مـساء الخيـر ♡
.....................
ألـ غضب 🦅
.....................
البـارت السادس والاربعين
.....................
بـقـلـمي انا كــوثــر الـ جـاســم
.....................
لتنسـون الايـك
متـابعـه الحسـاب
التعليـق بيـن الفقـرات
.....................
( عوده )
عشق :( نص ساعه وندخل سنه جديده طلعت بالسطح اباوع على السمه الشعالات الناريه حاركه الجو نزلت دموعي وانا اتذكر السنه من اول يوم بيها الحد هل لحظه كلشي بيها مو حلو اذتني من اول يوم الحد هل لحظه قبل سنه بهيج وقت كعدت ودعيت تكون احلى من السنوات القبلها وينجبر خاطري وگلبي المكسور بس صار العكس صارت اسوء سنه تمر عليه واصعب لحظات عشتهن بهاي السنه لا نجبر خاطري ولا گلبي شهكت وانا اتذكر من طلعنا كلنا وصورنا للولد والبنات جبرني ادز صوره العلي ورد عليه بس كسرت گلبه وما رديت ولاده محمد الصغير جانت اخر فرحه بهاي السنه يعني سنه كامله فرحنه بيها بس يوم واحد جان اخر يوم نكون بخير اخر يوم احنا نفسنه اخر يوم عائلتنه كامله بدون نقص واحد من عزاز گلبنه شكد تعذبت يم بيت خليل بس الاذيه الشفتها هاي السنه نستني كل عذابهم رفعت راسي ودعيت بحركه گلب )
... يا رب يا كريم لا اعتراض على حكمك بس باوع علينه وشوف حالنا ما نستاهل كل الصار ويانه بهاي السنه بس الحمدلله على حكمتك اتمنى السنه الجايه بهيج وقت مجبور خاطري ومرتاحه اتمنى اتعوض على كل هل تعب
( اعتلت اصوات الشعالات معلنه دخولنه سنه جديده دعيت هواي دعيت تكون سنه خير علينا احنا ناس ما نستاهل الصار ويانه لأن بعمرنا ما اذينه أحد نزلت من السطح للحديقه البيوت تخوف من الضلام ومحد موجود الكل بغرفه سنه وحده غيرت أكثر من شخص وأكثر من عائله كل سنه بهيج وقت ضحكاتنه ماليه البيت وهسه البيت مغيم بالحزن غسلت وجهي وصعدت للغرفه حوراء تبجي كعدت كبالها وهمست )
... حوري شبيج ؟
حوراء : ها ما بيه شي
عشق : احجيلي
حوراء : عشق الحب من طرف واحد ياذي
عشق : تحبين ؟
حوراء : هوا املني بحبه وعافني بكل سهوله
عشق : ايليا ؟
حوراء : اي ايليا هوا الاعتراف وخلاني افكر بي صح جنت معجبه بي بس ابد ما بنيت احلام ويا بس بعد اعترافه خربط كلشي
عشق : اكيد هسه تعبان تره الولد ما صار الهم سنه من ماتو اصبري اله ما يرجع اليحب ما يعوف
حوراء : بس أنتِ عفتي علي وهوا ما صار سنه من عافج
عشق : انا اختلف
حوراء : بشني تختلفين عشق ليش سويتي هيج
عشق : تصبحين على خير
أنت تقرأ
ألـ غضب
ChickLit( 1/29 ) ذكــرى لا تنسـى " انـقـلاب " ألـ غضـب من البصـره " الفيحـاء " جمعتهـم المحبـه والتآخـي في مكـان واحـد . علاقـه اولاد العم أكثر من الاخوه " قـلباً على قلـب " محبه _ تضحيه _ خوف _ كأنهم اخوه يمـرون بالكـثير من الاحداث الجنونيه التي...
