سبحان الله وبحمده سبحان الله العظيم ♡
( بـيـت بـهـاج )
بهاج داخل معه حلاو مصاص ولوح شوكلاته وينطق : ام حمودييي
جت نوره تبكي : بهاجج !
بهاج حضن نوره : ياعيون بهاج انتي علامك تبكينن؟
نوره مسحت دموعها : عيالك جننوني وانت تركتني ورحت وطولت بدوامك
ملاذ جت تركض وتحضن بهاج : بابا
بهاج ضحك وشال ملاذ بحضنه : عيون بابا
نوره رجعت تبكي : بهاجج! قاعده افضفض لك واسيني خلاص بروح لحمودي حبيبي
وراحت وضحك بهاج ونزل ملاذ وركض ورا نوره وسحبها لحضنه : لاا يانور قلبيي
نوره : تراك تهملني صاير!!
بهاج : اسفف والله اسفف خلاص خذي شقليطه
نوره ابتسمت واخذت الشوكلاته وبهاج اعطى ملاذ ومحمد الحلاو
ونوره جلست تاكل بطعم الدموع تبكي عشانهم ازعجوها ماتعودت تربي اطفال ولا مره بحياتها عاشت مع اطفال وبهاج مستلمها طقطقه
بهاج : عان ياحمود انت وملاذ امكم بكايهه
محمد ضرب بهاج : ماما لاتبكين الحين اضرب بابا
ضحكت نوره وحضنت محمد وباست خده : ياعيونيييي احبكك اكثر من ابوك
بهاج تخصر : لا والله؟؟ وانا ؟ مالي حضن وبوسه؟؟
محمد حضن نوره : ماما حقتي انا
بهاج يحارش عياله : والله حقتي قبلكم
ملاذ : لا ماما حقتنا
بهاج تعمد ينزل محمد من حضن نوره ويسحب نوره ويحضنها تحت انظار ملاذ ومحمد ونطق وهو يلعب بحواجبه : ماما نوري حقتيي
ملاذ بكت ونطق بهاج : طالعه على امك بكايهه
محمد حضن ملاذ : خلاص خلاص ميمي انا حقك
ضحكت نوره على حضنهم لبعض
بهاج : اهخخ دموع بنتي غاليه لاتبكين ياعيون ابوك انتي تعالو كلكم حضني يكفي ام دميعه الكبيره والصغيره واللواء الصغير حموديي
وحضنو بعض وكلهم بحضن بهاج
واتصل ابو عبدالله ورد بهاج : هلا يبه
ابو عبدالله : بهيج وانا ابوك اليوم عندنا عشاء تعال انت ونوره وعيالك
بهاج : تمم بيجون ضيوف ؟
ابو عبدالله : اي جيراننا جديدين
بهاج : تمم اجل العصر وحنا محضرين
ابتسم ابو عبدالله وقفل الخط والتفت بهاج على نوره : في عزيمه الليله عند ابوي
نوره : تمام ياعيوني
بهاج نزل راسه على راس نوره الي بحضنه هي وعياله ونطق : نورتي حياتي يانور حياتيي
نوره : بهيجج احبكك ترى
بهاج : احبك اكثر واكثر وكل ثانيه يزيد حبي لك
ابتسمت نوره
محمد : ماما بروح العب انا وملاذ بغرفه الالعاب
نوره : تمام بس انتبه لنفسك ول اختك
بهاج : يازين الحنونين ياناس
نوره ابتسمت وباست خد بهاج واعلن ذوبانه بهاج ونطقت نوره : تمام بروح اجهز فستاني وفستان ملاذي وحمودي وثوبك
بهاج : نوره ترى غيرتي ماتغيرت يرحم امك امنعيني من المفتح
نوره : ماتقدر تهاوشني ترى باخذ ملاذ وحمود واحطهم قدامك عشان ماتهاوشني !
بهاج ضحك : سوي الي تبين اجل
نوره : اعرف اصيدكك
بهاج ابتسم وراحت نوره
،
غدير رجعت لنايف بعد فتره النفاس
نايف بترحيب : يامرحباااا ومسهلا بام فارس
غدير : ياهلاا
نايف اخذ فارس من حضن غدير: غديري اسمعي تقدرين ؟ ترى بنروح لشاليه ابوك اليوم كانك تقدرين
غدير : ايواا اكيد بروح هاذي عزيمه ابوي لازم اقوم بالواجب
نايف : يالبى ام فارس السنعهه
غدير ابتسمت ونطقت : تمام نيوفي بروح اشوف لي فستان مناسب
نايف : اي بالله وسعيه شوي اخاف يحسدونك
غدير ضحكت ونطقت : انتبه لفروسي
نايف : سمي على خشمي
،
نجلاء حامل بـ ولد "سالم"
نجلاء تلحق رائد الزنوبه تكرمون : وجعع تراك دابل كبديي!
رائد : يارجال قولي لااله الا الله علامكك علي؟؟
نجلاء : وربي يارائد ماتقلعت عن وجهي بفصل عليك
رائد ؛ استهدي بالله ليش تفصلين على وانا ماسويت شيي
نجلاء : رائد اسكت ترى هرمونات حمل ضاربه معي اليوم وبشوف نوره وبسطرها بعدد
رائد . عزتي لهاا ولي
نجلاء بصراخ : رائد ازعجتنيي
وائد : بسكت خلاص
نجلاء : رائد خلاصص
رائد كشر : عزتي لك ياسالم الي ببطنها مانت بفالح بحياتك
نجلاء ومت الزنوبه على رائد : ترى اسمع
رائد : خلاص اسف
،
صيته جالسه ومعصبه لان زيد منعها تصارع وهي حامل ببنوته " غلا "
وزيد يعطيها ابتسامات يلطف الجو عشان ماتقوم عليه تفرشه
زيد يحاول يفتح موضوع : هاي
صيته انفجرت : ليش ليش ماخليتني اجرب عليك حركه اندرتيكر؟؟ وجون سينا وربي مالك داعي
زيد : خايف عليك يام جدايل
صيته : خايف علي؟ تعال اجرب عليك حركه اندرتيكر تعلمتها جديده امس
زيد : انا متزوج حرمه ولا متزوج اندرتيكر؟؟
صيته : وش شايف يعني؟؟
زيد ؛ مادري اشوف لو تجتهدين شوي خذيتي الحزام الاسود؟
صيته : والله فكره مش بطاله خل اولد بس واطلع هالورعه من بطني وادخل واسطرك انت وبنتك
زيد : لا خلاص مايحتاج تدخلين جربي علي بدون حزام اسود
صيته : عناد فيك باخذه .
زيد : ابد الي ودك
،
البدايات ..
احمد لابس سماعه سلك ومسدح على السرير ويلعب بسلك السماعه : هلا حبي
وداد : ليش حسيتك تستخدم الواتس وايموجي الوروده الحمرا؟ عدل شخصيتك تكفى
احمد : حبي انا تطورت ماعاد صرت مهرج صرت من الرجال المهمين
وداد بضحكه : لا تكفييي مابيك كذاا ابيك ابو صنادح
احمد ماقدر يكون رسمي وفجرها بضحكته الي تشبه نهيق الحمار
وداد عقدت حواجبها ومن الصدمه قطعت الاتصال
احمد لازال يضحك واستوعب ان وداد مو على الخط واستوعب وضرب جبهته : هالصنادح ذي كلاها ومافي عقلل؟ ابك شوي ووتزوجون وتضحك كذا وويلي كانها كنسلت
،
اما عند لو جينا نتكلم عن الاحترام والتقدير بين الطرفين وراح نتكلم عن
الـهـنـوف & مـحـمـد
محمد اخو صيته والمطوعه الهنوف فيهم كميه تقدير واحترام لبعض ومستحيل يرفعون اصواتهم على بعض ويتهاوشون علاقتهم اكبر من الهواش ومتفاهمين
،
سعود وريف
ريف حملت بعد ماولدت نوره وبعد جابو ثلاث اطفال خلال ٤ سنين
ريوف بنت سعود ، ابتهال بنت سعود ، سعد بن سعود
اطفالهم هالثلاثه هم الي قوة علاقتهم ونسو كل شي يخص الماضي
،
بهاج ونوره
نوره لابسه فستان صيفي وردي فاتح ولابد ان كتوفها طالعه وبنتها ملاذ لابسه شورت ابيض وتيشيرت وردي ومحمد لابس ثوب وبشت وشماغ
بهاج دخل وهو يسكر ازاريز ثوبه وشاف ثوب نوره وتنهد بضيق : ماانتهينا ؟
تكفين ارحمي قلبي والله اتعب وانا اغار
نوره تقدمت ومسكت يدين بهاج : بهوجي؟ بهيج خلاص ياعمري والله حريم حريم عاديي
بهاج تنهد وهو يحط يدينه على وجهه نوره : بمشيها عشاني ماداني دموعك
نوره ابتسمت وحضنته وبهاج بادلها
بهاج يحب نوره اكثر من حبه لعياله
ونطق بهاج : ام ملاذ وحمود بتسكر ملفات العزيمه كلها
نوره ابتسمت : وابو محمد اقوى الرجاجيلل
بهاج ابتسم ونطقت نوره ؛ بهاج تعال تبخر
بهاج : تمام
نوره تبخر بهاج ويتأملون بعض ولكن محمد وملاذ يتهاوشون
تنهد بهاج والتفت وصف عياله على الجدار عاقبهم ونطق : الي يزعل نوره ويزعلني ماشتري له حلاوه !
نوره ضحكت : خلاص بهاج اتركهم ترى اطفال !
بهاج : اذا تهاوشتو مافي حلاوه ونوره حقتي !
ملاذ ومحمد مع بعض : ماما حقتنا
ضحك بهاج وفتح حضنه وحضنتهم ونوره نتاظر فيهم وشالهم بهاج بحضنه ومايترك نوره طبعاً وحضنها معهم
لكن بدون مقدمات بهاج شال نوره على كتفه ونزل عياله !
نوره تضرب ظهر بهاج : نزلنييي خيرر وش فيكك ؟
بهاج : مدري اشتقت اشيلك
نوره ضحكت ومطقت : بهاج نزلنيي وربي ازعل
بهاج : مايهم اهم شي بنصور وانتي على كتفي
نوره : لا تكفىى
بهاح تجاهلها وجودها كويس على كتفه ومسك يد محمد ومحمد ماسك يد ملاذ واتجهو الحوش وبهاج طلب من الخدامه تصورهم
بهاج نزل نوره ورجع شالها بس عدلها
يعني اول كانت تضرب ظهره الحين تضرب صدره
نوره فقدت الامل فيه وحطت يدينها على صدره ورفعت نفسها ونتاظر كاميره الجوال وابتسمت تلطف الصوره وبهاج يضحك عليها وعلى محاولاتها
نوره : بهاج نزلني ولا ببكي !
بهاج ضحك ونزلها وضربته بخفه وحاوط خصرها وهي جنب وملاذ ومحمد يسوون حركات للكاميره ماهم مهتمين بمناقره بهاج لنوره
وصوره اكثر من صوره وحفضوها وتأملوها
بهاج : نمشي؟
نوره وهي تناظر الصوره : ايوا يلا
وراحت تلبس عبايتها ونقابها وبهاج اخذ ملاذ ومحمد وركبو السياره وينتظرون ام محمد
وشرفت ام ملاذ وركبت السياره ورحب فيها بهاج وكأنه ماشافها ١٠ سنين
واتجهو للشاليه
_______________________
(شـالـيـه ابـو عـبـدالله - قـسـم الـحـريـم )
ام سحاب وام عبدالله وام صيته وحريم عمام بهاج والجده عمشه والعمه سحر يضحكون ويتعللون مع الجاره الجديده
نجلاء وصيته حوامل كلهم ومتوعدات بنوره
غدير تسولف مع العجز تدور علوم
وئام تخرجت من الثانوي بنسبه مرتفعه وتدرس ثاني سنه بالجامعه
الهنوف ووداد طبيعيات بس الحب طالع من عيونهم
سهام عيالها كبرو شوي وصارت تحرص عليهم ملاك ١٠ وسلمان١٤
جت نوره وهي متوهقه بـ ملاذ ومحمد الي طلعو حركيين نفس ابوهم بهاج وماتقدر تسيطر عليهم لانهم بـأختصار تربيه بهاج وعيال بهاج وبهاج معودهم على كلمه "يحق لكم مايحق لغيركم " و" الي يقول لك اء سطره " كانت تربيه بهاج بأختصار متعبه نوره ام دميعه
نوره : ملاذي وحمودي انتبهو لاتضربون احد ولاتركضون تطيحون
محمد وملاذ نسخه من بهاج : حاضرين ماما البكايه
نوره اتسعت عيونها بصدمه وضحكو وراحو للالعاب
ام سحاب : يالله حيهاا ياهلا ببنتي ياهلاا
الجده عمشه : حي الله ام محمد
ام عبدالله : حي الله خاطفه قلب ولدنا
نوره بأبتسامه وهي تسلم عليهم : الله يحيكم ويبقيكم كيفكم وش الاخبار وش العلوم
ام سحاب : والله كل شي بخير يارب لك الحمد والشكر
نوره : الحمدلله دوم يارب كل شي بمجراه المناسب
الجده عمشه : وشلون عيالتس؟
نوره بضحكه : بسم الله عليهم جن طالعين على ابوهم
ام عبدالله ضحكت ؛ كل مانقول بهاج عقل بس اشوفه معك اقول مستحيل يعقل
نوره : اييي يحب المحارش والعناد اما ملاذ نسخههه منه تماماً بس بكايه مع الاسف
ام نجلاء : ياحليلها اخذه منك هالصفه والباقي من ابوها واما حمودي شخصيته ماخذه منك ومن بهاج موزن بينكم
نوره ابتسمت ونطقت ام رائد : ايي صح يالنوري نجلاء شيبت راس رائد منك
نوره : ليش؟
ام رائد : تتوعد فيك وهو يلقم الهواش
نوره ضحكه : عزتي لهه وينهم ؟
ام صيته : شوفيهم داخل يبونك
نوره : يلا تبغون حاجه قبل اروح؟
ام سحاب والجده عمشه : سلامتك
،
العيال والرجال قايمين بالمكان
العيال نفس الشخصات ولكن انظم للشله عضو "سلمان بن عبدالله "
عبدالله الهادي العاقل ماتغير ونايف ولبسه وجنزاته وكشخته ماتغيرت محمد ماتغير بهاج ومحاوشه وعصبيه ماتغيرت بس انها اختفت تماماً عند نوره اما عند العيال ترجع العصبيه احمد ابو صنادح لازال يضحكك رائد المهرج لازال يضحكهم زيد لازال يفكر بـ ام جدايل رغم انها زوجته وسعود ،
محد تغير طول الاربع سنين الي مرت غير انهم صارو اباء ماعدا محمد واحمد
سلمان بن عبدالله كان ببدايه مراهقته فكان خجول شوي وبهاج مايوفر مستلمه طقطقه وكانت نيته يعوده على جوهم مايبيه خجول
والعيال مشتطين الي يقهوي والي يبخر وكانو مبيضين وجهه ابو عبدالله
،
نوره دخلت للبنات وتصارخ : بناتت وحشتونييي !
البنات حضنوها وسلمو هلى بعض
نجلاء : تعالي تعالي
صيته : اييي تعالي يالعوبا
نوره لعبتها صح وجابت روسهم : لبيه وش بغيتو بغيتو عيوني؟ اعطيكم ؟
نجلاء تنهدت : نورهه ياحيوانه تدرين اني ماقوى اهاوشك وانتي تقولين كذاا
صيته : حسبي الله عليك كنت بهاوش بس استهديت بالله
نوره : لاصدق وش بغيتو؟
نجلاء مسحت على وجهها وغيرت ملامحها للعصبيه : ابك لعنباس علامتس علانا تولجتينها وتقولين الزواج حلو ومدري وش؟ ابك عاني قلبت لهجتي من القهر الي فيني ابك سالم جعله يسلم كسر ظهري شوي ونصك الشهر ال٩ وانا شايلته ببطني
صيته : ابك وهي صادزه نجلاء يومنتس تسذبين ليش وش الغرض من تسذبتس؟
نوره : بناتت خلاص عادد ترى ببكي من زمان مابكيت لاتخلوني ابكي ! بعدين شوفو ملاذي وحمودي منا حليلهم عشان كذا اصبري ٩ شهور وتشوفين ركضهم ولعبهم وتستانسين
صيته : اي صح خل ادربي غلا واخذ الحزام الاسود
سهام : لا ذي صامله
ضحكو البنات والتفتو على صوت : سلام بنات
نوره شهقت : ريف؟؟ من زمان عنكك !
ريف : من اختفيت لان ابوي توفي قبل سنتين واختفيت الين عاد تقبلت والحمدلله على كل حال
البنات : الله يرحمه
نوره تقدمت تسلم على ريف ونطقت : الله يرحمه ويغفر له وشلونك وشلون رهف؟
ريف بأبتسامه : رهوفه جاها عوض من ربي جاها رجال بمعنى الكلمه يصونها والحين هي معه بشهر عسل
البنات مع بعض : اوهه كيوتت ، الله يخليهم لبعض ويوفقهم
ريف : امينن
ومر اليوم طبيعي الين صرخت نجلاء والتفتو البنات عليها وصرخت نوره
: بتولد يابناتتت اتصلو على رائد بسرعههه
وداد اتصلت على وائد بس الدلخ حاط جواله صامت .
والبنات يصرخون ونجلاء تبكي خايفه وتصارخ والحريم يصارخون
نوره ماسكه نجلاء وتهديها رغم انها خايفه ويحاولون يتواصلون مع العيال بس الغريب ان العيال والرجال ولا واحد منهم يرد
،
الوجال يسولفون وماهم لم الجوالات والعيال حاطين جوالاتهم صامت وقالبين الجلسه فضفضه
سلمان : رائد جوالك يتصل هاذا ثاني اتصال
رائد انتبه لجواله وعقد حواجبه ورد وكان يسمع صراخ البنات وفز ونطق : وش فيك؟؟
وداد : حرمتك بتولد بسرعه تعالل !
رائد : لا عاد!!
وداد : بسرعهه يرحم امكك
قام رائد وخافو العيال واحترمو خصوصيته وعقبها فهمو كل شي
،
دخل رائد الشاليه ويصرخ : وينهاا؟؟
نوره : تعالل شيلها بسرعهه
رائد تقدم وشال نجلاء ويركض بأتجاه السياره وركبها وركبت معه ام رائد وام نجلاء وعلى طول للمستشفى
ودخلو نجلاء بسرعه بما انها حاله طوارئ، ولاده
ووقف رائد وامه وخالته ينتظرون اي خبر يطمنهم عن نجلاء
،
١١:٤٨م
صيته مصدومه ومو مستوعبه قوه صراخ نجلاء ومع الاسف جاها طلق الولاده وصرخت
نوره : مشروع ولاده اليوم؟
صيته تصرخ والبنات يصرخون والحريم معهم يصرخون والاطفال يبكون
ونوره تهدي صيته وتتصل على زيد
،
زيد : اي واقولكم وت....
قطع كلامه من جاه اتصال من نوره ونطق : هلا نوري
بهاج يهدد بأصبعه بمعني "ياء التملك حقتي انا مايحق لك تقول نوري !"
زيد : بهاج مو وقت غير !
احمد : اسمع صراخهم لايكون ولدت الثانيه
نوره : خالي زيد الحق صيوت ولدتت !
زيد فز ونطق بخوف : جايكم
وراح
بهاج واحمد ميتين ضحك كل شوي احد مولد
بهاج وهو ميت ضحك : اليوم العالمي للولاده
احمد وهو يضحك: اييي
،
زيد دخل ونطق بربكه وخوف: وينههاا؟؟
نوره :تعالل بسرعهه
تقدم زيد وشال صيته بخوف واتجهه لسياره وركبت معه ام سحاب وان صيته
واتجهو لمستشفى الولاده على طول ودخلو صيته وجلسو ينتظرون اي خبر
،
الساعه 2:34 باليل .. الشاليه
البنات متوترات وجالسات وينتظرون اي خبر منهم
العيال يلعبون بلوت ولاكأن شي صاير
وكان العامل حق الشاليه يطق الباب يبيهم يطلعون يبي يقفل الشاليه
نوره بنفاذ صبر : بنات وربي مايسكت بجرم فيه
سهام : بنات اعطوه الايجار!
غدير : ابوي اعطاه بس هو يبينا نطلع
نوره قامت بنفاذ صبر : طيب
وئام : وين رايحه ؟ تعاليي وربي لو يدري بهاج انك تكلمتي مع العامل بيفصل عليك
نوره من التوتر ماتدري وش تقول : يدزها
واتجهه وفتحت الباب وقابلت العامل : خير وش تبغى ؟؟
العامل ؛ اطلعو
نوره : صديق اسمع انا شرير مرهه انتبه تطق الباب اسطرك
العامل : اطلعو
نوره : علمتك ! اذا طقيت الباب طقيت راسك قد اعذر من انذر
وسكر الباب بوجهه العامل
ورجعت للبنات ورجعو متوترات ينتظرون اي خبر والي يعرفونه ان نجلاء ولدت لان هاذا اليوم الي المفروض تولد فيه واما صيته ولدت من الخوف
البنات كانو جالسين بالحوش على الثيل او العشب وبينهم حلا وقهوه بس محد معبر وجود القهوه والحلا من التوتر
ملاذ ومحمد بعد ماسطرو كل الوراعين نامو
نوره تعبت وانسدحت على فخذ الجده عمشه والجده عشمه تمسح شعرها الين النوم اخذ نوره الي الاحلام
البنات كانو تعبانينن والعيال يتهاوشون عشان البلوت
وبعد انتظار ساعات لكن لارد من رائد ولا زيد لدرجه اذن اذان صلاه الفجر وهم ماردو
العيال واارجال قامو يتوضون متجهين للمسجد والبنات قامو يصلون
وبعد الصلاه والتسبيح رجعو ورجع التوتر فيهم
واخيراً جاهم اتصال من رائد وهو ينطق بفوحه : ياناس ياعالم جاني سالم جاء جاء ابشكركم
الكل استبشر بالخير وباركو له وتطمنو على نجلاء
وبعد ساعه بالظبط من ولاده نجلاء اتصل زيد يبشرهم بقدوم بنته "غلا"
والكل فرح وبارك له وتطمنو على صيته
والحين جاء الوقت الي الكل يرتاح فيه من التعب والتفكير
نوره دايخه ولبست عبايتها ومو قادره تشيل لا ملاذ ولا محمد النايمين واتصل بهاج : جهزتي امرك نرجع البيت؟
نوره : بهاجج تكفى
بهاج : لاتقولين تكفى يابنت الاجاويد
نوره : بهاج الكل واح من الشاليه ومابقى الا انا واحس يديني ورجولي مو شايلتني وملاذ ومحمد نايمين
بهاج : اجل انتظري دقيقيه وانا عندك
نوره : تمام
ومرت دقيقه الابهاج جاء: اهلاً اهلاً سكري عبايتك يام فستان وردي
نوره سكرت عبايتها بتعب ونطقت : تكفى شيل واحد منهم وانا بشيل
بهاج رغم التعب الي فيه لكن ماهانت عليه يشوف نوره تعبانه ويتكتف تقدم وماشال لا ملاذ ولا محمد شال ام ملاذ ومحمد ، نوره
نوره ضحكت من الصدمه : بهاج
بهاج : كم مره اوىل نوره مابعدها نوره ؟
نوره ابتسمت ونطقت : طيب ورعاني على قولتك راقدين!!
بهاج ضحك وفتح باب السياره ونزل نوره ونطق : اجيب ام العيال اهم من العيال
ابتسمت نوره وواح بهاج يجيب ملاذ ومحمد وفعلاً جابهم وهى نايمين وحطهم بالسياره وحركو للبيت
رجعو للبيت نوره معها محمد وبهاج معه ملاذ وكلهم ميتين تعب وحطو الاطفال بغرفتهم وهم راحو لغرفتهم ونامو
،
بعد يومين الكل زار نجلاء وصيته وتبريكات وهدايا لا نهائيه
،
بعد سنه تقريباً..
نوره توظفت وضيفه مدبره من قبل بهاج وبهاج تله ميه يعامها
نجلاء ورعه ومعها ورع ورا ورائد ورع كلهم متوهقين بسالم الي يبكي
صيته تقدرون تقولون انها اخذت الحرام للـ كاراتيه وزيد فخور فيها
وداد واحمد تزوجو
وغدير ونايف يحبون بعض ومتفاهيمن
بهاج ونوره وملاذ ومحمد اسعد عائله
والكل عاش بسلام
______________________
انـتـهـت الـروايـه
اللهم اغفر للمؤمنين والمؤمنات والمسلمين والمسلمات الأحياء منهم والأموات
النجمه تدعم الروايه
هالمره خلاص النهايه الحقيقيه الي مالها رجعه لروايه(هي التي علمتني كيف اعشقها )
ولكل بدايه نهايه
وادري لخمتكم كيف انهيتها وهاذي ونهايه بعد ؟ احس ظلمتكم بتسريع الاحداث بالنهايه قلت اعوضكم بهاذا.💗
تشرفوني روايتي الثانيه هاذي قفلناها تماماً✨
لا محاولات أخرى كانت هذه الاخيره..😔
استودعتكم الله الذي لا تضيع ودائعه اتمنى ان الايام الجملية تلازمكم بحياتكم .
اختكم : الغامضه المتواضعه العتيبيه