الكاتبة مَوج الساعدي
الجزء الاول من البارت السابع
صوتـوا وعلقوا بين الفقرات لُطفـاً 💙.
«» «» «» «» «» «» «» «»
ما گلتلي
من البداية الحب ضلالة
والشوك لعنـة حتى لا اكفر واحبك
لـ مَ
«» «» «» «» «» «» «» «»
• خَوْد
غمـض عيونة بأسـف باوعلي بنظـرة أخيرة وطلـع من البيت وية طلـعتة سمـعت صوت طَـبة قوية وناس يصرخـون
وگـع گلبي اريد امشي احس رجلي ماتشيلني گـوا وصلت للباب وشفتـة يركض وية العالم يحاولون يشيلون السيارة
ارتاحيـت من شفتة موجود وياهم لمحني بوسط الهوسة اتقرب يصيح عليَّ
اديب:- فوتي فوتيي جوةة لاتباوعين
هزيت راسي وفتت جوا لغرفتي
ورة فترة
قدمـت على الجامعـة نفسها الي چان يدوام بيها اديب مناسبة ألي
لاحظـت تصرفاتة حيـل تغيرت صار يتردد على الجامعة هواي وبنـص المحاظرة يستأذن من الدكتور ويطلعني وهمَة الكـل يعرفة يطلعوني بدون ميسئلون
بحيث ما استفاد اي شي من محاظراتي طلعت من القاعة معصـبة لگيتة گدامي مبتسم
خَوْد:- شنـو تريد شسالفة مو ادرس اني؟
اديب:- امچ اشتاقتلچ
خَوْد:- امي نايمـة هيچ وقت، خليني ارجع للمحاظرة اريد افهم شي لاتعيدها بعد والله اوگف وافشلـك گدام الدكتور
اديب:- شدعـوة
خَوْد:- اديب خليني استفـاد شوية شنو السالفة على شنو مداومة لعد اذا كل يوم تجي تاخذني
اديب:- شبيچ تتنعـوصين
خزرتـة وگلت
خَوْد:- ما متنعـوصة من اعصـب صوتي يصير هيچ
اديب:- تنگرطيـن ترا
خَوْد:- اديببب
اديب:- عيونـة
خَوْد:- راح ارجـع
اديب:- روحي
رجعـت للمحاظرة متفشلة وصديقتي يمي تباوعلي مستغربة
ليا:- ليش رجعتي؟
خَوْد:- ماعنـدة شي فارغ بس حاير يجي يطلعني من المحاظرة
هزت راسها بيـأس خلصت المحاظرة چان تگول
ليا:- تعاي وياي اعـدل حجابي
رحنـا للحمامات هية تعدل بحجابها واني وگفت گدام المرآيا اغسـل بوجهي
خلصـت عدلت شعري سريع وانداريت عليها مستمرة تسوي بي فاتـن شلة بنات من قسـمنا وگفت على صفحة اباوع بتلفوني يما تخلـص
وحـدة منهن تباوعلي من فوگ لجـوا وتهمـس لصديقاتهـا وهنة يباوعلي ويهمسن
ليا ما منتبهـة سوت حجابها وبدت تحط مكياج غلست عليهـن اجتي نفسها الي تباوعلي وصديقاتها وراها ديطـلعن وخرت من يمهن چان تگول
:- ****
جـريتها من ايدها وگلت
خَوْد:- العفـو؟
مريم:- خيـر؟
خَوْد:- فشـرتي عليَّ؟
ابتسمت وحچت بنعوصة
مريم:- لا مو عليچ ليش اتحسستي واخذتيها على روحچ
ماتحـملت صفگتهـا راشدي ضلت تباوعلي مصدومة وراها نـزلت علية بالفشار
ليـا صارت يمي وبدون ماتفهم السالفة بدت تدافعلي وحدة منهن غلطت على ليـا جرتها من شعرها وسحلت بيها الحمام
مريم:- بـلا شرف اهلچ يدرونن بيچ تطلعينن وي هذاا؟؟
جريتـها من شعرها وحچيت من بين سنوني
خَوْد:- هـذا الي تحچين عليَّ اخوية والدكاتـرة كُلها تعرفة لاتخليني اطلع خياساتچ كُلهن مريم كفي شرچ عني
وسعت عينها بصدمة وگالت
مريم:- خياساتچ شنوو ولچ انتِ شايفتني
اتقـربت تريد تضربني راشدي لزمت ايدها ولويتهـا وحچيت بأبتسامة
:- خياساتچ وية لولو معقولة نسيتيهن؟
اصفـر وجها دفعتني وسحبت صديقاتها وراحن باوعت بوجه ليا تباوع مستغربة
ليا:- على شنـو تعاركتي؟
خَوْد:- لعد شلون دخلتي فزعتي وياي يحظي
ليا:- مادري مادري شوفي شسوت برگبتي الثولة عبالك بزون مو بشر
طـلعنا من الحمام واني مفورة من العصبية خلصنا محاظرات رحت للبيت ولگيتـة بوجهي
• رَوسم
گدرنا نطـلع ونتحرك لأكثر من مكان واخيراً بعد ما چنة محبوسين
علي دوم صافـن ويتحسر والجگارة ماتوگع من ايدة من الصبح لليـل
بيـوم چان لازم اروح استلـم الملفات من جماعـة ابوية بس استلم هل ملفـات يوگعون بيدنا ونگدر نسيـطر عليهم وممكن حتا نگدر نعرف مكان سُفيان وهتَّان منهم
لبست اسـود وخليت اللثام بوجهـي صعدنا بسيارة علي يوصي بية ويعلمني الي لازم اسوي
ضل يـسوق شوية وصلنا قريب على المكان وگف السيارة بمكان ما مبين
وخر الكـوت مالتة وطلع منة سـلاح نظمـة وطلع طلق حط بي وانطانيا
علي الـدُر:- اي مشـكلة تصير گدامچ حليها بالسلاح، صـوبي حتا لو يضطر بيچ الامر تصوبين كل الموجودين
هزيت راسي وحطـيتة بخصـري صعدت اللثام بوجهي وگلت
:- ادعيلي
هز راسة بحنية وگال
علي الـدُر:- ادعيلچ دعـوة ام تدعي لضناها الوحيد
ابتسمت وهوة كمل كلامة
علي الـدُر:- روحي بوية انـة وراچ مثل ضلچ اي شي يصير بس نطقي اسمي تلگيني دائماً وابداً يمچ
رَوسم:- وعد؟
هز راسة وابتسملي
علي الـدُر:- وعد
نـزلت من السيارة واني اسحل بالجنـطة بگلبي خوف چبير وصلت للمكان المطلوب امشي بحـذر ودقة
دخلت للغرفـة لگيت هل مرة عدد اكثر من القبلهم اتقدم واحد منهم ملثم وجهة ولابـس الكلاو براسة
:- سلميلي الجنـطة
رَوسم:- سلملي الملفات اول
اتقرب اكثر مني يباوع بالجنطة وبأيدة علاگـة شمرهـا عليَّ اخذتها واتأكـدت من كُلشي
دفـرت الجنطة برجلي ودرت وجهي اريد اطلع
:- اوگفي، خل نتأكد
بلـعت ريگي وزادت دگات گلـبي اخذوا الجنطة وفتحـوها وبدوا يدورون بيها
انداريت اركـض وصار واحد منهم بوجهي عطـت بدون وعي
:- آغـاااا
گلت هيچ وصارت دخانيـة قوية بالمكان انزاحت الرؤية مني فجأة انجريت قوي
:- اششش هذا انة
طلـعنا من المكان وبس صوت الصراخ ورانا ابتعـدنا اكثر لمكان السيارة وصار الانفجار
فتح السيارة اخذ مني الملفات ضمها وذب عليَّ علاگة
رَوسم:- شنو هاي؟
علي الـدُر:- غيري ملابسچ لبسي هذا الجاكيت وحاولي تغيرين شي، خاف احد يراقب
ذبيت الجاكيت الي لابستة ولبست الي انطانيا فتحت شعري وعدلتة وذبيت اللثام انداريت عليَّ
ما احس الة نزع القميص الي لابسة وطلع واحد يريد يلبسة درت وجهي خجلانة من الموقف الي صار
ضلينـا نفتر بالشوارع لليل يلا رجعـنا للمكان الي بيه بيتنا
أجة علي يريد يفتح الباب ولگـة القفل واگع والباب مردود
اندار عليَّ وسوالي بأيدة
علي الـدُر:- اششش
دخلنا للبيت نمشي على اطراف اصابعـنا وانصدمنا بكميـة الدم الي جاية من الغرفة
• بدر الـدُجى
ماگعدت الة على صوت صراخ وبچي وماريـسا تندسنـي بأيدي وتبچي گمـت مفزوعة واصيح بوجه ماريسا وهية مستمرة تبچي
بدر الدُجى:- ولچ وگعتييي گلبي احچي شكو
ماريسا:- جابـوا تابوتها
ماتحملـت دفنت راسها بالمخدة وتبچي طلعت اركض مفزوعة منو ماتت منو جابوا تابوتهـة
مالگيت احد بالصالة كُلهم مجتمعين داير تابوت ويبچون زلم ونسـوان اباوع ضمـن الموجودين امي تبچي قوي وتصرخ وتحضن بالتابوت
اتقربت ادفع بالنسوان والزلم بس اريد اوصل للمكان اريد اشوف منو مات وصلت يم امي ندستها قوي وگلت
بدر الدُجى:- ولچ منووو ماتت هديتواا حيلي احچي
گالت وهية تشهگ بالبچي
امي:- بيبيتچ انطتچ عمرها
هزيـت راسي بـلا ما متقبلة الموضوع
بدر الدُجى:- لاتچذبيننن شتحچين انتِ ما ماتت اشش
اتقربت على التابوت اريد افتحـة وخالتي تدفع بية ماتقبل ضليت اصرخ بس اريد افتحـة
دفعتها عني قوي وفتحت التابوت وخرت الچفن وشفتها!
ضليت بحالـة صدمة أيدي گامت ترجف واني اشوف وجها الحلو باهت لونة وصاير ازرگ ومخلين كلينس بخشمها
ما استوعب شي ضليت صافنة على وجهة مابدرت مني ردة فعل
خالي دفعني عن التابوت وهوا يبچي رجع الچفن على وجها وغطاها بالتابوت
من شالـوا تابوتها استوعبت ضليت اصرخ وادفع بيهم اريدهم ينزلوها
دموعي عشرة عشرة اصيح بالرايح والجاي بس اريدهم ينزلوها
:- خالو الله عليكك بس اشوفهاا ماشبعت منهاا والله ماشبعتت
گال وهوا يبچي
خالي:- كافي خالو لاتعذبيها
بدر الدُجى:- ولكم لاتعذبونيي اني وتاخذوهاا خاليي فدوة اروحلك
محد سمـع الي بدوا يطلعون من البيت صرخت وركضت ورا تابوتها لبرا ابچي واصيح اريدها
سحبني قطـب ذب غترتة وخلاهاا جسمي
قطب:- فوتي ولچ فوتي
سحبني لداخل البيت حچيت واني ابچي اتوسل بيه
بدر الدُجى:- قطب حباب
حچة وهوا يبچي
قطب:- كافيي لاتزيديهاا عليَّ
بدر الدُجى:- بداعتتت خاليي بس خلي يجيبوها اشوفها
هز راسة بـ لا وهوا يبچي گعدت بالگاع اشهگ مخلية ايدي على عيوني
بدر الدُجى:- راحـت امي راحـت
يباوعلي عيونـة حمر ومغورگة بالدموع
بدر الدُجى:- ماحسيت بحنان الام الة يمها اخخخ هدتت حيليي ولك قطبب
قطب:- سكتي لا تبچين اختچ تباوعلچ
مسحـت دموعي من شفتها واگفـة يم الباب تباوعلي وتبچي مسحت دموعي غصب عني وبداخلي نار تشتعل
قطب:- راح اروح وياهم للدفنـة بليل اجي اسولفلچ كلشي
هزيت براسي وهوة طلع مشيت بكـسرة و وجع منحني ضهري وصلت يمها جريتها بحضني وهية تناشغ وحاطة راسها برگبتي
ماريسا:- بدورة راحت بيبي جتي من الصبح يمـنا اخير شي وصت امي علينا وماتت
اباوعلهـا هية تبچي واني احاول گوا مانزل دموعي علمود لاتشوفني واني ابچي شوية واختفـى صوتها بعدتها من حضني مغمضة عينها
وگع گلبي خليتها على القنـفة واحاول اتحسس نفسها لگيتة حيل ضعيف
بچيت واني اعيط اريد احد يجيني ماكو سندتها قوي وطلعـت بالشارع ادور على احد مالگيت احد موجود كلهم مختفين
صحت ابن جوارينا جابلي تكسي صعدتها وبسرعة للطوارئ
اول ما وصلت اخذوها مني وگعت بالگاع اصرخ واشلع بشعري
بدر الدُجى:- ولچ لاتشلعينن گلبي انتِ هم وولكمم رحمونييي شتحمللل انيي
اتقربت وحدة من الممرضات تهدي بية واني على فد بچية شوية وصحت طلبت ادخل يمها
رحت للحمام عدلت ملابسي وغسلت وجهي باوعت بالمرآيا مبين والله مبين شنو اخفي دخلتلها للغرفة هية خايفة وترجف مشكليلها كانونة
اتقربت يمها ابوس براسها وهية تباوعلي بخوف
ماريسا:- بدورة شبية اني ليش هنا
اخذت ايدها ابوسها
بدر الدُجى:- لاتخافين حبيبتي مابيچ شي بس تعبتي شوية هسة نكمل المغذي ونرجع
هزت راسها وغمضت عيونة ودموعها تنزل بهدوء درت وجهي ابچي
دگ تلفوني طلعت برة لگيتة قطب
قطب:- الوو بدر
حچيت بصوت متشحرج
بدر الدُجى:- ها قطب
قطب:- وين انتِ
بدر الدُجى:- بالمستشفى
قطب:- شكو خير؟؟
بدر الدُجى:- ماريسا شوية داخت وجبتها
قطب:- وحدچ؟
بدر الدُجى:- اي
قطب:- ليش
بدر الدُجى:- مالگيت احد يجيبني
قطب:- الولد كُلهم بالبيت
بدر الدُجى:- محد اكو قطب
فشر بصوت ناصي نوب صاح
:- دگ على ليث الخايس
شوية واسمع صوتة يفشـر ويصيح بصوت عالي معصب ولد خالي يمة يهدون بي
:- عود گتلك ابقةةة يمهنن ولك ****
قفلت المكالمة من خلص المغذي مال ماريسا شلتة الها وسجلت خروج وسندتها
طلعنا للكراج أجرت تكسي وصلنا للبيت فتنا ولگيت ليث بوجهي
:- ليش ماجيتي عليَّ اوديكم
بدر الدُجى:- انتظرها تموت واجي ادور عليك استاذ ليث؟ بعدين ميحتاج صلاح ابن محمد كَفة وَفة
ختمت كلامي باستهزاء وهوا غمض عيونة ضايج من كلامي
دخلت للبيت ولگيت خالتي بوجهي
ايمان:- وين چنتي ماما
أشرت على ماريسا وگلت
بدر الدُجى:- وديتها اتخرطبت
ايمان:- يا يمة يا عيني
اخذتها من ايدي واني دخلت للغرفة غيرت ملابسي للون الاسود واني اشهگ بعدني ما متقبلة
نمت حاضنة فراشي وابچي واناشغ رجعت اتذكر تابوتها والناس الموجودين
شوية وصفنت، چان من ضمنهم هوا
غفيـت من ورة التعب وحسيت على صوت خالتي تگعدني
ايمان:- گومي ماما قطب يحاچيچ
گمت افرك بعيوني رجعت شعري ورة اذني غسلت وجهي وطلعتلة
گاعد بالصالة والجگارة بأيدة لابس دشداشة سودة وكُلها متربة ملامحة مبين عليها التعب
گعـدت بصفة وثنينة ساكتين قطع صمتنا من گال
قطب:- شلون تخربطت اختچ
باوعت بوجهة وگلت
بدر الدُجى:- يمكن لأن بچت هواي تعبت واتخربطت
قطب:- وهسة شلونها
بدر الدُجى:- من رجعـتها لهسة ماشفتها يمكن نامت
قطب:- شفتيها قبل لاتموت؟
باوعت بعيونة ونزلت دموعي
بدر الدُجى:- لا، چانت يمنا ومالحگت اشوفها ماتت قبل لا اشوفها
فرك عيونة وحچة
قطب:- قـبل لاتموت وصت عليكم، عليچ خصوصاً
الي گالة زاد البچي مالتي حطيت ايدي على عيوني وضليت ابچي
اول مرة ابچي گدام شخص بس هاهية بعد ماگدر اكتم اكثر من هذا وامثل اني بخير
ترك حادث وفاتها أثر چبير بداخلنا محد گدر يتناسهـا كُلنا نفقد وجودهة كل يوم
بيت جدي چنت اروحلـة مالي صوت الضحك والشقة هسة حتا روح مابي
ضحكاتنـا راحت وية موتها
بديت اشتغل وية قطـب واسمع اشكال الكلام من نسوان خوالي وهوا كل يوم يگلي
:- عادي معليچ بيهن، غلسي، راح يضلن يحچن شما سويتي، يغارن منچ كلهن عطالة بطالة
استمرت حياتي هيچ نجحت من السادس بمعدل يوفي تعبي وقدمت على كلية وقطب وياي خطوة بخطوة
ابوية مختفي محد يعرف وينة من وفاة بيبيتي واني مشايفتة
امي كفت شرها عني وگامت تطلع من الغرفة تتضف وتسوي اكل وترجع لغرفتها ولا معبرة ابوية اصلاً
واحمد كل يوم يطغى اكثر واكثر ويسوي تصرفات تفـشل وما تلوق بي كَ ذَكر
قدمت على التحليلات وبديت ادرس واشتغل بنفس الوقت راتبي خليتة الي ولماريسا فقط
بديت اشتريلها هدوم واوفرلها ملازم علمود تقرة وحدها وما تعتمد عليَّ مثل قبل
كل شهر اخذها واجيب احتياجاتها واحتياجاتي
بدينا نتعود على فقدان ابوية ومحد يجيب سيرتة بالبيت وكأنـو لا شيء بحياتنا
بس أني أبد ماچنت مرتاحة لاختفائـة حسيت بي ضام شي وفعلاً
رجع ابوية بعد اختفاء سنتين كاملات دخل للبيت يريد واحد من عدنة يعبرة بس محد راح عليَّ
باوع على ماريسا ضحك وفتح أيدة
:- هههههه تعاي بحضني شلون صرتي
باوعتلي ماريسا بتردد تشوفني اقبل لولا هزيتلها راسي راحت عليَّ تمشي بحذر ولا عبالك ابوها
باسها وخلاها بحضنة ويشاقيها واني اباوعلة باستهزاء لـ وين يريد يوصل
ضل يستمر بتصرفاتة ويسئل على امي ويحاول يحچي وية احمد وكلنا لابسي ومستغربين من وجودة ويانا
أبـد ولا عبالك ابونا
بيوم چنت بغرفتي ادرس وماريسا يمي فاتحة الابتـوب وتكتب بدفترها
حاطة نظارة بعيونها عود علمود تركز ونايمة على بطنها
ابتسمت على شكـلها ملامحها طفولية هواي
فزيت على صوت ابوية يصيحني
:- بدر الدُجى
غلست عليَّ وضليت مستمرة اقرة ضل يصيحني اتنهدت وسديت الملزمة وطلعت عليَّ
:- تعاي گعدي يمي احاچيچ بابا
رحت يمة واني ما مقتنعة من اسلوبة بدة يسألني على دراستي وعلى قسمي وبيا مرحلة اجاوبة ببرود وهوا لزگ يحاول يوگعني بكلامة
:- بابا تدرين بية لا شغل ولا عمل اي واحد اروحلة اريد منة شغل يطردني وميقبل يشغلني يمة، شنو رأيچ الراتب مالتچ نتقاسمة بالنص يما افتح محل واوگف على رجلي ارجعلچ كُل فلوسچ
باوعتلة وحچيت
بدر الدُجى:- اعذرني ماكو بجيبي اي فلس حالياً اشتريت بيهم ملازم وكتب من يصير عندي الله كريم
گلب وجهة عليَّ وضل يفشر بصوت ناصي هزيت راسي باستهزاء ورحت للغرفة كملنا دراسة ونمنا سوية
بالليل فزيت على صوت حركـة وبچي باوعت مصدومة من الي گدامي
جيش ماعرف شنو لازمين ايد ماريسا قوي ويمشوها وهية تبچي
رفعـت راسي السلاح موجه على گصتي
:- بدون صوت گومي
گمت امشي بهدوء مستغـربة طلعت للصالة ابوية حاطين شي اسود على راسة و3 محاوطي وموجهين السلاح عليَّ وامي واخوية كذلك
شوية واندفر الباب دخل قطب وهوا يصيح
قطب:- شنووو شكوو شنو السالفة عوفوهم
يتبـع،
﴿ ᷂وَاذْكُر ᷂رَّبَّكَ ᷂إِذَا ᷂نَسِيتَ ﴾
- ᷂لآ ᷂آلهَ ᷂الا ᷂الله
- ᷂سبحَان ᷂الله ᷂وَبٓحمده
- ᷂سبحَآن ᷂الله ᷂العظيم
- ᷂استغفرالله ᷂واتوب ᷂إليه
حساب الانستا

اعذروني على التقصير كتبت البارت واني مريضة كُلش اسفة واعتذر منكم البارت قليل
لَنا لِقـاء 💙.