ဂျီဆူးသည်အိမ်မှထွက်နိုင်ရန်အလုံးစုံကြိုးစားခဲ့ပါ၏ သို့သော်လည်း
သခင်ကြီးဟုန်း၏လူများကအချိန်ပြည့်ေစာင့်ကြည့်နေသည့်အတွက်ကြောင့်
အသက်ရှူပေါက်ပင်ကောင်းစွာမရခဲ့ပါ
မွန်းကြပ်လှပါသည်
" သားလေး မင်းဘာမှမစားတာ၂ရက်ရှိပြီ ဒီလိုပဲဆက်နေနေရင် ကြာရင်လဲသွားလိမ့်မယ် အမေ့သားရဲ့ ငါမင်းတို့သားအဖနှစ်ယောက်ကြားစိတ်ညစ်ပါတယ် "
ဂျီဆူး၏မိခင်သည်အခန်းထဲသို့ဝင်လာချိန်တွင်နဂိုတိုင်းအရာမယွင်းသောထမင်းများကိုတွေ့၍ပြောခြင်းဖြစ်သည်
" သားလေး မင်းDaddy စကားကိုအရင်နားဖထောင်လိုက်ပါလားဟင် ပြီးမှသားဒီကိုပြန်လာပေါ့ "
" သူကကျွန်တော်မရှိလို့မဖြစ်ဘူး ကျွန်တော့်အတွက်ရောပဲ " ဂျီဆူး၏အသံသည်အဖျား၌လှုပ်ခတ်နေသည်မို့ဂျောင်ဟန်နှင့်ဝေးရမှာကိုဘယ်လောက်ကြောက်နေလည်းပေါ်လွင်နေပါသည်
" အမေ့သားကခေါင်းမာလိုက်တာကွယ် "
ဂျီဆူး၏မိခင်သည်လည်းသားဖြစ်သူခေါင်းမာမှုကြောင့်သက်ပြင်းသာချနိုင်တော့တယ် သားသမီးကိုစိတ်ချမ်းသာတာကိုမြင်ချင်သည်မှာမိဘတိုင်းပင်မလား
" ဒီကောင်လေးကိုရွေးချယ်လို့သားဘဝမှာနောင်တမရမှာသေချာလား "
" ဂျောင်ဟာနီးကိုစတွေ့တည်းကအခုချိန်ထိဘယ်အရာကိုမှနောင်တမရခဲ့ဖူးသလို နောက်လည်းနောင်တရမှာမဟုတ်ဘူးမေမေ"
ဂျီဆူး၏ပြတ်သားလှသောအဖြေအောက်တွင်မိခင်ဖြစ်သူသည်ဆုံးဖြတ်ချက်တစ်ခုချလိုက်လေသည်
" ကောင်းပြီ ဒါဆိုသားအထုပ်တွေသိမ်းတော့ မြန်မြန် "
ဂျီဆူးသည်မျက်လုံးများအရောင်လက်လာကာ မိခင်ဖြစ်သူ၏ရင်ခွင်ထဲ၌တိုးဝင်လိုက်လေသည်
" ကျေးဇူးတင်ပါတယ် မေမေ "
" မေမေ့သားလေးတောင်အရွယ်ရောက်လာပြီပဲ "
............................................................
" သခင်မကြီး ဒီလိုလုပ်လို့မဖြစ်ပါဘူး "
သခင်ကြီးဟုန်း၏အစောင့်တစ်ယောက်ကတားလိုက်လေသည်
" ငါရှင်းလိုက်မှာမို့လို့ ဘာမှမဖြစ်ဘူး ငါ့သားလေးကိုငါကိုယ်တိုင်သွားဖို့ခွင့်ပြုတာ ကျန်တဲ့လူတွေကိုပါခေါ်ပြီးသွားလို့ရပြီ "
" ဟုတ်ကဲ့ သခင်မကြီး "
အစောင့်တို့သည်လည်းထွက်သွားချေပြီမို့
" သားလေး အစစအရာရာဂရုစိုက်နော် တစ်ခုခုဆိုမေမေ့ကိုဖုန်းဆက် "
" ဟုတ်ကဲ့ ကျွန်တော်ဖုန်းဆက်မယ်နော် မေမေ "
ငယ်စဉ်တည်းကအမေကိုသိပ်ခင်တွယ်တတ်သည်မို့ဂျီဆူးသည်လည်းစိတ်တော့မကောင်းလှပါ
" မေမေ့သားလေး အဆင်ပြေပါစေကွယ် "
ဂျီဆူးသည် luggage ကိုဆွဲကာထွက်ရန်ပြင်လိုက်စဉ်
" ဒီခြံကထွက်သွားတာနဲ့ ဘယ်တော့မှပြန်တက်မလာနဲ့ ငါ့သားမဟုတ်တော့ဘူး "
သခင်ကြီးဟုန်း၏အသံကိုကြားလိုက်ရပါ၏
" အစ်ကို သားလေးကိုပေးသွားလိုက်ပါ ကျွန်မတို့သားလေးကဆုံးဖြတ်တတ်တဲ့အရွယ်ရောက်နေပါပြီ "
သခင်ကြီးဟုန်းသည်သူပြောချင်သည့်အရာကိုသာဆက်ပြောလေသည်
"အခုချိန် မင်းဆုံးဖြတ်ချက်ကိုပြင်လို့ရသေးတယ် ဟုန်းဂျီဆူး "
" ကျန်းမာရေးဂရုစိုက်ပါ Daddyနဲ့ မေမေ "
ဂျီဆူးသည်ထိုစကားကိုပြောကာနောက်သို့ပြန်လှည့်မကြည့်ဘဲထွက်လာခဲ့လေသည်
Daddy၏ တောက်ခေါက်သံပြင်းပြင်းကိုတော့ဂျီဆူးကြားလိုက်ရပါ၏
............................................................
" ဂျောင်ဟန် အဆင်ပြေရဲ့လား ဒီရက်ပိုင်းမင်းကောင်လေးကိုလည်းမတွေ့မိပါလား စိတ်ကောက်ထားကြတာလား "
Jihoon hyung ကတော့ပေါ့ပေါ့ပါးပါးပဲပြောပေမယ့်စိတ်မအေးနိုင်သူကတော့ဂျောင်ဟန်ပါ ဂျီဆူးသည်ထိုကဲ့သို့ဘာမှမပြောဘဲပျောက်သွားမယ့်သူမဟုတ်ဘူးဆိုတာဂျောင်ဟန်သိပါသည်
စိတ်ပူသော်လည်းဂျောင်ဟန်ဘာလုပ်ရမလဲမသိပါချေ တကယ်တမ်းဂျီဆူးသာသူ့ကိုမဆက်သွယ်ဘဲထားခဲ့လျှင်လည်းကျန်ခဲ့ရမည့်သူပင်ဖြစ်သည် အတွေးဖြင့်ဝမ်းနည်းလျက်မျက်ရည်စတို့သည်လည်းဝေ့သီလာရင်း
ဒီနေ့လည်းရောက်မလာသောဂျီဆူးကြောင့် ဂျောင်ဟန်အိမ်သို့သာပြန်ခဲ့ပါ၏
နှင်းစတို့သည်လည်းတစ်စတစ်စသည်းထန်လျက်ရှိသည်မို့ဂျောင်ဟန်သည်များများစားစားမတွေးတော့ဘဲအိပ်ရန်သာဆုံးဖြတ်လိုက်လေသည် အစားစားချင်စိတ်လည်းမရှိပါလေ
ဒုန်း ဒုန်း ဒုန်း
အပြင်မှတံခါးခေါက်သံကြောင့်ဂျောင်ဟန်ထလိုက်လေသည်
" ဒီအချိန်ကြီးလာမယ့်သူလည်းမရှိဘဲနဲ့ "
ထို့နောက်တံခါးသွားဖွင့်လိုက်ချိန်တွင်လွမ်းနေရသောသူကိုတွေ့လိုက်ရပါ၏
" ဂျောင်ဟာနီးး "
ဂျီဆူး၏မျက်ဝန်းတို့သည်ယခင်ကဲ့သို့အရောင်တောက်မနေသော်လည်းဂျောင်ဟန့်ကိုတော့စိတ်လိုလက်ရပြုံးပြနေပါသည်
" ဂျီဆူးရား "
ထို့နောက်ဂျီဆူးသည်ဂျောင်ဟန်၏ခန္ဓာကိုယ်သေးသေးလေးအားထွေးပွေ့ထားလိုက်သည်
ဂျောင်ဟန်သည်လည်းလွမ်းနေရသည်မို့ဂျီဆူး၏ရင်ခွင်၌သာတိုးဝင်နေလိုက်ပါသည်
.......…..................................................
ဂျောင်ဟန်သည်ဂျီဆူး၏ခေါင်းမှနှင်းမှုန်တို့အားခါပေးကာအနွေးထည်ထုတ်ပေးလေ၏
" ဒါလေးဝတ်ထားလိုက် စားဖို့တစ်ခုခုပြင်ပေးမယ်နော် "
" အွန်း ဂျောင်ဟာနီး "
ဂျောင်ဟန်သည်ခေါက်ပွဲပူပူလေးနှင့်ဟင်းရည်ချက်ကာ ကင်မ်ချီထမင်းကြော်လေးကျွေးရန်ဆုံးဖြတ်လိုက်သည်မို့ ဟင်းအိုးတည်နေစဉ် ဂျောင်ဟန်၏ခါးသွယ်သွယ်လေးတစ်ဝိုက်ဂျီဆူး၏လက်တို့သည်သွယ်ယှက်လာလာကာ နောက်မှသိုင်းဖက်ခြင်းခံလိုက်ရပါ၏ ဂျောင်ဟန်၏ကိုယ်လုံးသေးသေးလေးသည်လည်းဂျီဆူး၏ရင်ခွင်ထဲမြုပ်လျက်
ဂျီဆူးထံရမှရနေကျဖြစ်သော ပန်းသီးစိမ်းနံ့လေးသည်လည်းမပါမဖြစ်ပေ
ထို့နောက်ဂျီဆူး၏မျက်နှာသည်ဂျောင်ဟန်၏လည်တိုင်ဖြူဖြူလေးနားတွင်အက်လာသည်မို့ ဂျီဆူး၏ဝင်သက်ထွက်သက်နွေးနွေးကိုပါခံစားနေရပါသည်
အနည်းငယ်ကိုယ်နွေးနေသည်ကိုရော
ဂျောင်ဟန်သည်ဂျီဆူး၏ရင်ခွင်ထဲတွင်းမှပဲနောက်ဘက်သို့လှည့်ကာနဖူးကိုစမ်းလိုက်လေသည်
" ဖျားနေပြီပဲ "
" အင်း ကိုကိုဖျားနေပြီ ဂျောင်ဟာနီး "
............................................................
" ဖြည်းဖြည်းစား "
ဂျောင်ဟန်သည်ပန်းကန်ထဲမှအသားဖက်လေးများအားဂျီဆူးပန်းကန်ထဲသို့ထည့်ပေးနေလေသည်
" ဂျောင်ဟာနီး လက်ရာကကောင်းလိုက်တာ "
ဂျောင်သည်ဂျီဆူးအဆင်ပြေသည်ကိုခံစားမိသော်လည်း ဘာမှမဖြစ်သလိုအဆင်ပြေဟန်ဆောင်နေသောသူကြောင့် ဘာကိုမှမမေးရက်ခဲ့ပါ
" နောက်လည်းအများကြီးချက်ကျွေးမယ် လောလောဆယ်တော့ပြီးရင်ဆေးသောက်ရမယ်နော် "
ဟင်းရည်နွေးနွေးလေးကိုလည်းဂျီဆူးပန်းကန်ထဲထည့်ပေးလျက်ပြောလေသည်
...............................................................
" အိပ်ရာကတစ်ခုပဲရှိတော့
ဒီမှာပဲအိပ်လိုက်တော့ "
ဂျောင်ဟန်သည်ဂျီဆူး၏နဖူးပေါ်သို့ရေဝတ်လေးတင်ပေးကာပြောလိုက်လေသည်
" အင်း ဂျောင်ဟာနီးလည်းဒီမှာပဲအိပ် "
ဂျီဆူးသည်ဂျောင်ဟန်၏လက်လေးကိုဆွဲကာသူ့လက်မောင်းပေါ်အိပ်စေသည်
" ကိုကိုဘာဖြစ်လာလဲ မမေးတော့ဘူးလား "
" အဆင်မပြေလာတာခံစားမိပြီး မေးလိုက်ရင်ဂျီဆူးဝမ်းနည်းသွားမယ်ထင်လို့ "
" အာရီဂူးရား ကိုကို့ကောင်လေးကသိတတ်လိုက်တာ ကိုကိုအိမ်ပေါ်ကဆင်းလာတာ ကိုကိုကအရင်လိုပိုက်ဆံအများကြီးလည်းမရှိဘူး အဲ့ဒါကြောင့်မို့လို့ ကိုကို့ကိုအများကြီးပိုချစ်ပေးရမယ်နော် ဒါပေမယ့်ကိုကိုကဂျောင်ဟာနီးတစ်ယောက်ကိုတော့ကောင်းကောင်းလုပ်ကျွေးနိုင်ပါသေးတယ် "
" ငါ..ငါ့ကြောင့်လား "
" မဟုတ်ရပါဘူးကွ မင်းကိုကိုကိုအစတည်းကDaddyကကြည့်မရတာ "
ဂျီဆူးလိမ်နေမှန်းဂျောင်ဟန်သိပါ၏
" ငါ့လိုခက်ခဲတဲ့ဘဝကြီးမှာ မင်းကိုမရုန်းကန်စေချင်ဘူး.."
" ကိုကို့ဂျောင်ဟာနီးအခုတွေးရမှာကအဲ့ဒါမဟုတ်ဘူး ကိုကို့ကိုပဲချစ်နေဖို့တွေးရမှာ ကိုကို့မှာပိုက်ဆံတွေအများကြီးမရှိတော့ပေမယ့် ကိုကို့ကိုယုံ "
" ငါ့မှာဂျီဆူးကလွဲပြီးဘာကိုမှချစ်စရာဘာမှမရှိဘူးလေ အဲ့ဒါကြောင့်ဂျီဆူးကိုပဲလိုတယ် ဘာမှတစ်ခြားအရာတွေကိုစိတ်မဝင်စားဘူး "
" ကိုကို့ကောင်လေးကိုသိပ်ချစ်တာပဲ"
ဂျောင်ဟန်သည်လည်းဂျီဆူး၏ရင်ခွင်ထဲပိုတိုးဝင်နေပါ၏
အနည်းငယ်တိတ်ဆိတ်သွားပြီးမှဂျီးဆူးထံမှစကားသံထွက်လာလေသည်
" ကိုကိုတို့ Seoul ကိုသွားကြရအောင်ဂျောင်ဟာနီး "
ဂျောင်ဟန်သည်တည်ငြိမ်စွာပြောနေသောဂျီဆူးစကားကိုအလေးနက်ထားကာနားထောင်နေပါ၏ ဂျီဆူးသာဆုံးဖြတ်လျှင်သူ့အတွက်ကန်ကွက်စရာမရှိပေ
" ကိုကို့ဆီမှာစုထားတဲ့ပိုက်ဆံရှိတယ် ဟိုမှာနေဖို့အဆင်ပြေတယ် "
" Jihoon hyung ကလည်း Seoulမှာနေခဲ့တာဆိုတော့အသိရှိတယ်ပြောတယ် ပြီးတော့ ငါ့ဆီမှာလည်းစုထားတဲ့ပိုက်ဆံနည်းနည်းရှိတယ် ဂျီဆူး "
" အင်း ကိုကိုတို့အဆင်ပြေမှာပါ အခုတော့အိပ်ကြရအောင် မတွေ့ရတဲ့ရက်အတွင်းကိုကို့ကောင်လေးကပိန်သွားလိုက်တာ အစားသေချာမစားဘူးမလား ကိုယ်မင်းကိုစိတ်မချတာလေ "
ဂျီဆူးသည်လေသံနည်းနည်းလေးတော့တမင်မာပေးလိုက်ပါ၏ ထိုကောင်လေးသည်ကိုယ့်ကိုကိုယ်ဂရုစိုက်ဖို့ဆိုအမြဲမေ့နေတတ်သည်မလား
" ချစ်တာမို့လို့ ဂျီဆူးကငါ့ကိုမဆူလို့မရဘူးလားဟင် "
ဂျောင်ဟန်သည်လေသံလေးကိုနှိမ့်ကာနဂိုမျက်လုံးအိမ်ဝိုင်းဝိုင်းကြီးကိုပို၍ပင်ဝိုင်းကာပြောနေလေသည်
ခုကထိ ဝမ်းနည်းဖွယ်လေထုကြီးသည်ချက်ချင်းပင် သာယာသောရာသီဥတုလေးအဖြစ်သို့
ပြောပါတယ် ယွန်းဂျောင်ဟန်က Happy pillလေးပါဆို
" အားး ဒီကောင်လေးကတော့ "
ဂျီဆူးသည်အသည်းယားစွာဖြင့်ပါးနှစ်ဖက်ကိုဖျစ်ညှစ်လိုက်ပါ၏
............................….............................
" ဂျောင်ဟာနီး အဆင်ပြေရဲ့လား "
ဂျောင်ဟန်သည်ငယ်စဉ်ကတည်းကဒီမြို့လေးမှာပဲကြီးလာပြီး ဒီမြို့လေးမှအဝေးကိုတစ်ခါမှမသွားဖူးသည်မို့ မကြောက်မိဘူးပြောလျှင်တော့လိမ်ရာကျပါမည်
ဂျီဆူးသည်ဂျောင်ဟန်၏လက်ဖျားအေးအေးလေးကိုဆုပ်ကိုင်ကာပြုံးပြလေ၏
ထို့နောက်အနွေးအိတ်ကလေးကိုဂျောင်ဟန်၏လက်လေးပေါ်၌ကပ်ကာနွေးအောင်လုပ်ပေးနေလေသည်
" ဂျီဆူးသာရှိနေရင်ရပြီ ဘာမှမလိုဘူး "
ဂျီဆူးသည်ဂျောင်ဟန်ပါးအိအိလေးကိုခပ်ဖွဖွညှစ်လိုက်လေသည်
* Seoul သို့သွားမည့်ရထားသည် စင်္ကြန် ( ၁ )
၌ဆိုက်ရောက်နေပြီဖြစ်ပါသဖြင့် ခရီးသည်အားလုံးပြင်ဆင်ပေးထားကြပါရန် မေတ္တာရပ်ခံအပ်ပါသည်
" ဂျောင်ဟာနီး သွားကြရအောင် "
" အင်း ဂျီဆူးရား "
ယွန်းဂျောင်ဟန်အတွက်လည်းဟုန်းဂျီဆူးပဲရှိခဲ့သလို ဟုန်းဂျီဆူးအတွက်လည်းယွန်းဂျောင်ဟန်သာရှိခဲ့သည်
ထိုအချိန်၌တစ်ယောက်လက်ကိုတစ်ယောက်မလွှတ်တမ်းဆုပ်ကိုင်ရင်းသာရှေ့ဆက်ခဲ့ကြသည်
ခက်ခဲလှတဲ့ဘဝကြီးမယ် ရှေ့ဆက်ဖို့အကြောင်းအရင်းကတစ်ခုတည်းသာလိုခဲ့ပါ၏...
...........
Evangeline လေးက mini story လေးပဲမို့လို့တစ်ချို့Dialogueလိုတဲ့အပိုင်းတွေကိုဖြတ်ချထားပါတယ်ရှင့် ခန့်မှန်းထားတာကတော့ ၁၅ပိုင်းဝန်းကျင်လောက်ပဲရှိပါမယ် အချိန်ပေးပြီးဖတ်ပေးကြတဲ့အယောက်ချင်းစီတိုင်းကိုကျေးဇူးတင်ပါတယ်ရှင့် >_<