ការងូតទឹកក៏បានបញ្ចប់ Taehyung ក្រោកឈរបែរមុខទៅរកជញ្ចាំងទើបរាងក្រាសទាញអាវឃ្លុំមកពាក់ឲ្យគេរួចនាំដំណើរគេទៅខាងក្រៅវិញ។
« អូនអង្គុយចុះសិនទៅ » Jungkook ដាក់ឲ្យរាងតូចអង្គុយលើពូករួចនាយក៏ដើរទៅរកឈុតថ្មីមកឲ្យគេ។
បន្តិចក្រោយមក Jungkook ត្រឡប់មកវិញជាមួយឈុតថ្មីដែលជារ៉ូបសម្រាប់អ្នកមាន baby និងព្រមទាំងខោក្នុងដែលមានទំហំធំសម្រាប់រាងតូចផងដែរ ទើបនាយចាត់ការស្លៀកពាក់ឲ្យគេរួចក៏សក់កន្សែងទៅជូតសក់សើមៗរបស់គេឲ្យបានស្ងួត។
« បងបានឲ្យគេត្រៀម passport សម្រាប់អូនដើម្បីធ្វើដំណើរឡើងទៅកាន់ទីក្រុង ប៉ារីស ហើយពួកយើងនឹងទទួលបានលិខិតឆ្លងដែនរបស់អូននៅល្ងាចនេះ! » ជូនសក់បណ្ដើរនិយាយប្រាប់គេបណ្ដើរ។
« ម៉េចក៏បានលឿនម្ល៉េះ? »
« រឿងអស់ហ្នឹងអូនមិនបាច់ខ្វល់ទេបងនិយាយជាមួយគេតែបន្តិចគ្រប់យ៉ាងនឹងបានមកដល់ដៃភ្លាមៗ » Jungkook ញញឹមដាក់រាងតូចតាមកញ្ចក់ដែលគេក៏កំពុងសម្លឹងមុខរបស់នាយតាមកញ្ចក់ដូចគ្នា។
****
ម៉ោងជាង ៧ យប់ឡានផ្លាកឈ្មោះត្រកូល Jeon ក៏បានធ្វើដំណើរមកដល់ប្រលានយន្តហោះ។ Jungkook និង Taehyung បានមកទទួលលិខិតឆ្លងដែនរបស់ Taehyung ដែលបានធ្វើរួចនិងត្រួតពិនិត្យបានយ៉ាងត្រឹមត្រូវទើបគេអាចហោះហើរចេញទៅបានហើយក៏ដោយសារមានឈ្មោះរបស់ Jungkook ជាអ្នកធានាចេញទៅផងដែរទើបងាយស្រួលបានចាកចេញទៅភ្លាមៗបែបនេះ។
បន្ទាប់ពីទទួលលិខិតឆ្លងដែនហើយរួចរាល់ទើបពួកគេធ្វើដំណើរដោយឡានឆ្ពោះទៅកាន់ច្រក VIP សារជាថ្មី។ មិនចាំយូរទាំងពីរនាក់ក៏ឡើងទៅកាន់យន្តហោះ VIP របស់គ្រួសារ Jeon ឯរាងតូចត្រូវបានរាងក្រាសនាំដំណើរឡើងទៅដោយសារខ្លាចប៉ះពាល់ដល់ទារកក្នុងផ្ទៃរបស់គេ ហើយវាក៏ជាលើកទីមួយក្នុងឆាកជីវិតរបស់ Taehyung ផងដែរដែលបានស្គាល់រស់ជាតិជិះយន្តហោះបែបនេះ។ មួយសន្ទុះក្រោយយន្តហោះក៏បានដំណើរការចាកចេញទៅទាំងយប់ឆ្ពោះទៅកាន់ទីក្រុង ប៉ារីស ប្រទេស បារាំង។
****
@Paris France
យន្តហោះក៏បានឈានចូលមកដល់ទឹកដីប្រទេសបារាំងវានាព្រឹកម៉ោង ១១:០០។ ឡានមួយគ្រឿងបានមកទទួលពួកគេទាំងពីរដើម្បីធ្វើដំណើរទៅកាន់វិមានរបស់លោកម្ចាស់ធំដែលត្រូវជាម្ចាស់តារបស់ Jungkook ។
« Jung! ហេតុអីម្ចាស់តារបស់បងចង់ជួបអូន? បងមិនទាន់ប្រាប់អូនទេណាអូនភ័យខ្លាំងណាស់ »
« កុំភ័យទៅមើលមានបងនៅក្បែរហើយតើ អូនធ្វើដកដង្ហើមឲ្យមួយៗទៅពេលទៅដល់អូននឹងបានដឹងហើយ okay? » Jungkook និយាយលួងលោមលើកដៃអង្អែលសក់ក្បាលរាងតូចទើបនាុតូចក៏ងក់ក្បាលយល់ព្រមទាំងទឹកមុខភ័យបន្តិចចង់ចេញយំបន្តិច ព្រោះវាជាលើកដំបូងដែលគេឈានជើងមកជាន់ទឹកដីប្រទេស បារាំង ដែលជាទីកន្លែងកំណើតម្ចាស់តារបស់ស្វាមីរបស់គេហើយត្រូវមកប្រឈមមុខជាមួយលោកតាក្មេករបស់គេជាលើកដំបូងថែមទៀតនរណាក៏ភ័យដែរ។
ចំណាយពេលជិតកន្លះម៉ោងឡានបានធ្វើដំណើរមកដល់មន្ទីពេទ្យដែលលោកម្ចាស់តារបស់ Jungkook សម្រាកនៅទីនេះ។ អង្គរក្សដើរមកបើកទ្វារឡានរួចពួកគេទាំងពីរក៏ចុះទៅនិងដើរចូលទៅខាងក្នុងមន្ទីពេទ្យដោយមានក្រសែរភ្នែកជាច្រើនបានសម្លឹងមកលើ Taehyung ប៉ុន្តែពេលដែលបានឃើញវត្តមានរបស់ Jungkook នៅពីក្រោយរាងតូចហើយ មនុស្សទាំងនោះក៏រហ័សដកភ្នែកចេញទម្លាក់ទៅមើលទិសដៅផ្សេងដែលមិនមែនជាពួកគេ។
« Bonjour Mr Bastein! I came here with my wife to see my grandpa » Jungkook ចូលទៅនិយាយជាមួយនឹងលោក ដុកទ័រ ជនជាតិបារាំងដែលជា ដុកទ័រ ផ្ទាល់ខ្លួនរបស់លោកម្ចាស់ធំ។
« Bonjour Mr Jeon please come with me » លោក ដុកទ័រ Bastein ក៏បាននាំដំណើរ Jungkook ទៅជាមួយគាត់ដើម្បីទៅពិនិត្យអាការៈរបស់លោកម្ចាស់ធំឯ Taehyung ក៏ដើរត្រុកៗពីក្រោយរាងក្រាសដោយខ្ញាំជាយអាវធំរបស់នាយជាប់ព្រោះតែគេភ័យហើយក៏ខ្លាចផងដែរ។
ជណ្ដើរយន្តប្រអប់ក្នុងមន្ទីពេទ្យក៏បាននាំដំណើរពួកគេទាំងបីមកដល់ជាន់សម្រាករបស់លោកម្ចាស់ Jeon ដែលស្ថិតនៅជាន់ទីបី។ លោក Bastein ចេញទៅជាមួយឯកសារអាការៈជំងឺរបស់លោកម្ចាស់ធំមុន បន្ទាប់មកទើប Jungkook កាន់ដៃរាងតូចនាំដំណើរគេទៅរកបន្ទប់អ្នកជំងឺមួយៗ។
« អូនភ័យណាស់ចុះបើម្ចាស់តារបស់បងមិនទទួលស្គាល់អូនហើយគាត់ស្អប់ខ្ពើមអូននោះ? ហើយគាត់នឹងកាន់តែស្អប់ខ្ពើមអូនពេលដែលឃើញអូនមានផ្ទៃពោះបែបនេះ » Taehyung ងើយសម្លឹងមុខរាងក្រាសនិយាយទាំងភ័យនិងស្ទាក់ស្ទើរក្នុងការចូលទៅខាងក្នុងដើម្បីជួបម្ចាស់តារបស់ Jungkook កែវភ្នែកទាំងសងខាងរបស់គេក៏ដក់ជាប់ទៅដោយតំណក់ទឹកភ្នែកដែលត្រៀមនឹងហូរស្រក់ចុះមកបន្ទាប់ពីខ្លួនបាននិយាយនិងគិតអ្វីដែលជារឿងអវិជ្ជមាន។
« អូនគិតច្រើនខ្លាំងណាស់ Tae! ដូចបងនិយាយប្រាប់អូនអញ្ចឹង បើមានបងនៅក្បែរអូនហើយអូនមិនបាច់ភ័យមិនបាច់ខ្លាចទេណាបងនឹងធ្វើជារនាំងការពារអូនគ្រប់ជំហាន » Jungkook លើកដៃក្រសោបថ្ពាល់ប៉ោងៗទាំងសងខាងរបស់រាងតូចនិងនិយាយលួងលោមគេតាំងពីពេលចេញដំណើររហូតមកដល់មន្ទីពេទ្យព្រោះ Taehyung ជាមនុស្សដែលឆាប់ភ័យឆាប់ខ្លាចខ្លាំងណាស់ Jungkook ក៏ដឹងច្បាស់ដែរថារាងតូចរបស់នាយជាមនុស្សយ៉ាងម៉េច ទើបនាយត្រូវតែលួងលោមគេគ្រប់ពេលដែលគេមានអាការៈមិនស្រួលនិងធ្វើឲ្យគេឆាប់ភ័យ។
« អឹម...» Taehyung ពេបមាត់ដាក់រាងក្រាសធ្វើឲ្យអ្នកម្ខាងទៀតសែនក្នាញ់នឹងគេក៏ចាប់គេថើបមាត់មួយខ្សឺតនៅកណ្ដាលវាលតែម្ដង ទោះជាមានមនុស្សដើរកាត់មកឃើញក៏ Jungkook មិនខ្វល់នោះដែរ។
បន្ទាប់ពីសម្រួលអារម្មណ៍រួច Jungkook ក៏កាន់ដៃរាងតូចនាំគេចូលទៅខាងក្នុងហើយស្របពេលនោះដែរលោក ដុកទ័រ Bastein ក៏ត្រូវចេញទៅវិញល្មមទើបនេះជាពេលវេលាសម្រាប់គ្រួសាររបស់គេ។
« ម្ចាស់តា Jungkook hyung មកវិញហើយ » hyunjin ក្រោកពីសាឡុងដើរចូលទៅរកប្រុសរបស់គេទាំងញញឹមសប្បាយចិត្ត។
« ម្ចាស់តា! ខ្ញុំនាំគេមកហើយ » Jungkook ទាញដៃរាងតូចដែលកំពុងឈរសង្ងំលាក់ពួននៅពីក្រោយខ្នងរបស់នាយដើម្បីឲ្យម្ចាស់តារបស់នាយបានឃើញ។ លោកម្ចាស់ធំក៏បែរមុខទៅសម្លឹងនាយល្អិតដែលឈរឱនមុខចុះមិនហ៊ានងើបមកសម្លឹងមុខរបស់គាត់សូម្បីតែបន្តិចឯរាងចំណាស់ក៏សម្លឹងគេទាំងមិនទាន់ហើបមាត់មានវាចារអ្វីសូម្បីមួយម៉ាត់។
« ចូលមកនេះមក » បន្តិចក្រោយមកទើបគាត់ហៅ Taehyung ឲ្យចូលទៅរកគាត់ឯរាងតូចក៏ស្ទាក់ស្ទើរ ប៉ុន្តែ Jungkook លើលដៃអង្អែលខ្នងគេឲ្យស្ងប់អារម្មណ៍ដើម្បីឲ្យគេចូលទៅរកគាត់តាមការហៅ។
« សូមគោរពលោកម្ចាស់ » Taehyung ឱនគំនាបបន្តិចដើម្បីគោរពចាស់ទុំហើយគេនៅតែបន្តឱនមុខចុះដដែល។
« ងើបមុខឡើងមក តាចង់ឃើញមុខចៅប្រសាររបស់តា » Taehyung បើកភ្នែកភ្ញាក់ផ្អើលបន្ទាប់ពីបានស្ដាប់ឮវាចាររបស់រាងចំណាស់នៅមុននេះ។ គេក៏ចាប់ផ្ដើមងើបមុខឡើងម្ដងបន្តិចៗដើម្បីឲ្យគាត់បានឃើញ។
« ស្អាតបាត ចេះឱនលំទោន មានរឹកពារស្លូតបូត អញ្ចឹងតើទើបបានជាចៅ Jung ស្រលាញ់ណាស់ »
« អរគុណខ្លាំងណាស់លោកម្ចាស់ »
« លោកម្ចាស់អីទេហៅថាតាទៅ ក្រែងឯងជាចៅប្រសាររបស់យើងមិនអញ្ចឹងហ្អី? » Taehyung ក៏បែរមុខទៅសម្លឹងមុខរបស់រាងក្រាសព្រោះភ័យ ឯអ្នកម្ខាងទៀតក៏ញញឹមនិងងក់ក្បាលឲ្យគេធ្វើតាមសម្ដីរបស់ម្ចាស់តារបស់ពួកគេ។
« អឹម...ម្ចាស់តាមិនប្រកាន់ទេមែនទេ ដែលចៅប្រុសរបស់ម្ចាស់តាមកស្រលាញ់មនុស្សប្រុសដូចគ្នា? » វាចារទន់ភ្លន់ពីរោះរណ្ដំគួរឲ្យចង់ស្ដាប់ក៏បន្លឺឡើងសួរទៅកាន់រាងចំណាស់ធ្វើឲ្យគាត់បានឮហើយក៏ពេញចិត្តនឹងអាកាប្បកិរិយារបស់គេភ្លាមៗតែម្ដង។
« ខឹងធ្វើអីបើចៅជាមនុស្សដែលធ្វើឲ្យចៅប្រុសរបស់តាមានក្ដីសុខ! ឲ្យតែគេមានសុភមង្គលនិងរីករាយក្នុងជីវិតហើយចៅជួយបំពេញចន្លោះខ្វះខាតរបស់គេបានថែមទៀតនោះតាមានតែសប្បាយចិត្តប៉ុណ្ណោះ » លោកម្ចាស់ Jeon ក៏ញញឹមដាក់ Taehyung ដែលឈរសម្លឹងមុខរបស់គាត់ភ្លឹសៗ។
« អរគុណខ្លាំងណាស់ម្ចាស់តាខ្ញុំនឹងព្យាយាមបំពេញចន្លោះខ្វះខាតរបស់គាត់និងធ្វើឲ្យគាត់ក្លាយជាមនុស្សដែលមានសុភមង្គលជាងគេបំផុតលើលោក! » Taehyung ចាប់ផ្ដើមសម្របខ្លួនបាននិងលែងសូវភ័យបន្តទៀត គេញញឹមដាក់រាងចំណាស់វិញដែលគាត់ក៏កំពុងញញឹមមកកាន់គេដូចគ្នាដោយភ្ជាប់មកជាមួយនឹងទឹកមុខមានមោទនភាពដែលចៅប្រុសរបស់គាត់បានរកក្ដីសុខរបស់គេឃើញវិញ បន្ទាប់ពីស្នេហាចាស់របស់គេបានបំផ្លិចបំផ្លាញជីវិតរបស់គេអស់រយៈពេលជាយូរឆ្នាំកន្លងមកនេះ។
« និយាយអញ្ចឹងចៅឈ្មោះអី? »
« ខ្ញុំឈ្មោះ Kim Taehyung »
« អាយុប៉ុន្មានហើយឆ្នាំនេះ? »
« ខ្ញុំទើបតែអាយុ ២១ ឆ្នាំប៉ុណ្ណោះ »
« អាយុប្អូនចៅ Jung ៥ ឆ្នាំមិនអីនោះទេ! ដូច្នេះចៅ Jung គួរតែកែប្រែខ្លួនឮទេស្រលាញ់គេឲ្យច្បាស់លាស់ហាមលេងសើចព្រោះគេក៏រៀងនៅក្មេងដែរ ហាមធ្វើបាបចៅប្រសាររបស់តាឲ្យសោះ »
« ខ្ញុំដឹងហើយម្ចាស់តា » Jungkook
« ប៉ុន្តែតាដូចជាមិនឮចៅ Jung និយាយប្រាប់តាថាពួកចៅទាំងពីររៀបការជាមួយគ្នា? ចៅ Min ចៅ hyun ពួកឯងមានលាក់បាំងតាទៀតទេ? »
« អត់នោះទេម្ចាស់តា! ម្ចាស់តាអាចសួរ Jungkook hyung ដោយខ្លួនឯងបានខ្ញុំមិនហ៊ានលូកមាត់ទេបាទ » Minho ឆ្លើយតបយ៉ាងរហ័សនិងសើចស្ញេញដាក់គាត់ទាំងទឹកមុខភ័យៗព្រោះគេមិនហ៊ាននិយាយពីរឿងនេះនោះទេ ប៉ុន្តែគឺថាម្ចាស់តារបស់ពួកគេដូចជាមិនបានចាប់អារម្មណ៍នឹងរឿងម្យ៉ាងដែលនៅនឹងមុខរបស់គាត់ផ្ទាល់ទើបគេសុំមិននិយាយអ្វីទាំងអស់។
« គឺខ្ញុំទាំងពីរមិនទាន់រៀបការទេ! » Jungkook និយាយមិនទាន់ទាំងចប់ស្រួលបួលផង ស្រាប់តែខណៈនោះរាងតូចក៏ស្រែកត្អូញភ្លាមៗ។
« អ៊ួយ...» Taehyung ស្រែកមួយវ៉ាស់និងលើកដៃមកទប់ពោះរបស់គេក៏បានធ្វើឲ្យ Jungkook ស្លន់ស្លោរហើយលោកម្ចាស់ធំក៏ជ្រួញចិញ្ចើមឆ្ងល់ភ្លាម។
« អូនកើតអី? » Jungkook ចូលទៅមើលរាងតូចនិងលើកដៃទប់ចង្កេះរបស់គេពីក្រោយ។
« សុំទោសគឺកូនក្នុងពោះអូនធាក់អូនហ្នឹងណា » Taehyung សើចញឹមៗដាក់រាងក្រាសដែលមុននេះនាយភ័យឡើងបែកញើសជើងសក់អស់ទៅហើយស្មានថា Taehyung ត្រូវដល់ពេលដល់វេលាផ្ដល់កំណើតឲ្យកូនរបស់នាយហើយតើ។
« បងស្មានថាអូនដល់ថ្ងៃសម្រាលហើយ »
« នៅសល់ ២ សប្ដាហ៍ទៀតឯណោះ »
« នរណាមានកូន? » ខណៈនោះលោកម្ចាស់ Jeon ក៏លូកមាត់សួរធ្វើឲ្យ Taehyung ងាកទៅសម្លឹងមុខរាងក្រាសទាំងភ័យព្រោះស្ទាក់ស្ទើរក្នុងការឆ្លើយតបនឹងសំណួររបស់គាត់។
« គឺ...គឺខ្ញុំ » Taehyung ឆ្លើយតបរួចក៏បិទភ្នែករង់ចាំទទួលយកចម្លើយរបស់រាងចំណាស់មកវិញ។
« មានចៅទួតឲ្យយើងទៀតផង? មិនបានទេស្អែកត្រូវតែចូលរោងការជាមួយគ្នា » គ្រាន់តែម្ចាស់តារបស់ពួកគេនិយាយបែបនេះភ្លាម Jungkook ក៏ហើបមាត់និយាយមិនចេញព្រោះគេមិនទាន់គិតគូរឬក៏ចង់រៀបការនៅពេលនេះនោះទេ តែបើជ្រុលជាធ្វើឲ្យ Taehyung មានផ្ទៃពោះជិតដល់ថ្ងៃសម្រាលទៅហើយមានតែព្រមទៅតាមគាត់ប៉ុណ្ណោះ។
To be continued........
****
Ohh I think there's something wrong gonna happen or it's not gonna happen? 👀 Kidding 🫢