- بقلمي : حَـنين الـ زُهيـري .
- التصويت والتعليق للإستمرار 🤍.
- متابعة الحـَساب .
________________
خليـني يمـك
يـا ضُـوة مـا أريـد لحـَظه بـَدونك
مِـن الدنيـا أنـي شحَصلت بـَس
أمُي وجـمال عيـوُنـك 💜..!
________________
- ضليت صافنة ولا رمَشت اجه نادل خله الأكل وراح واني صافنة بوجهه وهوَ يباوعلي بأبتسامة
- شبيج يأبه ترى گتلج احبج مو راح أغتصبج
- أنتَ بيك شيء ؟
- لا ليش
- مادري أحسك موطبيعي
- طبيعي مابيه شيء وإذا تردين اطلع خبالاتي عليج ماعندي شيء ؟
- ابقى هيج أحسن
- اممم
- تحبني ؟
رد باللهفه :-
- غرگـان بـحبج
- ياعيني الله يحبك
- الله يطيح حظج عبالي راح تگولين انا هم
- لا ما أحبك
- اشش أكره هالكلمة
- ياكلمة
- كلهن جفصاتج اكرهن ويدوسن بطني ،
- اوي
- وجعوي أكلي يلا
- بسم الله أكلت وهو يأكل مشويات سوالي لفة وانطاني ياها
- أكليها فهمتي لو أعيد ؟
- لا فهمت
- عفية بالحبابة
- أكلتها وهوَ أخذ قطعة بيتزا كملنا أكل
- يلا نروح ؟
- وين
- اوصلج لبيتكم
- اي يلا نروح طلعنا ووصلني للبيت قبل لا أنزل
گال :-
- ميار
- ها
- لا تـچـبريني أذَيـج ..
- هزيتله رأسي ونزلت جوى وهوَ راح باركتلي أمي وصعدت غيرت ملابسي ورجعت عَ أسود ، ...
_________________
سرور : حُـر وخر من وجهي خليني أكمل شغلي
حُـر : وهسه شمسوي ؟
سرور : وجودك يوترني اطلع برى
حُـر : تمام
سرور : خلى وطلع حسيته ضاج بس شسوي صدگ وترني هسه عبالهم بينا شيء واحنا كلشيء ماكو صح طلبني للزواج ورافضة الفكرة بس أحس هوَ بعدة يريدني .. دخلت سارة وفاطمة
فاطمة : هلاو شلونج
سرور : هلا بيج حبيبي
سارة : ولج سرور ذوله بعد ما مرمروا گلبي رجعوا
سرور : وين رجعوا
سارة : خيبه أسر وفاطمة رجعوا البعض
سرور : جذاببة
فاطمة : والله
سرور : الله يلفج إن شاءالله ليش ما أدري
فاطمة : احسن
سرور : والله لعبتوا نفسي من الحُب
سارة : حقج والله صدك لعبان نفس لا تحبين احسن الج يمعودة الزلم مكروهين ودائماً يجون عكس ما تتمنين ، لو يطلعولج گلب بصف گلب وخباث ومستفزين طبعاً امداني حبيت أخوج هم طلعلي گلب بصف گلب
سرور : چا ما ثگلتي اشو صرتي أخف من الرشية من شفتي
سارة : اندري شسوي أخوج حلو زيادة عن اللزوم ولو أني ماخذة قاعدة من امي
" كُل حلو بي لولة "
فاطمة : اي والله صحيح بالرغم اخر فترة ضجت من أسر لأن ضل يشرب ويدخل مكانات مو حلوة ويسويها ع عنادي حتى بس يحرگ گلبي
وماگدرت أنساه ولا گدرت ما أحبه !!
سرور : الحُب سهل بس النسيان صـعُب يجوز تتخطين بس متنسين .
سارة : اي صحيح
فاطمة : اي بالضبط
سرور : دائماً نتمنى شيء ويجي عكس ؟
ياتُـرى ليـش !!
دائماً أفكر بيني وبين نفسي كـل البنات هيج لو بس إحنا طبعاً 40٪ مومثلنا لأن هنه غير عنا أو عائلتهم مُنفتحة وهنه مُنفتحات والهم حرية زيادة عن اللزوم وكلشيء بكيفهم يحبن واحد ما عجبهن يرگعنا بالنعال حشاجن ورا فترة تلگين شخص جديدة بحياتهن وعادي يوميا شكل ،
إما اني وانتي والبقية من البنات دائمًا نريد شيء يجي عكس دائمًا نحب شخص بدون منعرفة بدون مانشوفة هوَ شنو اطباعه شنو گبل حبيتي روحُة بس ماعرفتي شنو العيوب الي داخل هالشخص بس البنية لمن تحب راح تحَبه وتحب عيوبة وكلشيء بي وراح نكتفي بي للنهاية برغم عندة انطباعات مو حلوة يجوز
هالشريك جان ، مشاعرة باردة تجاهنا ، هاملنا ، داخل إمكان موحلوة ، يشرب ، مستفز ، ماعندة كلام حلو ، عندة سوابق لاتعد ولا تُحصى
بس رغم کل هذا تلگين نفسج تايهه بي حتى لو
- ضوجج
- بارد وياج
- هاملج
- استفزج
- يشرب داخل ، إمكان موحلوة
- مايعرف للكلام الحلو
- ميعرف يتغزل بيج .
بس أنتِ تحبي هايمة بي لان ماكو إنسان كامل ولا الي تحبي راح يكون مثل متردين لازم حامض حلو
سارة : عشتي والله صحيح
فاطمة : صحيح ..
صح اني حبيت أسر بس ما جنت اعرف هالانسان اذا احد غلط ويا حتى لو بالشقة راح ينفر منه ويتركة ويخلي ع نار هادئة حتى يعيشة حـرب نفسية حبيته كلش هواي ويمكن أكثر من حُبة إلي بحالة عصبية گتله اتركني وعلاقتي وياك ماترضي أحد لازم أحد من أهلي يدري وإذا بقى بدون عَلمهُم اني إلي إتاذة ،، بس اني خربتها وبدون تفاهم نهيت كلشيء
وهوَ شنو سوا ، تركني وگال تمام بس تندمين وصدگ ندمني كم مرة بجيت بسببه وبسبب
القسوة ، والجمود ، والبرود الي صار بيه ، كرهت حقدة إلي ، وعرفت إذا ضاج شلون يلعب بـأعصابي .
سرور : صحيح هذا أسـر خصوصاً إذا
" الــوجـع چان مـِن عزاز گـلبة "
سارة : اي زين انتَ تتدرن ..
الرجال إذا جان عصـبي وعصبيته مُبالغة بيها شراح يصير
فاطمة : شيصير
سرور : اي بلا شيصير
سارة : إذا كنتِ أنتِ إنسانة عصبية واللسان بنفس الوقت وهوَ كذلك لا عرف يسكت ولا أنتِ عرفتي تسكتين ماعرف يحتويج ولا يتحملج ويتحمل اللسانج بالرغم انتُ أثنينكم أعصاب
هوَ
- يعيط ويغلط
- وأنتِ تعصبين وتراددين ،و راح ينجبر يمد إيدة عليج لان متعرفين تسكتين تحسسين نفسج ماعندج كرامة راح تسكتين لمن يكفخج ودموعج تنزل ع خدج وهوَ يباوعلج بعصبية وغضب وأنتِ نظراتج بيهم كسرة وضعف متعرفين شلون تصرفين لان ماتگدرين تتحكمين بنفسج وعصبيتج ولا هوَ
الافضل واحد هادئ والثاني عصبي حتى الهادئ يهدأ العصبي ويصير تفاهم وانسجام بينهم إذا استمرت العلاقة هيج المفروض نتركهم حتى يحسون بقيمتنا وإذا كانت عصبيته ماله حدود وهوَ متعود وأعصاب
المفروض نتحمل هيج رجال ؟؟
نتحمل عصبيتة لان نحبه ..
وأضافة ليش دائمًا نضحـي وبالنهاية لو يـقدرج لو ميقدر تضـحياتج
سرور : كلام حلو بس تتدرين شنو
سارة : شنو
سرور : الـ يـحب يـضحي بـ أعز ما يملُك .
فاطمة : وهاي إذا جان يستحق !!
سرور : البعض يستحق التضحية
سارة : ع فكرة ابو عيون المكحلة يستحق التضحية فديته مشتاقتله خ اروح اخابره احسن ما مگابلتجن عبالك گاعدة بمدرسة ايععع
سرور : ثول ام حلگ روحي الله وياج
فاطمة : ههههههههههه ماتعون
سارة : ولجن ترحله فدوة خايبات تغارن من عدنا
سرور : ترى ذابحتنا وعَلي اريد أعرف عليمن نغار
سارة : مادري عليمن تغارن ؟؟
سرور : دروحي الله يهديج
سارة : منو مثلي يـضحيلك اني
أنطيتك عيوني اني أنطيتك عَـيوني
سرور : ولا تستقر قيس هشام
سارة : ترحلي فدوة ولن
فاطمة : خ اروح اني اكمل شغلي احسن
سرور : تعالي أخذيني وياج لا تكتلني هاي
سارة : هههههههه ..
الووو حياتم
مصعب : منو حضـرتج ؟
سارة : شني منو ؟
مصعب : اي منو ماجاي اسمع
سارة : دروح ايع عود يضحك عليَ ترى ماتلوگلك
مصعب : تلوگلك وحدك صرت خيالها
سارة : گبل رديت علي ..
والقيادة الفخر زود رجالها
مصعب : الـرتبة ماتگعد ع الـ ماعندة ذوق
سارة : اييي وبعد
مصعب : وهووَ مو ياهو الـ يجيها وشالها
تسابگت عندك زلم مثل الرصاص ،
ماتميز الساتر مِـن إشكالها
الغيرة مهرة وطبت بيتك دخيل
سارة : شبگوها وگطعيت احبالها !!
مصعب : ع يوم صدگ أگطع أحبالج
سارة : هااا
مصعب : وچعااا مشتاقلج يبعد طوايفي
سارة : جا انتَ التهيت تغني
مصعب : ذكرتيني
سارة : بشـنو
مصعب : من گلتي ماتلوگلك واني جنت استمع لهل الأغنية
سارة : اهممم
مصعب : اي والله
سارة : اي اگلك
مصعب : گولي
سارة : مشتاقتلك مادري شسوي شوكت نصير البعض مو تعبت
مصعب : ماضل شيء يروحي أنتِ
سارة : مُصعب تدري أحبك وماگدر أعيش بدونك لذلك بالك عليَ
مصعب : شلون تطلب الإهتمام
سارة : ههههههههههه چا شسوي بالك عليَ
مصعب : بعيوني أخليـج
سارة : عمري
مصعب : تدرين أنا خايف الله بيج والدليل بوسة ما بايسج لان حرام والله ميبارك بينا !!
سارة : عفية ،،
مصعب : اي چا بس خلي تصفى الأوضاع بين ابو درع وميار نوب اشوف بـلوتي
سارة : منو البلوة ؟
مصعب : أنتِ يابلوة گلبي
سارة : ههههههههههه يعني اني صرت بلوة هسه
مصعب : بلوة حلووة ويرادلها گلب جبير حتى يتحمل نكدها وعصبيتها والسانها وكلشيء
سارة : اممم لازم تتحملني مثل ما أتحمل عصبيتك ،
مصعب : أنتِ إذا دوسين بطني تشوفين عصبيتي بس اذا تجفيتي الشر ماتشوفين شيء واضل حباب وياج
سارة : إن شاءالله
مصعب : عفية هسه دَعبلي
سارة : بيباي كبد
مصعب : الله وياج ،
________________
سـرور : ماگلتي ولج شلون تصالحتوا
فاطمة : اوو ولج غير مياسين طاحتلج دگ أساله عنه موتتني نوب من دخلت طگت بجتفه عساس متتدرين شگد جنت احبها هسه فلا اطيقها
سرور : أنتِ فرغتيلها الساحة
فاطمة : چا شسـوي أكتب ع گصتي أحب أسر
سرور : والله بعد مادري شگول
فاطمة : اي بس مياسين حسيتها معجبة بي ضجت منها كلش شلون خلت عينها علي
سرور : يجوز هيج حبت تسأل
فاطمة : اووو سكتي مني بعدين گالت راح اروح وطلعت اجت الغرفتج واني اجيت وراها وحجيت ويـ أسر لان جنت ضايجة
سرور : وتصالحتوا
فاطمة : ليروح بالج ترى بس حضني
سرور : احسن لتسون شيء ميرضي الله كلشيء بالحلال حلو
فاطمة : اي إن شاءالله
سرور : فاطمة ..
اني صديقتج وأختج لاتسون شيء بالحرام بوسة حضنه لزمة إيد مايصير خ يخطبج والله كريم
فاطمة : اي والله هاهيَ خلَاص
سرور : عفية
فاطمة : شنو ميار شلونها هم تخابرج
سرور : لا والله ماكو أتصل عليها مغلق
فاطمة : اي ضمت تليفونها وانعزلت
سرور : اي ابو درع اليوم أخذها يعقدون محكمة لان قبل كم يوم رايدة تفسخ
فاطمة : عزا جذب
سرور : اي والله شنسوي ميار نفسيتها حيل تعبانه
فاطمة : اي والله اني بعد ما رحت لان شغل
سرور : اي مافارغين
فاطمة : هيَ البارحة أمها عدنا
سرور : اي
فاطمة : عزمناها
سرور : اها خطيه احسن خلي تتطلع من الچو هذا
فاطمة : اي والله
سرور : أتصل عليها أخوها وبقت تحجي ويا
فاطمة : اي هسه السـاعة بـ 12 ونص تعال يلا ماشي باي
سرور : شكو
فاطمة : اروح للبيت حتى العصر اروح اشوف ميار
سرور : تمام حبي ...
ورا ساعة دخل أخوها باوعلي وأبتسم بوجهي
عَلي : ها سرور شـلونج
سرور : صفنت من گال أسمي بدل مايگول خوية
فاطمة : الووو وين صافنة
سرور : ها الله يـسلمك عيوني الحمدلله وأنتَ شلونك
عَـلي : الحمدلله بخير
فاطمة : مروة وياك ؟
عَلي : لا أجه يآس أخذها
فاطمة : أها خوش چا .. من رخصتج سرور راح اروح اني
سرور : حبيبتي أخذي راحتج .. دخلت سارة وباوعت فاكة عيونها ؟
سارة : عَـلييي شچابك ؟ ناوين ترحون وتعوفني مع الأسف عليكم وعَ عشرة
عَلي : ع كيفج يأبه أخذي نفس
سارة : ماريد أخذ نفس شو الحقاارة صاعدة
فاطمة : عيب عليج هوَ إحنا جاين نشوفج ترحين لو لا
عَلي : يعني صرت حقير هسه ؟
سارة : لا فديتك تخبل انتَ والله الحقارة مويمك يم اختك الحية
سرور : ههههه لج ليش هيَ جايه تشوفج ؟
سارة : لا دافعيلها لا اطبگج وياها
عَلي : يلا امشن كافي لغوة
فاطمة : ماكو حية غيرج خبيثة
سارة : دروحي لا اضحك الوادم عليج
فاطمة : خب بيج كتله من هاي الزينة گبر لهل لسان
سرور : مع سلامة بنات اني هم راح اخابر مُصعب يجيني
سارة : اي خابري حياتي
سرور : امم طلعت .. وهمَ راحوا خابرت ع مُصعب وأجاني ربع ساعة وأتصل رفضته وحضرت جنطتي وقفلت الغرفة وطلعت
مُصعب : هلا الله يساعدج
سرور : ويساعدك حبيبي شلونك
مُصعب : شلوني يبعد أخوج هسه لو ماسالفة أخوج ومرت أخوج جان هسه حس سارة تارس البيت ارجع من المركز الگاها محضرة الغدة ، والحمام ، وتجي تتلگاني بـالاحضان ، شبعت ضيم ماتگابليني وتبجين ؟
سرور : قبل لا تجي للبيت مشبعتك ضيم لو تجي شتسوي ؟
مُصعب : تشگ ط*** وحگ الله خليني ساكت بس شسوي أحبها أحبها بگد عُمرها بالـدقـائـق والـ ثـوانـي
سرور : الله الله ربي يحفظكم سوى
مُصعب : آمين
سرور : وصلنا للبيت ونزلنا لگيت ابو درع گاعد ع قنفة ورحمة تسولف ويا وامي گاعدة ... السلام عليكم
الكل : وعليكم السلام
مصعب : شلونكم
رحمة : خايب اغديلك فدوة توه نور البيت
مُصعب : مو من عوايدج گولي شتردين من الأخير
رحمة : چا خوش والغسل لا هلا ولا مرحبا
مُصعب : هسه تعجبيني
سرور : ابو درع ؟
ابو درع : ها حبيبتي
سرور :عقدتوا
ابو درع : اي والله
سرور : الف مبروك
مصعب : مبروك حبيبي
ابو درع : يبارك بيكم
سرور : هيَ شوكت تروح لنجف
ابو درع : والله ما أدري تقريبًا بعد 9 تيام
ريحانة : منو يروح وياها يُمه
ابو درع : خوالها اعتقد وأمها انا هم أروح
ريحانة : چا هم انا أروح وياكم
رحمة : أي حبوبة نروح وياك
مصعب : شعندج رايحة
رحمة : حشرت روحها البربوگ
مصعب : اي بعد بيتي چا النجف ماتحلى بدونج
رحمة : انعل ابوك لابو خلقتك الجايفة أسكت مني
سرور : شالت الچداحة ورگعتها برأسه ضل يدردم
مصعب : دوريلج رجل وعَلي .. ابو درع شوف الدفان وياك مايدور مرة انطي رحمة
ابو درع : ههههههههههه أنجب ولك
رحمة : خايب وروح أبوي إذا اگوملك أكسر عظامك
مصعب : رحمة هيج وترحين وياهم ودفان يصجمج وأنتِ بهذا عمرج هم تگولين ،
إنا بـ يا حال والـدفان يغمزملي ؟
رحمة : وَلك چا حگه ماشايف هيچي حديثات
مصعب : لا تحمين زايد الي يسمعج يگول عمرج ١٧ سنة شو عظم وجلد وجهج مجلد والدگات تارسة وجهج ياحديثة يبعد طوايفي
ريحانة : كافي ولك عوفها
ابو درع : شوكت تصبون غدة
ريحانة : هسه
سرور : صعدت فوگ بدلت ملابسي ونزلت حضرت الغدة توني نقلت الصحونة ودخل أسـر يفر بالسويچ مال سيارة
مصعب : لا هلا جنت مرتاح بالغدة ماشوف وچهك
أسر : مع الأسف عليك انا ماجاي عليك جاي ع أخوي
ابو درع : تعال حبيبي أگعد يمي
أسر : بعد روحي شلونك
مصعب : استغفرلله احس روحي غرت ؟
ابو درع : عليمن !!
مصعب : ع أسـر
أسر : طاح حظك وحظ أسـر
مصعب : دنجب
رحمة : تزقنبوا وسكتوا يلا
سرور : گعدنا كلنا ع السفرة بس ابوي ماكو عادي متعودين ع عدم وجودة
أسر : اريد أخطب
رحمة : منهي ؟
أسر :فاطمة صديقة سرور ؟
رحمة : منهيي بس لا ام زريرات ولك
أسر : أحم أسمها فاطمة ترى
رحمة : ادري يالاغم بس هيَ أم زريرات قير
أسر : ايي اييي بس سكتي
ريحانة : والله خوش بنات وحبابات أمك شگالت
أسر : انا سولفتلها گلتلها صديقة سرور وبنية محترمة فـ أريدها گالت مدام صديقة سرور هاهيَ
سرور : اي والله بنات حبابات وماعليهن صورة مو حلوة
رحمة : اي حبوبة چا قير صديقاتج بعد طبعاً تمدحينهن حتى تلتمن علينا ،
سرور : اي وليش ضايجة ؟
رحمة : احبن سويرة العرمة
مُصعب : شيء نفس سوالفج تحبينها الله يديمجن ،
رحمة : أنجب خايب
مصعب : نوب خوش مطلعة سُمعة ع بنات شيء ام زريرات ، وام صدر ،
ابو درع : أنجب حيوان اتزقنب
رحمة : چا مجذبين حبوبة
مصعب : لا
رحمة : وأنتَ ابو صخام عرس لا الله يأخذ أمانته وماشوف احفادي
مصعب : يالله ياربي اجه الفرج
سرور : مصعب رفع ادي واني ميته من ضحك لحد ما صارتلهم هوسة أثنينهم وهوَ گام عود زعل يحب يداهر ولا يسكت صبيتلهم چاي ومصعب يحجي بطرف خشمه وياها
رحمة : خايب ابو عوينات لاغم زعلت ولك
مُصعب : نعم
رحمة : همداك
مصعب : ترى اريد أعرس
ابو درع : اطلگ ع عرس بعد أخوك
أسر : ههههههههههه اي وعَلي حقه
مصعب : شوفي يمه وحگ محمد إذا أسر خطب تخطبولنا سوى
أسر : لحگتني خرب حظي
مصعب : دنجب
ريحانة : شمالك يمه مستعجل
مصعب : يااااا مستعجل صارلي الح عليكم شگدد بالـ سنة
رحمة : لا تخاف حبوبة مايموت ذاك الزلمة
مصعب : ما احجي وياج انا
رحمة : دنجب ابو الوصخ
ابو درع : رحمة يا زلمة مايموت ؟
رحمة : بعد روحي مصعب عرفه مايحتاج ،
أسر : فهمت قصدج
سرور : كلهم يضحكون إلا أني بعدين أستوعبت يا زلمة
ريحانة : خوش إذا خطب أسر اخطبلكم سوى
مُصعب : هاي گدامك خوية وأنتَ هم انطيتي كلمة إذا تريدها اخطبلك ياها وكلشيء ماكو
ابو درع : اي چا مجذب ماتشوف الظروف وبشنو مرينا وهسه الحمدلله خ يشوف أسر والله كريم
مُصعب : خير إن شاء الله
سرور : خلاهم يصفنون وصعد فوگ اني هم صعدت للغرفة اريد انام يخطب هاي لمسودنة غير تسودنا وياها وهوَ منا شلونه خليت رأسي ع مخدة وغفيت ....
___________________
مروة : اگلك يآس
يآس : ها حبيبتي
مروة : شوكت تعرس والله طگت گلوبنا
يآس : والله ماريد أعرس خليها مِن يجي الوقت الـ مُناسب الله كريم
مروة : ليش هسه شنو منتظر ؟
يآس : بنية تدخل بالي
مروة : لگيت لو لا ؟
يآس : تقريبًا اي
مروة : صدگ منو الله عليك
يآس : فـاطمـة ......
______________________
فاطمة : ها أسـري
أسر : رُوح أسـرج
فاطمة : شگد تحبني
أسر : بگد حـروف القرآن
فاطمة : يعمري
أسـر : وأنتِ
فاطمة : أسـر لتسألني هيج
أسر : ليش ؟
فاطمة : ماعرف شگول حُبك ماينوصف
أشـوفن وچهـَك بـكُلشيء ،
أسر : اويلي يالله اموت بيج كافي أصلاً راح الزم حدودي وياج منا ع ما اخطبج الله كريم
فاطمة : تمام أحسن
أسر : يلا چا أخذي راحتج
فاطمة : انتَ راحـتي .
أسر : عود گلت الزم حدودي بس أنتِ بربوگ ،
فاطمة : انتَ وين ؟
أسر : بيت عمي
فاطمة : ياعمك ؟
أسر : بيت ابو درع عيني
فاطمة : اها يلا لعد أخذ راحتك
أسر : باي يأبه ،
فاطمة : نزلت جوى لگيت أمي تحضـر دولمة .. يمه اريد اروح الـ ميار
شيماء : روحي منو لازمج
فاطمة : منو يأخذني
شيماء : عـلاوي وأبوج موجود ؟
فاطمة : دخل عَلاوي لان جان برى
شيماء : وليدي عرس هم يلا
عَـلي : ها ياستار شكو
شيماء : يمه الدنيا كلشيء ، عليها إذا مستحي من بيت ام ميار نروح نحجي وياها ماتگول شيء هم إيدك
عَـلي : يمه شسالفة صدگ تحجين حتى الأربعين ماطالعه
شيماء : انا گتلك هسه خلي تطلع الاربعين وراها بـ 10 تيام نروح الهم ونسترخص منهم
عَـلي : اي عود الله كريم
شيماء : الله كريم
فاطمة : عَلوشي
عَلي : خير
فاطمة : أخذني الـ ميار
عَـلي : ولا بيه حيل
فاطمة : صارلك ساعة برى ؟؟,
عَـلي : والله تعبان لو بيه حيل چا أخذتج خلي أبوي مايگول شيء
فاطمة : تمام هسه اشوفه
عَـلي : صاعد انام
شيماء : وين نايم خ اصبلك غدة
عَـلي : أكلت برى
شيماء : خوش عوافي حبيبي
فاطمة : صعد عَلي فوگ واني انتظرت ابوي يجي نص ساعة ودخل
رائد : الله يساعدكم
فاطمة : هلا يأبه شلونك
شيماء : الله يساعدك حجي
رائد : ويـساعدكم اريد غدة جوعان
شيماء : صار من عيوني
فاطمة : باوعت عليهم واحد يبتسم لثاني والتفاهم بينهم حلو راح يغسل واجه گعد .. بابا
رائد : ها بابا
فاطمة : أريد أروح الـ ميار ،
رائد : اي وين علاوي
فاطمة : نام لان تعبان
رائد : اها فد شوية وأخذج
فاطمة : تمام
مر الوقت گمت بدلت ملابسي ولفيت شالي دگيت الباب ع غرفة أهلي وطلع بابا
رائد : ها كملتي
فاطمة : اي ..
صعدت بالسيارة وصلنا البيت ميار گتله ... بابا بالليل خلي عَـلي يجيني
رائد : خوش يأبه يلا نزلي
فاطمة : نزلت دگيت الجرس وفتحته ميار نفس الوجهه والملامح الـتعبانه والضعف .. حضنتها وبجيت بوقتها ليش هيج ميار ليش تسوين هيج بروحج ... بس جان جوابها بـرود
ميار : هلا فاطمة شنسوي
فاطمة : لاتكتمين اعرفج مقهورة والله واني مافارغة حتى اجيج عذريني
ميار : دخلي هسه
فاطمة : دخلت سلمت ع خاله زينب وگعدت .. راحت ميار جابت ضيافة واجت گعدت يمي
ميار : شلونج فاطمة الأهل شلونهم
فاطمة : الحمدلله بخير مشتاقتلج والله
ميار : تشتاقلج العافية يروحي
فاطمة : ميار صايرة مثل الباندة الوجهه أبيض والعيون طايحات بنگرة ومحاوطهن السواد .. سكتت ماحجيت وهيَ صافنة بالفراغ گلتلها .. صدگ عقدتوا ؟
ميار : اي
فاطمة : مبروك حبيبتي
ميار : يبارك بيج يوم الالج
فاطمة : تسلمين ،،
زينب : بنياتي شنو مشتهيات اسويلجن عشى
فاطمة : ماريد شيء اني الي تأكلوا نأكل وياكم
ميار : كيفج حبيبتي
زينب : راح اسويلجن برياني للعشى
ميار : تمام
فاطمة : خابرتني سارة رديت عليها ...
سارة : ولج ياماتستحين شلون تعلسيني وترحين ؟
فاطمة : وين رايحة ولج
سارة : بت الحلو جا شتسوين بيت ميار
فاطمة : منو گلج
سارة : خابرت ع سرور وجاوبتني جانت نايمة
فاطمة : تعالي خلي احد يجيبج ،
سارة : هسه اشوف امي
فاطمة : يلا تمام
سارة : بطلي سوالفج ولاتعوفيني وترحين ،
فاطمة : اسفة المرة الثانيية أخذ إذنج
سارة : حتى خشمي أخذيي
فاطمة : ههههههههههه باي
سارة : باي فد نص ساعة وأجيجن
فاطمة : سديته منها ..
ميار : شبيها ؟
فاطمة : مخبله موصاحية
ميار : ههههههه قابل جديدة
فاطمة : سولفتلها ع سارة نوب حولت ع موضوعي اني وأسر
ميار : الله يهنيكم ويهديكم
فاطمة : شكرًا حُبي
ميار : عمري أنتِ
فاطمة : نص ساعة واندگ الجرس راحت ميار تفتحه اسمع صوته يلعلع
سارة : شفتي نذالتها شفتي شلون عافتني وراحت والله مع الأسف ع هيج صديقات هاي ثاني مرة تسويها أول مرة هيَ وأخوها رادتت تروح وماتسألني كملت لو لا حتى يذبوني وياهم الـ بيتي اني اهم شيء عندي الكرامة لميت كرامتي واخذتت تكسي وصلني وهسه نفس الحالة ماخابرتني ولا گالت رايحة الميار شوف بنادم مايجي بعينه شيء
فاطمة : شهگت من كل گلبي .. ولج شگد جذابه أنتِ
سارة : روحي لج اني الجذابة نوب عينك عينك
ميار : دكافي ما أعرف سوالفج عبالج
سارة : انعم الله عليج ولجج مشتاقتلج
فاطمة : غيرت الموضوع وحضنت ميار وبوستها
سارة : يمه لخديدات رايحات ،
فاطمة : شتسوي من الضيم
سارة : ولجن وعَلي لو الـضيم بشر جا گضيته سويته نصين
فاطمة : سوي نصين
سارة : ستري ع روحج لا صدگ اكتلج متحملة عليج
ميار : ريلاكس سارة عضلة
سارة : خالتي زنوبة وينج مالج حس خانگاتج ذني الخبيثات
زينب : ههههههه هلا بسورها ونورها
سارة : بعد روحي شلونج
زينب : يروحي الحمدلله
فاطمة : سارة طبعها فرفوشة وتجامل وتحب تضحك اذا شفتي سارة حزينة فـ تلگيها ع بطنها .
سارة : العباس عليج شطابخة ؟
زينب : سويت برياني
سارة : تدرين طبخج نقطة ضعفي اموت عليج والله
زينب : بعد روحي هم اني
فاطمة : باوعت وخنزرت گعدت تسولف نوب وطلعت ميار شوية من الچوو خلتها تضحك وتسولف وتشارك ويانا الحديث حتى شوية أرتاحينا من شفنا ضحكتها
مرات مـِن تـشوف ضـحكة إنسـان غالي ع گـلبك وتحبه شگد تحسين براحة ..
صار الليل وصلينا وحضرنا العشى فرشت سارة السفرة ونقلنا الأكل وگعدنا نأكل وميار هم أكلت
صار الوقت متأخر وخابرت ع عَلي واجه دخل سلم ع خاله زينب وميار
عـَلي : يلا بنات
زينب : علاوي اگعد شوية
عَـلي : هم يلا الوكت تأخر
زينب : تمام وليدي
عَـلي : اي شيء تحتاجوا خابروني
ميار : شكراً متقصر
فاطمة : طلعنا برى واجت خاله وراي
زينب : مشكورات بنياتي ع جيتجن
فاطمة : عليمن خاله غير أهل إحنا
زينب : بعد عمري والله غيرتوا من نفسية ميار
سارة : صدگ جذب حبيبتي ميار اختنا وأنتِ بمقام أمنا
زينب : بعد گلبي
فاطمة : دگ عَلي هورن سلمت عليها وصعدنا بالسيارة وصلنا سارة ووصلنا البيتنا ونزلت گبل سلمت ع امي جانت گاعدة هيَ وأبوي وصعدت غيرت ملابسي لان الوقت متأخر بـ 12 طفيت الاضوية ونمت .....
_______________
ميار : بعد ما اجن البنات تونست وياهن الحمدلله وتغيرت نفسيتي شوية بس راحن رجعت الـ نفس الكآبة گوا مرت هاي الأيام أحسها شثگلها ع گلبي بس كلما جاي كلما أخسر وزن وأضعف وجهي شاحب وأصفر
مرت الأيام واجه يوم الأربعين
واليوم نروح صارت الساعة بـ 9 ونص باللليل كلها التمت بيتنا اجت الكوستر خالاتي وبيبيتي ورحمة وريحانة وأبو درع هم ويانا لبست بشت مقفل اسود عريض وشال كلشيء ما أخذت بس الغترة خليتها ع جتفي ولا گدرت اذبها جانت بكنتوري محافظة عليها بقيت أشم بيها ودموعي تنزل بهدوء صعدنا بالسيارة وأبو درع قفل البيت واجه صعد گعد يم السايق حركت السيارة وهوَ صاعد ويانا وخوالي بالسيارة الثانية مالتهم ابو السيارة شغل قصيدة مال
" بـاسم الكربلائي "
تَدري الـبنية حمامة
والـيتيِم مُوت الحمَام
والـ تفَارگ حُضن أبوها
ع فَرح تقَرا الـسلام
بـوية ضـلت خَالي هالحچاية الغالي
بالعُيون مات الضوة
هَذا أبوية الـغالي راح أدفنه أبالي .
جنت أشم بالغترة وأبجي لمن گال راح أدفنه بالي ضليت ابجي بصوت عالي
ليش عفتني بوية ليش هذا مومكانك يبعد چروح گلبي جنت گاعدة واكو كرسي فارغ يمي اجه رحمة گعدت يمي غطتني بعبايتها لحد ما سـمعت صوتهن گالن وصلنا تقريبا بالـ 4 ونص نزلنا من السيارة وبقينا نتمشى اني امشي ويـ رحمة وتايهه وريحانة اجت لزمتني من إيدي هوَ يمشي گدام بس كلساع يلتفت علينا غمضت عيوني بتعتب دخلنا
- تـزورون ؟
رحمة : اي يمه چا ليش
- ارتاحن برى بعدين دخلن جوى زورن
ريحانة : خوش يمه
زينب : ميار يمه اجيبلج شيء تأكلينه لا تتخربطين عليَ
- شتردين اجيبلج بابا ؟
رديت علي بتعب :-
- ماريد شيء
- ليش
- ماريد
ريحانة : يمه اخذها وكلها وچيبها
- هوَ ما گال لا سحبني من إيدي ويمشي وياي وصلني للمطعم وهم أخذ مكان معزول وگعدنا بي طلب من النادل أكل ونزللنا بيتزا ومشويات
- أكلي يلا ؟
- ماريد گتلك لتلح ؟
- لتلح ؟؟؟
- اي لتلـح
- أكلي لا أوكلج غصب عنج ولخلقج .
- ماريد گتلك
- استغفرلله
- سكتت ماحجيت
رد بهدوء :-
- ياحبيبتي ياعيني أكلي شوية
- باوعت علي وعيني ماترمش توه يدردم ماستوعبت الي حجاه ... مديت إيدي وأخذت بيتزا وأكلتها وابتسم بوجهي فتحلي العصير وأنطاني يا شربت شوية أخذت قطعة وخليتها گدامه ... أكل انتَ هم
- حـَينتـج تـشبهه حـِنية أمـي عليَ .
- سكتت ماجاوبت بعد أكل هوَ وأخذ أكل الاهله وامي خوالي راحوا يتعشون وصاحوا الأمي مارضت فـ حسب حساب بس امي وأهله گمنا طلعنا وصلنا چانن گاعدات قدملهن الأكل والعصائر
- أكلن يأبه لاتجوعن .
ريحانة : بعد امك جعت انا والله
رحمة : اغديلك فدوة
زينب : مشكور وليدي
- الف عافية
ميار : سكتت اني ما حجيت صارت بـ 7 الصبح اني گلت .. خلي نروح بعد شنو منتظرين
- وين يأبه
- اشوف ابوي لعد وين ؟
- يالله
- حضرنا رواحنا وانطلقنا للنجف هنا حسيت گلبي راح يطلع من مكانه حسيت ريحة ابوي تفتر هنا أحسه يصيحني لزمتني امي من نزلنا من الكوستر دلونا ع قبر مالته واني امشي لحد ماشفت صورته معلگيها ومكانه حلوو وعلي ورد ذبيت روحي ع گبرة وصرخت اني .
سويتهااا صدددگ يااابه والله مالايگتلك هاي النومة گوووم اشتاقيت الحضنك اشتاقيت الصوتك وضحكتك ليش عفتني شلون تعوف عزيزة روحك مكسورة بابا والله جرحك ما يلتئم عذبتني بروحتك
گوم شوف بنيتك شصار بحالها ضليت اشهگكك وابجي
زينب : گومي كافي موزين عليج
رحمة : خايبه كافي ليش تعذبين رويحتج يمه موزين ع ابوج مايرتاح هيج حبوبة گومي
- يلا ميار گومي كافي
ميار : ضلت تنعي بيبييتي وتبجي هوَ أخذ مكان أبتعد عنا واني بس اصرخ لحد ما صوتي اختفى وگومتني امي لان هم شفتها تعبت ماريد اتعبها أكثر غسلت القبر بـ مي ورد وخليت بخور ورا ساعة صعدنا ورجعنا للبصرة اجه فتح الباب ودخلت اني
وبيت جدي راحوا البيتهم لان تعبانين رحمة وريحانة دخلن ويانا شفت الغترة باقية بيدة باوعتله وهوَ جان يدخن باله مويمي سترخصت وصعدتت فوگ ذبيت روحي مع انُ كلي تراب وحالتي حاله بس نمت من تعب گعدتت بالليل متأخرة كلش دخلت سبحت وغسلت جسمي كله خليت شامبو وبلسم ولفيت روحي بالبرنص وطلعت لبست تراك مال نوم مشطت شعري وخليت مرطب شفه ورجعت نمت
مـرت فـترة واني ع وضعي مامتقبله فكرة موت والدي ماگدر اتعود ع غيابة ذكرياتة تعبت عقـلي ،
ابو درع حاول يتواصل وياي بس اني رافضة وماگدر اظلمه وياي ردتت انهي بس هوَ رافض أتصلت عليَ وجنت ابجي اجاني صوته
- ها ميار
- سمع صوت البجي مالتي لان بس شهگاتي تتعالى
- شبيج منو وياج ليش تبجين شصاير ؟؟
- ما صاير شيء بس حباب اعتقني الوجه الله
- سبب البجي شنيي ؟
- ماريد أظلمك وياييي طلگني
- ليش اطلگج ؟
- ماريـدك كارهه البشر ماراح اتقبلك ولا أگدر اشوفك وأصـبح بـوچهك ،
- اطلع گو*د ومن*** إذا صدگ طلگتج
- جنت ابجي واحجي وگوا يفهم كلمة من عندي .. م ا ريدك أفهم ليش تـ تعب وياي ؟
رد بعصـبية :-
- أنتِ مو مال واحد يقدرج ويـحترمج بأجر جايجج .....
____________________
التصووووويت بنات تصويت فدوه
تابعوا حسابي الانستا بـ بايو الواتباد 💋✨
إذا عدكم فد شيء احجوا !!!!