#أنسام_اللهيب
بقلمي أنا زينب خالـد
حبايبي سهرانـة أكتب البارت
تخيلو يعني تعبانة وأكتب ؏َ الأقل عوضو تعبي بـ تصويت شجاكم نحسييين 🫣؟
علقو بين الفقرات هواييي ترسو البارت تعليقات تابعـــو حسابي بالواتباد + حسابي انستا بالبايـو إذا تحبون تضيفوني .♥
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أنــسام :- الأجواء بالبيت متوترة
والجو مشحَون
واحد حاقد ؏َ ثانـي واحد ينظر للثاني بكُره ولا ڪأنهم أهل
الصفة الوحيدة إلي يشتركون
بيها هيَ ڪُره رجلـي لهيب "
نزل عيونة الي تجدح نيران لعيوني
صفن بوجهي ثواني
بعدها مسح لحيته شمر البندقية بالگـاع رفع أصبعة بـ تهديد ڪال وعيونة
؏َ أخو :- هَلمرة عديتها
أشوفك تغلط عليها بعَد شواربك أزينها وعگالك
أسوي شيلة أمك البسها الك
وأكعدك بالبيت مثل النثاية ..
حجاها وسحبني من معَصم أيدي
من شدة خَوف
وذعر مُهرة من ترك السلاح لهيب ڪعدت بالگاع سحبت نَــفس براحة
صعدنا فوك التفت ورة شَفت
الـ بتال دنگ شال البندقية رجعت عيوني ؏َ الي يسحبني وراه
فتح باب الغرفة جَانت نوران
ماكــو شمرني
للداخل بقوة لدرجـة وكعت بالگاع
إني بُنيتي ضعيفة ڪِلش حيل ناعمة وهو أضخم مني فـ بس ينفخ عليه
أطير مو أنوب يدفعني
اندار عليه يباوع والخوف واضح
بعيونة
أستهضمت من حركته هَاي بس رأساً ڪمت ماريد ينقهر عليه ميريدني
ماله داعي أشمر روحـي عليه
خلي يروح لمرتة ذيج
رفع حاجبة ؏َ حركتي هاي
ضحك بأستهزاء ڪال :- حظري غراضج
أنـتِ وأختج
سد الباب بقوة لدرجـة فز جسمي وية الصوت
تنهدت بضيق
أحس بوجع طَفيف بگــلبي ڪأنما أكو نار شابه بي
فتحت الجنط بديت أشمر
بـ الملابس
شلون ما جَان مو طايقة شي ولا بالعـة الگعده
هنا بس مجبورة
أتحمل عــلمود أختي لا ياخذوها
مني
جنت ڪاعد اسفط بالملابس
توقفت عن الحركة
من تذكرت أنهار صارلها ڪم يوم ماكو
اخابر عليها
ماترد !!
رحت ؏َ تلفون أجرب من جَديد
عسى ولعل
تفتح خط ڪل ظني زعلانه لو مقهورة
لو شي ماتوقعت شي
أكبر من هَذا ..
أنفتحت باب الغرفة التفت أشوف
منو جَانت
نوران ابتسمت الية
بادلتها الإبتسامة والحَزن طاغي ؏َ ملامحي بعد ما تهدم سقف توقعاتي
من خَيبت ظني وماردت ؏َ الخـط
مشتاقتلها إريد
أسمع صوتها
نوران :- شنو تسوين؟
أنسام : مَــادري يمكن
راح نطـلع منا
ماردت ؏َ ڪلامي رجعت لمكاني
سديت الجَنط
وحطيتهن ؏َ جهه جانت ڪاعدة ؏َ جرباية تهز برجليها والإبتسامة مرسومة ؏َ ثغرها
نوران : إني احبج
أبتسمت نهضت ؏َ حيلي أنتچيت
؏َ الكنتور
ڪتفت أدية أباوعلها رافعة حَاجبي
أنسام : هاي منين اجتي؟
نوران :- مَــادري حـسيت
بنفسي أحبج
فـ قررت أكلج أحبج ..
ردت أرد عليها بس استوقفني صوت الباب
التفت جان لهيب
ماحَط عينة بـ عيني حتى ڪال :- إذا خلصتن
لبسن وتعالن بسرعة .
تنرفزت من أسلوبة بس تغاضيت عن الموضوع
لأن ماعرف شنو هاي المشاعر
ليش اضوج اذا مباوعلي يعني شي طبيعي
شنو تصرفات الجهال
هاي
حطيت العباية ؏َ رأسي إني ماحبها
ولا أحب ألبسها
بس احتراماً الـه ولبيئته لبستها لأن أغلب الي عايشين هنا لحد الآن
ماشفت وحَدة بيهن نازعة العباية
صار صوت طرقات خَفيفة ؏َ الباب
أنسام : منو
- إني ، انطيني الجَنط
انزلهن
شلتهن فتحت الباب صار ڪدامي صافن
؏َ الفراغ ويأكل
چگليت هزيت بأيدي أحس سكري إني صَعد من ڪد ماشوفة يأكل
نزلنا ؏َ الدرج جَان لهيب واكف
يم المحَجر يدخن وصافن عليهن هنه ويشتغلن
رفعت رأسها ياسمين
أبتسمت بأنتصار ذبيت حَـــسرة انتبهلي باوعلي من فوك ليجوة
ماكال شي هو طَلع وأحنا وراه
فتح باب السيارة صعد والبتال
صعد بالصدر
يمة وإني ونوران ورة ماعرف وين رايحين طول الطريق محَد حجه
صارت عيوني ؏َ الجامة ڪل تفكيري بـ أنهار ليش مترد صار ڪم يوم
أحلم ڪوابيس بيها واشوف علي
يحَدق بـيها بـ حزن
بتـال :- لهيب اكو
سيارة تلحگنا ..
حجاها بتال وهو عيونة ؏َ الجامة ردت التفت ماحَس إلى زمخ بيه :- لا تندددارييين
جمدت بمكاني انتبهت نوران
؏َ الوضع بس جانت
طبيعية عكسي إني الي الخَوف حاوطني من ڪل ڪتر من ڪد المصايب
إلي عشتها صرت حتى من ظلي أخاف
ماظَهرت عليه أي ردة فعل
جَان طبيعي
عدل المراية صارت عيونة عليه يباوعلي من المراية ڪل شوي يرف عيونة
يشوفني شوي وشغل أول أغنية
سمعتها وياه
- كُـل ما اشوفة يدك گــلبي
و أتمنى لو يدري بحبـي بوسة منه تشفي جروحي
خلـبعدها أنسى جروحـي
أبتسمت تذكرت أول مرة
شَفته بيها وشلون جنت مخبوصة والأحداث إلي جَمعتنا ڪلها
والراشدي مالتـه واستفزازة الية والمواقف والفشلات عضيت شفتي ڪاتمة
ضحكتي
قطع شريط ذاكَرتي صوت البتال
وهو يتنهد
ويڪول :- أخ يابة بوسو راح
يموت
بُسرعة بدون وعي نوران
صرخت
نوران : عزاااااااا
التفت عليها يباوع بذهول فاتح عيونه ؏َ وسعهن لطم ؏َ خدة وصاح :- عزززززززززززا
رمشت بعيونها
رمقته بنظرات غَاضبه ڪالت : شكد ماتستحي
وماعندك أخلاق
باوعلها بقرف هز أيده مثل
النسوان
بتال : شني هاي النماذج
الي مكعدني
يمها
بعَد هذا النقاش الي صار بينهم
عم الهدوء أرجاء السيارة
لهيب ماتدخل جَان ڪل شوي يخطف نظرة مني وإني عيوني
مركزة وية أبسط تفاصيلة
صحيح الموضوع يضوجني لأن هيج ادقق وياه بس ماكدر عيوني
هَي إلي تسرح والكاها تصفن بي
توقفت السيارة عن الحركة
انتبهت عن المكان إلي احنا بي جَان هم بساتين بس بيوت هواي
بي والمنطقة تجَنن والهوئ بيها يرد
الروح
التفت ليورة مجَان أكو سيارة تلحگنا
معقولة خلاهم
يتيهونا !
نزلنا من السيارة نباوع ؏َ المكان
وناس قليلة بيها
ڪلها تباوع علينا بأستغراب
صار يمشي لهيب والبتال شايل الجنط
واحنه وراهم
والعيون أكلتنا أكل وصلنا
يم بيت نوعاً ما جَبير وحـلو تصميمه
فتح لهيب الباب وسوالنا
مجال حتى ندخل
والإبتسامة مرسومة ؏َ ثغرة
جَان البيت من الداخل مرتب وحـلو
عيوني تتجول
؏َ أرجاء البيت استكشفة
ڪالت نوران وهي تباوع ؏َ البيت
بـ جمود :- عادي أخذ الغرفة
الجبيرة؟
صار عندي فضول أشوف ردة فعلة
انداريت عليه
لكيته صافن عليـه من لمحني شفته عدل وكفته سحب نفس عميق
يحاول يتدارك الموضوع
مَــادري ليش حصرتني الضحكة
عضيت شفتي حَتى لا أضحك
واترزل
حط أيدة بين عيونة ڪال :- أصهب أخذها
ماحَس إلى ؏َ صوت الباب
تندگ قوي
أو بالأحرى أحد ڪاعد يگسر الباب
رفع رأسة لهيب أبتسم بخُبث
أشر لـ بتال يفتح الباب وذاك بادلة الإبتسامة
راح فتحَها وشفت
آخر شخص ڪنت أتوقع إني أشوفة
عَمي واكف ڪدامي !!
أحس آخر ذرة حيل بقت عندي
تبخرت واتلاشت
في مهب الريح رجعت ليورة خليت نوران خلفي
الخوف غَزى ملامح
وجهي
لزمتني من عبايتي قوي وإني أحسها
ترتعش خلفي
صوت أنفاسي صار مسموع ؏َ عكس وجوهنه إلي الخوف احتلها
لهيب جَان هاددددئ واكف بثبات
حاط أيدة بجيب
البنطرون صافن بـ بوجهه عمي بأبتسامة عريضة ..
الخـليفة : سلام عليكم
حجاها ودفر البـتال من چتفة وفات
للبيت واكف
ڪدامنا خزرني وعيونة الشر يتطاير منها
واضح نيته
شنو !
لـهيب : حي اللّٰـه الخليفة
حجاها بنبرة حَذرة
وطگطگ رگبته بحركة سريع منه
تغيرت ملامح عمي بلع ريگه بتوتر
وهي يحَدق
بـ لهيب بخوف
الخـليفة : شنوو؟
طبگ البتال الباب قوي حيل لدرجة
فز جَسمي بذُعر
حگ ارنبة أنفه رمق عمي بنظرات غَضب
بتـال :- ما ڪتلنا قبل
لا تجي
جان استقبلناااااك عندي واحد
صاحبيي يموووووووت عليك امنيته يلتقي بيك
من أشد مُعجبينك
آخر جُملة شدد عليها وأبتسامة
حَقيرة
ظهرت ؏َ ثغرة
عمي عيونة تنتقل بينهم بـ فضول
واضح عليه أنو هو
اتوتر بسببهم
لـهيب : شنو السالفـة تفضل
أستريح ليش
واكف مانريدك تتعب بعد وراك رڪض ؟
خزرة عمي ڪال موجهه
الڪلام النا :- نوران شمگعدها بيت
ڪله زلم
بلا فتهمت هذا رجلج هيَ
ليش هنا !
يحجي ويأشر بطرف أصبعة ؏َ لهيب
ميل رأسة
لهيب يباوع بأستنكار رفع حواجبة
تحولت عيونة ؏َ بتال بادلة نفس النظرة ..
ذب حَــسرة لم شفته للداخل هز رأسة بـ حـسافة ڪال
لهيب : بتـال السبـع ما ڪتلي
شوكت يجي !
ارتد ليورة عمي عگد حواجبة
يحدق بـ لهيب بصدمة ڪال بتلعثم :- يا سبـع ؟
لهيب : شبيك عيني
رجل بت أخوك السبـع عُثمان الضابط
صگار ذيج الجماعة
ڪتهن كلهن ورفع حاجبة مبتسم بأستهزاء
مستمتع ؏َ ردة فعل
عمي إلي ارتبك بعثر شعرة بعشوائية
الخـليفة : المُهم هسه إني
عندي شغل جم يوم أرجع وأشوف سالفتجن
مو عبالجن ناسي
ندگت الباب بقوة حيل
باوعت ؏َ عمي وجهه صار أصفر
بلع ريگه يباوع عليهم
وهمه واحد يباوع لثاني بابتسامة
فتح البـاب بتـال دخل اصهب
يدردم من شافه عمي تنفس براحة رجع الدم يمشي بوجهه ماصدكَ
خبر رأساً طـلع وبنفس دخلته دفع بتال من چتفه
عض شفته بتال راد يطلع وراه
صاح : لزمووووني لا هسه اذبححححة هنا
لهيب :- لا تتهور حبيبي
بس أعصابك ريلاكس ريلاكس
سوي نهيق وزفير
حجاها لازمة يطبطب ؏َ ظهره
رگع الباب قـوي حيل
ماحس إلى لهيب گفخه ؏َ راسة قوي
لهيب : أي إبن المطي الباب
شعليها بعددددة البيييت جديددددد
رفع أصبعة يهدد
ڪال :- والله أنـتَ وكففففت بعينيي
ولا أنـتَ تدرييي بيه
جان حرگت الناصرية
جانت أكو علاليك بالگاع دنگ اصهب سحَب
تفاحة عضها باوع
؏َ بتاا بعدم إهتمام ڪال :- برداً وسلاماً ؏َ الناصرية
ڪعدت نوران بالگاع حاطه
أيدها ؏َ گـلبها تتنفس بالگوة التفت الها اصهب يباوع مقلص عيونة
تقدم لهيب گرفص ڪدامها أبتسم
إلها رفعت عيونها الـ مملؤة بالدموع ڪالت وصوتها خَافت مهزوز
نوران : خَفت خَفت ،
خَفت لا يضربني مثل مجَان يضرب أنهار
جان يچنزها يموتها ..
لزمتها ضميت رأسها بصدري وهيَ
تشاهگ وتبجي بصوت
عالي
دنگ رأسة لهيب ذب حَــسرة
أصهب : تريد تفاح ؟
حجاها موجهه ڪلامة لـ بتال
إلي ڪعد قريبة منه
حط أيدة ؏َ صدرة وڪال :- الچگليت أطيب
سحَب تفاحة ثانية قضمها
ڪال بهدوء : التفاح أطيب
لـهيب : ڪااااافييييي زعاطيييط
أنتو صوجي
إني مكبر روسكم وجايبكم مكعدكم يمي ولد القنادررر
باوع لـ أصهب إلي صافن ؏َ نوران
زمخ بيه
لـهيب : هيووو وقزززالقرط أنـتَ
الثاني أختك وين
مو ڪتلكك جيبهاااا
التفت اله أصهب رفع عيونة للسگف يستذكر
ڪال :- راحت
وية صبرية للدكتور
بتـال : شبيها صبرية المطية ؟
نهض ؏َ حيلة سحب بطل مي شربة دفعه
ڪاملة ڪال بعدم إهتمام
أصهب :- طلع بيها سرطـان ..
توسعت عيون لهيب بصدمة
صار الهدوء سيد الموقف
حتى نوران الي ڪانت تبجي بحضني انصدمت تحدق بالموقف
أبتسم بـ حَزن بتـال وڪال :- الحوبـة
تبطي وماتخطي وتسحگ
وتأخذ ثلثين من الحگ ...
صارت عيوني تنتقل بيناتهم ڪانهم يعرفون
شي إحنا مانعرفة
حط أيدة ؏َ رگبته لهيب نهض واكف والبرود محتل ملامحـة
لـهيب : ڪومي بابا نوران
أخذي الغرفة الجبيرة
أنعل أبو أصهب لخاطر عيونج
بتـال : وشبية إني ماتنعل
لخاطر عيوني
شو يخبلن صدقة جنهن عيون غزال
أصهب : مطي مطي مو غزال
ڪومتها وهمه واحد يرد ؏َ ثاني يتلاسنون
شلت جنطتها
صعدت فوك أكو طابق ثاني دخلتها
للغرفة تباوع بأعجباب
دخلتها ڪعدت وياها شوي سولفنا راح الخَوف منها ملابسي خنگتني أريد ابدلهن
بطلعتي من سديت الباب صار لهيب بوجهي
شايل جُنطتي وبحلگه
الجگارة باوعلي بعدم إهتمام وتوجهه ؏َ غرفة من الغرف
تنهدت بضيق لحگته فتحت الباب
صارت عيوني عليه
شُمر الجُنط بالگاع شلت العباية من رأسي فگيت الدنبوس
فتحت شعري نزل ؏َ متوني أحس
هستوني بديت أتنفس
جَان ڪاعد وبيدة فلوس يحسبهن مامهتم اليـة
أحس بجسمي يحگني أريد أغسل
رحت طلعت ملابس
ماعرف الحَمام وين غمضت عيوني بيأس ماريد أنزل من نفسي واسئلة
لـهيب : ڪدام غرفتنا الحمام
روحـي
چمدت بمكاني من نطقها انداريت عليه بعد يحَسب مدري شكد بيدة شدات
ڪلها حُمر هذا منين جابهن شيشتغل ؟
تغاضيت عن الموضوع سويت
نفسي أم ڪرامة مارديت عليه رجعت شعري ليورة ابتسمت بأنتصار أحس بنفسي
صرت هيبة
التفت أريد أشوف ردة فعله ؏َ الحركة
ماحس إلى إصبع رجلي
انضرب بـ ميز تواليت صرخت بصوت عالي
أنسام : أخ ولج يممُة
شلت رجلية لازمتها وأحس روحـي فرفرحت
مو من الوجع من الفشلة
الله لا يوفقني خلصت عُمري مفشله روحـي
بدون ماشوف شسوة
سحبت الملابس وطلعت امشي ؏َ رجل وحدة
آخر شي شفته قبل لا أسد الباب
منظرة وهو يضحك
عليه ..
دنگت رأسي الف شعري بالمنشفة
لبست دشداشة
ثخينة لأن باردة حيل
طلعت وبوجهي ؏َ الغرفة مجَان موجود حمدت ربي ڪعدت ڪدام الجُنط
بديت أرتب بالغراض لسة ماعرف
إحنا وين وهذا بيت منو
بس منظرهن نشاز
مشطت شعري ردت البس الحجَاب
حتى أنزل أسوي
عَشه لأن صارت دنيـا ليل
أنفتحت الباب دخَل يدندن بصوت ضعيف
- روحَـي اشتهت ملگاك
عـتتني ألك عَت ..
رفع رأسة اليـة سحب نَــفس عميق
تقدم شمر روحـة
؏َ جرباية حط أيدة ؏َ عيونة ساند رأسة ؏َ تاج الجربايــة
أنسام : شحتسوي ؏َ موضوع
نوران ؟
رفع أيدة عن عيونة رفع رأسة
يباوعلي
عيونة ؏َ شعري المبلل إلي المي يگطر منه
ضربت گصتي قوي من الهبطة نسيت
انداريت بجسمي عليه
ڪلت :- لهيب أنهار ماكووو
اخابرها مترد عفية
أريد اشوفها
يباوعلي بـ جمود بدون ردة فعل
ملامحة خاليـة
هز رأسة بـ أي ورجع ؏َ وضعيته السابقــة
أنسام : داحجي وياك !!
صاح بصوت عالـي
لـهيب :- أفتهممممممت ..
چفلت من صوتة الـ عالي ماتوقعت يصيح
بيه ؏َ هيج شي
سكتت مارديت رجعت امشط بشعري
بدون نفس ومن قوة الغصة
أحسها جرحت بلعومي
الدموع بعيني تلالي رفع رأسة يباوعلي
ماحجَيت ولا حـرف
ماحَس إلى رجع صاح بصوت اعلى
لـهيب : ضللييي ضلييي
ڪل حجاييية وثانية أبجي ، سوالف زعاطيط هاي
انداريت عليه فتحت عيوني بصدمة
أنسام : شبيك لهيب يمك گرباك
إني عيونك لو عيوني
معليك بية عوفني ابجي
طفر ڪعد يباوعلي رافع حاجبة
لـهيب : عفية والله سباعية
بس من يمي يطلع لسانج بس من أسرافيل الكوا** يكلج تعاي مثل الثولة
ترحين وراه
شمرت المشط ؏َ الميز بغضب أحس
أعصابي تلفت
عطت بصوت عالي
أنسام : ثوووولة ؟ هاي الي ڪدرك
اللّٰـه عليهااا ؟؟ رحم الله والديك
صوج الثولة الـ خاف عليك
ڪام حيلة تقرب مني ضربني ؏َ جتفي بأصبعه ضربات متتاليـة
ڪال وهو گاز ؏َ سنونة
لـهيب : عاينييي عَدل
شواكف ڪدامج ؟ زعطوط؟ عمري ١٦ سنة وخايفة عليه ! ولج بابا رجاللل عمري
بثلاثين ماعرف مصلحتيييي قاببببل ؟؟
صارت دموعي تنزل ؏َ خدي بغزارة
أنسام : تراااا ما ڪتلك شي
ليش هيج استلمتني ، ردت أشوف أختي
ضحكت بأستهزاء مسحت دموعي
رفعت عيوني لعيونة
إلي أكلتني أكل أردفت مڪملة :- واحَد مثلك شنو يكدر يفهم ، إني خَسرت هواي
شغلات شلون أكدر اشرحلك خوفي عليهم
أنـتَ شخَســرت ؟
أنـتَ مانگسرت بشخص تحبة بيوم شلون تفهمني؟
تغيرت ملامح وجهه أبتسم بَـ حزن عيونة صارت بعيوني
دفعني قوي ؏َ الحايط
لـهيب : أنه الـ تسئلينه شَخسران ؟
جر حَـسرة گطع گــلبي بيها ڪال :-
ولج لمَة عجايز عالنَعش ڪسراتي مِن يلتَمن .
حجاها ورجع ليورة سحب باكيت الجگاير ڪعد ؏َ السرير يدخن ومانطق
حَرف إني متصنمة بـ مكاني
غمضت عيوني قوي ڪلت بضياع :- مامجَبور هيج تسوي اتركنا نرجع وية عمي
نفث الدخان باوعلي وعيونة
تجدح نار خزرني خَزرة خَنست من وراها
لـهيب : أنـتِ شنو تصرفاتج هاي ؟
مبنيه ؏َ ثول ؟ لو ؏َ فهاوة؟ لو أنـتِ هيج حيوانة
ومطية ومتعرفين شي؟
أنسام : لتغلط !
لـهيب : ياللللكائنااااات ياااعيسى اليسوع
يا أدريس يا مُحمد العربي جاي تشوفون
ولج باباااا تردينننن تعوفيني وترحييين يم عمج السككككيررر أبو المخدراتتت؟؟
نهض ؏َ حيلة راد يجيني بالگوة لزم روحـة
ضرب الميز برجلة قوي
صاح بصوت عَالي
لـهيب : أنسسسساااام ڪافيييي راح
انجلط من وراج ڪافييي
أنسام : لتنجلطططط ماريييدك
تنجلط عوفنييي
أروح هيج متعبينك خنوليييي
التفت عليـه تقدم حاصرني بالحايط دنگ
نزل نفسة لـ مستواي
أنفاسة صارت تلفح خَدي بلل شفته وهو عيونة تتجول ؏َ أنحاء وجهي
أبتسم ورفع حواجبة
لـهيب : صرتي إلي ، ڪِلشي بيج صار يخصني
هسَه ، عيونج رموشج شعرج
يحجي وأيدة تتجول ؏َ وجهي انخفض تنفسي صديت عني أحاول ما تأثر بلمساتة
حط أصبعة يمشي ؏َ شفايفي
عيونة صارت عليهن
خَزرتة رفع
عيونة لعيوني ڪال بهدوء :- شفايفج
جَسمج ڪِلشي يخصني ..
زفرت نــفس دفعت أيدة بـ نتر باوعلي بأستنكار ڪلت :- ماكو شي يخصك
عوفني أروح !!
ضربني بـ راحة أيدة ؏َ رأسي خفيف
فتح الباب يريد
يطلع ڪال
لـهيب : من تطلعين من عصمتي
ساعتها ولي گلعة
وين متردين هسه أنـتِ تخصيني ممنوع
حجاها وغمزلي وسد الباب وراة
لزمت رأسي قوي
شهل نقاش هَذا شوصلنا لهنا
حطيت أيدي ؏َ گــلبي إلي دگاتة تسارعت من يوم أيدة لمست بشرتي
باوعت لـ نفسي بـالمراية أكره ضعفي
يمة صحيح أني ضعيفة
بأغلب المواقف بس يمة أضعف بزايد
ضربت نفسي راشديات خفيفة
؏َ خـدي حتى اصحصح
لفيت شعري شلون ما جان لبست الحجاب
ونزلت جوة
جَانت أكو علاليك مال أكل مسوگين مسواگ ڪامل بديت أرتب الأكل والغراض
بالمطبخ
وبديت أشتغل أسوي العشه
محَد موجود
مَــادري وينهم بس نوران وادري بيها نَايمة
خلصت الأكل حطيته ؏َ جهه وغطيته
حَتى لا يبرد
غسلت أيدي صعدت فوك ضليت أتصل ؏َ أنهار ونفس الحالــة
ماكو جواب
حَاولت أنام بس ما جاني النوم
ظليت الوب
أتگلب بالفراش من ورة ڪلامة رفعت عيوني للساعة مر وڪت طويل من طلع
ساعـة بـ 11:30 وهوَ لسة ماكـو !
ڪل شوي رفعت رأسي ؏َ الباب
أشوف بلكت يجي
ماتحَملت بعد نزلت جوه وتلفوني بيدي ڪاعدة انتظرة يدخَل
ڪعدت ؏َ الكرسي بالمطبخ
انتظرة يفوت
لميت رجلية لصدري حطيت رأسي عليهم غمَضت عيوني بـ تعب
ڪل شوي أغفى وأفز
فتحت عيوني من انفتحت الباب وصار
صوت التفت بسرعة
متلهفة
ذبيت حَـــسرة من شفته البتال دخَل وانصدم بوجودي
بـتال : شتسوين هنا
تردين چگليته
شددت ؏َ قبضة أيدي بـعصبية
أنسام : شكددد تأكل چگليييت
طگت مرارتي
حجيتهت بصوت عالي متنرفزة باوعلي
من فوك ليجوة
غمني بيدة وڪال :- شكد حَقنة
صخونة التصخنج
مكفاج صاحبي أكلتي أكل
عگدت حواجبي ڪلت بأستغراب :- شنو؟
حط الجگليته بحلگه
سحب الكرسي ڪعد ڪدامي يأكل باوعت ؏َ ملابسة جان لابس أسود بأسود
وضعة مخَربط
أنسام : وين جنت
بتـال :- بغداد
أنسام : شبسرعـة رحت وأجيت
باوعلي بعدم إهتمام ڪال :- شوفي الساعة راح تصير الوحَدة غير أنـتِ
نايمة متدرين بدنيـا طَشت لو رشت
فتحت تلفوني فعلاً ڪلامة صحيح
تمغط وشمؤ الجگليت ؏َ
الميز ڪال :- باجـر لازم هم أروح عنَدي
ملف هناك اخذة
خرب روحـك لهيب ..
حمحمت من ذكر أسمة
باوعلي رافع حاجبة نهض سحب گلاص ترسة مي وشربة هز رأسة بـ معنى شنو
أنسام : هو وين ؟
رفع أكتافة بمعنى ماعرف
غمضت عيوني بندم حطيت أيدي ؏َ الميز لازمة رأسي هسه شبيه
هيج خايفـة !!
رجع ڪعد ڪدامي يباوع ؏َ الفـراغ
تغيرت ملامحـة
ڪال بجديـة
بتـال : شنو ڪلتي الـة ؟
بدون ماباوع بوجهه ڪلت
أنسام : مَــادري حجينه هواي
هو جان عصبي
بدون سبب صاح بية
قاطعني ورد بسرعة
بتـال : رحتي دستي بطنة عفية
شنية حجايتج ؟
رفع رأسي من أدية عضيت شفتي بندم
أنسام :- ماتذكر والله شبيك
هواي حجيت بس
هو ضاج من ڪتله انت شخسرت أنت مانگسرت وماذكر يعني ..
التفت الية رمَقني بنظرة غريبة
وأبتسامته اختفت ..
بـتال : احجيلج سَر ؟
سكتت مارديت عليـه
صافنة ؏َ ملامحـة أريد أعرف يتشاقة يحجي صَدك ڪال بهدوء غريب
بتـال :- أنـتِ واكـفة يم البحَـر
وهو غرگان ڪدامج
شلون راح يكدر يشرحلج ؟
عقجت وجهي
أنسام : مافهمت !
أندار عليه صرنه عين بعين
بتـال : الغرگـان شلون يكدر يشرح
للي واكف قريب ؏َ المي
هو ديغرگ ...؟
مجَان عندي جواب رجع بالكرسي ليورة
عيونة ؏َ سگف أردف مڪمل
بتـال : بس هو ماغرگ بيوم !
هو خَلص عمرة
محترگ
أنسام : مدافتهم شي ليش ساعة تكول
غرگان وساعة محترگ
وين المغزى ؟
بتـال : حتى اوصلج الفكرة
أنو أنـتِ ماتكدرين
تفهمينه
تنهد بضيق فتح ازرار القمَيص ڪأن يريد يستنشق هوى انگطع عنـه
ڪال بـ حزن
بتـال : لهيب ڪِلشي بحياتة خَسره
مابيوم شفته
حَصل شي إلى واحترگ ڪدامة !
سكت بعدها لـ فترة وجيزة
وراها نطَق ڪلمات خله جَسمي يگزبر
بتـال : أمـة ماتت محترگـة
بعدها لحگتها
بنته ماتت محترگـة ..
بعَدني مامستوعبة ڪلامة أنفتحت
باب المطبخ
دخَل لهيب باوع علينا وخزرنــا جَانت وضعيته مخربطـة ولازم بأيدة
لعبة صغيرة وملابسة ڪلها تراب اباوعله وأحس هسه لو يطخني أبجي
لـهيب : خير ؟
شكو ڪاعدين هنا
نهض بتال بسرعة ڪال :- أعتذر سيدي
مارد عليه لهيب دخَل وماعبرني
وإني مثل الجلبة منتظرتة
باوعت ؏َ بتـال زم شفته للداخل يحاول يخفي ضحكته
أنسام : ميضحك ترا
شكد سخيف
حجيتها وسحَبت تلفونـي صعدت ؏َ درج
بسرعـة فتحت باب الغرفة
بسرعة أريد أشوفة مجَان موجود سمعت صوت الدوش من الحمام عوجت
حلگي
سديت الاضوية رحت ؏َ جربايـة مددة
ومغمضة عيوني
ڪل شوي أتذكر ڪلام بتـال ونبرة صوتي مَتوحي لـ أنو هو ديجذب
أحس رأسي راح يطگ من التفكير
بس أريد أنام حَتى أرتاح ..
أتوقفت عاصفة الأفكار
إلي جان عقلي يصارعها من سمعت صوت البـاب انفتح غمضت عيوني قوي
نايمة بنهاية الجرباية بحيث شوي وأوگــع
أسمعة يجر حَسرات
بعَدها اختفى ماكو صوت
ماحس إلى شمر روحـة ؏َ جرباية يمي ماعندي الجُرأة اندار وأشوفة
شديسوي
ضليت مغمضة عيوني
وإني أفكر بمشاعــري الــة ..
أنسام : لهيب
حجيتها وإني أكل بأصبيعي أتمنى
يطلع نايم وميرد عليه
- امم
حجاها بصوت خَافت
حسيت بأيدة صارت ؏َ خصري حاوطني سحبني قوي عليه طبگ ظهري ؏َ بطنة
أنسام :- يُمممه
لـهيب : سليمة تطمج أنـتِ وأمج
دحس رأسة برگبتي ذب حَــسرة وڪال بقهر : مشكلتي ماكدر اخذ موقف
منج لأن أدري بيج وحَدة حيوانة
وثولـة وفاهية وتفتين الگـلب ومتعرفين شتحجين ..
فتحت عيوني بصدمة
أنسام : صدك تحجي ليش تغلط
عليه
لهيب : ثولـة حَبيبتي أنـتِ ثولـة
سكتت شوي وهو گرص خصري قوي ڪال
لـهيب : هيو زقچ نمت؟
ساكته صافنة ؏َ الفراغ ڪلت بدون تفكير
أنسام :- ليش تسوي هيج ؟
لـهيب : شسوي ، إذا ؏َ الخلاف إلي
صار عمي أنه أعتذر
وحقج عليه وجنت ضايج ومقهور وطلعتي بوجهي ..
أنسام : ليش منيمني بحضنك؟
ماحَس هلحركة إلها معنى ؟
سكت وماينسمع شي بالغرفة بس صوت أنفاسنا أبتعد عني فجَاة
بدون مُقدمات ڪال :- عُمر جَبته بخَساره
اربح بِيَج ؟
ڪمت ڪعدت وهو نام چفي ؏َ بطنة
ڪلت ابرر موقفي
أنسام : للللهيببببب
مو هذا قصدي لا عفييية لتفهمني غلط
شوف هو باوع
لهيب : هيييو وسم صوتج
أريد أنام
أنسام :- شبيك وياي اليـوم
والله مو هَذا قصدي شوف باوع ساعة بالوحدة وإني أنتظرك من الـ 11 حتى أنام
بحضنك ..
حجيتها وحطيت أيدي ؏َ حلگـي
بصدمة استوعب
شحجيت ضربت گصتي خفيف اللّٰـه يأخذج اللّٰـه ياخذج أجت تگحلها عمت
رفع رأسة من المخدة رمقني
بنظرة غريبة
يباوع رافع حاجبة
أنسام : جَذابة جَذابة إني معليك
بية
سحب نَــفس بعمق نهض ؏َ حيل ڪعد
مثلي سحبني من زندي
قربني عليه
لـهيب : شتررردييين شتررردين
خبلتينيييي ساعة تردينييي
ساعة مترديييني ساعة احمينييي وخلصني منهممم وسااااعة رجعنييي
حجاها ودفعني ؏َ المخـدة قوي لزم
رأسة قوي بأيدة
إني أباوع عليه أخاف ابجي ويصيح بيه حفظت ماي وجهي وسكتت ..
سحب باكيت الجگاير
حط وحَدة بحلگـه وشغلها
أنسام : آسفة لـهيب آسفة ؏َ إلي سويتة الصُبح ، و ؏َ الحجي الي سمعته مني
آسفة ؏َ ڪِلشي ماعراف ڪل ما أحاول
أگحلها الكه روحـي عاميتها
مارد عليـه ضل ساكَت تنهدت
سحبت الغطـة ؏َ جسمي غمضت عيوني أكدر أنام هَسه هو يمي بس مُجرد
فكرة وجودة قريب يمي تحسسني بالأمان
غَفيت وأستسلمت عيوني للنوم ..
فزيت ؏َ حركـة قريبة مني
بين الواقع والخَيال
ماعرف إذا داحَلم لو إلي داشــوفة حقيقة
حَسيت بملمس خَشن ؏َ خدودي
أحس بأنفاسة
تلفح بشرتي أيدة إلي ضاغطـة ؏َ خصري بقوة
جان يطبع قُبلات ؏َ أنحاء
وجهي
يبوسني بخَدودي وبطرف شفتي
نزل يقَبل
نحَري ونيت بألم من حَسيت بية قسى وياي
أبتعد رأساً يمسح بشفايفي
بأبهامـة
بلعت ريگي أحس طعم جگاير بحلكي
تقرب عليه من جَديد
همَس بأذني
لـهيب :- رگبتج متروسة شامات
حَسيت بأيدة الباردة يمشيها ؏َ رگبتي
عفست وجهي نعسانة
أحاول أركز أو أميز إلي داعيشة بس ماكدرت النُعاس غلبني آخر شي
سمعته يهمس بي
- شاماتچ جَنهن شذر ..
بعدها فصلت عن أي شي نايمـة
فتحت عيوني نايمة بالگــاع وأحد يرش ؏َ رأسي مي عقجت وجهي لكيتها
ڪاعدة يمي والخوف واضح عليها
نهضت ؏َ حيلي ركزت بيها هيَ
نفسها الطفلة إلي انطتني الحَبات باوعت الية برائة وأبتسمت
فجأة ڪامت وأبتعدت عني وكفت
يم مرة جبيرة
بالعُمـر يباوعلي ويبتسمون ماعرف منين وشلون نارر صارت حَولهم وصارو يحترگون
بس ولا وحَدة بيهم خافت جانن مبتسمات
فزيت بذُعر أتنفس بالگوة
أباوع حَولي إني بالغُرفة انداريت عليه جَان نايم بصفي حطيت أيدي ؏َ صدري
تنفست براحــة
حَمدت ربي جان حَلم شعور محَلو
جان شنو هلكوابيس
تحرك بنومته حط أيدة ؏َ عيونة تذكرت إلي حلمته البارحـة حطيت أيدي ؏َ رگـبتي
هلمرة مُستحيل إني متأكدة الي شفته وعشتة حَقيقــة
رحت ؏َ المراية أباوع ؏َ ركـبتب مابيها أي
أثر رغُم إني أتذكر
الوجـع لازم يصير أثر !!
شنو هاي الأحلام الي ڪاعد احلمها
انداريت عليه بعَدة
نايــم
رحَت غسلت وجهي حَتى اصحصح ونزلت جوه جان أكل العشه ؏َ حالــة محَد
مأكــل
بديت أرتب سويت ريوگ إلي
هستوني أصب چاي
نزل بتـال يفرگ بعيونة ڪال :- صباح الخير
أم الچفصات
أنسام : صباح النور أبو الچگليت
حط أيدة ؏َ رأسة ڪال
بتال :- شهادة أعتز بيها ، صبيلي وياج
عزمت روحـي عندي طلعة
أبتسمت الـة صبيت بعد ڪوب ڪعد
يأكل وإني وياه
سمعنا صوت خطوات ؏َ درج دخَل لهيب باوع علينه سحب ڪرسي ڪعد
قريب مني
أنسام : أصبلك چاي؟
لـهيب : ميحتاج
سحب گرصة الخبز من أيدي وسوة لفة شال أستگان الجاي مالتي وشَرب منه
رفع حاجبة الـ بتال
بتال : وشبيه يمه ماتشرب من
گلاصي تستنگف
لـهيب : نجب لا أرگعك
بالقندرة ؏َ حلكك أنـتَ وين هي وين
بتـال : صخونة التصخنك أنـتَ
ومرتك
صاحب زربة ماغزر بعينك الچگليت
حط اللفة بحلگه رفع أيدة يسولف مثل العجايز
بتال : ولك شفتتت الملللح ماغزززر
بيك جبتلللك
شگر والشگر مافااااد وياك جبتلك چگليت شجيبلك بعـد
لـهيب : ولي عني خلي اسمم
شال روحـة بتال ضرب لهيب ؏َ أيدة قوي
بتال :- وسم الهمج
انطي مجاال للفريخة تأكل جنك
ثور مفجوع
لـهيب : نجب لك قشمر
دخَلت نوران تفرگ بعيونها
أبتسم الها لهيب سحب ڪُرسي يمه اشرلها بأيدة تجي تكعد يمَــة
نوران : جوعانـة ماتعشيت
لـهيب :- تعاي إني اسويلج لفات
وأكلي
باوعله بتاال بحزن ڪال بقهر
بتال : صار ساعة ڪاعد كدامك
ليش ماسويتلي لفة
لـهيب : اشش صوتك مزعج
من الصبح
عابت لهلبچم
صار يسويلها لفات ويحَط ڪدامها وهي تأكلهن وهي مغمضة عيونها رجعت للكرسي
اباوعلـة واهز
برجلي اندار الية يباوع ؏َ رجلية رفع عيونة لعيوني ڪال :- لا تهزين رجلج !
مارديت عليه وماهتميت ماتوقفت عن الحركة
ماحس إلى حط أيدة
؏َ فخذي قوي غرس أصابيعة بي عدلت ڪعدتي بوجعي عضيت شفتي
ڪاتمة صوتي لا ينتبهه عليه أحد
باوعت ؏َ بتال شوية وجهه يطب بالماعون
ونوران مغمضة الحَمدُللّٰـه محد
انتبه حطيت أيدي ؏َ أيدة حاولت أبعدها
عصر فخذي بيدة قوي
توجعت ڪلت بخفوت :- ل..لهيب إيدك
حَول أنظارة عليـه باوع ؏َ وجهي وأيدة ڪل ما إلها تضغط أكثر ؏َ فخذي
دگ تلفونة گح وبعَد ايدة عني
أبتعد يخابر بعيد عَنــة أشر لـ بتال بأيدة وهو راساً ڪام وراة
وراها لبسو وطلعـو مَــادري وين
ماصار أي حَديث بيني وبينـة ڪاعدة أگلب يم نوران ولازمة رأسي قوي
صوت الكوريين مالتها ثولني مَــادري شلون يحجون
أنسام : شعاجبج بيهم؟
نوران :- خوش يمثلون وعدهم
حَلوين ، هاي هيَ أتخذت قرار راح اتزوج
واحـد ڪوري مثل هذا العفريت
صفگت أيدها ڪانها تذكرت شي
ڪعدت ؏َ رگبها ڪدامي ڪالت والحماس واضح عليها
نوران : اووو باعييي ميصيرر
اتزوج قابض الأرواح ! ويحبني وإني أحبة
فتحت عيوني ؏َ وسعهن
أنسام : هييييو هيووو صددك
تحجين غسلو عقلج غسل أنو قابض الأرواح
طاحظ تفكير ترا كُله
جذب
عضت شفتها هزت رأسها بـ أيجاب
ڪالت
نوران :- صحيح أصلاً محلو تتزوجين
عزرائيل راح
أتزوج العفريت حتى ڪل ما أموت يضل يحبني وينتظرني انولد من جديد
ردت أكوم الها ماحس الى صوت الباب
ندگ هي طَفرت
؏َ القنفة صاحت بصوت عالي
نوران : ييييُمممه اجانا عمي
بلعت ريگي سحبت الشال رحت فَتحت الباب بتردد مديت رأسي جَان مجموعة
من النسوان ڪبار بالعُمر واكفات ڪدامي
رحَبت بيهن وفتحت الباب
دخَلن للبيت من رجعت جَانت نوران ماكـو
طفرت هيَ وتلفــون
ڪعدن يسولفن يجيبنها منا ويودنها
منـا واني أستمع
الـهن لحَد ما وحَدة بيهن ڪالت
- يـمه أنـتِ تعرفين منو ماخذة ؟
عگدت حواجبي بأستغراب
أنسام : قصدج ؏َ زوجي ؟
هزت رأسها بـ أي
- يُمه مَــادري شموازيج
وماخذتلج هيج واحد تمشون سوة بگد أبوج جنه
زفرت نــفس بضجر ڪلت
أنسام : إني أحبة مايهمني شكلة
ڪالت وحده ثانية
- تراه قاسي وگـلبة حجارة
أيدتها ذيج وڪالت
- أي يمـة اللّٰـه يساعدج شلون متحملته !!
فتحت عيوني ؏َ وسعهن ضحكت بأستهزاء
ڪلت
أنسام : خالـة صدك تحجين ؟
جاية لـ بيتي وتحجين ؏َ رجـلي ڪدامي ؟
شتنتظرين مني ؟
بس إني اعرف منو دازج لو سمحتو تفضلو برة أني الناس إلي تحجَي ؏َ رجلي
ماتشرف بيها بيتي
حجيتها وإني أشر ؏َ الباي ڪامن وهنه
يحجن علية
طلعن وجوهن مايگصه الطبر ڪلت
أنسام : ؏َ ڪولة أبو چگليته صخونة التصخنجن أي والله ..
رحت صعدت ؏َ درج
بسرعـة فتحت الباب جانت تباوع بي سحبتـه
من أيدها
دكيت ؏َ لهيب مرة مرتين يلا رَد
أجاني صوتـة
- الو
بدون مُقدمات بديت أسولف ڪِلشي من أول مادخلن ولحَد ماطلعـن جان هادئ
وساكت ماعلق شي من حجيتله
أسمعة يسحب نَفس من الجگارة
ڪال
لـهيب : بَعد ڪلامهن عليـه
شتحسين ؟
أنسام : ياا لهيب مبين هاي مُهرة
دازتهن حتى
تشوف شكد إني ذكية ولگفتها وطردتهن
لهيب : نشطة بنيتي نشطة
أبتسمت وعضيت شفتي
رجع ڪال من جَديد
لـهيب : شتحسين الية
من سمعتي ڪلامهن عني ؟
صفنت أفكر سحبت نَــفس
ڪلت بهدوء
أنــسام :- بعــدني أحبك ..
- حَجو عنك هواي وصفوك بشين
متڪبر عنيد وفوگهن قاسي
مايدرون أحبن ڪل هذني الـ بيك
ماتخلص بعَد حطيتك برأسي ...
يتبع ..
الحكــاية تستمر إلى إحداث أخرى
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆