ياگلبي مامليت ماناوي ترتاح ذاك _
لعشگتة سنين شو عافك وراح.... 💔
حب في رفوف الماضي
Insta:: er_ww_
بقلمي:: "ريما"
********************************
هدى:: بابا بس اني موافقة
الكل صفن علية ماما ابتسمت وبابا ضل صافن علية
محسن:: سمعي بابا هداوي ابدا مااريدج تاخذين قرار متسرع هاي حياتج ولازم تفكرين وتاخذين وقتج وغير هيج انتي تدرسين
هدى:: ادري بابا وفكرت واحس حل هوة اوافق وبل نسبة لدراسي فأني بعدلي بس سنة مو مشكلة اخلصها هناك
محسن:: الله كريم نسأل ونشوف
هدى:: احس هذا احسن قرار اتخذتة مااگدر انسة الصار الة بهاي الطريقة خليني اعيش حياتي لانو فعلا تعبت
ثاني يوم اكدت موافقتي لبابا كلف واحد يسئل علية بمحافضتة يومين ورجعلة الخبر وگلة الولد مابي شي بس بابا ضل يتسائل ليش عاف عمامة واجة وهمة ناس معروفين؟
رجعت ماما الهم الموافقة وثاني يوم اجونة
********************************
رقية:: جاي اكل ومادة راسي بل گدر سمعت صوت هلاهل ترگع طلعت اركض
_شكووو يمة منو اتزوج
بديعة:: ولجج اهلل هدى وافقوا هسوهم ردولي الخبر
رقية:: صدگ والله كللوششش واخير ياييي صديقتي واهوية شهل جمال
بديعة:: يي والله واخيرا راح افرح بي وازفة بيدي
رقية:: ان شاءلله وتشوفين جهالة يارب بس هسة شنسوي
بديعة:: يجي اخوج واگلة حتى باجر نروح نتفق على العقد وبقية الامور
رقية:: الله يسهلة يارب بس تدرين شنو خايفة هدى متگدر تتعايش وية رحمان وطبعة
بديعة:: اني هم بس راح احجي ويا حتى منضلم البنية وهوة وعدتي يتغير
رقية:: ان شاءلله
گعدت انتضر رحمان على احر من الجمر شوكت يجي لل1 وسمعت الباب انفتح
رقية:: الله يساعدك رحومي
رحمان:: حبيبتي ويساعدج شلونج
رقية:: زينة الحمدلله عندي الك بشارة الة اخليك تهز من وراها
باوعلي بخزرة ورفعة حاجب
_ااا قصدي يعني من الفرح تكمز لااا مو تكمز بس يعني من الفرحة متعرف شتسوي
_اگوم اهروت مثلج مو
_لا حشاك بس هسة عوفنة متريد تعرف شنو الخبر
_والله جنت متحمس اعرف بس بعد حجيج هذا بطلت مااريد
_لاا لاا اسمع واحد ثنين واهل هدى وافقة هةةةة
ضل صافن بوجهي بدون اي تعبير
_شنو؟ قبلو
_اا يي ليش متريدهم يقبلون يعني؟
_لا طبعا مو هيج يلة بيها الخير امي وين
_راحت للمحل هسة تجي
_تمام من تجي صيحيلي اني صاعد ابدل
رقية:: عافني وصعد فوگ هذا صدگ يحجي والله توقعت ميفرح بس مو هيج حتى تعابير وجه ماكو شلون حتعيش وياك هدى مااعرف وهية منا طالعة من تجربة فاشلة الله يستر
شوية دخلت امي
بديعة:: يايمة متت تعب
رقية::......
بديعة:: شبيج ولج ليش گالبة الخلقة
رقية:: من ورة ابنج غير
بديعة:: رحمان ليش اجة
رقية:: يي اجة وصعد فوگ
بديعة:: يي وانتي شبيج شسوالج
رقية:: عودة تلگيتة فرحانة وگلت ابشرة بل موافقة تالي حتة ابتسامة ماابتسم وخلة وصعد
بديعة:: اوففف شگول هوة هذا الخايفة منة يضل هيج
رقية:: ماادري دنحجي ونزل رحمان
رحمان:: شلونج يغالية گالو طالعة
بديعة:: بعد هلي زوينة بشوفتك
رحمان:: غالتي
بديعة:: گالتلك رقية عن الخبر العدها
رقية:: باوعلها ودنگ
رحمان::يي گلتلي
بديعة:: خيرر يمة شو اشوفك مافرحان
رحمان:: لا فرحان بس تعبان شوية
بديعة:: الله يساعدك گتلهم باجر امر عليكم نتفق على العقد
رحمان:: سوي لتشوفي مناسب واي شي تحتاجي اني حاضر ولتاكلين هم لفلوس
بديعة:: الله يرزقك يمة
***********************
هدى:: ثاني يوم اجونة بيت رقية واتفقنة على العقد يوم الثلاثاء الجاية يعني بعدلة اربعة ايام
بديتة نجهز بل غراض والصرحةام رحمان ابدد ماقصرت جانت مبينة الفرحة تشتري كولة من هاذا الغالي والاصلي ماخلت شي مااخذتة وكل مااكلها كافي تكول(لا جنتي تستاهل) اجة يوم العقد وجن البنات من الصبح ميقات واختها وندى واهل ماما صارت خبصة اخت ميقات حفتلي وسوتلي ماسكات للوجهة وهنة وياي طبعا.
لبست بدلة زيتوني طويلة بيها نفشة خفيفية من جوة ومن الصدر مفتوحة حطيت مكياج بسيط بس عيوني رسمتهم طلعت حلوة شعري سوتة تسريحة مرفوعة ومن جوة مبروم
ميقات:: ماشاءالله نخبلين حبيبتي
هدى:: حياتي مااعرف شلون اشكركم على وكفتكم وياي
ميقات:: انجبي انجبي تشكرينة شنو احنى اخوات
هدى:: هههه يي والله
ندى:: هابي شنووو انتو بعدكم هنا عمي العالمممم اجتتت يلة
ميقات:: وجع ليش تصيحين طرشتينة
ندى:: العالم اجت وانتن خانسات استعجلو
هدى:: يلة خلصنة
اخذني البنات نزلني جوة االكل جاي صايرة هوسة طبعا بابا اتعمد يسوي العقد بهاي الفترة لانو سمع بااحمد ماخذ امة واختة لأيران فگال خلي نعقد قبل ليجي ويسوي مشكلة
اجنتي رقية تضحك سبحان الله هاي لبنية شگد تحسها نقية وصافية
رقية:: هلة هلة بمرت اخوية شهل جمال الله يعين كلبك رحومي
هدى:: حبيبتي انتي هم طالعة حلوة
رقية:: اوييي خجلت
هدى:: ههههه
ميقات:: هااا ولجن بيمن تحشن
رقية:: بيجج طالعة جنج ضفدع
ميقات:: شوف منو يحجي عاد احسن منج جنج طماطة لابسة احمر
رقية:: موتيي قهر لايگلي وطالعة اموت
ميقات:: خاب دطيري لا اشمرج لا ازرف خدودج
رقية:: احجي احجي بعد الله شيسوي بيج جنج عود ماسحة
هدى:: يموعدات كافيييي بدال متوگفن يمي وتهدني جاي تتعركن
رقية:: متشوفيها هية بدت
ميقات:: ياجذابة منو بدة ولج
هدى:: اني اني بديت بس كافي سكتن
بل گوة سكتتهن شوية وگال جيبو البنية خلي نعقد گومني وگعدني ورة الباب حطت ندى رجلية بمي ورد وقران بدية وهيل وشال ابيض على راسي شوية وبدة الشيخ يقرة ايات واحديث سئلني على موافقتي صفنت
نفس الشعور جاي اعيشة مرتين بس الفراق ذاك العقد جنت طايرة من الفرح عكس هذا مااحس بأي شعور قطعة جامد دخلي..
ندستني ماما نتبهت اني وين رجعتلة الموافقة وبدت الهلاهل رجعت مكاني شوي وگالت رقية العريس ايريد يدخل يلبسها الذهب لبسن البنات
واجن عدلني طب رحمان جان لابس قاك اسود وقميص ابيض طالع حلو استقبلنة امة وخالاتة يركصن وهوة بس يبتسم جابتة رقية اجة گعد يمي ماحجة ولا حرف ولاكأنو واحدة گاعد
يمة جابت رقية الذهب وگلتلة لبسها اخذ ايدي لبسني الحلقة والگلادة والتراجي عافهن گلها مااگدر واتأخرت صاح امة گلها اريد اطلع مدري شحجت ويا بس شفتة ضاج وكلها لا تأخرت سوتلة طريق وطلع اجتني رقية
رقية:: اعذري حبيبتي بس اصدقائة منتضري
هدى:: لا عادي حبيبتي شسالفة
رقية:: يميي اروححح فدوةة لمرت اخوية وكللوشششش راحت رقية وعلگن اغاني
وبلشن البنات يركصن وفرحانات واني بس اباوع اريد شعور ماكو لا فرح لا خوف لا حزن احس مشاعري متجمدة
بديعة:: شبيها جنتي صافنة
هدى:: لا عمة بس شوي تعبانة
بديعة:: يلة هسة راح نخلص وارتاحي
هدى:: ان شاءلله
لل8خلصت الحفلة كلمن رجع البيت احس روحي راح انام واني گاعدة انتبهتلي رقية اجت
رقية:: هااا گلبي تبدلين لو تنتضرين اخوية يجي
هدى:: لا ابدل احسن
رقية:: لا خليج بس يشوفج خطية ملحك استحة من البات
هدى:: تمام هوة راح يجي
رقية:: يي هسة اشوفة
هدى:: راحت رقية واني ضليت گاعدة منتضرتها اجني البنات گعدنة نسولف
ندى:: ليش لسة ممبدلة؟
ميقات:: يي عيني تنتضر حبيب القلب يشوها
ندى:: ههههه هم صدگ نسيت
هدى:: ضلينة نسولف اني وياهن شوية واجت رقية بس وجها احمررر
رقية:: اااا هداوي گلبي رحمان يگول مايگدر يجي اصدقائة عازمي
هدى:: لا عادي اصلأ اني تعبت
خليت وصعدت فوگ بدلت اهدومي وسبحت مشطت شعري طبت ندى
ندى:: هااا خلصتي
هدى:: يي اهل رحمان راحو
ندى:: يي خطية بس جانوا ضايجين واكثر شي رقية
هدى:: والله مااعرف شي اصلأ دايخة واريد انام
ندى:: لا بابا يصيحلج
هدى:: يي اجيت
نزلت جوة شفت بابا گاعد بل هول شافني فتح ايدة وابتسم
محسن:: ياهلا بعروسة بيتنة وشمعتة
هدى:: ههه هلا بيك بابا
محسن:: هدى بنتي انتي اول فرحتي وعزيزة گلبي تدرين اليوم من حجيت وية رحمان حسيت براحة وامنت عليج يمة صح شخص مااعرفة بس حسيتة راكز وعاقل وعندة شخصية حلوة الحمدلله الله عوضج وان شاءلله تنسعدين ويا بس يلي اريدة منج بابا متشغلين عقلج وتفكرين بل ماضي خلاص الصار صار واحنى ولد اليوم فكري بحياتج الجاية بمستقبلج احسن والله يهنيج
هدى:: كمت بست ايدة وراسة
الله يخليك الية يارب وميحرمني منك ولتخاف اني مابية شي وان شاءلله اكون عند حسن ضنك
محسن:: اعرفج بنتي هدى قوية
هدى:: ههه يي
صعدت فوگ گعدت على الجرباية افكر خلاص لازم انسة الصار محد يموت ورة واحد التفت لحياتي الجديدة احسن
*********************
رقية:: رجعنة للبيت واني احس روحي راح اطگ من العصبية وامي تهدي بية طبينة رحمان عافنة وصعد فوگ واني گعدت بل هول
بديعة:: هاي شبيج راح تموتين
رقية:: ترة عيب ڪلش موحلو تصرف ابنج حتلو ميريدها ميسوي هيج فشلني گدام البنية وشصار اذا طبيت شفتها راح تنگلب الدنية مااعرف شلون هدى راح تعيش ويا ماادري
بديعة::واني خايفة ماتبقة ويا ساعتها رحمان راح يتخبل اكثر
رقية:: واذا مابقت ترة حقها مشفتي ابنج حتى نضرة مباوعلها مبين مغصوب
بديعة:: شبيدي علية متگليلي مو هوة الاجة وگال خطبيلي
رقية:: اجاج بعد ملحتج وزعلج علية مااجة من نفسة انتي جبتي
بديعة:: لعد شتردين مني رحمان جاي يكبر باجر عگبة اني اموت وانتي تتزوجين وهوة منو الة كل لردتة مرة تسد عنة وحشتة وابن يشيل اسمة كفرت يعني
رقية:: كلامج صح بس. حالة رحمان تختلف هوة جاي يحمل روحة ذنب الصار كولة ولسة عايش بل ماضي ابسط شي الغرفة بعدها على حطتها وهوة گاعد بيها
بديعة:: اني اعرف شسوي من باجر كولشي يتغير واذا معجبة خلي نفصخ مدام بعدنة على البر ليش نتحمل خطية البنية
رقية:: شتفصخين يمة صدگ تحجين هدى هم تعبانة وطالعة من تجربة فاشلة تدرين اذا رحمان فصخ هية تموت لانة بعد متتحمل صدمة.
بديعة:: جا شسوي گليلي مو تعبت ورحمان اخذ نص حيلي
رقية:: خلي يكمل زواجة وان شاءلله هدى تگدر تتفهم رحمان وتعالجة صح هاي تعبر مخاطرة بس شنسوي ماكو غير حل
بديعة:: مااعرف مااعرف الله كريم
**************************
ندى:: يمعودة شنووو تنبلل گعدييي
هدى:: هااا وجع شبيج من الصبح
ندى:: يا صبح عيني ساعة 10 دگومي گومي اهل رحمان جوة
هدى:: صدگ والله شوكت اجو
ندى:: هااا شو اشوفج طفرتي من سمعتي بيهم جوة واني صارلي ساعة احرمص تگعدين ماكو
هدى:: هسة گوليلي منو جاي وياهم
ندى:: امة ورقية ورغد وخالتة اگولج صدگ هاي رغد ولا مرتاحتلها ليش دائما تجي
هدى:: لا ولج ولله خطية بل عكس حبابة بس هية هيج جامدة وهية دائما يمهم واصلا سمعت بيها مخطوبة لأبن خالها
ندى:: مممم نشوف يلة يلة بدلي وتعالي
هدى:: رحت غسلت وبدلت نزلت جوة سلمت عليهم
بديعة:: ياهلا وميت هلا بجنتي ومرت الغالي
هدى:: هلا بيج عمة
سلمت عليهم وام رحمان بس تباوعلي وتبتسم يالله هاي المرة شگد طيبة
رقية:: هداوي اريد احجي وياج موضوع
هدى:: يي گولي
رقية:: امانة مو تزعلين من تصرف رحمان البارحة ترة هوة خجول ويستحي وحتى من مادخل فجماعتة جانو عازمي على العشة بس ان شاءلله يعوضج بل ايام الجاية
هدى:: حبيبتي لتخافين مزعلانة ان شاءلله
ضلو گاعدين يسلوفون وامة تحجي عن المهر
بديعة:: ام هدى شتردون احنى حاضرين وان شاءلله منختلف
اسماء:: ان شاءلله عيني ام رحمان احنى ناس اريد الستر لبتنة وانتو هم متقصرون
بديعة:: خوش لعد هاج هذا مهر هداوي ردت انطي الج البارحة بس ملحگت
اسماء:: عادي مصار شي واحنى من باجر نبدي انجهز تحبين تجين ويانة تشوفين الغراض
بديعة:: لا والله اني هم عندي شغل واني اثق بوق هداوي
هدى:: باوعتلي وابتسمت
شوية وراحو واحنى بلشنة انضف
**************************
رقية:: گعدنة من الصبح امي شادة حزامها على رحمان سويت ريوگ وفرشت السفرة نزل رحمان
رحمان:: صباح الخير
بديعة:: هلا
رقية:: صباح النور
رحمان:: شلونج يمة
بديعة:: زينة
رحمان:: خيرر ليش متباوعيلي من تحجين؟
بديعة:: اسئل روحك مسوي شي
رحمان:: ياستار اني لا ممسوي شي گاعد عاقل
بديعة:: ممكن تفسرلي تصرفات البارحة السويتها
رقية:: جان يضحك فجأة نگلب وجهة ودنگ
رحمان:: شسويت مااتذكر؟
بديعة:: مو مشكلة اني اذكرك ياحضرة الدكتور المحترم البارحة انتة حسست الكل انك مغصوب على الخطبة شنو معناتها طبيت گالب خلقتك حتى للبنية مباوعت واختك اتگلك تعال طب شوفها متقبل الف حجة طلعت خليت العالم شكت اكو شي
رحمان:: يمة شتردين مني اخذها بل احضان والتبوس يعني اني حتى مااعرفها وماعندي اي مشاعر تجاها والباحة اصعب يوم جان بحياتي ومن رقية خاربرتني جنت مخنوگ النفس كوة اجرة ومتحججت فعلا جماعتي عزموني من شافوني هيج
بديعة:: وعلى شنو على شنو هذا كولة متگلي معاجبك گولي خلي نفصخ ليش تخليني اخذ ذنب لبنية واتحمل خطيتها العمر كلة
رحمان:: يمة الله يخليج شهل حجي متوصل مرحلة اكسر البنية علمودي كل يلي اريدة منج شوية وقت علما اتقبل الموضوع
بديعة:: ماكو وقت احسن شي نقدم وقت العرس هيج راح تتقبل الموضوع اكثر وحتى الغرفة كلشي راح يتغير بيها ماابقي شي على حطيتة كافي اطلع من العايش بي
رقية::اباوع لرحمان بعيونة نضرة حزن على خذلان ماعرفت افسرها ليش.. دنگ شوية ورفع راسة حجة بحزن
رحمان:: سوي لتشوفي مناسب اهم شي متزعلين يلة اني طالع تأخرت
رقية:: اخذ غراضة وطلع باوعت لأمي
_شتگولين يلي سويتي صح
بديعة:: وصح الصح همين كافي خلي يتغير ومحد راح يغيرة غير هدى
رقية:: والله مااعرف ياخوفي اتنكسر واتكسرة اكثر...
*************************
النت كولش ضعيف من البارحة كاتبتة وميرضة ينشر المهم استمتعوا بل قرائة واحبكم عويناتي 🙈♥
لتنسون التصويت 💙💙