قيود_ " خلف القضبان "
الكاتـَبة:- ايـَات رسـُول 🧡
تصويت وتعليق بين الفقرات+قراءة ممتعة!
يكول:-مَا بَرُد عَنِك حِنينِي
گلبَيّ ابَد مِا گليّ
انِسى شمَا ،
حِصل بَينِك وبَينِي
حُبي الِك ضلّ هّو نِفسهَ
يَا حِبيبَي و يَا حِياتِي
مَا اليّ غيَرّك حِبيّب
لوّ تِغيّب شوّيَة عَنِي انَيّ
احِس رُوحِي تِغيّب
انَيّ احِبّك انَيّ اريَدِك
يَا حِبيبَي و رُوحِي
بَيدِك .
«ــــــــــــــــــ«•»ـــــــــــــــــ»
عفتها تحجي براحتها وطلعت من الغرفه حتى وجودها ما طايقه صرت كل ما اشوفها اكرها واقرف من اليوم الي فكرت وحبيتها بي وكفت يم الولد لحد ما انختم
هذه اليوم ويه عياط ماهان وهوه يريد يروح يحجي ويه هازال لزمت ايده واردفت بهدوء:-
-خليها على راحتها انتَ عرسي جديد ما صارلك كم اسبوع روح المرتك لا تخليها تنتظرك
-شبيككك يامان شنو هذه البرود الي عندك هازال هاي هازال الشكره مالتي شلون تزعل مني راح انجلط
طلعت ريري تصفك وكفت بصفي واردفت:-
-بس دخلي تسمعك حبيبة القلب اذا ما سوتك عشرين وصله معتبه
-انتِ انجبي وبسرعه اتصلي عليها
-ما تجاوب شسويلها اوي شبيك
-ماهان ماكو داعي لكل هذه الحجي روح شوف مرتك واستر علينه
-ما اتحرك اذا ما ريري تتصل على الشكره
نفخت ريري بضجر وطلعت تلفونها اتصلت على هازال بس تلفونها مغلق رجعت اتصلت على النت شوي وصار يرن فتحت الخط اشرلها ماهان تفتح سبيكر فتحت سبيكر واردفت :-
-الوو هازال وياي
ردت هازال بس بصوت غريب:-
-وياج ريري
-شبي صوتج ؟؟
-ما بي شي بس تعبانه من كد الفره انتِ تريدين شي داكه عليه ؟
-لااا ما اريد شي روحي ارتاحي اذا تعبانه
-تمام حبيبتي سلميلي على الكل وكليلهم تكول هازال اعذروني ما كدرت اجي
حجت هذه الكلام وسدت التلفون خلت التلفون بجيبها واردفت:-
-ارتاحيت
-هازال صوتها مو طبيعي اكو شي؟
-اني هم اكول
-مو كتلك خلي اروح اشوفها بس ما قبلت
_اذا طلعلك ابوها شتكلها جاي أشوفها
-اسكت يامان رحمه الموتاك
لزم راسه ماهان يريد يهدء بس ماكو ما يفيد دخل للبيت كعدت على الكرويته الموجوده بالحديقه وخليت رجل على رجل باوعت عليه ريري واردفت:
-رجحان شتسوي بغرفتك؟
خليت عيني بعينها واردفت بكل صراحه :-
-تحبني وصعدت للغرفه تشوفني
-يامان احجي عدل؟
-لسانج ريري
-مو فتيت كلبي غير تحجي شتسوي رجحان بغرفتك عندك شي وياها؟
-شعليج واصلا منو انتِ حتى تحاسبيني
-هذه الكلام ما يفيد يامان البنيه طلعت من غرفتك تبجي لو شايفها احد غيري
-تجسسين عليه لو شنو ؟
-لااا والقران بس بالصدفه شفتها طالعه من الغرفه
-عايني عليه ريري هذه الشي يخصني ممنوع مره الثانيه تدخلين او تسئلين عليه خوش نشوفينها تبجي تموت مالج دخل
-تحجي صدك هاي عود انتَ الفاهم؟؟
-اني اعرف شي انتِ ما تعرفي فـ اسكتي احسن الج
عدلت وكفتي وطلعت من البيت هيه دخلت للبيت بدون كلام زايد صعدت السياره واتجهة للمكان الي يرتاح بي كلبي طفيت السياره ونزلت قفلتها وتمشيت على كيفي وكفت كدام الجسر وسترجعت ذكرياتي القديمه والماضي التعيس .
(العوده الى الماضي )
انتبهت على نفسي وبسرعه زحت عيوني اجتي امهم تسولف وتضحك وياهم مثل امي روحها رياضيه بس التعب مبين على عيونها صاحتني اجي اكعد يمهم ايتحيت اروح اكعد وبنتهم كاعده غمزلي عمي واتقرب عليه لزم جتفي واردف:-
-بويه لا تستحي اعتبرها مثل اختك واكعد وياها
-لا عمي عيب منك ومن اخوتها
غمزلي نعمان واردف:-
-لك يمون دك وزن وتعال اكل لا اكوم اطبك الصينيه على راسك
-مو اجيك
-نعمان شلون هيج تحجي ويه المهندس الله يطيح حطك كوم دكه بالنعال
-ولكككك صكبان عيببب هيج تحجي بويه
-عادي بويه يمون ما يزعل
-مو بس اجيك اسويك ليمون
-هذه اسمك منين جايبه حتى دلع ما اله
-جبته من السومان يعني منين جبته
-شبيك نعمان شهل سؤال الي ما اله جواب
-لاا شباب اسئلتي كلها الها جواب بس انتو ما تعرفون تجاوبون
-لاا تضل تهوبزز كافييي راسنا دايخ نريد ناكل
دفعني عمي على السفره خلوها بالحديقه هيه مادري وين راحت دخلت للبيت انتبهت على نفسي مره ثانيه وزحت عيني اكلت ورجعت الشغلي ضلينه نشتغل ويه
الولد وبسرعه بسرعه كملنا كلها صارت ضحك وشقه وسولف نعمان بقه بس الصبغ والحديقه دخل مهدي وصكبان وماهر بيدهم صبغ نزلوهن بالكاع واردف صكبان :
-هاا شباب نبلش لو نرتاح
-اني اكول شغلونه مسجل نعمان خلي يتشاقه ويضحك ويسولف واحنا راح نخلص
ركض عليه نعمان باس راسي واردف:-
-اموت على ربك
ضربته على علباته واردفت:-
-حيوان لا تبوسني من ركبتي اتنرفز
-اويلييي عليك يالنازوكي يتنرفزز
-يموننن يترفزززز اوي اوي
-والحسين الشهيد يا نعمان اجي انوم الفرشه براسك كافي مضرطه
-لااا مو هيجج صكبان شبيك
-اجي اشكك
-حتى بس توصلني اشكك انتَ والزعيم
-الزعيم اصلا من الاصل مشكوك ما يحتاج تشكه
-جا اشكك انتَ وماهان
دخل ماهان للبيت واردف:-
-سمعت اسمي .
صفك بأيده نعمان وغمه بأيده :-
-ذكرنه الخر** اجاك مطوف
-اشتعلت عشيرتك نعمان على هاي السالفه
ركض ماهان وره نعمان يريد يكتله فر البيت فرر احنا فتحنه القواطي وبلشنه نشتغل دخلت اني على غرفت بنيه لان من شتغلت جانت بيها صوره مال طفله صغيره
خليتها على الجامه اتقربت من الجامه واخذت الصوره احس الي بالصوره تشبه البنيه الي ديفكر بيها دائما الي هيه بنتهم حسبت على الباب انفتح دخل نعمان وأتقرب وكف بصفي واردف:-
-شدتسوي
رفعت الصوره واردفت :-
-لكيت هاي الصوره واكعه بالكاع تعرفها مالت منو ؟
سحبها من ايدي بكل قوه واردف:-
-لك هاي مال اختي رجحان وين لكيتها
صفنت عليه واردفت :-
-مادري لكيتها مشموره من سوينه البيت
-هم زين لكيتها جان كلبت البيت رجحان
-كافي نعمان خلي نشتغل ضم الصوره
ضم الصوره نعمان واردف:-
-انتَ خوش زلمه اخذلك وحده من بنات عمي
-اليوم اسمط ايو عشيرتك تعال عليه
شلت الماسحه وركضت وراه البيت كله شمرت الماسحه عليه واردفت:-
-بس دخلي الكطك بأيدي اذا ما تويت عارك مو ابن ابوي
-لااا ابن امك تطلع
نزع نعالته وركض وره صكبان عفته وصهدت للغرفه اكملها بس تذكرت نعمان كال اختي رجحان وهمه ما عدهم غير بس اخت وحده يعني الي اشوفها افكر بيها دائما اسمها "رجحان" اسمها نادر وحيل غريب بس حلو
احب الاشياء النادره اني ابتسمت وبلشت اشتغل بسرعه بسرعه خلصت الغرفه الولد خلصو الغرف الفرك نزلنه على الديوان مالتهم حيل جبير وعمي يريد تصميم بي حلو وحركات بلشنه نشتغل الصبغ ضحك نعمان واردف:-
-مال واحد يشيل سطل الصبغ وكبه على يامان
-اني شكوو عليش عفت الكل واختاريت بس اني
-لان احبك تعال ابوسك حبيبي
-حبتك حيه ركطه كون
-لاا حبيبي لا تصير قاسي وياي ما اتحمل اني
-اني يوم يومك ولك اسكت فضحتنا
-حبيبي اريد ابوسك
باوع صكبان على نعمان واردف:-
-تريد ابوسك اني
-لااا اني ابوسك انتَ بوستك تشفط وحهي
-خرب ساعة السوده الي عرفت بيها انتَ اخوي
-لااا هذه الكلام يمس مشاعري رجاءاً لا تحجي هيج
-نعال عليك وعلى مشاعرك
-حبيبي يمون هسه شكلت انطيك بوسه
-عندي شلون نعال قياس ٤٠ يلوك لهل حلك
-ادري ما تكلي رجل هايشه لو جاموس
-علساس انتَ ما تلبس ٤١
-لاا هذه منو!!
-هذه واحد من الشارع خطيه نزعت نعاله اريد اشوف القياس مال رجله وطلع مثل قياس نعالك
-العالم تطورت عمي انتَ وين عايش
-باليوزمبيق وين عايش يعني
-هاي وين اليوزمبيق اريد اروح سفره حتى اشوفها؟
-ما يحتاج تعال اني اوديك سفره غير شكل طول عمرك ما راح تنساها
-شني هاي السفره بله؟
لزمت الماسحه وبسرعه قبل لااا يشرد ضربته بيها ركض كصبان جتف ايده غزوان بس يباوع علينه ويضحك ركض مهدي ولزم رجلينه خاف يعافص شلت السطل مال صبغ بأيدي وتوجهت عليه نزلت المستوه نعمان واردفت :-
-اسويلك سفره بوجهك اخلي شهر كامل يختفي وبعدين عند يرجع
-بروح ابيك لااا ولك صاكر البنات بجمالي
-نعال على راسك وعلى جمالك هم
-حبيبي الغالي مو كلشي بالجمال
-عمي غير الناس تبجي طين عليه شتحجي انتَ
-هاي اول مره اسمعها شلون يبجون طين
-الانسان منين انخلق؟؟
-من الطين .
-خلص يعني الدموع الي تنزل من عينه هنه من الطين
-بابا شغلي هذه عقلك اذا ما تعرف شنو العقل يصير شكله مثل الجوز براسك شغله شويه وانتَ بعدين تبلش تستوعب المواضيع
-نعم لان للاسف عنده شكم موضوع ما مستوعبهن وجاي يلوص بيهن
-هسه عوفك من العقل اريد الطخ هذه الوجه الجميل
-لااا بروح الماتولك
-محد ماتلي بعدهم كلهم عايشين
صاح نعمان يريد واحد يخلصه بس ماكو لا حياة لمن تنادي لزمت الفرشه وخليتها بالصبغ انوب الصبغ ابيض يبوو يطلع يخبل طلعته من الصبغ وخرت بقايه الصبغ واردفت:-
-بعد ما واح اخلي هذه الصبغ غلى وجهك مستقبلك راح يدمرر
-انتَ بس وخررر عني اذا ما شويت عشيرتك
شويي اني اطلع كوا**
-ماكو داعي تشويهم لان انتَ بالاصل كو**
-لك صكبان اني اخوك
-ما اعرفك اني
-خييي وعضمني كون بالسل الي يسل راسك وبطنك
-اسكت بلا لغوه زايده
-لكككك يااامااان
ضحك ماهان وغزوان على نعمان قربت الفرشه على صكته وشويه خليت عليه هوه كلبها مناحه انوب صوته من يعيط عبالك بنيه مو ولد :-
-ولكككك صوتكك ابن الحلووو
-ولككككم يمممه الحكوليييي راحت كصتي
-من كون الغسل الك والكصتك
-وخررر عنييي ولك وخررر يمهه راح اموت راحت بنين وحنين يبووو بعد منو الهن بعدي
-ادري متزوج اخوات مطلقات
-ولك هذني مشيبات باب كلبي وهسه راحت كصتي راح يشيبن راس امي
-خليهن يخبزنك العوين يشوفنك انجوم الظهر
-ولججج يمه حنين ام كلب الطيب راحت من ايدي
-مو زلمه عبالك بنيه وتنعي كوم من كون خفه والغسل لهل جهره
-انعل يوم عشيرتك يا جلب يا مادري شنو
وخرت عنه ورجعت المكاني وكف يشوف نفسه ذب نفس براحه من تأكد الصبغ يروح كهد بالكاع مهدود حيله باوع عليه واردف:-
-من كون شلل بأيدك
-جيره بفركه كصتك
-اللهم اللعن لساني اذا قال شي فيه عيب
-هوه انتَ كلم عيب بقت على كلامك
ركض نعمان يريد يضرب مهدي بس ما كدر عاط بيهم غزوان حتى يكملون الشغل رجعو يصبغون واني انقش بالحياطين لان هوه بي تصميم حلو بس اصبغه يومين
وخلصنه الديوان دخل ابوهم يشوف البيت صار اكثر من شهرين نشتغل بي الابتسامه على وجهه شاف البيت كله وطلع باوع علينه واردف:-
-عاشت ايدكم وليداتي البيت وكلشي حلو
-تدلل عمي
-طلبك رخيص بويه وانتَ غالي علينه
-هذه منو يحجي
-هذه انا
-ياهوو انتَ؟
-اعرف ياهو انتَ وعود تعال اعرف ياهو انا
وكفت بصفه حيل وهمست بصوت ناصي: -
-ابوك واكف جان جريتك زيج
-استر علينه هوه احنا بالكوه مستورين
-ايي جا اسكت ولصم حلكك شويه بعد ورانه الحديقه
مال راسه عليه وخله على جتفي باوعت على ابوهم يحجي ومندمج ويه غزوان يحجي بخصوص الحديقه لان ما قبل اسويها اني يكول سويه وكفيت ويانه وما نكدر نجاريك حتى فلوس ما قبلت اخذ لان من صدك
حبيت الشغل وياهم الشباب روحهم رياضيه ويضحكون بوجه الكل ومحبوبين وماكو مثل اخلاقهم ودعتهم وطلعت للبيت دخلت وكل حيلي مهدود كبل سبحت ونمت من كد التعب مره اسبوع الحديقه.
خلصت مالتهم صارو ينكلون بالغراض ويشيلون اني ما كدرت اسوي وياهم لان سويت حجامه الظهري وعندي شغل خاص الزعيم منا يريد يجي ومع كل هذه.
وهيه شاغله تفكيري شكد حاولت افكر بغير شي بس هيه تجي بالي بسرعه لبست ملابسي ونزلت اكلت بسرعه وطلعت صادفت بطريقي نعمان يخابر بالتلفون من شافني اردف :-
-ياببه شوو مختفي ما نشوفك لو بس اشتغلت ويانه وخلص الله وياك يموني
-اعذرني نعمان والقران عقل ما ضال براسي الزعيم رجع ويريد الكل هناك والوضع صاير هوسه
-خير يا طير شيريد جاي؟؟
-اكيد يريد يسوي شي جديد
-انتم تشاركون وياه؟؟
-لاا شي اكيد بس هوه قبل لااا يتصرف اي تصرف يبلغ الكل حتى يكون الكل يعرف
-يعرف يفكر حتى من تصير مصيبه تكولون الزعيم
-بالضبط
-والله هذه الزعيم نجرر
-ولك اينشتاين ما يفكر مثل تفكيره
-يدرس كل خطوه يخطيها بدقه خطيره
-حتى ما يكون اكو غلط
-الله يساعدك ما اكول غير بس هاي
-نعمان اذا سئل عليه ابوك كله عنده شغل بعدين يجيكم
-لاا تخاف يمي
-وصله سلامي
-اعتبر سلامك وصل روح درب السلامه
ابتسمن على كلامه وياي وصعدت السياره توجهة لبيت خوالي واني الف فكره وكفره براسي ركنا سيارتي كدام الباب ونزلت دخلت بدون مقدمات وكعدت على التخم بعد ما سلمت على الكل :-
-صاير ما تنشاف
-لك كوا** هذه خشاف ما ينشاف
-نسور اللفاظك الزعيم هنا
-اسكت يلـ حبجي
-شلون يخليني اكوم افرك حلكه
-صوتكم اجه الزعيم
خليت رجل على رجل ورجعت راسي على القنفه دخل بكل شموخ وغرور كعد بصف متعب واردف :-
-اكيد كل واحد بيكم يعرف شنو سبب جيته لهنا ماكو داعي اعيد كلامي مل مره
-ماكو داعي تعيد كلامك لان كلنه حفظناه
-هذه منو هنا ابن اختي يامان المختفي؟
-احجي الي تريده بسرعه بدون لف ودوران
-صايره علاقتك قويه ويه بيت ابو نعمان
وكفت على حيلي واردفت :-
-شمعرفككك بييهممم؟؟
-اهدء خلينه نتفاهم ياعيني
-عن منو تحجون انتو؟؟
-بس يامان وماهان يعرفونها
باوعت على ماهان واردف - انتَ الي گتله
-يشهد ربي عليه ما كتله شبيك يامان
-يامان لا تسوي نفسك غشيم تعرف بيه ما يخفه عني شي لو يندفن جوه الكاع
-شتريد بيهم عوفهم بحالهم ؟؟
-انتَ الي شتريد منهم؟؟
-ما اريد منهم مجدر ساعدتهم وفقط
-ماكو غير شي
-لااا يكون خيالك واسع
-مو اني انتَ الي خيالك واسع وراح تعرف معنى كلامي زين من يصير كلشي كدام عيونك
-شقصدكك؟؟
-صوتك لااا ترفعه عليه مو جاهل اني
وكف يعدل بملابسه باوع علو الكل واردف:-
-الي راح يصير اخطر من الي راح يجي فـ الكل ياخذ حذره
طلع من البيت وخله الكل بحالت صدمه زين شمعرفه بيت ابو نعمان بس اني هم غبي هوه الزعيم ما يخفه عن شي ضربت الطبله بأيدي وطلعت صعدت سيارتي
وتوجهتة بطريقي مادري وين اريد اروح احس ايديني مربطه وكفت السياره كدام الجسر نزلت من السياره وسديت الباب ضربت التاير بكل قوتي واردفت بصوت عالي :-
-لللللليييششش ياااا ربييييي ليششش ديصيررر هيج ويانه
ذبيت ثكلي على البنيد كعدت بالكاع مهدود حيلي مر طيفها حن كدام عيني راح تخبلني هل بنيه اول مره بحياتي هيج بنيه تشغل تفكيري وعقلي ما اكدر اطلعها من بالي .
انهكني..
لقد انهكني التفكير..
فيما حصل و فيما يحصل و فيما سيحصل..ذالك العقل المريض لا يدعني و شأني ..
ألم يسبق لأحد منكم التفكير..؟
كم عمر هذا المجهول صاحب الرسالة ..يا ترى من اي بلد يخرج هذا الكلام ..
تعبت التفكير في اليوم صغيره و كبيره
التفكير في الماضي كبيره و صغيره
التفكير في المستقبل ..المجهول الذي لا يعلمه إلى الله سبحانه وتعالى..
كل شيء مبهم ..
نظرك أحيانا ان العمر مجرد رقم لن يقيس مقدار الحكمة ولا الجهل فقد نجد كبيرا جاهلا و صغيرا عالما ..
انفصام ..
ذالك الانفصام الغبي داخلي ...
هل هو جيد حتى ..
هل هو نقمة في حياتي وما هذه الذي يحدث في حياتي هل هوه شي جميل ام حزين هل هوه حب ام شي.
عابر او عادي وكفت على حيلي وصعدت السياره وصلت للبيت ردت ادخل لكن استوقفني عمي وكف بصفي واردف:-
-ابني شبيهن عيونك
-تعبان عمي
-من شنو تعبان ؟
-مادري عمي بس اكو شي ابالي وديتعبني بدون سبب اني عن نفسي ما جاي اعرفه
-تعال ابني اني هسه اعرف شبيك
حسبني من ايدي ودخلني للبيت كعدني بالحديقه واردف :-
-سمي بسم الله وليدي ولا تخاف
سميت بسم الله واردفت:-
-اعذرني لان كدرت اجي عليكم
-لاا وليدي شسالفه تعبك ويانه كافي وامك جانت قبل شويه هنا
-ايي مو هيه كالت اني اريد اروح عليهم فشله عيب
-لا وليدي لا فشله ولا عيب مثل ابني انتَ
-الله يخليك عمي
-هسه احجيلي شنو ديصير وياك؟
-اكو شي شاغل بالي شكد احاول افكر بغيره بس الكه نفسي لفكر بس
-شي مثل شنو؟؟
-يعني شلون اكلك
-عيونك حجت قبل لسانك
-ما فهمت؟؟
-تحب بنيه وتفكير بيها
صفنت بوجهي وسكتت شلون تريدين اكلك اني افكر بنتك ويمكن احبها انتبهت على نفسي واردفت :-
-شلون عرفت
-عيونك تلمع بالحب من زمان مركز بيهن
-وضحلي اكثر ما جاي افتهم؟؟
-انتَ تحب بنيه وما تكدر تشيلها من راسك
-عادي هذه الشي لو لاا؟؟
-امر جداً عادي انتَ مثل أي شاب يحب بنيه
-بس اني اول مره بحياتي احب بنيه لان البنات معدومات من قاموس حياتي ما عده اختي وامي
-لاا وايدي بالعكس الحب حلو الكل يحب
-ما مجرب هذه الشعور
-احلى شعور بالدنيا هوه الحب
-بس يخليني افكر ويشوش كل تفكيري حتى بشغلي ما اكدر اركز
-لاا هنا انتَ البنيه الي تحبها هموس بيها
-على بختك حجي اصلا صارلي هواي ما شايفها
-بس بالك يطبع صورتها وكل ما تنام او تكعد تشتغل تفكر بيها
-بس يمر طيفها كدامي اعوف كلشي حاوليه وافكر بيها
-ابني البنيه تدري بيك؟
-اصلا ولا معبرتني
-لاا هنا السالفه مليوصه
-كلش يعمي من كل الجهات
-تندل بيتهم
-اييي وعندي علاقه ويه اهلها كلهم جداً قويه
-عجل خلص وليدي اذا على البنيه تقتنع بيك روح واخطبها على سنة الله ورسوله
-خايف من ابوها ؟
-عليش خايف!
-هسه شيكول عليه حاط عينه على بنتي
-بس انتَ نظراتك جانت حلال
-عمي وغلاتك عندي حتى استحي اباوع عليها من كد ما اخاف عليها
-عفيه عليك ابني ونعمه البربيه
-والنعم منك عمي
-هسه شنو شراح تسوي
-حتى لو رحت خطبتها خوالي ما راح يوافقوني الرأي
-شنو السبب؟؟
-صح اني ما يهمني الفلتس وهذني الاسياء بس خوالي يهمهم هذه الشي
-دقيقه ابني من رخصتك هوه ومن راح يتزوج انتَ لو همه
-شي اكيد اني بس الزعيم ما يرتاح اذا ما يخرب فرحت واحد بينه
-ابني ما دام عندك ابوه خلص هوه ماله دخل بحياتك الشخصيه
-مو هيج قصدي اني اتزوجها وعصباً ما على الكل بس يخربون عيشتي وياها يخلونها تكرهني بدال ما تحبني
-انتَ جرب وشوف
-الله كريم عمي اني اروح ويصير خير
-فكر بكلامي زين
-انشاءالله
سلمت عليه وطلعت من البيت دخلت البيتنا وصعدت فوك كل حسمي يوجعني دخلت سبحت وكعدت على السرير افكر بكلام عمي زين هوه يكلي اعتبرها مثل اختك واني اعتبرها قطعه من روحي اييي نعم اني احب
رجحان ومن كل كلبي الارل مره بحياتي احب بنيه واسوي هيج علمودها فزيت على صوت مسج وصلني على التلفون وخرته عن الشحن وفتحته.
دخلت على الانستا طلب متابعه دخلت على المتابعين وضحكت من شفت حساب نعمان مخلي صورته على الانستا رديت المتابعه كبل راسلني :-
"هلاو ضلع"
"هلا بـ نعمان ليش مو هلا"
"سمعت من ابوي جانت هنا ليش ما دخلت جان كعدنه وسولفنه وضحكنه"
"تعبان ومالي خلك كعدت ويه عمي وحجيت لحد ما ارتاحيت بس بعد اريد احجي"
"ابوي يحب يسمع كلام الناس وينصحهم"
"الف رحمه على ابيه شكد نيته طيبه وكلامه مريح يخلي المقابل يحجي الي بگلبه كله"
"مطلوب حك ما دامك ما دخلت للبيت وضليت تحجي انتَ وابوي برا احتا زعلانين"
"ابشرو الي تريدونه اسوي اني حاظر "
"احب الي يسمع الكلام بدون نقاشات طويله"
"ابو النقاشات راح اجي اخلي التلفون براسك"
خله لايك على الرساله وطلع من المحادثه شويه ونشر دخلت على ستوريه حساب بنيه مسويتله تاك انصدمت من شفته راد التاك وكاتب "اختي الغاليه"
يعني هذه حساب رجحان دخلت عليه بسرعه واخذتله سكرين مسميته "رجو" مخليه بايو
"اكره اݪعصبيه وانا اڪَثر شخص #عصـبـʊ"
معقوله هاي البارائه كلها وتطلع عصبيه بس شحلاتها من تصير عصبي تخيلت نغسي واكف كدامها وهيه تعارك وياي وتحجي بعصبي تطلع تشك بعلي.
طلعت من الحساب وغلقت التلفون لكن افكاري الشيطانيه تلعب براسي بسبب الافكار الي تجي براسي سويت شي عمري كله تندمته مر يوم يومين شهر .
واكثر وهيه بعقلي وبكل تفكيري الزعيم يكتل عدوه بدون محد يعرف ورجع سافر الامريكا واحنا ضلينه واحد صاف بعيون الثاني عفتهم وطلعت عزلت نفسي على انفراد رحت على بيت المزرعه
الي موجود بالبستان وبلشت انفذ بالخطه الى راح تقلب حياتي رأسن على عقب سويت حسابي ثاني سجلت اليوزر مال رجحان بالحساب الثاني مالتي وبسرعه راسلتها كتبت الها :-
"Hello “
رسلتها ما جاوبت ضليت انتضر ساعتين وهم ماكو توني اريد اعلق التلفون وصلتني رساله من الانستا
بسرعه دخلت عليها روحي مفرفحه بس اريد اشوف شنو راح تكتب بس تفاجئت من كاتبه :-
"هوه اني عربيه وبالكوه مدبرتها انوب يحجيلي انكليزي ولا وجماله ما مخلي صوره هوه هذه حظي"
وكعت على صفحه من الضحك لزمت التلفون بأيدي وكتبت:-
"اسف بس حبيت اشوفج تجاوبي اذا كتبت بالانكليزي لو لااا "
بسرعه شافتها صارت دقيقه وردت:-
"مو اكول اني كل الطلبات عراقيين مستحيل اكو واحد بيهم اجنبي"
"ليش اكو طلبات عندج بالانستا"
"اوهووو لو تشوف شكد "
"لان مخليه حسابج عام سوي خاص محد يكدر يدخلج"
"اني اريده عام احسن واصلا بالصدفه رديت عليك لان انتَ بارزز من بين الطلبات كاتب بالانكليزي"
"يعني الطلبات البقيه ما موافقه عليهن"
"اني مو من هذوله النماذج مال اريد المتابعه واحجي ويه الولد بس والله بالصدفه رديت عليك "
"لاا عادي ما صار شي "
"زين حسابي منين حبته واصلا انتَ منين"
"ما جبته طلعلي بالقتراحات واصلا اني ما اعرفج"
"ولا اني اعرفك"
"تحبين اقدملج نفسي "
"ليش هوه منو يكول اني راح اضل احجي وياك"
"مو مشكله عادي حتى لو رساله وحده المهم اطمن انتِ بخير"
"تطمن؟؟؟سالمين خويه على شنو تطمن اعرفك تعرفني"
"مع مرور الوقت راح تعرفيني"
"ليش منو انتَ وزير الداخليه لو الدفاع"
"اني شخص راح يكون طول عمره مجهول بحياتج"
"ما فهمت"
"بعدين تفهمين من هسه"
"دحك عليه لك اني ما احب اطول بالكلام تكول انتَ منو لو احضرك؟"
"اعصابج ست رجحان ما حجينه شي"
"عزااا بعينك منين تعرف اسمي"
"من زرف الحايط منين يعني انتِ مخليه اسم حسابج"
"اني كاتبه رجوو شلون ربطت بين هذه الاسم والدلع"
"مرات الذكاء يكون موهبه"
"لاا والله قصدك الغباء يصير موهبه"
"شلون هيج تحجين ويه الاكبر منج"
"اني الثالث سوالي مرض نفسي فـ رجاءاً وخررر من يمي لااا اخليك تكره اليوم الي حجيت بي وياي"
"افضل يوم بحياتي هوه يوم حجيت بي وياج"
"اطلعع من راسي اريد اقره عود بعدين احجي وياك"
طلعت من المحادثه وغلقت النت انصدمت من كلامها شلون عدها قابليه تحجي وتشاقه ويه المقابل وبالفعل عصبيه من طريقة كلامها عرفتها بس المهم ردت عليه شمرت التلفون على القنفه وطكيت اصبعتين:-
"هل مره اني جبتها للدرب مو هيه"
شلت تلفوني وطلعت من البيت توجهت البيتنا بس الفرحه ما توصفني دخلت بدون ما احجي ويه احد بدلت ملابسي وكعدت انتضر بيها تجي حتى احجي وياها ضليت اكلب بالريلزات لحد ما وصلني اشعار منها دخلت على المسج جانت كاتبه:-
"موجود المجهول لو لا"
"ايي موجود"
"جفلتني شبسرعه رديت "
"جنت انتضر منج رساله "
"عليش تنتضر مني رساله ليش هوه شكوو"
"اريد احجي وياج"
"بخصوص شنو تحجي وياي لا اعرفك ولا تعرفني"
"عن قريب راح اصير اقرب الناس الج"
"مخيلتك واسعه جداً اريد منها شويه علمود ادرس "
"يا صف انتِ"
"ثالث متوسط وابو ابوي مشتعل"
"عليش هيج تحجين بالعكس الثالث سهل"
"هاي عندك سهل اني لو يجي الحمزه ما اطلع منه"
"لا تخافين اني عندي خوش مرشحات الج ومدرسين على النت ادزهم الج اقري عليهم"
"عليك الله"
"وداعتج"
"ما يصير تحلف بغير الله "
"وربج خالق السماء والارض"
"شوكت تدزهن"
"شوكت ما يعجبج"
"اذا ما تصير زحمه دزهن هسه لان اريد اقره"
"ما بقو شي لـ متحاناتكم "
"بعد اسبوعين وبقتلي بس الاحياء اراجعها والرياضيات"
"عندي خوش مدرس رياضيات ادزه الج ومدرس احياء يخلص الماده وينطيكم المهمات تريدين ادزه"
"دزه هسه لان اريد اقره"
"تدللين هسه ادزه"
طلعت بسرعه من الانستا ودخلت على اليوتيوب بحثت على المدرس الي كلنه نجحنه عليه ومدرس الاحياء وطلعت دخلت الانستا ودزيته الها :-
"هذولي المدرسين"
"اشكرك يا مجهول"
طلعت من المحادثه وغلقت النت خليت لايك للرساله وطلعت اني شدسوي بروحي الي ديسوي صح لو غلط ما اعرف خليت التلفون على الميز ونمت استمرت علاقتي ويه رجحان هواي وره الامتحانات صارت علاقتنا قويه ميانه وحجي وضحك للنخاع .
وهيه لحد الان ما تعرفني اني يامان الي اجيهم للبيت صرت حتى ما اطلع بسببها اروح اشوف العمال وارجع بسرعه اصعد الغرفتي لو اروح البيت المزرعه اكعد واضل احجي وياها للصبح بس.
الكلام الي بيناتنا ما بي شي الحمدالله كله شقه وضحك ومرات نتعارك اني وياها مرات هيه ادزلي ريلز ضحك واني هم صر كل وجودي على هذه الحساب حتى حسابي هذاك نسيته لا احجي .
ويه اخ ولا ويه اخت عازل نفسي هينوب حسيت الصبح على صوت التلفون فزيت بسرعه وكعدت فركت عيني بسرعه ولزمت التلفون اريد اشوف منو هذه وطلعت هيه كاتبه:-
"صباح الخير يالمجهول"
فركت عيني حيل وكتبت:-
"صباح النور والسرور"
شافتها وبسرعه كتبت"اليوم كاعد بكل طاقتك"
"اني كل يوميه بكل طاقتي"
"لاا البارحه جان كلامك يختلف"
"ايي لان مريض"
"مريضض ؟؟ليش ما كلت اني مريض"
"لا تخافين ما بيه شي بس هيج راسي يوجعني لان ما اطلع هواي"
"الشباب مو كلهم يطلعون انتَ شكو حابس روحك"
"مالي واهس اطلع"
"اذا كتلك الخاطري تطلع"
"مو بس اطلع افرر البصره فرو الخاطرج"
"تمام عجل كوم بدل واطلع اتونس"
"انتِ تريدين اتونس"
"شي اكيد"
"بس الونسه الي يحبها كلبي وياج"
"لا تحجي هيج كلام ما احبه احجي مثل كل مره "
"راح ادخل اسبح من اطلع اراسلج"
"عود صورلي الملابس الي راح تلبسهن"
"تدلل رجوو"
خليت لايك على الرساله وطلعت غلقت والتلفون ودخلت اسبح خليت الخاولي على جسمي وطلعت اختاريت ملابس على ذوقي وصورتهن لـ رجحان شافتها وبسرعه كتبت:-
-القميص الاسود غيره اذا عندك زيتوني يطلع يشُق"
"انتِ هيج رأيج"
"ليش رأي ما يهمك"
"مو بس رأيج يهمني كلج تهميني "
شافتها وما ردت اعرفها هسه مرتبكه لان ما تحب هذه الكلام طلعت القميص الزيتوني والبنطرون الاسود بدلت بسرعه واخذت صوره دزيتها لـ رجحان وطلعت من شافتني امي نزلت من الدرج هلهلت:-
-يمه هلااا هلااا بوليدي الي طالع يخبللل هلااا بوليدي السبع هلااا بوليدي الشهم
-حبيبتي انتِ
اتقربت منها بست راسها وابتعدت:-
-شلون طالع؟
-تخبل يمه عيب الحاره والبارده عليك لااا يحسدونك ويحسدون طولك الحلو
-يمه ماهان وين؟
-راح هوه واختك البيت خوالك
-شكو صاير شي؟
-لاا يمه ما صاير شي بس تسنيم تريد اختك وراحت تشوفها
-تمام جا اني طالعه محتاجه شي ؟
-سلامتك يمه
باستها وطلعت توني اريد اصعد السباره واسمع صوت عركه وصوت شخص مألوف عليه زادد صوت العركه درت وجهي ونصدمت من شفت نعمان ومهدي نايمين فوك واحد ودك بوكسيات ركضت عليهم افازع بيهم اريدهم يوخرونيي ماكو مجلبين :-
-انعل امه ويه ابوه الي يطلع وراك
-نعماننننن لاا تخلينييي اطلع خياساتك كدام الناس
-انعال ابوك لابو حتى الناس ديله وشتريد تسوي سوي بس اختي خطط احمر
باوعت على نعمان صافن عليه اخته؟؟يقصد رجحان بس شعليها رجحان شنو صاير شنو واني ما ادري لزمته حيا واردفت:-
-شكوو نعمان احجي!؟
-مشاكل بيناتنا رجاءاً لا تدخل
-ادخل ونص واشك حلكك اذا حجيت بكلمه زايده خوش
-لاااا صدك دطيررر انتَ وهذه الفرخ
هوه كال فرخ لو نعمان تخبل بس يريد ياكله بسنوانه مهدي يمسح بالدم الي يطلع من خسمه ما منتبه ويانه باوعت عليه وادرفت :-
-علساس انتَ شلونك جنك ديج مهلس
ضحك مهدي بقوه واردف:-
-خاب خلي يكوممم هوه فدد واحد كو** جاي يهنبل عليه بكلامه الجايف
-اذا ما وخرتوو عن وجهي اطره طره واسوي وصلتني وحق محمد
-منو يسويني وصلتني؟
-اني واذا عندك اعتراض اشك حلكك وانعل شكد واحد يطلع وراك
-ابننننن محسنننن استجنننن واكعد بمكانك انتَ بعدك ما تعرف ويامن تحجييي
-احجي ويه زباله ويامن احجي يعني
-هيج شكول بس الزباله تلفيهم
-انعل يوم يومك ولد الك**
هوه كال هيج واني ضربته بوكسي على عينه رجع مهدي نام فوكاه ودك بوكسيات اذا هديت نعمان يموتون الواد واذا خليت مهدي يكتل الولد هم يموته صحت بمخدي يعوفه هوه ما صدك ركض بسرعه على الشارع وبلمح البصر اختفه ترك ايدي نعمان واردف:-
-انتَ منين طلعتتتت يامانننن
-ترا تموت الولد بيدك بعقلك شي انت
-انت لو تعرف هوه شمسوي جان دفنته ويانه
-تعالو فهموني هذه منو وشمسوي وياكم
دخلنه للبيت وكعدنه بالحديقه بس نعمان ما كعد بس يفتر بالحديقه صحت بي اريده يفهمني شكو:-
-تعال فهمني شكو منو هذه وليش ذكرت اختك انتَ؟
-لان الموضوع يخص اختي
تنفست بسرعه واردفت:-
-شقصدك!
-بفترته الامتحانات هذه الساقط يوكف بالباب ويتحرش بالبنات واختي من طالعه متحرش بيها مستمر الوضع لحد اخر يوم امتحان هيه اجتي كلتلي بس اني ما
صدكت اجتب مره ثانيه بس كلبي لسبني رحت وراقبتها وبالفعل طلع يتحرش بالبنات ويسجم ويذب سوالفه الخايسه ابن الخايس اني من شفته هيج لزمته وطريته نصين
-وبعدين شلون وصل هنا؟؟
-يسوي عناد بيه يفوت من الفرع يريد موته على ايدي
وكفت على حيلي مشتعل نار جوايه والله لو ادري السالفه هيج جان لزمته وشكبته نصين بس للاسف ما ادري باوعت على نعمان واردفت:-
-تريد اشتغله اني لو ثنينه سويه؟
-ما فهمت؟؟
-نجيبه ونخلي يتندم على اليوم الي شاف نور الدنيا
-شلون راح تجيبه
-عندي واحد بس اكله الاسم يبحشه من جوه الكاع ويطلعه
-ما دام السالفه هيج هاهيه بس ابوي ما اريده يعرف مهديي
-اييي لا تخاف ما يعرف المهم نجيب هل كو* ونكتله
-خلص عجل هاهيه
-تعرف اسمه الكامل
-ايي اعرف
-انتضر شويه
طلعت تلفوني واتصلت على اكثر واحد يحب هاي الاشياء "جراح"بسرعه رد عليه :-
-يابه الجلب الي عضك كتلنا
-جراح وما ادراك ما جراح
-شلونك حبيبي الغالي
-والله ماشي بهل دنيا وانتَ؟
-على الله بخير شكو ماكو شو اليوم داك عليه
-اريد منك طلب وادري بيك انت ما تردني
-اطلب بعد اخوك شتدري بيه اني رادك بيوم من الايام
-لاا والله كل ما اجيم ما تردني متفشل
-احجي شنو موضوعك؟
لزمت التلفون وبتعدت حجيت ويه نعمان علمود الاسم:-
-شنو اسم الولد؟
-علي محسن****
رجعت التلفون على اذني واردفت:
-علي محسن***
-اعتبره باجر يمك
-اريد نفس مكانه قبل
-تدلل خادم اني بعد محتاج شي تريد شي ثاني
-اذا احتاجيت شي عود اتصل عليك
-بالخدم اني حبيبي يامان
-تسلم جراح ما عليك زود
سديت التلفون وحجيت ويه نعمان:-
-خلص اعتبر علي باجر بين ايدك
-اذا ما تويت عاره بأيدي ما اطلع ابن ابوي
-الي يعجبك سوي اني هم احب اضيف شويه من لمساتي الخاصه
-اني لمساتي تختلف
-هسه الوضع تمام عندي شغل اخلصه وارجع وعود احجي وياكم
لزمني نعمان من ياختي واردف:-
-وبعدين تعال انت وين مختفي ما نشوفك
-نعمان حبيبة القلب ما تقبل يطلع عوفه
-يا حبيبة القلب انت الثاني بس تعبان وما بيه حيل
-والبارحه منو جان كاعد يم ابوي ويحجي ما كلفت نفسك تتصل وتكول اني هنا
-يابههه والله جنت تعبان اسئل ابوك خلي يجاوب وقبل فتره جان الزعيم هنا
-اكيد سواله خبث ومشه
-الزعيم معروف بهاي الاشياء
-هسه انت وين رايح
-عندي شغل والله العمال ينتضرون
-انت مهندس ولازم تروح
-توكل على شغلك يامان
-لا تزعل مني بس والله الوقت ضيق وما اكدر اجي عليك
-نعال عليك وعلى وقتك امشي روح للشغل
-نعمان
-شبي صخمان؟
-زعلت
-افا ازعل من اخوي السابع عشر لااا مستحيل
-طاح حظك ايي والله
سلمت عليه وعلى مهدي وطلعت رحت للعمال خلصنه شغل بسرعه ورجعت دخلت البيت نمت شويه وكعدت نزلت جوه ماهان وريري بالمطبخ كاعدين يضحكون من شافوني سكتو دخلت شربت مي وتوني اريد اطلع وصاح بي ماهان:-
-ليش هيج وجهك ذبلان صاير شي وياك؟
-لا تخاف ما بيه شي ما دام عايش خلص
عفته وطلعت صعدت السياره واتصلت على نعمان هوه بسرعه رد عليه :-
-هلا بأخوي
-هلا بيك نعمان
-متصل عليه شكو صار شي جديد؟؟
-لاا ما صار بس باجر راح يصير بس اتصلت عليك اريد اكلك تروح وياي
-حتى لو الجهنم اروح وياك وين انت
-كدام بيتكم
-راح اجي اني ومهدي
-توني اريد اكلك جيب مهدي وياك
-تمام عجل جايينك
سديت التلفون وانتضرتهم يجون شويه وطلعو من البيت صعدو السياره ما حجو شي اني فريت السياره وتوجهت بيهم للكوفي ضلينه كاعدين .
نسولف ونتشاقه بس تفاجئت من وصلتني رساله نعمان ومهدي مندمجين يحجون طلعت تلفوني وانصدمت من شفت الرساله من رجحان كاتبه بيها:-
"اريد احجي وياك بموضوع مهم"
"شنو هذه الموضوع المهم"
"شبسرعه رديت "
"احجي رجحان "
"انت وين هسه"
"طالع ليش"
"وين طالع"
"بالكوفي"
"منو يمك
"ابليس والشيطان منو يعني جماعتي"
"شوكت ترجع"
"مادري بس اذا الموضوع مالتج حيل مهم هسه ارجع"
"لاا من لهل درجه بس من ترجع عند اراسلك يله باي"
طلعت من المحادثه وغلقت النت اني ضليت بس ارمش بعيوني سديت التلفون وخليته بجيبي ضلينه شويه بالكوفي وبعدين رجعنه رحعت الولد للبيت وطلعت
بوجهي لبيت المزرعه حتى احجي براحتي وصلت بسرعه نزلت من السياره غلقتها ودخلت البيت كعدت بالصاله وطلعت تلفوني بسرعه راسلتها:-
"رجحان موجوده"
وره دقيقتين شافتها بس ما ردت انتضرتها وشويه ماكو عفت التلفون وكمت للمطبخ سويت كهوه ورجعت لكيت رساله من عدها بسرعه فتحت التلفون ودخلت على الانستا:-
"ايي موجوده رجعت انت من الكوفي"
" ايي رجعت "
"شبسرعه توني حجيت وياك كلت بالكوفي"
"عوفج من الكوفي احجي شنو الموضوع المهم"
"هل كد يهمك تعرف "
"ايي لان مبين الموضوع مهم"
"شوف اني انسانه ما احب الف وادور احب احجي بنفس ما هيه"
"ما فهمت"
"اني احبك "
هاي الكلمه كفيله تخلي كلبي يطير من الفرح شمرت التلفون اريد استوعب الي شفته كدامي لااا مستحيل رجحان تحبني وتبادلني نفس الشعور لاا ما اصدك من الفرح لزمت التلفون وردت عليها :-
"من شوكت تحبيني"
شافتها وبسرعه كتبت"وين رحت"
"جاوبي رجحان من شوكت تحبيني"
"من كملت امتحانات اكتشفت هذه الشي"
"زين انتِ مو ما تحبين هاي الشغلات شلون حبيتيني"
"بس انت تختلف مو مثل هذولاك الولد "
"اختلف بشنو"
"بتصرفاتك كلامك حنيتك واسلوبك بالحجي بكلشي تختلف اني حبيتك بأحتلافك عن الناس"
"ما جاي اصدك"
"يعني انت ما تحبني"
"منو كال اني ما احبج"
"اني جاي اسئلك انت تحبني"
"انت شتكولين"
"من اليوم الي حجيت بي وياي انت تحبني"
"شلون عرفتي"
"كلامك وتصرفاتك تدل على هذه الشي"
"هسه شنو"
""مادري بس المهم اني احبك"
"رجحان اذا صدك تعنين هاي الكلام ترا وراها شغلات جداً مهمه"
"شغلات مثل شنو"
"الزواج والارتباط"
"عادي ما يهمني المهم اني اريدك الي وما اريدك الغيري"
استمر الكلام بيناتنا لحد الصبح واني وياها نحجي الابتسامه ما فارقت وجهي واخيراً رجحان طلعت تحبني او بالاحره اني الي خليتها تحبني.
وتوكع بالفخ سديت التلفون ونمت بحدود الساعه وكعدت على اتصال جراح يبوووو نسيت بدلت بسرعه وطلعت صعدت السياره وتوجهت للمكان دزيته لـ نعمان وكتبت:-
"نعمان هذه المكان خلال ساعه اريدك بي انت ومهدي"
طلعت من حسابي ودخلت الحسابي الثاني بسرعه راسلت رجحان:-
"موجوده "
شفتها بسرعه وكتبت "ايي موجوده ليش شكو"
"صح علي محسن متحارش بيج بأيام الامتحانات"
"انت شمعرفك"
"جاوبيني رجحان"
"اييي صح بس انت شمدريك"
"عيوني عليج بكل مكان"
"تراقبني"
"اخاف احد ياخذ حلالي"
"يالمجهول شنو سالفتك انت"
"من ارجع يصير خير"
سديت التلفون وضميته بجيبي جايك يا علي مجسن اليوم اشوفك النبي عربي وصلت للمكان وبسرعه نزلت صعدت للبنايه بس هيكل بعدهي ما مكمله بناء وصلت
الطابق الاخير ولمحت جراح واكف من بعيد يم نفس الولد الي كتلنا البارحه الي اسمه "علي محسن" مشيت بخطوات ثابته لمحني جراح من بعيد واردف:-
-اجه صكارك
وصلت يمه صار بيناتنا سلام قوي باوعت على علي واردفت:-
-ها ينغل شو اخترك هنا يمي
-الله ينعلك وينعل شكو واخد مثلك
-الله ينعل بس الناس الي تتحرش بالبنات
-هيه اختهم فيطي وتذب بحجيها وفاهيه اني شسوي
هوه كال هيه واني جبته بوكسي فريت وجهه فرر جراح مكعده على الكرسي ورابط رجلي وايدي حتى لا يتحرك ضل يعيط ويسولف بس محد راح يسمعه رجعت ضربته واردفت:-
-اذا جبت طاريها على السانك اكصه
-خطيبتك واني ما ادري
-لااا تجيببب طاريها على السانك
ضربته انوب بوكسي لحد ما خشمه طك دم شويه واجه نعمان ومهدي هوه تفاجئه من شافهم:-
-حبينه نغير شويه من الاجواء لان ممله
-ماكو ترحيب النا
-اهلا وسهلا بيكم
-حبيبي يامان وبيك الاكثر
-نبلش شغل لو مو هسه
-لاا انتضر يامان عليش مستعحل خلي نشتغله على البارد
-بالي يعجبك اشتغله اني راح اخذ ركن وانت براحتك اشتغل
-جا اني اتوكل عندي شغل ولازم اخلصه
-تسلم جراح ما قصرت والله
-اسم على مسمه جراح
-جراح وانت علمك وياه من يشتغل
-يله شباب استودعناكم
نزل جراح من البنايه وراح عنده شغل بلش نعمان يحجي ويسئل علي ويه كل سؤال ياخد راشد لو مني لو من مهدي اخر شي تعب هوه ذب حيله على الكرسي ضرب الكرسي نعمان واردف:-
-اذا بعد شفتك تتحرش بالبنات اي ان كانت اختي بنت عمي بنات الشارع اطرك طرر ومحمد
-ما اتحرش بس فكني الله يخليك راح اموت اريد مي
-تشرب سم الي يسم بطنك
-تربيه خر*
-نعال على هيج تربيه
ضرب الكرسي نعمان واردف:-
-خلو هنا مثل الجلب بنبح
-لاا ابوسسس ايدككك لاا لا تعوفنيي هنا
-خليك هنا حتى تفكر بأغلاطك
-ابوسس ايدكك نعمان لا تسوي هيج
-انعل ابوك لابو الخلفك يا كلب لو اشوفك تموت كدامي ما اساعدك امشو يله
نسحبنه اني ومهدي ونزلنه جوه بس صوت علي اختفه ماكو شويه ونزل نعمان ايده بيها دم لزمته من ايده واردفت:-
-شسويتتت؟؟
-ما سويت شي لا تخاف ما كتلته
-جا وهذه الدم شنو؟؟
-من ضربته راشدي الدم صار بأيدي
-عبالي سويت شي
-اني مو مثل جماعة الزعيم اقتل بدم بارد عندي رحمه وضمير لا تخاف
-شقصدكك بجماعة الزعيمم؟؟
-نعال على راسك صوتكك عالييي فضحنه
-هسه شراح تسوي نعمان اذا عمي دره يكلب البيت على راسنا ؟
-ما راح يدري نخلي لحد باجر ونهده وهوه بعد ينجوي منها وما راح يعيدها
-اخخخ منك بس اخخخ
ضربني نعمان يضحك على حركتي صعدنه السياره وتوجهنه للبيت وصلتهم ردت اروح بس ما خلوني اله تتغده يمنه دخلت للبيت من شافني صكبان غمني واردف:-
-اهمداك اييي والله
-ليش ولك؟؟
-عفتنه بنص الطريق ومشيت
-ايي غير جنت تعبان
-تعبان لو غير شي
-لا غير شي ولا من هذه التمسلت صارلي يومين ما نامي مثل البشر
-الله يساعدك ما تلحك
-شركات توكف بس يامان ينام
-اصلا العقارات والاستثمارات كلهن يوكفن اذا نام يامان
-الشركه تتهدم اذا نام يامان
-يا شركات هوه اني مهندس شجابني على الشركات
-يعني ما تبني شركات
-هاك استلم ويكلك ليش تطلع مصلخ بالشارع
-استررر علينه يمعودد
-سوالفك ياخي تشك الحلك
-دير بالك لااا تشك..
-اسكت لاا تكمل
ضلينه كاعدين نسولف ونضحك ونشاقه لحد ما انفتح الباب ودخل عمي لمحتها من بعيد وياريتني ما لمحتها كلبي طار وفرفح بمكانه من شفتها لازم ابن غزوان وتبوس بي وتلعب وبعد اكو بنات.
اكبر منها كاعدات ويسولفن بس تركيزي جان كله عليها انتبهت على نفسي وبسرعه درت عيني غمضت اريد ارتاح شويه ورجعت فتحت كعد عمي ويانه يسولف ويضحك بس كل ساعه.
يباوع عليه اني مادري شبيه من شفتها كمت ما اركز على الكدامي صبو الغده والولد كلهم كعدو كعدت بصف نعمان وكل ساعه نادسني ويكلي حتى اكل اكلت شويه وكمت غسلت ايدي وكعدت شويه.
يمهم سولفنه لحد ما صارت الساعه بـ ١ الطهر ترخصت منهم ورجعت للبيت راد ماهان يحجي وياي عفته وصعدت الغرفتي غفيت مادري بروحي من كد التعب حسيت على اذان المغرب فركت
عيوني وكمت توضيت وصليت بس صلاة الظهر نسيت اصليها التهيت ويه بيت ابو نعمان نحجي ونضحك نزلت جوه ابوي مسافر بشغل مهم وماهان.
من هنا ماخذ امي واختي لبيت خوالي ضليت بالبيت كاعد لحد ما وصلتني رساله من رجحان :-
"مجهولي موجود"
ضحكت على رسالتها وكتبت:-
"ايي موجود"
"شو اليوم ما راسلتني"
"حجيت وياج الصبح"
"جنت عصبي بوكتها"
"ايي مو اسئلج وانتِ ما تجاوبين"
"خلص تمام سد الموضوع"
"شلونج اليوم"
"بخير دام انت موجود يمي"
"غريبه انتِ بحياتي تدرين لو لا"
"مافهمت"
"يعني حبيتني وحتى اسمي ما تعوفيني شنو"
"ما اريد اعرف اسمك المهم انتَ تحجي وياي وموجود يمي"
"شلون حبيتيني راح اتخبل"
"عش تتخبل هوه الحب ما يعرف الشكل او الاسم او الجمال المهم اكو شخص يحتويج ويهتم بيج ويخاف عليج وحنون بنفس الوقت"
"حبيتيني لان حنون عليج واخاف "
"لاا بالعكس تكون متفرغ الي بكل وقتك من اكون متضايقه اجي احجي وياك وانتَ تخليني افرح "
"انتِ سبب فرحتي بهل دنيا تعرفين لو لاا"
"وانتَ هم مصدر سعادتي "
ضلينه نحجي اني وياها لحد ما رجعت اني للبيت من شافتني مندمج بالتلفون اردفت:-
-يمه سلملي على جنتي وكللها اريدها معدله وخرش بنيه
ضحكت على كلام امي واردفت:-
-يمه لا تخافين هل مره جنتج معدله
-شني يمه بس لا صدك حبيت وكعدت بالفخ؟
-ايي يمه اني اريد اتزوج
هلهلت امي بفرح واردفت:-
-صدك يمه لو تشاقه وياي
-عليش اشاقه وياج اني هم رجال واريد اشوف حياتي
-بالخير والبركه يايمه بس منو هاي بنت الحلال
-بعدين تعرفينها يمه
-يمه وليدي لا تلعب على بنات الناس اذا تريد هل بنيه اخذها
-ايي يمه والله اريدها لا تخافين ما العب على بنات الناس لان اني هم عندي اخت
-عفيه عليك يمه تربية ابوك ما ضاعت بيك
غلقت التلفون وصعدت للغرفه بدلت ونزلت بست راس امي وطلعت كبل بوجهي البيت خوالي وصلت للبيت ركنا السياره كدام الباب ونزلت دخلت البيت واستقبلتني مرت خالي ام صكر بالحجي:-
-لاا تجيي لااا تسئل لااا تكوللل شنو احنا مو اهلك
-عمه والله ما عندي وقت من الشغل للبيت
-مو هيج يايمه اخذلك اجازه وارتاح شويه
-اييي صدك من الشغل للبيت وليله ونهاره بيت المزرعه
درت وجهي من سمعت صوت صكر طلعو الولد من المكتب واجوي كعدو بالصاله:-
يامان-انت شعليك اني اريد اروح هناك لو عندك اعتراض
صكر-لااا ليش يكون عندي اعتراض البيت بيتك
يامان-عبالي جان صار شي ما يعجبك
صكر-اووو صاير تهدد
صابرين -يمهه شنو سالفتكم انتم الثنين كل ما تلتقون تتعاركون شبيك يمه صكر
صكؤ-ما بيه شي يمه بس اني اشاقه ويه يامان
يامان-ايي هوه يحب يتشاقه لان دمه خفيف
صكر-تريد انطيك من دمي شويه
يامان-ما اريد اشكرك
عبد المعز-شسالفه شباب شبيكم
يامان-وين نسور؟
صابرين-اخذ تسنيم الاهلها
يامان-شوكت يرجع؟
صكر-هسه شويه ويرجع ليش شتسوي بي
يامان-بعدين عود نحجي
صكر-صدك نسيت انتَ قبل فتره شتسوي بجراح متصل عليها لازم سويتلك مصيبه
يامان-شعليك شي يخصني ما اريد احد يدخل خوش من يرجع نسور عود اتصل عليه
عفتهم وطلعت ركبت السياره ورحعت للبيت ضروري احجي ويه نسور لان بس هوه يكدر ينقذني من مصيبتي اذا عرف الزعيم اني.
متصل على جراح يكلبها مناحه صعدت الغرفتي بدلت ملابسي ونزلت انتضرت نسور يجي حتى احجي وياه شويه واجه نسور كعدنه بالحديقه نحجي :-
-انت شعندك واتصلت على جراح تدري الزعيم ما يقبل
-شمعرفني نسيت كلشي طار من بالي
-زين انت عليش ساعدتهم اول مره انت تساعد احد
-نسور شبيك تحجي صدك يتحرش بـ اختهم وتريد اسكت لا والله
-لاا كول غيرها خاف انتَ حاط عينك على اختهم
-شلون راح اكوم افكس عينه
-كلشي ولا عيني شلون اشوف تسنيم بعد
-حب نسور واطكع
-دحجي هسه؟؟
-شحجيي؟
-عليش ساعدتهم وعليش علاقتك قويه وياهم وليش كل هاي الفتره محتفي وما تبين انتَ جانت اكثر جياتك علينه هسه حتى من امك تجي ما تجي وياها انتَ
-واهس ما عندي وتعبان والدنيا مفتره بيه
-الولد عشكان
-عشكان شنو شدتمظرط؟؟
-انت تحب يامان
-اخخخ يالحب
-اويلي عليك يامان واخيرا وكعت بالفخ
-بس هذه صار احلى فخ بحياتي
-شددد شدد صاير شاعر بسبب الحب هاي شصاير بيك انت
-راح اتخبل تدري لوو لا
-منو هاي سعيدة الحظ
-اختهم
-اخت منو؟
-اخت نعمان ومروان
-جيرانكم
-ايي
-ونهميي وسميي شنو اييي انت تدري اذا عرف الزعيم يدكنه طبل
-شريد يصير خلي يصير ما يهمني
-بس هيه الي راح تتأذه وانت هم
-عادي متعود اني
-بس ما متعود على الخساره
-اني بالنسبه الي هيه صارت الكل بالكل ما يهمني غير احد
-مو هيجج يامان لا تتعلق بيها هواي ما تعرف شنو ضاملك الزمن
-ما اريد غيرها افهمم نسور اني احبها وعن قريب راح اخطبها
-بس الزعيم راح يسود عيشتك
-عادي مو مهم
-وهيه شلون راح تتحمل تضل وياك
-مادري
-اسئلها اذا عندك تواصل وياها وشوف
-مادري نسور الله كريم
-يله اني اترخص
-الله وياك
-فكر بكلامي زين
-انشاءالله
طلع نسور من البيت واني دخلت جوه صعدت الغرفتي وبسرعه لزمت التلفون كتبت :-
"اذا تزوجنا اني وياج تتحملين كلشي وياي "
شفتها وبسرعه كتبت:-
"زواج شنو ما فهمت"
"جاوبيني رجحان"
"طبعا اتحمل كلشي وياك بس ما فهمت شنو سبب سؤالك المفاجئ"
"رايح انام اني لان تعبان "
"ليش اتعب نفسك هواي اني شكتلك"
"رساله وحده منج تخلي كل تعب يطير "
"متأكد ما بيك شي"
"لا تخافين هسه شويه انام واكعد واصير زين "
"دير بالك على نفسك"
"ما راح انام بالتقاطع والقران راح انام على السرير"
"لاا تحجييي هيح ويااايي"
"تمام اسف اعتذر جداً اني غلطان بس لاا تعصبين"
"ايي عفيه عليك"
"احبج رجحاني"
"واني هم احبك مجهولي"
استمرت علاقتنا اني ورجحان اكثر من ٥ اشهر قوة حيل رجحان تحجي شويه وتروح بس اني صاير اذا ما احجي وياها كل ساعه اتخبل لو يصير بيه شي توني اريد اطلع من البيا واتصل عليه نسور:-
-هلا نسور
-يامان بسرعه تعال للبيت عوف كلشي من ايدك وتعال الزعيم عرف بيك متصل على جراح
-تمام جايكم
بسرعه طلعت من البيت وركبت السياره توجهت البيت خوالي اريد اشوف تاليتها شنو وصلت وبسرعه نزلت خليت السياره بلباب ودخلت .
جوه اشرتلي ام صكر على المكتب معناتها موجودين بالمكتب صعدت فوك ودخلت بدون ما ادك الباب هوه من شافني ضحك واردف:-
-على كيفك ما راح ناخذ روحك
-احجي بسرعه شتريد
-يامان ليش تخليني اتعامل وياك بغير اسلوب خلينه حبايب
-لا حبايب ولا مصايب احجيلي بسرعه ما عندي وقت
-شعندك انت وجراح؟
-صديقي جراح وانتَ تعرف هذه الشي
-ما اقصد هذه الكلام اقصد على تصرفك قبل فتره
-احتاجيته واتصلت عليها بيها شي
-تحتاج صديقك ولد خوالك وخالتك موجودين
-ما اريدهم يدخلون بشغلي
-بس جراح عادي يدخل
-جراح ما يهابه شي ولا يخاف من احد
-غلط هذه الي سويته انت غلط لا يغتفر عليه
-علساس اني منتضرك تغفرلي
-يااامااان احجي عدل
-كلامي دومه عدل بس لان صدك ما يعجبك
-عوفك من جراح شعندك انت وهذه ابو نعمان مادري منو؟
-ما عندي شي وياه مجرد ساعدتهم وخلص
-وعلاقتك القويه ويه ولده
-شعليك انت اصاحب الي اريد اني وبكيفي انت لو هم تريد تمشيني بكيفك وبالي يعجبك
-يامان اخر مره اكلك كلامك وياي عدله
-عندي اب ويحاسبني انت ما عليك بيه عليك بولدك خوش
-بس الي راح يصير عن قريب ما واح يعجبك
-شتريد تسوي سويه ما يهمني
عفته وطلعت من المكتب شايف روحه شوفه ويريد يتحكم بكل الناس بس اني ما يكدر يتحكم بيه صعدت سيارتي وتوجهت لبيت المزرعه.
صارلي هواي ما رايح لكن تفاجئت من لكيت الريس هناك جان كاعد بالحديقه ومخلي الصقر على ايده دخلت الحديقه وسلمت عليها:-
-اليوم منو هنا
لتفت عليه متفاجئ رجع باوع للصقر واردف:
-شجابك لهنا
-كل ما اضوج اجي هنا بس انت شنو جابك هنا مو
بـ امريكا انت
-اجيت عندي كم شغله اخلصهن واروح
-يعني اجيت ويه ابوك
-قصدك الزعيم
-العفوو نسيت الزعيم المهم شوكت ترجع
-بعد مو هسه
-اعتقد اروح وياك
-متعارك ويه الزعيم وتريد تروح وياي لاا حتى امريكا تهج هيه واهلها
-اني اريده ينجلط اذا ما طلعته من طوره ما اتسمه يامان
ضحك الريس بهدوء واردف:
-انت دوه على الجرح
-اعجبك اني
عفته ودخلت للبيت سويت كهوه وكعدت بالصاله احجي ويه رجحان بس كلامها من طبيعي تحجي شويه وتمشي مو مثل قبل كل ما اسئلها تكول تعبانه ومادري شنو وبس تطلع حجج عفتها على راحتها .
اتصل عليه نعمان عازمني يمهم بدلت وطلعت من البيت وصلت البيتهم استقبلني عمي ودخلني جوه كعدنه نسولف ونضحك لحد ما صبو اكل اكلنه ورجعنا كعدنه بالحديقه نسولف لكن انصدمت .
من رفعت عيني وشفت رجحان واكف يم الشباك وتباوع علينه من شافتني سدت الشابك واختفت شنو سالفتها هيه ما تعرفني اني يامان نفسه الي.
يحجي وياها بالانستا بس ليش جانت تباوع عليه ضليت افكر لحد ما ودعتهم ورجعت لبيت المزرعه الريس نايم اني هم صعدت فوك ونمت كعدت الصبح حجيت شويه ويه رجحان وطلعت .
للشغل بس كلامها غريب مادري شبيها بس تتهرب احجي وياها ساعه يله ترد بنص الشغل وافكر بيها اكيد صاير وياها شي حتى هيح تحجي استمريت اروح البيتهم كل يوميه اتعلل يم نعمان ونفس .
الشي بس تباوع على من الشباك ومن تلمحني تختفي بس هاي قبل هسه لااا تضل تباوع عليه لحد ما اني ازيح عيني ختفت من الانستا ما تجاوب عليه شكد راسلتها ما تجاوب ومع العلم اني اشوفها .
متصله بالانستا بس ما تجاوب اتخبلت بالزايد من شفت هيج ليش هيج تسوي بيه شايفه شي لو سامعه شي عليه وهيج تغيرت بيوم من الايام ما رحت لبيت
نعمان ضليت بيت المزرعه كاعد اتصلت عليها بسرعه رفضتني ودزت مسج:-
"ما مليت شكد دزيتت مسجات"
"ما مليت؟؟شقصدج رجحان شنو معنى كلامج هذه وليش صارلج اكثر من شهر ما تجاوبين على مسجاتي"
"تعبت اني ما اريد استمر بعد"
"تعبتي منو شنو "
"من كلشي حتى منك"
"بس فهميني شكوو صاير شي "
"ابوي يريدني الواحد من ولد عمي وما اكدر اكمل وياك اعذرني مجهول"
طلقه وصارت بنص كلبي ما اكدر اوصف شعوري وكسرتي بهذاك اليوم طلقه وصارت بنص كلبي اريد احرك ايدي اريد ارد واحجي وياها.
ما اكدر ايدي تربطت ليش وشنو ومنو ما اعرف ما خسيت على نفسي شمرت التلفون على الحايط ولزمت راسي اريد استوعب الي حجته.
هيه شنو ماكو هيج شي ابوها كال اني كلهم اعتبرهم ولدي ما يكدر ينطيها الاحد واني بعدني اشم الهوى لزمت راسي بقوه وكفت على .
حيلي شلت التلفون ما مكسور بي لزكه دخلت بسرعه على الرساله لكن فات الاوان لكيتها حاطرتني اني رجحان الي تحبني وتموت عليه.
تحظرني هيج وصلت لهل درجه عدها عادي تعوفني رجعت قريت رسلتها واول مره اول مره بحياتي كلها ابجي على بنيه بجيت على الايام.
الي راحت والحجي الي بيناتنا والوعود وكلشي ما كلفت روحها تحجي وتكولي هيج السالفه يابه خلتني بين نارين شمرت التلفون بكل قوتي على الحايط صار طشار حسيت على صوت باب يندك بكل قوه اجاني صوت الريس وهوه يحجي :-
-يامان افتح الباب خليني اشوف شكو شنو هذه الصوت الجوه
مسحت دموعي بقهر واردفت:-
-ماكو شي ريس لا تخاف
-زين صوتك شبي ليش هيج ؟
-ما بيه شي ريس خليني وحدي
-راح اكسر الباب اذا ما فتحته
وكفت على حيلي ورحت فتحت الباب هوه من شاف حالي حضني بقوه واردف:-
-ما تسوه تبجي علمودها
ابتعدت عنه ومتفاجئ هوه شمدري :-
-لا تباوعلي هيج اني اعرف من زمان عيونك تلمع بالحب كل ما اباوع عليهن
-هل كد مركز بعيوني؟
-المهم هسه لااا تقهررر روحك ولا تنزل دمعه من عينك علمود بنيه
-بس اني حبيتها وجنت راح افديها بروحي
-بس هيه غدرتك وطلعت تجذب عليك
-تجذب عليه؟؟
-الكلام الي كالته الك من ساعه جذب ابن عمها لا يريدها ولا هاي همه بقو بس ثنين ما متزوجين واحد مهدي والثاني انس وكل واحد عنده حبيبه
-وانت شمعرفك ؟؟
-ما يخفه عليه شي مراقب كل تحركاتك
-الخصوصيه وينننن
-ماكو خصوصيه بيت الزعيم
-ابد احنا ناس ما عدنه خصوصيه ولا عدنه مستحه
-هسه عوفك من هذه الكلام
-اييي احجي؟؟
-اريدك هسه تعدلي امورك وترتب نفسك تختفي فد يوم يومين وراها تروحلي على بيت نعمان وتكعد يمهم وراح يطلع الصدك من الجذب
-شنو غايتك هل مره
-غايتي اكشف هاي البنيه شنو نوايها
-ريسس راح اضربك
-لا تاخذ ميانه زايد
-اخذ واكسر واسك هم شايف روحك شوفه
-شلون يخليني افلش وجهه
-هسه فهمني شنو غايتك انت؟؟
-علمودك مو علمود شي
-مستحيل الريس يسوي شي علمودي
-ابن عمتي واخاف عليك
-الله عليك يالريس صاير تقدم تضحيات في سبيل الدفاع عن ابناء عمتك
-شلون راح انطي بوكسي يغير ديكور وجهه
-لااا مو لهل درجه عاد احترم
-ماكو احترام حبيبي يامان توكل ونفس ما كتلك
دخلت الحمام غسلت وجهي وطلعت لزمني وليم من جتفي واردف:-
-أنت و تمسح دموعك ما تنسى تمسح إللي نزلهم .
هزت براسي وشلت تلفوني من الكاع مطشر اطشر وطلعت صعدت سيارتي بس كل حيلي مهدود امشي واروح بس بدون روح شغلت السياره وتوجهت للبيت دخلت وصارت بوجهي ريري:-
-شبيهن عيونك ؟؟
-مادري شنو دخل بيهن جنت بالمزرعه وضليت افرك بيهن حيل
-مو هيج شوف شلون صايره حمره عبالك جنت تبجي
-وخرييي عن وجهيي ريري اريد اروح انام
-نوميش هذه عزيزي ترا الدنيا العصر
-عسى ما تكون الدنيا راح تنكلب وخرري خلي اروح انام
دفعتها على كيفي وصعدت فوك نمت بس اول مره بحياتي انام واني مكسور الخاطر نمت واني حيلي مهدود اني الولد المدلل هيج يصير.
بيه وانكسر ما متعود على الكسرات والخسارات اني بس جانت هاي اول خساره واخر خساره الي ضليت على نومت اليوم الثاني يله كعدت لكن .
بروح جديده وبتصرف جديد وباسلوب جديد كعدت وكأنو انولدت من جديد ولا كانو صار شي البارحه كانو لم يكن شي حدث بدلت بسرعه وطلعت من البيت من الصبح حتى نعمان ومهدي.
ما موجودين لان جنت كل ما اطلع اشوفهم واكفين بالباب اخذتلي ريست شويه بعيد .
عنهم كم يوم بـ اربيل ورجعت لبست نظاراتي ونزلت من السياره ابتسمت بفرح من شفت نعمان واكف بالباب ويحجي ويه مهدي من لمحني ادرف :-
-يكولون اكو واحد ناسينه
انتبه عليه مهدي واردف:-
-ويكولون ما يمر علينه
-وهذاك الواحد يكول مشتاقلكم هواي
اجه نعمان عليه سلم سلام حر هوه ومهدي وابتعد:-
-لك حيوان ليش ما تجي سئلت ماهان عليك كالي مسافر
-حبيت اغير جو شويه لان هنا صاير اختنك
-تختنك من شنو بس لااا مسويلك سحر ام عباس
-لاا يمعود على بختك بس بأخر فتره اختنكت شويه وكلت اغيب شويه عنكم
-يااا حيوان ما كلت اتصل عليهم اشوفهم شلونهم ما لونهم
-توصلني اخباركم اول بأول
-بس لاا حاط مراقبين علينه
-لاا يمعود صكبان دائما يراسلنس واسئل عليكم
-ايي بس انتَ وصكبان
طلع صكبان من البيت واردف:-
-سمعت اسمي
-هلا ليش مو هلا
-ايااابب هاي منو رجع من السفر يامان
-اليوم رجعت من السفر
-تونست لولاا
-بس اشوف اربيل ارتاح
-والي بـ اربيل شوفتهم ما تريحك
-الله يطيح حظك يا خايس يا معفنن
-شسوي ياخي كلمه بحلكي واكفه
-ما تكدر تضمها اله تحجيها
-لاا ما اكدر حاولت قدر المستطاع لكن فشلت
-اويليي عليك نعمان اويلييي
-تدخل جوه لو تريد تمشي
-لاا غير مره
-لاا بليل محضرلك شلون تعلوله تعال يمنه نتعلل بليل الشباب كلهم مشتاقين الك
-هاهيه بعيوني تدللون جايكم بليل
-دنزع نظراتك اني من يمي انسطرت
-يمعود غير تحميني من الشمس
-لاا بربك صدقه تحميك من الشمس ولك حيوان الحايط ما كدر يحمينه من الشمس تجي النظارات تحميك دمشي لكك
-خرب روحك نعمان اني امشي احسن الي
-مو تنسه بليل
-لاا شلون انسه
ودعتههم ودخلت البيتنا استقبلتني امي بالكلام الي يريده كلبي بست راسها وصعدت بدلت ملابسي ونزلت كعدت يمها :-
-يمه اكيد تونست
-تخبل يمه مكانج خالي بس انـتِ ما قبلتي تجين
-يمه شلون تريدني اعوف البيت واروح وياك وين صايره يايمه
دخل ماهان لكن تفاجئ من شافني :-
-اليوم استاذ يامان يمنه
-وعليكم السلام
-اكلي نعال خايس انت حتى حرام الواحد يسلم عليك
-ليش ولك يمه هذه اخوك؟؟
-خلي يحجي براحته يمه عوفي
-اخوي ؟؟؟عن يا اخوي تقصدين بس لاا يامان الي عافني وراح ما كلف نفسه يكلي اني رايح لهيج مكان
-انت شعليك اني اروح للمكان الي يعجبني عسى ما اروح الجهنم انت شكو
-اني شكوو؟؟هسه صرت اني شكو!
-ما دام ابوي عايش انت ما الك حق تحاسبني
-يا يايايا ولكم يمه مو هيج انتم اخوان صلو على محمد ليش هيج تتعاركون
-هوه هذه ابنج الي تكولين عنه حنين وطيب وينه
-الزممم حدك ماهان لا تعلي صوتك على اميي
-مثل ما هيه امك هيه امي
-ايي بس صوتك ما تعلي عليها
-ولكممم يمممه كافييي سطرتوو راسييي كافييي تتعاركون
كعدت اني على التخم بتعب رحت عليها اشوفها زين باوعت على ماهان واردفت:-
-شكوو تباوع عليه جيب كلاص مي بسرعه
راح ماهان للمطبخ جاب كلاص مي واجه شربت امي شويه وخليته على الميز:-
-يمه لاا تتعاركون كدامي ما اتحمل اشوفكم تتعاركون هاي بعدني ما متت وتتعاركون جا لو اموت شتسوون يجوز واحد يكتل الثاني
-خلص يمه وعد مني بعد ما اتعارك ويه ماهان بس انتبهلي على نفسج
نزلت ريري من الدرج واردفت.-
-هاي شصاير شكوو؟؟
-كلشي ماكو تعالي اكعدي يم امي
نزلت ركض من الدرج واجتي كعدت بصف امي:-
-شبيها امي ليش هيج وجهها اصفر؟؟
-ماكو شي ريري لاا تضلين تسئلين
-اكيد تعاركتو انت وماهان
-كتلج كافيي
عفتهم وطلعت للحديقه اريد ارتاح شويه فتحت تلفوني وانشرت كم صوره الي من جنت بأربيل وخليت موسيقى اجنبيه غلقت التلفون وضليت كاعد بالحديقه لحد ما وصلني مسج دخلت على المسج جان من الريس :-
"رجعت لو بعدك"
"رجعت قبل شويه"
"اريد احجي وياك تكدر تجي للمزرعه"
"هوه اني قبل شويه ردت اجي بس كلت يجوز ما الكاك"
"لا موجود تعال انتضرك"
غلقت التلفون وطلعت من الحديقه اخذت السويج وطلعت بالسياره لبيت المزرعه وصلت وبسرعه نزلت سديت الباب ودخلت لمحته كاعد بالحديقه واكف يم قفص الصقر دخلت الحديقه ورحت وكفت بصفه:-
-شلونك ضلعي
-هلاا بيك
رجع الصقر بالقفص وراح كعد على الكرسي حسبت كرسي وكعدت بصفه:-
-حاليا شنو الوضع يمك؟
-كأنو وعيت من جديد ونضجت
-ما فهمت كلامك شنو نضجت؟
-النضج هو الإنتقال من مرحلة شمعة تحترق من أجل الآخرين إلى شمعة تحرق الآخرين !
-هذه الكلام الي اريد اسمعه عفيه عليك
-اعجبك من اتغير وانتقال من شي الى شي اخر محد يتوقعه
-تغيرك عجبني ضل استمر على هاي شخصيتك
-اليوم رايح عليهم
-وبهاي شخصيتك الجديده لااا هنا اني اعجز عن الكلام
-لهل درجه تغيري عجبك
-ماكو شخص بلحياتي صار وياه الي صار وياك وتغير هيج تغير
-اني اختلف عنهم
-شي اكيد احنا جماعة الزعيم
-اسكت يمعود لا يسمعك احد ويجرك بزيج
-على شرط رباعي يخلي الزعيم هوه ونايم يفزز من كد قوته
-لاا مو لهل درجه على كيفك
-المهم هسه ؟
-شنو احجيلي؟
-خلي الأمور تسوء حتى تعرف منو أنت شنو تمتلك ، و منو اختارك .
-اني هم هيج فكرت
-هسه انت راح تروح بس اريدك قدر المستطاع تشوفها وتحجي وياها لازم تحجي وياها وتخليها تعرف انت نفسك يامان الي جنت تحجي وياها بالتلفون
-صعبه ما اكدر يعني ادخل البيتهم
-انت مو راح تروح هناك اكيد هيه راح تطلع او لاا عليش راقبها وشوف وين تروح خلي يوم تطلع من البيت وانت الحكها وسوي نفسك ما تعرف بس اليوم لازم تعرف انو انتَ نفسك يامان الي جنت تحجي وياها بالتلفون
-تمام احاول واذا ما كدرت غير مره
-اني عندي احساس يكول راح تعرف اليوم بعد مادري
-الله كريم محتاج شي اني رايح
-سلامتك روح ومن يصير اي شي اتصل عليه او تعال هنا تلاكني موجود
-تمام شكرا الك
-لا تشكرنيي يول انتَ اخوي مثل متعب وخيبر
حضنته حيل وطلعت من الحديقه صعدت السياوه ورجعت للبيت دخلت شفت امي كاعده وتحجي ويه ريري وماهان بغرفته ضليت كاعد يم امي لحد ما صار الليل صعدت بدلت ملابسي وطلعت من البيت ابتسمن من لكيت نعمان واكفلي بالباب من شافني اردف:-
-يمعود ردت اذيعك بالجامع كلت ما راح يجي
-جنت بيت المزرعه يمعود وتوني يله رجعت
-دمشي فوت الشباب ينتضرونك من زمان
دخلت للبيت وكعدنه بالحديقه ضلينه نسولف ويه. الشباب ونضحك على سولف نعمان:-
-لااا ولك لو اشوف هذيج المره نعمان شصار بي يابويه
-احجيلي بله شصارر؟؟
-مهديي راح اكوملك
-يمعود ماكو عيب بيناتنا
-عيب لاا هنا السالفه تختلف احجي بعد اخوك ؟؟
-تونه دخلنه الكليه نريد انقدم اني ونعمان احنا ما نعرف بهاي الاشياء مال تقديم وكذا نفوت منا نطلع منا لحد ما جربب وانضرب نعمان ببنيه الله يستر عليها طلع اللسانها هل طوله علينه انت هيج وانت تريدني ومادري شنو واني اريد رقمج واني معجب بيج من زمان يابه يبنت الحلال بس خلي افهمج ماكو
-وشصار بعدين؟
-عاط بيها نعمان خليها تسكت كللها اني حتى خيالج ما شايفه بعمري وحياتي وين تريدين انعجب بيج وبعدين تعالي اني حتى ما اعرفج طالب مرحله اول وجاي ادور على قسمي
-خرب روحك نعمان وشصار بعدين؟
-البنيه من الفشله لمي غراضج وطكيهت بركضه الممر كله هيه تركض رجعنا من طلعنه شفناها واكفه يم مجموعه من البنات شويه واجت يم نعمان اعتذرت منه وراحت
-والله قصه حلوه بأقل من ساعه
-لااا والحلوه من يكللها اني حتى خيالج ما شايفه اني بالكوه لازم ضحكتي
شبعنه ضحك عليهم هوه بس يحنزز بـ مهدي واني اضرب بمهدي اريده يضحك لحد ما كام يجيب مي لمحتها من بعيد هيه الي قدمت الصينه مال مي يعني اكدر انفذ خطتي واخلي الرساله اترخصت منهم ورحت للحمامات عدهم خارجيه من.
لمحتني دخلت بسرعه للبيت اني اعلمج اذا ما سودت عيشتج ما اطلع ابن ابوي خليت الاسق على الورقه وخليتها بجيبي وطلعت بسرعه رجعت كعدت يمهم عادي قدم المي والعصير والفواكه كعدنه ناكل ونشرب ونضحك وكف نعمان يشلي بالكلاصت شلت كلاصي بأيدي وشربت شويه من عنده
حتى من يتقرب نعمان من عندي الزك الورقه بالصينيه صرت اني اخر واحد اتقرب مني ودار وجهه يحجي ويه الشباب خليت الكلاص بسرعه ولزكت الورقه بالصينيه حيل اخاف لا توكع وننفضح شالهن ورجع كل الصياني جو شويه ورجع اجه ضلينه
كاعدين ونحجي ونسولف لحد ما وصلني مسج طلعت تلفوني ودخلت على المسج ابتسمت من شفت المسج من رجحان اخرتج رجعتي عليه لان ماكو درب غير دربي يلفج سويت التلفون صامت لان .
صارت تجيني اشعارات هواي خليته بجيبي واستمريت احجي ويه الولد لحد ما تعبنا من الضحك ودعتهم وطلعت من البيت ركبت سيارتي بسرعه وكبل بوجهي البيت المزرعه ركنت سيارتي بسرعه ونزلت دخلت البيت لكيته كاعد بالصاله وينتضرني :-
-ما دام اجيتي قبل لاا تحجي كلشي تعال احجي وياك
-شكو صاير شي جديد؟
-لاا ما صاير شي بس اريد اعرف انت فاهم تصرفات البنيه والي سوته لو لاا
-ما فهمت عليك؟
حجيتها وكعدت على التخم باوع عليه واردف:-
-انت تعرف ليش رجحان عافتك؟؟
-لاا ما اعرف ؟
-وليش هيه جذبت عليك وكالت ابوي يريدني الابن عمي؟؟
-وما اعرف أي شي اني فهمني ؟؟
-هيه سوت هيج لان حبت يامان الي يجي عليهم للبيت ما حبت يامان الي يسولف وياه بالتلفون
عقدت حواجبي اريد افهم كلامه ما اكدر لزمت راسي وادرفت:-
-ما فهمت شقصدك؟؟
-هيه ما تعرفك انت الي تحجي وياه بالتلفون نفسك الي تجي عليهم للبيت واسمك يامان
-كلامك غامض اححي بوضوح خلي افهم؟؟
-هيه من ما تعرف اسمك ولا شايفه شكلك؟
-ايي واصلا من جنت احجي وياها تسميني المجهول
-هسه انت تريد تعرف ليش عافتك؟
-طبعا اريد اعرف؟؟
-عافتك لان هيه من شافت يامان الي يجي يم اهلها حبته بس هيه ما تعرف انو انت نفسك يامان الي جنت تحجي وياها بالتلفون
-يعني مختصر مفيد عافتني وحبت يامان الي يجي عليهم للبيت والي هوه اني
-بالضبط بس هسه ما تعرفك انو انت نفسك يامان الي تجي عليهم للبيت والي جنت تراسلها
-بس هسه عرفت
-خليت الورقه جوه الصينيه
-خليتها بس مصدوم شلوم يعني حبتني واني جنت احجي وياها
-بس تريد الصراحخ العلط منك انت لو كالي من زمان اني يامان الي اجي عليكم جان ما راحت وسويت هيج
-بس جانت خلت عينها على غير واحد مثل ما خلت عينها عليه راح تخليها على غيري
-مادري بعد انت وهيه اني مالي دخل بس هسه افتهمت ليش هيه عافتك
-ديحاول استوعب معنى كلامك بس صعب يعني حتى فهم الكلام صار صعب عندي
-نفس ما حبت يامان بالتلفون حبت يامان الي يجي عليهم للبيت بدون ما تعرف
-يعني حبتني مرتين مره بالتلفون بس ما تعرف اني يامان ومره الثانيه من شافتني بالبيت مالتهم
بس تعرفني اني يامان
-المختصر المفيد الك هيه حبتك من جانت تحجي وياك بالتلفون بس من شافتك بالحقيقه حبتك مره ثانيه وبدون ما تعرف انو انت نفسك الي جنت تحجي وياها بالتلفون
-كافييي خلص داخ راسي كمت ما اعرف استوعب
-عوفك من هذه الموضوع سولفلي شكالت
-مادري بس فتحت الحظر عني وراسلتني
-شكاتبه؟
-ما قريتها لان جنت كاعد يم الشباب
-طلع تلفونك بسرعخ واقرها
طلعت تلفوني ودخلت على المسج جانت كاتبه:-
"انتَ نفسك يامان الي تجي علينه"
كلبت التلفون على الريس وشفته الرساله ضحك بقوه واردف:-
-اني هنا خلص شغلي حبيت بس اشوفك رجحان شنو ومنو وليش هيج تصرفت وياك هسه انت بلش اشتغل بس على كيفك
ضربت ايده واردفت:-
-تدلل من عيوني
-يله اني طالع الصقر بأمانتك
-ليش وين رايح
-عندي شغل واحتمال ما ارجع لبعد يومين
-تمام هاهيه الصقر بأمانتي
طلع الريس من البيت طلعت بالحديقه حتى اكدر احجي براحتي فتحت التلفون وكتبت:-
-ايي اني يامان بشحمه ولحمه
بسرعه شافتها وكتبت:-
-ليش ما كلتلي هاا ليش ما كلت اني يامان الي اجي عليكم للبيت
-ماكو داعي ابرر واحجي مو ابن عمج يريدج شكو جايه تحجي وياي؟؟
-اجيت بس احجي وياك واريد اعرف الورقه انتَ الي كاتبها لو لاا؟
-ايي اني كتبتها حتى اخليج تكونين امام امر الواقع
-ليش هيج سويت بيه ليش ما كلتلي من زمان اني يامان؟؟
-فات الاوان والكل خسر انتِ خسرتي واني خسرت
-لااا محد خسر احد اني مستحيل اخسرك ؟
-صح خسارتج غالية ، بس إحنا
ناس نحب التبذير .
-يامان بس خليني افهمك؟؟
-ماكو داعي تبررين حالياً العالم كله الج إلا أنا
" تجاوزتج كأنج لم تكوني شي مهم بحياتي " .
-لا تحجي هيح يامان خليني احجي وياك وافهمك انت مو تحبني؟
-منو كال اني احبج هذه شي من الماضي والماضي شي قديم ومحد يحب الاشياء القديمه احنا ناس نحب نجدد
-لا تحجي هيج وياي يامان اني غلطت وسبحان الي ما يغلط؟
-حتى لو غلطتي وسامحتج اني شخص ما اتاح مرتين مره وحده واذا الشخص استهان بيه يخسرني
-اسفه والله اني ما جنت اعرف انو انت نفسك يامان الي تجي علينه انت هم غلطت من ما كتلي
-هوه اني ما كتلج وخليت عينج عليه من جنت اجي عليكم وانت ِ ما تعرفيني اني نفسي الي احجي وياج جا لو اكلج شتسوين
-ما جنت باوعت على احد غيرك والله وغلاتك عندي الناس كلها تسامح سامحني هل مره
-رجحان أني إنسان ومو كل البشر إنسان يعني الناس تسامح اني لازم اسامح
-زين انتَ جنت تعرفني اني رجحان بنت محمد لو لاا؟
-شبيج رجحان اني اعرفج قبل لاا احجي وياج من زمان
-ما دام تعرفني عجل ليش ما كلتلي جان ما غلطت اني
-انتِ بكل الحالات غلطانه اذا عرفتي واذا ما عرفتي
-توجع كلبي من تحجي هيج كافييي يامان عليك الله
-انسيني رجحان بعد ماكو شخص بحياتج اسمج يامان
-ما اكدر اريد هسه استوعب الي ديصير وياي ما اكدر
-صح اثري راح يبقى بحياتج بس انتِ اكدر بكل سهوله انساج واتخطاج كمقدمة أي كتاب .
-خلص كافييي لا تحجييي دتأذيني
-مثل ما اذيتيني راح أذيج وزياده انتضري الي جايج
- خلص كافي يامان اسكت
-كسرتيني رجحان انتِ كسرت خاطري وكسرتيني
-صح كلامك كسرتك بس اسفه والله مو بيدي الي صار
-رجحان لا تلمسين إلي كسرتي علمود ما يعورج !
-راح اموت والله ياريتني ما عرفت انت نفسك يامان ياريتتت ما عرفتتت
-ياريتني ما عرفتج وياريتني اكدر ارجعج غريبه وما اشوفج بعيني
- اني غلطانه والله اني غلطانه كافي تحجي
-انتِ ما تعرفين شنو الحب او شنو معناه الحب مو غرفة للإيجار
نتركها ببساطة و نمشي .
-اييي صح اني ما اعرف الحب اني بنيه وكلشي اشوفه يعجبني واحبه
-المهم ما اريد اكثر بالكلام فرصه سعيده الج
-يامان والله حرام عليك ما خليتني افهمك بس خليني احجي
-انتِ حرام عليج تخلين الشخص يتعلق بيج وتتركينه صارت عكس مو الولد يترك البنيه البنيه صارت تترك الولد
-والله اني مو هيج يامان
-عسى معرفتج ما تنعاد و الله
يقلل من أمثالج .
-بس خلي احجي راح اموت والله انطيني فرصه
-العين إلي تباوع على غيري
ما انطيها فرصه تلمحني مره ثانيه .
-لكككك كافييييي اسكت كلامك يوجعنييي ويوجع كلبيييي انت ما تعرف شنو ديحس اني هسه اتنمى الموت والله بس خليني احجي انطيني فرصه ابرر موقفي يجوز تقتنع
- لم اخلق للتكرار اني وجودي بحد ذاته نادر.
-كافي حجيت بما في الكفايه خليني احجي والله اني احبك وما هان عليه من عفتك وهسه حالياً كاعده واريد استوعب انت نفسك يامان الي جنت تحجي وياي بالتلفون وتحبني
-كتلج وارجع اكول حبيتج بالماضي وهسه حاضر وكلشي راح يتغير
-ما فهمت؟
-شعليج انتِ هسه حيري بأمرج والي راح يجيج مني لا تحيرين بأمري وبكلامي
-هسه خلص بعد ما تريدني؟
-ولا اريد المح خيالج المكان الي انتِ تكونين بي اني انفي حضوري منه
-مو لهل درجه تكون قاسي انتَ كلبك طيب.
-بسببج كلبي هيج صار انتِ السبب بكلشي سبب دمارج ودماري هوه انتِ ماكو احد غيرج
-اني غلطانه واعترف بغلطي بس اسمعني الاخر مره
-من باع وصل الود بعنا دياره كافي مجاملات
-لكككك ارحمنييي يامان انتَ شسويت بيه منو انتَ وهل كد اني ابجي واتعب عليك اني ابوي ما نزلت دمعه عليه تجي انت وانزل دمعه عليك ليشش بس كلي ليش منو انت ؟
-أنا مو شخص عاديًا ولا احتياطيًا ولا شيئًا زائدًا ،
ولا حلًا أخيرًا أو خيارًا اني موجود أسفل القائمة
أنا الأولوية أو العدم
-خلص ما اريد اسمع اي شي ما دام ما تريدني روح ليش جاي تعذبني
-جنت راح احارب علمودج اهلي وكل ناسي بس للاسف انتِ كسرتيني وبنفس الوقت خسرتيني
-اكبر خساره بحياتي هوه انت اني غيبه لان فكرت وعفتك
-كل جرح بنزف مني بسببج وراح اضل اكرهج طول عمري
-لااا يامان لا تكرهنيي عليك الله صح غلطت بس لا تكرهنييي
- كلبج كله راح اخليج تاكلينه ندم على خسارتي .
-هذه اختيارك صعب عليه اتقبله
-أختاريت أتجاوز سوادج
حتى ما اوصخ بياضي .
توها بلشت تريد تكتبت وحظرتها اني ما اتبدل ولا استبدل ولا اكون صالح للمقاونه او الاختيار بين شخصين اني دائما اكون الاول بالاول اخترت نفسي والنفوس جداً عزيزه تخليت عن كلشي اولهم تخليت.
عن حب حياتي والباقي عندي عادي اتخله عنه او اتخطاه عندما يكون لديك القدرة على التخلي عندها ستصبح حرة بلا قيود . توقع الاسوء من الشخص الاصلح هو القوة بعينه .أنا لا أثق بأحد
بينما الجميع يثقون بي هذا ما أريده.فلتدوس على
كل شيئ انقضى زمانه ولتكون اكثر قوة من اي وقت مضى .فطباع البشر لا تتغير .
«ــــــــــــــــــ«•»ـــــــــــــــــ»
هازال :-
ا وصلنا البيت عمامي والفرح على وجهي كلش فرحانه حتى اشوفهم لان صار هواي ما شايفتهم نزلت اني وسيلين سويه نزل بابا من السياره هوه وماما رحنا وكفنه يمهم ودخلنه لبيت عمي محمد جانو كلهم كاعدين بالحديقه ويحجون ويتناقشون من شافو بابا ابتسم عمي محمد وصاح:-
-حيي الله من جانه اليوم اخوي زارنا وزارتنه البركه
راح بابا على عمي وحضنه سلم عليه وعلى جدي رحنا عليهم وسلمنا سلمت على عمي وجدي ودخلت للبيت ادور بعيوني على نيار فزيت من وكف كبالي وبس رموشه ترمش غمض عيونه ورجع فتحهن واردف:-
-صحيح الي ديشوفه انتِ هازال
-ايي هازال
-لاا خاف متوهم
-يجوز دتحلم شمدريك
-شو كرصيني خلي اتأكد
كرصته من ايده حيل هوه لزم ايده متوجع باوع عليه وابتسم:-
-حتى من الفرح ما اعرف شسوي
-اسكت لا تحجي عمتي وين مرت ادرس وين
-هياني حبيبتي
درت وجهي اباوع عليها لان اني ما شفتها حيل بس بالمكياج شفتها رحت سلمت عليها واردفت:-
-طبعا اسفه لان ما سلمت عليج وباركتلج بس جنت مريضه واختنك بسرعه اني
-ادري حبيبتي ماكو داعي تبررين حجالي ادرس عن مرضج
-ابن عمي الغالي طبعا يحجيلج
-سمعت اسمي
-هلا بسورها ونورها
كلبت عيونها ما عاجبها الوضع اجه ادرس حضني واردف:
-النور كله بوجودج يالصفره
-راح تخلوني اغير لون شعري والله
-اذبحج غير
-جا كافي تصيحولي الصفره لو الشكره
-هوه ياهوو صايحلج الشكره
-ولد خالتي يامان وماهان ونسور والباقين
-اكتليهم شبيج يحظي انتِ ايدج مو الج ابجخي (اكتلي) ياهو يطلع كدامج
-اعتقد هيج راح اسوي
ضحكو نيار وادريس سويه طلعنا برا بالحديقه يم عمامي واهلي نكعد يمهم ضلينه نحجي ونسولف ونتشاقه وكلشي عادي اتغدينه ورجعنه كعدنه بالحديقه لكن هنا جانت الصدمه من عمي ادرف :
-بما انو الكل مجتمع اريد اكول فد شي كلش مهم
-احجي ابني شنو موضوعك المهم؟
-احجي ياخويه؟؟
-اريد هازال الابني نيار على سنة الله ورسوله
اني جنت متوقعه راح يكول هيج لان هوه من زمان رادني بس ما حجه البابا بس الي كالي وكف بابا مصدوم من كلام عمي كح جدي بقوه وادرف:-
-شهل حجي ابني شلون تزوج هازال لـ نيار وهيه تعتبره مثل اخوها
-جدي مو بس هازال اني هم اعتبرها مثل اختي يامور بس ابوي صدمني من كال هيج
-لاا ابني ابوك يتشاقه من هيج حجي
-ليش ماكو هيج حجي هاي كلاوات اني اخوها وهيه اختي همه ولد عم ونيار اوله بيها من الكل
-محمددد لا تجاوز حدودك انت تعرف شنو الي دتحجي انتَ دتطلب مني شي من المستحيل اسوي
-ليش شبي نيار ما يعجبك؟
-نيار مثل ابني واكثر اعزه مثل معزت بناتي شلون تريدني انطي هازال الواحد هيه تعتبر اخوها
-هاي الكلاوات ما تعبر عليه نيار هسه يكدر ينهي عليها وما يخليها تطلع الاي احد
-ياببه شنو هذه كلامك اني هازال ما اريدها هيه اختي شلون تعقلها اتزوج وحده اعتبرها اختي حتى لو بنت عمي
-هذه ابوك يمشخت مستحيل انطي هازال الاي احد كان اله هيه بموافقتها
-شدتحجي انتَ موافقتيش تريد تخلي بنتك تلعب بكيفها
-بنتي واني حر شريد اسوي اسوي بيها مالك دخل انتَ اخر شخص يدخل ما دام اني ما مدخل بنتك انت هم ما الك حق تدخل بنتي
-كافييييي ما عدكم احترامات لاا للجبير ولا للصغير تتعاركون كدام ابوك وهوه كاعد ما تستحونن
-اسفين يابه بس هذه ابنك..
-خلص انهي الموضوع لا هازال الـ نيار ولا غير شي اني صاحب القرار ومحد بيكم يكدر يدخل ويحجي بكلمه وحده تعالي بنيتي هازال تعالي اكعدي يمي
اخذت مساري ورحت كعدت يم جدي لزم شعري واردف:-
-الشكره مالتنا شلونها
-زينه بوجودك
-بنيتي الحلوه هذه الكلام الي سمعتي لاا تتأثرين بي كلام عادي وما راح ينعاد ابد
-اعرف جدو وحتى لو بابا ما حجه وكال اني جنت وكفت وحجيت هذه الكلام كدام عمي لان هوه من زمان كالي انتِ الـ نيار وبس
-المهم هسه مثل ما كتلج لا تخلين اي شي يأثر على دراستج اهم شي تكملين وتصيرين احلى دكتوره اسنان
-تسلم جدو الله يطول بعمرك
باسني من راسي وكف على طوله عمامي الباقين ما حجو شي لان بحظور جدي الكل يسكت بس بابا من عصبيته نسه جدي باوع جدي على عمي محمد واردف:-
-هذه كلامك اذا عدته مره ثانيه لا انت ابني ولا اعرفك ولا تعرفني
-من رخصتك يابه انت جايبني هنا حتى بس تسمعني هذه الكلام لو شنو
-تتوقع هذه الشي يطلع مني
-لاا يابه بس على اخوي عود الجبير مالتنا
-هذه الكلام بعد ما ينعاد وخلص سدو السالفه
-اني كلت الي عندي وبعد بكيفكم
-لاا تخليني امد ايدي عليك محمدد
-يابه خلص كافي الظاهن محمد ما ناوي على خير اني اخذ اهلي واروح
-ما تطلع حلك الباب والكل يضل هنا
-لااا يابه اني اجيت بس علمود العزيمه لان عندي شغل مهم ما اكدر اضل اكثر من هيج يله اودعناكم
طلعت ماما واختي راحنا للسياره سحبني بابا من بين الكل واخذني للسياره ماما صعدت ويه سيلين وراحت واني صعدت ويه بابا فر السياره كدام بيت عمامي وطلع بوجهه للبيت طول الطريق ساكت وبس يضرب على السترين اخر شي حجه :-
-بنيتي لا تخلين هذه الكلام يأثر عليج وعلى دراستج المهم انتِ تكملين واشوفج احلى دكتوره
-شعندي اهم من انو ارفع راسك واخليك تفتخر بيه
-بنيتي الشطوره لا وتزعلين من عمج يوم يومين يستوعب الكلام الي كاله ويجي يعتذر
-ما اريد اعتذاره المهم يبتعد عني
-وعلاقتج ويه نيار لا تخربينها هوه يعتبرج مثل اخته
-واني كذالك هوه مثل اخوي ومو بس هوه حتى يامان وماهان والباقيه كلهم اعتبرهم اخوتي
-ادري بيج بنيتي ماكو داعي تكولين
اخذت نفس ورجعت ذبيته براحه واخيراً ارتاحيت وصلنا للبيت نزلت اني قبل بابا وصعدت غرفتي فكرت اروح على العزيمه مال ماهان بس ما ضل وقت كعدت على السرير اقره لحد ما صار الليل اتصل عليه نيار اخذت التلفون واجاوبته:-
-هلاو نيار
-هلاو هازال
-شلونك على الصدمه الجديده
-اهلي صارو مثل خوالج
-يمعود ما انصدمت اني لان توقعته هيج راح يكول
-زين انتِ توقعتي هيج اني شنو ذنبي انصدم لاا ويريد غصبا ما عليه اتزوجج زين ما فكر اني شراح يصير بيه يجوز احب بنيه واريد اخطبها
-تحب منو ولكك؟؟
-ما احب بس ديكلج يجوز احب
-عبالي تحب جان كسرت راسك
-هاا هازال سالمين؟؟
-لا يروح بالك بعيد بس اكو شخص يحبك حيل واريدك اله
-شخص يحبني ؟؟
-ايي ومهوس بيك حيل
-منوو هاي ولجج احجي ؟؟
-اذا كتلك تزعل فـ بعدين عود احجيلك منو هيه
-خرب روحه الخالي ولج راح انجلط منو هاي الي تحبني ومهوسه بيه؟؟
-بعدين تعرف
-بس لاا من قوم خوالج حتى اشك ملابسي واطلع مصلخ
-شبيكم انتم كل ما واحد حجه وياكم واشك ملابسي واطلع مصلخ وياريت عاد لو مسوينها
-الله يكرفجج كون
-اسكت نيارر
-شدتسوين؟؟
-كاعده اقره
-جا روحي كملي اني اروح اديح
-تعرف بنفسك دايح
-احب اعترف بأفعالي
-الاعتراف حلو خليك دائما صريح
-مع مرور الايام راح تشوفين صراحتي شلونها
سدت التلفون من نيار وكعدت ادرس بس حيل تعبانه حتى صوتي راح شويه ودك تلفوني عبالي نيار بس اتفاجئت من شفت ريري متصله عليه بسرعه رديت عليها ضلت تحجي وتسئل لاحضت صوتي وضلت تسئل شبيه بس كلشي ما حجيت الها لان تروح تكول لـ ماهان ويامان حجيت وياها شويه وسديت التلفون سديت الكتب ونمت لان باجر دوام حسيت الصبح على يوت المنبه كمت بسرعه غسلت وجهي بدلت ملابسي ونزلت اخذت السويج وطلعت للجامعه وصلت وبسرعه دخلت المحاضره دخل الدكتور ودخل وراها بنيامين بس لاا راح يفضحني اجه كعد بصفي وسكت ما حجه شي ردت اكوم لكن وقفني بكلامي :-
-لا تكومين ترا ما اكل بشر
-والله جماعة الزعيم كلشي يطلع منهم
_هازال صوتج كافي
-اخخخخ بلوه انت بلوه وكعت على راسي
ضحك على كلامي ودار وجهي يباوع على الدكتور باوعت على مكان ريفا كاعده بي اشرتلها بأيدي هلاو هيه هم اشرتلي رجعت كعدت عدل وركزت على المحاضره لحد ما خلصت طلع هوه اول واحد رحت يم ريفا وطلعنه سويه لمحت البنات كاعدات بالسنتر رحت اني وريفا عليهن :-
-وينج شو ما شفتج من جيتي
-هيه صاير ما تنشاف عيني
-شكد تحجن الخاطر الله اسكتن خلي اعرفجن على النفر الجديد
-يا نفررر؟؟
-تقصدين ريفاا ؟؟
-باوعت على ريفا واردفت:-
-تعرفينها ؟؟
-صديقه بالمدرسه جانت
-اهاا هيج الحجي
-اوكفوو فهموني ريفا منوو؟؟
-اني ريفا
باوعت ريري على ريفا واردفت.-
-واووو نفرر نادر جداً اهلا وسهلا بيج
-وبيج الاكثر
-وياي بنفس القسم
-هم زين لكيتي تكج الثاني
-شقصدج؟؟
-يعمي لكيتي احد وياج بالقسم
-وبنيامين ابن خالتي هم وياج
-اعرفه كبر وجهه النعال
حجيتها وكعدت كعدت ريفت بصفي واردفت:-
-معقوله بنيامين ابن خالتج؟
-للاسف الشديد ايي بس والله ما جنت ادري بي هوه ابن خالتي من تعارك وياج
-لاا بس انصدمت انتِ اصلا انقذتيني منه
-خلي يولي لعبتلج بي لعب شفت واكه يم يامان ابن خالتي خليته يتراجف اخر شي عافنه ومشه
-شكد مكروه يعني مع احترامي الكم
-عادي حبيبتي احجي عليه مسموحلج لان بنيامين الكل يحجي عليه بالسوء
-انسان سيئ بمعنى الكلام شكد نكر كدام يامان بس اني حجيتها طك بطك
-عفيه عليج والله كفووو
-حبيبتي شعبالج جا اني خطيره وما اهاب شي
-جبار لفه هذه الكل يهابه ويخاف منه
-جبار لفه شنو خرب روحج؟
-هذه اخوي اسمي عمار الهندي وهسه انتِ جبار لفه
ضحكت على كلام ريفا ورجعت ركزت بالاوراق مال محاضره الجايه ضلن البنات يحجن ويه ريفا وشويه وراحن للمحاضره اني هم كمت ويه ريفا ورحنا للمحاضره خلص اليوم ماكو اي شي عادي بس للاسف الجو خاني ومطرت بالكليه طلعت ماكو لا ريري ولا رجحان عبالي اخذهن وياي ركضت للكراج حتى اركب سيارتي لكن انصدمت ما اشغلها وما تشتغل حاولت اكثر من مره لكن ماكو ما شتغلت نزلت من السياره والدنيا مطر تزخخ زخخ شعري تبلل ملابسي كلهن تبللن وكفت كدام باب الجامعه توني اريد اصعد تكسي بس وكفت سيارة ليم كدامي فتح الباب واردف:-
-بسرعه صعدي ما صل وقت
نزلت على الرصيف وبسرعه صعدت السياره خليت غراضي وره وباوعت على وليم :-
-دائما الله يدزك الي
-بالصدفه تذكرت انتِ بالكليه
-اني لو ما السياره عطلانه جان صعدت وصلت اهلي
-اشتري غيرها
-ما اكدر احبها حيل بيها هواي ذكريات
-اكيد حزينه
-اييي بس مع ذالك ابقى احبها
شغل السياره وانطلق بينا للبيت الطريق كله كضيناه ازدحامات ضحك وليم واردف:-
-ليش ما طلعتي تلفونج وصورتي المطر
-ياااا نسيتتت ذكرتني
طلعت تلفوني وصورت المطر فتحت الجامه وصورت القطرات والشوراع شلون صارت من سديت الجامه جسمي كله صار يرجف انتبه عليه وليم نزع الكوت مالته وخله على جسمي لزمت حيل واردفت:-
-شكرا الك
-ليش ما لبستي ملابس ثخينه هاي ملابسج حيل خفيفه
-اسفه والله نسيت هوه اني شمدريني راح تمطر اعلم الغيب
-حتى لو لازم تاخذين احتياطاتج
-اويلي عليك شكد بارد
-هل كد تكرهين برودي؟
-ما احب الانسان الي يحجي برود تام وكانو ما صاير شي عبالك بداخله بركان هايج
-اكو هيج ناس واكو لاا
-شوف يالله شوف شلون يحجي
-اسكتي هازال صوتج
-شكد شايفك نفسك ومغرور
-عادي خليني مغرور ولا واحد مسربت
-الله عليك
-شعرج تنكع
-انت شنو مشكلتك ويه شعري وين ما تشوفني شعرج وشعرج؟؟
-لان شعرج هوه المحليج
-يعني اني بنظرك حلوه ؟؟
-مو بس بنظري بنظر الكل
-يعني هسه حلوه اني ؟
-الله خلاها شكره وتسئل اني حلوه شبيج هازال ؟
-مادري بس حبيت اسئلك
-البارحه تونستي يم عمامج؟
-شمدريك اني رحت العمامي؟؟
-يامان حجه
-لاا ما تونست هنا احلى
-شي اكيد لان اكو اكشن وآثاره
-بالضبط احب الناس الي تفهمني
-شقصدج؟؟
-ما قصدي شي
داو وجهه يباوع عليه ضرب الستيرن واردف :-
-هازال ؟
-ها احجي ؟؟
-اليوم طيارتي .
-ما فهمت؟؟
-اليوم راح ارجع لامريكا
-تشاقه صح؟؟
-اني والشقه ما نتراهم
-زين ليش ما كلتلي
-صارت فجأه اني عبالي اضل اكثر بس عندي شغل هواي هناك
-هل كد شغلك مهم ؟
_هذه الشغل راح يغير حياتي
-شلون يعني؟؟
-من ارجع راح يتغير كلشي حتى انتِ راح تتغيرين على الي راح يصير
-مستحيل اتغير اني
-بس الشي الي راح اسوي راح يخليج غصبا ما عليج تتغيرين
-شنو هوه؟؟
-بعدين تعرفين من ارجع
-ما جاي استوعب راح تروح زين شكد وترجع؟؟
-شهرين او اقل وارجع
-بهذني الشهرين شنو راح تسوي وتخلي الكل يتغير؟؟
-بعدين تعرفين مو هسه من أسافر وارجع اجي هنا كلكم راح تشوفون هذه الشي
-نشوف ؟؟
-ايي جا شتسوون
-سوريي نسيت بسببك تيهت كلشي
-اني شكوو
-مادري بس من كلت راح ارجع كلبي لسبني راح يصير شي مو زين
-هذه التوقع مالتج بمكانه
-راح انجلط والله كافي اسكت خليني افكر
سكت هوه يضرب بالستيرن بخفه شنو هذه الشي الي راح يخلي الكل ينصدم ويتغير حتى روز كالت راح نروح بس من نرجع راح يتغير كلشي شقصدها ما اعرف باوعت عليه واردفت:-
-روز تروح وياك؟؟
-شي اكيد روز وين ما اني اكون هيه تكون وياي
-حتى هيه كالتلي مثل كلامك انو من ترجعون كلشب راح يتغير
-روز هيج كالت ؟
-ايي والله من اخذوني للمستشفى اجتي عليه وكلتلي هذه الكلام بالحرف الواحد
هز راسه وسكت درت وجهي اباوع على الجامه شلون راح اكدر اتحمل ما اشوفه شهرين اموت والله وانوب مادري شيريد يسوي من يرجع ما يهمني هذه الشي المهم هوه شلون راح اتحمل غيابه عني شهرين وصلني للبيت ونزل قبلي نزلت اني ونزلت غراضي وياي باوع عليه واردف:-
-ديري بالج على نفسج .
-وانتَ هم انتبه النفسك
-اعتقد راح يكون اخر كلام بيناتنا
-ما فهمت؟؟
-اذا صار هذه الشي الي راح يغير الكل انتِ اولهم راح تكرهين
-لهل درجه الشي مهم
-كلش مهم
-منو يعرف بي،؟
-بس اني وروز واخوتي
-بس انتم؟
-والزعيم اساسه
-يمهه كلبي ما دام الزعيم بيها لاا هاهيه بعد ما راح نشوف الخير من تجي لو حي على الصلاة
-المهم هسه انتبهي على روحج ودراستج اهم شي لا تخلين الي راح يصير يأثر بيها
-تدلل من عيوني تأمرني بشي ثاني
-لاا بس سلامتج
-درب السلامه
ابتسم بوجهيوصعد السياره بس ما جنت متوقعه راح تكون اخر ابتسمه لـ وليم الي ركضت ودخلت للبيت من رجعت تمطر بابا من شافني هيج اجه عليه ركض :-
-ليش هيج ملابسج وشعرج
-سيارتي عطلت وليم اجه اخذني
-اويلي على سيارتج كم مره كتلج خليني اشتريلج وحده غيرها بس انتِ ما تقبلين
-خلص بابا كافي هسه ما صار شي
-وهاي ملابسج وشكلج تضلين هيج انتِ
-عادي بابا ما صار شي المطر حلو
-بعده شويه راح تكومين تكحين وتعال يا عمران وديي هازال
-يهون عليك تعوفني مريضه ؟
-ما يهون عليه اشوف دموعج مو اشوفج مريضه عصفورتي انتِ
اجه باسني من راسي واخذ الغراض من ايدي خلاهن على الميز صعدت كبل بدلت ملابسي واخذت علاج اخاف لا اتمرض اكلت شويه ورجعت صعدت الغرفتي كعدت على السرير اتصفح بالانستا لحد ما غفيت واني ما ادري بروحي حسيت على صوت سيلين وهيه تكعد بيه رفعت راسي من اللحاف وحجيت:-
-شكووو دردمين فوك راسي
-الريس راح يروح
-اعرف راح يسافر ومحضرلنه مفاجئه حلوه من يرجع يفاجئنه بيها
-انتِ كلشي تعرفين شرقيه نيوزز
-الشرقيه مالت الزعيم
-شلون تخليني اكوم اكتلها
-كومييي من يمي خليني انام
-دكومي كوميي بعد شينومج بليل وانتِ باجر وراج دوام
-اهووو منج يالتسس وخررري عنيي
طلعت سيلين من الغرفه تركض فركت عيوني وكمت غسلت وجهي وكعدت اقره خلصت وكلت اروح اشوف خوالي شكو ماكو يمهم لبست ملابس ثخينه وطلعت من الغرفه نزلت جوه امي كاعده على المسلسل هيه وسيلين كلتلها وطلعت من البيت خليت الكبوس على راسي وطلعت شعري منا ومنا لان ما يصير كبه خليت ايدي بجيوبي ورحت فتحت الباب ودخلت الحديقه صايره تجنن قطرات المطر على الأشجار صاير منظرهن يجنن عفتهن ودخلت للبيت لان بارده حيل والدنيا ليل ضحكت من شفت ماهان ومرته موجودين يم بيت خوالي من شافني صد بصفحه دخلت عليهم وسلمت دز السلام بس بنبره عصبيه طبك عرج اني شكو كعدت بصف يامان واردفت :-
هازال-شلونكم على الخبر الجديد
نسور -ياا خبر ؟؟
صكر:'- يا الله يا ستار شكوو؟؟
-مادري بس وليم يكول من راح ارجع من السفر كلشي راح يتغير راح اسوي شي اخليكم كلكم تتغيرون
-شوكت كلج؟؟
-اليوم من رجعت من الجامعه
-وين شفتي ؟؟
-مو سيارتي عطلت فـ هوه وصلني للبيت وكالي هذه الكلام
-حتى اني روز كلتلي جانت تلمح بس ما فهمت قصدها
-يا ستار سترك علينه شراح يصير اكثر من الي ديصير هسه ويانه
-والله مادري
ضلو الشباب يحجون بخصوص هذه الموضوع بس ماهان مو يمهم كاعد بصف مرته ومندمج وياها يسولف ندست يامان واردفت:-
-والقران هذه اخوك ما بي دفرخ ارجعه الحضن امه
-عوفج من ماهان البارحه شبي صوتج عبالك صاير شي ؟
-ماكو شي
-لاا اكو اكيد صاير شي من رحتي البيت عمج وخلاج هيج تصيرين
-يمعود عمي محمد يريدني لـ ابنه نيار
باوع يامان عليه بصدمه واردف بعلو صوته :-
-شلوننننن؟؟؟
ضميت راسي حتى لا احد يشك بس ماكو هوه يخلي كل الشكوك تجي علينه :-
-شكوو يامان شبيك عليش صحت؟؟
-لاا ماكو شي بس تذكرت شي
-لهل درجه قوي خلاك تعلي صوتك
-هسه انتَ شعليك خليني بحالي ياخي
-يامان انتَ وهازال سالفتكم مو خاليه
-اني شكووو؟
-انتِ راس البله
-اني راس البله انتَ شعليك احجي ويه يامان شي خاص انت شكو تحشر نفسك
-هازالل تعالي وياي اريد احجي وياج بموضوع مهم
لزمني يامان كدام الكل وسحبني للحديقه كعدني على الكرسي واردف :-
-تشاقين وياي صح؟؟
-ايي والله بس انت شبيك فضحتنا خرب يومك
-من الصدمه هازال اعذريني
-لا تشغل بالك جدي سد السالفه والموضوع كله اصلا
-طمنتيني عبالي راح تزوجين
-حتى لو تزوجت شكو بيها ؟؟
-بعد وين نشوفج
-محد يكدر يمنعني من شوفتكم
-المهم هسه انسدت السالفه
-اي لان بابا ما قبل وكام يحجي على عمي ونيار هم ما قبل
-لاا عوزه يوافق
-شبيك يامان خليني اكمل
-ايي كملي
-ايي صارت مناقشات طويله عريضه بين بابا رعمي وجدي اخر شي جدي ختمها لا اني الـ نيار ولا هوه الي
-الف الحمدالله والشكره الك يارب
-ترا بكل الحالتين حتى لو جدي وافق بابا ما راح يوافق وما يخلي هذه الشي يصير ما دام اني ما موافقه عليه
-عمج فيوزه طاكه خطيه
-المهم هذه الكلام ما اريده يطلع اني امنت بيك وحجيتلك لان انت اخوي
-لا تخافين سرج بير غميج
-المهم هسه بابا ما موافق وخلص
-ابوج على هذه الكلام لازم ابوسه على راسه
-من تشوفه عود بوسه
ضحك يامان على كلامي ورجعنه دخلنه جوه بس ماهان يراقب كل تحركاتنه وين اروح اني ويامان وين اجي بس هوه يحجي ويه مرته مادري شلون مركز بالاثنين كعدت شويه يمهم سولفت وضحكت وبعدين رجعت للبيت لكن قبل لاا ارجع وقفني ماهان بكلامي:-
-ليش ما اجيتي للعزيمه
درت وجهي عليه واردفت:-
-جنت معزومه يم بيت عمامي وما اكدر اجي
-ابوج اتصل عليه وكال اذا تريد هازال تحي للعزيمه عادي ماعندي مشكله ما تروح لـعمامها
-ما جان عندي واهس اجي واشوفك لان انتَ ما احترمت وقدرت وجودي بالعرس ترزل بيه كدام الناس فوكل كل هذه يسئل ويامن جيتي بدال ما تسئل على رجلي وشلون كدرت اجي علمود عرسك حتى لا تزعل انتَ
-بوقتها محد كالي انتِ نايمه عبالي موجوده اجيتي ويه اهلج لان ما شفت احد اني سئلت الكل ما كالولي حتى امج بعدين عود كلتلي هازال نايمه بالبيت عبالي انتِ ما تريدين تجين للعزيمه
-خلص لا تقهر روحك ما صار شي
-بعدج زعلانه مني ؟؟
-انت اخوي ما ازعل منك بس ضجت شويه
اتقرب من عندي حضني حيل واردف:-
-بعد لا تعيدهاا ترا ازعل وبعد ما احجي وياك
-ما يهون عليه زعلج وغلاتج عندي بالسفره وافكر بيج اتصل ماكو ما تجاوبين تخبلت من شفتج ناشره ايدج وبيها كانونه
-هذه غيابك جان صعب
-الله يهطرج كون يول يالشكره
-بس من عندك تطلع حلوه "ياالشكره" الله
-هذه لقبي بس الكل اخذه وصارو كلهم يصيحوج بي
-احلى لقب والقران
ابتعد عني واردف:-
-انتبهي على نفسج
-وانت هم
باسني من راسي وابتعد ودعته ودخلت للبيت استمريت اروح وارجع للجامعه وكل يوميه نفس الروتين اكضي وقت على ما يجي وليم هذه اليوم راح يكون اخر يوم لان صار شهر ونص واني احسب الايام الي فاتت على غياب وليم كعدت الصبح يوم جديد بس نفس الروتين بدلت ملابسي وطلعت رحت للجامعه ودخلت المحاضرات كلهن صار ملل عندي والنواب التراكمات صارت هواي عليه طلعت من المحاضره ورحت للسنتر لكيت بس ريري موجوده :-
-اشو اليوم وحدج
-رجحان اجه اخوها اخذها
-اهاا مو اكول
-اليوم حبيب القلب راح يجي
-ادري
-شمدريج؟؟
-حاسبه الايام يوم يوم من راح لحد هذه اليوم
-الحب افعال
-مو علمود شي بس اريد اشوف شنو هذه الشي الي راح يخلي الكل ينصدم
-اني هم متحمسه
-اني خايفه وبنفس الوقت فرحانه
-اني مو فرحانه بس خايفه ومتوتره لان ما دام السالفه بيها الزعيم لاا هاهيه
-تروحين وياي لو يجي يامان ياخذج
-لا اروح وياج احسن ما بيه حيل انتضر
-جا يله نطلع لان الدنيا بارده حيل
اتصلت ريري على يامان وبلغته راح تروح وياي صعدنه اني وياها السياره سديت الباب واتوجهت للبيت لكن ما اعرف شنو منتضرني هناك من صدمه وكفت السياره كدام بيت خوالي نزلت اني وريري سويه ابتسمت بفرح من شفت سيارة وليم واخيراً اجه باوعت عليه ريري واردفت:-
-خايفه ادخل
-من شنو خايفه امشي ندخل
-لاا هازالل كلبي علمني اكو شي جوه راح يصدمج ويصدمني
-حتى لو يصدمني المهم ادخل واشوفه
سحبت ريري وياي ودخلت للبيت توني اريد ادخل الباب وانصدمت من سمعت صوت بنيه غريب تصيح بأسم وليم رفعت راسي وانصدمت اكثر من شفت بنيه واكفه بصف وليم ولازمه ايده بكل قوه تمنيت الكاع تنشك وتبلعني ولا سامعه كلام وليم باوع على الكل واردف:
-اقدملكم خطيبتي ريفان .
يتبع!!💀
حسابي على الانستا @llil16._ 🤍
«ــــــــــــــــــ«•»ـــــــــــــــــ»