
ناضرون بعض ووقفون وخرجون ورا عبد الرحمن إللي خرج وهو يغني.
........ المساء بيت ليث.........
تنزيل الرواية على حسب تفاعلكم☄️