.
.
.
لم يخذلني أحد
أنا من خذلت نفسي
حينما توقعت منهم الأفضل
....ليت گل شي گالسابق....
....وليتنا لم نكبر أبدا.....
.....ما يحدث هو خير لك ولو لم يرضيك.....
------------------
هبه/
افكار براسي هوايه وفرحه فرحه عظيمه مكاعد توسعني معقوله هذا العوض
رجلي
اولادي
دراستي
احلامي
كلشي تمنيته صار
بس هل ادوملي لا طبعا وشلون واني هبه ؟
......................
بعد مدخلت عمتي ومعجبها ولا صرفلها اني رايحه
جايه
وراح ترجع الامور لمجراها حسب أعتقادها
قررت تفجر قنبله مو ضروري هيه التنطقها لكن
الحقد والانانيه وحب النفس ميعرف حدود ولا عمر
صدكوني.
صار يسمى الحقد ذكاء
والسرقه فرصه تجيك
والطيبه غباء
والثقه عديم الشخصيه
ووووو مصطلحات اطلقوها الناس الغلط بهدف عدم
رمي الخطأ عليهم وتبرير نفسهم أمام الناس فقط.
...........................
رائد/
بعد مكمل كلامه وبرر كل افعاله نسى شغله مهمه ان يوظحها.
وهنا دخل ابنه يبجي على لعبه وبين مرائد يسكته دخلت عمتي وياها البنات تلاثتهم.
ام فراس/
بعد مأخذت صفنه على رائد والكاعده بصفه ومرتاحه
رجعت ليوره وفتحت ايديها ثنينهم ودفعت البنات كلهم وكالت
هاك يمه نسوانك شلعو قلبي
اوف من محل لمحل ومعاجبهم العجب يكولن احنه نسوان.......منلبس أي شي.
هبه/
صافنه شكاعد تحجي عمتي منو نسوان منو يشترن
شو دخت عليمن تقصد
كلتلها عمه انتي المن تقصدين
ام فراس/
شبيج حبيبتي هباوي نسوان رجلچ يعني ضرايرچ
ورجعت تأشر عليهم ودكول ذني ؟
فرح
ليلاف
روزين
هههه وانتي رابعتهم والله يا رائد ممقصر ابد.
هبه/
التافيت اله وأشر بيدي
ش.شكاعد تحجي ها كول.
باوعت للحجيه تهز براسها متأسفه.
أحجو عاد احد يفهمني احجو.
ام فراس/
يا اني عمتچ وداكلج نزل عليچ اثنين هل حيلوات يمه فدوه لحلاتهن.
هبه/
احجي احجي عاد أنطق.
رائد/
كعدي هبه دفهمچ كعدي الحجي مو مثل السمعتي
اهدي عيوني.
هبه/
شهدى شهدى يا ظالم ولك مرمرتني وكسرتني وهجرتني وحرمتني من اطفالي وفرحتي شبقيتلي انت وتاليتها تتزوج عليه وثنين
ها كول كول.
أباوع للحجيه تنظرله ومراضيه وترجع تهزلي براسها بأسف.
هناك وحجت
روزين/
لا تزومني قلتلك هذا القجال مثل ماهو زوجكي هو زوجنا ليش عم متوبع وعم تعملي نفسك ما عم تفهمي.
رائد/
ولا كلمه لسانچ بحلكچ لا أكصو الچ .
هبه/
شكاعد تحجي هذه.
فرح/
اعتقد دكلج مثل ماهو رجلج هو رجلنه.
رائد/
هبه
هبه
تعالي ياعيني أركدي يمي أفهمج الوضع ترى كلو غلط.
هبه/
بعياط وعصبيه
سؤال واحد وجاوب عليه
نسوانك ذوله لو لا.
- اكعدي دفهمج الصار مو مثل ممصوره.
- سألتك نسوانك لو لا.
رائد/
أي بس......
بعده ممكمل.
-وهبه هجمت على العوجيه البصفه واخذتها وظربت رجله المبنيه
وهناك تظربها حيل حيل بصدره.
ولك شنو شايل هنا هنا
كلي حجر متحس بيه مدكول شذنبها
أحجي وكول.
ام فراس/
شوف شوف على هل عرامه تربات سجود شطلعين هاي مو بنتي
صارن صديقاتها.
روزين/
نحن قاعدين هوني مانغوخ لمكان هذا مكانه وهذا الغجيل ونحن اوبعه وكفاش طعوج
وعليش حاطه القجال بزابوقاي وتتسألين فينو و.....
هبه/
وهنا كمت عليهم وبالعوجيه الهم وحتى عمتي كلهم كلهم نظربو عبالك كبد السنين كله طلعته
اني مفهمت شكاعد ترطن بس عرفت دتحجي عليه.
الحجيه/
ولكم الله لينطيكم خبلتوها للمره وطلعتوها من طورها
ولك رائد كوملها يمه فقدت البنيه.
هنا وكفت يم الباب
هبه/
ولك أسمع
يا رائد / يا رائد
اذا مخليتك تحفى عليه وتتوسل دشوف دشوف
وها خليها ابالك ولدك هم ماريدهم ولا اريد اشوفك وخليك ويه نسوانك.
ام فراس/
وعليش عيني يتوسل يله يله ولي عنده نسوان فص اللماز
يتوسل بيها بنت سجود.
رائد/
ولج هبه تعالي اني افهمج ولج تعالي
أخ رجلي
- ركضت عليه فرح وروزين
فار الدم بقلبي ومتحملت طلعت بره رأسا بعد المعركه الداره قبل شويه
أفور أفور وأغلي مداتحمل طكت الدمعه من عيني شكد قاومت.
لاكاني السايق
- بنيتي اوصلج.
هبه/
بس هزيت راسي بأي
صعدت بالسياره بس تحركت نزلت دموعي بغزاره
أبجي وابجي وأبجي
مهظومه ومقهوره
الغريب أنه تغير شي بداخلي ونكسرت القيود المحاطه بيها اني
شنو الصار وشنو التغير ماعرف.
وصلت للبيت امي شافت حالتي تعجبت بس محاجتني.
أكيد عرفت من ورى رائد
انتظرتني ارتاح للمغرب واجتني وحجت بعد مكعدت على الجربايه.
.......................
الحجيه/
شوفي ام فراس اليوم طلعتي صوتي لخاطر هل يتيمه واريد اكلج من الله ليوفقچ على كسرت قلبها
ولكم صغيره شنو خاف عبالكم كبرت بعدها بعدها عودها طري
لو عودها كوي چان ظلت وسمعت.
يتيمه منو يرضاها ولك انت يا رائد صدك ما ارضى عليك واظل غاظبه دنيا واخره عليك.
ترظاها لبنتك مو كلها مردوه الك
شنو شتريد تتحمل وتتحمل.
وانتن عيني ماعرف اسمائچن اصعب من العمر الكظيته
ليكون صدكتن زواچن وكاعدات تتهاددن ويه مريته خلو رجلجن شويه بالكاع وستهدن بربچن .
وانتي يراس الصل يفريحه صفيتي ويه الغريبات على بنية خالچ ولچ شنو من سم راظعه.
رائد/
مقصرتي مقصرتي حجيه وعصبيتچ ومغثتچ ودموع هبه كلها لطلعها من عيونهم .
ام فراس/
شلك بيها صدك حظ........
ظربتك ظربتك يبعد بيتي بالعوجيه وبعدك تفزعلها مو هاي كدامك مرتك واكفه حلكها مفكته.
رائد/
منيه مرتي منو بيهم.
أم فراس/
منو غيرها هنا مرتك بس فرح.
- يعني تعرفين بس فرح مرتي
عليش غثيتيها لهبه ورجفتيها عليش كعدتي تصبغين وتصيحين نسوانك.
- ااااا مو ها....
- كافي كافي
حتى مداعرف شلون احاجيج زوجة عمي وام مرتي وجدة اولادي ومره أكبر مني واجب أحترمچ
بس انتي مدتخليلج أحترام.
يعني الكل يعرف اني رجعة من حلك الموت وطلعنه بأعجوبه وخلصنه كومه سبايا
سمعتو روزين/ ليلاف
سبايا خلصناكم لان غيرتنه متسمح واجبنه هذا مو منيه لايشهد ربي
بس مو معناها زوجاتي انتو.
روزين/
ببكاء
بس انت عقدتو علينا هونيك وقلتلهم صرت قجلي.
أم فراس/
سكتي يمه سكتي
الكم الله يبيع الكل لخاطر المشترته ومعترفت بي.
رائد/
يا زواج ترى كوه لازم أعصابي وماريد اجفص بالكلام وأجرح
ليكون صدكتو عقد الدواعش حلال
ولكم الي يحلل ينطيني المره نجربها واذا تعجبنه اليريد يعقد والميريد مده ويرجعها
ادري شنو ماخذين سياره ونطلع بيها تراي ونشوف تعجب لو ما تعجب
أسكتو لتخلوني اطلع من طوري وأكوم اللوص بالكلام.
وانتو بنات باكرات يعني اله بمحرم منكم يتم العقد
شو
لاورقه لا مستمسك لا ولي أمر مدكلولي عقديش هذا
وتعالو كلولي قبلكم اني تقريبا 15 وحده مطلع بحجه عقد ونطلع
لان من نعقد بعد نكتلكم نبيعكم نهديكم مالهم حق يحاسبونه
هو هذا العقد التعتبرو حلال كفيلكم الله لباب الحوش ماعترف بي.
ام فراس/
اي وجدده ليش آتيه حديثات ثنين شذنبهم لخاطر عيون هبه خانم.
رائد/
هم حقچ
اني عندي نسوان ثنين ومكتفي من باجر أخابر فراس يعقدلهم وياخذهم حريم الو.
ليلاف/
لا لا
أحنه نغيدك الك ما نغيد قجال غيرك.
ام فراس/
يمه وهم يعجبهم ويتشرطن وميردن ابني خيرة الشباب
وليكون عبالكم أخذكم اله لا عيوني لا اني اريدله بنت حسب ونسب.
رائد/
كافي كافي
ماكو داعي للحچي الزايد والتجريح البنات جاري البحث عن اهلهم
واذا ماكو اسلمهم للمنظمات التابعه لل...........
.....................
سجود/
شبيچ هباوي يمه مردت اضغط عليج شبيچ بنيتي
تأنيب الضمير احسه ديذبح بيه.
هبه/
ذبيت روحي بحضنها وبجيت من كل قلبي
يمه يمه
طلع مزوج يمه نسوانه كلهم بالبيت داير مدايره مو بحالي
ليش ليش شسويت اني.
سجود/
بصدمه
شنو مزوج ليكون هذني البنات نسوانه.
- هزيت راسي بأي
واني بعدني أبجي بحركه.
سجود/
خلص كافي اني أصفيلچ الموضوع ولا تهتمين.
..................
هبه/
لليل كاعده اجاني يزن كلي عمو فاروق هنا يريدج يكول شنو وضعها صارلها ايام شبيها.
كله مابيها شويه مالي خلك ماطلع روح يزن فدوه.
مرة دقايق واسمع كبت العيطه بره وصياح فاروق
وأمي وزوجها
لاطلعت ولا عتبت بره الغرفه بس الفهمته كايليله رائد رجع ظهر ومرجع هبه على ذمته ووووو
حاجيله باقي الامور.
..........................
مرت الايام عاديه جدا
اروح للكليه اداوم وأرجع ماكو شي غير طبيعي
فاروق أجاني وعاتبني ليش محجيتله وليش موظحتله.
كتله
- فاروق شحچي وشكول صدك ماكو شي ينحچي صدكني
أني انسانه تعبانه لا الكل تجي وتحاسبني على شي مسويته اصلا
يعني شسويله طلك ورد رجعني شمعرفني اني.
فاروق/
وشمقرره هسه.
- ارفع قضيت طلاك واخلص مستحيل اعيش ويا وكل فكري شلون أرضي وشوكت يجي يومي.
- عفيه بطله
وأطفالچ.
- معليهم شي يكبرون ومصيرهم يعرفون ظلم امهم من أبوهم ويجوني
هو ابوهم أحن مني عليهم.
هنا متحملت بچيت.
...........................
الحجيه/
ها يمه مردت عليك.
رائد/
لا يمه فورت دمي من يمتى وجاي متعلمه هيجي.
- حقها والله غدي خلصو الرياجيل دتتعارك عليك.
- يمه شنو القصه عجل فرد مره دوريلها زلمه وزفيها.
- يمه شحلاتها الف واحد يتمنى يعرس عليها.
- هنا رائد شال العوجيه وركع البلازما الكدامه
وعاط من باجر رايح أفتح الجبس البرجلي ويصير خير.
دك الجهاز الموبايل
كعد وهو ينهت ويستغفر
الو 312 معك
هله هله بالعضيد
شلونكم
الحمد لله
شلون صحتك
بعدني مثل الحريم مكسر وكاعد
عجل نعمه طلعتو منها موزين على ايد ورجل
اي الحمد لله شلون الوضع يمك.
الوضع كل ما جالو يسوء اسمع وقت ماعندي هوايه
اخبار الوصيتك عليها ماوصلت لشي
لا توصلت لمصايب لا تسرك ولا ترضيك.
.
.
.
ثبتو القصه يمكم راح تنزل بعد فوارق طبقيه
نيران 🔥🔥🔥🔥🔥🔥