الجميلة والسايكوباثِ ( الجزء الثاني )
بقلمي أنا : چمارة عليِ 🤍 ..
بسم الرحمـٰن ..
_________________
مِن المؤلم أن تقف أمام المرآة فلا تتعرّف على نفسك ..
وتنظر الى عينيك الزرقاء الجميلة وتنصدم بسوادهما المُرعب ..
أن تنادي بصوت مرتفع وتستغيث فلا يصل صوتك ولا ينقُذك أحد ..
أن تشعر بالظّلم وتعجز عن الانتصار لنفسك ..
وأصعبهم !!
أن تعيش مع شخص فرضتهُ الدنيا غصباً عنك ..
وأقذر*هما تبدأ بالتّنازل عن أشياء تحتاج إليها باسم الحبّ ..
أنضر إلى سلاسُل يدي ..
كيف قيدَ يدي وجعلهم بِهاذ الشكلِ المُرعب وهو كان يُقبلهم بأستمرار !! .. أين ذهب حُبهُ الآن ؟؟
يقول 'احبكِ' .. هل هاذ الحُب !! ..
إذ كان حُبه بهاذ الشكل .. فأنا اقسم بأني أعيش طوال عمري الكُل يكرهني ولا حبة ؟!
احتضنت بطني بقهر ..
محد فهمني شلون تصير الأمومة ! .. ولا جنت أعرف الطفل يصير ببطن أمة ! .. كلهم جانو يوهموني الطفل طائر يجيبة النا ..
ولا حتى جنت أعرف أعراض الحمل ..
تذكرت شكل طفلي إلي عفتة ودرت ضهري .. عفتة بنص الغابات بدال ما أدفنة ..
....
- ولككككك دامِس راحح اموتتتت .. راحح اموتت
ضربني راجدي فر وجهي فر ولزمني من شعري .. وصاح
دامِس : لجج ليشششش كسرتينيييييي بالطفللل ليشش ..
- شمدرينيييي انييي حامللل شمدرينييييي
دامِس : لجججليشش شردتييي بس اريد اعرفففف ليششششش .. ليشششششش ..ليششششششش
ابيجيل : اخلص منكككك ومننن عذابكككك ..
جرني من شعري ووكفني .. لكن من الوجع وكعت بالكاع أصرخ ..
اخ يالوجع إلي احتل بطني وضهري ..
حسيت رجلية بعد ما أحس بيهن ..
وللأسف .. اطرحت طفلي الأول إلي ما كنت أدري ..
كان صغير جداً .. بكد كف أيدي الصغيرة ..
عفتة وراي وشالني دامِس ..
كان الوحع طاغي لكن يحاول يسكتني .. فهمت قصدة من يحاول يسكتني ..
لكن من خوفي للي راح يصير بعد ما لزمني ..
صرخت بكل قوتي ولعل أحد يكدر يساعدني ..
ابيجيل : ساعدونيييييييييي فدوةةةةةةةة .. الله يخليكمممم ساعدونيييي يا وحوششش فدوةةةةة خلصونيييي منةةةةة
حاول يسكتني لكن ما سكتت .. الحد ما غير وضعيتي وخلى أيدة على حلكي والايد الثانية شالني بيها من بطني ..
زاد الوجع عندي وصرت غصباً عني .. من كد الوجع صرت أصرخ وابجي وأتوسل بي يعوفني لكن ما همة غير بس يرجعني للسجن ..
وصلنا بعد وقت طويل ..
قفل الباب وشمرني بالطاع وكأني ذبيحة .. لزمت بطني وصرخت .. صرت ابجي متوجعة وابجي خوف من إلي راح يصير ..
كعد كدامي وخلى أيدي على راسة ويهز بروحة ويرجف ..
دامِس : ليش كسرتيني ارجوان .. حلمي أكون أب والله حلمي ..
ابيجيل : أنجب حقيرررررر .. أني ما اريدك أب اولادي ..
باوع علية .. غمض عيونة وضغط على راسة وكال ..
دامِس : والله ماراح اصير مثل أبوي .. والله ماراح اصير مثلة ارجوان .. راح اصير أب حنون عليهم والله اسويلهم كلشي .. اخليهم همة يكتلوني والله ما اطخ شعرة من شعرهم ارجوان والله ..
ابيجيل : حقيرررررر .. لووو تموتتتت بعدد ما تتقرب منيييي وتخليني اصير حامللل لو تموتتتت والله ..
طفر علية ولزمني من شعري وكال بغضب ..
دامِس : هوة بكيفجججج !! بكفيجججج لججج كح** ..
ابيجيل : شمر راسي وانضربت بالكاع .. راح دفر التلفيزيون والميز .. ضل يصيح بغضب ويكسر بالغراض .. دار وجهة علية وكال ..
دامِس : ليششبس فهمينيي ارجوان .. بس فهمينيي ليشش تشرديننن منيي ولججج ليشششش
ابيجيل : وحشش .. وحشش انتةةة وحششش حقير ما بگلبككك شي اسمةة رحمةةة والله ..
أجة علية .. قدمت أيدي احمي روحي من ضربتة لكن وخر أيدي وحضن وجهي بكفوف أيدي الضخمة
ضليت مصدومة واباوع بعيونة ووجهة الواضح علي الكسرة كلش .. كال بنبرة قهر ..
دامِس : حاولتت .. حاولتت ارجوان حاولتتت .. والله ما كدرت اكض روحيي حبيبتي ..
ابيجيل : حضني حيل الصدرة ويهز بية ويحجي بصوت عالي ..
دامِس : ما اريدد غيرر حبج .. ما أريد غير تصيرين مُلكي ارجوان .. والله ما أريد غيرج بهاي الدنية .. والله تعبتني وصرتي كدام عيوني وكأن تكلي هية راح تجازيك هية .. تعبت ارجوان خسرت كلشي والله .. كلشي خسرت ياروح روحي ..
ابيجيل : دفعتة ورجعت لورة ..
- لككك انعللل أبو هيجج حب .. انعل ابوو هيج حب ولككك عذبتنييي عذبتنيييي حارمنيييي من الطلعة ومن شوفت الشمس حارمني من كلشييي من كلشيي وبس تعذبب بيةةة وبسس تكتلنيي وتضيع أيام من حياتي مغمى علية بسببك .. بسببكك حقيررر
دامِس : والله خايف عليج من البرا .. ارجوان أني مخلص حياتي برا ارجوان .. حياتي كلها خلصتها براا أني أعرف الناس .. العالم وحوش يخوفن والله .. محد راح يرحم شخص مثلج .. العالم الخارجي وحوش .. إذا شافو شخص بعدة ما متعلم من الدنية القوة راح ياكلو .. وأنتي مو كدهم .. ما تكدرين وحدج تحاربين هيج وحوش والله
ابيجيل : ردت أرد علي لكن الوجع زاد ببطني ..
صرت أصرخ من كل گلبي .. أصرخ واحس الصريخ ما يعبر عن وجعي ..
- يايمةةةةة ولكك دامِس راح اموتتت والله ..
حرت أصرخ من الوجع ! لو أصرخ حركان گلب على طفلي إلي مات ..
الحد ما حسيت بالدنية بدت تغوش .. عرفت راح يغمى علية .. حاولت هواي اسيطر وما اغمض عيوني لكن ما كدرت ..
آخر شي اذكرة .. هوة دامِس إلي تخبل وضل يصيح علمود ما اغمض ..
دامِس : ارجوانتي لاااا .. لاا تغمضيننن .. ولججج والجسين اتخبلل إذا رحتي من ايدييي والله .. ولجج ارجوانتيييي بس فتحي عيونججج .. لا تغمضينن لااا ..
ابيجيل : خوفني كلامة وحسيت راح أموت ..
حاولت لكن غصباً عني غمضت ..
حسيت بـ دامِس وبكائة ! .. توسلاتة علمود أكعد .. صوتة إلي ضل يختفي بالتدريج لكن يحجي ..
كل هاذ وصوتة بعيد كلش عني ..
ما أعرف إذا فعلاً كان يبجي أو تخيل !! ..
آخر شي .. سمعت صرخة .. حسيتها نابعة من أعماق گلبة .. صرخة ظاهرة كل الخوف والرعب إلي بگلبة
وللأسف .. ضعت بعالم أخر .. عالم مليئ بالسواد مثل حياتي ..
****
دك الفرح بابنا ..
وزارت الهلاهل دارنا ..
وأعلنا فرحنا وشاركنا أحبائنا ..
صغيرتنا ومدللة البيت اليوم عرسها ..
كل احبائنا اجو .. والصراحة حتى اعدائنا لكن مابيدنا شي .. العيب متحكمة بينا ..
اليوم كلنا مخبوصين ..
هاي إلي تبدل وهاي إلي تنضف وهاي إلي تستقبل وهاي إلي ملتهية بالأكل وهاي الملتهية بروحها كأنها هية العروس ..
وأني كلهن ..
اخلي ماسك واروح انضف شي وارجع اكمل البقية وبعدها اروح وألي تجي تلاكاها ..
صارت بـ 12 .. صلينا وعفنا الكبارية والزلم يصبون الغداء .. واحنا رحنا نتجهز لأن الزفة بـ 4 ..
بدلت الـ علي .. وأخذ نص ساعة وراح .. وبقى الوقت إلي .. اليوم زفة فا لازم نلبس شي مستور ..
لبست قفطان كلش فخم ويجنن لون أسود وذهبي وبي بعض البياضات .. لبست شال جرجيت بي تطريز أبيض .. والحذاء كعب بيضة .. والجنطة أسود ومطرزة بأبيض ..
آخر شي التمينا بغرفة نور .. لأن الميكب أرتست هية
مكيجت الكل وبقينا بس أني وياها والساعة بـ 3 ونص ..
فوك الضيم والوقت القصير صاحني صگار ..
رحت وأني ميتة من العصبية والتوتر .. فتحت الغرفة وصرخت ..
سمراء : هااااااااا
ضل يباوع علية بصدمة .. ما أحس غير فطس من الضحك ..
ضل يضحك ضحك قوي كلش .. وكل ما يباوع علية يضحك أقوة .. استغربت لأن فهمت يضحك من وجهي .. رحت وباوعت على روحي بالمراية ..
اخ .. ياريت ما مباوعة على روحي ..
عبارة عن مومياء .. صح بلون بشرتي شوية لكن هواي جان ويضحك جني مومياء ..
سمراء : هسة شبيك تضحك !
وكف على حيلة وهوة يضحك ..
صگار : إذا كدامي مومياء من زمن الفراعنة شلون ما اضحك ..
سمراء : رجع ضحك وغصباً عني ضحكت ويا ..
صگار : وعلي لو الفج بباندج أبيض وأوديج الهم اكلهم لكيتها بالصحراء .. ما يجذبوني .. واحلص ملايين
سمراء : يعني تتبرى مني بملايين ؟
صگار : اتبرى من أبوي مو بس منج
سمراء : باوعت علي وكل عقلي زعلت .. شمرت الخاولي من أيدي ورحت أريد اطلع وأني احجي ..
- خوش .. لعددد بعد شوف منو اليبقى يمك
قبل لا افتح الباب جرني .. خلى أيدي على خصري وقبلني وكال ..
صگار : بس بعدين اشتريج لا تخافين ..
سمراء : ضحك وضربتة على صدرة ..
- كل عقلي راح تراضيني .. وخررر منييي وخرر
ضحك وحضني وخلى راسة على رگبتي ..
صگار : اتبرى من اهلي وما اتبرى منج يابعد الروح والرية ..
سمراء : دفعتة لكن ضغط على خصري أقوة وكال ..
صگار : يمعودة وين تردين ترحين .. كلهن نسوان كبار نوب يشوفنج ويختلسن ويموتن .. وتعاللل يصگاررر والله احناا فصلنا 20 مليون وما نطيح شي ..
سمراء : شبيكككككك ..
صگار : هاذ كلة من ورا السحر
سمراء : ضحكت وكلت ..
- الظاهر الشيخ المسويات يمة السحر حشاش
ضحك وعافني وكال ..
صگار : طلعيلي على ذوقج يابعد صمام گلبي ..
سمراء : ضحكت ورحت طلعت الة ملابس ..
دشداشة سودة من هذن إلي يلمعن وبيهن دگم أبيض كأنهن لؤلؤة .. وغترة بيضة وحزام إلي يخلون بي السلاح ..
حضرتهن ولبسهن ..
وكف كدام المراية ولف الجراوية ..
عيوني أحسهن يلمعن من كد جمالة .. باوع علية وضحك ..
صگار : اليوم راح يخطبني
سمراء : ضربتة على صدرة بالسبحة .. ضحك وكال ..
صگار : من كد جمالي .. راح يصيرن الخطابات سرة بالباب
سمراء : رجعت ضربتة وكلت ..
- ايععع منيي تزوج حجيي
جرني علي حيل .. ضغط على خصري وكال ..
صگار : وشبي الحجي عيني ! مو بعينج
سمراء : شايب صرت بعد محد تخطبك ..
ضحك وضل يباوع بنضرة حقيرة .. ما أعرف شلون فهمتها وصرخت وأني ميتة خجل ..
ضحك ضرب كفوف أيدة ببعضهن وكال بصوت عالي
صگار : عمييي بريبوككك لكفتهااا بساعععع
سمراء : انتة صاير ما تستحي .. الناس تكبر تعقل وانتة تسودن وتصير خفيف
صگار : العندة هيج جمال شلون ما يستخف
سمراء : درت وجهي واحس راح أموت ..
ضحك وكال ..
صگار : أي هسة صار حلو من خجلتي
سمراء : شنو
صگار : جنتي مومياء .. من خجلتي صارن الخدود كيلو طماطة وصار حلو بي روح
سمراء : ضحكت ورحت أخذت العطر المفضل عندي وخليتة كدامة ..
تذكرت كل بنات العشيرة وغير عشيرة راح يجنن .. رجعتة وأخذت واحد ثاني ...
صگار : لاا خلي هاذ الرجعتي
سمراء : خزرتة وكلت ..
- ايييي علموددد يشتمنةةةة حبيباتك موووو
صگار : دخلي خلييي راح يجن مگبعات ويرحن مگبعات
سمراء : أي بس يشتمن
صگار : وكلشش .. راح يعرفن هاذ عطر صگار .. ترا هواي زلم محد راح تلاحض يا عيني
سمراء : ماا .. هاذ احبة ما أحب وحدة غيري تشتمة
ضحك وسكت .. خليتلة العطر وبستة بخدة ..
- الله يحفضك إلي يابعد عيوني
صگار : ويحفضكم إلي يانور عيوني
سمراء : أخذ سلاحة ونزل وأني قفلت الباب ورحت النور .. شفتها مخلصة روحها ..
مكيجتني مكياج فخم ..
كلش جان فخم وحتى الحمرة فخمة ولون ملكي ..
لبست الكعب وأخذت الجنطة ورشيت عطري ونزلنا ثنينا نتمختر بمشيتنة ..
أول ما شافتنا عمتي ضلت تصلي على النبي ..
ضحكت ورحت بوجهي الغزل .. أول ما شافتني طفرت علية وحضنتني ..
غزل : راح أموت خوف سمراء
سمراء : طبيعي هل شعور ياروحي .. بلة تعاي تعاي شني هاي عميي ! شني هل جمال .. اليوم راح يتخبل أمير راح يتخبل ..
ضحكت وبهل أثناء اجو ابوها والشيخ وأخوانها ..
أجة الشيخ وورا صگار .. الشيخ ظاهرات علي علامات الكبر .. لكن صگار حبيبي وزوجي ونور عيوني لااا .. عكسة .. مخيم على الشيخ بضخامتة وكأن يكول أني من بعد الشيخ الله يطول بعمرة ..
فرحت من شفت علي بحضن صگار ..
كل العيون صارت عليهم .. تمنيت بهل أثناء افكس عيونهن وحدة وحدة .. لكن عيب وخطية هم ..
من عاداتهم ..
قبل لا يجي العريس بنص ساعة أو وقت قصير .. يجون اخوان العروس وابوها وعمامها ينطوها هدايا وأكثر شخص هديتة غالية معناها هاذ أكثر شخص يحبها ..
كلهم جانو ذهب طقم ..
الة صگار والشيخ ..
هداياهم مختلفة جانت .. الشيخ جانت گلادة ذهب فخمة بشكل ما ينوصف .. وتراجي ومحابس وخلخال وگلادة للخصر ..
وصگار جان هديتة أرض بأسمها .. ومثل الشيخ هم
گلايد وتراجي وسوارات من ذهب ..
بهاذ الحالة وهاذ العادة بمعنى أنو هية بت خير وما عايزة الأي شي من العيال غير بس حبهم وأحترامهم الها ..
كل النسوان ضلت تهلهل وتسمي بأسم الرحمـٰن ..
أول ما خلصو أجة العريس وأجت الزفة .. وجانت زفة فخمة كلش ..
لأن آخر الذرية هوة .. وأخر فرحة الهم ..
اخذها ابوها وورا الشيخ وصگار وأخوانها .. وسلموها بيدة .. وكف كدامة صگار وكال ..
صگار : سلمتك بنتي قبل اختي .. وروحي قبل لاتكون بنتي .. وأياك ثم أياك .. وكدام هالزلم كلها .. ما يصير خير إذا اجتنا بيوم زعلانة منك أو طاخ ايدك عليها .. وإذا أجة يوم وجانت هية الغلطانة تجيبها النا احنا نربيها الك ونرجعها ..
سمراء : باوع على غزل وراح حضنها وكال ..
صگار : ولو متأكد من تربايتي ما راح تنزل راسي بيوم ..
سمراء : وهواي حجي وتوصيات من امها وخواتها واخوانها ..
بهاذ التصرف وهذن الكلمات إلي كالوها .. بعمرهم العيال ماراح يكدرون ياذوها بشي .. لا كلام ولا فعل
لأن كدام الكل زلم ونسوان ضهرولهم مدة حبهم وظهرو أنو هية عدها سند ..
راحت وصعدت ويا الختارة گلبها تحت أنظار صگار إلي لوما زلم متعنية الة علمود تاخذ شورة جان انهار من البكاء ..
أجة لزمني من أيدي وهوة شايل علي ..
توجهنا للسيارة .. وكفت وفتح باب السيارة وهوة يبتسم .. صعدت وخلى علي بحضني وهوة اندار ..
مشن السيارات وتعالى الرمي ..
صار رمي يطرش الأذن .. الحمدلله من علي متعود وما خاف .. جان سواها مناحة علية ..
كل الزلم من طرفنا راحو بصفتهم من طرف العريس
أول ما تحركن السيارات وبعد ما توقفو أهل العريس أهل العروس حركو الجو بالطلق ..
سحب السلاح وطلع أيدة صگار وصار يرمي وعلي ويا كل طلقة يقلد صوت الطلقة ..
لزمت زندة وكلت ..
سمراء : صگار كافي حيدرة يخاف من صوت الطلق واكو أطفال خطية
نزل السلاح نزل يأشر بأيدي بمعنى كافي ..
توقفن وتوجهنا الاهل العريس ..
جان بيتهم وحدة كأنة قاعة .. من تصميم ومن ترتيب كلش يجننن ..
نزلنا وخلصنها أهل العريس ركص .. حتى احنا ما استحينا لأن اقاربنا ومحد استحت تركص ..
خلص اليوم وصارت بـ 10 وزفوهم سيارات كلش هواي البيتهم ..
نزلت وهية لازمة أيدي وايدها ترجف .. حاولت اهدئها .. لكن انهارت من صار الوقت أنو نطلع ..
أجت عمة خديجة والبنات يهدأن بيها وهية خايفة .. كلنا جنا متأثريت وخايفين عليها الحد ما كالت الشيخة ..
الشيخة : خايبةةة هسة يجي اليل وتموعين بيدة ..
سمراء : خربنا ضحك عليها وعلى حجيها ..
الحمدلله هدئت وطمناها ..
وكلمن رجع البيتة بتعب لكن الفرحة غامرة گلوبنا ..
*****
- سديمي
سدِم : ها
- ليش ما تاكلين يا خالي ليش
سدِم : ما أريد .. سالم روح منا
سالم : شو صايرة ما تحترمين
سدِم : محترمة بس روح حباب تعبانة ..
سالم : سدِم فتحي الباب ياعيني
سدِم : تعبانة .. عود بعد شوي افتح الباب
اختفى صوتة .. وعرفت أنو راح ..
صارلي أسبوع كامل ..
أسبوع تلوعت روحي من اشتياقي ومن صدمتي ووجع گلبي .. أسبوع كامل راسي على نفس الوجع ما خف أبد
كل الصار ويانا وتالي يطلع مو ابنة !! ..
ما دا اصدك .. ما مستوعبة أبد .. أحس لو مطلگة قبل لا أعرف هل خبر احسلي .. أحسن من ما ابقى بهل حيرة بين عقلي وگلبي ..
خلصت يوم زيادة وصارن 8 أيام ..
انتهى كلشي .. انتهت استراحتي أو حزني .. أخذت وقتي بما فيه الكفاية ! .. صار وقت لازم أقرر ..
بالرغم من ايامي الزينة ويا الثعلب .. لكن ما اكدر .. أحس ماراح تمشي حياتنا مثل الاول إذا رجعتلة .. راح يكون اكو حاجز قوي بينا ..
بالرغم من حُبي الة لكن ما اكدر ارجع .. ما اكدر ولا راح أتحمل عيشتي ويا بعد كُل يلي صار ..
لو ما هوة أجة وأذة خالي جان هسة موجودة هية ! لو ما سوالفة وعمايلة الموزينة إلي تغاضيت عنها لأن ما اكدر احاسب شخص على ماضي ما جنت بي أني جان هسة احنا صارلنا أشهر مزوجين وماشية حياتنا مثل ما خططنا الها !! ..
راجعت كلشي .. كل حساباتي وكل تصرفاتي وكل موقف وكلشي بالفترة إلي صارت ..
تندمت لأن كل الفترة إلي راحت تركت ربي .. نسيت صلاتي .. نسيت التزاماتي ! ..
بين ما أني أفكر ألف فكرة ! ..
تذكرت صلاتي ! .. أول ما أجة علمود يخطبني صليت أستخارة واجاني شعور كلش حلو وراحة وأطمأنان ! ..
معقول !! ..
استغفر الله على التفكير الشيطاني إلي أجاني .. لكن شلون !! .. كل هاذ الصار وشعور حلو ؟؟
استغفرت ربي ..
وكلت ..
- شي أكيد ربي يريد يعلمني درس .. او كلشي يصير ! جوز گلبي يحن .. لكن ياربي ماراح أتوقع بيوم يحن .. بالرغم يتمنى بس صعب يارب صعب
كمت ضليت استغفر ..
سبحت وطلعت بدلت .. ضليت واكفة بمكاني أفكر أصلي لو لا ! ..
وللأسف .. حاولت لكن العجز جان أقوة مني ..
أو شيطاني ؟
نزلت ولكيت بس خالي والبنات .. ابتسم بوجهي وفتحلي حضنة .. رحتلة وشمرت روحي بحضنة .. ما ضل إلي بهاي الدنية غيرة ..
سالم : هم زين اجيتي .. هسة راح سيف يجيب كاهي وكيمر
سدِم : ابتسمت وسكتت .. ضلو يسولفون هوة ومرتة على طلاقي .. بعد ما خلص .. داروجهة علية وكال
سالم : أي ست سدِم .. شنو قررتي !
سدِم : حسيت فتح الجرح إلي بالكوة سديتة بالشاش .. دنكت راسي .. عم الهدوء دقائق وبعدها كال
سالم : أدري فتحت جرحج .. لكن شنسوي ! لازم نتقبل الواقع ونواجه أحسن من ما نتهرب وتتعسر ازيد ..
سدِم : ماراح اتعايش ويا أبد .. ماعدا گلبي يريدة بس روحي نافرة منة
سالم : صلي أستخارة
سدِم : صليت استخارة !! وصار شعور يخبل لكن هسة شنو ؟؟ تعذبت وتلوعت ..
دار وجهة بضوجة وكال ..
سالم : جوز يريد يختبرج .. جوز ضاملج شي حلو ويريدج تتعبين يالة تحصلين علي ! جوز يريد يختبرج إذا تستاهلين هالشي الحلو إلي ضامة الج لو لا ؟؟
سدِم : ما أريدة أريد أطلگ ..
سالم : هاي هية .. التريدي يجرالج
سدِم : سكتت وما حجيت شي ..
أجة سيف وجاب ريوك .. أكلت وخلصت ..
مر اسوأ يوم بحياتي جان ..
حرب ما بين عقلي وگلبي وجان گلبي أقوة لكن روحي نافرة منة ومن اسمة ..
بعد ما خلص هاذ النهار .. وتحدد بي موعد طلاقنا .. صعدت للغرفة لأن مرهقة من لا شيء ..
حضرت روحي علمود أنام .. ودك تليفوني ..
من شفتة رقمة .. حسيت حرارة صابت جسمي .. ترددت ارد لكن خفت ما أرد .. سميت بأسم الله ورديت بعد ما خابر 4 مرات وما توقف ..
أجاني صوتة الهز گلبي هز ..
- شبيدي أني !! .. شبيدي سدِم .. وداعت عيونج يا سديمي مو بيدي الصار والله .. شعلية أني تعاقبيني !
سدِم : رف گلبي .. حسيت راح اخسر كلشي .. كلمة وحدة منة واضعف .. اصير ضعيفة كدامة وانهان ..
لكن تذكرت كلشي صار .. كلشي صار بينا ..
- لكككككك كلةة من وراكككك .. كلةةةة من ورااااا نفسك الدنيةةة يا حقيررر كلةةة من وراهاااا .. خليتها تجيي وتعاير بية .. قبل عرسنا بأسبوع تجيي وتحطم فرحتي .. ولكك لو ما جاي بهذاك الوقت جان هية هسة يمي .. يمييييي واناممم بحضنهااا يا حقيرر كلةةة من وراككك انتةةة .. رحت خطفتنيي وغصباً عني خليتني أحمل منككك علمود تربطنيي .. الظاهر عيشتكك ويا دامِس خلتك تصيررر مثلةةةة
الثعلب : دامِس شعليي بالموضوع ؟؟
سدِم : بعدد ما بيناا يا ثعلبب بس المحاكم ..
سديتة وشمرت التليفون ..
صرت ارجف من قهري وعصبيتي .. دموعي ضل يلالن بعيوني لكن وعدت روحي ماراح ابجي .. عفت الشهكة بروحي ونمت وواسيت روحي بروحي ونمت ...
*****
- ضفطك صاعد .. لو شوية متأخر جان رحت بيها
- حضي الكو**
- أبد ما شايفها ؟
- قافل الباب ومغير المفتاح .. وحتى لو اروح عباس حتى لو اروح مايقبل .. والباب قوي مو مال كسر هسة ردت اروح هل ضغطي الكو**
عباس : شجا عود ؟؟
- شمدريني أني .. وين فهد
عباس : راح .. يكول خلي الحر ينتضرني لا يطلع
الحر : لعد وين هوة ؟
عباس : كال شوية وأجي
الحر : امداااا .. واحد اخ*رة من الثاني
درت وجهي بضوجة .. مر وقت بسيط وأجة الفهد وقاس ضغطي الآخر مرة وطلعنا ..
نمشي ونريد نروح .. كل تفكيري بأبيجيل .. ما أعرف ليش گلبي ناغزني .. هوة شلون ما ينغزني وأني عايفها يم واحد مثل دامِس !! ..
كل تفكيري بيها .. أخاف اروح وما الكاها .. أو ما يخليني اشوفها وأخر مرة صارت مشكلة شكبرها وشكدها ..
وفجأة .. ما أحس غير دامِس بطولة وعرضة كدامي وبيدة ابيجيل !! .. ضليت واكف مصدوم وهمة بعيدين علية .. باوعت على الفهد وكلت ..
- شفت !
كل عقلي أنو مجرد وهم ! لكن انصدمت من الفهد أكدلي أنو هوة دامِس .. تقرب وجانت جيلة بأيدة .. ركض علي الفهد ..
وهو جان ما يشوف بعيونة أبد .. كل همة أحد ينقذها عبر من يمي يهرول بيها .. ركضت ورا وگلبي ضل بالمكان إلي شفتهم بي ..
جانت بحالة يُرثى لها .. جانت مصبوغة بالدم الأحمر ماعدا وجها ورگبتها .. توقعت السبب لكن ما صدكت روحي ..
اخذوها الدكتورة نسائية ..
الحر : شمسوي بيها !!
باوع علية ودار وجهة بقلة صبر وصاح ..
دامِس : طلعوو بس كلوليييي شبيهاااا بسس كولو
الحر : اجو الممرضين علمود يهدئو .. ما هدئ الحد ما شاف حبيبة ..
عباس : شبيكككك دامِس شبيكككك
دامِس : ولككك مدري شبيهااا .. ما يكولولييي شبيهاا عباسسس راح اموتتت
عباس : اش اهدأ دامِس .. مابيها شي يمعود المستشفى ما يقبلون هيج تسوي لا يطردوك ..
دامِس : اطرد روحهم الجنهم ..
الحر : بعز قهرنا وصدمتنا وخوفنا ضحكنا ..
من خوفي على ابيجيل حتى ما سألت على شي .. ضليت كاعد مهدود حيلي وانتضر خبر ..
ومثل ما توقعت .. طارحة ..
جانت عدها مشكلة مال بنات حتى استحيت وتمنيت الكاع تنشك وتبلعني والدكتورة تحجيها كدامنا ..
هنا دامِس انهار ..
وضعة مو مال اتعارك ويا .. سكتت وضميتها إلى الحد ما يصحى ..
مر الوقت .. ضلت أيام بسيطة وهية ما كاعدة أبد .. والسبب .. يغصب عباس يضربها ابرة منوم بس علمود لا تكعد وتشوف العالم ..
ما أعرف شسوي وشحجي ويا هيج شخص ؟ ..
حقة لكن مو حقة ..
حقة لأن هوا مريض .. مرضة مو هين أبد ..
ومو حقة لأن تعذبت البنية كلش ..
طلعناها وجان مخليها بحضنة .. وصلنا للباب .. أول ما خلاها على القنفة طردنا من البيت ..
صارت بينا مشكلة .. وحاولت ابقى لكن ..
- ما اروح لو تموت يا دامِس والله
دامِس : هوة بكيفك ؟؟
- چا تريدد ابقيهاا يمككك علمود ترجعها المرة الثانية جثة مو ؟؟
تنفس قوي .. غمض عيونة .. دار وجهة وكأن كوة لازم روحة وما يضربني .. وكال وهوة كاز على سنونة
دامِس : حر اطلع .. لا اهجم الدنيا عليك حر
الحر : ولحسين ما اطلععع لو تموتتت
هنا بدون مقدمات .. وهجم علية .. كل مرة اخلي يفرغ غضبة بية لكن هالمرة حاولت حتى لو أأذي واضربة علمود اسيطر علي ..
لأن البنية إذا تبقى يمة أكثر راح تنتهي .. تروح من أيدي ..
لكن جان غضبة مسيطر علي ..
وبهل أثناء .. سمعت صوتها .. عرفت أنو كعدت .. عافني وضل مصدوم وكأن ما مصدك .. وخر مني وراحلها ..
*****
ما مستوعبة أي شي ! .. الصدمني أكثر وضع الحر ودامس والدم إلي على وجوهم ..
وكف كدامي ووضعة مخربط .. ضل يضحك بوجهي ويتقرب .. حضني حيل وما انطاني مجال ارفض ..
دفعتة ووكفت وگلبي شايل كره وحقد أتجاهة ..
شفت الحر .. حسيت ردت روحي .. ركضت وعبرت دامِس وشمرت روحي بحضن الحر ..
ما اهتميت الوجع بطني ولا الأي شي .. أريد بس أحس بالأمان .. أريد بس أروي شعور الخوف بالأمان
مسحت عنة الدم إلي على شفتة وكلت ..
ابيجيل : انقذني .. راح يكتلني حر راح أموت ..
بهل أثناء سمعت صيحة دامِس إلي رجت البيت رج .. ضميت راسي برگبة الحر بخوف .. تحرك الحر علمود يخلصني منة .. لكن ما الحك ولزمني من زندي وجرني جرة من الحر .. طيرني وأخر شي حضني من خصري وجرني من شعري بقوة وصاح ..
دامِس : لجججج كح** تدفعينييي وارحيننن تحضنيييي ..
ابيجيل : اخذني للغرفة وأني أصرخ والفهد والحر يصيحون علي وبس يتقربون يضربهم .. شمرني بالكاع وأني منهارة ..
طلع وقفل الباب وعافني أصرخ ..
صار صوت صياح قوي .. صوت تكسير ! ضرب ! .. صوت يكزبر البدن ..
أخذت زاوية من زوايا الغرفة .. لميت رجلية الصدري وخليت أيدي على أذاناتي وانهاريت بالبكاء ..
كانت اصواتهم مرعبة حيل ..
أو يمكن أني إلي ابالغ ؟ .. لكن صوت صياح وتكسير قوي وكأن صارت نهاية العالم .. مر وقت بسيط .. وانفتح الباب بهمجية ..
انرعبت وحرت وين اضم روحي منة ..
تقدم ناحيتي بسرعة .. حاولت اشرد لكن ما كدرت ..
لزمني من شعري وجرني وصاح ..
دامِس : عبالججج انسى إلي سويتيييي .. عبالجج انسااااا ولججججج .. انسى خيانتج !! لو ابني إلي مات من سببج .. لو شردتج مني !! .. الة اخلي الشياطين تبجي على حالج يا ارجوان .. بسيطةةة
ابيجيل : ضربني راجدي قوي ..
شمر راسي بالكاع بقوة .. ما أحس الة دم ترس وجهي ترس .. دفرني على بطني وحسيت روحي طلعت من جسمي ..
حاولت احجي لكن وجع بطني جان أقوة .. من كد الوجع ما طاحت ولا دمعة من عيوني .. نشفن عيوني
شالني من شعري وكال ..
دامِس : طرحتي الطفلل علمود تكسريني مو !!
ابيجيل : الله جان يعرف نيتي .. لكن ما أعرف شنو إلي خلى لساني الحقير ينطق !
- ايييي .. علمودد اكسرككك ..
*****
- ولك وخر .. وخرر هاذ زاد عن حدة وخر مني
- وين مولي هسة حر !
الحر : اهج .. اهج من الكوكب اهج
- دنجب وعوف الجنطة
الحر : أنفعلت ودفعتة من صدرة وصحت ..
- ولكككك شعوفففف .. شعوفففف عباس شعوففف
درت وجهي على الفهد وصحت ..
- سولفلةةةة .. سولفلةةة شسوة سولفلةةة شصخم شمسوي بالبنيةةة
الفهد : زين هسة وين رايح بنص اليالي ؟
الحر : أسافر .. اشوفلة حل .. إذا يبقى هيج راح يسودن البنية .. ما يكتلها لا !! .. راح يخبلهااا ويسودنها
عباس : وين تروح ؟
الحر : مالك دخل انتة ..
حسيت بالضغط انرفع عندي .. رحت أشرب علاجي وكلت ..
- حضرلي الجنطة عباس ضغطي يمكن صعد
حضر الجنطة وأني كاعد ..
منظرة ومنظر جيلة فقدني عقلي .. صوتها ونبرة صوتها ونظراتها من ترجتي انقذها منة هد حيلي هد
ما شافت بحياتها غير بس طيحان الحظ من دامِس
لو طالعة بهاي الدنية جان اهون عليها ..
أخذت جنطتي ورحت للمطار .. مرن اجرائات طبيعية .. انتضرت الطيارة ساعات طويلة ومملة .. لكن ما حسيت بيهن من كد تفكيري بالمستقبل !
المستقبل ويا شخصية ' السايكوباث ' .. أصعب من العيش بنص الوحوش .. ولو ماكو فرق .. لكن صعبة
نزلت من الطيارة وبوجهي للفندق وبعدها نزلت اروح للدكتورة إلي اكتشفت دامِس بي هاذ المرض يمها ..
( المحادثة بالغة الإنجليزية لكن راح اكتبها عربي )
- أهلا أستاذ حر
- دكتورة راح اتخبل !!
قدمتلي مي ورجعت المكانها وكالت ..
- اهدئ .. كلشي ينحل بالهدوء
الحر : دكتورة خبلها .. عذبها حيل شلون اهدئ وأني اشوفها كدامي متعذبة
- أني متفهمة خوفك عليها .. لكن بنفس الوقت لازم تخاف على اخوك أكثر من يمها .. لأن مرضة مو هين
الحر : سولفتلها كلشي صار وكل تصرفاتة وكلامة ..
سرحت شوية .. استأذنت مني وطلعت .. مر وقت طويل وبعدها رجعت ..
كعدت على كرسيها .. ضلت تباوع علية وكأن تريدني افهم من عيونها تأفأفت وكلت ..
الحر : دكولييي .. تردينن اشتم أيدي وأعرف ؟
ضحكت وكالت ..
- اعصابك أستاذ حر ..
الحر : دنكت راسها وفتحت الملف .. وبعدها شبكت ايديها ببعضهن ورفعت راسها وكالت
- كل أنسان الة نقطة ضعفة ! .. لكن بالبداية .. السايكوباث أنواع .. النوع الأول المتهور .. يتوقعون الإثارة .. وقدرة التحمل على ' الملل ' بسيطة .. يعني إذا حسو بالملل أحتمال كلش جبير يأذي أحد علمود يطلع من حالة الملل .. وعدهم قدرة من الذكاء غير محدود .. وينجذبون لمادة الرياضيات ويكونون اقوياء بيها .. وكل الأنشطة الخطرة إلي بيها خطورة على حياتهم .. واغلبهم الذكور .. ويكونون عدوانيين وعنيفين وعصبيين جداً ..
الحر : فهمت تريد تشرحلي الشخصيات علمود دامِس لكن دامِس مو من هاي الشخصية ! .. اوكي بالرغم اكو بعض الشيء البسيط .. لكن مو شخصيتة ومو الشيء إلي رايد اوصلة ..
قلبت الصفحة وسكتت شوية .. غيرت وضعية ايديها وباوعت علية وكالت ..
- والنوع الثاني .. الشخصية القيادية .. شوف هاي الشخصية يمتلكها أخوك .. لكن بنوع آخر ..
الحر : شلون ؟
- يعني .. الصفات الشخصية الأولى وهاي الشخصية تشابه لكن شبه بسيط .. الأولى عدواننين وعصبيين والشخصية القيادية نفس الشي لكن بشيء أقوة واذكياء جداً .. بمعنى .. الشخصية القيادية .. شخصية قوية .. لكن كل صفاتها حقيرة .. مثل ..
التلاعب بالناس .. والتنمر .. ويحرضون بين اثنين يكرهم ويخلق المشاكل بينهم .. لكن .. بسبب خباثتة والسرية التامة يعني انتقامة .. وخبثة المؤذي مو بشكل علني .. عندة سحر وأسلوب خاص
الحر : گلبت الصفحة وكال ..
- والسايكوباثِ .. بالحب ! .. سام جداً .. شوف يختار الأشخاص إلي يحسهم اقوياء .. لأن يعشق التحدي ..
راح ينطي الحب والحنان وينصدم الطرف المقابيل من كمية الحب والأهتمام .. وبالتالي .. يفترسها ويعزلها عن العالم المحيط بيها گ نوع من التملك .. يعني .. ما يحب أحد يباوع عليها .. ما يحب تلتقي بالناس .. يعني متملك تملُك سام ..
الحر : فعلاً .. هذا شخصية دامِس !
- لاا .. مو شخصيتة الحقيقية ..
الحر : أستغربت لكن سكتت علمود تكمل .. وگلبت الصفحة وكالت ..
- الثالث .. سايكوباث المصاب بـ جنون العظمة .. هاذ الشخص .. خطر جداً .. هاذ الشخص .. راح تحاول توصل القلوب الناس من خلال تأليف القصص الحزينة .. أو يبينون أنو همة ضعفاء .. أو يمثلون دور المضلومين علمود يوصلون الهدفهم وألي همة 'كسب قلوب الآخرين' .. وراح ينجح بهاذ الشي لأن يكون متلاعب جداً .. وإذا التقت الشخصية القيادية ويا جنون العظمة .. معناها ..
الحر : سبقتها وكلت ..
- انهجم العالم
ضحكت وكالت ..
- بالظبط يا أستاذ حر .. طيب وليش يسوون هيج ؟ من راح يكسبون قلوب الناس .. راح يبدون بالتدريج يدخلون بحياة الشخص .. وراح يلومو على كل فعل حلو ومو حلو يصدر منة .. وبالتالي راح يحسسون المقابل أنو هوة بحاجتهم وبحاجة دعمهم النفسي وبالتالي راح يتحول التملُك ..
الحر : هذا شخصيتة ؟؟
- لا ..
الحر : عم الهدوء .. بس صوت طيَ صفحات الأوراق .. مر وقت بسيط .. وباوعت علية وكالت ..
- نعم .. وآخراً .. الشخصية المتعصبة .. وهل شخصية دائماً تلكاهم مجرمين .. بسبب !
الحر : باوعت على الورقة .. وبعدها باوعت علية وشبكت اصابعها ببعض وكالت ..
- عقل هالشخصية .. داخلة بدوامة من المُعتقدات الخاصة بيهم .. ويؤمنون بيها جداً .. وماخذتها قاعدة حياتية .. وبهيج أساس .. من الممكن تؤذي المقابل بمجرد أن يجادلة بأنو معتقداتة خاطئة ! ..
الحر : سكتت .. خلص صبري وكلت ..
- وهسة ؟؟
تنفست .. كامت من مكانها .. كعدت بالكرسي المقابيلي وكالت ..
- أخوك .. من كل الشخصيات الذكرتها .. ماخذ صفات مُعينة ..
الحر : مثلاً ؟؟
- الشخصية الأولى ؟ أخوك عندة ذكاء قوي .. ومثل ما كلت بشهرين يدقن أي لُغة ! وهاذ الشي مستحيل ويحبون شكو شي يأذيهم أو ممكن يؤدي حياتهم للموت ! أو للخطر .. أما ثاني شخصية ماخذ منها .. القوة .. والتلاعب بالناس مثل ما ذكرتلي شلون يتلاعب بـ زوجتة ويفهمها أشياء ما موجودة .. وغيرها من المواقف الذكرتها .. والثالث .. الحب السام ! .. علاقتة هوة وزوجتة سامة جداً ومؤذية والمريض .. عندة نوع من التملُك مؤذي .. جداً مؤذي وبس التملُك إلي عندة وحدة راح يحطم الأنسان ..
ومصاب بجنون العظمة وفوك كل هاذ نرجسي .. جداً
الحر : الحل ؟؟
سحبت نفس وغيرت وضعيفة جلوسها .. ركزت بعيوني وكالت ..
- جداً واضح نقطة ضعفة شنو ؟ ..
الحر : ابيجيل !
- نعم .. ولان نرجسي جداً .. فا ماراح يتقبل أحد يكلة مريض راح يأذي لأن يعتبرها اهانة ! .. لكن حسب ما كلت أنو مهووس بمرتة .. فا عن طريقها راح نعالجة .. واحتمال جبير راح يأذيها إذا كالتلة تعالج ..
الحر : ما أريدة ياذيها ؟؟ هية من غير شي متأذية
- أذاً .. لازم نبدي نعالج مرتة لأن من سبب تعاملة وياها مريضة نفسية لكن ما اكدر أعرف حالتها بالضبط إلى إذا انطيتني معلومات قوية عنها
الحر : عايش وياها لكن ما أعرف شخصيتها هواي ! غير أنو هية عصبية وعنودية ومتهورة ..
- هية مو عنودية .. لكن تتمنى شي وتريد تسوي فا تسوي غصباً على كل شخص يوكف بوجها .. لأن دامِس هوة إلي متحكم بحياتها .. يعني انتة كلت حتى أكلها هوة متحكم بي ! فا هية من كد ما تحس بالتحكم وبلأخص هية كبرت حالياً وراح ابدي تفتهم حتى لو محد بفهمها وهاذ الشي خطر عليها .. لأن راح تصير مثل الشخصية المتعصبة .. راح تسوي معتقدات خاصة بيها ..
الحر : والحل دكتورة ؟؟
- بعدها عنة مو حل ؟ .. اكو أشياء .. ضروري أعرفها
الحر : مثل شنو ؟
- علاقتهم بعيدا عن الناس
الحر : شلون يعني ؟
- علاقتهم بس وحدهم .. تصرفاتة وياها ! إذا عاندت شنو يسوي إذا وحدهم أو كدامكم .. تصرفاتة إذا سوت إلي تريدة .. تصرفاتة إذا عاندتة ؟
الحر : زين شلون وتعرفين باعدني عنها
- لازم تسوي كلشي يريدة
الحر : اليريدة صعب ! يريدني اصير مثلة
- أي وهاي معتقداتة .. أحد معتقداتة حسب إلي كلتة أنو لازم الكُل يصير تحت أمرة ..
الحر : فهمتني أكثر وأكثر .. كل ما تنطيني حل انطيها ألف عائق ..
شخصية دامِس طلعت أصعب من ما أني متخيل .. أحس شاكة بهواي أشياء لكن ما متأكد .. بدت تلمحلي على شي لكن ما أعرف إذا صح أو غلط ؟
خلصت محاضرة 3 ساعات ..
رجعت وأني راسي يريد ينفجر من التفكير ..
سكتت بما به الكفاية عن وضعة .. للأسف سكوتي جان عبالي بلكي يتغير .. لكن زاد الأسوأ ..
ما جنت متخيل علاجة صعب بهذا القدر .. جنت أعرف صعب لكن مو بهل صعوبة .. علاجة جيلة ! لكن جيلة بنفسها عدها مرض وما معروف شنو لأن ما انطيتها المعلومات الكافية علمود تشخص حالتها ..
شمرت روحي على السرير تعبان وقلقان عليها وعلى دامِس ..
الحر : مواجهة صعبة يا دامِس .. لكن اعالجك وغصباً عنك .. اهدملك الشخصية إلي بناها المسمى ابوك يا دامِس .. اهدمها وابنيلك غيرها ...
****
احتل الرعب گلبي .. راح أأذي روحي .. وديت روحي بداهية بعد كلماتي إلي نطقتهن علمود أأذي ..
سكوتة إلي دام دقائق طويلة رعبني أكثر .. لو يصيح ويحاسبني أحسن من سكوتة ..
عافني وراح الغرفتة ومعاني الصدمة محتلة وجهة المليئ بالغضب ..
لزمت بطني إلي موتتني .. رحت تمددت ولعل يخف الوجع .. إلى هاي الحظات ما مستوعبة أنو أني جنت حامل ؟؟ .. ومن دامِس !!! ..
مقهورة على ابني إلي مات .. لكن فرحانة ما تحققت غاية دامِس وخلاني اصير أم الأطفالة .. وبعد ماكو أي مهرب منة ..
مر وقت طويل وكل عقلي دامِس يعديها على خير !
انفتح باب غرفتة .. كعدت ودرت وجهي علي ..
انهد حيلي .. راحت روحي صعدت للسماء من شفتة لازم نفس الجنطة إلي بيها أدوات تعذيب !!! ..
طفرت من مكاني وهوة ضحك قوي .. وكأن فرح من شافني خايفة منة ..
يتقرب مني وأني ابتعد عنة واحس جسمي اشتغل نار من الرعب ..
دامِس : شبي خايف الحلو ؟
- تحلم تشوف وجهي يا دامِس إذا سويت شي
دامِس : افااا .. أني اسوي شي الروحي ؟؟ وسفة والله اسوي بس شي واحد ..
- احتدت معاني وجهة حيلل .. وكال بنبرة ترعب
دامِس : أني راح اسوي أشياء .. أني راح اخليج تبجين دم يا ارجوان ..
ابيجيل : والله اشرد يا دامِس
ضحك حيل وكال ..
دامِس : هاي المرة تعدين الشارع وهم ترجعين
ابيجيل : اليوم توجعت وما شردت منك ب....
دامِس : والمرة الثانية راح تتلوعيننن مو بس تتوجعين .. تتلوعيننن .. الملائكة تبجي عليج ارجوان تبجييي راح اخليهاااا ..
ابيجيل : والله تحلم تشوفني
تقرب سريع وضربني راجدي ولزمني من شعري وهوة يكول ..
دامِس : شني تهددين حضرتج؟
ابيجيل : عوف شعريي وخررر ..
دامِس : والله حاير .. على شنو اندمج ! .. على خيانتج إلي ؟ على شردتج؟ على ابني إلي مات من وراج ؟ على شنو ..
ابيجيل : شمرني على القنفة .. جر الجنطة .. وكعد مقابيلي وفتحها وكال ..
دامِس : احااااااا .. شني هالجمال هاذ
ابيجيل : جنت ممثلة القوة .. لكن انهد حيلي وراحت القوة من سحب أكثر سچين وجعتني ..
بجيت ولميت روحي وكلت وأني اباوع على عيونة ..
- لا تسوي هيج والله توجع دامِس !
دامِس : تباوعين بعيوني عود بلكي أحن ؟؟ .. لا والله .. محيتي الحنية .. محيتيهااا بأيدج وبتصرفاتج الجلبة الكح***
ابيجيل : تقرب بسرعة .. لكن سبقتة وطفرت من مكاني .. ابتعدت منة .. ابتعدت حيل ..
خليتة يجي ويبتعد عن مكان الجنطة .. وبعدها عفتة ودنكت حيل وعبرتة بكل سرعتي وأخذت بأيدي سچين كلش جبيرة ..
شافني وهوة مصدوم .. لكن بساع ضحك ضحكة قوية ..
دزلي بوسة بالهواء وكال ..
دامِس : تربيتي ..
ابيجيل : ولحسين إذا سويت شي يا دامِس ادجك واموتك واخلص منك ..
ضحك حيل .. تقرب مني وما مهتم التهديداتي .. كل عقلة مجرد تهديدات .. لكن أول ما جرني من زندي
ما أحس بروحي إلى والسچين ببطنة ..
ضل يباوعلي بعيونة الحمر وما مستوعب ولا أني مستوعبة إلي سويتة !! ..
كعد بالكاع ونزلت عيوني على خصرة وعلى أيدة إلي أدمرت دم .. شمرت السچين من أيدي وأني مصدومة مر وقت بسيط .. من شفتة وكف على حيلة ..
خفت حيل .. ركضت علي ودفعتة ووكع بالكاع وأنضرب راسة بالكرويتة .. وركضت على الباب ولعل اكدر اشرد .. جنت متأكدة ماكو مفتاح ومقفول !
لكن انصدمت من شفت المفتاح بالباب .. ركضت وفتحت الباب ..
سمعت صوتة إلي رج البيت ورج گلبي ويا البيت ..
ركضت بخوف وما أعرف وين اروح لكن بس اركض
وكفت اسحب نفسي المگطوع ..
وقت قليل .. درت وجهي وانصدمت من شفتة يركض بتعبب .. ركضت وصاح ..
دامِس : اوكفيييي .. ولجججج اوكفيي زيطةةةة
ابيجيل : أنجب انتة زيطةةةة ..
ركضت سريع .. درت وجهي علي وما أحس غير يركض بكل سرعتةةة .. جان واصل قريب من يمي .. تخبلت وصرخت وركضت حيل ..
لكن للمرة الثانية .. وجع بطني خاني .. قللت سرعتي لعل يخف .. لكن زاد وما نقص ..
توقفت وأستسلمت ..
وكعت بالكاع وأني متوجعة .. انصدمت من شفت رجلية كلها دم .. لزمت بطني بوجع وصرخت ..
ما أحس غير انجريت من شعري ..
صرخت أكثر ورفعني عن الأرض .. صرت اصارعة علمود ما ياخذني .. بس شالني عن الأرض ..
رجعني للبيت ..
نزلني وما أحس غير راجدي وكعني بالكاع .. راح قفل الباب وبعدها أجة وهوة يصيح ..
دامِس : لججج شسوييييي بيججج اليوممممم .. شسوييي بيجججججج
ابيجيل : ضربني برجلة على فخذي .. حسيت روحي طلعت من جسمي .. ردت أحجي لكن ضربني على حلكي ..
لزمني من رگبتي وضربني على حلكي وراجديات وهوة يصيح ..
دامِس : تضربينييي وتشرديننن منييي .. ولججج منو أنتي واضربينيييي .. ولججج انعللل **** .. اليوم .. اراويج نجوم الظهر يا ارجوان ..
ابيجيل : ما ينطيني مجال حتى أصرخ .. راجدي ورا الثاني .. جرني من شعري وضرب راسي بالأرض ..
حسيت بدوخة قوية .. رفعت راسي وما أحس غير شك جسمي بالسچين إلي ما أعرف شوكت صارت بأيدة ..
دفرني برجلة ..
ما خلى طريقة تعذيب تعتب علي ..
دفرني على بطني .. يلزم شعري ويوكفي على حيلي ويركع راسي بالحايط .. إلى أن وجهي انترس دم ..
شرح جسمي كلة .. وكأن دا يشرح ذبيحة ..
كل جرح أقوة وأوجع من إلي قبلة ..
انهارت قوتي كلها .. بعد ما بية حيل حتى افتح عيوني .. وفوك كل إلي سوا .. اعت**دى علية بكل وحشية ..
اغمى علية وأخر شي اذكرة كلامة ..
دامِس : ابجيج دم ...
ابيجيل : عفتة ورحت العالمي الخاص .. عالمي المليئ بالسواد ..
****
- زين هسة شلون ؟
- عباس .. أخذ ابيجيل واشرد ؟
عباس : يمعود .. راح تخلي يزيد .. احنا نريد نعالجة وهيج راح حتى الغريب يأذي
- المشكلة إلي يشوفة يكول شكد واعي وما بي شي ! بس احنا ! احناا ..
عباس : هوة هي كل الناس .. تشوفهم ناس عاديين بيهم حلوين .. وبيهم جمال طبيعي .. لكن من نتعمق بحياتهم نشوف أشكال من المصائب
- أني هم جنت ويا ؟ بس ليش ما صرت مثلة
عدل كعدتة وصار كدامي كلش وكال ..
عباس : حر .. إلي مريت بي انتة جزء بسيط من إلي مر بي دامِس .. من ابوكم الكو** إلي جان مركز بي لأن يلاسنة وما يرضى على عمايلة .. ومن ايامة إلي عاشها بعيد عنكم وعاشها بالشارع على الرصيف ينام وفوك كل هاذ خلص مراهقة بنص المجرمين ..
الحر : أني هم ؟ مو بس هوة
عباس : انتة بساع أجيت الاجدادك .. هوة ضل سنوات طويلة يمهم ..
الحر : تعبت منة ..
عباس : أني هم ..
الحر : باوعت علي وأني مستغرب وكلت ..
- شلون ثق بيك وصرت صديقة بهل قوة ؟
عباس : بالبداية جان كلش صعب .. بس حاولت ويا جان إذا ابوك يضربة ويطلع برا يروح يطلع حركة گلبة على الشخص إلي مجرد يباوع علي .. اروح ادافع عنة .. وإذا يكون ضربة قوي هم أني اداوي .. ومرة من المرات ..
الحر : ضحك وعدل كعدتة وركز عيونة على مكان وكال ..
عباس : جان ابوك ضاربة ضرب مو طبيعي .. الدرجة اتخربط وهوة كاعد بالباب .. طلعت ومن شفتة تخبلت .. أخذتة وخليت أمي الله يرحمها تداوي .. وتعلمت علي عقمت جروحة وانطيتة أدوية .. الحد ما كعد ومن شافني وشاف روحة بالبيت تخبل ..
ضل يصيح ويتعارك ووصلت حتى ضربني .. والله ليش لأن تفضلت علي وعبالة راح اضل اعايرة لأن داويتة ..
الحر : هاي شوكت ؟
عباس : بوقتها جان عمرة 11 سنة .. وبعد ما ضربني رحت يمة من هدئ وكتلة .. باهر ترا والله شفتك متخربط وداويتك علمود أتعلم عليك علمود اصير دكتور .. بوقتها ضربني وكال .. شني أني فار تجارب ابنل **** .. ضربتة وكلت .. تراااا ابوييي ميتتت حقيررر .. تعصبت بوقتها كلش .. ابتعدت عنة وكلت .. والله بعد ما احاجيك لو تموت .. وبعد تحلم تشوفني أو حتى تسمع اسمي .. عفتة ورحت .. وبوقتها مر أسبوع وأني ما اصير كدامة بس اشوفة من الجامة أو السطح يومية يوكف كدام الباب ..
وأخر يوم النا بهاي الزعلة .. جنت فوك بالسطح اراقبة .. ضل يحوم .. يروح ويرجع على بيتنا .. آخر شي ركع راسة بالحايط الدرجة طلع دم .. وأجة للبيت يكول داويني وكعت ..
الحر : ليش هيج سوة ؟
عباس : شوف .. دامِس يريد شخص يهتم بي بدون ما يكلة .. يريد شخص يعرف شنو بي بدون لا يكلة بية هيج وهيج .. بس ويا ابيجيل زوجتة الحجي يختلف .. يريدها تهتم بي ويجبرها تحبة لأن هوة يحبها ويريد تهتم بي ويجبرها على هاذ الشي هوة بطبعة الشخص إذا ما بادرة ما يبادر لو يموت .. يعني أني بادرت وصرت اتقرب منة واداوي بس ما يقبل لكن بداخلة فرحان ..
الحر : أي صدك
عباس : أي واتوقع بسبب ابوك لأن جان يجبرة على أشياء ما يريدها .. ومثل ما كالتلك الدكتورة أنو عندة معتقدات خاصة بي .. فا يمكن وحدة من هذن معتقداتة هية إذا حب شخص بالمقابل ما بادلة .. غصباً عنة يحبة .. وبلأخص هوة عندة تملُك قوي .. فا هاذ زايد من الطين بلة
الحر : أي والله صدك .. ونقطة ضعفة ابيجيل بس ابيجيل بنفسها مريضة من سبب إلي يسوي بيها .. بس ما عرفت تشخص حالتها .. صح عايش وياها أيام واسابيع بس ما مركز بيها ..
عباس : يعني قصدك تعالجة عن طريقها ؟
الحر : أي وبالبداية هية اعالجها .. مسويها بنية غبية ما تعرف بالحياة شي .. كلة ممشيها على إلي يريدة اكلها شربها لبسها .. من جانت صغيرة حتى نومها محددة .. وحياتها بأكملها
عباس : زين شلون ؟
الحر : ما أعرف .. عندة شخصية النرجسية .. وهاي الشخصية صعبة أحد يكول أنو مريض أو هيج كلام فا صعب أني أكلة تعالج .. الدكتورة تريد من خلال ابيجيل تعالجة لأن نقطة ضعفة هية ..
عباس : تهون ياخوية تهون
الحر : شوكت تهون ؟ .. بعد ما يخلص عليها ..
عم الهدوء وتمددنا على العشب .. حسيت بأحساس غريب ! ..
- عباس .. أحس صاير شي بأبيجيل
عباس : طبعاً يصير بيها شي إذا هية يم دامِس
الحر : إذا رحت لو أموت ما اكدر اطب للبيت .. الغرف كلها قفلها وغير مفاتيحها
عباس : نغل ..
الحر : جاي اكرهة تدري ؟
عباس : زين يامن وين
الحر : رجع البلدة
عباس : وين ؟
الحر : بـ *****
عباس : عايش هناك ؟
الحر : أي .. صارلة سنوات هواي حتى عندة إقامة وجنسية
عباس : بعد ما هجج دامِس علينا عافة هيج وراح
الحر : لا والله .. ابيجيل إلي حبتة .. ولو متأكد ما حابتة هوة شخصياً .. علمود تخلص من دامِس
ضحكت من تذكرت كلمتة وكلت ..
- على كولتة مشمورة صرتها يم اخوانة
عباس : ههههههه .. والله صدك .. حبتكم كلكم الة هوة
الحر : تريد الصدك ؟ .. من جانت صغيرة ويغيب عنها تتخبل .. تسودن .. بس من بدت توعى وتكبر وتشوف هذني تصرفاتة .. صارت تكرهة وتريد بأي قدر تتخلص منة
عباس : يعني كلة من ورا
الحر : أي .. يعني يامن .. جان تصرفاتة وياها كلش حلوة .. عكس دامِس إلي يومية مسوي مشكلة .. وبلأخص هية عنودية كلش .. يعني تجذب بس علمود تغث دامِس وهذاك يتخبل .. هية عبالها راح تأذي بهاذ العناد بس هوة إلي يأذيها ..
عباس : شنو هالحيرة هاي
الحر : تعبت من التفكير .. بعد أسبوع اروح للدكتورة عندي هواي أشياء ما أستفسرتها ! ...
****
فتحت عيوني بتعب .. حسيت على شي مقيدي ما يخليني افتح عيوني عدل .. أدركت عيوني مورمة ..
ما مستوعبة روحي ..
كان وجع روحي ضاغي أكثر من وجع جسمي .. حركت أيدي الزم خاصرتي المتألمة .. لكن أستغربت من ما كدرت ..
فتحت عيوني عدل .. وأنصدمت من شفت أيدي مُقيدة بسلاسل !!
انرعبت حيل .. أخذت عيوني تدور حول المكان المرعب ؟؟
مُكان مليئ بألاسوداد ! .. سلاسل مدفونة بالحايط إلي اتچيت علي ! .. انصدمت أكثر من شفت روحي بلا شي يستر جسدي إلي مليئ بالدم والجروح المُخيطة !! ..
خفت حيل .. اتحل الرعب گلبي .. صرت أصرخ بعلو صوتي علمود دامِس يجي !
ابيجيل : ولكككك دامِسسس وينن عايفنيييي .. وينكككككك حقيرررررررر شنوو هاذ المكاننن العايفني بييي ! ..
كل محاولاتي بأنو استنجد بي وهوة إلي وصلني الهاي الحالة والوضع ! .. فشلت !! ..
مر وقت طويل جداً .. وصبري بدة ينفذ كلش .. جان موجود شباك صغير وبي حدايد ظاهر السماء ..
بدت تسود الدنية ويحل الظلام .. وبدة الخوف يأكل گلبي أكل ..
مر وقت اضافي .. وكذالك وقت طويل جداً .. وصار اليل .. وراحت الشمس إلي جانت ناقذتني من ظلام اليل المُرعب ..
صرخت وصرخت وصرخت وأستنجدت بي ! .. لكن ما حصلت غير بس الخنكة وألم الحنجرة ..
أستسلمت وحضنت رجلية الصدري .. صرت اهز بروحي بخفة وجسمي يرجف .. ما اهتميت الكل وجع بجسمي ..
حرت وين اودي عيوني علمود ما تتخيل أشياء مرعبة ! .. آخر ش أنتبهت علية الشباك الصغير جان طالع منة أضوية صغيرة حيل ..
جان يسولفلي عنها لكن نسيت اسمائها ..
التهيت بيها وبجمالهن وبالشعور الحلو إلي احتل گلبي من شفتهن ..
صارلي سنوات ما شايفة الشمس .. لأن هاملة غرف الولد وهمة ينضفوهن .. وقبل جنت من انضف غرفهم اشوف الشمس من الشباك إلي بغرفة الحر ..
وبعمري ما شايفة المنظر إلي دا اشوفة غير بس من اشرد ..
حسيت الباب بدة ينفتح .. لميت روحي حيل علمود استر جسدي .. وبين طولة وضخامتة ..
جان لابس شفقة وكلة أسود .. ضل يمشي بأتجاهي
جر الكرسي وكعد مقابيلي نزع الشفقة وكال ..
دامِس : أول يومين بدون حضنج
ابيجيل : جيبلي شي البسة
دامِس : تدللين عيوني
ابيجيل : راح وقفل الباب ورا .. مر وقت بسيط ورجع بيدة دشداشة بيضة
- أريد اسبح اوخر هاذ الدم
دامِس : جؤ .. ممنوع تعتبين عتبة هاذ الباب الة إذا أني ردت
ابيجيل : صرخت وكلت .. اريددددد اسبححححح
تقرب مني .. دفرني برجلة وكال ..
دامِس : صوتج ما يعلى علية ..
ابيجيل : بجيت لكن ما طلعت صوتي .. بقيت خازرتة وهوة راح المكانة .. ردت البس لكن ما كدرت من ورا السلاسل ..
- افتحهن أريد ابدل
تقرب بدون صوت .. فتحهن وبساع لبست ..
أجة راد يلزم أيدي .. لكن دفعتة حيل وردت اشرد لكن بساع لزمني من زندي .. ووكعني براجدي وأنضرب راسي بالحايط ..
لزمني من شعري ورفع وجهي الة وصاح ..
دامِس : ولججججج ترديننننن تشرديننننن كح*** .. اخذتت رجلجج بعد على الدياحةةة اخذتت
ابيجيل : ضربني راجدي ثاني وقيد أيدي وهوة يغلط علية ويفشر ويغلط هم على روحة ..
قيدني بالسلاسل مرة ثانية .. عطت علي ..
- شتريددددد منيييي .. ليشش هيجج تسويي حقيرر ليشششش
ضربني على حلكي وصاح ..
دامِس : بعمرييي ما منطييي مجال الأحد مثل ما انطيتج مجال .. كلت هية مرتي وبنتي خلي احترمها لكن أنتي مو مال احترام .. كتلجججج ارجوان لا تسوين شييي غلططط لا اراويجج وجهي الثاني بس أنتي من حقدجج ما اهتميتي الكلامي وعبالجج مجردد حجيي .. بس وحق عيونج وزراكهن الهد حيلي .. إلى اندمج يا ارجوان .. بعد تحلمين تشوفين راحة يا ارجوان تحلمينن .. انسي دامِس القديم ..
ابيجيل : دامِس شبيكك .. تراا كافي إلي سويتة بية
دامِس : مقبلات إلي سويتة .. لكن الوجبة الرئيسية عن قريب ..
ابيجيل : راح وأني تخبلت .. صرت أصرخ واغلط علي وابجي .. قفل الباب وعافني أصرخ وراح ..
وأدركت من هاذ اليوم .. راح يبدي عذابي الحقيقي !
مر وقت طويل وأني منهارة .. وبعدها اغمى علية من تعبي ووجعي ..
****
مِن المؤلم أن تمر عليك لحظة تتمنّى التّخلّص فيها من ذاكراتك .. وأن تكتشف بعد فوات الأوان أنّك مدرج لديهم في قائمة الأغبياء !؟ ..
أشهر من ايامنا مرت كلش حلوة ..
طلعنا .. رجعنا .. فرحنا .. احتفلنا سوة .. كل إلي يشوفنا يحسدنا على علاقتنا الحلوة وحبنا القوي ..
لكن بأخر أيام .. للأسف ..
الشيطان يلعب بعقلي .. أو ؟؟ .. فعلاً اكو شي وربي نبهني علي على هيئة شعور ! ..
حيف متغير كلش .. صاير يسهر .. مخلصها بس عرك ومشاكل ويخلق المشكلة من اتفه الأسباب ..
منا فوج وكسرتها إلي صدمتنا كلنا بيها .. ومنا حيف ! .. واهلة ؟ .. وضغط الأقرباء على الحمل !
واليوم موعدنا على الدكتورة لأن آخر فترة صارت مشكلتة الحمل ! ..
فا ؟ .. الحك العيار الباب الدار .. ونشوف ! ..
بدلت ونزلت تحت انضارهم إلي تحسس الواحد مسويلة مكسورة .. ما اهتميت ورحت طلعت لأن منتضرني برا ..
حيف : يلة ليندا بساعج مستعجل
ليندا : لعد تعوفني وحدي ؟؟
حيف : لا ندخل أني وياج للدكتورة وبعدها ترجعين وحدج وأني اروح .. شغل كلش ضروري
ليندا : يايوم ما عندك شغل ضروري ؟
باوع علية وكال ..
حيف : چا مو تردين تصرفين وتشترين بدون ما تشوفين السعر !
ليندا : ضحكت وأني مستغربة ومصدومة ؟ ..
من أول ما تزوجنا ما ينطيني فلس ! .. كلة من شغلي أني .. تخرجت والحمدلله اشتغل بصيدلة وأني اصرف واساساً أني إلي انطي مرات ! ..
سكتت وما ردت تزيد المشكلة ..
وصلنا للدكتورة وجان سرانا واصل .. بساع طبينا ..
سوت الازم وللأسف ..
طلع الخلل من عندي ! .. طلع عندي عقم ؟
طلعت وأني مصدومة ورايحة روحي من خبرها .. ضل يعاير بية وكأن هالشي بيدي ! .. يحجي ويحجي ويجرحني ويكسر گلبي بالكلام وكأن بيدي !
تعصب وطلعها حجة علمود يعوفني ويروح .. رجعت للبيت وحدي وأني بحالة صدمة وحزن ..
رجعت وما حجيت أي شي وياهم .. كبل صعدت الغرفتي ونمت بدون حتى ما ابدل ..
كعدت على صوت صياح ..
حيف : كعديي لججج .. كعديييي ..العاجرر .. كلةةة من وراجج انحرمت من الأطفال ..
ليدا : كعدت .. باوعت علي بكسرة .. خلص كلامة ورجعت أنام والشهكة بگلبي ..
مرن اسوأ أيام بحياتي .. رغم كل هاذ ما بينت الأحد لأن راح يكولون اختيارج ! ..
****
أصبحت الوحدة صديقتي الجديدة .. تتكاثر مع حياة خالية من الفرح ومليئةَ بالأسوداد ..
وكأن الأيام تحكمُ عليَ بالموت البطيئ ..
وأصعب شيء في يومي وأيامي كُلها .. هو ! ..
' ظلام اليل ' ..
حين تذهب الشمس .. تصبح النفس حزينة وأكثر حزناً حين تكون الشمس ..
أصبح أنا وحزني وروحي الخائفة في زوايا القبو ..
تتناثر دموعي حزناً وخوفاً ..
اهدئ نفسي وأحاول أن لا ابكي عندما تغيب لشمس لكي أرى جمال النجوم وضوء القمر ..
ولكن للأسف ! ..
الخوف يطغيَ على قلبي وروحي ..
فتحت عيوني بثگل .. لكن ما كدرت .. جداً مورمات ما سويت شي .. بقيت بمكاني انتضر شوكت يخفن ..
مر وقت طويل جداً ..
وقت ممل ومرعب .. جوعانة بشكل مو طبيعي ..
بدن عيوني يخفن وخلصت وقتي اباوع على السماء إلى ان صار اليل وأنفتح الباب ..
خلى أكل بصينية .. وراد يطلع وكلت ..
ابيجيل : اكرهك حيل .. أتمنى تموت واخلص منك
باوع علية وكال ..
دامِس : حتى لو أموت .. ماراح تخلصين مني عزيزتي
ابيجيل : راد يقفل الباب .. وبزقت علي .. انفتح الباب بساع وباوع علية بخزرة ..
اعتذرت منة لأن إذا ما اعتذرت راح يأذيني .. عافني وركع الباب بقوة وراح .. وأني رحت أكل بهمجية لأن صارلي ما أعرف كم يوم بدون أكل ..
مرن الأيام .. نفسيتي تعبت وتحطمت بكل معنى الكلمة .. محبوسة بين 4 حيطان وعبارة عن ظلام ومقيدة بالسلاسل ..
ومر شهر ..
....
فزيت من صفنتي على صوت الباب .. فتحة وبدون مقدمات أجة وحضني .. ما جان عندي الحيل علمود ابعدة عني ..
دامِس : كلة من وراج .. ما اكدر بدونج بس أنتي تكرهيني
ابيجيل : واتخبل منكك .. اشوف عزرائيل وما اشوفك تدري ؟؟ .. ولو يصير عندي مجال اشرد ! اشرد وقبلها اكتلك واموتك يالة اروح ..
ضل يباوع علية مصدوم .. وكال
دامِس : ليش هيج تكرهيني ؟
ابيجيل : كل هاذ المسوي وتكلي ليش تكرهيني ؟
دامِس : شمسوي !!
ابيجيل : يااااااااااااا ..
حرفياً صدمني بهاي كلمتة .. ضليت مستغربة حيل .. هاذ كلة العذاب ويكلي شمسوي !! .. زين إذا يسوي شلون ؟
- والله ما أعرف .. شمسوي حضرت جناب الأستاذ دامِس !! .. فكر بلة راجع ايامك وشوف !
حضني حيل وكال ..
دامِس : اريدج تحبيني .. ما أريد غير حبج ارجوان بس أنتي ما تحبيني .. تكرهيني .. والله شكد يحاولن يتقربن مني .. لكن ماكو غيرج تملي عيني .. بعمري ما مسوي شي يغثج ولا حتى مباوع الوحدة غيرج ..
ابيجيل : يحجي وأني مستغربة من كلامة ! .. شني وحدة ! شني تقرب ! هوة مو كال بس احنا بهاي الحياة ؟؟ ..
- يا وحدة ؟ .. انتة مو تكول بس احنا بهاي الحياة والباقين وحوش !!
باوع علية .. وبدون ما يرد علية وراح وقفل الباب وعافني منهارة ..
مرن الأيام ..
نفسيتي تحطمت أكثر .. حتى الأكل يجيبة ما أكلة ومن يجي هوة يا انضرب من اعاند يا أكل وبعدها هم أنضرب بسبب لساني إلي يريد يفوخ گلبي بكلامة السام إلي يطلع ..
أيدي تجرحت من السلاسل .. صارت زراك على حمار على جروح ..
اسوأ أيام بحياتي عشتها .. وكل ضني أنو هاي اسوأ أيام !! .. ما جنت أعرف الـ منتضرني اسوأ منة بأضعاف ! ..
انفتح الباب وگ العادة بيدة صينية أكل ..
دامِس : إذا ما اكلتي اوكلج بغير طريقة ..
ابيجيل : لو تذبحني هاي المرة ما أكل .. حتى لو تضربني ! .. ما أكل
دامِس : ارجوان شبيجج .. اكليييييي سممم اكلييي كح***
ابيجيل : امشي ولييي منييييي امشييي
أجة علية ودفرني .. ضحكت رغم الألم وكلت ..
- صارت تدغدغ حبيبي .. تدغدغ ضربتك
لزمني من شعري وصاح ..
دامِس : لججج لا تستفزينييي بربوكككك لا تستفزينييييي
ابيجيل : ليش ! تخاف اصير أقوة منك ؟
جر شعري أقوة وضربني راجدي وصاح ..
دامِس : كافيييي .. ما أريد أأذيججج كافيييي
ابيجيل : ههههههههه .. هاذ كلة وما تأذيني !! زين إذا تأذيني شتسوي !
دامِس : اسويج يا دليمية يا برياني
ابيجيل : تعصبت من كلامة وصرخت ..
- لاااااااااا .. اننننيييييي اذبحككك انييييي .. وحقق الحسينن اذبحكككك واشمرك للوحووشش جلببب
ضربني أقوة وهالمرة أني هم دفرتة بأيدي .. وهوة تخبلللل .. تسودننن .. ضربني وضربنيي قوي كلش ..
آخر شي ابتعد عني وأني جسمي كلة أثار ضرب ..
دامِس : اذبحج ومحمدد
ابيجيل : بالرغم من وجع جسمي وروحي الرايحة لكن ما سكتت وكلت وأني بالكوة احجي ..
- انييي اذبحكك واشمركك للوحوش البرا تاكلكك
ضحك حيل .. وضحك أقوة .. وضحك الدرجة السُعال .. راح كعد على الكرسي وهوة يضحك ..
جريت روحي وأتجيت على الحايط بالكوة .. باوعت علي .. هدئ شوية وبعدها كال ..
دامِس : يابوية .. كل عقلك اكو وحوش ؟؟
ابيجيل : وهنا كانت الصاعقة !! .. رفعت راسي علي ورگبتي موتتني .. ضحك أقوة وكال ..
دامِس : يابة شكدد مضحككة انتيي .. شفتي ليش ما اخليجج تطلعين .. لأن مضحكة .. أي شخص يكلج شي بساع تصدكين ..
ابيجيل : شقصدك ؟
ضحك حيل وكال ..
دامِس : كل عقلج اكو وحوش برا ؟؟ .. لاا يابةةة .. بالعكس .. زايد جمال والناس والدنية .. صديقتججج فرحح ..
ابيجيل : جر آخر كلمتين جر .. نغزني گلبي وحسيت جسمي اشتعل نار ..
دامِس : صديقتج فرح إلى الآن هية منتضرتج تدرين ؟ .. كل عقلهم أنتي ميتة .. للأسف .. عبالهم ميتة وعندج گبر باسمج .. لكن ما يعرفون أنتي بأسمي .. بأسم ' باهر ' .. محد يحقلة يشوف عيونج ولا يشوف الشمس إلي بشعرج غيرة ..
ابيجيل : سكت لكن نظراتة مستمرة تحجي ..
يحجي وأني مصدومة .. مو بس مصدومة ! لااا .. ميتة .. نزلن دموعي .. ونطقت شفتي إلي ترجف !
- جنت تضحك علية !!
ضحك وكال ..
دامِس : أي مو اكلج أنتي مضحكة ؟؟ صدكتيني هسة لو لا ؟
ابيجيل : عم الهدوء ..
هوة يفكر ونظراتة مرعبة .. وأني رجعلي كل ذكرياتي ! .. كل كلامة ! كل الوهم إلي عيشني بي !
وكف على حيلة وهوة يفتح دكم قميصة ..
وكال ..
دامِس : أنتي مُلكي .. مُلكي بس أني .. مُلك دامِس
ابيجيل : وللأسف .. اعت**دى علية بكل وحشية ..
فزيت من بعد ما اغمى علية ..
تفقدت روحي وأشوف الدم تارس جسمي !! .. ما اعرف منين .. من يا شبر بجسمي ! لأن جسمي عبارة عن دم!!
حاولت اكوم واعدل الوضعية إلي أني بيها بس ما كدرت ..
(19) سنة أني ويا معتبرتة أبوي !! وتأليف القصص والوهم إلي عيشني بي !! وأول وتالي يطلع خاطفني !! ..
19 سنة مو قليلة !! .. 19 سنة حارمني من ضوة الشمس ...حارمني من طلعة الكراج وجان يكلي أسباب مرعبة بالنسبة الطفلة ! وتالي يطلع السبب أنو خاطفني ؟؟
قرفصت رجلية الصدري .. وأنطلقن دموعي .. ابجي على سنيني الضاعت بهاذ القبر ! ضاعت بين أربع حيطان ووحش ظالم ..
قطعت النفس من سمعت خطوات بأتجاه أحد غرف القبر إلي ساكنة بي ..
خطوات رزنة .. خطوات تدل على القوة .. خطوات قوية وكأن وحش مو بشر ..
وأقتحم الغرفة وحش .. ليس لديهُ أي رحمة .. قاسي القلب ..
باوعلي وكال ..
- شنو ما ناوية تسبحين !
ابيجيل : يعني انتة 19 سنة خاطفني ؟؟
دامِس : جؤ .. 17 سنة بيبي ..
ابيجيل : من الصدمة حتى اسمي نسيتة !! ..
دنكت راسي ولميت جسمي .. ضحك وكال ..
دامِس : اروح فدوة لليستحي
ابيجيل : اكرهك والله ..
كلتها وبجيت .. أجة وخر السلاسل من أيدي .. جرني من زندي ووكفني على حيلي .. بس يا أي حيل إلي ضل بجسمي بعد السوا !! ..
شالني وطلعني من هاذ القبو بعد شهر كامل !! ..
شهكت من شفت طلعت من الممر وبعدها طلعت وبوجهي صارت صالتنا !!! .. باوعت علي وباوعت على الصالة وأني ما مستوعبة ! ..
دامِس : جان حاسني گلبي راح يجي يوم وتخونيني فا حسبت حساب وسويت غرفة مخفية ..
ابيجيل : من كد صدمتني حتى ما حجيت شي ..
بية ما بية سبحت ووخرت الدم إلي على جسمي ووجهي ..
مر وقت طويل وأني بالحمام ..
طلعت وبدلت وشوية أحسن .. رحت اتمددت على سريري وكل عقلي ها هية ! خلص العقاب !! ..
لكن ما أحس غير اندفر الباب وصاح ..
دامِس : كومي لججج .. كل عقلجج تبقين هنااا .. كتلها وارجع اكولها ..
ابيجيل : لزمني من شعري وكال ..
دامِس : بعد الراحة انسيها .. اعذبج تعذب وأبجيج دم وحق الله ..
ابيجيل : والله ما اسوي شيي والله .. عوفنيييي ..
صرت اصارعة لأن ميتة من هذيج الغرفة الكئيبة والمرعبة .. وغصباً عني .. رجعني الها لكن جانت نضيفة ورايح الدم ..
قيدني وأني أصرخ ومتخبلة ..
دامِس : ولكككك مو حيواننننن انيييييي .. عوفنييي دامِسسس عوفنييييي رجعنييي الماماااا إذا تكرهنيي رجعنيييي ولككككك
قيدني بالسلاسل وكال ..
دامِس : امج ميتة
ابيجيل : ولككك جذاببببب .. جذابببببب ولحسيننن الم العالمممم عليكككك حقيررررررر .. المهممم عليكككك واخليهممم يعدموكككك ويخلصونييي منكك
ضربني راجدي وكال ..
دامِس : محد يخلصج مني .. محددد ياخذج مني فهمتيييي
ابيجيل : عافني بأنهياري وراح ..
صرخت ! .. غلطت ! فشرت ! دعيت ! ضربت روحي بالحديدة إلي على أيدي ..
كل هاي المدة طلع يضحك علية !! ..
يعني اكو ناس ! مثل قبل ! واحلى ؟؟ ..
ما مستوعبة كلامة أبد ! .. عجز عقلي يستوعب إلي كالة ! عجزة ..
أجة اليل ! ..
فرحت راح اشوف نجومي .. لكن خفت راح تصير ظلمة ! .. كلشي ما أريد بهاي الحياة غير بس ما يصير ظلام ! ..
نمت هاي اليلة والحزن غامر قلبي ..
نمت بهدوء وما جنت أعرف شنو المنتضرني بوجه الصبح !! ...
يتبع ....
للحكاية بقية ..
________________
رمضان كريم .. وينعاد علينا وعليكم بعد روحي
جداً اعتذر على التأخير لكن التهيت بالمستشفى
والبارت انمسح وجان 2000 كلمة ..
وفوك كل هاذ حدث جان مأخرني بي الحر وألي هوة محادثتة ويا الدكتورة ..
بنات ضروري تشتركون بالتلكرام لأن كلشي
يصير انشرة .. وحتى موعد البارت وإذا ما انشر بارت هم اكول بالتلكرام ..
وبخصوص ليندا .. فا طبعاً من هاذ الحظة
بدت معاناتها الحزينة .. وضحت جزء بسيط من إلي جانت عايشتة ..
وبعدين راح اوضح أكثر ..
ولا تنسون تنورون النجمة .. متابعة الحسابي جداً ضروري علمود نكبر ونصير عائلة .. ولا تنسون تشاركون القصة بكل المواقع ..
وآخراً .. تابعوني على قنواتي ..
تلكرام :
candiesjojo
انستكرام :
jamar_aali
وتكدرون تتواصلون وياي واتباد هم 🤍
دمتم سالمين 🤍
استودعتكم الله ✨
تصبحون على خير 🤍