للكاتبة : hkhiba🌝
🌸حب قاسي🌸
☘️الجزء77☘️
....مراهق عمره ما كيتجاوزش ال15 سنة...حروف كحلين وعيون بنيين جالس فوق كرسيه ووجهو خالي من تعابير من غير دموعو لي شاقين طريقهم على وجنتيه ...صراخ والديه مالي المنزل
...:( بصراخ وعتاب ) غاانهز حواايجي ونزييد مااابقااات عيشة معاااك لا نتا لا الكلب ديااال ولدك ..كون تزوجت لي كانبغي ..كون كان خوك لي تزوجت كون راني فرحانة داابا ودااك الولد ولده
هز يديه حت للسما ونزل على خدها جات فالارض : فحيااتي ماشفت شيوحدة بوقااحتك وكاتقووليها ليا فوجهيي ودااك الولد رااه مااولدتووش مع الحيط الالة هاداك رااه ولدك حتى نتي
...: عااارف عارف بلي كانكرهك كاانهركووم بجووج ..الله ينعلها عيشة معاكم
دخلات للمطبخ كتخبط كاحلها مع الارض وهزات اول سكين تحط فطريقها وتقدمات لناحية الطفل وحطات السكين على نحره
...: شنووو بااغينييي نقتلوو ونتبعك ليه ونتبعكوم تااا انااا ..هااا ...باااش نرتااحو كاملين
( شد على راسه ناطق بصراخ ومخرج عينيه بصدمة): هنيااا حيدي الموس من يديك وبعدي من الدري
هنيا : ماامبعدااش وماااهمكش يااك ولدي اييوا خليني نهنيه مننا ومن صداعنا
...ضغطات على السكين حتا بداو كينزلو قطرات بسيطة من الدم وتجرح جلده ..قرب منها فلمح البصر وحط يديه على الجزء الحاد من السكين ضاغط عليه ومبعدو من يديها
.....: غادي تجمعي فاليز ديالك وغترجعي لامريكا ..نتي خاصك تعالجي حاشا واش تكوني ام ...كلمة ام بزاف عليك
...اجي اولدي اجي ابابا دخل لبيتك
مشاه مدخلو لبيته وهو غير حاني راسه مراقب قطرات دمه لي كينزلو من نحره مرة بعد الاخرى
..بدات كتخبط اي حاجة جات قدامها وطاحت بين يديها وصراخها مسموع فجميع اركان لبيوت ،: كنكرهكووووم ....كنكرهكوووووووم ....هيي السبااااب ...هييي السبااااااب ...كنكرهكوووم كاااملين ...الغدااارة كنكرههااااا كنكرههاااااا ....
واخيرا طاحت على الارضية وسط الركام لي خلفات وغفات سامحة لدموعها بالنزول
للكاتبة : hkhiba🌝
🌸حب قاسي🌸
☘️الجزء78☘️
....: دازت عامين دابا واش ماما ماغاديش ترجع
...: ااش غادي نقولك اولدي ماماك راك عارفها مقصحة راسها بلا قياس ..نقدر نعطيهالك تدوي معاها الى بغيتي
....: اااه بغيت ندوي معاها
...: وااخا اولدي لي بغيتي
صونا ليها كايسلينها تقبل اتصالهم تاجاوبات
رشدي(بحدة) : ولدك بغا يدوي معاك
هنيا : دوزو ليا
مد ليه التيلي بين يديه وتكلم بصوت مرتجف وخائف بعض الشيء: الوو
هنيا : ايمن باباك حداك
ايمن : ااه حداايا
هنيا : شووف اولدي دخل لبيتك وسد عليك خلينا ندويو فخاطرنا
ايمن : وااخا
خدا بخطواتو تحت نظرات ابوه لي مستغر بولكن فضل مايتدخلش عسى الامور تصلح بينهم
هنيا : صافي بعدتي من حداه
ايمن : ااه
هنيا : ايواا شوووف اولدي نقولك ...انا راه مبااغااكش... نتا تولدتيي بالغلط ماكانش خاصك تزااد من البدية ..واش عاارف راسك كنتي غلطة فحيااتي....واش عاارف علاش انا كانكرهك حيت جيتي خربتي عليا خططي وليت مرغومة بتربيتك ..كنت كتمنى تموت فكرشي ولا نولدك ونحس براسي مكتفة ...سير اولدي سير خرج من ديك الدار شوف اش دير نتاحر ولا شنق راسك هنيني منك ها العار راه كنحس براسيي مخنوقة بينك وبين باك ...عافاك لا ماتهنيني منك رااه تقهرت
قطع عليها وعينيه حومر ماراضيش ينزل دموعه لاح التيلي فوق الناموسية وخرج من بيته قاصد المخرج ديال الدار
رشدي : ايمن...ايمن ..اجيي ايمن ..عندااك توضر رااه الدواار كبيير ...بففف مووصييبة هااادي عاود علم الله ااش قالت ليه ديك خيتي ..
خدا برجليييه كيجري حتى لحق حدا واحد الجرف ..نزل على ركابيه كيمسح فدموعه لي كينزلو خارج عن إرادته: اااااععععععع شنووو ذنبييي انااا شنووو ذنبيييي ..علاااش هااكااا علااش كتكرهنيي لهااد الدرجة
بينما هي كانت كتجري قرب الحنان تابعة قطيطة صغيرة لي لونها ابيض ...
...: اجييي بس بس بس اجيي قتيتة ( قطيطة ) ماتهربيش مني انا وينا(زوينا)
حط رجليه على حرف الجرف وقرب منو حتى ولا واقف غير على كاحليه وعينيه مغمضين ..حتى حس بشيحاجة كتنغز فيه
....: هيء هيء هيء عمووو قتيتة( قطيطة )
هلبااات( هرباات ) وخلااتنييي هيء
شاف فيها ماسح دموعه وتحنا لطولها كيمسح دموعها : شوووت مااتبكييش شووت ...شكوون نتي الزوينة ؟؟ فين هما وااليديك
....: ماما بااح وبابا فدال ( فالدار ) مع ماما تاانية ..( شافت فيه وقاست وجهه بيديها ) نالي نالي نالي ( ناري ) كتكي ( كتبكي ) قاتليا جدااا اللجال( الرجال) كااع مااكيبكيو
..وااش تاا مااشي لاجل( راجل )
ايمن ( مسخ دموعه بكفه وهزها بين درعانه مبعد عل الحافة باس مطيحش ): راجل كلاك
...: شو سميتك نت بعداا؟؟
ايمن : انا ايمن ...ونتي ؟؟
...: انا وداد
ايمن : زوينة فحالك !
وداد : تانتا ويين( زوين )...تمشي معايا
ايمن : فيين
وداد : جنان ناكلو فلييز
ايمن : ( مسايرها) غااتديني ؟؟
وداد : ااه نزلني وشد فيااا
ايمن : وااخا
دار ليها خاطرها ومد ليها يديه شدات منها غير جوج صباع وبقا تابعها حتا دخلو لوسط لخضورة وبدات كتقطف بيديها الصغيوربن وكتمد ليه حتى عيات وجراتو جالسين على واحد العتبة
وداد : عرفتي انا كنبغي فليييز بزاااف
ايمن : بصح وانا؟؟
وداد : نتا تانتا كانبغيك بزاااف بزااف
ايمن :( بنوع من العتاب ) عييت بغيت نموت علااش حبستيني علااش
وداد : حيت كنبغيك ..مووت خاايب مويينش ( مزويينش )
ايمن : والا كان كلشي كيكرهني تنتي غاتكرهيني
وداد : لاا انا ويينا ( زوينا) ماشي فحالهم انا نبغيك وااخا هماا لا
ايمن : بصح
ناضت بكلتا قدميها ومسكات وجهه بكفوفها مقبلة خدوده : مااح هاا شتيي انا شحاال كبغييك ( كتعبر ليه بيديها ) قد هااكا ...بزاااف بزاااف ..حتاال السماا ...نتا ضلييف ( ضرييف)
يتبع