قيود_ " خلف القضبان "
الكاتـَبة:- ايـَات رسـُول ♥️
تصويت وتعليق بين الفقرات + قراءة ممتعة!
يـگول :- مَافِكرّت ليّلة ولوّ بَالعيّشِة
مِن دوّنِك مِوّ فِارسَ احِلامّك نِعمّ ،
بَس أنتَ كُل أحِلامَي والدِنيَا ظلمَة
بَغيّبتِك يَا گمّرة أيامَي .
«ـــــــــــــــــــ«•»ــــــــــــــــــ»
☆ هازال ☆
وكفت مثل المسطوره افر بنفسي يمين ويسار واباوع على الناس لزمني يامان من ايدي ودخلني للمطبخ سمعت صوت ابوي وهوه يحجي وياهم ويدخلهم بالديوان ترك ايدي يامان واردف :-
_شلون هيج تطلعين برا هازال عيب ما يصير
_شمدريني اني اعلم الغيب
_اكو حراس همه يفتحون الباب انتِ عليش فتحتي كلشي يصير هازال
_اهووو هسه ماصار شي
_يا ماصار شي عرضي الكل شافه
_ياعرض يامة الاسلام
_اقصد انتِ
_اني عرضك؟
_طبعاً جا غير اختي
ضربته على جتفه واردفت:-
_ليش تخليني اضربك
_كبورر عبالي خجلتي
_عوفك من هذه المرضوع
خله ايده على الميز واردف:-اسمعج احجي ؟
_هذه من كل عقله عبد لو شنو؟
_مافهمت شقصدج؟
_شلون يريد يخطبها وهمه متزاعلين يعني اقصد بعدهم ما متصالحين
_يحلوه انتِ نايمه ورجلينج بالشمس
_مافهمت؟
_تصالحو سيلين وعبد قبل يومين اعتقد
_تحجي صدكك؟
_ايي والله
_وليش اني مادري
_ترا محد يعرف اني البارحه يله عرفت والكل مصدوم عبالهم ما متصالحين
_اخخخ راسييي شلون راح استوعب الصدمه
_اني لو منج لازم ما انصدم لان متعوده على الصدمات
_لاا بس مصدومه ليش سيلين ما كالتلي
_يجوز حتى هيه ما مصدكه شمدريج
_
اسكت يامان راسي راح يطگ
_يول ماكو داعي تسوين هيج بنفسج خلص الي صار راح وفات ما حاح تكدرين تغيرين شي
_مادري بس احس راسي راح ينفجر بسبب الجامعه والصدمه الحديده
راح جاب مي واجه كعدني على الكرسي شربني مي واردف:-
_لا تعبين نفسج فوك ما انتِ مريضه خلص كافي تفكيرين
_تمام خلص ما راح افكر
_انتبهي على نفسج هازال
_تمام تدلل
_رايح اني
_ويينن؟؟
_صوتج ولج صوتج الديوان قريب لايسمعونج
_تغارر عليه؟
_اختي شلون ما اغار عليج
_لو ما عيب جان بستك من راسك على هاي الحنيه الي عندك بس ما يصير
_شلون راح تخليني اترفسها هسه
_روح حتى المكان الي رايح عليه ما اريد اعرفه
_رايح للديوان اشوف شراح يسوون
_ها عبالي تمام روح
_شعبالج؟
_ما عبالي شي والله
_راح روح وبعدين نحجي
_تمام
_ديري بالج على نفسج
_تدلل وانتَ هم
_تأمريني
ابتسم بوجهي وطلعدخلت امي للمطبخ من شافتني هيج اردفت:-
_عليش كاعده هنا يمه كومي بغرفتج
_وهذه الي ديصير شنو تفسيره؟
_تريدين افسرلج شلون الواحد يخطب بنيه يحبها
_وبنتج ليش ما كالت لو اني اخر من يعلم
_اني مالي دخل الكلام عند ابوج
_اكيد هسه تسنيم وروز يعرفن قبلي
_يمه ليش تسوين مشكله
_اني اسوي مشكله
_اختج وحره بحياتها احنا شكو
_اني ما امنعها من الزواج خلي تزوج بس ليش ما كالت
_بكيفها يايمه تجبرينها تحجيلج
_ابوي دائماً جان يكول ماكو اسرار بيناتجن انتن اخوات وسويه
_هذيج اختج روحي احجي وياها بس بصوت ناصي ما اريد صوتكم يطلع للديوان
تنهدت بضيق وصعدت فوك بدون ما ادك الباب دخلت غرفت سيلين هيه جانت كاعده على السرير وتباوع على التلفون توها تريد تحجي لكن قاطعتها اني:-
_اشششش ولا كلمممه
_بس خليني احجي وافهمج
_شتفهمين عيني ماكو شي ينفهم كلشي واضح مثل عين الشمس
_هازال والله اني مثلج مصدومه
_ومن تصالحتم هم صارت صدمه مو
_هازال شبيج خليني احجي
_لا تحجي ولا حرف الكل يعرف بس اني ليش هاا؟؟
_والله انتِ جنتي مريضه وما كدرت اكلج
_اكيد تسنيم وروز يعرفن
_بالصدفه من اجني عليج جبرني احجي
_بس المهم يعرفن
_والله بالصدفه
_واووو نايس بالصدفه خلص كافي ما اريد اسمع كلام جذب لهنا وخلص
_بس انتِ من حبيتي وليم ما كلتيلي
_اني حبيت وليم بسكوت مو مثلج مل الناس تدري بيه اكو فرق بينهن
_بس تسنيم وروز يعرفن قبل لا اني اعرف
_لاا حبيبتي ما يعرفن بس اني عيوني فاضحتني وهنه من عيوني وتصرفاتي عرفن بيه احب وليم
_يعني ما كلتيلهن اني احب وليم؟
_لاا ولا لأي احد غير بس ريري تعرف ماكو بعد غيرها
_بس..
_ماكو بس ولا غير شي انتِ لو صدك اخت جان اجيتي كلتيلي بس للاسف
_هازال والله..
_كافيي ما اريد اسمع ولا كلمه كل كلامج كذب واني بعمري ما احب انسان ينطق بالكذب
طلعت من الغرفه وسديت الباب وراي بكل قوه دخلت غرفتي ولا عبالك كانو مسويه شي خليت كتبي كدامي وكعدت اقره لحد ما صار المغرب صاحتني امي على الاكل بس ما نزلت لان ما اشتهي ضليت اقره لحد ما حسيت على صوت الباب رفعت راسي وابتسمت من شفت ابوي ضحك بوجهي واردف:-
_تسمحيلي ادخل ايتها الاميره
_طبعاً بالتأكيد
ضحك ابوي ودخل اجه كعد يمي واردف:-
_شبيها اميرتي زعلانه
_ما زعلانه بس ضايجه من القرايه
_لاا خاف ضايجه من غير شي
_بابا اذا اجيت حتى تحجي بخصوص سيلين فرجاءاً ما اريد احجي
_بنيتي هيه اختج مهما يكون راح تضل وياج طول العمر اذا الناس عافتج اختج راح تبقالج
_بس يصير هيج تسوي
_لاا اني حجيت وياها وهيه غلطانه صارلها ساعه تبجي جوه
_خليها تبجي ام دمعيه
_هازال شنو السالفه
_وافقة على عبد
_اني عبد لو افر الدنيا ما راح الكه مثله بس الوقت غدار وغدر بي وصار الي صار
_صح بس هاهيه شنسوي
_اكلتي لو لا؟
_مجوعانه
_امشي كدامي
_لا عليك الله بابا
_امشي دكلج
لزمني من ايدي وسحلني سحل طلعني برا الغرفه وسد الباب نزلني جوه يمهم فرحت امي من شافتني نزلت دخلني ابوي المطبخ ضحكت بصدمه من شفت انواع
الاكل محطوط على الميز من كد ما اشتهيت الاكل احاني الجوع كعدت اكل اكلت من البيتزا والكنتاكي والريزو واخر شي شربت ببسي ذبيت ثكلي على الكرسي ارتاح لكن ابوي يريدني اضل اكل واني ما اريد وهوه يجيب ويخلي بالاكل:-
_بابا عليك الله كافي راح اموت
_اكلي بعد هوه انتِ شكلتي اصلا
_يمه راح اموت تريدني اصير برميل
_تعالي اكلي بلا دلع زايد
_ولج يمه الحكيلي راح اموت بابا عليك الله كافي
_ولج بنيتي علمودج حتى تشبعين هوه انتِ وين تاكلين تطلعين من الصبح ترجعين الظهر
_يممه والله اذا اكلت بعد راح انفجر
دخلت امي هيه وسيلين امي تضحك على يع اني وابوي وسيلين مكتفيه بس تشاهد :-
_هازال تعالي كملي اكلج
_بابا ما اريد بطني راح تنفجر والله
_كافي ياعيني البنيه شبعانه
باوعت عليها عاقده حاجبي واردفت:-
_البنيه هاي تصير بنتج عيني خاف ناسيه اذكرج
_بنيتي الشكره شلون انساها
_عبالي ناسيتها كلت اذكرج
_كافي توكلها راح تموت هازال
_اسم الله عليها ما تموت بنتي بس خليها تاكل حتى تشبع اعرفها حتى بالجامعه ما تاكل
_شنو حاطه عليه مراقبين
_يجوز شمدريج
_-لاااا بابا مو لهل درجه
_-عوفج من هذه الموضوع هسه اكلي
شردت منه وختلت وره امي دخلت سيلين عيونها منفوخه من البجي ضحكت عليهل واردفت :
_هاي شصاير بيج بس لاا ابوي رفض عبد
صاح بيه ابوي حتى اسكت رجعت ضحكت واردفت :-
_لاا بابا ليش رفضت عبد والله خطيه راح تموت سيلين بعد ما تكدر تتنفس
بجت سيلين بقوه وركضت فوك لغرفتها ضربتني امي بخفه واردفت:-
_صارلها ساعه تبجي عليج ليش هيج تسوين بيها
_ماما لازم نسوي اكشن شويه
_ام الاكشن صعدي رضي اختج بسرعه باجر وراج دوام
_لاا بابا عليك الله
_هازال كلمتي ما اثنيها بسرعه
_بس عصبيتك عوفها على صفحه رايحه احجي وياها
صعدت فوك اشوف سيلين وين راحت انصدمت من ما لكيتها بغرفتها يااا هاي وين راحت رحت الغرفتي هم ماكو قشعر جسمي من كفختني نسمة هوى بارده بسرعه ايقنت سيلين بالسطح صعدت للطابق الي بي باب
السطح ضحكت من لكيته مفتوح صعدت للسطح ادور على سيلين انصدمت من لكيتها مكوره نفسها شلون الدويره وكاعده بالركن اتقدمت بتجاهه ثنيت رجلي وكعدت بصفها :-
_عليش كاعده هنا
_هازال ليش هيج تسوين بيه
_ما قصدي والله بس اني ضجت شويه
_بس كلامج حيل يأذيني
_نسيت انو انتِ كلبج رجيج ما يتحمل كلام مأذي
_راح اكفخج
_الله يعينك عبد على سيسو
_ليش يمه شمسويتله اني
_عوفج مني احجيلي شكال بابا وافق لو لا!
_بابا ما عنده اعتراض موافق بس كال خلوها مو هسه
_المهم انتِ العبد
_اهم شي
_الحمدالله واخيرا راح نخلص
_تسنيم تعابير وجها ما تنوصف لحد الان مطبوعه ابالي
_اكيد دكت ولطمت
_لاااا انتِ لو اشوفين روز فرحت هواي
_ترا روز تختلف عن وليم
_شي اكيد هوه بارد وهيه روحها رياضيه وتحب تشاقه وتضحك
_اتفق وياج
_اكلج كومي خلي ننزل لان الجو بارد
_مثل برود وليم
_راح اكتلج والله
_اوي ما تقبل احد يحجي على وليم
_انجبي سيلين
ضحكت بقوه وكامت انطتني ايدها حتى اكوم رفعت نفسي وكمت قبل لااا انزل مديت راسي من السطح وتفاجئت من شفت الولد كلهم متجمعين بالحديقه مال
خوالي لان هيه قريبه فِ تبين من يمنه وخرت راسي ونزلت دخلت سيلين غرفتها واني هم رتبت غراضي ونمت كعدت الصبح على صوت المنبه بدلت بسرعه
ونزلت اخذت السويج وطلعت شغلت السياره وانطلقت للجامعه وصلت للجامعه وبسرعه نزلت لان ما بقى وقت للمحاضره دخلت الجامعه البنات كلهن بالسنتر عفتهن ودخلت الحمدالله من شفت باب القاعه مفتوح دخلت
بسرعه ورحت اكعد بمكاني لكن انصدمت من شفت ابنيه لابسه عبايه على الراس كاعده بمكاني بس للصراحه اول مره اشوفها هنا يجوز من جماعة الاقسام الداخليه حمحمت بهدوء واردفت :-
_يا بنيه انتِ كاعده بمكاني
رفعت راسها الي واردفت بهدوء:-
_اسفه بس ما انتبهت لان بسرعه اجيت وكعدت
_لاا عادي ماكو مشكله
ابتسمت بوجهي وكامت راحت كعدت بالخانه الي وراي كعدت بمكاني وخليت الكتب انتضرنه الدكتور يجي شويه ودخل القاعه سد الباب وبلش يحجي الكل مندمج
وياه لكن قاطنه دكت الباب راح الدكتور يشوف منو فتح الباب وشاف مجموعه من الولد واكفين وياهم ولد مسوي وشم بأيده اعتقد هذه قائدهم مادري اشو اني من يمي كمت اخربط اسكتي هازال باوع الدكتور عليهم واردف :-
_ليش متاخرين
_شمدريني جان عندي شغله وما انتبهت على الوقت اعذرني دكتور
_زين حلو المحاضر من شوكت بلشت ؟
باوع الولد على اصدقائه واردف :-
_شباب المحاضره من شوكت بلشت
ضحكو كلهم واردفو بنفس الوقت :-
_ما ندري
ضحك هوه وياهم واردف :-
_شوف دكتور الكل ما يدري
_شهلل استهتار شلون هيج تحجي ويه الدكتور مالتك
_احجي بلي يعجبني ما الك حق تدخل
_
-احجي عدل وياي لا عبالك اخوك الصغير
_كلامك احتفضه لنفسك لاا تجي تحجي يمي
_اطلععع برااا انتَ وين حاسب نفسك جاي
_الجامعه مو مال خلفك حتى تطرد بكيفك
_احجي عدللل للكك لاا تخليني احجي كلام ما راح يعجبك
_احجي الي يعجبك ما لازمك اني
دفع الدكتور الولد وطلعه برا صار نقاش بيناتهم كلش حاد شويه ودخل الدكتور لكن الولد اختفه هوه والجماعه الي وياه كمل شراح الدكتور ولا كانو صاير شي خلصت المحاضره والكل طلع شلت غراضي وطلعت دخلت للسنتر وكعدت يم البنات باوعت عليه رجحان واردفت :-
_شبيج شكوو؟
_كلشي ماكو
_جا ليش وجهج اصفر وينطي الوان
_شلون اصفر وشلون ينطي الوان تعالي فهميني
_هسه لاا تركيزين على كلامي احجي
_ماكو شي والله بس صارت عركه بالقاعه
_عركه ويامن؟؟
_ولد تعارك ويه الدكتور وصارت ملاحم بيناتهم اخر شي الدكتور طرد الولد وطلع برا يحجي وياه
_علمود هاي
_لاا يمعوده ترا عادي بس تفاجئت شلون يحجي ويه الدكتور لا اكثر ولا اقل
_اوي احنا شعلينه لاا تهتمين حبيبتي
_شي اكيد اني شعليه طبهم عررج على وجع
وكفت رجحان وراحت تشوف اخوها وضلينه بس اني وريري :-
_نسيت اكلج
_شنوو؟؟
_ماهان باجر يجي ويريد الكل يحضر والولهم انتِ
_كليله من هسه هازال ما راح تجي
_يااااا ولج ليش؟
_بيوم العرس باعني حتى سلام ما سلم عليه كبل طنكر وزعل
_اييي جان ينتضر بيج عباله ما راح تجين حتى امج ماكلتله
_مو عذر هذه ريري هوه يدري بيه رجلي مجروحه لازم ما يحجي بس طلع اللساني عليه نص متر وبس يحجي لاا ويكلي منو وصلج اكله وليم طنكر وصعد فوك واذا وليم وصلني
_هسه انتِ علمود هاي زعلانه
_لاا زعلانه ولا غير شي طبه عرج عشتوو على شنو ازعل
_ياااا فوكاها تحجي كدامي ترا ما اسمحلج
_لاااا منتضرتج تسمحيلي
_هاي كلمة الريس
_ادري بعرس ماهان من وصلني كالي هيج
_الله حتى كلامه حافضته اويلي عليج هازال
_انجبي بلا سخافه بلشت محاضرتج
_عزااا العزانييي من كد ما حجيت وياج
لمت غراضها وراحت تركض خليت كتبي على الميز ونمت لان كلش تعبانه فزيتت على صوت عالي يجي من الحديقه السنتر فارغ والكل بالمحاضره بس جم بنيه ولد طالعين شلت غراضي وطلعت من السنتر امشي
بخطوات سريعه دخلت الحديقه وانصدمت من شفت نفس الولد الي رزله الدكتور واكف يم البنيه الي جانت كاعده بمكاني ام العبايه خليت غراضي على الكرسي واتقدمت بتجاهم :-
_شعندك واكف هنا اكو شي .
دار وجهه عليه يباوع رفع عينه واردف :-
_منو انتِ؟
_اني الي راح اسحلك سحل اذا ما وخرت من يمي البنيه
ضحك بغرابه واردف :-
_اعتقد سمعت غلط وضحولي شباب شكالت هاي القزمه
_اسحلك سحل كالت
_قزمه بعينك احجي عدل لاا عبالك اني مثل الدكتور اسكتلك اكبر واحد ما كدر يوكف بوجهي مو تجي انتَ بكد النعال توكف بوجهي
لزم ايده بقوه وصاح :-
_بنت الكلب عليمننن بكد النعال مو بس اجي افرك حلكج ،
_انتَ ابن الكلب يا قندره ما اسمحلك تحجي على ابوي لان يشرفك ويشرف عشيرتك يا نذل
رجع لزم ايده اقوه من قبل شويه ركض عليه واحد من الولد يلزمه اتقرب واحد ثاني منهم واردف :-
_انتِ تعرفين نفسج ويامن تحجين
_ما يهمني ويامن احجي خوش اني هم اكدر اكلك اني اهلي ناس خطيرين ومحد يكدر يحجي وياهم بس ما عندي هذه الشي تعال شوف ابوي هيج وخالي هيج
وعمي هيج لاا عيني ما عندي هذه الشي بس احب اكلك دير بالك على نفسك وعلى هذه الولد لان هل مره عديتها اله مرة الثانيه اخلي يتندم على اليوم الي انولد بيه
وخر ايده الولد وكام دفع الولد الثاني الي جان يحجي وياي واردف:-
_شوف خلي اكلج هواي مرن عليه بنات امثالج وامثال غيرج لعبتهن على اصابعي فِ احب انبهج ديري بالج مني خوش
_كلش خفتتت تدري دطيرررر طزززز بيك وبلي يطلع وراك
فارر فور من شافني احجي هيج اتقرب من البنيه واردف :-
_تعرفينها لو لا ؟
_لاا ما اعرفها
باوع عليه واردف :-
_شعندج تدافعين الها اذا ما تعرفينها .
_شعليك انتَ اني اريد ادافع الها
هوه من كد ما عصبي شال البنيه من عباتها واردف :-
_هاي الي تريدين تدافعين عليها
تخبلت من شفته هيج يسوي بيها ركضت عليه عضيته من ايده الي لازم بيها البنيه وضربته على بطنه مره ثاني وكع بالكاع يتلوع من الوجع توهم جماعته يريدون يتقربون عليه وما حسيت اله اسار يضرب بيهم
بوكسيات من صدمتي اخذت البنيه للحمامات حتى تغسل دخلت البنيه تبجي ضليت اني واكفه بالباب انتضر بيها بس صدمتي ما تنوصف شجابه اسار لهنا وشمعرفه بيه وليش ضرب الولد اصلا شنو غايته طلعت البنيه
تنشف بوجها لزمتها من ايدها وطلعتها من الحمامات اخذتها بمكان ما بي احد وره الجامعه صاير ايدها ترجف رجف مو طبيعي من كد الخوف لزمت ايدي وضلت تبجي :-
_شو عاينيلي خلي اشوفج ماكو شي لاا تخافين
ما تقبل ترفع راسها وبس تبجي رفعت راسها واردفت:-
_ما يستاهل احد تبجين علموده كافي خلص مسحي دموعج عيونج راحن
انطيتها كلنس حتى تمسح دموعها مسحتهن بسرعه واردفت :-
_اسفه لان دخلتج بمشاكلي
_لاا عادي ولو انتِ مثل اختي
_شكرا الج ما اعرف شكول والله
_ممكن تكليلي هذه الولد شيريد منج ؟
_ما يريد شي مني بس من اجيت لحد الان يتنمر عليه لان لابس عبايه
_لاا تهتمين الكلامه اصلا طززز بي شيريد يحجي خلي يحجي لا تهتمين اهم شي دراستج ومستقبلج
_اني من النوع اخاف من كلشي وابجي بسرعه فـ اخاف منه ما اريد الكلام يوصل الاهلي لان همه مو هنا
_جا اهلج وين!
_اهلي عايشين بأمريكا بس اني عايشه هنا علمود الدراسه
_شي حلو تدرسين بـوطنج
_اني امي مسيحيه بس ابوي مسلم وشيعي لهذه اني لابسه عبايه
_يعمريي شكد حلو هذه الشي
_حبيبتي تسلمين
_ما عرفت اسمج ؟
_ريفا
_عاشت الاسامي اسمج حلو مثلج
_وانتِ شنو اسمج؟
_هازال
_اسمج غريب بس هم حلو
_ايي الكل يكول غرييب بس وين الغرابه بالموضوع
_نادراً يسمون هيج اسامي
_يي صح
_شكرا الج مره ثاني
_لاا اشكريني يول اعتبريني مثل اختج واي شي تحتاجين تعالي كليلي
_يعني عادي اعتبرج اختي،
_عادي ليش مو عادي
حضنتني تبجي ضحكت عليها واردفت:-
_يول عليش تبجين كافيي
_اول مره اخد يكلي هيج كلام
_ليش ما عندج اخت انتِ .
_لاا ما عندي بس هسه صار عندي
_اني اختج من هسه وامانه اي شي تحتاجين تعالي عليه وما اقصر وياج تدللين واذا اعترض طريقج هذه الحقير مره ثانيه بس تعالي كوليلي
_لااا ما اعتقد راح يعترض طريقي بعد كلامج وياه
ضحكت عليها وكمت اخذتها وياي ورحنا للمحاضره لكن كل تفكيري بـ اسار شجابه للجامعه وليش ساعدني من هذولاك الولد الاسئله تدور براسي والجواب عند اسار
خلصت المحاضره وطلعنه اني وريفا سويه ودعتني وراحت واني ضليت ادور بعيوني على اسار فزيت متفاجئه من صار كدامي اسار ضحك بوجهي واردف:-
_الحلو يدور عليه
_انجب شنو ادور عليك ماكو غيرك بالجامعه
_انجب وكذا وماخذه ميانه بعد تعالي اخذي راشدي
_مدلي وجهك خلي اضربك راشدي
_لاا ومكيفه راح اجعص وجهج جعص اذا ما سكتي
_شحدك تسكتني
_البنيه بيها شي.
_لاا ما بيها شي الولد بيهم شي
_خيرهم اذا كدر يطلع من المستشفى اني معتب
_اريد اكلك كفوو بس انتَ ما تستاهل
_اللهم صبرني على ما بليتني
_على كيفك عيني وين الله بلاك بيه ترا ما صار كم يوم من عرفتك واصلا من بعيد
_عشرة عمر ويه خالج
_هذه مو خالي هذه شيطان
_لاا تحجين عليه ما اسمحلج
_استغفر الله نسيت اخلي ماهان يعلمني شلون اجر زيج جان جريتك
_والرب انتِ نقمه مو رحمه
_نقمه منو رحمه منو؟
_هذني بنات الله يرحمهن ماتن
_ليش ماتن؟
_واني شمدريني
_كبر عبالي تعرف
_هازال احجي عدل
_تمام سوري خرجت عن النص
_هم زين توج انتبهتي
_شجابك للجامعه؟
_ليش انتِ ما تعرفين انو هاي الجامعه بيها خالج
_يا خال منهم؟
_خالج قسورة
_ابو صكر
_اييي ليش ما تعرفينه
_اعرفه بس بالاسم لكن بالشكل لاا
_عائله غريبه عجيبه
_الله يعين الناس
_راح تروحين .
_يهمك اذا رحت او لاا .
_لااا طبعا بس حبيت اسئل
_ايي راح اروح وشكرا على سؤالك
هز راسه ومشه بس غمضت عيوني وفتحتها اختفه فص ملح وذاب خرب عرضه وين راح اوي عشتوو اني شكو عسى ما يروح النار جهنم عدلت نفسي وطلعت من الجامعه صعدت سيارتي وتوجهة للبيت طول الطريق
تفكيري بـ ماهان مادري ليش بس احس راح يصير شي وكفت بنص الزدحامات وعلى حظي اليوم شلون راح اطلع استغليت الفرصه وطلعت تلفوني اتصلت عليه ماكو ما يجاوب والله مو ضوجك ضوج الي يتصل عليك
انطيته حظر وغلقت التلفون بالكوه طلعت من الزدحامات وصلت للبيت ما دخلت السياره لان عندي كم شغله اريد اجيبهن من السوك نزلت قفلت السياره ودخلت للبيت استقبلتني امي بالمطبخ واكفه وتحجي وتوصي :-
_يمه على كيفج بنيتي الشارع مو امان
_يمه الي يسمعج يكول امشي بالسياوه ميه وعشرين
_علمودج يمه
تذكرت وليم من ك مره يشوفني فاله شعري يكلي سدي علمودج اني ابتسمت لا ارادي واردفت :-
_حاضر يعيوني انتِ تدللين
_من شوكت هازال تسمع الكلام
فزيت على صوت سيلين من دخلت للمطبخ ضحكت عليها واردفت:-
_-شو عروستنا اليوم هنا
_ما الي واهس اداوم
_ليش عيني؟
_لعبانه نفسي بس بوقت الامتحان اروح
_جماعة المرحله الرابعه الله يعينكم
_وانتِ جماعة المرحله الاولى انكس من عدنه
_ايي بس مو مثلكم
غمتني وكعدت على الميز رجعت غميتها وصعدت فوك بدلت ملابسي ونزلت استوفني ابوي بكلامه:-
_وين رايحه بنيتي .
_بابا رايحه للسوك اريد اجيب كم ملابس
_تعالي اكعدي اريد احجي وياج
من شوكت ابوي هيج يحجي وياي استغربت من طرقت كلامه لكن ما كلت شي اخذت مساري ورحت كعدت بصفه :-
_احجي بابا اسمعك
_اليوم صار وياج شي بالجامعه
عرفت بيه علمود العركه بس منو كله وشلون عرف مادري لزمت ايده واردفت :-
_ايي صارت عركه بالجامعه اليوم
_اعرفج بنيتي ما يعبر عليج شي احجي شنو سبب العركه !
_ولد يتنمر على البنيه لان تلبس عبايه
_بس هاي .
_ايي بابا ماكو غير شي البنيه حيل متأذيه منه تبجي وتكول كل يوميه هيج يسوي بيه اني جنت كاعده بالسنتر وسمعت صوتهم عالي طلعت اشوف وانصدمت
من شفته واكف بصف البنيه من حجيت وياه وصار الحجي ثكيل لزم البنيه من عباته ورفعها اني ما تحملت وعضيته من ايده وضربته على بطنه
_بابا حرام عليج تروحين دكتوره اسنان انتِ لازم تدخلين دوره مال تدريب ضباط
_فكرت بيها بس بعيد كلت لااا اني حلمي اروح طب اسنان
_هم زين فكرتي جان فلشتي المعسكر على ايدج بس تروحين ضابطه
_شعبالك بويه اني بنت الرائد عمران محد يكدرلي
_ونعم منج ومن تربيتج بنيتي
باس راسي واردف:-
_اذا تريدين تروحين اخذي سيلين وياج
_-لاا اريد اروح وحدي
_براحتج بنيتي
_تمام بويه اني رايحه
_بس لاا تنسين باجر راح نروح العمامج
_اييي ما انسه لان من زمان كتلي
_عبالي ما تروحين لان باجر ماهان يجي
_ليش منو كلك اني اريد اروح اشوف ماهان لا اريد اشوفه ولا اسلم عليه
_لازم متعاركين انتِ وياه ؟
_-مو متعاركين بس هوه بيوم العرس ليش ما اجيتي وليش تاخرتي يابه اني رجلي تأذيني ومع كل هذه اجيت للعرس هوه لاا طنكر وزعل
_بنيتي مهما يكون هوه يبقى اكبر منج وابن خالتج عادي تصير مرات بعض المشاكل
_بابا ما اريد نحجي بهذه الموضوع اني رايحه تريد شي اجيبلك وياي
_سلامتج بنيتي ما اريد شي
بست راسه وطلعت من الصاله اخذت السويج وطلعت من البيت فتح الحراس الباب حتى اطلع طلعت من البيت توني اريد اصعد السياره وانصدمت صدمه حياتي
عيوني مفتوحات على وسعهن شلون اجه وشجابه هنا بدون مناقشات خليت السويج على السياره ورحت عليه لاا وجماله واكف بصف يامان ولازم ايده صرت قريبه عليهم لزمت ايده نترتها بقوه واردفت :-
_وبكل صلافت عين جاي هنا
_اجيتي والله جابج توني جنت احجي بيج
_ولاا ويحجي بيه انوب خاف عبالك الضربه ما وجعتك اول مره ترا المره الثانيه ماراح تكدر تكوم من الفراش
_ضربة كلن دايزر لو شنو
_لااا تستهزئ حقيررر الله ياخذكانتَ واصدقائك خليتو البنيه تبجي والقران يابه اخذا ما خليتك تبجي دم ما اطلع بنت ابوي
_لااوتهدد هم ما يخوفني اكبر واحد عندج
_اني لو منك اطم نفسي بشي كبر احسن من ما كاعد تحجي كلام فاضي
_هوبببب ياجماعه فهموني شسالفه
_انتَ تعال فهمني هذه الحقير شيسوي يمك
_شبيج ياعيني اهدئي خلينه نتفاهم
_شنتفاهم عزيزي تريدني احجي ويه واحد يتحرش ويتنمر بالبنات لاا هذه الشي مو من ضمن قاموسي
توه يريد يتقرب وضربته على راسه بالسويج لزم راسه متوجع شهك يامان بصدمه واردف:-
_ولجججج شسووويتييي
لزم الولد من راسه يشوفه شبيه تفلت عليه واردفت:-
_واكسر راسه هم واريد اشوف ياهو يطلعله
_ولج انتِ تعرفين هذه منو؟
_لااا ولا يهمني اعرف عسى ما يطلع ابن الوزير طبه مرض
وكف الولد على حيلي لازم ايد يامان رفع عينه عليه واردف:-
_وخرهااا عن وجهي يامان
_ولاا وفوكاها يتأمر تريد اكسر راسك لو شنو
_ولججج بس فهميني شكوو انتَ الثاني احجي شكو ؟
_يتحرش بالبنات وعباله راح اسكتله والقران اكسر ايدك اذا مره الثانيه مديتها على ريفا
_يا ريفا يا تحرش شدتحجين انتِ؟
_خلي هذه الواكف يمك يحجي؟
باوع يامان عليه واردف -احجي انتَ الثاني
_-بس جنت احجي وياه
_ولزمت العبايه هاي عادي عندك
_اسكتي راح افلش راسج
_بنيامين احجيي عدل
_شحده يفلش راسي حتى اكسر ايده والله
_هسه غير يحجون ؟
_لكيته يتحرش بـ بنيه لابسه عبايه ومن دافعت عنها لزمها من عبايتها .
باوع يامان عليه واردف بصوت عالي:-
_صدددكك هذه الحجييي
_حتى لو صدك هذه الحجي انتَ شعليك اني حر بحياتي
_وتتحرش بالبنات موو!
_يامان لااا تدخل عندي اهل يحاسبوني
_ماشاءالله شلون اهل عليهم العين جلكه
_يامان احجي عدل
_من تحترم وتعرف تحجي ذاك الوقت اني احجي عدل
باوعت على يامان ماخذ ميانه ويه الولد ويعرف اهله اردفت وياه اريد افتهم :-
_انتَ منين تعرف هذه ؟
_شنو منين اعرفه غير صارلي سنين
_تشاقه صحح؟؟
_ليش انتِ ما تعرفين بنيامين منو؟
_دوكف يمعود هوه اني ما اعرف هيه منو مو انوب هيه تعرفني .
_معقوله والله عبالي تعرفها وتعرفك
_منين اعرفه شبيك يامان
_هسه خلوني احجي شبيك ،
_احجي اسمعك؟
_اقدملك هازال بنت عمتك ومره ثانيه اقدملج بنيامين ابن خالج قسورة اخو صكر
شهكت بصدمه من كلام يامان هوه باوع عليه واردف:-
_مستحيل انتِ هازال الي ابوي شك طبل راسي بيج
_-ما اصدك انو انتَ ابن خالي ولا المصيبه اخو صكر يبووووو راح انجلط
لزمني يامان يحجي وياي بس من الصدمه ما اكدر احجي هوه بس يضحك ضربته علىايده واردفت:-
_حتى لو ابن خالي هذه الشي ما يمنعن عن ضربك والقران وين ما اشوفك اضربك
_والقران الي تحلفين بي اكسر ايدج
_اريد اشوف منو يكسر ايدي اذا ما اطيح حظه وارجعه للبيت دمه بطوله
_شحدجج حتى انهيج والنبي محمد
_تبره منك النبي الله ياخذك امين يارب
_ولج هازال كافي تدعين ما يصير حرام
_لااا والله هذه الدعاء عليه مستجاب من كلبي الباب السمه
_شلون تخليني الزمها واملخها هسه
لزمني يامان يسكت بيه واني بس اريد اروح عليه واكتله :-
_ولكككك هدنييي عليه خليني افين حظه لهل حقيرررر
_ولججج كافي كلبج راح يوكفف
_بس خليني اكتله
_شحدج والقران ايدج تنكسر
_وفوكاها يهددد ولكككك بس تعال عليه اذا ما خليتك تستحي تكعد بين البشر اني مو هازال تعاللللل
_ما فاضي احجي وياح عندي شغل اهم
_ما راح ترجع والقران امرعدك بأيدي واخلي حتى الانبياء يبجون على حالك
ضحك بقوه وصعد سيارته فر ويله ومشه سبيته وشتمته انواع الشتايم نترت ايد يامان واردفت بعصبيه :-
_ليش ما خليتنييي اموته والقرآن ضربه وحده ما بي
_بس اهدئي خلي احجي وياج
_شتحجي يامان لخاطر الكائنات ياربييي شكد عيب من ريفا ابن خالي طلع الي يتحرش بيها ويتنمر عليها خرب روحه
_هوه هذه بنيامين ما ترهمله جاره
_بس خلو بأيدي اذا ما خليته يمشي مثل ميل الساعه اني معتبه
_كافي بس صوتج راح اكعدي شويه ارتاحي
_شرتاح ما تكلي انوب حتى الصدمه نسيتها
_خرب روحك بنيامين ولج بس اكعدي
_لاا وانوب اسمه صعب ايععع هذه منين طلع ابن خالي
_شلون راح تخليني افر عقلها فر
_انت هم يحتاجلك ضربه تدري لو لا
_كافي سكتي راح يوكف كلبج
_ولد خوالي كامو يطلعون من زرف الحايط والقران راح اتخبل هذه وبن جانو ضامينه
_بالحمام وين يعني جان مسافر
_جا عليش رجع
_شمدريني روحي سئلي
_مو اسئله اشكه نصين والله
_كافي واليرحم والديج
_خلص خليني بصدمتي راح اروح اني
_انتضري خليني احجي وياج
_احجي اسمعك .
_راح تجين باجر
_لااا ما راح اجي
_تشاقين وياي صح؟
_لاا ما اشاقه
_هازال شبيج على شنو ما راح تجين
_باجر رايحين البيت عمامي عزمونه مادري على شنو وما اكدر اجي
_مو عذر هذه تكدرين تكولين الابوج ما اروح هوه يعرف بـ ماهان راح يجي باجر
_حتى،لوما راح يروحون اني ما راح اجي لا تعب نفسك
_هازال تحجين صدك .
_هذه الشي من ضمن الخطه الي متفقين عليها اني وياك
_بس مو هيج لاا ما اقبل اني
_انتَ هم راح يصيرلك دور بس اسكت خليتي احجي ابن خالك ناسني حتى عمري خرب روحه
_احجي فضيني!
_انتَ من يجي ماهان اكيد راح يسئلك اول واحد وين هازال اذا ما شافني اني راح تكون عصبي وملامح العصبيه وغضب على وجهك ومن هاي السوالف اريدك ترتب الموضوع من يمك تكله هازال ما اجتي راحت البيت عمامها وخلص والباقي عليه
_كلشي ما فهمت
_امداك يحظييي
_زين انتِ عليش رايحه ويه اهلج خوب نسوي خطه اني وياج احسن
_لاا عندي شغله اريد اسويها هناك كلش مهمه تخص حياة شخص
_منو هذه الشخص؟
_مع مرور الايام راح تعرف
_هسه انتِ وين رايحه
_اريد اروح للسوك عندي كم شغله اجيبهن واجي
_تريدين اوصلج
_لاا ما اريد اتعبك رايحه بسيارتي
_-جا ديري بالج من الطريق
_تدلل
مشيت للسياره واني بعدني بصدمتي ما مصدكه انو هذه الشخص ابن خالي مستحيل شلون هيج شكد عيب اذا عرفت ريفا صعدت السياره وانطلقت للسوك اخذت الي احتاجه ورجعت خليت السياره بالكراج ونزلت سلمت
على امي وصعدت خليت الغراض فوك ونزلت ضليت كاعده يمها لحد ما كامت تسوي عشه كمت وياها ساعدتها شويه وكعدت خلت الاكل على الميز وراحت
تصيح بابا وسيلين اجه بابا واجتي وراه سيلين اني بالكوه اكلت بالي كله يم هذه بنيامين حتى اسمه صعب كبر لفك ارجعت اكلت شويع وكمت غسلت ايدي
وصعدت فوك اقره صح ما راح اروح باجر للجامعه بس شسوي لازم اقره صعد بابا يمي ضل يحجي وياي ويتشاقه لحد ما باس راسي وطلع لميت كتبي وخليتهن على الميز دخلت للحمام غسلت وجهي
وطلعت بدلت ملابسي الى ملابس مريحه وصعدت السرير خليت راسب على المخده ونمت حسيت الصبح على صوت امي تحجي بالتلفون عرفتها تحجي ويه خالتي نزلت من السرير ودخلت الحمام سبحت
وطلعت لبست ملابسي وكعدت اشسور شعري خليتله زيت حتى يصير بي لمعه ورجعت كويته خليته ملولو رشيت عطر وخليت مسكاره واخر شي خليت تنت فردت شعري وطلعت جنطه من الكنتور .
خليت التلفون بيها ومسكاره اهم شي والسويج باوعت اخر مره على نفسي بالمرايه وطلعت نزلت اجوه الكل متحضر بس امي ملامحها حزينه اكيد بسبب العزيمه راح بابا باسها من راسها واردف :-
_ما يهون عليه اشوفج زعلانه ام بناتي انتِ
_بالعكس ما زعلانه عادي الموضوع
_ايي بابا صير شويه رومانسي
_بويه صاير كله رومنتك وكذا علمنه شويه
_راح اكتلجن خليني اراضي امكم وعود الله كريم
ضحكت اني وسيلين سويه اشرت لـ سيلين حتى نطلع باوعت على ابوي واردفت :-
_احنا رايحين يابه
_الله وياكم بناتي ديري بالج من الطريق احنا وراكم ترا
_اييي اعرف والله اعرف
_لمصلحتج احجي .
_فديت الي يفكر بيه ويخاف عليه
طلعت اني وسيلين سويه هيه صعدت بصفي واني صعدت بمكاني السايق لان اني راح اسوق شغلت السياره فتحو الباب الحراس وانطلقنا البيت عمي.
ردت افوت من يم بيت خالتي بس سيلين ما قبلت تعرف بيهم ما راح يخلوني اروح فـ طلعت كبل
بوجهي البيت عمامي لكن طول الطريق افكر
بـ ماهان وشنو راح تكون ردة فعله .
«ـــــــــــــــــــ«•»ــــــــــــــــــ»
يامان :-
في قفصٍ ذهبيّ، يعيشُ شخص مُتمرد، يحاولُ التحرّرَ من قيودِ الواقعِ المُرّ، ويقاومُ الظلمَ الذي يُحيطُ به من كلّ جانب، يخفي وراءَ ابتسامته المُزيّفةِ آلاماً لا تُحصى، ويخفي وراءَ قوّته الظاهرةِ ضعفاً لا يُرى، يحاربُ في
صمتٍ، دونَ أن يسمعَ أحدٌ صرخاته، ودونَ أن يُدركَ أحدٌ حجمَ معاناته، في عينيه، تُرى حكايةٌ لم تُروى، حكايةُ صراعٍ بينَ الأملِ واليأس، بينَ القوّةِ والضعف، بينَ الحياةِ والموت، بين الحب والخيانه هوَ
يشبهُ شمعةً تُضيءُ ظلمةَ الغرفةِ، ويضحّي بنفسه لكي يُرى الآخرون، هوَ يشبهُ نسمةً عابرةً، تُنعشُ الأرواحَ وتُبثّ الأملَ في القلوب، هوَ يشبهُ طائرًا مُهاجرًا، يُحاولُ الوصولَ إلى الحرّيةِ أينما حلّ، هوَ يشبهُ كلّ إنسانٍ
يُحاولُ العيشَ بكرامةٍ في عالمٍ قاسٍ، هَو يشبهُكَ
ويشبه الكثيرين..
يشبهُ كلّ من يُحاولُ تغييرَ العالمِ للأفضل قصته غريبه كل من سمعها اثرت في قلبه الغرابه والكثير من الاسئله التي ليس لها جواب نتحدث اليوم
عن قصه مأساويه جداً عاشها بطلنا يامان في زمان حدثت فيه الكثير من الصعوبات والحروب بين الاهل لكن من وقع ضحيه هذه الشي هوَ بطلنا يامان الذي ليش له ذنب في كلش شي حدث
(العوده الى الماضي)
ذات ليلة دامسة يحتلها الظلام و ضباباً كثيف وسط هدوء الليل وغفوة البشر استيقظت على اثار حلم مرعب اخذت كأس ماء وشرب منها قليلاً نهظت اود الذهاب الى الحمام لكن انصدمت بصوت فتاه
وهيه تصرخ وتنادي بالمساعده ابعدت البرده قليلاً عن الشباك لكي اراها مني هيه وانصدمت من شفت البيت المقابيل بيتنا يحترق ويشع بضوء النار ركضت بسرعه حتى اشوف شنو سبب هذه النار
طلعت برا بيتنا وركضت عليهم البنيه الي تعيط لازمتها امها وتهدي بيها والشباب يحاولون يطفون بالنار طلعت تلفوني واتصلت بسرعه على الاطفائيه انطيتهم العنوان بس ما اعتقد راح يكدرون يجون بالوقت المناسب ركضت على واحد من الولد واردفت :-
_اكوو احد من الاطفال جوه
_ايي ابني بالغرفه ما كدرت اطلعه
نفخت بضجر من سمعته هيج كال هاي شلون مشكله اذا ادخل لازم يدخل وياي واحد بلكت هوه يدخل رجعت حجيت وياه :-
_اذا دخلت تكدر تدخل وياي
_ادخل وياك شلون ما ادخل ابني جوه بين الحياة والموت ما اكدر اعوفه
لزمت ايده ودخلنه سويه صار العياط برا حيل عالي هوه ما اهتم اهم شي ابنه المطبخ كله احترك والصاله والي بيها صاير بوثه مثل الرماد ترك ايدي وراح على وحده
من الغرف بسرعه مادري شلون طلع والباب وكع بالكاع لو ما طالع جان الباب واكع عليهم ثنينهم شال ابنه على ظهره واردف :-
_يله خويه نتوكل نطلع
_خويه انطي مجال الباب الي دخلنه من عنده ما نكدر نطلع منه بعد اكو باب خلفي
_ايي اكو بس ادعي ما نلكاه محترك
لزم ايدي ومشينه سويه ابنه يباوع على البيت بس ما يفهم شكو صغير يطلع عمره ٨ سنوات هيج وكف الولد كدام باب وادرف :-
_خويه تكدر تدفع الباب حيل لان اني ما اكدر انزل ابني
_شلون ادفعه علمني
_ادعفه عليك مو على جهة البرا
_تمام افتهمت
تركت ايده ولزمت اليده مال الباب عتيتها حيل بس ما انفتح رجعت عتيتها بكل قوتي يله انفتح الباب ضحك الولد وضرب جتفي بقوه :-
-كفوو منك بطل ما عليك زود يله نطلع
لزم ابنه عدل وطلع من الباب توني اريد اطلع وكعت عليه شلون جمره من فوك صارت على ايدي صرخت متوجع مادري شلون طلع صوتي بس من كد الوجع ذب الولد ابنه واجه عليه بسرعه لزم ايدي واردف :-
_بسيطه مو حيل تأذيت تعال خلي نطلع
لزم ايدي على كيفه وطلعني هسه اني شورطني مو جنت خوش ولد واريد انطمر شجابني ركض الطفل على امه يبجي لكن الولد لزم ايدي ما يقبل يهدني اجتي
الاطفائيه والشرطه وراهم طفت شويه من النار ورجعت طفت الوره اجه ابوهم عليه مبين رجال جبير لزم ايدي وصاح على الولد :-
_واحد منكم يروح يجيبلي محار بسرعه
_مايحتاج عمي هسه اروح للمستشفى وخلص
_بويه المستشفى شنو تنطيك عصاره وراح تحرك الحرك بالزايد بس المحار راح يخلي الجرح يبس
صفنت عليه وسكتت ركض واحد من الولد انطاه محار بس مثحرب وياه بيض مكسر باوعت على البنيه الي جان صوتها عالي تحضن بالولد الي طلعناه وتبجي اول
مره اباوع على بنيه بهيج نظرات غير نظرات الكره صارت عيونها بعيونه بنيه لطيفه حتى بشكلها وبرائه كلامها من تحجي من بعيد تبين اجتهم سياره اخذتهم كلهم وراحت ركزت على
نفسي اني شديسوي فوك ما ساعدتهم اباوع على بناتهم خرب روحك يامان على هاي الدكه انتبهت على الرجال يخلي المحار على ايدي على كيفه بس اكو ماده لزجه على ايدي من شميتها عرفتها ريحة زفر يعني بيض بالكوه صبرت روحي خلي اخر شي من المحار واردف :-
_هسه تكدر تكوم
وكف على حيله وراح يحجي ويه الشرطه وكفت اني بمساعده من الولد ايدي من كد الوجع ما احس بيها باوع علي واحد من الولد واردف :-
نعمان -لا تخاف يمعود اسبوع اسبوعين ويروح الوجع
يامان -بس الاثر مايروح
مروان -شي اكيد وين شايفلك جرح يروح الاثر مالته
صكبان -مروان لاا تشبج رحمه الاهلك
مروان -ما شبجت يمعود بس لا عبالك اقصد احد بكلامي
نعمان -لاا ابد اصلا وين انتَ تقصد احد
مروان -شوف ذوله وين حايرين وشوف احنا
صكبان-شعيط ومعيط خلصتو عركاتكم انريد نروح
نعمان -اكلك اشو انتَ محملني مال نيه ترا الزمك هنا واشلخك نصين
يامان -شباب ممكن سؤال!
انتبوه عليه واردف واحد بيهم مبين جبير :-
نعمان -تفضل خويه احجي
يامان -شلون احترك البيت
صكبان-والله شكلك ياخويه الجهال كاعدين يلعبون وشاعلين البرد مالت البيت
يامان -ما يصير ياخويه مع احترامي الك بس الاطفال ما يفهمون وأي شي يشوفونه عبالهم لعبه انتم لازم تكونون منتبهين
صكبان -والله ياخويه احنا ما جنه موجودين وما ندري بالصار بس بالعكس كلامك صح همه هذوله الجهال
يامان -المهم عدت على خير الحمدالله ما صار شي
توه يريد يحجي وركض عليه الولد الي طلعنه ابنه وحضني بكل وقته :
غزوان-اشكرك ياخويه لو ما انتَ جان هسه ابني ميت
يامان -شسالفه خويه ماكو شكر بيناتنا وبالعكس اني ما سويت شي انتَ الي دخلت للغرفه وطلعت ابنك
غزوان-حتى لو انتَ هم ظحيت بنفسك ودخلت وخليتني ادخل وياك
انصدمو الشباب من سمعو كلام الولد باوع عليه الي جنت احجي وياه قبل شويه واردف:
صكبان -اعذرنه ياخويه ما جنه نعرف انتَ الي طلعت ابن غزوان
يامان-يابه والله مو اني طلعته هوه الي طلع ابنه
نعمان -بس انتَ خاطرت بنفسك ودخلت للبيت وهوه كله نار
يامان -ما سويت شي اي واحد يكدر يسوي مثل الي سويته اني واكثر
غزوان-لاا ياخويه انتَ كفيت وفيت حتى ايدك بسببه حتركت
_يله عادي فدوه المهم ما صار شي
اخذت مساري ورحت يم الشرطه لحد الان يحجون ويه الرجال من شافوني اردف النقيب الي وياهم :-
_استاذ يامان
_هلا بيك سيادة النقيب
_وبيك الاكثر استاذ
_اكو مشكله ليش طول الكلام ويه الرجال
_اريد افهم منه شلون صار هذه الحريق ومنو سببه
_سيادتك انتَ جاي تشوفه رجال جبير وما بي حيل يحجي شلون تحجي وياه اسئل واحد من الولد
_بس الولد ما جانو حاضرين ولا جان موجودين
_الكامرات مالتنا مشتغله نكدر نشوف كامرات التسجيل
_ايي صح
_انتضرني شويه واجيك
مشيت من يمهم بخطوات سريعه دخلت البيت ورحت على غرفه الكامرات خليت الفلاش بالكامرات حددت الفيديوهات الي اريدهن وسحبت الفلاش طلعت ركض من الغرفه حتى ايدي نسيتها طلعت من البيت ورحت يم النقيب انطيته الفلاش واردفت :-
_هذه الفلاش بي تسجيلات عن الي صار
_شلون سجلت الي صار وهيه منزله
_اكو كامرات فوك بالطابق الثاني سيدي النقيب
باوع على البيت ورجع باوع عليه خله الفلاش بالابتوب وشغله صار كلشي كدامه حتى الحجي صار يباوع شلون اول شي حتركت البرده وبعدين بلش الحريق طفه التسجيل النقيب واردف :-
_شكراً الك استاذ يامان لو ما التسجيلات جان اعتبرنه الي صار موضوع متقصده من شخص او عدو
_الحمدالله سياده النقيب ما صار كم يوم من لنتقلنه هنا ما نعرف احد ولا احد يعرفنه
_منين انتم حجي؟
_من اهل الانبار
_حي الله اهل الانبار اهلاً وسهلا بيكم بمحافظه البصره
_الله يحييك سياده النقيب
صار كلام بين الحجي والنقيب اجوي الشباب يشوفون الحجي شويه وراح النقيب باوع عليه الحجي واردف :
_انتَ بطل بمعنى الكلام اتمنى الكل يصير مثلك
_شقصدك بهذه الكلام بويه
_اسكت انتَ ولا كلمه لا تخليني افين حظك كدام الولد
_تا هاي تاليتها هيج تبيعني كدام الغريب
_ومنو كالك هل ولد غريب
_يابه انتَ حتى اسمه ما تعرفه
_شسمك وليدي !
_ما افشلك عمي اسمي يامان
_عاشت الاسامي اسمك حلو
_هذه من ذوقك الراقي عمي
صكبان-يابه تروح لو تضل تحجي ويه الولد يامان
اركان-وانتَ شبيك مزرعد ابني اثكل شويه انطي فكه خلي نحجي ويه الولد
يامان-عمي اي شي تحتاحه اني موجود هاذه وين بيتنا كدامك
اركان-بويه يحتاج هواي شغل حتى يرحع بيتنا نفس ما جان
يامان -اني موجود واساعدكم وانشاءالله مااقصر
اركان-لاا وليدي ما محتاجين منك شي سلامتك
_لااا عمي شسالفه وداعتك اني موجود بدون ما تحجي اخوي ماهان موجود ولد خوالي موجودين وعمامي امانه اي شي اني موجود كدامك واذا عرفت بيك مشتغل وماكايله ازعل
_بويه ايدك راحت بسببنه هيه اهلك شيكولون
_عادي فدوه الكم ما صار شي اهلي ما يحجون شي كلنا العراق وكلنا شعب واحد
حضني الرجال يطبطب على جتفي ابتعد عني واردف :
_ما عليك زود وليدي
_امانه بركبتك بعد كتلك اني
_هههههه لااا وليدي ما حاجه تكول هاذه هوه
ودعتهم ودخلت البيت الحمدالله ماهان مو بالبيت جان ضل يحجي صعدت بسرعه قبل لا امي تكعد وتضل تحجي دخلت الغرفه سديت الباب وبلش عقلي يجيب
ويودي بالافكار ساعه افكر بصوت البنيه ساعه افكر بشكلها وعيت على نفسي شدسوي اني بس لاا تخبلت دخلت الحمام غسلت وجهي اكثر من مره وطلعت
صعدت على السرير ومن كد التعب غفيت واني مادري بنفسي حسيت الصبح على صوت ابوي وهوه يحجي ويه امي فركت عيوني ونزلت من السرير نزلت اشوفهم
شبيهم حتى بدون ما اغسل وجهي لطمت امي على خدها من شافت ايدي اجتي تركض لزم ايدي واردفت :
_يمممه وليدي شبيها ايدك
_ماكو شي يمه لا تخافين
_ولك شلون ما اخاف هاي ايدك مو مجويه
_البارحه ساعدت جوارينه احترك بيتهم وبالغلط احتركت ايدي
باوع عليه ابويه واردف :-
_بويه غير تنتبه على نفسك
_مادري توني اريد اطلع من الباب ونزلت الجماريه على ايدي
_زين هذه الي حاطينه على ايدك شنو؟
_مادري بس ابوهم خلاه على ايدي
_عادل هذه محار احسن من العصاره هاي قبل جانو يحطون على الايد المحروكه او الرجل
_تأذيك ايدك ؟
_لااا يابه ما تأذيني عادي
_زين شلون صار الحريق
_الجهال كاعدين يلعبون ومادري شلون حاركين البرده
_وانت شلون اجه على ايدك الجمر
_دخلنه جو البيت
_خصاممم الصخم راسي ولك شلون دهلت والنار جوه
_يمه لااا تسوين من الحبه كبه ما صار شي هياني واكف كدامج بشحمي ولحمي
_وايدك !
_ما بيها شي ايدي لاا تخافين
دخلت المطبخ غسلت وجهي وكعدت على الميز دخلت روهانا توها تريد تحجي لكن وكفتها :
_كلام زايد ناقص منج انهيج
_هسه اني شحجيت شي عباتلك
_شلون تخليني اكوملها
_انتَ شنو مشكلتك وياي
_اخوج ماهان وين!
_بعده ما رجع
_جا شوكت يرجع ؟
_مادري والله ابوي يعرف
تنهدت بضيق وسكتت غمضت عيني اريد افكر بس ما اكدر عيونها وشكلها وصوتها مرسومات بعقلي فتحت عيوني وكمت صعدت بسرعه بدلت ملابسي وطلعت
ابتسمت لا ارادي من شفت ابوهم والشباب برا واكفين همه هم فرحو من شافوني صاحني ابوهم حتى اجي اخذت مساري ورحت يمهم :
يامان-سلام عليكم شباب
اركان-وعليكم السلام حي الله من اجانه
نعمان-اجه اخونه التاسع عشر
صكبان-راح اضربك نعمان
يامان-اشو اليوم من الصبح
اركان-انتَ ليش اجيت مو ايدك محتركه يابني غير ترتاح
يامان-ما اكدر اعوفكم لازم اشوف شراح تسوون
اركان-والله اجينه نشوف شراح نسوي خو ما نضل من بيت البيت
يامان-لاا عمي ما مقبوله منك بيتي مفتوح الكم بأي وقت اهلا وسهلا بيكم
اركان-لاا وليدي وكفتك ويانه كافيه
نعمان-اكلك يامان هذه بيتك مو !
يامان-ايي بيتنا
نعمان-بس لا انتم بيت الزعيم
يامان-لا هذه خالي
_يعني الزعيم يصير خالك
_مع الاسف ايي
_ليش مع الاسف ؟
_انطيك الصراحه .
_احجيلياها من الاخير احسن
_خوالي على اطلاقهم ما أحبهم بس خالاتي اطلع منهم لانهن حنينات
نعمان-عفيه زعيم الكل يكره
صكبان-اسكت يمعود ترا الحياطين الهن اذان
يامان-انتم منين تعرفون الزعيم!
نعمان-ليش هوه منو مايعرفه هناك بالانبار
صكبان-صاير علج بحلك الناس حجي هيج الزعيم وسوه هيج الزعيم
_والله حلو عدهم شي يلتهون بي
اركان-بس حرام ما يصير احد يحجي بخصوصيه غير شخص بدون علمه حتى لو كان هذه الشخص غريب او قريب حريه الشخصيه حرام الواحد يتدخل بيها الى بأذن من الشخص نفسه
يامان-كلامك صح عمي صح السانك
نعمان -الله عليك بويه
_بلا كلام زايد تعالو خلي نشوف شنسوي يامان ابني انتبه على ايدك
_ايي عمي
دخلنه سويه للبيت الحديقه يرادلها شغل هواي البيت يرادله شغل هواي طلعو الولد والحجي من البيت يباوعون على الحديقه باوعت على الحجي واردفت :-
يامان-عمي لا تشغل بالك وتفكر اني موجود
نعمان-يامان لديكم لا خوف عليكم
مهدي-هاي مو لـ يامان لـ ميسي
نعمان-عادي مقبوله
اركان-البيت يرادله هواي تصليح
يامان-اني مهندس واعرف بهذه الشي
كلهم حولو نظرهم عليه اقترب الحجي مني واردف :-
_انتَ مهندس
_تقريبن صارلي سنتين من تعينت
نعمان-والله خوش حظ عندك بسرعه تعينت
_لان درست بالخارج قبلو يعينوني
نعمان -اني شهادتي بالنعال مايقبلونها
صكبان-اسكت نعمان خلي نحجي
نعمان-مضرط اووو... قصدي احجي
صكبان-دراستك صارت بالخارج
يامان-ايي سافرت ويه ابن خالي ودرست هناك بس امانتاً هنا احسن بس شنسوي
نعمان-دحك شلون يخليني انبت هاي العوده براسه
صكبان-وين اكو دراسه بالعراق شتحجي انتّ
يامان-قصدك دراسه فاشله
نعمان-شي اكيد
يامان-هاي بنظراك هيج اما غير ناس يتمنون يدرسون بالعراق
مهدي-والعراق يتمنى يدرس بالخارج اختلاف بيناتهن قوي
يامان-شكد نجر
مهدي-اعجبك بكلامي اخي العزيز
اركان-كافي بلا كلام سخفي خليني احجي ويه يامان
نعمان-تفضل ابي العزيز احجي ريه يامان العزيز
يامان-بما انو انتَ مهندس وتفهم بهاي الشغلات شتكول على البيت يتصلح
_يتصلح بس يرادله هواي شغلات
_خوب عش اتعب نفسي اضرب البيت طلقه راح يتفلش بالكامل
_لااا موهيج قصدي اذا تعاونه سويه نكدر نخلص بسرعه
_اريد تحجيلي بالتفصيل
_اول شي نحجي بالداخل يرادله تنظيف نشيل الشبابيك لان الجام كله مكسر ونجيب جديد وراه جص وبورك واذا يعجبك نسوي كاشي بس الطوارف مال حيطان او نصبغه الى يعجبك نرجع نخلي الشبابيك ترتيب منا على باب على غراض مال بيت خلص الداخل الخارج الواجهيه مال بيت يرادلها هم ترتيب من يمي اني اعدلها ونخليش شويه نغشات وكذا الحديقه هيه من زمان هيج شكلها اذا يعجبك نغير شويه منها نسوي ثيل ونخلي زرع بيها هم الي يعجبك
_عاشت ايدك ابني تفكيرك عجبني خلص على كلامك راح نمشي لان ما راح اكدر الحك الكه مهندس وخلفه يقبل يشتغل هسه
_خادم اني عمي تدلل
انس-ابوس عقلك الي ينطح أفكار
يامان-ينطح لو يطرح
نعمان-يطرح مال حامل احنا نستعمل كلمة انطح
اركان-اييي لانك ثور وبس تنطح
نعمان-بويه عش هيج تحجي خليني فرحان
اركان-فرحان على خصام وجهك
نعمان-احلى مهندس لـ عيون شبابنا الطيبه
يامان-راح افكس عينك بالدرنفيس
نعمان-والقران لو ما انتَ ما موجود جان رحت جبت المهندس مالتنا من الانبار واجيت
يامان-لااا على بختك اكعد راحه
اركان-كام يهنبل جذب
نعمان-بويه كلامي صدك لو جذب
ضحك ابوه يباوع على ابنه واردف:-
_ايي بويه كلامك صدك
نعمان-دهاك استلمم
علاء-راح استلمك دك كتل اذا ما سكتت
يامان-بلا زحمه منكم قبل لا نبلش شغل منو ولد الحجي ومنو لااا حتى اعرفكم لان حتى اساميكم ما اعرفها
_بويه يامان كلهم ولدي ماكو فرق حتى انتَ
_اعرف عمي بس حتى اميز
_صكبان ومروان ونعمان وعلاء ولدي
اما غزوان وعمر ومهدي وانس وماهر ولد اخوي عايشين ويانه بنفس البيت بس مثل ولدي
يامان-الله يخليهم الكم عمي
_ويخليك وليدي
نعمان-اكلك صدك انتَ جم اخو عندك ؟
يامان-اخو واحد وهوه توأمي
نعمان-عليك العباس !
يامان-اييي والله
_خلينه نشوفه
_مو هنا بيت عمامي من يرجع اصيحه حتى يجي ويانه
_هوه شنو تخصصه !
_دكتور .
_جا شجاب الدكتور على شغل البيوت وهذه الخرط
_افتهم قصدي اصيحه يتعرف عليكم
_اهاا عبالي تقصد يشتغل ويانه
اركان-ماكو مشكله مو شرط اذا جان دكتور ما يعرف بشغل الهندسه
_كلام عمي صح
اركان-يله حبايب بلا كلام خلي نبلش
نعمان-اوكف منين نبلش
يامان-من البدايه
نعمان-وحيدنه
يامان-شي اكيد لااا هسه اتصل على العمال يجون ويانه
اركان-لااا يامان لا تتصل اني عندي عمال وراح اتصل عليهم انتَيس وكفتك ويانه كافيه
نعمان-شكد تحب تقدم تضحيات
يامان-تربية ابوي
_يالله سلام عليكم
درت وجهي من سمعت صوت ابوي ابتسمت بقوه من شفته لابس ملابس الشغل اكيد يريد يروح الشغله اتقدم ابو نعمان وسلم على ابوي :-
_سلام عليكم ورحمة الله وبركاته
_سمعت البارحه من ابني يامان بيتك محترك الله يصبركم انشاءالله
_تسلم ابو يامان جيتك كافيه
_ما يحتاج احجي يامان يمكم اي شي تحتاجون هوه موجود ويعرف يتصرف
_ما يقصر يامان بطل واعذرنه البارحه بسببنه اتأذت ايده
_المهم ما صار شي خيرها بغيرها
_الله كريم
_اني رايحه لان عندي دوام والله لو ما الدوام اضل يمكم بس اعذروني غير مره
_لاا خويه شسالفه روح على دوامك احنا مو بعيدين غير مره انشاءالله
سلم ابويه على ابو نعمان وراح بلشن شغل بالبيت وبلش سوالف نعمان شكد يخب يضحك ويسولف حتى ما حسينه بالشغل من كد ما ضحكنه نشيل بالغراض ونطلع بيهن لان ابو نعمان كال اليوم بس نطلع الغراض باجر
نبلش نشتغل اندمجت ويه الولد احجي واسولف واضحك وهاي جانت اول مره بحياتي احجي ويه بشر ثاني غير اخويه ماهان كملنه شغل المغرب ردت ارجع للبيت بس ابن نعمان ما خلاني ولا حتى ولده قبلو ارجع
للبيت اخذوني وياهم للبيت الي كاعدين بي لكيت محظرين الاكل بس اكعد واكل غسلت ايدي ودخلت الديوان جان حيل جبير وطويل اول مره اشوهيج ديوان
السفره حب كلبك وما اشته اشكال والوان الاكل دخلو الولد وكعدو اخر شي اجه نعمان كعد يمي ضحك صكبان وادرف:-
_عاد هاهيه كعد نعمان بصف يامان راح يخلي كل ساعه يقص بالكمه
يامان-لااا عادي بالعكس اني احب هيج شحض روحه رياضيه ويضحك ويسولف
نعمان-حبيت كلمه جديد روحه رياضيه
ماهر-راح تضير ضمن قاموسك
نعمان-دون تفكير
علاء-دسكت وأكل احسلك
بلشنه ناكل بس صوت الخواشيك ينسمع محد فك حلكه وحجه دخلت امهم علينه مريه جبيره بالعمر شايله بلم مال فواكها خلتها كدامي واردفت :-
_اكل يمه اكل زين لا تخلي شي بنفسك
_دياكل خاله تسلمين
_ وينه اكلك يايمه مو هذه جسمك جنه جسم البريعصي
نعمان-يمه هاي يسمونها رشاقه جسمه يصير رشيق وضعيف وعنده عضلات
_حتى لو يايمه ما تشوف الولد راح يموت
حتى النفس يشتري شرايه
_خاله انتِ مثل امي مهما سويت ما راح تقتنعين
_يمه علمودك اني عبالك طالع من الصحراء وكلشي ما ماكل
_اني اريد هيج يصير جسمي
_يمه اذا تسوي هيج علمود البنات عدنه بنات ننطيك الي تعجبك بس اشر وكول
قصيت بالكمه من حجت هيج ضرب على ظهري نعمان واردف بهمس :-
٦وافق واخذ بنات عمي كلهن وخلصني منهم
_تريدني ابتلي بيهن
_شيبن حتى راس الخلفوني
_على بختك نعمان اسكت راح اموت بعدني كلشي ما شايف من حياتي
ضحك نعمان وضرب على ظهري حيل صاح بي مروان وادرف :-
_على كيفك كسرت ظهر الولد
_لا تخافون ما بي شي
رفعت راسي شربت مي واردفت:-
_لاا خاله البنات شعليهن اني لو اريد بنات جان تزوجت وحده من استراليا وجبتها هنا بس اني ما اريد
نعمان-اصيل انتَ ما تريد غير بس بنات بلدك
يامان-يا بنات بلدي انتَ الثاني
_على كيفك يمه لاا تقص بالكمه مره ثانيه
_لاا خاله منتبه
ابتسمت بوجهي وطلعت اكلت شويه وكمت غسلت ايدي وجهي وكف نعمان مادري شيسوي باوع عليه واردف :-
٦شنو ما راح اتصلي
_اصلي!؟
_ايي صلاة المغرب لو ما تعرف تصلي
_لاا اعرف بس ما اصلي من زمان قطعتها
_السبب؟
_الدراسه والشغل
_بس الدراسه ماراح تلهيك عن الصلاه هيه كم ركعه صليها وكمل شغلك او دراستك
_يعني عادي؟
_امر جداً طبيعي احنا كلنا هيج مرات ما نلحك نصلي بس ما يصير نفوتها نصلي كل صلاه بوقتها بس اذا كان عندك شغل مهم لا هنا انتَ معذور
_محد كايله هيج
_يعني اهلك ما يصلون
_لاا الكل يصلي بس اني ما اكدر اسئلهم
_لاا ما بيها شي اذا سئلتهم
_هسه يعني عادي نصلي
_امر جداً عادي تعرف تتوضه
_لااا ناسي لان من زمان ما مصلي
_تعال اعلمك
(ياّيها الذيْن ءامُنوا اذا قمَتم الِى الصُلٰوة فاغسلوا وجَوهكم وايُديِكم الى المٍرافق وامّسٌحوا برءوَسكم وارجلْكم الى الكعبًين )
قره السوره بصوت واضح وجميل وهوَ يعلمني شلون اتوضه واصلي توضيت اني وياه سويه ودخلنه الديوان لكينه الكل متحضر حتى يصلي ابوهم واكف كدامهم والباقين لي وره باوع عليه نعمان واردف بهمس :-
_اني راح اوكف بصفك وشسوي تسوي وياي لحد ما تخلص الصلاة
_تمام هاهيه
وكفت بصف نعمان توني اريد ابلش اصلي ولمحت نفس البنيه الي البارحه شفتها وياهم واكفه بالباب من شافتني لكفتها طلعت تركض ضحكت عليها وبلشت اصلي ويه
نعمان لحد ما خلصنه صلاة ودعتهم وبالكوه خلوني ارجع للبيت من التعب صليت العشه لان نعمان كلي من ترجع صلي لا تنساها صليت ونمت براحه كعدت الصبح
نفس الروتين نزلت جوه لكيت ماهاه جاي حجيتله عن الولد وشصار بيهم اكلنه اني وياه وطلعنه سويه ضحك ماهان بقوه من شاف الولد ركض على نعمان واردف :-
_ولككك نعناع شجابك هنا
_انتَ شجابك هنا يالهاون
_اني بيتي هنا
_لاا تكلي انتَ اخو يامان
_ايي يامان اخويه التوأم
_شكتلك صكبون مو كتلك هسه يطلعون اخوان بس انتَ ما تصدك كلامي
_منين تعرف اخوي اوكف دخت
_عشرت عمر بيناتنا شلون ما اعرفه
_ما دام اجه ماهان ويامان يله نبلش شغل
صار نقاش بين نعمان ويه ماهان ضحكت عليهم شكد حلوه من تعرف شي بالصدفه ويطلع شي انتَ تعرف من زمان بلشن نشتغل وياهم صار بين يومين هيج يجيبون
اكل النه لو احنا نروح عليهم الولد جوه ماعلن يمهم بس اني ونعمان وصكبان وعمر ومهدي ول عمهم ويانه برا شويه واجه واحد اول مره اشوفه ضرب ايده نعمان وادرف:-
_ياهلا بابني خالي
_هلا بيك
باوع عليه بنظرات استغراب واردف:-
٦صاير عدكم نفر جديد لو اني عيوني معميه
_هذه اخونه يامان
_راح اكوم انوم هذه البوري براسك كوم ويه اخوتك اشتغل
_حاضر سيادتك
ضرب تحيه وكام يشتغل وياهم راح الولد يحجي ويه ابو نعمان واني رحت اسوف الشباب ضلينه مستمرين نشتغل والبنيه تكفيري بيها ما يقل يزود ما ليله افكر بيها
اعتقد فقط معجب بيها بس هيه البنيه صغيره وبريئه ملامح وجهه حلوه استمر الشغل اسبوعين يوم امي تجيب الاكل يوم امهم اليوم جان على امهم لكن
انصدمت من شفت نفس البنيه الي افكر بيها .
رأيتها وياليتني لم ارها.
تلاقت أعيننا لثواني لا تُذكر.. اضطرب قلبي وتوقفت انفاسي.
واعلم انها لم تتأثر او تنَضر لي..ولم يهتز من كيانها شعره
ولكنها أحدثت زلزال في قلبي
كنت أخبر قلبي منذ فترة انه مجرد إعجاب وسينتهي
هل عادت لتُكذِب كلامي وكيف عرفت بما افكر ام انه كالعادة تفكيري وخيالي
ظننت لوهلها انني اتوهم هل انتِ أمامي ام ماذا نعم انها انتِ لم اتوهم انتِ امامي
اعلم انه لقاء صغير ولكنه أثر بي كثيرا وأعلم انه لم يؤثر بكِ لأنه من طرفي فقط
لا أعلم لماذا نظرت لي ألم تكن تنظر لي أم انه خيالي مجددا.
لكنني لم اتخيل بالفعل انتِ تنظرين لي، ما يشغل عقلي الان، لماذا نظرت لي أم انكِ تبادليني الشعور أم انه مجرد فضول لمعرفة من الذي يسير بجواركِ.
والآن ها هيا اضطرابات تحدث في عقلي تخبرني بحضوركِ مجددا.
لقد رأيتك المره الثانيه عند الباب كانت واقفه وتنظر لي لكن مامعنى هذه النظرات
اخذت بضع دقائق لاستوعب ما الذي حدث
وارى ان القدر قد وضعكِ أمامي مجددا.
قد تكررت الصدف بعدها ورأيتك للمره الثانيه
مجرد رؤيتي لكِ يشعرني بأني املك الدنيا بأسرها وتكون الدنيا كلها ملكي عندنا أراكِ تنظرين لي هوا شعور جيد لكن يحسسني بخيبة امل لكوني افكر بأنكِ من
الممكن أن تنظري لأي ذكر اخر غيري وبالصدفة كنت انا كم اتمنى ان تنظري لي كما انظر لكي كما اتمنى اني يرف قلبكِ كما يرف قلبي عليكِ كالعادة سيكون كل هذا الكلام في قلبي وخيالي دائماً اقول انا الماضي :-
الماضي شيء لا يمكننا جزمه ..
الماضي ذكريات لا يمكننا نسيانها
الماضي لحظات عشناها و غطى عليها الزمن
الماضي هو الحب و الحياة و الطفوله و الصداقة الماضي جعلني احيا من جديد
فاعلموا اني لا ازال عالق في الماضي جيد بلا روح ..وروح بلا جسد ..
معا أحلامي ذكرياتي آمالي اوجاعي حبي..
-(العوده الى الحاضر)
دخلت للبيت بعد ما حاولت احجي ويه هازال بس الكلام وياها ما يفيد بدلت ملابسي وطلعت للشغل لان العمال ديبنون عماره ولازم اني اكون مشرف عليهم خلصتها
بس واكفات وارلزل بيهم لحد ما خلصنه المغرب رحعت للبيت ميت تعب حتى اهلي ما شفتهم صعدت لغرفتي ومن كد التعب والتفكير غفيت كعدت الصبح على صوت
الضجه مال عزيمه الناس طابه طالعه على غرفتي ما شفت ياهو كدامي شلت المزهريه وضربتها بأتجاه الباب ما سمعت غير بس صوت الباب من انسد رجعت غفيت شويه وكعدت على صوت روهانا:-
_يامان كوم كافييي نوم راح يجي ماهان
_شسويله مثلاً اركصله
_عجيب امرك انتَ مو قبل كم يوم بس تريد ماهان يرحع اشو هسه ختلف الموضوع
_طززز بـ ماهان اريد انام طفيي الكلوب واطلعي
_ما اكدر اواجه واكله هازال ما جايه للعزيمه عليك العباس كوم انَت
_فاهيه تضلين طول عمرج فاهيه
_عندي انتَ ما حاجه اصير قويه
_شلون راح اجيبها براشدي يثول عينها
_دكافييي عاددد كوم راح يصعدلك بابا
طلعت من الغرفه وخلت الكلوب مشتغل خرب روحه الخالج فركت عيني وكمت دعيت من وابي ما اشوفها اليوم لان بس اشوفه اخرط العافيه وما حيلي ما يبقى
عندي دخلت الحمامم غيلت وجهي ونزلت بيتنا عباره عن ناس رايحه جايه طابه طالعه ما تفتهم خط السريع
نزلت ركض من الدرج وطلعت برا ضحكت بثكل من شفت نعمان وابوهم ولده ولد اخوه وياه هم رحت عليهم وسلمت:-
_هلا بيك وليدي جنه ننتضرك
_والله ياعمي اخذتني النومه
_مو خوش شغله
_هاهيه شنسوي
اتقرب مني نعمان واردف:-
_شوكت تخلصني من بنات عمي
_راح اطيح حظك اسكت
_وكل شيبن باب كلبي راح انجلط
_جا اني شكو تريدني اتزوج وحده من عدهن
_تسوي فضل اذا تتزوجهن كلهن
_نعمان اذا ما سكتلك اكطع النعال على حلكك
_صوجي اني اجتيك عود انتَ اخوي وحزام ظهري
_يعني اذا اخوك وحزام ظهرك اتزوج بنات عمك هاي ما صايره حتى بالشرق الاوسط
_بس راح تصير بالعراق
_شلون يخليني اجفص بمصارينه
_شسالفه يمعودين نعمان يامان شكو
_اخوك يريدني اتزوج بنات عمك
_لي هساتك قافل
_ما اتنازل اله يتزوج يامان واسوف جهاله يركضون بالشارع
_شمعنه يركضون بالشارع
_هوه هذه مستقبل اطفال العراق
_الله يفين حظك ياحيوان
_اسكت انتَ الثاني
_صكبان لا تزعل اذا كتلت اخوك
_اني اعرف ايدك مو الك اضرب ياهو الجان كدامك
هزيت راسي وتوني اريد اضرب نعمان فلت يم ابوه
صار صوت هوسه اكيد وصلو فر سبحته صكبان واردف:
_هذه اخوك ما ناوي ينزل
_عود شوفوني هيبه وكذا
_ما بي زيج يوكع على صفحه
_بالضبط
_مال هسه اذب قنبله جوه السياره واخلي مراكضكم ماله والي
_لا على بختك اكعد واستر علينه
ضحك يفر بالسبحه اخذت سبحته الاول مره اسبح بيها صح اصلي بس ما اسبح ضليت افر بيها لحد ما فاتت سيارة ماهان نزلو العروس البنات وشفتها بس ياريتني ما شفتها وعيونها صارت بعيونها لزمت العروس ودخلتها جوه بس عيونها عليه زحت عيوني وحجيت ويه صكبان:-
_اكلك خويه مهدي شو ماكو
_مهدي وياهم يشتغل بالطبخ
_لازم ينبص روحه
_تدري بي روحه والطبخ
_خرب انه خليني اروح اشوفه
_انتضر جاي وياك
رحنا اني وصكبان نشوف مهدي ابن عمهم كاعد يطبخ ويه الناس كلشي جهز شوي وكالو صبو بلشو التاس ينكلون بالاكل للديوان توني اريد اشبيل الصينيه وحسيت بأيد ماهان على جتفي تركت الماعون وخرت على صفحه انتضره يحجي باوع عليه واردف:-
_وين الشگره ؟؟
_ما اجتي
_شنو السبب؟
_معزومين يم عمامهم
_يعني عافت العزيمه الي هنا وراحت العمامهم
_لا بس اعتقد الموضوع مهم وراحت
_تحجي صدك؟؟
_اني شعليه هيه ما تريد تجي اجبرها مثلاً
_اتصل عليها بسرعه
_انتَ مو عندك رقمها اتصل عليها انتَ
_لاا تخليني امضرط زايد اتصل
نفخت بضجر وطلعت تلفوني اتصلت على هازال تلفونها مغلق باوع عليع واردف:
_ليش تلفونها مغلق؟
_شمدريني يجوز ماكو شبكه
_لاا تخبلنيي يامان
_عليش اخبلك هيه ما تريد تجي وانتَ شكو تفكير بيها حير بمرتك وخلص
عفته وطلعت من الحديقه دخلت للديوان ارتب غراض ويه الولد شويه وفات هوه ضلو الولد يحجون وياه بس هوه باله مو يمه طلعت تلفوني صورته شلون كاعده يفكر رسلتهه لـ هازال وكتبت :-
"العاشك الوالهان يفكر بيج ليش ما اجيتي"
شافتها وبسرعه ردت:-
"خلي يتحسر شكد ما يريد اني اعلمه"
"والله كفو منج"
"طرنامين اجه لو لا"
"طرنامين منو؟"
ابن خالي الشفيه"
"قصدج بنيامين"
"ايي هوه"
"عنده شغل بليل يجي"
"عبالي اجه كلت هم زين ربي ما رحت للعزيمه"
"هازال شسالفه"
"خلص ما راح احجي اريد اكل بيباي"
"اكلي زين"
"يدلل يموني"
خليت لايك على الرسله وطلعت ضربني على جتفي نعمان واردف:-
_منو هاي الي تحجي وياها؟
_حسستني زوجتي وكضتني اخونها شبيك
_لا تلفون الموضوع منو هاي الشكره؟
_بنت خالتي وبعدين انتَ شكو
_بس لاا هاي الي نسوها يمنه بيوم الخطوبه
_ايي هيه
_شكد خطيه
_راح اهينك
_شعندك تحجي وياها؟
_نعمان البنيه مثل اختي لاا تفكير وتلوص من يمك
ضحك بقوه وبلش ياكل اكلت وياهم على الواهس كملنه وطلعنه نغسل ما لكينه مكان من كثر الناس رحنا يم المغسله الي يم المطبخ لمحتها من بعيد واكف بصف الشباك وتضحك ضبطت نفسي وغسلت ضحك نعمان واردف:-
_شكرايت يامان واكطع
_راح اجي اكطع النعال على راسك
_اعصابك يمونيي
_هذه ياهوو يموني؟
_يامان هذه.
_هذه ياهو يصيحله هيج ومطير كل هيبته
_بنيه وكع بحبها
_يا وكع بحبها انتَ الاخر
_تحب من ورانه يامان
_عمي هذه يجذب لاا تصدك بي والعباس ما احب
_العباس شالك وسطرك
_شوف الثاني
_صدك والله واخيراً راح نزفك
_بعد خلوني ابو جهال وفضت السالفه
_انجب مهيف هتلي اني اعرفك من عيونك
_عيوني هم مرات تجذب لا تباوع عليهن
_عجل خليني افكسهن
خليت مي بأيدي ورشيته عليهم طلعت اركض على الحديقه وما احس اله نعمان جايب الصونده مال مي ويرش عليه طفيت المي واردفت:-
_ما تصيرلك جاره طول عمرك
_انجب ياخويه
_شلون راح ابدل هسه
٦يالنازوكي هسه راح تنفش لا تصير مثل البنيه واوي واموي
ضربته على راسه واردفت:
_اسكت لا احطك هنا واخلي سجينه بطنك
_ما تسويها
_جا اسكت لا من صدك اسويها
لزمت دشداشتي كلها مي طلعت من الحديقه ودكيت باب المطبخ طلعت ريري باوعت عليه وضحكت:-
_هاي منو مسوي هيج بيك
_راح اشكه الحلكج بطلي ضحك وسويلي طريق اريد افوت ابدل
_تمام اخوي تدلل
_ليش تخليني اموتها
_شبيك عصبي ياعيني
_ريري دين ما ضال براسي بسرعه
دخلت جوه تسوي طريق الي حتى افوت اجتي فتحت الباب واردفت:-
_تكدر تفوت هسه
_رحمه الله والديج تعبناج ويانه
_لا تعبك راحه
كرصتها من خدها ودخلت اشو توني طلعت باب المطبخ وصار طشار الجكليت ماله وألي هاي الي تهلهل وهاي الي تطش جكليت بس لا عبالهم اني العريس وكفت على الدرج واردفت:-
_حبايبات اني مو العريس اني اخو التوأم لا تيهون
لطمت وحده على خدها واردفت:-
_جا والجكليت يمه وين راح
_عادي خاله لمي وارجعي طشري على ماهان من يدخل
عفتهم وصعد الغرفتي طلعت دشداشه غير هاي ودخلت الحمام بدلت بسرعه وطلعت من الحمام توني اريد ارش عطر وتصنمت بمكاني من شفت رجحان واكفه كبالي باوعت عليها بنطرات ثكل واردفت:-
_شتسوين بغرفتي ولا داخله بدون لا احم ولا دستور
_اريد احجي وياك
_هسه مو اسلوب رجحان الي اعرفها
_انتَ جبرتني هيج اسوي
_اني جبرتج
_هواي اشياء جبرتني اسويها بس ما فادت وياك بقت بس هاي
_سويتي سحر امي عباس لو لا يكولون مفعوله قوي
_اني منو من هذوله النماذج
_حرامات يكولون يسحل الواحد سحل
_ماكو داعي بس اريد احجي وياك
_احجي اسمعج بس بسرعه لان ما ضل وقت
_ليش هيج سويت بيه؟
_مو اني انتِ الي لعبتي على نفسج
_لا خليتي ليلي ليل ولا نهاري نهار
_تستاهلين الي صار وبعد اكثر
_لا اني ما استاهل هيج شي اني استاهل الافضل
_اذا تستاهلين الافضل ليش ما حصلتي عليه ليش جاي عليه
_لان احبك
_جذابه
_ورب العز احبك وانتَ تعرف معنى كلامي
_ما اصدك بعد بكلامج لانه كل جذب
_منو هاي الي تحبها؟
_ما يخصج
_تصيحلك يموني مثل ما جنت اصيحلك!
_عادي اقبل
_واني ؟
_انتِ ماضي
_وهيه؟
_الحاضر
ضربتني على صدري واردفت بنبره عصبيه:-
_ ما اسمحلك تحب وحده غيري افتهمت انتَ الي وبس
لزمتها من ايدها بقوه وثبتتها على الحايط صار قرب بيناتنا كلش قويه تلاقت عيونها وعيوني مره ثاني بجتي بقوه واردفت:-
_شلون كدرت تنساني تعال علمني حتى اكدر انساك
_جذابببه رجحان انتِ اكبر جذابه خلص اسكتي ما اريد اسمع ولا كلمه منج
_بيش احلفلك اني بعدني احبك وما كدرت انساك
_لو اتنزلين الانبياء هنا هم ما اصدك
_لا تسوي بيه هيج يامان
_انتِ جبتيها النفسج
تركتها وابتعدت بسرعه توني اريد اذلع وركضت وكفت كدام الباب تملكت اعصابه واردفت:
_طريييق
_ما تطلع دون ما اكمل كلامي
_رجحان انتِ تعرفيني ما احب اضيع وقتي على شي تافه
_شي تافه؟هسه اني صرت شي تافه ؟
_اريد طريييقق وخريي عن الباب
ابتعدت عن الباب واردفت :-
_مو تريد تروح يله روح
دارت وجها تبحي تعرف نقطه ضفي دموعها وكفت يم الباب لزم اليده وفتحته وكفت بس محتار بين اروح وبين اكوف اشوفها مسحت دموعها وباوعت عليه ذبت الكلنسه واردفت:-
_متأكد انتَ ناسيني وما تحبني؟
_دفنت حبج بالغربه بعد لولايتج مارد .
يتبع!!💀
انستا:-@llil16._
«ـــــــــــــــــــ«•»ــــــــــــــــــ»