#أنسام_اللهيب
بقلمي أنا زينب خالـد
علقو بين الفقرات وصوتو للبارت استاهل حگ
التعَب مو صحيح 😔؟
أنتو تردون بارت واني أريد تفاعلكم
الحَلو تابعــو حسابي بالواتبـاد + حسابي انستا موجود بالبايو إذا تحَبون
تضيفوني .♥
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أنــهار :- أيام تمشي بسرعة
وكله محَسوب من
حياتنا بعد أخير مُكالمة وياهم محَد أتصل عليه لأ ميريام لا خليل لا لهيب ..
تلاثتهم اختفوا ليش أجذب
فعلاً جَنت
خايفة لا صار عليهم شي
وجُزء مني جَان خايـف عليـهّ هوَ
إلي جَنت أعرفة عن الحَمل أنو
أكو نسوان تكره ازواجهن خلال هاي الفترة
وأكول لا يصيرن
يحبوهم بزيادة
ولتعاسة حظي إني جَنت من النوع
الثاني ..
فزيت من الحَلم الهث صدري
يصعد وينزل
فرگت ما بين عيوني قوي أستغفرت ربي
بعَدت الغطه عني كمت
وإني اعض بشفايفي راجعت دكتورة ڪالت صار شهرين ؏َ حَمل بس أحس بتعب مو طبيعي
إلي يشوف بطني مال وحَدة بالرابع مو بالثاني
تأففت بضجر وكفت ڪدام المراية
أباوع ؏َ شعري
إلي تقريباً يوصل لحَنجي صاير
حسيت الدموع تجمعت بعيني والدمعة تلالي
ماتحملت غطيت وجهي
وبجيت بصوت عالي وشهگاتي صارت
الشي الوحيد إلي ينسمع
بالغَرفــة
أنفتحت الباب قوي دخلت أزهار وعلامات
الذُعر واضحه ؏َ
ملامحها تقربت عليه حضنت أيدي بأيدها
ڪالت بخوف
أزهار :- شبيج تحسين بوجع!؟
رفعت رأسي إلها
باوعت ؏َ شعرها طويل وحَلو حطيت رأسي
؏َ ڪتفها انحب بصوت
عالي
أنهار : شعررررييي شعررررييي
أريد شعري
اللّٰـه لا يوفقك عثمان الخايس
فجأة حَسيت تغيرت مشاعري
دفعتها قوي سحبت نَــفس وغمضت عيوني عضيت شفتي ڪلت
أنهار : عُثمان
عگدت حواجبها وباوعتلي بقرف
أزهار : شبي؟
رجعت أبجي وامسح بدموعي
أنهار : اشتاقيييت لريحته ماتتتحمل
حَموت أحس أريد اشتم ريحته
عفست وجهه بقرف دفعتني من چتفي
قوي
أزهار : اللّٰـه يقرفج العالم تتنسى ؏َ حلاه ؏َ حموضة ؏َ ملوحه وهاي تتنسى ؏َ رجلها
وين اوديج هسه إني
رجعت بجسمي ليورة ساندة
ظهري ؏َ الجرباية مغمضة عيوني وعاضة شفتي
بعَد ماحسيت
بوجع طَفيف أسفل بطني
دگ تلفوني انتفض جسمي بسُرعة
نسيت نفسي
ڪمت بسرعة وحسيت بوجع حطيت أيدي جوه بطني امسد عليها بهدوء
بحركات عشوائية عسى ولعل يخَف الألم
سحَبت التلفون جَان لهيب رأساً
فتحت الخَط
- الو ، شلونج بابا
أنهار : صدك تحجون راح
يصيرلكم شهر
محد يرد عليه ! لا ليلي ليل ولا نهاري نهار
اخابر ميريام يكلي
ڪِلشي ماعرف عنهم ويسد الخط بوجهي هيج عفتوني نسيتوني
حجيتهن دفعة وحده وحطيت أيدي
؏َ وجهي أبجي بصوت
عالي
لـهيب : بهداي بهداي
شبيج شصابج غير هذا البغل
رجلج مگابلنا وكاعد مامنطينه فگه بس يخابر واحَد ينبز يكعد يمنا
جان مأخذ إجازة شهر هسه خلصت
ورجع للشغل
شهگت بصوت عالي
أنهار : لـهيب إني طلعت حَامل
صار هدوء ماحجه شي جَان ساڪت
التفت ؏َ أزهار
جانت ڪاعدة تبرد باظافرها
لـهيب : شلون حَبلتي ..
حجاها وسكت بعدها اتدارك الموضوع
ڪال :- أقصد يعني ليش
شنو شبيه إني أنـتِ حامل من منو ؟
لطمت ؏َ خدي
أستحيت لأن حجيت الـه بس ماعندي
أحد
حجيت بخجَل
أنهار : شبيك لهيب
شنو من منو غير من رجَلي !
لـهيب : خوما مفڪرة تسقطين
عضيت شفتي لزمت الحايط
أحس تعبت من الوكـفة غمضت عيوني بألم
أنهار : أتمنى بس ماڪدر ..
لـهيب :- اصبري عليـه جم
يوم واجيج
اجيبلج فلوس تشرين ملابس الج ولـ طفل تجهزينة
تغير صَوته حمحم أسمع صوت
أنسام خافت يمه
تنهدت بضيق رأساً سد الخط بوجهي اعرف بي ميريدها تعرف ويريد
يحَميني بس أنهضمت من الحرڪة
حطيت التلفون ؏َ شحن ڪعدت ؏َ الجرباية
صافنة ؏َ أزهار
إلي التفت تباوعلي رافعة حاجبها
أزهار : عندي إقتراح الج
- شنو؟
أنتجيت ؏َ الميز وڪالت :- ليش ماتشتغلين
يعني صراحة عن نفسي
مَــادري أنـتِ شلون تقبليها ؏َ نفسج زوج اختج يصرف عليج خلي تصير عندج
ڪرامة حَسي شوية وفوك هَذا ڪل يدفع فلوس طيارة وسفر أدري حَتى لو وزير
المالية مو هيج !
سكتت ثواني تتمعن بردة
فعلي بللت شفايفها وبعدها أردفت مڪملة :- ومنها هم تنسين هذا الجحَش
وتبطلين تتنسين عليه وتصرفين ؏َ روحج
وتحافظين ؏َ ڪرامتج
عدلت وڪفتها فتحت الباب
تريد تطَلع
أندارت وڪالت أخير شي
أزهار : يجوز ڪلامي راح يضوجج هسه
بس من تطبقي
راح تشكريني بعَدين صدكـي ..
طَلعت وسدت الباب وراها
وإني الأفكار صارت تترادم بعقلي
تعبت من تفكير أنو إلي سويته صح لو غلط
لو لازم اسقط طَفل أو حَرام
أحتضنت نفسي وإني نايمة
أيدي ؏َ بطني أمسح عليها بـ حَنية
همست بصوت ناصي
:- أنـتَ تسمعني ماما
إذا موتك راح تزعل مني ؟ بس أنـتَ بعدك
مابيك روح مو صحيح
مراح تتأثر
نمت ؏َ ظهري عيوني للسگف
أيد قراري
أنهار : اي صحيح شَعنده
جاي ليش اجيبه للدنيا ! بدون أب
وإني شلون اعيشة وحَدي أي أي لازم أسقطة
حتى لو جبته وأشتغلت
وعُثمان عرف ياخذة مني لالا ماكدر اذبه أحسن ..
حسيت بحرورة دمعة تچوي
خدي عصرت
أيدي قوي
أنهار : بَس حرااام
شلون أذبه قطعه مني هَذا
روحـي أنسحنت سَحن
غطيت وجهي بالمخَدة ڪاتمة صوت شهگاتي وخَافية دموعي إلي بللت
المخدة
إتخذت قرار أسقطة ڪلام أزهار
مُقنع مراح أضل ڪل عُمري ؏َ لهيب هو يهتم بيه بيته بأنسام بـ نوران
مجَان ڪدامي إلى طَريقين
أما أرجع لـ عُثمان ..!
أو أسقطـة وأني فضلت الخيار الثاني ؏َ الأول
ڪمت من ؏َ السرير باوعت ؏َ ساعـة
بعدها دنيا الصُبح
فتحت الباب توجهت لغرفتها طرقت ؏َ الباب طرقات خَفيفة
- فوتي
دخَلت جانت تلبس تريد تطلع
باوعت إلها بتوتر أفرگ بأيدية قوي
صفنت بوجهه وهي تباوعلي تنتظر مني أنطق
تشجعت وأخيراً وكلت
أنهار : إني ماريد الطَفل ..
ميل رأسها تباوعلي عاگدة
حواجبها مانطت أي ردة فعل رجعا تلبس بساعتها متجاهلتني
سحبت نَــفس أردفت مڪملة
أنهار : أكيد هسه تكولين
هاي شبيها مخَبلة اللّٰـه يعقلها بس ..
ماخلتني أكمل رأساً قاطعتني
أزهار :- لا مراح أكلج أنـتِ جبيرة
وتعرفين مصلحة نفسج
لبسي هسه اخذج تسقطين يلا
رمشت بعيوني اباوعلها مصدومة ممستوعبة
دفعتني من ڪتفي
وعبرت طلعت من الغرفة وإني ؏َ وكفتي متصنمة
بـ مكاني
أحس بـ دگات گـــلبي وهي تتسارع
ماريد أتخذ هيج
خَطوة بس مغصوبة رحت بدَلت ولبست ملابسي
باوعت ؏َ شعري إلي طَالـع من الحجاب
تذكرت ڪلام نوران اخير
مرة سندت أدية ؏َ ميز دنگت رأسي أبجي مشتاقة لـ أهلي أريد أرجع أريد أبجي
بحضن أنسام إني ماعرف أتصرف ..
شهگت ومسحت دموعي بسرعة
دخلت شعري
وجهي شاحب وضعفانة وحالتي حـالة نزلت
جَوه العمارة
الدرج موتني أنزل باية وأحس ماكدر
أكمل بعَــد
لكيتها واكفة تخابر وتنتظرني
خطَفت نظرة سريعة مني تتطمن ؏َ شكـلي
زفرت نــفس براحـة
أحس الوجع مو طبيعي لأن نزلت من العمارة
شوي وأجت سيارة وكفت قريب علينا
نزل ولَد حلو مرتب
منها أبتسم نزع النظارة سَلم ؏َ أزهار سلام حار
جان عراقي مثلنا
- ها شعجب مخابرة بذاته
أكيد مصلحه
حجاها وغمز الها وهي ضحكت بخفة
وعدلت نظاراتها
الطَبية أشرت عليه وڪالت :- أي والله
محتاجـة مُساعدتك ، هاي ڪرايبي حامل تريد تراجع دكتورة تكدر توديها
فتحت عيوني ؏َ وسعهم باوعتلها
بصدمة مو هيج
سولفتله السالفــة ڪِلها غمضت عيوني ودرت وجهي للجهه الثانيـة
أحس بس واحد يطخني هسه أبجي
ماعرف إذا هاي هرمونات
الحَمل لو الموقف فعلاً يأذي
باوعلي رافع حاجبـة ونظراته أخترقتني
گصني گص بدقيقة وحَدة
تأففت بضجر وين
عُثمان عنك ويشوفك تباوع هيج
- أي تدللين أنـتِ وياها
أبتسمت الـه بتصنع سحبتني ؏َ جهه
لازمتني من زندي وتحجي
وياي وإني عيني ؏َ الولـد الي انتچه ؏َ سيارة يباوعلي
أزهار :- روحـي وياه ثقة هذا
زميلي
رفعت حواجبي وحجيت وإني گازة
؏َ سنوني
: حَلو حَلو عندج أصدقاء
ولد ، وترديني أروح وياه وحَدي وين ڪاعدين إحنا؟
باوعتلي مقلصة عيونها أبتعدت
عني نزعت نظارتها ومسحت النظارة ڪالت بدون متحط عيونها بعيوني
أزهار :- ماعتقد يخصج؟ ڪلت زُملاء
ومو أصدقاء ..
سكتت بعدها لبست نظارتها تقربت
عليه وهَمست بخُبث
: ماعتقد لازم أسمع هذا الحجي من
وحَدة شاردة من زوجها ؟
حجتها وأبتعدت عني مبتسمة
بأنتصار
تفلت عليها وصحَت بصوت عالي ڪدام العالـم
أنهار : خرررا عليج و ؏َ الي جابني
يمج !!! يااا خيسسسسة
ياااا حيووووانةةةة
ماحس إلى أيد خشنة حاوطت أيدي
ساحبتني للخلف
وأيد مغطية شفايفي ڪاتمة صوتي
توسعت عيوني بذهول دفعته قوي
صرخت بصوت أعلى
العالم ڪلها تباوع بس محَد يفهم شنحجي
أنهار : والله والله اذبحككك
بس تفكررر مرة ثانيييية تمد إيدك عليه
ارتد للخلف فاتح عيونة مصدوم
من ردة فعلي
نزعت حذائي ورفعته بتهديد وجهته بتجاهه ڪلت
أنهار : وشرييييفة بتتت الحسسسن
بهذا أسگطك افتهمت
يا خايس يا چاااايف
خزرتة أزهار
- لاااا ليث لاتلزمهااا عاملها
شلون ماتعاملني للتتجاوز حدودك
تقرب علينه واحد تركي مدري شيرطن
من حرگه گــلبي
شلت الحذاء وضربته ؏َ راسة قوي
مَــادري شيصير وإني اضرب بمنو وبطني الوجع گطعها
سحبتني أزهار قوي حيل من نصهم
والولد إلي أسمة
ليث واكف يهدي بالموقــف ومدري شيرطنون بالتركي
شددت ؏َ معصم أيدي
عتتني عتت وراها هيَ تمشي سريع وتسحبني
وإني من الوجع صرت أبجي
بس أريد يهدئ
نترت أيدي منها ڪعدت ؏َ باية من بايات
الدرج لازمة بطني ومغمضة
عيوني بألم أون بصوت خافت
أنهار :- راح امووت
شنو هذا الوجَــع
أزهار : بطلي دراما وكومي
فضيها عاااااد
سقطي وفضييينا سويتها شگبرها !
التفت عليها الدموع بعيني تلالي
خزرتها
ڪلت :- دددرامااا؟ هاييي تسميهااا دررراماا ؟
سندت نفسي وكمت
؏َ حيلي صعدت قريب عليها الهث وأجر النفس بالگوة حطيت عيني بـ عينها
أنهار : هاي الـ ڪدامج انهزمت
من رجلها لأن مارضت ؏َ نفسها الذلة
والخيانة الـ ڪدامج من هيَ وصغيرة ولحـد ما ڪبرت مارتاحت خلصت عُمري
انضرب وانگتل ويتحارشون بيـه بكـل قوتي حاولت أحافظ ؏َ نفسي وشرفي وضحك
عليه إبن حَرام لوه ذراعي بخوتي واخذني غصب
بليلة عرسي وخاني وثقت بي
وگسرني من جَديد
سحبت نَــفس سندت أيدي ؏َ المحجر
مال درجَ ڪلت والغصة واضحة بصوتي
أنهار :- الـ ڪدامج عافت اهلها وخواتها
وفضلت تعيش بالغربة
تدرين ليش ؟ لأن إذا اسولف لـ اهلي ميخلوني يمي يطلگوني واني أعرفة ڪِلش زين
راح يبدي يستعمل أساليب قذرة ويانا حتى ارجعله
مو حُباً بيه لاااا هيييج يريددد
يگسر خشمي
دفعتها من چتفها قوي باوعتلها
من فوك ليجوة بأستحقار
أنهار : راح أبقي ابني واربي وأكبرة
وأريد زلمة حوگ إبن زلمة يأخذه مني أريد اراوي أمه شعاشت وشضحت حَتى
تخلي يعيش إذا إني ڪاعد ابجي
لأن غربت روحـي وتيهتها في سبيل خواتي يعيشون وأنـتِ تحسبيها دراما فـ أي إني دراميه
سكتت شوي بعدها أبتسمت
وأردفت مڪملة :- هاي حياتي يا بت العز
والدلال من جنتِ اللگمه تنحط
بحلگج جنت اني اتحسر ؏َ شربة المي لأن جانو يضربوني ويحسبوني لا مي ولا أكل
إني عشت أشياء مامكن بنية بعمري تتحملها
وتحملت وصبرت ومستحيل أخلي
طفلي يعيشها راح أعيشة الدلال إلي إني انحرمت منه ..
جَانت ساكتـه طول الوقت مانطقت
ولا حَرف ڪعادتها
ماكو ردة فعل ؏َ ملامحها صعدت ؏َ درج بالگوة
وصلت للشقة بطلاع الروح
وإني أحس سچاچين تغرس بطني
حسيت بشي حَار ينزل بين رجلية
روحـي راحت ركضت
؏َ الحَمــام بسرعة جان دم ينزل
رفعت رأسي للسگف دموعي تنَزل ماوگفت
ڪعدت بالگاع أشاهگ
شسوي مابيدي شي ضيعت روحـي
وهسه راح يروح
طَفلي
ڪاعدة ؏َ أرضية الحمام الباردة
أبجي بدون صوت
بس دموعي تنزل وكف النزف بس مَــادري شنو حـالة الطفل الصحية
عمري 18 سنـة بس ولا مَرة
جربت أصلي جانت أنسام تحجي وتنصحني هواي
بس ماجنت أهتم إذن
تطبب وأذن تطلع جنت أعتقد اللّٰـه ميباوع الية ولا يهتم ليش حَتى أصلي؟
أعرف شلون اتوضى وأعرف الصلاة
ڪمت ؏َ حيلي فتحت
المي وبديت اتوضى رحت أدور ؏َ سجادة لحُسن حظي رأساً لكيت
بديت أصلي وإني أبجي دموعي
عَشرة عَشرة
من خلصت نمت ؏َ سجادة أنحب وأبجي بصوت عالي حيل مامهتمه لـ أيشي
ثانـي
أنهار : إني إنسانة سيئة ومتروسة
ذنوووب حيييل مترووسة
بس أنسام مرة ڪالت الله ميرد احدد لا تردني
أبني اريييده دخيلك ربي
والله إذا مات الطفل أموت اذبح روحـي أني حيوانة جذابة ماريد اسقطه والله
اخذ مني ڪِلشي بس أبني لا تحرمني
منـه ..
ضليت ؏َ هلحــال لفترة طويلة ابجي
وأدعي لحَدما
غفيت ؏ سجـادة واني ماحسه بروحــي
جَنت واكــفة بحديقة وخايفة أكل
بأصابيعي
ومن مسافــة بعيييدة شفتتت علي يمشي وگايد بأيدة أطفال إثنين وجان
ضايج حيل
ركضت عليه بسرعة حضنته
وأبوس بوجهه
أبتسم الية بحزن ڪال :- ردت اخذهم
وياي بس مصارت
ميخالف اخذيهم أنـتِ أنهار
عگدت حواجبي بأستغراب ڪلت
: منو هذولة علاوي؟
جَان راح يجاوب بس فجأة طيفه بدة يتلاشى
ويختفي من ڪدام
عيني ويتحول لـ سَراب
حسيت بأيد تهز بچتفي فتَحت عيوني
بـ تعب باوعت
؏َ الشباچ الموجود بغرفتي جانت دنيا ليل
تحولت انظاري ؏َ الي
مگرفصة ڪدامي تكعدني
گلبت عيوني بملل ڪمت من ؏َ السجادة
نزعت الچادر خليته
؏َ جهه أشرت برأسي بـ معنى شكو ؟
أزهار : سويت عشه تعشي
موزين ؏َ طفل
خزرتها وماهتميت لـ ڪلامها
رحت ؏َ المطبخ بديت أسوي الـي عشه تحت انظارها
أزهار : اوكي اوكي
إني آسفة مجان قصدي أحجي
هيج بس جنت شوية مو بالعتج
التفت عليها باوعتلها بطرف عيني ورجعت
أشتغل أسمعها تتذمر
رجعت ڪالت :- ترا ليث مو قصدة
هو متعلم ؏َ عيشه هنا والبنات عادي عدهن يلزمهن فـ هو ممتقصد صارت
بالغلط
حطيت الأكل ڪدامي وبديت
أكل وإني صافنة ؏َ الفراغ ومانطيتها أي إهتمام
اجتي ڪعدت
ڪدامي
باوعت عليه وأني أكل
أزهار : وها ڪال ڪليلها اني أعتذر
رفعت عيوني من الماعون
رمقتها بنظرة حَاقدة ضحكت بأستهزاء
ڪلت
أنهار :- اعتذاره مرفوض
رفعت حواجبها تباوعلي بصدمة
سحبت نَــفس عميق تحاول تهدي نفسها
لأن واضح شكد نرفزها
أسلوبي
أزهار : من شنو ضايجة أنـتِ
هسه ؟
أنهار : منو ڪال اني ضايجة
بس قررت أتعامل وية ڪل إنسان ؏َ إلي
يقدمة الية
وهذا إلي أنـتِ قدمتي تجاهل ، ڪلام قاسي ، تعامليني ڪأني ماموجودة
الحايط يسمع ويحجي وأنتِ لا فـ قررت أتعامل وياج بالمثل ماحب اقدملج
مشاعر أنـتِ متستاهليها ..
حجيتها وماهتميت لردة فعلها
خلصت الأكل وغسلت الماعون وتوجهت لغرفتي
دخلت صليت ونمت
؏َ الجرباية أمسح ؏َ بطني وأقرة
آيات قرانيـة أريد واحـد من الولد يجيني
حَتى أروح للدكتور
غمضت عيوني قوي وإني أحس
بنفسي مشتاقة
لريحـته اني كارهته ومو طايقة أسمع إسمه بس مَــادري ليش روحـي رايحة
بس حَتى أشتم ريحته ..
لزمت تلفوني أباوع بي عسى
ولعل أنساه
فتحت اليوتيوب بديت أگلب بي طَلعت
اليـة اغنية أتذكر
مرة عُثمان من جَان سكران غناها الية ضحكت بنَص قهري تذكرت من دز
صور سيلفي للباب مالتنه
لو من ڪلي ريحتج خايسه
عضيت شفتي فتحت الأغنية
جانت الغرفة ضلمـة واني متغطية وأسمع
صوت قاسم السُلطاني
يڪول :-
حَبيبي بعيني الك دمعة
ڪلام بگـلبي متسمعة
أريد احجيلك وارتاح
تعال لخـاطري بســرعـة
شهگت وحطيت أيدي ؏َ حـلكي ڪاتمة
صوتي أبجي وأدعي عليه
ليامرحـلة وصلنا أتمنى لو بقينه غربة
ولا گسرته هاي ..
من وصل لهذا المقطع
انهاريت ابجي وأني أتذكر ڪل المواقف بينه وشلون أذاني وخذلني
وشلون ڪتب ڪلامات هاي
الأغنية الية آخر مرة ..
- وصيت الهوى يحاجيك
يذكرك بلي ماناسيك
يمتى تحَن علي وتعــود
يمتى اللّٰـه عليّ يهديك؟
طفيت الأغنية روحـي خلصت من
البجـي
مابية بعَد احس حتى عيوني ورمن من ڪثر البجي غمضت عيوني أحاول
اتغاضى عن الألم وأنـــام بسلام ...
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
نــوران :- فتحت عيوني
بملل ماريد أكوم من الفراش
دافي وإني نعسانة بس أحس ريگي ناشف
بللت شفتي
رفعت عيوني للساعـة جانت
بالوحـدة ونص ڪمت واني مغمضة عيوني
بالگوة أمشي من النعاس
فتحت الباب نزلت ؏َ درج بدون
حجاب لأن لهيب وبتال صارلهم يومين ماكو
ماجوي للبيت
رحت ؏َ المطبخ ظلمة ڪِلشي
ماشوف وأنسام اخذت التلفون يمها تنتظر لهيب يدگ عليها ماشوف شي
حسيت بصوت وراي
فتحت عيوني وصحصحت
أباوع ؏َ المكان
أحاول أعرف مصدر الصوت
بلعت ريگي بـ خوف ركضت سحبت گلاص
ترسته مي شربته
دفعــة وحَده رجعته لمكـانة ركضت بكـل قوتي
أريد أرجع للغرفة ماحس
إلى انرگعت بشي أرتديت للخلف لازمة
رأسي
أحس بشخص واكـف ڪدامي
ماكدر أشوفة لو أميز شكلة بس هيئته أشوفها
ردت أصرخ ماحس
إلى سحبني قوي ضغط ؏َ شفايفي
بأيدة قوي حيل
لطشني بالحايط قوي لدرجـة غمضت عيوني من الألم
أحس بأنفاسة تضرب بشرتي
من الخَوف تخيلته
العفريت بس هَذا نسخه عراقية
بعد أيده عني من حَس بدموعي
صارت تنزل
رجع للخلف ڪأنه نصدم
ڪعدت بالگاع مغطية وجهي أبجي
وإني أردد
:- يُمه أنسام ..
نفتح فلاش التلفون
عقجت وجهي لأن الضوة صار بعيني
رفعت رأسي شفته
أصهب خزرته وكمت ؏َ حيلي أريد اتعارك ماحَس إلى نَام بالگاع من الضحك
يضحك من ڪل گــلبة
نوران : شنووو الي يضحك؟
وهو لازم بطنه ويضحك رفع تلفون لعيوني
جان مصورني وشكلي
طـالع يخزي بيها ركضت أريد أسحب التلفون من أيده رفعها ليفوك
وهو يضحك ويرفعلي بحواجبة
منتصر باوعت ؏َ صورة جنت بدون حجَاب تصنمت
بمكاني تذكرت اني ملابسة حجاب
فتح ضوة المطبخ
جان الضوة قوي ؏َ عيوني فـ غمضتهن
عدل وگفته ونزع
السترة مالـته خلاها ؏َ متوني وحط الگبوس ؏َ رأسي
لبستها زين وغطيت روحـي وخزرته
نوران : أنـتَ شكدد ماتستحي
اهلك ماعرفو يربوك ؟؟
شلون تصور بنات العالـم ماعندك خوات
زين شلون تحط إيدك ؏َ شفايفي
حط أصبعة ؏َ حلگه بمعنى
اشش تقرب عليه وإني رجعو ليورة
بخوف
أصهب : أحجي بعد حرف وأسوي
بيج سواية
اخليج تمشين وتصيح هذا شكد مايستحي
منا لخمس سنين ليكدام
فتحت عيوني ؏َ وسعهن
وإني أباوع ؏َ نظراتة شلون أكلتني أكل
حطيت أيدي ؏َ حـلكي
وكلت
نوران :- يااا عزاااااا
ماتحمل تغيرت ملامح وجهه دنگ
راسة وصارت أكتافة
تهتز من الضحك سحب الكرسي
وكعد
أشرلي برأسة ؏َ كرسي بمعنى ڪعدي
نفخت روحـي
ڪلت :- لا ماريد ، أريد أروح أنام
حط الجكارة بين شفايفة
شغلها وهو يباوعلي مقلص عيونة نفث
الدخان ڪال :- ليش ماتحبين
الكرسي تحبين أكعدج بحضني ؟
لطمت ؏َ خدي وعيوني احسهن
حينطن من مكانهن صحت بصوت عالـي
نوران :- عزززززززاااااااااااااااا
رجعت ليورة صافنة بوجهه
رجعت ڪلت :- عزااا عزززاا عززززا
رفع حواجبة يضحك ؏َ ردة
فعلي واني مستمرة أردد :- عزززا عزززا
أصهب :- وحگ علي أبو الأيتام
إنه مخبل أسويها
وأكعدج صدك تعاي ڪعدي ؏َ ڪرسي أفضلج
حجاها وغمزلي
أحس بوجهي يطلع نااااررر من
الصدمة الحروف متطلع من شفايفي واكفة
اباوعلـه
نوران : طبعاً أنـتَ واحـد
ادبسزز ومامربى وساقط وماتستحي
ڪِلش ماتستحي بس يجي خالك اني اسولفله
ڪِلشي أكله شوف إبن اختك الـ مايستحي و..
ماخلاني أكمل الكرسي
جان قريب ؏َ الحايط هو رجع بجسمة ؏َ كرسي
ساند رأسة ؏َ الحايط
حط أيده ؏َ عيونــة
ڪال بصوت خافت
أصهب : بس أسكتي أشتعل
أبوج ؏َ هذا الصوت
رفع أيده عن عيونة جانن ذبلاانات
ڪال :- تعاي ڪعدي بس
نسولف ؏َ موضوعنا أحسن ما أرتكب بيج جَريمة هسه ..
تنرفزت خزرته ونترت بي
نوران : ماااكعدددد
عَدل ڪعدته وخزرني رحت
ڪعدت مثل الـ حبابة ڪدامة يباوعلي
ويدخن ڪال
أصهب : حَلوه
نوران - شنية؟
أبتسم وعض شفته
أصهب : عيونج
رفع أيدية بسرعة يبرر موقفة
قبل لا أصرخ عزا
أصهب : اشاقة اشاقة لا تصييحن
أقصد حَلوه
من اجه عـمج راد يأخذج وأنتِ مابيدج حيلة
شجنتي راح تسوين
لو اخذج من أنسام ؟؟ ششنو راح يكون
موقفها ؟
سكتت اكرهه هذا الموضوع
وهاي السيرة رفعت عيوني الـه احس گـلبي
وجعي
نوران : ماريد أفكر
شكراً أريد أنام عوفني بحالي !
أصهب : مو صوجج وعلي
صوج الكوا** الي شايل همج يا ..
راد يحجي وأستغفر
نوران : عزااااااااااا ليش تفشررر؟؟؟
راد يرد عليه بس أستوقفة
صوت الباب الخارجـية وهيَ تنفتح رفع روحـة
جان عاگد حواجبة يباوع
أسمع أصواتهم بالمكان فتحو الباب
دخل لهيب ساند البتال وهو يمشي ويعرج
عگد حواجبة لهيب من شافني ڪاعدة
إني وأصهب خزرة
وذاك ماهتم ؏َ وضعيته
بتـال : أخ يابة أخ بوية
أخ ولج خوية
ولك سبيييع خوية أخذني لبيتك
هناك إني أطيب
دخل من بعدهم السبَع جان شكله
حييييييل متغير عن آخر مرة شفته بيها
رفع رأسة خزر البتال
ڪال :- وسم شبيك تزاگط
جنك حصان الحمزة شكو بيتي
أنسحبت من نصهم أستحيت
شمكعدني بنص زلم بس وكفت ؏َ جهه أسمع شيحجون واباوعلهم
تقدم لهيب ڪعد البـتال ؏َ ڪرسي
وهو مَد رجلة ذب حَـــسرة وڪال
بتـال : أخ يابة إني لكيت
شي احلى من الچگليت
عگد حواجبة لهيب
: شبيك بوية شاخط شو صارلك
يومين تخربط
ماشوف إلى بتال دفر لهيب
برجلة قوي صاح
بصوت عالـي
بتـال : خيييسة ماغزرر
بعيييينك قبل شوي ردت أموت إلى شوية
بسببك ولك طلقه فاتت
من يمك وشمرت روحـي ڪدامك
حتى لا تموت وتحجي عليه ڪدام هذا السبيع
رفعت روحـي أباوع ؏َ السبع
شغل الجداحـة وهو عاگد حواجـبة ومخنزر
ڪال :- هسه شبيك
تزاگط يابعداخوك لا أنـتَ تصوبت
لا أنه تصوبت لا صويحبك تصوب شبيك راح تموت تريد إهتمام عمي دزوجوووو
ڪل هذا الحَجي وأصهب
مكتف أيدة يباوع عليهم بصمت بدون
ميدخل بينهم
حط أيده ؏َ گــلبه بتـال وڪال : أخ يابة
أي والله أريد أتزوج
زوجوني لو احرك روحـي
لـهيب : ياهو تقبل بيك أنـتَ
أمشي ولـي أنطمر
سنده وبتال من ڪل عقله يتخيل
هوه متصوب ويعرج
هزيت أيدي عليـه ردت أروح لـ غرفتي بس ضليت واكفة أباوع ؏َ السبع
أتذكر ڪلام أنهار عنـه وأفكر
إذا هو فعلاً يحبها أو لا
زفرت نــفس ضليت واكفة بمكاني شفت أصعب طلع من المطبخ صعد ؏َ درج
سواه بايتين بس يطفر جَذبني صوت أغنية من
المطبخ والفضول
ماخلاني اتجاهل الوضع
رجعت مديت رأسي بالمطبخ
مجان أكو أحد
والباب مفتوحـة والهوى بارد لفح وجهي
أقتربت أكثر وإني اركزت ويه
ڪلماتها
شفت السبع ڪاعد بالگاع يدخن وتلفونة
يشتغل وصوت الأغنية
واضح وهو يدندن وياه
- وصيت الهوى يحاجيك
يذكرك بلي ماناسيك
يمتى تحَن علي وتعــود
يمتى اللّٰـه عليّ يهديك؟
رجعت بخطواتي ليورة چمدت
بمكاني من حسيت
بشخص خَلفي عضيت شفتي وغمضت عيوني انداريت وفتحتهن
بهدوء من شفته لهيب زفرت نــفس براحــة
لـهيب : عيب بابا عيب
تتچسسين ؏َ خصوصيات غيرج
فتحت عيوني ؏َ وسعهن
أشرت بأيدي بمعنى لا
نوران : مو قصدي لا والله بس جذبني
صوت الأغنية
أبتسم وسوالي مجَال حتى
أروح قبل لا أطلع سمعَته يصيح
:- هيو المسقط
راح تكعد الوادم طفي مو وكت أحزانك
هَاي ..
صعدت ؏َ درج فتحت باب
غرفتي تنفست براحــة نزعت الگبوس من ؏َ رأسي التفت أباوع ؏َ غرفة
توجهت للجرباية لگيت ورقة صغيرة
مڪتوب بيها
" واسعة العينين ، ناحِلةُ الخصر "
باوعت بأرجاء الغرفة هَاي شنو
منو ڪتبها شوكت
شلون !!
ضليت صافنه عليها دقايق
ڪل شوي أحس بمغص بطني من أقراها
عضيت شفتي
معقولة هو؟ بس إني ماحبة
ليش داحس بطني توجعني
ڪعدت أكل بأظافيري تذكرت بالمسلسل البطل من تغزل بالبطلة هي بطنها وجعتها
لطمت ؏َ خدي صخام بوجهي صرت أحبة
شمرت روحـي ؏َ جرباية
أتصارع وية أفكاري لحَد ما أستلسمت
للنوم وإني
خايفة لا أكون فعلاً أحبة
واعيش إلي عاشته أنهار ..
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنــسام :- نايــمه وأحس بية
يطبع بوسات ؏َ أنحاء
وجهي من الخجل مابية أفتح عيوني وأباوعله
گرص أرنبة أنفي وأبتعد
عني
وإني غطيت روحـي بالغطه
داحسه رأسي بالمُخدة من الفشلة
إني اعترفتله !!!
ڪتله أحبك وسديت الخَط بوجهه ..
عضيت شفتي وأني اردد
بداخلي
" نـامي نـامي "
أسمع يفتح بالگنتور يبدل ملابسة
ويغني وصوته
خله دگات گـــلبي تتسارع
- اه ؏َ قلباً هواه مُحكم
فاض الجوى منه ، فضَل يڪتُم
ويحي أنا بُحتُ
لها بسرهِ
أشكو لها قلباً بنارها مُغرررررماً
شدد ؏َ اخر ڪلمة بعدها سكت
وإني أريد الگاع تنشگ
وتبلعني صار يومين ؏َ المُكالمة لا هو سئل ولا إني خابرت بس جَنت أكعد
انتظرة يجي وأكل اصابيعي أفكر
إذا سئلني شكول ..
حسيت بي شمر روحـه ؏َ جرباية
غمضت عيوني
أسوي نفسي ميته
رجَع يغني مَندمج
بصوت وأحاسيس عَذبة لعبات بأوتار گــلبي
- ولمحت من عَينيهاا
ناري وحَرقتي
قالت ؏َ قلبي هواها مُحرماً ..
سكت بعَدها لفترة طويلة هو ساكَت
وإني ساكته أحس جسمي
ڪل يرجف مدري شبية
تنهد سحبني بأيده أحتضن
جسمي نيمني ؏َ صدرة يمسد ؏َ شعري بحَنية
مغمضة عيوني قوي
أمثل اني نايمة وأيده ترجف
سحبها لزمها يلعب بأصابيعي
نايمة ؏َ صدرة العاري
أسمع دگات ڪلبه المُضطربة
همس بصوت خاف وبحَه غريبة
لـهيب : أدري بيج
ڪاعده فتحي عيونج خليّ اشوفهن
زفرت نــفس بقلة حيلـــة
فتحت عيوني أباوع ؏َ الغرفة وهو مستمر
يلعب بأصابيعي
أنسام : شوكت أجيت؟
خابرت البتال ڪال تتأخرون متجون
اليـوم
دخل أصابعة بفرو شعري يلعب بي
لـهيب : صار ظَرف ، حَتى
السبع هنا نايم
يم البتال مَــادري شلون راح يتراهمون
بس خليتهم سوة
أنسام : امم ..
ردت أحجي وسكتت عضيت
شفتي
لزمت أيده قوي وهو عيونه ؏َ أدينه المُتشابگـه
أنسام : بنسبة لـ للي ڪلته
اخر ..
لـهيب : بس أسكتي لتلوصيها
دخيل الله
ودخيل القاسم
عَدلته نومته سند رأسة
؏َ تاج الجربايــة وإني بعدني ؏َ وضعيتي نايمة ؏َ صدره
ذب حَــسرة وڪال
لـهيب :- ما ڪملتلج شصار بحياتي
متردين تعرفين؟
رفعت رأسي الـة
باوعت لعيونة إلي جَانت سارحـة
بعيوني بعدها نزلت ؏َ شفايفي عض شفته وبعَد عيونة عني
أنسام : أريد أعرف
بس مصارت فرصة أنـتَ تغيرت
عليه صرت مدري
شلونك
ضحك بخفة بعدها
سحَب نفس عميييق وبدَه يحجـي
لـهيب : أمي جَانت فطيرة ڪِلش
من شافت ولد
أخوها ماتحملت تخليهم ييعيشون بُمعاناه
ربتهم وياي
جَان إسم الولـد " أسرافيل * والبنـية
" ديار *
حياة اعتيادية يومية الفرق الوحَيد
صار عَندي أسرافيل وبتال
جانو أصدقائي حيل قريبين مني الروح بروح جَانو أول أشخاص يلعبون ويحجون وياي
من بَعد أخوي هَشام
اليـوم دَخلت الـ 15 طلعت
للشارع إني وأسرافيل ننتظر البتـال يجي
حتى مثل ڪل يوم
نروح للشغل هو مايشتغل ويانا بس
يجي لأن ماعنده أحد
وين يروح
انتچيت ؏َ الحايـط طلعت
جگارة
ورثتها وصرت أدخن باوعلي أسرافيل مقلص عيونة ممقتنع بلي داسوي
أسرافيل : عَمتي بس تعرف
تنهضم منك
ذبها ولا تزعل أمك شصابك لهيب
گلبت عيوني بملل سحبت نفس
منها أخ يابة
أموت عليها لذتي بيها وصل البتال بس هَل مرة ؏َ غير العادة شمرت
الجگارة بالگاع ودست عليها
جَان شايل وياه جنطـه وجهه
مايبشر بخير أقترب منه
سلم بس بثگل
لـهيب : وجَع شبيك
جنك مطلگه تدورلها زلمه ؟
بتـال : أمي طردتني
تصنمت بمكاني أباوع
عليه بلعت ريگي باوعت ؏َ أسرافيل
الي بادلني نفس
النظرة بللت شفتي ماحَس أكو ڪلام يكدر يواسي
ذبيت حَـــسرة دخل للقصر
يحَط غراضة البتـال مات أبو قبل ڪم
سنة وأمه
جـانت تخون أبو والي شهد هاي الخيانـة هو البتال جان وحيد أمه وأبو
وجانت تصير مشاكـل بسبب رجل أمه
ميريدة
وهسه صار الي جَنه
خايفين منـه ..
طَلع البتال يبتسم رغم الحَزن
إلي مغيم ؏َ وجهه
وراه طلعو فُرقان عگدت حواجبي
وگشولت وجهي بقرف
باوعتلي من فوگ ليجوة بأشمئزاز وعبرت
هزيت أيدي عليها
والله عقليات تستحقرني لأن إبن
فصلية
توجهت انظاري ؏َ الـ واكف بصفي
أسرافيل اكلها
بعيونة أكل تنهدت بضيق مابيدي شي
صرنا نمشي ونسولف ونضحك
وبتال يحشش رغم
ضيم گــلبة
بتـال : بالعبااااس أبو فاضل
بس أكبر إلى افتح معمل مال جگليت
اخ ولكم اموت ؏َ جكليت بس أمي ماتخليني أكل
ضحكت وهزيت رأسي ؏َ ايدة
نزلت عيوني ؏َ أيدية إلي صايرات شحَالهن
من الشُغل
باوعت وصلنا للحي إلي بي بيت
صديق هَشام شفت سيارات حَمل ڪدام بيتهم تصعد بالغراض وأنسام واكـفة
حاضنه الطوبة بأيدها تباوع مبتسمة
وگصايبها وفُستانها
أبتسمت ؏َ منظرها أشرتلهم بأيدي
بـ معنى تعاالو
اجو وراي رحَت عليها حطيت أيدي ؏َ عيونها من الخَلف
ڪلت
لـهيب : اني منو؟
ميلت رأسي أشوف ردة فعلها جان
مبتسمة حطيت أيدها
؏َ حلگها تفكر صاحَت بصوت طفولي عَالي
أنسام : عمممممووووووو لهيببب
رفعت أيديه عن عيونها
اندارت حضنتني قوي وهيَ حاطه الطوبة
بنصنا غمضت
عيوني أضحك ؏َ سوالفها
أبتعدت ڪالت وهي تضرب
رجَلها بالگــاع قوي حيل
أنسام : راح نروح
أبتسمت الها وعضيت شفتي
ألعب بگصايبها وهي مبوزة شفايفها وحَاضنه
طوبة صار عـمرها
سبع سنين
باوعت ؏َ بتـال وأسرافيل
خزرتهم أيدها الناعمـة الصغيرة حاوطت
تشيريتي سحبتني
عليها همست بأذني
أنسام : ثوف راح تروح وأنتَ
لثه مابثتني ..
ضحكت بصوت عالي حيل
وهي تباوعلي مدلغمة وخازرتني لأن سنونها إلي ڪدام
مگسرات ماتكدر تنطق حرف سين تسوي ثَاء
لـهيب : وين أبوسج حبيبتي
فتحت عيونها وخزرتهم
حطت أيدها الناعـمه ؏َ شفايفي
وهزت رأسها بـ ندم
ڪالت
أنسام : يبو عليج يا انثام
ماعندج حظ
مثل أمج
فتحت عيوني ؏َ وسعهن وأكتافي صارت
تهتز من الضحك
؏َ سوالفها
لـهيب : ولج منو معلمج ؏َ هذا
الحجي
أنسام : ماما جَانت تكول
هيج بس هي راحت هسه
ڪالت آخر جُمـله بحَسرة أمها
ماعرف وين راحت
نهزمت من أبوها وإلي أعرف زوجه أبوها مأذيها مسدت ؏َ رأسها بُلطف
أنسام : ثوف من أكبر
راح اتزوجك وأبوثك أنتظرني مو تتزوج
حجتها بعفوية طَفله متعلقة
بصديق الها لزمت گصيبتها بأيدي
شميتها وبستها
أبتسمت ؏َ ڪلامها وماهتميت للموضوع
لأن أدري هيَ بس تكبر
راح تنسى بي إلي مَجنت حاسبله حَساب
أنو إني إلي مراحَ أنسى ..
أبتعدت أتمشى جماعتي يمشون
قبلي وإني وراهم التفت عيوني عليها تأشر
بأيدها اليـة بمعنى باي
وكفت عن الحركـة أحس گــلبي
عصرني عليها من شفت أبوها شلون يگفخ بيها
ويضرب وهيَ طفله
ڪل عمرها سبع سنين
گصيبتها إلي بستها قبل شوي أبوها جرها
منها قوي
أنچبرت أندار وأحاول أنسى الي
شَفته
لأن مابيدي شي عليها بس عيوني ڪل شوي تخوني وترجع تباوع الها طَلعت
مرت أبوها شايلة بتها بحُضنها
صعدو بالسيارة وأختفى أثرها من ڪدام
عيني ..
تنهدت بضيق ڪل يوم خلصته بشغلة
والبتـال اليوم
أشتغل ويانا بس أحس بگـلبي ملچوم
عليها ظلت حَسرة
بگـلبي شلون يجرها هيج !
رجعت للبيت دَنيا لليل
مگسر واسحل بروحـي سحَل بالگوة
أمشي من التعب
القاهَرني مو هذا التعَب القاهرني
أشتغل وأجمع
بالفلوس ومن اجي أريد أصرف مالگه ولا فَلس
دخَلت للبيت بوجهي ؏َ غرفتي هلمرا
حطيتهن بنفس المكان
بس مانمت حَتى أشوف إلي أشك بي صحَيح
للعشرة ونص أنه ڪاعدة
وفعلاً توقعي طلع صحَيح من أنفتحت الباب
ودخل أسرافيل
مد أيده وأخذ فلوسي وطَلع
أبتسمت وإني ضام وجهي بالمُخدة
حطيت أيدي ؏َ الگاع نهضت بحركة سريعة طگطگت رگـبتي طلعت وراه
بدون مايحَس عليــه
أريد أشوف وين يوديهن
ڪِلشي توقعت ڪِلشي خَطر بالي الى
إلي شافته عيوني
جَانت فُرقان واكــفة وهو راح الها
انطاها الـ فلوس
حرگت لساني بخدي ضحكت بأستهزاء
رحت ؏َ البيـت
سحبت الخنچـر مالتي مَشتري قبل فَترة
لزمته بيدي مشيت وصلت يمهم
انتبهت عليه فُرقان
صار وجهه ينطي ألوان رجَعت ليورة خايفة أبتسمت والشر يتطاير من عيوني
هو أنصدم من ردة فعلها التفت من لمحَني
تصنم بمكانـه
لزمته من ياخته قوي ضربته بوگس
طاحَ بالگاع
؏َ عكس بُنيتي جانت بُنيته هزيلة ضعيف
ميتحمل أيشي
بس إني من حرگـه دمي ماصرت أشوف شي ڪدامي بس تعبي وشغلي
جَنت اصرفة ؏َ البيت جنت أخلي يوميته
اله خاف يحتاج يشتري شي
نمت فوگاه لازمه قوي حطيت الخنچر
؏َ وجهي ضغطت قوي
طلع دمة باوعتله بحقد گزيت
؏َ سنوني
لـهيب : ياببببة وحگ الي طاح دمه غَدر بطف
أخربلك ملامحك
بالخنچر هذا ثق بالله بس توصل لـ شي
يخصني بعد وجهگ اشوهه
ماحجـه شي بس جَان يتنفس
حَتى مابين عليه أنو هو نَدمان نهضت عنه
باوعت الـه بقرف
تفلت عليه ودفرته بطنـه قوي حيل ..
رجعت للبيت فاير دمي أحس
أريد أگسر أريد أطلع حرگتي بأحد ماكدر
اضربة أكثر من هيَج
يتخربط يروح يموت
ڪعدت ڪدام باب البيـت
أدخن وصافن ؏َ سمـا أفكر بدنياي الگشرة
بزر ڪل عمري 15 شايل
مسؤولية بيت ڪامل شلون أعيشهم
وأبوي ؏َ بعد عشر خطوات عايش بقصر ولا هَمه ..
أنفتحت الباب طَلعت أمي مانداريت
أعرفها من ريحتها
ماهتميت ولا ذبيت الجكارة أسمعها شهگت
ولطمت ؏َ صدرها
- صخااام بوجهك تدخننن
ولك لهيببب
مارديت عليها ضليت ساكت
وإنه أحس النيران شابه بصدري سحبت
الجگارة من أيدي
بالغصب
أنتفضت بغضب ڪمت ؏َ حيلي
دفعتها قوي
بدون قصد مني بعدها أستوعبت شسويت
هيَ صفنت عليـه ماتوقعت
حركتي هاي
ڪعدت بالگــاع لازم رأسي قوي
وهَي ڪعدت وراي قريبة مني ڪِلش
- شبيك يابعد أميمتك
سندت رأسي ؏َ الحايط
ڪلت بصوت ضعيف
لـهيب : شَبيه يُمه أنه الـ تسئلينه شبي؟
يُمه شتحجين أنـتِ
عايني لـ ظهري أثاري لچوي لهسه موجودة
يمة اطلع للشارع وأنه زلمه مشورب أشوفن أبو وابنه وأدنگ عيني أخافن
لا احسدهم امنيه حياتي أبوي يسئلني
عن حالي ماشفته بس من يجي يطگني
ماتحَملت أكثر من هيَج
بجيت صارت دموعي تنهمر ؏َ خـدي وأمي
تعاين عليه بصمت
لـهيب : يمه مرة ڪلتي بنفسج
تضوگين اللحم
يُمه صار أشهر اشتغل واجمع ومن أحط رأسي ؏َ المخدة أتخيل فرحتج اطيرن
للسما ومن اريد اشتري الگه لفلوس ماكو
اثاري إبن اخوج يبوگني وينطس للساقطة فُرقان ..
لـهيب : من خرا بهيج عيشه
گشرة بس هو الله
مو عادل ..
وكفت ؏َ حيلي أصيح بحرگه گـلب
وأشر ؏َ قصر
لـهيب : شوووفييي يمه هاي عدااله
الله ذوله عايشين
بنص العز ودلال وهمه الله مايعرفون منو
واحنه الـ خلصنه عمرنه
نصلي ونصوم الله مانطانا شي بحسرة لگمه
حطت أيدها ؏َ حلگها تكتم
صوتها شهگاتي وكفت ؏َ حيلها لزمتني
من حلكي سادته
- اشش ولكك اشش لا
لا الله يگلبها بيناا احنااا عايشيننن
بنعمممه عدنا سگف فوك
راسنه عدنه لگمه عندك إني ولك يمه اشش
لا الله ياخذهن منننه
دفعت أيدها قوي ارتدت للخلف
بسبب ضربتي عَطت بيها بصوت عالي
لـهيب : يااااانننعممممة هاي
تسميييهااا نعمممه
ضليي بهاي سوالفج ؏َ أساس الله مهتم
الج اشوف حال ضيم حالج ..
طاحت بالگاع تبجـي
رحت أمشي بعيد واني أسمعها
تصيح وراي
- تعالل احضنننك يمممه روحـي
رايحـة عليك
التفت عليها بس شافتني وكفت ركضت
عليـه تحضني
وتبوس بيه وإني متصنم
بمكاني مابدلتها بس واكـف وأردد بعقلي جُملة وحَدة " اللّٰـه مو عادل ".
أبتعدت عني دموعها تنزل
؏َ وجناتها تبتسم والحزن طاغي ؏َ ملامحها
- يمه أنه تحَلمت
مو خوش حَلم چن انه محترگه
وميته اخافن يصير صدك خلي أشمنك
أشبع منك اخافن صدك أموت
تحجي وتبوس بوجهي وتشمني
من رگبتي قوي حيل
دفعتها ڪلت :- دروحيي منو يصدك
بلأحلام
وبليلتها نمت برة لبيت لأول مَرة
بعدها رجعت بس جَانت أمي وجهه ثگيل عليه لا أنه أحجي وياها ولا هَي
حتى عن بتال وأسرافيل ابتعدت
ڪرهت ڪِلشي گطعت صلاتي ولا صرت اصلي
لأن مقتنع أنو اللّٰـه مو عادل
وياي مو لازم أصلي الـه ..
وبيوم خلص جَمعت فلوس اللحَم
وفلوس لعبة لـ أنسام
جنت مواعدها بس يصير عمرها سبع سنين أشتريلها بس مجانت أكو فلوس هسه
اشتريت وادزها بيد هِشام
طلعت من غرفتي باوعت ؏َ أمي
ڪاعدة تعجن وتسولف
وية دَيار رفعت رأسها اليـة من بعد فترة
طويلة تلاقت عيونه أبتسمت
اليـة بحَنية
- ماتجَي أحضنك قبل
لا تطلع
مارديت عليها بس بداخلي
جَنت فرحـان لأن رايح أجيبلها لحَم
وأراضيها راح تفرح
أكيد وساعتها أحضنها ..
طلعت أركض متلهف بسرعـة
رحت أشتريت اللحم وكلت ؏َ غير مرة
أشتري اللعبة بكد
مامتحمس أشوف ردة فعلها واحضنها
وأشم ريحتها
اتمشى بطريق وأفر بچيس أتخيل
سوالفها وفرحتها
بي بس يافرحَه ماتمت
رجعت لكيت العالم ملتمة
حول البيت والدخَان تارس المكان دگات گـــلبي تسارعت تذكرت حجايتها وحلمها
طاح جيس من أيدي ركضت مثل الخبل
بين الناس أدفع
أريد أوصل اريد أمي ماريد غير شي
أباوع بالوجهه أسرافيل ڪاعد
حاضن ديار ويبجي والبيت مفحممم
نزلت دموعي صحت بصوت عالييي
لـهيب : اميييي ويييين
توسعت عيوني بذهول وإني اشوفهم مطلعيها
جَثه هامده محترگه متشوهه
حطوها بالگاع فتحت حلگي أباوع ؏َ جثه أمي
الدمعة الـ نزلت من عيني
جانت تچوي چوي
ردت أروح طحَت بالگاع
ماكدر أمشي صرت ازحف ؏َ رگبي
أريد أوصلها يمها
أباوع ؏َ جسمها وجهه الحلو مشوهه
حضنتها قوي أبجي بصوت عالي
مثل الجهال وأبوس بوجهه المحترگ
لـهيب : يُمه هذا انه لهيب
ڪومي أجيتج شوفي جبتلج لحم مو ڪلتي
بنفسج يُمه أشتغلت
حتى ماخلي شي بنفسج ڪومي مو هيج
دموعي نزلت ؏َ وجهه المحترگ
صرت الطم ؏َ وجهي مثل النسوان شگيت زيك القميص مالتي
لـهيب : عَمت عيني يمُه
وجهج الحلو شوهته الناررر
سوده بوجهي يمههه رحَتي وأنتِ بحسرتي
عمت عيني يمه ردتي تشميني
وحرمتتتج منييي
سحبوني قوي
يررردددون يشيلووووها يأخذوها
وإني مچلب قوي
بيييهاااا حاضنها بكل قوتي
أحس بأبوي يضرب بيه ويهمس
بغضب
:- خزيتنا زلمه شگبرك تبجي وتلطم
مثل النسوان
دفعتهم ڪلهم ماشوف ڪدامي
نمت ؏َ صدرها دموعي تنزل بغزارة
لـهيب : تراكمَن لچمات گلبي تراكمَن يُمممه .
خَذوها غصب عني
سحبو أمي من أيدي راحَت أمي محترگه
ميته بحسرتي
ميته تريد تحضني أضرب ؏َ رأسي
قوووي ليشش ماخللليتهااا تحضنيي ليشش أمي ماتت تريدنيي أمي ماتت وأنه بنفسسها
ڪاعــد ڪدام الباب أباوع للنسوان
ڪلها تفوت
وتطلع صافن ؏َ عبيهن وأتذكر عباة أمي
أتذكر ريحتها وشيلتها
قربت دشاشتها الوحَيدة إلي ماحترگت من البيت ڪأنما أمي تركتها
اليـه حتى ڪل ما أشتاگ
الها اشمن ريحتها بيها ..
رفعت رأسي أباوع ؏َ عِبي النسوان
الـي تفوت للفاتـحة
صارت بالقصـر أدور بلكت يطَلع بينهن أمي بلكت يطلع هَذا حَلم
وتفوت أمي وتجي تحضني وتشمني
بس ماكو لا شفَت أمي ولا لمحَت ظِلها ...
- شَفت ڪومة عِبي وزداد هَمي
أگـلب بالعِبي مابيهن أمي ..!
يتبـع ..
الحكــاية تستمر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
دائماً احمدو ربكم ؏َ النعمة إلي عَندكم
متعرفون شوكت رب العالمين
يأخذها منكم رب العَالمين حنون رحَيم عادل
لا تجرحون أحد بحجاية
محَد يعرف شوكت نموت
أبسط الشغلات الي عَندكم هي أحلام
لـ غيركم فـ حَتى ؏َ اتفهه الأشياء أشكرو
رب العالمين لأن بالشُكر تزداد النِعم 💙..
﴿قُلِ الْحَمْدُ لِلَّهِ ۚ ﴾