مـساء الخيـر ♡
.....................
ألـ غضب 🦅
.....................
البـارت الثامن والعشرين
.....................
بـقـلـمي انا كــوثــر الـ جـاســم
.....................
لتنسـون الايـك
متـابعـه الحسـاب
التعليـق بيـن الفقـرات
....................
( خطوبه )
ملاك : حمااااده ؟؟؟؟؟؟
احمد : اي حماده
ملاك : شلون وليش هيا ما تحبه
احمد : يجي الحب بالعشره
ملاك : اهوووو احمد شلون افهمك
احمد : اعرف كلشي بس الولد عاشكها من الصغر هيج انا قليل اصل وأخذها شبيج أنتِ هوا أنا ما مفكر بالزواج كله
ملاك : مو كرار اخذ حبيبتك ؟
احمد : ملاااااااك
ملاك :( درت وجهي زعلانه لأن يصيح واسمع تنهيداته وريحه الدخان وصلنا للبيت وشفنا اسد الله طلع يركض والولد وراه احمد لزم محمد من صدره وصاح )
احمد : شكووووو ؟؟؟
محمد : أهله مسوين حادث
احمد : اففف وين هما هسه
محمد : بمستشفى ( الاسم )
احمد : بعيده هاي انتضرني نروح سوه
محمد : استعجل
احمد :( غيرت ملابسي وطلعت لكيته منتضرني يريد يسوق رفعت حاجبي وكتله )
... خير ؟
محمد : شكو ؟
احمد : انتَ تسوق !
محمد : اي
احمد : متاكد ؟
محمد : اي شبيك
احمد : يأبه تريد ادخلنا قسم الكسور وره أهل اسد الله
محمد : تشك بقدراتي ؟
احمد : يا قدرات غير حالف ما اصعد وياك
محمد : هههههههه دصعد وشوف جرب يا اخي حب المغامرات
احمد : روح لك اروح مشي وما اصعد وياك
محمد : شبيك مره وحده مو انا اخوك وحبيبك
احمد : شوف شلون يلعب على الوتر الحساس يله امري لله
( صعدت بصفه سحب راسي باسني بوسه شلع خدي ضحكت على سوالفه وخلص الطريق كله يحجي وعلى ساعه يسوي بينه حادث ما يسوق مثل البشر )
... والله هوا مو صوجك صوجي
محمد : شبيك حبيبي
احمد : محمد سوق عدل انتَ شلون تسوق بس فهمني
محمد : هييييج
احمد : محمددددد لا تورطنا الشارع مليان سيارات
محمد : يمعود ما اكدر اسوق بطي
احمد : ما يصير بابا ما يصير
محمد : شكد احبك
احمد : هوا قشمرني بهل سوالف
محمد : لا استغفر الله أنا اقشمرك انا احبك
احمد : اي اي
( وصلنا للمستشفى صعدنه لكينه الولد بالممر واسد الله كاعد بالكاع وأيده على رأسه اشرتلهم شصار فضل كال )
فضل : الحمدلله بس كسور
احمد : الحمدلله الحادث خطر ؟
فضل : كلش والله الله يحبهم وبقو عايشين
احمد : سبحانك ربي
( بقينه ويا وتاكدنه كل عايلته بخير بس عدهم جروح عميقه وكسور بس الحمدلله ما فقد أحد منهم بقو يمه فضل وايليا وصكر وزين راح قبلنا كال تعبان ودعته ونزلت محمد يريد يسوق فتحت الباب وكتله )
... دنزل دنيا لليل وتعبان مالي خلك سوالفك
محمد : شبيك حباب
احمد : محمد
محمد : وخرت وخرت
( كمزت من كشني للكشن الثاني باوعتله يهز برأسه صحت )
... شكوووو ؟
احمد : شوكت تعقل مو صرت بغل
محمد : اهوووو راح يبده محاضرات
احمد : لا والله انوب هوا الما راضي
محمد : اكُلك احمد
احمد : لا تكول
محمد : لا حباب شبيك
احمد : احجي
محمد : صدك رحت الحماده ؟
احمد : اي
محمد : شعدك !!!!؟
احمد : شني تحاسبني
محمد : لا بس شكو تروحله
احمد : يبقه اخوي
محمد : انا اخوك
احمد : اي وهوا هم اخوي
محمد : اهوووو منين طلع هذا
احمد : تكرها لو تغار !
محمد : لا شعدي ويا واكرها بس اخاف ياخذك مني حتى متغير انتَ كايم تحبه
احمد : كلمن معزته بگلبي تختلف
محمد : الصراحه تحبني لو تحبه
احمد : ثنينكم وسد الموضوع لا تلح
محمد : زين اكلك بعد شي
احمد : لا
محمد : راح أكول
احمد : استغفر الله
محمد : شرايك بلارين
احمد : خوش بنيه
محمد : خل نخطبها الك ؟
احمد : حماده يريدها وكم يوم اخذ مشيه ونروح نخطبها اله من عمامك
محمد : صدك ؟
احمد : مجذب عليك ؟
محمد : بس هيا تحبك
احمد : محمددددد
محمد : قصدي ما تحب حماده هيج قصدي
احمد : منو كلك ؟
محمد : يعني تعتبره اخوها لا اكثر
احمد : نخطبها والله كريم معليك انتَ
محمد : ليش عصبي انتَ ؟
احمد : استغفر الله
محمد : تدري احبك
احمد : اي
محمد : شوووووف شووووف شلون متغير حتى ما كتلي انا هم
احمد : انا هم
محمد : بس ؟
احمد : اموت علييييك
( باسني بخدي شلعه شلع صحت بي يله وخر )
... شبيك جاهل شكبرك تصير
محمد : شبيك غير احبنك
احمد : هوا هيج الحب
محمد : اي خويه هيج
احمد : الله يساعد مرتك
محمد : هههههههه
احمد :( وصلنا للبيت امي كاعده بالصاله سلمنا عليها ومحمد بأس اديها وخدودها وتناكر وياها وراح تمددت بحضنها بقت تمسد بشعري بهدوء )
... ملكتي وين
ام احمد : نامت بأجر عدها امتحان
احمد : ها
ام احمد : شبيهم أهل اسد صدك مسوين حادث
احمد : اي بس الحمدلله طلعو منها سلامات
ام احمد : الحمدلله وهوا خطيه شحاله
احمد : يكسر الگلب
ام احمد : اوف يا امي
احمد : الحمدلله هذا الكاتبه الله لا اعتراض
ام احمد : شلونك انتَ
احمد : من تسأليني هذا السؤال حتى لو اكلج زين تعرفيني
ام احمد : انا امك واعرف البگلبك يا بعد گلبي ريت كل الحزن البيك بيه
احمد : اسم الله عليج غاليتي اسم الله
ام احمد : يمه خل ازوجك
احمد : لا يمه لا
ام احمد : الا متى احمد الا متى
احمد : تردين اضلم بت العالم يمه گلبي ما يكدر يحب بعد
ام احمد : مو كلشي حب
احمد : ما اكدر اتقبل اتزوج واعيش حياتي ويا وحده غير الجنت اريدها حياتي الراسمها أبالي ما اكدر اعيش غيرها غلطي رسمت حياتي وياها ما اكدر اتقبل اعيش غير الحياه الرسمتها ابالي
ام احمد : والله ما كاتبها الك شلون يمه تبقه هيج خيالنا مو مثل واقعنا والهذا السبب دوم اكلكم لا تتخيلون شي اكبر من واقعكم لأن راح تتاذون مدو رجليكم على كد الحافكم
احمد : تصبحين على خير يمه
ام احمد : اوف منك
احمد : بداعه تراب ابوي لا تزعلين مني يمه احبج انا
ام احمد : روح يمه ما زعلانه
احمد : احبج اميمتي الحلوه
( بست اديها وصعدت الغرفتي سبحت ونضفتها وكعدت اكمل شغل للصبح بدلت وطلعت للمضيف خبرت جدي وعمامي ورحنا للمستشفى شفنا أهل اسد ابو وامه حيل متضررين بالعنايه بس اخوانه احسن بس كسور واسينات حيل متاذيه صاير عدها كسر بالعمود وكالو احتمال شلل وبعد العلم عد الله )
.....................
ريام : يله حبيبي لازم تاكل علمود اطيب
رحيم : ما
ريام : انتَ ليش عنودي اذيتني رحيم والله اذيتني
كرار : شكو شبي حبيب ابو
ريام : مدري عليمن طالع عنودي حيل موتني
كرار : رحيم ليش عنودي ؟
رحيم : ما
كرار : هههه جيبي انا اوكله
( كامت وكعدت بمكانها توكله وهوا معاند كتله )
... ليش معاند ؟
رحيم : اليد ام
( اريد )
كرار : مو هاي ريام ؟
رحيم : بس هيا مو امي
كرار : شتسوي بآلام ؟
رحيم : مثل حسين أمه كلشي تسويله وتحبه هم
كرار : ليش ريام وحبوبه مقصرات وياك
رحيم : لا بس اليد ام ادلها ماما
( لا بس اريد ام اكلها ماما )
كرار : اي كول الحبوبه لو الريام
رحيم : ماااا جيب امي انا اريد ام حقيقيه هذا حسين يحجي عليها
كرار : شيحجي ؟
ريام : عوفه كرار روح الشغلك
كرار : رحيم احجي
رحيم : يحجي كلام عيب انتَ ادول ما يصير ندوله
( يحجي كلام عيب أنتَ تكول عيب نكوله )
كرار : اي وبعد
رحيم : يدول امك شدت ويا حبيبها وعافتك لأن ما تحبك صحيح بابا
( يكول امك شردت )
كرار : لا مو صحيح كم مره اكلك لا تصدكهم
رحيم : وينهاااا ؟
كرار : رحيم كتلك امك هما طردوها هما حرموها منك هيا تريدك مثل ما انتَ تريدها
رحيم : ليش ما تجي انام بحضنها ابوسها
كرار : إن شاء الله تجي
رحيم : صدك بابا
كرار : الله كريم يله اكل
رحيم : هيا حلوه ؟
كرار : اي تشبهك
رحيم : عيونها هيج
كرار : اي
رحيم : يعني أنا اشبها
كرار : كلش
رحيم : تحبني ؟
كرار : تموت عليك
رحيم : ما احبها
كرار : ليش ؟؟
رحيم : عافتني
كرار : ما عافتك هما ضربوها واذوها وطردوها مو بيدها
رحيم : وين راحت
كرار : الأهلها
رحيم : عدها جهال مثل الوحش
كرار : لا ما عدها
رحيم : شسمها ؟
كرار : عشق
رحيم : حقيقي ؟
كرار : اي ليش ؟
رحيم : عبالي يجذبون
كرار : لا حقيقي
ريام :( وكله كرار كم لكمه وطلع رحت وراه كتله )
... كبر رحيم
كرار : كبر وهوا ذكي كام يفرزن الكلام يحب يكتشف كلشي ويريد يعرف كلشي وهذا الشي صعب خاصتا واحنا هنا راح يترسون عقله افكار جذب وغلط وسلبيات عن أمه وراح يكرها وانا ما اريد اكرها بأمه اريد ارسمله صوره حلوه عنها
ريام : صحيح كرار انتَ مو كلت علي كال ارجعه الامه واعتبره ابني انطي الهم خطيه الولد يريد أمه محروم من حنان الاب الحقيقي والام هم والله ما يصير
كرار : يريدني أوقع عقد علي أخوج ما يتعرضله وانا ما اضمن علي لو اموت
ريام : اوووف بس علي ما مهتم الرحيم
كرار : من راح ارجعه الامه راح يهتمله
ريام : شكد جلب اتمنى احركه
كرار : خيولي حسيييين حسين
( اجه يمشي كوه سمين ومدعبل وكف يمي وكال )
حسين : ها
كرار : رحيم شيقربلك ؟
حسين : ابنك
كرار : هوا اخوك
حسين : ابن فصليه
كرار : منو كلك هذا الكلام
حسين : امي
كرار : عيب بابا الفصليه تشرف راس امك لأن وكفتتتت دم المهم ديربالك تحجي على ام رحيم خوش بابا
حسين : ليش
كرار : تقبل يحجي على امك انتم صغار لا تتعاركون
حسين : ما احبه
كرار : ليش ؟
حسين : امي تكول خيولي
كرار : لا اله الا الله روح بابا روح هسه هذا شحجي ويا
ريام : أمه بربوك
كرار : الله يهديها
ريام : الله يأخذها مخليه رأسها براس الطفل
كرار : رحيم ابن علي ومسجل باسمه من يفطس ويموت اله حصه باملاك علي ما تشوفينها ما تحبه
ريام : يااااا
كرار : توج تدرين
ريام : والله ولا مفكره بيها شكد ادبسز يمه يمه شوف تفكيرها
كرار : تريد بكل طريقه تتخلص من رحيم
ريام : اخليها تقنع علي نرجعه الأمه
كرار : ما راح تقبل تريد تاذي وتذب حركتها بي
ريام : شعرفك ؟
كرار : اعرف هاي السوالف جربي وتاكدي
ريام :( ودعني وراح رحت الايمان حجيت وياها بقت تصيح وتلعلع وما يرجع الامه سحلتها من شعرها وتعاركنه انا وياها ذيج العركه شلعت شعرها بديه ما عفتها الحد ما فاككنه ابوي وهيا تصيح رحت الغرفتي لكيت رحيم مفرفحه روحه من شني ما ادري بس يصرخ تقربت منه أيده حمره حيل لزمتها وصرخ بوجع عرفتها محتركه ركضت خليتله عصاره وبقيت مخليته بحضني نام وهوا يشهك وگلبي يفور ارد اعرف منو حركه اتصل فرات ذبيت حركتي كلها بي خطيه وهوا ساكت محد يتحملني بكده طلعت كعدت يم امي شويه ورجعت اشوف رحيم لكيته يلوب من أيده كعدت اهفي عليها وكتله )
... منو سوه اوه ها
رحيم : ند
ريام : ندى ؟
رحيم : اي
ريام : ليش ؟
رحيم : ما ادري
ريام : خوش يصير خير تعال اسولفلك عن ماما
( خلا رأسه على صدري وسولفتله على عشق وجمالها وسوالفها وقوتها وعنادها حسيته نسى وجع أيده ومندمج وياي دوم انا وكرار نحجيله عن أمه وهوا يفرح بس من يسمعهم يكلوله ابن الفصليه وامك شردت ويا صاحبها وامك هيج وهيج وكلمن يحجي شكل هوا صدك صغير بس يفتهم ويتخبل يبقه يبجي ويصيح اكرها وينسى كل كلامي انا وكرار توصل بي يكول جذابين انتم ومرات يفشر عليها مثلهم الحد ما كرار علمه هذا الكلام غلط بس كلشي نبني انا وكرار يهدمونه هما بسوالفهم )
.....................
صكر :( مرت الايام ابد ما عفنه اسد الله بقينه ويا الحد ما طلعو كل أهله من المستشفى رجعت اروح للجامعه بس امتحن وارجع ابد ما التقيت بيها الحمدلله جماعتي كلهم طبقو بمستشفيات اله انا بعدني رجعت للبيت ضايج شفت فهد توه جاي من الشغل سلم عليه ودخلنا سوه طلع ورقه من جيبه وكال )
فهد : شوف
صكر :( فتحت الورقه ورقه تطبيق باحلى مستشفى امنيتي أطبق بهاي المستشفى من جنت مرحله اولى ومسولف للكل عنها حتى فاتن وجنت كايللها اخليج اطبقين وياي اجيت اطير من الفرح حضنته ابوس بي وهوا يضحك كتله )
... صح ما جنت هاوي الطب ودخلت علمودك بس حبيته لأن انتَ تحبه والله
فهد : بالتوفيق يوم الاشوفك افضل دكتور بالبصره
صكر : خرب تحمست شوف بأجر اداوم مو ؟؟؟
فهد : اي
صكر : ارووووح اخبر الولد
فهد : روح
صكر :( ركضت شوفتها للولد فرحو وعباس صاح )
عباس : شوف الصوندات فادن سونك دكتور
صكر : حجه حجه ابو درع
عباس : هههههه
صكر : من هسه ما اعالج احد ابلاش لا تصيرون لوكين
فضل : خاب دطير هوا ياهو يتعالج يمك اله مخبل
صكر : نشوفك استاذ فضل
فضل : ههههه
زين : وأنا ؟
صكر : يأبه انتَ كلشي ابلاش غير اروحلك فدوه انا وكل الكادر الطبي
زين : ههههههه شوف الكلاوجي شلون يخليني احبه اكثر
صكر : هههههه لكم شباب بأجر اروح للمستشفى يعني اريد لبس برأسه حظ
ايليا : البس قاط
محمد : انجب البس دشداشه
حسن : اي ومن يجي مريض يرفع الدشداشه ويشغل البريك ويدعبل انجب البس برموده
زين : ذوق نعل حبيبي البس فستان
صكر : شكد تافهين أولي احسلي
الولد : هههههههه
فضل : تعال ليش ضجت البس كلابيه نوم
صكر : هيهيهي ضحكتني
حسن : شكو فرحان تره راح تاكل نعل
صكر : مو شغلكم
( رحت الغرفتي ادور شي البسه بأجر كلش متحمس وضوجوني بكلامهم حسيت احد حضني من وره دفعته وصحت )
... وليييي
زين : شبيك ما تتحمل شقه
صكر : كسرتو واهسي
ايليا : والحسين نتشاقه
محمد :( دفعته على الجربايه وصحت )
... اكعد خل نشوفلك لبس حلو
ايليا :( بقينا نطلعله لبس وهوا يلبس ولازم واحد من عدنا ما يقتنع صارت الغرفه كلها ملابس الحد ما اقتنع واحنا اقتنعنه كمنا وكناله )
... يله احنا نروح
صكر : والغرفه ؟
زين : نضفها
صكر : وما تساعدوني هيا هاي صداقتكم مع الاسف
محمد : لك هاي شينضفها
صكر : يلا حبابين خطيه امي تتعب
ايليا : شلون عطلات
( ساعدنا بالتنضيف وكلساع واحد يتعارك ويرجع يهوس الملابس الحد الليل يله خلصنا نزلنا نتعشى سوتلنه ريتاج جاي زين ضحك وصاح )
زين : خاف اتسمم
فضل : تسمم وانجب
ريتاج : شتقصد زوين
زين : هيج سلامتج
ريتاج : تره مرتك سوته
زين : مرتي شاطره وين اكو مثل مرتي
فضل : اييي
زين : يمه عليج الله منو احسن وحده بجناينج
أم عباس : كلهم يخبلن
ايليا : اي عمه مفوله بالحظ جناينج كلهن يخبلن
زين :( ركعته بالخاشوكه وصحت )
... شو تتغزل بنسوانه
ايليا : اخواتيييي اخواتيييي
زين : دنجب
ايليا :( بقينا كاعدين شويه وطلعنا بره كملنا السهره والكل انضم ويانا شويه واجت عشق كعدت يمنه كلش هادى بس تبتسم انتبهت العلي اجه حضنها من وره وخلا رأسه بركبتها وهيا تحاول تبعده لا احد ينتبه بس لزك بيها محد منتبه غيري درت وجهي منهم سمعت علي سلم الكل باوع عليه ورد السلام كاعد بصف عشق وحاضنها بيده )
فهد : لك شوكت أجيت
علي : هسه
فهد : ما حسينه بيك
علي : احسن
فهد : تدري صاير غثيث
علي : من زمان
عشق : انتَ غثيث
فهد : حجت هسه مساع فقيره هسه طلع اللسان
عشق : هههه
فهد : ادبسز تبيعيني علموده
عشق : اي
فهد : شوف شكد ادبسز
علي : جنت يم اسد الله
احمد : شلونه أهله شلونهم
علي : الحمدلله عازمنه بأجر على العشه فرغو نفسكم كلنا نروح
احمد : اي
اديان : السلام عليكم
الكل : وعليكم السلام
احمد : يله شباب اترخص عدي شغل
الكل : الله وياك
علي : احمد جاي وياك
( كمت ويا مشينه شويه وكتله )
... بعدك تحبها ؟
احمد : ههههههههه
علي : شو تضحك
احمد : هيج روح اكعد روح
علي : ما اخذت جواب
احمد : وما راح تاخذ لأن أنا ما ادري تصبح على خير ابو الاكبر
علي : بعدك مبين من عيونك
احمد : من اخذت الفصليه نسيت عشق ؟
علي : لا
احمد : هوا هذا الجواب
علي :( عافني وراح بقيت اباوع على مشيته وحركاته ورجعت كعدت يمهم همست العشق )
... بردانه عشقي
عشق : شويه
علي :( نزعت الستره خليتها على جتافها خلت راسها على جتفي فضل كلها )
فضل : عشق غنيلنه
علي : انجب
فضل : شعليك
علي : ما تغني هاي مرتك تغنيلك
ريتاج : شبيك علي تره جرحتني
علي : ليش ؟
ريتاج : أحسك تستهزء
علي : استغفر الله شبيج
صكر : غير صوتها مزنجر
ريتاج : فهدددددد
فهد : عوفها
صكر : جاي تشوفون التفرقه
زين : والله انتَ مضطهد
حسن : منتعل
صكر : انتَ تغار مني لأن لازم عليك سوالف خايسسه
حسن : دنجب
ايليا : يله عشق غنيييي
عشق : علي ما يقبل
ايليا : وشعليج بي تفضلينه علينه
عشق : لا بس غير هوا
صكر : من الاخير كولي احبه أكثر
عشق : لا والله
علي : يعني تحبينهم أكثر
عشق : اهوووووو ما احب احد عوفوني
فضل : يمعوده تعاي نتشاقه
عشق : لا والله نعست احبكم كلكم تصبحون على خير
الكل : وأنتِ من أهل الخير
علي : انا هم اترخص
محمد : خوب انتَ لازك بيها جنك علج ماي
علي : مو شغلك ابني
( رحت وراها تمشي على الدرج بهدوء شلتها وصرخت صرخه خليت ايدي على حلكها وهمست )
... اششششش انفضحنا عبالهم اغتصبتج
عشق :( ضربته بصدره حيل وصحت )
... لا تستخف ابنيي
علي : ههههه هسه انا ابنج أنتِ امي
عشق : الاثنين كلنا العراق
علي : هههههههه احبج حيييييل
عشق : انفضحنا حيييييل
علي : هههههه تعاي
عشق :( شالني الحد غرفتي وانا مخليه راسي بصدره خلاني على الجربايه كتله )
... عطرك يجنن
علي : عيونج التجنن
عشق : احبك
علي : عيونج مذوبتني لاعبات بحالي لعب بنص شغلي واتذكرهن يضيع الاول والتالي ومن اتذكر صوتج وأنتِ تكليلي احبك اوووو اكمل الشغل بساع علمود ارجع اسمعها مره ثانيه
عشق : تدري شي
علي : لا ما ادري
عشق : مرات اصفن أكول كل الصار الله كاتبه والحمدلله الله عوضني بيك يمكن بعمري كله ما راح الكه شخص يحبني ويتقبلني بكل حالاتي مثلك انتَ هديه من الله الي
علي : وانا مرات اصفن وأحمد الله لأن حبيتيني صح تعبت بس حبج يستاهل اتعبله
عشق :( ابتسمت وتمدد بصفي نومني على صدره حسيت بي كام وغطاني وانسد الباب بهدوء عرفته طلع نزلت دمعه من عيني مسحتها ما اريد ابجي كافي بجي بجيت هواي نمت وانا افكر رحيم شجاي يسوي هسه كبر كام يحجي يمشي كام يكول ماما بس المن يكول يحبونه لو لا اكل نضيف الف فكره اجت براسي كعدت ثاني يوم كلي نشاط سبحت ونضفت غرفتي وتمزمزت ونزلت ساعدت بشغل البيت وكعدت اتابع مسلسل ويا حبوبه طلعت لقطه رومانسيه غمتهم وصاحت )
الشيخه : شلون تربيه طايح حظها
عشق : اكلج حبوبه
الشيخه : كولي بعد روحي
عشق : بس مو تصيحين وتعصبين
الشيخه : احجي ولج
عشق : هسه كلتي على ذول طايحين حظ يعني أنتِ وجدو ما تسون هيج
الشيخه : شوف طايحه الحظ كوميييي منا كومي
عشق : شبيج حبوبه جاوبي هسه شكلت اووي
الشيخه : ولج كومي منيييي كوميييي
علي : خير يا طير شكو شبيج حبيبتي ليش تصيحين
عشق : حبيبتك ؟
علي : بعدين بعدين فوك
عشق : اييي
علي : شبيج حجيتي
عشق : انوب حجيتي بعد بعد صارن نقطتين
علي : لج بعدين
الشيخه : وانتِ شلج غرض بيني وبين حفيدي ها ولج عشيقه
علي : شبيج حبيبتي
الشيخه : ولك هاي هاي ادبسز ما عدها تربيه
عشق : ياااا شسويت
علي : شسوت يا عيني
الشيخه : طلعو هنا ناس ما يستحون كدام العالم يتباوسون
علي : اي هيا شعليها
الشيخه : عشيقه هاي هاي تكلي جدي هم يبوسج ولج عشيقه بلا تربايه
علي : صدك عشق
عشق : هوا سؤال عليمن هذا الصياح والفضيحه حتى الجدو راح تكول كولي اي لو لا وريحي گلبي
الشيخه : شوفها بعدها بعدها الصلفه
علي : مابي شي سؤالها شبيج حبوبه يعني جدي ما يبوسج ؟
الشيخه : كوووم مني هوا انتَ فوسدتها انوب اشكيله منها
علي : هههههه نتشاقه حبيبتي
الشيخه : وخر مني وخر
علي :( دفعتني وكامت تمشي وتحجي علينه سحبت عشق الحضني وكتلها )
... شهل سؤال شعليج
عشق : راح اموت من الفضول
علي : صدك ؟
عشق : والله احس جدي ما عده هاي السوالف
علي : اي والثمانيه اجو من فطر الحايط
عشق : ما ادري يجوز تره مو اله
علي : هاي شلون بيها كتله وتعاي شلون تباعين هيج سوالف
عشق : شعليه هيا طلعت
( عض شفته وتقربلي سمعنه احد يتحمحم كمز وكعت من حضنه تكسرت تكسر دخل جدي صاح بقلق )
الشيخ : شبيج بويه
عشق : ااااخ تزحلكت
الشيخ : كومها يبه علي وتعال وياي عدي كعده
علي : تدلل بويه
( راح جدي شلتها على للقنفه وطكيت رجلها بحركه سريعه كامت تبجي وتصيح )
عشق : طلكني عابتلك كسرت رجلي هوا هيج
علي : اسف بس غير جدي سوه مداهمه
عشق : وانتَ شبيك مو رجلج ورجلج
علي : جا كدام جدي حاضنج صدك جذب مو عيب
عشق : صلاوات عرفت العيب اااخ رجلي يا امي
علي : بعدها توجعج ؟
عشق : لاااا جاي ادغدغني
علي : الحمدلله
عشق : شوف هذا صدك وخرررر علي هوا صوجي
علي : هسه شسوي
عشق : كلشي لا تسوي عوفني بحالي
علي : احبج
عشق : اي مبين حجيتي وحبيبتي وكدامييي
علي : شبيج غير حبوبتي
عشق : اي خوش معليه
علي : تره احبج اكثر
عشق : تره مو وكتك
علي : ههههه تره مابيها شي طكيتها وراح الوجع
عشق : مااااا توجعني
علي : امشي اخذج للدكتور
عشق : جذب ما توجعني
علي : ههههه ليش تردين تشلعين گلبي
عشق : تره توجعني
علي : ريت الوجع بيه
عشق : اي اي
علي : لو ما واكعه جدي يبقه يسأل ويستفسر عبالك مو مكعدج بحضني مغتصبج
عشق : انتَ ليش ما تراعي كلماتك كدامي تره جاي تحرفني وانا طفله والله أكول الامي عليك
علي : الله صدك ؟
عشق : والله
علي : هههههه لج تاخرت خرب بيه اروح ابدل واروح الجدي
عشق : جدي لو دلو
علي : هههههههه
عشق : ليش ضحكت جاي تسلكلي مو ؟
علي : الصبر يا صاحب الصبر احبج حبيبتي
عشق :( باسني براسي سحب رجلي يريد يبوسها لأن تاذيت بسببه بس ما خليته سحبتها ابتسملي وراح لبس دشداشه نيليه وغتره وطلع قبل لا يطلع اخذت الاذن منه اروح الفاطمه وقبل بدلت ورحتلها وساره قررت تسويلنه كيكه وكلنا كعدنه نسولف بالمطبخ واجن وديان وملاك )
.....................
صكر :( كعدت كلي نشاط كملت امتحاني وطلعت للمستشفى لكيت الولد قبلي نزعت نضاراتي وكتلهم )
... خيرر ؟؟
ايليا : وسم شبيك اجينه نشوف شغلك
صكر : دولو لا تفشلوني
ايليا : مع الاسف احنا نفشلك والله ضوجتني
صكر : يله منا
محمد : معليك ايليا مريض وجبته للمستشفي شعليك واحد ما يتمرض
ايليا : اسم الله عليه اي انا مريض شتريد انتَ
صكر : وماكو غير هاي المستشفى
ايليا : مو جنه قريبين واجينه نروح نروح ؟
صكر : تسون فضل
ايليا : فضل لو عباس
صكر : تافهين يله منا
محمد : والله ما نروح نريد نفحص ايليا
ايليا : شني حامل شبيك تجفص
صكر : استغفر الله
( دخلت الغرفه المتدربين غيرت ملابسي ولبست الاب كوت وطلعت سمعت واحد صوفر خرب بيكم فضحوني يا الله صدك كما تدين تدان جنت اسوي هاي السوالف بزوين والله سلط عليه ذول النعالات خزرتهم ورحت للدكتور المسؤل وبديت شغل يوم كلش صعب لأن بعدني بالبدايه ومو هلكد اعرف بس احب ادعيه العالم من يدعولي فد ارتاح والولد بعدهم خرب بيهم ولا يتعبون مخلصينها يباعون عليه ويحشون بالعالم واجه وياهم زوين اجه مريض حالته كلش تعبانه ما عرفت شسوي بقيت لازمه واجه دكتور يعالجه كله دم وخشمه ينزف عضني بيدي روحي شاغت بس بقيت متمسك بي الحد ما تقىء عليه ركضت للحمام ذبيت شكو شي ابطني روحي طلعت حسيت احد يغسل بوجهي باوعت زين وايليا غسل اديه نزعت الاب كوت لأن صار زباله ذبيته وصحت )
... راح اموت طلعوني منا
زين : دوامك ما مخلص شبيك
صكر : كتلك ما ابقى خرب
ايليا :( رجع يتقى وجها اصفر ما تحمل طلعنا من المستشفى وشغلنا تبريد بالسياره وهوا روحه رايحه اول ما وصلنا للبيت ركض للحمام نص ساعه يله طلع ينشف بشعره ويدردم )
صكر : خرب بيك فهد هيا هاي هم مهنه ولج يمه روحي طلعت
ام فهد : خير يمه شبيك
صكر : يمه روحي طلعت كوه تحملت عاف الدنيا كلها وتقىء عليه أجيت اموت
ساره : يا حبيبي هوا هذا الطب جا شتريد
صكر : لج مو عليه طبيش هذا خرب معدتي موتتني يمه حبايه مال معده وذن شيلوهن أنا روحي طالعه ولعبانه نفسي
ساره : اسويلك عصير برتقال
صكر : عععععع كلشي ما اريد كلشي لا تجيبولي حتى ماي ما اريد معدتي تكلب
محمد : دكتور نعال
صكر : انجب ابو التراب
محمد : احسن ما اتخربط بسبب تقىء
صكر : لك انتَ ما شفت العبان نفس ايييع
ساره :( يضحكون عليه وهما كلهم نفس الشي تلعب نفسهم من كلشي ونضيفين بشكل حتى معدلاتهم جانت تسمح يدخلون طب بس تلعب نفسهم من الدم وهاي الاشياء بس صكر دخل الخاطر فهد زين صاح )
زين : طلعت بدون لا تكول للدكتور هسه يكوم يحجي عليك
ايليا : وعاف المريض
صكر : تقىءءءءء عليه تريدني ابقه عادي ؟؟؟؟؟ لك أجيت اموت خرب
الولد : هههههههه
ايليا : حضر نفسك نروح الأسد الله
صكر : شبي ؟
محمد : غير عازمنه
صكر : واشوف اكل ؟؟ ما اروح لأن المنضر لزك براسي اذب فوك الاكل والله
ام فهد : سوده عليه يا يمه
فهد : اسم الله عليج يمه شبيك صكري
صكر : الطب ايععععع
فهد : ليش ولك
زين : واحد من المرضى تقىء عليه
فهد : وشكو بيها
صكر : شني شكو بيها غسلت ايدي حتى بقاصر بعد بس اريد نفط احس بعد بيها ريحه اييععععع فهد
فهد : اكطع ايدك
صكر : خوش فكره
فهد : ههههه
صكر : كله بسببك لو صاير نعال احسن من هاي الشغله بس بسببك
ايليا : الصراحه فهد عوفك منا تعال اكلك طلع هيبه ويشك شك بالشغل ولا عبالك صكير الخايس انوب شغله يجنن صدك دكتور
صكر : جا جذب
فهد : اخوي السبع الطب يرادله أقوياء وانتَ قوي
محمد : يا قوي هاي بعده ما داخل عمليات
صكر : المشكله توني جنت ذاب الجفوف
فهد : لا حبيبي ما يصير تتقرب المريض بدون جفوف خوش لأن تنقل امراض انتبه
صكر : خوش
فهد : ارتاح شويه وكوم بدل نروح الأسد الله
صكر : لازم اروح ؟
فهد : اي لازم
صكر : اهوووو
زين : فهد تره طلع قبل لا يخلص الدوام وبدون لا يأخذ إذن بس لان كلش تعب
فهد : انا احلها
صكر :( صعد فهد وطلعت للحديقه رشيت على ايدي نفط والولد يضحكون عليه صعدت فوك سبحت وفركت ايدي فرك احس بيها ريحه من اتذكر الموقف معدتي تكلب نمت وكعدت على اتصال من علي الدر رجعت سبحت شكلي راح أسبح الف مره باليوم من وره هاي المهنه بدلت ونزلت كلهم مبدلين حتى حبوبه وامي وعماتي وبنين جايه شكلها عزيمه جبيره حيل العرفته متصلين بيهن وحده وحده توجهنه البيت اسد الله دخلنا سلمنا وكعدنا تحمدنه بالسلامه الابو اسد وسولفو الولد سالفتي الأسد ولزموني تصنيف شويه ودخلو زلم ضخام كلش وبالمقدمه رجال جبير بس كلش حلو ومرتب كام جدي وصاح )
الشيخ : شتسووووي هنااااااااا
... اضن تصالحنه ليش ما راضي على جيتي ؟
الشيخ : صهيب حتى لو تصالحنه ممنوع تدخل للبصره
صهيب : ليش مسجله باسمك ؟
علي : احجييي عدل واعرررف ويامن تحجي
الشيخ : علي
علي : اترخص
اسد الله :( لزمته من صدره وكتله )
... شبيك علي كول يا الله هسه مو تصالحتو بعد شكو
علي : لازم تخبرنه هما جاين
اسد الله : بعد صارت يله كومو توضو وصلو على ما نصب الاكل وناكل سوه وبعدين شتسون سوو يله الخاطري ابوي تعبان
علي :( الكل سكت عيب من ابو اسد الله توضيت على اعصابي ورجعت جدي حاله تخربط وجها اصفر اعرف السبب بس شسوي ما بيدي شي كملنا صلاه وكعدنا كلنا على سفره وحده لأن كلنا كرايب كملنا اكل بدون لحد يحجي وبنين بتها بهذلتها اخذتها منها وطلعت بره ادخن وهيا تلعب بالزرع كملو اكل وطلعو يغسلون شلتها ودخلت للاستقبال انطيتها البنين وكعدت جابو جاي كلنا موجودين بقه صهيب يتعرف علينا واحد واحد صفن بوجه بنين وكال )
صهيب : أنتِ اصغر وحده عد غضب
بنين : اي عمو
صهيب : متزوجه ؟
بنين : اي
صهيب : عدج بس هاي الحلوه ؟
بنين : لا عدي بعد ثنين ولد بقو يم عماتهم
صهيب : لو جايبتهم نشوفهم
بنين : مرو علينا
صهيب : إن شاء الله نمر عليكم
بنين : هلا بيك عمو
صهيب : رجلج ابنمن
بنين : الشيخ عمار إذا تعرفه
صهيب : اي شلون ما اعرفه تعاي حدري اشوف هاي الحلوه شسمها
بنين : ذهب
صهيب : صدك ذهب مصفى
زين : شني جدي تحقيق ويا عمتي
صهيب : مبينه صغيره
زين : هيا بنونه تخبل
صهيب : الله يحفظها
بنين : مشكور عمي
صهيب : وانتَ ابو السان متزوج ؟ عدك جهال
زين : اي صار مده من تزوجت اخذت اخت الشيخ علي
صهيب : والنعم من الشيخ علي شلونك يبه
علي : جنت بخير
صهيب : نجر شخصيتك حاده ما تخلي كلمه بگلبك تحجي طك بطك ما تهاب أحد ولا تهتم لاحد البگلبك على السانك حتى لو يجرح الله يساعد التاخذك
علي : ويساعد الاخذنك ههه
صهيب : متزوج انتَ ؟
علي : قريباً
صهيب : إن شاء الله خير اعزمني بعرسك
علي : إذا اتذكر
صهيب : مثل جدك هذا الشبل من ذاك الاسد
علي : ههه مو يكولون الخلف ما مات
( تقربت منه وهمست )
... لو العالم كله ينسى السويته انا ما انسى وعمري كله ما اسامحك لو دخولك للجنه بمسامحتي ما اسامحك وانا علي ابن ابوي
( ترخصت وصحت امي وبنين طلعنا لزمتهن مرت صهيب تحجي وياهن بالكراج وتبوس بذهب صحت بيهن أجن يركضن صعدن ومشينا للبيت امي كالت )
ام علي : لو مخلينه كاعدين يمه شمالك
علي : غير مره يمه غير مره
ام علي : اااااخ منك وشلون تحجي هيج ويا جدك
علي : قصدج صهيب ؟
ام علي : عيب تأدب كول جدي
علي : صهيب الدوني
بنين : علي عيب الرجال ما سوا شي اصلا حباب لو مخلينه بعد
علي : يولي جلب
لم علي : يمه منك ولا تنسى
علي : لو يحطونه على السيبايه ويكلولي سامحه اتفل عليه
ام علي : كافي سد الموضوع
بنين : ليش شمسوي ؟
علي : إذا تعرفين شمسوووي تتفلين بوجها هل حيوان صاير زين هسه
بنين : على كيفك شبيك تصيح
علي : مابيه شي اوصلج البيتج ؟
بنين : اي حباب ولدي هناك
علي :( ضاجت وصلتها البيتها وسلمت عليها شلت ذهب خليتلها مصرف بملابسها ودعتها ورحت شفتها بالمرايه من شافت الفلوس اشرتلي ارجع غلست ورحت للبيت وامي تحجي براسي على ابو عيب الجاي اسوي والله ماكو عيب غير تصرفاتهم الخر* اسامحه على شني وارجع علاقتي بي فد قندره استغفر الله دخلت للبيت من الباب الامامي اضلم بس ضوه المطبخ مشتغل وصوتها اليعزف على اوتار گلبي وهيا تغني )
... حبيب امك ما تقبل من احاجيك
... روحي معلكه بيك
... امك طاغيه يا زين الاوصاف تتباها بجمالك
... خالاتك عليك تغار وتخاف حتى من خيالك
... وعماتك يلقبنك يا شفاف بلنسبه الدلالك
... وانا راح القبنك واسميك روحي معلكه بيك
... واني راح القبنك واسميك روحي معلكه بيك
( تغني وتتمايل وهيا تغسل المواعين باوعت منا ومنا محد اكو بس امي وراحت الغرفتها حضنتها من خصرها وخليت راسي بركبتها كمزت همست بأذنها )
... انا الروحج معلكه بي
عشق : شوكت أجيت
علي : من كلتي حبيب امك ما تقبل من احاجيك ليش ما تقبل ؟
عشق : لأن طاغيه
علي : اكُلها عليج
عشق : ههههه اكعد راحه لا تسوي مشاكل بيناتنه يله منا يله
علي : احبج بربوكتي
عشق : لااا تفشر
علي : تره مو فشار يا حضره الفيلسوفه
عشق : صدك جا شني
علي : معليج بابا سوالف كبار
عشق : شكد مكروه
علي : كلها تكلي بس احس نفسي محبوب
عشق : لا جد انتَ مرات ما تنطاق
علي : صراحتج جرحتني
عشق : ههههه
علي : راح اتعالج نفسياً
عشق : ياااا ههههه
علي : والله انجرحت جرح وما يضمد اله ابوسه
عشق : خوب انتَ كلشي عدك بوس
علي : هوا اكو احلى من البوس بشرفج هيج ينسيني أم الدنيا
عشق : هههههه
علي : تعاي بربوك ليش تغنين صوتج يشك شك فضحتينه بعد ممنوع تغنين
عشق : مو هوا بكيفك
علي : رجلج انا
عشق : كلمن عليه بنفسه ما احب احد يدخل بيه علي حباب
علي : اتشاقه وياج بابا يله اروح ابدل محتاجه شي
عشق : سلامتك حبيبي
( كرص انفي وصعد على الدرج بقيت اتبعه بعيوني الحد ما اختفه بقيت على ابتسامتي ورجعت اكمل المطبخ )
.....................
ايليا :( بقينه كاعدين نسولف وصهيب يسأل ويتعرف علينه ابد ما حبيته بس الولد ذبو ميانه وعزمو البيتنه اباوع على ابوي وجدي كوه كاعدين ومتحملين طلعنا من البيت والكل ساكت ماكو غيرنا يحجي اول ما وصلنا للبيت كنان خبصنا خبص بالعياط والصياح والفشار محد رد عليه لأن لو واحد حاجي تصير مذبحه وكل هذا واحنا ما فاهمين شي رحنا انا وحسن يم صكر بقينا كاعدين بغرفته نمت على رجلين حسن وهوا يمسد براسي ركعت صكر برجلي وصحت )
... بأجر اداوم ؟
صكر : اي اروح للمستشفى
ايليا : وانتَ حسن
حسن : اي
ايليا : بأجر اروح للمعارض
صكر : شتسوي ؟
ايليا : ضجت من الكعده ارد اشوفلي شغله
صكر : مو عدك شهاده انطيها الواحد من الولد يدبرولك وضيفه
ايليا : يمعود ما احب الواسطات
صكر : يا قنادر بس هما عدهم معارف
حسن : انا اقدملك
ايليا : اي حباب تره خست من كعدت البيت وها انا احب اشتغل بس كون شغل سهل وضهري لأن ما احب اكعد الصبح
صكر : من **** إذا هيج
ايليا : لا تفشر ههههه
صكر : وسم لا تضرب
( راح حسن حضنت ايليا ونمت وهوا يضحك عليه يكلي " عدك نقص حنان تعوضه بيه " ما جنت اهتم الكلامه ولا الكلام أحد كلش احب اهلي واحب اضهر حبي الهم ما احب أضم حبي بگلبي وبعدين اتندم كعدنا الصبح على صوت المنبه المزعج كمنا كوه نسحل بروحنا عود هاي نمنا من وكت وين نشاطي البارحه وين اليوم سبحت وايليا دخل سبح وراي طلع من الحمام انا مخلص تبديل تعطرت وطلعت للمستشفى قبل لا اوصل اشتريت لأب كوت جديد نزلت امشي وأسلم على العالم احب اكون علاقات واصادق دخلت الغرفه التبديل غيرت ملابسي جاي البس ب الأب كوت وسمعت صوت ابد ما جنت متوقعه بهذا المكان ضحكتها ترن بأذني رن درت وجهي هيا اي هيا الكسرت گلبي ولعبت بحالي لعب عضيت شفتي الجوه صفنت عليه شويه وكالت بمياعه )
فاتن : شلونك حبيبي ؟ شوفي سوسه هذا بيوم من الايام جان حبيبي
... وخانج ؟
فاتن : هههههه لا انا خنته
... عزااا صدك تحجين هذا الجمال كله وخنتي شكد غبيه
فاتن : هههههه مو بس جمال وفلوس بس اخذت منه هواي اشياء غاليه بعمره ما ينساهن وبس كسرته اخذت عليها فلوس اعيش بيهن مليار سنه ههههه
صكر :( طلعت من الغرفه مشمئز على محروك گلبي من كلامها استلمني الدكتور دك رزايل لأن طلعت البارحه قبل لا يخلص الدوام حيل ضجت من تصرفه خاصتا رزلني كدام زملائي كملت شغلي بلا واهس وطلعت اضوج من المكان الانهان بي واكرها كلش وخاصتا فاتن ما عافتني ابد كرهتني بعيشتي وبالطب كله رجعت للبيت يتغدون سبحت ونزلت كعدت على القنفه مالي واهس حتى اكل كام زين من الاكل كعد بصفي وكال )
زين : شبيك شصاير وياك
صكر : شفت نعال بالمستشفى
زين : فاتن ؟
صكر : اي قندره
زين : شتسوي ؟
صكر : أطبق يعني شتسوي انا اشرد من الجامعه للمستشفى علمود ما اشوفها الكاها كدامي
زين : ختولي إذا تريد انقل الغير المستشفى
صكر : اعوف حلمي علمودها شبيك
زين : جا ليش ضايج
صكر : هذا الدكتور رزلني كدام الكل يكلي تلعب نفسك المن داخل طب ومن هذا الكلام الخايس
زين : خيولي انا احاجي
صكر : ما يحتاج زين خل نروح للزياره انا كلش مختنك حتى لو بس انا وياك
زين : قبل شويه علي كال نروح اليوم بالليل
صكر : والدوامات ؟
زين : بأجر عطله وعكبه هم ناخذ اجازه خمس ايام
صكر : أنوب عطله يومين نرتاح بيها
زين : ههههه انتَ اهم شي عدك الراحه
صكر : لا والله من تكرمت مليت من الكعده
زين : نروح للشط ؟
صكر : شوف هذا الفايخ انا حلكي ما اكدر احركه من التعب
زين : شكد مكروه
صكر : على أساس انتَ المحبوب
زين : محبوب آل غضب انا
صكر : ياهو عفط ؟
زين : كبر
صكر : يطمك وياي هههههه
ايليا : ها خونه حثاله
صكر : بس شوف هذا عيونه تلمع
ايليا : شو تتغزل بيه ما عدك اخوان
صكر : ههههه فرك رجليه عليك الله وانتَ زوين فرك جتافي تره تعبان
زين : تذكر من جنت اكلك فرجني تعبان وتغلس وتبقه تضحك عليه وتكلي
صكر : ادري طالع عماله اي اتذكر بس انتَ دكتور جامعي انا دكتووور دكتور اركض ركض مال زمايل
ايليا : نعال ثبت رجليك
( بقيت افرك برجليه وكلساع يضربني لأن اكرصه لو ادغدغه كملو غده واجتمعنه نسولف ونضحك واستلمنه علي وعشق تصنيف عشق بوخت من الخجل بس علي ولا مهتم ويرد علينه ويغلط ويفشلنه الحد ما مل وطردنا كلمن راح المكان الحد الليل طلعنا السيارات وغراضنا رايحين للنجف شفت ايلين محضره غراضي صعدت وحدي بالسياره لأن كنان اخذ امي وحسين اخذ ايلين ويا ترسو سيارتي جنط اجه علي تحمحم وكال )
علي : اكُلك ايليا
ايليا : كول
علي : محد وياك مو ؟
ايليا : اي بس الجنط
علي : ما تاخذ امي وعمتي ام عشق وياك
ايليا : هااااا
علي : انجب غلس
ايليا : تعال عادي أخذهن
علي : يمعود لا يزعلن
ايليا : بعد بكيفك
عشق :( نزلت بعد اتصالات علي يمه خبصني خبص شافني من بعيد اجه اخذ الجنطه مني وكرص خشمي حيل وكال " اخرتينه " عيبت عليه بلساني ضحك وراح صار كبالي حسين سلم عليه وهوا مدنك وراح كلش حبيت هذا الشي انو من انخطبت الحد الان ما تقربلي ولا حجه وياي وإذا اصادفه يسلم وهوا مدنك وصلت للسياره سحبني من ايدي حيل وكال )
علي : شكلج حسين ؟
عشق : ليش ؟
علي : مو مهم
عشق : سلم عليه وراح
علي : ها
عشق : انتَ ليش ما قربت السياره تره رجليه وكعت
علي : رياضه حبيبتي
عشق : منو يروح ويانه
علي : للاسف امي وامج
عشق : ياااا شكو للاسف هههههه
علي : يعني اتغزل بيج بالعيون
عشق : احلى غزل
علي : بربوك مو كدامهم
عشق : شو انتَ تفتح الموضوع وتذبها براسي شلون كلاوجي
علي : هههههههه شباب ما نطلع ؟؟؟
زين : شو صكر تأخر اروح أشوفه واجي
علي : استعجل
زين : اي
ايليا : جاي وياك
زين : هم حط خشمه
ايليا : انجب
( رحنا نشوف صكر واحنا نتعارك واحد يرفع والثاني يكبس شكد علاقتنه قويه المقويها المناكر البينه على كولت صكر مناكر المحبه دخلنا الغرفه صكر كالبها كلب صحت )
... شتسووووي ؟؟؟
صكر : خررررب مدري وين راح
زين : شنهو ؟
صكر : العلك مالي العلك اختفى
زين : يا علك ؟
صكر : مالي مالي خررررب وين راح يا الله
ايليا : على كيفك هسه نلكا
صكر : دورت الغرفه كلها ماكوووو ماكووو لك انا ما مصبرني غير هذا العلك بي ريحه علي
زين : هسه ندوره انا وايليا اكعد
صكر : ما اطلع منا إذا ما الكا خووش
ايليا :( بقينا ندور انا وزين وهوا ينگ فوك راسنه والولد يتصلون خبصونه طلعت ساعاته ادور بيهن عده محل ساعات طلعتهن كلهن على الميز لكيت العلك ملفوف بوحده من الساعات طلعته ورحت يمه رفعته وكتله " هذا " سحبه من ايدي يشم بي وخلا على گلبه ابتسمنه على منضره وطلعنا وهوا ويانه شد العلك بيده وكلساع يبوسه نزلنا كل واحد صعد بسيارته متوجهين للنجف الاشرف كلش احب سفراتنه للعتبات لأن صدك راحه نفسيه هواي يحجولي الولد عن الائمه وخاصتا الامام علي وبطولاته وكلش استمتع وانا اسمع قصصه واحب من يكولون ابو الأيتام مرات اتمنى اسوي القليل من الهوا سوا مثل دار ايتام لو اساعد الناس بشي قليل احب اقتدي بي )
.....................
عشق :( صعدت عمه ام علي بصفه وانا وماما وره كعدت وره علي عدل صارت عيني بعينه بالمرايه غمزلي عيبت عليه خزرني فطست ضحك يريد يحجي بس ما يكدر مشينا والجو هوى وضلمه بس احنا بالشارع حتى يخوف بس سياراتنه منورات علي كلساع يمدلي شي اكله لو كيكه لو عصير لو جبس )
ام علي : جا هم كول امي عمتي وانطينه
علي : موزين عليجن يمه موزين
ام علي : شتقصد ولك احنا جبيرات
علي : لا يمه انتن صغار وعشق جبيره
عشق : ههههه عمه تردين
ام علي : لا يمه بالعافيه
عشق : احبج
ام علي : بعد روحي
ام عشق : وانا ما تحبيني ؟
عشق :( بستها بخدها حيل وصحت )
... اموووت عليج
علي : احمممم
عشق : خير ؟
علي : هاج عصير
عشق : شكراً
علي : بس ؟
عشق : عيب تأدب شوفي عمه ابنج يريدني اتغزل بي
ام علي : اي يمه تغزلي شكو بيها خطيه وليدي مشلوع گلبه
عشق : يا عمه جا كدامجن
علي : مو انتِ وراهن مشبعتني غزل
عشق : يااا عليييي صدك تحجي
علي : والحسين يمه أنا مضطهد حتى من ابوسها تركعني
عشق : فد جذااااب خوش يعلي صبر
علي : ههههه هاج ككو لا تزعلين
عشق : مااا اريد
علي : راح اكله ؟
عشق :( سحبته من أيده اكل بي بقو يسولفون شويه والسياره صارت هدوء باوعت الامي وعمه غطن وجهن ونامن باوعت العلي من كال )
علي : بسبس يحلو ممكن بوسه
( كولبت عيونها عضيت شفتي وكتلها )
... ترضين لا وأخو زينب اكلب السياره
ام علي : يممممممه علي دخيلك اكعد راحه
علي : شو كاعده يمه
ام علي : توني جاي انام
علي : اي يمه نامي نامي ارد اتغزل بمريتي
عشق : هههههههه
علي : شوف ضحكتها ترد العافيه
عشق : اوووي كافي
علي :( رجعت امي لفت راسها ونامت حسيت احد كرط اذني حكيتها ولزمت وجها )
... لا تتحارشين تره ما اتحمل واسوي حادث
عشق : خل اعضك حباب
( مد أيده عضيتها بكل حيلي روحه فرفحت وخرت وهوا يلوب كال بصوت ناصي )
علي : انا اعلمج اكضج لو ما اكضج
عشق : ما اخاف
علي : اذا ما اشلع السانج
عشق : شلووون
علي : بالبوس
ام عشق : احمممممم
علي : الخاطر محمد مو نايمات اذنجن سدنها لا تخلنها يمنه
ام علي : جا ما تستحي تحجي هيج
علي : يمه مرتي والحسين مرتي
ام عشق : بس كدامنه عيب يمه
علي : شسوي غير شفتجن نايمات طلعتن تمثلن موتنيييي هسه اشمرجن هنا لو تبقن كاعدات لو تنامن صدك
إم علي : تشمرني يبن بطني
علي : ها يمه نبده دراما بنص الليل ؟
ام علي : صاير ولا تنحمل
علي : عشقي تتحملني مو صح
عشق : ايي
ام عشق : قصدك انتَ تتحملها
عشق : ها يمه
علي : شعدي غيرها وما اتحملها غير عافيتي
عشق :( ابتسمت وهنا يدعلنه بالسعاده انوب كعدن يسولفن علي تنهد وكال )
علي : ما ناويات تنامن صدك
ام علي : ليش ؟
علي : موزين عليجن دراسه امريكيه تكول السهر كلش خطر للأشخاص الكبار بالعمر
ام علي : قصدك احنا كبار
علي : يا يمه قابل صغار هوا انا ابنج وشيبت
عشق : من الحب
علي : من الضيم
عشق : قصدك انا ضيم
علي : لا والحسين شبيج عشق اليوم عاجبج تنكدين هواي
عشق : اهوووو ما زعلت
علي : اكلب السياره والله
عشق :( تقربت منه همست بإذنه )
... احلى موته وياك
علي : أسويها ؟
ام علي: يا يمه علي شتسوي استرررر علينه
علي : هههههه
عشق :( بقو يسولفون وهنا يضوجن بي وهوا يضوج بيهن بس كله شقه وانا ميته ضحك مدلي عصير أخذته منه طلع عصيرين الامه وامي مديت راسي من الجهه الثانيه وهمست )
... تدري احبك
علي : احم
عشق : اموت عليك
علي : بعدين گبد عيب جاي نسولف
عشق : ما احبك احبك
( سحبتني امي الحضنها وكالت )
ام عشق : ما تكعدين تتحارشين بي كدامنه
عشق : اوي ماما شسويت
ام عشق : تتهامسين ويا شعدج
عشق : غير رجلي شلون ما أحاجي
ام عشق : غير جاي نحجي ويا
عشق : ماماااا ليش تدخلين هسه من تحجين ويا ابوي الحلو ادخل ؟؟ ها ها
علي : كلامج صح
ام عشق : انتَ مايدها بكلشي
علي : غير العافيه
عشق :( نامن وانا مليت بس احجي ويا علي تفز وحده منهن ما نايمات بس هيج وهوا كلساع ينطيني شي كمت اغفي بس ما اريد انام واعوفه وحده طلعت موبايلي صورت وصورت أدين علي خرب يصلح اصير مصوره مو تصوير كارثي سحب ايدي باسها وأخذ الموبايل شاف الصوره ورجعه الي همس )
علي : يأبه شهل ابداع
عشق : اشتريلي كاميرا
علي : تدللين
عشق : تدري نعست بس شلون انام واعوفك وحدك
علي : نامي حُب انا متعود
عشق : لا ما انام
( خليت راسي على الدجه الموجوده بين الكرسين الإمامين وجهي على علي غفيت وانا اباوع الملامح وجها كعدت على صوت امي تكعدني فزيت الدنيا ضلمه دخلنا بفرع نكدر نشوف قبه الأمير نزلنا يم بيتنه عفنه كلشي بس الفراشات نزلناهن خليناهن ونمنا كلنا من التعب كعدت على هوسه وضوه داخل للبيت وهما يتريكون كالو نبدل ونروح للأمير علي بدلنا وطلعنا كلنا سوه لا قريب كلش على البيت دخلنا للامام وضرب وجهي عطر الضريح والهوى اليجنن صدك راحه نفسيه زرت وكعدت ادعي ودموعي تنزل وحدهن مكان عظيم مكان مقدس مثل هذا يفتح النفس يخلي واحد يحجي شكو شي بداخله طلعت للبنات صلينا صلاه الزياره وقرينا الزياره سمعنا اذان الضهر صلينا وطلعنا لكينه الولد منتضرينه اخذونا الحديقه كعدنا بيها وفرشو سفره مليانه اكل كله جاهز كملنا غده واشترو جاي من اليبيعون بالشارع جان طفل صغير فرح من اشترو منه كملنا اكل البعض رجع للزياره والبعض طلع احنا رجعنا للبيت انضفه لزمت شهم وكعدت خاف يوكع بالماي وهوا يسولف وياي سوالفه تجنن أكثر الاحرف ما ينطقهن عصرت وجها وبسته بشفايفه سمعت واحد تحمحم بصوت عالي )
... شبيك ؟
علي : ليش تبوسينه ؟ انوب ام الطكه
عشق : هههههه وانتَ شعليك
علي : هيج صارت
عشق : اي
علي : جيبي الولد لا تفوسدينه
عشق : لا والله
علي : والله
عشق : محد غيرك فوسدني
علي : هوا أنتِ بربوك من جنتي تلبسين حفاضه
عشق : علييييي والله راح ازعل
علي : شو صاير حساس ابني ؟
عشق : هههههه اكرهك
علي : تدرين اليكول كلمه اكرهك الشخص ويكررها يعني واصل ويا للهيام
عشق : اقنع روحك
( كرص خدودي فرفحت روحي كوه عافني اخذت شهم ورحنا للحديقة توهم راشينها وريحتها تجنن بقه يلعب يمي وانا اتخيل رحيم يمي ويلعب نزلت دموعي بهدوء ما مسحتهن لأن بس رحيم يستاهل ابجي عليه )
.....................
ايليا :( كملنا غده وصكر كال " ارجع للامام ما زرت براحتي " صعدنا بسياره زين والطريق كله حاط العلك على گلبه اول ما دخلنا للأمير " ابو الأيتام " صكر صاح بصوت فزز الكل يبجي ويصرخ ويعاتب بكلام ما مفهوم بس شكله يتشكر من الامام مرت ساعه وهوا على نفس البجي ومجلب بالشباك محد حاجا لأن شافو حالته طلع من الأمام مهدود حيله أجيت الزمه ما قبل سحب كتاب الزياره وكف كبال الضريح وكفنا بصفه انا وزين وبده يقره الزياره بخشوع ودموعه توكع عبالك ضام بگلبه وانفجر بهذا المكان المقدس معقول المختنك يكدر يحجي كلشي هنا ويرتاح سبحان الله بقيت اسمع الصوت صكر الحنون وهوا يقره )
صكر : اَلسَّلامُ عَلَيْكَ يا أَمِينَ اللهِ فِي أَرْضِهِ وَحُجَّتَهُ عَلَى عِبادِهِ أَشْهَدُ أَنَّكَ جاهَدْتَ فِي اللهِ حَقَّ جِهادِهِ ، وَعَمِلْتَ بِكِتابِهِ ، وَاتَّبَعْتَ سُنَنَ نَبِيِّهِ صَلَّى اللهُ عَلَيْهِ وَآلِهِ، حَتّى دَعَاكَ اللهُ إِلَى جِوارِهِ فَقَبَضَكَ إَلَيْهِ بِاخْتِيارِهِ، وَأَلْزَمَ أَعْداءَكَ الْحُجَّةَ مَعَ ما لَكَ مِنَ الْحُجَجِ الْبالِغَةِ عَلَى جَمِيع خَلْقِهِ، اَلّلهُمَّ فَاجْعَلْ نَفْسِي مُطْمَئِنَّةً بِقَدَرِكَ راضِيَةً بِقَضائِكَ، مُولَعَةً بِذِكْرِكَ وَدُعائِكَ، مُحِبَّةً لِصَفْوَةِ أَوْلِيائِكَ، مَحْبُوبَةً فِي أَرْضِكَ وَسَمائِكَ، صَابِرَةً عَلَى نُزُولِ بَلائِكَ، شاكِرَةً لِفَواضِلِ نَعْمائِكَ ذاكِرَةً لِسَوابِغِ آلائِكَ، مُشْتاقَةً إِلَى فَرْحَةِ لِقَائِكَ، مُتَزَوِّدَةً التَّقوى ليَوْمِ جزائِكَ مُسْتَنّةً بِسُنَنِ أَوْلِيائِكَ مُفارِقةً لِأَخْلاقِ أَعْدائِكَ مَشْغُولَةً عَنِ الدُّنْيا بِحَمْدِكَ وَثَنائِكَ... اَلّلهُمَّ إِنَّ قُلُوبَ الْمُخْبِتِينَ إِلَيْكَ والِهَةٌ، وَسُبُلَ الرَّاغِبِينَ إِلَيْكَ شارِعَةٌ وَأَعْلامَ الْقاصِدينَ إِلَيْكَ واضِحَةٌ، وَأَفْئِدَةَ الْعارِفِينَ مِنْكَ فازِعَةٌ، وَأَصْواتَ الدَّاعِينَ إِلَيْكَ صاعِدَةٌ، وَأَبْوابَ الإِجابَةِ لَهُمْ مُفَتَّحَةٌ، وَدَعْوَةَ مَنْ نَاجَاكَ مُسْتَجَابَةٌ وَتَوْبَةَ مَنْ أَنابَ إِلَيْكَ مَقْبُولَةٌ، وَعَبْرَةَ مَنْ بَكى مِنْ خَوْفِكَ مَرْحُومَةٌ، وَالإِغاثَةَ لِمَنِ اسْتَغاثَ بِكَ مَوْجُودَةٌ، والإِعانَةَ لِمَنِ اسْتَعانَ بِكَ مَبْذُولَةٌ، وَعِداتِكَ لِعِبادِكَ مُنْجَزَةٌ، وَزَلَلَ مَنِ اسْتَقالَكَ مُقالَةٌ، وَأَعْمالَ الْعَامِلِينَ لَدَيْكَ مَحْفُوظَةٌ، وَأَرْزاقَكَ إِلَى الْخَلائِقِ مِنْ لَدُنْكَ نازِلَةٌ وَعَوائِدَ الْمَزِيدِ إِلَيْهِمْ واصِلَةٌ، وَذُنُوبَ الْمُسْتَغْفِرينَ مَغْفُورَةٌ، وَحَوائِجَ خَلْقِكَ عِنْدَكَ مَقْضِيَّةٌ، وَجَوائِزَ السَّائِلِينَ عِنْدَكَ مُوَفَّرَةٌ، وَعَوائِدَ الْمَزيدِ مُتَواتِرَةٌ، وَمَوائِدَ الْمُسْتَطْعِمِينَ مُعَدَّةٌ، وَمَناهِلَ الظِّماءِ مُتْرَعَةٌ، اَلّلهُمَّ فَاسْتَجِبْ دُعائِي وَاقْبَلْ ثَنائِي وَاجْمَعْ بَيْنِي وَبَيْنَ أَوْلِيائِي، بِحَقِّ مُحَمَّدٍ وَعَلِيٍّ وَفاطِمَةَ وَالْحَسَنِ وَالْحُسَيْنِ إِنَّكَ وَلِيُّ نَعْمائِي وَمُنْتَهى مُنايَ وَغايَةُ رَجائِي فِي مُنْقَلَبِي وَمَثْوايَ
... أَنْتَ إِلهي وَسَيِّدي وَمَوْلايَ ، إغْفِرْ لِأوْلِيائِنا وَكُفَّ عَنّا أَعْداءَنا، وَاشْغَلْهُمْ عَنْ أَذانا وَأَظْهِرْ كَلِمَةَ الْحَقِّ وَاجْعَلْهَا الْعُلْيا، وَأَدْحِضْ كَلِمَةَ الْباطِلِ وَاجْعَلْهَا السُّفْلى إِنَّكَ عَلى كُلِّ شَيءٍ قَديرٌ..
( سديت الكتاب رفعت اديه وقريت السوره التريح الگلب ودوم اسمعها باصعب اوقاتي )
... بسم الله الرحمن الرحيم
" اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ "
صدق الله العلي العظيم
... السلام عليك يا ابا الحسنين السلام عليك يا ابو اليتامه يمكن ما اعرف اعبر عن البيه بس انتَ تعرف انا تعبان روحي ملجومه تجي آوقات ارجع ما اكدر احرك رجليه ليش ما ادري انتَ عالجتني ومشكوررر منك هواي وانا غلطت هواي ويمكن الله عاقبني بس تعبت يا مولاي تعبت انتَ الامام المحبوب عند الله اشفعلي هذا العلك انتَ انطيته الي بي عطرك بس هذا المصبرني على دنيتي
ايليا :( حجه هواي كلام فضلنا انا وزين نبتعد ونكعد كباله كمل واجه يمنه مهدود حيله مر وكت هواي يله طلعنا من الامام وصكر تعب كلش وعيونه حمر صعدنا بالسياره نزل الكرسي ونام يلجم روحي من يسوي بروحه هيج وصلنا للبيت بدون كلام ولا سلام صعد نام بوحده من الغرف كلها سألت شبي اكتفينه بالسكوت ما نعرف شنرد )
.....................
رنا : ليث والله تبهذلنه مو جنه كاعدين وحلوين هسه لميت الغراض منو يرجع يعزلهن
ليث : هناك احلى
رنا : اكو مسبح صح ؟
ليث : ما ادري
رنا : هااااا تره انتَ كلت اكو مسبح يله قبلت اجي وياك
ليث : اي اكو كلشي تردين سويته الج
رنا : احبك اموت عليك
امجد : ليث
ليث : شو ليث مو خالو ؟
امجد : تعال الغياث خرب شعري
ليث : لك غياث ليشششش
غيث : لتصيح تره ما اشتغل والله
ليث : ليش مخرب شعره
غيث : خيولي عود اتشاقه ويا جنه ابو فد مكروه
رنا : لتحجي على ابني انتَ المكروه
غيث : خوش اني اعلمج
رنا : نننننن
امجد : ننننننن
غيث : ممربينك ادبسز اني خالك
امجد : ولي
غيث : جلب ياهو ابوك
امير : ليش تتحارش بي هوا أني أبو اخاف منه السانه اطول منه
غيث : ربي ربي
امير : يمعود هوا يربيني
غيث : اب قندره انتَ
امير : نشوفك من تصير اب
غيث : لججججج يمه
ام ليث : هاا
غيث : زوجينيييي
ام ليث : خلي نزوج ليوثي بالبدايه بعدين نفكر بيك
غيث : ليوثي من اموت يله يفكر يتزوج لأن خلص مني
ليث : انجب اسم الله يله شيلو الجنط
( طلعت بره الف جنطه اجت ميرا تسحب بجنطه كتلها )
... مالمن ؟
ميرا : ياهنا ؟
ليث : الجنط
ميرا : مالتي
ليث : كل هذني ؟
ميرا : ها اي لا
ليث : اي لو لا
ميرا : اي اي
ليث : شدعوه !
ميرا : مو لبس بيت والطلعه والجامعة وعنايه وكلشي
ليث : هذني افتح بيهن باله بالشورجه
ميرا : تره شويه
ليث : هذني شويه ؟
ميرا : اي عادي هسه مو غيث طلع أكثر
ليث : غيث اذا يروح الابو الأسواق يجيب تشيرت أنتِ مثله
ميرا : لا شبيك
ليث : الله يعيني بس
ميرا : شعليك انتَ
ليث : مو گلبي
امير : ها شتسون
ليث : تعال شوف جنط اختك
امير : شو هذني شويه وين الباقيات
ليث : هذني شويه ؟
امير : اي من اجينه من اربيل جانن أكثر
ليث : الله يعيني بس
ميرا :( باوعت عليه راح امير هز أيده كتله )
... شبي هذا
امير : معليج خبل
ميرا : استغفر الله
( طلعنا كل غراضنا وصعدنا ويا امير متوجهين للبيت الجديد منطقه ولا اروع تجنن وكفنا يم البيوت فدشي بالجمال صح بيتنه هذاك حلو بس هذني راقيات كلش والاضاءه الخارجيه تجنن واهم شي الزرع اعشق الخضار دخلنا للبيت كراج مشترك اهووو يعني كل ما اطلع راح أشوفه شلون بلوه لو باقين هناك احسن بس البيوت منفصلات وكلش حلوات نفس التصميم واكو ليوره حديقه جبيره وبالنص مسبح كلش حلو مسيج خاف امجد يروح يمه بس هم حديقه مشتركه رنا ضحكت وصاحت )
رنا : الله صرنا مثل بيت غضب
غيث : هههههه
رنا : خلي أسبح
ليث : لا الجو بي بروده كعدي
رنا : اوووف
ميرا :( بقينه ندخل بالغراض ما جبنا اثاث لأن هوا ماثث بس كم شغله وملابسنه بدينه نرتب هلكنه وغرفتي ممخلصه عفتها ونزلت شمرت نفسي على القنفه من التعب اجه امجد نام بحضني هم تعب لأن كاعدين من الصبح شويه وحسيت أحد غطانه بس مفتحت عيوني ولا شفته )
.....................
عشق :( ملتمين بالحديقة كلنا بس صكر نام وفهد وعباس وعلي جوه مدري طالعين والبنات كاعدات كتلهم )
... اغنيلكم ؟
ريتاج : علمود علي يعلكج من كرعانج
عشق : عابت هوا صوجي
زين : غني مزيج أنتِ وايليا صوته حلو
عشق : يله
ايليا : شنغني ؟
محمد : احب مال ها خويه مال احمد رياض غنوها
عشق : حافضه بس من ضلمه ودرب عاثور هههه
ايليا : عادي بلشي
عشق : هاي لعيون محمد لان يحبها
محمد : اموت عليج
عشق : ههههههه
... ضلمه ودرب عاثور
ايليا : ليله شتاء وغيم
عشق : روحي اشتهت ملكاك عذبني فركاك
ايليا : ضلمه ودرب عاثور
عشق : ليله شتاء وغيم
علي : السلام عليكم
الكل : وعليكم السلام
علي : شتسون ؟
محمد : خرب بيك علي خرررربت الكعده هسه وكتك تسلم
علي : نعم ؟؟
محمد : عذراً اخذني الواهس بس والله صوتكم يجنن سوه خوب الاغنيه تفيد هيج جو ويا صاحبتك
وديان : والله ؟
محمد : قصدي مرتك
علي : عشق تعاي وراي
عشق : ها اي
عشق :( كمت وراه وكلش متنرفزه من تصرفه متملك كلش وتصرفاته لا تطاق حسيت نار بگلبي من تصرفه وعصبيته المخبيها كوه ليش لان غنيت اليكول سويت فاينه شكبرها دخل للغرفه قبلي كعد على القنفه طلع جكارتين يدخنهن سوه كوه سيطرت على اعصابي وهدئت صوتي وكتله )
... نعم !
علي : ليش ضايجه
عشق : ما ضايجه تتخيل
علي : وجهج احمر تردين تنفرجين
عشق : على شنو شبيك علي !
علي : زعجج تصرفي
عشق : كُلش فوك ما تتصور
علي : امممم حقج بهاي
عشق : حبك صار تملك وتدري اكره احد يقيدني علوش تعرفني من الصغر احب الحريه ما احب احد يفرض عليه شي ليش متغير
علي :( سحبتها من أيدها الحضني صار وجها بوجهي تباوعلي بنضرات مثل البزونه عضيت شفتي وكتلها )
... وأنتِ تعرفيني اناني بحاجتي ؟
عشق : بس ما احب هيج
علي : اريدج بس الي محد يشوفج محد يسمع صوتج محد يحجي وياج غيري
عشق : سجن مو حياه
علي : اغار عليكي من عيوني
عشق : انا الك ليش هاي الغيره يا عمري
علي : مو بيدي هسه أنتِ ما تغارين عليه
عشق : بس من زينب والتسات
علي : هههههههه لج احبج
عشق : يعني والله ما يحقلك تغار من الولد لأن كلهم اخواني وانتَ تعرف
علي : حقج بهاي
عشق :( سحبت الجكاير من أيده وكتله )
... موزين انوب يشرب ثنين سوه
علي : غير من وراج
عشق : شعليه علوووش
علي : تحركين گلبي وتغنين
عشق : ومثلا الجكاره شتسوي ؟
علي : تبرد گلبي
عشق : خل اجرب ؟
علي : No
عشق : تره ما احبك والله
علي : وأنتِ تحبيني حسب المزاج ؟
عشق : اي
علي : شكد صلفه
عشق : انتَ صلف
علي : تضوكين !
عشق : اي حباب
علي : بس على طريقتي ؟
عشق : شلون ؟
( سحب نفس من الجكاره وعيوني تتبع ملامحه قرب وجهي اله باسني ونفخ الدخان خنكني بقيت صافنه بعيونه الحد ما عضني دفعته وصحت )
... اوووي اذيتني
علي : طيبه !
عشق : هوا شضكت كلاوجي انتَ
علي : هههههه
عشق :( كمت اباوع بالمرايه على وجهي واحجي عليه وهوا ولا مهتم شكد ينرفز تقربت منه عضيته بركبته حيل شاطت روحه كرصني ابطني يله ابتعدت وانا امسح على بطني واصيح )
... مكروه كريه ابو النسوان
علي : عود صدك تحجين عشق هوا هذا مكان تعضيني بي
عشق : ابو النسوان لا تحجي وياي شوف كرصتك ورمت بطني ايد لو كرك
علي : انا ابو النسوان رحم الله والديج دشوفي العضه سنون لو موس الخاطر مُحمد
عشق : لا تحجي وياي
علي : بربوك انوب هيا الزعلانه هاي إذا صار اثر شلون اوخره
عشق : مشكلتك تذكر من فشلتني كدام امك وامي ها وكدام جدي وبعد خل اتذكر
علي : قابل شسويت تعاي
عشق :( عضني بركبتي كوه دفعته كمت ابجي من الوجع وهوا مبتسم بنصر عضيت أيده حيل وصحت )
... اكررررهك كريههه طلكني الخايس ابو النسوان
علي : لا تجفصين
عشق : معليك ولي شوف شسويت بيه كامت تحركني
علي : تره ما توجع بس أنتِ حساسه
عشق : شلعت اللحم وتكول ما توجع وخر مني والله بعد ولا احبك
علي : ياهو البده
عشق : انتَ
علي : انا !
عشق : اي
علي : ليش هوا منو عضني
عشق : معليه انتَ ما احبك
علي : انا احبج حييييل
عشق : كول اسف
علي : ليش هوا منو الغلطان
عشق : حتى لو انا انتَ اعتذر يله لأن عضيتني حيل
علي : عمي انا اسف
عشق : اعتذارك غير مقبول
( نزلت اركض وهوا فرفح يصيح عليه خبصني نمت على رجلين حبوبه لزمت أيدها خليتها على رقبتي وكتلها )
... شوفي ابن ابنج شسوه بيه ؟
الشيخه : غير انتِ ما تنحملين
عشق : يا حبوبه انتِ ليش تفرقين
الشيخه : كومي مني ارد انام
عشق : زاعلتج
( ولا اهتمت لفت راسها ونامت طلعت اتمشى رقيه تصلي بالصاله وتبجي كعدت كبالها الحد ما خلصت نمت على رجلها ولزمت وجها بيدي وكتلها )
... شبي الحلو يبجي
رقيه : ماكو شي حبيبتي شعدج كاعده
عشق : شوفي ابن عمج الوحش شلون عضني
رقيه : يا ليش هيج
عشق : لأن عضيته
رقيه : وأنتِ ليش تعضينه
عشق : اشتهيت اعضه ما يصير يعني شلون
رقيه : ههههه مخبله والله وهسه تعاركتو
عشق : اي ما احجي ويا
رقيه : الله يساعده عليج
عشق : الله يساعدني عليه
رقيه : هههههههه اليحب يتحمل
عشق : احبج
رقيه : عمري انتِ
.....................
ساره : ها حبيبي
عباس : نروح نزور ؟
ساره : هسه ؟
عباس : اي هسه الامام فارغ
ساره : اي عادي نروح
عباس :( طلعت بالسياره شويه واجت رحنا للامام دخلت تزور وانا دخلت شفت احد واكف بنص الضريح عرفته من جتافه العريضه لزمته فز وباوعلي عيونه حمر ك انو باجي كال بصوت مبحوح )
... هلا شجابك
عباس : جنت تبجي !!!
... ( كعدت كبال الامام روحي مقبوضه خايف وحاير ومتوتر وگلبي لاجمني معقول يصير هيج معقول كلشي يتحقق يا الله ريح گلبي )
عباس : شبيك حمدمد ياهو غاثك
احمد : جنت يم ابوي
عباس : بهذا الوكت ؟
احمد : العده عزيز بنص النجف ما يخاف
عباس : اي وشبيك ضايج
احمد : جنت احجي ويا وما ادري شلون غفيت
عباس : غفيت ؟؟؟ وشصار احجي
احمد : فزيت على إثر كابوس قبض روحي قبض كعدت عركان وگلبي يخفق
عباس : شني هوا ؟
احمد : انا ما احلم هواي وإذا احلم يتحقق الحلم عباس يتحقق الحلم انا اموت شلون بيه انوب حلمت يم علي يعني يتحقق شلون اتخبل انا اتخبل
عباس : صلي على محمد شني هوا الحلم
احمد : ما اكدر احجي ما اكدر عباس اموت إذا يتحقق خايف احجي ويتحقق دخيلك يابو الحسنين شسوي ياااا علييييي
عباس : غير افتهم شمتحلم احمد راح تخبلني
( عافني وطلع من الضريح يمشي ويعثر عيونه مليانه دموع وجها اصفر ك انو مرعوب من الشافه للحضه خفت لا يكون تلبس لأن نام بالمقبره صعد سيارته ما كدر يشغلها جسمه كله يرجف نزلته وأخذته بسيارتي للبيت اول ما دخلنا راح ملهوف يدور على إخوانه وامه ويصيح طلعو ملاك ومحمد مستغربين حضنهم الصدره وهما مستغربين وضعه حضنه محمد حاول يهدي رجفه جسمه بس مو احمد وضعه كلش متخربط كل البيت التم يباوع عليه ومستغربين وضعه ساره يا الله نسيتها شفت ايليا بصفي وديته ما كال لا راح جابها واجه وأحمد دخل الغرفه أمه وهوا حاضن اخوانه كعدو الكل بالصاله يسألون على حالته وليش هيج وضعه اكيد صاير شي فضلت السكوت إذا يصير زين ويحب يحجي خل يحجي صعدت للغرفه تمددت بملابسي حسيت أحد ينزعني الحذاء باوعت ساره سحبت رجليه وكعدت سحبتها الحضني وكتلها )
... شتسوين ؟
ساره : انزعك حذائك
عباس : ليش ؟
ساره : مبين عليك تعبان
عباس : ميخالف ارتاح وانزعها
ساره : ليش مو مرتك انا ولازم اساعدك ؟
عباس : ميخالف شرياني
ساره : حباب
عباس : روحي غيري ملابسج وباجر اعوضج عن الزياره
ساره : لا حبيبي عادي
( دخلت سبحت وبدلت وطلعت لكيته مغير ملابسه ومتمدد ومخلي اديه على عيونه مشطت شعري وخليت راسي على صدره حضني بيد وحده ونمت )
.....................
ملاك :( الليل كله حاضنه الصدره ويردد سور قرانيه ويبوس بينه وامي تقره قران فوك راسنه اخذني النوم ونمت كعدت الصبح بعده كاعد كمت وكتله )
... شصاير حبيبي
احمد : صباح الخير
ملاك : صباح النور يله محمددد كوم الولد انخسف صدره
محمد : اهووووو
احمد : عوفي
( باسني بخدي حيل وعضني صاح )
محمد : احبك خوش
احمد : انا هم أحبك
محمد : تحب تسولف شصاير لو نغلس ؟
احمد : غلسو
محمد : تدلل هوا صح انا فضولي بس شسوي ادري بيك ما تحجي لو اموت
احمد : انجب اسم الله
محمد : انا جوعان كوم حباب
احمد : يله غيرو ملابسكم وطلعو أكلو
ملاك : جنت يم بابا البارحه
احمد : اي
ملاك :( طلع احمد باوعت لمحمد وكتله )
... معقول روحته الأبوي سوت بي هيج
محمد : شعرفني اروح أسبح
ملاك : مخبل
محمد : تره اعضج
ملاك : ما اخاف
( عضني بخدي وملخ شعري لزمت شعره وكمنا ثنينه نعيط ومحد هد الثاني الحد ما اجه احمد فاككنه وصاح بينه خزرته وطلعت صعد فوك شافني حسن ضم ضحكته وكال )
حسن : شني يأبه جنتي بمعركه
ملاك : معليك
حسن : هسه انا شعليه
ملاك : شكو تحجييي وياي عابت
( دخلت للمطبخ الكل كاعد صارت عيني على علي وعشق يوكل بيها وهيا ما تقبل وكالبه وجها الله يساعده عليها وريتاج تهدد بفضل ما ادري على شنو بس حركاتها توحي للتهديد وزين مكعد شهم بنصهم هوا وفاطمه وصكر صافن بغير عالم صارت عيني على اديان ابتسمت بوجهي درت وجهي منها وكعدت بصف احمد شويه واجه محمد ومرته كلبت وجهي وهوا كولب عيونه كعد بصف احمد من الجهه الثانيه احمد كال )
احمد : تصالحو
ملاك _ محمد : ماااا
احمد : تصالحو لا ازعل منكم والله
محمد : ختولي
ملاك : انتَ ولي
احمد : كاااافي
ملاك :( دنكنه ناكل بدون حجي خلصنا اكل وشلنا السفره صار موقف فطسني ضحك رحت شاورت محمد وهوا فطس ضحك حتى كام يكح احمد باوع علينه وضحك انتبهنا البعض وكتله )
... احنا مو متعاركين
محمد : شو انجبي عركه ****
ملاك : ايععع الفاضك
محمد : خل نتصالح !
ملاك :( مد إصبعه خليت اصبعي بصبعه وبسته تفل على إصبعه وصاح )
محمد : سوالف زعاطيط
ملاك : عابتلك محمد شكد مكروه
الشيخ : يله بويه نتوكل
ملاك : عزااا بعدني ما مبدله
احمد : جدي انتَ روح احنا نجي وراك
الشيخ : لا تتاخرون
احمد : إن شاء الله نبدل ونجي
.....................
عشق : روح والله ولا اروح وياك
علي : شني هيا بربج عشق انا البس هيج شني جاهل
عشق : لو تحبني جا لبسته
علي : لج بابا مال زعاطيط
عشق : ما ما البس مثلي علمود نصير نفس الشي
علي : اللهم طولج يا روح لج بابا شهل سوالف
عشق : هوا صوجي حبيتك
علي : يعني تحبيني ؟
عشق : لا اكرهك اموت منك فد مكروه وغثيث
علي : بعد روحي انتِ المحبوبه
عشق : يله روح
علي : لا ابقه وياج
عشق : لزززكه
علي : انجبي بلا تجفص
عشق : اففففف
علي : تعاي گبد انطيج بوسه اعدل مزاجج
عشق : عيعععع
علي : عيع بعينج الخبله
عشق : لا تغلطططط
علي : جا مو أنتِ البديتي
عشق : فد اكرهك
علي : جرحتيني جرح ما يطيب العمر كله
عشق : اوووي فدوه
علي : ههههه شوفي البس هذا ؟
عشق : ما ذاك
علي : عشق والحسين راح اكتلج كتله
عشق : اهون عليك
علي : شتهونين عليه كون قبل لا افكر امد ايدي عليج يكسرها ابو الحسنين
عشق : إن شاء الله
علي : شكد بربوك
عشق : انتَ بربوك
علي : دخيلك يا علي خلصني من التجفص
عشق : يعني تريدني اموت !
علي : هسه ياهو جاب طاري الموت
عشق : انتَ كلت دخيلك يا علي خلصني من التجفص
علي : اي يعني تبطلين تجفص
عشق : ما
علي : ااااخ اااااخ
عشق : خل اعضك ونروح
علي : تحجين صدك شوفي ركبتي اليوم ضامها كوه
عشق : جا ما اروح
علي : بس بيدي ؟
عشق : ما
علي : جا وين ؟
عشق : اممممم بركبتك
علي : جؤؤؤؤ
عشق : ما ما تقشمر عليه اصلا الايد ما توجع
علي : والحسين توجع
عشق :( سحبت أيده عضيتها حسيت سنوني تكسرت أيده شكد قويه عابتله وخرت وهوا فاطس ضحك لزمني من شعري ودحس راسي بصدره استنشقت عطره دائما الشخص المميز يكون عطره مميز عضيته ولا اهتم بقه حاضني باسني برگبتي وابتعد مبتسم غير ملابسه وعدلت شالي وطلعنا كال نروح للسيد نشوف ليش نتعارك واختنك حيل مرات اكرها صدك وجسمي تطلع بي بقع حمر عبالك حساسيه وشعري يتساقط رحنا للسيد بيته قديم بس كلش مرتب وعطره طيب ويريح النفس دخلنا ولد شاب للاستقبال صغيره بس كلش مرتبه وبيها ريحه بخور اول ما شميته نزلت دموعي باوعلي علي مستغرب مسح دموعي وحضني الصدره دخل رجال جبير بالعمر بس وجها كلش مريح للعين ك انو عالم دين أو هيج شي كام علي سلم عليه صفن بوجهي تثاوبت ابتسم وباوع العلي وكال )
... زوجتك ؟
علي : خطيبتي
... اسمج عشق ؟
عشق : هاا
علي : اي شمدريك
... كعدو
علي :( كعدنه وهوا مبتسم بوجهنه كتله )
... خير سيد
... كل الخير ابني كل الخير
عشق :( خلصتها اثاوب ودموعي تنزل ابتسم باريحيه وكال )
... عليج عين حيل قويه
عشق : ها
علي : وشلون ؟
... احجيلي
عشق :( بديت اسولفله كلشي صفن شويه باوع العلي وكال )
... صار شكد على علي الحاله
علي : من خطوبتنه
... هاي عين وحسد وأنتِ ما تحملتيها
علي : معقول العين هيج تسوي انا فكرت عمل
... ابني العين كلشي تسوي وهذا الشي مذكور بالقران
بسم الله الرحمن الرحيم
" قُلْ أَعُوذُ بِرَبّ الْفَلَقِ * مِن شَرّ مَا خَلَقَ * وَمِن شَرّ غَاسِقٍ إِذَا وَقَبَ * وَمِن شَرّ النّفّاثَاتِ فِي الْعُقَدِ * وَمِن شَرّ حَاسِدٍ إِذَا حَسَدَ "
" صدق الله العلي العظيم "
" بسم الله الرحمن الرحيم "
" وإن يكاد الذين كفروا ليُزلقونك بأبصارهم "
" أَمْ يَحْسُدُونَ النّاسَ عَلَىَ مَآ آتَاهُمُ اللّهُ مِن فَضْلِهِ فَقَدْ آتَيْنَآ آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُمْ مّلْكًا عَظِيمًا "
" قال رسول الله ( صلى الله عليه وسلم ) "
" الْعَيْنُ حَقٌّ، ولو كانَ شيءٌ سابَقَ القَدَرَ سَبَقَتْهُ العَيْنُ وإذا اسْتُغْسِلْتُمْ فاغْسِلُوا "
... يجوز عين مقصوده ويجوز احد غافل عن نفسه ومن شافكم ما صلى على محمد وبتي عشق ما تحملت مرات العين تكون من الاعجاب وبغير قصد ف لازم الشخص إذا شاف شي كدامه طفل عروس شاب حلو بيت جديد او شي يعجبه يصلي على محمد ويذكر اسم الله واهل البيت بكلشي علمود ما ينصاب الشخص بالعين
علي : عفوك يا الله وشلون سيد شني علاجها تبقى هيج
... سهله ابني هسه اسويلها حرز تبقه لابسته علمود يبعد العين عنها وأقره عليها سور
علي : شلون ؟؟؟
... ايات قرانيه واسمها يحفظنها
علي : بس ؟
... باعي بنتي دوم سمعي سوره الاخلاص وسوره الفلق وسوره الفاتحه وسوره الناس تقرينهن تسمعينهن كل يوم تشغلينهن بالبيت
عشق : اي
... علي ابني كل يوم خلي ايدك اليمنى على رأسها وردد
" اللَّهُمَّ ربَّ النَّاسِ ، أَذْهِب الْبَأسَ ، واشْفِ ، أَنْتَ الشَّافي لا شِفَاءَ إِلاَّ شِفَاؤُكَ ، شِفاءً لا يُغَادِرُ سقَمًا "
" أَرْقِيكَ مِنْ كُلِّ شَيْءٍ يُؤْذِيكَ ، مِنْ شَرِّ كُلِّ نَفْسٍ أَوْ عيْنِ حَاسِدٍ اللَّهُ يشْفِيك بِسْمِ اللَّهِ أَرْقِيكَ "
علي : إن شاء الله
... إذا عدكم حجيه بالبيت اكيد تعرف بهاي الشغلات
علي : عدنا الله يحفظها النا بس جنت خايف عمل وما ردت اخوفهم
... لا الحمدلله مو عمل بنتي عشق من تطلعين أو أحد يشوفج حاولي تقرين سوره الفلق تحرسج
عشق : إن شاء الله
( بقه يحجي هواي راح شويه واجه انطاني شي صغير ابيض خلا بيدي وكال " لبسي " خليته بيدي وكف على راسي يقره خلصتها اثاوب ودموعي تنزل كمل وراح كعد وكال )
... هذا بخور وحرمل شغلو وكت المغرب
عشق :( أخذه علي وحجه شويه وكمنا علي ودعه جاي نطلع وكال بصوت هادء )
... علي اريدك
علي : نعم !!!
... نكدر نحجي عن انفراد
علي : عشق روحي للسياره
عشق : منتضرتك
( صعدت بالسياره والحرز بيدي منتضره علي تأخر حيل انفتح باب السياره حيل فززني سحب الحرز من ايدي بقوه ونزل السيد بالباب مبتسم ابتسامه حزينه سحب أيده وخلا بيده واجه وجها احمر وعركان حتى خفت اسأله شصار كوه تشجعت وكتله )
... شكال ؟
علي : ما كال شي
عشق : ليش انفعلت
علي :( وكفت السياره على صفحه ودرت نفسي عليها اخذت وجها بديه وكتلها )
... تعرفين شكد احبج ؟ عشق أنتِ النفس الاتنفسه اعشكج عشك مخابيل خوش كل يوم حبي يزيد الج تعرفين انا احبج شايفه واحد يحب ياذي لا انا الخاطرج سويت كلشي احرك العالم لعيونج وحك ابو الحسنين يكولون انا اناني بس انا مو هيج صح اريدج بس الي بس ما اوصل الهيج شي وكلشي سويته علمود ما تتاذين
عشق : شبيك ليش اديك ترجف حباب لا تخوفني
علي : ما تعوفيني ؟
عشق : ما اعوفك
علي : وعد ؟
عشق : وعد
علي : تذكري وعد الحر دين
عشق : انتَ هم اوعدني ما تعوفني
علي : ما اعوفج لو تصيرين اذيه الروحي
عشق : انا هم مستحيل اعوفك
علي : احبج
عشق : انا كُلش احبك
علي : تحبيني مو ؟؟
عشق : اموت عليك
( رجع يسوق ولازم اديه كلساع يباوعلي عبالك راح اشرد صار عدي فضول قوي اعرف شكال السيد ليش هيج صار بي بس ما أكدر اسأله وضعه ما يسمح وصلنا للامام لبست العباء وساعدني وكلساع أعثر بيها كوه امشي تواصل ويا الولد الحد ما وصلنا الهم اخذ حبوبه على صفحه ما اعرف شحجه وياها شويه وصاحني رحت امشي وياهم واحس راح انجبح على وجهي عثرت بالعبايه وهوا لازمني وحبوبه تحجي عليه الحد ما وصلنا بمكان من أبواب العتبه دخلنا اكو ثنين ساده كاعدين سلم عليهم علي وحبوبه حجت وياهم انطوني حرز نفس ذاك أخذته حبوبه طلعنا بره اشترت علك وشدته بي وكالت )
الشيخه : ضمي بصدرج
عشق : يا بالشارع
الشيخه : ياهو يباوع
عشق : يا
علي : حبوبه عشق ما متوضيه اخذها للحمام هم تخلي بصدرها وهم تتوضه ترحين ويانه
الشيخه : لا شعدي وياكم رايحه ازور
علي : خل اوصلج
الشيخه : روح ولك شايفني جاهل
علي : هههه براحتج
عشق :( راحت حبوبه واحنا رحنا للحمامات دخلت وهوا انتضرني بره توضيت وخليت الحرز بصدري وطلعت لكيته يدخن لزمت أيده وكتله )
... انا اجيت
علي : هلا وميه هلا
عشق : الماي بارررد ثلج
علي : مبين اديج جامده
عشق : اي والله جمدت
علي : سوده عليه
عشق : اسم الله عليك اكُلك علوووش
علي : عيونه
عشق : احم ليش رجعت الحرز الذاك السيد وشكال
علي : مو مهم بتي سوالف تافهه تعاي نزور ما ضل وكت
عشق : اوووف
علي : عشششق
عشق : تره بعد وكت شعدنا
علي : نريد نروح للمقبره
عشق : يمه شعدنا
علي : نسلم على الموته
عشق : لا علي حباب انا اخاف
علي : شبيج هما ميتين قابل يطلعون علوا لو طلعو
عشق : يمه لا تخوفني زايد
علي : هههههههه
عشق :( وصلني للبنات دخلت ازور ويا ماما صلينا وكملنا زياره وطلعنا كالو نروح للمقبره رجليه بقت اطكطك شكد اخاف من اسمها مو انوب اروحلها محمد هم عارض لأن يكره التراب بحيث ابو يزوره من بعيد ويدري بالولد يسبحونه بالتراب مرت من عدنا جنازه شايليها زلم ويصيحون " لا اله الا الله" عمه ام احمد كالت هذا شهيد لأن ملفوف بعلم عراقي صارت رجفه بجسمي وتجمعت الدموع بعيني سحبني علي و صعدنا كلمن بسيارته اباوع على القبور اشكال الوان اكو بيهن حيل طوال واكو مثل الغرف علي كال ذن " سراديب " واكو صور شباب هواي وكلهم صغار نزلت دموعي وانا أقره أعمارهم التوجع الروح شكد صعبه الله يساعد اهلهم واكو اطفال واكو كبور مهدومه ومحفره تخوف واكو كبرين مخلين عليهن نزله عرس بيضه وتاريخ وفاتهم صار شهرين بقيت ابجي خنسه وانا اشوف اشكال الوان واليقهر صغار صغار يا الله واكو حيل كبار ومن زمان ميتين وكبورهم منسيه واكو بعدهم كبورهم بس تراب واكو كبور تجنن كلهن ورد ومزينات فزيت من صفنتي على صوت علي يصيح )
علي : عشق شبيج ؟؟
عشق : ها
علي : ليش تبجين
عشق : معقول هنا نهايتنه ؟
علي : كلنا بالنهايه ذكرى
عشق : يعني ؟
علي : ما يبقى من عدنا غير الكلمه الطيبه والعمل الزين والناس تبقه تترحملنه لو أعمالنا سئيه وما نحب أحد وما نخالط أحد ونقلل من قيمه البشر من تموت كلها تنعلك ما سامعه يكولون اعمل لاخرتك هم تبقه الك ذكره حلوه وهم الله يحبك ويغفرلك كم ذنب
عشق : يعني كلنا نموت ؟
علي : اي وتبقى بس سوالفنه وذكرياتنه
عشق : لا حباب انا اخاف
علي : اليحب الله ما يخاف
عشق : شدخل ؟
علي : خلي ايمانج قوي راح تتمنين تموتين
عشق لا حباب والله اخاف
علي : اموت وياج علمود ما تخافين
عشق : وتسوي سوالفك السرسريه الله يشعلنه بنار ونفط ما اريدك
علي : جفصت يالكائنات
عشق : شبيك والله اخاف
علي : بس الجبان يخاف
عشق : انتَ جبان
علي : نزلي لج لا اكتلج
عشق :( عيبت عليه ضحك ونزل نزلت مقبرتنه فارغه مدفون بيها بس زمرد وابن علي وأبو احمد بقو الولد يفترون بيها وجدي وعمامي راحو يزورون كرايبهم وملاك وأحمد يم قبر ابوهم محمد بالسياره صكر صاح )
صكر : خواف ما تنزل
محمد : معليك
زين : انزل زور ابوك
محمد : مشكور أزوره منا
ايليا : تزوره عن بعد هههههه
محمد : هيهيهي لموله ضحكه
حسن : لا جد ليش ما تنزل
صكر : جد لو جده
حسن : تافه احجي
محمد : مخبل انزل علمود يسبحوني بالتراب
حسن : انا انطيك الامان انزل
محمد : على أساس شلون امان صكير طكه زيج
صكر : ما يستاهل
الولد : هههههههه
زين : كافي جلاب فوسدتو الموته
عشق :( فطسنا من الضحك علي خزرنه وصاح كلها سكتت بس بينه ضحكه ايليا كال )
ايليا : اكلك حميد إذا تموت شلون
محمد : سهله حركوني
ايليا : مو احنا هنود
محمد : تره احجي صدك حركوني
زين : صكر مو كتلك لا تخلي يتابع هندي وياك
صكر : خوب انتَ ما عدك غير صكر شصار وصحت صكر عابت الهاي الخلقه
زين : خلقتك الجايفه
ايليا :( طلعت جهازي اتصلت بغيث اول ما رد صحت )
... لك تدري احنا وين والعباس تمنيتك ويانه
غيث : وين على الشط
ايليا : لا بالمقبره وشلون اشتهيتلك مكان اندفنك بي
غيث : يومك گبل يومي جلب
ايليا : إن شاء الله اموتكم كلكم على ايدي
غيث : اليكول مزوجنه مو اموتنه
حسن : لا انا شفت قبور عليهن نزله عرس فد انقهرت
غيث : الله يرحمهم كلمن ويومه لا اعتراض على حكم الله
عشق :( بقو يحجون ويضحكون انقبض گلبي من الحديث فهد وعباس رزلوهم شفت علي عينه على قبر ابنه تقربت منه وكتله )
... روح زوره
( ابتسم وراح كعد يم القبور طلع كتاب صغير من جيبه وبده يقره سوره يس بصوت عالي الكل سكت على صوته اخذت ماي ورد وبخور ورحت يمه ابتسمت بوجها ورشينه على القبور وشغلنا بخور وكفت بصفه قرينا سوره الفاتحه ورجعنا يم الولد شويه وطلعنا من المقبره وگلبي مقبوض بعد الشفته هاي تاليت البشر ؟ معقول ؟ كل هذا الاهتمام والدلال وناس تحجي على ناس وناس تكره ناس وناس تبوك وناس تسوي محرمات معقول ما جاين هنا الدنيا تخوف والمقبره ترعب يكولون الاعماله زينه ما يخاف انا ما اخاف انا اكره الوحده شلون ابقه وحدي واهلي يعوفوني بضلمه مجرد التفكير رعب رجعنا للبيت جابو الولد اكل ما اكلت نمت الحد الليل كعدوني نروح للكوفه ومناك الكربله بدلت وكوه طلعت وياهم رحنا للكوفه كلش حلوه وكاتبين على كل غرفه هاي غرفه الامام علي وهاي غرفه ام البنين وهكذا يخبل يخبل بقينه ساعتين وطلعنا الكربله ساعتين ودخلنا كربله تجنن صدك تفتح النفس نزلنا يم بيتنه شفت الولد بالكراج يخابرون بغيث وامير جذبني اسمع الحديث )
امير : لك تعبانين والله ليث شكنا شك بسوالفه
زين : ليش شعده
غيث : غير شلنا
ايليا : صدك شوكت
امير : والله قديم صار شكددددد
غيث : كام يجذب صار كم يوم ولو مشايلين احسن
امير : ليش ولك
غيث : هذا مجيد فلا عده تربيه مو يشوفني كاعد يتفل عليه ويشرد ومن أصلح اوراق يجي يشككهن ذاك اليوم كاعد اكل بال عليه كرهني باليوم الصرت خاله
زين : ياهو ابو ؟
امير : انييييي شعليه
صكر : هسه مو عدنا هذا شهم فدوه الربه فددددد مؤدب ولا عبالك ابن فضيل
فضل : شتقصد ؟
صكر : مو يمك
عشق :( ضحكت على سوالفهم انوب تعاركو رحت غيرت ملابسي ونكتت القنفه ونمت عليها اكره الطريق الطويل كلش كعدت على هوسه باوعت نايمه بغرفه وعلى جربايه يا شريف شالني نزلت الضوه مالي البيت باوعت من الدرج شفت امجد نزلت اركض شلته ابوس بي أكلته اكل بالبوس انسحب من ايدي )
علي : ممنوع البوس
عشق : ما
علي : ااااخ ورمتي گلبي
عشق : احب الجهال اموت عليهم
علي : يعني نسوي فريق من نتزوج
عشق : يممممه كول يا الله
( ضحك ضحكه كلها انتبهت عليه سلمت عليهم وكعدنا سوينه ريوك تريكنا وطلعنا للزياره لبست عباء صلاه بيضه من دخلنا بين الحرمين علي لازم بيده جكليت من الامام الحسين للعباس هوا يطش وكفنا كبال الامام العباس باسني براسي وكال )
علي : ناذر اطش بشارع العباس جكليت إذا صرتيلي
عشق :( باسني براسي ودخلنا زرنا الامام الحسين والعباس من دخلتله نزلت دموعي بلا ما احس شكد حنين وقوي وآله هيبته ضريحه اله ميزه خاصه رحنا للتل الزينبي راحه لا توصف من دخلنا للائمه هيج عطرهم يجنن يفتح النفس نمت على جتف ماما نص ساعه وفزيت على أثر حلم كلش حلو شفت ابني رحيم شفته بالحلم بقيت مبتسمه الحد ما طلعنا دنيا ليل الولد نامو بالصاله واحد فوك الخ من التعب ثاني يوم كعدهم علي من الصبح جابو طليان وذبحو هناك وطبخو يم الامام العباس عليه السلام واحنا كبالهم نباوع عليهم شلون يشتغلون وعلى وجهم مرسومه فرحه اجه علي بتجاهي شايل ماعون خلا بيدي وكال )
علي : نذرت اجيبج هنا واسوي كلشي اترس العباس خيرات إذا رجعتيلي بخير وما قصر ابو فاضل ممنون منه
عشق :( ابتسمت وراح كمل شغله شفت طفل صغير يجي بعمر رحيم واشكر ك انو ابني رحيم كبالي عبالي اتخيل غمضت عيوني وفتحتهن مرتين بقيت افرك بعيوني عبالي يتهيلي بس بعده واكف انرسمت ضحكه على وجهي وركضت ارد أشوفه جنت اشوف بس ضهره من بعيد امشي واعثر بس ارد أوصله وگلبي يدك بقوه يا الله معقول اشوفه بعد كل هاي السنين راح يعرفني ؟ درته عليه بلهفه وسمعت وحده عاطت )
... شبيج شترررردين ؟؟؟؟
عشق :( ما اهتميت وركزت بالطفل للاسف مو هوا عضيت شفتي بحزن وعدلت وكفتي وكتلها )
... اسفه اشتبهت
... عتيتي عت اذيتي خبله انتِ
... عوفيها يجوز مريضه تعال بابا
( عفتهم وهيا تحجي ما سكتت استغفرت وكعدت بمكاني بس نفسي انسدت كلش وگلبي يوجعني دخلت للامام العباس ( عليه السلام ) دعيت هواي وانا ابجي اشوف رحيم حتى لو ثانيه بس أشوفه ارد أشوفه تغير لو بعده كبر لو بعده شني شكله هسه ارد اشوفه بس امتع عيوني بشكله حتى لو ما الزمه واحضنه طلعت من الامام منتهيه من البجي كوه امشي والناس كلها تباوع عليه فقدت توازني جاي اوكع واحد سندني باوعت زهراء ابتسمتلي بس ما الي خلك ارد الابتسامه رجعنا للبيت الضهر والكل استغرب وضعي لأن ساكته وضايجه كلش لا احجي ولا اضحك ولا اخذ وانطي العصريه علي كال " نطلع " طلعنا نفتر بشوارع كربله اليخبلن ودخلنا كم محل اشترينا كم شغله حلوه ورجعنا بالليل بعد ما تعشينه بره بقينه سهرانين شويه ونامو وهما كاعدين من التعب رحت للمطبخ شفت اديان متوتره سألتها
" شبيج " ما ردت وطلعت مستعجله هاي شبيها والله ما ينحزرون صعدت للغرفه شمرت نفسي بصف ايلين ونمت من التعب كمت انام بدون لا احس )
.....................
ايليا :( صار فتره اتواصل ويا شخص اتعرفت عليه عن طريق النت طلعت من الصبح أشوفه شفت مكانه وموقعه وجمال شغله وتاكدت منه ورجعت للبيت مستعجل الولد نايمين كمزت على صكر وصحت )
... كووووووووم شوف شسويت
صكر : ابن الجلب جفصت ابطني اااااخ
ايليا : بس كوم
صكر : ولييييي علي الدر والله تعبان
غيث : ايليااااا سد الباب واطلع شكد مكروه
ايليا : غثه معليك باوع صكير مو تريد رسام شاطر
( كمز من الفراش وصاح )
صكر : ايييي
ايليا : لكيت شلون رسام يجننننننن
صكر : وين ؟
ايليا : من زمان متواصل ويا ومن الصبح رحت شفت لوحاته دمار مو لوحات عبالك حقيقه
صكر :( حضنته حيل ابوس بي يا الله شكد حنون وشكد يتعب علمود يفرحني صح علاقتنه ما صارلها هواي بس صار بمعزه زين ولو هوا محد يوصل معزه زوين هذا روحي المهم طرت من الفرح لأن صار شكد ادور على رسام شاطر ماكو كم واحد جرب يرسم مثل الشفته بالحلم وما صار نفس البالي ونفس الحلم بس ادفع فلوس وماكو نتيجه بدلت وسحلت غيث للحمام وشغلت الدوش ماي بارد بقه يفشر بالكردي عباله ما نفهم ضحكنا عليه وطلعنا انا وعلي الدر وغيث رحنا للرسام مكانه يجنن وهوا كلش حلو يطلع عمره بالثلاثين سنه ارتاحيتله من شكله بيه طبع اعرف الشخص من شكله بس حظي فاتن ما عرفتها هسه شجابها بالنص انا هم مدري شمالني وافكر بيها رجعت ركزت ويا الولد سلم علي الدر عليه وكال )
ايليا : هذا ابن عمي السولفتلك عليه
... أهلاً وسهلاً تفضلو
ايليا :( كعدنا وصكر حجاله الرسمه اليريدها وهوا سجل صوته وبقه يشتغل بالحاسبه الحد ما خلص صكر كمنا وكتله )
... شوكت تخلص
... مو كتلي اليوم راجعين للبصره ؟
ايليا : اي
... احاول لليل اخلصها
صكر : اريد نفس الحجيته بالضبط
... إذا ما تعجبك ترجع راح اشتغلها ك انو حقيقه
صكر : اريد الوحه كلش جبيره
... بكبر هاي اللوحه ؟
صكر : اكبر شويه
... تدلل حبيبي بس تكلفك هواي
صكر : مو مهم
... هاهيا بالليل اتصل بيكم وتعالو راح اشتغلها من هسه واعوف كل شغلي لان انتم بعيدين
صكر : مشكور حبيبي
... تدلل
.....................
رنا :( سبحت وسبحت مجودي وكعدت على الجربايه أبدله طلع امير من الحمام لاف المنشفه على جسمه بس جسمه من فوك عاري بقت عيوني تتبعه امجد خلا اديه على عيوني وصاح )
امجد : عبببب
رنا : شعليه غير ابوك
( نزل من الجربايه سحب امير من أيده وعضه فطست من الضحك وامير يصيح عليه وهوا يصيح )
امجد : عبببب ماما تباوع
امير : عادي
امجد : Nooooo
امير : why
امجد : ڕانا عەیبەکە
امير : لا عادي
امجد : اوووف
امير : هسه هيا مو جاي تشوفك
امجد : هيا امي
امير : هم امي
امجد : لا مو امك بس امي
امير : تغار غوار
( كلب وجها وراح حضن رنا يبوس بيها كلش متعلق بيها ابن الصاكه شكد احبهم انوب من يحجي يدمج أكثر من لغه ولهجه مخبلنه ومرات يبلع احرف بدلت وهما خلصو رنا لفت الشال نور وجها كتلها )
... الشال يشك شك عليج
رنا : لاحضت كلش حلو
امير : هوا اكو شي مو حلو عليج ؟
رنا : اميرررر
امير : يأبه جبوري كايم يستحي
رنا : شكد غثيث خليني اجرب شعور المستحى
امير : ما يلوكلج ههههه
رنا : هيهيهي ما تضحك يله ننزل
امير : يله لك امجد يله
امجد : لا تصيح ماماااا حاجي
رنا : لا تصيح شبيك امير
امير : اسف عيني نعتذر حضره الأمير
( ابتسم باستفزاز ولزم ايد أمه وطلعو قبلي عود يغورني ويبوس بديها بعدنا على الدرج شاف ليث كمز حضنه ويبوس بي كعدنا نتريك والكل كعد تريكو وطلعنا للامام دخلنا زرنا والتقينا بين الحرمين بقينه ناخذ صور عند المصورين كلنا صورنا سوه ولازم نتعارك على المكان بحيث المصور مل بس هواي صورنا صورنا صوره بس شلتنا صكر كال
" اريدها خشب " كلش يحب الصور والذكريات عفتهم يصورون وسحبت رنا وكفنا كبال الامام العباس خليت اديه بديها وبستهن وهيا مبتسمه بهدوء ما جنت اكدر اعبر عن حبي بالكلام ولا اعرف شكول ما طلعت من عندي غير جمله )
... احفظها الي هيا وأمجد يابو فاضل
رنا : ويحفظك النا
امير : وعقلها تره شالعه گلب گلبي
رنا : يا شمسويه
امير : والعلج الكيته بشواربي
رنا : مو انا امجد
امير : اي صدكتج لتحلفين انوب تجذب كبال العباس تريد يسطرها دخيل العباس
رنا : اوووع شكد اكرهك وخر
امير : هههههه توج تصيحين العباس يحفظك
رنا : خلي يعقلك
امير : مخبل بحبج
امجد : مامااااااا
امير : اجه
رنا : ها حبيبي
امجد : صورت ويا غياث وصقر وزوين وكلهم
رنا : عفيه
امجد : اريد لعبه
رنا : هسه نطلع ونشتري خلي نروح ناكل شوف بيبيات سون سفره
عشق :( بعد ما كملنا تصوير والصور يخبلن حيل تونسنه واحنا نصور المصور كال " لليل يكونن جاهزات " رجعنا المكانه لكينه امي وعماتي فارشات سفره ومسويات دولمه من ايد عمه ام علي اذوب بدولمتها ومقلوبه وبرياني الريحه شكت خشمي كعدنا ناكل وصكر شاف عائله يمنه انطاهم لأن وياهم طفل صغير وطلب بس أهله صاحو بي امجد شاف هيج اخذ ماعونه وراح كعد يم الولد وكامو يأكلون سوه ورنا تصيح " راح يوصخ ملابسه " واحنا نضحك عليها لان مخبوصه عبالك بس هيا ام كملنا اكل ونضفنا المكان والولد راحو يزورون ردت ازور كفوف الامام العباس ( عليه السلام ) دكيت رجل اله ازورهن امي كالت " أخذي البنات وروحي " رحنا سوه زرنا الكفوف ثنينهن وراحن يجيبن ماي بقيت واكفه بره منتضرتهن اجو مجموعه ولد واحد منهم حجه كلمه تقززت بسببه بقيت واكفه على اعصابي وين اروح ما أندل خاف اضيع انسحبت من ايدي حسيتها انخلعت باوعت علي كز على سنونه )
علي : شعدج هنا
عشق : ها منتضره البنات
علي : وما شفتي ذول
عشق : اخاف اضيع شسوي
علي : هسه اجيج
عشق :( عرفته يريد يروح يتعارك وياهم كتله )
... اوكف علي حباب راسي موتني راح اتخربط
علي : شبيج ؟
عشق : ما ادري راسي
( لزمني من ايدي بخوف ومشينا المكانه وهوا على أعصابه شراين وجها برزت من العصبيه كعدني وشربني ماي وكلساع يكلي " شلونج " رجعن البنات يلهثن يدورن عليه جاي يحجن أشرت بعيوني على علي فهمن الموضوع وسكتن بقينا كاعدين بين الحرمين )
... السلام عليكم
الكل : وعليكم السلام
... زياره مقبوله
... للجميع
الشيخ : شلونك بويه كرار
كرار : بخير جدي انتَ شلونك
الشيخ : الحمدلله شو ما تمرلي نسيتني
كرار : ليش ما تعرف اخر مره أجيت المضيفك شصار
الشيخ : شصار ؟
كرار : علي يحجيلك احمد وين ؟
احمد : هاي منو هنا
كرار :( حضنته وكتله )
... مشتاقلك عضيدي
احمد : والله انا هم
عشق :( بقو يسولفون وراحو على صفحه وحدهم ندست اديان الي ولا همها جيت كرار مدنكه ولا باوعتله وهوا اكلها اكل بنضراته )
... شبيييج ؟؟؟؟
اديان : شكو ؟
عشق : كرار شفتي ؟
اديان : شسويله ؟
عشق : تره عيونه تشلعت عليج
اديان : خلي نشوف وين يوصل استاذ كرار
عشق : خبله والله
( باوعت العلي ماكو ما ادري وين راح رحت يم احمد وكرار بقو يباوعون عليه بقيت واكفه ما ادري شكول احمد كال )
احمد : خير عشق ؟
عشق : احم كرار رحيم شلونه ؟
( جر حسره شكت گلبي عرفت ابني موزين )
... شبي ؟
كرار : الحمدلله
عشق : ليش جريت حسره
كرار : يعيش العشته بس الفرق انا الي ام وياي وهوا ما عده
عشق :( نزلت دموعي وشهكت كوه طلعت مني )
... أريده حباب جيبه الي شلون عايش يا الله شلون تخليهم ياذونه كرار انتَ مو يمه
كرار : لا تخافين فاقد الشي يعطيه وانا جاي احاول اصيرله اب وام واخ وصديق وكلشي بس يستغلون وكت دوامي
عشق : أريده كرار ابوس ايدك
كرار :( باوعت الاحمد اشرلي بحواجبه ما تعرف عضيت شفتي بحزن وكتلها )
... الله كريم احاول
عشق : ارد أشوفه حباب
( طلع جهازه شويه ومده الي أخذته من أيده واديه ترجف كلش صغير وناعم ويشبهني نسختي عاض شفته الجوه ويباوع للكاميره عيونه مليانه كلام حضنت الصوره الگلبي وانفجرت بالبجي ما كدرت اسيطر على نفسي ولا اهتميت انا وين ولا سمعت صوت احد غير صوت ابني وهوا يصيح " ما " وصرخاته اخر يوم متت بجي الحد ما حسيت أحد سحبني الحضنه وهمس )
علي : شكو يا بعد كل اهلي شبيج ؟
عشق :( مسحت دموعي وقفلت الموبايل وكتله )
... حباب جيبلي ماي
( راح يجيب الماي كمت عدلت ملابسي باوعت الناس تباوع علينه اوووف جا شكد تأثرت بحيث كلها تباوع انطيت الموبايل الكرار وكتله )
... حباب جاوبني المن يكول ماما
كرار : ما يكول
عشق : ليش ؟
كرار : حنين
عشق : صدك ما يكول لحد ؟
كرار : وعيونه الما عدي اعز منهن
عشق : ديربالك عليه عليك الله
كرار : بدون لا توصين
عشق : وين خليته هسه ؟
( اجه علي انطاني الماي ورحنا كعدنا يم العائله اسمعهم يسولفون ويحجون بس بالي يم الصوره ويم عيونه ويم جماله ويم العتب البعيونه معقول كرار جايبه ويا باوعت العلي وهمست )
... علوش
علي : عيونه
عشق : تكول كرار جايب رحيم ويا
علي : ما أضن
عشق : يمكن جايبه
علي : جا جابه ويا لو جايبه شهمممم تعال لا توكع
عشق :( اجه يركض عبالك بطه قزم وعده خدوده مال كرط وصاير احمرررر سحبه علي شبعه بوس وهوا يكركر شكد حلو )
.....................
اديان :( كمت اجيب ماي ترست البطل وارد ارجع سمعت صوته اليفزز گلبي )
كرار : شو جنك ما مشتاق
اديان :( درت وجهي عليه مبتسم وعيونه تباوعلي بحب كتله )
... شلونك ؟
كرار : من شفتج صرت زين
اديان : الحمدلله محتاج شي ؟
كرار : مشتاقلج
اديان : ها
كرار : نكعد هنا شويه ؟
اديان : لا
كرار : ليش ؟
اديان : اخوتي ما يرضون
كرار : تره خطيبج اديان انا عاقد عليج محكمه وسيد بس لأن احبج والخاطر السيد ساكت
اديان : ما ادري
كرار : تعاي نكعد
اديان :( كعدنا واحد بصف الثاني لزم ايدي وما اعرف شيهمس بينه وبين نفسه باسها وكال )
كرار : بس ارجع منا اجي نحدد العرس تحضري
اديان : واخواني ؟
كرار : انا ادبرها
اديان : شعرفك احنا هنا
كرار : عدي واجب هنا واجيت ازور وشفتكم
اديان : ها
كرار : تحبيني ؟
اديان : شتكول ؟
كرار : صايره بارده
اديان : الكل رافض زواجنا وهذا الشي مضوجني
كرار : اله ما يتقبلون الأمر الواقع
اديان : الله كريم انا اروح محتاج شي
كرار : ديربالج على نفسج
اديان : انتَ هم
( درت وجهي واجه شهم يركض ورافع اديه شلته وبست خدوده جاي امشي وسمعت كرار كال )
كرار : هذا ابن منتضر ؟
اديان :( درت وجهي عليه فاتحه عيوني بصدمه كتله وصوتي يرجف )
... ابن فضل
كرار : هههههه ضحكي على غيري اديان
اديان : لاااا تحجي
كرار : شحجي ؟
اديان : منين عرفت انتَ منين
كرار : انا كرار ما ينضم عليه شي
اديان : راح تاخذونه مثل ما اخذتو ابن عشق ؟
كرار : هههههههه توكلي بالله
اديان :( عافني وراح الف فكره اجت أبالي رحت يمهم وشهم نزل من حضني يلعب ويا الجهال ويركض وانا بالي متشوش فكره تجيبني وفكره توديني بس السؤال شلون كرار عرف ؟ شفت ريتاج طلعت جهازها تصور بي وامير ورنا يضحكون على امجد لأن بساع سوا علاقات ويلعب ويا الجهال وشهم يقلده بقيت اباوع على امجد وسمعت صيحت شهم كلنا ركضنا واكع بالكاع ولازم رجله يصرخ بصوت عالي فضل تخبل شاله يفتر بي وهوا ولا سكت نزله بالكاع رجله مجروحه أخذه فضل وريتاج للمضمد كعدنا وبالنا يمه بس لا انكسرت رجله صارت عيني على احمد صافن على الولد كاعدين سوه يتشاقون وحسن يدخن ضحكت لأن حسن كلش يخجل وأبد ما يدخن كدام الولد تقرب منهم وكال )
احمد : هاي منو يدخن
حسن :( ذبيتها وابتسمت بوجها وهوا مبتسم ايليا صاح )
ايليا : شكد اكره هذا السم
زين : انجب لا تدخل
ايليا : انا ريحتها تكلب معدتي
احمد : الجكاره تلوك بس للگلبه محروك
ايليا : والله لو يشتعل نار ما اخلي هاي بحلگي
امير : عود من اموت اشرب من قهرك عليه
ايليا : مسودن وانقهر عليك ؟
امير : شكد حباب ما اكدر اغلط منا الامام
زين : اي وين رحتو الصبح
غيث : مو شغلك
زين : انتَ لا تصير غثيث وتدخل
احمد : مخابيل والله محمد تعال وياي نزور قبل لا نروح
محمد : جاي
اديان :( راحو احمد ومحمد نص ساعه واتصل فضل بفهد كال " زين مابي شي مجرد جرح " الحمدلله )
.....................
حسين : الحجاب كلش حلو عليج
ايلين : صدك ؟
حسين : والله يجنن
ايلين : شكراً
حسين : ليش ما تتحجبين ؟
ايلين : لأن ما راح انطي حقه
حسين : شلون !
ايلين : راح ابقه اتهاون بي يعني من اريد البسه كون مقتنعه بي من كل النواحي علمود انطي حقه
حسين : ما راح اجبرج لأن هذا الشي راجعلج وانتِ متعلمه على هيج بس الله يهديج
ايلين : إن شاء الله اتمنى البسه بس كون عن قناعه
حسين : إن شاء الله اجيبلج عصير
ايلين : بكيفك حبيبي
حسين : حبيبج ؟
ايلين : اي
حسين : صدك تحبيني ؟
ايلين : لو ما احبك ما ابقه وياك كل هاي السنين
حسين : ليش حبيتيني ؟
ايلين : ما ادري
( ابتسم وراح اشترى عصير واجه كعد بصفي نشرب ونباوع على الزوار كتله )
... كلش حلوه الأجواء
حسين : اي
ايلين : عادي اسأل سؤال
حسين : اي
ايلين : بعدك تحب عشق
حسين : أستغفر الله حتى لو احبها هسه هيا على ذمه ابن عمي عيب هذا الكلام
ايلين : اسفه إذا ضوجتك
حسين : لا عادي يله كومي نرجع يمهم
.....................
ايليا :( صارت دنيه ليل رجعنا للبيت جهزنا غراضنه علي كال " نطلع قبل الفجر " بقينا كاعدين شويه اتصل بيه الرسام طلعنا انا والولد دخلنا سلمنا عليه شويه ودخلنا الغرفه الرسم نزل الشرشف عن اللوحه تجنن فوتوغرافيه ك انو حقيقيه مو رسم صكر ابتسم وعيونه دمعت تقرب من الصوره يتلمس بيها راسمها بالضبط مثل ما رادها صكر تشكرنا منه هواي وانطينه حسابه هديه مني الصكر طلعنا خليناها بسياره صكر ليوره ورجعنا للبيت محد يعرف غيرنا صكر كال
" اصدمهم من نرجع " نمنا وكعدنا على صياح علي
" تأخرنا يله كومو " غسلنا وطلعنا كلمن سيارته ربع الطريق واذن اذان الفجر وكفنا بالشارع وقررو ننزل بالموكب لأن قريب علينا صكر وزين واحد باوع بوجه الثاني وابتسمو خفت من ابتسامتهم وخفت اروح وياهم بعد آخر سالفه سوها وياي بهذا المكان مستحيل اثق بيهم صعدنا سياراتنه ونزلنا شويه وصلنا للمواكب الشمس توها طالعه وضوه خفيف واكو نسمه هوى الولد فتحو البيبان طلعو شراشف فرشوهن بالحديقة وتوضينا ببطاله الماي وصلينا كلمن عده تربه بسيارته بقينه نصلي واحد وره الثاني اباوع على البنات نامن وهنا كاعدات وملاك نايمه بحضن احمد وعشق نايمه على رجل علي طلعت موبايلي وصورتهن وانا ميت ضحك عليهن فاطمه فاتحه حلكها خليت الموبايل بوجها وزين دفرني وصاح )
زين : اكعدددد
ايليا : ااااخ هههههه صورتهن كلهن بس من وصلت المرتك اشتغلت الغيره
زين : انجب
صكر : زين تذكر من اجينا هنا وحدنا
زين : ههههههههه
فهد : شوكت هاي
صكر : تذكر من سحبتو السيارات من عدنا ؟
علي : هوا انتم كل يوم مشكله وكل يوم نسحب السيارات شني الجديد
صكر : المهم احنا اجينا للزياره عبريه ويا ناس وهاي بس والله حلو تعرفنا عليهم كلهم بعدين نامو وانا وزين نسولف ونضحك ونسوي مقالب شو ذول ضاجو وخيرو ابو السياره لو احنا لو هما وأبو السياره نزلنا وين يم الدله وبنص الليل والشارع فارغ واحنا من الدله للموكب نمشي مشينا مشي مطايه
زين : والدنيا ضلمه وبس احنا نمشي وما خلينا أمام ما دعينا وصكير كلساع يسوي سالفه گلبي وكع بالباسي من الخوف
محمد : ههههههههه كملو
صكر : رجلينا ورمت وصلنا للموكب ونزلنا كعدنه بي واحنا نتخيل شغلات تسودنه وعلي للصبح ورحنا على الشارع محد يوكف ولا عدهم انسانيه وكملنا طريقنا مشي
زين : والجووووو حااار بوخه واكو بك وذبان خرررب بيومها تمنيت نفسي نعال ولا هل عيشه
صكر : اي والله هههههههه
عباس : ولا تكعدون
ايليا : بس كلش حلو مغامرات هههههههه
صكر : نعالات
احمد : ليش جنه ساحبين السيارات ؟
صكر : زين يدخن بسكوت وانا دعمت السياره
زين : شكد فضيحه انتَ
صكر : هههههه
الشيخ : صدق الله العلي العظيم ها بويه كملتو ؟
علي : اي يبه
الشيخ : يله نتوكل
علي : يله شباب
ايليا :( صعدنا بالسيارات النص الطريق وتفرقت طرقنا عن الولد رجعو البغداد واحنا طلعنا للبصره اول ما وصلنا ابتسمت شكد حلوه البصره وشكد تعلقت بيها صح احب تركيا بس من عفتها عادي احس البصره صعب اعوفها اول ما وصلنا للبيت توزعنا كلمن الغرفته لا نزلنه شي ولا نضفنا شي ثاني يوم كعدت على صوت هوسه لكيت امي وايلين مسويات حمله على البيت وايلين رافعه شعرها نخله ضحكت عليها شويه وامي كربتني كوه شردت منها الصكر لكيته ينضف بغرفته ساعدته وسوينه فراغ فوك الجربايه وعلكنا الرسمه والصور مالتنه الرسمه ابداع ويا تصميم غرفته اليجنن ذواق بكلشي وذوقه كلش صعب كمل ترتيب ونزل يساعد بامه يكول
" امي ما عدها بنات انا اساعدها " وكلساع يبوسها موتها ضحكت عليه وطلعنا نضفنا الديوان انهد حيلنا من التنضيف يراد ندخل حمام مغربي وره هذا الشغل مرت الايام والتهينا بالشغل والدوامات بس كل نهايه يوم نجتمع حتى لو ساعه حتى لو تعبانين بس صكر كلش متاذي من ناحيه الدوام بالجامعه والمستشفى لأن فاتن ويا هاي البنيه مشكله بالرغم هوا مبتعد منها هيا لازكه بي لزكه حددو حفله تخرجه والصوره لأن ما ضل شي للامتحانات النهايه ويصير دكتور متكامل على كوله زين ههه مقرر ما يروح ابد ومعاند ومن نذكر التخرج يگلب وجها علينا انا والولد ما قصرنا حضرنا كلشي من لبس وزي التخرج وهوا مطنش الكل ثاني يوم سحلنا سحل من الفراش وهوا يصيح )
صكر : ماااااااااا اروح لا تلحون
زين : انجببببببببببب
صكر : شلون لزكه يالعباس
زين : الخاطري ؟
صكر : لكممممم اتاذه عود بعدين نسوي حفله بيناتنه وهاهيا
ام فهد : صباح الخير يمه
صكر : صباح النور حبيبتي
ام فهد : يله ما تحضرت
صكر : ما اريد اروح
ام فهد : يا صدك جا أنا بدلت وتحضرت عود اروح وياك وفرحانه ابني دكتور وعين الله عليه يله براحتك اروح ابدل
صكر : يمممه لا تبدلين راح اروح الخاطرج
( باستني وطلعت وهيا تدعيلي درت وجهي على الولد ورفستهم )
... جلابببببب سايبه حيوانات هاي سوالفكم
ايليا : شعلينه
صكر : كل البلاوي منك
ايليا : احبك يول
صكر : انجب انجب
ايليا : هههههه كوم أسبح
صكر : ما أسبح
زين : ريحتك خايسه القسم كله يموت وخطيتهم بركبتنه
صكر : انجب
ايليا : تسبح لو اسبحك ؟؟؟
صكر : ولووووو بره
ايليا :( ضحكنا عليه وهوا دخل سبح وطلع بدل واحنا نساعد بي عبالك معرس مو تخرج ويمكن فرحه التخرج أكثر من الزواج كمل واحنا جهزنا نفسنه كلنا لبسنا زي رسمي مثله والولد لبسو زيهم العسكري وطلعنا للجامعه واستلمو جماعته بعد ما شفنا اخذو الصوره بزي التخرج وصوره بالأب كوت وبقو ياخذون صور وحدهم صحنا المصور وأخذنا صور ويا صكر وهوا وأبو وأمه وفهد خلصنا تصوير واجو جماعته فهد كال )
... معزومين بأجر على العشه بمناسبه تخرجكم
... ثكيييييل اخوك صكير
صكر : كول يا الله
... مشكورين عيني بعد بيت الشيخ
... شني هديتك الصكر بمناسبه تخرجه فهد
فهد : ازوجه
صكر : اخر همي
فهد : نشوف
صكر : بلا هاي السوالف هسه
فهد : يله احنا نستاذن عدنا شغل انتو تونسو
صكر : الله وياكم
ايليا :( بقينا نصور ونسولف يوم يجنن بس نهايته غير متوقعه انتبهت صكر ماكو دورت عليه اختفى دخلت للجامعه هم ماكو سمعت عياط بره ركضت والولد كبالي صكر يتضارب ويا رجل فاتن ويغلط ويفشر وذاك جايب ثنين ويا مسوي عصابه سحبنا كوه وهوا السانه ما سكت من الفشار عافني وصعد سيارته وزين طلع وره بقينا صافنين شبي وشصار وليش هيج عصب وهوا صار شكد يسمع كلام يكلي
" كمت اغلس وما اهتم طز " ودعت الولد وأخذت غراضه وطلعت للبيت ما لكيتهم خابرت عليهم هم ماكو طلعت للشط لكيتهم كاعدين كعدت بصفهم وكتلهم )
... شصار ؟
زين : بعدين
ايليا : انتَ مو كلت اتجاهلهم ليش ما تجاهلتهم اليوم
صكر : لك درررررر شلعوووووو گلبيييي
ايليا : غير اعرف شكالو
صكر : مو مهم مو مهم
ايليا : زين تعرف ؟
زين : ما يحجي
صكر : ما ارد ارجع للبيت تعبان
ايليا : نروح للمزرعه
صكر : لا ابقه هنا
ايليا : انا نعست
صكر : انا هم
زين : دمشو للمزرعه
ايليا : اي كوم صكير
( رحنا للمزرعه نضيفه لأن اكو عائله بيها وصيناهم دائما ينضفون البيت دخلنا للبيت ونمنا لليل كعدنا بعد ما اجانه نوم خابر محمد وحسن نص ساعه جابو اكل واجو بقينا بيومها سهرانين للصبح وقررنا نسافر التركيا واعرفهم على اصدقائي واشوفهم تركيا وكلش عجبتهم الفكره بس كالو ننتضر صكر يخلص جامعه علمود يعطلون وحسن يكمل شغله نمنا بالعشره الصبح وكعدنا على صوت فهد يصيح علينا شفت الساعه بالخمسه العصر افففف هاي شكد نمنه كمنا ويا كوه لبسنا وطلعنا للبيت اول ما وصلنا استلمنا رزايل لأن عدنا عزيمه واحنا مخمودين أبيت المزرعه بقينا ساكتين الحد ما كمل رزايل وراح فطسنا من الضحك وبقينا نشتغل وياهم وزين يصيح " انا من المعازيم انا دكتور جامعي ما اشتغل " بدو يجون الدكاتره وجماعه صكر الكل اجه إذن وكلها صلت بسبب جدي حتى الما يصلي وصكر بس يضحك عليهم جانو مجموعه يصلون عادي ومجموعه يصلون مجتفين كلهم سوه واحد بصف الثاني ماكو فرق كلنا اسلام وكف صكر كبالهم بعد صكر شلون يعوفهم سوا مثلهم وكال بصوت ناصي )
صكر : مجتفين للعباس ابو فاضل
( كلهم كطعو صلاتهم وكعدو بالكاع فاطسين ضحك وهما أصلا ما يصلون بالسنه مره يتذكرون الصلاه بحيث صاحبي السجاد كال " شلون أقره سوره الفاتحه " رجعو يصلون من جدي باوع عليهم والضحكه لازمتهم رحت يم جدي وكتله )
... تره جذابين محد يصلي
... والله جذاب
صكر : كول والعباس
... والعباس
صكر : يسطرك كون جا إذا تصلي شلون تحجي هاي اداب الصلاه
... هاااا
صكر : هههههههه
( لزمهم جدي محاضره بعد روحي يرزل بأدب شكد احب محاضراته تقرب مني صاحبي الحلف بالعباس وكال )
... صكير بداعه شواربك صدك العباس يسطر ؟ دوم تكول هاي الكلمه
صكر : يسطر سطر واخو زينب بس سوي شي وجرب
... جا أنا حلفت بي جذب
صكر : مو كتلك هسه يسطرك ما تعرف يمينك من شمالك
... لا يمعود أستغفر الله
صكر : هههههه
ايليا : صكر الولد يردونك
... لك صكر هذا منين
صكر : علي الدر التركي عذرو تره ما يعرف هواي
... أهلاً وسهلاً حبيبي يعني احنا
... السلام عليكم
صكر : هلا والله
... شلونكم شباب خوما تاخرت
صكر : اي حيل تاخرت ليش
... يمعود جدك اكله انا مسيحي يكلي ميخالف بويه كوم صلي ويانه جا احجي كردي انا
صكر : ههههه
... والعباس خلص اذانكم واجيت
صكر : شو تحلف بالعباس مالنا
... مو مسجل باسمكم كوم لك
صكر : جا شني تحلف بي غير مالنا
... تره احبه حيل حتى أكثر منك هوا للكل
صكر : صح كلامك وكون يسطرك
... هههههههه لك ما كتلك البارحه شسويت من رحت
صكر : بعدين يمعود اروح اساعد الولد يله علي الدر
ايليا : أجيت
( صبينا الاكل بالديوان والكل كعد ياكل وزوين ومحمد كاعدين ويا الدكاتره عود هما خيرين واحنا كعدنا وحدنا الولد يخبلون وبس يضحكون كلش حبيتهم خلصنا اكل وهما ساعدونه بشيله الاكل وكعدنا بالحديقه صكر كلهم ابقو لا ترحون جبنا نراكيل وجاي وكرزات وكعدنا الحد ما راحو الدكاتره والأساتذة كنالهم يله ويانا انضف ما قصرو شدو حزامهم ويانه ساعتين خلصنا كلشي بين الضحك والسوالف والشقه )
.....................
حماده : السلام عليكم
احمد : وعليكم السلام سيد شلونك
حماده : الحمدلله بخير انتَ شلونك
احمد : الحمدلله
حماده : شو مختفي
احمد : جنت بالنجف وكربله
حماده : ها زياره مقبوله
احمد : قبل اعمالك
حماده : جنك نسيت سالفتي
احمد : لا والله على بالي إن شاء الله باجر حضر نفسك
حماده : ما تقصر سيد
احمد : تدلل حبيبي
حماده : اخذ راحتك
احمد : الله وياك
( دخلت البيت عمي ابو علي لكيت جدي وعمامي كاعدين بالصاله سلمت وكعدت جانو يحجون بخصوص شغل المعارض والهوسه الصايره سكتو شويه وفتحت موضوع حماده وفرحو وكالو بأجر وياك ابتسمت وسلمت عليهم وطلعت ربي يحفظهم الي سندي ذول بكل وكت احتاجهم الكاهم رجعت للبيت ملاك تدرس كتلها )
... اراجعلج ؟
ملاك : اي حباب
احمد : تعاي
( راجعتلها بس عدها كم غلط ساعدتها وصعدت الغرفتي ثاني يوم العصر تحضرنا ورحنا انا وجدي وعمامي والولد وكم شيخ خطبه مرتبه ويستاهل حماده وصلنا البيت عمامي واستقبلونه استقبال حار تونه كعدنه ودخل حماده ناس سلمت وناس كلبت وجها هوا ما اهتم كعد بصفي وبده جدي يحجي وياهم شويه شويه وبده بموضوع الخطوبه لاحضت الصدمه بوجهم وشلون يباعون بحماده بشك كتلهم )
... حماده ما عده شي ويا البنيه الله يشهد على كلامي بس هيا ربت عده وكبرت ومحرمه عليه وما يريد يبقه وياها بالبيت بدون عقد واحنا كلنا عمام وبيت واحد بس الواجب نجيب ناس خيره لأن البنيه تستاهل
( بده الأخذ والعطا بس بالنهاية وافقو طلعنا منهم بعد ما حددو يوم المهر وحماده الضحكه من الأذن للاذن وكفنا يم سيارتي وكتله )
... حجيت وياها بالموضوع ؟
حماده : لا بعدني
احمد : وحددت المهر وما ماخذ رائيها شبيك حماده
حماده : شلون احاجيها انا احس صعبه كلت اخلي ملاك تحاجيها شتكول
احمد : مو مشكله حماده انتَ مفاتحها قبل بالموضوع
حماده : تكلي انتَ مثل اخوي وأبوي
احمد : وخطبتها ؟
حماده : شسوي احمد انا احبها متعلم عليها بالبيت وكبرت شلون إذا تزوجت ؟
احمد : الله كريم بأجر تعال اخذ ملاك تحجي وياها
حماده : هوا من الجامعه واخذهن البيتنه
احمد : خوش تروح وياي
حماده : لا ارجع للبيت ارد اخذ علاج الحبوبه
احمد : عدك فلوس ؟
حماده : اي
احمد : إذا تحتاج لا تستحي
حماده : ما تقصر
احمد :( رجعت للبيت بقيت كاعد يم جدي وعمامي حجو كم موضوع يخص العشيره وهاي الأمور ترخصت منهم انا ومحمد ورجعنا للبيت وديان وامي يسون عشه وملاك تقره يمهن كعدنا على الميز ومحمد يتناكر ويا ملاك الحد ما صحت بيهم رجع يتناكر ويا وديان ولا يكعد صبن العشه جاي نتعشى وسمعت صوت موبايل باوعت موبايل ملاك فتحته وهيا تاكل واجانه صوت يصيح بخوف )
... ملااااك احمد وين حبااابه خل يلحك راح يموتووون حماده
.....................
يتبــع ... 🦅
للتـواصل انستا
كــوثـر الـ جـاســم 🖋🖤