២ សប្ដាហ៍ក្រោយមក៚ ចាប់តាំងពីថ្ងៃដែលលោកម្ចាស់ Jeon បានកំណត់ពេលវេលាដើម្បីឲ្យចៅៗរបស់គាត់ទាំងពីររៀបការជាមួយគ្នារួច ឥឡូវនេះក៏បានរំលងហួសអស់រយៈពេល ២ សប្ដាហ៍ទៅហើយគាត់បានពិភាក្សាជាមួយនឹង Jungkook ដែលត្រូវជាចៅប្រុសរបស់គាត់ដើម្បីគិតគូរអំពីការរៀបការរបស់ពួកគេទាំងពីរហើយ Jungkook ក៏បានសម្រេចចិត្តថានឹងរង់ចាំរហូតទាល់តែ Taehyung សម្រាលកូនរបស់ពួកគេរួចនិងមានកម្លាំងឡើងវិញសិនទើបពួកគេចូលរោងការជាមួយគ្នាតែម្ដង។
ហើយរយៈពេល ២ សប្ដាហ៍មកនេះ Taehyung ត្រូវរស់នៅប្រទេស បារាំង ជាមួយនឹងស្វាមីរបស់គេដើម្បីនៅមើលថែម្ចាស់តារបស់ Jungkook ផង។ ចំណែកឯថ្ងៃនេះក៏ដូចគ្នា Taehyung ត្រូវឡើងមកមន្ទីពេទ្យជាមួយនឹង hyunjin ដើម្បីមកសួរសុខទុក្ខរបស់គាត់តាមធម្មតាឯ Jungkook និង Minho ត្រូវឡើងទៅមើលការងារជំនួសម្ចាស់តារបស់ពួកគេ។
« ម្ចាស់តាពិសារបបរសិនទៅ » Taehyung លើកចានបបរមកកាន់រួចដួសមួយស្លាបព្រាតូចមកផ្លុំបន្ថយកម្ដៅបន្តិចទើបលើកទៅបញ្ចុកគាត់ថ្នមៗ។
« Taehyungie! ត្រូវការញ៊ាំអីទេចាំខ្ញុំទៅទិញមកឲ្យ » hyunjin
« អត់អីទេ hyunjin hyung អរគុណហើយណា » Taehyung បែរទៅឆ្លើយតបនិងញញឹមដាក់ hyunjin បន្តិចទើបបែរមកយកចិត្តទុកដាក់មើលថែលោកតាក្មេករបស់គេវិញឯ hyunjin ញញឹមតបរួចក៏ដើរចេញទៅដើម្បីទៅទិញអ្វីយកមកញ៊ាំព្រោះនេះជិតល្ងាចទៅហើយគេមិនទាន់បានញ៊ាំអ្វីនៅឡើយទេ ទើបត្រូវទៅទិញអីមកញ៊ាំទ្រាប់ក្រពះសិន។
បន្ទាប់ពីដល់ម៉ោងត្រូវសម្រាកទើប Taehyung ត្រឡប់ទៅវិមានវិញដោយមានអ្នកគ្រូពេទ្យនិងលោក ដុកទ័រ ប្រចាំមកមើលថែលោកម្ចាស់ Jeon ។
****
Jungkook និង Minho បានឡើងមកមើលទំនិញនៅឯកំពុងផែដែលត្រៀមនឹងដឹកចេញទៅនាយប់នេះហើយ ហើយទំនិញទាំងនោះគឺសុទ្ធតែជាវត្ថុមានតម្លៃក៏ដូចជារបស់សំខាន់ៗដែលលក់បានតម្លៃរាប់ពាន់លានដុល្លាផងដែរ ហើយអ្វីដែលកាន់តែបានតម្លៃខ្ពស់បំផុតនោះគឺ អាវុធកាំភ្លើងនិងគ្រាប់បន្ទុះជាច្រើនទៀត វាគឺជាទំនិញដែលលក់បានតម្លៃខ្ពស់ជាងគេបំផុតហើយរកស៊ីតជំនាន់យូរមកហើយ ដូច្នេះគ្រប់គ្នាប្រាកដជាឆ្ងល់ហើយមែនទេហេតុអ្វី Jungkook មានឈ្មោះជាមាហ្វៀប៉ុន្តែមិនដែលឃើញធ្វើជំនួញខាងផ្លូវងងឹតសោះអញ្ចឹង? តាមការពិតការរកស៊ីមួយនេះ Jungkook បានរកស៊ីវាជាយូរមកហើយគ្រាន់តែមិនមែននៅក្នុងប្រទេស កូរ៉េ ប៉ុណ្ណោះ។ មុខជំនាញមួយនេះ Jungkook កាន់កាប់តែនៅប្រទេស បារាំង នោះទេទើបបានជានៅឯប្រទេស កូរ៉េ មិនសូវជាមាននរណាដឹងច្បាស់អំពីជីវៈប្រវត្តិរបស់នាយ ពួកគេបានត្រឹមតែស្គាល់មុខងារខាងក្រៅរបស់នាយត្រឹមជា CEO ប៉ុណ្ណោះ។ មនុស្សដែលរស់នៅប្រទេស បារាំង សឹងតែពាក់កណ្ដាលប្រទេសសុទ្ធតែស្គាល់និងបានដឹងអំពីប្រវត្តិគ្រួសាររបស់ត្រកូល Jeon ហើយរឹតតែស្គាល់កាន់តែច្បាស់ជាងគេនោះគឺ Jeon Jungkook ដែលជាអ្នកស្នងតំណែងចុងក្រោយគេនេះឯង។
« លើកដាក់ឲ្យស្រួលបួលទៅ » Jungkook សម្លឹងមើលមុខទំនិញយ៉ាងយកចិត្តទុកដាក់និងបញ្ជាកូនចៅឲ្យរៀបចំវាឲ្យមានសណ្ដាប់ធ្នាប់កុំឲ្យពេលដែលចាកចេញទៅយប់នេះមានបញ្ហា។
« hyung! កាស៊ីណូនៅឯ ប៊ូសាន កំពុងមានមនុស្សមកអុកឡុកទៀតហើយ! » Minho
« បើតាមយើងស្មានមិនខុសទេគ្មាននរណាក្រៅពីអា Kang Daeseok ឡើយ! វាជាមនុស្សដែលចូលចិត្តបញ្ជូនមនុស្សរបស់វាមករំខានកន្លែងរបស់យើង »
« ឥឡូវ hyung គិតចង់ធ្វើយ៉ាងម៉េចបន្តទៀត? នេះបាត់មុខវាយូរហើយឥឡូវក៏ត្រឡប់មកអុកឡុក hyung ម្ដងទៀតអញ្ចឹងតើវាចង់បានអីទៅ? »
« យើងមិនដឹងទេឯងបញ្ជាឲ្យគេសម្លាប់កូនចៅវាឲ្យអស់ទៅ ពេលដែលយើងត្រឡប់ទៅ កូរ៉េ វិញពេលណាវានឹងបានដឹងថាម្ដងនេះយើងមិនបានលេងសើច ហើយក៏គ្មានឱកាសទុកសម្រាប់វាទៀតនោះដែរ » កែវភ្នែកកំណាចមុតស្រួចចែងចាំងដូចជាផ្ទាំងកញ្ចក់ទាំងគូក៏សម្លឹងទៅកាន់ផ្ទៃសមុទ្រសឹងតែធ្លុះចូលដល់ផ្ទៃជ្រៅនៃបាតសមុទ្រ។ បើសិនជាកំហឹងរបស់ Jungkook កើតឡើងហើយវាអាចនឹងមិនងាយពន្លត់បានវិញភ្លាមដោយស្រួលៗនោះទេ។
« ទទួលបញ្ជា hyung! »
រីងទិ៍~ ខណៈនោះសម្លេងទូរស័ព្ទដៃរបស់ Jungkook បានរុំញ័រឡើងនៅក្នុងហោប៉ៅខោរបស់នាយទើបនាយហូតវាយកមកមើលក៏ឃើញថាជាលេខរបស់អ្នកដែរនៅឯវិមានទើបនាយប្រញាប់ចុចទទួលភ្លាម។
« ហាឡូ! »
"លោកម្ចាស់! ប្រញាប់មកវិមានឥឡូវនេះមកអ្នកប្រុសតូច Taehyung ចាប់ផ្ដើមឈឺពោះហើយ" សម្លេងញ័រស្លន់ៗរបស់ខ្សែរយៈម្ខាងទៀតបាននិយាយឡើងធ្វើឲ្យ Jungkook ឮហើយញាប់ញ័របេះដូងរំជួលក្នុងចិត្តធ្វើអ្វីលែងត្រូវអស់ទៅហើយ។
« ប៉ុណ្ណឹងបានហើយយើងនឹងត្រឡប់ទៅវិញឥឡូវនេះ! Minho ពួកយើងឆាប់ចេញទៅប្រពន្ធរបស់យើងឈឺពោះហើយវើយ....! » Jungkook ចុចបិទទូរស័ព្ទទាំងរញីរញ័រស្លន់ស្លោជាងអ្នកដែលកំពុងតែឈឺពោះសម្រាលកូនឯណោះទៀត។
Finally their first born child is coming to see the world outside.
****
១ ខែក្រោយមក៚
សម្លេងយំយ៉ាងទ្រហឹងរបស់ទារកតូចបានបន្លឺឡើងខ្លាំងៗយ៉ាងខ្ទរខ្ទារពេញវិមានទាំងមូលធ្វើឲ្យមនុស្សម្នាដែលជាអ្នកបម្រើនៅក្នុងវិមាននេះនាំគ្នាឆ្លេឆ្លាញាប់ដៃញាប់ជើងដើម្បីរត់ចូលទៅលួងលោមទារកតូចដែលកំពុងស្រែកយំយ៉ៃៗនៅក្នុងអង្រឹង។
« អា៎ៗ...ឈប់យំណាអ្នកប្រុសតូច! Appa អ្នកប្រុសតូចចុះមកវិញឥឡូវហើយ! » អ្នកបម្រើម្នាក់លើកទារកនៅក្នុងអង្រឹងយកមកបីរលាក់លួងលោមបំពេរកុំឲ្យគេយំនិងដើរទៅដើរមកសឹងតែធ្លាក់ខ្យល់។
« បាត់យំណាអ្នកប្រុសតូចឆ្លាត »
« មីងឲ្យគេមកខ្ញុំមក » ខណៈនោះ Taehyung ក៏ចុះមកពីខាងលើវិញល្មមទេគេក៏ប្រញាប់ដើរចូលមកបីត្រកងកូនប្រុសដំបូងរបស់គេរលាក់តិចៗនិងលួងលោមកូនតូចរបស់គេឲ្យបាត់យំ។
« កុំយំណាកូនណា កូន Appa ឆ្លាត » ទឹកមុខបារម្ភក៏ផុសឡើងនៅលើផ្ទៃមុខរបស់គេបន្ទាប់ពីឃើញកូនយំខ្លាំងបែបនេះ ទឹកចិត្តជាម្ដាយជាឪពុកពេលដែលឃើញកូនយំខ្លាំងនរណាក៏បារម្ភក៏ស្រលាញ់ដែរ ហើយក៏ជាកូនដំបូងរបស់គេផងមិនបារម្ភមិនបានទេ។
« មីងខ្ញុំយកគេទៅខាងលើសិនហើយ » Taehyung បីកូនប្រុសឡើងទៅខាងលើវិញចូលទៅកាន់បន្ទប់គេងរបស់ Jungkook ព្រោះពេលនេះគេរស់នៅប្រទេស បារាំង នៅឡើយទេហើយវាក៏មានរយៈពេល ១ ខែជាងដែរ ដែលគេបានផ្ដល់កំណើតឲ្យកូនប្រុសរបស់គេនៅក្នុងទឹកដីប្រទេសបារាំង ដែលជាទឹកដីកំណើតរបស់លោកតាទួតរបស់គេហើយគាត់ក៏ជាមនុស្សមហាអំណាចខ្លាំងក្លាអស្ចារ្យផងដែរ ដូច្នេះកូនប្រុសរបស់ពួកគេត្រូវតែអស្ចារ្យនិងក្លាហានដូចជាម្ចាស់តារបស់គេអញ្ចឹង។
ឡើងមកដល់ខាងក្នុងបន្ទប់គេង Taehyung ក៏ដាក់កូនទៅលើពូកថ្នមៗរួចរៀបចំកន្លែងគេងឲ្យបានស្អាតមុននឹងដាក់ខ្លួនទៅលើពូកអង្គុយរួចក៏សើយអាវឡើងដើម្បីបំបៅដោះកូន។ Taehyung លើកទារកតូចយកមកបីក្នុងដៃវិញមុននឹងបំបៅគេរួចរលាក់តិចៗនិងទះគូទគេថ្នមៗឲ្យឆាប់គេងលក់ផងដែរ។
ទម្រង់មុខតូច ថ្ពាល់ប៉ោងៗ សាច់សភ្លឺម៉ដ្ឋរលោង កែវភ្នែកមូលក្រឡង់ៗធំៗ ច្រមុះស្រួចស្លេម បបូរមាត់តូចស្ដើងពណ៌ផ្កាឈូក គ្រាន់តែក្រឡេកបន្តិចក៏ដឹងបាត់ទៅហើយថាទារកតូចមួយនេះកាត់ទៅរកនរណា? Jeon Jaehyun គឺឈ្មោះកូនដំបូងរបស់ Jungkook និង Taehyung ហើយឈ្មោះមួយនេះគឺលោកម្ចាស់តារបស់ពួកគេជាអ្នកដាក់ឲ្យចៅទួតរបស់គាត់ផ្ទាល់តែម្ដង គ្រាន់តែឮឈ្មោះហើយក៏ដឹងថាឈ្មោះមួយនេះមានអំណាចកម្រិតណាដែរ។
« មុខមាត់កាត់ទៅរកឪទាំងអាចម៍ » Taehyung បំបៅកូនបណ្ដើរក្នក់ក្នាញ់នឹងកូនប្រុសបណ្ដើរ ឲ្យតែគេឃើញមុខរបស់កូនម្ដងៗគឺថាដូចតែឃើញមុខប្ដីរបស់គេអញ្ចឹងដែរគ្មានខុសសូម្បីតែមួយបៀកទេ។
« អូនសម្លាញ់បងមកវិញហើយ » ភ្លាមនោះទ្វារបន្ទប់គេងក៏បានបើកឡើងព្រមមកជាមួយនិងសម្លេងម្ចាស់ស្នេហ៍ដង្ហើយហៅសព្វនាមរបស់ខ្លួន។ Jungkook ដើរចូលមកខាងក្នុងទាំងរៀងហត់នឿយបន្តិចបន្តួចដែរបន្ទាប់ពីត្រឡប់មកពីមើលការងារជំនួសម្ចាស់តារបស់គេវិញតែម្នាក់ឯងព្រោះ Minho និង Hyunjin នាយតម្រូវឲ្យពួកគេនៅមើលថែម្ចាស់តា ចំណែកឯនាយជាអ្នកគ្រប់គ្រងការងារបែងចែកបែបនេះទើបវាងាយស្រួលនិងមិនពិបាកច្រើនដល់គ្រប់គ្នា។
« ស៊ូត...កុំមាត់កូនកំពុងគេង » Taehyung ធ្វើសម្លេងតិចៗដើម្បីឲ្យរាងក្រាសស្ងាត់ព្រោះកូនរបស់ពួកគេកំពុងតែអៀវៗជិតគេងលក់ទៅវិញហើយឯ Jungkook ក៏ស្ងាត់មាត់និងដាក់ខ្លួនអង្គុយលើពូកតិចៗដើម្បីមើលមុខរបស់កូនប្រុស។
បន្តិចក្រោយមកកូនប្រុសរបស់គេក៏គេងលក់ទើប Taehyung ផ្ដាច់បបូរមាត់របស់កូនចេញពីទ្រូងរបស់គេរួចដាក់ទារកតូចទៅលើពូកស្រាលៗមុននឹងទាញអាវទម្លាក់ចុះវិញ។
« ថ្ងៃនេះបងហត់ខ្លាំងទេចាំអូនចុះទៅក្រោមធ្វើអីមកឲ្យបងញ៊ាំ » Taehyung សួរតិចៗទៅកាន់រាងក្រាសព្រោះខ្លាចកូនភ្ញាក់មកយំរករឿងទៀត។
« មិនអីទេណាបងមិនទាន់ឃ្លានទេប៉ុន្តែថ្ងៃនេះ Jaehyun មានរករឿងអូនខ្លាំងដែរទេ? »
« គេទើបតែបាត់យំមុនបងមកដល់បន្តិច »
« វាជាកូនដំបូងរបស់ពួកយើងអញ្ចឹងអូនច្បាស់ជាលំបាកបន្តិចហើយណា » Jungkook លើកដៃអង្អែលថ្ពាល់រាងតូចនិងញញឹមដាក់គេ។
« មិនអីទេ Jung! យ៉ាងណាក៏អូនបានស្គាល់រស់ជាតិធ្វើជាម្ដាយនិងធ្វើជាឪពុករបស់គេដែរ »
« បងស្រលាញ់អូននិងកូនស្មើនឹងជីវិតរបស់បង » Jungkook ខិតចូលទៅរករាងតូចនិងទាញគេយកមកឱបជាប់ទ្រូងរបស់នាយព្រមទាំងថើបថ្ងាស់របស់រាងតូចមួយខ្សឺតផងដែរ។
Newborn baby: Jeon Jaehyun 1month old
To be continued........
****
Surprise!!!! Jeon Jaehyun is back 😜