رقيه: طلعت اركض مثل لمخبله ادور على حور مريت من يم النقطة وشفت بكر رحت أركض عليه..... بكررر شفت حور البنيه الاجت وياي من أجيت شفتك تذكرتها موو؟؟؟
بكر: ببتسامه وفرح اي اي هنا نايمه يم أركان بالفراش
رقيه: فتحت عيوني شنوووووو نايمه بالفراشششش
بكر: لالا مو هيج بس هي جتي تبجي ف نامت هنا جوه
رقيه: رحت اركض وفتحت الباب شفتها حاظنه أركان ونايمه بصياح ولج كوووومي
أركان: فزيت شبيج صيحين مشوفيها نايمه
رقيه: شسويت وبيها وخر عنها
أركان: مسويت شي لبنيه تعبانه واني اكدر ارفع دعوة عليكم هسه لان لبنيه اجت منتهيه منكم وماطول جيتي برجلج تعاي سولفي شبيه لبنيه احسن ماروح باجر احقق ويه اهلج
رقيه: سحبت الكرسي وكعدت شتحقق مصدك نفسك انت؟
أركان: فتح عيونه شو متحترمين
بكر: على كيفك وياها لاصيح عليها
رقيه: باوعت على بكر وهديت تمام هاي اسمها حور ابوها ستشهد وامها زوجت وذبتها علينا واحنه ربيناها احنه بيت عمها وابويه يريد يزوجها لان اجاها نصيب زين ميضيع
أركان: يزوجها!! ليش شكد عمرها؟
رقيه: 17سنة واني مابيدي شي أسوي هذا قرار أبويه
أركان: شهل تفكير هذا زين عوفيها بس تكعد أجيبها اني ماخلي احد يشوفها
بكر: امي نطلع اركان هو يوديها
رقية: بتنغوج يلا أمشي
أركان: باوعت شهل خفه هاي الولد اخف من البنيه.... اخذت نفس كمت صليت
حور: فتحت عيني ماذكر شنو صار وراسي يوجعني حيل اباوع زلمه كدامي يصيلي عيوني مغوشه
أركان: شفتها كعدت گبل أشاهدت وقربت يمها
: بصوت مبحوح صلاتك غلط لازم تنزل ايدك
: احنه السنة هيج نصلي نحط ايد فوك ايد
: حرام هاي الصلاة قبل الناس يصلوها علمود يسرقون اصنام ويحطوها جوه ايدهم هيج ويصلون علمود ميشوفهم حرس المعبد
: وللله خوش معلومه... يضحك... يلا كومي خل اوديج على اهلج
: ماريد اريد ابقى يمك
: شني متخافين على نفسچ انتي؟ اني وحدي هنا يعني اذا اسوسلج شي محد يعرف
: عادي سوي ماضل شي اخسره اصلا محد يحبني كلها تريدلي الاذيه أذا هي امي لجابتني ذبتني وراحت وأذتني بقت عليك
: نقهرت عليها يعني بعدها بعمر الورد وهيج عايشه حياة قاسيه وگلبها مكسور
: شنو اسمك انت
: اسمي صبر ....... يطبطب على ايدها
حور: صبر احظني حسيت بحنيه بحظنك
أركان: ولج كومي شحظن منج حرام اطخج ترا أني محرم........؟؟؟؟
: تزلت دمعتي.... بس هل مره
أركان: قربت وحظنتها وهي دفنت راسها بحظني.... احسها بنتي وملكي اول مره احظن بنيه ونوب مو أي بنيه بنيه ترفهه ومايعه وحبابه دخلت گلبي
عدنان: علااااااهن بناتج وين مموجودات بالبيت
حيدر: اني طالع ادورلهن... لبست شحاطتي وطلعت ادور مثل المخبل فتحت باب الشارع ومشيت وصلت نص والدرب وشفت أبن جيرانه يشرب عرك يم بابهم
كاظم : ها حويدر دور على بنت عمك.( بستهزاء) طبت يم العسكري جوه ولسه مطلعت الله وعلم وين وصلو ههههههههه
حيدر: من سمعت كلامه ماضل شيطان ماطب براسي رحت اركض على النقطة دفرت الباب
أركان جنت متمدد اگلب بلمبايل ماحس اله الباب نظرب دفره وكع بالكاع
حيدر: يااااساقطه اليوم اذبحج
أركان: كمزت من مكاني.....منو انت لاصيح ادبسزز
حيدر: اليوم اذبحك انت وياها...ضربته بوكسي خشمه كام يذب دم.... شجنت تسوي بيها متخاف ربك انت اليوم موتها على ايدي
حور: من الصدمه حطيت ايدي على اذاني وصرخ والله مسويت شي
أركان: لزمته من ياخذته وركعته راشدي كسرت وجهه ودفرته على بطنه طلعت دمه دقايق واجه عدنان وابنه منتظر يركضون
عدنان: ولكم وخرو شدسون.. فاككتهم عن بعض بعد ما واحد كسر الثاني
منتظر: حور شسوين هنا!!؟
حيدر: لكيتها نايمه بحظنه هاي الساقطه تريد شوهه سمعته هدني يابه اليوم موتها على ايدي
منتظر: شنوووووووو كمزت لزمتها من شعرها وسحلت بيها الغرفه واسحب بيها صعدتها بسياره وعلي صعد يمها يضرب بيها
عدنان: تفلت بالكاع وباوع على أركان.... مجنت متوقعك هيج عتبرتك واحد من عدنه مع الاسف عليك
أركان: عمي بس خل افهمك الله يشهد ماصار شي ماعليه البنيه هي جانت تعبانه وبس كعدتها على فراشي احلفلك بأعز ماأملك مصارك شي لا تأذوها تعالو عقابوني اني
عدنان: باوعتله بشمئزاز وصعدت بسياره
حور: وصلت البيت فتح الباب حيدر ومنتظر لازمني من شعري جرني طببتي على غرفه وجاب لحزام كام يجلد بيه
علاهن: بصياح يممممممه راح تموتون لبنيه عوفها..... تلطم على وجهه
عدنان: واكف واباوع عليها وگلبي يتگطع تگطع والله ماأرضى أحد يلمسها بس هي جابتها لنفسها تستاهل خل تعرف غلطها.... عفتهم وطلعت للديوان كعدت
حور: بعد ماشال جسمي كتل وتگطع الحزام عليه عافوني وقفلو الباب عليا ضليت وحدي أني ودمي يجري بالكاع متمدده وانتظر روحي تطلع
أركان: احس راسي راح ينفجر سحبت المبايل وتصلت علي بكر
بكر: ها حبيبي ابو صبر
أركان: البنبه اجو اهلها وتعاركنه وذبوحها من الكتل ارجع على نقطه على سريع رايحين نقدم بلاغ
بكر: بصدمه گبل فريت السياره ورجعت امشي طاير
رقيه: راح ننگلب على كيفك
بكر: اهلج جايين على نقطه ماخذين حور وصايره معارك
رقيه: صخام الصخمني نزلني على شارع خل اروح لايشوفوني والله يذبحوني
ـــــــــــــــــــــــــــــــــــــــــــــ
محافظة الانبار
ليث:( أصبحنا وأصبح الملك للله) يلا خويه كعد خل نفتح المكوى نسترزق
جمال: روح انت اني البارحه منايم منعس
ليث: طبعا الليل كله ماطب البيت الله يعلم وين جنت.... اني رايح ساعه ولحگني
جمال: من طي###ك
سارة: صباح الخير عيني ابو الكهرباء على باب يريد الفلوس
أقبال: انا منيلي كليلو ينكلع معندي فلوس
سارة: لبست الشال وطلعت... هلا خويه والله معدنه هل شهر على شهر الثاني
ابو الكهرباء: ترا صار عليكم 400 الف كل شهر ذبو على شهر جايي
أقبال: من باب المطبخ صيح وانت شعليك عساها صايريه 500 اخذ نفسك واشطح منا يلااااا لك
ابو الكهرباء: صدك ناس متستحي بكد امي انت ولا جان عرفت شرديتلج
مصطفى: هيو شكو شهل صايح فوتو جوه
جنت جاي على بنت عمتي سعدية شفتهم مصايحين ويه ابو الكهرباء طبيت على طرمه شفت جمال سلمت عليه بهمس شلونها السهره البارحه مو كتلك ماغشك اني
جمال:خرب بعمي شلون نسوان اليوم هم نروح
مصطفى: بغمزه عندك فلوس؟
جمال ولو بگت من المحل مال ابويه 75 الف
سارة: جنت واكفه ورا الباب وسمعتهم طار عقلي اخويه يروح على نسوان ويشرب عرك لا مستحيل حطيت ايدي على حلكي وطبيت اركض
حور
ب
غرفه صغيره وفتحت شباك قديم داخل منها ضوء النهار فتحت عيني الوارمه بوجع كمت سحلت روحي وكفت على رجلي الترجف ادك بالباب وبصوت تعبان.... رقيه فتحيلي الباب خل اطلع راح اموت عمو عدنان فتحلي الباب والله مسويت شي اني اني نضيفه مو مثل ممفكر
علاهن : حرام عليك عدنان كافي فتحلها الباب
عدنان: الليل كله مانمته التفكير أكل راسي خاف صاير بينه وبين العسكري شي خاف حصلت الرذيله بينهم اني لازم اخلص من هل سالفه كمت ولبست عكالي وطلعت من البيت
أركان: جنت مشغل الحاسبة وداك أسماء مطلوبين ندك الباب ودخل عدنان
عدنان: اني جاي احجي وياك بكلمتين ورايح
: تفضل عمي دخل
بكر: هلا عمي استريح خل اصبلك جاي
عدنان: احنه كلشي ولا سالفه الشرف تريد نسويها كعدت عشاير ونفصل حگنه لو...
أركان: عمي قبل لاتكمل يشهد الله مصار شي من البالك تكدر نروح باجر ونسوي فحص طبي للبنيه
عدنان: انت خطأت وهي خطأت ولازم تتحملون عاقبة اغلاطكم لبنيه بعدمنكدر نخليها بالبيت ولد عمها يردون يذبحوها
أركان: الي تريده يصير اني حاظر شكد تريد مبلغ
عدنان: افا عليك اذا شرفنه نسده بفلوس اني جاي اكلك تزوج لبنيه تريد تكل لهلك ميتكللهم هذا شي راجعلك
أركان: بصدمه شنووووو ازوجها هو لعب جهال ترا لبنيه بكد بنتي
عدنان: جان فكرت قبل ماتنيمها بحظنك أني العندي كتله لو تزوجها لو كعدت عشاير صير وناخذ حكنه منك وتنطرد من محافظتنه.... بعد ماكملت كلامي كمت طلعت وسديت الباب
بكر: هسه شسوي صبر زين اروح اني احجي ويا
أركان: لا خل فكر بهل مصيبه نوب فلوس ميقبلون عمي شسويت اني هي مطلطه وجتي نامت
بكر: ترا انت دخلتها هنا وانت اجبرتها تنام وانطيتها مهدء مذكر لو لا؟؟؟
أركان: زين شكول لهلي غير امي تفضحني اذا درت
بكر: والله اني اكول ازوجها هو سنة وننزل من نريد ننزل طلكها محد يدري بيك ومن تنزل مجاز لاجيب طاري شي وأني هم ماحجي شي أبد
أركان: شنو ذنبها هي هلكد اناني اني وافكر بس نفسي مو الله موجود وراح يطلع حوبتها بيها
بكر: بنت خالتك شرين تنتظرك ترجع علمود تخطبون هم فكر بيها
أركان: حطيت ايدي على راسي واخذت نفس وعروك أيدي تريد طك
حسنة: وينها بنتي اريد اشوفها
حيدر: هسه ذكرتي عندج بنيه
عدنان: افتحلها باب الغرفه خل طب عليها
حور: جنت بين النايمه وبين الكاعده سمعت صوت امي طبت عليها
حسنة: الله يكسر ايدهم ان شاء الله ليش هيج مسوين بيج...... تبجي
: بصوت مبحوح يمه اخذني وياج عفيه لاتعوفني
حسنة: تبجي بحركه وتبوس براسها
حيدر: اذا تريدها اخذيها خلصينه منها
حور: تربعت وحطيت وجهي بوجهه امي ولزمت ايدها..... يمه اجيتي حتى ناخذيني مو؟
حسنة: مكدر اخذج زوجي ميقبل ميردج
حور: بهستيريا ولج ليش سوين بيه هيج حراااااام عليجججج اني بنتج اني بيتج...... تملخ بشعرها
علاهن: طبيت اركض حظنت حور وابجي
حسنة: عفتها وطلعت صعدت بسياره ومشيت للبصره
رقيه: رحت شفت بكر يم التل وضلينه نسولف ونشاقه وگضينه وكت كلش حلو وصار اكو حب بيني وبينه
أركان: جنت كاعد وخنوك الدنيا طالعه من عيني طب بكر
بكر: بحزن تدري شمسوين بحور موتيها كتل الميخافون الله وامها جايه زايدة الطين بله ورايحه
أركان: نعصر گلبي عليها شلون يكتلوها وهي ناعمه مابيه راشدي..... كمت نفضت نفسي وكلت البكر حظر نفسك نروح لبيت عدنان نردلهم الجواب
يتبع في البارت القادم 𓏲🦢🤍
صوتو +علقو تعليقكم يهمني𓏲🦢🤍