وصلت الزفه للقاعه
بكر: نزلت على اركان حظنته والله معرف شلون أردها الك
: احنه اهلك واجب علينا نسويلك عرس مو بمنيه يلاكود مرتك خل نطب كلها تنتظر جوه
جمال: صفكه للعريس يابه هلا هلا هلا
رقية: اهمس لبكر تكول معندي كرايب يل جذاب
بكر: هذول كلهم اهل اركان
بعد ما الكل ركص وزعنه عشا للمعازيم
قربت شايله هديه اني واركان
اركان: أم صبر ماقبلت تجي وايدها فارغه
بكر: صدك جذب والله خجلتوني فوك مصاريف القاعه والاكل نوب هديه
حور: تستاهل بنت عمي طلعت سوار الذهب يملع من بيعيد لبست بيدها وحظنتها
شرين: باع الغبره سوي نفسها مره
خلصت الحفله والكل رجع
علاهن: شوفي شلون يركصون فدوة الله
عدنان: راح طيرهم بعين كافي
حوراء: شكد حلووو والله لو ادري رايحه وياهم
علاهن: هاي هاي حور بعد بيتي طالعه بصوره
رقية: طبيت للبيت ميتة تعب كعدت عل جربايه افتح بشعري
بكر: والله موقف اركان مانسى خطيه كلف نفسه وهو يادوب مدبر عيشته
رقية: لاتنسى انت هم أجرتله بين بالعماره بأيام زواجه هناك
بكر: قربت عل رقية ماصدك صرتي حلالي خاف اني بحلم
رقية: كمت اضحك شفت اني شكد وفيه شكد تقدمولي ومقبلت واضليت انتظرك سنة كامله
بكر: اليوم اطلع تعب السنة الكامله كله بيج
اركان: يلا كومي نامي حوريتي باجر ننزل للدكتور عندج مراجعه
حور: تعبانه خل نأجل الموعد..... توني غافيه وسمعت وحده صاحتني بصوت هز جسمي هز..... فتحت عيني مرعوبه بس كتمت صيحتي طلعت غسلت بل حمام وصوت الاذان يأذن
اسراء: بعدج كاعده
: اي تعبانه شوي
اسراء: هاي شربي هذا الشراب زين للدوخه
: اخذته شربته وشوش راسي بلكوه شحطت نفسي رجعت للغرفه نمت
شرين: لججججج كفوووو هاج هاي الصفطه الج
اسراء: ماريدها المهم تقنعين أقبال بتقسيم الورث ولا ترا كلشي متفقين عليه يخرب بينه
شيرين: بس اصير مرت اركان كلشي تردي يصيرر الج
اركان: كعدت الصبح غسلت واجيت طلعت ملابسي من الكنتور قربت بست حور وكعد بيها شفت الفراش كله دم
جمال: طلعت البس بل بجامه وفرك بعيوني هاا شبيك
اركان: شغلللل سياره عل سريع حور مدري شبيها
أقبال: شبيه خاف هم فلم هندي من افلامها
چمانه: عمه لاتكولين هيج شوفي لبنيه متخربطه
وصلنه للمستشفى ودخلوها عل صاله نسائيه
طلعت الدكتورة: وين زوجها
_ا.. اني دكتور بيها شي مرتي
_ خسرنه الطفل للاسف حملها جان كلش ضعيف بسبب الحالة النفسيه وقلة الفيتامينات بجسمها
_حطيت ايدي على گصتي افرك بيها... طلعت الجكارة ورثتها.... بس هذا مو سبب حتى تفقد الجنين
_شاربه علاج قوي مأثر عل حمل
: نصدمت شلون هيج سوي معقولة
جمال: طول بالك كول ياللله المهم هي مابيه شي الطفل يتعوض
بكر: ها خويه اول هسه وصلت الطرق ازدحامات
رقية: وينهااااا بيها شييييييي
جمال: هدي مابيها شي بس الطفل فقدنا
بكر: لا اله لا الله شهل مصيبه من صبح
: راح اتخبل شلون تاخذ علاج بدون متاخذ اذني
أقبال: وصلت المستشفى.... هااا سلامات شبيهه
أركان : فررررحي هسه خانم الطفل ومات فررررحي حني ايدددددج انت وكحا###
حور: بطني توجعني وراسي وجع مو طبيعي شفت المره ام عبايه واكفه كددامي وشايله طفل كله دم وسنونها طلع سائل اسود كمت اعيط
الدكتورة: زوج المريضه يكدر يدخل يشوفها
: كمت وحمل دنيا كله على ضهري هسه شنو أكللها..... فتحت الباب وطبيت
: بصوت مبحوح ودموع اركان جانت هنا المريه شايله طفل وتضحك
: قربت بست راسها..... ماكو شي لا تخافين اني يمج هسه طبين ونرجع للبيت
: اي خل نرجع مامرتاحه هنا بطني احسها مخيطه توجعني
: حوريتي الله من ينطني شي يكدر ياخذه مو؟؟؟
_اي بس ليش هل حجي
_رب العالمين انطانه طفل بطنج واخذه
_شقصدك..... وخرت الغطه بطني مخيطه... صيحت بهيستيريا ويييين ابني وييييينننن
_ابنج راح يم ربه...... كمت ابجي واجو الدكاتره ضربوها مهدئات
بكر: كوم ارجع للبيت ارتاح احنه هنا
رقية: تضرب عل رجلها يحبوبه مشفتي يوم حلو بحياتج
شرين:لججججج تعااااي اسراء البشاره حور سقطتت
اسراء: بضحك لعبتي هل سوالف
چمانه: قتلو طفل يمجرمات يل متخافن الله بس يجي اله احجيله كللللللللشييييييي
اسراء: شتكوليه احنه قتلنه الطفل معندج. دليل..... قربت لزمتها من شعرها..... وبعدين تنطين بأختج...جربي سويها يحلوة وشوفي شراح يصير بيج.
الدكتور تكدرون طلعوها وضعها مستقر
رقية: طبيت حظنتها وكومتها صعدتها بسيارة وصعدت بصفها
بكر: خليها تجي يمنه كم يوم ترتاح
: لا ترجع للبيت عندي حساب وياها لازم اصفي واعرف شنو شاربه
بكر: على كيفك وياها بعدين ماكو أم تقتل طفلها
رقية: خل ناخذها على شيخ قبل لا نروح للبيت يرقيها شوي حالتها كلش تعبانه
: ماندل شيوخ هنا
بكر: شيخ يحيى حيل زين اطلع منا عليه
: وصلنه للشيخ نزلت جبت عبايه وجفوف لرقيه ولحور طبينه كعدنه حور روح بلا جسد
الشيخ: شبيه الاخت
: صارها فتره شوف كوابيس واليوم خسرت ابنها بعده بل اشهر ودشوف حتى مسولف
الشيخ: قربت حطيت ايدي علىراسها وبيدت ارقي بيها وايدي كامت ترجف
حور: احس نار شتعلت بجسمي كمت اصيح عووفوني
رقية: خفت هديتها وختلت ورا بكر لازمه بقميصه
اركان: لزمتها من ايدها وهي جسمها يرجف مانكر شكد. خفت من المنظر
الشيخ: وخرت ايدي منها... خل ترتاح شوي.... هاي عليها عمل سحر مشروب وبعده بدايتة
: طار عقلي من سمعته... شلون شيخ ومنو يسويلها عمل هي معدها احد بس اهلي
الشيخ: العمل المشتغلي الها مال وحده مو محترفه بحيث مكادره تصيطر عليها
: ممكن افهم اكثر!؟؟؟
الشيخ: اي أمراءة مشعوذه والعياذ بالله تستدعي قرينها وتخلي يروح على الشخص لتسويله عمل وقرينها يأذي ويخوفه والاخت هيج صاير وياها وانت كلت هي دشوف خيال مره تجيها بل غرفه اني راح ارقيها وايضاً مشربيها سحر بشراب بس لاترجعها للغرفه جانت تنام بيها وراح انيطك مي ترشه عل فراشها
: نضربت براسي منو يسويلها سحر جنت شاك بشيرين لان محد اله مصلحه غيرها
رجع الشيخ يرقي بيها وهي ذب سائل من حلكها اسود....... تحملي حبيبتي تحملي
الشيخ: تكدر. تاخذها مابيها شي بعد ان شاء الله هذا العسل وهذا كبسول حبة السوده تستمر عليهن
: طلعت فلوس انطبته وتشكرت منه وطلعنه
رقية: حور تروح لبيتي وضل يمي الما طيب اني ادير بالي عليها
بكر: ليش اكو غير هل حجي
: تمام اخذوها يمكم اني عندي حساب لازم اصفي..... وصلوني للبيت وراحو
صبر: دخلت للبيت وشياطين دنيا كلها براسي. يجيييييي هناا متلگلگات امهات السحوره منو يجرء ويسوي سحر المرتي... طلعت السلاح من خصري رفعت بوجهه شيرين
بشرى: شنووووووو تخبلت وخر السلاح عن بتي روح اسأل مرتك احنه شعلينه
: حطيت المسدس براس بشرى.... كلمه وحده منج اطشر راسج وراس الخلفج
جمال: راسها جبير متكفي طلقه وحده
شيرين: جسمي كله يخض خض من الخوف.... والله اني مسويت شي وماعرف شي
اسراء: صدك جذب خويه شك بمرت اخوك حتى عيب
اركان: جمال جيب القرأن من الغرفه
: مامتوضي خاف ربك يزعل عليا
: لاتخلي طلقه تصير براسك امشي جيبه
: تفضل هذا
: وكفت يم بشرى.... حطي أيدج على قرأن وقسمي أنتي مالج علاقة بهل سالفة
بشرى حطيت ايدي وحلفت
أسراء وشرين: هم حلفنة باطل
چمانة: وصل يمي اركان وچبرني أحلف.... كمت امتمت ودموعي تنزل.... اني اعرف منو سو السحر
: كولي منو لاتخافين ماسويلج شي
چمانة: باوعت على أسراء تأشرلي لا لاتكولين...... أسراء وشيرين وأمك تعرف بيهن هي وخالتك
: أحلفي كلامج صحيح وحطي ايدج على قرأن
چمانة: أني اخاف ربي والله شاهد مراضيه عليهن.... حطيت ايدي عل قرأن قسم بهذا القران الحچيته صحيح
ليث: يابنت الكلب..... شحط أسراء من شعرها
: تقدمت على امي..... مع الاسف أنتي امي شكد جنت انقهر من أبوية يضربج بس طلعتي تستاهلين اكثر واحسن شي ابويه سوا طلگج وخلص من خباثتج وتوفه وهو ومرتاح منج
أني ماراح احجي شي بعد رب العالمين يمه كلش چبيرة حلفتكم للقران جذب وراح تطلع بيكم وحده وحده..... عفتهم وطلعت سديت الباب
أقبال: غضب الكون كله بعيني طبيت على غرفت حور كسرت الجام لبيها وكسرت غراضها شحطت فراشها ذبيته بل كاع......الللللهه ينتقممممممم منجججج
رقية: ها حبيبتي شلون صرتي
: حاظنه نفسي ونايمه وماحجي
بكر: هلا ضلعي تعال تفضل
: سلمت عل بكر وطبيت للغرفه حور حاظنه نفسها ومتحجي قربت گعدت بصفها
حوريتي أني صبر متردين تحجين وياي بنتي حبيبتي شتاقيتلج
: عدلت گعدتي ولازمه بطني اون من الوجع....
اركان: احجي شنو كولي شي
: أني اريد اطلك
:باوعت بعيونه وڪسر بگلبي....... دنيا حظ وبكت وثنينهن ماكو
: اني مكدر أكمل وياك أهلك قتلو أبني وحاربوني نفسياً مكدر اتحمل بعد صدكني
: والله اعرف اهلي مو خوش أوادم اني اعزلج بيت وحد
: ماريد أحس هاي المدينة تخنگني ماريدها حتى أنت ماريدك
: لاسوين بيه هيج كومي نرجع لغرفتنه وتنيميني بحظنج أني تعبان
: حط راسه بحظني ولزم ايدي واني شايغه روحي
بشرى: اني طالعه من البيت ماضل بعد هنا
اقبال: وين خيه على بختج وين تعوفيني
بشرى: ابنج يرفع السلاح بوجهي وترديني اضل على چثتي اضل...... طلعت شايله جنتي وشيرين تمشي وراي
أسراء: اله اندمج گتلتج على ايدي
جمال: يلااااا لججحج ولي من بيتنه شحدج تمدين ايدج على چمانة اذا مادفنج باب البيت
ليث: صعدتها بسيارة ونزلت شاحطها من ايدها..... هااااي بتكم اني بعد ماريدها مزوجيني وحده سحاره متحسي على شرفها
بكر: كاعد على تخم صافن
رقية: مالهم حس يمكن نامو
بكر: عوفيهم خطيه تعبو اليوم الله يعينهم
رقية: هو ليش معزل بيه بيت وحد احسللهم
: افتح الباب وطلع.... اني رايح للبيت متعاركين هناك ديرو بالكم عليها
بكر: اجي وياك أنتظرني
: دخلت للبيت لكيت غرفة الاخشاب ڪلها برا مشموره بل حديقه وگابه نار...... منوووووووو سوووووا هييججج
اقبال: اني سويت شتريد تسوي تضربني؟؟؟ تمد ايدك. على أمك.... اذا أنت زلمه سويها
: ليشششش ولج هيج سوين مابگلبج رحمه النسوان من تكبر تعقل انت تتخبلين
جمال: عيب عليج يمه شهل تصرفات والله عيب فضحتونه كدام الجيارين
: تحلمين حلم بعد أخليج تشوفين وجهي واني من اليوم أعتبر أمي ميته...... طلعت من البيت وجانت أخر طلعه الي مناك
بكر: بس امشي على كيف اركض وراك اني
: طبيت للغرفه.... حور كومي احنه مسافرين
رقية: وين البنيه بعده چرحها ماطاب
بكر: بس أكعد خويه صلي عل نبي
: بكر أني مابقى بهل مدينة بعد راح أسافر للشمال هناك اعيش
بكر: أني جاي وياك لعد
: وين تجي انت هذا بيتك
بكر: أني بيتي وياك ورجلك متخطي لمكان أذا اني مو ياك عادي نعتبر فلوس الاجار ضاعت ومأجرنه بيت
رقية: شدتحجون أنتو فهمونه
بكر: بس اكعد هسه خل أسوي كم أتصال وأرجعلك
حور: لازمه بطني شكو شصاير
: أمي حركت غرفتنه
ل: ضحكت.... اي وشنو الجديد؟
بكر: باوع أكو بيت بشمال مال صديقي گال أأجره الكم واذا تريد هم أبيعه الك
: باجر رايحن هناك حظرو نفسكم أني ماعندي شي أخسره بعد
بكر: هاهي خويه لتريده يصير باجر نروح بحيل الله
: لازمه بطني واون.... وين تردون تاخذوني اني اون من الوجع
: دنكت على حور..... تحملي راح أعوضج عن كل هاي الايام بس تحملي
: شتحمل بعد اني مكتوب عليا القهر والحزن راح اموت ناقصه عمر بعد ماتحمل جبتها ضيم من صغير لحد ماكبرت
رقية: كولي يا للّه حبيبتي ان شاء الله الجاي افضل
صباح يوم الثاني
چمانة: نزلت من الدرج على كيف لبست عباتي طلعت لبيت رقيه
بكر: هلا خيتي تفضلي البنات جوهه
حور: هلا چمانة عمري شلونج
چمانة: طگ گلبي عليج يولي...... حاظنتها وتبجي
: شصاير بالبيت سولفلي
چمانة: بشرى اخذت جهاله وطلعت من البيت وليث طلگ أسراء
: والله ماجنت اريد يصير كل هذا
چمانة: حسبنا الله ونعمه الوكيل
اركان: طبيت للغرفه لگيت چمانة..... شلونج چمانة
چمانة: هلا خويه أنت شلون صرت
: على الكريم الحمدالله چمانة اني أشكرج ولو زعلان منج لان كلتيلي عليهن أول معرفتي بس شكراً لان حجيتي الحقيقه
حور: هزيت راسي ونزلته بحزن
اركان: أحنه لازم نطلع بعد ورانه طريق
چمانة: وين
حور: نشوفلنه ديرته تلمنه ماضل شي النا هنا بس الذكريات التعيسه
چمانة: توصلون بسلامه ان شاء الله
: صعدت بسياره گعدت يم الجامه وباوع والحزن ماگل گلبي اهمس بروحي شكد الدنيا غريبة جنت متوقعه أجي الكه أم تحتظني وجناين يحبوني وخاب ضني ماشفت بس التسلط والحقد محد چان مصبرني غير اركان
اركان نداريت على حور..
اخذ النار من گلبك…وشبهاك
بعمري ما شفت مثلك…وشبهاك
احيرن بيش اوصفنك…واشبهك
اذا گتلك گمر تزعل عليه
يتبع في البارت القادم 𓏲🦢🤍
صوتو+علقو تعليقاتكم تهمني𓏲🦢