.
.
.
وسافرت نيران بعد ماودعتها صباحا راحت وماعرف
ليش أخذت قلبي وفكري وياها.
شلون عايشه
شلون مدبره أمورها
شلون برقبتها خمس أطفال كبيرهم تسع او عشر سنوات.
ماعرف ظليت صافنه بوظعها شلون متحمله وصافنه
على كميه الالم والحقد الشايلتها على زوجها.
ارجع واكول حقها اني بلدي وامي والناس التحبني
وصعبة كلش صعبه اتخطى.
- انداريت كتله يله جعفر نرجع راحت بعد شمنتظرين.
جعفر/
ها خاف ترجع منو الها خلينه خلينه.
هبه/
عوجت حلكي
ها جعفر سلامات ترى المره مزوجه وعدها خمس جهال.
جعفر/
بشرفج
كولي غيرها
هاي هاي عدها خمسه.
- أي شنو مو بعينك.
- حك رقبته من وره.
جعفر/
مو هيه لان بعيني متعجب وينها وين الخمسه صدك جذب وين زوجها عنها خالها بالدول وحدها.
هبه/
والله رجلها ياكلك ويكرزك لو يعرف عينك عليها.
- خل يطير هل بوخه هو وعظلاته هل عطلات شيشتغل بله.
هبه/
العطله يشتغل...........
ها ارتاحيت.
جعفر/
تكسي.....تكسي
نفرات يمعودين
منو انتي وين اني
بوليس مخطوف اني ترى.
هبه/
ضحكت عليه وعلى الحركات اليسويها ههههه.
من بعدها رجعنه للفندق.
..............................
.....عوده إلى الأمس.......
هبه/
بعد ملتقيت بنيران
وظعها بصراحه حيرني كلش كلش حيرني
شنو الخلاها توصل لهل وضع وينه زوجها عنها هو انسان جدا صعب مو مال يعوفها.
ظليت اتقلب بفراشي لحد مغفت العين والعقل شغال
اول مصبح الصبح لبست وعدلت شعري ومكياجي
سريع سريع وأتصلت بيها.
هبه/
الو
نيران/
هلو
صباح الخير
- صباح النور
اكلج وين نلتقي خلي هسه على وكت احس مشبعت منچ.
- ههههه
ادللي تعالي ليم الفندق مالتي ونروح نتريك أطيب برك بالجبنه والسبانغ تجنن ونكمل سوالفنه.
هبه/
آوي سبيناغ من الصبح شلچ بيها
المهم شلون اوصلج كلشي ماندل.
-ههههه عبالج سبيناغ مطيب المهم
طلعي من الفندق مالتج عبري الشارع تلكين موقف مال حافلات ( نفرات )
انتظري مو تركبين اي باص لا الباص رقم 73 وهو ينزلج يمي.
هبه/
ها متاكده بس انتظر واصعد وانزل.
- بالضبط تلكيني انتظرج بس تنزلين واكفه كبالچ.
هبه/
وفعلا مشيت على كلامها والله طلعت وعبرت الشارع وكفت بالمحطه وفات تقريبا باصين يله اجه رقم الباص الاريده
والله ركبت واني متوتره واعصر بملابسي خايفه لا اندل لا لغه
وهسه وكف وچان الكيها واكفه كبالي تبتسم.
شكد حلو عجبني الوضع مثل الرجل الآلي مشتني لحد هههه موصلتني يمها.
نيران/
ها يمعوده سلامات شبيج مصوفره.
هبه/
اخاف ما اندل كلت لا اضيع وين اروح.
- يمعوده شضيعين اطلعج من جوه الكاع هنا حافظتهم المناطق كل ما انزل مقيمه هنا احب وسط اسطنبول ارتاح بالزحمه.
- وفعلا ظلينه نمشي لحد موصلنه مطعم وطلبت النه
وكعدنه ناكل ونسولف.
هبه/
اكلج نيران ليش متجين تسكنين هنا يم اهلح مو دكولين بتركيا.
- ماريد
مستحيل.
- ولو دتدخل وفضول بس ليش على الاقل اهلج يمج يشيلون الحمل وياج الغربه صعبه أحسها.
- ماريد يندل مكاني ولا يلمحني ابد مستحيل أسامحه على الوضع الخلاني بي
لو مبرر لو كايلي السبب
بس يختفي فص ملح وذاب خلي ينساني وينسى جهاله .
- بس دكولين چان ناوي يجي وياكم يعني يكدر يلحكم إذا راد.
اشوفها ضحكت بطرف شفتها وكأنه عدها حيله.
نيران/
اصلا اذا فكر يلحكني فيزا هيه فيزا مينطو
دكيت أسمه وقدمته تعنيت لكانبرا تعرفين كم ساعه وكم كيلو قطعت.
هبه/
فاكه حلكي بصراحه على جرئتها
صدك تحجين لو تشاقين.
- اي والله سقطت كل معاملته وميكدر يوصلني بعد
لعد قفلت سنتين وطبيت بالسنه الثالثه منو يقبلها معلكه أني
اي واحد يسألني زوجج وين اظل ادير بعيني ماعرف شجاوبه.
- حقج بس سوايتج يرادلها جرأه وقلب ميت
يمه اخاف اني ماسويها لا لا ماكدر.
جاوبتني وهيه تحط اللكمه بحلكها.
نيران/
تعلمت الحيله منه
وماضيع الفرصه لان اذا ظاعت مترجع ولا التفت على الاعوفه خلفي
نصيحه هبه مشاعرچ الزايده اضعفج وتخلي العالم تستظعفج.
- وين جنتي عني
چان المفروض استعين بيج.
- موجوده اني لليحتاجني
بس مريت اني أصلا بفتره جنت أحتاج للعزله عن الكل حتى اهلي جنت محتاجه ألملم نفسي أرتب وظعي .
هبه/
ها صدك
ردت أسالج من دكيت جوازج والختومات شفتج ادخلين بري للعراق.
نيران/
اي صحيح مرتين دخلت بري من جنوب تركيا لشمال العراق
بصراحه لان اعرفه يخلي اسمي بالمطار جماعته هناكه أبد أبد متصعب عليه
معناتها بس انزل لمطار بغداد يلكفني لكن بري يضيع عليه يعرف داخله شلون أنتي من عرفتي بس شيلزم
لا اكو رقم رحله ولا شي وميحس بيه اله أعبر الحدود العراقيه وبعدها وين يلكاني.
هبه/
ظليت فاكه حلكي شهل تخطيط والتفكير شوكت رهمت كلشي
كتلها ها
لعد شعجب اخر طيران من مطار اربيل.
نيران/
مدشوفين الحدود مشتعله منو يأمن يدخل بري والطريق كله داعش شنو مرايده روحي
لا يابه ورايه جهال
ههههه هنوبه تاليتي سبيه
وكله نعم مولاي امرك طاعه وشلوني رب العناد يمكن اول يوم يطيرون راسي.
- هههههههه
خرب شعندج سوالف
سكتت
وكلتلها بشرفچ ممشتاقتله.
تنهدت وجرت نفس مادري حسره وكلتلي.
- شلونه البرك مو طيب كلش احبه أني.
- عاد عرفت متحب تجاوب رجعت سألتها
من يامطار أطيرين.
- أتاتورك
ليباجر تقريبا بالليل يله اوصل.
- يا شكد تعب.
- مو كتلج بجعب الكره الارضية شمرنه.
عاد صاحت ومفهمت طبعا
نيران/
Kardeşim lütfen hesap ver
- شحجيتي بله هههه اني كضيتها أشارات أني والبنات نموت ضحك.
- لاسهله التركيه بس شويه ركزي كتله
اخي ممكن الحساب.
هبه/
اريد اجي اوصلج للمطار.
- تندلين ترجعين.
- لا والله بس حابه اودعتج
ها
اوكفي اخابر على واحد يندل من الولد يجيني ونوصلج.
وفعلا خابرت جعفر وآجاني مكال لا.
- وهاي قبل شويه ودعتها
واخر شي من بوستني همست بأذني.
نيران/
لصيرين دائما ضحيه
بحثي عن الحقيقة بنفسچ ولتخليهم يسولفولج
لان بصراحه كلمن يحجي اليصرفله.
وضعچ كله غلط وشامه ريحة كذب ونفاق.
هبه/
كالت كلامها وطبطبت على كتفي
ولبست جنطتها على ظهرها وجرة جنطه ثانيه وراها وراحت
مشت تبتعد وفعلا ملتفتت عليه مثل مكالت مالتفت على الاتركهم ورايه.
وخلص راحة نيران وخلصت قصتها أعتقد..
..........................
......عوده الى ارض الواقع......
رجعت للفندق ويه جعفر ورفضت رفض قاطع اطلع
هذه اليومين أحس نيران خربطت كل كياني
وتعبت كلش أني وين جنت وليش صدك ساكته من
شفتها تجي من أخر الدنيا وتصعد وتنزل طيارات
بس حتى تبحث عن الحقيقة
لعد ليش اني ساكته.
.
.
أنتهت السفره وحاليا احنه بمطار بغداد الدولي وبس
اريد اوصل كومه كلام و أسأله محظرتها لأمي اريدها
توضحها.
...................
صف التكسي بالباب
باب بيتنه طبعا
تفضل عمي كروتك.
-تسلمين بنيتي.
- توجهت للصندوق اريد انزل الجنطه
نزل الرجال سحبها وخلاها كدام الباب.
- أشكرك عمي رحمه الله والديك.
فرحانه برجوعي ماعرف شكد متونست بكد مدخت بكد متعبت.
تصنمت بمكاني وعيوني جحظت وآني اشوف
عمتي تطلع من بيتنا
اي اي والله هيه أم فراس عمتي
ليش وشنو السبب
وليش نصدمو ثنينهم بشوفتي الهم
نعم ثنينهم
سجود/ وأم فراس
.
.
.
شنو الجامعهم يا ترى.
التكمله باجر ان شاء الله تابعو حساب الانستا بالتعليقات مثبت